Subbaraju ပါဝင်သော ဇာတ်ကားများ

Devika And Danny 2025 (ဒေဗီကာရဲ့ ဖူးစာဖက်) ဘဝမှာ အမြဲတမ်း ဖခင်ဖြစ်သူရဲ့စကားကိုပဲ နားထောင်ကာ နေထိုင်လာခဲ့တဲ့ ဒေဗီကာဆိုတဲ့ကောင်မလေး၊ အသက်အရွယ်ကြီးလာလို့ ဆရာမဖြစ်လာတဲ့အချိန်ထိတောင် အိမ်နဲ့အလုပ် အလုပ်နဲ့အိမ်ပဲ သွားခွင့်ရှိသူ။ ဖခင်စကားကို နားထောင်ရင်းနေလာခဲ့တဲ့ ဒေဗီကာတစ်ယောက် အသက်အရွယ်ရလာတဲ့အချိန်မှာတော့ သင့်တော်တဲ့သူနဲ့ ပေးစားဖို့ လူကြီးတွေ စီစဉ်ကြပါတော့တယ်။ လူကြီးတွေဘက်ကနေ သင့်တော်တဲ့သူကိုကရွေးချယ်ကာ ဂျက်ဂီဆိုသူနှင့် ဒေဗီကာကို စေ့စပ်ပွဲလေး ကျင်းပပေးကာ လက်ထပ်ဖို့အတွက် ရက်ကောင်းရက်မြတ် ရွေးချယ်ပါတော့တယ်။ ဂျက်ဂီဆိုသူဟာလည်း ရေအိုင်ထဲက ဖားသူငယ်လိုပဲ သူ့ဘဝနဲ့သူဘုရင်လိုနေနေပြီး ရှေးရိုးစွဲအတွေးတွေနဲ့ နေထိုင်နေသူတစ်ယောက်ပေါ့။ ဂျက်ဂီနဲ့ ဒေဗီကာတို့ရဲ့ စေ့စပ်ပြီး မင်္ဂလာရက်ရွေးချယ်ပွဲပြီးတဲ့နောက်တစ်နေ့မှာပဲ ဒေဗီကာရဲ့ ဇာတာစစ်ချက်ထွက်လာကာ နောက်၃လအတွင်း ဒေဗီကာ့ထံမှာ ချစ်ရတဲ့သူရှိလာမှာဖြစ်ပြီး အဲဒီလူကိုလည်း ဒေဗီကာကိုယ်တိုင် မသိသေးကြောင်း ပြောကြားလာခဲ့ပါတယ်။ ဒေဗီကာတစ်ယောက် ဒီသတင်းကိုကြားပြီးတဲ့နောက်မှာတော့ မိုးရွာကြီးထဲ အလုပ်သွားရင်း ကျောင်းပေါက်ဝအရောက်မှာ ဒန်နီဆိုတဲ့ ကောင်လေးနဲ့ တွေ့ပါတော့တယ်။ ဒီလိုနဲ့ ဒေဗီကာတစ်ယောက် စေ့စပ်ထားတဲ့ ဂျက်ဂီနဲ့ ကျောင်းပေါက်ဝမှာ မမျှော်လင့်ဘဲတွေ့ရတဲ့ ဒန်နီ သူတို့နှစ်ယောက်ကြားမှာ ဘာတွေ ဘယ်လိုဆက်ဖြစ်မလဲ ဆက်လက်ကြည့်ရှုပေးပါဦး။ (အညွှန်းနဲ့ ဘာသာပြန်ကတော့ CM Bollywood Team ပဲဖြစ်ပါတယ်) File Size – 800 MB (Appx;)@Episode Quality – 1080p WEB DL Duration –30minute (@Episode) Total Episodes:7Eps Subtitle – Myanmar Hardsub Format – Mp4 Genre : Comedy Translator – CM Bollywood Team Encoder – YK

Baahubali: The Epic (2025) IMDb - 8.6/10 ဘာဟုဘာလီရုပ်ရှင်တွေရဲ့ ခမ်းနားတဲ့တင်ဆက်မှုကိုတမ်းတနေတဲ့ အိန္ဒိယရုပ်ရှင် ပရိသတ်တွေအာသာပြေစေမဲ့ The Epicဗားရှင်းကို တင်ဆက်ပေးလိုက်ပါတယ်။ မူရင်းတလေဂူးအသံမရသေးတာမို့ ဟင်ဒီအသံနဲ့ပဲကြည့်လို့ရဦးမှာပါ။ အရင်ဆုံးပြောရရင် ဒီဘာဟုဘာလီရုပ်ရှင်က ဇာတ်လမ်းအသစ်မဟုတ်ဘဲ အရင်ထွက်ခဲ့တဲ့ ရုပ်ရှင်နှစ်ကားကို ပိုကောင်းတဲ့ နည်းပညာတွေ၊ (Deleted Scenes)ဖြတ်ထုတ်ထားခဲ့တဲ့ ဇာတ်ဝင်ခန်းတွေ၊ပိုခမ်းနားတဲ့ Visual Effects(VFX)တွေ၊ ပိုကောင်းမွန်တဲ့ နောက်ခံတေးဂီတ တေးသီချင်းတွေနဲ့အတူပေါင်းစပ်ပြီး ပိုပြည့်စုံအောင် ပြန်လည်တင်ဆက်ထားတဲ့ Remastered Special Editionသဘောမျိုးပါပဲ။ဒါရိုက်တာရာဂျာမူလီက ဘာဟုဘာလီရဲ့ ဇာတ်လမ်းအသစ်ကိုရိုက်ကူးမယ်လို့ တရားဝင်ကြေညာတာ မတွေ့ရသေးပါဘူး။ ရုပ်ရှင်ကတော့ အားလုံးသိကြတဲ့အတိုင်း မဟေ့ရှ်မာတီပြည်ကြီးက ထီးနန်းလုပွဲကြီး လို့ဆိုရမှာပဲ။သားတော်ဘာဟုဘာလီရဲ့ မိမိဇစ်မြစ်ကို ပြန်ရှာဖွေရင်း၂၅နှစ်တိုင်အကျဉ်းချခံထားရတဲ့မိခင်ဖြစ်သူကိုကယ်တင်ပြီး ထီးနန်းကိုပြန်ယူပုံနဲ့ ဖခင်ဖြစ်သူဘာဟုဘာလီရဲ့အတိတ်ဇာတ်ကြောင်း ပြန်လည်တင်ဆက်ထားပုံတို့ကိုပေါင်းစည်းထားတာမို့သုံးနာရီကျော်ကြာ တ၀ကြီးခံစားကြည့်ရှုကြပါဦး။ File size… 15 GB / 6.7 GB / 3.6 GB Quality…WEB DL 4K / 1080p HEVC/ 720p Format…mkv/ mp4 Duration….3hr 43mins Subtitle….Myanmar Subtitle (Hard Sub)

Hari Hara Veera Mallu (2025) ဟာရီဟာရာဗီရာမာလူ IMDb -6.6/10 မင်းသားကြီးပါဝမ်ကလယန့်နဲ့ ဘော်ဘီဒိုးလ်တို အပြိုင်ကြမ်းမဲ့ ဇာတ်ကားကောင်းလေးကို ခုပဲတင်ဆက်ပေးလိုက်ပါပြီ။ ဇာတ်ကားလေးကတော့ မွန်ဂိုအင်ပါယာ ကြီးစိုးစဉ်ကာလဖြစ်တဲ့ ၁၇ ရာစုကို အခြေခံရိုက်ကူးထားတာပါ။ မွန်ဂိုဧကရာဇ်ကစလို ဘုရင်ခံအဆင့်ဆင့် အုပ်ချုပ်သူအဆင့်ဆင့် ဖိနှိပ်တာခံနေရတဲ့ ရတနာစိန်ကျောက်တွေထွက်တဲ့ မြိုငယ်လေးတစ်ခုက မြိုသူမြိုသားတွေအတွက်ကတော့ နေ့ရက်တိုင်းဟာ ရှင်လျက်ငရဲကျနေသလိုပါပဲ။ အဲဒီနယ်လေးမှာရှိတဲ့ ပြည်သူတွေကတော့ သူတိုအားလုံးအတွက် ကယ်တင်ရှင်ရောက်လာဖို မျှော်လင့်ရုံကလွဲလို ဘာမှမတတ်နိုင်ကြပါဘူး။ ဒီအချိန်မှာ အဲဒီနယ်က ဘုရားကျောင်းကို မြစ်ထဲကနေ ကလေးတစ်ယောက်မျောပါလာပြီး လင်းယုန်ကစောင့်ရှောက်ပေးနေလို အရှင့်ကောင်းချီးခံရတဲ့ကလေးဆိုပြီး မြိုသားတွေရဲ့ မျှော်လင့်ချက်ဖြစ်လာတဲ့ ဗီလာမာလူ တစ်ဖက်ကလည်း ဒီမြိုလေးကိုအုပ်စိုးနေတဲ့ အောရန်းဇေ့ဘ်အတွက်တော့ မျက်စိဆံပင်မွေးစူးစရာ ဖြစ်လာချိန်မှာတော့... (အညွှန်းနဲ့ဘာသာပြန်ကတော့ B teamမှဖြစ်ပါတယ်) File size… 3.6 GB / 1.8 GB Quality…WEB DL 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub) Translated by B Team

Rules Ranjan (2023) "ငယ်ချစ်ဦးနှင့် ပြန်လည်တွေ့ဆုံခြင်း" IMDb 6.9 ရုံးပိတ်ရက်မှာ အမောပြေရယ်မောလို့ရမယ့် ပေါ့ပေါ့ပါးပါး rom-com တစ်ကားဖြစ်ပါတယ် Telugu သရုပ်ဆောင်တွေဖြစ်ကြတဲ့ Kiran Abbavaram နဲ့ Neha Shetty တို့ ပါဝင်သရုပ်ဆောင်ထားပါတယ် ဇာတ်လမ်းအကျဥ်းကတော့ မန်နိုရန်ဂျန် ဆိုတဲ့ ရိုးရိုးအေးအေး အင်ဂျင်နီယာ ဘွဲ့ရလေးတစ်ယောက်က မွန်ဘိုင်းက ဆော့ဖ်ဝဲလ်ကုမ္ပဏီ တစ်ခုမှာ အလုပ်ရသွားပါတယ် တစ်ရုံးလုံးက သူ့ကို ဟင်ဒီစကားမတတ်လို့ ဝိုင်းအနိုင်ကျင့်ကြပြီး တစ်နေ့မှာတော့ အဲလက်ဆာ ဆိုတဲ့ AI စက်ကလေးရဲ့ အကူအညီနဲ့ ဟင်ဒီလို နားလည်ဖို့ ကြိုးစားပါတယ် အဲလက်ဆာရဲ့ အကူအညီနဲ့ ဆော့ဖ်ဝဲလ်မိတ်ဆက်ပွဲတစ်ခုမှာ မသမာမှုတစ်ခုကို အများရှေ့ ဖော်ထုတ်လိုက်နိုင်တာကြောင့် ရာထူးတိုးသွားပြီး သာမန် ရိုးရိုးအအ ဝန်ထမ်းလေး ရန်ဂျန်ကနေ ဘော့စ်ကပါ ကြောက်ရတဲ့ စည်းစနစ်ကျတဲ့ စာအုပ်ကြီးရန်ဂျန် ဖြစ်လာပါတော့တယ် အရာရာကို စည်းနဲ့ကမ်းနဲ့ လှေနံဓားထစ်လုပ်တတ်တဲ့ ရန်ဂျန်တစ်ယောက် တစ်နေ့မှာတော့ ကျောင်းတုန်းက ကြိတ် crush ခဲ့ရတဲ့ ကောင်မလေးနဲ့ ပြန်ဆုံတဲ့ အခါမှာ နောက်တစ်ကြိမ် ပြန်လည်နီးစပ်နိုင်မှာလား... စက်ရုပ်နှလုံးသားကြီးကို ကောင်မလေးက အရည်ပျော်အောင် ပြောင်းလဲပေးနိုင်ပါ့မလား ဆိုတာကို ပေါ့ပေါ့ပါးပါး ကြည့်ရှုရမှာပါ အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size...3.34GB / 1.6GB Quality…1080p WEB DL /720p Format…mp4 Duration….2h 2m Subtitle….Myanmar Subtitle (Hard Sub) Encoder….YK Translated by CM Bollywood Team

ဘိုင်ရာဗာမင်းသမီးလေး ကာဂျဲလ်နဲ့ တီလဂူးကားတွေရဲ့ အက်ရှင်မင်းသားကြီး Nandamuri Balakrishna မင်းသမီးချောလေး Sreeleela တို့ အဓိကပါဝင်ထားပြီး Ra.One နဲ့ Om Shanti Om ရဲ့ ဗီလိန် ခန့်ချောကြီး Arjun Rampal လည်းပါဝင်ထားတာတဲ့ အက်ရှင်ကြမ်းကြမ်း ပလော့လန်းလန်းနဲ့ ရုံကားကြီးတင်ဆက်ပေးလိုက်ပါတယ် ရုံတင်ငွေလည်း ကုဋေ ၁၃၀ ထိရထားတာမို့ အကြိုက်တွေ့ကြမဲ့ကားပါ နီလာကွန်ဒါဘာဂဗန်ကေဆရီလို့ ခေါ်တဲ့ လုပ်ငန်းရှင်တစ်ဦး၊ အရင်အစိုးရကို ရံပုံငွေထောက်ပံ့တဲ့အတွက်ကြောင့် အခုတက်လာတဲ့အစိုးရကနေ အမှုဖွင့်ပြီး ထောင်ထဲကို ပို့ခံထားရသူ။ တရားမှုကို မြတ်နိုးပြီးတော့ အနိုင်ကျင့်တာကိုလည်း မျက်ကွယ်ပြုမထားနိုင်သူတစ်ယောက်။ တစ်ရက်မှာတော့ ဘာဂဗန်ရဲ့ မိခင်ဖြစ်သူဟာ သေခါနီးဆဲဆဲ သူ့သားကို မမြင်ရရင် မသေနိုင်ဘူးဆိုပြီး တင်းခံနေတဲ့အတွက်ကြောင့်နဲ့ သူ့ရဲ့မိခင်ကို တွေ့ဖို့ သူတို့ရဲ့ ထောင်မှူးကို တောင်းဆိုရာကနေ ထောင်မှူးရဲ့ ခွင့်ပြုချက်နဲ့ မိခင်ဖြစ်သူရဲ့ နောက်ဆုံးထွက်သက်ကို အနားမှာ ရှိပေးလိုက်နိုင်ခဲ့ပါတယ်။ ဒီလို ကျေးဇူးတွေကြောင့်နဲ့ ဘာဂဗန်ဟာ ထောင်မှူးစီရီခန့်သ်ကို တစ်ဘဝလုံးစာ အကြွေးတင်နေတယ်လို့ သတ်မှတ်ထားလိုက်ပါတော့တယ်။ ဒီနောက်ပိုင်းမှာတော့ ထောင်မှူးစီရီခန့်သ်ရဲ့ သမီးလေး ဗီဂျီနဲ့လည်း ဘာဂဗန်ဟာ ရင်းနှီးလာခဲ့ပြီးနောက်မှာတော့ ထောင်မှူးကြီးကို ရုံးခန်းမှာ မတွေ့ရတာ ရက်အတော်ကြာနေပြီဖြစ်တဲ့အတွက် မေးကြည့်လိုက်တဲ့အချိန်မှာတော့ သူ့မိခင်ကို တွေ့ခွင့်ရဖို့အတွက် ထောင်စည်းကမ်းကို ဖောက်ဖျက်ပေးခဲ့တဲ့ အမှုနဲ့ ထောင်မှူးဟာ ရာထူးကနေ အနားခံလိုက်ရတဲ့အကြောင်းကို သိလိုက်ရပါတော့တယ်။ ဒါ့အပြင် ထောင်မှူးဟာ သူရာထူးကနေ ထွက်မသွားခင်မှာ သူ့ကို ထောင်ကနေ လွှတ်ပေးမယ့်စာရင်းထဲကို ထည့်ပေးခဲ့တာကိုလည်း သိိလိုက်ရပါတော့တယ်။ ထောင်ကနေ ထွက်လာတဲ့နောက်မှာ ဘာဂဗန်ဟာ ထောင်မှူးတို့ကို သွားတွေ့ရင်းနဲ့ ထောင်မှူးက အပြင်သွားစရာရှိတာနဲ့ သမီးလေး ဗီဂျီကို စောင့်ကြည့်ပေးနေတုန်းမှာပဲ ထောင်မှူးဟာ အပြင်သွားရင်း လမ်းမှာ ကားအက်စီးဒန့်ဖြစ်ပြီးတော့ ဒဏ်ရာအပြင်းအထန်နဲ့ ဆေးရုံမှာတင်ပဲ ဆုံးပါးသွားခဲ့ပါတယ်။သူ့အဖေရဲ့ သတင်းကို ရုတ်တရက်ကြီး ကြားသိလိုက်ရတဲ့ ဗီဂျီလေးဟာ စိတ်ဒဏ်ရာရပြီးတော့ အလန့်တကြားဖြစ်သွားရင်း ရှော့ရတတ်တဲ့ရောဂါကို ခံစားနေရပါတော့တယ်။ မိဘတွေမရှိတော့တဲ့ ဗီဂျီလေးကို ဘာဂဗန်ကပဲ သန်မာလာအောင် ပြုစုစောင့်ရှောက်ပေးရင်းနဲ့ နောက်ပိုင်းမှာရော ဘယ်လိုတွေ ဆက်ဖြစ်လာဦးမလဲဆိုတာကို ကြည့်ရှူရမယ့် အက်ရှင်ဒရာမာကားကောင်းလေးတစ်ကားပဲ ဖြစ်ပါတယ်။ (အညွှန်းနဲ့ ဘာသာပြန်ကတော့ Thaik San~Dee~V~BpL~Yunni~ToMo တို့ပဲ ဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…3.3GB / 1.68GB Quality…1080p WEB DL /720p Format…mp4 Duration…2h 44m Subtitle….Myanmar Subtitle (Hard Sub) Encoder….YK Translated by Thaik San~Dee~V~BpL~Yunni~ToMo

IMDb-7.8/10 ရုံတင်ငွေ ၁ ဘီလီယံကျော်ရခဲ့တဲ့ ဘဝအတွက်ခဏလောက် အတွေးဝင်သွားစေမဲ့ဇာတ်ကားကောင်းလေးတစ်ခုတင်ဆက်ပေးလိုက်ပါတယ် ဒီကားရဲ့ ဒါရိုက်တာ Samuthirakani ရိုက်သမျှကားတိုင်းဟာလည်း ပရိသတ်အားပေးမှုများစွာရရှိခဲ့တဲ့ ဘ၀ဒဿနဇာတ်ကားကောင်း‌တွေချည်းပါပဲ အစ်ကိုကြီးအဖရာဆိုတဲ့အတိုင်း တစ်မိသားစုလုံးရဲ့တာဝန်တွေအတွက် အလုပ်တွေစီးပွားရေးတွေနဲ့ပဲ အချိန်ကုန်နေတဲ့ မာ့ခ် မုန့်တစ်ခုကိုကုန်အောင်မစားနိုင်ချစ်သူနဲ့တောင် နှစ်ဦးအတူထိုင်စကား‌မပြောနိုင် ညီအစ်ကိုမောင်နှမတွေနဲ့တောင် စကားလက်ဆုံမကျနိုင်သည်ထိ အဆုံးစွန်ကြိုးစားနေခဲ့တာပေါ့ သူအစွမ်းကုန်ကြိုးစားလို့ ရလဒ်ကောင်းတွေရလာတဲ့အသက်သုံးဆယ်အရွယ် GM ဖြစ်တော့မဲ့အချိန် ချစ်သူမိသားစုညီအစ်ကိုမောင်နှမတွေကို အချိန်ပေးတော့မဲ့အချိန်မှာ သေသွားခဲ့ရတယ် တမလွန်နဲ့ ပစ္စုပ္ပန်ကြားကာလလေးမှာ အချိန်နတ်ဘုရားနဲ့တွေ့ပြီး လူ့ပြည်ကိုပြန်ဖို့တောင်းဆိုခဲ့တယ် သူပြန်လာနိုင်တဲ့အချိန်က ရက်ပေါင်းကိုးဆယ်... လူပြည့်ပြန်ရောက်တဲ့အချိန်မှာလည်း အချိန်နတ်ဘုရားက ထပ်ကြပ်မကွာလိုက်နေခဲ့တယ်.. သူရရှိတဲ့ ရက်ပေါင်းကိုးဆယ်မှာ အဓိပ္ပာယ်ရှိတဲ့ဘဝပိုင်ဆိုင်အောင်ကြိုးစားနိုင်မလား... တစ်ချက်ချက်အသံပေးပြီး ရွေ့လျားနေတဲ့အချိန်မှာ ချစ်ရသူတွေနဲ့အတူ ဘဝကိုဖြတ်သန်းဖို့ မမေ့ကြနဲ့နော် (အညွှန်းနှင့် ဘာသာပြန်သူတွေကတော့ BpL ~ Zwe ~ V ~ Moon ~ Yunni တို့ပဲဖြစ်ပါတယ်) File size…2.54GB / 1.5GB Quality…1080p WEB DL /720p Format…mp4 Duration….2h 14m Subtitle….Myanmar Subtitle (Hard Sub) Encoder….YK Translated by BpL ~ Zwe ~ V ~ Moon ~ Yunni

ပူရူအင်ပါယာရဲ့ မင်းကြီးဒူရှန်တာဟာ ရဲစွမ်းသတ္တိရှိပြီး မင်းကျင့်တရားနဲ့အညီ တိုင်းပြည်ကို အုပ်ချုပ်သူပါ။ ရှာကွန်သာလာကတော့ ကံအကြောင်းမလှလို့ မိဘမဲ့ဖြစ်ခဲ့ပြီး ဂုရုကြီးရဲ့ မွေးစားသမီးအဖြစ် ကြီးပြင်းလာတဲ့ မိန်းကလေးတစ်ယောက် ဖြစ်ပါတယ်။ ဒီနှစ်ယောက် ဆုံတွေ့ပြီး ချစ်သူတွေ ဖြစ်လာကြပေမယ့် အတူရှိနေနိုင်တဲ့ အချိန်က မကြာခဲ့ပါဘူး။ ရန်သူတွေနဲ့ တိုင်းပြည်တာဝန်တွေ ရှိနေတဲ့ ဒူရှန်တာဟာ ရှာကွန်သာလာကို သူ့နေရပ်မှာ ထားခဲ့ပြီး တိုင်းပြည်ဆီ ခဏပြန်သွားရပါတယ်။ ရှာကွန်သာလာမှာလည်း အခက်အခဲတချို့ ကြုံလာရပြီး ဒူရှန်တာရဲ့ တိုင်းပြည်ကို လိုက်သွားဖို့ လုပ်လာတယ်။ ဒီခရီးကို အောင်အောင်မြင်မြင် သွားနိုင်ပါ့မလား၊ ကြုံလာတဲ့ အခက်အခဲတွေကို ဘယ်လိုဖြေရှင်းမလဲ၊ ဒူရှန်တာကရော ချစ်သူကို လက်ခံပါ့မလားဆိုတဲ့ မေးခွန်းတွေ ရှိနေပါတယ်။ Dev Mohan နဲ့ Samantha Ruth Prabhu တို့က ဒီရာဇဝင်နောက်ခံ အချစ်ဇာတ်လမ်းမှာ ပါဝင်သရုပ်ဆောင်ထားကြပါတယ်။

RAW အဖွဲ့က နိုင်ငံတကာရာဇဝတ်သားတစ်ယောက်ကို အိန္ဒိယနိုင်ငံဆီ ဖမ်းခေါ်လာတုန်း လေယာဉ်ပျက်ကျသွားတာကြောင့် သူ့ကို ရဲစခန်းတစ်ခုမှာ တစ်ညထိန်းသိမ်းထားဖို့ ဖြစ်လာပါတယ်။ ဒါပေမယ့် အဲဒီညမှာပဲ ရဲစခန်း ဝင်စီးခံရပြီး စခန်းထဲက ရဲတွေအားလုံး အသတ်ခံလိုက်ရတယ်။ ဖမ်းထားတဲ့ ရာဇဝတ်သားလည်း လွတ်သွားပါတယ်။ ဒီဖြစ်ရပ်ကြောင့် ရာထူးဆိုင်းငံ့ခံလိုက်ရတဲ့ ရဲအရာရှိက လွတ်သွားသူကို ပြန်ဖမ်းဖို့ သန္နိဋ္ဌာန်ချထားတယ်။ ရာဇဝတ်သားကို ရင်ဆိုင်ဖို့ မီးကိုမီးနဲ့ ငြှိမ်းမယ့်နည်းကို ရွေးလာတဲ့အခါ ဇာတ်လမ်းက ဆက်သွားပါတယ်။ ချီရန်ဂျီဗီး၊ ရဗီတေဂျားနဲ့ ရှရူတီးဟာစန်းတို့ ပါဝင်သရုပ်ဆောင်ထားတဲ့ အက်ရှင်ရုပ်ရှင်ဖြစ်ပြီး ရိုက်ကူးစရိတ် ရူပီကုဋေ ၁၄၀ အသုံးပြုကာ ဝင်ငွေ ၂၃၃.၀၅ ကုဋေ ရရှိခဲ့ပါတယ်။

မဟီက ကိုယ်ပိုင်ငွေချေးလုပ်ငန်း လုပ်ကိုင်နေတဲ့ ငွေချေးအေးဂျင့်တစ်ယောက်ပါ။ ငယ်ငယ်က ကြုံခဲ့ရတဲ့ အတိတ်ဆိုးတွေကြောင့် ရစရာအကြွေးရှိရင် တစ်ရူပီးကအစ အရမရမချင်း လိုက်တောင်းတတ်တယ်။ ဒီလိုလူမျိုးဆီကို ကာလာဗာသီဆိုတဲ့ မိန်းကလေးတစ်ယောက်က ပညာသင်ဖို့ဆိုပြီး ဒေါ်လာ ၁၀၀၀၀ လာချေးပါတယ်။ မဟီက ကာလာဗာသီကို သဘောကျသွားပေမယ့် သိပ်မကြာခင်မှာပဲ သူ့ရဲ့သရုပ်မှန်ကို သိလိုက်ရတယ်။ အကြွေးဆို နည်းနည်းလေးတောင် အလျှော့မပေးတတ်တဲ့ မဟီက ဒီဒေါ်လာ ၁၀၀၀၀ ကို ပြန်ရဖို့ ဘယ်အထိလိုက်တောင်းမလဲ၊ ဘယ်လိုနည်းတွေနဲ့ တောင်းမလဲ။ ဒီငွေချေးမှုကနေ ဘယ်လိုအဖြစ်အပျက်တွေ ဆက်ပေါ်လာမလဲဆိုတာကို မဟေရှ်ဘာဘူ ပါဝင်သရုပ်ဆောင်ထားတဲ့ တလဲဂူးအက်ရှင်ဇာတ်ကားမှာ ဆက်တွေ့ရမှာပါ။

ရီရှီနဲ့ ရာဒါတို့ဟာ တစ်ရက်တည်း၊ တစ်ချိန်တည်းမှာ မွေးလာကြတဲ့ ကောင်လေးနဲ့ ကောင်မလေးပါ။ သူတို့အဖေတွေကလည်း ငယ်ပေါင်းကြီးဖော် သူငယ်ချင်းရင်းတွေဆိုတော့ နှစ်ယောက်သား ငယ်ငယ်ကတည်းက တပူးပူးတတွဲတွဲ ကြီးပြင်းလာခဲ့ကြတယ်။ အတူနေခဲ့ရင်း သူငယ်ချင်းသံယောဇဉ်ထက် ပိုလာပြီး တစ်ယောက်ကိုတစ်ယောက် ချစ်နေကြပါတယ်။ အလယ်တန်းကျောင်းသားဘဝမှာတော့ ကိစ္စတစ်ခုကြောင့် တစ်ယောက်ပါးတစ်ယောက် ရိုက်မိကြရာက အခေါ်အပြော ပြတ်သွားကြတယ်။ တစ်ဖက်လူက အရင်မခေါ်ရင် ကိုယ်ကလည်း မခေါ်ဘူးဆိုတဲ့ မာနနဲ့ နေလာလိုက်ကြတာ ကောလိပ်တက်တဲ့အရွယ်အထိပါပဲ။ ရင်ထဲမှာတော့ ချစ်နေကြသေးသလို တစ်ယောက်ကိုတစ်ယောက် ဂရုလည်း စိုက်နေကြဆဲပါ။ ဒီနှစ်ယောက်ရဲ့ မာနတွေကို ဘာက ပြိုကွဲစေမလဲ၊ ဘယ်သူက အရင်ဆုံး စကားစပြောမလဲဆိုတာကို မိသားစုဘဝထဲက ဟာသအဖြစ်အပျက်တွေနဲ့အတူ ဆက်ပြထားတဲ့ အချစ်ဇာတ်လမ်းပါ။

Drama/ Fantasy IMDb 7.9/10 ၂၀၂၁ ခုနှစ်မှာထွက်ရှိခဲ့တဲ့ တမီးလ်ရုပ်ရှင်ကားကောင်းတွေထဲမှာ နောက်ဆုံးပိတ်အိတ်နဲ့လွယ်ကားလို့ပြောရလောက်အောင်ကို ရှယ်ကောင်းတဲ့‌တောင်ပိုင်းကားလေးပါ။ Box office မှာ ကုဋေ ၂၀၀ အထိဝင်ငွေကြမ်းခဲ့ပြီး ၂၀၂၁ ခုနှစ်ရဲ့ ဒုတိယမြောက် ဝင်ငွေအကြမ်းဆုံးကားဆိုလည်း ဟုတ်တယ်ဗျ။ Box Office မှာ ၂၀၂၁ ခုနှစ်မှာ ဒုတိယဝင်ငွေအများဆုံးဖြစ်ရတဲ့ အကြောင်းကိုပြောပါဆို နာမည်ကြီးဝါရင့်သရုပ်ဆောင် Nandamuri ပါတာရယ် မင်းသမီးချောနှစ်လက်ဖြစ်တဲ့ Pragya နဲ့ Shamna တို့ပါတာကြောင့်လည်းပါတယ်ပေါ့ဗျာ။ အဲလိုပြောလို့ Red Notice လိုနာမည်ကြီးသရုပ်ဆောင်တွေနဲ့ထိန်းသွားတဲ့ ကားလားဆိုရင်တော့လည်း မဟုတ်ပြန်ဘူးဗျ။ ဇာတ်လမ်းဇာတ်ကွက်က ကုလားကားဆန်ဆန်ရိုက်ချက်တွေပါနေတာကလွဲရင်(ကုလားကားကိုးဗျ) ရှယ်ကိုကောင်းနေတာမျိုးဗျ။ မျောပြီးကြည့်နေရင်းကြက်သီးထရလောက်တဲ့ စကားမျိုးတွေထပြောလေ့ပြောထရှိတဲ့တောင်ပိုင်းကားတွေရဲ့ ဗီဇကိုသိပြီးပြီဆိုရင်တောင် ဒီကားထဲက ကြက်သီးထစရာဇာတ်ဝင်စကားတွေက တစ်ခြားတွေနဲ့ကိုမတူတာအမှန်။ ကြည့်ရင်းမျောရင်း၊ မျောရင်းကြည့်ရင်း အ‌ဆုံးကိုဘယ်လိုရောက်လို့ရောက်သွားမှန်းမသိမယ့်ကားကောင်းမျိုးဗျ။ ဇာတ်လမ်းအကျဉ်းချုပ်ကိုပြောပြရမယ်ဆိုရင် ရွှေကျေးညီနောင်ပေါ့ဗျာ။ ကျေးညီနောင်နှစ်ကောင်ဟာ တစ်ကောင်က ကောင်းရာအရပ်‌ရောက်ပြီး ကျေးလိမ္မာဖြစ်သွားပေမဲ့ တစ်ကောင်ကတော့ ဆိုးရာအရပ်ရောက်ပြီး ကျေး‌မိုက်ဖြစ်သွားသလိုမျိုးပဲပေါ့။ ဒါပေမဲ့ မတူတဲ့အချက်ကတော့ ဒီဇာတ်ကားထဲက ညီအစ်ကိုနှစ်ယောက်ကိုကျ မွေးကတည်းက ဘုရားလူကြီးက နိမိတ်ဖတ်သွားတာပဲ။ ဒီတစ်‌‌ယောက်ဟာ သဘာဝတရားနဲ့ တူလိမ့်မယ်၊ ဒီတစ်ယောက်ဟာ သဘာဝဘေးဆိုးနဲ့တူလိမ့်မယ်ဆိုပြီး သဘာဝတရားကိုချစ် သဘာဝဘေးဆိုးကို စွန့်ပစ်ခိုင်းခဲ့တာမျိုးပေါ့။ ဒီတော့ဗျာ ညီအစ်ကိုနှစ်ယောက်ထဲက သဘာဝတရားဖြစ်တဲ့တစ်ယောက်က ပြည်နယ်အုပ်ချုပ်ရေးမှူးချောချောလေးနဲ့ တစ်စခန်းသွားတော့မယ်အချိန်မှာ သဘာဝဘေးဆိုးဖြစ်တဲ့တစ်ယောက်ကကျ ဘယ်လိုအရပ်ရောက်ပြီး ဘယ်လောက်တောင်ဆိုးနေမယ် ညီအစ်ကိုနှစ်ယောက် ဘယ်လိုပြန်တွေ့ကြမယ်ဆိုတာမျိုးပေါ့။ ဒီလိုသဘောတရားဇာတ်လမ်း‌တွေရှိပေမဲ့ ဒီကားလောက်တော့ ဇာတ်လမ်းဇာတ်ကွက်၊ ဇာတ်ကွက်ဇာတ်ပြောင်းမကောင်းနိုင်တာသေချာတယ်ဗျ။ ဒီတော့ တောင်ပိုင်းကားဖန်တွေအတွက် ၂၀၂၁ ခုနှစ်မှာ နောက်ဆုံးပိတ် အိတ်နဲ့လွယ်ထွက်ထားတဲ့ ဒုတိယမြောက်ရုံတင်ဝင်ငွေအကောင်းဆုံးကားလေးကိုလည်း ရှယ်ဝုန်းပေးကြပါဦးခင်ဗျာ။ File size…3.7GB / 1.5GB Quality…1080p True Web DL AAC 5.1CH / Format…mp4 Duration….2h 47min Subtitle….Myanmar Subtitle (Hard Sub) Encoder….YK Translated by Poe ~ Yunni ~ San Thu Aung

Sarileru Neekevvaru (2020) တေလဂူးမင်းသားချော Mahesh Babu နဲ့ ပရိသတ်တို့ရဲ့ အချစ်တော် တောင်ပိုင်းမင်းသမီး Rashmika Mandanna တို့ရဲ့ အချစ်၊အကြမ်းကားကြီး လာပါပြီ။ ဇာတ်လမ်းအကျဉ်းအရ မင်းသားချောကတော့ အိန္ဒိယတပ်က စစ်ဗိုလ်တစ်ယောက်ပါ။ စစ်ဆင်ရေးတွေမှာလည်း ခေါင်းဆောင်ကောင်းပီသပြီး အရမ်းတော်တဲ့ စစ်သားတစ်ယောက်ပါ။ မိဘမဲ့တစ်ယောက်ဘဝနဲ့ စစ်တပ်ထဲမှာ အသက်ရင်းပြီး မိခင်မေတ္တာကို လိုချင်တောင့်တနေသူပါ။ ဒီလိုနဲ့ သူဦးဆောင်တဲ့ စစ်ဆင်ရေးတစ်ခုမှာ စစ်သားတစ်ယောက် ပြင်းပြင်းထန်ထန် ဒဏ်ရာရခဲ့ပါတယ်။ လတ်တလောမှာ အဲ့ဒီစစ်သားဟာ ဒီစစ်ဆင်ရေးပြီးရင် ညီမဖြစ်သူရဲ့ မင်္ဂလာပွဲအတွက် အိမ်ပြန်မှာပါ။ခွင့်လည်း တောင်းထားပြီးသား။ ခုလိုအခြေအနေကို မိသားစုကို အကြောင်းကြားဖို့ရာ မိသားစုတစ်ခုလုံး အခြေအနေတွေ ကမောက်ကမဖြစ်မှာစိုးလို့ တပ်ရင်းရဲ့ ကိုယ်စား စစ်သားတစ်ယောက် သွားရောက်ပြီး အေးဆေးစွာ ပြောပြနိုင်ရပါမယ်။ ဒီတာဝန်ကို တာဝန်ယူလိုက်တဲ့ သူကတော့... မင်းသားချောပါပဲ။ ကဲ သူ့ ခရီးတစ်လျှောက် ဘယ်လိုမျိုးတွေ တွေ့ကြုံရမလဲ အဲ့ဒီအိမ်ကို ရောက်သွားတဲ့အခါမှာရော သူထင်ထားသလို ဖြစ်နေမလား ဆိုတာကို ရုပ်ရှင်ရုံထဲကြည့်ရသလို ၃ နာရီနီးပါး လိုက်ပါစီးမျောကြည့်ရှုရမှာပါ။ (ရုပ်ရှင်ဘာသာပြန်နဲ့အညွှန်းကို တင်ဆက်ပေးထားကြသူတွေကတော့ Myint Thu နဲ့ Nyi Nyi Koe တို့ ဖြစ်ပါတယ်) File size…(6.1 GB)/(1.8 GB )/(1 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:51:03 Subtitle….Myanmar Subtitle (Hardsub) Encoder….Ka Naung Translated by Nyi Koe & Myint Thu

ရုပ်ရှင်ကို ဝါသနာကြီးတဲ့ လူငယ်တစ်ယောက်ဟာ သူ့ရဲ့ ပွဲဦးထွက်ဇာတ်ကားအတွက် ဂိုဏ်းစတားတစ်ယောက်ရဲ့ ဘဝအကြောင်းကို ရိုက်ကူးဖို့ စိတ်ကူးထားပါတယ်။ ဒီလိုနဲ့ ရက်စက်ကြမ်းတမ်းတဲ့ ဂန္ဒလကွန်ဒါဂန္နီချ်အကြောင်း ရိုက်ဖို့ အကြောင်းဖန်လာတယ်။ သူနဲ့ သူငယ်ချင်းဖြစ်သူတို့ နှစ်ယောက်သား အသက်အန္တရာယ်ရှိနိုင်တဲ့ကြားက ဂန္နီချ်ရဲ့ ဘဝဇာတ်ကြောင်းကို သိရဖို့ ကြိုးစားကြပါတယ်။ ဒါပေမယ့် ဂန္နီချ်က သူ့အကြောင်း ရုပ်ရှင်ရိုက်ဖို့ သဘောတူပါ့မလား။ ဒီလူဆိုးရဲ့ နောက်ကြောင်းမှာ ဘာတွေရှိပြီး ဘယ်လိုအဖြစ်အပျက်တွေ ကြုံခဲ့ရသလဲဆိုတာကိုလည်း သိရဦးမှာပါ။ အချစ်ရေးကိုတောင် ဘေးဖယ်ပြီး ပွဲဦးထွက်ဇာတ်ကားအတွက် အာရုံစိုက်နေတဲ့ ဒါရိုက်တာလူငယ်ရဲ့ ကြိုးစားမှုကရော အောင်မြင်လာနိုင်မလား။

အိန္ဒိယကားကောင်းကောင်းလေးတွေ တောင်းတနေတဲ့ ပရိသတ်တွေအတွက်အလန်းစား တောင်ပိုင်းကားတစ်ကား တင်ဆက်ပေးလိုက်ပါတယ် Hello (2017), Hello Guru Prema Kosame (2018) တို့လို Drama, Romance ကားကောင်းတစ်ကားဆိုလည်း မမှားပါဘူး မင်းသားကလည်း လောလောလတ်လတ် CM ကတင်ပေးထားတဲ့ Taxiwaala ထဲကမင်းသားချော Vijay Deverakona ပဲဖြစ်ပါတယ် ကြည့်ဖူးနေကျ တောင်ပိုင်းကားတွေလိုမဟုတ်ဘဲ အိုဗာအက်တင်တွေ လုံးဝကင်းတဲ့ ဇာတ်ကားကောင်းတစ်ကားပါ ဇာတ်လမ်းလေးကတော့ ငယ်ငယ်ကတည်းက မိခင်ဆုံးပါးသွားလို့ အဖေတစ်ယောက်တည်းရဲ့ အုပ်ထိန်းမှုဖြင့်ကြီးပင်းခဲ့တဲ့ ဗီဂျေး အသက်ရွယ် ၂၅ နှစ်အရွယ်လူပျိုတစ်ယောက် မိန်းကလေးတွေနဲ့ပတ်သတ်ရင် ဘာအတွေ့အကြုံမှမရှိဘဲ ရည်းစားရဖို့နေနေသာသာမိန်းကလေးတစ်ယောက်ကိုတောင် မပိုးမပမ်းတတ်သူ တခြားသူတွေနဲ့မတူဘဲ အိမ်ထောင်ရေးနဲ့ပတ်သတ်လို့အချစ်ရေးနဲ့ပတ်သတ်လို့ဇနီးမယားဆိုတဲ့အရာနဲ့ပတ်သတ်လို့ စိတ်ကူးယာဉ်ဆန်လွန်းသူ ငါသာ ရည်းစားထားရင် ဘယ်မိန်းကလေးမျိုးနဲ့မှအိမ်ထောင်ပြုရင် ဘယ်လိုမိန်းကလေးကိုပဲ အိမ်ထောင်ပြုမှာ စဖြင့် ရှေးဆန်တဲ့အတွေးအခေါ်တွေ တပြုံတပိုက်နဲ့ဘယ်လောက်ထိ မိန်းကလေးတွေနဲ့ပတ်သတ်ပြီး အတွေ့ကြုံနည်းလဲဆိုရင် စိတ်ဝင်စားလို့ ၆ လလောက်ပတ်လိုက်ခဲ့တဲ့ မိန်းကလေးက အိမ်ထောင်သည်ဖြစ်နေမှန်း မသိရှာဘူး အဲ့လောက်ထိ အဲ့ဒိလို ဗီဂျေးတစ်ယောက် တနေ့မှာ အင်မတန်ချစ်ရမယ့် ဂီသားဆုတဲ့မိန်းကလေးနဲ့ဆုံစည်းခဲ့ပါတယ် သူ့ရဲ့အလွဲလွဲအချော်ချော်တွေနဲ့ အယူအဆတွေနဲ့ ဂီသားနဲ့ ဗီဂျေး ပေါင်းစည်းခွင့်ရမလားဆိုတာကိုတော့ ..... (အမှန်အကန် Comedy, Drama ကားကောင်းတစ်ကားဖြစ်လို့ ပေးရတဲ့အချိန်ရုပ်ရှင် ဒေါင်းရကြိုးနပ်စေရမယ်လို့ ရဲရဲကြီး အာမခံပါတယ်) (ဇာတ်လမ်းအညွန်းနဲ့ဘာသာပြန်သူကတော့ ကိုဇော်ထူးပါ) File Size : (950 MB) Quality : WEB-DL 720p Running Time : 2hr 22min Format : Mkv Genre : Drama, Romance Subtitle : Myanmar Subtitle (Hard Sub) Source : 720p.WebDL.AVC.AAC.ESub.DTOne Translated by Zaw Htoo Encoded by Thanhtike Zaw

IMDb Rating (8.2) / Rotten Tomatoes (86%) ဘုရင့် သက်တော်စောင့် ကက်တာပါးက မဟစ်ရှ်မာတီ နိုင်ငံတော်က ထီးညွန့်နန်းလျာ အမန်ဒရာဘာဟုဘာလီကို သူ ကိုယ်တိုင် ဘာကြောင့်သတ်ဖြတ် ပစ်ရတဲ့အကြောင်းကို သားဖြစ်သူ မဟင်ဒရာဘာဟုဘာလီကို ရှင်းပြတဲ့ပုံစံနဲ့ ဇာတ်လမ်းဆက်ထား တာပါ။ ဆူပူသောင်းကျန်းတဲ့ မ ကောင်းဆိုးဝါးတွေ နှိမ်နင်းအပြီး မှာတော့ ဘုရင်မကြီးဆီဗာဂါမိ ဟာ သားဖြစ်တဲ့ အမန်ဒရာဘာဟု ဘာလီကို ထီးနန်းဆက်ခံမယ့်သူ အဖြစ် ကြေညာခဲ့ပြီး တူဖြစ်တဲ့ ဘာလာကိုတော့ စစ်သူကြီးအဖြစ် ကြေညာခဲ့ပါတယ်။ ဘုရင်မကြီး က အမန်ဒရာကို တပ်မှူးကက် တာပါးနဲ့အတူ အနီးဝန်းကျင်က နိုင်ငံတွေနဲ့ ပြည်သူတွေကြားကို လေ့လာဖို့ စေလွှတ်ခဲ့ပါတယ်။ အဲဒီလိုသွားရင်းနဲ့ တစ်နေ ရာအရောက်မှာတော့ တိုက်ရေး ခိုက်ရေးကျွမ်းကျင်ပြီး ထက်မြက် တဲ့ ကန်တာလာနိုင်ငံက မင်းသမီး ဒီဗာဆီနာနဲ့ဆုံခဲ့ပြီး မင်းသမီးကို သဘောကျမိတဲ့အတွက် အမန် ဒရာဟာ သာမန်လူတစ်ဦးပုံစံနဲ့ ချဉ်းကပ်ကာ မင်းသမီးရဲ့နိုင်ငံကို ကက်တာပါးနဲ့အတူ လိုက်သွားခဲ့ ပါတယ်။ တစ်ဖက်မှာလည်း ဘုရင်မ ကြီး ဆီဗာဂါမိဟာ ရန်သူနိုင်ငံက မင်းသမီး ဒီဗာဆီနာနဲ့ တူတော် ဘာလာကို နှစ်နိုင်ငံငြိမ်းချမ်းရေး အတွက် လက်ဆက်ဖို့ ကမ်းလှမ်း စာပို့ခဲ့ပါတယ်။ မင်းသမီးက ငြင်း ဆန်ခဲ့တဲ့အတွက် ဘုရင်မကြီး အမျက်ထွက်ပြီး ကန်တာလာကို တိုက်ခိုက်ဖို့ အမိန့်ပေးခဲ့ပါတော့ တယ်။ မင်းသမီး ဒီဗာဆီနာတို့ နိုင်ငံကို ရန်သူတွေကျူးကျော်ဝင် လာတဲ့အခါမှာ အမန်ဒရာက ကူညီတိုက်ခိုက်ပေးခဲ့ပြီး သူ့ရဲ့ အံ့မခန်းစွမ်းအားတွေကြောင့် မင်းသမီးရော၊ ဟန်တာလာဘုရင်ကြီး ရော အံ့အားသင့်ခဲ့ကြပါတယ်။ ထူးခြားအစွမ်းတွေကြောင့် သာမန်လူ မဟုတ်တန်ရာတဲ့အ တွက် မေးမြန်းရင်း ဘုရင်မကြီးရဲ့ သားတော်ဆိုတာ သိသွားခဲ့ကြပြီး အမန်ဒရာက မင်းသမီးကို သ ဘောကျကြောင်း ဖွင့်ပြောခဲ့သလို ဘုရင်မကြီးကလည်း လက်ထပ်ဖို့ ကမ်းလှမ်းထားတာလည်း ရှိတဲ့အ တွက် မင်းသမီးကို တစ်ပါတည်း ခေါ်သွားခဲ့ပါတယ်။ ဟိုဘက်နိုင်ငံရောက်တဲ့အ ခါမှာ မင်းသမီးဒီဗာဆီနာကို ဘာ လာနဲ့ပေးစားဖို့ ကမ်းလှမ်းတာဖြစ် နေတဲ့အတွက် ဘုရင်မကြီး၊ အမန်ဒရာနဲ့ မင်းသမီးတို့ အချေအတင် တွေဖြစ်ကာ အမန်ဒရာက သူ့ မယ်တော်ကို ဆန့်ကျင်ပြီး သူ့ လမ်းသူလျှောက်ခဲ့တဲ့အတွက် ရာထူးအသိမ်းခံခဲ့ရပါတယ်။ ဘာလာက ရှင်ဘုရင်ဖြစ် သွားခဲ့ပေမယ့် လူထုကတော့ စစ်သူကြီးဖြစ်သွားတဲ့ အမန်ဒရာဘက်ကသာ ရပ်တည်ပြီး ထောက်ခံအားပေးခဲ့ကြပါတယ်။ အဲဒီအခါမှာ အမန်ဒရာအပေါ် မရှုဆိတ်တဲ့ဘာလာဟာအမျိုးမျိုးဒုက္ခတွေပေးခဲ့သလို ပြဿနာတွေဖြေရှင်းမှုမှာ လည်း ထိပ်တိုက်တွေ့ပြီး အသက်အန္တရာယ်အထိပါ ဒုက္ခပေးဖို့လုပ်ခဲ့ပါတော့တယ်။ ပြည်သူတွေဘက်က ရပ်တည်တဲ့ အမန်ဒရာနဲ့ မဟုတ်မခံမင်းသမီး ဒီဗာဆီနာတို့ ဘယ်လိုအန္တရာယ်တွေ ရင်ဆိုင် ရမှာလဲ၊ ဘုရင်မကြီးနဲ့ ဘာလာက တစ်ဖက်၊ အမန်ဒရာတို့ က တစ်ဖက်ဖြစ်လာတဲ့အခါမှာ ဘာတွေဆက်ဖြစ်ကြမှာလဲ၊ အမန်ဒရာရဲ့ ဖြစ်ကြောင်းကုန်စင်ကိုသိသွားတဲ့ သားဖြစ်သူ မဟင်ဒရာဘာဟုဘာလီတစ်ယောက် ဘယ်လိုလက်တုံ့ပြန် မှာလဲဆိုတာ ကြည့်လိုက်ဦးနော်။ ဒီဇာတ်ကားမှာ အမန်ဒရာ ဘာဟုဘာလီ၊ မဟင်ဒရာ ဘာဟု ဘာလီအဖြစ် ပရာဘက်စ်၊ ဘာလာအဖြစ် ရာနာ ဒက်ဂူဘာတီ၊ ဒီဗာဆီနာအဖြစ် အနွတ်ရှ်ကာ ရှက်တီ၊ ဘုရင်မကြီး ဆီဗာဂါမိ အဖြစ် ရမ်ရာခရစ်ရှ်နာ၊ ကက်တာပါးအဖြစ် ဆက်သ်ရာရာ့ဂျ်တို့ သရုပ်ဆောင်ထားပါတယ်။ (ရုပ်ရှင်အညွှန်းကိုတော့ 7Daydaily မှကူးယူဖော်ပြထားတာဖြစ်ပါတယ်။) File size…(4.2 GB ) / (3.1 GB) / (1.6 GB) Quality…BluRay 4K HEVC / 1080p / 720p Telugu Audio Format…mkv Duration….02:47:00 Subtitle….Myanmar Subtitle (Hardsub) Encoder….Nyeinsaeya Aung Translated by Tariq L Walker

အက်လူးအရ်ဂျွန်နဲ့ ပူဂျားဟစ်ဂဒေတို့ ပါဝင်ထားတဲ့ ဒီဇာတ်ကားထဲက အဓိကဇာတ်ကောင်ဟာ ငယ်ငယ်ကတည်းက မတရားမှုကိုမြင်ရင် လက်ပိုက်ကြည့်မနေနိုင်တဲ့သူပါ။ ရာဇဝတ်သားတွေကိုလည်း သတ်ပစ်ချင်လောက်အောင် မုန်းတီးတယ်။ အဖိုးပြောခဲ့တဲ့ စကားကို မှတ်သားထားပြီး ရဲအရာရှိတစ်ယောက်နဲ့ ပူးပေါင်းကာ ရာဇဝတ်သားတွေကို လျှို့ဝှက်ရှင်းလင်းနေပါတယ်။ သူတို့ပစ်မှတ်ထားခံရတဲ့ ရာဇဝတ်သားတွေက အသက်ရှင်ခွင့် မရကြဘူး။ လူတွေအမြင်မှာတော့ သူက ဧည့်ခံကျွေးမွေးရေးလုပ်ငန်းလုပ်တဲ့ မိသားစုက ပုဏ္ဏားမျိုးရိုးဝင်တစ်ယောက်ဖြစ်ပြီး အပြစ်ကင်းတဲ့သူတစ်ယောက်ပါ။ ဒီလိုဘဝနှစ်မျိုးနဲ့ နေနေရင်း လူထောင်ချီဆီက ငွေတွေကို လိမ်လည်အမြတ်ထုတ်ဖို့ ကြံနေသူတစ်ယောက်နဲ့ ထိပ်တိုက်တွေ့လာတယ်။ တစ်ဖက်လူကလည်း ကိုယ်အဆင်ပြေရင် ဘယ်သူဘာဖြစ်ဖြစ် ဂရုမစိုက်ဘဲ လမ်းမှာ ဝင်နှောင့်ယှက်သူမှန်သမျှကို အပြတ်ရှင်းတတ်သူပါ။ ဒီနှစ်ယောက် ဆုံလာတဲ့အခါ ဘယ်လိုတွေဆက်ဖြစ်မလဲဆိုတာ တွေ့ရမှာပါ။

IMDb Rating (8/10) / Rotten Tomatoes (89%) မူရင်းအသံဖြစ်တဲ့ Telugu အသံနဲ့ International Cut Version ကို HEVC Encode နဲ့ပါ တင်ဆက်လိုက်ပါတယ်။ ဗာဟုဘာလီဇာတ်ကားကတော့ Action, Adventure, History အမျိုးအစား ရာဇဝင်ဇာတ်ကားပါ။ရှေးခေတ်အိန္ဒိယတိုင်းပြည် က အင်အားကြီးဘုရင်တွေနဲ့ ဒဏ္ဍာရီဆန်တဲ့ ဇာတ်လမ်းတွေကို ဖော်ကျူးရိုက်ကူးထားတဲ့ ဇာတ်ကားဖြစ်ပါတယ်။ ရှီဗာဆိုတဲ့ မွေး ကင်းစကလေးငယ်လေးနဲ့ သူ့ရဲ့ အထိန်းတော်ဖြစ်သူတို့ကို ဘုရင့် မှူးမတ်တွေက လိုက်ပြီးတော့ သုတ်သင်ပါတယ်။ ထွက်ပြေးရင်း လမ်းခုလတ်အရောက်မှာ သူ့ရဲ့ အထိန်းတော်ဖြစ်သူက ကွယ်လွန် သွားခဲ့ပြီး ရှီဗာဆိုတဲ့ ကလေးလေးကို ဒေသခံရွာသားတွေက စောင့်ရှောက်ခဲ့ပါတယ်။ ရှီဗာ တဖြည်းဖြည်းကြီးလာ တဲ့အခါ တခြားလူငယ်တွေနဲ့မတူ ဘဲ သန်မာပြီးရဲရင့်တဲ့လူငယ်တစ် ယောက်ဖြစ်လာတယ်။ သူကြီး ပြင်းခဲ့တဲ့ရွာနဲ့ မနီးမဝေး တောင် ပေါ်မှာ ရှေးဟောင်းဘုရင့် တိုင်း ပြည်တစ်ခုရှိပြီး အဲဒီတိုင်းပြည်မှာ အကျဉ်းကျနေတဲ့ ဘုရင်မတစ် ပါးရှိတယ်။ တစ်ရက်မှာ ရှီဗာက တောင်ပေါ်တက်ဖို့ ကြိုးစားရင်း အရမ်းလှတဲ့ အမျိုးသမီး တစ် ယောက်ကို တွေ့ခဲ့တယ်။ ဒီအမျိုး သမီးနောက်ကို လိုက်ဖို့ကြိုးစား ရင်းနဲ့ပဲ တောင်ပေါ်အထိ ရောက် ခဲ့ပြီး တောင်ပေါ်မှာ မျိုးနွယ်စုတစ် စုကို တွေ့ရတယ်။ အဲဒီမျိုးနွယ်စုက ဘုရင့်တိုင်း ပြည်က အကျဉ်းကျနေတဲ့ ဘုရင်မကို ကယ်ဖို့ ကြိုးစားနေတာဖြစ် တယ်။ တိုတိုပြောရရင် ရှီဗာက သူကြိုက်တဲ့ ကောင်မလေးကို ကူ ညီဖို့ကြိုးစားရင်း အကျဉ်းကျနေ တဲ့ ဘုရင်မကို ကယ်ဖို့ဖြစ်လာ တယ်။ အဲဒီဘုရင်မက တကယ် တော့ ရှီဗာရဲ့ မိခင်အရင်းဖြစ်ပါတယ်။ ဇာတ်ကားက တော်တော် ပေရှည်ပါတယ်။ အဲဒီနောက်မှာ ဒီတိုင်းပြည်ကြီးမှာ ရှီဗာမသိတဲ့ ဇာတ်ကြောင်းတွေ ကျန်ပါတယ်။ သူ့အဖေ၊ အမေ၊ တိုင်းပြည်ကြီး အကြောင်း၊ စစ်ပွဲတွေအကြောင်း တွေ အများကြီးပါ။ နောက်ဆက်တွဲအကြောင်းတွေနဲ့ ဒီဇာတ်ကားရဲ့ အဆက်ကိုတော့ Baahubali 2: The Conclusion (2017) အဖြစ် ထပ်မံကြည့်ရှုရမှာပါ။ (ရုပ်ရှင်အညွှန်းကို 7Daydaily မှကူးယူဖော်ပြပါသည်။) File size…2.5GB AND 1.4GB Quality…BluRay 1080p / 720p Telugu Audio Format…mkv Duration….02:17:47 Subtitle….Myanmar Subtitle (Hardsub) Encoder….Nyeinsaeya Aung Translated by Lwin Htoo Aung

IMDb Rating ကတော့ 4.8 လောက်ပဲရရှိထားပေမယ့် အခုလထဲမှာအရမ်းကိုခေတ်စားနေတဲ့ အိန္ဒိယရုပ်ရှင်ဇာတ်ကားလေးမို့Channel Myanmar ပရိတ်သတ်ကြီးအတွက်တင်ပေးလိုက်ပါတယ်။ ဒီဇာတ်လမ်းမှာ Action နဲ့ Drama ကို တွဲဖက်ရိုက်ကူးထားပြီး မင်းသား Ram Charan က အဓိက သရုပ်ဆောင်ထားပါတယ်။ တွဲဖက်သရုပ်ဆောင်ထားတဲ့ မင်းသမီး Shruti Haasan နဲ့ မင်းသမီး Amy Jackson တို့ရဲ့ ဆွဲဆောင်မှုကလည်း ဒီဇာတ်ကားကို မလွတ်တမ်းကြည့်ရှုစေမှာပါ။ ဇာတ်လမ်းမှာ လူမိုက် ဘီရူးဘိုင် ရဲ့ နှောက်ယှက်မှုနဲ့ မင်းသမီးကို လိုချင်တာကြောင့် အန္တရာယ်တွေကျရောက်ခါနီး အနေအထားမှာ သူမရဲ့မိဘတွေက ချစ်သူ နဲ့ အတူ ထွက်ပြေးခိုင်းတာကနေ စပါတယ်။ ဘတ်စ်ကားနဲ့ထွက်ပြေးနေရင်း ဘီရူးဘိုင်ရဲ့ လက်ကမလွတ်မြောက်ခဲ့တာကြောင့် မင်းသားဟာ အသေသတ်ခံရပြီး ကားကိုပါ မီးရှို့ဖျက်ဆီးခံရပါတယ်။ ဒါပေမဲ့ အသက်သေခါနီးဆဲဆဲ မှာပဲ ဆေးရုံပေါ်ရောက်ခဲ့ပြီး ကျွမ်းကျင်တဲ့ ခွဲစိတ်ဆရာဝန်မကြီးကြောင့် ဘဝအသစ်တစ်ခုကို ရရှိခဲ့ပြီး မိမိရဲ့ရန်သူများကို ပြန်လည်လက်စားချေပုံများကို အိန္ဒိယဇာတ်လမ်းအထာများနဲ့ ရိုက်ပြသွားတာကို တမေ့တမော ခံစားကြည့်ရှုနိုင်ကြမှာပါ။ Genre..... Action, Thriller Quality…. 1080p HEVC | 720p WEB-DL File size… 7.2GB | 2.8GB Format… mkv, mp4 Duration…. 2h 48min Subtitle…. Myanmar Subtitle (Hardsub) Encoder ..... Aaron

Mirchi (2013)"ငရုတ်သီး" မြန်မာ ပရိသတ်ကြားမှာ ဘာဟူဘာလီဇာတ်ကောင်နဲ့ လူအများဆုံးသိကြတဲ့ တေလေဂူး မင်းသားကြီးပရာဘာ့စ်ရဲ့ ရုပ်ရှင်ဟောင်းလေးကို ရှာဖွေတင်ဆက်ပေးလိုက်ပါတယ်။ ဒီရုပ်ရှင်ဟာ ၂၀၁၃ ခုနှစ်မှာထွက်ရှိခဲ့တာဖြစ်ပြီး Devara တို့၊ Archarya တို့လို ရုပ်ရှင်တွေရဲ့ပဲ့ကိုင်ရှင် ဆုရဒါရိုက်တာ ကိုရာတာလာရှီလာက ရိုက်ကူးထားတာပါ။ ဇာတ်လမ်းကတော့.. အမေရိကမှာနေတဲ့ ဂျေးဆိုတဲ့ အိန္ဒိယသားလေးဟာ မာနာဆာဆိုတဲ့ကောင်မလေးကို မတော်တဆကူညီပေးမိရာကနေ မာနာဆာကို ချစ်မိသွားခဲ့ပါတယ်။ မာနာဆာကလည်း ဂျေးကို စိတ်ယိုင်ပေမဲ့ အိန္ဒိယမှာရှိတဲ့ မာနာဆာ့အမျိုးတွေက ရမ်းကားဆိုးသွားတာကြောင့် ဂျေးကိုပြန်မကြိုက်ရဲဘဲ အိန္ဒိယကိုပြန်သွားခဲ့ပါတယ်။ မာနာဆာကို ချစ်မိသွားတဲ့ဂျေးက အမေရိကကနေ အိန္ဒိယကိုပါကျောင်းပြောင်းပြီးလိုက်သွားခဲ့ပေမဲ့ အိန္ဒိယမှာရှိတဲ့ မာနာဆာရဲ့မိသားစုနဲ့ ဂျေးရဲ့မိသားစုဟာ အစဉ်အဆက်ရန်ငြိုးရှိခဲ့တဲ့မိသားစုတွေဖြစ်နေတဲ့အခါမှာတော့...။ မင်းသား ပရာဘာ့စ်ရဲ့ အချစ်ဟာသအက်ရှင်ဇာတ်ကားဟောင်းလေးကို ပရိသတ်တွေအတွက် B Team ကနေ ညွှန်းဆိုဘာသာပြန်ရှာဖွေတင်ဆက်ပေးလိုက်ပါတယ်...။ File size… 3.5 GB/ 2 GB Quality…WEB DL 1080p HEVC/ 720p Format…mkv/ mp4 Duration….2h 35m Subtitle….Myanmar Subtitle (Hard Sub) Encoder….B Encoder Translated by B Team

Iddarammayilatho (2013) အညွှန်း ဇာတ်လမ်းစဖွင့်ပုံက... နိုင်ငံအတွင်းမှာ ဖြစ်သွားတဲ့ ကုဋေ တစ်သိန်းတန် လာဘ်စားမှုကြီးတစ်ခုအကြောင်းကို IAS အရာရှိတစ်ယောက်က ဝန်ကြီးကို မေးမြန်းပြီး ၊ အဲ့ဒီကိစ္စကို စုံစမ်းပေးဖို့ ဝန်ကြီးက IAS အရာရှိကို တာဝန်ပေးလိုက်ရာက စဖွင့်ပါတယ်။ ဒီနောက်တော့ ဝန်ကြီးရဲ့သမီး နိုင်ငံခြားကို စိတ်ပညာဘွဲ့လွန်သွားတက်တာကို ပြပါတယ်။ ဒါက ဇာတ်လမ်းရဲ့ နိဒါန်းပဲ ရှိပါသေးတယ်။ ဒီနောက်တော့ ဝန်ကြီးသမီး အာကန်ရှာဟာ ပြည်ပမှာ ကောလိပ်တက်ဖို့ အဆောင်တစ်ခုကို ရောက်လာပါတယ်။ အဲ့ဒီအဆောင်က သူတည်းခိုတဲ့ အခန်းထဲကနေ မိန်းကလေးတစ်ယောက်ရဲ့ ဒိုင်ယာရီစာအုပ်ကိုတွေ့လို့ ဖတ်ကြည့်မိရာကနေ ဒီဇာတ်လမ်းတစ်ခုလုံးဟာ ရုပ်လုံးပေါ်လာတော့တာပါပဲ။ တစ်ချို့က ကြည့်ဖူးကြပေမယ့် တစ်ချို့ကတော့ မကြည့်ဖူးလောက်ပါဘူး။ ဇာတ်လမ်းကို ခြုံငုံသုံးသပ်ရရင် ဇာတ်အိမ်ကို အားမရပေမယ့် တေလဂူးဇာတ်ကားလေးတွေရဲ့ ထုံးစံအတိုင်း ချစ်ခန်းကြိုက်ခန်း ၊ ဟာသခန်းလေးတွေ ညှပ်ထည့်ထားပုံက ဇာတ်လမ်းကို မြူးကြွစေပြီး ၊ တေလဂူးမင်းသမီးလေးတွေရဲ့ ညုတုတု အမူအရာ ၊ သရုပ်ဆောင်ပုံလေးတွေက အသည်းယားစရာ ကောင်းလှပါတယ်။ မိသားစုနဲ့ အတူ ကြည့်နိုင်သလို ၊ မိမိရဲ့ ရည်းစား ၊ မိမိရဲ့ အိမ်ထောင်ဖက်နဲ့လည်း အတူကြည့်ရင်း အချစ်တွေ ပိုတိုးလာစေနိုင်ပါတယ်။ ( ချစ်စရာကြိုက်စရာမရှိ ၊ Ro စရာမရှိတဲ့ FA များကတော့ ဒီကားကြည့်ရင်း သွားရည်ကျနိုင်တယ်။ ချစ်ချင်စိတ်တွေ တဖွားဖွားပေါ်လာရင်တော့ အဲ့ဒီစိတ်ကို ထိန်းချုပ်ရင်း ကိုယ့်ကျန်းမာရေးကိုယ် ဂရုစိုက်ကြပေါ့နော့) File size…3.7GB / 1.8GB / Quality…1080p AAC 5.1CH / 720p Format…mp4 Duration….2h 17m Subtitle….Myanmar Subtitle (Hard Sub) Encoder….YK Translated by Myint Thu

Pokkiri 2007 (လူမိုက်လေးရဲ့ ချစ်ပုံပြင်) IMDb - 7.6/10 ယခုတစ်ခါမှာတော့ ဗီဂျေးမင်းသားရဲ့ ဇာတ်ကားဟောင်းလေးတစ်ကားကို တင်ဆက်ပေးလိုက်ပါတယ်။ ဒါ့အပြင် ဇာတ်လိုက်တွေထဲမှာလည်း နာမည်ကြီးတွေပါတဲ့အတွက် အဟောင်းထဲက အကောင်းလေးတစ်ကားပဲဖြစ်ပါတယ်။ ချန်နိုင်းမြို့မှာ ဂိုဏ်းတွေကြီးစိုးနေပြီးတော့ အဲဒီထဲမှာမှ နာရာဆင်မဟန်နဲ့ အာလီဘိုင်တို့ရဲ့ ဂိုဏ်းကတော့ အမြဲတမ်း ရန်ပွဲတွေရှိပြီး သောင်းကျန်းချင်တိုင်း သောင်းကျန်းနေပါတော့တယ်။ ဒီအချိန်မှာ ချန်နိုင်းကို အရာရှိအသစ်ပြောင်းလာခဲ့ပြီးတော့ နာမည်ကတော့ မိုဟာမတ် မိုင်ဒီခန်းလို့ခေါ်ပါတယ်။ သူဟာ ပြောင်းရွှေ့လာပြီးပြီးချင်းမှာ ပထမဆုံးယူရတဲ့ တာဝန်ကတော့ သောင်းကျန်းနေတဲ့ ဂိုဏ်းတွေကို ဖြိုခွင်းဖို့ပါပဲ။ လုပ်ရပ်နဲ့သက်သေပြတယ်လို့ပဲ ပြောရမလား၊ တာဝန်ထမ်းဆောင်ချိန် ၄၈နာရီအတွင်းမှာပဲ လူမိုက် ၃၀၀ကျော်ကို ဖမ်းပြီးတော့ လူမိုက်၈ယောက်ကတော့ အသတ်ခံလိုက်ရပါတယ်။ ဒီလိုအချိန်မှာပဲ ပိုက်ဆံအတွက်ဆိုရင် ဘာမဆိုလုပ်တဲ့ လူမိုက်လေးတစ်ယောက်လည်း ချန်နိုင်းမှာရှိနေပါတယ်။ သူဟာ ချစ်မိသွားပြီဆိုတဲ့ ဒုက္ခတွေ့ပြီမှတ်လို့ ယုံကြည်ထားခဲ့ပေမယ့် ရှရူသီလို့ခေါ်တဲ့ ကောင်မလေးကို မြင်မြင်ချင်းပဲ ချစ်မိသွားပါတော့တယ်။ ဒါပေမဲ့လည်း လူမိုက်လေးချစ်မိသွားတဲ့ ကောင်မလေးဟာ အကြမ်းဖက်တဲ့ကိစ္စကို အရမ်းကို မုန်းတီးတဲ့သူဖြစ်နေပါတော့တယ်။ ဒီလိုနဲ့ ပိုက်ဆံအတွက်ဆိုရင် ဘာမဆိုလုပ်တဲ့ လူမိုက်လေးနဲ့ အကြမ်းဖက်မှုတွေဆိုရင် မုန်းတီးတတ်တဲ့ ကောင်မလေးတို့ရဲ့ အချစ်ဇာတ်လမ်းမှာ ဘယ်လို အတားအဆီးတွေကို ဖြတ်ကျော်ရမလဲ...... ချန်နိုင်းမှာ သောင်းကျန်းနေတဲ့ ဂိုဏ်းတွေနဲ့ရော လူမိုက်လေးနဲ့ ဘယ်လိုတွေ ဆက်စပ်ပြီးတော့ ဘာတွေဆက်ပြီးဖြစ်မလဲဆိုတာကို ကြည့်ရှုရမယ့် အကြမ်းအရမ်းအက်ရှင်ကားလေးပဲဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Team ပဲဖြစ်ပါတယ်) File size… 3.9 GB / 2.2 GB Quality…WEB DL 1080p HEVC/ 720p Format…mkv/ mp4 Duration….2h 41m Subtitle….Myanmar Subtitle (Hard Sub) Encoder….YK Translated by CM Bollywood Team

Pokiri (2006) "ကြေးစားလူမိုက်" 2006 ခုနှစ်ထွက်ရှိခဲ့တဲ့ တေလဂူးအက်ရှင်ကားလေးကို တင်ဆက်လိုက်ပါတယ် ဒီကားလေးဟာ ဝင်ငွေအကောင်းဆုံးတေလဂူးစကားပြောရုပ်ရှင်အဖြစ် ၃ နှစ်တိတိ ရပ်တည်ခဲ့တာဖြစ်ပြီး ဗီဂျေးမင်းသားနဲ့တစ်ကား၊ ဆယ်မန်ခန်းနဲ့နောက်တစ်ကားပါ ရီမိတ်လုပ်ခံရတာပါ ဒီထဲမှာတော့ ဝန်ကြီးချုပ်မင်းသားခေါ်တဲ့ မာဟေ့ရှ်ဘာဘူက ခေါင်းဆောင်ပါဝင်ထားပါတယ် ဇာတ်လမ်းအကျဉ်းကတော့ ဟိုက်ဒရာဘတ်မှာ မြေသိမ်း၊ ငွေညှစ်၊ ပြန်ပေး ဒုစရိုက်မျိုးစုံလုပ်နေတဲ့ ဒုစရိုက်ဂိုဏ်းနှစ်ခု အပြိုင်သောင်းကျန်းလျက်ရှိပါတယ် ပန်ဒူဆိုတဲ့ကောင်လေးကတော့ ငွေယူပြီး လူရိုက်တဲ့အလုပ်ကိုလုပ်ရင်းကနေ သူတို့ဒုစရိုက်လောကထဲ တဖြည်းဖြည်းပတ်သက်မိလာတာပါ နောက်ပြီး ရှရူတီဆိုတဲ့ အေရိုးဘစ်ဆရာမလေးတစ်ယောက်ကို ချစ်မိသွားတဲ့နောက်မှာ ဘယ်လိုအရှုပ်အရှင်းတွေဆက်ဖြစ်မလဲ ပရိသတ်တို့ကပဲ ဆက်လက်အားပေးကြည့်ရှုလိုက်ပါဦး အညွှန်းနဲ့ဘာသာပြန်ကတော့ B-Team မှ ဖြစ်ပါတယ် File size… 4.2 GB / 2.2 GB Quality…WEB DL 1080p HEVC/ 720p Format…mkv/ mp4 Duration….2h 44m Subtitle….Myanmar Subtitle (Hard Sub) Translated by B Team