Bill Pullman ပါဝင်သော ဇာတ်ကားများ

The Boroughs (2026) Season 01 (Complete) IMDb Rating (7.6) / Rotten Tomatoes (95%) ဒီဇာတ်လမ်းတွဲလေးမှာတော့ လူသူမနီးတဲ့ ဘိုးဘွားရိပ်သာတစ်ခုမှာ သက်ကြီးရွယ်အို အဖိုးအဖွားတွေ ပျောက်ချင်းမလှ ပျောက်ဆုံးသွားတဲ့ ဖြစ်ရပ်ဆန်းတွေကို ရင်ဖိုစိတ်လှုပ်ရှားစွာ အဖြေရှာရင်း ကြည့်ရှုရမှာဖြစ်ပါတယ်။ ဇာတ်လမ်းအကျဉ်း ဘာရိုးစ်ဆိုတဲ့ ဘိုးဘွားရိပ်သာဟာ သက်ကြီးရွယ်အိုတွေအတွက် သူတို့ရဲ့ နောက်ဆုံးလက်ကျန်အချိန်လေးမှာ အေးအေးချမ်းချမ်း ရေမလိုမီးမလို ပြုစုမဲ့ ဝန်ထမ်းတွေနဲ့ ပြည့်စုံတဲ့ မြို့ငယ်လေးတစ်ခုစာ ရိပ်သာလေးဖြစ်ပါတယ်။ ကျွန်တော်တို့ရဲ့ ဆမ် ကူပါးကတော့ ဇနီးဖြစ်သူ မထင်မှတ်ပဲ ဆုံးသွားတဲ့အခါမှာ သူ့ဇနီးဖြစ်သူရဲ့ ဒီဘာရိုးစ်ဆိုတဲ့ ရိပ်သာမှာ နှစ်ယောက်သား ဘဝကို အတူကုန်ဆုံးသွားချင်တဲ့ဆန္ဒကို ဖြည့်ဆည်းပေးဖို့ တစ်ယောက်တည်း လာနေဖြစ်ခဲ့ပါတယ်။ ဆမ်တစ်ယောက် နေရာအသစ်မှာ နေသားကျအောင် ကြိုးစားရင်း ဘဝကို အေးအေးဆေးဆေး ကုန်ဆုံးသွားဖို့ ဆုံးဖြတ်လိုက်ခါမှ ဒီဘိုးဘွားရိပ်သာဟာ သူထင်ထားသလို မဟုတ်ပဲ ဖြစ်ရပ်ဆန်းတွေ ရှိနေတယ်ဆိုတာကို သိလိုက်ရပါတော့တယ်။ ဒီတော့ ဆမ်အနေနဲ့ ဘာတွေများ ဘယ်လိုကြုံတွေ့ပြီး ရင်ဆိုင်ကျော်ဖြတ်ရမလဲဆိုတာကို စိတ်ဝင်စားဖွယ်ရာ ကြည့်ရှုရမှာဖြစ်ပါတယ်။ File size… (2 GB) / (600 MB) / (400 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Mystery,Sci-Fi & Fantasy Duration…. 00:56:15 Subtitle…. Myanmar Subtitle (Hardsub)

Killing Faith (2025) +++++++++ ၁၈၄၉ ဝန်းကျင် အမေရိကန်နိုင်ငံ အနောက်ပိုင်း ဝက်စတန်လောကမှာ ရောဂါဘယ ကပ်ဘေးတွေ ထူပြောပြီး ကြမ်းတမ်းခက်ခဲတဲ့ ဘဝတွေကို နောက်ခံထား ရိုက်ကူးထားတဲ့ ဇာတ်လမ်းတစ်ခု ဖြစ်ပါတယ်။ ဒီဇာတ်ကားမှာ ယုံကြည်မှုနဲ့ သံသယစိတ်…သိပ္ပံပညာနဲ့ သဘာဝလွန် ဖြစ်ရပ်တွေအကြား လွန်ဆွဲမှုကို အဓိကဇောင်းပေး ရိုက်ကူးထားတာပါ။ ဇာတ်လမ်းအကျဉ်းကတော့ မြို့ငယ်လေးတစ်မြို့မှာ ကျွန်ဘဝကနေ လွတ်မြောက်လာတဲ့ လူမည်းအမျိုးသမီး တစ်ယောက်မှာ လူဖြူသွေးစစ်စစ်ဖြစ်တဲ့ သမီးလေး တစ်ယောက် မွေးဖွားထားပါတယ်။ နယ်ခံတွေအားလုံးက သူတို့ကို ဖယ်ကြဉ်ထားကြတာပါ။ အကြောင်းရင်းကတော့ သူ့သမီးလေး ထိကိုင်မိတဲ့ သက်ရှိမှန်သမျှဟာ အကြောင်းရင်း မသိရှိရဘဲ ချက်ချင်း သေဆုံးသွားတာတွေကြောင့် ဖြစ်ပါတယ်။ မြို့ခံတွေကတော့ သူ့သမီးလေးမှာ ကျိန်စာသင့်နတ်ဆိုး ကပ်နေတာဆိုပြီး ရွံကြောက်ကြီ း ဖြစ်နေကြတာပါ။ နောက်ဆုံးမှာ အားကိုးရာမဲ့ မိခင်တစ်ယောက်အနေနဲ့ သမီးအတွက် ကုသလို့ ရလိုရငြား ခရီးဝေးမှာ ရှိနေတဲ့ နာမည်ကြီး သင်းအုပ်ဆရာဆီကို ခရီးဆက်ဖို့ ဖြစ်လာခဲ့ပါတယ်။ လမ်းခရီးတစ်လျှောက် ဘယ်လို အခက်အခဲ အတားအဆီး‌တွေနဲ့ ရင်ဆိုင်တွေ့ကြုံရမလဲ ဆိုတာတော့....။ File Size… (1.45GB) / (753 MB) Quality… WEB-DL 1080p HEVC /720p Format…mkv / mp4 Duration…1h 47m Genre …Western , Thriller Subtitle….Myanmar Subtitle (Hard Sub)

ဖြစ်ရပ်မှန်ကိုအခြေခံပြီးတော့ရိုက်ကူးထားတဲ့ဇာတ်ကားဖြစ်ပါတယ် ၂၀၁၆ခုနှစ် The New York Times Magazineထဲက Nathaniel Richရေးထားတဲ့ "The Lawyer Who Became DuPont's Worst Nightmare"ကိုအခြေခံပြီး ရိုက်ကူးထားတာပါ ဇာတ်လမ်းအကျဉ်းကတော့ DuPontလို့အမည်ရတဲ့အမေရိကန်ရဲ့အကြီးဆုံး ဓာတုဗေဒပစ္စည်းတွေထုတ်လုပ်ဖြန့်ချီတဲ့ကုမ္ပဏီကြီးက ကုန်ပစ္စည်းထုတ်လုပ်ရာနဲ့စွန့်ပစ်ရာမှာသုံးတဲ့ဓာတုဗေဒပစ္စည်းတွေဟာ သဘာဝပတ်ဝန်းကျင်နဲ့သက်ရှိတွေရဲ့ကျန်းမာရေးကိုထိခိုက်လာပါတယ် အဲ့ဒါကြောင့်ထိခိုက်သူတွေကရှေ့နေတစ်ယောက်ကိုငှားပြီးတော့တရားရင်ဆိုင်ရဖို့ဖြစ်လာပါတယ် အဓိကဇာတ်ဆောင်အဖြစ် ကျွန်တော်တို့ရဲ့Hulk မင်းသားကြီးMark Tuffaloကရှေ့နေတစ်ယောက်အနေနဲ့ သရုပ်ဆောင်ထားပါတယ် အမေရိကန်နိုင်ငံရဲ့အကြီးဆုံးကုမ္ပဏီတွေထဲကတစ်ခုဖြစ်တာနဲ့အညီ အကြီးတန်းအုပ်ချုပ်ရေးပိုင်းကခေါင်းဆောင်တွေနဲ့သိတာကြောင့် DuPontကိုနိုင်နိုင်ချေကလုံးဝမရှိတဲ့အခြေအနေအထိဖြစ်နေလို့‌ရှေ့နေတော်တော်များများကငြင်းဆိုကြပါတယ်.... အစပိုင်းကစိတ်မဝင်စားပေမယ့်လဲသူ့အဖွားနေထိုင်ရာဇာတိအနောက်ဗာဂျီးနီးယာမှာဖြစ်တာကြောင့် အနည်းငယ်စူးစမ်းကြည့်ရာကနေရင်နင့်ဖွယ်ဖြစ်ရပ်တွေကိုတွေ့ပြီးတာဝန်ယူရတဲ့အထိဖြစ်လာပါတော့တယ်..... တကယ်ကိုအန္တရယ်များလွန်းတဲ့တရားခွင်ပါပဲ...သူရင်ဆိုင်နိုင်ပါ့မလား...ဆိုတာကိုတော့ ခံစားကြည့်ပါဦး... ဒီကားက တရားခွင်ကို အဓိက ပြထားတဲ့ဇာတ်ကားတွေ ထုံးစံအတိုင်း ဒိုင်ယာလော့တိုင်းဟာ ပညာသားပါပါတယ်. ခက်ခဲတဲ့ စုံစမ်းထောက်လှမ်းမှုတွေလည်း တွေ့ရပါလိမ့်မယ်...ဒါ့အပြင် ကြည့်ရသူတွေအတွက်လည်း ဗဟုသုတပေါင်းများစွာရသလို အစမှ အဆုံးထိ မပျင်းမရိနဲ့ကိုကြည့်ရပါတယ်.. ခံစားကြည့်ကြပါဦး... ဇာတ်လမ်းအညွှန်းနဲ့ဘာသာပြန်သူကတော့ MarTizasဖြစ်ပါတယ် File Size : (1.07 GB)  Quality : Blu-Ray 720p Format…mp4 Duration…02:05:00 Genre : Biography , Drama, History Subtitle : Myanmar Subtitle (Hard Sub) Translated by MarTizas Encoded by Phyo Pyae

The Equalizer 2 (2018) IMDb Rating (6.7) / Rotten Tomatoes (52%) မင်းသားကြီး Denzel Washington ဆိုတာ ရုပ်ရှင်လောကထဲမှာတင်မက တခြားပြင်ပလောကတွေမှာပါ ဩဇာကြီးမားတဲ့ အနုပညာရှင်တစ်ဦးပါ... ဒီလိုမင်းသားကြီးကို အသုံးပြုပြီး လောကကြီးရဲ့ တလွဲတွေကို ချိန်ညှိသူအဖြစ် ရိုက်ကူးထားတဲ့ The Equalizer  ရုပ်ရှင်ကားတွေဟာ တကယ့်ထိပ်တန်း အက်ရှင်ဇာတ်ကားတွေပါပဲ.. နိုင်ရာစားလောကကြီးကို ကျွန်တော်တို့ မျက်မြင်မှာ လုပ်ငန်းခွင်တွေမှာ ဘဝတွေမှာ နေ့စဉ်မြင်တွေ့ ခံပြင်းနေကြမှာပါ... ဒီလိုနိုင်ရာစားလောကကြီးကို တရားသဖြင့် ချိန်ညှိပေးမယ့်သူအဖြစ် Denzel Washington က တကယ့်တရားသူကြီးတစ်ယောက်လို တည်ငြိမ်ရင့်ကျက်စွာသရုပ်ဆောင်ထားပါတယ်။ ထူးခြားတာကတော့ သူက လောကကြီးကို ချိန်ညှိဖို့အတွက် ရက်စက်ဖို့လဲ ဝန်မလေးတဲ့ ယမမင်းတစ်ပါးလို လက်သံပြောင်သူအဖြစ် အားရစွာမြင်တွေ့ရမှာပါ။ The Equalizer 2 (2018) မှာလဲ ပထမဇာတ်ကားထဲကလိုပဲ မတရားမှုတွေကို ဆက်လက်ချိန်ညှိနေတဲ့ Robert McCall အဖြစ် ဒန်ဇဲကိုဆက်လက်ရှုစားရမှာပါ။ The Equalizer ဇာတ်ကားတွေကို ဒီမှာ https://channelmyanmar.to/?s=the+equalizer ကြည့်ပါ။ File size…(5.6 GB)/ (1.6 GB)/(1 GB) Quality….BluRay 4K HEVC/1080p HEVC/720p Format…mkv/mp4 Duration….02:00:57 Subtitle….Myanmar Subtitle(Hardsub) Encoder….Ka Naung

ဒီကားကတော့ ၂၀၁၇ခုနှစ်ထွက်Biography/Comedy-Drama ဇာတ်ကားကောင်းလေးဖြစ်ပါတယ်။ ဒီကားလေးဟာ ၁၉၇၃ခုနှစ် အမေရိကန်ပြည်ထောင်စုတွင် ဟိုးလေးတကျော်ဖြစ်ကာ ပြောစမှတ်တွင်ရလောက်တဲ့အထိ ဖြစ်ပွားခဲ့တဲ့ တင်းနစ်ပြိုင်ပွဲအကြောင်းပါပဲ။ ဒီတင်းနစ်ပြိုင်ပွဲဟာ သာမန်ပြိုင်ပွဲတွေနဲ့မတူပါဘူး။ ထိုခေတ်ကာလတွင်း အမျိုးသမီးတင်းနစ်ကစားသမားများဟာ အမျိုးသားများနှင့် တန်းတူရပိုင်ခွင့်တွေ ခံစားခွင့်မရကြပါဘူး။ ဒါကြောင့် ကမ္ဘာ့နံပါတ်တစ် အကောင်းဆုံးအမျိုးသမီးတင်းနစ်ကစားသမားဖြစ်တဲ့ ဘီလီဂျင်းကင်းဟာ အဲဒီအတွက်ကနေဦး တောင်းဆိုဆန္ဒပြခဲ့တဲ့ ပထမဦးဆုံး အမျိုးသမီးအခွင့်အရေးလှုပ်ရှားသူတစ်ယောက်ဖြစ်လာပါတယ်။ အဲဒီကနေစပြီး အမျိုးသမီးများ အမျိုးသားများနှင့်တန်းတူညီမျှအခွင့်အရေးခံစားခွင့်ရှိခြင်း၊ လိင်တူရပိုင်ခွင့်များနှင့် လူ့အခွင့်အရေးဆိုတာတွေ ဆက်လက်ဖြစ်ပေါ်လာတာပဲဖြစ်ပါတယ်။ တစ်ဖက်မှာလည်း ဘီလီဂျင်းကင်းကိုပါရမီဖြည့်ပေးရှာသည့်သူကတော့ ဘော်ဘီရစ်ချ်ဆိုတဲ့ နာမည်ကျော်တင်းနစ်ကစားသမားတစ်ယောက်ပါ။ သူ့ရဲ့ဝါသနာက လောင်းကစားလုပ်ခြင်းပါပဲ။ အခွင့်အရေးတွေကိုချောင်းနေတဲ့ဘော်ဘီတစ်ယောက် ဘီလီကင်းကိုမျက်စိကျသွားပါတော့တယ်။ သူ့ရဲ့အတိတ်ကရွှေရောင်နေ့ရက်တွေကိုပြန်လည်ရယူရင်း လောင်းကစားပါလုပ်လို့ရမည့်အကွက်ကို တွေ့သွားတာပဲဖြစ်ပါတယ်။ ဒီလိုနဲ့ ဘီလီဂျင်းကင်းကိုစိန်ခေါ်ပြီး တင်းနစ်ကစားပွဲပြုလုပ်ကာ အမျိုးသမီးတွေဟာ တန်းတူအခွင့်အရေးရသင့်ကြောင်း သက်သေပြရအောင်ဖန်တီးပါတော့တယ်။ အဲဒီပြိုင်ပွဲဟာ တင်းနစ်အားကစားသမိုင်းတစ်လျှောက်တွင် လူကြည့်အများဆုံးသော ကစားပွဲဖြစ်ခဲ့တာဖြစ်ပြီး ဘီလီဂျင်းကင်းနဲ့ ဘော်ဘီရစ်ချ်တို့ရဲ့ အပြိုင်အဆိုင် စကားနာထိုးမှုတွေ၊ အားပြိုင်မှုတွေဟာ ကစားကွင်းမတိုင်ခင်ကတည်းက ပုဂ္ဂိုလ်ရေးဆိုင်ရာအရရော၊ အခြားသော ရှုပ်ထွေးသည့်တိုက်ပွဲများနှင့် ပြင်းထန်ကာ မြိုင်မြိုင်ဆိုင်ဆိုင်ဖြစ်နေခဲ့ပါတယ်။ နောက်ဆုံးမှာတော့ ဘီလီဂျင်းကင်းအနိုင်ရရှိသွားပြီး အမျိုးသမီးများအတွက် ဦးဆောင်လမ်းပြပေးနိုင်ခဲ့ရုံသာမက အခြားသောလူ့အခွင့်အရေးများအတွက် လမ်းစလည်းဖွင့်ပေးနိုင်ခဲ့တာပဲဖြစ်ပါတယ်။ ဒီပြိုင်ပွဲဟာ လူမှုအဖွဲ့အစည်းတွင်းမှာ နောက်ဆက်တွဲပြောင်းလဲမှုတွေများစွာကိုဆောင်ကျဉ်းပေးခဲ့တဲ့ တကယ့်ဖြစ်ရပ်မှန်ပြိုင်ပွဲကြီးဖြစ်ပြီး ဇာတ်ကားအနေနဲ့လည်း ရသစုံစုံလင်လင်နဲ့ ရိုက်ကူးပြပေးသွားတာဖြစ်တဲ့အတွက် ကြည့်ရှုရတာ စိတ်ကျေနပ်စေမှာပဲဖြစ်ပါတယ်။ File Size : (950 MB) and (350 MB) Quality : Blu-Ray 720p Running Time : 2hr 01min Format : Mp4 Genre :Biography, Comedy, Drama Subtitle : Myanmar Subtitle (Hard Sub) Source : 1080p Blu-Ray x264 SPARKS Translated by Thura Zarni Aung Encoded by Thanhtike Zaw

Independence Day: Resurgence (2016) IMDb.....5.2 ဇာတ်လမ်းအကျဉ်းကို ပြောရမယ်ဆိုရင်တော့ . ၁၉၉၆ ခုနှစ်မှာ လူသားတွေဟာဂြိုလ်သားတွေကို အနိုင်ယူနိုင်ခဲ့ပြီးနောက်ပိုင်း အာကာသထဲမှာ ကမ္ဘာကိုနောက်ထပ်အန္တရာယ်မပေးနိုင်အောင် စောင့်ရှောက်မှုတွေ ပြုလုပ်ထားကြပါတယ်။ လကမ္ဘာပေါ်ကနေ ဂြိုလ်သားတွေရဲ့ အန္တရာယ်ကိုကာကွယ်ဖို့စောင့်စားနေတဲ့ အဖွဲ့ထံသို့ အ ာကာသယာဉ် တစ်စီးရောက်လာခဲ့တယ်။ ထိုယာဉ်ဟာ ၁၉၉၆တုန်းကစစ်ဖြစ်ခဲ့တဲ့ ဂြိုလ်သားတွေရဲ့ယာဉ်နဲ့မတူတဲ့အတွက် သမ္မတနဲ့ နိုင်ငံတကာ ခေါင်းဆောင်တို့ဟာ တိုင်ပင်ဆွေးနွေးသလို မစ္စတာဒေးဗစ်ကိုလည်း မေးမြန်းအကြံဉာဏ်ယူပါတယ်။ ထိုယာဉ်ကို လက်ဦးမှုရယူပြီးပစ်ချဖျက်စီးသင့်မသင့်ဆွေးနွေးတဲ့အခါ ဒေးဗစ်ကမပစ်ဖို့အကြံပေးပေမဲ့... ခေါင်းဆောင်အများစုရဲ့ ပစ်ချဖို့အကြံပြုချက်ကြောင့်သမ္မတဟာ ပစ်ချစေခဲ့ပါတယ်။ ထိုယာဉ်ကြီး အာကာသထဲ ပြုတ်ကြပျက်စီးတဲ့အခါ ဒေးဗစ်ဟာစစ်ဆေးဖို့အတွက် သမ္မတကို ခွင့်တောင်းတဲ့အခါ အောင်ပွဲခံပွဲအပြီးမှသာ လုပ်ခွင့်ပေးပါတယ်။ အဲဒီမှာ ဂျိတ်ဟာ အာကာသကနေ အာကာသယာဉ်ကိုယူပြီး ဒေးဗစ်ကိုလာရောက်ခေါ်ဆောင်ပြီး ၎င်းယာဉ်ကိုစစ်ဆေးဖို့ကူညီနေချိန်မှာပဲ ၁၉၉၆ ခုနှစ်တုန်းကဂြိုလ်သားတွေပြန်လည် ရောက်ရှိလာခဲ့ပြီး အာကာစခန်းနဲ့ကမ္ဘာဟာစတင်ပျက်စီးတဲ့အဖြစ်ကိုရောက်ပါတော့တယ်။ ဒီဇာတ်ကားဟာ IMDb rating 5.2/10 ရရှိထားပေမဲ့ အရမ်းကိုကောင်းလွန်းတဲ့ ဇာတ်ကားဆိုတာ ကြည့်ပြီးတဲ့သူတိုင်းလက်ခံပါလိမ့်မယ်။ နောက်ပြီး ရိုက်ကွင်းရိုက်ကွက်တွေ Visual Effect တွေဟာ သာလွန်ကောင်းမွန်ခဲ့ပြီး ခိုင်မာတဲ့ ဇာတ်အိမ်ကို အကောင်းဆုံးရိုက်ပြသွားတဲ့ ဇာတ်ကားကောင်းဆိုလည်း မမှားပါဘူး။ (ဒီဇာတ်ကားကို ဘာသာပြန်ရေးသားပေးသူကတော့ CM Team မှ ညီလေး SCRN ပဲဖြစ်ပါတယ်။) File Size : 2.40GB/ 1.00GB Quality : Blu-Ray 1080p 5.1 CH/720p Format…mp4 Duration…02:၀၀:00 Genre : Action, Adventure, Sci-Fi Subtitle : Myanmar Subtitle (Hard Sub) Translated by SCRN Encoded by Tiff

ဒီဇာတ်ကားရဲ့ ဒါရိုက်တာက Max Landis ဖြစ်ကာ သရုပ်ဆောင်တွေကတော့ Social Network ဇာတ်ကားထဲကမင်းသား Jessie Eisenberg ဖြစ်ကာ မင်းသမီးကတော့ Twilight ဇာတ်ကားတွေနဲ့ နာမည်ကျော်လာသည့် Kristen Stewart တို့ကအဓိကပါဝင်သရုပ်ဆောင်ထားတာပါ။ CIA အေးဂျင်ဟောင်း Mike Howell ဆိုသည့် လူရိုးလူအေးတစ်ယောက်ဟာ West Virginia က Liman ဆိုသည့် မြို့ကလေးမှာနေထိုင်လျက်ရှိတာပါ။ သူရဲ့အလုပ်ကစတိုး ဆိုင်စာရေးဖြစ်ကာ ကာလရှည်တွဲလာခဲ့သည့် ချစ်သူ Phoebe Larson ဆိုသည့်မိန်းကလေးကိုလည်း လပ်ထပ်ခွင့်တောင်းဖို့ ကြံရွယ်နေတာပဲဖြစ်ပါတယ်။ တစ်ချိန်တည်းမှာပဲ CIA ဌာနချုပ် Langley မှာရှိသည့် CIA အေးဂျင်း Victora Lasseter ဆိုသူကလည်းသူမ မအောင်မြင်ခဲ့သည့် Ultra ဆိုသည့်ပရိုဂရမ်က တစ်ဦးတည်းကျန်နေသည့်သူ့ကို သူမရဲ့ပြိုင်ဖက် Adrian Yates ဆိုသူကအစဖျောက်ပစ်ဖို့လုပ်နေတာကိုတွေ့လိုက်ရပါတယ်။ သူမရဲ့ပရိုဂရမ်ကမအောင်မြင်ခဲ့ပေမယ့် Adrian ကတော့သူရဲ့ Tough Guy ဆိုသည့်ပရိုဂရမ်ကအောင်မြင်မှုရထားတာပါ။ Adrian ကသူ့ရဲ့ Tought Guy ကလူတွေကိုစေလွှတ်ကာ Ultra အေဂျင့်လက်ကျန်ကို ရှင်းခိုင်းလိုက်ပါတယ်။ အဲ့ဒိမှာပဲ Lasseter က Mike ကို ဆက်သွယ်ခဲ့ပါတော့တယ်။ Adrian ရဲ့လူတွေက Mike ရဲ့ကားကိုဗုံးထောင်ကာသူ့ကိုလည်းတိုက်ခိုက်လာပါတော့ တယ်။ Mike က ဒီလူတွေကိုရှင်းပစ်လိုက်ကာ သူ့ရည်းစား Phoebe ထံဖုန်းဆက်ပြီးနောက်မှာတော့ သူတို့နှစ်ဦးသားလူသတ်မှုဖြင့်ရဲစခန်းရောက်သွားပါတော့တယ်။ Adrian ကရဲစခန်းကိုလူတွေထပ်မံစေလွှတ်ကာ Mike တို့ကို သတ်ခိုင်းခဲ့ပေမယ့်လွတ်သွားခဲ့ပြန်ပါတယ်။ ဒီနောက်မှာတော့ Mike ရဲ့သူငယ်ချင်းဖြစ်သည့် Rose ရဲ့အိမ်ကိုသွား ရောက်ကာပုန်းနေပါတော့တယ်။ Adrian ကတော့ တစ်မြို့လုံးကိုပိတ့်ဆို့ထားပြီး Rose ရဲ့အိမ်ကိုမေ့ ဆေးဓါတ်ငွေ့လွှတ်ကာတိုက်ခိုက်ရာမှာတော့ Rose တစ်ယောက်သေဆုံးသွားခဲ့ပါတော့တယ်။ Mike ကတော့ Phoebe ရဲ့ကယ်တင်မှုကြောင့် လွတ်မြောက်ခဲ့ရပြန်ပါတယ်။ CIA ရဲ့လုပ်ပုံလုပ်နည်းတွေကို Phoebe တစ်ယောက်သိနေသည့် အတွက်မေးရာမှာတော့ သူမဟာ Mike ကိုထိန်းချုပ်နေရသည့်သူဖြစ်ကြောင်းသိလိုက်ရ ပြီး နောက်မှာတော့ . . . . . . . . . .။ (ရုပ်ရှင်အညွှန်းကို Mr.Black FB Page မှကူးယူဖော်ပြပါသည်။) File size...(800MB) Quality...WEB-Rip 720p Format...mp4 Duration....01:35:33 Subtitle....Myanmar Subtitle (Hardsub) Encoder....Nyeinsaeya Aung

The Equalizer (2014) IMDb Rating (7.2) / Rotten Tomatoes (61%) မင်းသားကြီး Denzel Washington ဆိုတာ ရုပ်ရှင်လောကထဲမှာတင်မက တခြားပြင်ပလောကတွေမှာပါ ဩဇာကြီးမားတဲ့ အနုပညာရှင်တစ်ဦးပါ... ဒီလိုမင်းသားကြီးကို အသုံးပြုပြီး လောကကြီးရဲ့ တလွဲတွေကို ချိန်ညှိသူအဖြစ် ရိုက်ကူးထားတဲ့ The Equalizer  ရုပ်ရှင်ကားတွေဟာ တကယ့်ထိပ်တန်း အက်ရှင်ဇာတ်ကားတွေပါပဲ.. နိုင်ရာစားလောကကြီးကို ကျွန်တော်တို့ မျက်မြင်မှာ လုပ်ငန်းခွင်တွေမှာ ဘဝတွေမှာ နေ့စဉ်မြင်တွေ့ ခံပြင်းနေကြမှာပါ... ဒီလိုနိုင်ရာစားလောကကြီးကို တရားသဖြင့် ချိန်ညှိပေးမယ့်သူအဖြစ် Denzel Washington က တကယ့်တရားသူကြီးတစ်ယောက်လို တည်ငြိမ်ရင့်ကျက်စွာသရုပ်ဆောင်ထားပါတယ်။ ထူးခြားတာကတော့ သူက လောကကြီးကို ချိန်ညှိဖို့အတွက် ရက်စက်ဖို့လဲ ဝန်မလေးတဲ့ ယမမင်းတစ်ပါးလို လက်သံပြောင်သူအဖြစ် အားရစွာမြင်တွေ့ရမှာပါ။ The Equalizer 2014 ဇာတ်ကားမှာတော့ ပြည့်တန်ဆာမလေးအဖြစ် မင်းသမီး Chloë Grace Moretz လဲ ပါဝင်ထားပါတယ်။ The Equalizer ဇာတ်ကားတွေကို ဒီမှာ https://channelmyanmar.to/?s=the+equalizer ကြည့်ပါ။ File size…(5.1 GB)/ (1.6 GB)/(1 GB) Quality….BluRay 4K HEVC/1080p HEVC/720p Format…mkv/mp4 Duration….02:12:02 Subtitle….Myanmar Subtitle(Hardsub) Encoder….Ka Naung Translated by Mr.Anderson

Peakcock (2010) ဟာ Psychological Thriller ဇာတ်လမ်း အမျိုးစားဖြစ်ပြီး လူတစ်ယောက်ရဲ့ ကိုယ်ပိုင် identity နဲ့ ပတ်သက်ပြီး စဉ်းစားစရာတွေ အများကြီးပေးတဲ့ ဇာတ်ကားကောင်းတစ်ကားပါ... ရရှိခဲ့တဲ့ဆုများ ✔ Screamfest Horror Film Festival - အကောင်းဆုံး စိတ်လှုပ်ရှားဖွယ်ဇာတ်ကား (2010) ✔ Fangoria Chainsaw Awards - အကောင်းဆုံးသရုပ်ဆောင် (Cillian Murphy) ဆန်ကာတင်စာရင်း သရုပ်ဆောင်များ - Cillian Murphy (John/Emma အဖြစ်) - Ellen Page (Maggie အဖြစ်) - Susan Sarandon (Fanny အဖြစ်) ဇာတ်လမ်းအကျဥ်း John ဆိုတဲ့လူတစ်ယောက်ဟာ သာမန်လူတစ်ယောက်လိုနေထိုင်နေပေမယ့်... သူ့မှာ လျှို့ဝှက်ချက်တစ်ခုရှိတယ်။ သူဟာ လူတစ်ကိုယ် စိတ်နှစ်မျိုးဖြစ်နေတဲ့ ရောဂါကိုခံစားနေရပြီး Emma ဆိုတဲ့ အမျိုးသမီးတစ်ယောက်အနေနဲ့လည်း နေထိုင်နေတာပါ။ တစ်နေ့မှာ မတော်တဆမှုတစ်ခုကြောင့် ဒီလျှို့ဝှက်ချက်က ပေါ်တော့မလိုဖြစ်သွားပြီး သူ့ဘဝက လုံးဝပြောင်းလဲသွားပါတော့တယ်။ Cillain Murphy ရဲ့ သရုပ်ဆောင်စွမ်းရည်ဟာဆိုရင်လည်း John နဲ့ Emma ဟာတစ်ယောက်တည်းဆိုတာကိုမေ့သွားလောက်အောင် ကောင်းလွန်းပါတယ်။ နောက်ဆုံးမှာ သူဟာ John အနေနဲ့နေထိုင်သွားမလား၊ Emma ဘဝကိုရွေးချယ်သွားမလားဆိုတာကိုတော့ ဇာတ်ကားထဲမှာ စိတ်ဝင်တစား စောင့်ကြည့်ကြရမှာဖြစ်ပါတယ်။ File Size… (1.25 GB) / ( 666 MB) Quality… WEB-DL 1080p HEVC /720p Format…mkv / mp4 Duration….1h 30m Genre …..Drama , Mystery , Thriller Subtitle….Myanmar Subtitle (Hard Sub) Encoder….Min Wai Translated by Vic

ပရိတ်သတ်ကြီးတို့ကိုဒီတစ်ခေါက်တင်ဆက်ပေးချင်တာကတော့ Thriller ဆန်ဆန်ရိုက်ကူးထားတဲ့ crime ရုပ်ရှင်ကားလေးပါ။ ဇာတ်လမ်းရဲ့အကျဉ်းချုပ်ကတော့ တက္ကဆက်အနောက်ပိုင်း နယ်မြို့လေးမှာတာဝန်ကျနေတဲ့ ရဲအရာရှိ လုဖော့ဒ်ဟာ သူ့ရဲ့မွေး စားအစ်ကိုဖြစ်သူ မိုက် သေဆုံးမှုနဲ့ပတ်သက်ပြီး လိုက်လံစုံစမ်းခဲ့ ရာကနေ အပျက်မကလေး ဂျိုစီနဲ့ မထင်မှတ်ဘဲ တွေ့ဆုံခဲ့ပါတယ်။ ဂျိုစီဆိုတဲ့ ကောင်မလေးကို မြို့ရဲ့မျက်နှာဖုံးလို့ဆိုရမယ့် သူဋ္ဌေးကြီး ကွန်ဝေးရဲ့သားဖြစ်သူ အယ်လ်မာကွန်ဝေးက စွဲလမ်းနေခဲ့တော့ သားဖြစ်သူကို အဲဒီအပျက်မလေးနဲ့ဝေးသွားအောင်လုပ်ပေးဖို့ လုဖော့ဒ်ကို သူဋ္ဌေးကြီးက အကူအညီတောင်းခဲ့ပါတယ်။ အဲဒီလိုကနေ လုဖော့ဒ်နဲ့ ဂျိုစီကြားမှာ သံယောဇဉ်တွေငြိတွယ် သွားခဲ့ပြီးတဲ့နောက်မှာတော့...ဂျိုစီနဲ့ အယ်လ်မာကို သတ်သွား ခဲ့တဲ့ တရားခံက ဘယ်သူလဲ၊ အဲဒီအမှုရဲ့ သံသယတရားခံ ဂျွန်နီ ပါပါကိုယ်တိုင်က ထောင်ထဲမှာ ကြိုးဆွဲချသေသွားခဲ့တာ ဘာ ကြောင့်လဲ၊ တကယ့် တရားခံအစစ်က အားလုံးထင်မှတ်မထားတဲ့ လူတစ်ယောက်ဖြစ်နေမယ်ဆိုတာကို သည်းထိတ်ရင်ဖို ဇာတ်လမ်းရဲ့ အဆုံးသတ်မှာ လျှို့ဝှက်ချက်တစ်ခုအဖြစ် ရှုမြင်ခံစားရမှာပဲဖြစ် ပါတယ်။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ June ဖြစ်ပါတယ်) File Size..........(1.75 GB) / (607 MB) Quality............BLU-RAY 1080p / 720p Duration.........1Hr 49Min Subtitle...........Myanmar Hardsub Format............MP4 Genre..............Crime, Drama, Mystery Translator.......June Encoder..........Zin Phyo Aung

ဒိဇာတ်လမ်းကတော့ Harry Potter ဇာတ်လမ်းမှာ Severerus Snape ဖြစ်တဲ့ မင်းသားကြီး Alan Rickman ပါဝင်တဲ့ အသေခွီနေရမဲ့ ဇာတ်ကားကောင်းတစ်ပုဒ်ပဲဖြစ်ပါတယ်။ ဘဝင်လေဟပ်ပြီး ကျောင်းသူတွေနဲ့အိပ်၊ မိန်းမပွေ၊ ​အကျင့်စာရိတ္တမကောင်းတဲ့ Eli လို့ခေါ်တဲ့ သိပ္ပံပညာရှင်ကြီးက ရုတ်တရက် နိုဘယ်လ်ဆုကြီးရလာတော့ သူ့မြင့်ပြီးသားမာနက မိုးပေါ်ထောင်တက်သွားတော့တယ်။ နိုဘယ်လ်ဆုကို ဆွီဒင်နိုင်ငံမှာသွားယူဖို့ သူ့မိန်းမနဲ့သားကို ခေါ်သွားပေမဲ့ တစ်ဦးတည်းသော သားတော် Barkley က အပြာကဗျာရေးတဲ့ စော်လေးနဲ့အိပ်နေလို့ လေယာဥ်မမီဘဲ နောက်ကျသွားတယ်။ သူ့အမေနဲ့အဖေဆီ လေယာဥ်ကိုအမြန်လိုက်ဖို့ အိမ်ပြန်ရောက်တော့ ပြန်ပေးဆွဲပါခံလိုက်ရတယ်။ အနန္တဂိုဏ်းဝင်ဖခင်ကြီး Eli ကလည်း သူ့သားပြန်ပေးဆွဲရတဲ့အကြောင်း ပြန်ပေးဆွဲသမားကဖုန်းဆက်ခြိမ်းခြောက်တော့ လိလိ့လားလားတွေလာပြောနေတယ်ဆိုပြီး ​မယုံဘဲ သူ့သားကို ဆွီဒင်အမြန်လိုက်လာခဲ့ဖို့ပြောတယ်။ အဲဒီမှာ ပြန်ပေးဆွဲသမားလည်း Berkeley လက်မကို ဖြတ်ပြီး သူ့မိဘတွေဆီကို ပို့မယ်ကြံ​၊ သူ့သား Berkeley လည်း စိတ်ခြောက်ခြားပြီး ဘယ်လိုတွေဆက်ဖြစ်မလဲဆိုတာတော့ ဒီဇာတ်လမ်းမှာ ဆက်လက်ကြည့်ရှုလိုက်ပါ။ ( ဘာသာပြန်ပြီး အညွှန်းရေးသားထားသူကတော Thwal Htoo Zin ပါ ) File size_(2GB)/( 990MB) Quality_Blu-Ray 1080p / 720p Format_mp4 Duration_01:50:00 Genre_Comedy, Crime, Drama Subtitle_Myanmar Subtitle (Hardsub) Encoder_a hao Translated by Thwal Htoo Zin

Scary Movie ဆိုတာကတော့ သူ့ခေတ်အခါက နာမည်ကြီးမှန်သမျှတွေကို ဟာသသက်သက် လှောင်ပြောင်ထားသော ဇာတ်ကားများဖြစ်ပါတယ်။ အထူးသဖြင့်တော့ နာမည်ကြီး ဇာတ်ကားတွေ သရုပ်ဆောင်တွေကို လှောင်ပြောင်ထားတာပါ။ မူရင်းဇာတ်ကားတွေကို ကြည့်ဖူးထားရင် Scary Movie ရဲ့ လှောင်ပြောင်ချက်တွေက အတော်လေး ခွီနေရပါတယ်။ (Scary Movie စုစုပေါင်း ၅ ကားထွက်ထားပါတယ်။ အခုကတော့ နံပါတ် ၄ ဇာတ်ကားကိုတင်ပေးလိုက်တာပါ။ နောက်ဇာတ်ကားတွေကိုလဲ အဆင်ချောသလို တင်ဆက်သွားပါ့မယ်။ တစ်ကားနဲ့တစ်ကား အဆက်အစပ်မရှိတဲ့အတွက်ဘယ်ကကြည့်ကြည့်အဆင်ပြေပါတယ်။) ဒီနံပါတ် ၄ ဇာတ်ကားထဲမှာ.... Arachnophobia (1990)...Final Destination (2000)...Thir13en Ghosts (2001).... R. Kelly: Bump and Grind - You Be the Judge (2002)....Saw (2004).... Scooby Doo 2: Monsters Unleashed (2004) ....Shaun of the Dead (2004).... Kill Bill: Vol. 2 (2004) ....What the #$*! Do We (K)now!? (2004).....The Village (2004) ..... The Grudge (2004) ....Million Dollar Baby (2004)....Hustle & Flow (2005) ..... The Amityville Horror (2005) ...."The Oprah Winfrey Show: Episode dated 23 May 2005" (2005)..... War of the Worlds (2005) .....Dark Water (2005) ....Deuce Bigalow: European Gigolo (2005) .... The 40 Year Old Virgin (2005).....Brokeback Mountain (2005)....Saw II (2005)စတဲ့ဇာတ်ကားတွေကို ဟာသဖောက်ထားတာကြောင့် အဲ့ဒီဇာတ်ကားတွေကို ကြည့်ဖူးထားရင် ပိုရယ်ရမှာပါ။ Scary Movie တွေနဲ့ ပတ်သတ်ပြီး မှတ်မိနေတာကတော့....ကျွန်တော် ငယ်ငယ်တုန်းက... Horror ဇာတ်ကားဆိုရင် ညဖက် အိပ်မပျော်အောင်ထိ ကြောက်ခဲ့ဖူးပါတယ်။ ဒါပေမယ့် Scary Movie တွေ ကြည့်ပြီးနောက်မှာ ဘယ် Horror ဇာတ်ကားမှ မကြောက်တတ်တော့ပါ။ သူတို့လှောင်ထားတဲ့ Horror ဇာတ်ကားတွေကြည့်ပြီး ရယ်ပဲရယ်ချင်တော့ပါတယ်။ File Size : 2.5 GB / 1 GB Quality : Blu-Ray 1080p / 720p Running Time : 1hr 23min Genre : Comedy Subtitle : Myanmar Subtitle (Hard Sub)

Maddie Dolan က ရေတပ်မှာ တာဝန်ထမ်းဆောင်နေတဲ့အဖေနဲ့အတူ အချိန်ဖြုန်းဖို့ Tiger Cruise ပေါ်ကို လိုက်ပါရတော့မဲ့ ကလေးမလေးပါ။ အဖေက သင်္ဘောပေါ် လိုက်ခဲ့ဖို့ ခေါ်နေခဲ့ပေမဲ့ နှစ်တိုင်းငြင်းနေခဲ့တဲ့ Maddie တစ်ယောက် သင်္ဘောပေါ်တက်ဖို့ ရုတ်တရက် သဘောတူလိုက်ပါတယ်။ သူ့ရည်ရွယ်ချက်ကတော့ တာဝန်ထမ်းဆောင်နေရတာကြောင့် အိမ်ကို ခဏ ခဏ ပြန်မလာနိုင်တဲ့အဖေကို အိမ်ပြန်လာအောင် ဖျောင်းဖျဖို့ပါ။ Tiger Cruise ဆိုတာကတော့ အမေရိကန်ရေတပ်နဲ့ မရိန်းတပ်ဖွဲ့ဝင်တွေရဲ့ ကလေးတွေ အိမ်ထောင်ဖက်တွေ မဟုတ်တဲ့ တခြားမိသားစုဝင်တွေကို အပျော်စီးသင်္ဘောပေါ်မှာ လိုက်ပါရင်း တပ်ဖွဲ့ဝင်တွေရဲ့ တာဝန်တွေ နေ့စဉ်ဘဝတွေကို လေ့လာခွင့်ပေးတဲ့ ခရီးတစ်ခုပါ။ ခရီးစဉ် စတင်လာတာနဲ့ စက်တင်ဘာ ၁၁ ရက်နေ့မှာ World Trade Centre တိုက်ခိုက်မှု ဖြစ်လာတဲ့အခါ အပျော်ခရီးကနေ အရေးပေါ် စစ်ရေးအခြေအနေ ဖြစ်လာပါတော့တယ်။ သင်္ဘောပေါ်က အရပ်သား ၈၀၀ ရဲ့ လုံခြုံရေးကို တာဝန်ယူရင်း သူ့အဖေရဲ့ ဂုဏ်သိက္ခာ ပေးဆပ်မှုနဲ့ တာဝန်ထမ်းဆောင်မှုတွေကို နားလည်လာတဲ့ Maddie တစ်ယောက် ဘယ်လိုသဘောထားတွေ ပြောင်းလဲသွားမလဲဆိုတာကိုတော့ အညွှန်းနဲ့ ဘာသာပြန်ကို Juno Saurus ရေးသားထားပါတယ်။ File size…    2.4 GB  /    952 MB Quality… Web-DL 1080p / 720p Format… mp4 Duration…. 1h 28m Genre ..... Drama / Family Subtitle…. Myanmar Subtitle (Hard Sub) Encoder…. Thit San Khant Translated by Juno Saurus

ကယ်ရန်ဟာ ဘိုးဘွားစောင့်ရှောက်ရေးစင်တာတစ်ခုမှာ စေတနာ့ဝန်ထမ်းအဖြစ် လုပ်နေပါတယ်။ အိမ်တစ်အိမ်ကို သွားရောက်စောင့်ရှောက်ပေးနေကျ ယိုကိုဆိုတဲ့ မိန်းကလေး အလုပ်ရောက်မလာတဲ့နေ့မှာ ကယ်ရန်က သူ့အစား အဲဒီအိမ်ကို သွားပေးလိုက်တယ်။ ရောက်သွားတော့ အိမ်မှာ အဘွားအိုတစ်ယောက်ပဲ ရှိနေပါတယ်။ အဘွားကို အဖော်လုပ်ပြီး လိုအပ်တာတွေ ကူညီပေးနေတုန်း ကယ်ရန်ဟာ အိမ်ထဲက ထူးဆန်းတဲ့အသံတွေကို ကြားလာရတယ်။ လိုက်ရှာကြည့်တဲ့အခါ ဗီရိုထဲမှာ ပိတ်မိနေတဲ့ ကလေးတစ်ယောက်ကို တွေ့သွားပါတယ်။ ကောင်လေးရဲ့ နာမည်က တိုရှိအိုပါ။ Takashi Shimizu ရိုက်ကူးထားတဲ့ ဒီဇာတ်ကားဟာ ၂၀၀၂ ခုနှစ်ထွက် ဂျပန်သရဲကား Ju-On ကို ဟောလိဝုဒ်မှာ ပြန်လည်ရိုက်ကူးထားတာဖြစ်ပြီး မူရင်းဇာတ်ကားတွေရဲ့ လမ်းကြောင်းအတိုင်း ဆက်တင်ပြထားပါတယ်။

Titan A.E. (2000) ~ IMDb - 6.6/10, Rotten Tomatoes - 50% ~ အဟောင်းထဲက ဇာတ်ကားကောင်းတစ်ကားဖြစ်ပြီး Matt Damon နဲ့ Drew Barrymore တို့လို နာမည်ကြီးတွေ အသံသရုပ်ဆောင်ထားတဲ့ Animation ဇာတ်ကားကောင်းတစ်ခုပေါ့။ ဂလက်ဆီ တစ်ခုလုံးကို ခြိမ်းခြောက်နေတဲ့ ဒရက်ဂ်ျ ဆိုတဲ့ မျိုးနွယ်စုကြီးတစ်ခု ရှိပါတယ်။ 3028 ခုနှစ်မှာတော့ ကမ္ဘာမြေမှာ အရမ်းကို စွမ်းအားကြီးတဲ့ တိုက်တန် ပရောဂျက်တစ်ခုကို လူသားမျိုးနွယ်တွေ ပြင်ဆင်ထားခဲ့ပါတယ်။ ဒရက်ဂ်ျတွေဟာ ဒီတိုက်တန်ပရောဂျက်ကို တားဆီးဖို့အတွက် လူသားမျိုးနွယ်ကို မျိုးသုဉ်းဖျက်ဆီးပြီး ကမ္ဘာမြေကို ဖောက်ခွဲပစ်ခဲ့ပါတယ်။ တိုက်တန်ပရောဂျက်ရဲ့ အဓိက ခေါင်းဆောင် ဆမ်ဟာ လူမမယ်‌သားလေး ကေးလ်ကိုတော့ လွတ်မြောက်ရေးယာဉ်ထဲ ထည့်ပေးလိုက်ပြီး သူကတော့ ဒရက်ဂ်ျတွေနဲ့ ရင်ဆိုင်ခဲ့ပါတယ်။ နှစ်ပေါင်းများစွာ ကြာတဲ့အခါမှာ အနည်းငယ်သာ ကျန်ရှိတော့တဲ့ လူသားမျိုးနွယ်စု ဆက်လက်ရှင်သန်ရေးက ကေးလ်တစ်ယောက် သူ့အဖေဝှက်ထားခဲ့တဲ့ တိုက်တန်ကို ပြန်ရှာတွေ့တဲ့အပေါ် မူတည်နေတဲ့အခါမှာတော့ ကေးလ်ဟာ တိုက်တန်ရှာဖွေရေးစွန့်စားခန်းခရီးကို စတင်ရပါတော့တယ်။ Old-school 2D Animation ကို 3D နဲ့ ပေါင်းစပ်ထားတဲ့ ဇာတ်လမ်း ဇာတ်ကွက် ကောင်းကောင်းနဲ့ ဇာတ်ကားတစ်ကားမို့ အချိန်ပေးကြည့်ရတာ တန်စေမှာပါ။ (ဒီဇာတ်ကားနဲ့အညွှန်းကို Chuck မှ ပြန်ဆို ရေးသားထားပါတယ်) Size - 1..75GB, 910MB Quality - 1080p, 720p IMDb Rating - 6.6/10 Format - mp4 Duration - 1H 34Min Genre - Animation, Action, Adventure Subtitle - Myanmar Subtitle (Hardsub) Translated by Chuck Encoded by Y

“Brokedown Palace (1999)”ဇာတ်ကားက…..တကယ်တမ်းခံစားလို့ကောင်းတဲ့ကားတစ်ကားပါ။ ကြည့်ရင်းနဲ့ စိတ်ထဲမှာ တစ်ခုသိသွားတာက… လူချင်း၊သူငယ်ချင်း အချင်းချင်း “ယုံကြည်မှု” ဆိုတာ နောက်ဆုံး အကျဉ်းထောင် ထဲအထိပါသယ်သွားလို့ရတယ်ဆိုတာပဲ။ ဒီဇာတ်ကားကို ကြည့်ရင်းနဲ့ ကိုယ့်ကိုယ်ကိုမေးမိတယ်— “မင်းဆိုမင်းရဲ့အချစ်ဆုံးသူငယ်ချင်းအတွက် တကယ်စတေးခံနိုင်လား”ပေါ့..... အားလုံးသိကြတဲ့အတိုင်း ဘဝမှာသူငယ်ချင်းတွေကြား နားလည်မှုတွေ ချစ်ခင်မှုတွေနဲ့ တည်ဆောက်ထားတာ တစ်ခါတစ်ရံ အဲ့ဒီယုံကြည်​မှုတွေကို လောကဓံက စမ်းသပ်လေ့ရှိပါတယ်။ ကုန်ကုန်ပြောရရင် ကြည့်နေရင်း ဇာတ်ကားထဲမှာ စီးမျောခံစားရင်း ထပ်ပေါင်းစဥ်းစားစရာတွေလဲ အများကြီးပါပါတယ်။ --- ဇာတ်လမ်းအကျဉ်း --- အဲလစ်နဲ့ ဒါလိန်းတို့ သူငယ်ချင်းနှစ်ယောက်က ငယ်ငယ်ကတည်းက အရမ်းချစ်ကြတဲ့ သူငယ်ချင်းတွေပါ။ ဒါလိန်းက အဝေးမှာတက္ကသိုလ်သွား တက်ရတော့မှာမို့ သူငယ်ချင်းနှစ်ယောက် မခွဲခွာခင် ခရီးအတူတူထွက်ဖို့ စီစဥ်ခဲ့ကြတယ်။ Hawaii ကိုသွားမယ်လို့ အိမ်ကိုလိမ်ပြောပြီး ထိုင်းနိုင်ငံရောက်သွားတဲ့ သူငယ်ချင်းနှစ်ယောက် အဲ့မှာ Nick Parks ဆိုတဲ့သူတစ်ယောက်နဲ့ ရင်းနှီးသွားကြတော့.... ဒီလိုနဲ့ ရင်းနှီးလာကြရင်း Nick Parks က ဟောင်ကောင်ကိုအပျော် ခေါ်သွားပေးချင်တယ်ဆိုပြီး အဲလစ်နဲ့ ဒါလိန်းကို ကမ်းလှမ်းလာပါတယ်။ နောက်တော့ လေဆိပ်မှာ မူးယစ်ဆေးတွေ ခိုးသယ်တဲ့အမှုနဲ့ သူငယ်ချင်းနှစ်ယောက် အဖမ်းခံလိုက်ရတဲ့အခါမှာ....... File size… (1.4 GB) / (778 MB) Quality….HEVC / 1080p HEVC / 720p Format…. mkv/mp4 Duration….01:48:00 Genre...Drama, Thriller, Mystery  Subtitle….Myanmar Subtitle (Hardsub) Encoder….Swan Min Htet Translated by Karmt

ဘယ်ကရောက်လာမှန်းမသိတဲ့ ပေ ၃၀ ရှည် မိကျောင်းကြီးတစ်ကောင် ပေါ်လာပြီး လူတွေရဲ့အသက်ကို တဖြည်းဖြည်း ခြိမ်းခြောက်လာပါတယ်။ ဒီလောက်ကြီးမားတဲ့ မိကျောင်းမျိုး မျိုးတုန်းသွားပြီလို့ ယူဆထားကြတာကြောင့် နယူးယောက်က ကျောက်ဖြစ်ရုပ်ကြွင်းပညာရှင် ကယ်လီစကော့လည်း စူးစမ်းချင်စိတ်နဲ့ ရောက်လာတယ်။ ကယ်လီဟာ ဒေသခံတောခေါင်း၊ ရဲမှူးတို့နဲ့ ပူးပေါင်းပြီး မိကျောင်းကြီး ဘယ်ကရောက်လာတာလဲ၊ လူတွေကို ဘာကြောင့် ရန်ပြုနေတာလဲဆိုတာ အဖြေရှာကြပါတယ်။ တစ်ဖက်မှာလည်း လူတွေကို အန္တရာယ်ပေးနေတဲ့ ဒီသတ္တဝါကြီးကို နှိမ်နင်းဖို့ ကြိုးစားကြရတယ်။

Zero Effect (1998) IMDb Rating (6.9) / Rotten Tomatoes (66%) ဒီဇာတ်ကားကတော့ အခုဆိုရင် ဝါရင့်ဒါရိုက်တာတစ်ယောက်ဖြစ်နေပြီဖြစ်တဲ့ Bill Pullman နဲ့ ဝါရင့်ဟာသမင်းသားဖကြီးဖြစ်တဲ့ Ben Stiller တို့က ဇာတ်ဆောင်မင်းသားတွေအနေနဲ့ ပါဝင်သရုပ်ဆောင်ထားတဲ့ Comedy, Crime, Drama genre ဝင် ဇာတ်ကားတစ်ကားတဲ့အတွက် boomers တို့ ဒါမှမဟုတ် ၂၁ ရာစုအစက ဒရာမာတွေကို သဘောကျတဲ့သူတွေအတွက်တော့ ဂွတ်ရှယ်လို့ပြောရမှာပါ။ ဇာတ်လမ်းအကျဉ်း ဒါးရ်လ်ဇီးရိုးလို့အမည်ရတဲ့ ပုဂ္ဂိုလ်က သူ့လောကမှာဆိုရင် ထိပ်တန်းအလွတ်တမ်းစုံထောက်တစ်ယောက်အနေနဲ့ နာမည်ကြီးတဲ့သူပါ။ သူက ဘယ်တော့မှ သူ့ရဲ့သရုပ်မှန်အမည်မှန်ကိုမပြဘဲ သူ့ရဲ့လက်ထောက်ဖြစ်တဲ့ အာလိုကနေပဲတစ်ဆင့် အမှုသည်တွေနဲ့ ဆက်သွယ်စကားပြောပြီး သူတို့ပြဿနာတွေကို အမြန်ဆုံးနဲ့ အသေသပ်ဆုံးဖြေရှင်းပေးနိုင်တဲ့အတွက် နာမည်ကြီးနေတဲ့သူပါ။ ဒါပေမဲ့ ဖြစ်ချင်တော့ ဒါးရ်လ်က သူ့အလုပ်မှာအရမ်းတော်ပေမယ့် social စကေးကလည်းမကောင်း၊ အားတဲ့အချိန်မှာ ရေးတဲ့သီချင်းကလည်း အရမ်းငြီးငွေ့ပြီးဆိုးရွားလွန်းတဲ့အတွက် သူ့လက်ထောက် အာလိုတစ်ယောက် တစ်ခါတစ်လေကျ စိတ်ပျက်နေရသူပါ။ ဒါပေမဲ့ ဒီဇာတ်လမ်းထဲမှာတော့ လူချမ်းသာတစ်ယောက်ကို အမည်မသိပုဂ္ဂိုလ်တစ်ယောက်က ခြိမ်းခြောက်လာပါတယ်။ ဇီးရိုးဟာ ဂရေဂိုရီစတာ့ခ်လို့ခေါ်တဲ့ လူချမ်းသာတစ်ယောက် သူ့ရဲ့လုံခြုံရေးသေတ္တာသော့ပျောက်သွားတဲ့အပြင်မှာ တစ်ချိန်က စတာ့ခ်ရဲ့ ရန်ဘက်တော်ဖြစ်ခဲ့တဲ့ ရာဇဝတ်သားတစ်ယောက်က သူ့ကိုခြိမ်းခြောက်အကြပ်ကိုင်လာတာကို ဖြေရှင်းပေးဖို့ဖြစ်လာပါတယ်။ ဇီးရိုးတစ်ယောက် စတာ့ခ်ရဲ့အမှုကိုဖြေရှင်းပေးတဲ့တစ်လျှောက် ဘယ်လိုအတွေ့အကြုံ အလှည့်အပြောင်းမျိုးစုံနဲ့ ကြုံတွေ့ခဲ့ရလဲဆိုတာကို ဒီဇာတ်ကားထဲမှာ ရသမျိုးစုံနဲ့ ခံစားရမှာပဲဖြစ်ပါတယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (2.6 GB) / (1 GB) Quality…. WEB-Rip 1080p HEVC / 720p Format…. mkv/mp4 Genre…. Comedy, Crime, Drama, Mystery, Romance, Thriller Duration…. 01:57:03 Subtitle…. Myanmar Subtitle (Hardsub) Encoder…. Benjamin Translated by Mark

Lost Highway (1997) ဒီတစ်ခါမှာတော့ 1997 တုန်းကထွက်ရှိခဲ့တဲ့ Horror/Mystery ဇာတ်ကားလေးတစ်ခုကိုတင်ဆက်ပေးလိုက်ပါတယ်။ ဒီဇာတ်ကားကို David Lynch က ဒါရိုက်တာအနေနဲ့ရိုက်ကူးခဲ့ပြီး IMDB rating 7.6/10အထိရရှိထားပါတယ်။ ဇာတ်လမ်းအကျဥ်း ဖရက်မက်ဒီဆင်ဟာ ဆက်ဆိုဖုန်းတီးမှုတ်သူဖြစ်ပြီး ရီနီးဆိုတဲ့ဇနီးမယားလည်းရှိပါတယ်။ တစ်နေ့မှာ သူတို့လင်မယားဆီကို ထူးဆန်းတဲ့ဗီဒီယိုတိပ်ခွေတွေ ရောက်လာပါတယ်။ နောက်ဆုံးဗီဒီယိုတစ်ခုမှာ ဖရက်ကိုယ်တိုင် မိန်းမဖြစ်သူရီနီးကိုအပိုင်းပိုင်းဖြတ်ပြီး သတ်ပစ်တဲ့ဗီဒီယိုပါလာကာ ဖရက်လည်း ကိုယ့်မိန်းမကိုယ်သတ်မှုနဲ့သေဒဏ်ပေးခံရပါတယ်။ ဖရက်ကတော့ သူကိုယ်တိုင်သတ်ခဲ့တာဟုတ်လား မဟုတ်လား ဝေခွဲမရဖြစ်နေပါတယ်။ သေဒဏ်ပေးခံထားရတဲ့ဖရက်ဟာ အကျဥ်းထောင်ထဲမှာနေရင်း ရုတ်ချည်းဆိုသလို ပ​ဟေဠိဆန်ဆန် ထူးဆန်းစွာပဲ ပိထ်ဒေတန်ဆိုတဲ့လူငယ်ကောင်လေးတစ်ယောက်အဖြစ် ရုပ်အသွင်ပြင်ပြောင်းလဲသွားပြီး ဘဝအသစ်တစ်ခုဖြစ်သွားပါတယ်။ ရဲတွေလည်းနားမလည်နိုင်ဖြစ်ပြီး ပိထ်ကိုလွှတ်ပေးလိုက်ရပါတယ်။ ပိထ်တစ်ယောက်ထောင်ကထွက်လာပြီး ဘယ်လိုတွေဆက်ပြီးကြုံတွေ့ရမလဲ ? ပိထ်နဲ့ ဖရက်က ဘယ်လိုပက်သက်စပ်ဆက်နေတာလဲ......စဥ်းစားစရာ မေးခွန်းထုတ်စရာတွေနဲ့ ကြည့်ရှုရမယ့်ဇာတ်ကားလေးပါ။ File size… (1.8 GB) / (900 MB) Quality…. Blu-Ray 1080p HEVC / 720p Format…. mp4 Genre…. Drama, Mystery, Thriller Duration…. 02:15:06 Subtitle…. Myanmar Subtitle (Hardsub)

Independence Day (1996) IMDb.....7.0 မင်းသားကြီး Will Smith ရဲ့ အကောင်းဆုံးရုပ်ရှင်တွေထဲက တစ်ကားဖြစ်ခဲ့တဲ့ Independence Day (1996) ကို ပြန်လည်တင်ဆက်ပေးလိုက်ပါတယ်။ 1996 ခုနှစ်က ရုပ်ရှင်ကားမို့ Graphic တွေကို အထင်မသေးလိုက်နဲ့နော် ယနေ့ခေတ် CGI တွေကို ရင်ဘောင်တန်းနိုင်တဲ့ နည်းပညာတွေနဲ့ ရိုက်ကူးတင်ဆက်ထားတဲ့ ရုပ်ရှင်ကားကောင်း တစ်ကားဖြစ်ပြီး Best Visual Effect Award ရရှိခဲ့တဲ့ကား ဖြစ်ပါတယ်။ ကမ္ဘာမြေကို ဂြိုဟ်သားတွေ သိမ်းပိုက်ဖို့ လာရောက်တိုက်ခိုက်မှုကို အမေရိကန်သမ္မတအနေနဲ့ ဘယ်လို ကာကွယ်မလဲ.. Area 51 အကြောင်းလေ့လာချင်သူတွေအတွက်လည်း Area 51ရဲ့ မြှပ်ကွက်တွေကို တွေ့မြင်ရမဲ့အပြင်... Pilot တစ်ဦးဖြစ်တဲ့ Will Smith အနေနဲ့ရော ဂြိုလ်သားတွေကို ဘယ်လိုပြန်လည်တိုက်ခိုက်မလဲဆိုတာတွေကို သိချင်တယ်ဆိုရင်တော့ အခုပဲ ဝင်ရောက်ကြည့်ရှုလိုက်ဖို့ တိုက်တွန်းလိုက်ပါတယ်။ (ဘာသာပြန်နဲ့ အညွှန်းကိုတော့ Abby မှ ရေးသားထားပေးပါတယ်။) File Size : 3.12GB/ 1.34Gb Quality : Blu-Ray 1080p 5.1 CH/720p Format…mp4 Duration…02:34:00 Genre : Action, Adventure, Sci-Fi Subtitle : Myanmar Subtitle (Hard Sub) Translated by  Abby Encoded by Tiff

Casper 1995 ဒီဇာတ်ကားလေးကတော့ ကပ်စပါ ဆိုတဲ့ လူတွေကိုခင်တက်တဲ့ တစ္ဆေလေးအကြောင်းကာတွန်းကားကို live-action ပြန်ရိုက်ထားတဲ့ ကားလေးဖြစ်ပါတယ်။ ဒီဇာတ်ကားလေးမှာဆိုရင် အ ဓိကဇာတ်ဆောင်ဖြစ်တဲ့ ကပ်စပါကို CGI အပြည့်နဲ့ တစ်ကားလုံးသုံးသွားနိုင်တဲ့ ပထမဦးဆုံး ရုပ်ရှင်ကားတစ်ကားလည်းဖြစ်ပါတယ်။ Budget ၅၅ သန်း အသုံးပြုခဲ့ပြီး ၂၈၇.၉ သန်းပြန်လည်ရရှိခဲ့တဲ့ အောင်မြင်ခဲ့တဲ့ ရုပ်ရှင်ကားလည်းဖြစ်ပါတယ်။ ဒီဇာတ်ကားလေးမှာဆိုရင် ဒေါက်တာဟာဗေးက သူ့သမီးလေးနဲ့အတူ တစ်မြို့ဝင်တစ်မြို့ထွက်နဲ့ လူတွေကိုအနှောက်အယှက်ပေးနေတဲ့ တစ္ဆေတွေကို နောက်ဘဝကူးပြောင်းနိုင်အောင် လိုက်လံကူညီပေးနေပါတယ်။ တနေ့မှာတော့ မိန်း ဆိုတဲ့မြို့က သရဲအရမ်းခြောက်တဲ့ ဝစ်စတပ် ဆိုတဲ့အိမ်ကြီးကိုသွားပြီး သောင်းကျန်းနေတဲ့ သရဲတွေကို နှိမ်နင်းပေးဖို့ အကြောင်းဖန်လာခဲ့ပါတယ်။ အဲဒီအိမ်ကြီးမှာတော့ ကပ်စပါဆိုတဲ့ လူတွေကိုခင်တက်တဲ့ တစ္ဆေလေးအပြင် လူတွေကိုသွေးပျက်မတက် ခြောက်လှန့်တက်တဲ့ တစ္ဆေ ၃ ကောင်လည်းရှိနေပါတယ်။ ေ ဒါက်တာဟာဗေးကပဲ ခြောက်လှန့်တက်တဲ့ တစ္ဆေတွေကို နောက်ဘဝကူးသွားအောင်ကူညီပေးနိုင်မလား တစ္ဆေတွေကပဲ အနိုင်ယူသွားမလားဆိုတာကိုတော့ ဒီဇာတ်ကားလေးကိုကြည့်ကြည့်လိုက်ပါနော်။ ရုပ်ရှင်ကားကို ဘာသာပြန်ပြီး အညွှန်းရေးပေးထားတာကတော့ Jar Jar ဖြစ်ပါတယ်

ရထားဘူတာရုံမှာ အလုပ်လုပ်တဲ့ Lucy ဟာ ဘူတာကို ရထားလာစီးနေကျ အမျိုးသားတစ်ယောက်ကို တိတ်တိတ်လေး သဘောကျနေပါတယ်။ သူ့ဘက်ကသာ ကြိတ်ကြွေနေရပေမယ့် ဟိုဘက်ကတော့ Lucy ရှိနေမှန်းတောင် မသိပါဘူး။ တစ်နေ့မှာ အဲဒီအမျိုးသားဟာ လူရမ်းကားတွေကြောင့် ပလက်ဖောင်းပေါ်ကနေ ရထားသံလမ်းပေါ် ပြုတ်ကျသွားတော့ Lucy က ကယ်တင်ပြီး ဆေးရုံပို့ပေးလိုက်တယ်။ သူက ကိုမာဝင်နေပြီး မိသားစုဝင်တွေ ဆေးရုံရောက်လာတဲ့အခါ Lucy ကို သူတို့ရဲ့ချွေးမလောင်းလို့ အထင်မှားသွားကြပါတယ်။ Lucy မှာလည်း အဖြစ်မှန်ကို ရှင်းပြချိန်မရလိုက်ဘဲ ကိုယ်တိတ်တိတ်လေး သဘောကျနေသူရဲ့ မိသားစုကြားမှာ မထင်မှတ်ထားတဲ့ အခြေအနေတစ်ခုနဲ့ ကြုံလာရတော့တယ်။ Sandra Bullock ပါဝင်သရုပ်ဆောင်ထားတဲ့ အချစ်ဟာသဇာတ်ကားပါ။

အမေရိကအနောက်ဖက်ပိုင်းမှာ နယ်မြေတည်ဆောက်နေဆဲဖြစ်ခဲ့တဲ့ကာလ၊ လူမှုရေး၊ စီးပွားရေးစတဲ့ ဘယ်အရေးမှ အတည်တကျမရှိသေးချိန် အရာရာဗရုတ်ကျဆဲပဲ ရှိနေချိန်မှာ ဝိုင်ရတ်ဒ်အပ်က ဥပဒေသားတစ်ယောက်အနေနဲ့ ရှင်သန်နေထိုင်ခဲ့ပါတယ်။ အစိုးရအနေနဲ့ နယ်မြေစိုးမိုးနိုင်စွမ်းကောင်းကောင်းမရှိသေးခဲ့ချိန်မှာ ဝိုင်ရတ်ဒ်အပ်တို့ ညီအစ်ကိုတစ်သိုက်ရဲ့ တွမ့်စတုံးဆိုတဲ့ ဒေသမှာ လွှမ်းမိုးထိန်းချုပ်မှုနဲ့ ငြိမ်းချမ်းမှုကို ဖော်ဆောင်ဖို့ လုပ်ဆောင်တာတွေကို မြင်တွေ့ရနိုင်ပါတယ်။ သိပ်ဗရုတ်ကျခဲ့တဲ့ အမေရိကန် အနောက်ပိုင်းဒေသတစ်နေရာမှာ ဥပဒေဖော်ဆောင်တဲ့သူတစ်ဦးအနေနဲ့ ဝိုင်ရတ်ဒ်အပ်ရဲ့ လုပ်ဆောင်ချက်တွေဟာ သိပ်ကိုပြောင်မြောက်ခဲ့ပုံပါပဲ။ ကောင်းဘွိုင်ဆိုသူတွေနဲ့ ဥပဒေသားတွေကြား ကြီးကြီးမားမားဖြစ်ပျက်ခဲ့တဲ့ O.K Corral ဆိုတဲ့ သေနတ်တွေနဲ့ ပစ်ကြခတ်ကြတဲ့ဖြစ်စဥ်မှာ ပါဝင်နေခဲ့တာကလည်း ဝိုင်ရတ်ဒ်ကို ပိုပြီးတော့တောင် အသိအမှတ်ပြု သတိထားမိလာစေခဲ့တာ ဖြစ်ခဲ့ပါလိမ့်မယ်။ (၁၉၉၄)ခုနှစ်မှာ ထွက်ရှိခဲ့တဲ့ သမိုင်းနောက်ခံဇာတ်လမ်း “Wyatt Earp” ကို ကြည့်လိုက်မယ်ဆိုရင်တော့ အဲ့ဒီခေတ် အဲ့ဒီ့အခါတုန်းက အခြေအနေတွေနဲ့၊ လူနေမှုပုံစံ၊ လူနေမှုစံနှုန်းတွေကို မြင်တွေ့ရနိုင်ပြီးတော့ ဝိုင်ရတ်ဒ်ဆိုတဲ့ လူတစ်ယောက်အကြောင်းကိုလည်း တီးမိခေါက်မိရှိသွားကြမှာ အသေအချာပါပဲ။ လွယ်မနေခဲ့တဲ့ လူနေမှုပုံစံတွေကြား အပ်စ်တွေရဲ့ ဘဝတစွန်းတစကိုလည်း စိတ်ဝင်စားဖွယ် ကြည့်ရှုခံစားနိုင်မှာပဲ ဖြစ်ပါတယ်။ သမိုင်းဇာတ်ကြောင်းဇာတ်ကားဆိုပေမယ့်လည်း ကောင်းဘွိုင်တွေ လက်ထဲက သေနတ်တွေနဲ့ သူတို့တွေကြားက တိုက်တာခိုက်တာတွေကို ရင်တထိတ်ထိတ် ကြည့်ရှုနိုင်မယ့်အပြင် ဇာတ်ကောင်တွေရဲ့ စိတ်ခံစားချက်တွေ၊ ခံယူချက်တွေကိုလည်း ခံစားလို့ရနိုင်မယ့် ဇာတ်ကားကောင်းတစ်ကောင်းပဲ ဖြစ်ပါတယ်။ File size…(3.5 GB)/(1.7 GB) Quality….BluRay 1080p / 720p Format… mp4 Duration…. 03:11:00 Genre... Adventure, Biography, Drama, Western Subtitle….Myanmar Subtitle (Hardsub) Encoder….Garfield Translated by Doros

IMDb Rating (7.1) / Rotten Tomatoes (94%) ဒီဇာတ်ကားက Neo-Noir Crime ပုံစံပါ...Erotic Thriller လဲ ဟုတ်တယ်... ဇာတ်လမ်းဇာတ်ကွက် အလှည့်အပြောင်းတွေက ပြင်းထန်တာကြောင့် ညွှန်းလိုက်တာနဲ့ Spoiler ဖြစ်စေနိုင်တာမို့ ဇာတ်ကြောင်းကို ဘာမှမညွှန်းချင်ပါ။ Rating တွေကြည့်လိုက်တာနဲ့ အမိုက်စားဇာတ်ကားဆိုတာတော့ မငြင်းနိုင်ပါဘူး။ ယောကျ်ားတွေကြောက်တဲ့ ရုပ်ရှင်တွေထဲက မိန်းမတွေရှိကြတယ်မလား... 500 Days of Summers ထဲက ဆမ်းမားတို့....Gone Girl ထဲက အေမီတို့လေ... အဲ့ဒီစာရင်းထဲကို ဒီဇာတ်ကားထဲက ဘရစ်ဂတ်ဆိုသူလေးကိုပါ ထပ်တိုးဖြည့်လိုက်ပါ။ မိန်းမတို့မာယာ သမုဒ္ဒရာလို နက်ရှိုင်းရုံတင်မကဘူး..မွန်းကြပ်သေတတ်သေးတယ်။ File size…(1.8 GB ) / (999 MB) Quality…BluRay 1080p / 720p Format…mp4 Duration….01:50:00 Subtitle….Myanmar Subtitle (Hardsub) Encoder….Nyeinsaeya Aung Translated by Sai Thurein Lynn

ဂျက်သည် ၆ နှစ်ကြာမျှ ကွယ်ပျောက်ပြီးမှ ရွာသို့ပြန်ရောက်လာသည်....ထောင်ကျနေသသဖြင့် ပျောက်ကွယ်နေရခြင်းဖြစ်သည်ဟု သူကပြောပြသည်....သူ့ဇနီးနှင့် ကလေးဖြစ်သူက ဂျက်ကို အံအားသင့်စွာဖြင့်ကြိုဆိုကြသည်....ဂျက်ကိုသဘောကျသည်ဖြစ်စေ သဘောမကျသည်ဖြစ်စေ တစ်ရွာလုံးကတော့ ဝိုင်းဝန်းကြိုဆိုကြသည်.... ဒီနေရာမှာ ဘာထူးထူးဆန်းလာလဲဆိုတော့ ဂျက်ရှိစဉ်ကထဲက မွေးထားတဲ့ခွေးက စိမ်းစိမ်းကားကား ထိုးဟောင်ခဲ့တယ်...ပြီးတော့ ဖိနပ်ဆိုင်မှာ ဖိနပ်ချုပ်တော့လည်း ဖိနပ်အတိုင်းကို မှတ်မိနေတဲ့ဆိုင်ရှင်က ဆိုက်သေးသွားတယ်နော်လို့မှတ်ချက်ချပြန်တယ်.... ဂျက်ရှိစဉ်ကထဲက သေဆုံးတဲ့သူတစ်ယောက်ရှိတယ်..ဒါကိုလည်းစကားမှားပြီးပြောမိပြန်တယ်....သူဟာ ဂျက်နဲ့တထေရောထဲတူတဲ့သူဖြစ်ပေမယ့် ဂျက်အတုလား အစစ်လား တကယ့်ကို ဝေခွဲရခက်ပါတယ်... ဒီကားနဲ့ပတ်သက်ပြီးဇာတ်ကြောင်းက ဒီလောက်ပဲပြောပါရစေ...အတွေးပေါင်းများစွာနဲ့ လှပသောရုပ်ရှင်ကြောင့် ခံစားမှှုသီးခြားကမ္ဘာထဲကို ပို့ဆောင်ပေးတဲ့ကားမျိုးမို့ပါ... ဒီကားဟာ ရစ်ချက်ဂီယာနဲ့ မင်းသမီးကြီး ဂျိုဒီဖော့်စ်စတာတို့ အဓိကသရုပ်ဆောင်ထားပါတယ်.. ရစ်ချက်ဂီယာလို့ မသိကြပေမယ့် Pretty Woman ဇာတ်ကားနဲ့ ကျွန်တော်တို့မြန်မာပရိတ်သတ်တွေရင်းနှီးကြမှာပါ...ဒီကားကိုကြည့်ရင် ဂျက်ရဲ့အပြုအမူ လုပ်ကိုင်ဆောင်ရွက်ပုံတွေ စကားပြောပုံတွေကို အသေးစိတ်ဂရုစိုက်ကြည့်စေချင်တယ်... ဂျက်ဘာကြောင့်ဒီလိုလုပ်တာလဲ..ဘာဖြစ်လို့ ဒီလိုလမ်းတွေကိုရွေးချယ်ခဲ့တာလဲ... ဇာတ်ကားကြည့်ပြီးတဲ့အချိန်မှာ ခင်ဗျားတို့ကို အတွေးပေါင်းများစွာ ချန်ပေးခဲ့လိမ့်မယ်... ဂျက်လုပ်တာမှန်ရဲ့လား....ငါသာဆိုရင် ဒီလမ်းကိုရွေးချယ်နိုင်ပါ့မလား.... တခြားရွေးချယ်စရာတစ်ခုဆိုရင်ရော အဆင်ပြေနိုင်ပါ့မလား...ဆိုတာမျိုးတွေပေါ့... ခံစားကြည့်ကြပါ....ခင်ဗျားတို့ နှလုံးသားကို မဖမ်းစားနိုင်ဘူးဆိုရင် သေချာတယ် ခင်ဗျားတို့နှလုံးသားဟာ ကျောက်သားတွေနဲ့ဖွဲ့စည်းထားလို့ပါပဲ.... File Size : (1.07GB) and (377 MB) Quality : Blu-Ray 720p Format…mp4 Duration…01:54:00 Genre : Mystery, Drama, Romance Subtitle : Myanmar Subtitle (Hard Sub) Translated by Initiative Encoded by Phyo Pyae

ထရေစီ (Nicole Kidman) နဲ့ အန်ဒီ (Bill Pullman) တို့ဟာ အချစ်တွေလျှံနေသေးတဲ့ သာမန် ပညာတတ်လူရည်မွန် ဇနီးမောင်နှံဖြစ်ကြပါတယ်။ ငယ်ရွယ်ချောမောတက်ကြွပြီး ပျော်ပျော်နေတတ်တဲ့ ထရေစီဟာ ကောလိပ်မှာလက်ထောက်ဌာနမှူးဖြစ်သူ အန်ဒီရဲ့ တပည့်ကျောင်းသူဖြစ်ခဲ့ဖူးသူလေးပါ။ တစ်ပတ်မှာ ငါးရက်လောက် ဆေးရုံရဲ့ ကလေးအထူးကုဌာနမှာ လုပ်အားပေးနေသူ ကျောင်းသူ ထရေစီရယ်၊ အနှစ်၁၀၀လောက် သက်တမ်းရှိနေတဲ့ ဝိတိုရိယခေတ်လက်ရာ အိမ်အိုကြီးမှာနေပြီး သမိုင်းဝင်အိမ်ဆိုတဲ့အပေါ်ဂုဏ်ယူနေတတ်တဲ့ ကျောင်းဆရာအန်ဒီတို့ဟာ အိမ်အတွက် အခြေခံလိုအပ်တဲ့ ပြင်ဆင်စရိတ်ကိုတောင် မတတ်နိုင်ကြတဲ့ လူလတ်တန်းစားဇနီးမောင်နှံပေါ့။ ဒါပေမယ့် “အသက်တစ်ရာ မနေရ၊ အမှုတစ်ရာပွေရ”ဆိုတဲ့ ဆိုရိုးရှိတယ်မလား။ အန်ဒီအလုပ်လုပ်တဲ့ကောလိပ်မှာ မုဒိမ်းမှုတွေကို ဆက်တိုက်ကျူးလွန်နေသူ တရားခံတစ်ယောက်ပေါ်ပေါက်လာပြီး တိုက်ခိုက်ခံရသူကျောင်းသူတွေမှာ ထိခိုက်ဒဏ်ရာရ အသက်သေဆုံးတဲ့အထိဖြစ်လာကြတယ်။ တစ်ဖက်မှာလည်း ထရေစီအလုပ်လုပ်နေတဲ့ ဆေးရုံကို ဂျက်ဒ် (Alec Baldwin)ဆိုတဲ့ ခွဲစိတ်ဆရာဝန်ပြောင်းလာခဲ့ပြီး အန်ဒီနဲ့တွေ့ဆုံခဲ့ကြတယ်။ အထက်တန်းကျောင်းနေဘက်တွေ ဖြစ်ခဲ့ကြလို့ အန်ဒီကဝမ်းပမ်းတသာရှိလှပေမဲ့ ထက်မြတ်ပြီးမောက်မာတဲ့ အတွက် ဂျက်ဒ်ကို ထရေစီကတော့ မျက်စိဆံမွှေးစူးစရာအဖြစ်ပဲမြင်ခဲ့ပါတယ်။ တစ်ရက်မှာတော့ အန်ဒီဟာ မုဒိမ်းမှုတွေအတွက် သံသရှိသူစာရင်းဝင်အဖြစ် ရဲစခန်းမှာသွားရောက်အစစ်ဆေးခံခဲ့ရသလို ထရေစီရဲ့ အရေးပေါက်ခွဲစိတ်ကုသမှုတစ်ခုအတွက် အုပ်ထိန်းသူအနေနဲ့သဘောတူပေးလိုက်ရာမှာ မှားယွင်းခွဲစိတ်မှုဖြစ်သွားတဲ့အတွက် ထရေစီရဲ့ နာနာကျည်းကျည်းလမ်းခွဲမှုကိုပါ ကြုံလိုက်ရတယ်။ ခွဲစိတ်ပေးခဲ့တဲ့ သူငယ်ချင်းဖြစ်သူဂျက်ဒ်မှာ တရားစွဲခံခဲ့ရရင်း အန်ဒီတစ်ယောက် မမျှော်လင့်ထားတဲ့ အမှန်တရားတွေ သိလာရဖို့ဖြစ်လာပါတော့တယ်။ File size…(2.5 GB)/(1.1 GB) Quality….Blu-Ray 1080p / 720p Format… mp4 Duration…. 01:47:00 Genre... Crime, Mystery, Thriller Subtitle….Myanmar Subtitle (Hardsub) Encoder….Garfield Translated by Khatar Aung

ဆမ်ဟာ ချစ်ရတဲ့ဇနီး ဆုံးပါးသွားပြီးနောက် သားလေး ဂျိုနာနဲ့အတူ ကျန်ရစ်ခဲ့သူပါ။ နေထိုင်ရာ ချီကာဂိုမြို့မှာ ဘယ်နေရာသွားသွား ဇနီးကိုပဲ သတိရနေမိတာကြောင့် အဲဒီအတွေးတွေကနေ ဝေးနိုင်ဖို့ ဆီယာတယ်မြို့ကို ပြောင်းလာခဲ့တယ်။ ဒါပေမယ့် မြို့သစ်ရောက်လာလည်း ဆမ်ရဲ့ပူဆွေးမှုက မလျော့သွားပါဘူး။ အဖေ့ကို ဒီလိုမြင်နေရတဲ့ ဂျိုနာက စိတ်ပညာအကြံပေး ရေဒီယိုအစီအစဉ်တစ်ခုဆီ ဖုန်းဆက်လိုက်ပါတယ်။ သူတောင်းတဲ့အကူအညီကတော့ အဖေ့အတွက် ဇနီးအသစ် ရှာပေးဖို့ပါ။ အစီအစဉ်မှာ ဖုန်းဖြေကြားပေးနေတဲ့ ဆရာဝန်က ဂျိုနာကို အဖေ့ဆီ ဖုန်းပေးခိုင်းပြီး ဆမ်နဲ့ ဆွေးနွေးစကားပြောဖြစ်သွားတယ်။ Tom Hanks အဓိကပါဝင်ထားတဲ့ အချစ်၊ ဒရာမာနဲ့ ဟာသရောစပ်ထားတဲ့ ဇာတ်ကားဖြစ်ပြီး အော်စကာဆုနှစ်ဆုအတွက် ဆန်ကာတင်စာရင်း ဝင်ခဲ့သလို တခြားဆုတွေလည်း ရရှိခဲ့ပါတယ်။ မူရင်းအညွှန်းမှာ ဇာတ်ကားထဲက သီချင်းတွေကိုလည်း ထည့်သွင်းဖော်ပြထားပါတယ်။