Vimal ပါဝင်သော ဇာတ်ကားများ

Vadam (2026) နွားလားဥဿဘ ဗီထရီ က သူ့ရဲ့ မျက်စိတစ်ဖက်မမြင်ရတဲ့ နွားလေး ပန်ဒီမူနီကို မိသားစုဝင်တစ်ယောက်လို ချစ်မြတ်နိုးပြီး ပြိုင်ပွဲဝင် နွားလားဥဿဘဖြစ်အောင် လေ့ကျင့်ပေးခဲ့ပါတယ်။ တစ်ဖက်မှာလည်း ရွာရဲ့ အာဏာရှိသူ ရတ်သ်နာဗယ် ဆိုတာ ရှိပါတယ်။ သူကတော့ သူ့ရဲ့ နွားဟာ ဘယ်သူ့ကိုမှ မရှုံးဖူးတဲ့ အနိုင်မခံ အရှုံးမပေး နွားလို့ ဂုဏ်ယူနေသူပေါ့။ တိုက်တိုက်ဆိုင်ဆိုင်ပဲ ဗီထရီ ရဲ့ နွားလေးက ရတ်သ်နာဗယ် ရဲ့ နွားကို ပြိုင်ပွဲမှာ အနိုင်ယူလိုက်တဲ့အခါမှာတော့ လူကြီးချင်း မာန်မာနပြိုင်ဆိုင်မှုတွေ လက်စားချေမှုတွေ စတင်ပါတော့တယ်။ ဒီကြားထဲမှာ ရတ်သ်နာဗယ် ရဲ့ ခယ်မဖြစ်သူ ဒီဗာကီ နဲ့ ဗီထရီ တို့ကြားက အချစ်ဇာတ်လမ်းကလည်း ပဋိပက္ခကို ပိုပြီး အရှိန်တောက်စေခဲ့တာပေါ့။ မိသားစု ဂုဏ်သိက္ခာ၊ အချစ်နဲ့ ရိုးရာအားကစားကြားမှာ ဗီထရီ တစ်ယောက် သူ့ရဲ့ ချစ်လှစွာသော နွားလေးကို ဘယ်လိုကာကွယ်မလဲရန်ငြိုးတွေကို ဘယ်လိုရင်ဆိုင်မလဲဆိုတာကို ရင်ခုန်စရာ မြင်တွေ့ရမှာပါ။ File size… 2.24 GB / 1.4 GB Quality…WEB DL 1080p HEVC/ 720p Format…mkv/ mp4 Duration….2hr 16mins Subtitle….Myanmar Subtitle (Hard Sub)

Om Kali Jai Kali (2025)"ကျိန်စာ" ၂၀၂၂ တုန်းက နာမည်ကြီးခဲ့တဲ့ Kantara ရုပ်ရှင်လိုမျိုး အိန္ဒိယရဲ့ နတ်ကိုးကွယ်ယဉ်ကျေးမှုတွေ၊ ရိုးရာတွေ၊ သဘာဝလွန်ဖြစ်ရပ်တွေနဲ့ အက်ရှင်ဒရာမာကို အချိုးကျကျ ပေါင်းစပ်ထားတဲ့ တမီလ်စကားပြော ခပ်မိုက်မိုက် သည်းထိတ်ရင်ဖို ဝက်ဘ်စီးရီးလေးတစ်ခုကို ပရိသတ်တွေအတွက် တင်ဆက်ပေးချင်ပါတယ်။ အိန္ဒိယတောင်ပိုင်းရဲ့ တောမြို့လေးတစ်မြို့မှာ နတ်ကိုးကွယ်တဲ့သူတွေပေါများပြီး ရိုးရာနတ်ပွဲတွေကိုလည်း အကြီးအကျယ် ကျင်းပတတ်ကြပါတယ်။ တစ်ညမှာ အဲဒီမြို့လေးက နတ်ဝင်သည်အဖွဲ့ဟာ ပူဇော်ပွဲလုပ်နေရင်းနဲ့ သတိလစ်နေတဲ့ ကိုယ်ဝန်သည်ကောင်မလေးကိုတွေ့လို့ မြို့ကို ခေါ်လာပြီး ဆွေမျိုးသားချင်းလို စောင့်ရှောက်ထားကြပါတယ်။ အစပိုင်းနှစ်တွေမှာတော့ အေးအေးဆေးဆေးဖြစ်ခဲ့ပေမဲ့ နှစ်အနည်းငယ်ကြာပြီးတဲ့နောက်မှာ အဲဒီအမျိုးသမီးရဲ့အတိတ်က နောက်က လိုက်လာတဲ့အချိန်မှာတော့ သူတို့မြို့လေးတစ်ခုလုံး တွေးတောင်မတွေးဖူးတဲ့အဖြစ်အပျက်တွေနဲ့ တွေ့ကြုံရပုံတွေကို ဒီဇာတ်လမ်းတွဲထဲမှာ ဇာတ်လမ်းဇာတ်အိမ်ကောင်းကောင်းနဲ့ တွေ့မြင်ကြရမှာဖြစ်ပါတယ်...။ (ဒီဇာတ်လမ်းတွဲအတွက် အညွှန်းနဲ့ဘာသာပြန်ကတော့ Zwe Yan နဲ့ Star ပါ။) File Size –1 GB (Appx;)@Episode Quality – 1080p WEB DL Duration –50 minute (@Episode) Total Episodes: 5Eps Subtitle – Myanmar Hardsub Format – Mp4 Genre : Crime, Drama, Action & Adventure Translator – Zwe Yan, Star Encoder – YK

Galatta Family (2025) ဗရုတ်သုတ်ခ မိသားစု ချန်ဒရန် ဟာတရားရုံးကရုံးလုလင်တစ်ယောက်ပေါ့။ ချန်ဒရန်မှာ အိမ်ထောင်မပြုရ‌ သေးတဲ့ ညီမ၃ယောက်ရှိပြီး အဖေဖြစ်သူကလည်းလက်ကြောမတင်း အိမ်ကလည်းအကြွေးတွေ ပတ်လည်ဝိုင်းပြီးတော့ တစ်အိမ်လုံးရဲ့တာ၀န်ကို သူ့ပခုံးပေါ်တင်ထားရသူပါ။ တစ်နေ့တော့ ချန်ဒရန်ရဲ့အဘိုးဖြစ်သူက သူ မ‌‌ကွယ်လွန်ခင် သူ့မြေးမတွေကို အိမ်ထောင်ပြုပေးဖို့အတွက် သူချေးငှားထားတဲ့ ပိုက်ဆံတွေအကြောင်းကို ထုတ်ပြောလာပါတော့တယ်။ ဒါပေမဲ့ ကံဆိုးချင်တော့ အဘိုးကြီးကရုတ်တရတ်ကြီး ‌ကွယ်လွန်သွားပါလေရော။ အဘိုးဖြစ်သူက ဘယ်သူတွေကို ပိုက်ဆံတွေချေးခဲ့လဲဆိုတာမသိတဲ့ ချန်ဒရန်တို့ မိသားစု အဘိုးဖြစ်သူချေးထားတဲ့ပိုက်ဆံတွေကို ပြန်လိုချင်ဇောနဲ့ ပိုက်ဆံချေးထားတဲ့လူတွေကို အပူတပြင်းလိုက်လံရှာဖွေတဲ့အခါမှာတော့.... ဗရုတ်သုတ်ခ မိသားစုရဲ့ ဘယ်လိုမျိုးအလွဲတွေနဲ့ကြုံ‌တွေ့ရမလဲဆိုတာကို ဟာသဆန်ဆန်နဲ့ရှုစားရမှာပဲဖြစ်ပါတယ်။ File size… 2 GB / 970 MB Quality…1080p HEVC/ 720p Format…mkv/ mp4 Duration….1h 51min Subtitle….Myanmar Subtitle (Hard Sub)

Mahasenha 2025 မဟာစေနာ ဇာတ်လမ်းက Kurangani ရဲ့ လှပပေမဲ့ ဆန်းကြယ်လွန်းတဲ့ တောင်တန်းကြီးတွေပေါ်မှာ အခြေတည်ထားပါတယ် အဲဒီတောနက်ထဲမှာ ရှေးဟောင်းဒဏ္ဍာရီတွေနဲ့ ဆက်နွှယ်နေတဲ့ လျှို့ဝှက်ချက်တစ်ခု ရှိနေပြီး အဲဒီအရာကို စောင့်ရှောက်ပေးနေတဲ့ ဆင်ရိုင်းကြီးတွေနဲ့ တောတွင်းသားတွေ ရှိကြပါတယ် ဇာတ်လိုက်ဖြစ်သူက ဒီတောနက်ကြီးထဲကို မထင်မှတ်ဘဲ ရောက်ရှိလာခဲ့ပြီး တောတောင်ရဲ့ သဘာဝစည်းကမ်းတွေကို နားမလည်တဲ့ အပြင်လူတွေနဲ့ တောကို အသက်ထက်မြတ်နိုးတဲ့ ဒေသခံတွေကြားက ပဋိပက္ခတွေကို မြင်တွေ့ရမှာပါ တစ်ဖက်မှာလည်း အဲဒီတောင်တန်းတွေပေါ်မှာ ရှေးယခင်ကတည်းက ပုန်းကွယ်နေတဲ့ "Mahasenha" ဆိုတဲ့ အင်အားစုကြီးရဲ့ စွမ်းအားကို လူသားတွေက လောဘဇောနဲ့ လာရောက်ထိပါးတဲ့အခါမှာတော့ တောတောင်တစ်ခုလုံး ရုန်းရင်းဆန်ခတ် ဖြစ်လာပါတော့တယ် တောတောင်ရဲ့ သဘာဝအလှတရားတွေကြားမှာ ပုန်းကွယ်နေတဲ့ ဒီအမှန်တရားကို ရှာဖွေရင်းနဲ့ ဇာတ်ကောင်တွေက မထင်မှတ်ထားတဲ့ အန္တရာယ်တွေ၊ ဆန်းကြယ်တဲ့ ဖြစ်ရပ်တွေနဲ့ ဘယ်လိုရင်ဆိုင်သွားမလဲဆိုတာကိုတော့ File size… 2.4 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2hr 8mins Subtitle….Myanmar Subtitle (Hard Sub)

Desingu Raja 2 (2025) ဒီဆင်းဂူရာဂျာ ၂ IMDb 7.6 ဒီဇာတ်လမ်းကတော့ ၂၀၂၃ မှာထွက်ရှိထားတဲ့ Desingu Raja ရဲ့နောက်ဆက်တွဲဇာတ်လမ်းဖြစ်ပေမဲ့ အဆက်မဟုတ်ဘဲ ဇာတ်လမ်းအသစ်တစ်ပုဒ်အဖြစ် ရိုက်ကူးထားတဲ့ တမီးလ်အက်ရှင် ဟာသဇာတ်ကားဖြစ်ပါတယ် ။ စိုက်ပျိုးရေးကောလိပ်မှာ အတူတူတက်ခဲ့ပြီး အမြဲတပူးပူးတွဲတွဲဖြစ်ခဲ့ကြတဲ့ သူငယ်ချင်းသုံးယောက်ဖြစ်တဲ့ ကူလာဆီဂါရာပန်ဒီယန်၊ဆတ်သယာနဲ့ နောက်သူငယ်ချင်းတစ်ယောက်တို့အကြောင်းကို အခြေခံရိုက်ကူးထားတာဖြစ်ပါတယ်။ အရွယ်ရောက်တော့ ဘဝလမ်းကြောင်းကွဲလွဲသွားပြီး နှစ်ဦးက ရဲအရာရှိဖြစ်သွားပြီး ကျန်တစ်ဦးမှာ လူဆိုးဂိုဏ်းခေါင်းဆောင်ဖြစ်သွားပါတယ်။ တာဝန်ကိုယ်ဆီထမ်းဆောင်နေတဲ့အချိန်မှာ လျို့ဝှက်ဆန်းကြယ်အမှုကိစ္စနှစ်ခုဖြစ်လာပြီးတဲ့နောက် သူတို့တွေပြန်လည်ဆုံစည်းဖို့ အကြောင်းဖန်လာပါတော့တယ်။ ရဲအရာရှိနှစ်ဦးကလည်း အမှုကိုတရားသောဘက်မှဖြေရှင်းရန်ကြိုးစားကြပြီး သူတို့ရဲ့ရာထူး၊သစ္စာစောင့်သိမှုနဲ့ အရင်ကခင်မင်ခဲ့တဲ့သူငယ်ချင်းသံယောဇဉ်တွေကို ပဋိပက္ခဖြစ်စေတဲ့အခြေအနေတွေနဲ့ ရင်ဆိုင်ရတဲ့အခါ သူတို့သူငယ်တွေဘယ်လိုဖြေရှင်းကြမလဲ။ သူတို့တွေကိုင်တွယ်ဖြေရှင်းရမဲ့လျို့ဝှက်ဆန်းကြယ်တဲ့အမှုနှစ်ခုက ဘာဖြစ်မလဲဆိုတာ ဒီဇာတ်လမ်းမှာ ကြည့်ရှုခံစားပေးကြပါဦး။ File size… 3 GB / 1.5 GB Quality…WEB DL 1080p HEVC/ 720p Format…mkv/ mp4 Duration….2h 11m Subtitle….Myanmar Subtitle (Hard Sub)

Maaman (2025) "အန်ကယ်နဲ့ အန်တီလေး" ဒီတစ်ခါမှာတော့ အသစ်ထွက်ရှိလာတဲ့ တမီးလ် မိသားစု/ဟာသ/ဒရာမာ ရုံတင်ကားလေးကို တင်ဆက်ပေးလိုက်ပါတယ် Viduthalai ရုပ်ရှင်တွေနဲ့ နာမည်ကြီးလာတဲ့ ခပ်ရင့်ရင့်မင်းသား ဆူရီနဲ့ မင်းသမီးချော Aishwarya Lekshmi တို့ ခေါင်းဆောင်ပါဝင်ထားတာပဲ ဖြစ်ပါတယ် ဇာတ်လမ်းအကျဉ်းကတော့ ဇာတ်လိုက်ကျော် အင်ဘာမှာ သူသိပ်ချစ်ရတဲ့ အစ်မရင်းတစ်ဦးရှိပြီး သူ့အစ်မဟာ ၁၀ နှစ်ကျော် ကလေးမရနိုင်လို့ ယောက္ခမမိသားစုဘက်က ညှင်းဆဲတာကို ခံနေရပါတယ် ဒီလိုနဲ့ သူ့အစ်မ ကိုယ်ဝန်ရလာတော့ အတိုင်းမသိဝမ်းသာရပြီး ဆေးရုံက ဒေါက်တာမလေးနဲ့ အင်ဘာတို့လည်း ငြိသွားပါတော့တယ် တူလေးမွေးလာတော့ အင်ဘာတစ်ယောက် အရိပ်တကြည့်ကြည့်နဲ့ ချစ်ခဲ့ပြီး သူ့ဘဝရဲ့ အရေးပါတဲ့တစ်စိတ်တစ်ပိုင်း ဖြစ်လာပေမဲ့ သူနဲ့ ဒေါက်တာမလေးတို့ ယူပြီးတဲ့အချိန် တူတော်မောင်က အနှောင့်အယှက်ဖြစ်လာတဲ့အခါ ဘယ်လိုအလွဲလေးတွေဖြစ်ကြမလဲ ပရိသတ်တို့ကပဲ ရှုစားအားပေးပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size… 2.1GB / 1 GB Quality…WEB DL 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub) Encoder….YK Translated by CM Bollywood Team

Paramasivan Fathima (2025) အမု-န်းသံသရာ စည်းလုံးညီညွတ်မှုဆိုတာ ရဖို့ခဲယဉ်းသလောက် ‌ေ-သွးကွဲသွားဖို့အတွက်တော့ အသေးအဖွဲပြဿနာလေးတစ်ခုပဲလိုပါတယ်တဲ့။ ဆူဘရာမနီယာပူရမ် ယိုကိုပူရမ် ဆူလ်တန်ပက်တိုင်၊ ဒီရွာ 3 ရွာဟာ ခရိုင်တစ်ခုတည်းမှာရှိတဲ့ ရွာငယ်လေးသုံးရွာ၊ တစ်ချိန်က သိပ်ကိုစည်းလုံးခဲ့ကြတဲ့ ရွာတွေပေါ့။ ဒါပေမဲ့ ဘာအကြောင်းကြောင့်ရယ်မသိ ဆူဘရာမနီယာပူရမ်နဲ့ ယိုကိုပူရမ်ဟာ မျက်နှာချင်းတောင်ဆိုင်လို့မရတော့တဲ့ ရ-န်ဘက်ရွာနှစ်ရွာဖြစ်လာပြီး ရွာသားချင်းလည်း ပထွေးမု-န်းမု-န်းတဲ့အထိ ဖြစ်ကုန်ကြပါသတဲ့။ ဒီအမု-န်းမီးတွေက ဆူလ်တန်ပက်တိုင်ကိုပါကူးစက်ပြီး တစ်ရွာနဲ့တစ်ရွာ အမု-န်းပွားတဲ့သပွတ်အူဇာတ်လမ်းဖြစ်လာတော့တာပေါ့။ ဘယ်လောက်ထိဆိုးလဲဆိုရင် တစ်ရွာမှာ မင်္ဂလာပွဲလုပ်ပြီဆို နောက်တစ်ရွာက ရ-န်ရှာပွဲဖျက် သ-တ်ပု-တ်ကြတဲ့အထိပါပဲ။ ဒါပေမဲ့ ဒီတစ်ခါရ-န်ပွဲကတော့ လက်လွန်ကြက်သွန်ဖြစ်ပြီး လူသ-တ်မှုအထိ ဦးတည်သွားပါတယ်။ ဆူဘရာမနီယာပူရမ်က ဆူဆိုင်ဆိုတဲ့ကောင်လေးတစ်ယောက် မင်္ဂလာပွဲမတိုင်ခင်ညမှာ အသ-တ်ခံလိုက်ရတာဖြစ်ပြီး ဒီအမှုက တစ်ရွာလုံးကို ‌ေ-သွးဆူသွားစေတဲ့အခါ... တစ်ချိန်က သိပ်ချစ်ကြတဲ့ရွာနှစ်ရွာ ဘာလို့ဒီ‌လိုကမ္ဘာ့ရ-န်ဘက်တွေဖြစ်ကုန်တာလဲ။ လူသ-တ်တရားခံကိုရော အင်စပက်တာတစ်ယောက် ရှာတွေ့နိုင်မလားဆိုတာ ရှုစားကြပါဦးခင်ဗျာ။ (အညွှန်းနဲ့ဘာသာပြန်ကတော့ CM B Teamမှပဲ ဖြစ်ပါတယ်) File size…2.1 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 23min Subtitle….Myanmar Subtitle (Hard Sub) Encoder….YK Translated by CM Bollywood Team

Badava (2025) ဘဝရဲ့ အချိုးအ‌ကွေ့လေးတွေ IMDb 6.7/10 အက်ရှင် ဟာသဒရမ်မာပရိသတ်တို့အတွက် တမီးလ်ရုပ်ရှင်လေးနဲ့ မိတ်ဆက်ပေးလိုက်ပါတယ်။ ဗယ်လန်က အလုပ်လက်မဲ့ ပြဿနာအိုးလေးတစ်ယောက်ပါ။ သူ့ကို အလုပ်လုပ်ဖို့ဆိုပြီး အိမ်ကသူအားလုံးက မလေးရှားကို အတင်းပြောင်းရွှေ့ခိုင်းကြပါတယ်။ မလေးရှားရောက်သွား‌တော့လည်း အဆင်မပြေပြန်တဲ့အတွက် အလုပ်ပြုတ်ပြီး အိမ်ပြန်ရဖို့ပဲ ဖြစ်လာလေရဲ့။ အဲဒီအချိန်မှာပဲ အုတ်ဖိုပိုင်ရှင်တစ်ယောက်ဟာ သူ့နယ်ခံအလုပ်သမားတွေကို လခနည်းနည်းပဲပေးပြီး အလုပ်မတရားခိုင်းနေတာကို သူက သိသွားပါတယ်။ ဒီလိုနဲ့ မဟုတ်မမှန်ရင်ခေါင်းငုံ့မခံတတ်တဲ့ သူ့ရဲ့စိတ်ဓာတ်လေးပေါ်ထွက်လာပြီး ခေါင်းပုံဖြတ်နေတဲ့ အလုပ်ရှင်ကို ဆန့်ကျင်တော်လှန်ပါတော့တယ်။ ဗယ်လန်ရဲ့ အခက်အခဲတွေကိုသတ္တိရှိရှိနဲ့ရင်ဆိုင်ပုံ၊ အရှုံးမပေးပုံတို့ကို စိတ်ခွန်အားတက်ကြွဖွယ်နဲ့ ဟာသဆန်ဆန်လေး တွေ့မြင်ရမှာမို့ ခံစားကြည့်ရှု အားပေးကြရအောင်ပါ။ ( အညွှန်းနဲ့ ဘာသာပြန်တွေကတော့ CM Bollywood Team ပဲဖြစ်ပါတယ် ) File size…3.4 GB / 1.6 GB Quality…WEB DL 1080p HEVC / 720p Format…mkv/mp4 Duration….2h 30min Subtitle….Myanmar Subtitle (Hard Sub) Encoder….YK Translated by CM Bollywood Team

Pogumidam Vegu Thooramillai (2024) "ဤခရီး မဝေးပါ" ဇာတ်လမ်းဇာတ်အိမ်ခပ်ဆန်းဆန်းနဲ့ တမီးလ်ရုပ်ရှင်ကားကို တင်ဆက်ပေးလိုက်ပါတယ်။ တီရူနယ်ဗယ်လီမှာ စော်တအားကြည်လို့ မိန်းမတစ်ယောက်ထက်မကယူလိုက်တဲ့ နာရာယာနာဆိုတဲ့လူတစ်ယောက်ရှိတယ်။ မယားကြီးနဲ့ရော မယားငယ်နဲ့ရော မွေးလိုက်တဲ့သားတွေက စိတ်ကြမ်းကိုယ်ကြမ်း လူ့ဘီလူးတွေ။ နာရာယာနာကြီး မတော်တဆမှုနဲ့ ချန်နိုင်းမှာလျှောသွားတော့ ဈာပနကျင်းပဖို့အရေး မယားကြီးနဲ့ မယားငယ်ရဲ့ သားသမီးတွေ အလောင်းလုဖို့စိုင်းပြင်းကြပါရော။ အလောင်းသွားပို့ရမှာက မွေးခါနီးဖွားခါနီးဇနီးသည်နဲ့ ဒုက္ခများနေတဲ့ ကူးမား။ ဇနီးသည်မီးဖွားစရိတ်ရဖို့အရေး အလောင်းပို့မယ်လုပ်တော့ အလောင်းလုမဲ့အရေးသိနေတဲ့နယ်ခံတွေက ဘယ်သူမှမလိုက်ရဲကြ။ ဒါကိုမသိဘဲ ကူးမားတစ်ယောက် တီရူနယ်ဗယ်လီဆီ အလောင်းတစ်ခု ကိုယ်တစ်ခုရယ်နဲ့ခရီးနှင်လာခဲ့ပြီး လမ်းမှာ ကိုလေပေါတစ်ကောင်က လမ်းကြုံလိုက်လာရာကစ ဘယ်မှာဆုံးမလဲ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size… 2.4 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2h 13m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb-7.5/10 အမှောင်ထုကြီးစိုးနေတဲ့လောကမှာ လူကောင်းတစ်ယောက်လုပ်ရတာလည်း မလွယ်လှပါဘူး။ အထူးသဖြင့် အကျင့်ပျက်ခြစားမှု လာဘ်ပေးလာဘ်ယူမှုတွေ မူးယစ်မှောင်ခိုမှုတွေ ထမင်းစားရေသောက်လိုလုပ်နေကြတဲ့ နိုင်ငံရေးလောကရဲ့အမှောင်ခြမ်းအကြောင်းကို ဖော်ကောင်လုပ်မယ့်လူဆိုရင်တော့ ဝါးမြိုချင်တဲ့ဒုစရိုက်ကောင်တွေနဲ့ သေချာပေါက်ရင်ဆိုင်ရပါလိမ့်မယ်။ ဗီတရီဟာ အမှန်တရားကိုမြတ်နိုးပြီး လူတွေကို ကယ်တင်ချင်တဲ့ YouTuber တစ်ယောက်ပါ။ ဒါပေမဲ့ အမှန်ချည်းပြောတဲ့လူကို လူမုန်းကြသလိုပဲ အကျင့်ပျက်ခြစားမှုတွေ ဒုစရိုက်သမားတွေအကြောင်းကို YouTubeကနေ ဗီဒီယိုတင်တင်နေတဲ့ ဗီတရီဟာလည်း လူတွေမကြာခဏ ဆွမ်းကြီးလောင်းတာခံရပါတယ်။ မိဘတွေကတော့ဗီတရီကို အခြေတကျအလုပ်တစ်ခုနဲ့ အိမ်ထောင်ရက်သားကျလို့ အတည်တကျဖြစ်စေချင်ပေမဲ့ ဥပဒေနောက်လိုက်နေတဲ့ဗီတရီကတော့ နိုင်ငံကိုကယ်တင်မယ့် အမှန်တရားဘက်တော်သားဖြစ်ချင်စိတ်ကသာ များနေတာပေါ့။ တစ်နေ့မှာတော့ မြို့တက်ရင်း သားကိုလာရှာတဲ့အဘိုးကြီးကို ကူညီပေးချင်လို့ သားပျောက်ရှာဗီဒီယိုကို ရိုက်ပြီးတင်ပေးလိုက်ရာကနေ လူပျောက်တာထက်ပိုတဲ့ ပြည်နယ်ညွှန်ကြားရေးမှူးရဲ့သမီးပါ ပါနေတဲ့ လူသတ်မှုကွင်းဆက်ထဲ ရောက်မှန်းမသိ ရောက်သွားတဲ့အခါမှာတော့... အရင်တုန်းက သူတင်နေကြတွေထက် အဆပေါင်းများစွာနက်ရှိုင်းတဲ့ ဒီအမှုကြောင့် နဂိုကမှ ရန်စတွေမနည်းလှတဲ့ ဗီတရီတစ်ယောက် ဘယ်လိုအန္တရာယ်တွေကြုံလာရမလဲ။ အမှန်တရားဘက်တော်သားပီပီ ဒီအမှုကို သူဘယ်လိုဖြေရှင်းသွားမလဲဆိုတာ အားလုံးအတူတူ ကြည့်ရှုခံစားလိုက်ရအောင်ပါ။ (အညွှန်းနဲ့ဘာသာပြန်ကတော့ CM Bollywood Teamမှဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> Click Here) File size…2.2GB / 1GB Quality…1080p  WEB DL /720p Format…mp4 Duration….2h 20m Subtitle….Myanmar Subtitle (Hard Sub) Encoder….YK Translated by CM Bollywood Team

ဗယ်လူက ကာဘာဒီအားကစားကို အရူးအမူးဝါသနာပါတဲ့ လူငယ်တစ်ယောက်ပါ။ ဒါပေမယ့် အဖေက မကြိုက်တာကြောင့် ကစားရင်လည်း ခိုးကစား၊ ပြိုင်ပွဲဝင်ရင်လည်း အိမ်ကလူတွေ မသိအောင် ဝင်နေရတယ်။ တစ်နေ့တော့ မာဒူရိုင်မြို့မှာ ကာဘာဒီပြိုင်ပွဲ ဝင်ဖို့ အိမ်ကိုလိမ်ပြီး ထွက်လာခဲ့ပါတယ်။ လမ်းမှာ မိန်းကလေးတစ်ယောက်ကို လူတစ်ယောက်က အတင်းဆွဲခေါ်နေတာ တွေ့လိုက်ရတော့ ဗယ်လူက ဝင်ကယ်လိုက်တယ်။ အဲဒီလူဟာ ငွေအင်အားကို အားကိုးပြီး ဆိုးချင်တိုင်းဆိုးနေသူဖြစ်သလို လမ်းပေါ်မှာတောင် လူကို ပေါ်ပေါ်ထင်ထင် သတ်ရဲတဲ့သူပါ။ မိန်းကလေးကိုလည်း အသေရရ အရှင်ရရ လိုချင်နေတယ်။ ဗယ်လူက ကယ်လာတဲ့မိန်းကလေးကို ကိုယ့်အိမ်မှာပဲ မိသားစုဝင်တစ်ယောက်မှ မသိအောင် နည်းအမျိုးမျိုးနဲ့ ဖွက်ထားရပါတယ်။ အိမ်ကလူတွေ မရိပ်မိအောင် ဘယ်လောက်ကြာကြာ ဖုံးထားနိုင်မလဲ၊ သူ့နောက်ကို လိုက်နေတဲ့ လူဆိုးတွေလက်ကနေ ဘယ်လိုကယ်တင်မလဲဆိုတာကို အချစ်၊ အလွမ်းနဲ့ အက်ရှင်တို့ ရောစပ်ထားတဲ့ ဗီဂျေးရဲ့ ၂၀၀၄ ခုနှစ်ထွက် ဇာတ်ကားပါ။