Bert Stevens ပါဝင်သော ဇာတ်ကားများ

Mirage (1965) IMDb rating : 7.2/10 Rotten Tomatoes : 100% Genre - Thriller, Mystery  ဒီတစ်ခေါက်တင်ဆက်‌ပေးမှာ ကတော့ ဟောင်းပေမဲ့ ကောင်းနေဆဲ Classic ရုပ်ရှင်ကောင်းဟောင်းကား လေးတစ်ကားပဲ ဖြစ်ပါတယ်  တစ်ကားလုံး ဇာတ်ရှိန်မကျပဲ အဆုံးထိတိုင်အောင် ပဟေဠိတွေကို လိုက်အဖြေထုတ်မိနေမယ့် ကားလေးပဲဖြစ်ပါတယ် ဇာတ်လမ်း ရသ ပေါ့သွားမှာကို စိုးတာကြောင့် ဇာတ်လမ်းအကျဉ်းကို မရေးပေးထားတော့ပါဘူး ကိုယ်ကပါ အဲ့ဒီဇာတ်ကောင်ရဲ့နေရာကနေ လိုက်ပါ ခံစားရမယ့် ဇာတ်လမ်းမျိုးမို့လို့ပါ ဇာတ်လမ်း ကိုမသိသေးခင်မှာ တဖြည်းဖြည်း ကြည့်ရင်း တွေးသွားပြီး ခံစားရင်ပိုပြီးတော့  ကြည့်လို့ကောင်းမယ့်ကားလေးပဲဖြစ်ပါတယ်ခင်ဗျ  စိတ်ပြေလက်ပျောက် စိတ်အပန်းဖြေစရာ ရုပ်ရှင်တစ်ကား အနေနဲ့ ကြည့်ရှုလို့လည်းရပြီး ရသစုံလင် အောင် ပေးစွမ်းနိုင်တဲ့ ဇာတ်ကားကောင်း လေးပဲဖြစ်ပါတယ် (ရုပ်ရှင်အညွှန်းနဲ့ဘာသာပြန်ကို Kafka မှ တင်ဆက်ထားပါတယ်။) File size…    2.4 GB /  1.3 GB Quality… BluRay 1080p / 720p Format… mp4 Duration…. 1h 49m Genre ..... Mystery/Thriller Subtitle…. Myanmar Subtitle (Hard Sub) Encoder…. Thit San Khant Translated... by Kafka

The Sound of Music (1965) IMDb Rating - 8.1/10 အကောင်းဆုံး Musical Genre Movies တွေအကြောင်းပြောကြမယ်ဆိုရင် (1966)အော်စကာရုပ်ရှင်ဆုပေးပွဲမှာ အကောင်းဆုံးဒါရိုက်တာဆု၊ အကောင်းဆုံးရုပ်ရှင်ဆု၊ အကောင်းဆုံးရုပ်ရှင်တည်းဖြတ်ဆု..စသဖြင့် အော်စကာ၅ဆုအပြင် အခြားသောရုပ်ရှင်ဆုပေါင်းများစွာကိုပါ ပတ်သိမ်းလာတဲ့ “The Sound of Music” က သေချာပေါက်မပါမဖြစ်ပါပဲ။ (1965)ခုနှစ်က ထွက်ရှိခဲ့ပြီး ဩစတြီးယားနိုင်ငံက ဗွန်ထရက်ပ်မိသားစုအကြောင်း ဖြစ်ရပ်မှန်အခြေခံပြီး ရိုက်ကူးထားတဲ့ “The Sound of Music” ရုပ်ရှင်ဟာ ဝက်ဝက်ကွဲအောင်မြင်ခဲ့တာကြောင့် သူ့ရုံဝင်ငွေနဲ့ ဒေဝါလီခံရခါနီး 20th Century Fox Studio ကိုကယ်ပေးနိုင်တဲ့အထိကို ဖြစ်ခဲ့ပါတယ်။ IMDb rating 8.1/10 ရရှိထားပြီး ထွက်ရှိခဲ့တဲ့အချိန်ကနေ ယခုအချိန်ထိ Box Office ရဲ့ No.6နေရာမှာ ရပ်တည်နေတဲ့ ဂန္ထဝင်ရုပ်ရှင်ကားကြီးဖြစ်ပါတယ်။ ဖြစ်ရပ်မှန်ကိုအခြေတည်ရိုက်ကူးထားတာဆိုပေမဲ့ တကယ့်အပြင်လက်တွေ့နဲ့ ကွဲလွဲချက်လေးတွေရှိပါတယ်။ ဇာတ်လမ်းအကျဉ်းကတော့ ရေတပ်အငြိမ်းစား ကပ္ပတိန်ဗွန်ထရက်ပ်ဟာ ဇနီးသည်ဆုံးပြီးကတည်းက သားသမီးတွေအပေါ် တင်းကြပ်လွန်းတဲ့သူတစ်ယောက်ပါ။ ဗွန်ထရက်ပ်အိမ်တော်ဟာ သီချင်းတွေ ဆိတ်သုဉ်းနေတာ ကြာခဲ့ပါပြီ။ တစ်နေ့မှာတော့ သီချင်းတွေကို အရမ်းမြတ်နိုးတဲ့ သီလရှင်လောင်းမာရီယာကို ကျောင်းတိုက်သီလရှင်ကြီးက ကလေးထိန်းအဖြစ်နဲ့ ဗွန်ထရက်ပ်မိသားစုအိမ်ကို လွှတ်လိုက်ရာကနေ “The Sound of Music”ဆိုတဲ့ ရုပ်ရှင်ကြီးစတင်ဖြစ်ပေါ်လာပါတယ်။ “The Sound of Music”ကို ဟိုးအရင်က ကြည့်ဖူးတဲ့သူများအနေနဲ့ သီချင်းတွေကို ရင်းနှီးနေမှာပါ။ ဘာလို့ဆို ဒီထဲက သီချင်းတွေက တစ်ခါနားထောင်ဖူးရုံနဲ့ မှတ်ဉာဏ်ထဲ နေရာယူလွယ်ပြီး ငယ်ဘဝပြန်ရောက်သွားစေသလိုလိုခံစားရစေတာကိုး။ Musical ကားတွေကိုကြိုက်နှစ်သက်သူများအတွက်တော့ လုံးဝလက်လွှတ်မခံသင့်တဲ့ Old but gold ကားကောင်းတစ်ကားဖြစ်ပါတယ်။ ကြည့်ရှုခံစားလိုက်ကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size..........(3.9 GB) / (1.3 GB) Quality............BLU-RAY 1080p / 720p Duration.........2Hr 52Min Subtitle...........Myanmar Hardsub Format............MP4 Genre..............Biography, Drama, Family Translator.......Ngwe Zin Encoder..........SWM

My Fair Lady (1964) Genre: Musical, Romance, Drama  IMDB-  7.7/10  Rotten Tomatoes - 94%    အခုစာဖတ်နေတဲ့သူတွေထဲမှာ English စာကိုလေ့လာနေတာကြာနေပြီဆိုပေမဲ့ တချို့စကားလုံးတွေကို အသံထွက်မှန်မှန်မထွက်နိုင်တဲ့သူတွေရှိလား ။ အခုပြောပြမယ့်ကားလေးက ၁၉၆၅ ခုနှစ် Academy Awards (Oscars) မှာ My Fair Lady ဇာတ်ကားက ဆု ၈ ဆု အောင်ရရှိခဲ့တဲ့ကားလေးဖြစ်ပါတယ်။ လန်ဒန်မြို့မှာ ပန်းရောင်းတဲ့ စကားပြောလေသံမမှန်တဲ့ Eliza Doolittle ဆိုတဲ့ကောင်မလေးရဲ့ ဘဝအကြောင်းကိုရိုက်ပြထားတာ။ သူကလည်း ကျွန်မတို့လိုပဲ စကားပြောတဲ့အချိန်တွေမှာ English Pronunciation အသံမှန်မှန်မထွက်နိုင်တဲ့ကောင်မလေးတစ်‌ယောက်ပေါ့။ ပြောရမယ်ဆိုရင် ဆင်းရဲတဲ့မိသားစုကမို့ ပညာရေးကောင်းကောင်းသင်ကြားမလာခဲ့ရတဲ့သူပေါ့။  စာမတတ်ပေမတတ်လေးတစ်ယောက်မို့ လန်ဒန်မြို့တစ်ခွင် ‌လမ်းမဘေးမှာပန်းလှည့်ရောင်းနေရတဲ့သူ တစ်နေ့ သူ‌ပန်းရောင်းနေတုန်း သူ့အသံထွက်မမှန်တာကိုလိုက်မှတ်နေတဲ့ လူတစ်ယောက်နဲ့တွေ့ခဲ့တယ်။ အဲ့လူကတော့ ဘာသာစကားကျွမ်းကျင်တဲ့ ပါမောက္ခ Henry Higgins ဆိုတဲ့လူပဲ။ သူကအဲမှာ လူတွေရဲ့ စကားပြောလေသံမှန်မမှန်ကိုလိုက်လေ့လာပြီး ဝေဖန်နေတဲ့သူပေါ့ ။ အဲနေ့မှာပဲ Eliza က Colonel Pickering ဆိုတဲ့ အိန္ဒိယဘာသာစကားမှာ‌ ကျွမ်းကျင်တတ်မြောက်တဲ့သူတစ်ယောက်နဲ့တွေ့တယ်။  Higgins က Eliza ကို လေသံမမှန်တော့ အဲတာကြောင့်ဆင်းရဲနေတယ်ဘာညာ နှိမ့်ချဝေဖန်ပြောနေတာ ၊ အဲ့အချိန် Pickering က Eliza ဘက်ကနေ ကူညီပြီးပြန်ပြောပေးခဲ့တာ ။ အဲလိုနဲ့သူတို့သုံးယောက်ဆုံကြတာ နောက်ကျတော့ Higgins က Eliza ကို လေသံမှန်မှန်ထွက်နိုင်ရင် အသံထွက်မှန်ရင် ဘယ်လိုကောင်းတဲ့ဘဝရနိုင်တယ် ၊ အဆင့်ရှိတဲ့မိန်းကလေးတစ်ယောက်ဖြစ်အောင် ပြောင်းလဲနိုင်တယ်ဆိုပြီး ပြောပြတယ် ။ အဲလိုတကယ်ဖြစ်မဖြစ်ကို စမ်းသပ်ဖို့ Higgins နဲ့ Pickering က လောင်းကြေးထပ်ခဲ့ကြတယ်။ အဲအချိန်ကစပြီး Eliza က Higgins အိမ်မှာလိုက်နေရပြီး အဝတ်အစား ဝတ်ပုံ၊ နေပုံ ထိုင်ပုံ ပြောပုံဆိုပုံ၊ အဓိကကတော့ သူရဲ့ အင်္ဂလိပ်စကားပြောစွမ်းရည်တွေတိုးတက်‌အောင်လေ့လာသင်ယူခဲ့ရတယ်။ Eliza ကဆင်းရဲတဲ့သူဆိုပေမဲ့ ဂျစ်ကန်ကန်ကောင်မလေးတစ်ယောက်ဆိုလည်းဟုတ်တယ်။ သူက Higgins သင်ပြပေးတာတွေကိုမနာခံချင်တဲ့အချိန်တွေလည်းရှိပေမဲ့ သူအတတ်နိုင်ဆုံးကြိုးစားလုပ်ခဲ့တယ်။ ‌  Eliza အနေနဲ့ရော ဘယ်လိုစိတ်ခံစားချက်တွေဖြစ်ပေါ်လာနိုင်မလဲ၊ သူရဲ့ရလာတဲ့ ဘဝအသစ်ကိုရောကျေနပ်ပါ့မလား၊ သူရဲ့ အချစ်ပုံပြင်လေးကရော ဘယ်လ်ိုဖြစ်လာမလဲဆိုတာကစိတ်ဝင်စားစရာကောင်းတယ်။ နောက်ပိုင်းမှာတော့  Eliza ကသူတို့လောင်းထားတဲ့အတိုင်း အင်္ဂလိပ်စကားပြောတိုးတက်လာရုံနဲ့ လူဝင်ဆန့်တဲ့သူဖြစ်လာမလား ၊ သူတို့ရဲ့အစီအစဉ်အောင်နိုင်မလားဆိုတာကို စိတ်ဝင်စားဖွယ်ဆက်ပြီးကြည့်ရမှာပါ။ ဒီကားကပေးချင်တဲ့ အဓိကအကြောင်းအရာကတော့ ဘာသာစကားတစ်ခုကို ကျွမ်းကျွမ်းကျင်ကျင်တတ်မြောက်ရင် လူတွေကအထင်ကြီးပြီး နေရာတစ်ခုရနိုင်ကြောင်းကို ဖော်ပြချင်တယ်လို့မြင်မိတယ်။ ဘယ်လိုပဲဖြစ်ဖြစ် ကြည့်ရတာတန်တာမို့ Classic Movie ကြိုက်တဲ့ CM ပရိတ်တွေ‌တော့အကြိုက်တွေ့မယ်လို့ထင်တယ် Eliza Doolittleအဖြစ်  Audrey Hepburnကသရုပ်ဆောင်ထားပြီး Professor Henry Higgins အဖြစ် Rex Harrisonကသရုပ်ဆောင်ထားပါတယ်  ၁၉၆၅ ခုနှစ် Academy Awards (Oscars) မှာ My Fair Lady ဇာတ်ကားက ဆု ၈ ဆုရရှိခဲ့တဲ့ ဆုတွေကိုဖော််ပြပေးလိုက်ပါတယ် 1 . Best Picture Award 2. Best Director (အကောင်းဆုံးဒါရိုက်တာဆု) – George Cukor 3. Best Actor (အကောင်းဆုံးအမျိုးသားသရုပ်ဆောင်ဆု) – Rex Harrison (Professor Higgins အဖြစ်) 4. Best Cinematography award – Harry Stradling 5. Best Art Direction – Color (အနုပညာအပြင်ဆင်အကောင်းဆုံးဆု) 6. Best Costume Design – Color (ဝတ်စုံဒီဇိုင်းအကောင်းဆုံးဆု) – Cecil Beaton 7. Best Sound award 8.Best Score – Adaptation or Treatment (ဂီတဖန်တီးမှုအကောင်းဆုံးဆု) – André Previn ဒီဆုတွေကြောင့် My Fair Lady ဟာ ရုပ်ရှင်သမိုင်းမှာ ထင်ရှားပြီး ထိပ်တန်းဂီတရုပ်ရှင်တစ်ကားအဖြစ် နာမည်ကျော်ခဲ့ပါတယ်။

၁၉၆၄ ခုနှစ်မှာ ထွက်ရှိခဲ့တဲ့ Marnie ရုပ်ရှင်ဇာတ်ကားကြီးမှာဆိုရင် မင်းသမီးကြီး ‘Tippi’ Hedren နဲ့ မင်းသားကြီး Sean Connery တို့က အဓိကပါဝင်သရုပ်ဆောင်ထားပါတယ်။ မာနီက ဆွဲဆောင်မှုရှိတဲ့အပြင်ငယ်ရွယ်တဲ့အမျိုးသမီးလေးဖြစ်ပြီး နာမည်တုတွေအများကြီးနဲ့ ကုမ္ပဏီကြီးတွေမှာ အချိန်တစ်ခုလောက်အထိ အလုပ်လုပ်ကာ အဲ့ဒီအလုပ်မှာရှိတဲ့ ပိုက်ဆံတွေကို ခိုးယူတတ်တဲ့ သူခိုးတစ်ယောက် လူလိမ်တစ်ယောက်ပဲ ဖြစ်ပါတယ်။ တစ်နေ့ သူမအလုပ်သွားလျှောက်တဲ့ ရတ်ထ်လန်ကုမ္ပဏီရဲ့ သူဋ္ဌေး မက်ခ်ရတ်ထ်လန်က သူမကို မျက်စိကျပြီး အလုပ်ခန့်လိုက်ပြီးနောက် သူမရဲ့ လျှို့ဝှက်ချက်ကို သိသွားပြီး သူမကို အကြပ်ကိုင်ကာ သူ့ကို အတင်းအဓမ္မ လက်ထပ်စေပါတော့တယ်။ လက်ထပ်ပြီးသွားမှ သိလိုက်ရတာကတော့ မာနီက သူမကို ဘယ်ယောက်ျားသားကမှ ထိတွေ့တာကို မနှစ်သက်ပါဘူး။ မုန်တိုင်းတွေထန်တဲ့ညတွေမှာဆိုရင်လည်း အရူးတစ်ယောက်လို အော်ဟစ်ငိုကြွေးနေတတ်ပါသေးတယ်။ ညဖက်တိုင်းလိုလို အိပ်မက်ဆိုးတွေ မက်နေတတ်တဲ့ မာနီ၊ မက်ခ်ကို သဘောကျပေမယ့် မက်ခ်ရဲ့ အထိအတွေ့ကို မနှစ်သက်တဲ့ မာနီ သူမဘာကြောင့် ဒီလိုတွေဖြစ်နေရတာလဲ။ မာနီကို ချစ်လွန်းလို့ သူခိုးတစ်ယောက် လူလိမ်တစ်ယောက်မှန်း သိလျက်နဲ့ လက်ထပ်ယူထားတဲ့ မက်ခ်ကရော သူမကို ကူညီပေးနိုင်ပါ့မလား စတာတွေကို ဆက်လက်ကြည့်ရှုရမှာပဲ ဖြစ်ပါတယ်။ ဇာတ်လမ်းအမျိုးအစားကတော့ Psychological thriller အမျိုးအစားဖြစ်ပါတယ်။ အညွှန်းရေးသားသူနဲ့ ဘာသာပြန်သူကတော့ Nway Oo K Zaw ဖြစ်ပါတယ်။ File size…(3.4 GB)/(2.1 GB) Quality….Blu-Ray 1080p / 720p Format…mp4 Duration….02:10:00 Genre... Crime, Drama, Mystery Subtitle….Myanmar Subtitle (Hardsub) Encoder….Garfield Translated by Nway Oo K Zaw

နိုင်ငံရေး လျှို့ဝှက်ပူးပေါင်းကြံစည်မှု နဲ့ စိတ်ပိုင်းဆိုင်ရာ Psychological Thriller ဇာတ်ကားတွေထဲမှာ ရုပ်ရှင်သမိုင်းတစ်လျှောက် အကောင်းဆုံး စံပြလက်ရာတစ်ခုအဖြစ် သတ်မှတ်ခံထားရတဲ့ "The Manchurian Candidate (၁၉၆၂)" ဂန္ထဝင်ဇာတ်ကားကြီးကို ဒီနေ့မှာ တက်ဆက် ပေးချင်ပါတယ်။ ဒါရိုက်တာကြီး John Frankenheimer ရိုက်ကူးပြီး ကမ္ဘာကျော် အဆိုတော်နဲ့ မင်းသားကြီး Frank Sinatra၊ Laurence Harvey နဲ့ မင်းသမီးကြီး Angela Lansbury တို့ အပြိုင်အဆိုင် သရုပ်ဆောင်ထားတဲ့ Masterpiece ဇာတ်ကားကြီး ဖြစ်ပါတယ်။ ဇာတ်လမ်းဟာ ကိုရီးယားစစ်ပွဲကာလမှာ စတင်ပါတယ်။ ကပ္ပတိန် ဘန်းနက် မာကို နဲ့ တပ်ကြပ် ရေမွန် ရှော တို့ ဦးဆောင်တဲ့ အမေရိကန် စစ်သားတပ်စုတစ်စုဟာ ကွန်မြူနစ်တပ်ဖွဲ့တွေရဲ့ ဖမ်းဆီးခြင်းကို ခံခဲ့ရပြီး မန်ချူးရီးယား ဒေသကို ခေါ်ဆောင်သွားခြင်း ခံခဲ့ရပါတယ်။ စစ်ပွဲပြီးလို့ အမေရိကန်ကို ပြန်ရောက်လာတဲ့အခါမှာတော့ ရေမွန် ဟာ တိုက်ပွဲအတွင်း သူ့ရဲဘော်တွေရဲ့ အသက်ကို ကယ်တင်ခဲ့တဲ့ သူရဲကောင်းအဖြစ် တပ်စုဝင်အားလုံးရဲ့ ထောက်ခံချက်နဲ့အတူ အမြင့်ဆုံး ဂုဏ်ထူးဆောင်တံဆိပ် ချီးမြှင့်ခံရပါတယ်။ ဒါပေမယ့် သိပ်မကြာခင်မှာပဲ ထောက်လှမ်းရေး မေဂျာ ဖြစ်လာတဲ့ မာကို နဲ့ တပ်စုဝင်တချို့ဟာ ညတိုင်း ထူးဆန်းတဲ့ အိပ်မက်ဆိုးတစ်ခုကို တူညီစွာ မက်လာကြပါတယ်။ အဲဒီအိပ်မက်ထဲမှာတော့ ရေမွန် ဟာ သူရဲကောင်းမဟုတ်ဘဲ ကွန်မြူနစ်ခေါင်းဆောင်တွေရဲ့ ရှေ့မှောက်မှာ သူ့ရဲဘော်နှစ်ဦးကို သွေးအေးအေးနဲ့ သတ်ဖြတ်နေတာကို မြင်တွေ့နေရတာပါ။ မာကို တစ်ယောက် ဒီအိပ်မက်ဆိုးရဲ့ နောက်ကွယ်က အမှန်တရားကို လိုက်လံစုံစမ်းတဲ့အခါ သူတို့တပ်စုတစ်ခုလုံးဟာ မန်ချူးရီးယားမှာ ဦးနှောက်ဆေး (Brainwash) ခံခဲ့ရပြီး၊ ရေမွန် ဟာ ဖဲချပ်ထဲက Queen of Diamonds ကို မြင်လိုက်တာနဲ့ စက်ရုပ်တစ်ရုပ်လို ခိုင်းသမျှ လုပ်ကြံသတ်ဖြတ်ပေးမယ့် လျှို့ဝှက်လူသတ်သမား အဖြစ် ပြောင်းလဲခံထားရကြောင်း သိရှိသွားပါတော့တယ်။ ဒီထက်ပိုပြီး ထိတ်လန့်စရာကောင်းတာကတော့ အမေရိကန် သမ္မတရာထူးကို သိမ်းပိုက်ဖို့ ကြံစည်နေတဲ့ ဒီနိုင်ငံရေး လုပ်ကြံမှုကြီးရဲ့ နောက်ကွယ်မှာ အာဏာမက်မောလွန်းတဲ့ ရေမွန်ရဲ့ မိခင်ရင်း ကိုယ်တိုင် ကြိုးကိုင်နေတဲ့အခါ မာကို တစ်ယောက် အချိန်မီ ဘယ်လို တားဆီးမလဲ ဆိုတာကို ရင်တမမနဲ့ ကြည့်ရှုရမှာပါ။ စာရေးဆရာ Richard Condon ရဲ့ နာမည်ကြီး ဝတ္ထုကို အခြေခံထားတဲ့ ဒီဇာတ်ကားဟာ စစ်အေးတိုက်ပွဲ (Cold War) ကာလရဲ့ အပြန်အလှန် သံသယပွားမှုတွေနဲ့ နိုင်ငံရေး အစွန်းရောက်မှုတွေကို အကောင်းဆုံး သရော်ထားသလို၊ ဦးနှောက်ဆေးခံထားရတဲ့ စစ်သားတွေရဲ့ အိပ်မက်ဆိုးကို ပြသတဲ့ အခန်း (ပန်းဥယျာဉ်အသင်းက အမျိုးသမီးကြီးတွေရဲ့ အစည်းအဝေးနဲ့ ကွန်မြူနစ် ခန်းမကြီးကို ၃၆၀ ဒီဂရီ ကင်မရာ ရိုက်ချက်နဲ့ တစ်လှည့်စီ ပြောင်းလဲပြသသွားပုံ) ဟာ ရုပ်ရှင်သမိုင်းမှာ ယနေ့တိုင် စံပြအဖြစ် လေ့လာနေရဆဲ ဂန္ထဝင် ရိုက်ချက်တစ်ခု ဖြစ်ပါတယ်။ ရေမွန်ရဲ့ မိခင် Mrs. Iselin အဖြစ် သရုပ်ဆောင်တဲ့ မင်းသမီးကြီး Angela Lansbury ရဲ့ သရုပ်ဆောင်မှုဟာ ကြက်သီးထစရာ ကောင်းလောက်အောင် ပီပြင်လွန်းပါတယ်။ (လက်တွေ့အပြင်မှာ သားအဖြစ် သရုပ်ဆောင်တဲ့ Laurence Harvey ထက် အသက် ၃ နှစ်သာ ပိုကြီးပေမယ့်) ကိုယ့်သားအရင်းရဲ့ ဘဝကိုတောင် နိုင်ငံရေးအာဏာအတွက် အသုံးချဖို့ ဝန်မလေးတဲ့ သွေးအေးရက်စက်တဲ့ မိခင်တစ်ယောက်အဖြစ် သူမရဲ့ သရုပ်ဆောင်မှုက အော်စကာဆု ဆန်ခါတင်စာရင်းဝင်ခဲ့ပြီး ရုပ်ရှင်သမိုင်းတစ်လျှောက် အကောင်းဆုံး အမျိုးသမီး ဗီလိန်ဇာတ်ကောင်စာရင်းမှာ ထိပ်ဆုံးက ပါဝင်ခဲ့ပါတယ်။ ကိုယ်တိုင်လည်း စိတ်ဒဏ်ရာတွေ ခံစားနေရရင်းကနေ သူငယ်ချင်းဖြစ်သူကို ကယ်တင်ဖို့ ကြိုးစားတဲ့ မာကို အဖြစ် Frank Sinatra ရဲ့ တည်ကြည်လေးနက်တဲ့ သရုပ်ဆောင်မှုနဲ့၊ ပတ်ဝန်းကျင်ရဲ့ ကြိုးကိုင်ခြယ်လှယ်မှုကြားမှာ လွတ်လပ်ခွင့် ဆုံးရှုံးပြီး သနားစရာ သားကောင်ဖြစ်ခဲ့ရတဲ့ ရေမွန် အဖြစ် Laurence Harvey တို့ရဲ့ အပေးအယူက ဇာတ်သိမ်းခန်းအထိ ပရိသတ်ကို အသက်ရှူမှားလောက်အောင် ဆွဲဆောင်ထားနိုင်ပါတယ်။ (ဒါ့အပြင် Frank Sinatra နဲ့ Henry Silva တို့ရဲ့ ကရာတေး တိုက်ခိုက်ခန်းဟာလည်း အမေရိကန် ဟောလိဝုဒ်ရုပ်ရှင်တွေမှာ ပထမဆုံး ထည့်သွင်းရိုက်ကူးခဲ့တဲ့ Martial Arts အက်ရှင်ခန်းတွေထဲက တစ်ခုအဖြစ် မှတ်တမ်းဝင်ခဲ့ပါတယ်။) "The Manchurian Candidate (၁၉၆၂)" ဟာ ၂၀၀၄ ခုနှစ်မှာ မင်းသားကြီး Denzel Washington နဲ့ ပြန်လည်ဆန်းသစ် ရိုက်ကူးခဲ့ဖူးပေမယ့်၊ ၁၉၆၂ ခုနှစ်က မူရင်း အဖြူအမည်း ဇာတ်ကားရဲ့ Tension နဲ့ ဇာတ်အိမ်ခိုင်မာမှုကိုတော့ ဘယ်ကားမှ မမီနိုင်သေးပါဘူး။ ဦးနှောက်စားရတဲ့ နိုင်ငံရေး လှည့်ကွက်တွေနဲ့ စိတ်ပိုင်းဆိုင်ရာ Psychological Thriller)ဇာတ်ကားကောင်းတွေကို နှစ်သက်တဲ့ ပရိသတ်တွေ မဖြစ်မနေ ကြည့်ရှုသင့်တဲ့ ဂန္ထဝင်ကားကြီးအဖြစ် အထူး ညွှန်းဆိုပေးလိုက်ပါတယ်။ File size… 2.7 GB GB / 1.37 GB Quality… Blu-ray 1080p / 720p Format… mp4 Duration…. 2h 6m Genre ..... Drama, Mystery, Thriller Subtitle…. Myanmar Subtitle (Hard Sub)

ဒုတိယကမ္ဘာစစ်အပြီး စစ်ရှုံးဂျာမနီနိုင်ငံရဲ့ ခေါင်းဆောင်တွေကို စစ်ခုံရုံးတင် စစ်ဆေးခဲ့တဲ့ ကမ္ဘာကျော် နူရင်ဘတ်စစ်ခုံရုံးက တရားစီရင်မှုတစ်ခုကို အခြေခံရိုက်ကူးထားတဲ့ ဇာတ်လမ်းဖြစ်ပါတယ်။ Best Actor နဲ့ Best Adapted Screenplay မှာ Oscars နှစ်ဆုအထိ ရခဲ့ပါတယ်။ Best Actor ရခဲ့တဲ့ မင်းသား Max. Schell ဟာ တရားခံရှေ့နေအဖြစ် သရုပ်ဆောင်ခဲ့ပြီး ခုံရုံးတင်ခံထားရတဲ့ ဂျာမန်တရားရေးအရာရှိတွေကိုယ်စား စကားလုံးထိုးနှက်ချက် အလှအပတွေနဲ့ ခုခံချေပခဲ့တာပါ။ ဒုတိယကမ္ဘာစစ်မီး လောင်ကျွမ်းရတာဟာ ဂျာမနီနိုင်ငံတစ်နိုင်ငံတည်းကြောင့် ဆိုတဲ့ အတွေးအခေါ်ကို ရိုက်ချိုးပြသွားပြီး ကပ်ဆိုးကြီးအတွက် တစ်ကမ္ဘာလုံး တာဝန်ရှိကြောင်း ရဲရဲတောက် တင်သွင်းခဲ့တယ်။ တစ်ဖက်က အမေရိကန်ရှေ့နေ စစ်အရာရှိကလည်း ဂျာမန်တွေရဲ့ သန်းနဲ့ချီတဲ့လူမျိုးတုံး သတ်ဖြတ်မှုအတွက် တရားရေးအရာရှိတွေက တစ်ထောင့်တစ်နေရာကနေ တာဝန်ရှိကြောင်း သက်သေအထောက်အထားပြည့်စုံစွာ ပြသခဲ့ပြီး ရှေ့နေနှစ်ယောက်ရဲ့ ပြိုင်ဆိုင်မှုဟာ တကယ့်တရားခွင်ကို ရောက်သွားသလို ခံစားရမှာပါ။ တရားသူကြီးဟေးဝုဒ်ကလည်း အမှန်တရားရဲ့ ဘက်တော်သားပီပီ အမေရိကန်ဘက်လည်း မလိုက်ခဲ့သလို ဂျာမန်တွေကိုလည်း မျက်နှာမလိုက်ဘဲ ထိမိတဲ့ စကားလုံးတွေနဲ့ တရားစီရင်မှုကို အကောင်းဆုံး ထိန်းချုပ်သွားပုံကို ပြသခဲ့ပါတယ်။ ဂျာမန်တွေရဲ့ ခံစားချက်ကိုလည်း ထည့်သွင်းရိုက်ပြထားပြီး ဒီကြားထဲကနေ တရားမျှတတဲ့ ဆုံးဖြတ်ချက်ရမယ့် တရားသူကြီး ဟေးဝုဒ်ရဲ့ Brainstorming လုပ်ပုံကိုလည်း အကောင်းဆုံး ခံစားရမှာပါ။ လူ့ယဉ်ကျေးမှု၊ တာဝန်ယူမှု၊ လူသားဆန်မှု စတဲ့ လူ့အသိုင်းအဝိုင်းအတွက် အရေးကြီးတဲ့ ကျင့်ဝတ်တွေကို တဖြည်းဖြည်းဆီ ကြည့်ရှုသူတွေရဲ့ ခေါင်းထဲကို ရိုက်ထည့်သွားမယ့် ရုပ်ရှင်ကောင်းတစ်ခု ဖြစ်ပါတယ်။ Quality.....Blu-Ray 1080p / 720p File Size.....(3.1 GB) / (1.9 GB) Genre.....Drama, History, War Duration.....02:59:00

IMDb 8.1ထိ ရထားတဲ့ ၁၉၆၀ ခုနှစ်က ထွက်ရှိခဲ့တဲ့ ဇာတ်ကားကောင်းတစ်ခုပါ လူသားမျိုးနွယ်ရဲ့ ဆင့်ကဲပြောင်းလဲ ဖြစ်စဉ် ဖြစ်တဲ့ လူဟာ မျောက်ကနေ ဆင့်ကဲ ပြောင်းလဲ လာတယ်ဆိုတဲ့ သီအိုရီကို သင်ကြားပိုချနေတဲ့ အထက်တန်းကျောင်းဆရာ တစ်​ယောက်ဟာ ဘာသာရေး အလွန်အမင်းယုံကြည်လိုက်စားတဲ့ လူ့အသိုင်းအဝိုင်းမှာ အပြစ်ရှိတယ်လို့ ယူဆခံရပြီး ထိန်းသိမ်းခံလိုက်ရပါတော့တယ်။ နေထိုင်ရာ ပတ်ဝန်းကျင် လူ့အသိုင်းအဝိုင်းတခုလုံးနဲ့ တယောက်လို ဖြစ်သွားတဲ့ ဆရာ ဘတ် တစ်ယောက် စွဲချက်တင်ခံထားရတဲ့ သူ့အမှုကနေ ဘယ်လိုများ လွတ်မြောက်အောင် တိုက်ပွဲဝင် ကြိုးပမ်းသွားမလဲဆိုတာ ကြည့်ရှုရမဲ့ တကယ့်ကားကောင်းလေးတစ်ကားပဲဖြစ်ပါတယ်။ File size…(2.6 GB)/(1.9 GB) Quality….Blu-Ray 1080p / 720p Format… mp4 Duration…. 02:08:00 Genre... Biography, Drama, History Subtitle….Myanmar Subtitle (Hardsub)

Some Like It Hot (1959) IMDb - 8.2/10 Rotten - 95% Won 1 Oscar. Another 14 wins & 15 nominations. တစ်ချို့ကတော့ လန်းလန်းလေးကြိုက်တယ် တစ်ချို့ကတော့ရိုးရိုးလေးကြိုက်တယ်တဲ့။ ရိုးရိုးလေးရော လန်းလန်းလေးတွေရောရတဲ့ မာရီလင်မွန်ရိုးရဲ့ Some Like It Hot ကတော့ အချစ်ဟာသဇာတ်မြူးလေးပါ... IMDB Rating(8.2) ထိရရှိထားပြီး Rotten Tomatoes မှာလဲ 95% ထိရရှိထားတဲ့ဇာတ်ကားကောင်းလေးပါ။ ရွှေကမ္ဘာလုံးဆုသုံးဆု၊ အကယ်ဒမီတစ်ဆု၊ အခြားဆုသုံးဆုရရှိထားပါတယ်။ ဇာတ်လမ်းကတော့ လူဆိုးဂိုဏ်းတစ်ဂိုဏ်းရဲ့ လူသတ်မှုမှာမျက်မြင်သက်သေဖြစ်သွားတဲ့ Joe နဲ့ Jerry တို့ ချီကာဂိုကနေ မိန်းကလေးတီးဝိုင်းတစ်ခုမှာ မိန်းမဟန်ဆောင်ပြီးထွက်ပြေးရင်း အတိတ်ဆိုးတွေကနေထွက်ပြေးလာတဲ့ Suger နဲ့တွေ့တဲ့အခါမှာ ဘယ်လိုတွေဆက်ဖြစ်ကြမယ်...Suger ကို မြင်မြင်ချင်း ချစ်မိသွားတဲ့ Joe ကရော Suger ရဲ့အချစ်ကိုဘယ်လိုရအောင်ကြိုးစားတယ်ဆိုတာကို ဟာသဆန်ဆန်တင်ဆက်ပြသပေးထားပါတယ်။ Jerry တစ်ယောက်ကတော့ သူငယ်ချင်း Joe ကြောင့် ဘယ်လိုတွေ ဒုက္ခရောက်ရလဲဆိုတာကို ရောသမွှေတင်ဆက်ထားတဲ့ တစ်ခေတ်တစ်ခါက နာမည်ကြီး Comedy Romance ဇာတ်ကားလေးကို ကြည့်ရှုခံစားရကြအောင်ဗျာ...။ ဟိုးတုန်းက အဖြူအမည်းဇာတ်ကားဆိုပေမယ့် BluRay Source ကနေ Rip ထားတာမို့ ရှင်းရှင်းလင်းလင်းကြည့်ရှုခံစားရမှာပါ။ File size…(999 MB) Quality…BluRay 720p Format…mp4 Duration….02:01:00 Subtitle….Myanmar Subtitle (Hardsub) Encoder….Nyeinsaeya Aung Translated by d3mon

ဒီတစ်ခါမှာတော့ ၁၉၅၉ ခုနှစ်က စပိုင်ကားလေးနဲ့ မိတ်ဆက်ပေးချင်ပါတယ်။ Thriller/Mystery အမျိုးအစားဖြစ်ပြီး IMDB 8.3/10, Rt 97% ရရှိထားပြီး မင်းသားကြီး Cary Grant နဲ့ မင်းသမီးကြီး Eva Marie Saint တို့က အဓိက ပါဝင်သရုပ်ဆောင်ထားပါတယ်။ ရော်ဂျာက နယူးယောက်က ကြော်ငြာအမှုဆောင်တစ်ယောက်ဖြစ်ပြီး အလုပ်ကိုတန်ိဖုးထားကာ ဘဝကို ကြိုးကြိုစားစား ဖြတ်သန်းနေသူပါ။ ဒါပေမဲ့ တစ်နေ့မှာတော့ မမျှော်လင့်ဘဲ သူ့ကို ကတ်ပ်လန်ဆိုတဲ့လူလို့ အခိုင်အမာ စွပ်စွဲပြီး ပြန်ပေးဆွဲခံလိုက်ရပါတယ်။ သူက သူ့ကို ပြန်ပေးဆွဲထားသူတွေကို သူက ရော်ဂျာဖြစ်ကြောင်း၊ ကတ်ပ်လန်မဟုတ်ကြောင်း ဘယ်လောက်ပဲ ရှင်းပြပြောဆိုပေမဲ့ တစ်ဖက်ကလူတွေက လက်မခံဘဲ သူ့အသက်ကို ရန်မူဖို့ ကြိုးစားခဲ့ရာမှာတော့.. သူက တကယ်ပဲ သူတို့ပြောသလို ကတ်ပ်လန်ဆိုတဲ့လူလား၊ အသတ်ခံရမှာစိုးလို့ ဟန်ဆောင်နေတာလား၊ တကယ်လို့ သူက ကတ်ပ်လန်မဟုတ်ဘူးဆိုရင်ရော သူတို့က ဘာလို့ သူ့ကို မယုံတာလဲ။ အဲဒီလူတွေရဲ့ လက်ထဲကနေရော သူ အသက်ရှင်လျက် ထွက်ပြေးနိုင်ပါ့မလား။ ငိုအားထက် ရယ်အားသန်လို့ ဆိုရမလား၊ ရယ်အားထက် ငိုအားသန်လို့ပဲ ခေါ်ရမလား မသိနိုင်ရှာတဲ့ သူ့အဖြစ်က ဘယ်လိုဆက်ဖြစ်သွားမလဲဆိုတာကိုတော့ ဇာတ်လမ်းထဲမှာပဲ ကြည့်ရှုလိုက်ကြပါဦး။ (အညွန်းနဲ့ ဘာသာပြန်က Emily ပါ။) File size…(2.3 GB)/(1.1 GB) Quality….Blu-Ray 1080p / 720p Format…mp4 Duration….02:16:00 Genre... Action, Adventure, Mystery Subtitle….Myanmar Subtitle (Hardsub) Encoder….Garfield Translated by Emily

၁၉၅၇ ခုနှစ်ဇာတ်ကားဖြစ်တာမို့ ဒီဘက်ခေတ်နဲ့ ဝေးတယ်လို့ ထင်ရပေမယ့် Plot ပိုင်းကတော့ ဒီဘက်ခေတ်ဇာတ်ကားတွေ လက်ဖျားခါလောက်ပါတယ်။ Acting ပိုင်းလောက်ပဲ gap ကွာတယ်လို့ ခံစားရပြီး ဒုတိယကမ္ဘာစစ်ခေတ်နှောင်းပိုင်း ယဉ်ကျေးမှုတွေကို မြင်တွေ့နိုင်ပါတယ်။ ဇာတ်လမ်းတစ်ခုလုံးကို တရားခွင်မှာပဲ အဓိကထား ရိုက်ကူးထားပြီး တရားပြိုင်ရှေ့နေနှစ်ယောက်ရဲ့ ဉာဏ်ရည်ဥာဏ်သွေးပိုင်းဆိုင်ရာ ယှဉ်ပြိုင်မှုက အားရစရာသိပ်ကောင်းပါတယ်။ ဇာတ်လမ်းအကျဉ်း ကျန်းမာရေးကို ဂရုမစိုက်ဘဲ နက်နဲတဲ့ရာဇဝတ်မှုတွေကို လိုက်ရတာ သဘောကျတဲ့ ရှေ့နေကြီးတစ်ယောက်ဟာ ဆေးရုံက ဆင်းဆင်းချင်း လူသ-တ်မှုတစ်ခုကို ကိုင်တွယ်ဖို့ ဖြစ်လာပါတယ်။ တရားခံဘက်က ရှေ့နေလိုက်ရမှာဖြစ်ပြီး နိုင်နိုင်ချေ ရာနှုန်းက တော်တော်ကို နည်းတဲ့အမှုပါ။ တရားခံဘက်က မျက်မြင်သက်သေဆိုလို့ သူ့အမျိုးသမီးတစ်ယောက်သာ ရှိပေမယ့် အဲဒီအမျိုးသမီးကလည်း သူ့ယောက်ျားကို ချောက်ချချင်နေတဲ့ အရိပ်အယောင်တွေကြောင့် ရှေ့နေကြီးတို့ကပဲ တရားခံအမျိုးသားဘက်ကနေ အမှုလိုက်ဖို့ ပြင်ဆင်ခဲ့ပါတယ်။ ရှေ့နေကြီးထင်တဲ့အတိုင်းပဲ အဆိုပါအမျိုးသမီးဟာ တရားလိုဘက်ကနေပါ သူ့အမျိုးသားဖြစ်သူကို ကျူးလွန်သူဖြစ်ကြောင်း သက်သေထွက်ဆိုခဲ့ပါတယ်။ လူသတ်မှုရဲ့နောက်ကွယ်မှာ ဘယ်သူတွေရှိနေခဲ့တာလဲ။ အမျိုးသမီးကရော ဘာအငြိုးကြောင့် အခုလို ထွက်ဆိုရတာလဲ။ တရားခွင် အားပြိုင်မှုတွေကို စိတ်ဝင်တစားကြည့်ရမယ့် ဇာတ်ကားတစ်ကားပဲ ဖြစ်ပါတယ်။ File size…(2.1GB)/(1.3 GB) Quality….Blu-Ray 1080p / 720p Format… mp4 Duration…. 01:56:00 Genre... Crime, Drama, Mystery, Thriller Subtitle….Myanmar Subtitle (Hardsub)

ဒီဇာတ်ကားလေးကတော့ 1957 မှာ ထွက်ရှိခဲ့တဲ့ အချစ်ဇာတ်မြူး ကားကောင်းလေးဖြစ်ပါတယ်။ ဇာတ်လမ်းကိုတော့ နာမည်ကျော် ပလေးဘွိုင်း တစ်ယောက်ဖြစ်တဲ့ နစ်ကီတစ်ယောက် သူ့ရဲ့ ဇနီးလောင်း သူဌေးမကြီးနဲ့ လက်ထပ်ဖို့ အမေရိကကို သင်္ဘောနဲ့ ပြန်လာတာကနေ စထားပါတယ်။ အပိုးမကျိုးနိုင်သေးတဲ့ နစ်ကီဟာ သင်္ဘောပေါ်မှာတွေ့တဲ့ တယ်ရီ ဆိုတဲ့ကောင်မလေးကို လိုက်ပိုးပန်းပါတော့တယ်။ တယ်ရီ မှာကလည်း ငါးနှစ်တာလက်တွဲခဲ့တဲ့ ချစ်သူရှိနေတာမလို့ အစကတော့ ငြင်းဆိုခဲ့ပါတယ်။ ဒါပေမယ့် နောက်ပိုင်းမှာတော့ နှစ်ယောက်လုံး ကိုယ်စီ လက်ထပ်ဖို့ရည်ရွယ်ထားသူတွေရှိနေပေမယ့် အချင်းချင်း ချစ်မိသွားကြပါတယ်။ သူတို့ရဲ့ မဖြစ်သင့်တဲ့ အချစ်ကို သူတို့တွေ ဘယ်လိုကိုင်တွယ်ကြမလဲ သူတို့ရဲ့ လက်ရှိချစ်သူတွေနဲ့ ဘယ်လိုနှစ်ပါးသွားကြမလဲဆိုတာကို ဒီရုပ်ရှင်ကားလေးထဲမှာ ကြည့်ရှုခံစားပေးကြပါဦး။ File size…(1.8 GB)/(790 Mb) Quality….Blu-Ray 1080p / 720p Format… mp4 Duration…. 01:55:00 Genre... Drama, Romance Subtitle….Myanmar Subtitle (Hardsub) Encoder….Garfield Translated by Alvaro

ဒီကားလေးကတော့ ထွက်ထားတာအတော်လေးကိုကြာပြီဖြစ်ပေမဲ့ ကြည့်ရတာဆွဲဆောင်မှုရှိပြီး အခုခေတ်ထိကို ရေပန်းစားနေတုန်းဖြစ်တဲ့ စုံထောက်ကားလေးဖြစ်ပါတယ်ဗျ။ ဒီဇာတ်ကားလေးရဲ့ အကြောင်းအရာကတော့ ဇာတ်ကားရဲ့ MC ဖြစ်သူ ဖိလစ်မာလိုလ်ဟာ အလွတ်စုံထောက်တစ်ယောက်ဖြစ်ပြီး အလုပ်ကိုသေချာလေးကြိုးစားလုပ်ကိုင်တဲ့သူပါ။တနေ့မှာ သူ့ကို မူးစ်မာလွိင်ဆိုတဲ့ လူကောင်ကြီးတစ်ယောက်က ၈ နှစ်ကြာကွဲသွားပြီး အဆက်အသွယ်မရတော့တဲ့ သူ့ကောင်မလေးကို ရှာဖွေပေး‌ဖို့ စုံထောက်လာငှားပါတော့တယ်။ တဖက်မှာလည်း စော်ပွေကောင်ဖြစ်တဲ့ မာရီယော့ ဆိုတဲ့သူကလည်း ကျောက်မြတ်ရတနာတစ်ခုကို အရောင်းအဝယ်လုပ်ဖို့ မာလိုလ်ကိုအကူအညီလာတောင်းတော့တယ်။ဒီလိုနဲ့ပဲ လိုက်လာပေးရင်း ‌အရောင်းအဝယ်လုပ်ဖို့ချိန်းဆိုထားတဲ့နေရာမှာ မာရီယော့ဟာသတ်ခံလိုက်ရတယ်။ဒါကို ဒိုရဲ့စုံထောက်ကြီးက အမှုလိုက်လံရှာဖွေရင်း မာလွိင်နဲ့ဆက်စပ်နေတာကိုသိလိုက်ရတယ်။ဒီအမှုကို နစ်သထက်နစ်အောင်ဆက်ရှာဖွေတော့ ရှုပ်ထွေးတဲ့ဟန်ဆောင်လှည့်စားမှုတွေကြားထဲကို ကစားသမားအဖြစ်ဝင်ရောက်လာပြီး မာလိုလ်ရဲ့ဘဝကလည်း ဘယ်လိုရင်ဆိုင်မှုမျိုးတွေနဲ့ ကြုံတွေ့လာရမလဲဆိုတာကို ကြည့်ရှုလိုက်ကြရအောင်။ File size…(1.7 GB)/(850 Mb) Quality….Blu-Ray 1080p / 720p Format… mp4 Duration…. 01:36:00 Genre... Film Noir, Drama Subtitle….Myanmar Subtitle (Hardsub) Encoder….Garfield Translated by Noah

ဟောင်းပေမယ့် ဂန္ထဝင်ဇာတ်ကားကောင်းတစ်ကားလို့ ဆိုလို့ရတဲ့ “Funny Face”ဟာ (၁၉၅၇)မှာ ထွက်ရှိခဲ့ပေမယ့်လည်း အခုချိန်ထိ ခံစားကြည့်ရှုလို့ကောင်းနေဆဲ ဇာတ်လမ်းတစ်ပုဒ် ဖြစ်တာကိုတော့ ငြင်းမရပါဘူး။ Americal musical / romantic / comedy ဇာတ်ကားဖြစ်တဲ့အလျောက် တေးသီချင်းတွေကနေ ခံစားချက်တွေကို သီကြူးတာတွေကို အပြည့်အဝခံစားနိုင်မယ့်အပြင် သူ့ခေတ်သူ့အခါက ဖက်ရှင်နဲ့ အတွေးအခေါ်ပိုင်းဆိုင်ရာတွေကို တစ်နည်းတဖုံနဲ့ ထောက်ပြသရော်ထားတာမျိုးကိုလည်း တစိတ်တဒေသအနေနဲ့ ကြည့်ရှုခံစားလို့ရမှာ ဖြစ်ပါတယ်။ ချစ်စိတ်ကူးယဥ်ဆန်လို့ ကောင်းလှပါတယ်ဆိုတဲ့ ပဲရစ်နောက်ခံနဲ့ မင်းသမီးချော Audrey Hepburn ကို အတူတကွ ခံစားလို့ရတာကတော့ ထပ်ဆောင်းလက်ဆောင်ပေါ့။ ဖက်ရှင်မဂ္ဂဇင်းတွေ ခေတ်စားလှတဲ့ ခေတ်အချိန်အခါထဲမှာ အမျိုးသမီးတွေအတွက် အကောင်းဆုံးသော အဖော်မွန်ဖြစ်တဲ့ ကွာလတီမဂ္ဂဇင်းဟာ သူတို့မဂ္ဂဇင်းကို ကိုယ်စားပြုသူဖြစ်လာမယ့် မော်ဒယ်တစ်ယောက်၊ ဒါ့ထက် ကွာလတီအမျိုးသမီးတစ်ယောက်ကို ရှာပါတော့တယ်။ ဖြစ်ချင်တော့ မဂ္ဂဇင်းတိုက်ရဲ့ ပင်တိုင် ဓါတ်ပုံဆရာဖြစ်သူ ဒစ်အေဗရီက စာအုပ်ဆိုင်လေးမှာ တွေ့ခဲ့ရတဲ့ ကောင်မလေးကို ဒီအတွက် အလားအလာရှိတယ်လို့ မြင်မိသွားပါတယ်။ ဖက်ရှင်ဆိုတာဟာ မလိုအပ်တဲ့ ရုပ်ဝတ္ထုပိုင်းဆိုင်ရာ ကိစ္စတစ်ခုလို့ မြင်နေခဲ့တဲ့ ဂျိုက ပဲရစ်ကိုသွားဖို့ အိမ်မက်ရှိနေခဲ့တဲ့ စာအုပ်ဆိုင်က ကောင်မလေးပဲဖြစ်ပါတယ်။ ကွာလတီရဲ့ဖက်ရှင်ရှိုးကလည်း ပဲရစ်မှာ လုပ်မှာဖြစ်တာကြောင့် ဒစ်တစ်ယောက် ဂျို လက်ခံသွားအောင်လို့ မဲဆွယ်နိုင်ခဲ့တဲ့အပြင် သူ့အပေါ်မှာပါ ခံစားချက်တွေရှိလာအောင် လုပ်နိုင်ခဲ့လေရဲ့။ အချစ်စစ်တို့လမ်းဟာ မဖြောင့်ဖြူးဘူးဆိုတဲ့အတိုင်း သူတို့နှစ်ဦးကြား အတားအဆီးလေးတွေကတော့ ဝင်လာဦးမှာပါပဲ။ ဒါ့အပြင် ကြောင်သူတော်အရေခြုံထားတဲ့ မာယာများတဲ့သူတွေကကော ပါလာဦးမလားဆိုတာကိုတော့ CM ကတင်ဆက်ပေးလိုက်တဲ့ (၁၉၅၇)ခုနှစ်ထွက် “Funny Face”ဆိုတဲ့ ဇာတ်ကားလေးမှာ ကြည့်ရှုခံစားလို့ ရပြီပဲဖြစ်ပါတယ်။ File size…    2.4 GB /  1 GB Quality… BluRay 1080p / 720p Format… mp4 Duration…. 1h 43m Genre ..... Comedy / Musical Subtitle…. Myanmar Subtitle (Hard Sub) Encoder…. Thit San Khant Translated... by Doros

အေးအေးဆေးဆေးနဲ့ အချိန်ယူပြီးကြည့်ရှုခံစားလို့ကောင်းတဲ့ မိသားစုဒရာမာကားကောင်းတစ်ကားကို တင်ဆက်ပေးလိုက်ပါတယ်။ Cast တွေအနေနဲ့က Rock Hudson, James Dean နဲ့ Elizabeth Taylor တို အကောင်းဆုံး သရုပ်ဖော်ပေးထားကြပါတယ်။ အဓိကသရုပ်ဆောင်တွေက အသက် ၃၀ တော်မပြည့်ကြ‌ပေမဲ့ လူငယ်အရွယ်၊ လူလတ်ပိုင်းအရွယ်၊ လူကြီးပိုင်းအရွယ် အရွယ် ၃ ပါးလုံးကို ပီပြင်အောင်သရုပ်ဆောင်နိုင်ခဲ့ကြပါတယ်။ ဇာတ်ကြောင်းက လူ့ဘ၀သက်တမ်းတစ်လျှောက် ကြုံတွေ့ရမှာတွေကိုပုံဖော်ထားဝာာကြောင့် ငြိမ့်ငြိမ့်လေးနဲ့ ကြည့်လိုကောင်းပါတယ်။ ဘန်းနီဒစ်မျိုးရိုးဟာ တက္ကဆက်မှာ မျိုးရိုးစဉ်ဆက် မွေးမြူရေးလုပ်ငန်းကို လုပ်ကိုင်လာခဲ့တာဖြစ်ပြီး မြေ‌ဧကပေါင်း ၅ သိန်းကျော်ပိုင်တယ်တဲ့။ ဘစ်ဘန်းနီဒစ်တစ်ယောက် သားဖောက်ဖို မျိုးသန့်တဲ့မြင်းလာ၀ယ်လို့ လက်စလီတိုမိသားစုဆီမှာ ၂ ရက်တာပဲတည်းခိုခဲ့ပေမဲ့ ဖူးစာပါလာခဲ့တဲ့သူတို့ ၂ ယောက်ဟာ လက်ထပ်ဖြစ်သွားကြပြီး လက်စလီက သိကျွမ်းတာ၂ ရက်ပဲရှိသေးတဲ့ ခင်ပွန်းရဲ့အိမ်ရှိရာ တက္ကဆက်ကို သျှောင်နောက်ဆံထုံးပါသွားခဲ့တယ်။ လူမျိုးတွေရောပြီးနေထိုင်ပေမဲ့ အဆင့်အတန်းခွဲခြားတဲ့တက္ကဆက်မှာ လက်စလီတစ်ယောက် ဘယ်လိုမျိုးနေထိုင်မလဲ။ ဘစ်တို့အိမ်အရောက်မှာ ဘစ်တိုရဲ့အလုပ်သမား ဂျတ်ရင့်ခ်ဆိုသူနဲ့လည်း ဆုံရတယ်။ သူတိုတွေရဲ့ဘဝဟာ အဲဒီမှာ အစပြုခဲ့ပါတယ်။ File size…(3.8 GB)/(2 GB) Quality….Blu-Ray 1080p / 720p Format… mp4 Duration…. 03:21:00 Genre... Drama, Western Subtitle….Myanmar Subtitle (Hardsub) Encoder….Garfield Translated by Su

မြင်မြင်ချင်း ခဏလေးအတွင်းမှာ ချစ်မိသွားတဲ့ အချစ်ကို ဘယ်လိုမြင်ကြလဲ ဒီဇာတ်ကားထဲမှာတော့ ချားလ်စ် ပိုက်ခ်ဆိုတဲ့ နာမည်ကြီး သူဌေးသားလေးဟာ သူမိဘတွေပိုင်ဆိုင်တဲ့ အရက်ချက်လုပ်ငန်းကို လုံးဝ စိတ်မပါဘဲနဲ့ မြွေတွေကိုသာ သုတေသနလုပ်နေချင်ခဲ့တာပါ ဒီလိုနဲ့ မြွေတွေကို သုတေသနလုပ်ရင်း အမေဇုန်သစ်တောမှာ တစ်နှစ်ကျော် နေထိုင်ခဲ့ပြီး အပြန် သင်္ဘောပေါ်မှာ ဖဲလိမ်ရိုက်တဲ့ အဖွဲ့က ဂျင်းနီဆိုတဲ့ မိန်းမလှလေးရဲ့ ပစ်မှတ်ထားခြင်းကို ခံခဲ့ရပါတယ် တောထဲမှာပဲ အနေကြာလာတဲ့ ချားလ်စ်နဲ့ အတင့်ရဲပြီး စွဲမက်စရာကောင်းတဲ့ ဂျင်းနီတို့က တွေ့ဆုံပြီး ဖဲလိမ်ရိုက်ဖို့ ချဉ်းကပ်ရာကနေ နှစ်ယောက်သား ချစ်မိခဲ့ကြတဲ့ အခါမှာ ဘယ်လိုတွေဖြစ်သွားမှာလဲ အဆင့်အတန်းမတူတဲ့ သူတို့ နှစ်ယောက်က ရှေ့ဆက်ပြီးတော့ ဘာတွေ ကြုံတွေ့သွားကြရမှာလဲ သူ့ကို လိမ်ဖို့ ချဉ်းကပ်ခဲ့တာကိုရော ချားလ်စ်က သိသွားမှာလားဆိုတာကို the Lady Eve ဆိုတဲ့ ဇာတ်ကားလေးမှာ ကြည့်ရှုခံစားရမှာဖြစ်ပါတယ်

Citizen Kane (1941) ~ IMDb - 8.3/10, RT - 99%, Meta - 100% ~ ( I ) One of the Greatest Films of All Time လို့ ရည်ညွှန်းခံရတဲ့ ရုပ်ရှင်တွေက ရုပ်ရှင်ကောင်းတွေ ဖြစ်နေတတ်တာတော့ ကျွန်တော်တို့ ငြင်းမရပါဘူး။ Citizen Kane ဟာ One of the Greatest Films of All Time မဟုတ်တဲ့ The Greatest Film of All Time ဘွဲ့ကို ဒီ၂၁ရာစုအထိ ပိုင်ဆိုင်ခဲ့တဲ့ ရုပ်ရှင်ပါပဲ။ Greatest Films ဆိုတဲ့ Lis‌t‌ တွေရဲ့ ထိပ်ဆုံးမှာ အမြဲရပ်တည်နေခဲ့တယ်။ တစ်နှစ်ကတော့ Rotten Tomatoes 100% ရထားတဲ့ Paddington 2 က 99% ရထားတဲ့ Citizen Kane ကို ကျော်ပြီး ဒီဘွဲ့ရသွားပြီလို့ မျက်ခွက်ပြောင်ခဲ့ကြသေးတယ်။ ဒီအချက်ကတော့ ဟာသမှန်းအားလုံးသိကြပေမဲ့ ကိန်းဟာ တကယ့် Greatest Film of All Time ဟုတ်မဟုတ်တော့ တချို့အတွက် အငြင်းပွားစရာဖြစ်နေခဲ့တယ်။ Rating အရကြည့်ရင်တော့ ကျွန်တော်ကတော့ IMDb ကို လုံးဝမယုံသလို Rotten Tomatoes ကိုလည်း နည်းနည်းပဲယုံပြီး Metacritic ကို ပိုယုံတယ်ဆိုတော့ IMDb - 8.3/10, RT - 99% , Meta - 100% ရထားတဲ့ ကိန်းရဲ့ Rating အခြေအနေက လက်ခံချင်စရာတော့ကောင်းတယ်။ တချို့ကတော့ လက်ရှိခေတ်ရုပ်ရှင်တွေကို ဖြတ်သန်းပြီးမှ ကိန်းကို ပြန်ကြည့်မယ်ဆိုရင် ကောင်းတော့ကောင်းပေမဲ့ ဒီဘွဲ့ကြီးကတော့ မဟုတ်သေးပါဘူးကွာလို့ ပြောကောင်းပြောလိမ့်မယ်။ ကျွန်တော်တို့ ထည့်စဉ်းစားရမယ့်အချက်က ကိန်းဟာ ၁၉၄၁တုန်းက ရုပ်ရှင်ဆိုတာပါပဲ။ သူ့မှာသုံးခဲ့တဲ့ အရင်ကမရှိဖူးခဲ့တဲ့ ဆန်းသစ်မှုတွေအကုန် မဆန်းတော့တာတွေ ဖြစ်ကုန်ပါပြီ။ ရယ်ရတာကတော့ အဲဒီလိုမဆန်းတော့တာတောင် လူတစ်ယောက်အကြောင်း ဒီလိုပုံဖော်ထားတဲ့ထဲ ကိန်းလောက် အရသာရှိတဲ့ပုံစံမျိုး ကျွန်တော်တော့ မကြည့်ဖူးဘူး။ ( II ) သူ့မှာ သုံးထားတဲ့ Storytelling စတိုင်ကလည်း သူ့ခေတ်အနေနဲ့ဆို ဆန်းသစ်မှုတစ်ခုဖြစ်နေသလို ကျွန်တော်ကြည့်ဖူးသလောက်ထဲလည်း ဒီလောက်သပ်ရပ်ပြီး စိတ်ဝင်စားစရာကောင်းတဲ့ဟန်မျိုးတော့ မတွေ့ဖူးဘူး။ ပြောရရင် သူ့ဇာတ်ကောင်က ဂတ်စ်ဘီ၊ ဂျော်ဒန်ဘဲဖို့ဒ်နဲ့ ဟောင်းဝတ်ဟုဒ်ကို ပေါင်းထားသလိုမျိုးပဲ။ ဒါပေမဲ့ အဲဒီကားတွေကိုရိုက်ခဲ့တဲ့ဆရာကြီးတွေရဲ့ Storytelling စတိုင်တောင် ဒီလောက်သပ်ရပ်နေတာမျိုးတော့ မဟုတ်ခဲ့ဘူး။ သူ့ခေတ်သူ့အခါမှာ ဆန်းသစ်ခဲ့သလို အခုထိလည်း ခေတ်မီနေသေးတဲ့ ကိန်းရဲ့ Storytelling စတိုင်ဟာ ဒီရုပ်ရှင်ကို အစ ၅မိနစ်လောက်ဖွင့်လိုက်တာနဲ့ အဆုံးထိကို အရှိန်တင်ပေးနိုင်တဲ့ အရည်အသွေးမျိုးရှိတယ်။ စီနီမာတိုဂရပ်ဖာဖြစ်တဲ့ Gregg Toland ရဲ့ စီနီမာတိုကလည်း အဲဒီခေတ်အနေနဲ့ ထူးခြားခဲ့သလို တည်းဖြတ်ပိုင်းကလည်း အပြစ်ပြောစရာမရှိအောင် သေသပ်ခဲ့တယ်။ နှုတ်ခမ်းမွှေးသစ်ပင်ကြီးလို မထော်မနန်းတွေလည်း ကင်းတယ်။ ( III ) ဒီဇာတ်လမ်းဟာ အမေရိကရဲ့ ကူဘလိုင်ခန်လို့ နာမည်ကျော်တဲ့ သတင်းစာလုပ်ငန်းပိုင်ရှင် ရွှေတွင်းသူဌေးကြီး ချားလ်ဖော်စတာကိန်း သေပြီးနောက်မှာ အစပြုခဲ့တယ်။ သူသေခါနီး သူနောက်ဆုံးပြောသွားတဲ့စကားကတော့ "ရို့စ်ဘတ်"တဲ့။ နာမည်တစ်ခုလို့တော့ထင်ရပေမဲ့ ဒီနာမည်ပိုင်ရှင်က ဘယ်သူလဲ၊ ဒီနာမည်က ဘာလဲဆိုတာကို ဘယ်သူမှမသိခဲ့ကြဘူး။ ဒါပေမဲ့ လုပ်သမျှအကုန် သတင်းစာခေါင်းစီးမှာပါနေတဲ့ ကိန်းကိုယ်တိုင် နောက်ဆုံးပြောသွားတဲ့စကားဆိုတော့ ဒါကသတင်းဖြစ်ဖို့လုံလောက်ခဲ့တယ်။ ( IV ) ကိန်းဟာ ကမ္ဘာပေါ်မှာ ဆဠမအချမ်းသာဆုံးသူဌေးဖြစ်ခဲ့သလို တစ်နှစ်ကို အဲဒီခေတ်တန်ကြေး ဒေါ်လာတစ်သန်းရှုံးနေတဲ့ သတင်းစာတိုက်ကို နှစ်ပေါင်းများစွာ ဦးစီးခဲ့တဲ့သူလည်းဟုတ်ခဲ့တယ်။ လုပ်ငန်းပေါင်းများစွာပိုင်တဲ့ ခရိုနီတစ်ယောက်ဖြစ်ခဲ့သလို အလုပ်သမားလူတန်းစားဘက်က ရပ်တည်သူလည်းဖြစ်ခဲ့တယ်။ နိုင်ငံရေးသမားတွေကို ရှုံ့ချခဲ့သူဖြစ်သလို နိုင်ငံရေးသမားလုပ်ခဲ့တဲ့သူလည်းဟုတ်ခဲ့တယ်။ ကိန်းဟာ လူအားလုံးကို ရက်ရက်ရောရော ပေးနေကမ်းနေတဲ့လူဖြစ်ခဲ့သလို ဘယ်သူ့ကိုမှ ဘာမှမပေးခဲ့တဲ့သူလည်း ဟုတ်ခဲ့တယ်။ ကိန်းဟာ အများအကျိုးကြည့်သူဖြစ်ခဲ့သလို အတ္တကြီးလွန်းသူလည်းဖြစ်ခဲ့တယ်။ ကိန်းဟာ စစ်ကိုဆန့်ကျင်ခဲ့သလို စစ်ကိုလည်း အားပေးခဲ့တယ်။ ကိန်းဟာ သူချစ်တဲ့မိန်းမအတွက် အားလုံးကိုစွန့်လွှတ်ခဲ့ပြီး အော်ပရာဇာတ်ရုံကြီးဆောက်ပေးခဲ့သူဖြစ်သလို ကိန်းဟာ ဘယ်သူ့ကိုမှ မချစ်ခဲ့သူလည်းဖြစ်ခဲ့တယ်။ ကိန်းဟာ အားလုံးကိုလုပ်ခဲ့သလို ဘာကိုမှမပြီးမြောက်ခဲ့သူလည်းဟုတ်တယ်။ ကိန်းဟာ အားလုံးရဲ့အချစ်ကိုရခဲ့သလို အားလုံးရဲ့အမုန်းကိုလည်းရခဲ့တယ်။ ကိန်းဟာ အမှန်ဘက်က ရပ်တည်ချင်သူဖြစ်ခဲ့သလို အမှားတွေကို လုပ်နေသူလည်း ဖြစ်ခဲ့တယ်။ ကိန်းဟာ အရာအားလုံးကို ပိုင်ဆိုင်ခဲ့ရသူဖြစ်ခဲ့သလို အရာအားလုံးကို ဆုံးရှုံးသူလည်းဖြစ်ခဲ့တယ်။ ဒီလိုလူရဲ့သမိုင်းကို ခြေရာပြန်ကောက်ဖို့ ဖြစ်လာတဲ့ သတင်းသမားတွေဟာ "ရို့စ်ဘတ်"ဆိုတဲ့ နာမည်ရဲ့ ဇစ်မြစ်ကိုရှာခဲ့ကြတယ်။ ( V ) သွမ်ဆန်ဆိုတဲ့ သတင်းထောက်တစ်ယောက်က ကိန်းနဲ့ပတ်သက်တဲ့လူတွေကို တစ်ယောက်ချင်း လိုက်တွေ့ရင်း "ရို့စ်ဘတ်"ဆိုတာကို လိုက်မေးရင်း ကိန်းရဲ့ဘဝကို ကိန်းကိုသိခဲ့တဲ့သူတွေရဲ့ အမြင်ကနေ မတူတဲ့ရှထောင့်ပေါင်းစုံနေ ကြားခဲ့ရတယ်။ တစ်ယောက်ရဲ့အမြင်မှာ ကိန်းဟာ ကြီးကျယ်ခမ်းနားသူ၊ ရိုးသားသူ၊ ရက်ရောသူ။ တစ်ယောက်ရဲ့အမြင်မှာ ကိန်းဟာ ကြီးကျယ်ခမ်းနားချင်ယောင်ဆောင်သူ၊ ရိုးသားချင်ယောင်ဆောင်သူ၊ ရက်ရောချင်ယောင်ဆောင်သူ။ ဒါကို ကျွန်တော်တို့ ခေါ်ကြတာက Rashomon Effect ပေါ့။ ကိန်းဟာ ရာရှိုးမွန်ထက် ဆယ်စုနှစ်တစ်ခုစောတဲ့အတွက် ဒါကို ကိန်းအဖက်လို့ ပြောရလိမ့်မယ်။ ဒါပေမဲ့ ရာရှိုးမွန်ကလည်း ပိုပြည့်စုံအောင်လုပ်ပေးခဲ့တယ်ဆိုလည်း ငြင်းမရပါဘူး။ ဒါကလည်း သူ့ခေတ်အရ တော်တော်ဆန်းသစ်တဲ့ တင်ဆက်ပုံထဲပါတယ်။ ဒါပေမဲ့ ကိန်းက ဒီ Effect ရဲ့ သက်ရောက်မှုလို တစ်လမ်းတည်းမသွားဘဲ ပိုရှုပ်ထွေးတယ်လို့တော့ ပြောရမယ်။ ( VI ) သူ့ဇာတ်လမ်းကိုသိရပုံဟာ သတင်းထောက်က သတင်းလိုက်တာဖြစ်တဲ့အတွက် ဒီထဲက ကိန်းရဲ့ဘဝဖြစ်စဉ်ကို သတင်းထောက်သိရပုံက Linear အတိုင်းမဟုတ်ခဲ့ဘူး။ ဒါတော့ သူ့ရှေ့မှာလည်း ရှိတော့ရှိခဲ့တယ်။ ဒါပေမဲ့ သိပ်တော့အသုံးမများသေးဘူး။ တည်းဖြတ်မှုပိုင်းမှာလည်း အရိပ်တွေ အမှောင်တွေကိုအဓိကထားသုံးပြီး Transition လုပ်သွားတာတွေက ထူးခြားခဲ့တယ်။ သူ့တင်ဆက်ပုံမှာ သတင်းထောက်နဲ့ ကျွန်တော်တို့က အတူတူပဲသိရလိမ့်မယ်။ စစချင်းမှာ ကိန်းရဲ့ကြီးကျယ်ခမ်းနားမှုတွေအကြောင်းကို ဇာတ်ကြောင်းပြောသွားပုံကလည်း ဩချရလောက်တယ်။ လုပ်ဆောင်ဆဲသတင်းရဲ့ နမူနာဗီဒီယိုကိုပြရင်းနဲ့ပဲ အပြင် Narrative ကို သုံးသွားတာမဟုတ်ဘဲ Narrative မဟုတ်တဲ့ Narrative ကို သုံးသွားသလို ဖြစ်နေတယ်။ သတင်းထောက်ဖွင့်ပြတဲ့ အဲဒီဗီဒီယိုမှာ ကျွန်တော်တို့က သတင်းထောက်သိထားတဲ့ ကိန်းအကြောင်းကို သတင်းထောက်နဲ့ ထပ်တူသိရလိမ့်မယ်။ သတင်းထောက်မသိသေးတာတွေကို သတင်းထောက်မေးမြန်းတဲ့အခါမှာ သတင်းထောက်သိတဲ့အချိန်မှာပဲ ကျွန်တော်တို့သိရလိမ့်မယ်။ ဆိုပေမဲ့ ခုနပြောခဲ့သလို ဒီသိရတာတွေက ပုဂ္ဂိုလ်စွဲအမြင်တွေမကင်းဘူး။ ဒီဇာတ်လမ်းမှာ ကျွန်တော်တို့အတွက် ရာနှုန်းပြည့်မှန်ကန်တဲ့အဖြစ်မှန်မရှိဘူး။ ဒီကြားရတာတွေကို သတင်းထောက်က သူ့ဉာဏ်နဲ့သူ ကောက်ချက်ချပြီး ဒီအကြောင်းတွေနဲ့ပတ်သက်ပြီး ကိန်းအပေါ် သူ့အမြင်ကို သူတည်ဆောက်ခဲ့တယ်။ ပြောရရင် သတင်းထောက်နဲ့ ကျွန်တော်တို့ကြည့်နေတဲ့လူတွေ သိထားသိလာတာတွေက အတူတူပဲ။ သတင်းထောက်က သူ့အမြင်သူတည်ဆောက်ခဲ့သလို ကျွန်တော်တို့ကိုလည်းကျွန်တော်တို့အမြင်တည်ဆောက်ခွင့်ပေးထားတယ်။ ဘယ်လိုမြင်မလဲက ကျွန်တော်တို့အတာပေါ့။ ဒီStorytelling စတိုင်က ခြောက်ပြစ်ကင်းတဲ့ ပုံစံလို့ ကျွန်တော်တော့မြင်တယ်။ ( VII ) ဒီလိုနဲ့ "ရို့စ်ဘတ်"ဆိုတဲ့ အရာနောက်ကို လိုက်ရင်း ကိန်းအကြောင်းကို စကားလုံးတွေကနေ သိလာတဲ့ သတင်းထောက်ဟာ လူတစ်ယောက်ရဲ့ဘဝကို ဘယ်လိုစကားလုံးနဲ့မှ သရုပ်ဖော်ပြလို့မရဘူးလို့ သတင်းထောက်ဟာ နှောင်းပိုင်းမှာ ပြောခဲ့တယ်။ "ရို့စ်ဘတ်"ဆိုတဲ့အရာဟာ ဒီဇာတ်လမ်းရဲ့ ကျောရိုးဖြစ်ခဲ့သလို ဒီဇာတ်လမ်းထဲ ကိန်းကလွဲ ဘယ်သူမှမသိခဲ့တဲ့အရာလည်းဖြစ်ခဲ့တယ်။ သတင်းထောက်တောင်မသိခဲ့ရတဲ့ "ရို့စ်ဘတ်"ကို ကျွန်တော်တို့ပရိသတ်တွေကို သိခွင့်ပေးထားခဲ့တယ်။ "ရို့စ်ဘတ်"ဟာ ကိန်းကို ကျွန်တော်တို့ တကယ်နားလည်စေမယ့်အရာလည်း ဟုတ်ခဲ့သလို ဘာမှမထူးခြားတဲ့ အရာလည်းဟုတ်ခဲ့တယ်။ သတင်းထောက်ကတော့ "ရို့စ်ဘတ်"ကိုသိရလည်း ဘာမှမထူးသွားဘူးလို့ ထင်ခဲ့သလို တကယ်လည်း ဘာမှမထူးတဲ့အရာလည်း ဟုတ်ခဲ့တယ်။ ဘာလို့ဆို သတင်းထောက်ဟာ ကိန်းကို နားလည်သွားခဲ့လို့ပါပဲ။ သတင်းထောက်ဟာ "ရို့စ်ဘတ်"ဟာ အရာရာကိုပိုင်ဆိုင်ခွင့်ရခဲ့တဲ့ကိန်း မပိုင်လိုက်ရတဲ့အရာလို့ ကောက်ချက်ချခဲ့တယ်။ သူ့ကောက်ချက်ချခြင်းကလည်း မှန်ခဲ့ပါတယ်။ "ရို့စ်ဘတ်"ဟာ ကိန်းရဲ့ အရာရာကိုရရှိခဲ့ခြင်းကို ရည်ညွှန်းသလို ကိန်းရဲ့ အရာရာကို ဆုံးရှုံးခဲ့ခြင်းကိုလည်း ရည်ညွှန်းထားတယ်။ အနုပညာလက်ရာတစ်ခုမှာ မက်ဆေ့တော့ ဘယ်တော့မှမလိုပေမဲ့ အမြင်တစ်ခုတော့ အမြဲလိုပါတယ်။ Citizen Kane ဟာ အဲဒီအမြင်တစ်ခု ခံယူချက်တစ်ခုလည်း ခိုင်ခိုင်မာမာရှိခဲ့တဲ့ ရုပ်ရှင်ဆိုတာကို "ရို့စ်ဘတ်"က ကျွန်တော်တို့ကို သက်သေပြထားတယ်။ ( VIII ) ဒီ Citizen Kane ရုပ်ရှင်ကို Orson Welles ကိုယ်တိုင် ဒါရိုက်တာ သရုပ်ဆောင်လုပ်ခဲ့ပြီး ဇာတ်ညွှန်းပိုင်းကိုတော့ Herman J. Mankiewicz နဲ့ တွဲဖက်ပြီး ရေးခဲ့တယ်။ သေချာသိချင်ရင်တော့ ဒေးဖစ်ဖင်ချာရဲ့ Mank (2020) မှာ ဒီရုပ်ရှင်ဇာတ်ညွှန်း ဖြစ်တည်လာပုံကို အသေးစိတ်ကျကျ မြင်နိုင်တယ်။ ကြည့်လည်းကြည့်သင့်တဲ့ ရုပ်ရှင်ပါပဲ။ ကိန်းဇာတ်ကောင်ကိုတော့ အမေရိကန်သတင်းစာထုတ်ဝေသူနဲ့ မီဒီယာလုပ်ငန်းရှင် နိုင်ငံရေးသမားဖြစ်တဲ့ William Randolph Hearst ကို အဓိကမှီးပြီး တည်ဆောက်ထားခဲ့တယ်။ သူ့ချည်းတော့မဟုတ်ဘူးပေါ့။ Herman ဟာ Hearst ကို တကယ်သိခဲ့သလို သူ့ကိုသူ့အသိုင်းအဝိုင်းထဲက နှင်ထုတ်လိုက်တဲ့အတွက် မုန်းတီးနေသူလည်းဖြစ်ခဲ့တယ်။ စစကတော့ ဒီဇာတ်ညွှန်းကို The American ဆိုပြီး နာမည်ပေးထားခဲ့တယ်။ ဒါလည်း ဆီလျော်တဲ့နာမည်ပဲဆိုတာ ကြည့်ပြီးရင်သိမှာပါ အခုလောက်တော့ ဂန္ထဝင်မဆန်ပေမဲ့ပေါ့။ ( IX ) ရိုက်ကူးရေးဘက်မှာလည်း Citizen Kane ဟာ အော်ဆန်ဝဲလ် ပထမဆုံးရိုက်တဲ့ ရုပ်ရှင်လည်းဟုတ်ခဲ့ပါတယ်။ အရင်းတောင်မကြေတဲ့အထိ ဘတ်ဂျက်သုံးခဲ့သလို Frank Capra, René Clair, Fritz Lang နဲ့ Jean Renoir တို့ရဲ့ ရုပ်ရှင်တွေကိုကြည့်ပြီး လေ့လာခဲ့တယ်။ John Ford ရဲ့ Stagecoach ကိုဆို အကြိမ်လေးဆယ်အထိကြည့်ပြီး လေ့လာခဲ့တယ်။ နည်းနည်းကြာပြီးမှ Greatest Film of All Time ဆိုပြီး ဖြစ်လာခဲ့တဲ့ Citizen Kane ဟာ အော်စကာမှာ ကိုးဆုထိ ဆန်ခါတင်ဝင်ခဲ့ပေမဲ့ Best Original Screenplay တစ်ခုတည်းရခဲ့သလို ဝင်ငွေအရလည်းရှုံးနိမ့်ခဲ့တယ်။ ( X ) Citizen Kane ဟာ အခုထိ Greatest Film of All Time ဟုတ်မဟုတ်က တချို့အတွက်တော့ အငြင်းပွားစရာကိစ္စဖြစ်နေတုန်းပါပဲ။ ဒါပေမဲ့လည်း သူ့ခေတ်အခါမှာ သူသုံးခဲ့တဲ့ တက္ကနစ်တွေနဲ့ ဒီလိုကြီးကျယ်ခမ်းနားတဲ့ ဇာတ်လမ်းအရတော့ မဟုတ်ဘူးလို့ပြောရတော့ခက်ပါတယ်။ သေချာတာတော့ Citizen Kane ဟာ The Greatest Film of All Time ဘွဲ့ကို ပေးမယ်ဆိုလည်း ထိုက်တန်တဲ့ရုပ်ရှင်ပါပဲ။ (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 3.5GB, 1.75GB Quality - BluRay 1080p, 720p IMDb Rating - 8.3/10 Format - mp4 Duration - 1H 59Min Genre - Epic, Drama, Mystery Subtitle - Myanmar Subtitle (Hardsub) Translated by WiRa Aung Encoded by Y