Tom Conti ပါဝင်သော ဇာတ်ကားများ

IMdb Rating (8.5) / Rotten Tomatoes (93%) ဒါရိုက်တာ ခရစ္စတိုဖာနိုလန်ရဲ့ အကောင်းဆုံးရုပ်ရှင်တွေထဲက တစ်ကားဖြစ်တဲ့ အော့ပန်ဟိုင်းမားကို 4K IMAX HDR/SDR Quality တွေနဲ့ တင်ဆက်လိုက်ပါတယ်။ Peaky Blinder ရဲ့ မင်းသား Cillian Murphy က ဒေါက်တာ ဂျေ ရောဘတ် အော့ပန်ဟိုင်းမားအဖြစ် ခေါင်းဆောင်ပါဝင်ထားပြီး၊ နာမည်ကြီးတွေဖြစ်တဲ့ Robert Downey Jr., Emily Blunt, Matt Damon, Rami Malekတို့ အစုံပါဝင်ထားပါတယ်။ ဒီရုပ်ရှင်ဟာ သမိုင်း၊ ဒရာမာ၊ အထ္ထုပ္ပတ္တိ အမျိုးအစားပဲဖြစ်ပါတယ်။ သမိုင်းကို နည်းနည်းလေး ကြားဖူးသူတိုင်းတောင် ဟီရိုရှီးမားနဲ့ နာဂါဆာကီကို ကြားဖူးကြမှာပါ။ ဒီရုပ်ရှင်ထဲက ပုဂ္ဂိုလ်ကတော့ အဲဒီမြို့နှစ်မြို့ကို ကျဲချခဲ့တဲ့ အနုမြူဗုံးကို တီထွင်ခဲ့တဲ့ သူပါပဲ။ သမိုင်းတလျှောက် အကျော်ကြားဆုံးလူတွေထဲကတစ်ယောက်ဖြစ်ပါတယ်။ ဒီရုပ်ရှင်ကို နိုလန်ရဲ့ထုံးစံအတိုင်း အတန်းလိုက်မဟုတ်တဲ့ ဇာတ်ကြောင်းပြောပုံတွေရယ်၊ နောက်ကြောင်းပြန်ပုံတွေရယ်နဲ့ စိတ်ဝင်စားစရာကောင်းအောင်ရိုက်ကူးထားပါတယ်။ အော့ပန်ဟိုင်းမားရဲ့ ကျောင်းသားဘဝ၊ ပါမောက္ခဘဝ၊ ကွန်မြူနစ်နောက်ခံ ဘဝတွေကနေ အမေရိကန်ရဲ့ အကြီးမားဆုံး စီမံကိန်းဖြစ်တဲ့ မန်ဟက်တန်စီမံကိန်းကို လော့စ် အာလာမို့စ်မှာ ဦးဆောင်ခဲ့ရပုံတွေကိုပြသထားပါတယ်။ အနုမြူဗုံးကိုအောင်မြင်စွာဖန်တီးပြီး စစ်နိုင်သွားတဲ့နေရာမှာ ရပ်သွားတာမဟုတ်ဘဲ အဲဒီနောက်ပိုင်းမှာ သမ္မတနဲ့ အစိုးရကိုပါ အတိုက်အခံလုပ်ပြီး အနုမြူလက်နက် ကန့်သတ်ရေးကို လှုပ်ရှားခဲ့တဲ့ဘဝအကြောင်းတွေပါ ပါဝင်ပါတယ်။ ပထမဆုံး အဖြူအမည်း IMAX ရိုက်ချက်တွေကို ဖန်တီးထည့်သွင်းထားသလို ရုပ်ရှင်တစ်ကားလုံးကို CGI မသုံးခဲ့တဲ့အတွက်လည်း နာမည်ကြီးနေပါသေးတယ်။ ပြီးတော့ အော့ပန်ဟိုင်းမားနဲ့ခေတ်ပြိုင် နာမည်ကြီး သိပ္ပံပညာရှင်တွေလည်း အချက်အလက်အသေးစိတ်ထည့်သွင်းထားပါသေးတယ်။ အဲဘတ်အိုင်းစတိုင်း၊ ကာ့ထ်ဂိုဒဲ၊ ရစ်ချက်ဖိုင်းမန်းတို့လို ဇာတ်ကောင်တွေကိုလည်း အသေးစိတ်ဖန်တီးထားပါတယ်။ အတော်ကိုကြည့်ကောင်းတဲ့ ရုပ်ရှင်ပါပဲ။ (4K Quality ကို IMAX Version ကိုမှ ကာလာပိုလှပတဲ့ HDR Version နဲ့ ရိုးရိုး SDR Version ၂ ခုစလုံးတင်ဆက်ပေးထားပါတယ်။ HDR ကိုတော့ HDR Play နိုင်တဲ့ ခေတ်ပေါ် Device များမှာသာ ကြည့်ရှုလို့ရမှာဖြစ်ပြီး SDR ကတော့ ဘာနဲ့ကြည့်ကြည့်ရပါတယ်ခင်ဗျာ။) File size… (5.8 GB)/ (10 GB) /(2.35 GB) /  (1.05 GB) Quality… BluRay  4K HDR/SDR /1080p / 720p Format… mkv/mp4 Duration…. 3 hr Genre .....  Drama, History Subtitle…. Myanmar Subtitle (Hard Sub) Encoder…. Thit San Khant,Ka Naung Translated by Mr. Anderson

ဘရောင်းမိသားစုနဲ့အတူ လန်ဒန်မှာ အခြေချနေထိုင်တဲ့ ဝက်ဝံလေးပက်ဒင်တန်ဟာ ဘာ လုပ်လုပ် အလွဲလွဲအချော်ချော် ဖြစ်ပေမယ်လို့ လူတိုင်းကိုကူညီလို စိတ်ရှိတဲ့အတွက် ချစ်ခင်သူများပါ တယ်။ ဘရောင်းမိသားစုမှာလည်း အိုလံပစ်ယာဉ်မောင်းဖြစ်ဖို့ ကြိုး ပမ်းနေတဲ့ မေရီ၊ ရာထူးမတိုးသေး တဲ့ ဟင်နရီ၊ ချစ်သူနဲ့လမ်းခွဲလိုက် တဲ့ ဂျူဒီ၊ အရွယ်ရောက်လာတဲ့ ဂျိုနသန်စတဲ့ အပြောင်းအလဲ များစွာနဲ့ပါ။ တစ်ရက်မှာတော့ အန်တီ လူစီရဲ့ အသက်ရာပြည့်မွေးနေ့မှာ အမှတ်တရ လက်ဆောင်အဖြစ် ဆင်မြူရယ်ဂရူဘာရဲ့ ရှေး ဟောင်းပစ္စည်းဆိုင်က Pop Up စာအုပ်လေးဝယ်ပေးဖို့ စိတ်ကူး ထားတာကြောင့် ပက်ဒင်တန်ဟာ အလုပ်မျိုးစုံလုပ်ရင်း ငွေစုခဲ့ပါ တယ်။ ပိုက်ဆံပြည့်တဲ့နေ့မှာ စာ အုပ်သွားဝယ်ရင်း သူဝယ်မယ့် စာအုပ်သူခိုးခိုးသွားတာ တွေ့ပေ မယ့်လို့ ပက်ဒင်တန်ဟာ စာအုပ် သူခိုးအဖြစ် မှားယွင်းစွပ်စွဲခံရပြီး သက်သေမပြနိုင်တဲ့အတွက် အ ဖမ်းခံခဲ့ရပါတယ်။ ဘရောင်းမိသားစုကလည်း ပက်ဒင်တန် မလုပ်ဘူးဆိုတာကို သက်သေပြနိုင်ဖို့အတွက် ကြိုး ပမ်းရင်း ရှေ့ဖြစ်ဟောသူ တစ် ယောက်နဲ့ ဆုံခဲ့ပြီး ပျောက်သွား တဲ့ Pop Up စာအုပ်ရဲ့ နောက် ကွယ်မှာ ဆန်းကြယ်တဲ့ဖြစ်ရပ် ရှိတဲ့အကြောင်း ပြောပြခဲ့ပါတယ်။ တကယ်တော့ စာအုပ်ကို ဘရောင်းမိသားစု အိမ်နားမှာနေ တဲ့ ဖီးနစ်ဘက်ချနန်ဆိုတဲ့ သူက ခိုးယူထားတာဖြစ်ပြီး ဟင်နရီနဲ့ မေရီက အဲဒီလူရဲ့ အိမ်ထဲခိုးဝင် ရှာဖွေကြတဲ့အခါ ပျောက်နေတဲ့ စာအုပ်ကိုတွေ့ခဲ့ပေမယ့် ဘက်ချနန် အိမ်ပြန်ရောက်လာတဲ့အတွက် ဘာသက်သေမှ မယူလာနိုင်ခဲ့ပါဘူး။ ပက်ဒင်တန်ဟာလည်း ထောင်ထဲမှာဆုံတဲ့ မိတ်ဆွေတွေနဲ့အတူ ထောင်ဖောက်ထွက်ပြေးခဲ့ပြီး ဘရောင်းမိသားစုနဲ့ ပြန် ချိတ်ဆက်မိခဲ့ပါတယ်။ Pop Up စာအုပ်ရဲ့ နောက်ကွယ်မှာ ဘယ်လိုလျှို့ဝှက်ချက်တွေ ရှိနေလဲ။ ဘက်ချနန်ဟာ စာအုပ်သူခိုးအစစ်ဖြစ်တယ်ဆိုတာ ဘယ်လိုဖော်ထုတ်မလဲဆိုတာတော့ ဆက်ကြည့်ဖို့ ဖော်ပြပေးလိုက်ပါတယ်။ ဒီဇာတ်ကားလေးမှာ ဟျူဘွန်နဗီလ်၊ ဆယ်လီဟော့ကင်း၊ ဘရန်ဒန်ဂလီဆန်၊ ဂျူလီဝေါ်လ်တာ၊ ဂျင်မ်ဘရော့ဘန့်၊ ပီ တာကက်ပယ်ဒီ၊ ဟျူဂရန့် စသူတွေရဲ့ သရုပ်ဆောင်မှုတွေနဲ့အတူ ရယ်ရယ်မောမော ကြည့်လိုက်ပါဦးလို့ ...။ (ဇာတ်လမ်းအညွှန်းကို 7Daily Website မှ ကူးယူဖော်ပြပါသည်) File Size : (900 MB) and (350 MB) Quality : Blu-Ray 720p Running Time : 1h 44min Format : Mp4 Genre : Animation, Adventure, Comedy Subtitle : Myanmar Subtitle (Hard Sub) Source : 1080p.BluRay.x264-SPARKS Translated by Arkar Phyo & Wai Yan Maung Encoded by Thanhtike Zaw

ဘရုစ်ဟာ အိမ်ထဲမှာပဲ နေလာတာ ရှစ်နှစ်ရှိပြီဖြစ်သလို Batman လည်း Gotham မြို့ကနေ ပျောက်ကွယ်နေပါတယ်။ Harvey Dent ကျူးလွန်ခဲ့တဲ့ လူသတ်မှုတွေကို Batman လုပ်ခဲ့တယ်လို့ လူတွေက ယုံကြည်နေကြဆဲပါ။ Dent ကို အကြောင်းပြုပေါ်လာတဲ့ ဥပဒေကြောင့် ဂိုဏ်းဖွဲ့ကျူးလွန်တဲ့ ရာဇဝတ်မှုတွေ ပပျောက်နေချိန်မှာပဲ Gotham ကို ခြိမ်းခြောက်မယ့် ရန်သူသစ်က လှုပ်ရှားနေပြီဖြစ်ပါတယ်။ Bane က CIA ထိန်းသိမ်းထားတဲ့ နျူကလီးယားရူပဗေဒပညာရှင်တစ်ယောက်ကို ဖမ်းခေါ်သွားတယ်။ တစ်ဖက်မှာလည်း ဘရုစ်ရဲ့အိမ်မှာ Harvey Dent အမှတ်တရပွဲ ကျင်းပနေတုန်း Selina Kyle က ခိုးဝင်ပြီး ဘရုစ်အမေရဲ့ လည်ဆွဲကို ယူသွားပါတယ်။ ဒါပေမယ့် သူ့ရဲ့ တကယ့်ပစ်မှတ်က လည်ဆွဲထက် ဘရုစ်ရဲ့ လက်ဗွေဖြစ်နေကြောင်း ဘရုစ်က ရိပ်မိပြီး စုံစမ်းလာတယ်။ လက်ဗွေကို ရသွားတဲ့ Selina ဟာ ပွဲတက်လာတဲ့ လွှတ်တော်အမတ်တစ်ယောက်ကိုပါ ပြန်ပေးဆွဲပြီး သူ့ကို လက်ဗွေခိုးခိုင်းသူနဲ့ တွေ့ဖို့ ခေါ်သွားပါတယ်။ ဒီကိစ္စကို လိုက်စုံစမ်းတဲ့ Gordon က အဖမ်းခံရပြီး Bane နဲ့ ရင်ဆိုင်တွေ့ရတယ်။ Bane ဟာ Gotham မြို့ရဲ့ မြေအောက်ရေမြောင်းတွေထဲမှာ တပ်စွဲထားတာပါ။ Gordon က လွတ်အောင် ထွက်ပြေးနိုင်ခဲ့ပြီး ရဲအရာရှိ John Blake က သူ့ကို တွေ့သွားကာ ဆေးရုံပို့ပေးခဲ့ပါတယ်။ Alfred ကလည်း Bane နဲ့ပတ်သက်တဲ့ အကြောင်းတွေကို ဘရုစ်ဆီ ပြောပြလာတယ်။ Bane ဟာ ဘရုစ်ကို အရင်က ပညာသင်ပေးခဲ့တဲ့ Ra's Al Ghul ရဲ့ တပည့်ဖြစ်ပြီး သူ့ရည်ရွယ်ချက်က Gotham ကို ဖျက်ဆီးဖို့ပါ။ Bane က အဲဒီအစီအစဉ်ကို ဘယ်လိုအကောင်အထည်ဖော်မလဲ၊ အချိန်အတော်ကြာ ပျောက်ကွယ်နေတဲ့ Batman ကရော မြို့ကို ဘယ်လိုကာကွယ်မလဲဆိုတာ ဆက်တွေ့ရမှာဖြစ်ပါတယ်။ The Dark Knight Rises က Christopher Nolan ရဲ့ Batman ဇာတ်ကားသုံးကားတွဲကို အဆုံးသတ်ပေးတဲ့ကားဖြစ်ပြီး Christian Bale ရဲ့ နောက်ဆုံး Batman ဇာတ်ကားလည်း ဖြစ်ပါတယ်။ Bane အဖြစ် Tom Hardy၊ Selina Kyle အဖြစ် Anne Hathaway တို့ ပါဝင်ထားကြပါတယ်။

O' Jerusalem (2006) အို ဂျေရုစလင်..သင့်ကိုကျွန်ုပ်မေ့ခဲ့ပါမူ...ညာလက်တော်သည် တီးခတ်နိုင်စွမ်းပျောက်ဆုံးပါစေ...ကျွန်ုပ်ပျော်ရွှင်မှုကို ဂျေရုစလင်ထက် ဦးစားပေးခဲ့ပါမူ ကျွန်ုပ်လျှာသည်အာခေါင်ဖြင့်ကပ်၍ သီဆိုနိုင်စွမ်းတို့ အားလုံးပျောက်ကွယ်ပါစေ။  (:ဆာလံ-၁၃၇) အားလုံးပဲ လတ်တလော ပဋိပက္ခဖြစ်နေတဲ့ အစ္စရေး-ဟားမတ်စ်ကိစ္စကို အားလုံးစိတ်၀င်စားနေကြမှာပါ။ အစ္စရေးနဲ့ ပါလက်စတိုင်းအရေးက မနေ့တစ်နေ့ကမှ ထဖြစ်တာမဟုတ်ဘဲ ဒုတိယကမ္ဘာစစ်ပြီးကတည်းက စလာခဲ့ကြတာပါ။ အစ္စရေးနဲ့ အာရပ်နိုင်ငံများရဲ့ နာမည်ကျော် ၆ရက်စစ်ပွဲဆိုရင်လည်း မသိသူရှားပါလိမ့်မယ်။ ဒီကားလေးကတော့ "O Jerusalem" ဆိုတဲ့စာအုပ်ကို ပြန်ရိုက်ကူးထားတဲ့ဇာတ်ကားလေးပါ။ ဒီကားထဲမှာ ဗြိတိသျှတွေရဲ့မလည်ရှုပ်ပုံတွေ၊ ဂျူးတွေနဲ့ အာရပ်တွေနဲ့ ကမ္ဘာမကြေတဲ့ရန်ပွဲစဖြစ်လာပုံတွေအပြင် အစ္စရေးနိုင်ငံဖြစ်တည်လာတဲ့အကြောင်းတွေ ဘာသာကြီးသုံးခုရဲ့အထွတ်အမြတ်ဖြစ်တဲ့ဂျေရုဆလင်မြေပေါ်က သွေးချောင်းစီးတိုက်ပွဲတွေကို သူငယ်ချင်းနှစ်ယောက်ရဲ့ချစ်ခြင်းမေတ္တာနဲ့ ရောစပ်တင်ဆက်ထားပါတယ်။ "O Jerusalem" စာအုပ်ကို Dominique Lapierre နဲ့ Larry Collins ဆိုတဲ့ စာရေးဆရာ ၂ဦးက ၂နှစ်တာ အချိန်ယူ သုတေသနလုပ်ရေးသားခဲ့ပြီး အင်တာဗျူးထောင်ပေါင်းများစွာနဲ့ တခြားကိုးကားချက်များစွာကို လေ့လာရေးထားတာပါ။ လက်ရှိအစ္စရေးတိုင်းပြည် မွေးဖွားလာပုံအကြောင်းကို တင်ဆက်ပြသထားတဲ့ စာအုပ်လည်းဟုတ်ပါတယ်။ Dominique Lapierre ကိုတော့ မြန်မာစာဖတ်သူ တော်တော်များများ ရင်းနှီးကြမှာပါ။ မြသန်းတင့်ရဲ့ သုခမြို့တော်၊ မောင်ပေါ်ထွန်းရဲ့ သန်းခေါင်ယံလွတ်လပ်ရေးတို့ကိုရေးခဲ့တဲ့ မူရင်းစာရေးဆရာပါပဲ။ ဒီစာအုပ်ကိုလည်း အိုဂျေရုဆလမ်ဆိုပြီး ကျော်အောင်က မြန်မာဘာသာပြန်ဆိုရေးသားဖူးပါတယ်။ အကြောင်းအရာကတော့ "ဒုတိယကမ္ဘာစစ်အပြီး အရှေ့အလယ်ပိုင်း ပါလက်စတိုင်းဒေသတွင် အစ္စရေးနိုင်ငံတည်ထောင်ရန် ကြိုးပမ်းသူများနဲ့ ဟန့်တားသူ အာရပ်တို့၏ ခါးသည်းပြင်းထန်သော ပဋိပက္ခများ" လို့ ကျော်အောင်က ရေးထားဖူးတယ်။ ရုပ်ရှင်ကတော့ အဲဒီဂျူးနဲ့အာရပ်လူမျိုးတွေထဲက လူမျိုးကွဲ သူငယ်ချင်း၂ယောက်ရဲ့ ဇာတ်လမ်းပေါ့။ စာအုပ်မှာတော့ အာရပ်ရော ဂျူးရောရဲ့ နှစ်နိုင်ငံအခြေအနေတွေကို ဘက်မလိုက်ဘဲ တင်ပြသွားပေမဲ့ ရုပ်ရှင်ကတော့ ဝါဒဖြန့်ရုပ်ရှင်ဆန်သွားခဲ့တယ်လို့ ဆိုကြတယ်။ ကားက ကျန်တာအကုန်ကောင်းပေမဲ့ ဝါဒဖြန့်ဖို့လုပ်ရင်း မလှမပဖြစ်သွားတာလေးတော့ ရှိခဲ့တယ်။ နှစ်ဖက်စလုံးက အဆိုးအကောင်းတွေကို ဒီရုပ်ရှင်မှာ သေချာပြသွားပေမဲ့ ကြည့်ရှုသူကို တစ်ဖက်အပေါ် မသိမသာသနားစိတ်လေးဝင်သွားအောင် ရိုက်ပြသွားတယ်လို့ဆိုတယ်။ ဒါကိုကလည်း ဝါဒဖြန့်ချိရေးကားတွေရဲ့ အထာပဲတဲ့။ ဒီလိုဝတ္ထုထူကြီးတွေကို ရိုက်တဲ့ကားတွေထဲ အကောင်းထွက်လာတဲ့ ကားကတော်တော်ရှားတော့ ဒီလောက်ကိုပဲ တော်တော်လေး တော်လှပါပြီ။ အားလုံးကြည့်သင့်ကြည့်ထိုက်တဲ့ အရှေ့အလယ်ပိုင်းအကြောင်း ရုပ်ရှင်ပါပဲ။ ( ရုပ်ရှင်အညွှန်းနဲ့ဘာသာပြန်ကို Soe Thiri Swe မှ တင်ဆက်ထားပါတယ်။) File size…(2.8 GB)/(1.3 GB) Quality….BluRay 1080p/720p Format…mp4 Duration….01:41:31 Subtitle….Myanmar Subtitle(Hardsub) Encoder….Ka Naung Translated by Soe Thiri Swe

၁၉၈၃ ခုနှစ်မှာ ထွက်ရှိခဲ့တဲ့ "Merry Christmas, Mr. Lawrence" ဟာ ဒုတိယကမ္ဘာစစ် နောက်ခံဇာတ်လမ်းကို ပုံဖော်ထားပေမယ့်၊ သေနတ်သံတွေ၊ ဗုံးပေါက်ကွဲသံတွေထက် လူသားတွေရဲ့ စိတ်ပိုင်းဆိုင်ရာ ပွတ်တိုက်မှုတွေကို ပိုပြီး နက်နက်ရှိုင်းရှိုင်း တင်ဆက်ထားတဲ့ ဂန္ထဝင် ရုပ်ရှင်ကားကောင်း တစ်ကားဖြစ်ပါတယ်။ ဂျပန်ဒါရိုက်တာ Nagisa Oshima ရိုက်ကူးပြီး ဂီတနဲ့ အနုပညာလောကရဲ့ ဂန္ထဝင်တွေဖြစ်တဲ့ David Bowie နဲ့ Ryuichi Sakamoto တို့ အဓိက ပါဝင်သရုပ်ဆောင်ထားပါတယ်။ ဇာတ်လမ်းက ၁၉၄၂ ခုနှစ်၊ ဂျာဗားကျွန်း (Java) က ဂျပန် စစ်သုံ့ပန်းစခန်းတစ်ခုမှာ အခြေတည်ပါတယ်။ ဂျပန်စစ်ဗိုလ်ကြီး ယိုနွိုင်း (Capt. Yonoi) က စခန်းကို တင်းကျပ်စွာ အုပ်ချုပ်ပြီး၊ ဗြိတိသျှ အရာရှိ ဂျွန်လောရင့်စ် (John Lawrence) က ဂျပန်စကားနဲ့ ယဉ်ကျေးမှုကို နားလည်တဲ့အတွက် နှစ်ဖက်ကြားမှာ စကားပြန်နဲ့ ညှိနှိုင်းပေးသူအဖြစ် ရှိနေပါတယ်။ တစ်နေ့မှာတော့ ပုန်ကန်မှုနဲ့ ဖမ်းဆီးခံရတဲ့ ဗြိတိသျှဗိုလ်မှူး ဂျက်ဆဲလီယာ (Jack Celliers) စခန်းကို ရောက်လာချိန်မှာတော့ အခြေအနေတွေ ပြောင်းလဲသွားပါတယ်။ Celliers ရဲ့ အလျှော့မပေးတတ်တဲ့ စိတ်ဓာတ်နဲ့ ခန့်ညားမှုက စည်းကမ်းကြီးတဲ့ ယိုနွိုင်းရဲ့ စိတ်ထဲမှာ လေးစားမှုရော၊ ဖုံးကွယ်ထားရတဲ့ စွဲလမ်းမှုတွေကိုပါ ဖြစ်ပေါ်လာစေပါတယ်။ ဇာတ်လမ်းက အရှေ့တိုင်းရဲ့ ဘူရှီဒို (Bushido) ဂုဏ်သိက္ခာပိုင်းဆိုင်ရာ အယူအဆနဲ့၊ အနောက်တိုင်းရဲ့ လွတ်လပ်တဲ့ တွေးခေါ်မှုတို့ကြားက အားပြိုင်မှုတွေကို ပြသထားပါတယ်။ ဂျပန်တွေရဲ့ ဂုဏ်သိက္ခာကို အသက်ထက်တန်ဖိုးထားပြီး သုံ့ပန်းအဖြစ် အဖမ်းခံရတာကို ရှက်စရာလို့မြင်တဲ့ အယူအဆနဲ့၊ အနောက်တိုင်းသားတွေရဲ့ အသက်ရှင်သန်ရေးကို ဦးစားပေးတဲ့ အမြင်တွေကြားက ကွာဟချက်ကို လေးနက်စွာ တင်ဆက်ထားပါတယ်။ David Bowie ရဲ့ ခန့်ညားပြီး ပုန်ကန်တတ်တဲ့ Celliers ဇာတ်ကောင်စရိုက်က ရုပ်ရှင်ရဲ့ အသက်တစ်ခုပါ။ ဒါ့အပြင် Ryuichi Sakamoto ရဲ့ တင်းမာတဲ့ စစ်ဗိုလ်ကြီးအသွင်နဲ့၊ နောက်ပိုင်းမှာ နာမည်ကြီး ဒါရိုက်တာတစ်ဦးဖြစ်လာမယ့် Takeshi Kitano (Sgt. Hara) ရဲ့ ကြမ်းတမ်းပေမယ့် ရိုးသားတဲ့ ပုံစံတွေက ဇာတ်လမ်းကို ပိုပြီး အသက်ဝင်စေပါတယ်။ ရုပ်ရှင်အကြောင်းပြောရင် Ryuichi Sakamoto ကိုယ်တိုင် ဖန်တီးခဲ့တဲ့ "Merry Christmas, Mr. Lawrence" မူရင်းတေးသွားကို ချန်ထားခဲ့လို့ မရပါဘူး။ ရုပ်ရှင်ရဲ့ နက်နဲတဲ့ ခံစားချက်၊ လွမ်းမောဖွယ်ကောင်းမှုနဲ့ ကြေကွဲမှုတွေကို ဒီတေးဂီတက အပြည့်အဝ ပံ့ပိုးပေးထားပါတယ်။ Merry Christmas, Mr. Lawrence" ဟာ စစ်ပွဲရဲ့ အကျည်းတန်မှု၊ လူသားဆန်မှု၊ ခွင့်လွှတ်ခြင်းနဲ့ မတူညီတဲ့ ယဉ်ကျေးမှု နှစ်ခုကြားက နားလည်မှုတည်ဆောက်ခြင်းတို့ကို ရင်နင့်ဖွယ်ရာ မြင်တွေ့ရမယ့် ရုပ်ရှင်ဖြစ်ပါတယ်။ စိတ်ပိုင်းဆိုင်ရာ ရိုက်ခတ်မှုရှိတဲ့ ရုပ်ရှင်ကောင်းတွေကို ကြိုက်နှစ်သက်သူတွေ၊ ဂန္ထဝင်သရုပ်ဆောင်တွေရဲ့ ငယ်ဘဝ အနုပညာပြိုင်ဆိုင်မှုတွေကို ကြည့်ရှုချင်သူတွေအတွက် အထူးအကြံပေးချင်ပါတယ်။ ရုပ်ရှင်ရဲ့ နောက်ဆုံးအခန်းမှာ Sgt. Hara ပြောသွားတဲ့ "Merry Christmas, Mr. Lawrence!" ဆိုတဲ့ စကားစုလေးကတော့ ကြည့်ရှုသူတွေရဲ့ ရင်ထဲမှာ အမြဲကျန်ရစ်နေမှာ သေချာပါတယ်။ File size…    5 GB / 1.6 GB Quality… Blu - Ray 1080p / 720p Format… mp4 Duration…. 2h 4m Genre ..... History , War , Drama Subtitle…. Myanmar Subtitle (Hard Sub)

ပန်းချီကားတစ်ချပ် အသက်ဝင်လာသလို ခံစားရတဲ့ ရုပ်ရှင်မျိုးကို ကြည့်ဖူးပါသလား။ နာမည်ကြီး ဒါရိုက်တာ ရစ်ဒလေ စကော့ (Ridley Scott) ရဲ့ ပွဲဦးထွက် ရုပ်ရှင်ဇာတ်ကားဖြစ်တဲ့ 'The Duellists' (၁၉၇၇) ဟာ အဲဒီလို ဇာတ်ကားမျိုးပါပဲ။ ဟောလိဝုဒ်ရဲ့ လျှို့ဝှက်ကျောက်မျက်ရတနာတစ်ခုလို့တောင် တင်စားလို့ရပါတယ်။ ဇာတ်လမ်းနောက်ခံက နပိုလီယန်ခေတ် ပြင်သစ်စစ်တပ်က အရာရှိနှစ်ယောက်ဖြစ်တဲ့ ဒီယူဘတ် (D'Hubert - သရုပ်ဆောင် Keith Carradine) နဲ့ ဖီရော့ဒ် (Feraud - သရုပ်ဆောင် Harvey Keitel) တို့ရဲ့ အကြောင်းပါ။ ဖီရော့ဒ်က အကြောင်းပြချက် သေးသေးလေးတစ်ခုကို အစွဲအလမ်းကြီးပြီး ဒေါသထွက်ရာကနေ ပြဿနာစပါတယ်။ အဲဒီကနေတစ်ဆင့် သူတို့နှစ်ယောက်ဟာ နေရာဒေသအမျိုးမျိုး၊ အချိန်ကာလ နှစ်ပေါင်းများစွာကြာတဲ့အထိ အကြိမ်ကြိမ် ဓားရေး၊ သေနတ်ရေး ယှဉ်ပြိုင်ကြတဲ့အကြောင်းကို ရိုက်ကူးထားတာပါ။ ဒေါသကြီးပြီး အစွဲအလမ်းကြီးတဲ့၊ တိုက်ခိုက်ဖို့လောက်ပဲ သိတဲ့ စစ်သားတစ်ယောက် နေရာမှာ အံ့မခန်း သရုပ်ဆောင်ထားပါတယ်။ သူ့ရဲ့ မျက်လုံးထဲက ဒေါသနဲ့ အငြိုးကို ပီပီပြင်ပြင် မြင်ရပါတယ်။ ဒီကားက "ဂုဏ်သိက္ခာ" ဆိုတဲ့ စကားလုံးနောက်ကွယ်က အဓိပ္ပာယ်မဲ့တဲ့ အတ္တ၊ မာနနဲ့ ပဋိပက္ခတွေကို သိမ်မွေ့စွာ သရော်ထားသလိုပါပဲ။ လူတွေဟာ ကိုယ်မေ့နေတဲ့ အကြောင်းအရာတွေအတွက်တောင် အငြိုးတကြီးနဲ့ ဘယ်လိုတွေ တိုက်ခိုက်နေတတ်ကြသလဲ ဆိုတာကို မေးခွန်းထုတ်ထားပါတယ်။ ဒီဇာတ်ကားရဲ့ အကောင်းဆုံးအချက်ကတော့ ရုပ်ရှင်ရိုက်ကူးမှု အတတ်ပညာ (Cinematography) ပဲ ဖြစ်ပါတယ်။ ဒါရိုက်တာ Ridley Scott ရဲ့ အမြင်အာရုံ စွမ်းရည်ဟာ ပွဲဦးထွက်ဇာတ်ကားကတည်းက တောက်ပနေခဲ့တာပါ။ သဘာဝအလင်းရောင်ကို အများဆုံး အသုံးပြုထားပြီး မြင်ကွင်းတိုင်းက ၁၉ ရာစုက ဥရောပ ဆီဆေးပန်းချီကားတွေကို ကြည့်နေရသလို လှပလွန်းပါတယ်။ (နာမည်ကြီး 'Barry Lyndon' ဇာတ်ကားရဲ့ ရိုက်ကူးမှုမျိုးနဲ့ ခပ်ဆင်ဆင်ပါပဲ)။ ဓားရေးယှဉ်ပြိုင်တဲ့ အခန်းတွေကလည်း ဟောလိဝုဒ်ရဲ့ အလွန်အကျွံ လုပ်ဇာတ်တွေ၊ လှပလွန်းတဲ့ ကကွက်တွေလို မဟုတ်ဘဲ၊ တကယ် လက်တွေ့ကျကျနဲ့ မောပန်းကြမ်းတမ်းမှုကို ပေါ်လွင်အောင် ရိုက်ပြထားပါတယ်။ အသက်ရှုသံ ပြင်းပြင်းတွေ၊ ဓားချင်းရိုက်ခတ်သံတွေက ပရိသတ်ကိုပါ ရင်ဖိုလာစေပါတယ်။ The Duellists ဟာ အက်ရှင်ကားသက်သက် မဟုတ်ပါဘူး။ လူ့သဘာဝ၊ အတ္တနဲ့ ဂုဏ်သိက္ခာအကြောင်းကို အနုပညာမြောက်မြောက် တင်ဆက်ထားတဲ့ ဇာတ်ကားပါ။ အချို့အတွက် ဇာတ်အိမ်သွားတာ နှေးတယ်လို့ ခံစားရနိုင်ပေမယ့်၊ ရုပ်ရှင်ကို အနုပညာတစ်ရပ်အနေနဲ့ ခံစားကြည့်ရှုတတ်သူတိုင်း၊ အထူးသဖြင့် သမိုင်းနောက်ခံနဲ့ လှပတဲ့ မြင်ကွင်းတွေကို နှစ်သက်သူတိုင်း မလွတ်တမ်း ကြည့်သင့်တဲ့ ဂန္ထဝင်ဇာတ်ကားကောင်း တစ်ကားဖြစ်ပါတယ်။ သေချာတာတစ်ခုကတော့ ဒီကားကို ကြည့်ပြီးရင် သင့်မျက်စိထဲမှာ လှပတဲ့ မြင်ကွင်းတွေ အကြာကြီး စွဲကျန်ရစ်နေမှာပါ။ File size…   3.44 GB / 1.1 GB Quality… Blu - RayL 1080p / 720p Format… mp4 Duration….1h 40m Genre ..... Drama , War Subtitle…. Myanmar Subtitle (Hard Sub)