Sam Page ပါဝင်သော ဇာတ်ကားများ

Homestead: The Series (2025) S1 +++++++++++++ အပိုင်း ( ၁ မှ ၈ ) အထိ စ / ဆုံး ၂၀၂၅ ခုနှစ်မှာ တော်တော်လေး လူပြောများခဲ့တဲ့ Homestead Series က Angel Studios ကနေ ထုတ်လုပ်ထားတာဖြစ်ပြီး ၂၀၂၄ မှာထွက်တဲ့ ရုပ်ရှင်ရဲ့အဆက် အပိုင်းသစ်တွေကို ၂၀၂၅ ထဲမှာ တစ်ပိုင်းချင်းစီ ဆက်တင်ပေးနေတာပါ။ Post-Apocalyptic (ကမ္ဘာပျက်ကပ်ဘေးအလွန်) ဇာတ်လမ်းမျိုး ကြိုက်တဲ့သူတွေအတွက်တော့ လုံးဝအကြိုက်ဖြစ်မှာပါ။ ဇာတ်လမ်းက အမေရိကန်နိုင်ငံ၊ လော့စ်အိန်ဂျလိစ်မြို့မှာ နျူကလီးယားဗုံး ပေါက်ကွဲသွားပြီးတဲ့နောက် တစ်နိုင်ငံလုံး လျှပ်စစ်မီးတွေပြတ်၊ ဆက်သွယ်ရေးတွေပြတ်တောက်ပြီး ပရမ်းပတာဖြစ်သွားတဲ့ အခြေအနေကို အခြေခံထားတာပါ။ Ian Ross ဆိုတဲ့ သူဌေးကြီးတစ်ယောက်က အမြော်အမြင်ရှိတော့ ဒီလိုဖြစ်လာမယ်ဆိုတာကို ကြိုတင်ပြင်ဆင်ထားပြီးသားပါ။ သူက ကျောက်တောင်တန်းတွေပေါ်မှာ "Homestead" လို့ခေါ်တဲ့ ကိုယ်ပိုင်အိမ်ရာဝင်းကြီးတစ်ခု တည်ဆောက်ထားပြီး အစားအစာ၊ လက်နက်နဲ့ လုံခြုံရေးတွေကို အပြည့်အစုံ စုဆောင်းထားပါတယ်။ ဒါပေမဲ့ ပြဿနာက Ian ကိုယ်တိုင် သေနတ်ဒဏ်ရာနဲ့ ကိုမာ (Coma) ဖြစ်သွားတဲ့အချိန်မှာ စတာပါပဲ။ သူ့ဇနီးဖြစ်သူ Jenna က ဒီအိမ်ရာဝင်းကြီးကို ဆက်ထိန်းသိမ်းဖို့ ကြိုးစားရပါတယ်။ အပြင်မှာ ငတ်မွတ်နေတဲ့ ဒုက္ခသည်တွေကို အထဲပေးဝင်မလား..... ဒါမှမဟုတ် ကိုယ့်လူတွေအတွက်ပဲ ကိုယ်ကြည့်မလားဆိုတဲ့ ကိုယ်ကျင့်တရားပိုင်းဆိုင်ရာ ဆုံးဖြတ်ချက်တွေကို ခက်ခက်ခဲခဲ ချမှတ်ရပါတယ်။ တစ်ဖက်မှာလည်း အစိုးရဟောင်းက အရာရှိတွေနဲ့ လူမိုက်ဂိုဏ်းတွေက ဒီ Homestead ထဲက ရိက္ခာတွေကို လုယူဖို့ ချောင်းနေကြပါတယ်။ အိမ်ရာဝင်းကို ကာကွယ်ဖို့အတွက် စစ်တပ်က အထူးတပ်ဖွဲ့ဝင်ဟောင်းတွေကို ငှားထားတာကြောင့် တိုက်ခိုက်ရေးခန်းတွေက တော်တော်လေး ကြမ်းပါတယ်။ လုံခြုံရေးခေါင်းဆောင် Jeff ရဲ့ သမီးလေးက အနာဂတ်မှာ ဖြစ်လာမယ့် အကြမ်းဖက်မှုတွေကို ကြိုမြင်နေရတာက ဇာတ်လမ်းကို ပိုပြီး နက်နဲစေပါတယ်။ တခြားကမ္ဘာပျက်ကားတွေလိုမျိုး လူသားတွေ အချင်းချင်း သတ်ဖြတ်တာထက် "ဘယ်လို စုပေါင်းပြီး ပြန်လည်ထူထောင်မလဲ" ဆိုတဲ့ အပြုသဘောဆောင်တဲ့ အမြင်ကိုလည်း ထည့်သွင်းပြထားပါတယ်။ ဒီကားက "The Last of Us" လိုမျိုး ကပ်ဘေးအလွန် ရှင်သန်ရတဲ့ ဇာတ်လမ်းတွေကိုမှ "မိသားစု" နဲ့ "လူ့အသိုင်းအဝိုင်း" ဆိုတဲ့ အဓိပ္ပာယ်ကို ပိုပြီးအလေးပေးထားတာပါ။ အခုလက်ရှိ Season 1 အကုန်လုံး ထွက်ပြီးသလောက်ရှိနေပြီဆိုတော့ တန်းစီကြည့်လို့ရနေပြီနော်။ Size – 521MB / 284MB Quality – WEB-DL 1080p HEVC / 720p Episodes -  8 Eps Duration -  52m Subtitle – Myanmar Hardsub Format – mkv / mp4 Genre :  Action , Drama , Thriller

Cherry lane ဆိုတဲ့ရပ်ကွက်လေးထဲနေထိုင်တဲ့သူတွေဟာ အချင်းချင်းတစ်ယောက်ကိုတစ်ယောက် လိုအပ်တာကူညီဖြည့်ဆည်းပြီး အေးချမ်းကြင်နာစွာနေထိုင်ကြပါတယ် အဲ့ရပ်ကွက်မှာမှ အမှတ်7 အိမ်မှာနေခဲ့တဲ့ မိသားစု3ခုရဲ့ ခရစ္စမတ်ကာလမှာကြုံတွေ့ရတဲ့ ပြောင်းလဲမှုအတွေ့အကြုံတွေအကြောင်းရိုက်ကူးထားတာပါ 1966 ခုနှစ် ခရစ္စမတ်အကြိုနေ့မှာ စတက်ဖန်နီဆိုတဲ့ကောင်မလေးက "တွမ်မီဆန်ဒါစ်ရဲ့ နေအိမ်တွေကိုသွားရောက်ပြီး ခရစ္စမတ်အကြိုနေ့အထူးထုတ်လွှင့်မှု"အတွက် လျှောက်လွှာတင်ထားရာကနေ သူမရဲ့အိမ်မှာလာရောက်ရိုက်ကူးဖို့အရွေးခံလိုက်ရတာပါ ပြဿနာက သူမရဲ့ကိုယ်ပိုင်လိပ်စာကိုမပေးဘဲ အမှတ်7လိပ်စာကိုပေးခဲ့တာကြောင့် ရိုက်ကူးရေးကိုခွင့်ပြုပေးဖို့ အမှတ်7အိမ်ပိုင်ရှင်ဒေးဗစ်ကို အကူအညီတောင်းရာကနေဖူးစာဆုံသွားပါတယ် 1981မှာတော့ အမှတ်7အိမ်ပိုင်ရှင်က ဂျွန်နဲ့လစ်ဇီဆိုတဲ့လင်မယားဖြစ်လာပါတယ် သူတို့မိသားစုကလည်း ချယ်ရီလမ်းရပ်ကွက်လေးမှာပျော်နေကြပေမဲ့ ဂျွန်ရဲ့အလုပ်အသစ်ကြောင့် တစ်နယ်တကျေးကိုပြောင်းဖို့ဖြစ်လာတာကြောင့် ချယ်ရီလမ်းမှာ နောက်ဆုံးခရစ္စမတ်အကြိုကိုကျင်းပရပါတော့တယ် 2000ပြည့်နှစ်မှာတော့ အိမ်နံပါတ်7ကို ရီဘက်ကာဆိုတဲ့ကောင်မလေးကပြောင်းလာပါတယ် သူမရဲ့သူငယ်ချင်း"မက်ထ်"လည်းပါလာပြီး ခရစ္စမတ်အကြိုနေ့မှာ အိမ်နီးချင်းတွေကိုမုန့်တွေလိုက်ဝေရင်း ခံစားချက်တွေက သူငယ်ချင်းထက်ပိုလာတာကို နှစ်ယောက်စလုံးသိလိုက်ရပါတယ် ဒီအိမ်နဲ့ပက်သက်ပြီး ဒီမိသားစုသုံးခုကဘယ်လိုပက်သက်နေမလဲ..... ဒီတစ်ကားလုံးမှာ ချစ်ခြင်းမေတ္တာတွေ အကြင်နာတရားတွေအပြည့်နဲ့ကြည့်ရှုရမှာဖြစ်ပြီး ခရစ္စမတ်မရောက်ခင် ခရစ္စမတ်အငွေ့အသက်တွေကို ကြိုတင်ရင်ခုန်ခံစားနိုင်မှာပါ File size…(1.5 GB)/(742 MB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

Grace Miller ဟာ လူသတ်မှုတွေအကြောင်း အသေးစိတ် ရေးသားနိုင်လို့ စာဖတ်သူတွေ နှစ်သက်ကြတဲ့ နာမည်ကြီး မှုခင်းဝတ္ထုစာရေးဆရာမတစ်ယောက်ပါ။ သူ့ညီမ Kathleen ကတော့ အိမ်ထောင်ရေးပြဿနာတွေနဲ့ ရုန်းကန်နေရပြီး ဆေးစွဲတဲ့အထိ ဖြစ်နေပါတယ်။ တစ်နေ့မှာ Kathleen က ဖုန်းဆက်ခေါ်လာတာကြောင့် Grace က ညီမဆီ အပြေးအလွှား သွားတွေ့တယ်။ နောက်တစ်ရက်မှာတော့ ညီမရဲ့ အိမ်နီးချင်းအမျိုးသားတစ်ယောက်နဲ့ ချိန်းပြီး ညစာထွက်စားဖြစ်ကြပါတယ်။ ဒိတ်က အဆင်ပြေပြေ ပြီးဆုံးသွားပေမယ့် အိမ်ပြန်ရောက်တဲ့အခါ Grace ဘာကို ရင်ဆိုင်တွေ့လိုက်ရမလဲဆိုတဲ့နေရာကနေ ဇာတ်လမ်းကို ဆက်ထားပါတယ်။ Nora Roberts ရဲ့ မှုခင်းနဲ့ လျှို့ဝှက်ဆန်းကြယ်ဝတ္ထု Brazen Virtue ကို အခြေခံရိုက်ကူးထားတဲ့ Netflix ဇာတ်ကားပါ။ Grace Miller အဖြစ် Alyssa Milano က သရုပ်ဆောင်ထားပြီး Sam Page လည်း ပါဝင်ထားပါတယ်။

Disney က အသစ်ထွက်ရှိထားတဲ့ Action,Adventure,Comedy ဇာတ်ကားလေးကို တင်ဆက်ပေးချင်ပါတယ်။ ဆမ်ဆိုတဲ့ ဆယ်ကျော်သက်ကောင်မလေးဟာ အလီရီယာတိုင်းပြည်ရဲ့ တော်ဝင်မျိုးဆက် ဒုတိယသမီးဖြစ်သူပါ။ သူ့အစ်မ အယ်လီနောက နန်းမွေဆက်ခံရမယ့်သူပီပီ မင်းသမီးပီသ အဘက်ဘက်ကပြီးပြည့်စုံသလောက် ဆမ်ကတော့ ဘုရင်စနစ်ကိုပုန်ကန် တော်ဝင်ထုံးတမ်းတွေကို ငြီးငွေ့မုန်းတီးနေတဲ့ ပုန်ကန်ချင်တဲ့ဆယ်ကျော်သက်လေးတစ်ယောက်ဖြစ်နေပါတယ်။ သူ့မှာ မိုက်ခ်ဆိုတဲ့ အချစ်ဆုံးသူငယ်ချင်းကောင်လေးတစ်ယောက်ရှိပြီး ပူးတွဲဂီတအဖွဲ့လေးကို တည်ထောင်ထားကြတယ်။ တစ်နေ့တော့ ကလပ်မှာလုပ်တဲ့ ဖျော်ဖြေရေးပွဲတစ်ခုကို ခိုးသွားကြရင်း စာမေးပွဲလွတ်သွားတာကို သူ့အမေ သိသွားတဲ့နောက် အဲ့ဒီစာမေးပွဲအတွက် ဆမ်ဟာ ကျောင်းပိတ်ရက်မှာ နွေရာသီသင်တန်းကိုတက်ဖို့ဖြစ်လာပါတော့တယ်။ တကယ်တမ်း အဲ့ဒီနွေရာသီသင်တန်းဟာ ဆမ်တို့လို တော်ဝင်မျိုးဆက်ရဲ့ ဒုတိယရင်သွေးတွေကို လျှို့ဝှက်လေ့ကျင့်ပေးနေတဲ့ အစီအစဉ် တစ်ခုဖြစ်ပါတယ်။ ပထမမွေးချင်းသားသမီးတွေဟာ ထီးနန်းအရိုက်အရာကိုဆက်ခံ တိုင်းပြည်ကို အုပ်ချုပ်ရပြီး ဒုတိယမွေးချင်းသားသမီးတွေကတော့ ထူးခြားတဲ့ လူသာမန်ထက်သာလွန်တဲ့အစွမ်းတွေရှိကြပြီး အဲ့ဒီအစွမ်းတွေကို အသုံးချ သူတို့တိုင်းပြည်တွေ ကမ္ဘာကြီးကို အန္တရာယ်ပြုမယ့် ရာဇဝတ်ကောင်တွေရန်က ကာကွယ်ကြရတယ်ဆိုတာကို ဆမ်သိလိုက်ရတဲ့အခါမှာတော့..။ ဒစ်စနေကားပီပီ ဆယ်ကျော်သက်လူငယ်လေးတွေရင်ဆိုင်ရမယ့် ဘဝအလှည့်အပြောင်း၊ မိသားစု ပတ်ဝန်းကျင် အရွယ်ရောက်ချိန်မှာကြုံဆုံရတတ်တဲ့ ပြဿနာလေးတွေကို မီးမောင်းထိုးပြပြီး ပါဝါတွေ ကိရိယာအဆန်းတွေနဲ့ စိတ်ဝင်စားစရာကောင်းအောင် တင်ဆက်ထားတဲ့ ပေါ့ပေါ့ပါးပါး ချစ်စရာဇာတ်ကားလေးတစ်ကားဖြစ်ပါတယ်။ File size…(1.8 GB) and (1 GB) Quality….BluRay 1080p and 720p Format…mp4 Duration….01:40:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

အိမ်ခြံမြေသူဌေးကြီး ဒေမီယန်ဟေးလ်ဟာ ငွေကြေးအလွန်ချမ်းသာပေမယ့် ကင်ဆာနောက်ဆုံးအဆင့် ရောက်နေပြီး နောက်ထပ်ခြောက်လတောင် အသက်ရှင်ဖို့ မရှိတော့ပါဘူး။ အဲဒီအချိန်မှာ သူ့အသိစိတ်ကို တခြားခန္ဓာကိုယ်တစ်ခုထဲ ပြောင်းထည့်ပြီး ဆက်အသက်ရှင်နိုင်မယ်ဆိုတဲ့ «အရေခွံလဲခြင်း» အစီအစဉ်ကို လက်ခံလိုက်ပါတယ်။ ဒီလိုနဲ့ အက်ဒ်ဝပ်ကစ်ဒ်နာဆိုတဲ့ နာမည်အသစ်ကိုယူပြီး ဘဝအသစ်မှာ ပျော်ပျော်ရွှင်ရွှင် နေထိုင်လာတယ်။ ဒါပေမယ့် ထင်ယောင်ထင်မှားဖြစ်မှုတွေကနေတစ်ဆင့် သူယူထားတဲ့ခန္ဓာကိုယ်ဟာ ဓာတ်ခွဲခန်းမှာ ဖန်တီးထားတာမဟုတ်ဘဲ တကယ့်လူတစ်ယောက်ရဲ့ ခန္ဓာကိုယ်ဖြစ်နေမှန်း သိလာရပါတယ်။ အဲဒီနောက် ဖုံးကွယ်ထားတဲ့အကြောင်းတွေကို လိုက်စုံစမ်းရင်း ဘယ်လိုအန္တရာယ်တွေ ရင်ဆိုင်ရမလဲဆိုတာကို ဆက်ပြထားတယ်။ Ryan Reynolds ပါဝင်သရုပ်ဆောင်ထားတဲ့ ၂၀၁၅ ခုနှစ်ထွက် သိပ္ပံစိတ်ကူးယဉ် အက်ရှင်ဇာတ်ကားပါ။