Allison Janney ပါဝင်သော ဇာတ်ကားများ

The Dog Stars [2026] ++++++++++++ The Dog Stars (၂၀၂၆) ရုပ်ရှင်ကားဟာ နာမည်ကျော် ဒါရိုက်တာကြီး ရစ်ဒလေ စကော့တ် (Ridley Scott) ကိုယ်တိုင် ရိုက်ကူးထားပြီး ၂၀၂၆ ခုနှစ် သြဂုတ်လကုန်ပိုင်းက ရုံတင်ပြသခဲ့တဲ့ Post-apocalyptic (ကမ္ဘာပျက်ပြီးနောက်ပိုင်း) သိပ္ပံနဲ့ သည်းထိတ်ရင်ဖို စွန့်စားခန်း ဇာတ်ကားကြီး ဖြစ်ပါတယ်။ စာရေးဆရာ ပီတာ ဟဲလာ (Peter Heller) ရဲ့ ၂၀၁၂ ခုနှစ်ထုတ် ရောင်းအားအကောင်းဆုံး ဝတ္ထုကို အသက်သွင်းထားတာပါ။ သရုပ်ဆောင်တွေကတော့ လေယာဉ်မှူး ဟစ်ဂ် အဖြစ် Jacob Elordi စစ်မှုထမ်းဟောင်း ဘန်ဂလီ အဖြစ် Josh Brolin စီမာ အဖြစ် Margaret Qualley စီမာရဲ့ ဖခင် (Pops) အဖြစ် Guy Pearce ဒါလင်း အဖြစ် Allison Janney အာရွန် အဖြစ် Benedict Wong တို့က အဓိက ပါဝင်ထားကြပါတယ်။ ဇာတ်လမ်းအကျဉ်း +++++++++++++ ဇာတ်လမ်းကတော့ ကမ္ဘာကြီးမှာ ဆိုးရွားလှတဲ့ တုပ်ကွေးကပ်ရောဂါကြီး ကျရောက်ပြီးနောက် လူသားအများစု သေဆုံးသွားခဲ့တဲ့ အချိန်ကာလကို နောက်ခံထားပါတယ်။ ဟစ်ဂ် (Hig) ဆိုတဲ့ လေယာဉ်မှူး လူငယ်လေးနဲ့ ဘန်းဂလေ (Bangley) ဆိုတဲ့ စစ်မှုထမ်းဟောင်းတို့ နှစ်ယောက်ဟာ ကိုလိုရာဒို ပြည်နယ်က လူသူကင်းမဲ့တဲ့ နေရာတစ်ခုမှာ အတူတူ ပုန်းအောင်း နေထိုင်ကြပါတယ်။ ဘန်းဂလေ က အစောင့်အကြပ်နဲ့ လုံခြုံရေးကို တာဝန်ယူပြီး၊ ဟစ်ဂ် ကတော့ သူ့ရဲ့ ခွေးလေး ဂျက်စပါ (Jasper) နဲ့အတူ ဟောင်းနွမ်းနေတဲ့ Cessna လေယာဉ်လေးကို မောင်းပြီး ပတ်ဝန်းကျင်ကို ကင်းလှည့်လေ့လာပါတယ်။ ဒီလိုနဲ့ ခြောက်ကပ်ပြီး မျှော်လင့်ချက်မဲ့နေတဲ့ ဘဝမှာ တစ်နေ့တော့ ဟစ်ဂ် ရဲ့ လေယာဉ်ရေဒီယိုစက်ကနေ လျှို့ဝှက်ဆန်းကြယ်တဲ့ အသံလှိုင်းတစ်ခုကို ဖမ်းယူရရှိခဲ့ပါတယ်။ ဒီအသံက အခြားအသက်ရှင်ကျန်ရစ်သူတွေ ရှိနေသေးတယ်ဆိုတဲ့ မျှော်လင့်ချက်ကို ပေးလိုက်တာကြောင့် ဟစ်ဂ် တစ်ယောက် လုံခြုံတဲ့ သူတို့ရဲ့ နေရာလေးကို စွန့်ခွာပြီး အသံလာရာဆီကို စွန့်စားရှာဖွေဖို့ ဆုံးဖြတ်လိုက်ပါတော့တယ်။ ဒီခရီးစဉ်မှာ သူဟာ စီမာ (Cima) လို့ခေါ်တဲ့ အမျိုးသမီးလေး တစ်ယောက်နဲ့ သူမရဲ့ ဖခင်ဖြစ်သူ အပါအဝင် တခြား အသက်ရှင်ကျန်ရစ်သူတွေနဲ့ တွေ့ဆုံရသလို၊ ရက်စက်တဲ့ လူသားစားတဲ့ အုပ်စုတွေလိုမျိုး အန္တရာယ်တွေနဲ့လည်း ရင်ဆိုင်ရပါတော့တယ်။ ဒီဇာတ်ကားဟာ သာမန် ကမ္ဘာပျက် ဇာတ်ကားတွေလို အက်ရှင်သက်သက် မဟုတ်ဘဲ၊ အထီးကျန်ဆန်မှုတွေကြားထဲက လူသားတွေရဲ့ မေတ္တာတရား၊ ယုံကြည်မှုနဲ့ အသက်ရှင်သန်ချင်စိတ်တွေကို သေချာလေး ရိုက်ပြထားတဲ့ ဇာတ်ကားကောင်း တစ်ကားဖြစ်လို့ ညွှန်းပေးလိုက်ပါတယ်ဗျာ။ File Size… (2.08GB) / (1.08GB) Quality… WEB-DL 1080p HEVC / 720p Format…mkv / mp4 Duration…1h 58m Genre …Survival , Action , Sci-Fi , Thriller Subtitle….Myanmar Subtitle (Hard Sub)

Minions & Monsters (2026) 4K HEVC ++++++++++++++ IMDb Rating (6.5) / Rotten Tomatoes (89%) အားလုံးရဲ့ အသဲကျော် မီနီယံတွေ ပြန်လာပါပြီ။ ဒီဇာတ်ကားကတော့ Animation, Adventure နဲ့ Comedy အမျိုးအစား ရုပ်ရှင်ဇာတ်ကားပဲ ဖြစ်ပါတယ်။ ဒါရိုက်တာ Pierre Coffin က ရိုက်ကူးထားပြီး သရုပ်ဆောင်တွေအဖြစ် Pierre Coffin, Christoph Waltz, Jesse Eisenberg, Allison Janney နဲ့ Jeff Bridges တို့က အသံနဲ့ ပါဝင်သရုပ်ဆောင်ထားကြပါတယ်။ ၁၉၂၀ ပြည့်လွန်နှစ်တွေရဲ့ ဟောလိဝုဒ် ရုပ်ရှင်ခေတ်ဦးမှာ ဂရူးနဲ့ မဆုံတွေ့သေးခင် မီနီယံအုပ်စုဟာ မတော်တဆ ရုပ်ရှင်ရိုက်ကွင်းတစ်ခုထဲ ရောက်သွားရင်းကနေ ရုတ်တရက် နာမည်ကြီး မင်းသားတွေ ဖြစ်လာခဲ့ကြရာကနေ ဇာတ်လမ်းစတာပါ။ ဒါပေမဲ့ အသံပါတဲ့ ရုပ်ရှင်ခေတ် ပြောင်းလဲလာတဲ့အခါ မီနီယံဘာသာစကားပဲ ပြောတတ်တဲ့ သူတို့ဟာ ရုပ်ရှင်လောကကနေ စွန့်ပစ်ခံလိုက်ရပါတော့တယ်။ ဒါကို လက်မလျှော့ချင်တဲ့ James, Henry နဲ့ Ed ဆိုတဲ့ မီနီယံသုံးကောင်ဟာ သူတို့ကိုယ်ပိုင် မကောင်းဆိုးဝါး ရုပ်ရှင်ကားကြီး ရိုက်ကူးဖို့ ဆုံးဖြတ်လိုက်ကြပါတယ်။ ရုပ်ရှင်ထဲမှာ သရုပ်ဆောင်ဖို့အတွက် ရှေးဟောင်း ဂါထာစာအုပ်တစ်အုပ်ကို သုံးပြီး မကောင်းဆိုးဝါးတွေကို ဆင့်ခေါ်လိုက်ရာကနေ မထင်မှတ်ဘဲ ကမ္ဘာကြီးကို ဖျက်ဆီးမယ့် မိစ္ဆာကြီး ထွက်ပေါ်လာတဲ့အခါ မီနီယံတွေဟာ ကမ္ဘာကြီးကို ပြန်လည်ကယ်တင်ဖို့ ပရမ်းပတာ စွန့်စားကြရပါတော့တယ်။ File Size… (4.87GB)/(1.77GB) / (0.99GB) Quality…WEB-DL 4K HEVC /1080p HEVC / 720p Format…mkv / mp4 Duration…1h 30m Genre …Adventure, Animation, Comedy, Family, and Fantasy Subtitle….Myanmar Subtitle (Hard Sub)

"Miss You, Love You" (၂၀၂၆) ဇာတ်ကားဟာ ချစ်ရသူတစ်ဦးကို ဆုံးရှုံးလိုက်ရပြီးနောက် ကျန်ရစ်သူတွေရဲ့ ဝမ်းနည်းကြေကွဲမှု၊ နာကျင်မှုနဲ့ စိတ်ဒဏ်ရာတွေကို ကုစားခြင်းအကြောင်းကို နက်နက်ရှိုင်းရှိုင်းနဲ့ ထိထိမိမိ တင်ဆက်ထားတဲ့ ရုပ်ရှင်ကားကောင်း တစ်ကားဖြစ်ပါတယ်။ ပြဇာတ်ဆန်ဆန် (filmed theater) ရိုက်ကူးတင်ဆက်ထားပြီး အဓိက ဇာတ်ကောင်နှစ်ဦးရဲ့ စိတ်ခံစားချက် အတက်အကျတွေအပေါ် အခြေခံကာ ဇာတ်လမ်းကို ဆွဲခေါ်သွားတာ ဖြစ်ပါတယ်။ ဇာတ်လမ်းဟာ ပါကင်ဆန်ရောဂါနဲ့ ကာလကြာရှည် ခံစားခဲ့ရပြီးနောက် ကွယ်လွန်သွားတဲ့ ဟင်နရီ သေဆုံးပြီးခါစ အချိန်ကနေ စတင်ထားပါတယ်။ နယူးမက္ကဆီကို သဲကန္တာရဒေသမှာ အခြေတည်ထားပြီး၊ ခင်ပွန်းသည် ဆုံးပါးသွားလို့ ပူဆွေးသောကရောက်နေတဲ့ ဇနီးသည် ဒိုင်ယန်း (Diane) နဲ့ သူမနဲ့ ဆက်ဆံရေး အေးစက်နေတဲ့ တိုင်လာ တို့ကြားက တင်းမာမှုတွေကို အဓိကထား ရိုက်ကူးထားပါတယ်။ ဒီကားရဲ့ အသက်ကတော့ ဇာတ်ဆောင်တွေရဲ့ အပြစ်ပြောစရာမရှိတဲ့ သရုပ်ဆောင်မှုပါပဲ။ ဒိုင်ယန်းရဲ့ ချက်ချင်းလက်ငင်း ကြုံတွေ့ရတဲ့ ဝမ်းနည်းကြေကွဲမှု၊ နှစ်သိမ့်ပေးဖို့ ကြိုးစားသူတွေအပေါ် ဒေါသထွက်မှုတွေကို ဇာတ်ကားအစမှာတင် ပီပြင်စွာ မြင်တွေ့ရမှာပါ။ အထူးသဖြင့် ဇာတ်သိမ်းပိုင်းမှာ သရုပ်ဆောင်နှစ်ဦးစလုံးရဲ့ အကောင်းဆုံး စွမ်းဆောင်ရည်တွေနဲ့ ပရိသတ်ကို မျက်ရည်လည်စေခဲ့ပါတယ်။ တဟားဟား ရယ်မောရတဲ့ ဇာတ်ကားမျိုး မဟုတ်ပေမယ့် ဇာတ်ကောင်တွေရဲ့ ခိုင်မာတဲ့ စရိုက်လက္ခဏာတွေနဲ့ အပြန်အလှန် စကားပြောခန်း တွေက ဇာတ်ကားကို မပျင်းရအောင် ဆွဲခေါ်သွားနိုင်ပါတယ်။ Miss You, Love You" ဟာ ကြီးမားတဲ့ အက်ရှင်တွေ၊ အထူးပြုလုပ်ချက်တွေ ပါဝင်တဲ့ ဇာတ်ကားမျိုး မဟုတ်ဘဲ လူ့သဘာဝ၊ နာကျင်မှုနဲ့ နားလည်ခွင့်လွှတ်ခြင်းတွေကို ရိုးရိုးရှင်းရှင်း တင်ဆက်ထားတဲ့ ဇာတ်ကား ဖြစ်ပါတယ်။ ရုပ်ရှင်ထက် ပြဇာတ်တစ်ပုဒ်ကို ထိုင်ကြည့်နေရသလို ခံစားချက်မျိုး ပေးစွမ်းနိုင်ပြီး ဇာတ်အိမ်ခိုင်ခိုင်နဲ့ သရုပ်ဆောင်ကောင်းကောင်း ကြည့်ချင်သူတွေအတွက်တော့ အချိန်ပေးရကျိုးနပ်မယ့် ဇာတ်ကားလေးပဲ ဖြစ်ပါတယ်။ File size…    1.73 GB / 578MB Quality… WEB-DL 1080p / 720p Format… mp4 Duration…. 1h 38m Genre ..... Drama Subtitle…. Myanmar Subtitle (Hard Sub)

The Roses (2025) IMDb Rating (6.9) / Rotten Tomatoes (65%) လန်ဒန်မြို့ထဲ တစ်နေ့ လူလည်းများ၊ ကားလည်းများ နေ့လယ်ခင်းမှာ သီယို ဆိုတဲ့ ဗိသုကာပညာရှင်ကောင်လေး နဲ့ အိုင်ဗီ ဆိုတဲ့ စတီစ်လေး ဆုံကြတယ်။ အိုင်ဗီက အမေရိက သွားပြီး ကိုယ်ပိုင်စီးပွားရေး လုပ်ချင်တယ်ဆိုပြီး အိပ်မက်တွေအကြီးကြီး ပြောနေတာ။ သီယိုက ကြွေသွားပြီး “အိုကေ၊ ငါလည်း လိုက်မယ်” ဆိုပြီး လက်တွဲလိုက်လာခဲ့တာ နှစ်နှစ်လောက်ကြာတော့ ဘဝက ချောချောမွေ့မွေ့ အလုပ်ကလည်း တိုးတက်၊အိမ်ထောင်က အဆင်ပြေ ကလေးတွေက ချစ်စရာကောင် ဘယ်သူမှ မထင်ထားဘူး၊ ဒီလို ချောချောမွေ့မွေ့ ဘဝအောက်မှာ တိမ်တိုက်တွေ စုနေတယ်ဆိုတာ တစ်နေ့ သီယိုရဲ့အလုပ်က ပြုတ်သွားတယ်။ အိုင်ဗီကတော့ သူ့ရည်မှန်းချက်တွေ တစ်ခုပြီးတစ်ခု ဖြစ်လာတယ် အဲဒီနေ့ကစပြီး နှစ်ယောက်ကြားထဲ ပြိုင်ဆိုင်မှု စလာတယ် ဖုံးထားတဲ့ မကျေနပ်တာ၊ မနာလိုတာ၊ အားနာတာတွေ တစ်ခုပြီးတစ်ခု ထွက်ပေါ်လာတယ် အိမ်ထောင်ရေးက လှုပ်လှုပ်ရှားရှား ဖြစ်သွားတယ်။ ဒါပေမဲ့ ဒီဇာတ်လမ်းက ဟာသလေး နဲ့ ရောထားတယ် ခါတိုင်း အိမ်ထောင်ရေး ဇာတ်လမ်းတွေလို မှောင်မှောင်မိုက်မိုက် မဟုတ်ဘူး ရယ်စရာ၊ နှလုံးသားထဲ ထိမိပြီး တခါတလေ ကိုယ့်ဘဝကို ပြန်တွေးမိစရာ အပိုင်းတွေ ပါလာတယ်။ ဘန်နီကစ် ကမ်ဘာဘက် နဲ့ အိုလီဗီယာ ကော်မန် တို့ သရုပ်ဆောင်ထားတာ အရမ်းကောင်းတယ် ဟာသလေး ထည့်ရင်း နှလုံးသားထဲ ထိအောင် သရုပ်ဆောင်နိုင်တယ် ဒါရိုက်တာ ဂျေး ရို့ နဲ့ ဇာတ်ညွှန်းရေး တိုနီ မက်နမာရာ တို့ လက်ရာတခုပါ။ တစ်ခါတလေ အိမ်ထောင်ရေး ဆိုတာ မပြည့်စုံဘူးဆိုတာ သိလိုက်ရပေမယ့်၊ အဲဒီ မပြည့်စုံတဲ့အထဲမှာ ပျော်ရွှင်မှု ရှိနေသေးတယ်ဆိုတာ ဒီဇာတ်လမ်းက ပြောပြနေတယ်။ File size… (6.3 GB) / (2.1 GB) / (1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy, Drama Duration…. 01:45:00 Subtitle…. Myanmar Subtitle (Hardsub)

Everything's Going to Be Great (2025) IMDb Rating (5.5) / Rotten Tomatoes (63%) ဒီတစ်ခါမှာတော့ Comedy/Drama ဇာတ်ကားလေးတစ်ခုကိုတင်ဆက်ပေးချင်ပါတယ်။ ဒီဇာတ်ကားမှာ Breaking Bad ထဲကမင်းသားကြီး Bryan Cranston, Allisson Janneyနဲ့ Benjamin Evan Ainsworth တို့က အဓိကပါဝင်ထားပါတယ်။ ဇာတ်လမ်းအကျဥ်း ဖျော်ဖြေရေးလောကမှာ စားဝတ်နေရေးအတွက် ပြဇာတ်ကစားပြီးရပ်တည်နေတဲ့ ဘက်ဒီနဲ့မေစီစမတ်တို့ဟာ ဒဲရစ်နဲ့လက်စတာဆိုတဲ့သားနှစ်ယောက်နဲ့အတူနေထိုင်ကြပါတယ်။ ဒေသခံပြဇာတ်ရုံအသေးလေးမှာပဲပြဇာတ်ကရင်း အိမ်ရဲ့စီးပွားရေးက ပြေလည်တစ်လှည့် ကြပ်တည်းတစ်လှည့်ပေါ့။ သားနှစ်ယောက်ကလည်း ဝါသနာမတူဘဲ မကြာခဏအချင်းများလေ့ရှိကြတယ်။ သားအငယ်လက်စတာကတော့ အဖေတူသားပီပီ ပြဇာတ်တွေမှာပါဝင်သရုပ်ဆောင်ရတာကိုခုံမင်ပေမဲ့ အကြီးဖြစ်သူဒဲရစ်ကတော့ ဘောလုံးအားကစားကိုဝါသနာပါပေမဲ့ လိုအပ်တဲ့အခါဖျော်ဖြေမှုမှာပါဝင်ရပါတယ်။ တစ်ရက်မှာ နယူးဂျာစီမှာရှိတဲ့ပြဇာတ်အကြီးမှာဖျော်ဖြေဖို့အခွင့်အရေးရလာပြီး ထိုဖျော်ဖြေမှုအောင်မြင်ခဲ့ပါက ဘဝပြောင်းနိုင်မယ့်အခွင့်အရေးကြီးမလို့ ရည်မှန်းချက်ကြီးမားတဲ့ဘက်ဒီတစ်ယောက် အားလုံးကိုပုံအောလောင်းကြေးထပ်ပြီး နယူးဂျာစီမြို့ကိုပြောင်းလာပါတယ်။ အောင်မြင်ရင်ရရှိမယ့်ဆုလဒ်ကကြီးမားသလို ဆုံးရှုံးခဲ့ရင်လည်းဘာမှမကျန်တော့တဲ့အထိဖြစ်မှာမလို့........သူတို့အောင်မြင်သွားကြပါ့မလား။ မမျှော်လင့်ထားတဲ့အခက်အခဲတွေ အခြေအနေတွေကြုံတွေ့ရပါတော့တယ်။ (အညွှန်းနဲ့ဘာသာပြန်ကတော့ Rybujane ဖြစ်ပါတယ်။) File size… (3.8 GB) / (1.3 GB) / (660 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy,Drama Duration…. 01:35:37 Subtitle…. Myanmar Subtitle (Hardsub) Encoder…. Double K Translated by Rybujane

Another Simple Favor (2025) IMDb Rating (5.3) / Rotten Tomatoes (66%) ဒါကတော့ A Simple Favor 2018 ရဲ့ Sequel ပါ။ ပထမ movie ဖြစ်ပြီးကာလ ငါးနှစ်အကြာမှာ ဇာတ်အိမ်တည်ထားပြီး စတစ်ဖနီစမတ်တာက မှုခင်းအစစ်အမှန်ဘလောကာတစ်ယောက်ဖြစ်နေပါပြီ။ သူနဲ့အမ်မလီနဲဆွန်ရဲ့ ဆက်ဆံရေးနဲ့ အမ်မလီထောင်ထဲ၀င်ခဲ့ရတဲ့အကြောင်းတွေကို စာအုပ်ထုတ်ထားပြီး အောင်မြင်နေပါတယ်။ ဒါပေမဲ့ သူ့စာဖတ်ပွဲမှာ ထောင်ထဲမှာရှိနေရမယ့် အမ်မလီက ခံ၀န်နဲ့လွတ်လာကာ ဗြုန်းစားကြီးရောက်ချလာပြီး အီတလီသူဌေးတစ်ယောက်နဲ့အကြောင်းပါပြီး လက်ထပ်တော့မှာမို့လို့ဆိုပြီး စတစ်ဖနီကို လက်ထပ်ပွဲမှာ သူ့သတို့သမီးအရံနဲ့ဖိတ်ပါတယ်။ သူ့ကိုလက်စားချေမယ်လို့ထင်နေတဲ့ စတစ်ဖနီက မသွားချင်ပေမယ့် အမ်မလီက အကျပ်ကိုင်သွားတာကြောင့် ကာပရီကလက်ထပ်ပွဲကို သွားရဖို့ဖြစ်လာပါတယ်။ အမ်မလီ သူ့ကိုဖိတ်ရတဲ့ အကြောင်းရင်းက သူတကယ်ပဲပြောင်းလဲသွားလို့လား ဒါမှမဟုတ် လက်စားချေချင်လို့ပဲလားဆိုတာကိုတော့ ကိုယ်တိုင်ပဲကြည့်လိုက်ကြပါ။ Cast တွေ‌အနေနဲ့ကတော့ အမ်မလီအနေနဲ့ Blake lively , စတစ်ဖနီအနေနဲ့ Anna Kendrick , အမ်မလီရဲ့ခင်ပွန်းလောင်း ဒန်တီ အနေနဲ့ကတော့ Michele Morrone ကပါ၀င်ထားပါတယ်။ (အညွှန်းနဲ့ဘာသာပြန်ကတော့ Phu Thet Khin ဖြစ်ပါတယ်။) File size… (7.5 GB) / (2.7 GB) / (1.3 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy, Crime, Mystery, Thriller Duration…. 02:02:42 Subtitle…. Myanmar Subtitle (Hardsub) Encoder…. Benjamin Translated by Phu Thet Khin

နာမည်ကျော် ဟာသဝတ္ထုဖြစ်တဲ့ Mr and Mrs American Pie ဝတ္ထုကို အခြေခံရိုက်ကူးထားတဲ့ Apple Tv+ရဲ့ Palm Royale series 1969 ခုနှစ်ကာလကို အခြေခံထားတဲ့ ဒီစီးရီးလေးမှာတော့ ကျွန်တော်တိုရဲ့ဇာတ်လိုက်ကျော်မက်ဆင်းကို ခြုံခြားက‌နေ ဘုံဖျားကိုတက်လှမ်းဖို အမျိုးမျိုးကြံစည်နေတဲ့ social climberအနေနဲ့ မြင်တွေ့ရမှာပါ။ ဒါပေမဲ့ ဝတ္ထုဖတ်ဖူးသူတွေဆိုရင်တော့ ဒီsocial climberရုပ်ရှင်လေးက တခြားဇာတ်လမ်းတွေလို ဒရာမာမများဘဲ အခွီတစ်လိုင်းဖြစ်နေတာကိုတွေ့ရမှာပါ။ ဒီတော့ ဇာတ်လမ်းကိုဆက်ကြပါစို။ ဇာတ်လမ်းလေးကိုတော့ မက်ဆင်းဆင်မွန်စ်တစ်ယောက် West Palm Beachက Palm Royale ဆိုတဲ့ ဒိတ်ဒိတ်ကြဲသူဌေးမကြီးများ ငွေလာဖြုန်းတဲ့ကလပ်ထဲကိုဝင်ဖို ကြိုးစားနေတာနဲ့ အစပျိုးထားပါတယ်။ ဒါပေမဲ့ နှယ်နှယ်ရရကလပ်မဟုတ်တာကြောင့် ခိုးဝင်ဖို ဝင်ရောဖိုလုပ်ရင်းနဲ့ မက်ဆင်းတစ်ယောက် ဘလက်လစ်သွင်းခံရတဲ့ဆီရောက်သွားပါတော့တယ်။ Palm Royale ထဲဝင်ဖိုဆိုရင် ပထမဆုံးလိုအပ်တာက သူ့ကိုထောက်ခံပေးမယ့် အဖွဲဝင်ဖြစ်ပြီးသားသူ ရှိဖိုလိုတာဖြစ်ပြီး တိုက်တိုက်ဆိုင်ဆိုင်ပဲ ကလပ်ထဲဝင်တာ မကြာသေးပေမဲ့ Palm Royaleမှာနှစ်ရှည်လများ ကြီးစိုးနေတဲ့ အယ်ဗလင်းနဲ့ ပခုံးချင်းယှဉ်ဖိုလုပ်‌နေတဲ့ ဒီနာကို သူ့ကောင်လေးနဲ့ စကားများနေတာသွားတွေ့ပါတော့တယ်။ ဒီနာဆိုတဲ့လှေကားထစ်ကိုအသုံးချရင်း မက်ဆင်းတစ်ယောက် Palm Royaleကို ဘယ်လိုဝင်ဖိုရုန်းကန်မလဲ။ ကိုယ်တိုင်မျိုးကြီးရိုးကြီးက ချွေးမတစ်ယောက်ဖြစ်ပေမဲ့ ဘာလိုခြုံကြားထဲရောက်နေတာလဲ။ ဒီဘဝကနေလွတ်ဖို Palm Royaleကသူ့အတွက် အဖြေဖြစ်လာမလားဆိုတာ ဆက်လက်ရှုစားလိုက်ရအောင်ပါ။ ( ဘာသာပြန်ပြီး အညွှန်းရေးသားထားသူကတော့ Satan ပါ ) Quality_Blu-Ray 1080p Format_mp4 Aired: March 20, 2024 Original Network: Apple TV+ Duration_00:50:00 Genre_Drama Subtitle_Myanmar Subtitle (Hardsub) Encoder_a hao Translated by Satan

စက်ရုပ်မျိုးနွယ်ရဲ့ နောက်ဆုံးလက်နက်ကို ရှာပြီး ဖျက်ဆီးဖို့ တာဝန် ပေးခံရတဲ့ လူသားတပ်သားတစ်ယောက်အကြောင်းကို သိပ္ပံစွန့်စားခန်း အက်ရှင်အဖြစ် Godzilla 2014 တို့ Rogue One တို့ရဲ့ ဒါရိုက်တာ Gareth Edwards က ရိုက်ကူးထားတာပါ။ ခေါင်းဆောင်မင်းသားအဖြစ် TENET ထဲက မင်းသား John David Washington (ဒန်ဇယ် ဝါရှင်တန် ရဲ့သား) က ပါဝင်ထားပါတယ်။ IMDb 7.1 အထိ ရရှိထားပါတယ်။ ဇာတ်လမ်းအကျဉ်း - ထုံးစံအတိုင်း စောင်ပျင်းမျိုးနွယ်ဖြစ်တဲ့လူတွေဟာ ခိုင်းစားဖို့ စက်ရုပ်တွေ တီထွင်ပါတယ်။ ခိုင်းလို့ကောင်း‌အောင် စက်အသိဉာဏ်တွေ ဖန်တီးခဲ့ပါတယ်။ ဒါပေမဲ့ စက်တွေကနေ လူတွေကို လော့စ်အန်ဂျလိမှာ အဏုမြူဗုံးတစ်လုံး ကျဲချလိုက်ချိန်မှာ အရာရာပြောင်းလဲသွားပါတော့တယ်။ ကမ္ဘာ့အနောက်ခြမ်း တစ်ခုလုံးက အသိဉာဏ်ရှိစက်ရုပ်တွေကို ရှင်းပစ်ဖို့ ကြိုးစားတဲ့ တပ်ပေါင်းစု ကြီးဖြစ်လာပြီး၊ အာရှသစ်လို့ခေါ်တဲ့ အရှေ့ပိုင်းမှာတော့ လူတွေနဲ့ စက်တွေ ယှဉ်တွဲနေထိုင်ကြပါတယ်။ တစ်နေ့မှာတော့ လူတွေအားလုံးကို အပြီးသတ် ရှင်းပစ်နိုင်မဲ့လက်နက်တစ်ခုကို စက်ရုပ်တွေဘက်က နမာတာဆိုတဲ့သိပ္ပံပညာ ရှင်က တီထွင်လိုက်တဲ့ သတင်းထွက်ပေါ်လာပါတယ်။ အဲဒီစက်ကို ရှင်းပစ်ဖို့ ကြိုးစားရင်း တိုက်ပွဲတွေဖြစ်လာပုံကို ပြထားတာပါ။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(6.86 GB) / (3.36 GB) / (697 MB) Quality............WEB-DL 4K HEVC / 1080p / 720p Duration.........2Hr 13Min Subtitle...........Myanmar Hardsub Format............MP4, MKV Genre..............Action, Adventure, Drama Translator.......Mr.Anderson Encoder..........SWM, Thit San Khant

Lou (2022) (1080p ရပါပြီ) အသစ်ထွက်ရှိလာတဲ့ Action, Crime, Drama အမျိုးအစားဖြစ်ပြီး ဇာတ်ကောင်လေး လက်တစ်ဆုပ်စာရယ် Plot twist တွေရယ်နဲ့ ဆွဲဆောင်မှုရှိတဲ့ ဇာတ်ကားဖြစ်ပါတယ်။ လူးက အမေရိကားနိုင်ငံက ကျွန်းလေးတစ်ကျွန်းမှာ ခွေးတစ်ကောင်နဲ့ တစ်ကိုယ်တည်း ဘဝကိုရှင်သန်နေတဲ့အမျိုးသမီးကြီးတစ်ဦးပါ။ ဟန်နာနဲ့ ဗီကတော့ သူ့အိမ်ကိုငှါးနေရတဲ့ သားအမိနှစ်ယောက်ပေါ့။ ဗီလေးရဲ့ ဖခင်ကတော့ ဆုံးပါးသွားပြီလို့ ဆိုထားပါတယ်။ မုန်တိုင်းထန်တဲ့တစ်ညမှာ ဗီလေးကို လူတစ်ယောက်က ပြန်ပေးဆွဲသွားတဲ့အခါ မိခင်ဖြစ်သူ ဟန်နာတစ်ယောက် အပေါက်ဆိုးပြီး ပဟေဠိဆန်တဲ့ လူးနဲ့အတူ သမီးပျောက်ရှာပုံတော်ထွက်ပါတော့တယ် ဒီလိုနဲ့ တဖြည်းဖြည်း လူးရဲ့ ရှုပ်ထွေးပွေလီတဲ့ နောက်ကြောင်းရာဇဝင်တွေကို တစွန်းတစ်စသိလာရတဲ့အခါ ... (ဇာတ်လမ်းအညွှန်းနဲ့ ဘာသာပြန်ကတော့ May Myat Thu က ပါ။) File Size          : 2.3GB, 823MB, 385MB Quality            : 1080p WEB-DL AC3 5.1CH, 720p WEB-DL, 480p Format            : mp4 Duration         : 1hr & 47mins Genre              : Comedy Translated by May Myat Thu Encoded by Kinnov

အဒမ်စ်မိသားစု ကာတွန်းလေး လာပါပြီ။ ဇာတ်လမ်းကတော့ ဟိုတယ်ထရန်ဆဗေးနီးယား နဲ့ နည်းနည်းဆင်ပါတယ်။ အဒမ်မိသားစုဟာ သီးခြားဆန်စွာ ထူးထူးဆန်းဆန်းနေတတ်တဲ့ မိသားစုတွေပါ။ အပြင်လောကကို စိတ်ကုန်ပြီးရှောင်ပုန်းနေသူတွေဆိုလည်းဟုတ်ပါတယ်။ တစ်နေ့မှာတော့ သူတို့အိမ်ရှိနေတဲ့ တောင်ကုန်းရဲ့အောက်မှာ အိမ်အလှဆင်လုပ်ငန်းရှင် မာဂေါ့ နိဒလာက မြို့အိမ်ယာအသစ်လာတည်ထောင်ပြီး လူတွေကို ကြော်ငြာပြ ရောင်းချဖို့ စီစဉ်ပါတော့တယ်။ ဒါပေမယ့် သူ့ရဲ့ အိမ်ယာရှုခင်းမှာ အရုပ်ဆိုးနေတဲ့ အဒမ်စ်စံအိမ်ကြီးက ဖျက်နေတော့ မာဂေ့ါနဲ့ အဒမ်စ်မိသားစု ထိပ်တိုက်တွေ့ဖို့ ဖြစ်လာပါတော့တယ်။ ဒီကာတွန်းလေးကတော့ သရော်ကာတွန်းအမျိုးအစားပါပဲ။ အချို့သောလူတွေရဲ့အူကြောင်ကြောင်စိတ်ကူးတွေ၊ ဆိုရှယ်မီဒီယာ အယုံလွယ်တာတွေ စတာမျိုးတွေကို အတည်ပေါက်နဲ့ ထိထိမိမိလေးလှောင်ထား တွယ်ထားပါတယ်။ ရယ်လည်းရယ်ရသလို ဆွဲဆောင်မှုလည်းရှိပါတယ်....Animation ကားကြိုက်သူတွေအတွက် လွန်စွာစိတ်ကျေနပ်စေမယ့် ကားလည်းဖြစ်ပါတယ်.. File Size : (850 MB) Quality : WEB-DL 720p Format…mp4 Duration…01:26:00 Genre : Animation,Comedy,Family Subtitle : Myanmar Subtitle (Hard Sub) Translated by Littleneo Encoded by Phyo Pyae

ဒီရုပ်ရှင်က ၂၀၁၉ ခုနစ်ထွက် Biography/ Crime ဇာတ်ကားဖြစ်တယ် ပြောရရင်တော့ ဖြစ်ရပ်မှန်ပေါ့ဗျာ... ဒီရုပ်ရှင်ရဲ့ ဇာတ်လမ်းအကျဉ်းက... ဖရန့်ဆိုတဲ့ လူတစ်ယောက်ရှိတယ် သူက ကျောင်းဆရာဟောင်း.. အခုတော့ ရိုဆလင်းပြည်နယ်က အစိုးရကျောင်းမှာ ကျောင်းအကျိုးတော်ဆောင်ကောင်းတစ်ယောက်ဖြစ်နေပြီ.. သူက သိပ်ကိုတော်တဲ့လူတစ်ယောက်... သိပ်ဦးနှောက်ကောင်းတယ်... ဒီကျောင်းကြီးကို သုညအဆင့်ကနေ ထိတ်ထိတ်ကြဲကျောင်းကောင်းစာရင်းဝင်လာအောင် သူပဲလုပ်ပေးခဲ့တာ... ကလေးမိဘတွေကို သိမ်းသွင်းတတ်သလို လုပ်ဖော်ကိုင်ဘက်တွေကလည်း သိပ်လေးစားချစ်ခင်ကြတာပေါ့.... ဒီလောက်ထိပြီးပြည့်စုံနေတဲ့သူတစ်ယောက်ဆိုတာ ရှိပါ့မလား... ဒီကားကို ဘာလို့ကြည့်သင့်လဲဆိုတော့ နံပါတ်တစ်က Huge Jackman က ဖရန့်နေရာမှာ အပိုအလိုမရှိ ကွက်တိ... နံပါတ်နှစ် IMDB 7.2/10 ရထားတယ် နံပါတ်သုံး ကောင်းကိုကောင်းလို့ဗျာ File Size : ( 1 GB , 370 MB) Quality : WEBRip 720p Running Time : 1 hr 48 min Format : Mp4 Genre : Biography , Comedy , Crime Subtitle : Myanmar Subtitle (Hard Sub) Translated by May Myat Thu Encoded by Moe Myint Lwin

ဒါကတော့ 2019ရဲ့ လူစောင့်ကြည့်ခံရတဲ့ကားတွေထဲကတစ်ကားဆိုတာကတော့ ရုပ်ရှင်နဲ့ရင်းနှီးသူတွေသိပြီးသားဖြစ်မှာပါ။ ရုပ်သံတင်ဆက်သူအမျိုးသမီးတွေကိုဇာတ်အိမ်တည်ထားတဲ့အတွက် တကယ့်အ‌ချောအလှဒိတ်ဒိတ်ကြဲမင်းသမီးတွေဖြစ်တဲ့ Charlize Theron, Nicole Kidman နဲ့ Margot Robbieတို့ ဦးဆောင်ပါဝင်ထားတာပါ။ Charlize Theronနဲ့ Margot Robbieတို့ Oscar ဆန်ကာတင်စာရင်းတွေဝင်ပြီး တခြားဆုတွေရရှိပြီး အောင်မြင်မှုရခဲ့ပါတယ်။ ဇာတ်လမ်းကတော့ Republicanပါတီကိုအလေးပေးတဲ့ Fox News ရုပ်မြင်သံကြားချန်နယ်အတွင်း အမျိုးသမီးအစီစဉ်တင်ဆက်သူများစွာဟာ ခေါင်းဆောင်ပိုင်းအမျိုးသားတွေရဲ့ လိင်ပိုင်းဆိုင်ရာနှောက်ယှက်ခံရမှု၊ ဖိအားပေးခံရမှုတွေကိုခံခဲ့ရတဲ့အကြောင်းပါ။ ရာထူးအာဏာကြီးပြီး ပိုက်ဆံကျောထောက်နောက်ခံရှိတဲ့သူကို တရားစွဲဖို့လုပ်ရင်း ဘယ်လိုဂယက်တွေကြုံတွေ့ဆိုတာမြင်ရမှာပါ။ အပြင်မှာလည်း လိင်ပိုင်းဆိုင်ရာနှောက်ယှက်ခံရသူအမျိုးသမီးများစွာလည်းရှိနေပါတယ်။ တစ်ချို့ကတော့ လိင်ကိစ္စနှင့်အောင်မြင်မှုကို လဲလှယ်ခဲ့ကြသူတွေပေါ့။ နစ်နာသူတစ်ယောက်ယောက်က မဖွင့်ဟခဲ့လို့ တခြားသူတွေပါနစ်နာရတဲ့အဖြစ်မျိုးတွေဖြစ်ရတာကိုပြသသွားခဲ့ပါတယ်။ မင်းသမီးတွေကိုကြည့်ရတာနဲ့တင်တန်နေတာမို့ ခံစားကြည့်ရှုကြည့်ပါအုံး။ File Size : ( 1 GB , 372 MB ) Quality : WEB-DL 720p Running Time : 1 hr 49 min Format : Mp4 Genre : Biography , Drama Subtitle : Myanmar Subtitle (Hard Sub) Translated by Moe Lay Encoded by Moe Myint Lwin

I, Tonya(2017) IMDb....7.5,,,,Rotten...89 Biography တွေကို ပြန်ရိုက်တဲ့ဇာတ်ကားတွေ .. အထူးသဖြင့်  ကြည့်ရှုသူ ပရိသတ်ကို ပြန်ပြောလေ့ရှိတဲ့ပုံစံမျိုးရိုက်တဲ့ ဇာတ်ကားတွေဟာ ကျွန်တော့်အမြင်ပြောရရင် အများအားဖြင့်  အတော်လေးပျင်းရိဖွယ်ကောင်းလှတယ်...ဖြစ်ရပ်မှန်ဆိုတဲ့ ဘောင်ကြီးကွပ်ထားလေတော့ ဒါရိုက်တာက မူရင်းနဲ့  သွေဖီမသွားအောင်ရိုက်ရင်း  ကြည့်ရှုသူအနေနဲ့ ပျင်းသွားတတ်တယ်... အဲဒီလိုကားတွေထဲမှ ရေခဲစကိတ်စီးအားကစားမယ် Tonya Harding အကြောင်းကိုရိုက်ထားတဲ့ ယ္ခုဇာတ်ကားကတော့ ပျင်းရိစရာမကောင်းတဲ့အပြင် ဇာတ်လမ်းအစမှ အဆုံးထိ ဆွဲဆောင်မှုရှိလွန်းလှတယ်... Tonya ရဲ့ငယ်ဘဝ၊ မိခင်ဖြစ်သူရဲ့အကြင်နာမဲ့တဲ့ ဆက်ဆံရေးတွေကနေ စရိုက်ဆန်တဲ့ အပျိုပေါက် တစ်ယောက်ဖြစ်လာပုံတွေ၊ သူမဘဝတစ်ခုလုံးနီးပါးကို နောင်မှာ ဖျက်ဆီးပစ်လာမဲ့ ယောကျ်ားတစ်ယောက်နဲ့ ချစ်ကြိုက်မိပြီး အိမ်ထောင်ကျကာ အိမ်ထောင်ရေးအဆင်မပြေဖြစ်ခဲ့ပုံတွေ၊ သူမ အားကစားလောကရဲ့ ဘဝအနိမ့်အမြင့်တွေ၊ အနိုင် အရှုံးတွေနဲ့သူမဘဝတစ်ခုလုံးကို အပြောင်းအလဲဖြစ်လာစေမဲ့ ဖြစ်ရပ်တစ်ခု ဖြစ်လာပုံတွေကို တင်ပြသွားခဲ့တယ်။ ရေခဲစကိတ်အကြောင်းကို စိတ်မဝင်စား Tonya Harding ဆိုတာလည်း ဘယ်သူမှန်းမသိတဲ့ ကျွန်တော်ဟာ ဒီကားကြည့်ပြီး သူ့အကြောင်းတွေပြေးဖတ်ရ နီးစပ်ရာသူငယ်ချင်းတွေကို ကားကောင်းမို့ကြည့်ဖို့ ညွှန်းဆိုရနဲ့။ ခင်ဗျားဟာ  Drama ကြိုက်သူပဲဖြစ်ဖြစ် ဖိုက်တင်ကားတွေကြိုက်သူပဲဖြစ်ဖြစ် ဘယ်လိုရုပ်ရှင်အမျိုးအစကားကိုပဲကြိုက်ကြိုက် ဒီကားလေးကိုတော့ကြည့်စေချင်တယ်...မင်းသမီးချော Magot Robbie ရဲ့အကောင်းမွန်ဆုံးသောသရုပ်ဆောင်ချက်တွေကြောင့် အော်စကာဆန်ကာတင်စာရင်းလည်း ဝင်ခဲ့တယ်... ဇာတ်လမ်းကို ၁၀မိနစ်လောက်လေးပဲ မြည်းစမ်းစေချင်တယ်....ဆက်ကြည့်ဖို့ မဆွဲဆောင်နိုင်ဘူးဆိုရင်တော့......... ဇာတ်လမ်းအညွှန်းနဲ့ ဘာသာပြန်သူကတော့ Ye Pye Sone ပဲဖြစ်ပါတယ်... File Size : 2.1GB, 813MB Quality : Blu-Ray Format…mp4 Duration…02:00:00 Genre :  Biography, Comedy, Drama Subtitle : Myanmar Subtitle (Hard Sub) Translated by Ye Pye Sone Encoded by AHtet

မျက်လုံးလေး ပြူးပြူးနဲ့ အဖြစ်အပျက်တွေကို ကြာကြာမခံပဲ မေ့တတ်တဲ့ Dory ဟာ တစ်နေ့တော့ အကြောင်းတစ်ခုကြောင့် သူ့အဖေနဲ့ အမေကို ပြန်သတိရလာတာကနေ သူ့သူငယ်ချင်းတွေဖြစ်တဲ့ Merlinနဲ့ Nemo တို့ရဲ့ အကူအညီကို ယူပြီး သူ့မိဘတွေကို ပြန်တွေ့ချင်ဇောနဲ့ ရှာပုံတော်ခရီးဖွင့်ပါတော့တယ်.... ဒီကားဟာ Finding Nemo အပြီး နောင် ဆယ့်သုံးနှစ်ကြာမှ ထွက်လာခဲ့တာ ဖြစ်ပါတယ် ထွက်လာတော့လည်း Finding Nemo လောက်တော့ ဇာတ်လမ်းပိုင်း မကောင်း ထပ်တူကျနေခဲ့ပေမယ့်လည်း Finding Nemo လောက်ကို ခံစားရအောင်လုပ်ပြီး Messageတွေ ပေးသွားခဲ့တယ် ငါးပြာလေး ဒိုရီဟာ သူ့မိဘတွေနဲ့ ပြန်တွေ့နိုင်ပါ့မလား သူ ဒီလောက်မေ့တတ်တာကိုလေ ဖြစ်နိုင်ပါ့မလားဆိုတဲ့ ဒွိဟအတွေးတွေကို Disneyနဲ့ Pixarရဲ့ ရေအောက်ကမ္ဘာ အန်နီမေးရှင်းအလန်းကြီးတွေ တစ်ချက် တစ်ချက်ထဖောက်တဲ့ဟာသလေးတွေ ချစ်စရာ ရယ်စရာကောင်လေးတွေနဲ့ အတူ ဇာတ်လမ်းအဆုံးထိကို ဆွဲခေါ်သွားခဲ့တယ် Ed O' Neill ရဲ့ ရေဘဝဲကြီး Hank ဇာတ်ကောင်ဟာလည်း Disney ကားတွေရဲ့ အကောင်းဆုံးဇာတ်ကောင်အဖြစ်ထည့်ရဖို့ ဖြစ်လာခဲ့တယ် Inside Out နဲ့ နှိုင်းယှဉ်ပြီး ပြောရရင် Hank ဇာတ်ကောင်ဟာ ဒီကားရဲ့ Bing Bong လို့ ပြောလို့ရပါတယ်လေ ဒါပေမယ့် Bing Bong ထက်စာရင်တော့ Hankဟာ ပိုပြီး လက်တွေ့ဆန်ကာ ကိုယ်ချင်းစာဖို့ ကောင်းခဲ့တယ် Inside Out မှာ မထင်မှတ်ပဲပေါ်လာခဲ့တဲ့ Bing Bong ဟာ လူကြိုက်အများဆုံးဖြစ်ခဲ့သလို ဝမ်းနည်းစရာလည်း ကောင်းခဲ့တယ် Hank ကလည်း ထိုနည်းတူစွာပါပဲလေ..... Inside Out က ဘာဝမ်းနည်းလို့ ဝမ်းနည်းရမှန်း မသိရလောက်အောင် ရီဝေဝေခံစားချက်တွေ ပေးခဲ့တယ်ဆိုရင် အခု Finding Dory ဟာ ကြည့်ရှုသူတွေကို အားအင်တွေပေးခဲ့တယ် ဒီဇာတ်ကားရဲ့ စကားတစ်ခွန်းဖြစ်တဲ့ Just Keep Swimming ဆိုတဲ့ စကားဟာ ကျွန်တော်တို့အတွက် မှန်ကန်လွန်းနေခဲ့ပါတယ်လေ... 1. မိဘတွေကို ယုံကြည်ပါ 2. သူတပါးကို ကူညီပါ ကူညီခြင်းကိုလည်း လက်ခံတတ်ပါစေ 3. အခွင့်အရေးကိုလက်မလွတ်ပါနဲ့ မှန်ကန်စွာ အသုံးချတတ်ပါစေ 4. ရဲရင့်ပါ သတ္တိရှိပါ 5. ဇွဲလုံ့လ လုံးဝ မလျော့ပါနဲ့ 6. ကိုယ်ဒုက္ခရောက်နေတဲ့ အချိန် ကိုယ့်နားမှာ ရှိနေတဲ့သူဟာ တကယ့် သူငယ်ချင်းကောင်းပဲ ကျွန်တော်တို့တွေအားလုံးလည်း ဘဝကဘယ်လိုပဲ ထိုးနှက်နေပါစေလေ ငါးပြာမလေး Dory လိုပဲ ဆက်လက်ကူးခတ် ရှေ့ဆက်လိုက်ကြရအောင်ဗျာ " Just Keep Swimming " (ဇာတ်ကား ဘာသာပြန်သူကတော့ Han Htoo Zaw ဖြစ်ပြီး အညွန်းရေးသူကတော့ Ye Khant Minပဲ ဖြစ်ပါတယ်) File size…  7 GB / 2.5 GB /  1.2 GB Quality… BluRay 4k / 1080p / 720p Format… mp4 , mkv Duration…. 1h 37m Genre .....  Animation , Adventure , Comedy Subtitle…. Myanmar Subtitle (Hard Sub) Encoder…. Thit San Khant Translated by Han Htoo Zaw

2016 စက်တင်ဘာမှာ ရုံတင်သွားတဲ့ ကားကောင်းတစ်ကားကို ဘာသာပြန်ပြီး တင်ပေးထားပါတယ်။ စာရေးဆရာ Ransom Riggs ရဲ့ Bestseller စာအုပ်ကို ပြန်လည်ရိုက်ကူးထားတာပဲ ဖြစ်ပါတယ်။ Harry Potter, Percy Jackson နဲ့ Narnia တို့လို Fantasy တွေ Adventure တွေကို ချစ်သူတွေအတွက်တော့ နောက်ထပ်လှပတဲ့ ကမ္ဘာသစ်တစ်ခုကို တွေ့မြင်ရဦးမှာပါပဲ။ IMDb 6.7 ရထားပါတယ်။ ဇာတ်လမ်းအကျဉ်းမှာတော့ ဂျိတ်ခ်ဆိုတဲ့ လူငယ်လေးကို အဖိုးဖြစ်သူဟာ ငယ်စဉ်ကတည်းက ဆန်းကြယ်တဲ့ အစွမ်းရှိတဲ့ကလေးတွေနဲ့ သူတို့ကို စောင့်ရှောက်သူ ကျောင်းအုပ်ဆရာမကြီး Peregrineအကြောင်းကို ပြောပြလေ့ရှိပေမယ့် ပုံပြင်တွေအဖြစ်သာမှတ်ယူခဲ့ပါတယ်။ တစ်နေ့မှာတော့ အဖိုးဖြစ်သူဟာ ထူးဆန်းတဲ့သေဆုံးမှုနဲ့သေဆုံးသွားပြီး ဂျိတ်ခ်ဟာ အဖိုးဆီကိုလာတဲ့ ပို့စ်ကဒ်လေးမှတဆင့် ဝေလနယ်ရဲ့ ကျွန်းပေါ်က ကလေးထိန်းအိမ်လေးကို သွားရှာမိတဲ့အခါ...လူတွေမသိတဲ့ အချိန်ကာလတွေ..အစွမ်းတွေ..ရန်သူတွေကြားမှာ သူနဲ့သူ့အဖိုးဟာ ဘယ်လိုအစွမ်းရှိတဲ့လူတွေလဲဆိုတာ သိလာပါတော့တယ်။ File size…(2.5 GB)/(1.3 GB) Quality….Blu-Ray 1080p / 720p Format…mp4 Duration….02:07:00 Genre... Adventure, Drama, Family Subtitle….Myanmar Subtitle (Hardsub) Encoded & Translated by Mr. Anderson

' ငါ့အမျိုးသားက ငါ့ကိုအမြဲတမ်းစိတ်ကူးယဉ်တယ်လို့ပြောတတ်တယ် ငါမတတ်နိုင်ဘူးလေ ငါဆိုလိုချင်တာက မင်းဟာရထားစီးနေရင်းနဲ့ ရထားလမ်းဘေးကလူတွေရဲ့ ဘဝကဘယ်လိုလဲဆိုတာ စဉ်းစားကြည့်ဖူးလား??? မင်းမနေဖူးတဲ့ဘဝမျိုးတွေလေ အဲ့ဒါတွေက ငါသိချင်နေတဲ့အကြောင်းတွေပဲ' Emily Bluntရဲ့ 2016နှစ်ကုန်နီးကမှထွက်တဲ့ DVDလေးအကြောင်း လက်တို့ပါရစေ။ ဒီ Movieကို ကျွန်တော့်ဖေးဗရိတ်ထဲကျွန်တော်ထည့်လိုက်ပါတယ်။ဒါပေမယ့် တစ်ယောက်နဲ့တစ်ယောက်ကတော့ အကြိုက်ခြင်းမတူနိုင်ပါဘူး။ ဒီ Movieဟာ ခံစားသူအပေါ်မူတည်ပြီး အဓိပ္ပာယ်အမျိုးမျိုးထွက်နိုင်ပါတယ်။မူရင်းစာရေးဆရာရည်ညွှန်းတာကတော Thrillerပါ။ Paula Hawkinရဲ့ အရောင်းရဆုံးစာအုပ် That Shocked The Worldကို ပြန်ရိုက်တာပါ။ DVDကာဗာမှာ Entertainment Weekly က ' The Darkest,Sexiest,Most Daring Thriller of the Year.'လို့ညွှန်းတာကို ဖော်ပြထားပါတယ်။ ဒီmovieမှာက ဇာတ်ကောင်အများကြီးမပါပါဘူး။ 6ယောက်ပဲပါတယ်။ အဲ့ ဇာတ်ကောင် 6ယောက်ရဲ့ ပတ်သတ်မှုတွေကို တစ်ခန်းခြင်းဆီ ပြီးတော့ အချိန်တွေ လတွေနဲ့ပါ ခွဲပြီးရိုက်ပြထားပါတယ်။ ဇာတ်ရည်မလည်ခင်ထိ အတော်အားစိုက်ကြည့်ယူရပါတယ်။ အစပိုင်းက အနည်းငယ်ပျင်းစရာကောင်းပါတယ်။ တစ်ဝက်လောက်လဲရောက်ရော ဘာဆက်ဖြစ်မလဲ ဘာဆက်ဖြစ်မလဲဆိုတဲ့ထိ စိတ်ဝင်စားစရာကောင်းပါတယ်။ အဓိကကဇာတ်ကောင်က ရေချယ်(Emily Blunt)ပါ။ သူဟာအထီးကျန်ပြီး အရက်စွဲနေတဲ့ တစ်ခုလပ်ပါ။ ယောကျာၤးဖြစ်သူနဲ့လည်း ကွာရှင်းထားပါတယ်။ ယောင်္ကျားနဲ့ကွာရှင်းရတဲ့ အကြောင်းက သူ့မှာကိုယ်ဝန်မရနိုင်တော့လို့ပါ။ အဲ့မှာပဲ သူမဟာ အရက်တွေအလွန်အကျွံသောက်တတ်လာတယ်။အမူးလွန်ပြီးရင် လုပ်မိလုပ်ရာလုပ်တတ်တယ်။မနက်မိုးလင်းရင် ဘာမှမမှတ်မိတော့ဘူး။သူမဟာ သူနေတဲ့နေရာကနေ နယူးယောက်ထိ နေတိုင်းရထားစီးပါတယ်။ ဘာကြောင့်လဲဆိုတော့ သူမဟာ အလုပ်မရှိလို့ပါ။ သူမအလုပ်ပြုတ်ခဲ့တာကို သူမကပ်နေရတဲ့အိမ်ကသူငယ်ချင်းမသိအောင် နေတိုင်းအပြင်ထွက်ပြနေတာပါ။ဘာကြောင့်လဲဆိုတော့ အလုပ်မရှိရင် အိမ်လခမပေးနိုင်တာကို သူငယ်ချင်းကိုမသိစေချင်တာပါ။ အထီးကျန်နေတာလည်းပါပါတယ်။ ရထားစီးနေရင်းနဲ့ အရမ်းလိုက်ဖက်တဲ့ စုံတွဲ ရိုမန်တစ်ဆန်တဲ့စုံတွဲကို သူမတွေ့လိုက်ရပါတယ်။ အဲ့ဘဝဟာ ရေချယ်အရမ်းလိုချင်ပြီး မရခဲ့တဲ့ဘဝမျိုးပါ။အဲ့ကောင်မလေးကို သူမ မသိပေမယ့် သူမရဲ့စိတ်ထဲမှာသိပါလိုက်ပြီး အမျိုးပုံဖော်ကြည့်နေမိပါတယ်။တစ်ရက်ကြတော့ အဲ့ကောင်မလေးဟာ တခြားအမျိုးသားတစ်ဦးနဲ့ နမ်းနေတာကို ရေချယ်တွေ့လိုက်တယ်။ သူမအရမ်းဒေါသတွေထွက်သွားတယ်။ သူ့စံပြဟာ ဒီလိုဖောက်ပြန်ရသလားဆိုပြ သွားသတ်မယ်စိတ်ကူးပါတယ်။ မူးလည်းအရမ်းမူးနေပါတယ်။ သတ်မယ်ဆိုပြီး ရထားပေါ်ကဆင်းတယ်။ သူမ အိပ်ယာနိုးလာတော့ သူမမှာဒဏ်ရာတွေ သွေးတွေနဲ့ ဒါပေမယ့် ဘာမှ မမှတ်မိတော့ပါဘူး။ အဲ့ကောင်မလေးကတော့ပျောက်သွားခဲ့တယ်။ အဲ့ကောင်မလေးနာမည်က မီဂန် သူမဟာ ဆယ်ကျော်သက်လေး ပုန်ကန်ချင်တဲ့စိတ်ရှိတဲ့ကောင်မလေး။ ပြီးတော့ စိတ်မှာဒဏ်ရာတွေအများကြီးရဖူးတယ်။ ဒါမို့ သူမဟာ စိတ်ရောဂါဆရာဝန်နဲ့ စိတ်ရောကုထုံးတွေပြလေ့ရှိတယ်။ ဆရာဝန်နဲ့တိုင်ပင်လေ့ရှိတယ်။သူ့ကိုယ်သူ မိန်းမပျက်လို့ထင်လေ့ရှိတယ်။ 17နှစ်က အစ်ကိုရဲ့သူငယ်ချင်း Macနဲ့ ကိုယ်ဝန်ဖူးတယ်။ အဲ့ကလေးကို သူမရဲ့နမော်နမဲ့နိုင်မှုကြောင့် သတ်မိသလိုဖြစ်သွားတယ်။ အဲ့မှာပဲ Macက သူမကို စွန့်ခွာသွားတယ်။ သူမဟာပြောတယ်' လိမ်တယ်ဆိုတာဟာ ခရီးထွက်နေရသလိုပဲတဲ့' ။ ပြီးတော့ ' သူတို့ကဘယ်သူတွေဆိုတာအရေးမပါဘူးတဲ့ သူတို့ငါကို ဘယ်လိုခံစားရအောင်လုပ်လဲပဲ အရေးပါတာတဲ့ ကိုယ့်ကိုယ်ကို အာသာဖြေဖျောက်ရသလိုပဲတဲ့ အခြားဘယ်သူမှ မသိဘူးတဲ့ ဒါမို သူမဟာ များများလိမ်ပြီး ဟန်ဆောင်တတ်လာတယ်တဲ့ ' အဲ့လို အတွေးတွေရှိတဲ့ ဆယ်ကျော်သက်တစ်ယောက်ပါ။ သူမကိုကုသပေးနေတဲ့ ဆရာဝန်နဲ့ လိင်ဆက်ဆံဖို့ကြိုးစားကြည့်တယ်။ သူမပျောက်သွားတော့ ရဲတွေက ဆရာဝန်ကို သံသယဝင်တယ်။ နောက်တစ်ယောက်က ' အန်နာ ' အန်နာဟာ ရေချယ်အမျိုးသားဟောင်းရဲ့ နောက်အိမ်ထောင်။ သူမဟာ ရေချယ်မရခဲ့တဲ့ ကလေးကိုရခဲ့ပြီး ရေချယ့်ခင်ပွန်းဟောင်းနဲ့ သာယာတဲ့ မိသားစုလေးကို တည်ထောင်နိုင်ခဲ့တယ်။ရေချယ်အရက်မူးပြီးသူတို့ကလေးကို ခေါ်သွားဖူးတယ်။တကယ်တော့ ရေချယ်ဟာ ကလေးမရလို့ ကလေးကိုချီကြည့်ချင်ရုံလေးပါ။ အန်တာက အဲ့လို့မထင်ဘူး သူမရဲ့ကလေးကို လာသတ်တယ်ပဲထင်တာ။ အဲ့အတွက် ရေချယ်ကို သူမမုန်းတယ်။ ထူးဆန်းတာက ' မီဂန် 'က အန်နာတို့အိမ်က ကလေးထိန်းဖြစ်နေတယ်။ ဒါပေမယ့် ' မီဂန် 'ဟာ ကလေးထိန်းအလုပ်ကို မုန်းတယ်။ Scott သူက မီဂန်ရဲ့ ယောကျာၤး သူဟာ ကလေးလိုချင်ပြီး မီဂန်ကို သဝန်တိုတတ်တယ်။ မီဂန်ဟာ သူမကို ကုသပေးနေတဲ့ စိတ်ရောဂါဆရာဝန်နဲ့ ဖောက်ပြန်နေတယ်လို့ ထင်နေတယ်။ မီဂန်ပျောက်သွားတော့ ရဲတွေက စကော့ကိုလည်းသံသယဝင်တယ်။ အဲ့မှာ ရေချယ်က စကော့ဆီသွားပြီး မီဂန်နဲ့တခြားအမျိုးသားတစ်ဦးဖောက်ပြန်နေတာ တွေ့တယ်ဆိုပြီးသွားပြောတယ်။အဲ့လိုပြောဖို့အတွက် ရေချယ်ဟာ မီဂန်ကို သိတယ်လို့ စကော့ကို လိမ်ပြောလိုက်တယ်။ စကော့က ဒီလူလားဆိုပြီး စိတ်ရောဂါဆရာဝန်ပုံပြလိုက်တော့ ရေချယ်က ဟုတ်တယ်ဆိုပြီးထောက်ခံလိုက်တယ်။ Tom တွန်က ရေချယ်ရဲ့ခင်ပွန်းဟောင်း။ တကယ်တော့သူဟာ ကြမ်းတမ်းခက်ထန်တဲ့စိတ်ရှိသူတစ်ယောက်ပါ။ရေချယ်ကလေးမရတာကို ရွံရှာလို့ ရေချယ်ကို စိတ်ပိုင်းဆိုင်တာ အနိုင်ကျင့်ခဲ့တယ်။ ရေချယ်အရက်မူးလွန်လို့ သူပါအလုပ်ပြုတ်ရတယ်လို့ ရေချယ်ထင်ယာင်ထင်မှားဖြစ်အောင် ဆိုက်ကိုသွင်းပေးလိုက်တယ်။ ဒါပေမယ့် အလုပ်မှာတော်သူဖြစ်တဲ့အတွက် တခြားအလုပ်ပြန်ရတယ်။တကယ်တော့သူအလုပ်ပြုတ်တာဟာ မစောင့်စည်းလို့တဲ့။ sub.titelမှာတော့ဘန်းစကားသုံးထားပါတယ်။ ' he couldn't keep his dick in his pants.' တဲ့။ အဲ့လို တစ်ကွက်ခြင်းဆီပြပြီးတဲ့နောက်မှာ 'မီဂန်' ရဲ့အလောင်းကို တွေ့ပြီလို့ရဲတွေက ကြော်ငြာလိုက်တယ်။အသတ်ခံရတာဖြစ်ပြီး မီဂန်မှာ ကိုယ်ဝန်ရှိနေတယ်တဲ့။ DNA စစ်ကြည့်တော့ ကလေးဟာ 'စကော့' ရဲ့ရင်သွေးမဟုတ်ဘူးတဲ့။ ဒါဆို မီဂန်ကို သတ်တာ ဘယ်သူလဲ??? ဖောက်ပြန်တယ်လို့သံသယရှိတဲ့ စိတ်ရောဂါဆရာဝန်လား??? သဝန်တိုတတ်တဲ့ စကော့လား??? အမူးလွန်နေတဲ့ ရေချယ်လား???? နောက်ဆုံးဇာတ်သိမ်းကတော့ ကျွန်တော့်ကိုကျေနပ်သွားစေပါတယ်။ စာရေးဆရာရဲ့ဇာတ်အိမ်နိုင်နင်းမှုကတော့ ရေလည်မိုက်တာဗျ။ ထင်မထားတဲ့ အလည့်အပြောင်းလေးတွေနဲ့။ Thanks a lot De Mon \m/ (ရုပ်ရှင်အညွှန်းကို Ko Myo Min Thu FB မှကူးယူဖော်ပြပါသည်။) File size…(955 MB) Quality…Blu-Ray Rip 720p Format…mp4 Duration….01:52:00 Subtitle….Myanmar Subtitle (Hardsub) Encoder….Nyeinsaeya Aung

ဒီတစ်ခါတော့ comedy ကြိုက်တဲ့သူတွေအတွက် ဇာတ်မြူးလေးပါ ၂၀၁၅ ခုနှစ်ကထွက်ထားတဲ့ The Duff ဆိုတဲ့ movie လေးပါ ဒီဇာတ်ကားထဲမှာတော့ ဘီယမ်ကာဆိုတဲ့ စာကြမ်းပိုးမလေးနဲ့ အရမ်းလန်းအရမ်းဟော့တဲ့ ဂျက်စ်နဲ့ကေဆီတို့ဟာ အချစ်ဆုံးသူငယ်ချင်းတွေပါ ဘီယမ်ကာဟာ သူ့သူငယ်ချင်းနှစ်ယောက်ရဲ့ duff ဖြစ်မှန်းမသိဖြစ်နေခဲ့ပါတယ် ဘီယမ်ကာရဲ့ငယ်သူငယ်ချင်း ခပ်ဟော့ဟော့ဘောလုံးအသင်းခေါင်းဆောင် ဝက်စလေက သူ့ကိုပြောပြတဲ့အခါ ဘီယမ်ကာတစ်ယောက် အတော်စိတ်အနှောက်အယှက်ဖြစ်ပြီး သူ့သူငယ်ချင်းတွေရဲ့ duff အဖြစ်မနေနိုင်တော့ဘဲ သူကြိတ် crush နေတဲ့ကောင်လေး တိုဘီကိုဖွင့်ပြောရဲဖို့ကြိုးစားပါတော့တယ် ဒါကို ဝက်စလေကကူညီပေးခဲ့ပါတယ် အဲဒီအတောတွင်း ဘယ်လိုအခက်အခဲတွေကြုံရတယ်ဆိုတာကို ဟာသနှောပြီးရိုက်ထားတာပါ နောက်ဆုံးမှာတော့ စာကြမ်းပိုးလေးဘီယမ်ကာတစ်ယောက် လှလာပြီးသူ့ crush ရဲ့ အချစ်ကိုတကယ်ပဲရမလားဆိုတာကိုတော့ စောင့်ကြည့်ကြပါလို့ (ဇာတ်လမ်းအညွှန်းနဲ.ဘာသာပြန်သူကတော့ May Tharaphi Lwin ပဲဖြစ်ပါတယ်) File Size : (750 MB) and (300 MB) Quality : 720p Bluray Running Time : 1hr 41minutes Format : Mp4 Genre : Comedy Translated By May Tharaphi Lwin  Encode By Thanhtike Zaw

အားလုံးစောင့်မျှော်နေတဲ့ Minion 2015 ကိုတင်ဆက်ပေးလိုက်ပါပြီ..အဆင်ပြေနိုင်ကြပါစေ :D Minion တွေဟာ ကမ္ဘာဦးအစ ကတည်းက ဆဲတစ်ခုတည်းနဲ့ တည်ရှိခဲ့တဲ့ အဝါရောင် သတ္တဝါလေးတွေဖြစ်ပြီး အင်အားအကြီးမားဆုံး အဆိုးသွမ်းဆုံး အကောင်ကိုသာ လုပ်ကျွေးပြုစုချင်ကြသူတွေ ဖြစ်ပါတယ်။ အင်အားကြီးမားတဲ့ T.Rex ဒိုင်တိုဆောတွေ၊ ကျောက်ဂူလူသားတွေ နောက်ကို လိုက်ခဲ့ပေမယ့် အဆင်မပြေခဲ့ပဲ ဉာဏ်ပညာကြီးမားတဲ့ လူသားတွေအပေါ် နှစ်သက်တဲ့ စိတ်ကြောင့် အဆိုးသွမ်းဆုံး လူတွေဆီကိုသာ နောက်လိုက်အဖြစ် ပါဝင်ပြုစုခဲ့ပါတယ်။ အီဂျစ်ဖာရို၊ ဒရက်ဂူလာနဲ့ နပိုလီယံတို့ကို အလုပ်အကျွေး ပြုခဲ့ပေမယ့် အဆင်မပြေခဲ့ပဲ အန္တာတိကမှာ သီးသန့်သွားရောက်နေထိုင်နေကြပါတယ်။ ဒါပေမယ့် နှစ်တွေ ကြာလာတဲ့အခါ သူတို့ရဲ့ ရည်ရွယ်ချက်တွေ ပျောက်ဆုံးကုန်ပြီး စိတ်ဓာတ်ကျ ငြီးငွေကုန်ကြပါတယ်။ ဒီ Minion အပေါင်းကို ကယ်တင်ဖို့အတွက် သတ္တိကောင်းတဲ့ Kevin ဟာ သူ့ရဲ့ အကြံကို Minion တွေအားလုံး ကြားမှာ ထုတ်ဖော်ပြောကြားလိုက်ပါတယ်။ သူနဲ့အတူ စွန့်စားမယ့် သူရဲကောင်း နှစ်ယောက်ကို ရှာဖွေတဲ့အခါ အူကြောင်ကြား ဂစ်တာရူးဖက်တီး Minion Stuart နဲ့ ငယ်ရွယ်ပြီး ချစ်စရာကောင်းတဲ့ Minion Bob တို့ပဲ ပါလာကြပါတယ်။ ၁၉၆၈ ကာလမှာ Kevin ဟာ Stuart ၊ Bob တို့နဲ့အတူ New York ကို ရောက်ရှိလာပါတယ်။ ကုန်တိုက်တစ်ခုမှာ ပုန်းခိုရင် ကမ္ဘာ့အဆိုးဆုံး လူဆိုးကြီးတွေ စုစည်းနေကြတဲ့ Villain-Con (ဗီလိန် ကွန်ဖရင့်) ကို တက်ရောက်ဖို့ ဆုံးဖြတ်လိုက်ပါတယ်။ ဖလော်ရီဒါပြည်နယ် အော်လန်ဒိုမြို့မှာ ကျင်းပမယ့် ဒီပွဲကို သွားဖို့ လမ်းမှာ ဒုစရိုက်သမား မိသားစုနဲ့တွေ့ပြီး သူတို့ကို ခေါ်သွားပါတယ်။ အဲဒီထဲကမှ အဆိုးတကာ့ အဆိုးဆုံး လူဆိုးမကြီး Scarlet Overkill ရဲ့ လက်ထောက်တွေ အဖြစ် ရွေးချယ်ခံရပါတယ်။ Scarlet ရဲ့ လက်ထောက်တွေအဖြစ် သူတို့ဟာ လန်ဒန်ကို ရောက်ရှိပြီး အဲလစ်ဇဘက် ဘုရင်မကြီးရဲ့ သရဖူကို ခိုးယူဖို့ တာဝန်ပေးခံရပါတယ်။ မအောင်မြင်ရင်တော့ အသတ်ခံရမှာ ဖြစ်ပါတယ်။ သူတို့အတွက် ထူးခြားဆန်းပြားတဲ့ လက်နက်တွေကို Scarlet ရဲ့ ခင်ပွန်း Herb Overkill က စီစဉ်ပေးပါတယ်။ လန်ဒန်မျှော်စင်မှာ သိမ်းဆည်းထားတဲ့ သရဖူကို စွန့်စွန့်စားစား သွားရောက်ခိုးယူရင်း ထင်မှတ်မထားတာတွေ ဖြစ်လာတဲ့အခါမှာတော့ .. Despicable Me ဇာတ်ကားနဲ့ အောင်မြင်ကျော်ကြားခဲ့တဲ့ အဝါရောင် ဇာတ်ကောင်လေးတွေရဲ့ အကြောင်း ရိုက်ကူးထားတဲ့ Minions ဇာတ်ကားဟာ Universal Studios နဲ့ Illumination Entertainment တို့ရဲ့ ပူးပေါင်းဖန်တီးမှု ဖြစ်ပါတယ်။ Minions တွေရဲ့ မူလဖန်တီးရှင် Pierre Coffin ကပဲ ရိုက်ကူးထားပြီး Kyle Balda က တွဲဖက်ပါဝင် ရိုက်ကူးထားပါတယ်။ Minions တွေအဖြစ် Pierre Coffin ကပဲ အသံနဲ့ သရုပ်ဆောင်ပေးထားပြီး Scarlet Overkill အဖြစ် Sandra Bullock က ဗီလိန်ဇာတ်ရုပ်မှာ ပထမဆုံးအကြိမ် ပါဝင်သရုပ်ဆောင်ပေးထားပါတယ်။ Herb Overkill အဖြစ် Jon Ham ၊ Nelson မိသားစုအဖြစ် Michael Keaton နဲ့ Allison Janney ၊ Professor Flux နဲ့ မျှော်စင်စောင့်ကြီးအဖြစ် Steve Coogan ၊ အဲလစ်ဇဘက် ဘုရင်မကြီးအဖြစ် Jennifer Saunders ၊ Gru ပေါက်စအဖြစ် Steve Carell နဲ့ နောက်ခံစကားပြောကို Geoffery Rush က ပါဝင်ဆောင်ရွက်ပေးထားကြပါတယ်။ မူလ Despicable Me ဇာတ်ကားနဲ့ အောင်မြင်ခဲ့တဲ့ Minions တွေရဲ့ ဇာတ်အိမ်ကို အဓိကထားပြီး တည်ထားတာ ဖြစ်တာကြောင့် ဇာတ်ကောင်စရိုက် ပုံဖော်ရမှာ အနည်းငယ်တော့ ကွာဟမှုလေးတွေ ရှိပါတယ်။ ဇာတ်လမ်းက အတော်ကို တိုသွားပြီး ပြသချိန် ၁နာရီခွဲပဲ ရှိပါတယ်။ ဇာတ်လမ်းကို အရမ်းဟာသမြောက်ကို အစွမ်းကုန် ဇာတ်အိမ်တည်ထားပေမယ့် ဇာတ်သိမ်းခန်းက အနည်းငယ် ပေါ့ပျက်ပျက် နိုင်တာကြောင့် ရင်ထဲ စွဲမကျန်ဘူး ဖြစ်သွားပါတယ်။ ဇာတ်ကားတစ်ကားလုံး အနေနဲ့ ခြုံကြည့်ရင်တော့ ကြည့်လို့ ကောင်းပေမယ့် ဇာတ်လမ်းတိုတာရယ်၊ မျှော်လင့်ထားသလောက် မရယ်ရတာရယ်ကြောင့် အချို့ပရိသတ်တွေက မနှစ်သက်ကြပါဘူး။ IMDb မှာ Rating 6.4 ရရှိထားပြီး Rotten Tomatoes မှာ Tomatometer 55% ပဲ ရရှိထားပါတယ်။ ဇာတ်လမ်း အရမ်းတိုလွန်းတာရယ်၊ ဇာတ်အိမ်ကို အသားပေးလိုက်တာရယ်ကြောင့် အနည်းငယ် ပျင်းစရာ ကောင်းတာရယ်ကလွဲရင် အတော်လေး ကြည့်လို့ ကောင်းပါတယ်။ Minions ဇာတ်ကောင်လေးတွေကို ချစ်ကြတဲ့ ပရိသတ်တွေကတော့ သေချာပေါက် နှစ်သက်မယ့် ဇာတ်ကားပဲ ဖြစ်ပါတယ်။ ( အညွှန်းကို mm movieguide က ကူးယူဖေါ်ပြပါသည် ) ( ဘာသာပြန်တဲ့သူကတော့ ကို ဝေယံမောင် ဖြစ်ပါတယ် ) Filesize : 1 GB/1.71GB Quality : HDRip Format : mp4 Running Time : 1h 31m IMDb Rate : 6.4 Subtitle : Myanmar Subtitle ( Hardsub ) Translated By Wai Yan Maung Encoder : LK

Spy(2015) IMDb Rating (7/10) / Rotten Tomatoes (95%) ရုပ်ရှင်လောကမှာ ဟာသ နဲ့ အက်ရှင် ဆိုတာက အရောမတတ်ရင် တိုင်ပတ်သွားနိုင်တဲ့အမျိုးအစားတစ်ခုထဲပါတယ်။ အက်ရှင်နယ်ပယ်မှာလည်းပုံမလာ၊ ဟာသထဲကျတော့လည်းပေါနေပြန် ဆိုတာတွေနဲ့ Action- Comedy ကားတွေက တော်ရုံဆိုရင် ပေါက်ဖို့ကော Rating ကောင်းဖို့ပါခက်တယ်။ ဒီရုပ်ရှင်ကတော့ အဲဒီအချက်တွေနဲ့မငြိစွန်းဘဲ တော်တော်ကိုပေါက်ခဲ့တယ်။ "ပေါက်မှာပေါ့။ ပါတဲ့သရုပ်ဆောင်တွေကိုလည်းကြည့်ဦးလေ" လို့ပြောလို့ရပေမဲ့ နာမည်ကြီးတွေပြုံထည့်ပြီး ယမ်းရှူသွားရတဲ့ရုပ်ရှင်တွေလည်း ကျနော်တို့မြင်ခဲ့ဖူးပြီးသားပါ။ ဒီရုပ်ရှင်ဘာကြောင့်ပေါက်သလဲဆိုတာ ကြည့်မှပဲသိပါလိမ့်မယ်။ စီအိုင်အေမှာ မြေပြင်ကိုသွားရတဲ့စပိုင်တွေနဲ့ မြေအောက်ခန်းကနေ သတင်းအချက်အလက်ထောက်ပံ့ရတဲ့အဖွဲ့ဆိုပြီး ၂ ဖွဲ့ရှိတယ်။ မြေပြင်ကစပိုင်တွေကတော့ စပိုင်ကားတွေထဲကလို ဂျလန်းကြီးတွေလုပ်ရပေမဲ့ မြေအောက်ခန်းကကွန်ပြူတာသမားတွေကတော့ လင်းနို့ဝင်လိုက် ကြွက်ဝင်လိုက်ဖြစ်နေတဲ့အခန်းထဲ ထိုင်အလုပ်လုပ်ကြရတာပေါ့။ ပထမဆုံးဇာတ်ကောင် ၂ ယောက်အနေနဲ့ ဆူဆန်ကူးပါး(Melissa McCarthy) နဲ့ ဘရက်ဒလေဖိုင်း (Jude Law) တို့ပါတယ်။ ဆူဆန်ကတော့ နားကြပ်ကတဆင့် မြေပြင်က ဖိုင်းကို ညွှန်ကြားရတာပေါ့။ အဲဒီအပြင် ဖိုင်းကိုပါကြိတ်ကြွေနေသေးတာ။ တစ်နေ့တော့ အဏုမြူဗုံးတစ်လုံးကို ပြန်ယူရမယ့်မစ်ရှင်ဖြစ်လာတယ်။ အဲဒီမှာ ဖိုင်းတစ်ယောက်လုပ်ကြံခံလိုက်ရတဲ့အပြင် လက်သည်ကလည်း စီအိုင်အေက စပိုင်တွေအကုန်လုံးရဲ့နာမည်ကိုသိထားပြီးသားဖြစ်နေပြီဆိုတော့ မြေပြင်ထွက်တဲ့စပိုင်တွေတိုင်ပတ်တော့တာပေါ့။ သူတို့အနေနဲ့ သူလျှိုဝင်လုပ်ဖို့ကမဖြစ်နိုင်တော့ဘူး။ အဲဒီလိုနဲ့ ဒီမစ်ရှင်က မြေအောက်ခန်းမှာကွန်ပြူတာကိုင်တဲ့ ဆူဆန်ကူးပါး ရဲ့တာဝန်ဖြစ်လာတယ်။ သူ့ပုံကလည်း ရုပ်ရှင်ထဲက စပိုင်‌တွေလိုခပ်လန်းလန်းမဟုတ်တဲ့အပြင် သူ့အကြောင်းလည်းဘယ်သူမှအဖတ်မလုပ်ဘူးဆိုတော့ သူပဲလုပ်ပေးပါမယ်ပေါ့။ သူကသင်တန်းဆင်းအေးဂျင့်ဆိုပေမဲ့ တခြားသူမပြောနဲ့ သူ့ကိုယ်သူတောင်ယုံကြည်ချက်မရှိဘဲ အထင်မကြီးဘူးဖြစ်နေတယ်။ ဒါပေမဲ့ မြေပြင်ပေါ်ရောက်လာတဲ့အချိန် စိတ်ရှိလက်ရှိကြမ်းရမ်းရင်း သူကိုယ်တိုင်တောင်မသိတဲ့ သူ့ရဲ့လုပ်နိုင်စွမ်းတွေကိုပါမြင်လာရတယ်။ အဲဒီလိုနဲ့ သူလျှိုဝင်လုပ်တဲ့အချိန်မှာ ဒီအဏုမြူဗုံးအရောင်းအဝယ်ကိစ္စက နှစ်ဖက်ချွန်သူလျှိုတွေဘာတွေနဲ့ သပွတ်အူလိုရှုပ်ရှုပ်လာတော့ စပိုင်ကားတွေအတိုင်း အက်ရှင် ဇာတ်အိမ်ကောင်းကောင်းနဲ့ အမှုကိုဖြည်ကြတာပေါ့။ ဒီရုပ်ရှင်မှာ အခိုက်ဆုံးနေရာဆိုရင် ဆူဆန့်ရဲ့ ဇာတ်ရုပ်အပြောင်းအလဲဖြစ်တဲ့နေရာဖြစ်လိမ့်မယ်။ တအားချိုသာတဲ့လူအဖြစ်ကနေ သူ့ဇာတ်‌သူမနိုင်နိုင်အောင်က,ရင်းကနေ ငါဒီလိုတောင် သောက်ကြမ်းကြီးလုပ်နိုင်ပါလားဆိုတဲ့အထိ ဇိုးကြီးဖြစ်သွားတာက ရယ်ရသလောက် အားရဖို့လည်းကောင်းတယ်။ ဇာတ်လမ်းကတော့ စပိုင် အက်ရှင် ဟာသကို ကျကျနနရောထားတဲ့ ဇာတ်လမ်းကောင်းတစ်ခုပါပဲ။ ဒါရိုက်တာ Paul Feig က သူ့အနေနဲ့ စပိုင်ကားကိုမှ ဖန်တရာတေ ဟာသတွေမသုံးဘဲ အတတ်နိုင်ဆုံးရယ်ရတဲ့ အက်ရှင်ကားမျိုးဖြစ်အောင်ရိုက်ချင်တယ်ဆိုတဲ့စိတ်ကူးကနေအရင်းခံပြီး ဇာတ်ညွှန်းကိုသူကိုယ်တိုင်ရေးခဲ့တယ်။ ဟာသတွေကလည်း အခုထိသစ်တုန်းပဲ။ လင်းနို့တွေရုံးထဲရောက်နေတဲ့အခန်းဆိုရင် သူရိုက်ခဲ့တဲ့ The Office အပိုင်းတစ်ခုကို reference ယူထားတယ်လို့ဆိုတယ်။ Jason Statham ဇာတ်ကောင်ကိုလည်းအစကတော့ တည်တည်တံ့တံ့အနေနဲ့ရေးခဲ့ပေမဲ့ နောက်မှစိတ်ပြောင်းပြီး အူကြောင်ကြောင်ဟာသဇာတ်ကောင်အနေနဲ့ထည့်သုံးလိုက်တယ်။ အဲဒီဘဲကလည်း ဟာသအပိုင်းမှာပါ တော်တော်ကိုပိုင်တယ်လို့ပြောရလောက်အောင် အတည်ပေါက်ကြီးတွေဖောက်တယ်။ ဟာသမင်းသားအနေနဲ့ပါ ဆုတစ်ခု ဆန်ကာတင်ဝင်သွားသေး။ ဒါရိုက်တာ Paul Feig နဲ့ Melissa McCarthy ကိုဇာတ်ကြောင်းပြန်ကောက်မယ်ဆိုရင် သူတို့ကရှေ့မှာ Bridesmaid တို့ The Heat တို့ကိုရိုက်ခဲ့ပြီးပြီ။ Melissa McCarthy ဆိုတာ ဒီကားမတိုင်ခင်ကတော့ ဇာတ်ပို့ဟာသမင်းသမီးလောက်ပေါ့။ ဒါပေမဲ့ Bridesmaid မှာ ဇာတ်ပို့အော်စကာဆုဆန်ကာတင်ဝင်သွားတဲ့အထိ သရုပ်ဆောင်ကောင်းနေတော့ Spy မှာ အဓိကဇာတ်ကောင်အနေနဲ့တည်ရိုက်ခဲ့တယ်။ ဒီကိစ္စနဲ့ပတ်သက်လို့ Feig က တာဝန်ကြီးကြောင်းလည်းဝန်ခံခဲ့တယ်။ သူ့အဆိုအရ ဒီရုပ်ရှင်ကိုသာ ပေါကားဖြစ်အောင်သူရိုက်မိရင် အမျိုးသမီးတွေရဲ့ဟာသရုပ်ရှင်နယ်ပယ်က တော်တော်အထိနာသွားမယ်တဲ့။ ဒီလိုတာဝန်များတဲ့ကိစ္စမှာ Melissa McCarthy ကို ထည့်ရိုက်တယ်ဆိုတာ တော်ရုံယုံကြည်မှုနဲ့တော့မဟုတ်ဘူး။ Melissa ကလည်း စတန့်တွေကိုပါ ကိုယ်တိုင်ဝင်လုပ်တဲ့အပြင် အက်ရှင်ခန်းအတွက်သိုင်းပါသင်တဲ့အထိ တော်တော်ကြိုးစားခဲ့တယ်။ ယုံကြည်မှုကို အလဟဿမဖြစ်စေဘူးပေါ့လေ။ သူ့ရဲ့သရုပ်ဆောင်ချက်တွေကလည်း ဒီရုပ်ရှင်ကို အဓိကချီးကျူးကြတဲ့ထဲမှာပါတယ်။ ချုပ်ပြောရရင် သရုပ်ဆောင်တွေကော ဇာတ်လမ်းပါ ပျင်းဖို့မကောင်းတဲ့ရုပ်ရှင်ပါပဲ။ "ငါသာ အတွေ့အကြုံမရှိဘဲ စပိုင်အနေနဲ့ထွက်လုပ်ရမယ်ဆိုရင် ဘယ်လိုနေမလဲတွေးကြည့်ပါ"။ ပြီးရင် ဒီရုပ်ရှင်ကိုကြည့်လိုက်ပါ။ မိုးမွှန်နေအောင်ရိုင်းထားတာကြောင့် ဒီရုပ်ရှင်နဲ့အင်္ဂလိပ်စာသင်မယ်ဆိုရင်တော့ ကောင်းကောင်းဆဲတတ်သွားမှာတော့သေချာပါတယ်။ (ရုပ်ရှင်အညွှန်းနဲ့ဘာသာပြန်ကို Min Thant Bo မှ တင်ဆက်ထားပါတယ်။) 4K ကိုတော့ CM App မှာ Streaming လဲ ကြည့်လို့ရသလို One Click Download လဲ ပြုလုပ်နိုင်ပါတယ်။ CM App ကို www.cmapp.tv မှာ ရယူပါ။ File size…(9 GB)/(2.7 GB)/(1.4 GB) Quality….BluRay Unrated 4K HEVC/1080p /720p Format…mkv/mp4 Duration….02:10:21 Subtitle….Myanmar Subtitle (Hardsub) Encoder….Ka Naung Translated by Min Thant Bo

1959 မှထွက်ခဲ့တဲ့ The Adventures of Rocky and Bullwinkle ကာတွန်းကာထဲက Peabody ဆိုတဲ့ ဉာဏ်ကြီးရှင် ခွေးလေးအကြောင်းကိုရိုက်ထားတာပါ။ ဒီကားရဲ့ Director က Lion King animation ရဲ့ Director လည်းဖြစ်ပါတယ်။ ဇာတ်လမ်းကတော့ Peabody ဆိုတဲ့ မွေးရာပါဉာဏ်ကြီးရှင် ခွေးလေးက ဉာဏ်ကြီးရှင် တစ်ယောက်ဖြစ်တဲ့အလျှောက် နေရာတိုင်းမှာတော်ပါတယ် ။ သူက Sharman ဆိုတဲ့ ကလေးလေးကို သားအရင်းအဖြစ်မွေးစားပြီးတော့ တတ်သမျှပညာတွေကိုသင်ပေးပါတယ် ။ သူ့မှာ WABAC ဆိုတဲ့ အချိန်ခရီးသွားတဲ့ စက်ကြီးရှိပြီးတော့ ရှာမန်ကို သမိုင်းထဲက အထင်ကရ အကြောင်းအရာတွေကိုသင်ပေးပါတယ်။ တစ်နေ့မှာ ရှာမန်က ကျောင်းမှာ ရန်ဖြစ်ပြီး အတန်းဖော် ပန်နီနဲ့ ဒီအချိန်ခရီးသွား စက်ကြီးကို သုံးမိပြီး ဘယ်လိုအလွှဲတွေဖြစ်မလဲ ပီးပေါ်ဒီ ကရောဘယ်လိုတွေကယ်ရမလဲကို သိပ္ပံအကြောင်းအရာတွေ သမိုင်းအချက်အလက်တွေ ဟာသလေးတွေ နှောပြီးတော့ ကြည်ရမှာဖြစ်ပါတယ်။ File Size :  2.15 GB, 1.1 GB Quality : WEB-DL 1080p / 720p Running Time : 1hr 40min Format : Mp4 Genre : Animation, Adventure, Comedy Subtitle : Myanmar Subtitle (Hard Sub) Translated by : Nikobaby Encode by : Thit San Khant

Shy 14-year-old Duncan goes on summer vacation with his mother, her overbearing boyfriend, and her boyfriend's daughter. Having a rough time fitting in, Duncan finds an unexpected friend in Owen, manager of the Water Wizz water park. Thit San Khant

ဂျွန်မက်ကောက စာအုပ်ထုတ်ဝေရေးအတွက် အလုပ်လုပ်ရတဲ့ အေးဂျင့်တစ်ယောက်ဖြစ်ပြီး စကားလဲ တော်တော်ပြောနိူင်သလို တစ်ဖက်သားကို ယုံအောင် မဟုတ်တာရော ဟုတ်တာပါ ပြောပြီး စည်းရုံးနိူင်တဲ့လူတစ်ယောက်ပါ။ တစ်ရက်တော့ တရားထိုင်နည်းနဲ့ပတ်သတ်ပြီး နာမည်ကြီးနေတဲ့ ဒေါက်တာ ဆင်းဂျားဆီက စာအုပ်ထုတ်ဝေအောင် နည်းအမျိုးမျိုးနဲ့ စည်းရုံးပြီး ကိုယ်ကျိုးအတွက် အသုံးချဖို့ ကြိုးစားပါတော့တယ်။ အဲဒီလို စည်းရုံးလို့အောင်မြင်တဲ့ နောက်တစ်နေ့မှာပဲ သူအိမ်ထဲမှာ သစ်ပင်တစ်ပင်ပေါက်လာပြီး သူစကားတစ်ခွန်းပြောတိုင်း သစ်ရွက်တစ်ရွက်ကြွေသွားတာကို သတိထားမိလာပါတယ်။ အဲဒီသစ်ရွက်တွေသာ ကုန်သွားရင် သူသေသွားမယ်ဆိုတာကြောင့် အတတ်နိူင်ဆုံးစကားမပြောပဲ နေနိူင်အောင်ကြိုးစားပါတော့တယ်။ အဲဒီရဲ့ အကျိုးဆက်ကတော့ အလုပ်မှာရော အိမ်ထောင်ရေးမှာပါ အဆင်မပြေဖြစ်လာပါတယ်။ ဂျွန်မက်ကောတစ်ယောက် အဲဒီလို စကားမပြောပဲနေရတဲ့ ဒုက္ခကနေ လွတ်သွားနိူင်မှာလား၊နောက်ပိုင်းမှာ ဘာတွေဆက်ဖြစ်မှာလဲဆိုတာကို စိတ်ဝင်စားစွာ ကြည့်ရှူရမဲ့ ဇာတ်ကားကောင်းတစ်ခုပါ။ ဒီဇာတ်လမ်းကနေလဲ ဘဝအတွက် သင်ခန်းစာများကို ရယူနိူင်ကြပါစေ (မြန်မာစာတန်းထိုးကို Guerliaမှ ဖန်တီးထားခြင်းဖြစ်ပါတယ်) @joker

၂၀၁၂ ခုနှစ်ထွက် အချစ်ဟာသဒရာမာ Liberal Arts မှာ Josh Radnor နဲ့ Elizabeth Olsen တို့ ပါဝင်ထားပါတယ်။ Josh Radnor သရုပ်ဆောင်ထားတဲ့ ဂျက်ဆီက ကျောင်းဝင်ခွင့်အရာရှိတစ်ယောက်ဖြစ်ပြီး အိမ်ထောင်ကွဲခါစမှာ အသည်းကွဲနေသူပါ။ ကျောင်းသားဘဝတုန်းက ဆရာဖြစ်ခဲ့တဲ့ ပီတာရဲ့ အငြိမ်းစားယူပွဲကို တက်ဖို့ ကောလိပ်တက်ခဲ့ရာဒေသဆီ ခဏပြန်လာရင်း ကျောင်းသူ ဇစ်ဘီနဲ့ ဆုံဖြစ်ကြတယ်။ ဇစ်ဘီကလည်း ကောလိပ်မှာ တွဲလိုက်ပြတ်လိုက် ဖြစ်နေကြတဲ့ အချစ်ရေးမျိုးနဲ့ အသားမကျသူပါ။ အိမ်ထောင်ရေးတစ်ခု ပြိုကွဲထားတဲ့ ဂျက်ဆီနဲ့ ဇစ်ဘီတို့ဟာ အသက် ၁၈ နှစ် ကွာပေမယ့် အချိန်တိုအတွင်း ရင်းနှီးလာကြပါတယ်။ အချစ်နဲ့ ဘဝအပေါ် အတွေးတွေကို ထည့်သွင်းထားတဲ့ ဒီဇာတ်လမ်းမှာ သူတို့ဟာ ခဏတာပဲ ဆုံတွေ့ကြမယ့်သူတွေလား၊ ဘဝလက်တွဲဖော်တွေ ဖြစ်လာကြမလားဆိုတာ ဆက်ကြည့်ရမှာပါ။

CM ပရိသတ်တို့ရဲ့အချစ်တော် ဒေါက်တာဂွစာကြီး ဟောက်စ်ကို နောက်ကာရိုက်တာတစ်မျိုးနဲ့ မြင်ရမယ့်ကားလေးပါ ဇာတ်လမ်းအကျဥ်းကတော့ နယူးဂျာဆီပြည်နယ်က Orange ဆိုတဲ့မြို့နယ်လေးမှာနေထိုင်တဲ့ သိပ်ကိုခင်မင်ကြတဲ့ အိမ်နီးချင်းမိသားစုနှစ်စုရှိပါတယ် မိသားစုနှစ်စုက သမီးဖြစ်သူ နီနာနဲ့ ဗန်နက်ဆာတို့ဆိုလည်း ငယ်ငယ်ကအရမ်းခင်ခဲ့ကြပြီး အထက်တန်းရောက်မှ နီနာကဗန်နက်ဆာ့ကိုပလစ်ပြီး ကျောင်းကအလန်းဇယားကောင်မလေးအဖွဲ့နဲ့သွားပေါင်းခဲ့တာပါ နီနာဆိုတဲ့ကောင်မလေးက မိဘအပေါ်လည်း ဂျစ်ကန်ကန်နဲ့ ကလန်ကဆန်လုပ်၊ ကောင်လေးတွေလည်းထည်လဲတွဲပြီး သူ့အသက်၂၄နှစ်အရွယ်မှာ မိဘသဘောမတူတဲ့အီသန်ဆိုတဲ့ကောင်လေးနဲ့ လက်ထပ်ဖို့လုပ်ပြီး အီသန်ကသူ့အပေါ်သစ္စာဖောက်သွားမှ မိဘအိမ်ပြန်လာတာပါ အိမ်ပြန်ရောက်တော့လည်း နီနာဆိုတဲ့ အမွှေစိန်လေးက အငြိမ်မနေပါဘူး သူ့ရဲ့ဂြိုဟ်မွှေချက်က ဗန်နက်ဆာ့အဖေနဲ့အမေဖြစ်တဲ့ ဒေးဗစ်နဲ့ပေ့ချ်ကို ပြတ်စဲမလိုဖြစ်စေပြီး ဒေးဗစ်နဲ့ သူ့အဖေဖြစ်သူတယ်ရီကြားက ခင်မင်မှုကိုလည်းပျက်မလိုဖြစ်စေခဲ့တာဆိုတော့ ဘယ်လိုတွေဂြိုဟ်မွှေလဲဆိုတာတော့ ဇာတ်လမ်းထဲမှာ ကိုယ်တိုင်ကြည့်ရှုလိုက်ကြပါဦး စာကြွင်း - ဒီထဲမှာ ဒေါက်တာဟောက်စ်ရဲ့ကာရိုက်တာက ဟောက်စ်လိုမျိုး ဇွတ်တရွတ်နိုင်တယ်လို့ပြောလို့ရပေမယ့် ဟောက်စ်လို ခေါင်းမာတဲ့လူကြီးမဟုတ်ဘဲ သိပ်ကိုသဘောမနောကောင်း လိုက်လျောတတ်တဲ့လူကြီးအဖြစ် တွေ့ကြရမှာပါ အပေါ်မှာပြောခဲ့တဲ့ဇာတ်ကောင်တွေထဲက ဘယ်သူဖြစ်မလဲဆိုတာတော့ ကိုယ်တိုင်ကြည့်ရှုလိုက်ကြပါနော် Translated by MTA Encoded by YK File Size : 1.58GB and 791MB Quality : 1080p Blu-Ray H264 and 720p Duration :  1h 30mins

၁၉၆၃ ခုနှစ်၊ အမေရိကန်နိုင်ငံ မစ္စစ္စပီပြည်နယ်မှာ လူမည်းအမျိုးသမီးတွေဟာ အထက်တန်းလွှာ လူဖြူမိသားစုတွေရဲ့အိမ်တွေမှာ အိမ်အကူအဖြစ် အလုပ်လုပ်နေကြပါတယ်။ Big Mama လို့ ခေါ်လေ့ရှိကြတဲ့ ဒီအမျိုးသမီးတွေမှာ မိခင်က အိမ်အကူ၊ အဖွားက မြေကျွန်ဖြစ်ခဲ့လို့ ကိုယ်တိုင်လည်း ကြီးလာရင် ဒီအလုပ်ပဲ လုပ်ရမယ်လို့ သိထားခဲ့သူတွေ ရှိတယ်။ အိမ်တွေမှာ အလုပ်လုပ်ပေးနေရပေမယ့် ဆက်ဆံခံရပုံက ကျွန်သာသာပါပဲ။ ထမင်းစားပွဲတစ်ပွဲတည်းမှာ အတူစားခွင့်မရှိသလို လူဖြူတွေသုံးတဲ့ အိမ်သာ၊ ရေချိုးခန်းတွေကို သုံးမှာကိုလည်း အိမ်ရှင်တွေက လက်မခံကြပါဘူး။ ဒီလိုပတ်ဝန်းကျင်ထဲကို ဂျာနယ်လစ်ပေါက်စ Eugenia “Skeeter” Phelan က သူ့မွေးရပ်မြေ Jackson ဆီ ပြန်ရောက်လာပါတယ်။ ငယ်ငယ်ကတည်းက သူ့ကို ထိန်းကျောင်းပေးခဲ့တဲ့ အိမ်အကူအမျိုးသမီးကြီး Constantine ကို မိခင်က အလုပ်ထုတ်လိုက်မှန်း သိလိုက်ရတဲ့နောက် Skeeter ဟာ လူမည်းအိမ်အကူတွေရဲ့ ဘဝတွေကို စာအုပ်တစ်အုပ်အဖြစ် ရေးသားဖို့ ကြိုးစားလာတယ်။ မီးဖိုချောင်တွေထဲမှာ သူတို့ ဘယ်လိုနေထိုင်ရသလဲ၊ ဘယ်လိုခွဲခြားဆက်ဆံခံရသလဲဆိုတဲ့ အတွေ့အကြုံတွေကို စုစည်းပြီး The Help ဆိုတဲ့အမည်နဲ့ ထုတ်ဝေချင်တာပါ။ Skeeter က Aibileen Clark နဲ့ Minny Jackson တို့ရဲ့ အကူအညီကို ရယူခဲ့ပါတယ်။ တခြားအိမ်အကူအမျိုးသမီးတွေကတော့ ကိုယ့်အကြောင်းကို ပြောပြဖို့ ကြောက်ရွံ့ပြီး ငြင်းကြတယ်။ လူမည်းတစ်ဦး လမ်းပေါ်မှာ ပစ်သတ်ခံရပြီးတဲ့နောက်မှ သူတို့ကလည်း စာအုပ်အတွက် ပါဝင်ကူညီလာကြပါတယ်။ Kathryn Stockett ရဲ့ အရောင်းရဆုံးစာအုပ်ကို အခြေခံပြီး Tate Taylor က ဇာတ်ညွှန်းရေးသား ရိုက်ကူးထားတာပါ။ Skeeter အဖြစ် Emma Stone၊ Aibileen အဖြစ် Viola Davis နဲ့ Minny အဖြစ် Octavia Spencer တို့ ပါဝင်ကြပါတယ်။ Hilly အဖြစ် Bryce Dallas Howard က သရုပ်ဆောင်ထားပြီး Skeeter နဲ့ Hilly တို့ရဲ့ မိခင်တွေအဖြစ် Allison Janney နဲ့ Sissy Spacek တို့ ပါဝင်ထားပါတယ်။ ဒီရုပ်ရှင်နဲ့ Viola Davis၊ Octavia Spencer နဲ့ Jessica Chastain တို့ အော်စကာဆန်ကာတင်စာရင်းမှာ ပါဝင်ခဲ့ကြပြီး Octavia Spencer က အကောင်းဆုံးဇာတ်ပို့မင်းသမီးဆု ရရှိခဲ့ပါတယ်။ Viola Davis ပါဝင်ယှဉ်ပြိုင်ခဲ့တဲ့ဆုကိုတော့ The Iron Lady ထဲက Meryl Streep က ရရှိခဲ့တယ်။ အိမ်အကူအမျိုးသမီးတွေရဲ့ နေ့စဉ်ဘဝကို ပြထားတဲ့ ဇာတ်လမ်းထဲမှာ ရယ်စရာအခန်းတွေရှိသလို ခွဲခြားဆက်ဆံခံရမှုကြောင့် ဝမ်းနည်းရတဲ့ အခန်းတွေလည်း ပါဝင်ပါတယ်။

Away We Go (2009) IMDb - 7.0 ဇာတ်လမ်းအညွှန်း ~~~~~~~~~~~ အိမ်ထောင်တစ်ခု‌ထူထောင်ကြတော့မယ်ဆိုရင် ဘာကအရေးအကြီးဆုံးဖြစ်မယ်လို့ထင်ကြလဲ။ မင်္ဂလာ အကြီးအကျယ်ဆောင်တာလား၊ လက်ထပ်ခွင့်သေချာအတောင်းခံရတာလား။ ဘာဖြစ်မယ်ထင်လဲ။ ဒီဇာတ်ကားလေးထဲမှာတော့ အိမ်ထောင်ရေး၊ မိသားစုနဲ့ ဆိုင်တဲ့ သဘောတရားတွေကို နားလည်လွယ်အောင် ထည့်သွင်းရိုက်ကူးထားပါတယ်။ ဇာတ်လမ်းထဲမှာတော့ မင်္ဂလာမဆောင်ရသေးတဲ့အတွဲတစ်တွဲရဲ့ဖြတ်သန်းပုံကိုအဓိကပုံဖော်ထားပါတယ်။ ဘာ့တ်နဲ့ ဗီရိုနာတို့ဟာ လက်မထပ်ရသေးပေမယ့် ရုတ်တရက် ဗီရိုနာ့မှာ ကိုယ်၀န်ရှိလာတဲ့အခါမှာ ဘ၀နေရေးထိုင်ရေးအတွက် ဘယ်လိုတွေရုန်းကန်ကြမလဲဆိုတာကြည့်ရှုရမှာပါ။ Quite Place(2018) ထဲက မင်းသား John Krasinki နဲ့ Animaton ဇာတ်ကားတော်တော်များများရဲ့ အသံသရုပ်‌ဆောင် Maya Rudolph က အဓိကပါ၀င်သရုပ်‌ဆောင်ထားပါတယ်။ File Size - 1GB/ 458 MB Quality - BluRay 1080p/ 720p Duration - 1:38:37 Format - mp4 Genre - Comedy, Drama, Romance Subtitle - Myanmar Subtitle (Hard Sub) Translated by - Ivy Noe Encoded by - Treasure Htet

ဂျူနိုဟာ၁၆နှစ်အရွယ်ကျောင်းသူလေးပါ။ လူငယ်သဘာဝယောကျာ်းလေးသူငယ်ချင်းဖြစ်သူ ဘလီကာနဲ့အတူနေမိရာကကိုယ်ဝန်ရှိသွားတယ်ပေါ့။ အထက်တန်းကျောင်းသားတွေဖြစ်နေတာတစ်ကြောင်း၊ ဖျက်ချဖို့မရဲတာကတစ်ကြောင်း ဒီကလေးကိုမွေးနိုင်မယ့် မွေးစားမိဘရှာဖို့ ဂျူနိုဆုံးဖြတ်ခဲ့ပါတယ်။ မိဘဖြစ်သူတွေကအပြစ်တင်မဖိနှိပ်ဘဲ သမီးဆန္ဒကိုဦးစားပေးပြီးအားပေးကူညီကြသူတွေပါ။ ဒီကားလေးထဲမှာတော့ကျွန်တော်တို့နိုင်ငံနဲ့ရိုးရာဓလေ့ အတွေးအခေါ်ကွာခြားမှုများစွာကိုတွေ့ရမယ့် ဇာတ်ကားကောင်းလေးပါ။ ရုပ်ရှင်ကားကို ဘာသာပြန်ပြီး အညွှန်းရေးပေးတာကတော့ ညို့မျက်ဝန်း ဖြစ်ပါတယ်

ကဲပါ ဒီတစ်ခေါက် အူတက်နေအောင် ရယ်ရပြီး ချစ်ဖို့ကောင်းလွန်းတဲ့ ဆောင်းခို သတ္တဝါ လေးတွေ ရဲ့ အစားအစာ ရှာဖွေတော်မူခန်း ကို တင်ဆက်ပေးချင်ပါတယ် DreamWorks Animation ရဲ့ ထုတ်ကုန် ဆိုရင် ပြောနေစရာမလိုအောင် ကောင်းပြီးသားမှန်း သိမှာပါ ဇတ်လမ်းပုံစံကတော့ လိပ်ကလေး တစ်ကောင် ဦးဆောင်တဲ့ ဆောင်းခို အဖွဲ့ဟာ တစ်ခုသော နွေရာသီမှာ သူတို့ အသိုက်ကနေ ထွက်လာကြပြီး ကျန်တဲ့ ဆောင်းရာသီ အတွက် အစာရှာဖွေခြင်း လက်ရှိရာသီ အတွက် အသက်ရှင် နေထိုင်ရေး အတွက် ကြိုးပမ်းမှု များကို စတင်လုပ်ဆောင်ပါတော့တယ် ဒါပေမယ့် သူတို့ မသိလိုက်တာက သူတို့ ဆောင်းခိုနေစဉ် ကာလ အတိုလေးမှာပဲ သူတို့ တောအုပ်လေးကို ကွပ်လပ်လေး တစ်ခုအဖြစ် အလယ်ဗဟိုထားပြီး မြို့သေးသေးလေး တစ်ခု ဆောက်လုပ်လိုက်တာပါပဲ ဒီတော့ သူတို့ အတွက် အစာရေစာ ရှားပါးသည့် အပြင် လူသားတွေ ရဲ့ သက်ဖြတ် နှိမ်နှင်းမှု ကိုလဲ ခံရနိုင်ပါတယ် ဒီတော့ ဘယ်လိုလုပ်ကြမလဲ ? အဲ့ဒီအချိန်မှာပဲ လူတွေ ကို လှည့်စားပြီး အစာရှာနည်းသင်ပေးမယ့် ကြောင်လည်ပတ်ကား တောကြောင် တစ်ကောင် သူတို့ မိသားစုလေးထဲ ဆိုက်ဆိုက် မြိုက်မြိုက် ရောက်ရှိလို့ လာပါတော့တယ် သူတို့ ခန့်မှန်းထားသလို အစာရေစာ ရရှိစုဆောင်းနိုင်မလား ဘယ်လို အခက်အခဲပေါက်တက်ကရတွေ ကြုံတွေ့ရမယ် ဆိုတာတော့ ဆက်လက်ရှုစား ရယ်မောလိုက်ကြပါအုံးခင်ဗျ ဘ၀ အမော ပြေနိုင်ကြပါစေ... ဒီကာတွန်းကားလေးကို ကျနော့်ပူဆာချက် အရ Little Neo မှ ဘာသာပြန်ပေးထားတာဖြစ်ပြီး Thit San Khant မှ Encode ၍ တင်ဆက်ပေးထားပါတယ် Thit San Khant

အသစ်ဘယ်လောက်ကောင်းကောင်း အဟောင်းလေးကို မမှီဘူးဆိုတဲ့ စကားလေးအတိုင်းပါပဲ ဒီတစ်ခါတော့ CM ပရိတ်သတ်ကြီးအတွက် အဟောင်းထဲက အကောင်းလေး တစ်ကားကို ပြန်လည် တင်ဆက်လိုက်ပါတယ် ... နီမို (Nemo) ဆိုရင် မသိသူမရှိသလောက်ပါပဲ ... အောင်မြင်မှုများစွာကိုလည်း ရရှိခဲ့တဲ့ ရုပ်ရှင်ကားကောင်းတစ်ကားဖြစ်ခဲ့ပါတယ် ... ဇတ်လမ်းအကျဉ်းလေးကတော့ Clown fish လေး ဖြစ်တဲ့ မိတဆိုးသားလေး နီမိုတစ်ကောင် သူနေထိုင်ရာ သမုဒ္ဒရာကြီးထဲကနေ လူတစ်ချို့ဖမ်းဆီးခေါ်ဆောင်သွားခြင်းခံလိုက်ရတဲ့အခါ ဖခင်ဖြစ်သူက လိုက်လံရှာဖွေတဲ့ ဇာတ်လမ်းပဲဖြစ်ပါတယ်... ဒီသားပျောက်ရှာပုံတော်မှာ စွန့်စားခန်းတွေ တစ်လှေကြီးပါဝင်ပြီး ဇာတ်လမ်း ဇာတ်အိမ်ကောင်းကောင်းနဲ့ စိတ်ဝင်စားစရာလည်းကောင်းတာမို့ ပရိတ်သတ်တွေ သဘောကျနှစ်ခြိုက်ကြမှာ အသေအချာပါပဲ ... ဒီတော့ အားပေးကြပါဦး.. ဘာသာပြန်သူနဲ့အညွှန်းရေးသူကတော့ ရဲကျော်ထက်ဖြစ်ပါတယ် File size…  6.5 GB / 2.7 GB / 1.3 GB Quality… BluRay 4k / 1080p / 720p Format… mp4 , mkv Duration…. 1h 40m Genre .....  Animation , Adventure , Comedy Subtitle…. Myanmar Subtitle (Hard Sub) Encoder…. Thit San Khant Translated by Ye Kyaw Htet

2002 ခုနှစ်ကထွက်ရှိခဲ့တဲ့ The hours ဆိုတဲ့ psychological drama အမျိုးအစားဇာတ်ကားလေးတင်ဆက်ပေးလိုက်ပါတယ်။ တခေတ်တခါကနာမည်ကြီးမင်းသမီးတွေဖြစ်တဲ့ Meryl Steep , Julianne Moore နဲ့ Nicole Kidman တို့ပါဝင်သရုပ်ဆောင်ထားပါတယ်။ သုံးရောက်စလုံးက Oscar ဆုရရှိထားသူတွေပါ။ ဒီရုပ်ရှင်ဇာတ်ကားဟာလည်း IMDb rating 7.5 အထိရရှိထားတဲ့အပြင် Oscar ဆုတစ်ခုနဲ့အခြားဆုပေါင်းများစွာရရှိခဲ့ပါတယ်။ Oscar ဆုကတော့ Nicole Kidman က best actress ဆုကိုရရှိခဲ့တာပါ။ ဒီလောက်ဆုတွေလည်းရထားတယ်၊ rating တွေလည်းကောင်းတယ်ဆိုတော့ တကယ်ကောင်းတဲ့ကားဆိုတာငြင်းလို့မရပါဘူး။ ဒီဇာတ်လမ်းဟာ အင်္ဂလိပ်စာရေးဆရာမ Adeline Virginia Wolf ရေးခဲ့တဲ့ Mrs.Dalloway ဆိုတဲ့စာအုပ်နဲ့ ဆက်စပ်ပြီး စိတ်ကျဝေဒနာကိုခံစားနေကျရတဲ့အမျိုးသမီးသုံးယောက်ရဲ့ဘဝအကြောင်းကိုရိုက်ပြထားတာပါ။ ပထမဇာတ်ဆောင်ဖြစ်တဲ့ Virginia Wolf အနေနဲ့ Nicole Kidman ကသရုပ်ဆောင်ထားပြီး ၁၉၂၃ ခုနှစ် မှာ Mrs.Dalloway စာအုပ်ကိုစရေးနေစဉ်သူမရဲ့စိတ်ခံစားမှုအကြောင်းကိုရိုက်ပြထားပါတယ်။ Virginia Wolf ဟာသူမရဲ့လိင်စိတ်ခံယူမှုကိုစတင်နားလည်လာချိန်ဖြစ်ပြီး ဘဝအပေါ်စိတ်ပျက်မှုနဲ့ခေါင်းကိုက်ဝေဒနာကိုခံစားနေရချိန်ဖြစ်ပါတယ်။ ညီမဖြစ်သူလာလည်စဉ်အတူပါလာတဲ့တူမလေးရဲ့ သေခြင်းတရာနဲ့ပတ်သတ်ပြီးမေးတဲ့မေးခွန်းဟာသူမအပေါ်လွှမ်းမိုးမှုရှိခဲ့ပါတယ်။ ဒုတိယဇာတ်ဆောင်ဖြစ်တဲ့ Laura Brown အနေနဲ့ Julianne Moore ကသရုပ်ဆောင်ထားပါတယ်။ Laura Brown မှာ သားတစ်‌ယောက်ရှိပြီးနောက်ထပ်ကိုယ်ဝန်လည်းလွယ်ထားရပါတယ်။ သူမဟာဒုတိယကလေးပင်ရတော့မည်ဆိုသော်ငြားလည်း မိမိကိုယ်ကို မိခင်ဖြင်ဖို့မလုံလောက်သေးဘူးဟုထင်ပြီးစိတ်ကျဝေဒနာကိုခံစားနေရတာပါ။ ကြံရာမရတဲ့အဆုံးသူမဘာဆက်လုပ်မလဲဆိုတာကိုတော့ဆက်လက်ခံစားကြည့်ပါ။ တတိယဇာတ်ဆောင်ဖြစ်တဲ့ Clarissa Vaughan အနေနဲ့ Meryl Steep ကသရုပ်ဆောင်ထားပါတယ်။သူမဟာ ၂၀၀၁ ခုနှစ်မှာ New York မြို့မှာနေတဲ့ထုတ်ဝေသူတစ်ယောက်ပါ။ သူမဟာ AIDS ကြောင့်သေရတော့မဲ့သူမရဲ့သူငယ်ချင်း ရစ်ချတ်ကိုစောင့်ရှောက်ပေးနေခဲ့တာပါ။ ပြီးတော့သူမဟာလည်းမိန်းမချင်းကြိုက်နှစ်သက်သူဖြစ်ပြီး တချိန်တုန်းကပတ်သတ်ခဲ့ဖူးတဲ့ရစ်ချတ်အပေါ်စွဲလန်းနေသူပါ။ ဒီရုပ်ရှင်ကပြသချင်တဲ့အဓိကအကြောင်းအရာကတော့ ကိုယ့်ဘဝကိုကိုယ့်‌ပျော်ရွှင်မှုအတွက်ရှင်သန်မလား၊သူတစ်ပါးရဲ့ပျော်ရွှင်မှုအတွက်ရှင်သန်မလားဆိုတာပဲဖြစ်ပါတယ်။ဇာတ်ဆောင်အမျိုးသမီးသုံးယောက်လုံးရဲ့ဘဝတွေကိုသေချာခံစားကြည့်ပါ၊ဒီသဘောထားကိုနားလည်ပါလိမ့်မယ်။ ပြီးတော့ဇာတ်လမ်းသွားကဘာမှသိပ်မရှိပေမဲ့ အဆုံးထိဆွဲခေါ်သွားနိုင်ပါတယ်။နောက်ခံတီးလုံးရဲ့ပံ့ပိုးမှုကြောင့်တချို့ဇာတ်ကွက်တွေဟာဆိုရင် thriller vibe ‌တောင်ရစေပါတယ်။ခံစားကြည့်ကြပါခင်ဗျာ။ File size…(2.7 GB)/(1.2 GB) Quality….Webrip 1080p / 720p Format…mp4 Duration….01:50:00 Genre...Drama, Romance Subtitle….Myanmar Subtitle (Hardsub) Encoder….Garfield Translated by Akm

ဒီဇာတ်ကားလေးကတော့ Spidermanဇာတ်ကားသုံးတွဲမှာ MJအနေနဲ့ သရုပ်ဆောင်ခဲ့တဲ့ မင်းသမီး Kirsten Dunst ရဲ့ဇာတ်ကားလေးပါပဲ။ သူ့အပြင် တစ်ခြားအလှမင်းသမီးတွေလည်း ပါဝင်ပါသေးတယ်။ ဇာတ်လမ်းအကျဥ်းကတော့ အမေရိကန်နိုင်ငံမှာ ဆယ်ကျော်သက်မင်းသမီးလေးအလှမယ်ပြိုင်ပွဲဆိုပြီး အလှမယ်ပြိုင်ပွဲတစ်ခုရှိပါတယ်။ ဒီပြိုင်ပွဲကို မြို့နယ်ကနေ ပြည်နယ်အဆင့် ပြည်နယ်ကနေ နိုင်ငံအဆင့်ထိ ယှဥ်ပြိုင်ကြရပါတယ်။ ဇာတ်လမ်းအခြေတည်ထားတာကတော့ နယ်မြို့လေးဖြစ်တဲ့ မောင့်ရို့စ်ဆိုတဲ့နယ်မြို့‌‌လေးမှာပါပဲ။ ဒီမြို့လေးမှာလည်း အလှမယ်ပြိုင်ပွဲကျင်းပရင်း ပြိုင်ပွဲအဖွဲ့အစည်းရဲ့ ဥက္ကဌသမီးက နိုင်ဖို့အစွမ်းကုန်ကြိုးစားပါတော့တယ်။ သူမက ဒီပြိုင်ပွဲကိုအနိုင်ရဖို့ ဘယ်လောက်တောင်လုပ်ဆောင်သွားမလဲ။ ဇာတ်လိုက်ဖြစ်တဲ့ နောက်တွဲကားမှာ အမေနဲ့နှစ်ယောက်ထဲ နေထိုင်နေရတဲ့ ကျွန်တော်တို့ရဲ့ ဇာတ်လိုက်မင်းသမီးလေးကရော အခက်အခဲတွေကို ဘယ်လိုကျော်ဖြတ်မလဲဆိုတာကို ကြည့်ရမှာပါ။ ရိုက်ကူးထားတဲ့ပုံစံကလည်း သာမန်နဲ့မတူဘဲ အလှမယ်ပြိုင်ပွဲကို မှတ်တမ်းတင်ရိုက်ကူးနေတဲ့ပုံစံနဲ့ရိုက်ကူးထားတာလည်း ဖြစ်ပါတယ်။ အလှမယ်ပြိုင်ပွဲလေးတစ်ခုအတွက် ဘယ်လောက်ထိရက်စက်ကြမလဲ။ မင်းသမီးကရော အနိုင်ရပါ့မလား။ ပေါ့ပေါ့ပါးပါးနဲ့ကြည်ရှုနိုင််မယ့် ဇာတ်လမ်း‌လေးတစ်ခုပဲဖြစ်ပါတယ်။ File size…(2.3 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Comedy  Subtitle….Myanmar Subtitle (Hardsub) Encoder….Swan Min Htet Translated by Lwin

ဒီကားလေးကတော့ အရမ်းကို ကောင်းလွန်းတာကြောင့် အများကြီး သိပ်ညွှန်းဖို့ လိုမယ် မထင်ပါဘူး. ဘာကြောင့်လဲဆိုတော့ IMdB 8.3/10 နဲ့အော်စကာ ၅စု, ပြီးတော့ တခြားဆုပေါင်းများစွာ ရခဲ့လို့ပါပဲ. ဇာတ်လမ်း အကျဉ်းကတော့ အလုပ်မှာလဲ အဆင်မပြေ.အိမ်က မိန်းမနဲ့ သမီးရဲ့ လေးစားခြင်းကိုလဲ မရတဲ့ လက်စတာဟာ တနေ့မှာ သမီး ဖြစ်သူရဲ့ သူငယ်ချင်းမလေး ကို တွေ့သွားတဲ့အခါ ချစ်ကြိုက်မိသွားခဲ့ပါတယ်.အဲ့အခါမှာလက်စတာဟာ သူမကို ရဖို့ကြိုးစားရင်း ဖြစ်ပျက်ခဲ့တာတွေ, သမီး ဖြစ်သူရဲ့ စိတ်ခံစားချက်တွေ, အိမ်ထောင်ရေးပဍိပက္ခတွေနဲ့ ,လူငယ်နဲ့ မိဘကြားက နားလည်မှုလွဲနေတာတွေကို ခံစားဖို့ ရိုက်ကူးပြသထားတဲ့ မိသားစု ဒရာမာ ဇာတ်ကားကောင်းလေးပဲ ဖြစ်ပါတယ်........ အရမ်းကြီး ညွှန်းလိုက်ရင် spoilဖြစ်မှာဆိုးလို့ ဒီလောက်နဲ့ပဲ ‌ရပ်လိုက်ပါတော့မယ်.... တချို့ဇာတ်ဝင်ခန်းတွေမှာ မိသားစုနဲ့အတူ ကြည့်ဖို့မသင့်တော်တာကြောင့် ၁၈+အဖြစ် သတိပေးအပ်ပါတယ်ခင်ဗျာ File size…871MB and  3GB Quality…720p and 1080p HEVC 5.1CH Format…Mp4 Duration….2h 1min Subtitle….Myanmar Subtitle(Hard Sub) Encoder….YK Translated by YK

10 Things I Hate About You (1999) IMDb - 7.3/10 Rotten - 69% ဒီရုပ်ရှင်မှာ မင်းသားကြီး Health Ledger နဲ့ မင်းသမီး Julia Stiles တို့ အဓိကပါဝင်ထားပြီး သူတို့နှစ်ယောက်ဘယ်လောက်တောင် တွဲဖတ်ညီခဲ့လဲဆိုရင် ဇာတ်ကားရိုက်ကူးနေစဉ်မှာပဲ တကယ်တွဲဖြစ်ခဲ့ကြပါတယ်.... ဇာတ်ဝင်ခန်းမှာ Julia ရဲ့တောင်းဆိုချက်ကြောင့်  Frankie Valli ရဲ့"Can't take my eyes off you" သီချင်းကို Health Ledger ကိုယ်တိုင် သီဆိုခဲ့ပြီး ဒီ Scene ဟာ လူတိုင်းရင်ကို ကြည်နူးစေခဲ့ပါတယ်။ ဒီရုပ်ရှင်ဟာ နိုင်ငံတကာက လူငယ်တွေကြား အခုချိန်ထိ အသည်းစွဲနေတဲ့ဇာတ်ကားဖြစ်ပြီး Rating မြင့်တဲ့ Romance Comedy ဇာတ်ကားတစ်ကားဖြစ်ပါတယ်။ ဇာတ်လမ်းအညွှန်းကတော့... ကမ်မရွန် ဆိုတဲ့ ကျောင်းသားလေး ပါဒွာ ဆိုတဲ့ ကျောင်းတော်ကြီးမှာ ကျောင်းစတက်တဲ့ နေ့မှာဘဲ ဘီယန်ကာဆိုတဲ့ စော်ချောချောလေးကို တွေ့ပြီး ခွက်တော့တာပဲ... ဘီယန်ကာ မှာ ကတ် ဆိုတဲ့ ဂွကျကျ အမ တစ်ယောက်ရှိပါတယ်.. ကတ်က လူမှုဆက်ဆံရေးညံ့ပြီး ဘဲမထားဘူးတဲ့.. ဒါကို သိတဲ့ သူတို့ အဖေကြီးက အမ ရည်းစားထားမှ ညီမလဲ ရည်းစားထားရမယ် ဆိုတဲ့ စည်းကမ်းချလိုက်တော့တာဘဲ.. ကမ်မရွန် ခင်မျာ ဘီယန်ကာဆိုတဲ့ အချစ်နတ်သမီး လေးကို လိုချင်ဇောနဲ့ ကြံရတော့တာဘဲ. . ဘယ်လို အကြံလဲဆိုတော့ အမဖြစ်သူ ကတ် ကို ပတ်ထရစ် ဆိုတဲ့ ဂျစ်ပစီဘွိုင်းကို လိုက် ခ ပေးပြီးတော့ပေါ့ လိုက်ခိုင်းတာပါ လိုက်ခ ပေးဖို့ ပိုက်ဆံမရှိပြန်တော့ တစ်မျိုးကြံရပြန်ပါတယ် ဘီယန်ကာကို အပိုင်ရအောင်ကြံချင်နေတဲ့ ဂျိုဝီဆိုတဲ့ သူဠေးသားလဲ ရှိပါသေးတယ် ကမ်မရွန်ရဲ့ အကြံကတော့ ဂျိုဝီကို မလိမ့်တပတ်နဲ့ ကပ်ပေါင်းပြီး ပတ်ထရစ်ကို ပိုက်ဆံ ပေးခိုင်းတာပါ ပတ်ထရစ်ကရော လိုက်ခယူပြီး ကတ် ဆိုတဲ့ လူ့ဂွစာ ကောင်မလေးကို လိုက်ရင်းနဲ့ တကယ်ချစ်သွားမလား ကမ်မရွန်ကကော သူ့အကြံအောင်မြင်ပြီး ဘီယန်ကာ ကို ပိုင်ဆိုင်မလား လူလည်ကျခံ လိုက်ရတဲ့ ဂျိုဝီကကော အငြိမ်နေမှာလားဆိုတာ.........။ ရင်ခုန်ကြည်နူးစရာ တင်ဆက်ပုံတွေကြောင့် ကြည့်မိသူတိုင်း သိပ်ချစ်ကြရတဲ့ ဇာတ်ကားလေးပါပဲ။ File size…(2.4 GB)/(1.6 GB)/(999 MB) Quality….Regrade WEBrip 4K HEVC/ 1080p / 720p Format…mkv/mp4 Duration….01:37:36 Subtitle….Myanmar Subtitle (Hardsub) Encoder….Nyeinsaeya Aung Translated by Jerrica

Celebrity (1998) နာမည်ကြီး ဒါရိုက်တာ Woody Allen ကြီးရဲ့ ၉၀ ကာလက လက်စွမ်းပြခဲ့တဲ့ ကားကောင်းတွေထဲကတစ်ခုဖြစ်ပြီး...Leonardo DiCaprio ရဲ့ ဆိုးသွမ်းတဲ့နာမည်ကြီးမင်းသားတစ်ယောက်နေရာက သရုပ်ဆောင်ချက်တွေကိုမြင်တွေ့ရမှာဖြစ်ပြီး Woody Allen ရဲ့ထုံးစံအတိုင်း နယူးယောက်မြို့နဲ့ မန်းဟတ်တန်ရဲ့အငွေ့အသက်တွေ..အားကောင်းတဲံ ဒိုင်ယာလော့တွေကို ထိုခေတ်က နာမည်ကြီး မင်းသား၊ မင်းသမီးများစွာ ပါဝင်ထားတာကြောင့် စိတ်ဝင်စားဖို့ကောင်းပါတယ်။ ဇာတ်လမ်းကတော့ အိမ်ထောင်သက် ၁၆ နှစ်အကြာမှာ လမ်းခွဲလိုက်ကြတဲ့ လင်မယားနှစ်ယောက်ဖြစ်သူ Lee Simon (Kenneth Branagh) နဲ့ Robin Simon (Judy Davis) တို့ရဲ့ ကွဲပြားခြားနားသွားတဲ့ ဘဝခရီးစဉ်တွေအကြောင်းပါ။ ခင်ပွန်းဖြစ်သူ Lee ကတော့ ကျော်ကြားတဲ့ စာရေးဆရာ၊ သတင်းထောက်တစ်ယောက်ဖြစ်ဖို့ ရည်မှန်းချက်ကြီးသူဖြစ်ပြီး၊ နာမည်ကြီးအနုပညာရှင်တွေနဲ့ ပတ်သက်ခွင့်ရဖို့ ကြိုးစားရင်း သူ့ဘဝကို ကုန်ဆုံးနေသူပါ။ တစ်ဖက်မှာတော့ ဇနီးဖြစ်သူ Robin က သူမရဲ့ စိတ်ဒဏ်ရာတွေကို ကျော်ဖြတ်ရင်း မထင်မှတ်ဘဲ ရုပ်သံလောကမှာ အောင်မြင်တဲ့ အမျိုးသမီးတစ်ဦး ဖြစ်လာပါတော့တယ်။ နာမည်ကြီးချင်လွန်းတဲ့သူက ကျရှုံးနေပြီး၊ အေးအေးဆေးဆေးနေချင်သူက နာမည်ကြီးလာတဲ့ သူတို့နှစ်ဦးရဲ့ ကံကြမ္မာ အလှည့်အပြောင်းကို ရိုက်ပြထားပြီး ဒါရိုက်တာ Woody Allen ရဲ့ ထုံးစံအတိုင်း စကားပြောခန်းတွေက မြန်ဆန်တယ် ၊ ခနဲ့တဲ့တဲ့နိုင်တယ်၊ လူမှုပတ်ဝန်းကျင်ကို ထိထိမိမိ ဝေဖန်ထားတဲ့ 90 ခေတ်က ဆယ်လီတွေရဲ့ဘဝအကြောင်းပါ

The Object of My Affection (1998) IMDb Rating (6.0) / Rotten Tomatoes (52%) Ant-man မင်းသားကြီး Paul Rudd နဲ့ Jennifer Aniston တို့ ဦးဆောင်ပါဝင်ထားတဲ့ Romantic Comedy ကားလေး ဖြစ်ပါတယ်။ ဇာတ်လမ်းကတော့ Nina နဲ့ George ဟာ ဧည့်ခံပွဲတစ်ခုမှာ အမှတ်မထင်ဆုံရင်း မိတ်ဆွေတွေ ဖြစ်သွားပါတယ်။ Georgeက မူလတန်းကျောင်းဆရာ တစ်ယောက်ဖြစ်ပြီး Jolely ဆိုတဲ့ စာရေးဆရာတစ်ယောက်နဲ့ အတူနေကြတဲ့ ချစ်သူတွေပါ။ ဧည့်ခံပွဲက အပြန်မှာ Joley နဲ့ ပြတ်သွားခဲ့ပြီး Nina နဲ့အတူ Brooklyn က တိုက်ခန်းတစ်ခုမှာ ပြောင်းနေခဲ့ပါတယ်။ Nina မှာလည်း Vince ဆိုတဲ့ ရည်းစားရှိပြီး Vinceက Nina နဲ့ George အတူနေကြတာကို သိပ်သဘောမကျလှပါဘူး။ Nina ကလည်း George နဲ့ အနေကြာလာတော့ သံယောဇဥ် တွယ်လာခဲ့ပါတယ်။ တစ်ရက်မှာ Nina က သူကိုယ်ဝန် ရှိနေတာ သိသွားခဲ့ပြီး George ကို ပြောပြလာပါတယ်။ Nina က ကလေးကိုအဖေဖြစ်တဲ့ Vince ထက် George နဲ့အတူပဲ ပျိုးထောင်ချင်ကြောင်း ပြောလာတဲ့အခါမှာ George က တွေဝေပြီး ဆုံးဖြတ်ရခက်နေခဲ့ပါတယ်။ 90s rom/com ကြိုက်တဲ့ ပရိသတ်တွေ သဘောကျမယ့် ဇာတ်ကားလေးမို့လို့ မိုးအေးအေးလေးနဲ့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ Leonie ဖြစ်ပါတယ်။) File size… (2.7 GB) / (1.2 GB) Quality…. WEB-Rip 1080p HEVC / 720p Format…. mkv/mp4 Genre…. Comedy, Drama, Romance Duration…. 01:52:30 Subtitle…. Myanmar Subtitle (Hardsub) Encoder…. Benjamin Translated by Leonie

Six Days, Seven Nights (1998) ဒီရုပ်ရှင်ကားကတော့ ပေါ့ပေါ့ပါးပါးနဲ့ရယ်ရအောင်ရိုက်ကူးထားပြီး အချစ်၊ အလွမ်း၊ အကြမ်း ၊ စွန့်စားခန်းတွေကို ဟာသဆန်ဆန်တင်ဆက်ထားတာမလို့ ရသစုံသလို ကြည့်ပျော်တဲ့ရုပ်ရှင်ကားလေးလဲ ဖြစ်ခဲ့ပါတယ်။ မင်းသားကြီး Harrison Ford နဲ့ မင်းသမီး Anne Heche တို့အဓိကပါဝင်ထားပြီး Friends SitCom ထဲက Ross အဖြစ်လူသိကြတဲ့ မင်းသား David Schwimmer လဲ သူနဲ့လိုက်ဖက်တဲ့နေရာက ပါဝင်ထားပါတယ်။ David Schwimmer ကို နေရာတကာ အလွဲလွဲအချော်ချော်နဲ့ ထင်ရာပြော ကြင်နာသနားတတ်တဲ့ဇာတ်ကောင်အဖြစ် မြင်ရတာ Friends ထဲက Ross အတိုင်းပါပဲ ရယ်နေရပါတယ်။ ဟယ်ရီဆင်ဖိုဒ့်ကြီးကိုလဲ တကိုယ်တည်းထင်ရာစိုင်း စွန့်စားပြီး အထာကျတဲ့ဘဲအဖြစ် မြင်ရတာ အင်ဒီယာနာဂျုံးဇာတ်ကောင်တောင် ပြန်အမှတ်ရစေပါတယ်။ ဇာတ်လမ်းသွားကတော့ အသည်းနုတဲ့မိန်းမသားတို့သဘာဝနဲ့ အချစ်ရဲ့စေရာကို မလွန်ဆန်နိုင်တဲ့လူသားတို့ရဲ့သဘာဝတွေကို ရှုခင်းလှလှတွေ စွန့်စားခန်းတွေနဲ့ အသည်းတယားယား ရင်တဖိုဖိုဖြစ်အောင်တင်ဆက်ထားပါတယ်။ Rating တွေဘာတွေ ခနမေ့ပြီး ဒီအတိုင်း လိုက်ပါစီးမျောရင်ကို ချစ်စရာကောင်းတဲ့ဇာတ်လမ်းလေးပါပဲ။ File size…(2.1 GB )/(1.2 GB) Quality….BluRay 1080p HEVC / 720p Format…mkv/mp4 Duration….01:41:54 Subtitle….Myanmar Subtitle (Hardsub) Encoder….Ka Naung Translated by Cherry Mon