Tanvi Azmi ပါဝင်သော ဇာတ်ကားများ

Dil Dosti Dilemma (2024) အက်စ်မာရဲ့နွေရာသီ IMDb 6.5/10 ဒီတစ်ခေါက်ကတော့ dramaဇာတ်လမ်းလေးတစ်ခုကို CM ပရိသတ်ကြီးအတွက် တင်ဆက်ပေးလိုက်ပါတယ်။ မိသားစုတိုင်းမှာ လူငယ်နဲ့လူကြီးကြား ဒီဇာတ်လမ်းထဲလို တစ်ခေါက်လောက်တော့ ဖြစ်ဖူးကြမှာပါ။ အရှက်ရတာမျိုးပေါ့။ ကိုယ်တို့ရဲ့ဘဝမှာ လူကြီးတွေရဲ့တစ်ခုခုကို အရှက်ရပြီး အပေါင်းအသင်းတွေကို ဖုံးကွယ်ထားတာမျိုး လုပ်ဖူးကြပါတယ်။ အမေစာမတတ်တာ၊ အဖေအရက်သောက်ပြီး ရိုက်တတ်တာ၊ ဆွေမျိုးတွေရဲ့ အတွေးအခေါ်က နိမ့်ကျနေတာ အစရှိသဖြင့်ပါ။ ကိုယ့်စိတ်ထဲ ဒါကအောက်တယ်ထင်ပြီး ကိုယ်ရဲ့ ပတ်ဝန်းကျင်မှာဖုံးကွယ်ထားမျိုး ငယ်ရွယ်တုန်းမှာ လုပ်မိတတ်ကြပါတယ်။ ဒီထဲက အက်စ်မာဆိုတဲ့ကောင်မလေးကလည်း အတူတူပါပဲ။ စီးပွားရေးအဆင်ပြေ၊ ခေတ်မှီ၊ ပွင့်လင်းပြီးအမြင်ရှိတဲ့ မိဘတွေလက်မှာ ချမ်းချမ်းသာသာနေရတဲ့ ကောင်မလေးပါ။ တီနဲ့နွန်းဆိုတဲ့ သူ့လိုrk ကောင်မလေးနှစ်ယောက်နဲ့လည်း အတွေးတူ အမြင်တူ အချစ်ဆုံးသူငယ်ချင်းတွေပါ။ ရှောပင်းလေးထွက်လိုက်၊ ကောင်လေးတွေနဲ့ ဇယားခင်းလိုက်နဲ့ ဘဝကိုပေါ့ပေါ့လေး နေနေရပါတယ်။ အက်စ်မာရာဟာ နွေရာသီမှာ အစ်ကိုဘွဲ့ယူမယ့်ကနေဒါကို မိသားစုလိုက်သွားမယ့်အရေးတွေးပြီး အစီအစဥ်တွေ အပြည့်ဆွဲထားခဲ့တယ်။ ဒီလိုနဲ့ တစ်နေ့အိမ်ကို နယ်ကအဘွားလာလည်တော့ တိုက်တိုက်ဆိုင်ဆိုင် သူငယ်ချင်းတွေရှိနေတဲ့အခိုက်ဖြစ်နေခဲ့တယ်။ အဲဒီမှာ အဘွားရဲ့ရိုးရိုးအအပုံတွေကြည့်ပြီး အထင်သေးနေတဲ့ သူငယ်ချင်းတွေကြောင့် သူမျက်နှာပျက်ရမှာကြောက်ပြီး အဘွားသူငယ်ချင်းလို့ လိမ်လိုက်တော့တယ်။ အဘွားခမျာ စိတ်ထိခိုက်ပြီး သမီးအလာတောင်မစောင့်ဘဲ အိမ်ပြန်သွားတော့တယ်။ ဒီအကြောင်းကို အမေနဲ့အဖေသိသွားတဲ့အခါ အက်စ်မာရာကို အပြစ်ပေးတဲ့အနေနဲ့ ကနေဒါကို ပေးမလိုက်တော့ဘဲ နယ်ကအဘွားအိမ်ကို နွေရာသီနေဖို့ လွှတ်လိုက်ပါတော့တယ်။ အဲဒီမှာ အက်စ်မာရာရဲ့ဘဝဘယ်လို ဆက်ဖြစ်မလဲ။ အတွေးအခေါ်တွေ ပြောင်းလဲသွားမလား။ ကနေဒါမှာလို့ သူငယ်ချင်းတွေကို လိမ်ထားတာလည်း ပေါ်သွားမလားဆိုတာကိုတော့ ဒီဇာတ်လမ်းတွဲလေးမှာ စောင့်ကြည့်ပေးပါဦး။ (အညွှန်းနဲ့ ဘာသာပြန်ကတော့ CM Bollywood Team ဖြစ်ပါတယ်) File Size – 1GB (Appx;)@Episode Quality – 1080p WEB DL Duration –40 minute (@Episode) Total Episodes:Eps Subtitle – Myanmar Hardsub Format – Mp4 Genre : Comedy ~ Drama Translator – CM Bollywood Team Encoder – YK

Do Patti (2024) "မျက်နှာနှစ်ဖက်" Netflix မှ အသစ်ထွက်ရှိလာတဲ့ မင်းသမီးချောနှစ်လက်နဲ့ ဟင်ဒီရုပ်ရှင်ကားလေးကို ထွက်ထွက်ချင်း တင်ဆက်ပေးလိုက်ပါတယ် ငယ်ရွယ်တဲ့အလှ- ကရီတီဆန်နွန်နဲ့ မင်းသမီးကြီး ကာဂျိုးလ်တို့နှစ်ယောက် Diwale(2015)နောက်ပိုင်း ကိုးနှစ်ကြာမှ ပြန်တွဲရိုက်တဲ့ ဒီရုပ်ရှင်လေးမှာဆိုရင် မင်းသမီးကြီး ကာဂျိုးလ်က တည်ငြိမ်ရင့်ကျက်တဲ့ အင်စပတ်တာအရှာရှိမလေးအဖြစ်သရုပ်ဆောင်ထားပြီး ကရီတီဆန်နွန်ကတော့ စရိုက်နှစ်မျိုးနဲ့ အမြွှာညီမနေရာကနေ သရုပ်ဆောင်တင်ဆက်ထားပါတယ် ဗီဒ်ယာဟာ တရားသူကြီးဖခင်၊ ရှေ့နေမိခင်တို့ရဲ့ခြေရာကို လိုက်နင်းဖို့ကြိုးစားနေတဲ့ အင်စပတ်တာအရာရှိမလေးတစ်ယောက်ဖြစ်ပြီး အလုပ်နဲ့ကိုယ်ရေးကိုယ်တာ နှစ်ဖက်လုံးမှာ ကိုယ်ဘဝကိုယ်အားမရဖြစ်နေသူ တစ်နေ့မှာ ဘာရယ်မဟုတ် သာမန်အိမ်တွင်းအကြမ်းဖက်မှုထင်ရတဲ့ ဖုန်းခေါ်ဆိုတိုင်ကြားချက်တစ်ခုကနေ စောမြနဲ့ ရှာလီဆိုတဲ့ အမြွှာညီအစ်မအကြောင်းတစ်စွန်းတစ်စသိလာရတယ် အချစ်အတွက်ယှဥ်ပြိုင်ဘက်လည်းဖြစ် စရိုက်လက္ခဏာဆန့်ကျင်ဘက်ဖြစ်တဲ့ ညီအစ်မနှစ်ယောက်ကြားက ဖုံးကွယ်ထားတဲ့ လျှို့ဝှက်ချက်တွေ ဘယ်လိုဖော်ထုတ်သွားမလဲဆိုတာကတော့ .... အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size… / Quality…WEB DL 1080p HEVC/ 720p Format…mkv/ mp4 Duration….2h 6m Subtitle….Myanmar Subtitle (Hard Sub) Encoder….YK Translated by CM Bollywood Team

Tribhanga (2021) အညွှန်း IMDb...7.0 နာယန်ဆိုတဲ့အမျိုးသမီးကြီးဟာ နာမည်ကြီးစာရေးဆရာမတစ်ယောက်ပါ.....ငယ်စဉ်ကထဲက ရေးခဲ့တဲ့ စာအုပ်တွေအတော်များများဟာ အရောင်းရဆုံးစာရင်းဝင်ခဲ့သလို ရုပ်ရှင်တွေအဖြစ်အမြောက်အများပြန်လည်ရိုက်ကူးခဲ့ရပါတယ်..... ငယ်စဉ်က စာရေးခြင်းအလုပ်ကိုပဲဇောက်ချလုပ်ကိုင်ခဲ့ပုံရတယ်....သမီးဖြစ်သူအပေါ် နွေးထွေးမှုတွေလည်း လစ်ဟင်းခဲ့ပုံပါပဲ...သမီးဖြစ်သူကလည်း အရွယ်မတိုင်ခင်ရင့်ကျက်ခဲ့ရပြီး ကိုယ့်လမ်းကိုယ်ဖောက်ပြီးအောင်မြင်နေပေမဲ့ အမေဖြစ်သူစာရေးဆရာမကြီးကိုတော့ အမုန်းကြီးမုန်းနေဆဲပါပဲ..... အသက်အရွယ်ရလာတဲ့စာရေးဆရာမကြီးဟာ နောက်ဆုံးအနေနဲ့ကိုယ်တိုင်ရေးအတ္ထုပတ္တိလေး ထုတ်သွားချင်တယ်...ငယ်ဘဝကစလို့ဖြတ်သန်းပုံအဆင့်ဆင့်ကိုရေးသားသွားချင်တယ်..ခက်တာက သူမရဲ့လက်ကျန်းမာရေးအခြေအနေက ကိုယ်တိုင်ရေးဖို့ခက်ခဲတာကြောင့် တခြားစာရေးဆရာတစ်ယောက်ကိုကူညီတောင်းပြီး အသံသွင်းမှတ်တမ်းနဲ့ပြန်ရေးစေပါတယ်...အဲ့ဒီလိုရေးနေစဉ်ကာလမှာပဲမထင်မှတ်တဲ့အရာတွေဆက်တိုက်ဖြစ်လာပါတော့တယ်... ဒီကားက မင်းသမီးကြီး Kajol အဓိက ပါဝင်သရုပ်ဆောင်ထားပါတယ်....ဇာတ်လမ်းတော်တော်ကောင်းတဲ့ ကားမို့ အိန္ဒိယကားကြိုက်သူတို့ လက်မလွှတ်သင့်ပါဘူး...ဘာသာပြန်သူကတော့ Thaik Sanပဲ ဖြစ်ပါတယ်။ File Size : (1.8GB) and (897MB) Quality : WEB-DL1080P5.1CH,720p Format…mp4 Duration…01:35:00 Genre : Drama, Family Subtitle : Myanmar Subtitle (Hard Sub) Translated by Thaik San Encoded by Phyo Pyae

အမျိုးသမီးတစ်ယောက်က ခင်ပွန်းဖြစ်သူနဲ့ ကွာရှင်းချင်တယ်လို့ ပြောလာပါတယ်။ အကြောင်းပြချက်က သူမကို ပါးတစ်ချက်ရိုက်လိုက်လို့ပါ။ ဒီအဖြေကို ကြားရသူက တခြားအကြောင်းတစ်ခုခု ရှိဦးမယ်လို့ ယူဆပြီး ခင်ပွန်းရဲ့မိသားစုကြောင့်လား၊ နှစ်ယောက်ထဲက တစ်ယောက်ယောက် ဖောက်ပြန်လို့လား၊ လိင်မှုကိစ္စကြောင့်လားဆိုပြီး ဆက်မေးတယ်။ သူမရဲ့အဖြေကတော့ အားလုံးအတွက် မဟုတ်ဘူးဆိုတာပါပဲ။ ပါးတစ်ချက်ရိုက်ခံရတာကို ကွာရှင်းဖို့ လုံလောက်တဲ့အကြောင်းပြချက်လို့ မမြင်ကြတဲ့ အတွေးတွေကို ဒီဇာတ်ကားက မေးခွန်းထုတ်ထားပါတယ်။ လင်မယားဆိုတာ ရန်ဖြစ်လိုက် ပြန်ချစ်လိုက်ပဲ၊ ရိုက်နှက်တာလည်း ချစ်လို့ပဲဆိုတဲ့ အယူအဆတွေကြားမှာ ဆက်ဆံရေးတစ်ခုအတွင်း လူတစ်ယောက်ရဲ့ ရပိုင်ခွင့်ကို ဘယ်လိုသဘောထားကြသလဲဆိုတာ ဆွေးနွေးထားတာပါ။ အိမ်ထောင်ရေးအပြင် သမီးရည်းစားဆက်ဆံရေးတွေအထိ ဆက်စဉ်းစားစရာရှိတဲ့ အကြောင်းအရာဖြစ်ပါတယ်။ အက်ရှင်တိုက်ခိုက်ခန်းတွေ မပါတဲ့ ဒီဇာတ်ကားကို Mulk (2018) နဲ့ Article 15 (2019) တို့ရဲ့ ဒါရိုက်တာ Anubhav Sinha ရိုက်ကူးထားပါတယ်။

ဘာဂျီရောဝ်ဟာ စစ်ပရိယာယ်ကြွယ်ဝပြီး တိုင်းပြည်က အားထားရသလို ပြည်သူတွေကလည်း ချစ်ခင်ကြတဲ့ စစ်သူရဲကောင်းတစ်ယောက်ပါ။ သူ့မှာ ကာရှီးဆိုတဲ့ဇနီးနဲ့ သားတစ်ယောက် ရှိပါတယ်။ တစ်နေ့မှာတော့ မဟာမိတ်တိုင်းပြည်က မင်းသမီး မာစတီးနီဟာ သူရှိတဲ့ စစ်မြေပြင်ကို ရောက်လာပြီး စစ်ကူပေးဖို့ အကူအညီတောင်းလာခဲ့တယ်။ ဘာဂျီရောဝ်ရဲ့ စစ်ရေးကျွမ်းကျင်မှုကြောင့် မာစတီးနီတို့ဘက်က အနိုင်ရသွားပါတယ်။ အဲဒီနောက် ဘာဂျီရောဝ်ဟာ မာစတီးနီကို ချစ်မိလာပြီး သူမပြန်ခင်မှာ သူ့ဓားမြှောင်ကို ပေးလိုက်တယ်။ မာစတီးနီတို့တိုင်းပြည်မှာတော့ ဓားမြှောင်ပေးတာဟာ လက်ထပ်ခွင့်တောင်းတဲ့ အဓိပ္ပာယ်ဖြစ်ပါတယ်။ ဘာဂျီရောဝ်ကို ချစ်နေတဲ့ မာစတီးနီကလည်း အဲဒီဓားမြှောင်လေးကို တယုတယ သိမ်းထားခဲ့တယ်။ နောက်ပိုင်းမှာ မာစတီးနီဟာ ဘာဂျီရောဝ်နဲ့ ပြန်တွေ့ဖို့ ကြိုးစားလာပါတယ်။ နှစ်ယောက်ကြားက အဓိကကွာခြားချက်က ကိုးကွယ်တဲ့ဘာသာဖြစ်နေပြီး ဘာသာရေးလွှမ်းမိုးမှုကြီးတဲ့ခေတ်မှာ သူတို့အချစ်ရေး ဘယ်လိုရှေ့ဆက်နိုင်မလဲဆိုတာကို ဆက်ပြထားတာပါ။ ဆန်ဂျေးဘန်ဆာလီ ရိုက်ကူးထားတဲ့ သမိုင်းနောက်ခံ အချစ်နဲ့စစ်ဇာတ်ကားဖြစ်ပြီး ရန်ဗီးဆင်း၊ ဒီပီကားနဲ့ ပရီရန်ကားတို့ ပါဝင်ထားပါတယ်။ အိန္ဒိယသမိုင်းကို အခြေခံထားတဲ့ ဒီသုံးပွင့်ဆိုင်ဇာတ်လမ်းမှာ အမျိုးသမီးတွေရဲ့ ခံစားချက်နဲ့ အချစ်အပေါ် ခံယူပုံတွေကို စကားပြောခန်းတွေ၊ အကအလှတွေနဲ့အတူ ဖော်ပြထားပါတယ်။

IMDb rating 5.5 ရရှိထားပြီး ၂၀၁၄ ခုနှစ်ကထွက်ရှိထားတဲ့ ဘောလိဝုဒ် အချစ်ဟာသကားလေးကိုတင်ဆက်ပေးလိုက်ပါတယ် ဇာတ်လမ်း အကျဉ်းလေးကတော့ ဘော်ဘီ ဟာ ဟိုက်ဒရာဘတ် မြို့ဟောင်းမှာနေထိုင်သူတစ်ယောက်ဖြစ်ပြီးတော့ စုံထောက်အလုပ်ကို ရူးသွပ်သူတယောက်ဖြစ်ပါတယ် ပြီးတော့ သူစုံထောက်လုပ်ခြင်တာက သူ့အဖေ သက်သေမပြနိုင်ခဲ့တဲ့ အမှုကို ဆက်လက်စုံစမ်း ဖော်ထုပ်ခြင်တာကြောင့်လဲဖြစ်ပါတယ် နောက်ဆုံးမှာတော့ သူဟာာ ချမ်းသာတဲ့ အလုပ်ရှှုင်တယောက်နဲ့ ချိတ်ဆက်မိပြီး ငွေကြေးမြောက်မြားစွာပေးကာ သူ့သမီး၂ယောက်ကို စုံစမ်းခိုင်းတဲ့ အခါမှာတော့ ဘယ်လို ဟာတွေက ယုန်ထောင်ကြောင်မိ ပေါ်လာလေမလဲ ဆိုတာကို အလွဲလွဲအချေျာ်မချော်တွေနဲ့ ဟာသဆန်ဆန် ရိုက်ကူးထားတာကြောင့် ဘောလိဝူဒ်ဇာတ်မြူးကြိုက်တဲ့ ပရိတ်သတ်ကြီးအနေနဲ့ကတော့ ကြည့်သင့်တဲ့ဇာတ်ကားတစ်ကားပါပဲဗျ :D

မင်းသား Ranbir Kapoor နဲ့ မင်းသမီး Deepika Padukone တို့အဓိကပါဝင်ထားပြီး IMDb Rating (6.9/10) ရရှိထားတဲ့ Comedy, Drama, Musical အမျိုးအစား Bollywood ဇာတ်ကားပါ။ Bollywood ပရိတ်သတ်တွေ အကြိုက်တွေ့ဦးမယ့်ဇာတ်ကားဖြစ်ပါတယ်။ ကိုယ်တိုင်ခံစားကြည့်ပါဦး။ File size...(1.1GB) Quality...BR-Rip 720p Format...mp4 Duration....02:40;18 Subtitle....Myanmar Subtitle (Hardsub) Encoder....Nyeinsaeya Aung

Anjaana Anjaani (2010) "သူစိမ်းများ" IMDb - 5.7/10 ၂၀၁၀ကထွက်ရှိခဲ့တဲ့ ရန်ဘီးကပူးနဲ့ ပရီယန်ကာချိုပရာတို့ရဲ့ အချစ်ဇာတ်လမ်းလေးတစ်ပုဒ်ကို တင်ဆက်ပေးလိုက်ပါတယ်။ ဒီဇင်ဘာလ ၃၁ရက်နေ့ည ၁၂နာရီအတိမှာ သတ်သေဖို့ဆုံးဖြတ်ခဲ့ကြတဲ့ လူနှစ်ယောက်။ သတ်သေဖို့ဆိုတာက အဖော်ရယ်အပေါင်းရယ် လိုလားမသိပေမဲ့ ကံကြမ္မာက သတ်သေဖို့ဆိုတဲ့ အကြောင်းတရားတစ်ခုပေါ်မှာ သူတို့နှစ်ယောက်ကိုဆုံစည်းစေခဲ့တယ်။ သတ်သေဖို့ရက်ကို သူတို့ဆုံးဖြတ်ခဲ့ကြတဲ့နေ့က ဒီဇင်ဘာလ ဆယ့်တစ်ရက်နေ့။ ကြားထဲကရက်နှစ်ဆယ်မှာ သူတို့တွေ မလုပ်ဖြစ်လိုက်တဲ့၊ လုပ်ဖို့အကြောင်းမတိုက်ဆိုင်ခဲ့တဲ့ဆန္ဒတစ်ခုကို ဖြည့်ဆည်းဖို့ ဆုံးဖြတ်ခဲ့ကြတယ်။ အမှောင်ထုဆီကို တွန်းပို့လိုက်တဲ့ ကံကြမ္မာက သူတို့နှစ်ယောက်ကို မျှော်လင့်ချက်အလင်းရောင်ဆီ ပြန်ပြီးခေါ်ဆောင်လာမှာလား။ သူတို့ဆုံးဖြတ်ချက်အတိုင်းပဲ အဆုံးသတ်သွားမှာလားဆိုတာကို ဒီအချစ်ဇာတ်လမ်းလေးမှာ ကြည်နူးလွမ်းဆွတ်ဖွယ် ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ V ~ Zwe Yan ~ Star ~ ToMoတို့ပဲဖြစ်ပါတယ်။) File size… 3.6 GB / 1.6 GB Quality…WEB DL 1080p HEVC/ 720p Format…mkv/ mp4 Duration….2h 31m Subtitle….Myanmar Subtitle (Hard Sub) Encoder….YK Translated by V ~ Zwe Yan ~ Star ~ ToMo

ကျွန်တော်ဒီရုပ်ရှင်ရဲ့ Rating ကိုထည့်မရေးတော့ပါဘူး။ ဘာလို့လဲဆိုတော့ ဒီရုပ်ရှင်က Rating နဲ့ဘယ်လိုမှကို မလိုက်ဖက်လောက်အောင် ကောင်းလွန်းလို့ပါ။ ကျွန်တော်ကိုယ်တိုင်လည်း ဘာသာပြန်ရင်းနဲ့မျက်ရည်ပါကျတဲ့အထိဖြစ်ခဲ့ရပါတယ်။ အိမ်နဲ့ဝေးနေရတဲ့ခံစားချက်၊ ငယ်ဘဝကိုသတိရတဲ့ခံစားချက်၊ မပြည့်စုံတဲ့ဘဝမှာနေရတဲ့ခံစားချက်၊ အဖေတစ်ယောက်ရဲ့ မေတ္တာတွေကို နှလုံးခိုက်လောက်အောင်ပြသွားတဲ့ ရုပ်ရှင်တစ်ကားဖြစ်ပါတယ်။ ကျွန်တော်တို့ရဲ့အချစ်တော် မင်းသား Aamir Khan ရဲ့သရုပ်ဆောင်ချက်တွေကလည်း အပြစ်ပြောစရာမရှိလောက်အောင်ကိုကောင်းလှပါတယ်။ ကြည့်ဖြစ်အောင်ကြည့်လိုက်ပါလို့ တိုက်တွန်းချင်ပါတယ်။ ဇာတ်ညွှန်း ရိုဟစ်ကူမာဆိုတာကတော့ စားသောက်ဆိုင်တစ်ဆိုင်မှာ သီချင်းဆိုနေတဲ့ လူလတ်ပိုင်းတက်သစ်စ အဆိုတော်တစ်ယောက်ဖြစ်ပါတယ်။ သူ့ကိုယ်သူတော့ တစ်နေ့မှာအောင်မြင်မှုအကြီးကြီးရနိုင်မယ့် လူတစ်ယောက်လို့လည်းခံယူထားပါတယ်။ ဒါပေမယ့် စီးပွားရေးအခြေအနေက အဆင်ပြေတော့ အကြွေးတွေပတ်လည်ဝိုင်းရင်း ဘဝကိုဖြတ်သန်းနေရပါတယ်။ ဒါပေမယ့်လည်း ရိုဟစ်က တစ်ယောက်တည်းသမားဆိုတော့ သိပ်ပြီးလည်းအပူအပင်မရှိခဲ့ပါဘူး။ ကီရန်ဆိုတာကတော့ ပိုက်ဆံရှိမိသားစုတစ်ခုကပေါက်ဖွားလာခဲ့တဲ့ ခေတ်လူငယ်ကောင်မလေးတစ်ယောက်ဖြစ်ပါတယ်။ သူ(မ) အိမ်က ဂန္တဝင်သီချင်းတွေဆိုခိုင်းပေမယ့် ကီရန်က ခေတ်သီချင်းတွေပဲဆိုချင်ခဲ့ပါတယ်။ ဒီလိုနဲ့ ဆိုနူနဲ့နှစ်ယောက်ပေါင်းဖက်ခဲ့ပါတယ်။ အိမ်ကတားနေလျက်ကြားထဲကနေ ကီရန်တစ်ယောက် ရိုဟစ်နောက်ကိုကောက်ကောက်ပါအောင်လိုက်သွားခဲ့ပါတယ်။ အိမ်ထောင်ရေးရဲ့အသီးအပွင့်ဖြစ်တဲ့ ဆိုနူဆိုတဲ့သားလေးတစ်ယောက်ကိုလည်းမွေးခဲ့ပါတယ်။ ပိုက်ဆံမရှိတဲ့ယောကျ်ားတစ်ယောက်ရဲ့ပြဿနာက မိသားစုကိုအချိန်အရမ်းပေးရင် အလုပ်မှာလစ်ဟင်းမယ်။ အလုပ်ကိုအရမ်းဦးစားပေးပြန်ရင်လည်း မိသားစုက မျက်နှာကွက်မယ်။ ဒီလိုနဲ့နှစ်ယောက်အိမ်ထောင်ရေးကခွာပြဲခဲ့ပြီး ဆိုနူလေးကို ရိုဟစ်တစ်ယောာက်တည်း ထိန်းဖို့ဖြစ်လာခဲ့ပါတယ်။ ကျန်တာတွေကတော့ဆက်ပြီးခံစားကြည့်လိုက်ကြပါ။ ဒီကားကမျက်ရည်ပိုးပိုးပေါက်ပေါက်ကျရမယ့် အချစ်ကားမျိုးမဟုတ်ပဲ ရင်ထဲကလှိုက်ပြီးခံစားရမယ့် ဖခင်မေတ္တာကိုဖော်ကြူးထားတဲ့ကားဖြစ်ပါတယ်။ ရိုဟစ်ကူမာ အဖြစ်မင်းသား Aamir Khan ကီရန်အဖြစ် မင်းသမီး Manisha Koiralaတို့က ပါဝင်သရုပ်ဆောင်ထားပါတယ်။ File size…    3.8 GB /  1.6 GB Quality… Web-DL 1080p / 720p Format… mp4 Duration…. 2h 40m Genre ..... Drama/Romance Subtitle…. Myanmar Subtitle (Hard Sub) Encoder…. Thit San Khant Translated by Lucifer Maximoff

Bollywood ရဲ့ King Khan လို့ လူသိများတဲ့ ရှာရွတ်ခန်း(SRK) ရဲ့ အကောင်းဆုံး ဇာတ်ရုပ်ကို ပြောပါဆိုရင် ဗီလိန်ဇာတ်ရုပ်ပဲ ပြောရလိမ့်မယ်။ အိန္ဒိယမှာ SRK နှင့် အမီတာဘချမ်း တို့ဟာ ပရိတ်သတ်အပေါ် လွှမ်းမိုးနိုင်လွန်းလို့ သူတို့ တော်ရုံ ဗီလိန် ဇာတ်ရုပ် သိပ်မရိုက်ကြဘူး ပရိတ်သတ် အတုယူ မှားမှာ ကြောက်လို့။ ဒီဇာတ်ကားမှာဆိုလည်း SRK က ရည်စား အိမ်ထောင် ရှိပြီးသား မိန်းကလေး တစ်ယောက်ကို စိတ္တဇ ဆန်ဆန် တဖက်သတ် ချစ်ရတဲ့ ဗီလိန် နေရာက သရုပ်ဆောင်ရပေမယ့် သူ့ သရုပ်ဆောင်ချက်တွေက ပရိတ်သတ် အမြင်မှာ ဗီလိန် မဟုတ်ပဲ ဟီးရိုးဖြစ်စေခဲ့ပါတယ်။ "မင်းခံစားနေရတာတွေကို တစ်ယောက်ယောက်ကို ရင်ဖွင့်လိုက်ရင် မင်းရင်ထဲက ဝန်ထုပ်ဝန်ပိုးတွေ လျော့သွားမှာပေါ့" "ဝန်ထုပ်ဝန်ပိုး" "သူ့ အမှတ်တရတွေက ဝန်ထုပ်ဝန်ပိုး မဟုတ်ဘူးဗျ သူ ယုံကြည် စိတ်ချပြီး အပ်နှံထားတဲ့ အပ်နှံမှုတွေ အရမ်းကို ချစ်ဖို့ ကောင်းပြီး အမြတ်တနိုးထားအပ်တဲ့ အပ်နှံမှုတွေဗျ ဒါကို ဝေမျှဖို့ မပြောနဲ့ သူ့ကိုတောင် တခြားတစ်ယောက် ချစ်တာကို ခွင့်မပြုနိုင်ဘူး" ဇာတ်လမ်းကတော့ ရေတပ် အရာရှိ စူနီးလ် မဟိုသရာ ဟာ မြို့တော်ဝန် သမီးလေးကို ပြန်ပေးဆွဲထားတဲ့ လူဆိုးတွေ လက်ကနေ ကယ်တင် နိုင်ခဲ့လို့ သူနဲ့ သူ့အဖွဲ့သားတွေကို အစိုးရက ခွင့်တစ်လ ပေးလိုက်ပါတယ်။ စူနီးလ် တစ်ယောက် ခွင့်ရတော့ သိပ်ချစ်တဲ့ ချစ်သူစီပဲ အပြေးပြန်ခဲ့ရှာတာပေါ့ သူမက ကီရန်ပါ ကီရန် နှင့် စူနီးလ် အချစ်ရေးဟာ ဖြောင့်ဖြူးပြီး နှစ်ယောက် တစ်အိပ်မက် မက်ဖို့ အထိ အနာဂတ်ဟာ လှပနေကြတာ ကီရန် တစ်ယောက် စူနီးလ် နှင့် လျှောက်လည်ပြီး အပြန် ညတစ်ညမှာ အိမ်တံခါး ဖွင့်နေတုန်း အမှောင်ထဲကနေ သူ့မျက်နှာကို ဓါတ်မီးနဲ့ ထိုးပြီး "ကိုယ် မင်းကို ချစ်တယ် ကီ ကီ ကီ ကီရန် " ဆိုတဲ့ စကားသံကို ကြားလိုက်ရတယ်။ မိန်းကလေး တစ်ယောက် အနေနဲ့ ချစ်တဲ့လို့ အပြောခံရတာဟာ သိပ်စိုးရွံစရာ မဟုတ်ပေမယ့် အမှောင်ထဲကနေ သရဲလို ချစ်ပါတယ်လို့ လာပြောတာဟာ ကီရန့်အတွက် သွေးပျက်စရာ တစ်ခုပါပဲ။ ဆက်တိုက်ဆိုသလိုပဲ ဖုန်းလာလို့ ကိုင်လိုက်သမျှဟာ အသံလေးလေးပင်ပင် နဲ့ "ကိုယ် မင်းကို ချစ်တယ် ကီ ကီ ကီ ကီရန်" ဆိုတာပါပဲ ကီရန်တစ်ယောက် ဖုန်းလာရင် ကြောက်တတ်နေပါပြီ။ ဒီလိုမျိုး မိန်းကလေးတစ်ယောက်ကို ချစ်စကား ပြောနေတဲ့သူကတော့ ရာဟူးလ် ဆိုတဲ့ လူငယ် တစ်ယောက်ပါ။ ရာဟူးလ် ဆိုတာ ငယ်စဉ်ကတည်းက မိခင်ကြီး ကားအက်ဆီဒန့် နဲ့ သေဆုံးသွားလို့ စိတ်ဝေဒနာ ရနေသူ အပေါင်းအသင်း နည်းပြီး အခန်းထဲမှာ အောင်းနေတတ်တဲ့ လူကြောက်လေး အရှက်အကြောက်ကြီးပြီး ကောလိပ်ကျောင်း အတူတူ တက်ခွင့်ရခဲ့ပေမယ့် အသည်းအသန် ချစ်နေရသူကို ဖွင့်မပြောနိုင်ခဲ့သူ့ သူမအတွက် စာတွေ အလီလီရေးခဲ့ပေမယ့် ဒီစာတွေကို ရေးတဲ့ လက်တွေက သူ့စီ မပေးနိုင်ခဲ့ဘူး့ သူ့ ဓါတ်ပုံလေးတွေကို ငေးကြည့်နေရင်း ဘဝကို အသက်ဆက်နေရတဲ့သူ့ ဖွင့်ပြောမယ်လို့ အကြိမ်ကြိမ် ကြိုးစားခဲ့ပေမယ့် သူ့အရှေ့ ရောက်ရင် ဆွံ့အ သွားခဲ့သူ့ ကိုယ် ချစ်တဲ့သူ တစ်ခြားတစ်ယောက် ရင်ခွင်ထဲမှာ ပျော်ရွှင်နေတာကို ကြည့်နေရတဲ့ ဘဝ့ ဒီလို တဖက်နဲ့ ချစ်လာခဲ့သူမှာ ချစ်သူရပြီး လက်ထပ်တော့မယ့် အချိန်ရောက်မှ့ ရာဟူးလ် နှင့် စူနီးလ် တို့ ကီရန် အတွက် ထိပ်တိုက် တွေ့ဖို့ ကံဖန်လာပါတော့တယ်။ ( #ဇာတ်လမ်းက ကောင်းတယ်ဆိုတာထက် ပိုနေလို့ ထပ်မညွှန်းချင်တော့ပါဘူးဗျာ အထူးသဖြင့် SRK ရဲ့ သရုပ်ဆောင်မှုတွေက ကျေနပ်မှု အပြည့်ပေးစေမယ်ဆိုတာ အာမခံပါတယ် ဒီဇာတ်ကားကို #FA တွေကြည့်ပြီး ဖီးလ် လိုက်ကြပါ) (ဇာတ်လမ်း အညွှန်းနဲ.ဘာသာပြန်ကတော့ Channel Myanmar ရဲ. Translator ကြီး ကိုဇော်ထူးပါ) File Size : (0. 99 GB) Quality : Bluray 720p Running Time : 2hr 58minutes Format : Mp4 Genre : Drama, Romance, Thriller Subtitle : Myanmar Subtitle (Hardsub) Translated By Zaw Htoo Encode By Thanhtike Zaw