Audrey Lin ပါဝင်သော ဇာတ်ကားများ

ဒီနေ့ဟာ ကောင်းထင်ရှန်းဘဝရဲ့အရေးကြီးဆုံး မင်္ဂလာလက်ထပ်ပွဲနေ့လေးပါ။ ဘဝရဲ့အရေးကြီးဆုံးနေ့လေးမှာ အရေးကြီးဆုံးက မိသားစုစုံစုံလင်လင်နဲ့ ပျော်ပျော်ရွှင်ရွှင်ဖြတ်သန်းရဖို့ပါပဲ။ သူများတွေအတွက် ဒါဟာသိပ်မခက်လှဘူးဆိုပေမယ့် ကောင်းထင်ရှန်းအတွက်ကတော့ တော်တော်ခက်ခဲနေပါတယ်။ ဘာကြောင့်လဲဆိုတော့ ကောင်းထင်ရှန်းရဲ့မိဘတွေဟာ သူငယ်ငယ်လေးကတည်းက တရားဝင်ကွာရှင်းလိုက်ကြပြီး အိမ်ထောင်အသီးသီးနဲ့နေထိုင်ကြတာမလို့ ကောင်းထင်ရှန်းက ငယ်ကတည်းက မိသားစု(၂)စုကြားကူးလူးနေခဲ့ရတာပါ။ အဖေနဲ့အမေကလဲ သူ့ရဲ့နာကျည်းချက်နဲ့သူမလို့ မင်္ဂလာပွဲကိုအတူတက်ဖို့ဘယ်လိုမှမဖြစ်နိုင်တာကြောင့် ဟိုတယ်တစ်ခုထဲ တစ်ချိန်ထဲမှာ မင်္ဂလာပွဲ(၂)ခုကို သိုက်လင်ရဲ့အဖေရဲ့အကူအညီနဲ့ ပြိုင်တူကျင်းပဖို့ သတို့သားဖြစ်တဲ့ကောင်းထင်ရှန်းနဲ့ သတို့သမီးလေးသိုက်လင်တို့က ဆုံးဖြတ်လိုက်ကြပါတယ်။ ဒီလိုနဲ့ သူတို့တွေဟာ မင်္ဂလာပွဲ(၂)ခုကြား ဟိုဘက်ကူးလိုက်ဒီဘက်ကူးလိုက်နဲ့ ဗျာများရတာကို ဟာသနှောပြီး ပုံဖော်ထားပါတယ်။ ဒီကားလေးဟာ တစ်ခါတစ်လေမှာ မိဘတွေရဲ့ခံစားချက်ကိုဦးစားပေးရတဲ့ ကလေးတွေဟာ ကြားညပ်ပြီး ကိုယ့်ကိုယ်ကိုပျောက်ဆုံးပြီး မပျော်ရွှင်ရတာတွေကိုလှစ်လှပ်ပြထားတဲ့ မိသားစုဒရာမာကောင်းလေးပဲဖြစ်ပါတယ်။ Filesize : 1.24 GB / 718 MB Quality : WEB-DL 1080p HEVC , 720p HEVC Format : mp4 Genres : Drama Runtime : 2h 10 min Subtitle : Myanmar Subtitle ( Hardsub )

ကလေးမွေးဖွားခြင်းဆိုတာ ပျော်ရွှင်စရာအဆုံးသတ်တစ်ခုလို့ လူအများက ထင်တတ်ကြပေမဲ့… တချို့မိသားစုတွေအတွက်တော့ အသက် အချစ်နဲ့ သတ္တိကို အတူတူ စမ်းသပ်ခံရတဲ့ အစပဲ ဖြစ်နိုင်ပါတယ် အချစ်ဆိုတာကလည်း လူနှစ်ယောက်ရဲ့ ဇာတ်လမ်းပဲ မဟုတ်ပါဘူး… တစ်ခါတလေတော့ မိသားစုတစ်ခု ဖြစ်လာဖို့ ဘယ်လောက်သတ္တိလိုအပ်လဲဆိုတာကို သက်သေပြရတဲ့ ခရီးရှည်တစ်ခုလည်း ဖြစ်နိုင်ပါတယ် ဒါရိုက်တာ ယိုရှောက်ရှန်ရဲ့ ကိုယ်တိုင်ကြုံတွေ့ခဲ့ရတဲ့ အတွေ့အကြုံကို အခြေခံရိုက်ကူးထားတဲ့ Unexpected Courage ဆိုတဲ့ ရုပ်ရှင်လေးဟာ အချစ်ရေး အိမ်ထောင်ရေးနဲ့ မိဘဘဝအကြား ရွေးချယ်မှုတွေကို တင်ဆက်ရိုက်ပြထားတဲ့ Family Romance ဇာတ်အိမ်လေးတစ်ကား ဖြစ်ပါတယ် ဒီရုပ်ရှင်လေးထဲမှာတော့ Lesson in Love မှာ Li Dawei အဖြစ် ပါဝင်သရုပ်ဆောင်ခဲ့တဲ့ မင်းသား Hsueh Shih Ling (Simon Hsueh) က ပေါ်အန်းအဖြစ် Male Lead နေရာက ပါဝင်သရုပ်ဆောင်ထားပါတယ်အောင်မြင်တဲ့ အနုပညာလောကမှာ အလုပ်များပြီး အချိန်နဲ့အပြေးအလွှား ရုန်းကန်နေတဲ့ ပေါ်အန်းနဲ့ လဲ့ဖူတို့ ချစ်သူနှစ်ဦးဟာ နှစ်ပေါင်းများစွာ လက်တွဲလာခဲ့ပေမဲ့ အသက်အရွယ်ကွာဟမှု မိသားစုအတိတ်ဒဏ်ရာတွေနဲ့ အနာဂတ်အပေါ် ကြောက်ရွံ့မှုတွေကြောင့် အမြဲတမ်း ဆုံးဖြတ်ချက်ချဖို့ ဝန်လေးနေခဲ့ကြရင်း မမျှော်လင့်ထားတဲ့ ကိုယ်ဝန်သတင်းတစ်ခုက သူတို့နှစ်ယောက်ရဲ့ ဘဝကို လုံးဝပြောင်းလဲသွားစေပါတော့တယ်… ဒါပေမဲ့ မျှော်လင့်ထားတဲ့ ပျော်ရွှင်မှုဟာလည်း လွယ်လွယ်ကူကူ ရောက်မလာခဲ့ပါဘူး…ကိုယ်ဝန်ဆောင်ချိန်အတွင်း မထင်မှတ်ထားတဲ့ ကျန်းမာရေးအန္တရာယ်တွေ အသက်နဲ့ရင်းပြီး ရင်ဆိုင်ရတဲ့ ဆုံးဖြတ်ချက်တွေ မိခင်နဲ့ ကလေးနှစ်ယောက်စလုံးကို ကယ်တင်ဖို့ ဆရာဝန်တွေရဲ့ ခက်ခဲတဲ့ရွေးချယ်မှုတွေကြောင့် မိသားစုတစ်ခုလုံး စမ်းသပ်ခံလိုက်ရပါတော့တယ် တစ်ဖက်မှာတော့ ပေါ်အန်းဟာ အပြင်ပန်းမှာ တည်ငြိမ်အောင် ဟန်ဆောင်နေပေမယ့် ရင်ထဲမှာတော့ ချစ်သူကို ဆုံးရှုံးရမှာကြောက်တဲ့ စိုးရိမ်မှု၊ ဖခင်တစ်ယောက်ဖြစ်လာမဲ့ တာဝန်နဲ့ မပြောဖြစ်ခဲ့တဲ့ ခံစားချက်တွေအားလုံးကို တိတ်တဆိတ် ထမ်းပိုးရင်း ရုန်းကန်နေခဲ့ရပါတယ်နောက်ဆုံးမှာတော့ Unexpected Courage ဆိုတဲ့ ရုပ်ရှင်နာမည်လေးအတိုင်း "သတ္တိ" ဆိုတာ ကြီးကျယ်တဲ့အရာတွေကို လုပ်ပြနိုင်တာမဟုတ်ဘဲ ကိုယ်ချစ်တဲ့သူအတွက် ကြောက်နေတဲ့ကြားက ရှေ့ဆက်လှမ်းရဲတာပဲဆိုတဲ့ အဓိပ္ပာယ်ကို ခံစားမိစေမဲ့… Family ဇာတ်အိမ်အမျိုးအစားတွေကို ကြိုက်တဲ့သူတွေ မိသားစုတစ်ခုရဲ့ အဓိပ္ပာယ်နဲ့ မိဘဘဝရဲ့ တန်ဖိုးကို ခံစားချင်တဲ့သူတွေအတွက်တော့ မျက်ရည်ကျစေနိုင်တဲ့ ရုပ်ရှင်ဇာတ်ကားကောင်းတစ်ကားလို့ ပြောနိုင်ပါတယ် Filesize : 1.38 GB / 731 MB Quality : WEB-DL 1080p HEVC , 720p HEVC Format : mp4 Genres : Drama and Romance Runtime : 1h 51 min Subtitle : Myanmar Subtitle ( Hardsub )

"Girl 2026" ရုပ်ရှင်ဟာ ဆင်းရဲနွမ်းပါးတဲ့ မိသားစုလေးတစ်ခုရဲ့ ကြေကွဲစရာ လူမှုဘဝအခြေအနေကို အရှိအတိုင်း ပုံဖော်ရိုက်ကူးထားတဲ့ ဇာတ်ကားကောင်းတစ်ပုဒ်ကို ဘာသာပြန် တင်ဆက်ပေးလိုက်ပါတယ်ဇာတ်လမ်းအကျဉ်းလေးကတော့... နေ့တိုင်း ကန်စွန်းဥထမင်းကိုပဲ ငြီးငွေ့အောင် စားနေရတဲ့ ညီအစ်မနှစ်ဖော်နဲ့ သူတို့ရဲ့ မိသားစုအကြောင်းပါ... အရက်သမားအဖေကြီးရယ်၊ သမီးတွေအပေါ် တင်းကျပ်လွန်းပြီး စိတ်တိုရင် တိုသလို ရိုက်နှက်တတ်တဲ့ အမေကြီးရယ်ကြားမှာ ကလေးမလေးရဲ့ ဘဝဟာ တကယ်ကို ခါးသီးလွန်းလှပါတယ်... ဇာတ်လမ်းကြောင်းလေးကို အနည်းငယ် ပြောပြရရင် - မိခင်ဖြစ်သူဟာ "စာကောင်းကောင်းမသင်ရင် ငါ့လို ဆံပင်ညှပ်သမား ဖြစ်လိမ့်မယ်" ဆိုပြီး သမီးကို ပညာတတ်စေချင်တဲ့ စေတနာအမှားတွေနဲ့ အမြဲဖိအားပေးနေသူပါတစ်ဖက်မှာလည်း ကျန်းမာရေးချို့တဲ့လို့ ကျောင်းမှာ ခဏခဏမူးလဲတတ်တဲ့ သမီးငယ်လေးရဲ့ အခြေအနေကို မိခင်ဖြစ်သူက ဂရုမစိုက်မိဘဲအလုပ်ကိစ္စတွေနဲ့သာ လုံးပန်းနေခဲ့ပါတယ်အဆိုးဆုံးကတော့ မတရားတဲ့ ခိုးမှုနဲ့ စွပ်စွဲခံရပြီး ဒူးထောက်အပြစ်ပေးခံရတဲ့ မြင်ကွင်းတွေဟာ ကြည့်ရှုသူတွေကို တကယ်ပဲရင်နင့်စေမှာပါ... ဒီဇာတ်ကားဟာ အခြေခံလူတန်းစားတွေရဲ့ ဘဝရုန်းကန်မှု၊ မိသားစုတွင်း ဖြစ်လေ့ရှိတဲ့ စိတ်ဒဏ်ရာတွေနဲ့ နောက်ဆုံးမှာတော့ သားသမီးတွေအပေါ်ထားတဲ့ မိခင်တစ်ဦးရဲ့ နက်ရှိုင်းလှတဲ့ မေတ္တာတရားကိုပါ ပီပီပြင်ပြင် ခံစားကြည့်ရှုနိုင်မှာ ဖြစ်ပါတယ်ဘဝရဲ့ ရသစုံကို ခံစားရမယ့် ဒီဇာတ်ကားကောင်းလေးကို အခုပဲ ကြည့်ရှုလိုက်တော့နော်... Filesize : 1.78 GB / 0.99 GB Quality : WEB-DL 1080p HEVC , 720p HEVC Format : mp4 Genres : Drama Runtime : 2h 5 min Subtitle : Myanmar Subtitle ( Hardsub )

အသက် ၁၃ နှစ်အရွယ် ဖန်းဟာ မိခင် ရင်သားကင်ဆာဖြစ်လာတာကြောင့် LA ကနေ ပြန်လာခဲ့ရပြီး ထိုင်ဝမ်က နေထိုင်မှုပုံစံနဲ့ အသားကျဖို့ ကြိုးစားနေရပါတယ်။ ငယ်ငယ်ကတည်းက ဝေးနေခဲ့တဲ့ ဖခင်နဲ့ အခု ပြန်အတူနေခွင့်ရပေမယ့် ရောဂါခံစားနေရတဲ့ မိခင်နဲ့တော့ ဆက်ဆံရေး ပိုဆိုးလာတယ်။ မိခင်ဖြစ်သူ လီလီဟာ ကင်ဆာကြောင့် ကိုယ့်ကိုယ်ကိုယ် သေရတော့မယ့်သူလို့ သတ်မှတ်ထားပြီး အရာရာကို အဆိုးဘက်က မြင်နေပါတယ်။ ဖန်းကလည်း အမေရိကန်ကိုပဲ ပြန်ချင်နေတော့ သားအမိနှစ်ယောက် ဘာပြောပြော ကတောက်ကဆ ဖြစ်နေကြတယ်။ ဒီကြားထဲ SARS ကူးစက်ရောဂါ စဖြစ်လာတဲ့အခါ သူတို့မိသားစုလေးယောက် ဘယ်လို ဆက်ရုန်းကန်ကြမလဲဆိုတာကို ဇာတ်လမ်းမှာ ဆက်ဖော်ပြထားပါတယ်။ မိသားစုဆက်ဆံရေးအကြောင်း ရိုက်ကူးထားတဲ့ ဒီဇာတ်ကားဟာ Golden Horse Film Festival နဲ့ Tokyo International Film Festival တို့မှာ ဆုငါးဆုရရှိပြီး ဆုခုနစ်ဆုအတွက် စကာတင်ရွေးချယ်ခံခဲ့ရတယ်လို့ မူရင်းအညွှန်းမှာ ဖော်ပြထားပါတယ်။