Sarah Thompson ပါဝင်သော ဇာတ်ကားများ

Raajneeti IMDb Rating(7.1) ခုတစ်ခါမှာတော့ CM ပရိသတ်ကြီးကို 2010 ထွက် အိန္ဒိယနိုင်ငံရေးကား political thriller ဇာတ်ကားကောင်းလေးနဲ့ မိတ်ဆက်ပေးချင်ပါတယ် နိုင်ငံရေးကားတွေကို ပုံဖော်တဲ့နေရာမှာ နာမည်ကြီးတဲ့ Bollywood ဒါရိုက်တာ Prakash Jha က ရိုက်ကူးထားပြီး ဘောလိဝုဒ်ဖန်တွေတိုင်း မစိမ်းတဲ့ Ranbir Kapoor, Ajay Devgn, Nana Patekar, Katrina Kaif နဲ့ Arjun Rampal စတဲ့ နာမည်ကြီးသရုပ်ဆောင်တွေ ပါဝင်ထားပါတယ် ဇာတ်လမ်းအကျဉ်းချုပ်ကတော့ အိန္ဒိယဝန်ကြီးချုပ်တစ်ဦးရဲ့ သမီးဖြစ်သူ ဘဟာရာတီဟာ သူမအဖေကိုဆန့်ကျင်ပြီး ပြိုင်ဖက်ပါတီခေါင်းဆောင်ဖြစ်တဲ့ ဘဟာစကာဆန်ညဲနဲ့ မေတ္တာသက်ဝင်ခဲ့ပြီး သားတစ်ယောက်မွေးခဲ့ပါတယ် ဒါပေမဲ့ ဝန်ကြီးချုပ်အသိုင်းအဝိုင်းက လက်မခံနိုင်တဲ့ကလေးဆိုပြီး သူမရဲ့အစ်ကိုက အဲ့ကလေးလေးကို မွေးကင်းစမှာတင် စွန့်ပစ်ခဲ့ပါတယ်...အဲ့ကလေးလေးကရော ဘယ်ရောက်သွားမလဲ ဘယ်သူဖြစ်လာမလဲ... ဘဟာရတီဟာ သူမချစ်သူရဲ့ စွန့်ပစ်ခံရပြီးနောက်မှာ သူမအစ်ကိုရဲ့ တိုက်တွန်းမှုနဲ့ ရာ့တရာဝဒီပါတီခေါင်းဆောင်ရဲ့ညီနဲ့ ထပ်မံလက်ထပ်ခဲ့ရပြီး သားနှစ်ယောက်ထပ်မွေးခဲ့ပါတယ် အဲ့သားနှစ်ယောက်ကရော ဘယ်သူတွေဖြစ်လာပြီး နိုင်ငံရေးမှာ ဘယ်လိုပါဝင်လာကြမလဲ ကျိကျိတက်ချမ်းသာတဲ့ စီးပွားရေးလုပ်ငန်းရှင်တစ်ယောက်ရဲ့ သမီးဖြစ်သူ အင်ဒူကရော နိုင်ငံ​​ရေးမှာ ဘယ်လိုပတ်သက်လာပြီး ဘယ်လိုကြိုးကိုင်လာမလဲ သားတွေအချင်းချင်းကြားက ယှဉ်ပြိုင်မှုတွေ ညီအစ်ကိုတွေအချင်းချင်းကြားက အားပြိုင်မှုတွေ ပြိုင်ဖက်ပါတီတွေအချင်းချင်းကြားက နိုင်ငံရေးလှည့်ကွက်တွေ နိုင်ငံရေးကစားကွက်တွေကို စိတ်လှုပ်ရှားဖွယ် ကြည့်ရမှာဖြစ်လို့ politics ကားကြိုက်တဲ့ ဘောလိဝုဒ်ဖန်တွေအနေနဲ့ လက်မလွှတ်သင့်တဲ့ကားလေးဖြစ်ကြောင်း တိုက်တွန်းလိုက်ပါတယ်နော်..။ ဝါရင့်သရုပ်ဆောင်တွေ အပြိင်အဆိုင်အားပြိုင်ထားကြတာကို ဇာတ်လမ်းကြာချိန် ၃ နာရီနီးပါးအတွင်း စပါယ်ရှယ် ကြည့်ရှုခံစားရမှာပါ။ (ရုပ်ရှင်အညွှန်းနဲ့ဘာသာပြန်ကို Nadi Myint Naing မှ တင်ဆက်ထားပါတယ်။) File size…(2.6 GB) / (1.4 GB) Quality….BluRay 1080p / 720p Format…mp4 Duration….02:49:48 Subtitle….Myanmar Subtitle (Hardsub) Encoder….Ka Naung Translated by Nadi Myint Naing

ရဲလုပ်သက်ရင့်ပြီး လူဂွစာတစ်ယောက်လည်းဖြစ်တဲ့ အက်ဒီ ဒူဂန် (Richard Gere) ဟာ အငြိမ်းစားယူဖို့ ပြင်ဆင်နေပါတယ်။ အငြိမ်းစားယူဖို့ တစ်ပတ်ပဲလိုတော့တဲ့အချိန်မှာ ဌာနရဲ့အစီအစဉ်အသစ်အတွက် တာဝန်ပေးခံရပြီး ရဲတပ်သားသစ်တစ်ယောက်ကို လေ့ကျင့်ပေးဖို့ သူနဲ့အတူ လှည့်ကင်းခေါ်ထွက်ရတယ်။ ကလဲရန့်စ် (Don Cheadle) ကတော့ ရုံးမှာပဲ အလုပ်လုပ်ရတဲ့ ရာထူးမျိုးကို တိုးချင်လို့ တန်ဂိုဆိုတဲ့ နာမည်ဝှက်နဲ့ မူးယစ်ဆေးဝါးဂိုဏ်းတစ်ခုထဲ အသွင်ယူနေသူပါ။ ဒီအလုပ်ကြောင့် သူ့အိမ်ထောင်ရေးလည်း ပျက်ပြားသွားခဲ့တယ်။ ထောင်ထဲမှာ အသွင်ယူနေစဉ်က အသက်ကယ်ပေးခဲ့ဖူးတဲ့ မူးယစ်ဂိုဏ်းခေါင်းဆောင် ကတ်ဇ်ကိုတော့ သူက မိတ်ဆွေရင်းချာလို သဘောထားနေပါတယ်။ ဒါပေမယ့် တစ်နေ့မှာ အထက်လူကြီးတွေက ကတ်ဇ်ကို ထောင်ထဲပြန်ရောက်အောင် လုပ်ဖို့ သူ့ကို တာဝန်ပေးလာတယ်။ မူးယစ်ရဲတပ်ဖွဲ့ဝင် ဆဲလ် (Ethan Hawke) မှာလည်း မိသားစုအတွက် ပူပန်နေရတဲ့ကိစ္စရှိပါတယ်။ လက်ရှိနေတဲ့အိမ်မှာ မှိုပြဿနာရှိပြီး ကိုယ်ဝန်ဆောင်ဇနီးကို ထိခိုက်လာတာကြောင့် အိမ်အသစ်ဝယ်ဖို့ ငွေစုနေတာပါ။ ရဲဝန်ထမ်းလစာက နည်းသလို ငွေပေးချေရမယ့်ရက်ကလည်း နီးလာပြီး အိမ်ရောင်းမယ့်သူက တောက်လျှောက်ဖုန်းဆက်မေးနေတယ်။ နောက်ဆုံးတော့ ဆဲလ်ဟာ မူးယစ်ဆေးဝါးဂိုဏ်းတွေကို ဝင်စီးချိန်မှာ တွေ့ရတဲ့ငွေတွေကို ခိုးယူဖို့ ကြိုးစားလာပါတယ်။ ဌာနမတူ၊ အချင်းချင်းလည်း မသိကြတဲ့ ဘရွတ်ကလင်းက ရဲသုံးယောက်ရဲ့ တစ်ပတ်တာကို လိုက်ပြထားတဲ့ ဇာတ်လမ်းပါ။ ဆဲလ်က လိုနေတဲ့ငွေကို ရှာနိုင်မလား၊ ကလဲရန့်စ်က သူလိုချင်တဲ့ရာထူးကို ရွေးမလား၊ ကတ်ဇ်ကိုရော ကယ်နိုင်မလား၊ ဒူဂန်က အငြိမ်းစားမယူခင် ဘာတွေ လုပ်ဖြစ်မလဲဆိုတာကို သူတို့အသီးသီးရဲ့ ပြဿနာတွေနဲ့အတူ ဆက်ပြထားတယ်။ ရဲဝန်ထမ်းတွေရဲ့ လစာနည်းပါးမှုအပြင် လူမျိုးရေးခွဲခြားမှု၊ လာဘ်စားမှု၊ ရာဇဝတ်မှုနဲ့ မူးယစ်ဂိုဏ်းတွေကြားက ပြဿနာတွေကိုလည်း ထည့်သွင်းထားပါတယ်။

Malibu's Most Wanted (2003) အူနှိပ်ပြီး တစ်ကားလုံး ရယ်နေရမဲ့ ဟာသကားကောင်းကောင်းလေး တစ်ကားကို... ရှာနေတယ်ဆိုရင် ဒီကားကို ညွှန်ပေးပါရစေ။ ဇာတ်လမ်းအကျဉ်း မစ္စတာ ဘေလ်ဂလက်မန်းဆိုတဲ့ ရွေးကောက်ပွဲဝင်ပြိုင်နေတဲ့ လူကြီးမှာ... Eminem လိုလို ဘာလိုလို Rap ကို အရမ်း ရူးသွပ်ပြီး ဂန်းစတား ဖြစ်ချင်နေတဲ့... B Rad ဆိုတဲ့ လူဖြူသားလေးတစ်ယောက်ရှိပါတယ်။ ဘေလ်ဂလက်မန်းက... နိုင်ငံရေး ကမ်ပိန်းတွေ လုပ်နေတဲ့အချိန်မှာ သူ့သားဖြစ်သူ Rapper ရူးက... သူ့ကမ်ပိန်းပွဲတွေမှာ အနှောက်အယှက်လို ဖြစ်လာခဲ့ပါတယ်။ ဒါကြောင့်... ဘေလ်ဂလက်မန်းရဲ့ ကမ်ပိန်းအဖွဲ့က လူမည်း နှစ်ယောက်ကို ငှားပြီး B Rad ကို... ရှင်းထုတ်ဖို့ ကြိုးစားပါတော့တယ်။ အဲဒီ လူမည်းနှစ်ယောက်က B Rad ကို... ပြန်ပေးဆွဲတဲ့ပုံစံ ဟန်ဆောင်ပြီး လူမိုက်ရပ်ကွက်တွေထဲ ခေါ်သွားရင်း ... တကယ့် ဂန်းစတား လူမိုက် အစစ်တွေနဲ့ ကြုံကြိုက်ရတဲ့အခါမှာ... ဘယ်လို ဘာတွေ ဖြစ်ပြီး .. ဘယ်လောက် ခွီရမယ်ဆိုတာကတော့... ဇာတ်ကားထဲမှာပဲ ကြည့်ရှု ခံစားကြပါတော့။ (ဒီဇာတ်ကားထဲက ဇာတ်ကောင် B Rad က 2002 ခုနှစ်က ထွက်ခဲ့တဲ့... Eminem ရဲ့ 8 Mile ဇာတ်ကားထဲက B Rabbit ဆိုတဲ့ နာမည်ကို ပြက်လုံးထုတ်ထားတာဖြစ်ပါတယ်) ဇာတ်လမ်းအညွှန်းနဲ့ ဘာသာပြန်ကတော့ BZW ပါ File Size : 1.79GB / 756MB Quality : WEB-DL 1080p 5.1ch / 720p Duration : 1 hr 27 min. Genre : Comedy, Crime Subtitle : Myanmar Subtitle (Hard Sub) Translated by BZW Encoded by Heather Oo

ဆီဘတ်ရှန်ဟာ အနေအထိုင်ဆိုးလွန်းတာကြောင့် ကျောင်းပြောင်းပေးခံရတဲ့ ဆယ်ကျော်သက်တစ်ယောက်ပါ။ ကျောင်းပြောင်းရတဲ့အပြင် အဖေနဲ့ မိထွေးရှိရာ အိမ်ကြီးကို ပြောင်းနေပြီး ချမ်းသာတဲ့မိသားစုက သားတစ်ယောက်အဖြစ် နေထိုင်လာရပါတယ်။ အဲဒီမှာ မိထွေးရဲ့သမီး ကတ်သရင်းနဲ့အတူ ကျောင်းတက်ရတယ်။ ကတ်သရင်းကတော့ ကျောင်းက တခြားသူတွေရဲ့ လိင်မှုရေးရာကို ဝင်ရောက်ခြယ်လှယ်ဖို့ ကြံစည်နေသူပါ။ သူ့စနက်တွေထဲ ဆီဘတ်ရှန်ပါ ဝင်ပါမိရာက ဇာတ်လမ်းဆက်သွားပါတယ်။ ကတ်သရင်းအဖြစ် Amy Adams သရုပ်ဆောင်ထားပြီး Sarah Thompson နဲ့ Teresa Hill တို့လည်း ပါဝင်ထားကြတယ်။ ပထမကားနဲ့ အကြောင်းအရာဆင်တူပေမယ့် သရုပ်ဆောင်တွေတော့ ပြောင်းထားပါတယ်။ လိင်မှုဆိုင်ရာပြကွက်တွေ ပါဝင်တဲ့အတွက် မိသားစုနဲ့အတူ ကြည့်ဖို့ မသင့်တဲ့ အချစ်ဟာသဇာတ်ကားပါ။

1973 ခုနှစ် ကွန်နက်တီကပ်ပြည်နယ်ရဲ့ ဆင်ခြေဖုံးရပ်ကွက်လေးတစ်ခုမှာ နှင်းမုန်တိုင်းကြီး မလာခင် မိသားစုနှစ်စုရဲ့ ဘဝတွေ ကမောက်ကမ ဖြစ်နေတာကို ရိုက်ပြထားတယ်။ ဘန်ဟုဒ် (Kevin Kline) နဲ့ အယ်လီနာ (Joan Allen) တို့ရဲ့ ဟုဒ်မိသားစုက ပြီးပြည့်စုံပေမယ့် အထဲမှာ အိမ်ထောင်ရေး အက်ကွဲနေတယ်။ ဘန်က အိမ်နီးချင်း ဂျန်နီ ကာဗာ (Sigourney Weaver) နဲ့ ဖောက်ပြန်ရင်း အယ်လီနာကလည်း သူ့ဘာသာသူ ဘဝရဲ့ အဓိပ္ပာယ်ကို ရှာဖွေနေတယ်။ သူတို့ရဲ့ ဆယ်ကျော်သက်သားသမီးတွေဖြစ်တဲ့ ပေါလ် (Tobey Maguire) နဲ့ ဝင်ဒီ (Christina Ricci) ကလည်း သူတို့ရဲ့ ဆယ်ကျော်သက်ဘဝထဲမှာ ရုန်းကန်နေရတယ်။ ပေါလ်က သူချစ်တဲ့ ကျောင်းသူလေး လစ်ဘီတို့ (Katie Holmes) ကို လိုက်နေပြီး နယူးယောက်မှာ အလွဲတွေ လုပ်နေတယ်။ ဝင်ဒီကတော့ ကာဗာမိသားစုရဲ့ သားတွေဖြစ်တဲ့ မိုက်ကီ (Elijah Wood) နဲ့ ဆန်ဒီ (Adam Hann-Byrd) တို့နဲ့ အချစ်ရေးနဲ့ ဆယ်ကျော်သက်ပေါက်ကရကိစ္စတွေ ရောထွေးနေတယ်။ ဒီဇာတ်လမ်းရဲ့ အထွတ်အထိပ်က နှင်းမုန်တိုင်းကြီး ရောက်လာတဲ့ အချိန်မှာ လူကြီးတွေက “သော့ပါတီ” (အိမ်ထောင်ဖက်တွေ လဲလှယ်တဲ့ ထူးဆန်းတဲ့ ပါတီ) မှာ ပျော်နေပြီး ကလေးတွေက သူတို့ဘာသာ အန္တရာယ်တွေနဲ့ ရင်ဆိုင်နေရတယ်။ ဒီမုန်တိုင်းက သူတို့အားလုံးရဲ့ ဘဝတွေကို ဘယ်လို ပြောင်းလဲပေးမလဲဆိုတာ စိတ်ဝင်စားစရာပါ။ မိသားစုတွေရဲ့ အားနည်းချက်၊ လျှို့ဝှက်ချက်တွေနဲ့ နှလုံးသားရေးကိစ္စတွေက ဒီဇာတ်ကားကို ထူးခြားစေပါတယ်။ ဒီဇာတ်ကားက ၁ နာရီခွဲလောက် ကြာပြီး 1970 ခုနှစ်တွေရဲ့ လူမှုဘဝ၊ မိသားစုပြဿနာတွေကို သေချာရိုက်ပြထားတဲ့ The Ice Storm က ကြည့်ရင်း တွေးစရာတွေ ဖြစ်စေမယ့် ဒရာမာကားပါ။ မလွတ်တမ်း ကြည့်ကြည့်ပါဦးနော် File size…(1.7 GB)/(933 MB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)