Amanda Plummer ပါဝင်သော ဇာတ်ကားများ

The Mastermind (2025) IMDb Rating (6.5) / Rotten Tomatoes (90%) The Mastermind ဆိုတာ 1970 မျိုးကာလ ကို အခြေခံထားတဲ့ ပြတိုက်ထဲက ပန်းချီကားတွေကို ခိုးယူဖို့ကြိုးစားခဲ့တဲ့လူတစ်ယောက်အကြောင်းကိုရိုက်ကူးထားတာပါ။ ဒါပေမဲ့ အက်ရှင်ကားမဟုတ်ဘဲ ဇာတ်ကောင်အတွင်းခံ စိတ်အခြေအနေနဲ့ 1970 မျိုးကာလ စစ်အေးကာလ ဗီယက်နမ်စစ်ပွဲတွေ၊ အမေရိကန်တွေရဲ့ တခေတ်ထလာတဲ့ ဟစ်ပီတွေအကြောင်းနဲ့ ခေတ်ပျက်ကြီးက လူတစ်ယောက်အကြောင်းကိုရိုက်ကူးထားတဲ့ အနုပညာမြောက် ရုပ်ရှင်တစ်ကားဖြစ်ပါတယ်။ File size… (7.3 GB) / (1.8 GB) / (840 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Crime,Drama Duration…. 01:50:59 Subtitle…. Myanmar Subtitle (Hardsub)

Run (2025) +++++ ဒါရိုက်တာ Uwe Boll ရိုက်ကူးထားတဲ့ Run (2025) ဟာ လက်ရှိကမ္ဘာကြီးရဲ့ အကြီးမားဆုံးသော လူမှုရေး ပြဿနာတစ်ရပ်ဖြစ်တဲ့ ရွှေ့ပြောင်းအခြေချသူများ အရေးအခင်းကို တိုက်ရိုက်ပုံဖော်ထားတဲ့ သည်းထိတ်ရင်ဖို ဇာတ်ကားဖြစ်ပါတယ်။ ဇာတ်လမ်းအစမှာ မြေထဲပင်လယ်ကို အသက်စွန့်ပြီး ဖြတ်သန်းလာခဲ့ကြတဲ့ အာဖရိကမှ ရွှေ့ပြောင်းလာသူများ အဖွဲ့တစ်ဖွဲ့ဟာ အီတလီကမ်းခြေမြို့ငယ်လေး တစ်ခုဆီကို ရုတ်တရက် ရောက်ရှိလာခဲ့ပါတယ်။ သူတို့ရဲ့ အသက်ရှင်ရပ်တည်ရေးအတွက် ရုန်းကန်ရမယ့် ခရီးသစ်ဟာ စတင်ခဲ့ပါပြီ။ ဒီရွှေ့ပြောင်းလာမှုကြောင့် အပန်းဖြေနေတဲ့ ဧည့်သည်တွေနဲ့ သာမန်ဒေသခံတွေရဲ့ ငြိမ်းချမ်းနေတဲ့ဘဝတွေဟာ ချက်ချင်းဆိုသလို စိန်ခေါ်မှုများနဲ့ ရှုပ်ထွေးမှုတွေထဲကို ကျရောက်သွားပါတယ်။ ရုပ်ရှင်ဟာ ဒိအခြေအနေကို ကိုင်တွယ်ဖို့ ကြိုးစားနေရတဲ့ ရဲအရာရှိ‌တွေ၊ ကြီးမားလှတဲ့ ဗျူရိုကရေစီ ယန္တရားကြီးရဲ့ အချည်းနှီးဖြစ်မှုတွေ အစိုးရစနစ်ထဲက အဂတိလိုက်စားမှု‌တွေနဲ့ ရွှေ့ပြောင်းသူတွေကို ကိုယ်တိုင် လက်တုံ့ပြန်ဖို့ ကြိုးစားလာကြတဲ့ အစွန်းရောက် ပုဂ္ဂိုလ်များအပါအဝင် ဇာတ်ကောင်စုံရဲ့ အမြင်တွေကနေ ပုံဖော်ပြသထားပါတယ်။ File Size… (1.86GB) / (1.04GB) Quality… WEB-DL 1080p HEVC /720p Format…mkv / mp4 Duration…1h 37m Genre … Thriller Subtitle….Myanmar Subtitle (Hard Sub)

ပန်းပုပညာရှင် လစ်ဇီဟာ အရည်အချင်းရှိသူတစ်ယောက်ပေမယ့် သူ့ပြိုင်ဘက်လည်းဖြစ်၊ အိမ်ပိုင်ရှင်လည်းဖြစ်တဲ့ ဂျိုနဲ့တော့ ဆက်ဆံရေး သိပ်မပြေလည်ပါဘူး။ တစ်နေ့မှာ ဂျိုက ဒဏ်ရာရနေတဲ့ခိုတစ်ကောင်ကို ကယ်တင်ပြီး လစ်ဇီကို ခဏကြည့်ပေးထားဖို့ အပ်ခဲ့တယ်။ အဲဒီနေ့က လစ်ဇီရဲ့ ပန်းပုရုပ်တွေ အပြီးလုပ်ရမယ့်နေ့နဲ့ တိုက်နေတော့ အလုပ်တစ်ဖက်၊ ခိုကို စောင့်ရှောက်ရတာတစ်ဖက်နဲ့ မအားမလပ် ဖြစ်နေပါတော့တယ်။ နောက်တစ်နေ့မှာ အပူပေးထားတဲ့ ပန်းပုရုပ်တွေကို သွားကြည့်ရာက အရုပ်တစ်ရုပ် လောင်သွားတာကို တွေ့လိုက်ရတယ်။ ပြပွဲမှာ အဲဒီပန်းပုရုပ်ကိုပဲ ပြသဖြစ်မလား၊ လစ်ဇီနဲ့ ဂျိုတို့ကြားက ဆက်ဆံရေး ဘယ်လိုပြောင်းလာမလဲဆိုတာနဲ့အတူ လစ်ဇီရဲ့ ရှုပ်ထွေးတဲ့ မိသားစုဆက်ဆံရေးတွေကိုလည်း ပြထားပါတယ်။ ၂၀၂၂ ခုနှစ်ထွက် ဒရာမာဟာသကားဖြစ်ပြီး အနုပညာကျောင်းမှာ သင်ကြားကြပုံနဲ့ ဖန်တီးမှုလက်ရာတွေကို ထည့်သွင်းထားပါတယ်။ ရိုက်ချက်နဲ့ အလင်းအမှောင်အသုံးအနှုန်းတွေမှာလည်း ပန်းချီကားတစ်ချပ်လို ခံစားရစေတဲ့ တင်ဆက်ပုံကို သုံးထားပါတယ်။

ဒီရုပ်ရှင်ဟာ Genreများပါတယ်၊ အနာဂတ်စစ်ပြီး​​ခေတ် Post-apocalypticကာလမှာ အ​ခြေခံထားတဲ့ Sci-drama အမျိုးအစားပါ၊ ဒါ​ပေမဲ့ ကိုးကွယ်ယုံကြည်မှုနဲ့ အယူဝါဒ ဆိုင်ရာ၊ လူမျိုး​ရေးဝါဒ၊ အရင်းရှင်နဲ့ မျက်နှာမွဲ​ ကျောခင်း ဘဝ​တွေစသဖြင့် ရှု​ထောင့်တိုင်း မလွတ်​စေရ​အောင် ဒါရိုက်တာမှ အစွမ်းပြထားပါတယ်၊ ဒါ့အပြင် ရှိတာနဲ့ လှ​​အောင်ဆင်ထားတဲ့ ရိုက်ကွင်းsettingနဲ့ soundtracks ​တွေ​က post apocalyptic ဆိုတဲ့အရသာကို ပို​ပေါ်​လွင်​စေပါတယ် စစ်ပြီး​​ခေတ်ကာလ 2039ခုနှစ်မှာ Emerson stateလို့ ​​ခေါ်တဲ့ အရင်းရှင်ပြည်နယ်တစ်ခုဟာ အင်အားနည်းတဲ့ လူမျိုးစု​တွေအ​ပေါ် ဓနအင်အား​ရော၊ စစ်​ရေးအင်အားနဲ့ပါ ဖိနှိပ်ထားပါတယ်၊ ဖိနှိပ်တဲ့ပုံစံက အင်အားနည်းလူမျိုးစုနဲ့ ပြည်သူ​တွေထဲက အသက်မပြည့်​သေးသူ က​လေး​တွေကို နိုင်ငံ​တော်ပိုင်အ​နေနဲ့ ​ခေါ်​ဆောင်ပြီး ပညာသင်ကြား​စေခြင်း ဆိုတဲ့ အ​ယောင်ပြပုံစံပဲဖြစ်ပါတယ်၊ ကိုယ့်ရင်​သွေးကို မ​စေလွှတ်တဲ့မိဘ​တွေကိုလည်း နိုင်ငံ​တော် ပုန်ကန်မှုနဲ့ ဖမ်းဆီး​ထောင်ချတဲ့အထိ တရားမဲ့စွာ အုပ်ချုပ်​​နေတာပါ၊ ဒီလို မတရားမှုဟာ တစ်​နေ့မှာ Niskaနဲ့ သူမရဲ့ သမီးဖြစ်သူWarseseတို့ဆီ တည့်တည့်​ရောက်လာပါတယ်၊ သမီးကို Emersonပြည်နယ်ထဲ ပို့လိုက်ရတဲ့ Niskaလည်း သမီးကိုပြန်လည်ကယ်တင်ဖို့ ​ဒေသခံလူမျိုးစုတစ်စုနဲ့ ပူး​ပေါင်းရင်း Emerson stateရဲ့အ​ယောင်ပြပညာ​​ရေးနဲ့ ​နောက်ကွယ်က အကြံအစည်က ဘာ​တွေဖြစ်​နေမလဲ၊ အခက်အခဲ​ပေါင်းများစွာကြားက Niskaနဲ့ Warseseတို့ ပြန်ဆုံ​နိုင်မလားဆိုတာကို စိတ်ဝင်စားစရာ တင်ဆက်မှုနဲ့ ရိုက်ကူးထားတဲ့ ခေတ်လွန် Sci- drama ကား​ကောင်း​ပဲ ဖြစ်ပါတယ် File Size : (1.7 GB) & (900 Mb) Quality : Webrip 1080p & 720p 5.1 CH Running Time : 1:41:00 Format : mp4 Subtitle : Myanmar Subtitle (Hard Sub)| Genre : Action, Sci-Fi, Thriller Translated by Thaung Htike Zaw Encoded by Mr.Anderson

2020 ခုနှစ်က ထွက်ရှိခဲ့တဲ့ Netflix ထုတ် thriller ဇာတ်လမ်းကောင်းလေးတစ်ခုကို တင်ဆက်ပေးလိုက်ပါတယ်။ ဇာတ်လမ်းတွဲထဲမှာတော့ သူနာပြု မေးရက်ဒ် ရက်ချက်ဒ်ကသွေးအေးအေးနဲ့ ဉာဏ်သုံးပြီး အားလုံးကို ကြိုးကိုင်ချယ်လှယ်သွားပုံတွေကို မြင်ရမှာဖြစ်ပါတယ်။ ဇာတ်လမ်းအစမှာ စိတ္တဇဖြစ်နေတယ်လို့ ယူဆရတဲ့ လူတစ်ယောက်က ဘုန်းတော်ကြီးတွေကို သတ်ခဲ့ပါတယ်။ သက်ဆိုင်ရာက သူ့ကိုဖမ်းပြီးတဲ့နောက်မှာ သူ့ရဲ့စိတ်ကျန်းမာရေးအခြေအနေကို စစ်ဆေးဖို့ လူစီယာမြို့နယ်စိတ်ကျန်းမာရေးဆေးရုံကို ပို့ဖို့စီစဉ်ကြပါတယ်။ အဲဒီအချိန်မှာပဲ မျက်နှာခက်ထန်၊ အဝတ်အစား ကြော့မော့နေအောင်ဝတ်စားထားပြီး ကြက်သီးထစရာကောင်းလောက်အောင် စကားပြောလိမ္မာပါးနပ်တဲ့ သူနာပြုတစ်ယောက်က လူစီယာစိတ်ကျန်းမာရေးဆေးရုံမှာ အလုပ်ဝင်နိုင်ဖို့ အစွမ်းကုန်ကြိုးစားနေပါတယ်။ ဆေးရုံအုပ်ဆီက အထင်ကြီးလေးစားမှုရဖို့ စကားနဲ့ပါးနပ်စွာ ပြောနိုင်ခဲ့ပေမဲ့ ဆေးရုံဟာ အစိုးရဆီကနေ ဘက်ဂျက်မရနိုင်လို့ သူ့ကိုအလုပ်ခန့်ဖို့ မဖြစ်နိုင်ခဲ့ပါဘူး။ ဒါပေမဲ့ သူနာပြုဆရာမကတော့ လက်မလျှော့ဘဲ အဲဒီဆေးရုံမှာ အလုပ်ဝင်နိုင်အောင်၊ ဝန်ထမ်းနေရာလွတ်မရှိရှိအောင်၊ သူ့ကို မဖြစ်မနေအလုပ်ခန့်ရမယ့် အခြေအနေရောက်အောင် ကြိုးစားခဲ့ပါတယ်။ အောင်လည်းအောင်မြင်ခဲ့ပါတယ်။ သူလည်းဆေးရုံမှာအလုပ်ရ၊ စိတ္တဇလူသတ်သမားလည်း ဆေးရုံကိုရောက်လာပါတယ်။ လူသတ်သမားနဲ့ ဆုံတွေ့နိုင်အောင် ကြိုးစားခဲ့တဲ့ သူနာပြုဆရာမနဲ့ အဲဒီလူကြားမှာ ဘယ်လိုဆက်စပ်မှုတွေရှိနေမလဲ၊ အလုပ်စမလုပ်ခင်မှာတင် လက်စွမ်းပြထားတဲ့ သူနာပြုက နောက်ပိုင်းမှာရော သူ့ကြောင့်ဆေးရုံမှာ ဘာတွေဆက်ဖြစ်လာမလဲ၊ သူလိုချင်တာရဖို့ ဘေးကလူတွေကို ဘယ်လိုပါးနပ်စွာ ကြိုးကိုင်ချယ်လှယ်သွားမလဲ စတာတွေကို ရင်ဖိုစိတ်လှုပ်ရှားဖွယ် ကြည့်ရှုရမယ့် စီးရီးကောင်းလေးတစ်ခုပဲဖြစ်ပါတယ်။ File size…430MB / 1.0Gb Quality….Webrip 720 / 1080p Format…mp4 Duration….50 Min Genre...Mystery, Drama, Crime Subtitle….Myanmar Subtitle (Hardsub) Encoder….Mr. Anderson Translated by Monica May

The Hunger Games: Catching Fire (2013) IMDb Rating (7.5) / Rotten Tomatoes (90%) ကတ်နစ်အဲဗားဒင်းနဲ့ ပီတာမယ်လော့ခ်တို့ ၇၄ကြိမ်မြေက်ကစားပွဲမှာ အနိုင်ရခဲ့ပြီးနောက် သူတို့မွေးရပ်မြေကိုပြန်လည်လို့ရောက်ရှိလာပါတယ်။ ဒါပေမယ့် သူတို့ရဲ့တာဝန်တွေကတော့အဆုံးသတ်မသွားပါဘူး။ အနိုင်ရသူတွေအနေနဲ့ နယ်မြေတိုင်းကိုသွားရောက်ပြီးတော့ မိန့်ခွန်းပြော၊ကျန်ရစ်သူမိသားစုတွေနဲ့ စကားပြောပေးရမဲ့အပြင် နောက်ဆုံးခရီးစဉ်အဆုံးသတ်မှာ ကတ်ပီတယ်ကိုပြန်ပြီးတော့ ဥက္ကဌကြီးကျင်းပပေးတဲ့ပါတီပွဲကိုဆင်နွဲရမှာပါ။ ကတ်နစ်ရဲ့ဘဝကလွယ်လွယ်ကူကူနဲ့ ပေါ့ပေါ့ပါးပါးဖြစ်သွားခဲ့တယ်ရယ်လို့တော့ မဟုတ်လှပါဘူး။ တကယ်တမ်းတော့ ကတ်နစ်တို့လို အောင်နိုင်သူတွေဟာ ခရီးစဉ်ရဲ့ရထားပေါ်မှာပဲအချိန်ကုန်ပြီးတော့ဘဝတစ်လျှောက်လုံးကို ဖြတ်သန်းသွားကြရတော့မှာဖြစ်ပါတယ်။ ဒီမှာဥက္ကဌစနိုးအရမ်းကိုစိုးရိမ်နေတဲ့ ကိစ္စတစ်ခုတော့ ရှိပါတယ်။ အဲ့ဒါကတော့ တော်လှန်ရေးပါပဲ။ နယ်မြေအသီးသီးကမကျေနပ်ချက်တွေစုပြုံလာတဲ့အချိန်မှာ သူတို့အနေနဲ့ ဒီလိုအနေအထားမျိုးကိုလက်သင့်ခံ မပေးနိုင်တာကြောင့် ကတ်နစ်ကို စနိုးကိုယ်တိုင်သွားရောက်ပြီးတော့နှစ်ဦးသဘောတူပြောကြားခဲ့တာတွေရှိလာပါတယ်။ ဒါပေမယ့် စနိုးရဲ့အကြံကဒီလောက်နဲ့ အဆုံးသတ်လို့မသွားပါဘူး။ ဆိုးရွားတဲ့လုပ်ရပ်ကိုလုပ်ဖို့ဝန်မလေးတဲ့စနိုးတစ်ယောက် ကစားပွဲတစ်ခုကိုစတင်လိုက်ပါတယ်။ ဒီတစ်ခေါက်မှာတော့ အရင်ပွဲတွေလိုမျိုးနယ်မြေအသီးသီးကယှဉ်ပြိုင်သူအသစ်တွေကို ရွေးချယ်တော့မှာ မဟုတ်ပဲ အောင်နိုင်သူတွေထဲကနေပြီးတော့ပဲ ထပ်မံရွေးချယ်မဲ့အကြောင်းကိုကြေညာလိုက်ပါတော့တယ်။ ဒီလိုနဲ့ပဲ ကတ်နစ်အဲဗာဒင်းတစ်ယောက် ကစားပွဲထဲကိုထပ်မံဝင်ရောက်ယှဉ်ပြိုင်တဲ့အခါမှာတော့ ဘယ်လိုတွေရင်ဆိုင်ပြီးတော့ ဘယ်လိုလက်လွတ်ဆုံးရှုံးမှုမျိုးတွေကိုကြုံတွေရမယ်ဆိုတာကိုကြည့်ရှုလိုက်ရအောင်ပါ။ The Hunger Games ဇာတ်ကားအားလုံးကို ဒီမှာ https://channelmyanmar.org/?s=the+hunger+games ကြည့်ပါ။ File size…(6.1 GB)/(1.8 GB)/(1.2 GB) Quality…BluRay 4K HEVC/1080p HEVC /720p Format…mkv/mp4 Duration….02:26:16 Subtitle….Myanmar Subtitle (Hardsub) Encoder….Ka Naung Translated by Wai Zin Wayne

ဘဝမှာ နေရတော့မဲ့ အချိန်သိပ်မကျန်တော့ဘူးဆိုရင် ဘာလုပ်ကြမလဲ။ ဒီမေးခွန်းက ဖြေရခက်ပါတယ်။ လုပ်ချင်တာတွေများပြီး အချိန်မကျန်တော့ရင်... အန်းဆိုတဲ့ အမျိုးသမီးဟာ သမီးနှစ်ယောက်အမေပါ။ အလုပ်ကိုအရမ်းကြိုးစားပြီး တစ်နေ့ နေမကောင်းဖြစ်လို့ ဆေးရုံသွားပြရာမှာ ကင်ဆာဖြစ်နေကြောင်း သိလိုက်ရပါတယ်။ ကျန်ရှိတဲ့ အချိန်နှစ်လမှာ ထားခဲ့ရမယ့် သူတွေအတွက် အစီအစဥ်တွေ တိတ်တဆိတ် ပြင်ဆင်ပါတော့တယ်။ မိသားစုကို မပြောပြဖို့ ဆရာဝန်ကိုလဲ မှာထားပါသေးတယ်။ ကျန်ရစ်ခဲ့မယ့်သူတွေ အတွက် သတင်းစကားတွေ အသံသွင်းရင်း လက်ကျန်အချိန်ကို အစီအစဥ်တကျ ဖြစ်အောင်ပြင်ဆင်သွားခဲ့ပါတယ် File size…(2.6 GB)/(1.3 GB) Quality….Webrip 1080p / 720p Format… mp4 Duration…. 01:46:00 Genre... Drama, Romance Subtitle….Myanmar Subtitle (Hardsub) Encoder….Garfield Translated by Bommer

Ken Park (2002) ဒီကားက တော်တော်ထူးခြားတဲ့ကားလို့ပြောရမယ်။ ဘာလို့ဆို ဒီကားနာမည်ကို ကန်ပတ်လို့ခေါ်တဲ့ ကောင်လေးတစ်ယောက်ရဲ့နာမည်ကိုပေးထားတယ်။ ဒါပေမဲ့ အဲဒီကောင်လေးရဲ့အကြောင်းကို အစနဲ့အဆုံးမှာပဲ ပြောသွားပြီး တစ်ကားလုံး သူတို့သူငယ်ချင်းတွေတစ်ယောက်ချင်းစီအကြောင်းကို Coming of Age ဆန်ဆန်ပြထားတယ်။ ဒီလိုပြထားတာတွေကလည်း လိင်ကိစ္စတွေကို အဓိကအသားပေးပြထားတဲ့အပြင် ကလေးတွေဖြစ်တတ်တဲ့ ခပ်ကြောင်ကြောင်ကိစ္စတွေလည်း မနည်းမနောပြထားတယ်။ ဒါပေမဲ့ အခန်းအများစုကတော့ ဒီက ယဉ်ကျေးမှုနဲ့ မလျော်ညီသလို အင်္ဂါဇာတ်တွေကိုလည်း ကွက်ကွက်ကွင်းကွင်းကိုပြတတ်တာမို့ မိသားစုနဲ့တော့ မကြည့်စေချင်ဘူး။ ဒါပေမဲ့လည်း ဒီကားဟာ သာမန်၂၁ကားမဟုတ်ဘဲ ထူးထူးခြားခြားနဲ့ကို ကြည့်ကောင်းနေတဲ့ ဇာတ်အိမ်လေးနဲ့ တည်ဆောက်ထားတဲ့ ရုပ်ရှင်ဆိုတာကတော့ အမှန်ပါပဲ။ ဇာတ်ကလည်းထူးခြား အခန်းတွေကလည်း ကြမ်းပေ့ဆိုတာတွေမှ ကြည့်ချင်တဲ့လူတွေအတွက် ကြည့်သင့်တဲ့ကားပါပဲ။ (ဒီဇာတ်ကားနဲ့အညွှန်းကို s မှ ပြန်ဆို ရေးသားထားပါတယ်) Size - 1.5GB, 680MB Quality - 720p,480p IMDb Rating - 5.8/10 Format - mp4 Duration - 1H 33Min Genre - Drama Subtitle - Myanmar Subtitle (Hardsub) Translated by s Encoded by RGB

The Million Dollar Hotel (2000) IMDb Rating (5.7) ဒီဇတ်ကားမှာတော့နာမည်ကြီးသရုပ်ဆောင်တွေဖြစ်တဲ့ မဲလ်ဂစ်ဘ်ဆန်(Mel Gibson) မီလာဂျိုဗိုဗစ်ချ် ( Milla Jovovich) နဲ့ ဂျယ်ရမီဒေးဗစ်(JeremyDavid)တို့ ပါဝင်ထားကြပါတယ်။ ဒါရိုက်တာက Wim Wenders ဖြစ်ပါ တယ်။2000ခုနှစ်ဘာလင်ရုပ်ရှင်ပွဲတော်မှာဆုရထားတဲ့ ရုပ်ရှင်ဖြစ်ပါတယ်။ ဇတ်လမ်းအကျဥ်း လော့စ်အိန်ဂျယ်လိစ် မြို့လယ်မှာ “မီလီယံဒေါ်လာလို့”ခေါ်တဲ့ဟိုတယ်တစ်ခုရှိပါတယ်။ ဟိုတယ်မှာနေတဲ့သူတွေက လော်ဘီ(ဧည့်သည်စောင့်တဲ့ခန်းမ)လို့ခေါ်တဲ့နေရာမှာ တီဗွီကြည့်ရင်း ခေတ်ဟောင်းတုန်းကအကြောင်းတွေပြောရင်း အချိန်ဖြုန်းတတ်ကြတဲ့ ခပ်ကြောင်ကြောင်လူတစ်စုရှိပါတယ်။ သူတို့အထဲမှာ အများက တွမ်တွမ်(ဂျယ်ရမီဒေးဗစ်)လို့ခေါ်တဲ့ဥာဏ်ရည်ဖွံ့ဖြိုးမှုနိမ့်နေတဲ့ကောင်လေးလည်းပါပါတယ်။ တစ်နေ့မှာ ဟိုတယ်မှာနေနေတဲ့ အစ်ဇီဂိုးလ်ကစ်လို့ခေါ်တဲ့လူတစ်ယောက်ဟိုတယ်ခေါင်မိုးပေါ်ကပြုတ်ကျပြီးသေသွားပါတယ်။သူ့ကို အိမ်မဲ့ယာမဲ့လို့သိထားပေမဲ့သူက မီဒီယာသူဌေးကြီးတစ်ယောက်ရဲ့သားဖြစ်နေပါတယ်။ ကိုယ့်ကိုကိုယ်သတ်သေတာမဖြစ်နိုင်ဘူးဆိုပြီးသူဌေးကြီးကဆီးနိတ်အမတ်ကိုပြောတဲ့အတွက်အက်ဖ်ဘီအိုင်နဲ့လော့စ်အိန်ဂျယ်လိစ်ရဲဌါတို့အမှုကိုလိုက်ပါတယ်။ အက်ဖ်ဘီအိုင်က စုံထောက်စကင်းနား(မဲလ်ဂစ်ဘ်ဆင်)က အစ်ဇီနဲ့ရင်းနှီးတဲ့သူတွေကို လူသတ်သမားလို့သံသယထားပြီး အမှုကိုစုံစမ်းပါတယ်။ ဟိုတယ်ကလူကြောင်အုပ်စုကစကင်းနားကိုသူတို့ထက်ပိုရူးတယ်လို့သတ်မှတ်လိုက်ပြီးကြောက်သွားကြပါတယ်။ မီဒီယာသူဌေးကြီးရဲ့သားအမှုဖြစ်တဲ့အတွက် မီဒီယာတွေကလည်း တွေ့ဆုံတာတွေမေးမြန်းရုပ်သံလွှင့်တာတွေလုပ်လာပါတယ်။ ရက်ဒ်အင်ဒီးယန်းဂျီရွန်နီမိုကိုအင်တာဗျူးရိုက်ရင်းနဲ့နောက်ခံကကတ္တရာစေးနဲ့ပုံဖော်ထားတဲ့ ပန်းချီကားကို အစ်ဇီဆွဲတာလို့ချန်နယ်၆ရုပ်သံကထုတ်လွှင့်လိုက်တဲ့အခါ သူတို့အုပ်စုလည်းချော်လဲရောထိုင်ပြီးလူတွေကိုယုံအောင်လုပ်ပြီးပန်းချီကားတွေကိုစျေးကြီးကြီးနဲ့ရောင်းနိုင်ရင် သူတို့ရဲ့ဘဝတွေလည်းပြောင်းလဲမယ်ဆိုပြီးတက်ညီလက်ညီနဲ့ဇတ်လမ်းထွင်ကြပါတယ်။ အဲဒီအတောအတွင်းတွမ်တွမ်ကသူတစ်ဖက်သတ်ကြိုက်နေတဲ့ ညငှက်မလေးအယ်လွိစ်(မီလာဂျိုဗိုဗစ်ချ်)နဲ့ရင်းနှီးသွားပါတယ်။ စကင်းနားကအယ်လွိစ်ကိုတွမ်တွမ့်အခန်းကိုလွှတ်ပြီးသူတို့ပြောတာတွေကိုအသံဖမ်းစက်နဲ့ခိုးနားထောင်ပါတယ် ။ တွမ်တွမ့်ကို စားသောက်ဆိုင်ခေါ်ကျွေး အစ်အောက်ပြီးဂျီရွန်နီမိုကလူသတ်သမားလို့စကင်းနားကကောက်ချက်ချပြီးဖမ်းလိုက်ပါတယ်။ ဂျီရွန်နီမိုပိုင်တဲ့ အစ်ဇီဆွဲတာလို့ဂျင်းထည့်ထားတဲ့ပန်းချီကားရောင်းမယ့်အစီအစဥ်ပျက်မလိုဖြစ်လာတဲ့အခါဂျီရွန်နီမိုအစား လူသတ်တရားခံအဖြစ်တွမ်တွမ်ကိုဝန်ခံပေးဖို့တိုက်တွန်းလို့တွမ်တွမ်ကသူခေါင်မိုးကနေတွန်းချတဲ့အကြောင်းရုပ်သံရိုက်ကူးပြီးဝန်ခံလိုက်ပါတယ်။ လူကြောင်အုပ်စုရဲ့ပန်းချီကားရောင်းတဲ့ကိစ္စအောင်မြင်မလား တရားခံအစစ်ကဘယ်သူလဲ မထင်မှတ်တာတွေဘာဆက်ဖြစ်မလဲဆိုတာဖန်သားပြင်ပေါ်ဆက်ကြည့်နိုင်ပါတယ်။ ဇတ်ကားရဲ့ထူးခြားချက် ဇတ်ညွှန်းရေးသူတွေနဲ့ဒါရိုက်တာကတော့ အက်ဘီအိုင်(FBI) ပန်းချီဆရာလောက ပန်းချီကားအရောင်းအဝယ်လုပ်တဲ့သူတွေရဲ့လောက ရုပ်သံလွှင့်မီဒီယာတွေအကြောင်းနဲ့တေးဂီတဝိုင်းတွေရဲ့အကြောင်းကိုပါးပါးလေးသရော်ထားပါတယ်။ သရော်ထားပေမဲ့အရှိတရားတွေလည်းဖြစ်နေနိုင်ပါတယ်။အတွေးစတွေချန်ပေးထားခဲ့ပါလိမ့်မယ်။ “ဘုရားသခင်က လူဖြူဖြစ်ရမယ်”ဆိုတာလေးရဲ့နောက်မှာလည်းပြောချင်တာတွေအများကြီးရှိပါလိမ့်မယ်။ လူတွေနဲ့ အတ္တမာန( Ego)အကြောင်းတစ်စေ့တစ်စောင်းတွေ့ရမှာဖြစ်သလိုအကြောင်းပြချက်မရှိတဲ့ unconditionallove ကိုလည်းပုံဖော်ပြထားပါသေးတယ်။ သဘောကျစရာကောင်းတဲ့ဇတ်ကားလေးတစ်ခုဖြစ်ပါတယ်။ ကြည့်ကြည့်လိုက်ပါ။ (အညွှန်းနဲ့ဘာသာပြန်ကတော့ Khin Sakar Khin ဖြစ်ပါတယ်။) File size… (2.3 GB) / (1.1 GB) Quality….Blu-Ray 1080p HEVC / 720p Format…. mkv/mp4 Genre….Drama, Mystery, Thriller Duration….02:02:28 Subtitle….Myanmar Subtitle (Hardsub) Encoder….Benjamin Translated by Khin Sakar Khin

A Simple Wish (1997) Fairy Godmother ဆိုတဲ့ နတ်သမီးအသွင်နဲ့ အဘွားအိုတွေကို ငယ်ဘဝက ကြည့်ရှုဖူးတဲ့ကာတွန်းဇာတ်လမ်းတွေမှာ မကြာခဏမြင်ရဖူးပါတယ်။ စိတ်နှလုံးသားဖြူစင်သူတွေရဲ့ဆုတောင်းတစ်ခုကို ဖြည့်ဆည်းပေးတတ်ကြတဲ့ Motherly Figure ဇာတ်ကောင်တွေလည်း ဖြစ်ကြပါတယ်။ ဒီဇာတ်လမ်းလေးမှာတော့ နတ်သူငယ်ခေါင်းကိုင်အမေ၊ ဆန်တာဘိုးဘိုး၊ သွားနတ်သမီး စတာတွေကို အကြွင်းမဲ့ယုံကြည်ထားသူကလေးမလေးတစ်ယောက်ရဲ့ ဖြူစင်တဲ့ဆုတောင်းလေးတစ်ခုအကြောင်းကို တင်ဆက်ထားတာဖြစ်ပါတယ်။ ဘရော့ဒ်ဝေးပြဇာတ်ရုံမှာ ဖျော်ဖြေမယ့် ပြဇာတ်အတွက် ဇာတ်ကောင်နေရာကို လိုချင်နေတဲ့ အန်နာဘယ် နဲ့ ချာလီတို့ရဲ့ဖခင်ဖြစ်သူ အိုလီဗာဟာ လူရွေးပွဲမှာတော့ ကံမကောင်းခဲ့ဘဲ နာမည်ရပြီးသား သရုပ်ဆောင်တစ်ယောက်ရဲ့နောက်က နံပါတ် (၂) နေရာသာ ချိတ်သွားခဲ့ပါတယ်။ သာမန်မြင်းလှည်းမောင်းသမားတစ်ယောက်ဖြစ်ပေမယ့် အသံဩဇာ ပါရမီပါသူ ဖခင်အတွက် သူလိုချင်တဲ့ ပြဇာတ်သရုပ်ဆောင်ဘ၀ရရှိအောင် ဖြည့်ဆည်းပေးချင်နေတဲ့ အန်နာဘယ်ဟာ Fairy Godmother တစ်ယောက်ဖြစ်နေပေမယ့် ယောကျ်ားဘဝကို ပိုင်ဆိုင်ထားသူဖြစ်တဲ့ မာရေးနဲ့ တွေ့ဆုံဖို့ အကြောင်းဖန်လာခဲ့ပါတယ်။ အရွယ်ရောက်ခါစဖြစ်တဲ့ အစ်ကိုဖြစ်သူ ချာလီ နဲ့ နတ်သမီးပုံပြင်တွေအကြောင်းကို ငြင်းခုန်ပြီး အိပ်ရာဝင်သွားတဲ့ညမှာပဲ မောင်နှမနှစ်ယောက်ရဲ့ အိပ်ခန်းထဲကို Fairy Godmother တစ်ယောက်ဖြစ်တဲ့ မာရေး ရောက်ရှိလာခဲ့ပါတယ်။ ဆုတောင်းတစ်ခုကို ဖြည့်စွမ်းပေးမယ့် သူဖြစ်ကြောင်း သိသိချင်းမှာပဲ ဖခင်ဖြစ်သူ လိုချင်နေတဲ့ ဇာတ်ကောင်နေရာအတွက် ဆုကို တောင်းပေးခဲ့ပါတယ်။ မာရေးကလည်း ဆုတောင်းဖြည့်ပေးတော့မယ့်ဆဲဆဲမှာ Fairy Godmother များ နှစ်စဉ်တွေ့ဆုံပွဲကျင်းပရာကို အလျင်စလို ထွက်သွားခဲ့ပါတယ်။ မာရေး ကျန်ရစ်ခဲ့တဲ့ မှော်နှင်တံကို တွေ့ပြီး အန်နာဘယ်က အမီပြန်လိုက်ပေးဖို့ ရည်ရွယ်ခဲ့ပါတယ်။ သမီးအန်နာဘယ်နဲ့အတူတွေ့ရတဲ့ မှော်နှင်တံကို အိုလီဗာက အလေးအနက်မထားခဲ့ပေမယ့် သူတို့မိသားစုဘဝထဲကို ဆန်းကြယ်မှုတွေက ကမ်းခြေကိုကပ်လာတဲ့ လှိုင်းလုံးများလို တစ်ခုပြီးတစ်ခု ဝင်ရောက်လာခဲ့ပါတော့တယ်။ အိပ်ရာဝင်ပုံပြင်လေးတွေကို ဖက်တွယ်ယုံကြည်နေဆဲဖြစ်တဲ့ ကလေးငယ်လေးတွေရဲ့ ယုံကြည်မှုကို ဆက်ပြီးတွန်းအားပေးချင်စရာ ဇာတ်ကားလေးတစ်ကားကို CM ကနေ ပရိသတ်ကြီးအတွက် တင်ဆက်ပေးလိုက်ပါတယ်။ File size…    1.91 GB /  1.04 GB Quality… BluRay 1080p / 720p Format… mp4 Audio... AAC Duration…. 1h 29m Genre ..... Comedy/Family/ Fantasy Subtitle…. Myanmar Subtitle (Hard Sub) Encoder…. Thit San Khant Translated... by Sai Sumali

ကျနော်တို့ Translator ကြီး ကိုမျိုးမင်းသူသန်းမြင့် မှ Animation ရုပ်ရှင်များကိုစဉ်ဆက် မပြတ် ဘာသာပြန်ပေးနေရင်းကနေ ယခု တစ်ခါ ကျနော်တို့ ငယ်ဘ၀ ကိုပြန်ပြောင်းသတိရစေမယ့် ဟာကျူလီ (Hercules) ကာတွန်းကားကို ထပ်မံဘာသာပြန် တင်ဆက်ပေးလိုက်ပါပြီ.... ပိုထူးခြားစေတာကတော့ ကာတွန်းရုပ်ရှင်ထဲမှ ဇတ်ဝင်သီချင်းများကိုပါ အသေးစိတ်ကျကျဘာသာပြန်ပေးထားတာ ဖြစ်လို့ Download ဆွဲ သိမ်းထားသင့်တဲ့ ကာတွန်းရုပ်ရှင်ဖြစ်ပါတယ်.. (သစ်ဆန်းခန့်) File size…1.51GB and 761MB and 358MB Quality…1080p Blu-Ray HEVC and 720p and 480p Format…Mp4 Duration….1h 33mins Subtitle….Myanmar Subtitle (Hard Sub) Encoder….YK Translated by Myo Min Thu Than Myint

အသက် ၁၅ နှစ်ပဲရှိသေးတဲ့ ဗန်နက်ဆာဟာ သူမမွေးခင်ကတည်းက အဖေမရှိတော့လို့ အမေနဲ့ ပထွေးတို့နဲ့အတူ နေနေရပါတယ်။ အမေက အပျော်မယ်အဖြစ် အလုပ်လုပ်ပြီး ပထွေးကတော့ မူးယစ်ဆေးစွဲနေတဲ့ ထောင်ထွက်တစ်ယောက်ပါ။ တစ်နေ့မှာ သူတို့နှစ်ယောက်လုံး မူးယစ်ဆေးမှုနဲ့ ထောင်ကျသွားတော့ ဗန်နက်ဆာကို မိဘမဲ့စောင့်ရှောက်ရေးဆီ ပို့ဖို့ဖြစ်လာတယ်။ အရင်က အဲဒီနေရာကို ရောက်ဖူးတဲ့ ဗန်နက်ဆာက ထပ်မသွားချင်တော့ တစ်ခါမှမတွေ့ဖူးတဲ့ အဘွားဆီ ထွက်ပြေးလာခဲ့ပါတယ်။ ဒါပေမယ့် လမ်းခရီးမှာ ကားပျက်ပြီး အဝေးပြေးလမ်းပေါ် ဒုက္ခရောက်သွားတယ်။ အဲဒီအချိန်မှာ ကူညီမယ့်သူတစ်ယောက် ပေါ်လာပေမယ့် သူက သတင်းတွေထဲမှာ နာမည်ကြီးနေတဲ့ အိုင်ဖိုက် အဝေးပြေးလမ်း စိတ္တဇလူသတ်သမား ဖြစ်နေပါတယ်။

The Prophecy (1995) IMDb Rating (6.4) / Rotten Tomatoes (46%) အယ်လ်အေမြို့က စုံထောက် သောမတ်စ်ဒက်ဂတ် သူလက်ရှိကိုင်နေရတဲ့ အမှုကြောင့် ဒွိဟတွေ အကြီးအကျယ် ဝင်နေရတယ်။ ခက်တာက ဒီဒွိဟဟာ အမှုထောက်လှမ်းရေးမှာတင် မကဘူး၊ သူ့ကိုးကွယ်ယုံကြည်မှုအပိုင်းနဲ့ပါ ပတ်သက်နေတာပဲ။ ဒက်ဂတ်က ခရစ်ယာန်ဘုန်းတော်ကြီးအဖြစ် ခံယူဖို့ ကြိုးစားပေးမဲ့ မအောင်မြင်ခဲ့တဲ့နောက် ဘုရားသခင်အပေါ် သူ့သက်ဝင်ယုံကြည်မှုအပေါ် မေးခွန်းထုတ်လာတဲ့သူ။ အဲဒီလိုလူအတွက် သူ့ရဲစခန်း-ရင်ခွဲခန်းထဲက အလောင်းကောင်ဟာ သူ့ဘဝကို တစ်ဆစ်ချိုး ပြောင်းစေတော့မယ့်အရာ ဖြစ်နေတယ်။ အကြောင်းကတော့ ဒီအလောင်းဟာ ကောင်းကင်ဘုံက သက်ဆင်းလာတဲ့ နတ်တမန်တစ်ယောက်လို့ ယုံကြည်စရာ အကြောင်းအချက်တွေကို သူတို့မြင်လာရတာမို့ပဲ။ ဒီလိုနဲ့ အမှုကို ဆက်ထောက်လှမ်းရင်း ဒီသေသူ့လက်စွဲ သမ္မာကျမ်းစာထဲက စာတစ်ပိုဒ်မှာ ဘုရားသခင်ရဲ့ သစ္စာတော်ခံတွေနဲ့ လူတွေကိုမလိုလားတဲ့ တခြားနတ်တမန်တွေကြား လူသားတွေကို အကြောင်းပြုပြီး ဒုတိယမြောက် ကောင်းကင်ဘုံစစ်ကြီး ဖြစ်နေတယ်လို့ ဆိုထားတာနဲ့ ကိုက်ညီနေတဲ့ အဖြစ်တွေကို ဒက်ဂတ် လက်တွေ့မြင်လာရတဲ့နောက် လူသားတစ်ရပ်လုံးရဲ့ကြမ္မာကို အဆုံးအဖြတ်ပေးမယ့် ဒီစစ်ပွဲမှာ သူကိုယ်တိုင် အဓိကနေရာက ပါဝင်နေရမှန်း ရိပ်စားမိလာတော့တယ်။ ၁၉၉၅ ခုနှစ်က ထွက်ခဲ့တဲ့ ဒီ The Prophecy ဟာ သုံးသပ်သူတွေဆီက အမှတ်ပြည့်မရခဲ့ပေမဲ့ ဟော်ရာပရိသတ်တွေကြား cult following တစ်ခု ရှိနေပြီး၊ လူသိများတဲ့ charactor actor ဖြစ်တဲ့ Elias Coteas က ဇာတ်လိုက်နေရာက ပါဝင်ထားသလို ရယ်စရာရော စက်ဆုပ်စရာပါကောင်းတဲ့ Christopher Walken ကြီးရဲ့ နတ်တမန်ဇာတ်ရုပ်ကိုပါ တွေ့ရမှာဖြစ်ပေမဲ့၊ Prophecy ရဲ့ လူပြောအများဆုံးဂုဏ်ပုဒ်ကတော့ LotR ပရိသတ်တွေ အသည်းစွဲ Viggo Mortensen က လူစီဖာဇာတ်ကောင်ကို ကျောချမ်းရအောင် သရုပ်ဆောင်ပြသွားတဲ့ဇာတ်ကား ဖြစ်နေခြင်းပါပဲ။ (အညွှန်းနဲ့ဘာသာပြန်ကတော့ Costanza ဖြစ်ပါတယ်။) File size… (2.8 GB) / (1 GB) Quality…. Blu-Ray 1080p HEVC / 720p Format…. mkv/mp4 Genre…. Action, Crime, Drama, Fantasy, Horror, Mystery, Thriller Duration…. 01:38:06 Subtitle…. Myanmar Subtitle (Hardsub) Encoder…. Benjamin Translated by Costanza

Pulp Fiction (1994) IMDb Rating (8.9) / Rotten Tomatoes (94%) အကောင်းဆုံးရုပ်ရှင် ၁၀၀ ဆိုပြီးရှာကြည့်လိုက်ရင် ဒီကားက နံပါတ် ၄ခုမြောက်မှာရှိပါတယ်.. ကောင်းဆို ဒီရုပ်ရှင်ရဲ့ ဒါရိုက်တာက သူ့ဘဝမှာ ရုပ်ရှင် ၁၀ ကားပဲရိုက်မယ်လို့ ကြွေးကြော်ထားတဲ့ ဒီဖက်ခေတ်ရဲ့ လွမ်းမိုးမှုကြီးမားတဲ့ ဒါရိုက်တာ Quentin Tarantino  ဖြစ်ပါတယ်... Pulp Fiction (1994) က သူ့ရဲ့ ဒုတိယမြောက်ရုပ်ရှင်ကားဖြစ်ခဲ့ပြီး ဒီရုပ်ရှင်ကားကနေ သူဟာ နာမည်ကျော်ဒါရိုက်တာဘဝကို စလှမ်းနိုင်ခဲ့တယ် ဆိုရပါမယ်။ .အကောင်းဆုံးဆိုတာကိုရွေးချယ်တဲ့နေရာမှာ ရွေးချယ်တဲ့စံနှုန်း ရွေးချယ်တဲ့ အဖွဲ့တွေမတူညီပေမယ့် ဒီကားက တော်တော်များများရဲ့ စာရင်းထဲမှာပါနေတယ်. အမေရိကန်ရုပ်ရှင်လောက်ကမှာ အကောင်းဆုံးဆိုတဲ့ ကာလအဖြစ်သတ်မှတ်ထားတဲ့ ၁၉၉၀ ခုနှစ်ကာလကို မသိနားမလည်စွာ မှတ်ချက်ချမိတာကဒီဘက်ခေတ်အမြင်နဲ့ဆို အံမဝင်ဘူးလို့ ကလေးဆန်ဆန်တွေးမိသွားတယ်.. တကယ့်လို ကျွန်တော့်လိုအတွေးမျိုးခင်ဗျားတို့ဆီမယ်ရှိနေရင် နီးစပ်ရာမြောင်းထဲကိုသာလွှင့်ပစ်လိုက်ပါလို့အကြံပြုပါရစေ.. .ဒီကားက ခပ်ဆိုးဆိုးလူတွေ ဒိုင်ယာလော့ စကားလုံး ခပ်ကြမ်းကြမ်းတွေနဲ့တည်ဆောက်ထားတယ်....ဆဲဆိုတဲ့စကားလုံး၂၆၅ လုံးတောင်ပါသတဲ့...ပြီးတော့ ဒိုင်ယာလော့တွေက ဘာသာပြန်အတွက် အတော်လေးအခက်အခဲရှိခဲ့ပါတယ်.. တစ်ချို့စကားပြောတွေက အဆဲလေးနဲ့မှပိုရုပ်လုံးကြွတဲ့သဘောရှိပေမယ့် ချန်ထားတဲ့အဆဲစကားလုံအချို့ရှိပါတယ်.. .ဒီကားထဲကအဓိကသရုပ်ဆောင်တွေဖြစ်တဲ့ John Travolta, Uma Thurman, Samuel L. Jacksonနဲ့ Bruce Willis တို့ကိုတော့ တော်တော်များများသိမယ်ထင်ပါတယ်. .ဒီကားက ဒေါ်လာ ၈သန်းခန့်မျှသာကုန်ကျခဲ့ပြီး ၂၁၃သန်းကျော် ဝင်ငွေ ရရှိခဲ့ပါတယ်..အော်စကာဇာတ်ညွှန်းဆုလည်းရရှိခဲ့ပါတယ်...ဒီကားကိုအညွှန်းမရေးတတ်သလို ရေးလည်းမရေးချင်ပါဘူး. .ဘာလို့ဆိုကြည့်ရှုသူရဲ့ ခံစားဖြန့်ကျက်နိုင်မှုစွမ်းအားများလေ ရသမြောက်လေဖြစ်တဲ့အတွက်ကြောင့် ကျွန်တော့်ရဲ့ ခပ်ညံ့ညံ့အရေးအသားအောက်မှာ သေးနုတ်တဲ့ဘောင်ကျဉ်းတစ်ခုကွပ်လိုက်သလိုဖြစ်သွားမှာစိုးရိမ်တဲ့အတွက်ကြောင့်ပါ.. ကိုင်း......ခံစားကြည့်လိုက်ပါဦးလို့။ File size…(7.8 GB)/(2.5 GB )/(1.3 GB) Quality….BluRay 4K HEVC/ 1080p HEVC / 720p Format…mkv/mp4 Duration….02:34:30 Subtitle….Myanmar Subtitle (Hardsub) Encoder….Ka Naung Translated by JtheKoala

The Fisher King (1991) ဟာသမင်းသားကြီး Robin Williams ရဲ့ဂန္ထဝင်မြောက် ဒရာမာကားတွေထဲက တစ်ခုဖြစ်ပြီး အော်စကာစကာတင်တွေရခဲ့တဲ့အပြင် ဒါရိုက်တာ Terry Gilliam ရဲ့ ထုံးစံအတိုင်း စိတ်ကူးယဉ်ဆန်တဲ့ မြင်ကွင်းတွေ၊ နယူးယောက်မြို့ကြီးကို ဒဏ္ဍာရီဆန်ဆန် ပုံဖော်ထားတာတွေက အရမ်းကို ထူးခြားပါတယ်။ ဇာတ်လမ်းကတော့ နာမည်ကြီး ရေဒီယို DJ တစ်ဦးဖြစ်တဲ့ Jack Lucas (Jeff Bridges) အကြောင်းပါ။ သူဟာ ရေဒီယိုကနေ မဆင်မခြင် ပြောဆိုလိုက်တဲ့ စကားတစ်ခွန်းကြောင့် လူသတ်မှုတစ်ခု ဖြစ်ပွားခဲ့ပြီးနောက်မှာတော့ နောင်တတွေနဲ့အတူ ဘဝပျက်ပြီး စိတ်ဓာတ်ကျနေသူပါ။ တစ်ညမှာတော့ Jack ဟာ ရန်မူခံနေရတဲ့ အချိန်မှာ ထူးဆန်းတဲ့ အိမ်ခြေမဲ့ အမျိုးသား Parry (Robin Williams) က သူ့ကို လာရောက်ကယ်တင်ခဲ့ပါတယ်။ ထူးခြားတာက Parry ဟာ Jack ရဲ့ အတိတ်က အမှားကြောင့် စိတ်ပိုင်းဆိုင်ရာ ထိခိုက်သွားခဲ့ရတဲ့ တကယ့်သားကောင် အစစ်အမှန် ဖြစ်နေတာပါ။ Parry ဟာ သူ့ကိုယ်သူ အာသာဘုရင်ရဲ့ သူရဲကောင်းတစ်ယောက်လို့ ထင်မှတ်နေပြီး "Holy Grail" (မြင့်မြတ်သော ခွက်) ကို လိုက်ရှာနေသူပါ။ Jack ဟာ သူ့ရဲ့ အပြစ်တွေကို ဆေးကြောဖို့အတွက် Parry ရဲ့ အိပ်မက်တွေကို ကူညီပေးရင်းနဲ့ သူတို့နှစ်ယောက်ကြားမှာ မထင်မှတ်ထားတဲ့ ခင်မင်မှုတွေ၊ ကုစားမှုတွေ စတင်လာခဲ့တဲ့ Comedy-Drama ဇာတ်ကားကောင်း ဖြစ်ပါတယ်

ဂါ့ပ် (Garp) ဆိုတဲ့ လူငယ်လေးဟာ သူ့ရဲ့ တစ်မူထူးခြားတဲ့ မိခင်ဖြစ်သူ ဂျင်းနီ ဖီးလ်ဒ် ရဲ့ ပြုစုပျိုးထောင်မှုအောက်မှာ ကြီးပြင်းလာခဲ့ရသူပါ။ ဂျင်းနီ ဟာ မိရိုးဖလာ စံနှုန်းတွေကို ဂရုမစိုက်ဘဲ သူမရဲ့ ကိုယ်ပိုင်ယုံကြည်ချက်အတိုင်း နေထိုင်သူဖြစ်သလို၊ နောက်ပိုင်းမှာတော့ စာအုပ်တစ်အုပ်ကြောင့် အမျိုးသမီးထုကြားမှာ သြဇာညောင်းတဲ့ ခေါင်းဆောင်တစ်ဦး ဖြစ်လာခဲ့ပါတယ်။ ဂါ့ပ် ဟာ ကောင်မလေးတစ်ယောက်ကို သဘောကျမိတဲ့အတွက် စာရေးဆရာတစ်ယောက်ဖြစ်ဖို့ ကြိုးစားခဲ့ပါတယ်။ ဒီလိုကြိုးစားရင်း စာအုပ်ထုတ်ဝေနိုင်တဲ့အခါမှာတော့ သူချစ်ရတဲ့မိန်းကလေးနဲ့ လက်ထပ်ခဲ့ပါတော့တယ်။ ဒီလိုနဲ့ သူ့ရဲ့ဘဝ၊ အချစ်နဲ့ မိသားစုအရေးတွေမှာ မမျှော်လင့်ထားတဲ့ အလှည့်အပြောင်းတွေ ရယ်စရာနဲ့ ဝမ်းနည်းစရာ အဖြစ်အပျက်ပေါင်းများစွာကို ကြုံတွေ့ရပါတော့တယ်။ လောကကြီးရဲ့ မရေရာမှုတွေကြားမှာ မိမိကိုယ်ကိုယ် ရှာဖွေရင်း ဂါ့ပ်တစ်ယောက် ဘယ်လိုအရာတွေရင်ဆိုင်ရမလဲဆိုတာကိုတော့ အတူစောင့်ကြည့်လိုက်ရအောင်ပါ