Asami Seto ပါဝင်သော ဇာတ်ကားများ

Nippon Sangoku (2026) IMDB - 8.3/10, MyAnimeList - 8.4/10 အခုလက်ရှိ Spring Season မှာထုတ်လွှင့်ပြီး လုံးဝ Rating အမိုက်စားတွေနဲ့ ပေါက်ရောက်နေတဲ့ Anime လေးကို တင်ဆက်ပေးလိုက်ပါပြီဗျာ။ နာမည်ကြီးနေတယ်ဆိုလို့ ကြည့်မိလိုက်တာ တကယ်လည်း တော်တော်ကို မိုက်တာပါ။ စပြောရမယ်ဆိုရင် ဇာတ်အိမ်တည်ထားတဲ့ခေတ်ကိုက အဆန်း။ ပုံမှန်ကမ္ဘာ ပုံမှန်ဂျပန်ပြည်က ၂၀ ရာစုဝန်းကျင်လောက်မှာ နူကလီးယားစစ်ပွဲတွေ သဘာဝဘေးအန္တရာယ်တွေကြောင့် နည်းပညာတွေ ဘာတွေ အကုန်ဆုတ်ယုတ်ကုန်ပြီးတော့ သူတို့ရဲ့ Meiji ခေတ် (1868-1912) လောက် စတိုင်မျိုး ရှေးနည်းပညာတွေနဲ့ လူသားတွေ ရှင်သန်နေထိုင်ကြတဲ့ စိတ်ကူးယဉ်အနာဂတ်ကာလတစ်ခု။ ဒီကာလကို Sangoku ကာလလို့ခေါ်ပြီး ဂျပန်ပြည်က Yamato, Buo နဲ့ Seii ဆိုပြီး နိုင်ငံ ၃ နိုင်ငံအနေနဲ့ ကွဲပြားအာဏာလုနေကြတဲ့ စစ်မီးတောက်ခေတ်ကြီးပေါ့။ ဇာတ်အိမ်ကလည်း ဆန်းတဲ့အပြင် Animation ကလည်း သာမန် Anime တွေနဲ့ ကွဲထွက်ထူးခြားနေတာမျိုး သတိထားမိလိမ့်မယ် ကြည့်ရတာ မျက်စိပဒေသဖြစ်ရတယ်။ နောက်ပြီး ကျွန်တော်အကြိုက်ဆုံးအချက်ကို ပြောရမယ်ဆို ဒီကားက တခြား Anime တွေလိုမျိုး MC က ပါဝါတွေ ဘာတွေနဲ့ တိုက်ခိုက်ကြမ်းတမ်းနေတဲ့ကောင်မျိုးမဟုတ်ပဲ သူ့ရဲ့စကားပြောစွမ်းရည်တွေတို့ စာဖတ်အားကောင်းပြီး ဗျူဟာကျကျ တွေးခေါ်ဉာဏ်ကစားတွေတို့ကို အထာကျကျ ကြည့်နေရလို့ပဲ ဖြစ်ပါတယ်။ ကဲ အစပျိုးနေတာများသွားပြီ.. ဇာတ်လမ်းက အပေါ်ကပြောထားသလို Sangoku ခေတ်မှာပေါ့။ အဲဒီ နိုင်ငံ ၃ ခုထဲက Yamato နိုင်ငံရဲ့ နယ်မြို့လေးလိုနေရာမှာ အရင်ဂျပန်ခေတ်နဲ့ ရှေးခေတ် စာပေကျမ်းဂန်တွေကို အရမ်းဖတ်ရှုလေ့လာပြီး ဗဟုသုတပြည့်စုံတဲ့ စိုက်ပျိုးရေးအရာရှိဖြစ်တဲ့ Aoteru ဆိုတဲ့ကောင်လေးတစ်ယောက်ရှိတယ်။ သူ့ရဲ့အသစ်စက်စက် ဇနီးလောင်းလေးကတော့ စိတ်တိုလွယ်ပြီး မဟုတ်မခံစိတ်မျိုးပေါ့။ ဒီမှာတင် သူတို့နယ်မြို့လေးကို Yamato ဧကရာဇ်ရဲ့ ပြည်ထဲရေးဝန်ကြီးရောက်လာပြီး သူတို့ရဲ့အာဏာရှင်ဆန်ဆန် အုပ်ချုပ်မှုတွေကို မြင်ရတဲ့အခါမှာ မဟုတ်မခံဉာဉ်လေးရှိတဲ့ Aoteru ရဲ့မိန်းမနဲ့ ထိပ်တိုက်တွေ့ပြီး ပြဿနာတက်လာတဲ့အခါမှာ Aoteru တစ်ယောက်နဲ့ အပြောင်းအလဲကြီး ပြောင်းလဲဖို့ ဖြစ်လာပြီး သူ့မိန်းမကို ကတိပေးထားသလို ဒီလို ကွဲပြားနေတဲ့ ဂျပန်ပြည်ကြီးကို ပြန်လည်ပေါင်းစည်းပေးဖို့ စစ်ဗျူဟာရှင်တစ်ယောက်ဖြစ်လာဖို့ ဘယ်လိုတွေ ကြိုးပမ်းသွားမလဲဆိုတာတော့.....။

Bullet/Bullet (2025) Disney Plus ကနေ ဆြာသမား Park Sunghoo ရဲ့ မူရင်းလက်ရာဖြစ်တဲ့ Anime စီးရီးလေး ထွက်လာပြီဗျာ။ Park Sunghoo ဆိုတာ ဘယ်သူလဲဆိုတော့ Jujutsu Kaisen S1 တို့ Jujutsu Kaisen Movie တို့ Ninja Kamui တို့ကို ဖန်တီးပေးထားတဲ့ ဒါရိုက်တာပဲ ဖြစ်ပါတယ်။ ရုပ်သံထုတ်လွှင့်တာ မဟုတ်ပဲ Streaming Site ကနေ ထွက်လာတာဖြစ်တဲ့အတွက် ၈ ပိုင်းဆက်တိုက် ထွက်ရှိလာပြီး ကျန်တဲ့အပိုင်းတွေကို August လထဲ အပြီးထွက်လာဖို့ ရှိပါတယ်။ ဇာတ်လမ်း ဇာတ်အိမ်ကတော့ သာမန် Anime တွေနဲ့ ကွဲထွက်ပြီး အနာဂတ်ခေတ်ပျက်ဆန်ဆန်မှာ Mad Max တို့လို ကားအက်ရှင်တွေနဲ့ သူခိုးဖောက်ထွင်းရေး Heist ရုပ်ရှင်အထာဆန်ဆန် ပုံဖော်ထားတာပါ။ ဒီတော့ ဇာတ်လမ်းအကျဉ်းလေး ဆက်လိုက်ရအောင်။ အနာဂတ်ကမ္ဘာပျက်တစ်ခု နံရံပိတ်မြို့ကြီးတစ်မြို့မှာ ပိုလာဝက်ဝံတစ်ကောင်ရယ် စရိုက် ၄ မျိုးရှိတဲ့ စက်ရုပ်တစ်ရုပ်ရယ်နဲ့အတူ အမှိုက်ပစ္စည်းကောက်ပြီး ရှင်သန်စားသောက်နေတဲ့ Gear ဆိုတဲ့ ကောင်လေးတစ်ယောက်ရှိတယ်။ Gear တို့က ဒီအလုပ်အပြင် ပစ္စည်းခိုးဘာခိုး အပြင်အလုပ်လေးတွေလည်း ခိုးကစ်လေ့ရှိတာပေါ့။ ဒီလိုနဲ့ တစ်နေ့မှာ ချောချောလှလှ ကောင်မလေးတစ်ယောက်ကနေ သူ့အဖေပိုင်တဲ့ အမှတ်တရပစ္စည်းလေးကို ကုမ္ပဏီတစ်ခုကနေ ခိုးယူပေးပါ အခကြေးငွေလည်း ကောင်းကောင်းပေးမယ်ပေါ့လေ။ ကောင်မလေးမျက်နှာနဲ့ ငွေမျက်နှာကြောင့် တစ်ဖွဲ့လုံး ဒီပစ္စည်းကို ခိုးတဲ့အချိန်မှာ သာမန်အလုပ်တစ်ခုမဟုတ်ပဲ နောက်ကွယ်မှာ အရှုပ်ထုပ်တွေရှိတာကို သိလာပြီး Gear တို့တသိုက် ဘယ်လိုပျားတုပ်ကြမလဲဆိုတာကို ခပ်မိုက်မိုက် ကြည့်ရမယ့် Anime စီးရီးကောင်းလေးပဲ ဖြစ်ပါတယ်ဗျာ…။ Opening Song ကလည်း ရှယ်ကို မြူးကြွစွာနဲ့ အမိုက်စားနော်။ (အညွန်းနဲ့ ဘာသာပြန်ကတော့ CM Anime Team ဖြစ်ပါတယ်) File size…  600 MB (Appx;)@Episode Quality… WEB DL 1080p Format… mp4 Duration…. 25m @Episode Genre ..... Animation, Action, Adventure Subtitle…. Myanmar Subtitle (Hard Sub) Encoder…. Thit San Khant Translated... by Thura Aung & Ko Wunna

Crayon Shin-chan the Movie Super Hot! The Spicy Kasukabe Dancers (2025) IMDB - 6.6/10 အပန်းလည်းပြေရသလို ရယ်လည်းရယ်မောရမယ့် Shin-chan တို့ရဲ့ ရုပ်ရှင်အသစ်လေး ထွက်ရှိလို့လာခဲ့ပါပြီ။ ကာဆူကာဘဲ ကာကွယ်ရေးတပ်ဖွဲ့ ဘယ်လိုတွေသောင်းကျန်းကြဦးမလဲ မြင်ရပါဦးမယ်။ ဒီဇာတ်ကားလေးထဲမှာတော့ Shin-chan တို့ မူကြိုကလေးတစ်သိုက် အုပ်စုလိုက်အကတွေ လေ့ကျင့်ပြီး အိန္ဒိယနိုင်ငံမှာ အကပြိုင်ပွဲ ဝင်ပြိုင်ဖို့ ဖြစ်လာပါတော့တယ်။ ဒီတော့ Shin-chan ရဲ့ မိဘတွေရယ် ကျောင်းအုပ်ကြီးရယ် ကလေးတစ်သိုက်ရယ် အိန္ဒိယနိုင်ငံ ရောက်လာပြီး ပြိုင်ပွဲပြိုင်ရမယ့်မြို့ကို သွားတော့မယ့်အချိန်မှာ ထုံးစံအတိုင်း Shin-chan နဲ့ သူ့ဘော်ဒါတစ်ကောင်က ရှေးဟောင်းပစ္စည်းဆိုင်ကနေ ထူးဆန်းတဲ့ နှာခေါင်းပုံသဏ္ဍာန်အိတ်ကြီးကို အောက်ကြေးနှိုက်ပြီး ဝယ်လာခဲ့ရာကနေ ပြဿနာတွေ တက်ပါတော့တယ်။ ဒီ ထူးဆန်းတဲ့အိတ်ကြီးမှာ ဘယ်လိုလျှို့ဝှက်ဆန်းကြယ် စွမ်းအားတွေရှိနေမလဲ နောက်ကလိုက်ရှာနေတဲ့ အိန္ဒိယလူကြီး ၂ ယောက်ကရော ဘာတွေလဲ နောက်ပြီး ပိုက်ဆံအာဏာပါဝါအပြင် နည်းပညာတွေကြွယ်ဝတဲ့ လူထူးလူဆန်းတစ်ယောက်ကလည်း လိုက်ရှာနေရာကနေ ဘာတွေဆက်ဖြစ်ကြမလဲဆိုတာကို ပေါ့ပေါ့ပါးပါး ကြည့်ရှုခံစားရမှာပဲ ဖြစ်ပါတယ်ဗျာ...။

Kaiju No. 8: Mission Recon (2025) IMDb Rating (6.8) / Rotten Tomatoes (75%) ဇာတ်လမ်းအကျဉ်း ဟီဘီနို ကာဖူကာ ဟာ ကိုင်ဂျူးတွေကို နှိမ်နင်းချင်တဲ့ စစ်သားတစ်ယောက် ဖြစ်ချင်ခဲ့ပေမဲ့ လက်တွေ့မှာတော့ ကိုင်ဂျူးအသေကောင်တွေကို လိုက်ရှင်းရတဲ့ အလုပ်ကိုပဲ လုပ်ကိုင်နေရသူပါ။ တစ်နေ့မှာတော့ မထင်မှတ်ထားတဲ့ အဖြစ်အပျက်တစ်ခုကြောင့် ကာဖူကာ ရဲ့ ခန္ဓာကိုယ်ထဲကို ကိုင်ဂျူးအသေးစားလေးတစ်ကောင် ဝင်ရောက်သွားပြီး သူကိုယ်တိုင် ကိုင်ဂျူးအဖြစ် ပြောင်းလဲနိုင်တဲ့ စွမ်းအားကို ရရှိသွားပါတော့တယ်။ "ကိုင်ဂျူးနံပါတ် ၈" လို အမည်ပေးခံလိုက်ရတဲ့ ကာဖူကာ ဟာ လူသားတစ်ယောက်အနေနဲ့ သူငယ်ချင်းဖြစ်သူ တို့နဲ့အတူ ကာကွယ်ရေးတပ်ဖွဲ့ထဲဝင်ဖို့ ကြိုးစားရင်း တစ်ဖက်မှာလည်း သူ့ရဲ့ လျှိဝှက်ချက်ကို မပေါက်ကြားအောင် ထိန်းသိမ်းရပါတော့တယ်။ ဒီဇာတ်ကားမှာတော့ တပ်ဖွဲ့ဝင်တွေရဲ့ အရေးပေါ်တာဝန်တွေ၊ ကိုင်ဂျူးတွေရဲ့ အန္တရာယ်ကို စောင့်ကြည့်နှိမ်နင်းရတဲ့ အစီအစဉ်တွေနဲ့အတူ ကာဖူကာ တစ်ယောက် သူ့ရဲ့စွမ်းအားကို အသုံးပြုပြီး မြိုကြီးကို ဘယ်လိုကာကွယ်မလဲဆိုတာ မြင်တွေ့ရမှာပါ။ ကိုင်ဂျူးဖြစ်သွားတဲ့ ကာဖူကာ တစ်ယောက် လူသားတွေရဲ့ ရန်သူအဖြစ် သတ်မှတ်ခံရမလား? ဆိုတာကိုတော့ အခုပဲ ကြည့်ရှုလိုက်ရအောင်။ File size… (1.3 GB) / (950 MB) Quality…. WEB-Rip 1080p HEVC / 720p Format…. mkv/mp4 Genre…. Action,Animation,Science Fiction Duration…. 02:00:36 Subtitle…. Myanmar Subtitle (Hardsub)

Japan Anime တွေတို့ Pacific Rim တို့ ကြည့်ဖူးတဲ့လူဆို Kaiju ဆိုတာ ဘာလဲ သိကြမှာပါ။ မသိတဲ့လူတွေအတွက်လည်း Kaiju တွေဆိုတာက အရှင်းဆုံး ပြောရရင် ခုလက်ရှိ အားလုံးရဲ့ အချစ်တော်ကြီး Godzilla တို့လို ထူးဆန်းပြီး ပါဝါတွေ ရှိကြတဲ့ အကောင်အကြီးကြီးတွေကို ခေါ်ဆိုတာ ဖြစ်ပါတယ်။ ဒီ Anime လေးကလည်း ခုလက်ရှိ အသစ်ထွက်ရှိထားတာ ဖြစ်ပြီး Rating မြင့် ရထားပါတယ်။ Kaiju တွေ ပါဝင်ပေမဲ့လည်း Mecha စက်ရုပ်တွေတော့ မပါဝင်ပဲ သာမန်လူတွေကို အဆင့်မြင့်လက်နက်တွေနဲ့ တိုက်ခိုက်တာမျိုးပဲ ဖြစ်ပါတယ်။ ဇာတ်လမ်းလေးကတော့ ဂျပန်မှာက Kaiju တွေ ခဏခဏ ဝင်ရောက်ကျူးကျော် ဖျက်ဆီးနေလို့ တစ်တိုင်းပြည်လုံးမှာ ကာကွယ်ရေးတပ်ဆိုတာ ဖွဲ့စည်းထားပြီး အကောင်ပေါ်လာတာနဲ့ သုတ်သင်နေရပါတယ်။ ဇ ာတ်ကောင် Kafka နဲ့ Mina ဆိုတဲ့ကောင်မလေးက ငယ်ငယ်လေးကတည်းက သူတို့အိုးအိမ်တွေ ကျောင်းတွေ ဖျက်ဆီးခံရလို့ စိတ်နာပြီး Kaiju တွေကို ရှင်းလင်းမယ်ဆိုပြီး အိပ်မက် ရှိကြရာမှာ ဟိုကောင်မလေးကတော့ တကယ်ဖြစ်လာပြီး အကြမ်းဆုံးဆိုတဲ့ တပ်ခွဲ ၃ ခေါင်းဆောင် ဖြစ်လို့နေပါပြီ။ မင်းသားကတော့ သူ့စကားအတိုင်းပဲ သူများတွေ သတ်လို့ သေပြီးမှ အကောင်ရဲ့အလောင်းကြီးကို ရှင်းလင်းရေးလုပ်ရတဲ့ လုပ်သားတစ်ယောက်ပဲ ဖြစ်ပါတယ်။ တစ်ရက်ကျ သူတို့အလုပ်ကို ကာကွယ်ရေးတပ်ထဲ ဝင်ချင်တဲ့အချိန်ပိုင်း အလုပ်သမားလေး ရောက်လာပါတယ်။ အစပိုင်း နှစ်ယောက်သား အဆင်မပြေကြပေမဲ့ နောက်အဆင်ပြေသွားတဲ့အချိန် လူသစ်လေးရဲ့ အားပေးစကားကြောင့် Kafka တစ်ယောက် အသက်ကြီးမှ ကာကွယ်ရေးတပ်ထဲ ဝင်မယ့်အချိန် ထူးဆန်းတာတစ်ခု ဖြစ်သွားတဲ့အခါမှာတော့…..။ ကြည့်ရတာ တော်တော် Fun ဖြစ်ပါတယ်။ ရယ်လည်းရယ်ရသလို အက်ရှင်တွေလည်း မိုက်ပါတယ် နောက်ဆုံးပိုင်း ဇာတ်အလှည့်အပြောင်းကြောင့် နောက်အပိုင်းတွေ ကြည့်ကောင်းနေမှာတော့ သေချာပါတယ်။ Opening သီချင်းဆိုရင်လည်း မိုက်တယ်ဟဆိုပြီး Youtube သွား နားထောင်ကြည့်တာ နာမည်ကျော် One Republic အဖွဲ့က ထူးထူးခြားခြား Anime သီချင်း သီဆိုပေးထားတာ ဖြစ်နေပါတယ်။ ကဲ တစ်ပတ်တစ်ပိုင်း Kaiju တွေကို ဘယ်လိုချကြမလဲဆိုတာ တူတူ စောင့်ကြည့်ကြတာပေါ့ဗျာ။ File size…    400 mb Quality… Web-DL 1080p Format… mp4 Duration…. 24m Genre ..... Comedy/Anime Subtitle…. Myanmar Subtitle (Hard Sub) Encoder…. Thit San Khant Translated by Thura Aung

Fureru (2024) IMDB - 6.2/10, MyAnimeList - 6.8/10 အခုတစ်ခေါက် တင်ဆက်ပေးမယ့် ဇာတ်ကားလေးကတော့ 2024 က ထွက်ရှိခဲ့တဲ့ Fureru ဆိုတဲ့ Anime ကားလေးဖြစ်ပါတယ် ။ Anime ကိုမှ အေးအေးလေးနဲ့ Mystery ဘက်သွားတဲ့ ဇာတ်လမ်းလေးကို ကြည့်ချင်တဲ့သူတွေအတွက်တော့ ဒီဇာတ်ကားက အကြိုက်‌‌တွေ့စေမှာပါ။ ဇာတ်လမ်းလေးထဲမှာ Aki ဆိုတဲ့ကောင်လေးက အပြောအဆိုအပေါင်းအသင်းမတတ်တဲ့ ဘုကလန့်ပုံစံလေးပါ။ အဲ့ဒါကြောင့်လည်း သူဟာ ဘယ်သူနဲ့မှ မတည့်သလို ရန်လည်းခနခနဖြစ်တတ်သူလေးပါ အပြင်ပန်းမှာတော့ တလောကလုံးကို ဂရုမစိုက်တဲ့ပုံစံဖမ်းထားပေမယ့် တကယ်တမ်းတော့ စိတ်ထဲမှာ အထီးကျန်နေသူလေးတစ်ယောက်ပါ။ တစ်နေ့မှာ သူဟာ Fureru ဆိုတဲ့ ထူးဆန်းတဲ့အကောင်လေးတစ်ကောင်ကို တွေ့သွားပြီး Ryo, Yuta ဆိုတဲ့ကောင်လေးနှစ်ယောက်နဲ့ သူငယ်ချင်း ဖြစ်သွားပါတယ် ။တကယ်တော့ Fureru က သူ့နားကလူတွေကို တစ်ယောက်နဲ့တစ်ယောက် နားလည်ပြီး အဆင်ပြေအောင်လုပ်ပေးနိုင်တဲ့ အစွမ်းပိုင်ဆိုင်ထားတာပါ။ ဒါကြောင့်မို့ Aki, Ryo နဲ့ Yuta တို့ဟာ တစ်ယောက်နဲ့တစ်ယောက် ရန်ဖြစ်တာတွေမရှိပဲ အဆိုးမြင်တာတွေမရှိပဲ အရွယ်ရောက်တဲ့အထိ ပေါင်းသင်းနေနိုင်‌ပေမယ့် တစ်နေ့မှာတော့ သူတို့သူငယ်ချင်းသုံးယောက်ဘဝထဲ ကောင်မလေးနှစ်ယောက်ရောက်လာပြီး ထူးဆန်းတာတွေကြုံတွေ့လာရပါတော့တယ်။ အဲ့မှာပဲ သူတို့တွေအဆင်ပြေပြေနဲ့နေနိုင်နေကြတာဟာ တစ်ယောက်နဲ့တစ်ယောက် အဆိုးမမြင်ကြလို့မဟုတ်ပဲ Fureru ရဲ့လျှို့ဝှက်ချက်ကြောင့်ဆိုတာကို သိသွားပါတော့တယ်။ ဒီတော့ သူတို့ကို အဆင်ပြေအောင်လုပ်ပေးထားတဲ့ Fureru ရဲ့လျှို့ဝှက်ချက်ကဘာလဲ အဲ့ဒါတွေကိုသိသွားပြီးနောက်ပိုင်းမှာရော သူတို့တွေ အရင်လို ပျော်ပျော်ရွှင်ရွှင် အတူတူနေနိုင်ကြဦးမလားဆိုတာကို အတူစောင့်ကြည့်ရမှာပဲ ဖြစ်ပါတယ်နော်...။

Rascal Does Not Dream of a Sister Venturing Out (2023) Original title: Seishun buta yaro ha Odekake sisuta no yume wo minai IMDb Rating (7.2) ဒီကားမှာတော့ Azusagawa မောင်နှမနှစ်ယောက်ကို အဓိကဇာတ်လိုက်တွေအနေနဲ့ မြင်ရမှာပါ။ မှတ်ဉာဏ်တွေပြန်ရပြီးနောက် အထက်တန်းကျောင်းရွေးချယ်ရတော့မယ့် Kaedeဟာ တစ်နေ့မှာ Sakutaနဲ့ အတူတူကျောင်းတက်ချင်တယ်လို့ ပြောလာခဲ့ပါတယ်။ ကျောင်းအကြံပေးဆရာမက လောလောဆယ်စာမေးပွဲရလဒ်တွေနဲ့ဆို လုံးဝမဖြစ်နိုင်ဘူးလို့ တားမြစ်ခဲ့ပေမယ့် Sakutaတို့တစ်စုကတော့ Kaedeဝင်ခွင့်ရအောင် အပြည့်အဝကူညီဖို့ ဆုံးဖြတ်လိုက်ကြပါတယ်။ ဒီလိုနဲ့ Mai-sanနဲ့ကောလိပ်တူတူတက်ချင်တဲ့ Sakutaတစ်ယောက် ကိုယ်ကိုတိုင်လည်းကြိုးစားရင်း ညီမကို ဘယ်လို supporting တွေပေးမလဲဆိုတာကို ကြည့်ရှုရမှာပါဖြစ်ပါတယ်.. (အညွှန်းနဲ့ဘာသာပြန်ကတော့ Zawn Mee ဖြစ်ပါတယ်။) File size…(530 MB) / (280 MB) Quality….Blu-Ray 1080p HEVC / 720p Format…. mkv/mp4 Genre….Drama, Fantasy Duration….01:14:08 Subtitle….Myanmar Subtitle (Hardsub) Encoder….Benjamin Translated by Zaw Mee

လူတွေက သရဲခြောက်တယ်လို့ ပြောနေကြတဲ့ တိုက်ခန်းလျားအဟောင်းကြီးဟာ နာ့ဇူမဲနဲ့ ခိုဆုခဲတို့အတွက်တော့ အဖိုးတန်တဲ့အိမ်လေးပါ။ ငယ်ငယ်ကတည်းက မခွဲအတူ နေလာခဲ့တဲ့ သူတို့နှစ်ယောက်ရဲ့ အမှတ်တရတွေ ရှိနေတဲ့နေရာဖြစ်ပါတယ်။ မူလတန်းကျောင်း နောက်ဆုံးနှစ်ရဲ့ နွေရာသီမှာ အဲဒီတိုက်ခန်းလျားကို ဖြိုတော့မှာမို့ နာ့ဇူမဲတို့သားအမိနဲ့ ခိုဆုခဲတို့မိသားစု အိမ်ပြောင်းကြရတယ်။ အရင်က အတူရှိခဲ့တဲ့ ကလေးနှစ်ယောက်လည်း ဘာကြောင့်မှန်းမသိဘဲ စိမ်းကားသွားကြပါတယ်။ တစ်ရက်မှာ သရဲဖမ်းချင်တဲ့ သူငယ်ချင်း တိုင်အိချိကြောင့် ခိုဆုခဲဟာ အိမ်ဟောင်းဆီ ပြန်ရောက်လာတယ်။ သရဲကို မတွေ့ရဘဲ ဗီဒိုခန်းလေးထဲမှာ ကိုယ့်ကိုယ်ကိုယ်ပိတ်ပြီး အိပ်ပျော်နေတဲ့ နာ့ဇူမဲကိုပဲ တွေ့လိုက်ကြပါတယ်။ နာ့ဇူမဲရဲ့ ရှင်းပြချက်ကို ခိုဆုခဲက မယုံလို့ နှစ်ယောက်သား ရန်ဖြစ်ကြပြန်တယ်။ ခေါင်မိုးပေါ်မှာ ရန်ဖြစ်နေကြရင်း နာ့ဇူမဲ တိုက်ပေါ်က ပြုတ်ကျသွားတဲ့နောက် ထူးဆန်းတဲ့အဖြစ်တစ်ခုနဲ့ ကြုံကြရတော့တာပါ။ နာ့ဇူမဲ၊ ခိုဆုခဲ၊ စပ်စုတတ်တဲ့ တိုင်အိချိ၊ လူကောင်ကြီးတဲ့ ယူဇုရု၊ ပြဿနာရှာတတ်တဲ့ ရဲအိနာနဲ့ ကြင်နာတတ်တဲ့ ဂျူရီတို့ဟာ ပင်လယ်ထဲ မျောနေတဲ့ တိုက်ခန်းလျားကြီးပေါ် ရောက်နေကြပါတယ်။ ဘယ်နေရာမှန်းမသိတဲ့ ပင်လယ်ပြင်မှာ အချင်းချင်း မတည့်ကြတဲ့ ကလေးတွေ ဘယ်လိုရှေ့ဆက်ကြမလဲ၊ ဘာတွေ ထပ်ကြုံရမလဲ။ ဒီစိတ်ကူးယဉ်ကာတွန်းဇာတ်လမ်းက အိမ်ဟောင်းတစ်ခုနဲ့အတူ တွယ်တာနေတဲ့ သံယောဇဉ်တွေ၊ မစွန့်လွှတ်ချင်တဲ့ အမှတ်တရတွေအကြောင်းကို ပြထားပါတယ်။

ဆယ်ကျော်သက်ကျောင်းသားIwatani Naofumiဟာ အပြိုင်စကြဝဠာကိုအခြားလူ၃ယောက်နဲ့အတူ သူရဲကောင်းတွေဖြစ်လာဖို့အတွက် ဆင့်ခေါ်ခြင်းခံခဲ့ရပါတယ် သူတို့လေးယောက်စလုံးဟာသက်ဆိုင်ရာဒဏ္ဍာရီဝင်လက်နက်တစ်ခုစီကိုရရှိခဲ့ပြီး Iwatani Naofumiကတော့ဒိုင်းကာကိုလက်နက်အနေနဲ့ရရှိခဲ့ပါတယ် အပြင်လောကရဲ့အတွေ့အကြုံနည်းပါးမှုနဲ့သြဇာကင်းမဲ့မှုတို့ကြောင့် သူရဲကောင်း၄ယောက်ထဲမှာ အားအနည်းဆုံးအဖြစ်သတ်မှတ်ခံခဲ့ရပါတယ် အစ၃ရက်မှာတင်သစ္စာဖောက်ခံရ၊ မှားပြီးအစွပ်စွဲခံရတဲ့အပြင်ပစ္စည်းလုတာပါခံခဲ့ရပြီး ဘုရင်ကအစ ကျွန်အဆုံးရဲ့မသတီခြင်းကိုပါခံခဲ့ရပါတယ် အဲ့လိုကိစ္စတွေကြောင့်Iwatani Naofumiအတွက်တော့ လက်စားချေလိုစိတ်နဲ့အမုန်းတရားကလွဲပြီးမရှိတော့ပါဘူး သူရဲ့အပြိုင်ကမ္ဘာစွန့်စားခန်းကဘယ်လိုဖြစ်သွားမလဲဆိုတာကို ကြည့်နိုင်ပါပြီ (ဘာသာပြန်ပေးထားတာတော့ DrNyanပဲဖြစ်ပါတယ်) File Size – 300MB / 150MB Quality – 1080p / 720p Duration – 24 minute (@Episode) Total Episodes: 12 Episodes Subtitle – Myanmar Hardsub Format – Mp4 Genre : Animation, Action & Adventure, Sci-Fi & Fantasy, Drama Translator – Dr Nyan Encoder – YK

Overlord (2015) 2016 ခုနှစ်မှာ ထုတ်ခဲ့တဲ့ Yggdrasil ဆိုတဲ့ဂိမ်းဟာနာမည်ကြီး virtual reality ဂိမ်းတစ်ခုဖြစ်ခဲ့ပေမယ့်12 နှစ် ကြာပြီးနောက်မှာတော့ ဂိမ်းဆာဗာကိုဖျက်သိမ်းတော့မှာဖြစ်ပါတယ်။ အဲ့ဒါကြောင့် Nazarick ဆိုတဲ့ဂူသင်္ချိုင်းကို အုပ်ချုပ်တဲ့ Ainz Ooal Gown အဖွဲ့ရဲ့ခေါင်းဆောင်မှော်ဆရာ Momonga ဆိုတဲ့ player ဟာ ဂိမ်းဆာဗာပိတ်သိမ်းတဲ့အချိန်အထိရှိနေဖို့ ဆုံးဖြတ်ခဲ့ပါတယ်။ဒါပေမယ့် ဆာဗာဖျက်သိမ်းတဲ့အချိန် ရောက်တာတောင်ဂိမ်းကမပျက်ဘဲ log out လုပ်လို့မရတော့တဲ့အပြင် NPCတွေကလည်း အသက်ဝင်လာခဲ့ပါတယ်။ အဒါအပြင် သူအုပ်ချုပ်တဲ့Nazarick တစ်ခုလုံး တစ်ခြားကမ္ဘာကို ပို့ဆောင်ခံလိုက်ရတဲ့အခါMomonga တစ်ယောက် အရာအားလုံးကို အဖြေရှာဖို့ ကြိုးစားရပါတော့တယ်.......... Episodes : 13 File Size   : 327MB Quality     :Web-Dl. 1080p Genres      : Animation , Sci.fi & Fantasy , Action , Adventure Translated by  Aung Tay Za Encoded by  Min Wai