Adam Devine ပါဝင်သော ဇာတ်ကားများ

I Love Boosters ( 2026 ) ဒီဇာတ်ကားလေးကတော့ ဒီဇိုင်နာဖက်ရှင်အဝတ်အစားတွေကို အလစ်သုတ်တဲ့သူခိုးတွေကနေ ဇာတ်အိမ်တည်ထားပြီးတော့ နောက်ပိုင်းမှာ မထင်မှတ်ထားတဲ့ ဇာတ်အိမ်အလှည့်အပြောင်း ဗရုတ်ကျမှုတွေကို ကြည့်ရှုရမဲ့ ဇာတ်ကားကောင်းလေးပဲဖြစ်ပါတယ်။ ကော်ဗက်က အဖိုးတန် ဒီဇိုင်နာဖက်ရှင်အဝတ်အစားတွေ အသုံးအဆောင်တွေကို ဆိုင်တွေကနေ အလစ်သုတ်ပြီး ဗိုက်နာဈေးနဲ့ ပေါပေါပဲပဲ ပြန်ရောင်းထုတ်တဲ့ အလစ်သုတ်သမားပါ။ ဒါပေမဲ့ သူမမှာ ဒီဇိုင်နာဖြစ်ချင်တဲ့အိပ်မက်လည်းရှိပြီး တစ်ခါလောက် အချီကြီး ခိုးနိုင်သွားရင် ဒီဘဝကနေ အနားယူပြီး ဒီဇိုင်နာလောကထဲကို ခြေလှမ်းချင်တဲ့သူ ဖြစ်ပါတယ်။ တစ်ဖက်မှာတော့ ခရစ္စတီ စမစ်ဟာ နာမည်ကျော်မိဘနှစ်ပါးရဲ့ အရှိန်အဝါနဲ့ ဒီဇိုင်နာလောကမှာ နာမည်အခိုင်အမာရထားတဲ့ ဖက်ရှင်ဒီဇိုင်နာ ဘီလျံနာ သူဌေးမကြီး ဖြစ်ပါတယ်။ ဒီတော့ ကော်ဗက်က ခရစ္စတီ စမစ်ရဲ့ အဝတ်အစားတွေကို ခိုးယူရာကနေ မထင်မှတ်ထားတဲ့ ဇာတ်ကွက်တွေ ဘယ်လိုပေါ်ထွက်လာမလဲဆိုတာ စိတ်ဝင်တစား ကြည့်ရှုလိုက်ပါ။

ကလေးတွေကြည့်ရှုဖို့မသင့်တဲ့ Adult Animation Flim ဖြစ်တဲ့ “Fixed” (2025) ဟာ ဒါရိုက်တာ Genndy Tartakovsky ရိုက်ကူးပြီး ဒါရိုက်တာကိုယ်တိုင်နဲ့ Jon Vitti တို့ရေးသားထားတာပါ။ Sony Pictures Animation မှထုတ်လုပ်ထားပြီး Netflix မှာ ၂၀၂၅ သြဂုတ် ၁၃ ရက်မှာ ထွက်ရှိခဲ့ပါတယ်။ ဒီဇာတ်ကားမှာ Adam DeVine၊ Idris Elba၊ Kathryn Hahn၊ Fred Armisen၊ Beck Bennett နဲ့ Bobby Moynihan တို့က အသံသရုပ်ဆောင်များအဖြစ် ပါဝင်ထားပါတယ်။ ဇာတ်လမ်းဟာ ဘူးဆိုတဲ့ စတာဖို့ဒ်ရှိုင်းယား ဘူလ်တယ်ရီယာ ခွေးတစ်ကောင်အကြောင်းဖြစ်ပြီး သူဟာ ဘောကြီးကြီးနဲ့မွေးလာလို့ ဂုဏ်ယူဝင့်ကြွားနေတတ်တဲ့သူတစ်ယောက်ပါ။ မနက်တိုင်းလည်း အဘွားရဲ့ခြေထောက်ကို ဘုနေရတာကို သိပ်အရသာတွေ့နေတတ်တဲ့သူပါ။ တဖက်မှာလည်း အိမ်က အလိုလိုက်ပြီး လုပ်ချင်တာလုပ်လို့ရတဲ့သူပါ။ သူမှာ မနက်လမ်းလျှောက်တိုင်း ပေါက်ကရတွေပြောတတ်တဲ့ သူငယ်ချင်းတွေဖြစ်တဲ့ ရော့ကို၊ ဖက်ချ်၊ လပ်ကီးတို့လည်း ရှိပါတယ်။ ဘူးက သူတို့ဘေးအိမ် က ငယ်ပေါင်းသူငယ်ချင်း ဟန်နီကို ကြိတ်ကြိုက်နေပေမဲ့ ခွေးအလှပြပြိုင်ပွဲဟန်နီကို ဖွင့်ပြောဖို့ တွ့န်ဆုတ်နေတဲ့ကောင်လေးပါ။ နောက်တစ်နေ့မနက်မှာ သူရဲ့သခင်ကို သူရဲ့ဘောတွေကို ဖြတ်ဖောက်ချုပ်လုပ်တော့မယ်လို့ ရိပ်စားမိသွားတဲ့နောက် အိမ်ကနေထွက်ပြေးလာပြီး စွန့်စားခန်းထွက်ပါတော့မယ်။ အဲဒီစွန့်စားခန်းမှာ သူဘယ်လိုအရာတွေကို ကြုံ့တွေ့ရမလဲ ဇာတ်လမ်းပြီးတဲ့အထိ စောင့်ကြည့်လိုက်ကြပါ။ ကလေးတွေအတွက် မသင့်လျော်ပေးမယ့် ခွေးသဘာဝတွေ ဘယ်လိုစဥ်းစားတတ်လဲဆိုတာ အသေးစိတ်ရိုက်ပြထားတဲ့အတွက် အကြိုက်တွေ့စေ့မယ့်ကာတွန်းကားလေးပါပဲ။ File Size… (1.29GB) / (672MB) Quality… WEB-DL 1080p HEVC /720p Format…mkv / mp4 Duration…1h 27m Genre ….Adventure , Animation , Comedy , Romance Subtitle….Myanmar Subtitle (Hard Sub)

Extinct(2021) အညွှန်း ၁၈၃၅ ခုနှစ် အမည်မသိကျွန်းတကျွန်းပေါ်မှာ အဒ်နဲ့အော့ပ်ဆိုတဲ့ မောင်နှမနှစ်ယောက်ရှိကြတယ်.. သူတို့က ဘာကောင်လေးတွေလဲဆိုတော့ ဖလန်မယ်လို့အမည်ရတဲ့ ဒိုးနပ်ပုံစံ ဗိုက်မှာအပေါက်လေးတွေနဲ့ ချစ်စရာ ရှဉ့်လိုကောင်လေးတွေပါ... ညီမဖြစ်သူအော့ပ်က တခြားမျိုးနွယ်တူတွေနဲ့အမြင်ကိုဂရုမစိုက်တတ်ပဲ အဆော့သန်ပြီး ပေါက်တတ်ကရတွေ အမြဲလုပ်တတ်တယ်.... အစ်ကိုဖြစ်သူအဒ်ကတော့ အေးဆေးသမား အော့ပ်တလွဲလုပ်သမျှ ခံရပြီး မျိုးနွယ်တူ ဖလန်မယ်အသိုင်းအဝိုင်းမှာ ဝင်ဆန့်ချင်ရှာတဲ့သူပေါ့.... ​တနေ့တော့ သူတို့နှစ်ကောင် အကြီးကြီးလွဲပြီး ၂၁ ရာစုက ရှန်ဟိုင်းမြို့ကို time travel ရောက်သွားပါတော့တယ် .. အဲ့ဒီနောက် ဘာတွေဆက်ဖြစ်မလဲဆိုတာကိုတော့.... File Size :(1.3GB) and (757 MB) Quality : HD-Rip 1080p Format…mp4 Duration…01:24:00 Genre : Animation , Comedy ,Drama Subtitle : Myanmar Subtitle (Hard Sub) Translated by May Myat Thu Encoded by Phyo Pyae

ဇာတ်လမ်းအကျဉ်းကတော့ ဖေးလ်က သူငယ်ချင်းမရှိ ချစ်သူမရှိနဲ့ ေ ပျာ်စရာမကောင်းတဲ့ဘဝမှာ နေထိုင်တဲ့သူတစ်ယောက်ပါ ပြီးတော့သူဟာ ဖုန်းသုံးစွဲရတာအလွန် နှစ်သက်တဲ့သူပေါ့ တနေ့မှာ ဖုန်းလဲဖို့ကြုံလာတော့ ဖေးလ် တစ်ယောက် ဖုန်းအသစ်မှာပါတဲ့ AI assistant,Jexiနဲ့တွေ့ပါတော့တယ် jexi ဟာလူတွေရဲ့ဘဝ ကိုပိုမိုတိုးတက်ကောင်းမွန် အောင်လုပ်ဖို့ ဖန်တီးထားတဲ့smart ph AIတခုဖြစ်ပြီး Jexi ရဲ့အကူအညီနဲ့ ဖေးလ် ဟာ တကယ့်ဘဝမှာသာယာလာပြီးတော့ ဖုန်းမလိုတော့တဲ့ အခြေအနေ တခုကို ရောက်သွားချိန်မှာ Jexi ကလည်းဖေးလ်ကိုသံယောဇဉ်တွေ တွယ်ပြီး သူ့အနားပဲ ရှိနေစေချင်တော့တဲ့အခါမှာ ဘလိုတွေဆက်ဖြစ်လာမလဲ ဆိုတာကိုတော့......... ဟာသဆန်ဆန်ရိုက်ကူးထားပြီး ဒီဘက်ခေတ် ဖုန်းAI တွေရဲ့အရေးပါပုံ အသုံးဝင်ပုံတွေနဲ့ AI တွေက လူတွေထင်ထားတာထက် ပိုမိုပြီး သာလွန်ကောင်းမွန်နေတဲ့အခါ လူတွေရဲ့ဘဝအပေါ်လွှမ်းမိုးချုပ်ကိုင်လာနိုင်တာတွေကိုအကောင်းဆုံးပုံဖော်ပြီး ရိုက်ကူးတင်ပြထားတာပဲဖြစ်ပါတယ်။ Ps>18+ အသုံးအနှုန်းများပါဝင်တာကို အသိပေးပါရစေခင်ဗျာ.... File Size : ( 791 MB ) Quality :  WEB-DL 720p Running Time : 1 hr 24min Format : Mp4 Genre : Comedy Subtitle : Myanmar Subtitle (Hard Sub) Translated by Kaung Thant Win Htet Encoded by Moe Myint Lwin

ဇာတ်လမ်းအကြောင်းအကျဉ်းချုပ်ပြောရရင်တော့အချစ်ဇာတ်မြူးကားမကြိုက်တဲ့ကောင်မလေးတစ်ယောက်အချစ်ဇာတ်မြူးကားထဲ ပိတ်မိသွားတဲ့ အချစ်ဇာတ်မြူးကားလို့ ပြောရမှာပဲ..ရှုပ်များသွားသလား မသိဘူး။ ငယ်ဘဝမှာ မိခင်ဖြစ်သူသွင်းပေးလိုက်တဲ့ အတွေးခေါ်တွေကြောင့်အချစ်ဟာသကားတွေကို မုန်းတဲ့ နာတာလီဆိုတဲ့ပုံ့ပုံ့ဖိုင့်ဖိုင့်ဗိသုကာပညာရှင်မလေး ...စိတ်ကူးယဉ်ဆန်တာတို့ ချစ်ခြင်းတို့ဆိုတာတွေဟာသူ့လိုမိန်းကလေးတွေအတွက် မအပ်စပ်တဲ့အရာလို့တစ်ယူသန်မှတ်ထားတဲ့ လက်တွေ့ဆန်မလေးတစ်ယောက်တစ်ညမှာ ရိုက်လုခံရပြီး အစစအရာရာ မထင်မှတ်ထားတဲ့အပြောင်းအလဲကြီးနဲ့ ရင်ဆိုင်လိုက်ရတဲ့အခါမှာပေါ့..နာတာလီလေးတစ်ယောက် လက်တွေ့ဘဝထဲပြန်ထွက်လာမလား..သူမုန်းတယ်ထင်ခဲ့ဖူးတဲ့ အစစအရာရာပြည့်စုံနေတဲ့ဘဝမှာ ပျော်မလားဆိုတာတော့ကြည့်လိုက်ကြပါဦးလို့ Translated by Sane Khet Encoded by sithu

လူ့ဘဝမှာတစ်ခါလောက်တော့အချိန်တွေကိုနောက်ပြန်ဆုတ်လို့ရရင်လို့တွေးမိဖူးကြမှာပါ။ အကယ်၍သာပြန်ပြင်ဆင်ခွင့်ရှိရင် ဘာတွေကိုပြင်ဆင်မှာလဲ ပြင်ဆင်လိုက်ရင်ရော ဘာဖြစ်မှာလဲ ဆိုတာလဲတွေးမိကြမှာပါ။ အဲ့လို့မေးခွန်းတွေနဲ့ စိတ်ညစ်ဖူးတဲ့ လူတွေအတွက် ဒီကားလေးကိုတင်ဆက်ပေးလိုက်ပါတယ်။ ဇာတ်လမ်းလေးထဲက မင်းသားကတော့ပြင်ဆင်ခွင့်ရခဲ့သူတစ်ဦးပေါ့။ မေးစရာရှိတာက အဲ့ဒီအခွင့်အရေးဟာသူ့အတွက် ကံဆိုးတာလား ကံကောင်းတာလား ဆိုတာပါပဲ။ ပေါပေါ့ပါးပါးနဲ့ သူပေးချင်တဲ့မက်ဆေ့ကိုပေးနိုင်တဲ့ကားလေးမို့ ကားကောင်းလေးတစ်ကားလို့ပဲ ညွှန်းလိုက်ပါရစေ။ အချိန်ခရီးသွားကားတွေထဲကမှ ခွဲထွက်နေပြီး အဓိပ္ပါယ်ရှိတဲ့ကားလေးတစ်ကားပါ။ Ratingတွေ အနေနဲ့ကတော့ Imdb Rating6.5 နဲ့ Rotten tomatoes 4.2% ရရှိထားတဲ့ကားလေးပါ။ (ဇာတ်လမ်းအညွှန်းနဲ့ဘာသာပြန်က အေးမွန်ကျော်ပါ) File Size : (750 MB) and (320 MB) Quality : WEB-DL 720p Running Time : 1hr 37min Format : Mp4 Genre :Comedy Subtitle : Myanmar Subtitle (Hard Sub) Source :1080p.NF.WEBRip.DD5.1.x264-SiGMA Translated by Aye Mon Kyaw Encoded by Thanhtike Zaw

The Lego Batman Movie (2017) IMDb Rating (7.3) / Rotten Tomatoes (89%) 2017 အစောပိုင်းရဲ့ အသေခွီရတဲ့ Animation ဇာတ်ကားကို ပြပါဆိုရင်တော့ ဒီကားလေးကိုပဲပြရပါမယ်။ ဇာတ်ကားအစ ကုမ္ပဏီ တံဆိပ် intro ထဲကဆြာဘတ်ရဲ့ ဖောက်ချက် ဖောက်ချက်တွေဆိုတာဇာတ်ကား စလည်ဆုံးကို မပျင်းရိရအောင်အခွီတွေ တစ်ပြုံကြီးနဲ့ အဖောက်တွေတစ်ပြုံကြီးနဲ့ ကြည့်ရသူ ပြုံးပျော်စေရအောင်ဆွဲဆောင်သွားနိုင်တဲ့ ဇာတ်ကားလေးဖြစ်ပါတယ်။ DC ရဲ့ နာမည်ကျော် ဆြာဘတ်နဲ့ အချစ်တော်ဗီလိန်ကြီးတွေကို WB EntertainmentLego ကုမ္ပဏီ တို့ ပေါင်းပြီးLego အရုပ်ကလေးတွေ ပုံစံနဲ့ ဇာတ်ကောင်တွေကိုတင်ဆက်ထားပြီး ဇာတ်ကားရုံမတင်ခင်ကတည်းကဇာတ်ကောင် MiniFiguresလေးတွေထွက်ရှိထားလို့Lego Minifigures collectorsတွေကြားရေပန်းစားခဲ့ပြီး ဖြစ်ပါတယ်။ ဇာတ်လမ်းအကျဉ်းကတော့ Batman ရဲ့ စိမ်းကားလှတဲ့စကားတစ်ခွန်းကြောင့်Batman ရဲ့ respect ကို ရယူချင်တဲ့Joker ဟာအကြံအစည်သစ်တစ်ခုနဲ့ဗီလိန်တစ်ကာ့ထိပ်ခေါင်ကြီးတွေ ကိုအကျဉ်းချထားတဲ့အာကာသ phantom Zone ကို ဖွင့်ချဖို့ကြံစည်ပါတော့တယ်။ ဒါကို ဆြာဘတ်ဟာ အိမ်တော်ထိန်းကြီး အဲဖရက်ရဲ့မင်းကြီးဂေါ်ဒွန်ရဲ့ သမီး ဘာဘရာ(Bat Girl) ၊ Robin(Dick Grason)တို့ရဲ့ အကူအညီနဲ့တားဆီးကာကွယ်ဖို့ကြိုးစားရပါတော့တယ်။ ဆြာဘတ်က ဂျိုကြီးကို ဘယ်လိုများစိမ်းကားရက်စက်လိုက်လဲPhantom Zone ထဲကကျလာမယ့်ရင်းနှီးပြီးသား ဗီလိန်ကြီးတွေကရော ဘယ်သူတွေဖြစ်မလဲဆိုတာကိုတော့ ဇာတ်ကားလေးထဲမှာ ဆက်ကြည့်ပြီးရယ်မောပျော်ရွှင် ဘဝအမောတွေပြေနိုင်ကြပါစေလို့ညွှန်းပေးလိုက်ပါရစေခင်ဗျာ။ File size…(6.1 GB) / (1.9 GB) / (1.3 GB) Quality….Blu-Ray 4K HEVC / 1080p HEVC / 720p Format…. mkv/mp4 Genre….Action,Animation,Comedy Duration….01:44:46 Subtitle….Myanmar Subtitle (Hardsub) Encoder….Thit San Khant Translated by Litteneo, HanHtooZaw

REVIEW: Mike & Dave Need A Wedding Dates ဒီဇာတ်လမ်းရဲ့ Review ကို အရင်ဆုံး တိုတိုရှင်းရှင်း ပြောပြပါ့မယ်။ ပေါ့ပေါ့ပါးပါး ဟာသကားကြည့်ချင်တယ်၊ နည်းနည်းပေါတောတောလေးတွေ၊18+ ဘာညာလေးတွေပါလည်းရတယ်ဆိုရင် ကြည့်ပျော်မယ့်ဇာတ်ကားလေးပါ။ဇာတ်ကားအမျိုးအစားကတော့ အချစ်ဟာသဇာတ်မြူးလေးဆိုပါတော့။အသေးစိတ် ထပ်ပြောရရင်တော့ ဇာတ်လမ်းက ဇာတ်ကားနာမည်မှာပါတဲ့အတိုင်းပါပဲ - ညီအစ်ကိုနှစ်ယောက်က သူတို့ညီမလေးရဲ့ မင်္ဂလာပွဲကိုသူတို့နဲ့အတူလိုက်ပြီး ပွဲတက်ပေးမယ့် မိန်းကလေးအဖော်ရှာကြတာပါ။ရှာတဲ့အချိန်ကစ’ပြီး တွေ့သွားတဲ့ထိရော၊ မင်္ဂလာပွဲအထိရော အလွဲတွေ၊ရယ်စရာမောစရာတွေ၊ 18ယောက်စုရတာတွေနဲ့ ဘာတွေဖြစ်ကုန်သလဲဆိုတာကိုကြည့်ရမယ့်ဇာတ်ကားတစ်ကားပါ။တကယ်ရယ်ရတာတွေရော၊ ပေါတောတောနဲ့မို့ရယ်ရတာတွေရော၊ သတိထားဆင်ခြင်မယ်ဆိုသိသင့်တာတွေရော ရောထားတဲ့ လူငယ်ကြိုက်ဇာတ်ကားပုံစံလေးပါ။ လူကြီးတွေအတွက်လည်း ပေါ့ပေါ့ပါးပါးဟာသကားကြည့်ဖို့ရှာနေတာဆို ကြည့်ပျော်တဲ့ဇာတ်ကားဖြစ်မှာပါပဲ။ဇာတ်ကားရဲ့ထူးခြားတဲ့တစ်ချက်ကတော့ အပြင်မှာတကယ်ရှိတဲ့အပျော်အပါးတကယ်မက်တဲ့ ညီအစ်ကိုနှစ်ယောက်အကြောင်းပါတဲ့။ဖြစ်ရပ်မှန်ပေါ်တွင်မှီငြမ်းသည်လို့ ပြောကြပါသတဲ့။ပါဝင်တဲ့သရုပ်ဆောင်မင်းသားတွေကတော့ အဓိကဇာတ်ဆောင်နှစ်ယောက်ထဲက -Mike အဖြစ်က Adam Devine ပါ။ လူရွှင်တော်လည်းဖြစ်၊ ဟာသမင်းသားလည်းဖြစ်၊နာမည်ကြီးရယ်စရာရှိုးအစီအစဉ်မှာ စတားတစ်ယောက်လည်းဖြစ်ပါတယ်။Dave အဖြစ်နဲ့က Zac Efron ပါ။ချောလို့ဆိုပြီး မိန်းကလေးတွေကြိုက်ကြတဲ့ မင်းသားချောလေးပါ။မင်းသမီးတွေကတော့ ဆံပင်ရွှေရောင်နဲ့ အူကြောင်ကြောင်အချောလေးအဖြစ် Anna Kendrick နဲ့ ခပ်ဟော့ဟော့ဇာတ်ဆောင်အဖြစ်နဲ့ကAubrey Plaza တို့က သရုပ်ဆောင်ထားပါတယ်။ခပ်ချောချောTom Boy အဖြစ်နဲ့ သရုပ်ဆောင်ထားတဲ့ Alice Wetterlund လည်းပါပါတယ်။ဒါရိုက်တာကတော့ Jake Szymanski ပါတဲ့။ ဇာတ်ကားက R Rated ပါ- ဝိတွေဘာတွေနဲ့ တိမ်တွေပေါ်မှာလွင့်နေတယ်လေ င ါလေးတွေရော၊ ၁၈ယောက်စုစရာတွေရော၊ လူကြီးဟာသတွေရော ပါနေလို့ပါ။ IMDb - 6/10 နဲ့ Rotten Tomatoes မှာ Tomatometer 38/100 နဲ့ Audience Score 51/100 ရထားပါတယ်။ Google မှာ ကြည့်ပျော်လားဘာညာရှာကြည့်ရင်တော့တကယ်ရယ်ရပါတယ်လို့ ဖြေမှာပါ။ဆိုတော့ ကြည့်လိုက်ရင် တစ်နာရီခွဲလောက်တော့အချိန်ကုန်သွားမှာပါ။ ရယ်ရင်းမောရင်း ၁၈ယောက်စုရင်းနဲ့ ပြောပါတယ်။ ဟုတ်မဟုတ် ကြည့်ကြည့်ပြီး တခြားလူတွေလည်းဟုတ်မဟုတ် ကြည့်ဖို့ပြောလိုက်ပါဦး။ File size…  4.96 GB /  1.73 GB /  791 MB Quality… BluRay 4K / 1080p / 720p Format… mp4 Duration…. 1h 38m Genre .....  Romance , Comedy Subtitle…. Myanmar Subtitle (Hard Sub) Encoder…. Thit San Khant Translated by Kaung Myat Thu

ဒီဇာတ်ကားက Ice age franchiseရဲ့ ပဥ္ဇမဇာတ်ကား ဖြစ်သလို ​နောက်ဆုံးဇာတ်ကားလည်း ဖြစ်ပြီး ၂၀၁၆နှစ်မှာ ထွက်ခဲ့ပါတယ်။ ဒီဇာတ်ကားရဲ့ အဓိကလက်သည်ကလည်း ထုံးစံအတိုင်း ရှဉ့်​​လေး ဖြစ်ခဲ့ပြီး ဝက်သစ်ချသီးကို လိုက်ဖမ်းရင်း ပန်းကန်ပြားပျံတစ်စင်း ​တွေ့ကာ အာကာသထဲ​ရောက်သွားရမှတဆင့် ဒီဇာတ်လမ်း စခဲ့ပါ တယ်။ သူ့ရဲ့ဂယက်​တွေ​ကြောင့်ပဲ ကမ္ဘာ​ပေါ်ကို ဥက္ကာခဲကြီးတစ်ခု ပြုတ်ကျလာပြီး အဲဒီဥက္ကာခဲက​နေတဆင့် ​​နောက်ထပ်ဥက္ကာခဲ​​တွေ တစ်လုံးပြီး တစ်လုံး ဆင့်ကျလာရင်း ကမ္ဘာပျက်မယ့်အ​ရေးအထိ ကြုံလာရပါ​တော့တယ်။ ဒါ​ကြောင့် မန်နီ ဆစ် ဒီ​ယေဂိုတို့ သူငယ်ချင်း​တွေနဲ့ မိသားစုဝင်​တွေ Ice Age 3မှာ ပါဝင်ခဲ့တဲ့ ဘက်ခ်တို့ပါ ပြန်လည်ပါဝင်လာပြီး ကမ္ဘာ ပျက်မယ့်အ​ရေးကို ကာကွယ်ဖို့ ဖြစ်လာပါတယ်။ တစ်ဖက်မှာလည်း မန်နီရဲ့သမီး​လေးပိချက်စ်မှာ ချစ်ရတဲ့သူရှိလာပြီး တစ်အိုးတစ်အိမ် ​ထူ​ထောင်ဖို့ ကြိုးစားလာတာ​ကြောင့် သမီးကို တုန်​နေ​အောင်ချစ်တဲ့ ဆင်ကြီးမန်နီခမျာ သမီးကိုလက်မလွှတ်နိုင်၊ နှ​မြောလည်းနှ​မြောပြီး သမီးဖြစ်သူရဲ့ ချစ်သူ သမက်​လောင်းကို ဘုကလန့်တိုက်ပုံ​တွေက အ​တော်​လေးရယ်ရပါတယ်။ ငယ်စဉ်ကတည်းက ကြည့်လာခဲ့ရတဲ့ Ice ageဆိုတဲ့အရသာကို sequel​တွေရဲ့ထုံးစံအတိုင်း အပြည့်အဝ မရနိုင်​ပေမဲ့ franchiseကြီးတစ်ခုလုံးကို အ​ကောင်းဆုံး ပိတ်သိမ်း ​ပေးနိုင်ခဲ့တဲ့၊ ကျွန်​တော်တို့ချစ်ခဲ့ရတဲ့ ဇာတ်​ကောင်​တွေကို မိသားစု ကိုယ်စီနဲ့ နှုတ်ဆက်နိုင်ခဲ့တဲ့ ဇာတ်လမ်း​ကောင်း ဖြစ်ခဲ့ပါတယ်။ File size…      6 GB /     2.3 GB /     1.2 GB Quality… Web-DL  4K HDR /  1080p / 720p Format… mp4 Duration…. 1h 34m Genre .....  Animation, Comedy Subtitle…. Myanmar Subtitle (Hard Sub) Encoder…. Thit San Khant Translated by JimX

socially awkward Silicon Valley billionaire boyfriend, Laird. A rivalry develops and Ned's panic level goes through the roof when he finds himself lost in this glamorous high-tech world and learns Laird is about to pop the question. နက်ဟာဆိုရင် သာမန်ဘဝကနေ အောင်မြင်တဲ့ စီးပွားရေးလုပ်ငန်းတစ်ခု တည်ထောင်နိုင်ခဲ့သူပါ။ သူ့မှာ သားတစ်ယောက် သမီးတစ်ယောက်လည်းရှိပါတယ်။ဒီနေ့ကတော့ သူ့ရဲ့ မွေးနေ့ပေါ့ သူ့မိတ်ဆွေတွေ သူငယ်ချင်းတွေ နဲ့ အတူ သူ့သားငယ်ရဲ့ စီစဉ် ပေးမှု့ကြောင် မွေးနေ့ပွဲလေး တစ်ပွဲကို ကျင်းပနေပါတယ်။ အဲ့အချိန်မှာ သူ့ကို အံံသြအောင်လုပ်တဲ့ အနေနဲ့ အဝေးရောက်နေတဲ့ သူ့ အစ်မ နဲ့ ဗီဒီယိုကော ချိတ်ဆက်ပေးပါတယ်။ဒီလိုနဲ့ သားအဖတွေ စကားပြောဖြစ်ကျတယ်ဆိုပါတော့ ဒီလိုပြောနေစဉ်မှာပဲ သူ့သမီးအခန်းထဲကို ကောင်လေးတစ်ယောက် ဝင်လာပြီး ဘောင်းဘီ ချွတ်ချလိုက်ပါတော့တယ်။ နောက်ရက်မှာပဲ သူကသမီးဆီကနေ ဖုန်းလာတာက အဲ့ဒါက သူ့ကောင်လေးဖြစ်ကြောင်း အားလပ်ရပ် သူ့ ကောင်လေးနဲ့ လာတွေ့စေလိုကြောင်းခေါ်ပါတော့တယ်။ သမီးချစ်တဲ့ အဖေတစ်ယောက် နက်လည်း သွားရတော့တာပေါ့ ဟိုရောက်မှ သိရတာက သူ့သမီးရဲ့ ကောင်လေး လဲယာက အရမ်းကိုချမ်းသာလွန်းတယ်ဆိုတာပါပဲ။ဒါပေမယ့် ငယ်စဉ်ကတည်းက မိဘ အုပ်ထိန်းမှု့မခံခဲ့ရတဲ့ အတွက် စကားပြောရင် တစ်ချိန်လုံးဆဲဆို နေတက်ပြီး ပေါက်ကရ ကြောင်တောင်တောင် တွေလုပ်တက်တာကြောင့် နက် တို့ဟာ လဲယာကို သဘောမကျကျ ပါဘူး ဒါပေမယ့် လဲယာကတော့ သူ့ချစ်သူရဲ့ မိဘတွေနဲ့ အစဉ်ပြေအောင် အတက်နိုင်ဆုံး မျက်နှာလုပ်ပါတယ် ဒါပေမယ့် သူလုပ်သမျှက လွဲ သူကလည်း အလိုက်မသိတော့ ပိုပိုဆိုးပြီးရှုပ်ထွေးကုန်ပါတယ်။ နက် ဟာဆိုရင်လည်း ကိုယ့် သမီးကို အရမ်းချစ်တဲ့ သူတစ်ယောက်ဖြစ်လို့ ဒီလို လူနဲ့ ရသွားမှာကိုကြောက်နေပြန်ပါတယ်။ လဲယာ တစ်ယောက် အမြဲတမ်း ပေါက်ကရ လုပ်နေတဲ့ ကြားက သူ့ယောက်ခမ နဲ့ အဆင်ပြေအောင် ဘယ်လိုညှိယူကျမလဲ ဆိုတာကို ရယ်မောပေါ့ပါးစွာ ကြည့်ရှု့ရမှာပါ။ဇာတ်ဝင်ခန်း အချို့ဟာ မိသားစုနဲ့ ကြည့်ဖို့ မသင့်လျော်ပါဘူးခင်ဗျာ။ File Size : 800MB /400 MB Quality : Blu Ray Running Time : 1h 51min Format : Mp4 Genre : Comedy Encoder : Tariq L Walker

The Intern (2015) IMDb - 7.1/10 ပုံမှန် အားဖြင့် ကျွန်တော်က ရုပ်ရှင် ကြည့်ရင် drama, comedy တွေ ကြည့်လေ့ မရှိဘူး။(ပျင်းတာကိုး။ :P ) ဒါပေမယ့် ဒီနှစ်ပိုင်း ထဲ မှာ drama တွေ ဘက်ကို စိတ်ရောက်တယ်။ အချစ်ကား တွေ ထက် လူတွေရဲ့ ကြိုးစား အားထုတ်မှု တွေ ကို ထုတ်ပြတဲ့ ဇာတ်လမ်းတွေကို သဘောကျနေတော့တာကိုး။ ဒီ The Intern ဆိုတဲ့ ဇာတ်လမ်း လေးကို ကြည့်မိတာကလဲ အဲဒီလို က စ တာပဲ။ သူ့ ဇာတ်လမ်း အကျဉ်း က တော့..... Ben Whitaker ဆိုတဲ့ အသက် ၇၀ အရွယ် မုဆိုးဖို တစ်ဦးဟာ သူ့ ကျန်တဲ့ ဘဝ မှာ ဘာလုပ်ရမှန်း မသိဘဲ ယောင်ချာချာ ဖြစ်နေတုန်း...About The Fit ဆိုတဲ့ online shopping company ကနေ လုပ်တဲ့ senior intern program မှာ သွားပြီး အလုပ်လျှောက်ခဲ့တယ်။ အဲဒီမှာ အရမ်း ကြိုးစား အရမ်း အလုပ်ပေါ်မှာ စေတနာ ထားပြီး မိသားစု နဲ့ အလှမ်းကွာလို့ အလုပ်မှ အလုပ် ဖြစ်နေတဲ့ သူဌေးမ Jules Austin နဲ့ တွေ့မိကြပြီး အလုပ် တူတူ တွဲလုပ် အကူအညီ ပေးကြလေသတည်းပေါ့လေ။ ဒီ ဇာတ်လမ်း ကို genre ခွဲတော့ comedy ထဲ ထည့်ထားတယ်။ ဒါပေမယ့် ကြည့်ပြီးသွားတော့ မရယ်မိတဲ့ အပြင် ခေါင်းထဲ တွေးစရာတွေ တစ်ပုံကြီး ဝင်လာတယ်ရယ်။ မုဆိုးဖို Ben ဟာ အသက် ၇၀ ရှိပြီ။ သူ အရင် က တယ်လီဖုန်း လမ်းညွှန် စာအုပ်တွေ ထုတ်တဲ့ ဆီမှာ အနှစ် ၄၀ လောက် အလုပ် လုပ် ခဲ့တယ်။ အငြိမ်းစား ယူတော့ သူ့ရာထူး က Vice President။ သူ အနားယူပြီးတော့ သူ့မှာ ဘာမှ ပူပင်စရာ မရှိဘူး။ ငွေကြေး အရလည်း ပြည့်စုံတယ်။ သူ့သား မိသားစု က လည်း သူ့ကို လိုလားတယ်။ ကျန်းမာရေးလည်း ကောင်းတယ်။ သူငယ်ချင်း တွေလည်း ရှိတယ်။ သူ့ကိုကြိုက်နေတဲ့ အဖွားကြီး တောင် ရှိလိုက်သေး။ ဒါပေမယ့် သူ့စိတ်ထဲမှာ တစ်ခုခု လိုနေသလိုပဲ။ ဘာမှ လုပ်စရာ မရှိဘူး ဖြစ်နေတာ။ အဲဒီ အချိန်မှာ ဒီ senior internship program ကို သူ သွားတွေ့တယ်။ သူ အလုပ်လျှောက်လိုက်တယ်။ ဘာလို့လဲ ဆိုတော့ ဘာမှ မလုပ်ဘဲ နေနေရတဲ့ ဘဝကြီးကို သူ ငြီးငွေ့ လို့။ အလုပ်ပြန်လုပ်ရတော့မယ် ဆိုတော့ သူ ပျော်သွားတယ်။ စဉ်းစားမိတာကတော့ ဒီ senior internship လို အစီအစဉ်လေးတွေ များများ ရှိရင် ကောင်းမယ်လို့။ သိပ်ပြီး မပင်ပန်း တဲ့ အလုပ်မျိုးပေါ့။ Physical ထက် intellectual အလုပ်မျိုး တွေ။ ဒီ ပင်စင်စားကြီးတွေမှာ အနှစ် ၃၀ ၄၀ လောက် ရှိတဲ့ အတွေ့အကြုံတွေ ရှိနေတယ်လေ။ လုပ်ငန်း အတွေ့အကြုံ ကို ပြောတာ မဟုတ်ဘူးနော်။ ဘဝ အတွေ့အကြုံ တွေ။ ဘယ်လို ကိစ္စ ကို ဘယ်လို ဖြေရှင်းရမယ်။ ဘယ်လို ပြဿနာ ကို ဘယ်လို ကိုင်တွယ် ရမယ် ဆိုတာမျိုးက သူတို့တွေမှာ အထွေအထူး စဉ်းစားနေစရာ မလိုတော့ဘူး။ ပင်စင်စား တွေ ဘက်က ကြည့်တော့လည်း ကိုယ် အနှစ် ၃၀ ၊ ၄၀ လောက် အလုပ် လုပ် လာပြီးမှ နောက်နေ့ ရုံး ကို လာစရာ မလိုတော့ဘူး ဆိုရင် ဘယ်လို နေမလဲ။ ကိုယ်တွေ ဆီမှာကတော့ စိတ်ပုတီး နဲ့ ရိပ်ကြီး ခို ကြတာပဲ။ ဒါကလည်း အမြဲတမ်း လုပ်နိုင်သလား လူတိုင်း လုပ်နိုင်သလား ဆိုတော့ မလွယ်ပေဘူး။ အဲဒီတော့ ဘာဖြစ်သလဲ သားတွေ သမီးတွေ ဆီ သွားနေ။ မြေးထိန်း အိမ်မှုကိစ္စ တွေ ဝိုင်းလုပ်။ အိမ်ဖော်တွေ နဲ့ ရန်ဖြစ်။ အတင်းတုပ်။ ဒါတောင် အဖွားကြီး ဆိုတော့ လုပ်လို့ ကောင်းသေးတယ်။ အဖိုးကြီးတွေ ဆို ဘယ်လို လုပ်ရပါ့။ း) သူတို့ ဘော်ဒါတွေနဲ့ အာရိုက် လမ်းလျှောက် ဒါပဲ လုပ်ရတော့မှာ။ ဒီလိုကြီး နေသွားရမှာထက် စာရင် အလုပ်လေးတစ်ခုခု ကို ပေါ့ပေါ့ပါးပါးလေး လုပ်ပြီး ကိုယ့် ကို ကိုယ် occupied ဖြစ်နေတာက ပိုကောင်းသလားပဲ။ ကိုယ်နဲ့ ကိုက်ညီ တဲ့ အလုပ် ကိုယ် လုပ်နိုင်တဲ့ အလုပ်မျိုးလဲ ဖြစ်ရမပေါ့။ (များသောအားဖြင့် intern program ဆိုတာတွေကတော့ လိုအပ်ချက် တွေ သိပ်မရှိပါဘူး) Jules ဘက်ကနေ တော့ သိပ်ပြီး ပြောစရာ မရှိပါဘူး အမျိုးသမီး စွမ်းဆောင်ရှင် ဆိုပါတော့။ အလုပ်အရမ်း လုပ်ပြီး မိသားစု ကို အချိန်သိပ်မပေးနိုင်တဲ့ ဇာတ်ကောင် တစ်ကောင်ပေါ့လေ။ ဒါပေမယ့် သူ့ရဲ့ အလုပ်ပေါ်မှာ စေတနာ ထားတာတွေကိုတော့ လေးစားမိပါတယ်။ ဒီဇာတ်လမ်းထဲက အထူးးခြားဆုံးလို့ ယူဆမိတဲ့ ဇာတ်ကောင် ကို ပြောပါဆိုရင်တော့ Jules ရဲ့ အမျိုးသား Matt ကို ပြောရမှာပဲ။ သူက stay-at-home dad။ ဘာအလုပ်မှ မလုပ်ဘူး အိမ်မှာပဲ အိမ်မှုကိစ္စလုပ် ကလေးထိန်း လုပ်တယ်။ ကိုယ်စွမ်းကိုယ်စ မရှိလို့ မဟုတ်ဘူးနော်။ သူ့ မိန်းမရဲ့ အလုပ်ကို support လုပ်တဲ့ အနေနဲ့ သူက လက်ရှိ အလုပ်ကနေ ထွက်ပြီး အိမ်မှာပဲ နေနေပေးတာ။ ဆိုတော့… ဇာတ်ပေါင်းသော် ဒီကား ကို အချိန်ရမယ် ဆိုရင် ကြည့်ကြည့်ကြပါလို့။ ဟဲဗီး ဒရာမာ လည်း မဟုတ် ငိုစရာတွေ ရယ်စရာတွေလည်း အရမ်းကြီး မပါ။ ဒါပေမယ့် ကြည့်ပြီးရင်တော့ တွေးစရာတွေ အများကြီး ရသွားမှာပါ။ IMDb rating ကတော့ (7.1/10) တောင် ရထားတာ။ (ရုပ်ရှင်အညွှန်းကို mandalaygazette.com မှဂျက်စပဲရိုး ရေးသားထားသောအညွှန်းကို ကူးယူဖော်ပြပါသည်။) File size…2.11GB / 931MB Quality… BluRay 1080p/ 720p Format…mp4 Duration….2h 00m Genre ….. Life, Workplace, Comedy, Drama Subtitle….Myanmar Subtitle (Hard Sub)

Pitch Perfect 2 ဟာ ၂၀၁၅ခုနှစ်က ထွက်ရှိခဲ့သော အမေရိကန်ဟာသကားဖြစ်ပါတယ်။ ၂၀၁၂ ခုနှစ်တွင် ထွက်ရှိခဲ့သော Pitch Perfect ၏ နောက်ဆက်တွဲကားလည်း ဖြစ်ပါတယ်။ ဂီတ-ဟာသ များတွင် ယခုထက်ထိ ဝင်ငွေ အများဆုံးရရှိထားသော ဇာတ်ကားဖြစ်ပါတယ်။ IMDb Rating 6.5/ 10 ရရှိထားပြီး Rotten Tomatoes တွင် 66% Rating ရရှိထားပါတယ်။ ဒီရုပ်ရှင်ထဲမှာ Cappella သီဆိုခြင်း ကို အဓိကထားပြီး ဇာတ်အိမ်တည်ထားပါတယ်။ Cappella သီဆိုခြင်း ဆိုတာကတော့ တူရိယာ မပါဘဲ အဖွဲ့တစ်ဖွဲ့တွင်ပါဝင်သော လူများကပဲ သီချင်းများကို သီဆိုခြင်း၊ ပါးစပ်ဖြင့် Beatbox သံလုပ်ခြင်းအပါအဝင် တူရိယာသံလုပ်ခြင်းများကို ကိုယ်တိုင်ဖန်တီး၍ လုပ်ဆောင်ရခြင်းဖြစ်ပါတယ်။ ဇာတ်လမ်းအကျဉ်းကတော့ အမေရိကန်သမ္မတ Barack Obama ၏ မွေးနေ့ပွဲတွင် Bella အဖွဲ့က ဖျော်ဖြေဆင်တင်ဆက်ရာမှ  ဖြစ်ပွားခဲ့ရသော အမှားတစ်ခုကြောင့် Bella အဖွဲ့၏နာမည်ကျဆင်းခဲ့ရပြီး ဖျော်ဖြေရေးခရီးစဉ်များကို ပိတ်ပင်ခဲ့သောကြောင့် နာမည်ကောင်း ပြန်လည် ရရှိဖို့ရန်အတွက် ကမ္ဘာ့ Cappella ပြိုင်ပွဲတွင် အနိုင်ရရှိစေရန် အစွမ်းကုန် ကြိုးစားအားထုတ်ရပါတော့တယ်။ Jesse J ၏ Flashlight သီချင်းကို အဓိကဇာတ်ဝင်တေး အဖြစ်ခံစားရမှာဖြစ်ပြီး အခြားနာမည်ကြီးသီချင်းများစွာ ကိုလည်း ပုံစံအသစ်ဖြင့် နားဆင်ရမှာပဲဖြစ်ပါတယ်။ ထို့အပြင် လွတ်လပ်သော လူငယ်ကျောင်းသားဘဝ၊ Teamworking၊ သူငယ်ချင်းချစ်ခြင်းမေတ္တာတို့ကို ဟာသနှောကာ ရူစားရမှာပဲဖြစ်ပါတယ်။ File size…(2.6 GB)/(1.5 GB) Quality….Webrip 1080p / 720p Format…mp4 Duration….01:48:00 Genre...  Comedy  Subtitle….Myanmar Subtitle (Hardsub) Encoder….Swan Min Htet Translated by Thin Thiri Aung

ဒီဇာတ်ကားဟာ 2015 ခုနှစ်ထွက် Horror/Comedy အမျိုးအစားဖြစ်ပါတယ်။ ဇာတ်လမ်းအကျဉ်းအနေနဲ့ကတော့ မက်စ်နဲ့ အမန်ဒါဟာ နှစ်ယောက်တစ်ဘ၀ရုန်းကန်နေကြတဲ့ အမေတစ်ခု သမီးတစ်ခု မိသားစုလေးပေါ့။ မက်စ်ရဲ့အမေ အမန်ဒါဟာ ငယ်စဉ်တုန်းက Horror ရုပ်ရှင်တစ်ခုမှာ ပါ၀င်သရုပ်ဆောင်ဖူးသူဖြစ်ပြီး ရုပ်ရှင်ကြယ်ပွင့်တစ်ယောက်ဖြစ်ဖို့ အရမ်းစိတ်အားထက်သန်သူပါ။ မမျှော်လင့်ပဲ သူကြိုးစားနေတဲ့လမ်းခုလတ်မှာတင် ကားမတော်တဆမှုမှာ အမန်ဒါသေဆုံးသွားပြီးနောက် မက်စ်တစ်ယောက်ဟာ သူ့အမေကို အမြဲသတိရ‌နေခဲ့ပါတယ်။ နှစ်တွေအကြာ တစ်ရက်မှာအကြောင်းအမျိုးမျိုးကြောင့် မက်စ်တစ်ယောက် သူ့သူငယ်ချင်းတွေနဲ့ အမန်ဒါသရုပ်ဆောင်ခဲ့တဲ့ Horror ရုပ်ရှင်ကို သွားကြည့်ကြဖို့ အကြောင်းဖန်လာခဲ့ပါတယ်။ ဒီလိုနဲ့ မက်စ်နဲ့ သူ့သူငယ်ချင်းတစ်သိုက် မမျှော်လင့်ပဲ အဲ့ဒီရုပ်ရှင်ထဲကို ရောက်ရှိသွားတဲ့အခါမှာတော့... သူတို့အုပ်စု ရုပ်ရှင်ထဲကနေ ထွက်ပြေးလွတ်မြောက်ဖို့ ကြိုးစားကြ‌ပုံတွေကို သည်းထိတ်ရင်ဖိုနဲ့ ဟာသလေးနှောပြီး ကြည့်ရှုရမှာ ဖြစ်ပါတယ်။ Size - 1.6GB, 1GB Quality - 1080p, 720p IMDb Rating - 6.6/10 Format - mp4 Duration - 1H 31Min Type - Comedy, Fantasy Subtitle - Myanmar Subtitle (Hardsub) Translated by Chuck Chuck Encoded by Y

Neighbors (2014) IMDb-6.3/10 Rotten Tomatoes-73% CM ပရိတ်သတ်ကြီးအတွက် 2014က ထွက်ရှိခဲ့တဲ့ ဟာသကားကောင်းလေးတစ်ကားကို တင်ဆက်ပေးလိုက်ပါတယ်။ Seth Rogen, Zac Efron နဲ့ Rose Byrne စတဲ့ သရုပ်ဆောင်တွေ ပါဝင်သရုပ်ဆောင်ထားပါတယ်။ ဇာတ်လမ်းအကျဉ်းလေးကတော့ မက်ခ်နဲ့ ကယ်လီတို့ဟာ အခုမှကလေးရထားတဲ့ စုံတွဲလေးဖြစ်ပြီး သူတို့ရဲ့ လူငယ်ဘဝကုန်ဆုံးသွားခဲ့ပြီလို့ ခံစားနေကြရတဲ့ စုံတွဲလေးပါ ဆိတ်ငြိမ်ရပ်ကွက်လေးမှာ အိမ်လေးတစ်လုံးဝယ်ပြီး မိသားစုသုံးယောက်အတူ ပျော်ပျော်ရွှင်ရွှင်ဖြတ်သန်းနေကြပါတယ်။ တစ်နေ့မှာတော့ သူတို့ ဘေးအိမ်ကို ဒယ်တာ ဆိုင်လ်ဆိုတဲ့ တက္ကသိုလ်ကလပ်က ကျောင်းသားတွေအပြုံလိုက် ပြောင်းချလာပါတော့တယ်။ မက်ခ်နဲ့ ကယ်လီတို့လည်း အနှောက်အယှက်မဖြစ်အောင် ပြောဆိုထားပေမဲ့ နေ့တိုင်း ရက်ဆက်ပါတီတွေပေးပြီး ဆူညံနေကြတာမလို့ ရဲကိုတိုင်လိုက်တဲ့ကိစ္စကနေစပြီး ဒယ်တာဆိုင်လ်အဖွဲ့ဝင်တွေနဲ့ သူတို့နှစ်ယောက်ကြားမှာ အချင်းချင်းဒုက္ခတွေပေးကြရင်း နောက်ဆုံးဘယ်ဘက်ကနိုင်သွားမလဲ ဆိုတာကို ဆက်လက်ကြည့်ရှုလိုက်ကြပါဦးဗျ။ အမြင်မသင့်တော်တဲ့ပြကွက်တွေနဲ့ ကြမ်းတမ်းတဲ့အသုံးအနှုံးတွေပါဝင်တာမလို့ (၁၈) နှစ်အောက် လူငယ်တွေ ကြည့်ရှုဖို့ မသင့်တော်ပါဘူး။ File size…    1.8 GB /  921 MB Quality… BluRay 1080p / 720p Format… mp4 Duration…. 1h 37m Genre ..... Comedy Subtitle…. Myanmar Subtitle (Hard Sub) Encoder…. Thit San Khant Translated by TMMT

IMDb Rating 7.2/10 Rotten Tomatoes 81% Pitch Perfect ကားဟာ ၂၀၁၂ ခုနှစ်က ထွက်ရှိခဲ့တဲ့ အမေရိကန် Mucical Comedy ဇာတ်ကားပဲဖြစ်ပါတယ်။ ဇာတ်လမ်းအကျဉ်းကတော့ Barden တက္ကသိုလ်မှ Cappella သီဆိုကြတဲ့ မိန်းကလေးများသာပါဝင်တဲ့ Bella အဖွဲ့ဟာ ၂၀၁၁ခုနှစ် နိုင်ငံအဆင့် Cappella ပြိုင်ပွဲမှာ ယှဉ်ပြိုင်နေစဉ် အဖွဲ့ဝင်တစ်ဦးဖြစ်တဲ့ Aubrey က စင်ပေါ်မှာ အန်ချမိခဲ့တဲ့အတွက် ပွဲပျက်ပြီး ရှုံးနိမ့်ခဲ့ရပါတယ်။ ထို့နောက် အဖွဲ့တော်တော်များများက ကျောင်းပြီးသွား၍ အဖွဲ့မှာ မပါဝင်နိုင်တော့သဖြင့် အဖွဲ့ဝင်သစ်တွေကို ပြန်လည်ရွေးချယ်ရပါတော့တယ်။ ရှေ့က Bella တွေရဲ့ပုံစံကတော့ သေးသေးသွယ်သွယ်၊ အရပ်မြင့်မြင့်နဲ့ ပရိသတ်တွေကို ဆွဲဆောင်နိုင်တဲ့ ပုံစံမျိုးတွေပဲဖြစ်ပါတယ်။ သို့သော် မနှစ်က ဖြစ်ခဲ့တဲ့ အမှားကြောင့် Bella အဖွဲ့ နာမည်ကျဆင်းခဲ့ရသောကြောင့် လူအများက ဝင်ရောက်အရွေးချယ်ခံဖို့စိတ်ဝင်စားမှုနည်းပါးခဲ့ရသောကြောင့် ရှေးက ပုံစံအတိုင်းအဖွဲ့ဝင်တွေကို မရွေးချယ်နိုင်တော့သောကြောင့် အသံကောင်းပြီး သီချင်းဆိုတတ်တဲ့ မိန်းကလေးများကိုသာ ရွေးချယ်ခဲ့ရပါတော့တယ်။ အဖွဲ့ဝင်သစ်တွေဖြစ်ကြသောကြောင့် တစ်ယောက်နဲ့တစ်ယောက်ရင်းနှီးမှုနည်းကာ နားလည်မပေးနိုင်ကြသောကြောင့် သီချင်းဆိုရာတွင် အခက်အခဲဖြစ်သည့်အပြင် ခေါင်းဆောင်သစ်ဖြစ်သည့် Aubrey ၏ ရှေးရိုးစွဲလုပ်ဆောင်မှုတွေကြောင့် ပရိသတ်ကို ဆွဲဆောင်နိုင်မှုနည်းပါးခဲ့ရပါတယ်။ နောက်ပိုင်းတွင် အဖွဲ့ဝင်သစ်ဖြစ်သည့် Beca ၏ အကြံပေးမှုများဖြင့် သီချင်းရွေးချယ်ပြီး သီဆိုမှုပုံစံကို ပြောင်းလဲခဲ့ကာမှ နိုင်ငံတကာ Cappella ပွဲကို အနိုင်ရရှိခဲ့ပါတော့တယ်။ ဤဇာတ်ကားတွင် Beca အဖြစ်သရုပ်ဆောင်သည့် မင်းသမီး Anna Kendrick မှ ခွက်ကို အသုံးပြုပြီး ကိုယ်တိုင်သီဆိုခဲ့သည့် When I Gone သီချင်းသည် Billboard Hot 100 တွင် ပါဝင်ခဲ့သည်အထိ နာမည်ကျော်ကြားခဲ့ပါတယ်။ ထူးခြားချက်အနေဖြင့် Aubrey အဖြစ်သရုပ်ဆောင်သည့် Anna Camp နှင့် Jesse အဖြစ်သရုပ်ဆောင်သည့် Skylar Astin နှင့် ၂၀၁၃ ခုနှစ်တွင် စတင် Date လုပ်ကာ ၂၀၁၆ ခုနှစ်တွင် လက်ထပ်ခဲ့ပါတယ်။ Jesse J ၏ Price Tag သီချင်းကိုလည်း Final ပွဲတွင် သီဆိုခဲ့ပြီး တခြားနာမည်ကြီးသီချင်းများစွာကိုလည်း Version အသစ်နဲ့သီဆိုသွားတာကို နားဆင်ခံစားနိုင်ပါတယ်။ လူငယ်များရဲ့ လွတ်လပ်သောဘဝ၊ ဖခင်မေတ္တာ၊ သူငယ်ချင်းသံယောဇဉ်နဲ့အတူ မဆုတ်မနစ်ကြိုးစားမှုတွေကိုလည်း ဤဇာတ်ကားတွင် ကြည့်ရူခံစားရမှာပါ။ IMDb Rating 7.2/10 ရရှိကာ Rotten Tomatoes အနေနဲ့ ၈၁ % ရရှိထားပြီး ဆုပေါင်းများစွာလည်း ရရှိခဲ့တဲ့ ဇာတ်ကားကောင်းတစ်ကားကိုကြည့်ရူနိုင်ဖို့ တင်ဆက်ပေးလိုက်ရပါတယ်။ File size…(2.2 GB)/(1.1 GB) Quality….Webrip 1080p / 720p Format…mp4 Duration….01:48:00 Genre... Comedy , Romance  Subtitle….Myanmar Subtitle (Hardsub) Encoder….Swan Min Htet Translated by Thin Thiri Aung