Yan An ပါဝင်သော ဇာတ်ကားများ

သာယာနေတဲ့နေ့ရက်တွေကို နက်နဲတဲ့လျှို့ဝှက်ချက်တွေက ဖြိုခွဲပစ်တာမျိုးကြိုက်တတ်ကြရင်တော့ ဒီကားလေးကို မဖြစ်မနေစောင့်ကြည့်သင့်ပါပြီ။ ဒီကားထဲမှာ Male Lead က ရုပ်ချောသလောက် အေးစက်ခက်ထန်သလို Female Lead ကလည်း မိသားစုဆီက အစွန့်ပစ်ခံရပြီး အစားထိုးမင်္ဂလာဆောင်လိုက်ရတဲ့ဇာတ်ကောင်မျိုးမို့ အတော်လေးရင်ခုန်စိတ်လှုပ်ရှားရမှာပါ။ အဓိကပါဝင်ထားတဲ့ဇာတ်ဆောင်တွေကတော့ ကျဲကျဲ Tian Xi Wei နဲ့ ကိုကိုချောလေး Yan An တို့က ပါဝင်ထားကြပါတယ်။ ဒီကားထဲမှာတော့ Tian Xi Wei လေးကို မတူတဲ့ကာရိုက်တာနဲ့မြင်ရမှာမို့ ပုန်းကွယ်နေတဲ့အမှန်တရားကို ဘယ်လိုလှလှပပဖော်ထုတ်သွားမလဲဆိုတာ အတူခံစားကြည့်ရှုလိုက်ကြရအောင်နော်။ ဇာတ်လမ်းအညွှန်း >>> မြင့်မြတ်တဲ့မြို့စားမျိုးရိုးကနေ ဆင်းသက်လာပေမဲ့ မိသားစုနဲ့ဝေးကွာရာမှာ ကြီးပြင်းခဲ့ရသူ ဝေရောင်ဟာ မွေးစားမိသားစုရဲ့ခက်ခဲလှတဲ့ဘဝကြား ရိုးသားစွာရုန်းကန်ကူညီရင်း ရှင်သန်ခဲ့ရသူပါ။ တစ်နေ့မှာတော့ ဒဏ်ရာအပြင်းအထန်ရရှိထားတဲ့စစ်သူကြီးလုကျိုးကို စေ့စပ်ထားသူအမျိုးသမီးဟာ ထိမ်းမြှားမင်္ဂလာမပြုဘဲ ငြင်းပယ်လိုက်ပါတယ်။ အဲအချိန်မှာပဲ ဝေရောင်ဟာ မွေးစားမိခင်ရဲ့ဆေးကုသစရိတ်အတွက် လူစားထိုးလက်ထပ်ပေးဖို့ ဆုံးဖြတ်လိုက်ပါတယ်။ ဒါဟာ မထင်မှတ်ဘဲစတင်ခဲ့တဲ့ အစားထိုးအိမ်ထောင်ရေးတစ်ခု ဖြစ်လာခဲ့ပါတယ်။ ဉာဏ်အမြှော်အမြင်ရှိပြီး ကြင်နာတတ်တဲ့ ဝေရောင်ဟာ လုကျိုးအပါအဝင် လုမိသားစုတစ်ခုလုံးရဲ့ချစ်ခင်လေးစားမှုကို တဖြည်းဖြည်းရရှိခဲ့ပြီး သူတို့နှစ်ဦးကြားက သံယောဇဉ်ဟာလည်း တစ်နေ့ထက်တစ်နေ့ ပိုမိုနက်ရှိုင်းလာခဲ့ပါတယ်။ ဒါပေမဲ့ အတိတ်ကလျှို့ဝှက်ချက်တွေ အထပ်ထပ်ပေါ်ထွက်လာရာမှာ‌တော့ စက်ဆုပ်ဖွယ်အမှန်တရားကို ဖော်ထုတ်ရင်း သူတို့ရဲ့အနာဂတ်နဲ့ ပတ်ဝန်းကျင်ကအေးချမ်းမှုကို ခြိမ်းခြောက်နေတဲ့အန္တရာယ်တွေကို အတူတကွ ရင်ဆိုင်ကျော်ဖြတ်ကြရပါတော့တယ်။ ဇာတ်လမ်းက Mystery Romance ဇာတ်လမ်းသွားကိုမှ အချစ်မပါဘဲစတင်ခဲ့တဲ့နှလုံးသားတစ်စုံဟာ တဖြည်းဖြည်းတွယ်ငြိလာပြီး အခက်အခဲမှန်သမျှကို အတူရင်ဆိုင်ကြမှာဆိုတော့ ပရိသတ်တွေလည်း အားကျမှုတစ်သိန်းနဲ့ကြည့်ရမဲ့စီးရီးကောင်းလေးမို့ လက်လွှတ်ခံလို့လုံးဝမဖြစ်ပါဘူးနော်။ Total Episodes : 33 Quality : WEB-DL 1080p HEVC , 720p Format : mp4 Genres : Historical, Romance Runtime :45 min Subtitle : Myanmar Subtitle ( Hardsub )

ဒီတစ်ခါတော့ ရှန်းရှဇာတ်အိမ်ကိုမှ ခပ်မိုက်မိုက် CGI တွေအပြင် သရုပ်ဆောင်မြိုင်မြိုင်နဲ့ကြည့်ရမဲ့စီးရီးလေးတစ်ခုနဲ့ မိတ်ဆက်ပေးမှာပါ။ ဇာတ်အိမ်က နဂါးနတ်ဘုရားရဲ့စွမ်းအားရှာဖွေကြပုံကို ဇာတ်အိမ်တည်ထားပြီး အခက်အခဲတွေကြားကနေ အချစ်၊ သံယောဇဉ်တွေကိုပါ အမိအရရိုက်ကူးထားတာမို့ စိတ်ဝင်စားစရာလည်း ကောင်းပါတယ်။ ဒီစီးရီးမှာ Feud ထဲက Joseph Zeng က လက်စားချေလိုစိတ်ပြင်းပြတဲ့မိစ္ဆာတစ်ပါးအဖြစ် အဓိကပါဝင်ထားပြီး မမ Ju Jing Yi ကတော့ အလှပဂေးလေး ကိုးမြီးမြေခွေးမိစ္ဆာမလေးအဖြစ် ပါဝင်ထားသလို မမ Chen Du Ling ကလည်း Ju Jing Yi ရဲ့အစ်မအဖြစ် ပါဝင်သရုပ်ဆောင်ထားတာမို့ သရုပ်ဆောင်တွေနဲ့တင် ဇာတ်လမ်းကိုကြည့်ရတာ တန်နေပါပြီ။ ဇာတ်လမ်းအညွှန်း >>> ဝူရှန်းယွဲ့အဖွဲ့အစည်းရဲ့အငယ်ဆုံးသော မြေခွေးကိုးမြီးရှင် လုဝူယီဟာ အင်အားကြီးမားလှတဲ့မိစ္ဆာကြီးရှောင်ဝေကိုရှာဖွေဖို့ တာဝန်ပေးခံခဲ့ရပါတယ်။ သူဟာ သာသနာပြုတစ်ပါးအဖြစ်ရုပ်ဖျက်ပြီး လော့အန်းမြို့က ဝေအိမ်တော်ထဲကိုဝင်ရောက်ခဲ့ရာမှ ရှောင်ဝေကို လိုက်လံရှာဖွေနေသူဟာ သူတစ်ယောက်တည်းမဟုတ်ကြောင်း သိလိုက်ရပါတယ်။ သူတို့ထဲမှာ လက်စားချေဖို့ကြိုးစားနေတဲ့ မိစ္ဆာ ဝူရှီကွမ်း၊ ပါးနပ်လွန်းတဲ့မြေခွေးကိုးမြီးရှင်တစ်ဖြစ်လဲ လုဝူယီရဲ့အစ်မ ဝူဝမ်ယန်နဲ့ လျှို့ဝှက်ဆန်းကြယ်တဲ့အတိတ်တွေကို ပိုင်ဆိုင်ထားပေမဲ့ အပြစ်ကင်းစင်ပုံရတဲ့ ဘုန်းတော်ကြီးကျိလင်တို့လဲ ပါဝင်နေပါတယ်။ သူတို့အသီးသီးဟာ "နဂါးနတ်ဘုရားရဲ့စွမ်းအား" ကို ရှာဖွေနေကြတာဖြစ်ပြီး အချို့က ကာကွယ်ဖို့၊ အချို့ကတော့ သတ်ဖြတ်ဖျက်ဆီးဖို့စတဲ့ ရည်ရွယ်ချက်ကိုယ်စီ ရှိနေကြပါတယ်။ ဒီလိုတိုက်ပွဲတွေ၊ သံယောဇဉ်တွေနဲ့အချစ်နွံတွေကြားမှာ သူတို့ဟာ အခက်အခဲများစွာကိုရင်ဆိုင်ရင်း ငြိမ်းချမ်းရေးကိုကာကွယ်ဖို့နဲ့ မိမိတို့ရဲ့ကံကြမ္မာကိုပြောင်းလဲပစ်ဖို့အတွက် စွန့်လွှတ်အနစ်နာခံမှုများစွာ ပြုလုပ်ခဲ့ရပြန်ပါတယ်။ ဒီစီးရီးထဲမှာ Main Character အများကြီးအပြင် သရုပ်ဆောင်များစွာပါတာမို့ ရှန်းရှကိုမှ ဇာတ်လမ်း‌မိုက်မိုက် သရုပ်ဆောင်မြိုင်မြိုင်နဲ့ကြည့်ချင်ရင်တော့ ဒီစီးရီးက must watch ပါပဲနော်။ Total Episodes : 29 Quality : WEB-DL 1080p, 720p Format : mp4 Genres : Drama Runtime : 45 min Subtitle : Myanmar Subtitle ( Hardsub )

မြင့်မြတ်သောအနွယ်ဝင်ဘဝအဖြစ် တစ်ဖန်မွေးဖွားခြင်း ( Jiu Chong Zi) ဆိုတဲ့ ဇာတ်လမ်းလေးက စာရေးသူ ကျစ်ကျစ်ရဲ့ ဝတ္ထုဖြစ်ပြီ မူရင်းဝတ္ထု အပိုင်း ၅၀၀ ကျော်ရှိပြီး တစ်ဖန်ပြန်လည်မွေးဖွားခြင်း၊ လက်စားချေခြင်း၊ အိမ်ထောင်ပြုပြီးမှ ချစ်ကြိုက်ခြင်း၊ နိုင်ငံရေး၊ အမှုမှန်စုံစမ်းခြင်း စတဲ့ အမျိုးအစားတွေအောက်မှာ ထိပ်တန်းစာရင်းဝင်ခဲ့တဲ့ ဇာတ်လမ်းကောင်းလေးပေါ့.... ဇာတ်လမ်းတွဲအဖြစ်ပြောင်းလဲပြန်တော့လည်း ဒါဟာ အမိုက်စားအခိုက်တန့်လေးတွေကို အမိအရရိုက်ကူးတတ်တဲ့ Mini Drama၊ Web Drama တို့ရိုက်ကူးနေကြ Zeng Qing Jie ဒါရိုက်တာကြီးရဲ့ ပွဲဦးထွက် ဒရာမာဇာတ်လမ်းတွဲဖြစ်ပါတယ်... Love Like the Galax (2022)မှာ ယွမ်ရှန်းကျန့် အဖြစ်နဲ့ ပျိုမေတို့ နှလုံးသားကို ဆွတ်ခူးသွားတဲ့ Li Yun Rui နဲ့ The Untamed (2019)ထဲက ဝမ်ချင်းအဖြစ် သရုပ်ဆောင်ပြီး အားလုံးအမှတ်ရစေခဲ့တဲ့ Meng Zi Yi တို့နှစ်ယောက် Parallel World (2023) မှာ အတူသရုပ်ဆောင်ခဲ့ပြီး Hello, Saturday 2023 ရှိုးက moment တွေကြောင့် ဖန်တွေက လိုက်ဖက်တယ်လို့ ပြောလာရာကနေ ကျောင်းကျောင်းမော့မော့ စုံတွဲလေးအဖြစ် အသက်ဝင်လာခဲ့တာပါ... သူတို့နှစ်ယောက် ရေစက်ကတော့... Parallel World (2023)က အစပြုပြီး---> Hello, Saturday 2023 (2023)---> Jiu Chong Zi ရိုက်ကူးရေးကနေ--> စုံတွဲ OST--> The Detectives' Adventures Season 4 (2024) ရှိုး --> Keep Running: The Ancient Tea-Horse Road (2024)-->Hello, Saturday 2024 (2024)---> ဒီလိုသွားခဲ့တာ မနေ့က Meng Zi Yi မွေးနေ့အထိပါပဲ... ( မသိဘဲ လွတ်သွားတာလည်း ရှိကောင်းရှိနိုင်ပါသေးတယ်) ဒီနေ့ညလည်း အတူ live လွှင့်ဦးမှာပါတဲ့... ဖုန်းကာဗာလည်းဆင်တူ... ဖုန်းနောက်ခံပုံကလည်း အပြန်အလှန်ထားထားတဲ့အပြင် ဆင်တူ chibi couple profile လေးနဲ့ အကြီးကြီး ချစ်ပြနေတဲ့ ကျောင်းကျောင်းမော့မော့စုံတွဲလေးမို့ ပေါက်စီတစ်မြေလုံးကိုကျော်ပြီး ထိုင်းနဲ့ တောင်ကိုရီးယားမှာပါ ရေပန်းစားနေတဲ့ စုံတွဲလေးပေါ့... (အတည်တွဲမတွဲတော့ မသိပါဘူးရှန်) ဒီကားက The Princess Royal (2024) လိုပဲ မင်းသားရော မင်းသမီးပါ အတူတစ်ဖန်ပြန်မွေးဖွားလာတဲ့ ဇာတ်အိမ်မျိုးပါပဲ... ဇာတ်လိုက်မင်းသမီး သုံ့ကျောင်းဟာဆို ငယ်ရွှယ်စဉ်မှာ သူ့ကိုကာကွယ်ပေးမယ့် မိခင်ကို ဆုံးရှုံးခဲ့ရပြီး မိထွေးကိုပဲ အလေးပေးတဲ့ သူ့ဂရုမစိုက်တဲ့ အဖေနဲ့... အမွေတွေလုယူဖို့ အကြံနဲ့ အဖက်ဖက်က သူ့ကိုတိုက်ခိုက်ဖို့ကြိုးစားနေတဲ့ မိထွေးရဲ့တိုက်ခိုက်မှုတွေ... အမျိုးသမီးဖြစ်တာကြောင့် အချိန်တန် ယောက်ျားကောင်းရှာယူရမယ်ဆိုတဲ့ အတွေးနဲ့ရှင်သန်တဲ့ ခေတ်ကာလဖြစ်လို့ သုံ့ကျောင်းတစ်ယောက်လည်း မိဘတွေစီမံပေးတဲ့ သူနဲ့ အိမ်ထောင်ပြုခဲ့ပေမယ့် ပြန်ရခဲ့တာက ဖောက်ပြန်မှု၊ သစ္စာမဲ့မှု... ဒါကြောင့်လည်း သံယောဇဉ်ဖြတ်ပြီး အဝေးကို ထွက်သွားဖို့ ကြိုးစားခဲ့ရာကနေ... သူ့လိုပဲ မိသားစုကံမကောင်းတဲ့ စု့န်မော့နဲ့ တွေ့ခဲ့တယ်... စုန့်မော့ကလည်း သူ့လိုပဲ မြင့်မြတ်တဲ့ အနွယ်ဝင်ဆိုပေမယ့်လည်း... ဘက်လိုက်လွန်းတဲ့ မိသားစုအောက်မှာ ကြီးပြင်းခဲ့တာကြောင့် အဖေနဲ့ ညီကိုသတ်သူဆိုတဲ့ နာမည်ဆိုးကြီးအောက်မှာ ရှင်သန်နေခဲ့ရတယ်... ဒီနှစ်ဦး ဆုံပြီး တစ်နေ့တည်း တစ်ချိန်တည်းမှာ သေပြီးနောက်မှာတော့... ငယ်ဘဝကို ပြန်ရောက်သွားခဲ့တယ်... စုန့်မော့ရဲ့ တကယ့်ဆက်ခံသူနေရာရဖို့ နောက်တစ်ကြိမ်ပြန်လည်ကြိုးစားဖို့ဖြစ်လာသလို... ကျောင်းကျောင်း( သုံ့ကျောင်း)လည်း သူ့မိထွေးရဲ့ အကွက်ချမှုအောက်က ကျော်လွှားဖို့အတွက် စုန့်မော့နဲ့ မဟာမိတ်ဖွဲ့ မင်္ဂလာဆောင်ဖို့ သဘောတူခဲ့ကြတယ်... အစပိုင်းမှာ မရှိခဲ့တဲ့ ယုံကြည်မှုနဲ့ အပြန်အလှန် နားလည်အားကိုးမှုတွေကို သူတို့ရင်ဆိုင်ရတဲ့ အခက်အခဲ စိန်ခေါ်မှုတွေက တဖြည်းဖြည်းချင်း တည်ဆောက်ဖန်တီးပေးခဲ့ပါတယ်... တိုင်းပြည်အရေးမငြိမ်သက်မှုတွေ၊ လျှို့ဝှက်ဆန်းကြယ်မှုတွေ လျောင်ဝမ်ရဲ့ ပုန်ကန်မှုကို တားဆီးဖို့ စတဲ့ စိန်ခေါ်မှု အခက်အခဲတွေကနေ တစ်ဆင့်ချင်း ဇာတ်ရှိန်မြင့်လာသလို... ကျောင်းကျောင်းမော့မော့ စုံတွဲလေးလည်း ပိုပြီး ရှေ့သွားနောက်လိုက်ညီလာပြီး ဘဝပျော်ရွှင်မှုကိုပဲ ရလာမှာလား... အရင်ဘဝက ကံကြမ္မာဆိုးကြီးလိုပဲ ဇာတ်သိမ်းမလှတဲ့အဖြစ်ကို နောက်တစ်ကြိမ်ပြန်လည်ကြုံတွေ့ရမှာလားဆိုတာ CM Team နဲ့အတူ ရင်ခုန်စွာ စောင့်ကြည့်လိုက်ရအောင်... Quality : WEB-DL 1080p, 720p Total Episodes : 34 Format : mp4 Genres : Historical, Mystery, Romance Runtime : 45 min Subtitle : Myanmar Subtitle ( Hardsub ) Translated by CM Team Reviewed By Chu Chu Encoded by LK

ကျန့်ယွမ်ခေတ်အတွင်းမှာ လူသားတွေနဲ့ မကောင်းဆိုးဝါးကမ္ဘာကိုအုပ်စိုးတဲ့ ပိုင်ကျယ်နတ်မယ်တော် မတော်တဆသေဆုံးသွားတာကြောင့် ပိုင်ကျယ်အမိန့်တော်တွေကပျောက်ကွယ်သွားကာ မကောင်းဆိုးဝါးမိစ္ဆာတွေ သောင်းကျန်းလာပြီး လူ့လောကဟာ သွေးထွက်သံယို လူသတ်မှုတွေများစွာ ဖြစ်ပွားခဲ့တော့တယ်။ အဲဒီအချိန်မှာ မိစ္ဆာအားလုံးရဲ့ခေါင်းဆောင် ကျူးယန့်က ကျောက်ယွမ်ကျိုးအသွင်နဲ့  အညံ့ခံဖို့ ဆန္ဒပြုပြီး ဖရိုဖရဲအခြေအနေတွေကို နှိမ်နင်းဖို့ မိစ္ဆာဖမ်းဆီးဌာနကိုဖွဲ့စည်းဖို့ ရုံးတော်ကို အကြံပြုခဲ့တယ်။ ကျောက်ယွမ်ကျိုးကို သတိထားပြီး သံသယရှိနေတဲ့ ဝမ်ရှောင်းက သူမရဲ့ငယ်သူငယ်ချင်းနဲ့ မိစ္ဆာဖမ်းဆီးဌာနကို ဝင်ရောက်ခဲ့ပြီး စုံစမ်းစစ်ဆေးရေးနဲ့ ဓားရေးတွေမျာကျွမ်းကျင်တဲ့ ဌာနတရားသူကြီးချုပ် ကျိုးယိချန် ယခင်တိုက်ခိုက်ရေးစခန်းမှ အေးစက်ပြီး တစ်ကိုယ်တော်လေးသမား ဖေစီကျင်း နဲ့ ငယ်ရွယ် အရည်အချင်းရှိပြီး ရှက်ကြောက်တတ်တဲ့ သမားတော် ပိုင်ကျို တို့ဟာ တောင်တန်းနှင့်ပင်လယ်များ ဂန္တဝင်မှာ မှတ်တမ်းတင်ထားတဲ့ မိစ္ဆာသားရဲတွေကို ရင်ဆိုင်ဖို့ မိစ္ဆာဖမ်းဆီးအဖွဲ့ကို အတူတူဖွဲ့စည်းခဲ့ကြတယ်။ သူတို့ဟာ အမှုတွေကို ဖြေရှင်းရင်း မိစ္ဆာသားရဲတွေရဲ့ ဆိုးသွမ်းတဲ့လုပ်ရပ်တွေရဲ့နောက်ကွယ်က ရက်စက်တဲ့အမှန်တရားတွေကိုတဖြည်းဖြည်းဖော်ထုတ်ခဲ့ကြတယ်။ ကြီးမားတဲ့ တာဝန်တွေနဲ့ ချစ်ရသူတွေကို ဆုံးရှုံးရမှုတွေနဲ့ရင်ဆိုင်ရချိန်မှာ မိစ္ဆာဖမ်းဆီးအဖွဲ့ရဲ့ ခင်မင်မှုဆက်ဆံရေးဟာ မပျက်စီးပဲရှိနေမလား တစ်မိုးအောက်မိစ္ဆာသားရဲ့နဲ့ နတ်မယ်တော်ကြားက ချစ်ခြင်းမေတ္တာဟာ ဒီအခက်အခဲတွေကိုကျော်လွှားသွားနိုင်မလားဆိုတာကိုတော့ စောင့်မျှော်ကြည့်ရှုလိုက်ကြရအောင် Quality : WEB-DL 1080p , 720p Total Episodes : 30 Format : mp4 Genres :  Romance,  Historical Runtime : 45 min Subtitle : Myanmar Subtitle ( Hardsub ) Translated by CM Team Reviewed By Khin Myat Noe Oo Encoded by LK

ကဲ~ဒီတစ်ခါမှာလည်း အချစ်တော်လေး Zhao lusi(ကျောက်လုစီ)ရဲ့ဇာတ်ကားလေး ထွက်လာပြန်ပြီနော် ဇာတ်လမ်းအညွှန်း "စွမ်းထိုထို"က မိဘမဲ့မိန်းကလေးတစ်ယောက်ဖြစ်ပြီး သူ့ရဲ့မဟုတ်မခံတတ်တဲ့အကျင့်စရိုက်အရ တစ်နေ့မှာ မတရားမှုကိုခွန်းတုံပြန်ရင်း ဒုက္ခရောက်သွားခဲ့ပါတယ်။ တရုတ်ဆေးတက္ကသိုလ်က ပါမောက္ခရန်ရှင်းကျန်းက စွမ်းထိုထိုကို မြေတောင်မြှောက်ပေးခဲ့ပြီး သင်တန်းသူအဖြစ်လက်ခံခဲ့ပါ‌ေတာ့တယ်။ ∆စွမ်းထိုထိုတစ်ယောက် ဆေးပညာနဲ့လူ့အဖွဲစည်းကို ဘယ်လိုကူညီသွားမလဲ... သူ့အတိတ်မှာရော ဘယ်လို‌ေလာကဓံတွေနဲ့ရင်ဆိုင်ခဲ့ရပြီး ပစ္စုပန်မှာရေ ာဘယ်လိုအခက်ခဲတွေကိုကျော်ဖြတ်ပြီး အနာဂတ်မှာပျော်ရွှင်ကံကောင်းခြင်းတွေက စီးကြိုနေလိမ့်မလား.... တစ်ဖန် ပါမောက္ခရန်ရဲ့သားဖြစ်သူ"ထျန်းကျန်း"ကို အရှုပ်ထုပ်ဆိုပြီးကြည့်မရဖြစ်နေသူကတော့ စွမ်းထိုထိုပေါ့... ဒီလိုနဲ့ဆေးပညာနယ်ပယ်မှာ စွမ်းထိုထိုနဲ့ကျန်းမင်တို အချင်းချင်းဘယ်လိုဖေးမကူညီသွားပြီး သူတိုကြားကသံယောဇဉ်ကြိုးကရော ဘယ်လိုမျိုးထုံးဖွဲသွားမလဲဆိုတာ.... အားလုံးမျှော်နေကြတဲ့ကားလေးဖြစ်တာမို အများကြီးညွှန်းမနေတော့ဘဲ CMကနေ အချိန်နဲ့တစ်ပြေးညီတင်ဆက်ပေးမှာမလို စောင့်မျှော်ကြည့်ရှုလိုက်ရအောင်လားရှင်... (အညွှန်းရေးသားထားသူကတော့ Mya Hmwe Nwe Yake ဖြစ်ပါတယ်) Quality : WEB-DL 720p,1080p Total Episodes : 40 Format : mp4 Genres : Romance, Life, Youth, Drama Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK

ဒီတစ်ခါ တင်ဆက်ပေးမယ့် ဇာတ်လမ်းလေးကတော့ မင်းသားမင်းသမီးချောချောလေးတွေ ပါဝင်ထားတဲ့ ဇာတ်လမ်းလေးလည်း ဆန်းတဲ့ Legally Romance ဆိုတဲ့ ကားလေးပဲ ဖြစ်ပါတယ် Castsတွေကို ပြောပြရမယ်ဆိုရင် ရှေ့နေလေးLu Xun အဖြစ် Exo memberဟောင်း Huang Zitao Lu Xun ရဲ့လက်ထောက်မလေး Qian Wei အဖြစ် ချစ်စရာကောင်းတဲ့ မင်းသမီးလေး Song Zuer တို့က ပါဝင်သရုပ်ဆောင်ထားတာပဲဖြစ်ပါတယ် ဇာတ်လမ်းလေးကို ပြောပြရမယ်ဆိုရင် ~~ အသက်၂၈နှစ် ရှိပြီဖြစ်တဲ့ Qian Wei ဆိုတဲ့ ကောင်မလေးဟာ ရှေ့နေလေး Lu Xun ရဲ့ လက်ထောက်လည်း ဖြစ်သလို အတန်းဖော်‌ဟောင်းဆိုလည်း မမှားပါဘူး Qian Wei ကတော့ Lu Xun ဟာသူ့အတန်းဖော်ဖြစ်ခဲ့တာကြောင့် သူ့‌အပေါ် ကောင်းကောင်းဆက်ဆံမယ် ထင်ပေမယ့်လည်း တကယ်တမ်းကျတော့ အေးတိအေးစက်နဲ့ အထက်စီးဆန်ဆန် ဆက်ဆံတာဖြစ်လို့ အရင်တုန်းက Lu Xun အပေါ်အပြစ်ကျူးလွန်ခဲ့မိတာကို မကျေနပ်သေးတာကြောင့်လို့ ထင်လိုက်ပါတယ် အဲ့ဒါကြောင့် အထက်လူကြီးဖြစ်တဲ့ Lu Xun ကျေနပ်အောင် အမျိုးမျိုးကြိုးစားရင်း Qian Wei ဟာတစ်နေ့မှာတော့ မတော်တဆမှုတစ်ခု ဖြစ်ပွားခဲ့ပြီး မေ့မျောသွားခဲ့ပါတယ် အဲ့လိုမေ့မျောနေတဲ့အချိန်မှာ သူ့အသက် ၁၉နှစ်အရွယ်ကို အိမ်မက်တစ်ခုလိုမျိုး ရောက်ရှိသွားခဲ့ပါတယ် အဲ့အိမ်မက်ထဲမှာ သူတွေ့လိုက်ရတာကတော့ အသက်၁၉နှစ်အရွယ် Lu Xun ကသူ့ကို အခုနဲ့မတူတဲ့ ဂရုစိုက်မှုတွေ ပေး‌ခဲ့တယ်ဆိုတာပါပဲ ပြန်သတိလည်လာတဲ့ Qian Wei ဟာ Lu Xunရဲ့အတွင်းစိတ်ထဲထိ နားလည်အောင်ကြိုးစားရင်း အမှုတွေကို အတူတူဖြေရှင်းရင်း တရားမျှတမှုတွေကို ရှာဖွေရင်းနဲ့ပဲ အောင်မြင်မှုတွေနဲ့အတူ ချစ်ခြင်းတရားတို့ကိုပါ ရှာဖွေတွေ့ရှိသွားခဲ့ပါတော့တယ် "လူတစ်ယောက်နဲ့ တစ်ယောက် ချစ်မိရတာက လူတိုင်းရဲ့နှလုံးသားထဲမှာ ကွက်လပ်လေးတစ်ခု ရှိနေပြီး အဲ့ကွက်လပ်လေးကို အံဝင်ခွင်ကျဖြစ်စေမယ့် အရာလေးနဲ့ ဖြည့်ပေးဖို့လိုအပ်တာကြောင့်ပါ"လို့ ထင်တဲ့ Lu Xun ရဲ့နှလုံးသားကွက်လပ်လေးကို ဖြည့်ဆည်းဖို့ကြိုးစားရာမှာ ဘာတွေဖြစ်လာမှာလဲ ဆိုတာကိုတော့ CM ကနေမကြာခင်မှာတင်ဆက်ပေးတော့မယ့် Huang Zitao နဲ့ Song Zuerတို့ လိုက်ဖက်ညီညီသရုပ်ဆောင်ထားတဲ့ Legally Romance ဆိုတဲ့ လူငယ်ဆန်ဆန် ပေါ့ပေါ့ပေါ့ပါးပါးဇာတ်လမ်းတွဲလေးမှာ စောင့်မျှော်ကြည့်ရှုလို့ရပါတယ်နော် Quality : WEB-DL 720p Total Episodes : 33 Format : mp4 Genres : Comedy , Romance Duration : 45 min per Episode Subtitle : Myanmar Subtitle ( Hardsub ) Translated by CM Team Encoded by LK