Sam Waterston ပါဝင်သော ဇာတ်ကားများ

RT - 53% ဒုတိယကမ္ဘာစစ်နောက်ခံ ဖြစ်ရပ်မှန် ဇာတ်ကားသစ်တစ်ခုဖြစ်ပါတယ်။ လူမည်းနီဂရိုးတွေကို အစဉ်အလာနှိမ်တတ်တဲ့ အမေရိကန် ပြည်ထောင်စု၊ အမျိုးသမီးများကို ဖိနှိပ်ထားချင်တဲ့ အမေရိကန် ပြည်ထောင်စုမှာ လူမည်းအမျိုးသမီးချည်းပါတဲ့ တပ်ရင်းတစ်ရင်းဖြစ်လာဖို့ဆိုတာ အတော်ခက်ခဲတဲ့ကိစ္စဖြစ်ပါတယ်။ ဖြစ်လာပြီးရင်တောင်မှ တာဝန်ပေးခံရဖို့ဆိုတာ ပိုပြီးခက်ခဲပါတယ်။ ဒါကိုမှ သူများမလုပ်နိုင်တဲ့ တာဝန်ကို အောင်မြင်အောင်ထမ်းဆောင်နိုင်ခဲ့တဲ့ အမှတ် ၆၈၈၈ နီဂရိုးအမျိုးသမီးတပ်ရင်းအကြောင်းဖြစ်ပါတယ်။ ဇာတ်လမ်းအကျဉ်း ဒုတိယကမ္ဘာစစ်ကြီး ဖြစ်ပွားနေချိန်မှာ အမေရိကန်စစ်သည်တွေအပြင် အမေရိကန်ပြည်သူတွေမှာပါ ရန်သူတစ်မျိုးနဲ့ ရင်ဆိုင်နေရပါတယ်။ အဲဒါကတော့ စစ်မြေပြင်ကနေ အိမ်ကို စာအဆက်အသွယ်လုပ်လို့မရသလို အိမ်ကနေလဲ စစ်မြေပြင်ဆီကို ဆက်သွယ်မရပါဘူး။ အဆက်အသွယ်မရလေ အိမ်က မိသားစုဝင်များက စိတ်ပူလေ...စစ်ဌာနချုပ်ကို စောဒကတွေတက်လေ၊ စစ်ဌာနချုပ်မှာလည်း စစ်ရေးရည်မှန်းချက်တွေရှိလေတော့ မဖြည့်ဆည်းပေးနိုင်၊ နောက်ဆုံး သမ္မတကတော်နားပေါက်ကြားသွားလေမှ သမ္မတကပါ ဖိအားပေးတောင်းဆိုရပါတော့တယ်။ ဒီအခါ နီဂရိုး အမျိုးသမီးတပ်ဖွဲ့ကို ဘယ်သူမှ မအောင်မြင်ခဲ့တဲ့ ဒီ ‌စာဝေရေးတာဝန်ကို ပေးအပ်ခဲ့ပါတယ်။ ဘယ်လိုမှ မအောင်မြင်နိုင်ဘူးဆိုတဲ့ အတွေးနဲ့ ပေးအပ်ကြတာဖြစ်ပြီး လေယာဉ်ရုံကြီးတွေနဲ့ အပြည့် စာ‌အစောင်ပေါင်း ၁၇သန်းကို ခြောက်လအတွင်း နီဂရိုးအမျိုးသမီးတပ်ရင်းဟာ အခက်အခဲတွေကြားက အောင်မြင်အောင် ဘယ်လိုဆောင်ရွက်ကြမလဲ ရှုစားရမှာပါ။ Kerry Washington, Ebony Obsidian, Shanice Williams တို့က အဓိက ဇာတ်ဆောင်တွေအဖြစ်ပါဝင်ထားပြီး Director ကတော့Tyler Perry ဖြစ်ပါတယ်။ လောလောဆယ် Hollywood Music in Media Awards မှာ တေးဂီတဆု၊Critics choice award Celebration of Cinema and TV မှာ ဒါရိုက်တာ ဆု၊ African American Film Critics Association မှာ Beacon award စပြီး ဆုသုံးဆုရထားပြီး Nominees ၅ဆု ဝင်ထားပါတယ်။ File Size :  4.2 GB, 1.5 GB, 858 MB Quality : WEB-DL HEVC 4K / 1080p / 720p Running Time : 2hr 7min Format : Mkv and Mp4 Genre : Drama, History, War Subtitle : Myanmar Subtitle (Hard Sub) Translated by : T Lone Encode by : Thit San Khant

အယ်လီဇဘတ် ဆလွန်းဟာ အောင်မြင်တဲ့ မဲဆွယ်သူတစ်ယောက်ဖြစ်ပြီး အလုပ်ကို အလွန်အလေးထားသူပါ။ စိတ်ဓာတ်မာကြောသလို ကိုယ်အောင်မြင်ဖို့ဆို ဘယ်သူ့ကိုမှ မငဲ့ညှာတတ်တာကြောင့် နိုင်ငံရေးနယ်ပယ်မှာ သူ့ကို မုန်းတီးသူတွေလည်း မနည်းပါဘူး။ သေနတ်ပစ်ခတ်မှုတွေကို တားဆီးဖို့ သေနတ်ဝယ်ယူခွင့်ကို ထိန်းချုပ်သင့်တယ်လို့ လူအများ ယူဆနေချိန်မှာ ဝယ်သူရဲ့ နောက်ခံအချက်အလက်ကို စိစစ်ပြီး မှတ်တမ်းတင်ထားဖို့ ဥပဒေတစ်ရပ်ကို အမေရိကန်လွှတ်တော်ဆီ တင်သွင်းလာပါတယ်။ ဆလွန်းက အဲဒီဥပဒေကို ထောက်ခံမဲရအောင် မဲဆွယ်ပေးဖို့ တာဝန်ယူလိုက်တယ်။ ဒါပေမဲ့ ဥပဒေကို ဆန့်ကျင်သူတွေက ဆလွန်းရဲ့ ကိုယ်ရေးကိုယ်တာအချက်အလက်တွေကိုပါ အသုံးချပြီး တိုက်ခိုက်လာကြပါတယ်။ ထက်မြက်တဲ့ ဆလွန်းဟာ ဒီတိုက်ခိုက်မှုတွေကို ဘယ်လိုလှည့်ကွက်တွေနဲ့ ပြန်ကိုင်တွယ်မလဲဆိုတာ ဆက်ကြည့်ရမှာပါ။

ဗယ်ဗလီဆပ်ဖင်း ဆိုတဲ့ အိမ်​ထောင်ရှင် အမျိုးသမီး၊ ​ယောက်ျားအတွက်​ရော သားသမီးဘအတွက်​ရော တာဝန်​ကျေပွန်တဲ့ အမျိုးသမီး တ​ယောက် သူ့မိသားစု က​တောင် မသိတဲ့ သူရဲ့စိတ်​နေစိတ်ထား တခြားတဘက်မှာ​တော့ သူက ​ကြောက်စရာ​သွေး​​အေး​အေး စိတ်​တဇ လူတ​ယောက်ဖြစ်​နေ​သောအခါ .... ၁၉၉၄ ခုနှစ်က ထွက်ရှိထားပြီး ယခုအချိန်ထိ ​ပြော​နေကြရတဲ့ classic ဇာတ်ကားဖြစ်ပါတယ် ဇာတ်ကားတခုလုံး တရှိန်ထိုးကြည့်ရှုရမှာမို့လို့ ဒီလိုဇာတ်ကား​တွေ ကြိုက်နှစ်သက်တဲ့သူ ​​တွေ လက်မလွတ်သင့်တဲ့ကားပါ က​လေးငယ်​တွေ၊နှလုံးမ​ကောင်းတဲ့သူ​တွေ အတွက် မသင့်​တော်တဲ့ ​သွေးထွက်သံယို အခန်း​တွေ ပါဝင်တာကို​တော့ သတိ​ပေးချင်ပါတယ် File size…(1.8 GB)/(1 GB) Quality….Blu-Ray 1080p / 720p Format…mp4 Duration….01:35:00 Genre... Comedy, Crime, Thriller Subtitle….Myanmar Subtitle (Hardsub) Encoder….Garfield Translated by Dar Dar

၁၉၉၁ ခုနှစ်က ထွက်ရှိခဲ့တဲ့ မင်းသမီး Reese Witherspoon ရဲ့ ပထမဆုံး ပွဲထွက်ရုပ်ရှင်ဖြစ်တဲ့ "The Man in the Moon"ဆိုတဲ့ ဇာတ်ကားလေးကို တင်ဆက်ပေးလိုက်ပါတယ်။ ​ အသက် ၁၄ နှစ်အရွယ် "ဒန်နီ" ဆိုတဲ့ ကောင်မလေးဟာ သူ့ရဲ့အစ်မ "မော်ရင်း" နဲ့ ခင်မင်ရင်းနှီးပေမဲ့ တစ်ခါတစ်လေမှာတော့ အရာရာပြည့်စုံပြီး လှပတဲ့ သူ့အစ်မကို မနာလိုဖြစ်မိတတ်ပါတယ် ။ အဲဒီအချိန်မှာပဲ သူတို့အိမ်နားကို "ကော့တ်ဖော့စတာ" ဆိုတဲ့ အသက် ၁၇ နှစ်အရွယ် ကောင်လေးနဲ့မိသားစုတွေ ပြောင်းရွှေ့လာခဲ့ပါတယ်။ ​ဒန်နီ ဟာ ကော့တ် နဲ့ စတင်ခင်မင်ခဲ့ပြီး အချိန်တွေကုန်ဆုံးလာတာနဲ့အမျှ သူ့ပေါ်မှာ ပထမဆုံးအချစ်အဖြစ် သံယောဇဉ်စတွယ်လာခဲ့ပေမဲ့ ကော့တ်ကတော့ ဒန်နီကို ညီမလေးတစ်ယောက်လိုပဲ သဘောထားခဲ့တာပါ။ နောက်ပိုင်းမှာ အစ်မဖြစ်သူ မော်ရင်း နဲ့ ကော့တ် တို တွေ့ဆုံခဲ့ကြပြီး နှစ်ယောက်သား တစ်ယောက်ကိုတစ်ယောက် ချစ်ကြိုက်သွားကြပါတော့တယ် ဒါကို သိသွားတဲ့ ဒန်နီ ဟာ ရင်ကျိုးရပြီး ဝမ်းနည်းမှုနဲ့အတူ စိတ်ဒဏ်ရာရသွားခဲ့ပါတယ်။ ဒါပေမဲ့ မထင်မှတ်ထားတဲ့ အဖြစ်ဆိုးကြီးတစ်ခု ရုတ်တရက် ဖြစ်ပွားခဲ့ပြီးနောက်မှာတော့ ညီအစ်မနှစ်ယောက်ရဲ့ ဘဝနဲ့ သံယောဇဉ်တွေဟာ ကြီးမားတဲ့ စိန်ခေါ်မှုနဲ့ ရင်ဆိုင်​ကြရတဲ့အခါ.... ​အပျို​ဖော်ဝင်စအရွယ် ပထမဆုံးအချစ်ကို​ခံစားရချိန် ထိရှလွယ်တဲ့ ခံစားချက်နဲ့ ညီအစ်မကြားက သံယောဇဉ်တွေကို ပုံဖော်ရိုက်ကူးထားတဲ့ Drama ကားဖြစ်တာမို့ တစ်ခေါက်တော့ မဖြစ်မနေ ကြည့်သင့်ပါတယ်။

Crimes and Misdemeanors (1989 ) နယူးယောက်ကာမှာ ဘုရားသခင်ကိုရှာဖို့ အလွတ်စုံထောက်ငှားတဲ့အကြောင်း ဝူဒီအယ်လန်က ဝတ္ထုတိုတစ်ပုဒ်ရေးဖူးတယ်။ အဲဒီဇာတ်မှာ စုံထောက်က ဘုရားသခင်ကိုရှာမတွေ့ဘဲ ဘုရားသခင်ကို ဖြစ်တည်မှုပဓာနဝါဒီတစ်ယောက်က သတ်လိုက်ပြီဆိုတာကိုပဲ သိခဲ့ရတယ်။ အင်ဂမာဘာ့ခ်မန်းက ဝူဒီအယ်လန်ကို လွှမ်းမိုးမှုအရှိဆုံး ဒါရိုက်တာလို့ အယ်လန်ကိုယ်တိုင်ပြောခဲ့ဖူးတယ်။ အယ်လန်က ဘာ့ခ်မန်းက သူကြည့်ဖူးသမျှထဲ အကြီးကျယ်ဆုံးရုပ်ရှင်ဖန်တီးသူလို့မြင်ခဲ့တယ်။ ဒါကြောင့်မို့လည်း နေမယ် အယ်လန်ရဲ့တစ်ချို့ရုပ်ရှင်တွေက တစ်ခုခုကို ချပြတာမဟုတ်ဘဲ မေးခွန်းတစ်ခုခုထုတ်နေသလိုဖြစ်နေတာတွေလည်းရှိတယ်။ ဘာ့ခ်မန်းကတော့ အမြဲအဲဒီအလုပ်ကိုပဲ လုပ်ခဲ့တာပါ။ ဘာ့ခ်မန်းဟာ ဘုရားသခင်ကို ရှာတယ်။ ဖြစ်တည်မှုကို ရှာတယ်။ ဒါပေမဲ့ ဘာ့ခ်မန်းက ယုံကြည်သူတစ်ယောက်ရဲ့ ရှာနည်းမျိုးနဲ့ရှာတာ။ အယ်လန်ကတော့ Absurdityနဲ့ Existentialismတို့ဘက် ပိုရောက်တယ်ဆိုတော့ သူက မယုံကြည်သူတစ်ယောက်ရဲ့ ရှာနည်းမျိုးနဲ့ရှာတယ်။ သူ့Idolနဲ့ ဝူဒီအယ်လန်က ဆုံဖူးရင်းနှီးဖူးခဲ့တုန်းကတော့ ဘယ်လိုများအပေါက်အလမ်းတည့်ကြသလဲ မသိဘူးပေါ့။ Crimes and Misdemeanorsက ဝူဒီအယ်လန်ရဲ့ ဘုရားသခင်နဲ့ ဖြစ်တည်မှုကို မေးခွန်းထုတ်တဲ့ရုပ်ရှင်လို့ ပြောရမလားတော့မသိဘူး။ ဒါပေမဲ့ သူရိုက်နေကျအတိုင်း သူ့ပုံစံနဲ့ပဲ မေးခွန်းထုတ်ထားတာပါပဲ။ ဒီရုပ်ရှင်ကို တစ်ချို့ဝေဖန်ရေးသမားတွေကတော့ ဝူဒီအယ်လန်ရဲ့ အကောင်းဆုံးကားလို့‌ ပြောကြတာတွေလည်းရှိတယ်။ ဝူဒီအယ်လန်ရုပ်ရှင်ပီသစွာပဲ ဇာတ်ညွှန်းဆုတော့ မလွတ်ခဲ့တဲ့ရုပ်ရှင်လည်းဟုတ်တယ်။ အကြောင်းအရာကတော့ လူသတ်မှုတစ်ခုအကြောင်းလိုလို၊ စုံထောက်ကားလိုလို ဆန်တယ်။ ဒါကလည်း ဝူဒီအယ်လန်က Comedyအားသန်တဲ့လူပေမဲ့ သူက တခြားလုပ်ကြည့်ချင်တာတွေလည်းရှိတယ်။ သူက ဒရာမာသမားဖြစ်ချင်တာလို့တောင် ပြောတယ်။ ဒရာမာက ပိုခက်တယ်တဲ့။ မူရင်းစိတ်ကူးမှာ သူ ဒရာမာလို Thirllerလို ရိုက်ချင်ပေမဲ့ ထွက်လာမှ တစ်မျိုးဖြစ်သွားတဲ့ကားတွေမနည်းဘူး။ ဒီအလုပ်ကို သူကောင်းကောင်းအောင်မြင်ခဲ့တာတော့ Match Point လို့ ဆိုတယ်။ ဟုတ်လည်းဟုတ်မယ်။ ဒီကားတောင် ဝူဒီအလန်ဆန်သေးပေမဲ့ Match Pointကတော့ ဝူဒီအယ်လန်မဆန်ဆုံးကားဖြစ်ခဲ့တယ်။ ဒီကားမှာ အဓိကဇာတ်ကောင်၂ကောင်ပါတယ်။ အဲဒီဇာတ်ကောင်၂ကောင်က မဆက်စပ်နေသလိုပဲ။ ဇာတ်ကောင်တစ်ကောင်ကို ဘုရားသခင်ကို မေးခွန်းထုတ်ဖို့နဲ့ ပြစ်မှုနဲ့ပြစ်ဒဏ်ကို မေးခွန်းထုတ်ဖို့သုံးထားတယ်။ ဒီဇာတ်ကောင်ကို အယ်လန်က ဒေါ့စတိုယက်စကီးရဲ့ Crime and Punishmentကို မှီးထားတယ်။ ဇာတ်ကားနာမည်ပါ Crimes and Misdemeanors ဖြစ်သွားတယ်ကိုး။ နောက်ဇာတ်ကောင်တစ်ကောင်ကိုကတော့ အချစ်နဲ့ ဖြစ်တည်မှုကို မေးခွန်းထုတ်ဖို့ သုံးထားတယ်။ ပြောရရင် ဇာတ်ကောင်တစ်ကောင်တည်းမှာ သူမေးခွန်းထုတ်ချင်တဲ့အရာ၂ခုလုံး ထည့်လိုက်ရင် မပေါ်လွင်သလို ရှုပ်ထွေးသွားနိုင်တယ်။ ဒါကြောင့် ဒီဇာတ်ကောင်၂ကောင်ကို သီခြားစီခွဲထားတာလို့ ပြောရမယ်။ ဒါပေမဲ့ ဒီတိုင်း၂ပုဒ်မဟုတ်သွားအောင် ဒီဇာတ်ကောင်၂ကောင်ကြားမှာ ကွင်းဆက်ဇာတ်ကောင်တစ်ကောင်သုံးထားတယ်။ စားတာက ဒီမယုံကြည်သူနှစ်ယောက်ကြား ကွင်းဆက်လုပ်ပေးနေတဲ့ အဲဒီဇာတ်ကောင်က ရဟူဒီတရားဟောဆရာ။ ဆိုတော့ ဝူဒီအယ်လန်က သူမေးခွန်းထုတ်ချင်တဲ့အရာတွေကို ဘယ်ပွိုင့်မှာစပြီး ဘယ်ဆုံမှတ်မှာ ဆုံစေပြီး ဘယ်နေရာမှာ အဆုံးသတ်မလဲ ကြည့်ရမယ့်ရုပ်ရှင်လို့ပြောရမှာပဲ။ ဘယ်လောက်ပဲကြီးကျယ်တဲ့ မေးခွန်းတွေရှိရှိ အဆုံးသတ်မှာတော့ ဘာအတွက်ဘယ်လိုဆက်ရှင်သန်မလဲဆိုတဲ့ဆီကို ပြန်သွားကြရမှာပဲ။ ဒီထက်အရေးပါတဲ့မေးခွန်းလည်း မရှိတော့ပါဘူး။ အယ်လန်က ပြောဖူးတယ်။ ကဗျာဆရာတွေ မှန်ကောင်းမှန်လောက်ပါတယ်။ အချစ်က တစ်ခုတည်းသောအဖြေ ဖြစ်ကောင်းဖြစ်နိုင်ပါတယ်တဲ့။ ပျင်းစရာကောင်းတဲ့ စကြဝဠာကြီးမှာ ကျွန်တော်တို့ဘဝတွေကို အဓိပ္ပာယ်ရှိစေတာက ကျွန်တော်တို့အချစ်နဲ့ ကျွန်တော်တို့ရွေးချယ်မှုတွေပဲမို့လား။ ဘယ်လိုပုံစံနဲ့ ချစ်သည်ဖြစ်စေပေါ့။ မိသားစု အလုပ်အကိုင် မျှော်လင့်ချက် ဘာမှမဟုတ်တာလေးတွေပါပဲ။ ဘယ်လောက်ပဲခက်ခဲခက်ခဲ လူသားဟာ ဒီမဆန်းပြားတဲ့အရာလေးတွေကနေ ပျော်ရွှင်မှုကိုရှာဖွေရင်းနဲ့ အသက်ရှင်ပျော်နိုင်ခဲ့တယ်။ File size…  4.86 GB / 1.14 GB Quality… Blu-ray 1080p / 720p Format… mp4 Duration…. 1h 40m Genre ..... Comedy , Drama Subtitle…. Myanmar Subtitle (Hard Sub)

ဒီဇာတ်ကား​က​တော့ ဒါရိုက်တာ Woody Allen ရဲ့ အကောင်းဆုံး လက်ရာတွေထဲက တစ်ခုဖြစ်ပြီး အော်စကာဆု ၃ ဆုအထိ ဆွတ်ခူးထားတဲ့ Comedy / Drama ဇာတ်ကားကောင်း တစ်ကားပဲဖြစ်ပါတယ်။ နယူးယောက်မြို့မှာ နေထိုင်ကြတဲ့ ညီအစ်မသုံး​ယောက်ရဲ့ ရှုပ်ထွေးဆန်းပြားလွန်းတဲ့ ချစ်ခြင်းမေတ္တာ၊ အိမ်ထောင်ရေးနဲ့ ဘဝအဓိပ္ပာယ် ရှာဖွေမှုတွေကို အဓိက ပုံဖော်ထားတာပဲဖြစ်ပါတယ်။ ​"ဟန်နာ" ကတော့ ညီအစ်မ သုံးယောက်ထဲမှာ အအောင်မြင်ဆုံး၊ အတည်ငြိမ်ဆုံးနဲ့ ညီမတွေကို အမြဲကူညီစောင့်ရှောက်တတ်တဲ့သူဖြစ်ပေမဲ့ သူ့ရဲ့ ပြည့်စုံနေတဲ့ ဘဝနောက်ကွယ်မှာ တခြားသူတွေ မမြင်နိုင်တဲ့ ဟာကွက်တွေ ရှိနေ​ပြန်ပါတယ်။ ​"လီ" ကတော့ အနုပညာဓာတ်ခံရှိပြီး ရုပ်ရည်ချောမောပေမဲ့ ကိုယ့်ကိုယ်ကို ယုံကြည်မှုမရှိသူတစ်ယောက်ပါ သူ့ထက် အသက်ကြီးတဲ့ ပန်းချီဆရာတစ်ယောက်နဲ့ တွဲနေပေမဲ့၊ မမျှော်လင့်ဘဲ အစ်မဖြစ်သူ ဟန်နာရဲ့ယောကျာ်းက သူ့ကို တိတ်တခိုး ချစ်မိနေခဲ့တာပါ။ "ဟောလီ"ဆိုတဲ့သူကတော့ သရုပ်ဆောင်၊ စာရေးဆရာ၊ စီးပွားရေးလုပ်ငန်းတွေကို ဘဝမှာ အမြဲတမ်း တစ်ခုမဟုတ်တစ်ခု စိတ်ပါတာကို လိုက်လုပ်နေတတ်ပြီး စိတ်ကူးယဉ်ဆန်သူတစ်ယောက်ပဲ ဖြစ်ပါတယ်။ ​ညီအစ်မသုံးယောက်ရဲ့ ဘဝတွေကို (ကျေးဇူးတော်နေ့) ဧည့်ခံပွဲသုံးခုကို အခြေခံပြီး အချိန်ခဏလေးအတွင်းမှာ ဘယ်လိုအလှည့်အပြောင်းတွေက ပြောင်းလဲရိုက်ခတ်သွားမလဲ..... အိမ်ထောင်ရေး ဖောက်ပြန်မှု၊ သဝန်တိုမှုတွေကြားထဲက ညီအစ်မသံယောဇဉ်နဲ့ ဘဝရဲ့အဓိပ္ပာယ်ကို ဘယ်လို ပြန်လည်ရှာဖွေတွေ့ရှိသွားမလဲဆိုတာကို ကြည့်ရှုခံစားရမှာပဲ ဖြစ်ပါတယ်

The Killing Fields (1984) IMDb Rating (7.8) / Rotten Tomatoes (93%) ဒီဇာတ်ကားလေးကတော့ 1984 ခုနှစ်မှာ ထွက်ရှိခဲ့တဲ့ သတင်းထောက် Sydney Schanberg ရဲ့ ကမ္ဘောဒီးယားနိုင်ငံမှာ ကြုံတွေ့ခဲ့ရတဲ့ စစ်ပွဲတွေအကြောင်း ဖြစ်ရပ်မှန်ကို ပြန်လည်ရိုက်ကူးထားတဲ့ ဇာတ်ကားလေးဖြစ်ပါတယ်။ IMDb rating 7.8 အထိရရှိထားပြီး 1985 Oscar ဆုပေးပွဲမှာလည်း ဆု သုံးဆုအထိရရှိခဲ့သလို ဆုတွေအများကြီး ပတ်သိမ်းခဲ့တဲ့ ဇာတ်ကားဆိုလည်း မမှားပါဘူး။ မင်းသားကြီး Sam Waterston နဲ့အတူ ကမ္ဘောဒီးယား သရုပ်ဆောင် Dr Haing S. Ngor တို့ အဓိက ပါဝင်ထားပြီးတော့ ဒါရိုက်တာ Roland Joffé ဖြစ်ပါတယ်။ ဇာတ်လမ်းအကျဉ်း 1970 ပြည့်နှစ်အလွန်ကာလများအတွင်း ကမ္ဘောဒီးယား ပြည်တွင်းစစ်ကာလတွင် The NewYork Times သတင်းထောက်ဖြစ်သူ Sydney Schanberg ဟာ ဒေသခံ သတင်းထောက်ဖြစ်သူ Dith Pran နဲ့အတူ စစ်ပွဲ၏ ကြောက်မက်ဖွယ်ရာများ ကြေကွဲဖွယ်ရာ များကို သတင်းယူနေခဲ့ပါတယ်။ အကြောင်းအမျိုးမျိုးကြောင့် 1975 ခုနှစ် အရောက်မှာတော့ အမေရိကန်တပ်ဖွဲ့များ ဆုတ်ခွါခဲ့ရတဲ့အခါ Dith Pran က မိသားစုကို လုံခြုံရာကို ပို့ပြီးတော့ Schanberg နဲ့ အတူ ကျန်နေခဲ့ပါတယ်။ သို့သော် ခမာနီတပ်တွေ ဖနွမ်းပင်မြို့ထဲကို ဝင်ရောက်လာတဲ့အခါ Schanberg မှာ ထွက်ခွါခွင့်ရသော်လည်း Dith Pran ဟာ ခမာနီများထံမှာ ဖမ်းဆီးခံခဲ့ရပါတယ်။ Schanberg လည်း အမေရိကန်ကို ပြန်ရောက်ပြီးတဲ့နောက်မှာ Dith Pran ကို မနားမနေ ရှာဖွေခဲ့ရင်း နောက်ဆုံးမှာ သူတို့မိတ်ဆွေနှစ်ယောက် တစ်ယောက်ကိုတစ်ယောက်ပြန်တွေ့သွားမလားဆိုတာ စောင့်ကြည့်ရမယ့် ဇာတ်လမ်းကောင်းလေးဖြစ်ပါတယ်။ (အညွှန်းနဲ့ဘာသာပြန်ကတော့ Nay ဖြစ်ပါတယ်။) File size… (3.2 GB) / (1.5 GB) Quality…. Blu-Ray 1080p HEVC / 720p Format…. mkv/mp4 Genre…. Biography, Drama, History, War Duration…. 02:22:15 Subtitle…. Myanmar Subtitle (Hardsub) Encoder…. Benjamin Translated by Nay