Vasuki ပါဝင်သော ဇာတ်ကားများ

နာမည်ကြီးလေယာဉ်မှူး ကပ္ပတိန်ဗစ်ကရန့်ခန်နား ပျံသန်းတဲ့ ခရီးစဉ်တစ်ခုမှာ ရာသီဥတု အလွန်ဆိုးရွားပြီး မတော်တဆမှု ဖြစ်ပွားခဲ့ပါတယ်။ ဒီဖြစ်ရပ်မှာ မသင်္ကာစရာတွေ ပါနေတဲ့အတွက် လေကြောင်းမတော်တဆမှု စုံစမ်းစစ်ဆေးရေးအဖွဲ့ခေါင်းဆောင် နာရာယန်းဗီဒန့်ကိုယ်တိုင် ကွင်းဆင်းစစ်ဆေးမေးမြန်းလာတယ်။ ဗစ်ကရန့်က မတော်တဆမှုတစ်ခုမှာ ဘာဖြစ်ခဲ့သလဲ၊ ဘယ်လိုဖြစ်ခဲ့သလဲဆိုတဲ့ နှစ်ခုကြားမှာ အမှန်တရား ဖုံးကွယ်နေတယ်လို့ ဆိုပါတယ်။ နာရာယန်းကတော့ အမှားလုပ်ခဲ့ရင် ဝန်ခံဖို့၊ သင်ယူဖို့နဲ့ ထပ်မမှားအောင် ဆင်ခြင်ဖို့လိုတယ်ဆိုတဲ့သူပါ။ ဝေဟင်မှာ ကြုံခဲ့ရတဲ့ အန္တရာယ်နဲ့ အဲဒီနောက်ပိုင်း စုံစမ်းမေးမြန်းမှုတွေကို တွဲဖက်တင်ဆက်ထားပါတယ်။ အိန္ဒိယမှာ တကယ်ဖြစ်ခဲ့တဲ့ ဖြစ်ရပ်တစ်ခုကို အခြေခံရိုက်ကူးထားပြီး ဗစ်ကရန့်ခန်နားအဖြစ် အဂျေး၊ နာရာယန်းဗီဒန့်အဖြစ် အမီတာဘဂျမ်းတို့ ပါဝင်သရုပ်ဆောင်ထားပါတယ်။

လင်မယားနှစ်ယောက် စကားများကြရာက ဆန်ချီးဟာ ခင်ပွန်းကို ကွာရှင်းပေးဖို့ ပြောလာပါတယ်။ အဲဒီနောက် ဆန်ချီးတစ်ယောက်တည်း အိမ်မှာကျန်နေချိန် အကြမ်းဖက်သမားတစ်ယောက် ဝင်စီးလာတော့တယ်။ ကယ်တင်ဖို့ ရောက်လာတဲ့ရဲတွေကို ခင်ပွန်းဖြစ်သူက ဆန်ချီးမှာ စိတ်ထင်ယောင်ထင်မှားဖြစ်တတ်တဲ့ ဝေဒနာရှိကြောင်း ပြောပြီး အမြန်ဆုံး ကယ်ပေးဖို့ တောင်းဆိုပါတယ်။ ဒါပေမယ့် အိမ်ထဲက အကြမ်းဖက်သမားကို ဆန်ချီးပြောပြနေတာက တခြားတစ်မျိုးပါ။ သူ့ယောက်ျားဟာ အိမ်ထောင်ရေးဖောက်ပြန်နေပြီး သူပိုင်သမျှကို လိုချင်လို့ ချစ်သူဖြစ်တဲ့ စိတ်ရောဂါအထူးကုဆရာဝန်မနဲ့ ပေါင်းကာ သူ့ကို စိတ်ရောဂါဆေးတွေ တိုက်နေတယ်လို့ ပြောတယ်။ ဆန်ချီးက သူ့ကို အမြန်ဆုံး သတ်ပေးဖို့ပါ တောင်းဆိုလိုက်ပါတယ်။ တစ်ယောက်နဲ့တစ်ယောက် ပြောပုံချင်း မတူကြတဲ့ ဒီလင်မယားကြားမှာ ဘယ်သူက အမှန်ပြောနေပြီး ဘယ်သူက လှည့်စားနေတာလဲ။ မာဒဗန်း ပါဝင်သရုပ်ဆောင်ထားတဲ့ သည်းထိတ်ရင်ဖိုဇာတ်ကားပါ။