Tim Gordon ပါဝင်သော ဇာတ်ကားများ

နယူးဇီလန်နိုင်ငံရဲ့ သမိုင်းမှာ အဆိုးရွားဆုံးဖြစ်ရပ်တစ်ခုဖြစ်တဲ့ ၂၀၁၀ ခုနှစ် Pike River ကျောက်မီးသွေးတွင်း ပေါက်ကွဲမှုကို အခြေခံပြီး ရိုက်ကူးထားတဲ့ ဖြစ်ရပ်မှန် Drama ဇာတ်ကားဖြစ်ပါတယ်။Emmy ဆုလျာထားခံရတဲ့ Melanie Lynskey နဲ့ ဝါရင့်မင်းသမီး Robyn Malcolm တို့ရဲ့ သရုပ်ဆောင်ကောင်းတွေ ပါဝင်အားဖြည့်ထားပါတယ်Chernobyl အဖြစ်ဆိုးလိုမျိုး ကော်ပိုရေးရှင်းကြီးတွေရဲ့ ပေါ့လျော့မှုကြောင့် ဖြစ်ရတဲ့ ဘေးဒုက္ခတွေနဲ့ တရားမျှတမှုရဖို့ကြိုးစားပုံတွေကို ကြိုက်နှစ်သက်သူတွေအတွက် ကွက်တိဖြစ်စေမယ့် လက်ရာတစ်ခုပါ။ ၂၀၁၀ ခုနှစ်၊ နယူးဇီလန်နိုင်ငံက Pike River ကျောက်မီးသွေးတွင်း ပေါက်ကွဲမှုကြောင့် အလုပ်သမား ၂၉ ဦး သေဆုံးခဲ့ရတယ်။ ဒီဝမ်းနည်းစရာ ဖြစ်ရပ်ဆိုးကြီး ဖြစ်ပွားပြီးနောက် အာဏာပိုင်တွေနဲ့ ကုမ္ပဏီဘက်က တာဝန်ယူမှု တာဝန်ခံမှု အားနည်းနေတာကို တွေ့ရတဲ့အခါ... ဆုံးရှုံးသွားတဲ့ သားသမီးတွေ၊ ခင်ပွန်းတွေအတွက် ဇွဲမလျှော့ဘဲ ရှေ့ထွက် တိုက်ပွဲဝင်ခဲ့ကြတဲ့ အမျိုးသမီးနှစ်ဦး (Melanie Lynskey နဲ့ Robyn Malcolm) အကြောင်းကို ရိုက်ကူးထားတာပါ။ ဒီဇာတ်ကားဟာ ပေါက်ကွဲမှုအကြောင်းကိုပဲ ပြတာမဟုတ်ဘဲ အမှန်တရား ပေါ်ပေါက်ဖို့၊ အလောင်းတွေ ပြန်လည်ထုတ်ယူနိုင်ဖို့နဲ့ တရားခံတွေကို အပြစ်ပေးနိုင်ဖို့အတွက် ဆယ်စုနှစ်တစ်ခုကျော်ကြာအောင် စနစ်ဆိုးကို အံတုခဲ့ကြတဲ့ မိသားစုဝင်တွေရဲ့ ခံစားချက်နဲ့ စိတ်ဓာတ်ခိုင်မာမှုကို လေးလေးနက်နက် ပုံဖော်ထားတဲ့ကားကောင်းတစ်ကားဖြစ်ပါတယ် File size…(2.2 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Subtitle….Myanmar Subtitle (Hardsub)

All American Bikini Car Wash (2015) ဒီတစ်ခါ တင်ဆက်ပေးမဲ့ကားလေးကတော့ ပုရိသအပေါင်းတို့ မျက်စိအစာကျွေးလို့ ကောင်းမဲ့ ကားလေးပဲဖြစ်ပါတယ်။ ခေါင်းစဉ်အတိုင်းပါပဲ။ ကားရေဆေးလုပ်ငန်းပေါ့။ ဒါပေမဲ့ ဘီကီနီဝတ်ထားတဲ့ကောင်မလေးတွေကိုယ်တိုင် Hand wash only ဆေးပေးမဲ့ ကားရေဆေးပါတဲ့ဗျာ။ မမတွေ၊ညီမလေးတွေရဲ့အလှကိုတစ်ကားလုံး မကြည့်ချင်မှ အဆုံးမြင်ရမှာပါ။ ဘွင်းရှင်းလှတဲ့ရိုက်ကွက်တွေကြောင့် ၁၈ယောက်စုကြည့်ရမဲ့ကား ဖြစ်ကြောင်းပါ။ အောက်မှာဇာတ်ညွှန်းလာပါပြီ။ ဂျက်ခ်က စီးပွားရေးမေဂျာကျောင်းသားတစ်ယောက်။ သူတို့အိမ်ကချမ်းသာပေမဲ့ ဖအေ ဖြစ်သူက စည်းကမ်းတင်းကြပ်သူ။ ကိုယ့်သားကိုတောင် အိမ်ငှားခတောင်းတဲ့သူမျိုး။ တစ်နေ့ကျ ဖိုင်နယ်စာမေးပွဲလည်းကျ၊ အလုပ်လည်းပြုတ်၊ ငှားခလည်းပေးစရာမရှိဖြစ် နေတုန်း ပရော်ဖက်ဆာဖြစ်သူက သူ့ကားရေဆေးလုပ်ငန်းကို တစ်ပတ်တိတိအမြတ် ရအောင်လုပ်ပြနိုင်ရင် အအောင်ပေးပေးမယ်လို့ အပေးအယူလုပ်လာတော့ စာမေးပွဲ ကျလို့ အဘေခံရတော့မဲ့ ဇာတ်လိုက်ကျော်ကြီးက လက်ခံလိုက်ပါတယ်။ သူ့သူငယ်ချင်း ဂေါ်မစွံကောင်ရယ်၊ လိုက်သမျှစော်တိုင်းရနေတဲ့ စော်ကြည်ဘဲရယ် ပေါင်းပြီး ပရော်ဖက်ဆာရဲ့ရိုးရိုးကားရေဆေးလုပ်ငန်းကို ဘီကီနီကားရေဆေးလုပ်ငန်း အဖြစ် ပြောင်းပစ်လိုက်ပါတော့တယ်။ လူငယ်ဆန်ဆန်နဲ့ပေါ့ပေါ့ပါးပါးကြည့်ရှုလို့ကောင်း မဲ့ဇာတ်ကားမျိုးဖြစ်ပါတယ်။ ကျန်တာကတော့ ဇာတ်ကားထဲမှာ ဆက်လက်ကြည့်ရှုကြ ပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size..........(1.86 GB) / (857 MB) Quality............WEB-RIP 1080p / 720p Duration.........1Hr 35Min Subtitle...........Myanmar Hardsub Format............MP4 Genre..............Comedy Translator......Ngwe Zin Encoder..........SWM

The Lord of the rings နဲ့ The hobbit ရုပ်ရှင်တွေဟာ Fantasy လို့ခေါ်တဲ့ စိတ်ကူးယဉ် ရုပ်ရှင်အမျိုးအစားတွေ ဖြစ်ပါတယ်။ အပြင်လောကမှာ မရှိတဲ့ ပုံပြင်တွေ ဒဏ္ဍာရီတွေ ဇာတ်ကောင်တွေနဲ့ တည်ဆောက်ထားတာပါ။ ဒါပေမယ့် အချို့ Fantasy ရုပ်ရှင် စာအုပ်တွေဟာ အပြင်လောကနဲ့ ရောမွှေထားတာမျိုး ရှိတတ်ပါတယ်။ ဥပမာ - နာနီယာ၊ ဟယ်ရီပေါ်တာ၊ ပါစီဂျက်ဆန် စသည်ဖြင့်ပါ။ ဒါပေမယ့် ဒီ ဇာတ်လမ်းတွေကိုတော့ စာရေးဆရာကြီး J.R.R.Tolkien ကအစအဆုံး ကိုယ်ပိုင်စိတ်ကူးနဲ့ ရေးသားခဲ့တာပါ။ နတ်သူငယ်တွေ၊ လူပုတွေ၊ ဘီလူးတွေရဲ့ ကိုယ်ပိုင်ဘာသာစကားကို တီထွင်ခဲ့တယ်။ မူရင်းစာအုပ်တွေမှာ မြေပုံအပြည့်အစုံနဲ့ ရေးသားခဲ့တယ်။ သမိုင်းတစ်ခုလုံးကို ပြက္ခဒိန်ပါ ဖန်တီးပြီး ရေးသားခဲ့တာဖြစ်ပါတယ်။ စာသားတင်မက ကဗျာတွေ သီချင်းတွေပါ ရေးဖွဲ့ခဲ့တာပါ။ လူတစ်ယောက်ရဲ့ ဦးဏှောက်တစ်ခုထဲကနေ စကြဝဠာတစ်ခု ပေါ်ထွက်လာတယ်လို့ ပြောလို့ရပါတယ်။ စာအုပ်ကိုအသာထားပြီး ရုပ်ရှင်အကြောင်းကိုပဲ ပြောကြပါစို့။ The Lord of the rings (LotR) ရုပ်ရှင်တွေဟာ ၂၀၀၁ ကနေ စတင်ပြီးထွက်ရှိခဲ့တာဖြစ်ပါတယ်။ ပထမဆုံး LotR ရုပ်ရှင် သုံးကားဟာ စုစုပေါင်း Oscar 17 ဆု ရရှိခဲ့ပါတယ်။ ပထမကားက ၄ ဆု၊ ဒုတိယကားက ၂ ဆု နဲ့ သုံးကားမြောက်က ၁၁ ဆု ရရှိခဲ့တာပါ။ သူ့နောက်မှ ထွက်ရှိလာတဲ့ Hobbit သုံးကားကတော့ Oscar တစ်ဆုသာ ရခဲ့ပါတယ်။ LotR ရုပ်ရှင်တွေရဲ့ အောင်မြင်မှုဟာ ကာလအကန့်အသတ်မရှိ timeless လို့ပဲ ပြောရမှာဖြစ်ပါတယ်။ ၂၀၀၁ တုန်းက လူတွေကြိုက်ခဲ့သလို ၃၀၀၁ ခုနှစ်မှာလည်း ကြိုက်ကြဦးမှာပါပဲ။ အဓိကကတော့ ဇာတ်လမ်းအတွက် ဝတ်စုံ၊ရိုက်ကွင်းပြင်ဆင်မှုတွေ၊ ရိုက်ချက်တွေ၊ သရုပ်ဆောင်တွေ အသေးစိတ်ကျခဲ့တယ်၊ ခမ်းနားခဲ့တယ်လို့ပြောရမှာပါပဲ။ နောက်ထပ် ချီးကျူးရမှာကတော့ ဇာတ်ညွှန်းပါ။ စာအုပ်ပါ ဖတ်ဖူးတဲ့သူတွေ ပိုသိပါလိမ့်မယ်။ အရမ်းကိုကောင်းတဲ့ ဝတ္ထုရှည်ကြီးတစ်ခုကို ကြည့်လို့လည်းကောင်းအောင် အခန်းတွေဖြတ်တောက်ရ၊ ဇာတ်ကောင်တွေ ဖယ်ထုတ်ရတာ မလွယ်လှပါဘူး။ ဒါပေမယ့် အကောင်းဆုံး လုပ်နိုင်ခဲ့ပါတယ်။ ဒိုင်ယာလော့တွေ ဇာတ်လမ်းအနိမ့်အမြင့်တွေကိုလည်း အရှိန်တင်ပေးသွားတာ အံ့သြလောက်ပါတယ်။ ဥပမာ - လက်စွပ်ကို ဖျက်ဆီးဖို့ ဆွေးနွေးကြတဲ့အခန်းမှာ ဝတ္ထုအတိုင်းဆို အယ်ရွန်က အားလုံးကို ကြိုတင်မိတ်ဆက်၊ သမိုင်းကို ပြောပြပြီးမှ စတင်ဆွေးနွေးကြတာဖြစ်ပါတယ်။ ဇာတ်လမ်းထဲမှာတော့ ဒီအတိုင်း ဆွေးနွေးကြရင်း ဘိုမီရာက အာရာဂွန်ကို အထင်သေးစကားပြောချိန်မှာ လီဂိုးလက်စ်က ထပြောလိုက်တဲ့အခန်းမျိုး ပြင်လိုက်ခြင်းအားဖြင့် ဇာတ်ရှိန် တက်သွားတာ ရှိပါတယ်။ ပြီးတော့ အာရာဂွန်ဟာ ထီးနန်းကို ဆက်တိုက်ငြင်းပယ်ခဲ့တာ၊ Andúril ဓားကို နောက်ဆုံးအချိန်မှ ပြန်ပြင်တာတွေဟာ ဇာတ်ရှိန်ပိုတက်စေတဲ့ ပညာပါပဲ။ ပြီးတော့ ဆာရူးမန်းကို သေခိုင်းတဲ့ ဇာတ်ညွှန်းမျိုးဟာ အတော်လေးကို ရဲတင်းရာကျပါတယ်၊ ဘာကြောင့်လဲ ဆိုတော့ စာအုပ်ထဲမှာ ဆာရူးမန်းဟာ ထွက်ပြေးသွားခဲ့ပါတယ်။ လက်စွပ်ကိုဖျက်ဆီးပြီးလို့ ဟော့ဘစ်တွေ ရှိုင်းယားကို ပြန်လာချိန်မှာ ဆာရူးမန်းနဲ့ ထပ်ပြီးရင်ဆိုင်ကြရပါသေးတယ်။ ဒါတွေကို ဖျက်ပစ်လိုက်ပေမယ့် ရုပ်ရှင်က ညံ့မသွားခဲ့တာကို တွေ့မှာပါ။ ဒါကတော့ ဇာတ်ညွှန်းဆရာတွေရဲ့ အရည်အချင်းတွေပါပဲ။ ၁ မျက်နှာ ဖန်တရာတေ ဇာတ်ညွှန်းဆရာတွေ လေ့လာသင့်ပါတယ်။ ဇာတ်လမ်းအကျဉ်း Three Rings for the Elven-kings under the sky, Seven for the Dwarf-lords in their halls of stone, Nine for Mortal Men doomed to die, One for the Dark Lord on his dark throne In the Land of Mordor where the Shadows lie. One Ring to rule them all, One Ring to find them, One Ring to bring them all, and in the darkness bind them, In the Land of Mordor where the Shadows lie. ဒါကတော့ LotR ဇာတ်လမ်းကြီးကို စတင်ခဲ့တဲ့ ဂန္ဓဝင်ကဗျာကြီးပါပဲ။ Dark Lord ဆော်ရွန်ဟာ နတ်သူငယ်တွေအတွက် လက်စွပ် ၃ ကွင်း၊ လူပု ဘုရင် ၇ ပါးအတွက် လက်စွပ် ၇ ကွင်း၊ လူတွေအတွက် ၉ ကွင်းကို ထုလုပ်စေခဲ့ပြီး ပေးအပ်ခဲ့ပါတယ်။ လက်စွပ်ကိုယ်စီဟာ စွမ်းအားရှိတာမို့ သူတို့တွေ လက်ခံခဲ့ကြတယ်။ ဒါပေမယ့် ဆော်ရွန်ဟာ လက်စွပ်ရှင်အားလုံးကို လွှမ်းမိုးနိုင်တဲ့ လက်စွပ်အားလုံးရဲ့ ဘုရင် တစ်ခုတည်းသော လက်စွပ်ကို ထုလုပ်ခဲ့ပြီး အားလုံးကိုချုပ်ကိုင်ဖို့ ကြိုးစားပါတော့တယ်။ ဒါပေမယ့် မဟာမိတ်တွေနဲ့ နောက်ဆုံးစစ်ပွဲမှာ ရှုံးနိမ်ခဲ့ပြီး လက်စွပ်ကိုလည်းလက်လွှတ်လိုက်ရပါတယ်။ နှစ်ပေါင်းများစွာကြာပြီးနောက် လက်စွပ်ပြန်ပေါ်လာချိန် ဆော်ရွန်လည်းအင်အားကြီးလာချိန်မှာ နတ်သူငယ်တွေ၊ လူတွေ၊ လူပုတွေ၊ ဟော့ဘစ်လေးတွေဟာ ဆော်ရွန်ကို တားဆီးဖို့နဲ့ လက်စွပ်ဖို့ ဖျက်ဆီးဖို့ ကြိုးစားကြရပါတော့တယ်………. ဒီလောက်ဆို ဒီရုပ်ရှင်တွေကို ဆက်ပြီးခံစားဖို့ လုံလောက်မှာပါ။ LotR ဇာတ်လမ်းမှာ အရေးပါခဲ့တဲ့ ကဗျာတစ်ခုကိုလည်း ဖော်ပြပေးလိုက်ပါတယ်။ All that is gold does not glitter Not all those who wander are lost; The old that is strong does not wither, Deep roots are not reached by the frost. From the ashes, a fire shall be woken, A light from the shadows shall spring; Renewed shall be blade that was broken, The crownless again shall be king ရွှေအဆင်းအတိနဲ့အရာဟာ တစ်လက်လက် တောက်ပမနေတတ်ပါဘူး လှည့်လည်နေသူတိုင်းဟာလည်း လမ်းပျောက်နေကြတာမဟုတ်ပါ အိုမင်းပေမယ့် ကြံ့ခိုင်သူဟာ ဆွေးမြေ့မလာတတ်ပါ နက်ရှိုင်းလွန်းတဲ့ အမြစ်တွေဟာ သစ်တောနဲ့ အလှမ်းကွာစမြဲ ပြာပုံကြားကနေ မီးတောက်နိုးထလာချိန် အမှောင်တွေထဲက အလင်းတန်းတစ်ခု ဖြန်းပက်လာရင်း ကျိုးပဲ့သွားခဲ့တဲ့ဓားကို ပြန်လည်ပြုပြင်ပြီးချိန်မှာ သရဖူမဲ့နေခဲ့သူဟာ ဘုရင်ပြန်လည်ဖြစ်လာမှာပါ။ The Hobbit ဇာတ်ကားတွေကတော့ LotR ရဲ့နောက်မှ ထွက်ရှိခဲ့ပေမယ့် တကယ်တော့ LoTR မစခင်က အခြေအနေတချို့ကို ဇာတ်အိမ်တည်ပြီးရိုက်ကူးထားတာဖြစ်ပါတယ်။ File size…(7.9 GB) and (3.4 GB) Quality….Extended BluRay 4K HDR & 1080p HEVC Format…mkv Duration….03:06:34 Subtitle….Myanmar Subtitle (Hardsub) Encoder….Nyeinsaeya Aung Translated by Aung Ko Khant

District 9 (2009) IMDb Rating (7.9) / Rotten Tomatoes (90%) ဒီကားက တခြားဂြိုလ်သားကားတွေနဲ့ လုံးဝကိုကွဲထွက်သွားတဲ့ကားဖြစ်ပါတယ်။ အစပိုင်းပဲကြည့်ရင်တော့ ပျင်းမှာမှန်ပေမယ့် ၁၅ မိနစ်လောက်ပဲစိတ်ရှည်ရှည်ကြည့်လိုက်ပါ။ ဒီဇာတ်ကားရဲ့အရှိန်က ဇာတ်လမ်းပြီးတဲ့အထိကိုရိုးရိုးလေးနဲ့ တီဗွီရှေ့ကနေထမရအောင်ကိုဆွဲဆောင်သွားမယ်ဆိုတာ အသေချာပြောရဲပါတယ်။ ဒီကားကို ဂြိုလ်သားပါတဲ့ ဇာတ်လမ်းလို့သာ သိထားပြီးtrailer တွေ၊ rating တွေ မသိဘဲနဲ့ ကြည့်ဖြစ်ခဲ့တာပါ။ နောက်မှ Imdb 8 နဲ့ RT 90% တောင် ရထားတဲ့ ဇာတ်ကားမှန်းသိပါတယ်။ တကယ်လည်း ထိုက်တန်ပါတယ်။ ဇာတ်လမ်းအကျဉ်း ဂြိုဟ်သားတွေ ကမ္ဘာကို သူတို့ရဲ့ အာကာသယာဉ် တစ်ခုခုချို့ယွင်းပြီး ရောက်ရှိလာတာပါ။ တောင်အာဖရိက ရဲ့ Johannesburg မြို့ ကောင်းကင်ပေါ်မှာအချိန်အတော်အကြာ လှုပ်ရှားမှု မရှိဘဲ ရပ်တန့်နေခဲ့တယ်။ ဒါကြောင့် လူသားတွေကို ယာဉ်ထဲကို ဖောက်ထွင်း စစ်ဆေးဖို့ သွားကြတယ်။ အဲဒီမှာတော့ အစာရေစာ ငတ်မွတ်နေတဲ့ ဂြိုဟ်သား အများကြီးကို တွေ့ရပါတော့တယ်။ သုံးသပ်ချက်အရ အခုတွေ့ရတဲ့ ဂြိုဟ်သားတွေဟာ လုပ်သားအမျိုးအစားတွေပဲ ဖြစ်ပါတယ်။ သူတို့ရဲ့ ခေါင်းဆောင် ဂြိုဟ်သားတွေကတော့ ထူးဆန်းစွာ ပျောက်ဆုံးနေပါတယ်။ အဲဒီလိုနဲ့ သူတို့ကို ခိုလှုံခွင့် ပြုခဲ့တာ နှစ် ၂၀ ကျော်တောင် ကြာသွားခဲ့တယ်။ သူတို့ရဲ့ အရေအတွက်ကလည်း သန်းကျော်ရှိနေပြီ။ ဒေသခံလူတွေနဲ့လည်း ပရိပက္ခတွေ ဖြစ်တာပေါ့။ ဂြိုလ်သားတွေ ပုံစံကလည်း လူတွေနဲ့ တည့်အောင် မပေါင်းတတ်ကြဘူး။ သူတို့ဖာသာ စားစရာမရှိရင် အမှိုက်ပုံက ရှာစားတယ်။ ကြောင်စာ အရမ်းကြိုက်တယ်။ လူတွေနဲ့ နားလည်အောင်တော့ စကားပြောတတ်တယ်။ ဒါပေမဲ့ သူတို့ကြည့်ရတာ လူ့သဘာဝကို လုံးဝနားမလည်ဘူး။ နောက်ဆုံး လူတွေနားမှာ ထားလို့ မဖြစ်တဲ့အတွက် သူတို့ကို လူတွေနဲ့ ဝေးရာပို့ဖို့ လုပ်ကြရတာပေါ့။ အဲဒါကို MNU ဆိုတဲ့ အဖွဲ့အစည်းက တာဝန်ယူထားတယ်။ ဒီဇာတ်ကားရဲ့ အဓိက ဇာတ်ကောင်က Wikus van de Merwe သူက MNU က အရာရှိတစ်ယောက်။ သူက ဂြိုဟ်သားတွေကို တစ်အိမ်ဝင် တစ်အိမ်ထွက် ပြောင်းရွေ့ကြောင်းသဘောတူလက်မှတ်ထိုးဖို့ တာဝန်ယူရတယ်။ လူကလည်း နည်းနည်း အူကြောင်ကြောင် ပုံစံမျိုး။ အဲလိုနဲ့ စာရင်းလိုက်ကောက်ရင်း ဂြိုဟ်သားမိသားစု တစ်ခုဆီရောက်လာတယ်။ အဲဒီ မိသားစုက ကမ္ဘာက ထွက်သွားနိုင်အောင် ကြံနေတယ်။ အခြား ကောင်တွေထက် ဉာဏ်ရည်မြင့်တယ်လို ပြောရမယ်။ သူတို့က အာကာသယာဉ်ကို အသက်သွင်းဖို့ လောင်စာအရည်တွေကိုနှစ်၂၀လောက် ကြိတ်ပြီးရှာထားတာ။ ဖြစ်ချင်တော့ Wikus အဲဒီ လောင်စာဘူးကို တွေ့သွားတယ်။ သူရဲ့ နမော်နမဲ့နိုင်မှုကြောင့် အဲဒီ အရည်နည်းနည်း မျက်နှာကို ပက်မိသွားတယ်။ အဲမှာဇာတ်လမ်းကစတော့တာပါပဲ။ ဒီဇာတ်ကားကိုဘာကြောင့် ကြည့်သင့်သလဲလူ့စိတ် သဘာဝကို ပါးပါးလေး ထင်ဟပ်တယ်။ အဲဒါက ပရိတ်သက်ကို တိုက်ရိုက်ထိစေတာ။ ကျွန်တော်ကိုယ်တိုင် အစက ဂြိုဟ်သားတွေကို ကြည့်မရဘူး။ သူတို့ကြည့်ရတာ အသိဉာဏ်နိမ့်၊ အလကား ဂြိုဟ်သားတွေလို့ မြင်တယ်။ Inter-galactic travel ကို ဘယ်လိုထွင်လာလဲ ဆိုတာ ယုံတောင် ယုံစရာ မရှိဘူး။ လူဆိုတာ ကိုယ်နဲ့မတူရင် မုန်းတယ်၊ မကြိုက်ဘူး၊ ကန့်ကွက်တယ်။ ဒါပေမဲ့ နောက်ပိုင်း ဂြိုဟ်သားတွေ အကြောင်း Wikus နဲ့အတူသိလာတဲ့ အခါသူတို့ကို နားလည်လာတယ်။ သူတို့က ရိုးသားတယ်။ ရိုးတယ်ဆိုတာက သူတို့က လူတွေလို့ မကောက်ကျစ်ဘူး။ ရန်တော့လိုတယ်။ တစ်ခါတစ်လေ လူတွေကို ကုတ်ဖဲ့ ပစ်လိုက်တာပဲ။ အဲဒါကောင်းတယ်။ စိတ်ထဲမှာ ရှိတာကို ရှိတဲ့အတိုင်း လုပ်ပြတာ။ အဲဒီမှာ ခုနက ကိုယ့်ရဲ့ မေးခွန်းတွေကို ပြန်ဖြေတတ်လာတယ်။ သူတို့မှာ လူတွေနဲ့ မတူတာက စည်းလုံးတယ်။ အဲဒီအချက်ကပဲ သူတို့ကို လူသားတွေထက် သာတဲ့ နည်းပညာကို တီထွင်နိုင်စေတယ်။ လူအားလုံး အဆိုးမဟုတ်သလို ဂြိုဟ်သားအားလုံးကလည်း ကောင်းချင်မှ ကောင်းမယ်။ သေချာတာကတော့ ဒီဇာတ်ကားမှာ အခု ကျွန်တော်ပြောသွားတာထက်တွေးစရာ အများကြီးပါပါသေးတယ်။ သေချာတာတစ်ခုကတော့ ဂြိုဟ်သားကား ကောင်းကောင်းဘာရှိလဲ မေးလာရင် District 9 ကို ထိပ်ဆုံးက ပြောမိမှာပါ။ (ဇာတ်ကားအညွှန်းကိုတော့ plushpedia မှကူးယူတင်ပြပါတယ်။) File size… (7 GB) / (3 GB) / (1.9 GB) Quality…. Blu-Ray 4K HEVC / 1080p HEVC / 720p Format…. mkv/mp4 Genre…. Science Fiction Duration…. 01:52:36 Subtitle…. Myanmar Subtitle (Hardsub)