Stocker Fontelieu ပါဝင်သော ဇာတ်ကားများ

အလွတ်စုံထောက် ဟားရော့ဒ်အိန်ဂျယ့်ဆီကို လူးဝစ်ဆိုင်ဖရာဆိုတဲ့ အမှုသည်တစ်ယောက် ရောက်လာပြီး လူပျောက်ရှာပေးဖို့ အပ်ပါတယ်။ ရှာရမယ့်သူက ဂျွန်နီဖေးဘရစ်ဆိုတဲ့ အဆိုတော်ပါ။ ဓာတ်ပုံမရှိ၊ နေရပ်လိပ်စာမသိဘဲ နောက်ဆုံးတက်ခဲ့တဲ့ ဆေးရုံလိပ်စာတစ်ခုသာ ရထားတော့ အဲဒီသဲလွန်စကနေ စရှာရတယ်။ အိန်ဂျယ်ဟာ ဂျွန်နီနဲ့ သိကျွမ်းခဲ့သူတွေကို တစ်ယောက်ပြီးတစ်ယောက် လိုက်တွေ့ပြီး မေးမြန်းပါတယ်။ စုံစမ်းလေလေ ဒီအမှုဟာ ရိုးရိုးလူပျောက်မှုတစ်ခု မဟုတ်တာကို သိလာရတယ်။ မှော်နက်ပညာ၊ စုန်းကဝေအတတ်တွေနဲ့ ဆက်စပ်နေတဲ့အပြင် သူတွေ့ဆုံမေးမြန်းခဲ့သူတွေမှာပါ မထင်မှတ်တဲ့ အဖြစ်ဆိုးတွေ ကြုံလာကြပါတယ်။ အဲဒီအဖြစ်ဆိုးတွေက သူ့ဆီကိုပါ ဆက်နွယ်လာတဲ့အခါ အိန်ဂျယ်ကိုယ်တိုင်လည်း ဘေးကင်းတဲ့နေရာမှာ မရှိတော့ဘူး။ သူ ဒီအန္တရာယ်တွေက လွတ်နိုင်ပါ့မလား၊ ဂျွန်နီဖေးဘရစ်ကိုရော ရှာတွေ့နိုင်မလား၊ စုံစမ်းရင်း သိလာရမယ့် အမှန်တရားက ဘာဖြစ်မလဲဆိုတဲ့ မေးခွန်းတွေ ကျန်နေပါတယ်။ Alan Parker ရိုက်ကူးထားတဲ့ ဒီလျှို့ဝှက်သည်းဖိုနဲ့ စိတ်ပိုင်းဆိုင်ရာထိတ်လန့်ဇာတ်ကားမှာ သွေးထွက်သံယိုခန်းတွေနဲ့ အရွယ်ရောက်သူတွေအတွက်သာ သင့်လျော်တဲ့အခန်းတွေ ပါဝင်ပါတယ်။

ဒီဇာတ်ကားကတော့ ၁၉ ရာစု အမေရိကန်ပြည်ထောင်စု တောင်ပိုင်းဒေသက ကျွန်စနစ်ဆိုးကြီးအောက်မှာ လူမည်းတွေအပေါ် ရက်ရက်စက်စက် ဖိနှိပ်ချုပ်ချယ်မှုတွေ၊ လူသားချင်းစာနာမှုကင်းမဲ့တဲ့ လုပ်ရပ်တွေနဲ့အတူ တုန်လှုပ်ခြောက်ချားဖွယ်ရာ ဖြစ်ရပ်မှန်အချို့ကို အခြေခံပြီး ရိုက်ကူးထားတဲ့ သမိုင်းနောက်ခံ ဒရာမာဇာတ်ကားကြီး ဖြစ်ပါတယ် ။ ဇာတ်လမ်းအကျဉ်း သခင်ကြီး မက်စ်ဝဲလ် ဟာ သူ့ရဲ့ ကြီးမားလှတဲ့ စိုက်ခင်းကြီးထဲမှာ လူမည်းကျွန်တွေကို ဝယ်ယူစုဆောင်းပြီး ကြံစိုက်ပျိုးခြင်း လုပ်ငန်းတွေကို လုပ်ကိုင်စေပါတယ် ။ သူတို့ရဲ့ အဝန်းအဝိုင်းထဲမှာ လူမည်းကျွန်တွေကို လူသားတစ်ယောက်လို သဘောမထားဘဲ တိရစ္ဆာန်တွေလို၊ ကုန်ပစ္စည်းတွေလိုမျိုးသာ တန်ဖိုးဖြတ်ကာ ရောင်းဝယ်ဖောက်ကားကြပြီး စိတ်မထင်ရင် မထင်သလို နှိပ်စက်ညှင်းပန်းမှုတွေ၊ သံခြေကျင်းခတ်ထားမှုတွေ ပြုလုပ်ခဲ့ကြပါတယ် ။ ဒီလိုမျိုး ရက်စက်လွန်းတဲ့ ကျွန်စနစ်ဆိုးကြီးရဲ့ ဖိနှိပ်မှုဒဏ်တွေ၊ စိတ်ပိုင်းဆိုင်ရာ ဒဏ်ရာတွေနဲ့အတူ မိမိကိုယ်ကို ဘယ်တော့မှ လွတ်လပ်ခွင့်မရတော့ဘူးလို့ ခံစားနေရတဲ့ ကျွန်တွေရဲ့ ရုန်းကန်လှုပ်ရှားမှုတွေ၊ အိမ်ထောင်ရေး ဖောက်ပြန်မှုတွေနဲ့အတူ နောက်ဆုံးမှာတော့ သခင်တွေနဲ့ ကျွန်တွေကြား အပြန်အလှန် လက်စားချေမှုတွေ၊ သွေးထွက်သံယို ဖြစ်ရပ်တွေနဲ့အတူ လူသားမျိုးနွယ်ရဲ့ အမှောင်ဆုံး အတိတ်သမိုင်းစာမျက်နှာကို ရင်နင့်စရာ ခံစားချက်မျိုးစုံနဲ့ ရှုမြင်ရမယ့် ကမ္ဘာကျော် ဂန္ထဝင်ဇာတ်ကားကြီး တစ်ကားဖြစ်ပါတယ်။