Trenyce ပါဝင်သော ဇာတ်ကားများ

သီချင်းတွေကို ဟာသသရော်ပုံစံ ပြန်ဖန်တီးရာမှာ လူသိများတဲ့ Weird Al ရဲ့အကြောင်းကို ဒီတစ်ခါတော့ အတ္ထုပ္ပတ္တိဇာတ်ကားကိုယ်တိုင် ဟာသသရော်ထားတဲ့ပုံစံနဲ့ ပြထားပါတယ်။ ဇာတ်ညွှန်းကို Weird Al ကိုယ်တိုင် ပူးတွဲရေးသားထားပြီး သူ့နေရာမှာ ဟယ်ရီပေါ်တာမင်းသားက သရုပ်ဆောင်ထားတာပါ။ သူ့ဘဝဖြစ်ရပ်တွေကို အခြေခံပြီး ပြန်ဖန်တီးထားပေမယ့် ဟာသပြုထားတဲ့ ဇာတ်လမ်းဖြစ်လို့ ပါသမျှဟာ အဖြစ်မှန်လို့ ယူဆလို့တော့ မရပါဘူး။ ဇာတ်လမ်းထဲမှာ ပေါ့ပ်အဆိုတော် မက်ဒေါနားနဲ့ အချစ်ဇာတ်လမ်းလည်း ပါဝင်ပါတယ်။ Weird Al ပြောပြထားတာအရ သူ့အကြောင်း အွန်လိုင်းမှာ ရှာကြတဲ့ မေးခွန်းတွေထဲမှာ သူနဲ့ မက်ဒေါနား တကယ်ပတ်သက်ခဲ့ဖူးသလားဆိုတာက အများဆုံး ဖြစ်နေတယ်လို့ ဆိုပါတယ်။

ဟေလီဟာ နှလုံးအစားထိုးခွဲစိတ်မှု ခံယူထားတာ မကြာသေးတဲ့ သမီးလေး အေဗာနဲ့အတူ အိမ်မှာပဲ အနေများတဲ့ ပန်းချီဆရာမတစ်ယောက်ပါ။ စိုးရိမ်ပူပန်မှုတွေ များလွန်းတာကြောင့် စိတ်ကျန်းမာရေးဆိုင်ရာ ဆေးတွေလည်း သောက်နေရတယ်။ ခင်ပွန်းဖြစ်သူ ဂျိမ်းစ်က အလုပ်ကိစ္စနဲ့ ခရီးမကြာခဏ ထွက်ရသူဖြစ်တာကြောင့် ဟေလီ့ကို ကူညီပေးနိုင်ဖို့ သူ့အမေ လင်းကို အိမ်မှာ တစ်ခါတလေ လာကူဖို့ ခေါ်လိုက်ပါတယ်။ ဂျိမ်းစ်နဲ့ လင်းက နှစ်ပေါင်းများစွာ အဆက်အသွယ်ဝေးနေခဲ့ကြပြီး မကြာသေးခင်ကမှ ပြန်ဆက်သွယ်မိကြတာပါ။ ဂျိမ်းစ်က အမေနဲ့ မိသားစုလို ပြန်နီးစပ်ချင်တာလည်း ပါတယ်။ ဟေလီက သိပ်သဘောမကျပေမယ့် ခင်ပွန်းကို အားနာလို့ လက်ခံလိုက်ရတယ်။ အဲဒီအချိန်မှာပဲ ဟေလီဟာ အပြင်မှာ မထင်မှတ်ဘဲ တွေ့မိတဲ့ မက်ဂန်ဆိုတဲ့ အမျိုးသမီးနဲ့ သူငယ်ချင်းတွေလို ရင်းနှီးလာပါတယ်။ သူ့အနားကို ဒီလူနှစ်ယောက် ရောက်လာပြီးနောက် တစ်နေ့မှာ ကလေးထိန်း မေရီဟာ ပန်းခြံမှာ ကလေးထိန်းနေရင်း ရုတ်တရက် သေဆုံးသွားတယ်။ ဟေလီကလည်း သူ့နောက်ကို လိုက်နေတဲ့ ယောက်ျားတစ်ယောက်ကို မကြာခဏ တွေ့လာရပါတယ်။ ဒါပေမယ့် တခြားသူတွေက အဲဒီလူကို မတွေ့ဘူးလို့ ပြောကြတော့ တကယ်ပဲ တစ်ယောက်ယောက်က လိုက်နေတာလား၊ သူ့စိတ်ထဲက ထင်ယောင်ထင်မှား မြင်နေတာလားဆိုတာ မသေချာတော့ဘူး။ မေရီရဲ့ သေဆုံးမှုကရော သွေးရိုးသားရိုး ဟုတ်ပါ့မလား။ လင်းက ဂျိမ်းစ်ရဲ့အမေ ဖြစ်ပေမယ့် နှစ်ပေါင်းများစွာ ဝေးကွာနေခဲ့တာကြောင့် ဟေလီအတွက် အပြည့်အဝ ယုံကြည်ဖို့ ခက်နေတယ်။ အခုမှ သိကျွမ်းလာတဲ့ မက်ဂန်ကရော သူ့အပေါ် သဘောရိုးနဲ့ ဆက်ဆံနေတာ ဖြစ်နိုင်ပါ့မလား။

ဒီ Hero ကားလေးကတော့ ၂၀၁၀ က ထွက်ရှိခဲ့တဲ့ Kick Ass ရုပ်ရှင်ဇာတ်ကားရဲ့အဆက်အနေနဲ့ ၃ နှစ်အကြာမှာထပ်မံထွက်ရှိလာတဲ့ Kick Ass 2 ပဲဖြစ်ပါတယ်... ဇာတ်လမ်းကလဲ ဆက်စပ်ပြီးတော့ Kick Ass 2 ရဲ့အဓိကဗီလိန်ကတော့ Kick Ass 1 မှာ ပါဝင်ခဲ့တဲ့ Red Mist ဟာ Mother Fucker ဆိုတဲ့ နာမည်အဆန်းကြီးနဲ့ ပြန်လည်မွေးဖွားလာလို့ပါပဲ... (သူ့ဟာနဲ့သူတော့ဟုတ်နေတာပဲ...ဘာလို့လဲဆိုတော့ သူ့အမေကို မတော်တဆသတ်မိလိုက်လို့တဲ့ဗျာ....) သူ့ရဲ့ရည်ရွယ်ချက်ကတော့ရှင်းပါတယ်... သူ့အဖေကို ဘစူကာကြီးနဲ့မညှာမတာပစ်သတ်ခဲ့တဲ့ Kick Ass ကို မသေမချင်းပြန်သတ်ဖို့ပါပဲ... ဒါကြောင့် ကြေးစားလူမိုက်တွေအကုန်လိုက်စုစည်းပြီးတော့ အကြီးမားဆုံးရာဇဝတ်မှု့ကို ကျူးလွန်ကြတော့မှာပါ... ဒီ Kick Ass 2 မှာထူးခြားလာတာကတော့ Kick Ass တစ်ယောက်တည်း မျက်နှာဖုံးနဲ့မဟုတ်တော့ပါဘူး... Kick Ass 1 မှာကတည်းက Kick Ass ကိုသဘောကျထောက်ခံတဲ့လူတွေအများစုက သူ့တို့ကိုယ်တိုင်လည်းမျက်နှာဖုံးတွေဝတ်ပြီးတော့ မကောင်းမှုတွေကို လိုက်လံရှာဖွေနေကြတာကိုမြင်ရတော့မှာပါ... သူတို့ဟာ ဘာအစွမ်းအစမှမရှိပါဘူး...ဒါပေမယ့် သူတို့ရဲ့စံပြကြီး Kick Ass လိုမျိုးမျက်နှာဖုံးတပ်လိုက်တာနဲ့ သူတို့ကိုယ်သူတို့အားအင်တွေ ရှိလာကြမယ်ဆိုတာ သူတို့ကိုယ်တိုင်ယုံကြည်နေကြလို့ပါ.... (သူရဲကောင်းဆိုတာ လက်ရုံးရည်မရှိလဲ နှလုံးရည်ရှိလည်းရတယ် ဆိုသလိုပေါ့..) နောက်ပြီးတော့ Kick Ass 1 မှာ ၁၃ နှစ်သာသာပဲရှိနေသေးတဲ့ လူကြမ်းမလေး Hit Girl ကတော့ သူ့ရဲ့အဖေ Big Daddy သေဆုံးပြီးနောက်ပိုင်းမှာ ဦးလေးရဲ့အုပ်ထိန်းမှုအောက်မှာကြီးပြင်းလာရင်း သတ်ဖြတ်မှုတွေကိုတတ်နိုင်သလောက်ရှောင်နေခဲ့ပါတယ်.... ဒီကားမှာတော့ Hit Girl လေး အသက်ကြီးလာပြီဖြစ်လို့ တော်တော်လေးကိုချောနေတယ်ဆိုတာ ငြင်းမရပါဘူး... ဒါဆိုရင် ကျွန်တော်တို့ရဲ့ဇာတ်လိုက်ကျော်ကြီး Kick Ass ကော..... Kick Ass ကတော့ ထုံးစံအတိုင်းပဲ တုတ်ကလေးနှစ်ချောင်းကိုကိုင်ပြီး လူသားတွေကို  ဘာမှမရဘဲ လိုက်လံကာကွယ်ပေးနေတုန်းပါပဲ... သူရတာတွေကတော့ ကွဲပြဲ ဒဏ်ရာတွေပါပဲ.... သူရဲကောင်းတိုင်းမှာ စွန့်လွှတ်မှုတွေအများကြီးရှိကြပါတယ်... ဘာအမြတ်အစွန်းမှမပါဘဲ အားလုံးရဲ့အကျိုးကိုလိုက်လံဆောင်ရွက်ပေးနေတဲ့ Kick Ass ရဲ့စွန့်လွှတ်လိုက်ရတာကတော့ ဒီ Kick Ass 2 မှာ အကြီးမားဆုံးပါပဲ.... ဘာလဲဆိုတာကိုတော့....။ (ရုပ်ရှင်အညွှန်းကို Moe Myint Lwin မှ တင်ဆက်ထားပါတယ်။) 4K Quality ကိုတော့ ကာလာပိုလှတဲ့ HDR Version နဲ့ တင်ဆက်ထားတာမလို့ 4K ဖိုင်ကို HDR Play နိုင်တဲ့ ခေတ်ပေါ် Device များသာကြည့်ရှုလို့ရမှာဖြစ်ပြီး 1080p နဲ့ 720p ဖိုင်တွေကိုတော့ ပုံမှန်အတိုင်း ကြည့်ရှုလို့ရပါတယ်ခင်ဗျာ။ File size…(4.3 GB)/(2.3 GB)/(1.2 GB) Quality….BluRay 4K HDR/1080p/720p Format…mkv/mp4 Duration….01:43:00 Subtitle….Myanmar Subtitle(Hardsub) Encoder….Ka Naung