Srikanth ပါဝင်သော ဇာတ်ကားများ

Mister Middle Class (2026) လူလတ်တန်းစား စီးပွားရေး အခက်အခဲတွေကိုရင်ဆိုင်နေရတဲ့ သာမန်လူလတ်တန်းစား ဗန်ကာတာ ရာမာနာဟာ သူ့ဘ၀မှာဘယ်လောက်ပဲ အခက်အခဲတွေကြုံတွေ့နေရပေမယ့် ဘုရားသခင်ကိုတော့ နေ့ညမပြတ်အရိုအသေပေးဆုတောင်းနေတတ်သူပါ။သူဘယ်လောက်ပဲ ဆုတောင်းနေပေမဲ့ သူကြုံနေရတဲ့အခက်အခဲတွေက တနေ့ထက်တနေ့ပိုပြီး ဆိုးရွားလာတဲ့အခါမှာတော့ သူယုံကြည်ကိုးကွယ် ဆုတွေတောင်းနေတဲ့ ဘုရားသခင်ဟာ သူ့အတွက်မေးခွန်းထုတ်စရာဖြစ်လာခဲ့ပါတယ်။ ဒီလိုနဲ့ အကြွေးတွေပတ်လည်ဝိုင်းပြီး မိသားစုတာ၀န်တွေကို ပခုံးပေါ်ထမ်းထားရတဲ့ ရာမာနာဟာ ဘုရားသခင်ကသူ့ကိုလျစ်လျူရှုထားတယ်လို့ ဒေါသူပုန်တွေထပြီးဝောာ့ ဘ၀ကိုလက်တွေ့ကျကျပဲ ကြိုးစားဖြတ်သန်းဖို့ဆုံးဖြတ်ပြီး ရရာအလုပ်ကို၀င်လုပ်ဖို့ဆုံးဖြတ်လိုက်တဲ့အခါမှာ သူရဲ့အခြေအနေကို သနားကရုဏာသက်မိသွားပြီး ဘုရားသခင်က သူ့ကို ကူညီဖို့ ကိုယ်ထင်ပြခဲ့တဲ့အခါမှာတော့..... ရာမာနာတစ်ယောက်ရဲ့ ဘ၀ဘယ်လိုအလှည့်အပြောင်းတွေကြုံတွေ့မလဲဆိုတာ ကြည့်ရှုခံစားလိုက်ကြပါဦး။ File size… 1.8 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 4m Subtitle….Myanmar Subtitle (Hard Sub)

Arjun S/O Vyjayanthi 2025 သားကောင်းမိခင် ဒီနေ့မှာတင်ဆက်ပေးမှာကတော့ 1990 တုန်းက အတော်လူကြိုက်များခဲ့တဲ့ Karthavyam ဆိုတဲ့ဇာတ်လမ်းရဲ့ အဆက်ဖြစ်တဲ့ ဇာတ်လမ်းလေးကို တင်ဆက်ပေးသွားမှာပါ။ သရုပ်ဆောင်တွေအနေနဲ့ကတော့ Karthavyam ထဲကမင်းသမီးကြီး Vijaya Shanthiကပဲ IPS အရာရှိဟောင်း ဗိုင်ဂျာယန်တီအဖြစ် ပြန်လည်ပါဝင်ထားပြီးတော့ ဗိုင်ဂျာယန်တီရဲ့သား ဇာတ်လိုက်အာဂျွန်နေရာကိုတော့ Nandamuri Kalyan Ramကပါဝင်အားဖြည့်ထားပါတယ်။ ဒီတော့ ဇာတ်လမ်းလေးကို ဆက်လိုက်ကြပါဦးစို။ ဒီဇာတ်လမ်းလေးကတော့ အရင်ဇာတ်လမ်းတွေရဲ့ ဆယ်စုနှစ်တွေအကြာ ကျွန်တော်တိုရဲ့ စူပါဟီးရိုးမလေး ဗိုင်ဂျာယန်တီရဲ့သားလက်ထက်ကို အခြေတည်ထားတဲ့ဇာတ်လမ်းလေးပါ။ အာဂျွန်ဟာ ရဲအရာရှိရဲ့သားဆိုပေမဲ့ ထူးထူးဆန်းဆန်းပဲ ရဲစခန်းတိုင်းရဲ့ နံပါတ်တစ် အန္တရာယ်အများဆုံးလို သတ်မှတ်ထားရတဲ့ ရာဇဝင်ထဲကလူမိုက်ကြီး လူမိုက်ကြီးက ခိုးဆိုးလုနှိက်အလုပ်တွေ ဘာမှမလုပ်ပေမဲ့ လာရှုပ်တဲ့ လူမိုက်ပေါက်စတွေ တခြားလူဆိုးတွေအကုန်လုံးကိုတော့ တစ်ခါတည်းမရဏမြေကိုအရောက်ပိုတတ်သူမလို စခန်းတွေမှာ လူသတ်မှုအမှုဖိုင်တွေ ရာဂဏန်းလောက် စွဲချက်တင်ခံထားရတဲ့သူပါ။ လူမိုက်ကြီးလို တံဆိပ်ကပ်ခံထားရပေမဲ့ ရွာသားအားလုံးက အာဂျွန်ကို ချစ်ကြောက်ရိုသေကြသလို သူ့ရဲ့ဂိုဏ်းသားတွေအားလုံးကလည်း လေးစားရတဲ့သူတစ်ယောက်ဆိုတော့ ရဲတွေလည်းအာဂျွန်ကို တော်ရုံမထိရဲကြဘူးဆိုပေမဲ့ အငြိမ်းစားရဲအရာရှိနဲ့ ဂိုဏ်းစတားသားဖြစ်သူကြားမှာတော့ ကတောက်ကဆပေါ့။ ဒါပေမဲ့ တစ်နေ့မှာ အမေ့ရဲ့မဟာရန်သူတော် အကြမ်းဖက်သမား ပါထန်းက အမေ့ကိုလက်စားချေဖိုလုပ်နေတယ်ဆိုတာကို အာဂျွန်သိလိုက်ရချိန်မှာတော့... ( အညွှန်းနဲ့ဘာသာပြန်ကတော့ Alex ~ Star ~ KKKZ ~ Zwe ~ Cym တိုပဲဖြစ်ပါတယ်) File size… 3 GB / 1.5 GB Quality…WEB DL 1080p HEVC/ 720p Format…mkv/ mp4 Duration….2h 32min Subtitle….Myanmar Subtitle (Hard Sub) Encoder….YK Translated by Alex ~ Star ~ KKKZ ~ Zwe ~ Cym

Dinasari (2025)"နေ့တိုင်း" တမီလ်မင်းသား ဆရီကန့်ရဲ့ အသစ်ထွက်ရှိထားတဲ့တမီလ်စကားပြော အချစ်ဟာသ ဒရာမာ ရုပ်ရှင်လေးကို ပရိသတ်တွေအတွက် တင်ဆက်ပေးချင်ပါတယ်။ ဒီရုပ်ရှင်ရဲ့ ဇာတ်လိုက်ဖြစ်သူ ရှက်သီဟာ အင်မတန်မှ ဇီဇာကြောင်ပြီး လောဘကြီး ကပ်စေးနည်းတဲ့ လူပျိုကြီးပါ။ သူယူတဲ့မိန်းမက သူ့ထက် လစာကောင်းရမယ်ဆိုပြီး တလွဲစံကြီးထားထားတဲ့အတွက် အိမ်ထောင်ဖက်ရှစ်ယောက်တွေ့တာတောင် ရှစ်ယောက်လုံးကို ငြင်းထားတဲ့ အကြောတင်းလူပျိုကြီးပေါ့။ အဲဒီလိုနဲ့ သူ့ကို လေးလအတွင်း မိန်းမ မရရင် နောက် ၇ နှစ်ထိ မိန်းမရကိန်းမရှိတော့ဘူးလို့ ဗေဒင်ဆရာက ဟောလိုက်တဲ့အတွက် သူ့ရဲ့မိသားစုကသူ့ကို မိန်းမအတင်းပေးစားဖို့ကြံနေတုန်းမှာပဲ ရုပ်ချော၊ ဘော်ဒီမိုက်၊ လစာကောင်းတဲ့ အမေရိကပြန် မိန်းကလေးတစ်ယောက် ရှက်သီ့ဘဝထဲကို ဝင်လာတဲ့အခါမှာတော့.. ဘာတွေဆက်ဖြစ်မလဲဆိုတာကို ဒီရုပ်ရှင်ထဲမှာ မြင်ကြရမှာဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 2.2 GB / 1.1 GB Quality…WEB DL 1080p HEVC / 720p Format…mkv/mp4 Duration….2h 30min Subtitle….Myanmar Subtitle (Hard Sub) Encoder….YK Translated by CM Bollywood Team

Game changer (2025) ဝှက်ဖဲ RRR၊ ဘိုင်ရာဗားကားတို့နဲ့ လူသိများတဲ့ မင်းသားရမ်ချာရန်ရဲ့ရုံတင်ကားသစ်လေးဒစ်ဂျစ်တယ်ဗားရှင်းနဲ့အတူပဲ ပရိသတ်ရှေ့မှောက်သို့ ရရှိလာပါပြီ။ RRR ကားပြီးကတည်းက ထွက်သမျှကားတိုင်း ထင်သလောက်မပေါက်ဖြစ်နေတဲ့ ဘိုင်ရာဗားတို့ ဒီတကားတော့ ဘယ်လိုကြမ်းနိုင်ဦးမှာလဲ …. ရမ်ချာရန်ရဲ့ကောင်းမွန်တဲ့သရုပ်ဆောင်မှုတွေ တောင်ပိုင်းကားဆန်ဆန်ပဲ အိန္ဒိအစိုးရဘာညာရှိတာအကုန်ဖဲ့ တွေ့တာအကုန်ကြုံးတဲ့ အက်ရှင်ခန်းတွေနဲ့အတူ ဘိုင်ရာဗားပရိသတ်တွေတော့ အားပေးသင့်တဲ့ဇာတ်ကားကောင်းလေးပါပဲ။ မင်းသမီးကတော့ ကျန်တဲ့သူတော့မသိ ကျွန်တော်တော့ Lust Stories ထဲမှာမှတ်မိနေတဲ့ ကီယာရာအဒ်ဘာနီက တွဲဖက်သရုပ်ဆောင်ထားပါတယ်။….. ဇာတ်လမ်းအကျဉ်းလေးကတော့ ရမ်နန်ဒန်ဟာ ရာထူးတိုးပြီးလို့ နယ်ပြောင်းတာကို နောက်ကလိုက်ရန်ရှာတဲ့လူမိုက်ငချွတ်လေးတွေရှိလို့ အေးဆေးရထားလေးစီးမသွားရပဲ ငချွတ်လေးတွေကို ဆုံးမပေးပြီးမှ ခရီးဆက်ရတဲ့ ဘက်စုံတော်ဖြောင့်မတ်တဲ့အရာရှိတစ်ဦးပါ။ မိုပီဒေဗီကတော့ လက်ရှိပြည်နယ်မှာဝန်ကြီးချုပ်ဖြစ်ချင်နေပေမယ့် အဖေရောညီနဲ့ပါမတည့်တာကြောင့် ပါတီမှာ ပြသနာပတ်ရှာနေတဲ့ ဝန်ကြီးတစ်ယောက်ပေါ့ အဲ့ချိန်မှာ အားလုံးကိုပြုပြင်ပြောင်းလဲရေးဝင်မယ့် ခရိုင်မှူးကြီးရမ်နန်ဒန်နဲ့ ဟောက်စားတစ်သိုက် ရင်ဆိုင်ရတဲ့ပွဲမှာ ဘယ်သူ့လက်ထဲက ဘာဝှက်ဖဲတွေထုတ်လာပြီး ဘယ်လိုအနိုင်ကျဲကြမလဲဆိုတဲ့ နိုင်ငံရေးအက်ရှင်ဘောလိဝုဒ်ဇာတ်ကားလေးကို ပရိသတိကြီးအတွက် တင်ဆက်ပေးပါရစေ အညွှန်းနဲ့ဘာသာပြန်ကတော့ CM Bollywood Team ကပဲ ဖြစ်ပါတယ်။ File size… / Quality…WEB DL 1080p HEVC/ 720p Format…mkv/ mp4 Duration….2h 45min Subtitle….Myanmar Subtitle (Hard Sub) Encoder….YK Translated by CM Bollywood Team

Maya Puthagam(2024)(မဟာအံ့ဖွယ်စာအုပ်) IMDb – 5.5 /10 မိုးသည်းထန်စွာ ရွာသွန်းနေတဲ့ ညတစ်ညမှာ သူခိုးအုပ်စုက အိမ်တစ်အိမ်ကိုဝင်ဖောက်ပြီး အိမ်သားအားလုံးကို လည်လှီးသတ်ဖြတ်ခဲ့တယ်။ အကြောင်းက အဲဒီအိမ်မှာရှိတဲ့ အဖိုးတန်ရတနာကြီးကိုလိုချင်တာကြောင့်ပဲဖြစ်ပါတယ်။ ဖြစ်ချင်တော့ အဲဒီရတနာကြီးကထိလိုက်တဲ့သူမှန်သမျှမီးလောင်ပြာကျခဲ့ပြီး အသက်ဆုံးရှုံးအောင်လုပ်နိုင်တဲ့ ရတနာဖြစ်ပြီး မြွေနဂါကြီးတစ်ကောင်ကလည်း စောင့်ရှောက်နေတာပါ။ ဇာတ်လမ်းအကျဉ်း ဂူရူဆိုတဲ့ ဇာတ်ညွှန်းရေးဆရာတစ်ယောက်ဟာ ထူးဆန်းတဲ့အိပ်မက်တစ်ခုကိုခဏတိုင်းမက်နေတာပါ။ အိပ်မက်ထဲမှာလည်း အမြဲတမ်း မဟာအံ့ဖွယ်စာအုပ်ကြီးတစ်အုပ်အကြောင်းပါပြီး မြွေနဂါးအကြောင်းကလည်းပါလေ့ရှိတယ်။ ဒီလိုနဲ့ သူ့အိပ်မက်အကြောင်းတိုင်ပင်ဖို့ နတ်ဆရာတစ်ပါးဆီသွားပြီး တိုင်ပင်ကြည့်ရာမှာ အဲဒီအိပ်မက်နဲ့ ဆက်စပ်ပြီး ဇာတ်လမ်းတစ်ခု ဖန်တီးဖို့ အကြောင်းဖန်လာပါတော့တယ်။ ဒီလိုနဲ့ နတ်ဆရာကြီးက တောနက်ထဲကအိမ်တစ်အိမ်မှာသွား ရိုက်ဖို့ကို ညွှန်းကြားလိုက်ပါတယ်။ ဖြစ်ချင်တော့ အဲဒီတောနက်ထဲကအိမ်အိုကြီးက မြွေနဂါးကြီးရဲ့အိမ်ဖြစ်နေပါတော့တယ်။ ဒီလုနဲ့ပဲ ဂူရူနဲ့ သူငယ်ချင်းကြီး ဘူမီတို့ အဲဒီအိမ်အိုကြီးမှာ ဇာတ်လမ်းတစ်ခုကို မြွေနဂါးကြီးနဲ့အတူဘယ်လိုဖြစ်အောင် ဖန်တီးသွားမလဲဆိုတာ ဆက်လက်ရှု့ပေးကြပါဦး။ File size… 2.2 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 2m Subtitle….Myanmar Subtitle (Hard Sub)

Amala 2024 နက်နဲသောပုံရိပ်များ တစ်မြို့လုံးကို တုန်လှုပ်စေခဲ့တဲ့ လူသ-တ်မှု သ-တ်ပုံသ-တ်နည်းက ကြ-မ်းတမ်းပြီး မိန်းကလေးတွေကို အဓိကထားသ-တ်တဲ့ စိတ္တဇလူသ-တ်မှုပေါ့ စုံစမ်းရေးသမားတွေကတော့ ဒီနောက်ကွယ်မှာ စိတ္တဇတရားခံရှိတယ်လို့ သံသယဝင်နေပါတယ် ဒါကိုဖော်ထုတ်ဖို့ တာဝန်ပေးခံရတာကတော့ ACP အက်ခ်ဘာပါပဲ စုံစမ်းရသလောက်သိလာရတာတော့ လူမနေတဲ့တောနက်ကြီးထဲမှာ မိန်းကလေး ၂ယောက် နေနေကြပါတယ် ဒီ ၂ယောက်နဲ့ မြို့ထဲကလူသတ်မှုတွေက ဘယ်လိုပတ်သက်နေမလဲ စုံစမ်းထောက်လှမ်းမှုများသည် လူသတ်သမားရဲ့ ငယ်ဘဝဇာတ်ကြောင်းဆီသို့ ဦးတည်သွားပြီး စိတ်ပိုင်းဆိုင်ရာ မတည်ငြိမ်မှုတွေ ငယ်စဉ်က ခံစားတွေ့ကြုံခဲ့တာတွေပေါ် အစချီပြီး ဇာတ်လမ်းက ဘာဖြစ်သွားမလဲဆိုတာကိုတော့.... ( အညွှန်းနဲ့ ဘာသာပြန်တွေကတော့ Yunni ~ V ~ Alex ~ ToMo ပဲဖြစ်ပါတယ် ) File size… 2 GB / 1 GB Quality…WEB DL 1080p HEVC/ 720p Format…mkv/ mp4 Duration….1h 55min Subtitle….Myanmar Subtitle (Hard Sub) Encoder….YK Translated by Yunni ~ V ~ Alex ~ ToMo

Devara: Part 1 (2024) "ဒေဗာရာ" IMDb - 6.4/10 ဘောလိ၀ုဒ်ပရိသတ်တို့ စောင့်မျှော်နေကြတဲ့ တောင်ပိုင်းမင်းသား N.T.Rama Rao Jr၊ ဟင်ဒီမင်းသားကြီး ဆေ့ဖ်အလီခန်းတို့ရဲ့ ရုပ်ရှင်ကားကြီးကို တင်ဆက်ပေးလိုက်ပါတယ်။ တစ်လအတွင်း အိန္ဒိယက ခရစ်ကတ်ကမ္ဘာ့ဖလားပွဲကို လက်ခံကျင်းပရတော့မယ်။ ဒါပေမဲ့ အကြမ်းဖက်အဖွဲ့အစည်းရဲ့ ကြီးမားတဲ့တိုက်ခိုက်မှုတစ်ခုရှိတာကို သတင်းရထားခဲ့ရော။ ဒီမှာပဲ သံသယတရားခံတွေကို လိုက်ဖမ်းတဲ့အချိန် တကယ့်ခေါင်းဆောင်ကို ဘယ်မှာမှရှာလို့မရ။ သတင်းရဖို့အတွက်သွားရမဲ့နေရာက ပင်လယ်နီလို့ခေါ်တဲ့ ပင်လယ်ကမ်းစပ်တစ်နေရာက ရွာတစ်ခု။ ရန်သူရဲ့သွေးတွေနဲ့ ရဲရဲနီနေခဲ့လို့ ပင်လယ်နီလို့ခေါ်တဲ့နေရာ။ အဲဒီနေရာက ဒေသခံတွေချစ်ကြတဲ့ ဒေဗာရာဆိုတဲ့လူတစ်ယောက်အကြောင်း။ ဘောလိ၀ုဒ်အက်ရှင်ဇာတ်ကြမ်းနှစ်ခြိုက်သူတွေ သဘောတွေ့စေမှာမို့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Teamဖြစ်ပါတယ်) File size… 3.4 GB / 1.8 GB Quality…WEB DL 1080p HEVC/ 720p Format…mkv/ mp4 Duration….2h 56m Subtitle….Myanmar Subtitle (Hard Sub) Encoder….YK Translated by CM Bollywood Team

Aanandhapuram Diaries (2024)"အိပ်မက်ဒိုင်ယာရီ" အသစ်ထွက်ထားတဲ့ မာလျာလမ်စကားပြော ရုပ်ရှင်ကားကောင်းလေးတစ်ခုကို စီအမ်ပရိသတ်တွေအတွက် တင်ဆက်ပေးချင်ပါတယ်။ ပန်းတိုင်နဲ့ အိပ်မက်ဆိုတာ အတူတူပဲလား။ ပန်းတိုင်ကိုသွားဖို့ နောက်ကျနေပြီလို့ အားလုံးက သတ်မှတ်လိုက်ကြတဲ့အချိန်မှာရော အိပ်မက် ဆက်မက်ခွင့်ရှိဦးမှာလား။ အာနန်ဒါပူရမ်ဆိုတဲ့မြို့လေးမှာရှိတဲ့ ဥပဒေကောလိပ်။ အကြောင်းအမျိုးမျိုးကြောင့် အဲဒီကောလိပ်ကနေ ထွက်ခဲ့ရပြီး အသက် ၄၀ ကျော်မှ ကောလိပ်ကို ပြန်ရောက်လာတဲ့ နန်ဒနီ။ နန်ဒနီတစ်ယောက် အစစအရာရာပြောင်းလဲသွားပြီဖြစ်တဲ့ နယ်မြေဟောင်းထဲမှာ နှစ် ၂၀ ခြားနားမှုတစ်ခုကို အကျွမ်းဝင်ဖို့ကြိုးစားရင်း မိခင်တစ်ယောက်အဖြစ်နဲ့ ဥပဒေဘွဲ့ ပြန်ယူဖို့ ခက်ခက်ခဲခဲကြိုးစားရပုံနဲ့အတူ အာနန်ဒါပူရမ်ရဲ့ ဒိုင်ယာရီစာရွက် တစ်ရွက်ချင်းစီကို ဒီရုပ်ရှင်ထဲမှာ စိတ်ခွန်အားတက်ဖွယ်ရာ မြင်ရမှာပဲဖြစ်ပါတယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 2.23 GB / 1.06 GB Quality…WEB DL 1080p HEVC/ 720p Format…mkv/ mp4 Duration….1h 55 mins Subtitle….Myanmar Subtitle (Hard Sub) Encoder….YK Translated by CM Bollywood Team

Operation Laila (2024)"လိုင်လာစစ်ဆင်ရေး" Cm ပရိသတ်တွေအတွက် IMDb 7.7/10 ရထားတဲ့ တမီလ်စကားပြော မှုခင်း ဟာသရုပ်ရှင်လေးတစ်ခု တင်ဆက်ပေးချင်ပါတယ်။ ဂိုဏ်းတစ်ခုကိုတောင် တစ်ယောက်တည်းဖြိုနိုင်တဲ့ ရဲအရာရှိဆူရိယဟာ မူဒရိုင်မြို့ကို တာဝန်နဲ့ပြောင်းလာခဲ့ပါတယ်။ သူ့ရဲ့ အမွှာညီကိုဖြစ်သူ ရာဗီကတော့ ကျောင်းတစ်ကျောင်းရဲ့ ကာယဆရာဖြစ်ပြီး အန်ဂျလီဆိုတဲ့ ဆရာမလေးကို တိတ်တခိုးကြိတ်ပိုးနေသူပါ။ တစ်နေ့တော့ ရာဗီတို့ကျောင်းမှာ သရဲခြောက် အပမှီတာတွေဖြစ်ပြီး ကျောင်းသားတွေ၊ ဆရာတွေ ထိတ်လန့်တုန်လှုပ်ကုန်ကြပါတယ်။ သရဲခြောက်ခံရတဲ့သူတွေပြောစကားအရ သရဲမရဲ့နာမည်က လိုင်လာလို့သိရပြီး အဲဒီပြဿနာကိုဖြေရှင်းဖို့အတွက် ဆူရိယနဲ့ ရာဗီတို့ညီအစ်ကိုနှစ်ယောက်ဦးဆောင်တဲ့ လိုင်လာစစ်ဆင်ရေးကြီး ပေါ်ပေါက်လာပါတော့တယ်။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size…2.2GB/1GB Quality…WEB DL 1080p / 720p Format…mp4 Duration….2h 3m Subtitle….Myanmar Subtitle (Hard Sub) Encoder….YK Translated by  CM Bollywood Team

Kannai Nambathey 2023 (ကိုယ့်မျက်လုံးကို မယုံပါနဲ့) နီဇယ်ပရဟိတကျောင်းမှာ ကလေးငယ်လေးတွေကို ဂရုစိုက်ပေးနေတဲ့ အမျိုးသမီးကြီးတစ်ယောက်၊ ကလေးလေးတွေကြားထဲမှာမှ အသက်၇နှစ်အရွယ် ကောင်မလေးတစ်ယောက်လည်းရှိနေပါတယ်။ ဒီကောင်မလေးကတော့ အမျိုးသမီးကြီးဟာ ကလေးငယ်ငယ်လေးတွေကိုပဲ ဂရုစိုက်နေတဲ့အတွက် မနာလိုဖြစ်နေပြီးတော့ သူ့ရဲ့ ၇နှစ်ပြည့်မွေးနေ့မှာ ကိတ်မုန့်ထဲ ဆေးခတ်ပြီး ကလေးတွေကို စားစေလိုက်တဲ့အတွက် ကလေးတွေ အစာအဆိပ်သင့်သွားတဲ့ မြင်ကွင်းနဲ့ စတင်ထားပါတယ်။ အာရွန်ဆိုတဲ့ ကောင်လေးတစ်ယောက်၊ အိမ်ကနေ နှင်ချခံလိုက်ရတဲ့အတွက် အိမ်အငှားလိုက်ရှာရင်းကနေ သူကြိုက်နေတဲ့ကောင်မလေး ဒီဗယာတို့အိမ်မှာ တိုက်တိုက်ဆိုင်ဆိုင်အိမ်ငှားလိုအပ်နေတာကိုတွေ့သွားပါတော့တယ်။ ဒါပေမဲ့လည်း ဒီအိမ်မှာ လူပျိုတစ်ယောက်တည်းကို မငှားဘူးလို့ဆိုလာတာကြောင့် ဇာတိမြေက မိခင်ဖြစ်သူ မကြာခင် လိုက်လာမှာပါလို့ လိမ်ပြီး ငှားနေလိုက်ပါတော့တယ်။ ဒီလိုနဲ့ အာရွန်နဲ့ ဒီဗယာတို့ရဲ့ အချစ်ခရီးလမ်းလေး စတင်ခဲ့ပါတယ်။ ဒါပေမဲ့လည်း အချိန်နည်းနည်းကြာတဲ့အထိ မွေးရပ်မြေက မိခင်ဆိုသူ ရောက်မလာတဲ့အခါမှာတော့ လိမ်ထားတာတွေ ပေါ်ကုန်ပြီး အိမ်ကနေ ဆင်းပေးရပါတော့တယ်။ ဒီလိုနဲ့ နောက်ထပ် အိမ်ငှားလိုက်ရှာရင်း တိုင်ပတ်ပြန်ပါတော့တယ်။ ခက်ခက်ခဲခဲနဲ့ အိမ်ငှားရှာတွေ့ပြန်တော့လည်း အခန်းဖော်နဲ့အတူ ငှားနေရမယ့်အခန်းဖြစ်နေပြန်ပါတယ်။ သို့ပေမဲ့လည်း အသက်အရွယ်မကွာတဲ့အတွက် မြန်မြန်ပဲ ရင်းနှီးမှုရရှိခဲ့ပါတော့တယ်။ ဒီလိုနဲ့ အာရွန်နဲ့ ဒီဗယာတို့ရဲ့ အချစ်ဇာတ်လမ်းက ဘယ်လို ဆက်ဖြစ်လာမလဲ ..... အာရွန်တစ်ယောက် ရာဇဝတ်မှုတွေနဲ့ ဘယ်လို ဆက်စပ်မိသွားမှာလဲ ....... အာရွန်ရဲ့ အခန်းဖော်ကရော လူကောင်းပဲလား ..... ကလေးတွေကို ဆေးခတ်လိုက်တဲ့ ကောင်မလေးကရော ဘယ်သူလဲ ..... ဆိုတာတွေကို ကြည့်ရှုရမယ့် မှုခင်းဇာတ်လမ်းကောင်းလေးတစ်ပုဒ်ဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Team ပဲဖြစ်ပါတယ်) File size… 1.77 GB / 921 MB Quality…WEB DL 1080p HEVC/ 720p Format…mkv/ mp4 Duration….2h 11m Subtitle….Myanmar Subtitle (Hard Sub) Encoder….YK Translated by CM Bollywood Team

Pindam (2023) အိမ်ကြီးတစ္ဆေ IMDb - 8.7/10 ယခုတစ်ခါ တင်ဆက်ပေးချင်တဲ့ ဇာတ်ကားလေးကတော့ နောက်ခံသံကောင်းကောင်း ရင်တထိတ်ထိတ်နဲ့ ကြည့်ရှုရမယ့် သရဲကားကောင်းလေးတစ်ပုဒ်ပဲဖြစ်ပါတယ်။ အိန္ဒိယရဲ့တစ်ဦးတည်းသောလို့ဆိုနိုင်တဲ့ သရဲနှိမ်နင်းရေးပညာကို နိုင်ငံခြားအထိတောင်သွားရောက်ပြီးတော့ လိုက်စားထားတဲ့ မစ်အန်နာမာ။ သူ့ရဲ့အဖေကလည်း ဒီအလုပ်ကိုပဲ လုပ်ကိုင်ရင်း သူ့အဖေလိုက်နေတဲ့ ဝိညာဥ်တစ်ကောင်ကြောင့် သူ့ရဲ့ညီမနဲ့အမေဖြစ်သူကိုပါ ဆုံးရှုံးလိုက်ရပြီးနောက်မှာတော့ သူ့အဖေကိုယ်တိုင်တောင် အဲဒီဝိညာဥ်ကိုတိုက်ခိုက်ရင်း အသက်ဆုံးရှုံးသွားခဲ့ရပါတယ်။ သူ့အဖေမသေဆုံးခင်မှာ ပညာအမွေတွေပေးခဲ့တဲ့အတွက်ကြောင့်နဲ့ မစ်အန်နာမာက သူ့အဖေတိုက်ခိုက်နေတဲ့ ဝိညာဥ်နောက်ကိုလိုက်ရင်း သရဲအပူးခံရသူ အနှောင့်အယှက်ပေးခံရသူတွေကို ကူညီရင်းနေလာခဲ့ပါတယ်။ အဲဒီနောက်မှာတော့ သူ့ဆီကို လေ့လာဖို့ရောက်လာတဲ့ လော့ခ်နတ်၊ သူ့ရဲ့အင်တာဗျူးချက်အရ မစ်အန်နာမာမှာလည်း သူမနိုင်တဲ့ဝိညာဥ်မျိုးရှိတယ်ဆိုတာကို ပြောပြရင်းနဲ့ ဒီဇာတ်လမ်းလေး အစပြုခဲ့တာပဲ ဖြစ်ပါတယ်။ ဒီဇာတ်လမ်းလေးကတော့ ၁၉၉၀ခုနှစ်တုန်းက ခရစ်ယာန်မိသားစုတစ်စုဆီမှာ ဖြစ်ခဲ့တာပဲဖြစ်ပါတယ်။ ဆန်စက်တစ်ခုမှာ စာရင်းကိုင်လုပ်နေတဲ့ အန်တိုနီတစ်ယောက် အလုပ်နဲ့နီးရာကို အိမ်ပြောင်းရင်းနဲ့ ဒီအိမ်ကြီးကို ရောက်ရှိလို့လာခဲ့ပါတော့တယ်။ အဲဒီအိမ်ကြီးမှာ အန်တိုနီရယ် သူ့ဇနီးဖြစ်သူ မယ်ရီ၊ သမီးနှစ်ယောက်နဲ့အတူ သူ့ရဲ့မိခင်ကြီးပါ ပြောင်းရွှေ့နေထိုင်ခဲ့ပါတယ်။ အမေဖြစ်သူကလည်း အန်တိုနီ့ဆီမှာ သားယောက်ျားလေးမွေးဖွားလာရင် သူ့ရဲ့ချစ်ခင်ပွန်းကြီးပြန်ဝင်စားမယ်ဆိုပြီးတော့ သားယောက်ျားလေးမမွေးမချင်း ဖိအားပေး မွေးခိုင်းနေပါတော့တယ်။ ဒီလိုနဲ့ပဲ သူတို့မိသားစု ဒီအိမ်ကြီးထဲမှာ နေထိုင်နေရင်းကနေ ဘယ်လိုမျိုးတွေ ကြုံတွေ့ရမလဲ ……… ဒီအိမ်ကြီးထဲက သော့ခတ်ထားတဲ့အခန်းတစ်ခုကရော ဘာအကြောင်းများရှိလို့ သော့ခတ်ထားရတာလဲ......... အန်တိုနီတို့မိသားစု ရင်ဆိုင်ကြုံတွေနေရတဲ့ ဝိညာဥ်ဆိုးကြီးကရော ဘယ်လောက်အထိတောင် အဆင့်မြင့်ဝိညာဥ်ဖြစ်နေမလဲ …… ဒီဝိညာဥ်ဆိုးကြီးကိုရော ဘယ်လိုမျိုးပုံစံတွေနဲ့ နှိမ်နင်းသွားမလဲဆိုတာတွေကို ရင်တထိတ်ထိတ်နဲ့ ကြည့်ရှုရမဲ့ သရဲဇာတ်လမ်းကောင်းလေးတစ်ပုဒ်ပဲ ဖြစ်ပါတယ်။ (အညွှန်းနဲ့ ဘာသာပြန်ကတော့ V ~ ToMo ~ Alex ~ BpL တို့ပဲ ဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2.2GB / 1GB Quality…WEB DL 1080p / 720p Format…mp4 Duration….2h 38m Subtitle….Myanmar Subtitle (Hard Sub) Encoder….YK Translated by V ~ ToMo ~ Alex ~ BpL

ဟိုက်ဒရာဘတ်ရဲဌာနက ရဲမှူးချုပ် မိုဟန်နဲ့ ဒုတိယရဲမှူးချုပ်တွေဖြစ်တဲ့ အာဂျွန်၊ အာဟန်တို့ဟာ တစ်ဌာနတည်းမှာ တာဝန်ထမ်းဆောင်နေကြတဲ့ ရင်းနှီးတဲ့မိတ်ဆွေတွေပါ။ တစ်ရက်မှာတော့ နိုင်ငံတော်ဂုဏ်ပြုဆုပေးပွဲမှာ အာဟန် ဆုလက်ခံပြီး မိန့်ခွန်းပြောနေတုန်း စနိုက်ပါနဲ့ လုပ်ကြံခံလိုက်ရပါတယ်။ မိုဟန်နဲ့ အာဂျွန်လည်း သူတို့မိတ်ဆွေကို သတ်သွားတဲ့တရားခံ ဖော်ထုတ်နိုင်ဖို့ အသည်းအသန် ကြိုးစားကြတယ်။ တစ်ညမှာ အာဂျွန်က အမှုမှန်ကို သိသွားပေမယ့် ကားတိမ်းမှောက်မှုဖြစ်ပြီး အတိတ်မေ့သွားပါတယ်။ ဒါကြောင့် မိုဟန်ရဲ့ လမ်းညွှန်မှုနဲ့အတူ သိထားပြီးသားအမှုကို အစကနေ ပြန်စုံစမ်းရတော့တယ်။ အာဂျွန်က ရက်ပိုင်းအတွင်း မွန်ဘိုင်းမြို့ကို ပြောင်းရတော့မှာမို့ အချိန်လည်း မများတော့ပါဘူး။ သူ့မိတ်ဆွေကို သတ်သွားသူ ဘယ်သူလဲဆိုတာ ပြန်ဖော်ထုတ်ပြီး အချိန်မီ ဖမ်းနိုင်ပါ့မလား။ တယ်လဂူဇာတ်ကား Hunt မှာ အာဂျွန်အဖြစ် Sudheer Babu က သရုပ်ဆောင်ထားပြီး ဇာတ်ကောင်အများကြီးထက် အမှုစုံစမ်းမှုနဲ့ ဇာတ်လမ်းအလှည့်အပြောင်းတွေကို အဓိကထား ရိုက်ကူးထားပါတယ်။

ဗီဂျေးဟာ ဖခင်နဲ့ ပြဿနာတက်ပြီးနောက် ကိုယ့်ဒူးကိုယ်ချွန်ဖို့ အိမ်ကနေ ထွက်လာခဲ့သူပါ။ ခုနစ်နှစ်ကြာတဲ့အခါမှာတော့ မိသားစုဆီ ပြန်လာဖို့ အကြောင်းဖန်လာပါတယ်။ အဲဒီအချိန်မှာ သူ့ဖခင်နဲ့ အစ်ကိုနှစ်ယောက်ကလည်း အစိုးရတင်ဒါတစ်ခုရဖို့ ပြိုင်ဘက်တွေနဲ့ အပြင်းအထန် ယှဉ်ပြိုင်နေကြတယ်။ ဒါပေမဲ့ မိသားစုတစ်ခုလုံး အန္တရာယ်တွေနဲ့ ရင်ဆိုင်ရတော့မယ်ဆိုတာကို သူတို့ မသိကြသေးပါဘူး။ ဘယ်လိုဘေးဒုက္ခတွေ ရောက်လာမလဲ၊ ဗီဂျေးကရော ခုနစ်နှစ်ကြာမှ ဘာကြောင့် အိမ်ပြန်လာတာလဲဆိုတဲ့ မေးခွန်းတွေနဲ့ ဇာတ်လမ်းကို ဆက်ထားပါတယ်။ မင်းသားဗီဂျေးနဲ့ ရက်ရှမီကားမန်ဒါနားတို့ အဓိကပါဝင်ထားပါတယ်။

ရာဗင်ဒရာက ကောလိပ်တုန်းက ရည်းစားဟောင်းရဲ့လက်အောက်မှာ အငယ်တန်းရှေ့နေအဖြစ် အလုပ်လုပ်ရင်း ရုန်းကန်နေရသူပါ။ ငွေရမယ့်အခွင့်အရေးမြင်ရင် ဘာမဆိုလုပ်ဖို့ အသင့်ရှိပြီး တခြားသူတွေ လက်ရှောင်တဲ့အမှုမျိုးကိုတောင် ခေါင်းမာမာနဲ့ ဝင်ကိုင်တတ်ပါတယ်။ တစ်နေ့မှာ ချမ်းသာတဲ့လုပ်ငန်းရှင်တစ်ဦး လူသတ်မှုနဲ့ စွပ်စွဲခံရတယ်။ သမီးဖြစ်သူကလည်း အဖေ့ကို ထောင်ထဲက ထုတ်ပေးနိုင်ရင် ဘာမဆိုပေးဖို့ အသင့်ဖြစ်နေပါတယ်။ ရာဗင်ဒရာက သမီးကိုလည်း သဘောကျ၊ ရမယ့်ငွေကိုလည်း မက်တာနဲ့ သေချာမစဉ်းစားဘဲ အမှုကို တာဝန်ယူလိုက်တယ်။ ဒါပေမယ့် အမှုက သူထင်သလောက် မရိုးရှင်းပါဘူး။ ငွေကိုရှေ့တန်းတင်တတ်တဲ့ ရာဗင်ဒရာတစ်ယောက် ဒီအခြေအနေမှာ ကျိုးကြောင်းဆီလျော်အောင် စဉ်းစားနိုင်ပါ့မလား၊ လူသတ်မှုရဲ့အမှန်တရားကိုရော ဖော်ထုတ်နိုင်မလားဆိုတာ ဆက်တွေ့ရမှာပါ။ တေလဂူးမှုခင်းနဲ့ အက်ရှင်ဇာတ်ကားဖြစ်ပြီး ရာဗီက ရှေ့နေရာဗင်ဒရာအဖြစ် သရုပ်ဆောင်ထားပါတယ်။

James(2022) အညွှန်း IMDb…9.5 “လူတွေထင်တာက နိုင်ငံကိုအုပ်ချုပ်တာ နိုင်ငံရေးသမားတွေလို့ထင်နေကြတယ်… တကယ်က စီးပွားရေးသမားတွေအုပ်ချုပ်နေတာဗျ ” အိန္ဒိယပြည်မှာ နိုင်ငံရေးသမားတွေနဲ့ ခရိုနီတွေကြီးစိုးနေတဲ့အချိန်…တကယ်လည်း ငွေက အရာရာအရေးပါခဲ့တယ်…. ဂိုဏ်းတွေအသီ:သီးနဲ့ နည်းမျိုးစုံနဲ့စီးပွားရှာတယ်… နိုင်ငံရေးပိုင်းကလူတွေနဲ့ အကျွမ်းတဝင်ရှိကြပြီးတော့ စီးပွားရေးကိုလိုသလိုချဲ့ထွင်နေကြတယ်… ဒီစီးပွားသမားကြီးအမည်ခံ လူဆိုးဂိုဏ်းခေါင်းဆောင်ကြီးတွေဟာ လိမ်မာပါးနပ်စွာ သူ့စည်းကိုယ့်စည်းနဲ့ နေခဲ့ကြပေမဲ့ တစ်နေ့တော့ ပြဿနာတစ်ခုက စပြီး အဖွဲ့အချင်းတွေ ပြန်သတ်ဖို့ဖြစ်လာကြတယ်… သွေးချောင်းတွေစီးမဲ့အချိန်မှာ လူဆိုးဂိုဏ်းကြီးတစ်ခုက အားလုံးကိုတုန့်ပြန်ဖို့ ” သေနတ် အလက် ၁၀၀နဲ့ လက်မရွှံ အယောက် ၁၀၀ အစား သေနတ်တစ်လက်နဲ့တူတဲ့လူတစ်ယောက်ကိုငါ့ကိုရှာပေး” James ဆိုတဲ့ လူတစ်ယောက် ပေါ်လာတဲ့အချိန်မှာတော့ ဒီကားက ဘက်ဂျက်အများကြီးသုံးထားပြီ: ရိုက်ထားတာတွေ အတော်မိုက်တယ်..အက်ရှင်အမိုက်စားတွေအပြင် .Car Chases ခန်းတွေ ဆိုင်ကယ်တွေ အလန်းစားတွေသုံးထားသလို Setting Dance တွေ လှပြီး မြိုင်ဆိုင်နေရော…မင်းသမီးလေးကလည်း ချေ့စရာလေးမို့ ကြည့်လိုက်ကြပါဦးဗျို့.. File Size :(1.4GB) and (520 MB) Quality : WEB-DL 720P Format…mp4 Duration…02:29:00 Genre : Action , Drama,Comedy Subtitle : Myanmar Subtitle (Hard Sub) Translated by May Myat & Hnin Wut Yi Encoded by Phyo Pyae

Srikanth Meka သရုပ်ဆောင်ထားတဲ့ လူပျိုကြီးဟာ လက်မှတ်ရောင်းဝယ်ရေးကုမ္ပဏီတစ်ခုမှာ မန်နေဂျာလုပ်နေသူပါ။ သူ့အတွက် အိမ်ထောင်ပြုတာဟာ အိမ်မှာထောင်ကျတာနဲ့ အတူတူပဲဆိုတော့ မိသားစုက ပေးစားဖို့ စီစဉ်တဲ့ မိန်းကလေးတွေကို အမြဲရှောင်နေတတ်တယ်။ ဒါပေမယ့် မိန်းကလေးချောချောလေးတွေ တွေ့ရင်တော့ ပိုးပန်းဖို့ လက်မနှေးပါဘူး။ အိမ်ထောင်ရေးကို ရှောင်ရင်း အီစီကလီလုပ်နေတဲ့ ဒီလူပျိုကြီးက သူများကို ကူညီမိရာကနေ လူမိုက်တွေကြား ဘယ်လိုဝင်ပါမိမလဲ။ အချစ်ကို အလေးအနက်မထားခဲ့တဲ့သူ တကယ်ချစ်မိတဲ့အချိန်မှာရော ဘယ်လိုပြောင်းလဲလာမလဲ။ သူ့အရှုပ်အထွေးတွေကို အက်ရှင်၊ အချစ်ဇာတ်လမ်းနဲ့ ဟာသရောပြီး တင်ဆက်ထားပါတယ်။

Drama/ Fantasy IMDb 7.9/10 ၂၀၂၁ ခုနှစ်မှာထွက်ရှိခဲ့တဲ့ တမီးလ်ရုပ်ရှင်ကားကောင်းတွေထဲမှာ နောက်ဆုံးပိတ်အိတ်နဲ့လွယ်ကားလို့ပြောရလောက်အောင်ကို ရှယ်ကောင်းတဲ့‌တောင်ပိုင်းကားလေးပါ။ Box office မှာ ကုဋေ ၂၀၀ အထိဝင်ငွေကြမ်းခဲ့ပြီး ၂၀၂၁ ခုနှစ်ရဲ့ ဒုတိယမြောက် ဝင်ငွေအကြမ်းဆုံးကားဆိုလည်း ဟုတ်တယ်ဗျ။ Box Office မှာ ၂၀၂၁ ခုနှစ်မှာ ဒုတိယဝင်ငွေအများဆုံးဖြစ်ရတဲ့ အကြောင်းကိုပြောပါဆို နာမည်ကြီးဝါရင့်သရုပ်ဆောင် Nandamuri ပါတာရယ် မင်းသမီးချောနှစ်လက်ဖြစ်တဲ့ Pragya နဲ့ Shamna တို့ပါတာကြောင့်လည်းပါတယ်ပေါ့ဗျာ။ အဲလိုပြောလို့ Red Notice လိုနာမည်ကြီးသရုပ်ဆောင်တွေနဲ့ထိန်းသွားတဲ့ ကားလားဆိုရင်တော့လည်း မဟုတ်ပြန်ဘူးဗျ။ ဇာတ်လမ်းဇာတ်ကွက်က ကုလားကားဆန်ဆန်ရိုက်ချက်တွေပါနေတာကလွဲရင်(ကုလားကားကိုးဗျ) ရှယ်ကိုကောင်းနေတာမျိုးဗျ။ မျောပြီးကြည့်နေရင်းကြက်သီးထရလောက်တဲ့ စကားမျိုးတွေထပြောလေ့ပြောထရှိတဲ့တောင်ပိုင်းကားတွေရဲ့ ဗီဇကိုသိပြီးပြီဆိုရင်တောင် ဒီကားထဲက ကြက်သီးထစရာဇာတ်ဝင်စကားတွေက တစ်ခြားတွေနဲ့ကိုမတူတာအမှန်။ ကြည့်ရင်းမျောရင်း၊ မျောရင်းကြည့်ရင်း အ‌ဆုံးကိုဘယ်လိုရောက်လို့ရောက်သွားမှန်းမသိမယ့်ကားကောင်းမျိုးဗျ။ ဇာတ်လမ်းအကျဉ်းချုပ်ကိုပြောပြရမယ်ဆိုရင် ရွှေကျေးညီနောင်ပေါ့ဗျာ။ ကျေးညီနောင်နှစ်ကောင်ဟာ တစ်ကောင်က ကောင်းရာအရပ်‌ရောက်ပြီး ကျေးလိမ္မာဖြစ်သွားပေမဲ့ တစ်ကောင်ကတော့ ဆိုးရာအရပ်ရောက်ပြီး ကျေး‌မိုက်ဖြစ်သွားသလိုမျိုးပဲပေါ့။ ဒါပေမဲ့ မတူတဲ့အချက်ကတော့ ဒီဇာတ်ကားထဲက ညီအစ်ကိုနှစ်ယောက်ကိုကျ မွေးကတည်းက ဘုရားလူကြီးက နိမိတ်ဖတ်သွားတာပဲ။ ဒီတစ်‌‌ယောက်ဟာ သဘာဝတရားနဲ့ တူလိမ့်မယ်၊ ဒီတစ်ယောက်ဟာ သဘာဝဘေးဆိုးနဲ့တူလိမ့်မယ်ဆိုပြီး သဘာဝတရားကိုချစ် သဘာဝဘေးဆိုးကို စွန့်ပစ်ခိုင်းခဲ့တာမျိုးပေါ့။ ဒီတော့ဗျာ ညီအစ်ကိုနှစ်ယောက်ထဲက သဘာဝတရားဖြစ်တဲ့တစ်ယောက်က ပြည်နယ်အုပ်ချုပ်ရေးမှူးချောချောလေးနဲ့ တစ်စခန်းသွားတော့မယ်အချိန်မှာ သဘာဝဘေးဆိုးဖြစ်တဲ့တစ်ယောက်ကကျ ဘယ်လိုအရပ်ရောက်ပြီး ဘယ်လောက်တောင်ဆိုးနေမယ် ညီအစ်ကိုနှစ်ယောက် ဘယ်လိုပြန်တွေ့ကြမယ်ဆိုတာမျိုးပေါ့။ ဒီလိုသဘောတရားဇာတ်လမ်း‌တွေရှိပေမဲ့ ဒီကားလောက်တော့ ဇာတ်လမ်းဇာတ်ကွက်၊ ဇာတ်ကွက်ဇာတ်ပြောင်းမကောင်းနိုင်တာသေချာတယ်ဗျ။ ဒီတော့ တောင်ပိုင်းကားဖန်တွေအတွက် ၂၀၂၁ ခုနှစ်မှာ နောက်ဆုံးပိတ် အိတ်နဲ့လွယ်ထွက်ထားတဲ့ ဒုတိယမြောက်ရုံတင်ဝင်ငွေအကောင်းဆုံးကားလေးကိုလည်း ရှယ်ဝုန်းပေးကြပါဦးခင်ဗျာ။ File size…3.7GB / 1.5GB Quality…1080p True Web DL AAC 5.1CH / Format…mp4 Duration….2h 47min Subtitle….Myanmar Subtitle (Hard Sub) Encoder….YK Translated by Poe ~ Yunni ~ San Thu Aung

Sarrainodu (2016) IMDb-6.6/10 ဘောလိဝုဒ်ပရိတ်သတ်ကြီးအတွက် ကားဟောင်းထဲက ကားကောင်းလေးတကားဖြစ်တဲ့ အာလူးအာဂျွန်နဲ့ မင်းသမီးချော မဟာလက်ရှ်မီးတို့ရဲ့ အမှန်တရားဘက်တော်သား အက်ရှင်ကားလေးကိုတင်ဆက်ပေးလိုက်ရပါတယ်။ ဘတ်ဂျတ် ရူပီးသန်းငါးရာ အသုံးပြုထားပြီး ရူပီးသန်းထောင့်နှစ်ရာခုနစ်ဆယ်ပြန်ရခဲ့တဲ့ကားတကားလဲဖြစ်ပါတယ်။ အိမ်ရဲ့သဲသဲလှုပ်အချစ်ခံရတဲ့ တဦးတည်းသောသားလေးဖြစ်ပြီး စစ်ပြန်ကြီးလည်းဖြစ်တဲ့ ဂါနာက မတရားတာတွေ့ရင် လက်ပါခြေပါနဲ့ဖြေရှင်းတတ်သူတစ်ယောက်။သိပ်ချစ်မိသွားတဲ့ ချစ်သူလေးက အကြမ်းဖက်တာမျိုးမလုပ်ရင် လက်ထပ်ပါမယ်လို့ကတိပေးပြီးတဲ့နောက်မှာတော့။ ဝန်ကြီးချုပ်ရဲ့ သားဖြစ်သူက သူ့အကျိုးစီးပွားအတွက် အာဏာကိုသုံးပြီး လူတွေသတ် မြေတွေအဓမ္မသိမ်းနဲ့ ထင်ရာစိုင်းနေခဲ့တယ်။အသတ်ခံရတဲ့လယ်သမားတွေဘက်ကနေပြီး ရပ်တည်ပေးနေတဲ့ သားဖနှစ်ယောက်နဲ့ ချစ်သူကိုအကြမ်းမဖက်ပါဘူးဆိုပြီး ကတိပေးထားတဲ့ဂါယာတယောက် ဝန်ကြီးချုပ်သားရဲ့ မတရားမှုမှာ ပါဝင်လာတဲ့အခါမှာတော့။ အရင်က ဘောလိ၀ုဒ်ကားတွေရဲ့ အရသာကိုတဖန်ပြန်လည်ခံစားကြပါဦး။ (အညွှန်းနဲ့ဘာသာပြန်တွေကတော့ V~Zwe~Moon~Cherry~BpL~Yunniတို့ပဲဖြစ်ပါတယ်) File size…4.4GB / 2.1GB Quality…1080p  WEB DL /720p Format…mp4 Duration….2h 39m Subtitle….Myanmar Subtitle (Hard Sub) Encoder….YK Translated by V~Zwe~Moon~Cherry~BpL~Yunn

Govindudu Andarivadele (2014) သံယောဇဉ် တေလေဂူးထိပ်တန်းမင်းသားတွေထဲက တလက်ဖြစ်တဲ့ ဘိုင်ရာဗာမင်းသား ရမ်ချာရန်ရဲ့ ၂၀၁၄ ခုနှစ်ကထွက်ရှိခဲ့တဲ့ အိုးဘက်ဂိုး မိသားစုကားကောင်းလေးကို ပြန်လည်တင်ဆက်ပေးလိုက်ပါတယ်။ ယူကေမှာ ကြီးပြင်းလာတဲ့ လူငယ်လေးအာဘီဟာ သူ့ရဲ့အဘိုးက သူ့အဖေကို သဘောထားကွဲလွဲပြီး ရှင်ခန်းဖြတ်ထားခဲ့တယ်ဆိုတာကို သိရှိသွားခဲ့ပါတယ်။ အိန္ဒိယယဉ်ကျေးမှုကို သိပ်ချစ်တဲ့ အဘိုးဖြစ်သူဟာ ရပ်ရွာတိုးတက်ဖို့နဲ့ ဆရာဝန်သူ့သားအတွက် ရွာမှာ ဆေးရုံတောင်ဆောက်ပေးခဲ့ပေမဲ့ သူ့သားဆရာဝန်က ယူကေမှာ အခြေချချင်ခဲ့တာကြောင့် သူ့သားကို အမွေဖြတ်ခဲ့ပါတယ်။ ဒါကြောင့် အာဘီဟာ မိသားစုကြားက နားလည်မှုလွဲမှုတွေကို ပြန်စေ့စပ်ပေးဖို့အတွက် သူဘယ်သူဆိုတာကို ဖုံးကွယ်ပြီး အိန္ဒိယက အမျိုးတွေရှိတဲ့ ကျေးလက်ရွာလေးဆီ ဧည့်သည်တစ်ဦးအဖြစ် ပြန်သွားပြီး အဘိုးဖြစ်သူရဲ့ ယုံကြည်မှု ရရှိအောင် ကြိုးစားရင်း၊ မိသားစုဝင်တစ်ဦးချင်းစီနဲ့ နွေးထွေးတဲ့ ဆက်ဆံရေး တည်ဆောက်ကာ အဖေနဲ့ အဘိုးကြားက မာန်မာနတွေကို ဘယ်လိုမျိုးပြေလည်သွားအောင် လုပ်ဆောင်ပေးမလဲဆိုတာကို ကြည်နူးစွာခံစားရစေမယ့်ရုပ်ရှင်ကောင်းလေးဖြစ်ပါတယ်။ File size… 3.46 GB/ 2.1 GB Quality…1080p HEVC/ 720p Format…mkv/ mp4 Duration….2h 30min Subtitle….Myanmar Subtitle (Hard Sub)

Nanban (2012) ဒီဇာတ်ကားကတော့ တောင်ပိုင်းရုပ်ရှင်ချစ်ပရိသတ်အသည်းစွဲ မင်းသားကြီး ဗီဂျေးနဲ့ မင်းသမီး အီလ်ယာနာ ဒီခရုဇ်တို့ ပါဝင်ထားတဲ့ Comedy/Dramaအမျိုးအစားပဲဖြစ်ပါတယ်။ IMDb rating 7.8အထိ ရရှိထားတဲ့ တမီလ်ရုပ်ရှင်တစ်ကားပါ။ ဒီကားက အမာရ်ခန်းရဲ့ ဟင်ဒီရုပ်ရှင် 3idiots(2009)ကို Remakeပြန်လည်ရိုက်ကူးထားတာပဲဖြစ်ပါတယ်။ ဇာတ်လမ်းကတော့ ဘောလိ၀ုဒ်ပရိသတ်တွေ အလွတ်ရတဲ့အထိ မှတ်မိနေပြီးဖြစ်တဲ့အတိုင်း သူငယ်ချင်းသုံးယောက်နဲ့ပဲ ဇာတ်အိမ်တည်ထားတာပါ။ ဟင်ဒီရုပ်ရှင်ကို အမာရ်ခန်းတို့လို ဟင်ဒီသရုပ်ဆောင်တွေနဲ့ ကြည့်ဖူး စိတ်ထဲစွဲဖူးနေသူတို့အတွက် ခံစားမှု တမျိုးတမည်နဲ့ ကြည့်ရှုရမဲ့ တောင်ပိုင်းရုပ်ရှင်းကားလေးမို့ ကြည့်ရှုခံစားကြပါဦး။ အညွှန်းနဲ့ ဘာသာပြန်ကတော့ Thaik Sanပဲ ဖြစ်ပါတယ်။ ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size… 3.5GB / 1.63GB Quality…WEB DL 1080p /720p Format…mp4 Duration….3h 8m Subtitle….Myanmar Subtitle (Hard Sub) Encoder….YK Translated by Thaik San