Tim Robinson ပါဝင်သော ဇာတ်ကားများ

Obsession (2026) 4K HEVC +++++++++++ IMDb Rating (8.1) / Rotten Tomatoes (94%) ၂၀၂၅ ခုနှစ်ရဲ့ အဟော့ဆုံးနဲ့ အကြမ်းဆုံး Horror ကားကို ပြပါဆိုရင်တော့ ဒါရိုက်တာ Curry Barker ရိုက်ကူးထားတဲ့ "Obsession" ကိုပဲ ပြရမှာပါ။ ဒီကားက ဘတ်ဂျက်နည်းနည်းလေးနဲ့ ရိုက်ထားတာဆိုပေမဲ့ တကယ့်ကို အောင်မြင်မှုတွေ အများကြီး ရထားတဲ့ကားဆိုတော့ ရုပ်ရှင်ချစ်သူတွေ ကြည့်ကိုကြည့်သင့်တဲ့ကားစာရင်းထဲမှာ ပါပါတယ်။ ဇာတ်လမ်းအကျဉ်း +++++++++++ ဇာတ်လမ်းလေးက ဘယ်လိုလဲဆိုတော့... အဓိက ဇာတ်ကောင် "Bear" (Michael Johnston) က သူ့ရဲ့ ငယ်သူငယ်ချင်း ကောင်မလေး "Nikki" (Inde Navarrette) ကို ကြိတ်ကြိုက်နေတာပါ။ တစ်ရက်ကျတော့ Bear က ဆိုင်တစ်ဆိုင်ကနေ 'One Wish Willow' လို့ခေါ်တဲ့ ဆုတောင်းပြည့် အဆောင်လေးတစ်ခုကို ဝယ်လာခဲ့တယ်။ အဲဒီသစ်ကိုင်းကို ချိုးပြီး ဆုတောင်းရင် တစ်ယောက်ကို ဆုတစ်ခါ တောင်းလို့ရတယ်ဆိုတော့ကာ... Bear က "Nikki တစ်ယောက် ငါ့ကို ကမ္ဘာပေါ်မှာ အချစ်ဆုံးဖြစ်ပါစေ" ဆိုပြီး ဆုတောင်းလိုက်ရော။ ဆုတောင်းပြည့်သွားလားဆိုတော့ ချက်ချင်းကို ပြည့်သွားပါတယ်။ ဒါပေမဲ့ ပြဿနာက အဲဒီဆုတောင်းရဲ့ အကျိုးဆက်က တော်တော်လေးကို ကြောက်စရာကောင်းပြီး ဆိုးရွားလွန်းနေတာပါပဲ။ Nikki ရဲ့ အပြုအမူတွေက သာမန်မဟုတ်တော့ဘဲ ကြောက်စရာကောင်းတဲ့ အရာတစ်ခုခုက သူ့ကို ခြယ်လှယ်နေသလိုမျိုး ဖြစ်လာတဲ့အခါ ဘာတွေ ဆက်ဖြစ်မလဲဆိုတာ ရင်တမမနဲ့ ကြည့်ရမယ့် Supernatural Horror နဲ့ Dark Comedy ရောထားတဲ့ ကားလေးပါ။ ဘတ်ဂျက်က ဒေါ်လာ ၇ သိန်းခွဲ ကနေ ၁ သန်း ဝန်းကျင်လောက်ပဲ သုံးထားတာပါ။ ဒါပေမဲ့ ရုံတင်တဲ့အခါမှာတော့ ရုံဝင်ငွေ ဒေါ်လာ ၁၉၄ သန်းကျော်အထိ ရသွားပြီး Focus Features ကုမ္ပဏီ သမိုင်းတစ်လျှောက် ဝင်ငွေအကောင်းဆုံး စံချိန်တင်ကားကြီး (Downton Abbey ကိုပါ ကျော်သွားတာ) ဖြစ်သွားပါတယ်။ တိုရွန်တို နိုင်ငံတကာ ရုပ်ရှင်ပွဲတော် (TIFF) မှာ ပြတုန်းကလည်း ဖြန့်ချိခွင့်အတွက် ဒေါ်လာ ၁၄-၁၅ သန်းအထိ အပေးခံခဲ့ရလို့ TIFF သမိုင်းမှာ Horror/Genre ကားတွေထဲ ဈေးအမြင့်ဆုံးရတဲ့ကားအဖြစ် မှတ်တမ်းဝင်ခဲ့ပါတယ်။ အဲဒီပွဲအပြီးမှာ နာမည်ကြီး Blumhouse Productions က ထုတ်လုပ်သူ Jason Blum ပါ ဝင်ပါလာခဲ့ပါတယ်။ သရုပ်ဆောင်တွေကလည်း နာမည်ကြီးတွေ မဟုတ်သလို၊ ဒါရိုက်တာ Curry Barker ဆိုရင်လည်း ဒါက သူ့ရဲ့ ပထမဆုံးရိုက်တဲ့ Feature Film ပါ။ ဒါပေမဲ့ ပရိသတ်တွေကြားမှာ သေသေချာချာ ဆွေးနွေးလာစေလောက်တဲ့အထိ အင်တာနက်မှာ တော်တော်လေး ဟော့ဖြစ်သွားခဲ့ပါတယ်။ ဒါရိုက်တာက သူငယ်ချင်းတွေနဲ့အတူ The Simpsons ကာတွန်းကားရဲ့ "Treehouse of Horror II" အပိုင်း (Homer က Monkey's Paw နဲ့ ဆုတောင်းတဲ့အပိုင်း) ကို ကြည့်ရင်းကနေ ဒီဇာတ်လမ်း အိုင်ဒီယာကို ရသွားတာပါ။ စတူဒီယိုဘက်က ဇာတ်ကောင် Bear ကို "လူကောင်း (Hero)" ပုံစံမျိုး ပြင်ရေးပေးရင် ဒေါ်လာ ၂ သန်း ပေးမယ်လို့ ကမ်းလှမ်းခဲ့သေးတယ်။ ဒါပေမဲ့ ဒါရိုက်တာက သူ့ရဲ့ မူလဇာတ်လမ်း အတိုင်းပဲ အသက်ဝင်စေချင်လို့ အဲဒီပိုက်ဆံကို ငြင်းခဲ့ပါတယ်။ ဇာတ်လမ်းထဲက အဓိကကျတဲ့ "One Wish Willow" သစ်ကိုင်းလေးရဲ့ ဒီဇိုင်းကို ဒါရိုက်တာက Graphic Designer ဖြစ်တဲ့ သူ့အမေနဲ့ အတူတူ ဖန်တီးခဲ့တာပါ။ "Obsession" (2025) ကားထဲက Nikki နေရာမှာ အပိုင်သရုပ်ဆောင်သွားတဲ့ မင်းသမီးချောလေးရဲ့ နာမည်ရင်းကတော့ Danielle Fabiola Navarrette (ဒန်နီရဲလ် ဖေဘီယိုလာ နာဗာရက်တီ) ပါ။ ဒါပေမဲ့ ပရိသတ်တွေကတော့ သူ့ကို Inde Navarrette (အင်ဒီ နာဗာရက်တီ) ဆိုတဲ့ နာမည်နဲ့ ပိုသိကြပါတယ်။ နာမည်မရှိတဲ့ ဂိမ်းစထရင်မာ သရုပ်ဆောင်မျက်နှာသစ်ဘဝကနေ ဟောလိဝုကြယ်ပွင့်တစ်ပွင့် ဖြစ်လာတော့မှာပါပဲ။ ဇာတ်လမ်းက ရိုးရှင်းပေမဲ့ အလင်းအမှောင် သုံးသွားတဲ့ Cinematography တွေရော၊ သရုပ်ဆောင်တွေရဲ့ အိုက်တင်တွေပါ အရမ်းမိုက်လို့ Horror ကားကြိုက်တဲ့သူတွေ လက်မလွတ်သင့်တဲ့ ၂၀၂၅ ရဲ့ Masterpiece လေးတစ်ခုလို့ပဲ ညွှန်းလိုက်ပါရစေ။ File Size… (3.6GB) / (1.01GB) / (674MB) Quality… WEB-DL 4K HEVC/ 1080p HEVC / 720p Format…mkv / mp4 Duration…1h 48m Genre ….Horror , Romance , Thriller Subtitle….Myanmar Subtitle (Hard Sub)

The Chair Company (2025) Season 01 (စ/ဆုံး) ဝီလီယံ ရော်နယ် ထရိုစ်ပါ (ရွန်) ဆိုတဲ့လူက အိုဟိုင်းအို၊ ကန်တန်မြို့ထဲမှာ အသစ်ဆောက်လုပ်မယ့် ရှော့ပင်းမောလ်ကြီးကို တာဝန်ယူဖို့အတွက် လောလောလတ်လတ် ရာထူးတိုးလာသူ တစ်ဦးပါ။ ရာထူးတိုးတာက မကြာသေးတဲ့အပြင် ပရောဂျက်အသစ်ကြီးကို အခုမှစကိုင်ရမှာဆိုတော့ ရင်တုန်ပန်းတုန်နဲ့ အကုန်လုံးကို စိတ်ပူနေတာပေါ့။ သူ့ရဲ့ စိတ်အခံကိုကလည်း စိုးရိမ်ပူပန်စိတ်ကြီးတတ်တာ ပါမယ်။ စိုးရိမ်စိတ်ကြီးတတ်ပါတယ်ဆိုမှ တလွဲက ဖြစ်လိုက်သေးတယ်။ သူတို့ ပရောဂျက်စတင်ကြောင်းနဲ့ သူ့ကိုယ်သူ ပရောဂျက်မန်နေဂျာပါလို့ မိတ်ဆက်တဲ့ပွဲမှာ မိန့်ခွန်းပြောအပြီး သူ့ထိုင်ခုံရှိရာကို ပြန်အလာ၊ ထိုင်ခုံပေါ် ထိုင်ချလိုက်ချိန်မှာ ထိုင်ခုံကြီးက ဝုန်းခနဲ ကျိုးကျသွားတာ သူက ဖ-င်ထိုင်လျက်သားတောင် မဟုတ်ဘူး၊ ပက်လက်ကြီး ဖြစ်သွားတာ။ သူ့ဘော့စ်တွေ၊ ဝန်ထမ်းတွေကလည်း အများကြီးပေါ့။ တော်တော်ကိုရှက်ဖွယ်လိလိဖြစ်သွားတာ။ သူ့ခမျာ ချက်ချင်းတောင် ပြန်မထနိုင်ဘူး၊ ပက်လက်ကြီးနဲ့ အချိန်တော်တော်ကြာတယ်၊ အိုးတိုးအမ်းတမ်း ဖြစ်သွားတာ။ အဲဒီအချိန်ကစလို့ သူက ထိုင်ခုံထုတ်လုပ်တဲ့ကုမ္ပဏီကို မကျေမနပ်တွေ ဖြစ်ပြီး သူ့ရဲ့ အလုပ်တာဝန်တွေ လစ်ဟင်းတဲ့အထိ ထုတ်လုပ်သူကို ဆက်သွယ်ဖို့ အသည်းအသန်တွေ ကြိုးစားတော့တာပဲ။ ဒါပေမဲ့ ထိုင်ခုံကုမ္ပဏီကို ဘယ်လိုဆက်သွယ် ဆက်သွယ်၊ တကယ်မတည်ရှိတဲ့ ကုမ္ပဏီကြီးတစ်ခုလို ဖြစ်နေတာကတော့ ဆန်းကြယ်တဲ့ကိစ္စတစ်ခုပါပဲ။ ရွန်နေရာမှာ ဟာသသရုပ်ဆောင် Tim Robinson ကပါဝင်ထားပြီး Comedy/ Thriller စီးရီးအမျိုးအစားဖြစ်ကာ အပိုင်း (၈)ပိုင်း ပါဝင်မှာ ဖြစ်ပါတယ်။ File size… (850 MB) / (300 MB) Quality…. WEB-DL 1080p HEVC / 720p Format…. mkv/mp4 Genre…. Comedy Duration…. 35mins Subtitle…. Myanmar Subtitle (Hardsub)

IMDb 7.4 , Rotten Tomatoes 88% ရရှိထားတဲ့ ဒီဇာတ်ကားမှာဆိုရင် Tim Robinson အတူ နာမည်ကြီးမင်းသားကြီး Paul Rudd ကပါဝင်သရုပ်ဆောင်ပေးထားပါတယ်.. ဇာတ်လမ်းအကျဉ်း ++++++++++ ခရစ်ချ်ဝါးတားမန်းဆိုသူက ကင်ဆာပျောက်ကင်းခါစ မိန်းမဖြစ်သူ၊ ဆယ်ကျော်သက်သားငယ်တို့နဲ့ အတူနေထိုင်တဲ့ မားကတ်တင်းပိုင်းလုပ်တဲ့ ကုမ္ပဏီ၀န်ထမ်းတစ်ဦးပေါ့ ။ နေတဲ့အိမ်ကိုရောင်းပြီး ပြောင်းရွှေ့ဖို့ပြင်ကာမှ သူတို့အိမ်နားကို လူသစ်တစ်ဦးပြောင်းလာတယ် ။ စာပို့သမားကောင်းမှုကြောင့် ခရစ်ခ်ျက အော်စတင်မည်တဲ့ အဲ့လူသစ်ကို မြန်မြန်ဆန်ပဲ ခင်မင်သွားခဲ့ပြီး လူမှူဆက်ဆံရေးမှာ သိပ်ညံ့တဲ့ ခရစ်ခ်ျနဲ့ပြောင်းပြန် လူချစ်လူခင်ပေါအောင်နေတတ်တဲ့လူသစ်ကြောင့် ခရစ်ခ်ျက သူ့ကို အတော်သဘောကျသွားတယ် ။ ပြိုပျက်မလိုဖြစ်နေတဲ့ သူ့အိမ်ထောင်ရေးအပြင် အလုပ်ဆက်ဆံရေးမှာပါ အော်စတင်ကို အတုယူပြီး ခရစ်ခ်ျအတွက် အဆင်ပြေစပြုလာတယ် ။ ဒါပေမဲ့ တစ်နေ့ကျ ကိစ္စတစ်ခုဖြစ်သွားပြီးနောက်မှာ ရှေ့တင်ရော နောက်ကွယ်မှာပါ အော်စတင်က သူ့ကိုရှောင်တော့တာပဲ ။ ဒါကိုလက်မခံနိုင်တဲ့ အစွဲအလမ်းသိပ်ကြီးတဲ့ ခရစ်ခ်ျကလည်းထူးထူးဆန်းဆန်းတွေစလုပ်လာချိန်မှာ ပြန်ကောင်းမလိုဖြစ်နေခဲ့တဲ့ သူ့မိန်းမနဲ့ကြား အိမ်ထောင်ရေးက ပိုပြီးတောင် ယိုယွင်းသွားခဲ့တာကပဲ ခရစ်ခ်ျကို အဆုံးစွန်ထိဖြစ်အောင် တွန်းပို့သလိုဖြစ်သွားတော့ ဘာတွေဆက်ဖြစ်ကြမလဲဆိုတာတော့ ဆက်ကြည့်ရှု့လိုက်ကြပါနော် ။ ဒီကားလေးက cringe comedy ဖြစ်သလိုပဲ ပုံမှန်လူနေမှုဘ၀က မျက်မှောက်ခေတ်လူတစ်ဦးရဲ့ အထီးကျန်ဆန်မှုတွေကိုပါ ကွက်ကွက်ကင်းကင်းပြသ‌ပေးထားတယ် ။ အားကျမှုကနေတစ်ဆင့်ပြောင်းလာတဲ့ စွဲလမ်းမှုတွေက လူတစ်ဦးကို ဘယ်လောက်ထိအစွန်းရောက်‌စေလဲ‌ဆိုတာကို ဖော်ကျူးထားခြင်းပါပဲ ။ File Size… (2.19 GB) / ( 856 MB) Quality… WEB-DL 1080p HEVC /720p Format…mkv / mp4 Duration….1h 40m Genre …..Comedy Subtitle….Myanmar Subtitle (Hard Sub) Encoder….Min Wai Translated by Phu Thet Khin

ဝုစ်ဘရိုမှာ ဖြစ်ခဲ့တဲ့ လူသတ်မှုတွေကနေ အသက်ရှင်ကျန်ခဲ့သူတွေဟာ ဒီတစ်ခေါက်ဇာတ်လမ်းရဲ့ အဓိကဇာတ်ကောင်တွေပါ။ ဆမ်နဲ့ တာရာ ညီအစ်မနှစ်ယောက်လည်း အခြားမြို့တစ်မြို့ကို ပြောင်းရွှေ့လာကြပါတယ်။ သရဲမျက်နှာဖုံးနဲ့ လူသတ်သမားတစ်ယောက်ရဲ့ သမီးဖြစ်တဲ့ ဆမ်က ဝုစ်ဘရိုမှာ လူသတ်သမားနှစ်ယောက်ကို သတ်နိုင်ခဲ့ပေမယ့် အင်တာနက်ပေါ်မှာတော့ သူ့အကြောင်း ကောလဟာလတွေ ပြန့်နေတယ်။ သူကသာ လူသတ်သမားအစစ်ဖြစ်ပြီး တခြားသူတွေကို ချောက်ချခဲ့တာဆိုတဲ့ စွပ်စွဲချက်တွေကြောင့် နာမည်ပျက်နေရပါတယ်။ အဲဒီလူသတ်သမားတွေကို အားကျနေသူတွေကလည်း ဆမ်ကို သတ်ဖို့ ကြိုးစားနေကြတယ်။ ဒီကြားထဲ သူတို့အနားက လူတွေ တစ်ယောက်ပြီးတစ်ယောက် အသတ်ခံလာရတဲ့အခါ ဘယ်သူ့လက်ချက်လဲဆိုတာ ရှာဖွေရပြန်ပါတယ်။ အရင်ရုပ်ရှင်တွေမှာ ပါဝင်ခဲ့တဲ့ သရဲမျက်နှာဖုံးလူသတ်သမား ကိုးယောက်အကြောင်းကိုလည်း ဒီကားမှာ အမှတ်တရထည့်သွင်းထားပါတယ်။ ဆမ်နဲ့ တာရာအဖြစ် Melissa Barrera နဲ့ Jenna Ortega တို့ ပြန်လည်ပါဝင်ထားပြီး Courtney Cox လည်း ဆက်လက်သရုပ်ဆောင်ထားပါတယ်။

ဟိုးအရင် ဒစ္စနေးရဲ့ Chip 'n Dale: Rescue Rangers ကာတွန်းဇာတ်လမ်းတွဲထဲက ရှဉ့်ငရှုပ်နှစ်ကောင်ကို ဒီရုပ်ရှင်မှာ အဓိကဇာတ်ကောင်တွေအဖြစ် ပြန်တွေ့ရပါတယ်။ သူတို့နှစ်ကောင်တင်မကဘဲ ၉၀ ပြည့်နှစ်ဝန်းကျင်က ကာတွန်းဇာတ်ကောင်တွေလည်း ဧည့်သည်ဇာတ်ကောင်အဖြစ် ပါလာကြတယ်။ ဇာတ်အိမ်ကို ကာတွန်းဇာတ်ကောင်တွေ နေထိုင်တဲ့ကမ္ဘာမှာ တည်ထားပြီး လူတွေလည်း အနည်းငယ် ပါဝင်ပါတယ်။ ဧည့်သည်ဇာတ်ကောင်တွေက ဒစ္စနေးက ဇာတ်ကောင်တွေချည်းမဟုတ်ပါဘူး။ ဝါနာဘရားသား၊ Comedy Central၊ ပါရာမောင့်နဲ့ တခြားကုမ္ပဏီတွေရဲ့ ဇာတ်ကောင်တွေလည်း ပါတယ်။ ကာတွန်းအဟောင်းတွေကို ပြန်အမှတ်ရစေတဲ့ အကြောင်းအရာတွေကြားမှာ လက်ရှိရုပ်ရှင်တွေကို သရော်ထားတဲ့ဟာသတွေလည်း ထည့်ထားပါတယ်။ ရှဉ့်နှစ်ကောင်ထဲက တစ်ကောင်ကို မူလကာတွန်းပုံစံအတိုင်း ထားပြီး နောက်တစ်ကောင်ကိုတော့ CGI သုံးထားတဲ့ 3D ပုံစံနဲ့ ဖန်တီးထားတယ်။ ဒါကြောင့် ဇာတ်ကားတစ်ကားတည်းမှာ ကာတွန်းပုံစံအဟောင်းနဲ့ အခုခေတ်ရုပ်ထွက်ကို တွဲတွေ့ရပါတယ်။

Aqua Teen Hunger Force ကာတွန်းစီးရီးထဲက မစ်ရှိတ်၊ အသားလုံးနဲ့ အာလူးချောင်းကြော်ဆိုတဲ့ အဓိကဇာတ်ကောင်သုံးယောက် ပါဝင်ထားတဲ့ ကာတွန်းဟာသကားပါ။ သူတို့နဲ့အတူ ဂြိုဟ်သားတွေ၊ အပင်ကောင်တွေ၊ လူတွေအပြင် ကြည့်နေတဲ့ပရိသတ်ကို လှမ်းဆဲတတ်တဲ့ 8-bit Mooninite နှစ်ကောင်လည်း ပါလာပါတယ်။ Rick and Morty စီးရီးကို ထုတ်လုပ်ခဲ့တဲ့ Adult Swim ရဲ့ လက်ရာဖြစ်ပြီး ထူးဆန်းတဲ့အဖြစ်အပျက်တွေ၊ မဖြစ်နိုင်တဲ့အရာတွေနဲ့ ပရိသတ်ကိုပါ ဝင်နှောင့်တတ်တဲ့ ဇာတ်ကောင်တွေကို တွေ့ရမှာပါ။ ကာတွန်းဆိုပေမယ့် ကလေးတွေအတွက် မသင့်တော်တဲ့အခန်းတွေ ဆက်တိုက်ပါဝင်လို့ လူကြီးတွေအတွက် ရည်ရွယ်ထားပါတယ်။

An American Pickle Genre - Comedy,Fantasy IMDb - 5.7/10 Herschel Greenbaumဟာဂျူးလူမျိုးတစ်ယောက်ဖြစ်ပြီးမြောင်းတူးတဲ့အလုပ်လုပ်ကာ အသက်မွေးနေသူတစ်ယောက်ဖြစ်ပါတယ်။ တစ်နေ့ သူ့ဘဝထဲ Sarashဆိုတဲ့ အမျိုးသမီးလေးတစ်ယောက်နဲ့ ချစ်ကျွမ်းဝင်ပြီးတစ်မြို့လုံးရှေ့မှာဘဲလက်ထက်လိုက်ကြပါတော့တယ်။ ဒါပေမယ့်ကံတရားကHerschelတို့ကိုမျက်နှာသာမပေးခဲ့ပါဘူး။ သူတို့လက်ထပ်ပြီးမကြာခင်မှာပဲ Cossacksဆိုတဲ့ ဂျူးသုတ်သင်ရှင်းလင်းရေးသမားတွေ ဟာ Herschelတို့မြို့လေးကို ဝင်ရောက်ဖျက်စီးပြီးမြို့ခံဂျူးတွေကိုသုတ်သင်ခဲ့ကြပါတယ်။ အဲ့ဒီအဖြစ်ဆိုးကြီးဖြစ်ပြီးတဲ့နောက် Herschelတို့ဇနီးမောင်နှံနှစ်ယောက်လည်းပိုမိုကောင်းမွန်တဲ့အနာဂတ်အတွက်အမေရိကကို အခြေချပြောင်းရွေ့နေထိုင်ဖို့အကြောင်းဖန်လာပါတော့တယ်။ အမေရိကကိုရောက်တော့ သခွားချဉ်လုပ်တဲ့စက်ရုံတစ်ခုမှာ Herschelက ကြွက်နှိမ်နင်းတဲ့အလုပ်ရသွားခဲ့ပါတယ်။ Sarashကလည်းသူတို့ရဲ့ပထမဆုံးရင်သွေးလေးကို လွယ်ထားရနေပြီဆိုတော့ မျိုးဆက်ကိုကြီးပွားတိုးတက်စေချင်တဲ့ Herschelက အလုပ်ကိုပိုကြိုးစားလုပ်ကိုင်ရပါတော့တယ်။ ဒါပေမယ့်ကံမကောင်းစွာနဲ့ Herschelတို့ရဲ့ စက်ရုံဟာပိတ်သိမ်းခံလိုက်ရပါတော့တယ်။ အဲ့ဒီနေ့မှာဘဲ Herschelဟာကြွက်လိုက်ဖမ်းရင်း သခွားသီးတွေစိမ်ထားတဲ့ဆားရည်စည်ကြီးထဲကိုကျပြီးသတိမေ့ပြီးကျန်နေခဲ့ပါတော့တယ်။ နှစ်တစ်ရာအကြာHerschelပြန်နိုးလာတဲ့အခါမှာတော့မော်ဒန်ခေတ်ကြီးကိုရောက်နေပြီးဖြစ်ပြီး Sarashနဲ့သူရင်သွေးလေးအပါအဝင်သူသိသမျှလူတွေအကုန်မရှိကြတော့ပါဘူး။ အဲ့လို့နဲ့ယူကြုံးမရဖြစ်နေတုန်းမှာပဲသူမှာBenဆိုတဲ့မြစ်တစ်ယောက်ရှိနေ‌သေးမှန်းသိသွားပြီး Benရဲ့တိုက်ခန်းမှာအတူလိုက်ခဲ့ပါတယ်။ နှစ်တရာလုံးလုံးကမ္ဘာကြီးနဲ့အဆက်သွက်ပြတ်နေသူတစ်ယောက်အနေနဲ့ မော်ဒန်ခေတ်ရဲ့ လူနေမှုစနစ်တွေကြားမှာ ဘယ်လိုတွေ တိုင်ပတ်နေမလဲ သူ့ရဲ့မြစ်ဖြစ်သူBenနဲ့ရော လူကြီးနဲ့လူငယ်သဘောထားမတိုက်ဆိုင်မှုတွေကိုရော ဘယ်လိုဖြေရှင်းကြမလဲဆိုတာ ဟာသနှောပြီးရိုက်ကူးထားတဲ့ ဇာတ်ကားကောင်းလေးတစ်ကားဖြစ်တဲ့အတွက် စိတ်လက်ပေါ့ပါးစွာ ကြည့်ချင်တဲ့သူတွေအတွက် အကြိုက်တွေ့စေမှာအသေချာပါပဲ။ File size…    2.2 GB / 781 MB Quality… WEB-DL 1080p / 720p Format… mp4 Duration…. 1h 28m Genre ..... Comedy/Fantasy Subtitle…. Myanmar Subtitle (Hard Sub) Encoder…. LegoHeart Translated by Jonny Miller