Samuel Finzi ပါဝင်သော ဇာတ်ကားများ

ဒီတစ်ခါတော့ Netflix ကနေ ပူပူနွေးနွေး ထွက်ထားတဲ့ German Spy Thriller စီးရီးသစ်လေးတင်ပေးထားပါတယ်။ Spy ကား၊ Action ကား ကြိုက်တဲ့သူတွေအတွက်တော့ အတော်လေး ကြည့်လို့ကောင်းမယ့် စီးရီးတစ်ခုပါပဲ။ ဇာတ်လမ်းအကျဉ်း ဇာတ်လမ်းက Simon နဲ့ Meret ဆိုတဲ့ လင်မယားနှစ်ယောက်အကြောင်းပါ။ သူတို့က အပြင်ပန်းကြည့်ရင်တော့ ဘာလင်မြို့မှာ သမီးလေး Nina နဲ့အတူ အေးအေးဆေးဆေး နေထိုင်နေကြတဲ့ မိသားစုလေးပေါ့။ တကယ်တမ်းကျတော့ သူတို့နှစ်ယောက်လုံးက BND လို့ခေါ်တဲ့ ဂျာမန်ထောက်လှမ်းရေးအဖွဲ့က အေးဂျင့်ဟောင်းတွေပါ။ သူတို့အလုပ်က Safe House လို့ခေါ်တဲ့ လျှို့ဝှက်ရိပ်သာတစ်ခုကို ဦးစီးပြီး ဒုက္ခရောက်နေတဲ့ သူလျှိုတွေကို လက်ခံပေးရတာ။ ပြဿနာက သူတို့ ဖုံးကွယ်ထားတဲ့ အတိတ်ဆိုးကြီးက ပြန်ပေါ်လာတဲ့အချိန်မှာ စတာပါပဲ။ လွန်ခဲ့တဲ့ ၁၆ နှစ်က ကိစ္စတစ်ခုကြောင့် သူတို့နေတဲ့နေရာ ပေါ်သွားပြီး မိသားစုလိုက် ထွက်ပြေးရတော့တယ်။ သူတို့နောက်ကို ရုရှားအေးဂျင့်တွေ၊ လူ-တ်သမားတွေသာမကဘဲ သူတို့ အရင်လုပ်ခဲ့တဲ့ BND အဖွဲ့ကပါ လိုက်ဖမ်းကြတာ။ ရန်သူတွေ ဝိုင်းနေတဲ့ကြားထဲကမှ ကိုယ့်လင်မယားအချင်းချင်းကြားမှာလည်း လျှို့ဝှက်ချက်တွေ ရှိနေတော့ ဘယ်သူ့ကို ယုံရမှန်းမသိ ဖြစ်လာရော။ ဒီကားက ရိုးရိုး Spy Action တွေလို ပစ်တာခတ်တာ သက်သက်မဟုတ်ဘဲ မိသားစု Drama လေးပါ ရောထားတယ်။ ကိုယ့်အတိတ်က အပြစ်တွေက ကိုယ့်ကလေးအပေါ် ဘယ်လိုသက်ရောက်နိုင်လဲဆိုတာကိုပါ ပြထားတာပေါ့။ "The Night Manager" တို့လို ကားမျိုးကို ကြိုက်တယ်ဆိုရင် ဒီကားကိုလည်း သဘောကျလောက်တယ်။ Action ခန်းတွေလည်း မိုက်သလို ဇာတ်လမ်းသွားကလည်း မြန်တော့ ပျင်းဖို့ကောင်းမှာ မဟုတ်ပါဘူး။ ဇာတ်သိမ်းပိုင်းကတော့ ကြည့်တဲ့သူအကြိုက် ကွဲနိုင်ပေမဲ့ Spy Thriller ကောင်းကောင်းတစ်ကား ကြည့်ချင်ရင်တော့ စမ်းကြည့်သင့်တဲ့ စီးရီးလေးပါ။ အပိုင်း (၆) ပိုင်းပဲ ရှိတာမို့လို့ တစ်ထိုင်တည်း ပြီးအောင်ကြည့်လို့ရပါတယ်။ File size…(1.1 GB)/(616 MB) Quality….Webrip 1080p / 720p Format…mp4 Duration….01:00:00 Subtitle….Myanmar Subtitle (Hardsub)

Sir Nicholas Winton သို့မဟုတ် ဒုတိယကမ္ဘာစစ်အတွင်း စစ်ရှောင်ကလေးငယ် ၆၆၉ဦးအားကယ်တင်ခဲ့သူ... ဖြစ်ရပ်မှန်ကို ရိုက်ကူးထားတဲ့ ဒီဇာတ်လမ်းလေးဟာ တီဗီအစီအစဥ်တစ်ခုမှ လူသိများပြီးအစပျိုးလာခဲ့တာပါ...။ ဇာတ်လမ်းအကြောင်းကို ပြောပြရရင် Nicholas Wintonဆိုတဲ့ လန်ဒန်မှ လူငယ်stockbrokerလေးတစ်ယောက်... ဒုတိယကမ္ဘာစစ်မဖြစ်မီ ၁၉၃၈ခုနှစ် ဒီဇင်ဘာလထဲမှာ ချက်ကိုစလိုဗားကီးယားနိုင်ငံရဲ့မြို့တော် ပရော့ဂ်ကို အလည်သွားရာကစခဲ့ပါတယ်...။ အဲ့ဒီခေတ်အချိန်က ဒုတိယကမ္ဘာစစ်ဖြစ်ရန်တာဆူနေပြီး ဟစ်တလာဟာ မဟာမိတ်တွေဆီကနေ ချက်ဇ်နိုင်ငံရဲ့ ပြည်နယ်တစ်ခုကိုတောင်းပါတယ်...။ စစ်ကိုရှောင်လွှဲချင်တော့ ဟစ်တလာရဲ့တောင်းဆိုချက်ကို လိုက်လျောပြီး နယ်မြေပေးလိုက်ရတဲ့အခါ နာဇီဂျာမဏီတွေရဲ့ ရန်ကိုကြောက်တဲ့ ဂျာမဏီ၊ သြစတီးနဲ့ ချက်ဇ်ဒေသခံ ဂျူးလူမျိုးတွေဟာ ပရော့ဂ်ကိုတိမ်းရှောင်လာခဲ့ကြပါတယ်။ ကလေးတစ်ပွေ့တစ်ပိုက်နဲ့မိသားစုတွေဟာ နေစရာမဲ့ စားစရာမဲ့ အတိဒုက္ခရောက်နေရတဲ့အပြင် နာဇီတို့ကျူးကျော်လာမယ့် အန္တရာယ်ကိုပါကြောက်လှန့်နေခဲ့ရကာ ပြေးစရာမြေမရှိဖြစ်နေခဲ့တာပါ။ ဒီအခြေအနေကို ကြုံတွေ့မြင်တွေ့ခဲ့ရတဲ့ Nicholas Wintonဟာ စစ်ကြောင့်နယ်စပ်တွေပိတ်မသွားမီ ကလေးငယ်တွေကို စစ်ဘေးလွတ်ရာ အင်္ဂလန်သို့ပို့ဖို့ကြံဆောင်ပါတော့တယ်...။ ဘယ်အချိန်ထဖြစ်မယ်မသိတဲ့စစ်မီးစင်ကိုကြည့်ရင်း အချိန်လုပြီး အသက်ကယ်ရတဲ့အခါ အသက်ဘယ်နှစ်ချောင်းကို ဘယ်လို ကယ်တင်နိုင်မှာလဲ....။ Nicholas Wintonတစ်ယောက်ဒီလိုစွမ်းဆောင်ခဲ့ပုံတွေကို တော်ရုံလူမသိခဲ့ကြဘဲ နှစ်ငါးဆယ်အကြာတီဗီအစီအစဥ်လေး တစ်ခုမှာမှ လူအများသိခဲ့ရပါတယ်။ ဘာလို့ဆို အဲ့ဒီအစီအစဥ်မှာလာကြည့်တဲ့ ပရိသတ်တိုင်းဟာ Nicholas Wintonကယ်တင်ခဲ့ဖူးတဲ့ကလေးငယ်များ ဖြစ်နေကြောင်း အံ့သြစွာသိရှိခဲ့ရလို့ပါပဲ...။ သူ့ရဲ့ဇာတ်လမ်းလေးက ဘယ်လိုမျိုးဖြစ်မလဲဆိုတာ ဒီတစ်ခါတော့ ရုပ်ရှင်အတိုင်းသားကြည့်ရှုခွင့်ရတော့မှာပဲဖြစ်ပါတယ်ဗျာ...။ File size…2.02GB / 720MB Quality…WEB-DL 1080p 5.1 CH/ 720p Format…mp4 Duration….1h 50m Genre ….. Biography , Drama , History Subtitle….Myanmar Subtitle (Hard Sub) Encoder….Min Wai Translated by Themes

G.I.Joeထဲက နင်ဂျာအမဲ​ရောင် စကား​ပြောတဲ့ရုပ်ရှင်ထွက်လာပါပြီ ဒီရုပ်ရှင်က Snake Eyesနဲ့ သူရဲ့​သွေး​သောက်ညီအစ်ကို၊ ပြိုင်ဘက် Storm Shadow တို့ရဲ့ မူလအစကို တင်ဆက်ထားတာပဲဖြစ်ပါတယ်။ ခေါင်း​​​ဆောင်မင်းသားနှစ်​​ယောက်က Crazy Rich Asians ထဲက Henry Golding နဲ့ ကြမ်း​ပေ့ရမ်း​ပေ့ဆိုတဲ့ "Warriors" စီးရီးထဲက မင်းသား Andrew Koji ပါ ငယ်စဉ်ကတည်းက ဖခင်ဖြစ်သူကို အမည်မသိလူတစ်စု သတ်ဖြတ်သွားတာ​ကြောင့် ကလဲ့စား​ချေလိုစိတ်နဲ့ကြီးပြင်းလာ ခဲ့တဲ့ Snake Eyesတစ်​​ယောက် Arashik​age မျိုးနွယ်စုရဲ့ ဆက်ခံသူဖြစ်လာမယ့် ​"တော်မီ"ကို မျိုးနွယ်စုသစ္စာ​ဖောက် "ကန်တာ"နဲ့ လူမိုက်တစ်သိုက်လက်ထဲက ကယ်တင်ဖို့အ​ရေးနဲ့ ကြုံလာရပါတယ် သူကယ်တင်​ပေးခဲ့တဲ့"တော်မီ"က​နေတဆင့် Arashikage မျိုးနွယ်ရဲ့ သိုင်းပညာကျင့်စဉ်တွေကို လက်ဆင့်ကမ်းသင်ကြားရင်း အ​ဖေကိုသတ်သွားတဲ့တရားခံကိုလက်စားပြန်​ချေနိုင်မလား၊ Snake Eyesဆိုတဲ့နာမည်ကိုဘယ်လိုရလာမှာလဲ၊ သစ္စာ​ဖောက် "ကန်တာ"ရဲ့အကြံအစည်က​ရော ဘာဖြစ်မလဲ၊ JOEအဖွဲ့နဲ့ Cobraက​ရော ဒီဇာတ်ကားထဲမှာ ဘယ်လိုအခန်းကဏ္ဍက ပါဝင်လာမလဲ ...... စသဖြင့် ​​ရှေ့မှာထွက်ပြီးသား G.I.Joe နှစ်ကားရဲ့ Spin off အဖြစ် ဇာတ်လမ်းဆက်​ပေးသွားမှာဖြစ်ပါတယ် Digital releaseအ​နေနဲ့ အခုမှထွက်လာတာဖြစ်လို့ CM fan ​တွေအတွက် ရတာနဲ့ အမြန်ဆုံးတင်ဆက်​ပေးလိုက်ပါတယ် (ဘာသာပြန်ထားတာကတော့ Jim X & Ma Phi တို့ပဲ ဖြစ်ကြပါတယ်) File Size : (2.0 GB) , (1.3 GB) and (480 MB) Quality : AMZN WEB-DL (1080p 5.1,720p,480p) Running Time : 2hr 01min Format : Mp4 Genre : Action,Adventure,Fantasy,Sci-Fi,Thriller Subtitle : Myanmar Subtitle (Hard Sub) Source : 1080p.AMZN.WEB-DL.DDP5.1.H264-CMRG Translated by Jim X & Ma Phi Encoded by Thanhtike Zaw

The Captain (2017) ဒီဂျာမန်ကားလေးကတော့ 2017 ကထွက်ရှိလာတဲ့ ကားကောင်းလေးတစ်ကားပဲဖြစ်ပါတယ်။ Rating တွေအနေနဲ့လဲ Imdb Rating 7.4/10 Rotten Tomatoes 86 တောင်ရရှိထားတာပါ။ ဂျာမနီရုပ်ရှင်လောကမှာ Best Feature Film, Best Supporting Actor, Best Score, Best Editing စတဲ့ဆုလေးဆုလောက် ဆန်ကာတင်ဝင်ထားတဲ့ကားလေးပါ။ အဖြူအမည်းနဲ့ရိုက်ထားတဲ့ ဒီကားလေးဟာ ဒုတိယကမ္ဘာစစ်က ပုံရိပ်တစ်ခုကိုပီပီပြင်ပြင်သရုပ်ဖော်ထားသလိုပါပဲ။ စစ်ကားကြိုက်တဲ့ ပရိသတ်ကြီးအဖို့တော့ တော်တော်လေးအကြိုက်တွေ့မှာပါလို့ပြောချင်ပါတယ်။ ဇာတ်လမ်းလေးရဲ့အကျဉ်းကိုလဲ တင်ပြပါဦးမယ်။ စစ်ပွဲကြီးပြီးကာနီး နှစ်ပတ်အလိုမှာစစ်ပွဲကနေ စစ်သားတွေအများအပြားထွက်ပြေးကြပါတယ်။ နောက်ကလိုက်ဖမ်းသူတွေ ထွက်ပြေးသူတွေ သုတ်သင်ပစ်သူတွေနဲ့ ငရဲပွက်နေချိန်မှာ တပ်သားလေးတစ်ဦးဟာ ဗိုလ်ကြီး ယူနီဖောင်းတစ်စုံကိုရှာဖွေတွေ့ရှိသွားပါတော့တယ်။ အဲဒီမှာ ဇာတ်လမ်းကစပါတော့တယ်။ဗိုလ်ကြီး ဟာရိုးဆိုတဲ့ နာမည်နဲ့ဗိုလ်ကြီးအယောင်ဆောင်ထားတဲ့ တပ်သားလေးဟာ ဘယ်လိုဆက်ရှင်သန်မလဲ? တပ်ပြေးမှန်းသိရင် ခြွင်းချက်မရှိ သတ်ပစ်မယ့်အခြေအနေတစ်ခုမှာ သူဘာဆက်လုပ်မလဲ? စတဲ့မေးခွန်းပေါင်းများစွာနဲ့ စိတ်ဝင်စားစွာကြည့်ရှူရမယ့်ကားကောင်းလေးပါ။ စိတ်လှုပ်ရှားစရာ ဖြစ်ရပ်မှန်ကားတွေကို ကြိုက်နှစ်သက်တဲ့ ပရိတ်သတ်ကြီး အတွက် The Captain (2017)ကားလေးကို တင်ဆက်ပေးလိုက်ပါတယ်။ File Size : (1 GB) & (236 MB) Quality : BluRay 720p Running Time :1hr 58 min Format : Mp4 Genre :  Drama , History , War Subtitle : Myanmar Subtitle (Hard Sub) Translated by Aye Mon Kyaw Encoded by Moe Myint Lwin

Kokowääh 2 (2013) IMDb Rating (5.3) / Rotten Tomatoes (46%) ပေါ့ပေါ့ပါးပါးနဲ့ ကြည့်ကောင်းတဲ့ ဂျာမန်အချစ်ဟာသကားလေးပါ။ ဇာတ်ကတော့ အိမ်ထောင်ရေးဇာတ်လို့‌ ပြောရမယ်။ ယောက်ျားက ရုပ်ရှင်ဇာတ်ညွှန်းသမားနဲ့ ပရိုဂျူဆာ။ မိန်းမက စာရေးဆရာမ။ ၂ယောက်စလုံးက အောင်မြင်ချင်ကြတဲ့လူတွေဆိုတော့ အိမ်ထောင်ရေးတာဝန်ကို မထမ်းနိုင်ဘဲ အလွဲလေးတွေ စဖြစ်လာတယ်။ အဲဒီနောက် သူတို့ တစ်ယောက်ကိုတစ်ယောက် နားလည်မှုမရတော့ဘဲ ခဏလောက်ခွာပြဲနေဖို့ဖြစ်လာတယ်။ မိန်းမလုပ်နေကျ အလုပ်တွေကို ဘာမှမလုပ်တတ်တဲ့ ယောက်ျားက ကလေးပေါက်စနဲ့ ၁၀နှစ်သမီးလေးကို ထိန်းကျောင်းရင်း ကြုံရတဲ့ အလွဲအချော်လေးတွေကို ဟာသမြောက်အောင်ပြထားတယ်။ တစ်ဘက်မှာလည်း သူအလုပ်လုပ်နေတဲ့ ရုပ်ရှင်လောကကို ပြထားတယ်။ အက်ဟောက်စ်ကားတွေကို သရော်ထားတာတွေလည်း တော်တော်ပါပါတယ်။ ရယ်ရပြီး ပေါ့ပါ့ပါးပါးဖြစ်တဲ့ အချစ်ဟာသကားကောင်းတစ်ကားပါပဲ။ File size… (2.7 GB) / (1.2 GB) Quality…. Blu-Ray 1080p HEVC / 720p Format…. mkv/mp4 Genre…. Comedy Duration…. 02:02:43 Subtitle…. Myanmar Subtitle (Hardsub)

Kokowääh (2011) IMDb Rating (6.2) / Rotten Tomatoes (63%) နည်းနည်းရိုးရိုးလေးပဲ။ ရိုးနေတာကိုက ဆန်းနေတာလည်းဖြစ်နိုင်တယ်။ မိသားစုဇာတ်လို့လည်း ပြောလို့ရတယ်။ ရုပ်ရှင်လောက ဇာတ်လို့လည်း ‌ပြောလို့ရတယ်။ ဇာတ်ညွှန်းရေးတဲ့ စာရေးဆရာတစ်ယောက်ရှိတယ်။ သူက သူ့ရည်းစား စာရေးဆရာမနဲ့ပြတ်ပြီး တစ်ကိုယ်တည်း လေလွင့်နေတာ ကြာပြီ။ တစ်နေ့ သူအိမ်ပြန်လာတော့ သူ့အိမ်တံခါးဝမှာ ကလေးမလေးတစ်ယောက်ထိုင်နေတယ်။ ကလေးမလေးက သူ့အမေက သူ့ကိုလွှတ်လိုက်ကြောင်းပြောတယ်။ စာတစ်စောင်လည်းပေးလိုက်တယ်။ သူသိလိုက်ရတာက အဲဒီကလေးက သူ့ကလေးဆိုတာပဲ။ ဒီကလေးကို သူ့အဖေနဲ့အမေ လက်ထပ်မယ့်နေ့မတိုင်ခင်မှာ ဇာတ်ညွှန်းရေးဆရာနဲ့ ကလေးအမေနဲ့ ညိပြီး မွေးခဲ့တာ။ ဆိုတော့ ကလေးအဖေက ကလေးဒီအရွယ်ရောက်မှ သူ့ကလေးမဟုတ်တာသိပြီး သူ့မိန်းမနဲ့ပြဿနာတက်ပြီး အိမ်ပေါ်က ဆင်းသွားတယ်။ ကလေးအမေကလည်း တရားတဘောင်ပြဿနာတွေတက်လာတော့ ကလေးကို အဖေအရင်းဖြစ်တဲ့ ဇာတ်ညွှန်းသမားအိမ်ရှေ့ထားသွားတာပေါ့။ သူ့ဘဝထဲ ကလေးဝင်လာတဲ့အချိန်မှာပဲ သူ့ရည်းစားဟောင်း စာရေးဆရာမကလည်းပြန်ဝင်လာခဲ့တယ်။ ဘဝထဲ သူ့အတွက်အရေးကြီးတဲ့အရာနှစ်ခု တစ်ပြိုင်တည်းဝင်လာပြီး ဒီနှစ်ယောက်စလုံးကို သူ့ဘဝထဲ ဘယ်လိုအသားတကျ နေရာချမလဲ ကြည့်ရမယ့်ဇာတ်လမ်းပါပဲ။ ဇာတ်ညွှန်းရေးဆရာတွေ စာရေးဆရာတွေဆိုတော့ ရုပ်ရှင်လောက အခြေအနေကို နည်းနည်းသရော်ထားတာလည်းပါတယ်။ အက်ဟောက်စ်ရုပ်ရှင်တွေကို သရော်ထားတယ်ပြောရမယ်ထင်ပါတယ်။ ရိုးရိုးလေးပေမဲ့ ကြည့်ကောင်းတဲ့ ရုပ်ရှင်ပါပဲ။ Relationshipပြဿနာတွေ ယောက်ျားမိန်းမ အမြင်ကွဲလွဲမှုတွေ နည်းနည်းထည့်ထားတာကလည်း လက်တွေ့ကျတယ်။ File size… (3 GB) / (1.3 GB) Quality…. Blu-Ray 1080p HEVC / 720p Format…. mkv/mp4 Genre…. Comedy Duration…. 02:06:44 Subtitle…. Myanmar Subtitle (Hardsub)