Alia Shawkat ပါဝင်သော ဇာတ်ကားများ

The Wrong Girls (2026) ++++++++++++ ဒါရိုက်တာ Dylan Meyer ရိုက်ကူးထားတဲ့ ဒီရုပ်ရှင်ဟာ မင်းသမီး Kristen Stewart နဲ့ Alia Shawkat တို့ ခေါင်းဆောင်ပါဝင်ထားတဲ့ Sci-Fi ရောစပ်ထားတဲ့ အပျင်းပြေဟာသရုပ်ရှင်ကားဖြစ်ပါတယ်။ LA မှာ ပျင်းစရာဘဝအတိုင်း ဆေးလိပ်သောက် အပျင်းဖြေနေကျ Frankie နဲ့ Molly တို့ သူငယ်ချင်းနှစ်ယောက်ဟာ ဓာတ်ခွဲခန်းထုတ် စမ်းသပ်ဆန်းကြယ်ဆေးတစ်မျိုးကို မှားယွင်းမှီဝဲမိသွားကြပါတယ်။ အဲဒီဆေးကြောင့် သူတို့နှစ်ယောက်ကြားတင်မကဘဲ သူတို့မွေးထားတဲ့ ကြောင်နှစ်ကောင်နဲ့ပါ စိတ်ချင်းဆက်သွယ်ပြောဆိုနိုင်တဲ့ စူပါပါဝါကိုရသွားပါတယ်။ ဒါပေမဲ့ အဲဒီဆန်းကြယ်ဆေးကို ပြန်လိုချင်နေကြတဲ့ ဒိန်းမတ်လူမိုက်တွေ ရောက်လာတဲ့အခါမှာတော့ သူတို့ သူငယ်ချင်းနှစ်ယောက်နဲ့ စိတ်ချင်းဆက်နေတဲ့ကြောင်တွေပါ ပူးပေါင်းပြီး အသက်လုထွက်ပြေးကြရတဲ့ ရယ်စရာစွန့်စားခန်းကို ရိုက်ပြထားတာ ဖြစ်ပါတယ်။ မူးယစ်ဆေးဝါး၊ ဆဲဆိုခန်းတွေနဲ့ Adult Comedy အကြောင်းအရာတွေ ပါဝင်တာကြောင့် ၁၈ နှစ်အထက်လူကြီးတွေသာ ကြည့်ရှုဖို့ သင့်တော်ပါတယ်။ Kristen Stewart နဲ့ Seth Rogen တို့ရဲ့ ဟာသစတိုင်ကို ကြိုက်သူတွေ၊ Pineapple Express လိုမျိုး အကွက်ဆန်းဆန်းဟာသကား၊ အပျင်းပြေဟာသရုပ်ရှင်ကားမျိုးကို ပေါ့ပေါ့ပါးပါးကြည့်ချင်သူတွေအတွက် အထူးသင့်တော်ပါတယ်။ File Size… (2.04GB) / (1.11GB) Quality… WEB-DL 1080p HEVC / 720p Format…mkv / mp4 Duration…1h 39m Genre …Comedy, Crime, Science Fiction Subtitle….Myanmar Subtitle (Hard Sub)

Atropia (2025) IMDb Rating (5.8) / Rotten Tomatoes (41%) စစ်ပွဲနောက်ခံကို အခြေခံထားပေမဲ့ သာမန်အက်ရှင်ကားမျိုးမဟုတ်ဘဲ လူတွေရဲ့ စိတ်နေစိတ်ထားနဲ့ ဝေခွဲရခက်တဲ့ ကိုယ်ကျင့်တရားပိုင်းဆိုင်ရာတွေကို ဦးစားပေးရိုက်ကူးထားတဲ့ War Drama ကားကောင်းတစ်ကားပါ။ ဒီဇာတ်ကားဟာ ဒါရိုက်တာ Hailey Gates ရဲ့ ပွဲဦးထွက်လက်ရာဖြစ်ပြီး နာမည်ကြီးမင်းသမီး Alia Shawkat, မာဗယ်ရဲ့ Channing Tatum , Callum Turner တို့က ဦးဆောင်ပါဝင်ထားပါတယ်။ ဇာတ်လမ်းကတော့ အမေရိကန်စစ်တပ်က စစ်သားတွေကို အီရတ်ကို မလွှတ်ခင် လေ့ကျင့်ပေးဖို့အတွက် ဖန်တီးထားတဲ့ "Atropia" ဆိုတဲ့ စစ်ပွဲအတုဇာတ်လမ်းဆင်ထားတဲ့ လေ့ကျင့်ရေးကွင်းပြင်ကြီးထဲမှာ ရိုက်ကွင်းတည်ထားတာပါ။ ဒီနေရာမှာ စစ်သားတွေတင်မကဘဲ ရပ်ရွာလူထုအဖြစ် သရုပ်ဆောင်ရမယ့် သာမန်အရပ်သားတွေလည်း ပါဝင်တယ်။ ဇာတ်လိုက်ဖြစ်သူကတော့ ဒီလေ့ကျင့်ရေးမှာ "ဒေသခံအမျိုးသမီး" အဖြစ် သရုပ်ဆောင်ဖို့ ငှားရမ်းခံထားရတဲ့ အမျိုးသမီးတစ်ယောက်ပါ။ သူမဟာ စစ်ပွဲအတုကြီးထဲမှာ နေ့တိုင်း သေနတ်သံတွေ၊ပေါက်ကွဲသံတွေကြားမှာ သရုပ်ဆောင်နေရင်းနဲ့ တဖြည်းဖြည်းနဲ့ သူမရဲ့ သရုပ်ဆောင်ဘဝနဲ့ လက်တွေ့ဘဝကြားမှာ ဝေခွဲမရအောင် ဖြစ်လာပါတော့တယ်။ စစ်သားတွေရဲ့ ပြုမူပုံတွေ၊ စစ်ပွဲရဲ့အဓိပ္ပာယ်မဲ့မှုတွေကို သူမရဲ့ အမြင်ကနေတစ်ဆင့် ထေ့ငေါ့ပြီး ရိုက်ကူးထားတဲ့ (Unique/Indie) ဇာတ်လမ်းကောင်းတစ်ပုဒ်ပါ။ File size… (6 GB) / (1.8 GB) / (1.1 GB) Quality…. WEB-Rip 4K HEVC / 1080p HEVC / 720p Format…. mkv/mp4 Genre…. Comedy,Drama Duration…. 01:43:25 Subtitle…. Myanmar Subtitle (Hardsub)

ဖရီဒါတစ်ယောက် ချမ်းသာတဲ့ သက်လတ်ပိုင်း သူဌေးသားကို ထောင်ဖမ်းရင်း အဆင်ပြေသွားရာက သူဌေးသားရဲ့ ကိုယ်ပိုင်ကျွန်းကို လိုက်သွားပြီး မထင်မှတ်ထားတာတွေ ကြုံလာရတဲ့အခါ ဘယ်လိုများ….. ဖရီဒါနဲ့ ဂျက်စ်ဟာ သူငယ်ချင်းကောင်းတွေဖြစ်ပြီးတော့ နာမည်ကြီး ကုမ္မဏီတွေ စားပွဲပါတီတွေ ကျင်းပတဲ့အခါမျိုးမှာ စားပွဲထိုး ဝင်လုပ်ပါတယ်။ သူတို့ဟာ ပွဲတက်ဝတ်စုံတွေ ထည့်လာပြီး လစ်ရင်လစ်သလို ဝတ်စုံလဲကာ ပါတီထဲ ဝင်ရောပြီး သူဌေးသားတွေကို ထောင်ဖမ်းဖို့ ကြံဖန်တတ်ပါသေးတယ်။ တစ်ညမှာတော့ သူတို့ဟာ ကင်းနည်းပညာကုမ္မဏီရဲ့ ပါတီပွဲမှာ အစားအသောက် တည်ခင်းပြီးလို့ ပွဲတက်ဝတ်စုံလဲပြီး အဆင်ရှာထွက်တဲ့အချိန်မှာ ဖရီဒါတစ်ယောက် ကင်းနည်းပညာကုမ္မဏီရဲ့ ဥက္ကဌဖြစ်တဲ့ စလေတာကင်းနဲ့ သွားဆုံပါတယ်။ ဒီလိုနဲ့ ဖရီဒါနဲ့ စလေတာကင်းမှာ တစ်ညလုံး လေကြောသင့်ပြီး ကြည်နူးနေရာက ပွဲပြီးတော့ စလေတာကင်းက သူ့မိတ်ဆွေတွေနဲ့ ကိုယ်ပိုင်ကျွန်းကို အပျော် ခရီးသွားမှာဖြစ်ကြောင်း တခြားကောင်မလေးတွေလည်း ပါမှာဖြစ်ကြောင်း ပြောပြီး ဖရီဒါနဲ့ ဂျက်စ်ကို လိုက်ခဲ့ဖို့ ခေါ်ပါတော့တယ်။ ဒီယုန်မြင်လို့ ဒီခြုံထွင်တဲ့ ဖရီဒါကတော့ နှစ်ခါမငြင်းပဲ လိုက်သွားခဲ့ပါတယ်။ ကျွန်းပေါ်ရောက်တော့ သူတို့ရဲ့ ဖုန်းတွေ လျှပ်စစ်ပစ္စည်းတွေကို သိမ်းသွားပေမဲ့ သူတို့ဟာ ဘဝရဲ့ အကောင်းဆုံးအချိန်တွေကို ခံစားရင်း ဖရီးကုန်းဆင်းပါတော့တယ်။ ဒါပေမဲ့ ကျွန်းပေါ်ရောက်ပြီး မကြာဘူး၊ ဖရီဒါနဲ့ ကောင်မလေးတွေခမျာ ထူးဆန်းတာတွေ စတင်တွေ့ကြုံလာရပါတော့တယ်။ ကဲ ရေးတာများသွားပြီ၊ ဒီလောက်ဆို စိတ်ဝင်စားဖို့ကောင်းနေပြီ၊ ဘာကြောင့်ဖြစ်မလဲ၊ သူတို့ လွတ်မြောက်ပါ့မလားဆိုတာ ဆက်ကြည့်လိုက်ကြပါတော့ဗျာ။ File size…4GB / 1.65GB Quality…WEB-DL 4K HEVC / 1080p Format…mkv / mp4 Duration….1h 42m Genre ….. Mystery , Thriller Subtitle….Myanmar Subtitle (Hard Sub) Encoder….Min Wai Translated by Matteo

၂၀၂၄ မတ်လမှာအသစ်ထွက်ရှိထားတဲ့ The Listener ရုပ်ရှင်ဟာ Drama အမျိုးအစားဖြစ်ပေမယ့် သည်းထိတ်ရင်ဖို ခံစားချက်ကိုလည်းခံစားရမှာဖြစ်ပါတယ်။ ဒါရိုက်တာ Steve Buscemi ကရိုက်ကူးထားပြီး တစ်ကားလုံးကို ဘတ်သ်အဖြစ်သရုပ်ဆောင်တဲ့မင်းသမီး Tessa Thompson တစ်ယောက်တည်းနဲ့ရိုက်ကူးထားတာပါ။ ဘတ်သ်ဟာ ညတိုင်းအမေရိကန်တစ်နိုင်ငံလုံးရဲ့နေရာအနှံ့က ဖုန်းတွေကိုလက်ခံဖြေကြားပေးရတဲ့ အကူအညီဖုန်းလိုင်း တစ်ခုမှာ စေတနာ့ဝန်ထမ်းအဖြစ်လုပ်ကိုင်နေတာဖြစ်ပါတယ်။ အထီးကျန်တဲ့လူတွေ၊ မျှော်လင့်ချက်ကင်းမဲ့နေသူတွေ အစရှိသဖြင့်လူပေါင်းမျိုးစုံဆီကဖုန်းတွေကို နားထောင်ပေးပြီး သူတို့လိုအပ်တဲ့အကြံဉာဏ်တွေကို ဘတ်သ်က ပြန်ပေးလေ့ ရှိပါတယ်။ ဇာတ်ကားကတော့ ကိုရိုနာပြီးခါစအချိန်ကိုအခြေခံ ထားတဲ့အတွက် ပြီးခဲ့တဲ့နှစ်ဟာ ဖုန်းခေါ်သူတွေအပြည့်နဲ့ ဘတ်သ်အတွက် ပင်ပန်းခဲ့တဲ့နှစ်ဖြစ်လို့ ဘတ်သ်ဟာ စေတနာ့ ဝန်ထမ်းအဖြစ်လုပ်ကိုင်မှုကနေ အနားယူတော့မှာလည်း ဖြစ်ပါတယ်။ ရုပ်ရှင်အစကနေအဆုံးအထိ ဘတ်သ်ရဲ့ ဖုန်းခေါ်ဆိုမှုတစ်ညတာကိုရိုက်ကူးပြထားပြီး ဖုန်းတစ်လုံးနဲ့ ဘတ်သ်ရဲ့ဇာတ်ဝင်ခန်းတွေသာပါဝင်ပေမယ့် လူပေါင်းမျိုးစုံ ဖုန်းဆက်ကြတဲ့အထဲမှာ ဘတ်စ်က တစ်စုံတစ်ယောက်ကို ကယ်တင်နိုင်မှာလား။ တစ်စုံတစ်ယောက်ရဲ့အသက်ကိုလက်လွှတ်ဆုံးရှုံးလိုက်ရမှာလား ဆိုတာ ရင်ဖိုစွာစောင့်မျှော်ကြည့်ရှု့ရမှာဖြစ်ပါတယ်။ တခြားလူတွေရဲ့ဘ၀တွေကိုအကြံပေးဖုန်းပြောဆိုမှုတွေကနေ ဘတ်သ်ကိုယ်တိုင်ရဲ့ဇာတ်ကြောင်းကိုပါ ဖြည်းဖြည်းချင်း ဖော်ထုတ်သွားတာဖြစ်ပါတယ်။ ပရိသတ်တွေကတော့ ဖုန်းတစ်လုံးနဲ့နှိမ့်သိမ့်ပေးနေတဲ့ လူတကာပြောတာတွေနားထောင်ပေးနေတဲ့၊ လူတွေနဲ့ ဆက်သွယ်စကားပြောနေတဲ့ဘတ်သ်နဲ့အတူ ရုပ်ရှင်ကို လိုက်ပါစီးမျောခံစားကြည့်ရမှာပဲဖြစ်ပါတယ်။ File size…818MB / 314MB Quality…WEB-DL 1080p 5.1CH / 720p Format…mp4 Duration….1h 36m Genre ….. Drama Subtitle….Myanmar Subtitle (Hard Sub) Encoder….Min Wai Translated by JULY

Drift ဂျက်ကွီလင်းဆိုတဲ့ ကောင်မလေးဟာ ဝန်ကြီးသမီးတစ်ဦးဖြစ်ပြီး လန်ဒန်မှာ သွားရောက်နေထိုင်နေသူပါ။တစ်ရက်မှာတော့ မိသားစုတွေနဲ့ တွေ့ဆုံဖို့ သူဟာ Liberia ကိုနှစ်ပတ်ကြာပြန်လာခဲ့ပါတယ်။ အဲ့ဒီအချိန်နိုင်ငံအတွင်းမှာ ပဋိပက္ခပေါင်းများစွာနဲ့ ပြည်တွင်းစစ်ပေါ်ပေါက်လာပြီး ဂျက်ကွီလင်းတို့ ဝန်ကြီးမိသားစုအိမ်ဟာလည်း ပုန်ကန်သူတွေလက်အောက်ကို ကျရောက်ကာ ကံကြမ္မာဆိုးဝင်ခဲ့ပါတော့တယ်။ နိုင်ငံဟာလည်း စစ်မီးကြောင့် ပျက်စီးနေတဲ့အချိန် ဂျက်ကွီလင်းဟာ နိုင်ငံ‌က ထွက်ပြေးပြီး ဂရိကျွန်းလေးတစ်ကျွန်းကို ရောက်ရှိသွားခဲ့ပါတယ်။ ဝန်ကြီးသမီးတစ်ဦးဖြစ်ပြီး ဘဝမှာ အဆင်ပြေပြေနေခဲ့ရသူတစ်ယောက် နိုင်ငံပျက်စီးနေချိန် ဂရိကျွန်းမှာ နေ့စဉ်ဘဝကို ခက်ခဲစွာရှင်သန်နေထိုင်ရပုံကို ကြည့်ရှုခံစားရမယ့် Drama ဇာတ်ကားလေးတစ်ကားပဲဖြစ်ပါတယ်

Jackass Forever ဒါကတော့ Jackass film series ရဲ့နောက်ဆုံးထွက်ရှိလာတဲ့ကားပါ။ Jackass အစီအစဉ်တွေကတော့ အရင်အတိုင်းပဲ ထူးဆန်းတဲ့စတန့်ကွက်တွေ လုပ်ပြပြီး အဖွဲ့သားအချင်းချင်းနောက်ပြောင်ကြတာမျိုးပါ ။စတန့်တော်တော်များများက အန္တရာယ်များပြီး ရွံစရာကောင်းတာတွေလည်းပါပါတယ်။ တစ်ကားလုံး ပေါက်တတ်ကရတွေလုပ်ပြနေလို့ တော်တော်ရယ်ရပါတယ်။ ဒီကားက Jackass ရုပ်ရှင်တွေထဲမှာတော့ အကောင်းဆုံး rating ရထားပါတယ်။ ဟိုးအရင် MTV ကအစီအစဉ်မှာတည်းက ပါ၀င်ခဲ့တဲ့ Johnny Knoxville တို့ Steve O တို့ အစုံအလင်ပါ၀င်ကြပြီး Machine Gun Kelly ,Eric Andre တို့ကလည်း Guest star အဖြစ်ပါ၀င်ထားပါတယ်။ ရုပ်ရှင်ထဲက စတန့်တွေကိုအပြင်မှာတော့မစမ်းကြည့်ကြပါနဲ့ဦးနော်။ Genre.....Comedy, Action, documentary Quality….WEB-DL 1080p File size…(1.6GB) Format…mp4 Duration….1h 36min Subtitle….Myanmar Subtitle (Hardsub) Translator ..... SP Encoder .....Mr. Anderson

အာရွန်ဆော့ကင်း ရိုက်ကူးပြီး မင်းသမီးကြီး နီကိုးကဒ်မန်း သရုပ်ဆောင်ထားတဲ့ အော်စကာ ဆန်ကာတင်ရုပ်ရှင်တစ်ခု ထွက်လာပါပြီ။ ဟောလိဝုဒ်ရွှေခေတ် တီဗွီမင်းသမီးကြီး Lucy Ball ဟာ သူ့ရဲ့ဇာတ်လမ်းတွဲ ဖြစ်တဲ့ I Love Lucy မှာ သူ့ခင်ပွန်းဖြစ်သူ Desi Arnez နဲ့တူတူ တွဲဖက်သရုပ်ဆောင်ပြီးဝက်ဝက်ကွဲအောင်မြင်နေပါတယ်။Sit-com တို့ရဲ့အစလို့တောင်ပြောလို့ရတဲ့ ဒီဇာတ်လမ်းတွဲကို အဖြူအမည်းခေတ်မှာပဲဘယ်လိုဖန်းတီးကြလဲ၊ဘယ်လိုသရုပ်ဆောင်ကြလဲဘယ်လိုရိုက်ကူးကြလဲဆိုတာ ကိုပြသထားပါတယ်။ဒါပေမယ့်လဲ Lucy နဲ့Desi တို့ဟာ ဟောလိဝုဒ် ရဲ့အကျော်ကြားဆုံးဇနီးမောင်နှံအဖြစ်ကနေ အိမ်ထောင်ရေးပြသနာတွေ နိုင်ငံရေး၊ ပုဂ္ဂိုလ်ရေးအရ စွပ်စွဲမှုတွေ ကြောင့် သူတို့ရဲ့လူနေမှုဘဝခြိမ်းခြောက်ခံနေရပါပြီ။ထိုခေတ်က အမေရိက လိုနိုင်ငံမှာလဲ ရိုးရိုးပြည်သူတွေဟာ ကွန်မြူနစ်လို့ သံသယဖြစ်ခံရတာနဲ့ ဘဝပျက်သွားနိုင်တာကိုပြထားပါတယ်။ တီ‌ဗီဇာတ်လမ်းတွဲတွေရဲ့သမိုင်းတလျှောက်အကျော်ကြားဆုံးထဲမှာပါတဲ့ မင်းသမီးကြီး Lucy Ballရဲ့ ဘဝကိုရိုက်ထားတာဖြစ်ပြီး Oscar ဆုရသရုပ်ဆောင်တွေဖြစ်တဲ့ Nicole Kidman Javier Bardem နဲ့ J.K Simmons တို့အစုံအလင်ပါဝင်ထားပါတယ်။ဒီရုပ်ရှင်ကိုကြည့်ရင်းနဲ့အတိတ်ကဟောလိဝုဒ်ဆီကိုပြန်လည်ခံစားနိုင်ပါတယ်။ File size…(2.1 GB) / (1.2 Mb) / (600 Mb) Quality….Webrip 1080p / 720p / 480p Format…mp4 Duration….02:11:00 Genre...Biography, Drama Subtitle….Myanmar Subtitle (Hardsub) Encoder….Mr. Anderson Translated by Sett Paing

20th Century Women (2016) ~IMDb - 7.3/10, RT - 88%, Meta - 83%~ 20th Century Women ရဲ့ အပေါ်ယံကြောကို ဖြတ်လျှောက်ကြည့်တဲ့အခါ အများအားဖြင့်တော့ ကောင်လေးတစ်‌ယောက်ရဲ့ Coming of Age အခြေအနေကို မြင်ရမှာပေမဲ့ ဒီရုပ်ရှင်ဟာ အဲဒီကောင်လေးကို ဗဟိုပြုပြီး ၂၀ရာစုမိန်းမသားသုံးယောက်ရဲ့ အရွယ်သုံးမျိုးကို ပုံဖော်သွားတယ်။ သက်ကြီးပိုင်း ၂၀ရာစုမိန်းမသားတစ်ယောက်ရဲ့ အထီးကျန်ခြင်းတွေ၊ သက်လတ်ပိုင်း ၂၀ရာစု မိန်းမသားတစ်ယောက်ရဲ့ ဘဝဒဏ်တွေ၊ သက်ငယ်ပိုင်း ၂၀ရာစုမိန်းမသားတစ်ယောက်ရဲ့ လိုအင်တွေကို Coming of Age ဆန်ဆန် Vibe နဲ့ ချိတ်ဆက်ပုံဖော်ထားခဲ့တယ်။ နောက်ပြီး ဆယ်ကျော်သက်သား​လေး ဘဝရဲ့အချိုးအဆစ်အခက်အခဲတွေ၊ မိခင်တစ်‌ယောက်ရဲ့ အတွေးအမြင်တွေကိုင်တွယ်ပုံ​တွေ၊ အသက်ကြီးမှ ကလေးရတာမို့ generation gap ​ကြောင့် သားကို နားလည်​ပေးဖို့ ကြိုးစားတဲ့ သက်ကြီးပိုင်း ၂၀ရာစုမိခင်တစ်​ယောက်ရဲ့ ဘ၀ကိုလည်းမြင်ရပါလိမ့်မယ်။ ၂၀ရာစုမိခင်တစ်ယောက်နေရာက Annette Bening က သရုပ်ဆောင်ထားပြီး ဒီရုပ်ရှင်နဲ့ပဲ အကောင်းဆုံး အမျိုးသမီးဇာတ်ဆောင်ဆုတွေ အများကြီးရခဲ့ပါတယ်။ ဒီရုပ်ရှင်နဲ့ပဲ ဒါရိုက်တာ Mile Mills ဟာလည်း အော်စကာမှာ ဇာတ်ညွန်းဆုရထားပါတယ်။ ဒါရိုက်တာဟာ ဒီနှစ်မှာလည်း ဝါကင်းဖီးနစ်နဲ့အတူ C'mon C'mon ဆိုတဲ့ ဒီရုပ်ရှင်နဲ့ ခပ်ဆင်ဆင် တစ်ကားထွက်ထားပါသေးတယ်။ ဇာတ်အိမ်ကအေးပေမဲ့ Cinematography အလန်းစားနဲ့ လက်တွေ့လောကထဲကပဲလာတဲ့ ခပ်ထိထိဒိုင်ယာလော့တွေကိုသုံးထားပြီး Narrative ဟန်ပါ ထည့်ထားတာမို့ အေးအေးဆေးဆေးမှာ တမြေ့မြေ့ ခံစားကြည့်စရာ ရုပ်ရှင်တစ်ကားရှာနေတယ်ဆိုရင်တော့ ၂၀ရာစုမိန်းမသားများဟာ သင့်အတွက်ပါပဲ။ ၂၀ရာစုမိန်းမသားများဟာ ယောက်ျားဖြစ်ဖြစ် မိန်းမဖြစ်ဖြစ်ကြည့်သင့်တဲ့ အတွေးအမြင်အသစ်တစ်ခု ထပ်ပေးနိုင်မယ့် ရုပ်ရှင်ကားကောင်းဆိုလည်း မမှားပါဘူး။ စာကြွင်း - ၂၀ရာစုမိန်းမသားများကို ပီပြင်အောင် ပုံဖော်ရာမှာ ဒါရိုက်တာဟာ သဘာ၀အတိုင်း လိင်မှုကိစ္စတွေ ဖောဖောသီ သုံးထားပါတယ်။ ကျွန်တော်တို့ Elle Fanning ရဲ့ အခန်းတင် ၆ခန်းလောက်ပါတာမို့ မိသားစုနဲ့ လုံး၀မကြည့်သင့်ပါဘူး။ (ဒီဇာတ်ကားနဲ့အညွှန်းကို Mugiwara Ya မှ ပြန်ဆိုရေးသားထားပါတယ်) Size - 1.8GB, 1GB Quality - 1080p, 720p IMDb Rating - 7.3/10 Format - mp4 Duration - 1H 59Min Genre - Comedy, Drama Subtitle - Myanmar Subtitle (Hardsub) Translated by Mugiwara Ya Encoded by Y

IMDB... 7/10 Rotten tomatoes... 90% Green Room ကတော့ 2015 တုန်းကဒါရိုက်တာ Jeremy Saulinerကိုယ်တိုင် ရေးသားရိုက်ကူးခဲ့တဲ့Horror, Thriller ရုပ်ရှင်ကားလေးပါ ဇာတ်လမ်းကတော့ သိပ်ပြီး ကြီးကြီးမားမားတော့ မဟုတ်ပါဘူး လူငယ် Punk Rock Band တစ်ဖွဲ့က လူမနီးသူမနီး တောအုပ်တစ်ခုမှာရှိတဲ့ Club တစ်ခုမှာသွားဖျော်ဖြေရင်းနဲ့ ကံဆိုးမ သွားရာ မိုးလိုက်လို့ရွာဆိုတဲ့ အတိုင်းစင်အနောက်ဘက်က နားနေခန်း Green Room ထဲမှာ လူသတ်မှုတစ်ခုနဲ့ အမှတ်မထင် ပက်ပင်းသွားတိုးသွားပြီး အသက်အန္တာရာယ်ကြီးမားတဲ့ ပြဿနာတစ်ခုနဲ့ ကြုံတွေ့ရတဲ့ အဖြစ်အပျက်လေးကို ရိုက်ပြထားတာပဲ ဖြစ်ပါတယ် ဒီကားဟာ 2015 ရဲ့ အကောင်းဆုံး ရုပ်ရှင်တော့ မဟုတ်ပေမယ့် သည်းထိပ်ရင်ဖို ကြိုက်သူတွေ အတွက်တော့ လုံးဝ ပျင်းရမှာ မဟုတ်ပါဘူး သွေးထွက်သံယိုတွေလည်း အတော်ပါပါတယ် တချို့အခန်းတွေဆိုရင် အဲ့လိုမျိုးသွေးထွက်သံယို ကြိုက်တတ်တဲ့ သူတွေအတွက်တောင် အသည်းယားဖို့ကောင်းတာတွေ ပါတယ် တော်တော် ယုတ္တိရှိအောင်လည်းရိုက်ပြထားပါတယ် Punk music တွေ Metal တွေ ကြိုက်တဲ့ သူတွေအတွက်တော့ ကောင်းပါတယ် ဒီကားရဲ့ Poster ကိုတောင် The Clash အဖွဲ့ရဲ့ London Calling Album cover နဲ့တူအောင်လုပ်ထားပါသေးတယ် ဒီကားရဲ့ အဓိက ဘာလဲဆိုတော့ Tension ပါပဲ ဇာတ်လမ်းအစကနေပြီး တစတစ Tension မြင့်လာတာကို သိသိသာသာ ခံစားရမှာဖြစ်ပါတယ် ဒီ Green Room ဟာဆိုရင် တက်သစ်စသရုပ်ဆောင်တွေနဲ့ငွေအကုန်အကျသိပ်မသုံးဘဲရိုက်ထားတဲ့သည်းထိတ်ရင်ဖို ရုပ်ရှင်ကားတစ်ကားပါ ချုံပြောရရင်တော့ ဒီကားက မိုးအေးအေးလေးနဲ့ အပြင်လည်းသွားစရာမရှိရင် အိမ်ထဲမှာ စောင်လေးချုံပြီး ကြည့်သင့်တဲ့ Thriller ကားကောင်းလေးတစ်ခုပါပဲ File size…   2.7 GB / 624 MB / 393 MB Quality… WEB-DL 4K HEVC 1080p / 720p Format… mp4 Audio ... AAC Duration…. 1h 35m Genre ..... Crime, Horror, Thriller Subtitle…. Myanmar Subtitle (Hard Sub) Encoder…. Thit San Khant Translated by May Phyu Khin

ဒီဇာတ်ကားဟာ 2015 ခုနှစ်ထွက် Horror/Comedy အမျိုးအစားဖြစ်ပါတယ်။ ဇာတ်လမ်းအကျဉ်းအနေနဲ့ကတော့ မက်စ်နဲ့ အမန်ဒါဟာ နှစ်ယောက်တစ်ဘ၀ရုန်းကန်နေကြတဲ့ အမေတစ်ခု သမီးတစ်ခု မိသားစုလေးပေါ့။ မက်စ်ရဲ့အမေ အမန်ဒါဟာ ငယ်စဉ်တုန်းက Horror ရုပ်ရှင်တစ်ခုမှာ ပါ၀င်သရုပ်ဆောင်ဖူးသူဖြစ်ပြီး ရုပ်ရှင်ကြယ်ပွင့်တစ်ယောက်ဖြစ်ဖို့ အရမ်းစိတ်အားထက်သန်သူပါ။ မမျှော်လင့်ပဲ သူကြိုးစားနေတဲ့လမ်းခုလတ်မှာတင် ကားမတော်တဆမှုမှာ အမန်ဒါသေဆုံးသွားပြီးနောက် မက်စ်တစ်ယောက်ဟာ သူ့အမေကို အမြဲသတိရ‌နေခဲ့ပါတယ်။ နှစ်တွေအကြာ တစ်ရက်မှာအကြောင်းအမျိုးမျိုးကြောင့် မက်စ်တစ်ယောက် သူ့သူငယ်ချင်းတွေနဲ့ အမန်ဒါသရုပ်ဆောင်ခဲ့တဲ့ Horror ရုပ်ရှင်ကို သွားကြည့်ကြဖို့ အကြောင်းဖန်လာခဲ့ပါတယ်။ ဒီလိုနဲ့ မက်စ်နဲ့ သူ့သူငယ်ချင်းတစ်သိုက် မမျှော်လင့်ပဲ အဲ့ဒီရုပ်ရှင်ထဲကို ရောက်ရှိသွားတဲ့အခါမှာတော့... သူတို့အုပ်စု ရုပ်ရှင်ထဲကနေ ထွက်ပြေးလွတ်မြောက်ဖို့ ကြိုးစားကြ‌ပုံတွေကို သည်းထိတ်ရင်ဖိုနဲ့ ဟာသလေးနှောပြီး ကြည့်ရှုရမှာ ဖြစ်ပါတယ်။ Size - 1.6GB, 1GB Quality - 1080p, 720p IMDb Rating - 6.6/10 Format - mp4 Duration - 1H 31Min Type - Comedy, Fantasy Subtitle - Myanmar Subtitle (Hardsub) Translated by Chuck Chuck Encoded by Y

အော်ရဂွန်မြစ်ကို မှီခိုလုပ်ကိုင်စားသောက်နေကြတဲ့ လယ်သမားတွေရှိသလို စွမ်းအင်ရဖို့ မြစ်ပေါ်မှာ ရေကာတာတွေလည်း အထပ်ထပ် ဆောက်ထားပါတယ်။ အဲဒီရေကာတာတွေကြောင့် သဘာဝပတ်ဝန်းကျင်၊ တောရိုင်းတိရစ္ဆာန်တွေနဲ့ ရေနေသတ္တဝါတွေအပေါ် ဆိုးကျိုးတွေ သက်ရောက်နေချိန်မှာ သဘာဝပတ်ဝန်းကျင်အရေး လှုပ်ရှားသူသုံးယောက်က ရေကာတာတစ်ခုကို ဖောက်ခွဲဖို့ ကြံစည်ကြတယ်။ သူတို့ဟာ အချိန်ယူပြီး စနစ်တကျ စီစဉ်ကြသလို လိုအပ်တဲ့ ငွေကြေးနဲ့ လူအင်အားကိုလည်း စိုက်ထုတ်ကြပါတယ်။ ဒါပေမဲ့ အစီအစဉ်ကို လက်တွေ့လုပ်လိုက်တဲ့အခါ အကျိုးဆက်တွေက ထင်ထားသလို ဖြစ်မလာဘူး။ ဒီကြားထဲ သူတို့ထဲက တစ်ယောက်ဟာ အဲဒီအကျိုးဆက်တွေကို မခံနိုင်တော့ဘဲ မလုပ်သင့်တာတွေ ဆက်လုပ်မိရာက အခြေအနေတွေ ပိုရှုပ်ထွေးလာပြီး ရှောင်တိမ်းရတဲ့အထိ ဖြစ်လာပါတယ်။ ဇာတ်လမ်းက စကားပြောခန်းများပြီး ငြိမ်တဲ့ ကင်မရာရိုက်ချက်တွေနဲ့ ဖြည်းဖြည်းချင်း ဆက်သွားပါတယ်။

ဘရန်ဒီ ကလက်ခ်က အထက်တန်းကျောင်းပြီးထားခါစ ကျောင်းသူတစ်ယောက်ပါ။ ကျောင်းစာမှာ ထိပ်ဆုံးက ရှိပေမယ့် လိင်ကိစ္စနဲ့ပတ်သက်ရင်တော့ အတွေ့အကြုံမရှိသေးဘူး။ အထက်တန်းဘွဲ့ရပါတီမှာ ကောလိပ်ကျောင်းသား ရပ်စတီဝါးတားစ်နဲ့ တွေ့ပြီး သဘောကျသွားတဲ့အခါ သူငယ်ချင်းတွေက ဘရန်ဒီအနေနဲ့ ရပ်စတီကိုမီဖို့ အတွေ့အကြုံတွေ အများကြီးလိုသေးတယ်လို့ ပြောကြပါတယ်။ ဘရန်ဒီကလည်း ကျောင်းစာလုပ်သလိုပဲ ကိုယ်သိချင်၊ စမ်းကြည့်ချင်တာတွေကို စာရင်းတစ်ခု ပြုစုလိုက်တယ်။ ကောလိပ်မတက်ခင် အဲဒီစာရင်းထဲကအရာတွေကို လက်တွေ့စမ်းကြည့်ဖို့ ရွေးထားတဲ့သူကတော့ သူ့ကို တိတ်တခိုးသဘောကျနေတဲ့ သူငယ်ချင်း ကမ်မရွန်ပါ။ ဒီလိုနဲ့ ကိုယ့်ကိုသဘောကျနေတဲ့ ကမ်မရွန်နဲ့ ကိုယ်ကသဘောကျနေတဲ့ ရပ်စတီကြားမှာ ဘရန်ဒီတစ်ယောက် ဘယ်လိုဗျာများရဦးမလဲဆိုတာကို ဟာသနှောပြီး ပြထားပါတယ်။

ဒါကတော့ မကြည့်ဖူးရင်တောင် အစိမ်းသက်သက်ဖြစ်မှာမဟုတ်တဲ့ ကားဟောင်းလေးတစ်ကားပါ။ အဲ့လက်ဖက်ရည်အိုးနားမှာ ထိခိုက်နာကျင်ရင် အိုးထဲကနေပိုက်ဆံ‌တွေထွက်လာတဲ့ ဇာတ်လမ်းလေးပါ။ ကြိုးစားပေမယ့် အလုပ်လက်မဲ့ဖြစ်နေတဲ့ လင်မယားနှစ်ယောက်မှာ အဲ့ရှေးဟောင်းလက်ဖက်ရည်အိုးရှိသွားပါတယ်။ နာကျင်ရင်နာကျင်သလောက် ထိခိုက်ရင်ထိခိုက်သလောက် ပိုက်ဆံတွေအများကြီးထွက်လာတာကို သူတို့သိသွားတဲ့အခါ အရာရာကို ထိခိုက်ဒဏ်ရာတွေနဲ့ ဖြေရှင်းဖို့ပဲဖြစ်လာပါတော့တယ်။ ပထမတော့ ဒေါ်လာတစ်သန်းပဲရှာပြီး လွန်လာရင်ရပ်လိုက်မယ်ဆိုပေမယ့် လောဘတွေတက်လာတဲ့အခါမှာတော့..... လက်ဖက်ရည်အိုးသုံးပြီးပိုက်ဆံရှာကြပုံတွေ လောဘတွေတက်လာတဲ့အခါ ဖြစ်လာတဲ့လူ့သဘာဝတွေကို ဒီဇာတ်လမ်းကောင်းလေးမှာ ခံစားကြည့်ရှုလိုက်ပါအုံး။ File Size : ( 949 MB , 353 MB ) Quality :  WEB-DL 720p Running Time : 1 hr 41 min Format : Mp4 Genre :  Comedy , Family , Thriller Subtitle : Myanmar Subtitle (Hard Sub) Translated by Moe Lay Encoded by Moe Myint Lwin

CM ပရိသတ်တို့ရဲ့အချစ်တော် ဒေါက်တာဂွစာကြီး ဟောက်စ်ကို နောက်ကာရိုက်တာတစ်မျိုးနဲ့ မြင်ရမယ့်ကားလေးပါ ဇာတ်လမ်းအကျဥ်းကတော့ နယူးဂျာဆီပြည်နယ်က Orange ဆိုတဲ့မြို့နယ်လေးမှာနေထိုင်တဲ့ သိပ်ကိုခင်မင်ကြတဲ့ အိမ်နီးချင်းမိသားစုနှစ်စုရှိပါတယ် မိသားစုနှစ်စုက သမီးဖြစ်သူ နီနာနဲ့ ဗန်နက်ဆာတို့ဆိုလည်း ငယ်ငယ်ကအရမ်းခင်ခဲ့ကြပြီး အထက်တန်းရောက်မှ နီနာကဗန်နက်ဆာ့ကိုပလစ်ပြီး ကျောင်းကအလန်းဇယားကောင်မလေးအဖွဲ့နဲ့သွားပေါင်းခဲ့တာပါ နီနာဆိုတဲ့ကောင်မလေးက မိဘအပေါ်လည်း ဂျစ်ကန်ကန်နဲ့ ကလန်ကဆန်လုပ်၊ ကောင်လေးတွေလည်းထည်လဲတွဲပြီး သူ့အသက်၂၄နှစ်အရွယ်မှာ မိဘသဘောမတူတဲ့အီသန်ဆိုတဲ့ကောင်လေးနဲ့ လက်ထပ်ဖို့လုပ်ပြီး အီသန်ကသူ့အပေါ်သစ္စာဖောက်သွားမှ မိဘအိမ်ပြန်လာတာပါ အိမ်ပြန်ရောက်တော့လည်း နီနာဆိုတဲ့ အမွှေစိန်လေးက အငြိမ်မနေပါဘူး သူ့ရဲ့ဂြိုဟ်မွှေချက်က ဗန်နက်ဆာ့အဖေနဲ့အမေဖြစ်တဲ့ ဒေးဗစ်နဲ့ပေ့ချ်ကို ပြတ်စဲမလိုဖြစ်စေပြီး ဒေးဗစ်နဲ့ သူ့အဖေဖြစ်သူတယ်ရီကြားက ခင်မင်မှုကိုလည်းပျက်မလိုဖြစ်စေခဲ့တာဆိုတော့ ဘယ်လိုတွေဂြိုဟ်မွှေလဲဆိုတာတော့ ဇာတ်လမ်းထဲမှာ ကိုယ်တိုင်ကြည့်ရှုလိုက်ကြပါဦး စာကြွင်း - ဒီထဲမှာ ဒေါက်တာဟောက်စ်ရဲ့ကာရိုက်တာက ဟောက်စ်လိုမျိုး ဇွတ်တရွတ်နိုင်တယ်လို့ပြောလို့ရပေမယ့် ဟောက်စ်လို ခေါင်းမာတဲ့လူကြီးမဟုတ်ဘဲ သိပ်ကိုသဘောမနောကောင်း လိုက်လျောတတ်တဲ့လူကြီးအဖြစ် တွေ့ကြရမှာပါ အပေါ်မှာပြောခဲ့တဲ့ဇာတ်ကောင်တွေထဲက ဘယ်သူဖြစ်မလဲဆိုတာတော့ ကိုယ်တိုင်ကြည့်ရှုလိုက်ကြပါနော် Translated by MTA Encoded by YK File Size : 1.58GB and 791MB Quality : 1080p Blu-Ray H264 and 720p Duration :  1h 30mins

Three Kings (1999) ~ IMDb - 7.1/10, Rotten Tomatoes - 94% ~ ဒီကားကတော့ Cast နဲ့တင် ဖြုံလောက်စရာပါ။ George Clooney, Mark Wahlberg, Ice Cube နဲ့ Spike Jonze တို့က အဓိက ပါဝင်သရုပ်ဆောင်ထားပါတယ်။ ဒါရိုက်တာကလည်း ၂၁ ရာစုအမေရိကန် Cinema တစ်ခေတ်ကို အရွေ့‌ဖြစ်စေခဲ့တဲ့ ပြတ်ရွေ့ကြောတွေထဲ တစ်ထောင့်တစ်နေရာက ပါခဲ့တဲ့ David O. Russell ဆိုတော့ Dark Humor ကောင်းကောင်း၊ ဒိုင်ယာလော့ခ် မိုက်မိုက်၊ ရိုက်ကွက်လှလှ နဲ့ ကြည့်ရတာ အတော်ကိုမြိန်စေတဲ့ရုပ်ရှင်တစ်ကားပါပဲ။ ဇာတ်လမ်းကတော့... Gulf war လို့ခေါ်တဲ့ ကူဝိတ်ကို အီရတ်က ကျူးကျော်မှုမှာ အမေရိကန်ရဲ့ ဝင်စွက်ဖက်မှုအပြီးကို ဇာတ်လမ်းအချိန်အရ အခြေခံထားပါတယ်။ George Clooney က အနားယူမယ့်ဗိုလ်မှူး၊ Mark Wahlberg က အိမ်မှာမွေးစကလေးရှိလို့ စီးပွားရေးအရ ခိုင်ချင်တဲ့ဆာဂျင်၊ Ice Cube က ရဲဘော်တွေကို စိတ်မချလို့လိုက်မယ့်လူ၊ Spike Jonze ကတော့ Mark Wahlberg လိုဖြစ်ချင်တဲ့ အူကြောင်ကြောင်ဘဲလေး။ ဒါရိုက်တာ David O. Russell လက်ရာဆိုတဲ့အတိုင်း ဇာတ်ကောင်တွေကို ပြီးပြည့်စုံနေအောင်မလုပ်ထားဘူး။ စစ်ကားဆိုပေမဲ့ အထက်အမိန့်ပဲနာခံပြီး အမြဲ ကိုယ်ကျိုးစွန့်တဲ့သူရဲကောင်းတွေအဖြစ် ဇာတ်ကောင်တွေကိုပုံမဖော်ထားဘူး။ လိုချင်တောင့်တမှုကိုယ်စီနဲ့ "ငါသာဆိုလည်း ဒီလိုနေမှာ" လို့ ထင်ဟပ်‌မိစေမယ့် ဆက်စပ်နိုင်မှုမျိုးကိုပါ ခံစားရစေပါတယ်။ ဒီလိုနဲ့ စစ်ပြီး‌တော့ သူတို့တွေ အီရတ်သုံ့ပန်းတွေကိုခေါ်နေတုန်း သုံ့ပန်းတစ်ယောက်ရဲ့ အမေပေးတဲ့ပေါင်မုန့်တစ်စုံ ကြားမှာ ညှပ်ထားတဲ့ မြေပုံတစ်ခုတွေ့တယ်။ အဲဒီအချိန် ဗိုလ်မှူး George Clooney ကလည်း ကတုတ်ကျင်းတစ်ခုမှာ ဆက်ဒန်ခိုးထားတဲ့ ‌ကူဝိတ်ရွှေတွေ မြုပ်ထားတယ်ဆိုတဲ့သတင်းတစ်ခုရထားတယ်ပေါ့။ အဲဒါနဲ့ သူတို့လေးယောက် လက်ဝါးချင်းရိုက်ပြီး မြေပုံကိစ္စကို အထက်လူကြီးဆီအသိ‌မပေးဘဲ ‌သွားရှာမယ်။ ရှာလို့တွေ့ရင် ခွဲယူပြီး ထိုင်စားမယ်လို့ ဆုံးဖြတ်လိုက်ကြပါတော့တယ်။ ဒါပေမဲ့လည်း အခြေအနေတွေက သူတို့ထင်သလို ပန်းခင်းသောလမ်းတော့ ဟုတ်မနေခဲ့ပါဘူး။ ကူဝိတ်ကိစ္စကို ဖြေရှင်းပြီးပေမဲ့ အီရတ်နိုင်ငံထဲမှာ ဆက်ဒန်ကို ဖြုတ်ချမယ့် သူပုန်တပ်တွေရှိနေပါတယ်။ ဆက်ဒန်တပ်တွေရဲ့ ပြည်သူတွေအပေါ်ဆက်ဆံပုံကိုမြင်တဲ့အချိန်မှာ သူတို့ ၄ ယောက်သား အကြပ်ရိုက်ပါပြီ။ အထက်ကပြောသလို မသိချင်ယောင်ဆောင်မလား။ ဝင်ကူညီမလားပေါ့။ လူသားချင်းစာနာမှုနဲ့ ကိုယ့်ရည်ရွယ်ချက်အကြား ပွတ်တိုက်မှုတွေဖြစ်လာတဲ့အခါ သူတို့ဘာကိုရွေးချယ်ကြမလဲဆိုတာကို ကြည့်ရှူရမှာဖြစ်ပါတယ်။ ကိုယ်တိုင်သတိထားမိတဲ့ ထူးခြားချက်တစ်ခုက ဒိုင်ယာလော့ခ်တွေကို ရှေ့လူစကားပြန်ထပ်ပြောတာပါပဲ။ ဥပမာ - မင်းဒါကိုစားမလို့လားဆိုရင် အေး ငါဒါကိုစားမလို့ ဆိုပြီး ပြန်ကောက်ပြောတာမျိုး။ ဘာကြောင့်လဲတော့မသိပေမဲ့ အဲဒီဟာကပါ ဟာသတစ်ခုလိုဖြစ်သွားတယ်။ ဘယ်လိုမှန်းမသိတဲ့ ရသလေးတစ်ခုပေါ့။ ဆုတွေကလည်း အတော်ကိုရထားတဲ့အပြင် ဒိတ်ဒိတ်ကြဲမင်းသားကြီးတွေနဲ့ ဒိတ်ဒိတ်ကြဲ ဒါရိုက်တာကြီးတို့ရိုက်ထားတဲ့ ဟောင်းပေမဲ့ကောင်း ရုပ်ရှင်လေးဖြစ်တာကြောင့် မထိုင်စတမ်းကြည့်ကောင်းမယ်လို့ မျှော်လင့်ပါတယ်။ (ဒီဇာတ်ကားနဲ့အညွှန်းကို Min Thant Bo မှ ပြန်ဆို ရေးသားထားပါတယ်) Size - 2.7GB, 1.1GB Quality - 1080p, 720p IMDb Rating - 7.1/10 Format - mp4 Duration - 1H 54Min Genre - Action, Adventure, Comedy Subtitle - Myanmar Subtitle (Hardsub) Translated by Min Thant Bo Encoded by Y