Cha In-pyo ပါဝင်သော ဇာတ်ကားများ

Family: The Unbreakable Bond(2023) အပိုင်း( ၁ မှ  ၁၂) ထိ စ/ဆုံး ဒိုဟွန်းဆိုတဲ့ဘဲကြီးတစ်ပွေဟာ စတော့ကုမ္ပဏီတစ်ခုမှာအလုပ်လုပ်တယ်.. ချစ်စရာသမီးလေးလည်းရှိသလို ဇနီးချောလေးလည်းပိုင်ဆိုင်ထားတယ်.. ပျော်ပျော်နေတတ်တဲ့မိသားစုမို့ ရပ်ကွက်ထဲမှာလည်းခင်မင်သူတွေအတော်များပါတယ်... တကယ်တော့ ဒိုဟွန်းဟာ လျှို့ဝှက်အေးဂျင့်တစ်ယောက်ဖြစ်ပြီး စနိုက်ပါပစ်ခတ်ရာမှာ အထူးကျွမ်းကျင်တဲ့အတွက် ဒိတ်ဒိတ်ကျဲလူဆိုးတွေကို တိတ်တဆိတ်သုတ်သင်ရတဲ့အလုပ်ကိုလုပ်ပါတယ်.. ဒီအကြောင်းကို ဇနီးဖြစ်သူတောင် မသိရှာပါဘူး.. သူဘယ်လိုပဲ လျှို့ဝှက်စွာ နေထိုင်နေပါစေ..သူသုတ်သင်ခဲ့ရတဲ့ လူဆိုးဘုရင်ကြီးတွေနဲ့ နစ်နာခဲ့တဲ့ရန်သူတွေကတော့ သူ့ကိုလိုက်ရှာပြီး ဗျင်းဖို့ ကြံရွယ်လာတဲ့အခါမှာတော့.... Aired:Apr 17, 2023 - May 23, 2023 Aired On: Monday, Tuesday Genres: Action, Thriller, Comedy, Drama Duration: 70mins Episodes: 12 Original Network: TVING, tvN File Size: 1080p(~850MB) , 720p(~300MB) Translated by Eric,Shoon,  Hay Thar Oo  & Miri Encoded by Phyo Pyae

Honey Sweet (2023) အသက် ၄၀ ကျော်မှ ဘဝစကြမယ့် သဲသဲကဲကဲအတွဲလေးအကြောင်း ရိုက်ကူးထားတဲ့ ဇာတ်လမ်းလေးကို တင်ဆက်ပေးပါဦးမယ်နော် ချာချီဟိုဟာ အဆာပြေမုန့်တီထွင်တဲ့သုတေသနပညာရှင်ပါ.. တစ်ယောက်တည်း အချိန်ဇယားကြီးနဲ့ ဖြတ်သန်းနေတဲ့ လူပျိုသိုးကြီးဆိုလည်း မမှားပါဘူး အဲလိုလူပျိုကြီးကို ရင်ခုန်အောင်လုပ်သွားတာတော့ အီအီးလ်ယောင်းဆိုတဲ့ အမျိုးသမီးလေးပါ၊ သူတို့နှစ်ယောက်ရဲ့ တွေ့ဆုံမှုကနေ တစ်ဆင့်ချင်းတက်သွားတဲ့ပုံစံကို နည်းနာယူရင်း... အသက် ၄၀ ကျော်မှ ကလိကလိဖြစ်အောင် လုပ်ပေးသွားမယ့် အတွဲကတော့ ဘယ်လိုတွေရိုကြမလဲဆိုတာ ကြည့်ရမှာပဲဖြစ်ပါတယ် မင်းသားကြီး Yu Hae Jin နဲ့ မင်းသမီးကြီး Kim Hee Seon တို့လို အထင်ကရသရုပ်ဆောင်တွေပါဝင်ထားတာဆိုတော့ အပန်းပြေစေမယ့် ရုပ်ရှင်လေးဖြစ်လို့ ကြည့်လိုက်ကြပါဦးနော် အညွှန်းကိုတော့ Joyz က ရေးထားပေးပြီးတော့ ဘာသာပြန်ထားတာကတော့ Joyz & Hmwe ပဲ ဖြစ်ပါတယ်။ Genre..... Comedy Quality…. 1080p | 720p File size…1.2GB | 547MB Format… mp4 Duration…. 1h 58min Subtitle…. Myanmar Subtitle (Hardsub) Translator ..... Joyz & Hmwe Encoder ..... Aaron

What Happened to Mr. Cha? (2021) ဒီတစ်ခေါက်မှာတော့ ပရိသတ်ကြီးတို့အတွက် ၂၀၂၁ခုနှစ်မှာထွက်ရှိခဲ့တဲ့ ဟာသကားလေးတစ်ကားနဲ့ မိတ်ဆက်ပေးချင်ပါတယ်... ဒီကားလေးမှာတော့ The Flu, The Tower တို့မှ မင်းသားကြီး Cha In pyo, All of us are deadထဲမှ Cho Dal Hwanနဲ့ Search WWWထဲမှ Ji Seung-hyunတို့အပြင် တခြားနာမည်ကြီး သရုပ်ဆောင်များလည်း ပါဝင်ပါတယ် ။   ချာအင်ဖြိုဟာ ယခင်က အရမ်းကို ရေပန်းစားခဲ့တဲ့ နာမည်ကြီးသရုပ်ဆောင်တစ်ဦးအဖြစ် ဂုဏ်ပုဒ်တွေအများကြီးနဲ့ ကျော်ကြားနေခဲ့ပြီး .. စန်းကျသွားတဲ့အခါ ကိုယ့်ထက်အောင်မြင်တဲ့သူတွေနဲ့အမှီလိုက်ဖို့ ကြိုးစားနေရတဲ့ မင်းသားကြီးတစ်ယောက်ဖြစ်ပါတယ် ။ တစ်နေ့မှာတော့ အခြားသောနာမည်ကြီးသရုပ်ဆောင် ၃ယောက်နဲ့အတူတွဲလုပ်ရမဲ့ talk showတစ်ခုကိုကမ်းလှမ်းခြင်းခံခဲ့ရပါတယ်... ပြန်လည်အောင်မြင်ဖို့ မျှော်လင့်ချက်လေးနဲ့ ပျော်ရွှင်နေတဲ့အချိန်မှာ မထင်မှတ်တဲ့ မတော်တဆမှုကြောင့်  ရေချိုးနေတုန်း အဝတ်ဗလာနဲ့ အဆောက်အဦ ပြိုကျတဲ့ထဲပါသွားပြီး ဘယ်လိုတွေ လွဲချော်ကုန်တယ်ဆိုတာကို ဟာသဆန်ဆန် ရယ်ရအောင် ရိုက်ကူးပြသထားတဲ့အပြင် ရုပ်ရှင်သရုပ်ဆောင်တစ်ယောက်ရဲ့ တကယ်လက်တွေ့ ဘဝပုံစံကိုပါ ဖော်ပြထားတာကြောင့် အချိန်ကုန်ရကျိုးနပ်စေမယ့် ရုပ်ရှင်ကားတကားမို့လို့ ကြည့်ဖြစ်အောင်ကြည့်ဖို့ ညွှန်းလိုက်ပါရစေ ။ File size…1.68GB / 857MB Quality… WEB-DL 1080p/ 720p Format…mp4 Duration….1 hr. 46 min. Genre ….. Comedy, Drama Subtitle….Myanmar Subtitle (Hard Sub)

D-Day (2015) အပိုင်း (၁ မှ ၂၀) စ/ဆုံး အင်အား ၆.၅ မဂ္ဂနီကျု ပြင်းအားရှိတဲ့ ငလျင်ကြီးတစ်ခုက ဆိုးလ်မြို့ကြီးကို လှုပ်ခတ်သွားတဲ့အခါ အပျက်အစီးတွေကြားထဲကနေ လူနာတွေအပေါ် ကိုယ်ကျိုးစွန့် ကယ်တင်ပေးခဲ့တဲ့ ဆရာဝန်တွေနဲ့ မီးသတ်သမားတွေအကြောင်း ရိုက်ကူးထားတဲ့ D-Day ဆိုတဲ့ Disaster Medical Drama စီးရီးလေးနဲ့ မိတ်ဆက်ပေးပါမယ် .. ဒီကားထဲမှာတော့ The Haunted Palace, Trigger တို့ထဲက မင်းသား Kim Young Kwang, Would You Marry Me ထဲက မင်းသမီး Jung So Min နဲ့ Blind ထဲက မင်းသား Ha Seok Jin တို့ အဓိက ပါဝင်ထားကြပါတယ်။ ဇာတ်လမ်းအကျဉ်းကတော့ .. Lee Hae Sung (Kim Young Kwang)ဟာ အမိန့်မနာခံတာကြောင့် ဆိုးလ်မှာ ရှိတဲ့ နာမည်ကြီးဆေးရုံကနေ နယ်ဘက်က ဆေးရုံတစ်ခုကို ပြောင်းရွှေ့ခံရတဲ့ အရေးပေါ်ဌာနက ထူးချွန်တဲ့ ဆရာဝန်တစ်ဦး ဖြစ်ပါတယ်။ Jung Ddol Mi (Jung So Min)ကတော့ ဘူဆန်ကနေ ဆိုးလ်ဘက်ကို လူနာတစ်ယောက်ကို ပြောင်းပေးဖိုအတွက် ရောက်ရှိနေတာဖြစ်ပြီး သူမကို ငယ်စဉ်က ကယ်တင်ပေးခဲ့ဖူးတဲ့ ကျေးဇူးရှင် ပါမောက္ခ Han Woo Jin (Ha Seok Jin)နဲ့ တွေ့ဖို ကြိုးစားခဲ့ပေမဲ့ တွေ့ခွင့်မရဘဲ .. ဆိုးလ်မှာ အင်အားပြင်ထန်တဲ့ငလျင်ကြီးတစ်ခု လှုပ်ခတ်တာကို ကြုံခဲ့ရပြီး ပိတ်မိသွားခဲ့ပါတယ်။ ငလျင်ကြောင့် ဖုန်း၊ အင်တာနက်၊ လျှပ်စစ်မီး ဘာတစ်ခုမှ မရတော့ဘဲ တစ်မြိုလုံး ပျက်စီးသွားပြီး အရေးပေါ်ကယ်ဆယ်ရေးလည်း မရနိုင်တဲ့ အခြေအနေဖြစ်သွားပါတော့တယ်။ အမိန့်မနာခံတတ်ဘဲ လူနာကို ကုသဖိုအတွက်သာ အဓိကထားတဲ့ အရေးပေါ်ဌာနက ဆရာဝန် Lee Hae Sung, နာမည်ကြီးခွဲစိတ်ဆရာဝန် Han Woo Jin, ရည်မှန်းချက်ကြီးမားတဲ့ အရိုးအထူးကုဆရာဝန်မလေး Jung Ddol Mi တို ၃ ယောက် ပူးပေါင်းပြီး ထိခိုက်ဒဏ်ရာရသူတွေရဲ့ အသက်ကို ဘယ်လို ကယ်တင်ကြမလဲ။ တစ်ဖက်မှာလည်း အကျိုးအမြတ်ကိုသာ ကြည့်တတ်တဲ့ ဆေးရုံအုပ်နဲ့ သူတို ၃ ယောက်ကြားမှာ ဘယ်လိုပဋိပက္ခတွေ ဖြစ်လာမလဲဆိုတာ သည်းထိတ်ရင်ဖို ကိုယ်တိုင် ကြည့်ရှုလိုက်ကြပါဦးနော် .. ။ Episodes: 20 Aired: Sep 18, 2015 - Nov 21, 2015 Aired On: Friday, Saturday Original Network: jtbc Genres: Disaster, Survival, Earthquake, Medical Drama

တရုတ်၊ ဖိလစ်ပိုင်နဲ့ တခြားနိုင်ငံတွေကနေ ကိုရီးယားကို လူတွေ တရားမဝင်ပို့ဆောင်လာတဲ့ ကွန်တိန်နာတစ်လုံးပေါ်မှာ ဗိုင်းရပ်စ်ပိုး ပါလာပါတယ်။ အလုံပိတ်ကွန်တိန်နာက တောင်ကိုရီးယားဆိပ်ကမ်းကို ရောက်လာတဲ့အချိန်မှာ ခရီးကြာချိန် ကိုးရက်ရှိသွားပါပြီ။ အဲဒီကနေ ဗိုင်းရပ်စ်ဟာ ဘူဒန်မြို့ထဲကို ရောက်လာပါတော့တယ်။ ဒီရောဂါဘေးအကြားက အဖြစ်အပျက်တွေကို ကယ်ဆယ်ရေးအဖွဲ့ဝန်ထမ်း ကန်ဂျီဂူး၊ ရောဂါရှာဖွေရေးဘက်က ကင်အင်ဟေးနဲ့ သူမရဲ့သမီး ကင်မီရီတို့ကို အဓိကထားပြီး ပြောပြထားပါတယ်။

The Tower (2012) အခုတစ်ခေါက်တင်ဆက် ပေးမှာကတော့ action, drama အမျိုးအစား ဇာတ်ကားလေးဖြစ်တဲ့အပြင် ဟယ်လီကော်ပတာ ပေါက်ကွဲရာမှာ ဖြစ်ပေါ်ခဲ့တဲ့ အဆင့်မြင့် ဇိမ်ခံတိုက်ခန်း မီးလောင်မှုအကြောင်း ရိုက်ကူးထားတဲ့ Survival ဇာတ်ကားကောင်းလေး ဖြစ်ပါတယ်။ သရုပ်ဆောင်တွေအနေနဲ့ မင်းသားကြီး Sul Kyung Gu, မင်းသမီး Son Ye jin, မင်းသား Kim Sang Kyung တို့နဲ့အတူ အခြားသရုပ်ဆောင်ပေါင်းများစွာ ပါဝင်ထားပါတယ် ။ ဇာတ်လမ်းအကျဉ်း အီဒယ်ဟို (Kim Sang Kyung) ဟာ အထပ် ၁၂၀ မြင့်တဲ့ “ကောင်းကင်”မိုးမျှော်တိုက်မှာ ထိန်းသိမ်းရေးအဖွဲ့မှူးအနေနဲ့ အလုပ်လုပ်နေတဲ့ တစ်ကိုယ်တော် ဖခင်တစ်ဦးဖြစ်ပါတယ်။ သူက အဲဒီမှာ အတူလုပ်ကိုင်နေတဲ့ တာဝန်ခံမန်နေဂျာ ဆောယွန်းဟီး (Son Yejin) ကိုလည်း သဘောကျနေသူပါ။ ခရစ္စမတ်အကြိုနေ့ည ပါတီမှာ သမီးဖြစ်သူ အီဟာနာကို နှင်းကျတာ ပြဖို့အတွက် “ကောင်းကင်”မိုးမျှော်တိုက်ဆီ ခေါ်ခဲ့ပြီး နှင်းမကျတဲ့ထူးထူးဆန်းဆန်းခရစ်စ်မတ်စ်ပွဲဖြစ်နေတာကြောင့် Tower Sky ဟာ ပါတီတက်သူတွေကို ဟယ်လီကော်ပတာနှစ်စီးနဲ့ နှင်းတွေကြဲချစေပြီး ပါတီကို ပြည့်စုံစေခဲ့ပါတယ်။ ဒါပေမဲ့ ကံဆိုးစွာနဲ့ပဲ အားလုံးမမျှော်လင့်ထားတဲ့ မတော်တဆမှုတစ်ခု ဖြစ်ပွားခဲ့ပါတယ်။ နှင်းအတုတွေ ကြဲချပေးတဲ့ ဟယ်လီကော်ပတာ ပေါက်ကွဲကာ .. မိုးမျှော်တိုက်ကို လာထိပြီး မီးလောင်မှု အကြီးအကျယ်ဖြစ်ပေါ်ရာမှာတော့ .. မိုးမျှော်တိုက်ထဲမှာ ပိတ်မိနေတဲ့ များပြားလှတဲ့နေထိုင်သူတွေ ဧည့်သည်တွေကို မီးသတ်သမား ခေါင်းဆောင် ဂန်ယောင်းဂီ (Sul Kyung Gu) ဦးဆောင်တဲ့ ယောအွီဒိုမီးသတ်အဖွဲ့နဲ့ အဖွဲ့မှူး အီဒယ်ဟိုတို့က သက်စွန့်ဆံဖျား ဘယ်လိုများ ကယ်တယ်လုပ်ဆောင်သွားမလဲ .. ဘယ်လိုထိခိုက်နစ်နာမှုတွေ ဖြစ်လာမလဲဆိုတာကို .. သဘာဝဘေးအန္တရာယ်ဇာတ်ကားတစ်ကားကို ကြည့်နေရတဲ့အတိုင်း ရင်တလှပ်လှပ်နဲ့ ရင်ခုန်စိတ်လှုပ်ရှားစွာကြည့်ရှုရမှာဖြစ်ပြီး လူသားချင်းစာနာမှုကို ဦးစားပေးရိုက်ပြထားတဲ့ ကြည့်လို့တန်မယ့်ကားကောင်းတစ်ကားပဲဖြစ်ပါတယ်။ File size…1.91GB / 848MB Quality… BluRay 1080p/ 720p Format…mp4 Duration….2h 02m Genre ….. Action, Thriller, Comedy, Drama Subtitle….Myanmar Subtitle (Hard Sub)

Big Thing (2010) အပိုင်း (1 မှ 24) စ/ဆုံး Tempest လိုမျိုး အမျိုးသမီးသမ္မတ ဇာတ်လမ်းတွဲ ကောင်းကောင်းလေးတွေကို ကြည့်ချင်တဲ့သူတွေအတွက် ၂၀၁၀ တုန်းက ထွက်ရှိခဲ့တဲ့ Big Thing ဆိုတဲ့ ဇာတ်လမ်းလေးကို တင်ဆက်ပေးလိုက်ပါတယ်။ အဓိကသရုပ်ဆောင်တွေအနေနဲ့ မကြာသေးခင်က ထွက်ရှိခဲ့တဲ့ Queen Mantis၊ Mask Girl ထဲက မင်းသမီး Go Hyun Jung နဲ့ Stairway to Heaven၊ Hitman: Agent Jun ရုပ်ရှင်ထဲက မင်းသား Kwon Sang Woo တို့က အဓိကပါဝင်ထားပါတယ်။ ဇာတ်လမ်းအညွှန်း သတင်းကြေညာသူအဖြစ်နဲ့ အခွင့်အလမ်းကောင်းတွေရှိနေတဲ့ ဆောဟယ်ရင်း (Go Hyun Jung) ဟာဆိုရင် အမျိုးသားရယ်၊ သားလေးရယ်နဲ့အတူတူ ဘဝကို ဖြတ်သန်းနေသူဖြစ်ပါတယ်။ ဟာဒိုယာ (Kwon Sang Woo) ကတော့ အထက်တန်းကတည်းက ဆောဟယ်ရင်းမျက်နှာသာ ကြည့်လာခဲ့ပြီး တောက်လျှောက်ဆိုးသွမ်းလာပြီးမှ ဆောဟယ်ရင်းကြောင့်သာ အမှုစစ်ဖြစ်တဲ့အထိ ကြိုးစားခဲ့တဲ့သူပါ။ တစ်နေ့ ရုပ်သံလွှင့်ဌာနကနေပြီး ဆောဟယ်ရင်းရဲ့ အမျိုးသားကို အာဖဂန်နစ္စတန်မှာ သတင်းရိုက်ကူးဖို့ စေလွှတ်ခဲ့ပြီးနောက်မှာတော့ နိုင်ငံရေးအရှုပ်အရှင်းတွေကြားထဲ ချစ်ရတဲ့ခင်ပွန်းကို ဆုံးရှုံးလိုက်ရပါတယ်။ ခင်ပွန်းဖြစ်သူရဲ့ သေဆုံးမှုနဲ့ပက်သက်ပြီး နိုင်ငံက ဘာမှမလုပ်ပေးခဲ့တဲ့အတွက် "နိုင်ငံတော်က ပြည်သူတွေကို ကာကွယ်ပေးရမယ်"ဆိုတဲ့ ခံယူချက်နဲ့အတူ ဆောဟယ်ရင်းဟာ ပထမဆုံးအမျိုးသမီး သမ္မတဖြစ်လာပါတော့တယ်။ ဆောဟယ်ရင်းရဲ့ နိုင်ငံရေးခံယူချက်တွေနဲ့ သမ္မတဖြစ်လာတဲ့အထိ တက်လှမ်းလာခဲ့တဲ့ ခြေလှမ်းအဆင့်ဆင့်ကို နိုင်ငံရေးနဲ့ ဥပဒေရေးရာကိစ္စ စုံစုံလင်လင်နဲ့ ပြသထားတဲ့အပြင် အဲဒီခေတ်တုန်းက Rating 28% ကျော်အထိ ရရှိခဲ့တဲ့ ကားကောင်းလေးဖြစ်တာကြောင့် ပြန်လည်ခံစားနိုင်ဖို့ တင်ဆက်ပေးလိုက်ပါတယ်ရှင်။ Aired: Oct 6, 2010 - Dec 23, 2010 Aired On: Wednesday, Thursday Genres: Romance, Life, Drama, Political Episodes: 24 Original Network: SBS

Behind the White Tower (2007) အပိုင်း 1 မှ 40 စ/ဆုံး မတရားမှု၊ အာဏာလိုလားမှု နဲ့ ဆေးဘက်ပညာရပ်အတွင်းရှိ နည်းလမ်းများအကြောင်းကို စိတ်ဝင်စားဖွယ် ရိုက်ကူးတင်ပြထားတဲ့ Behind the White Tower ဆိုတဲ့ ဇာတ်လမ်းတွဲလေးနဲ့ မိတ်ဆက်ပေးပါရစေ။ ဒီဇာတ်ကားလေးဟာဆိုရင် ထုတ်လွှင့်နေတဲ့အချိန်အတွင်းမှာ အောင်မြင်မှူအများကြီးရရှိခဲ့တဲ့ ဇာတ်လမ်းတစ်ခု ဖြစ်ပြီးတော့ မင်းသားကြီးတွေဖြစ်တဲ့ Kim Myung-min နဲ့ Lee Sun-kyunတို့ကအဓိက ပါဝင်သရုပ်ဆောင်ထားပါတယ်။ ဇာတ်လမ်းအညွှန်း ဂျန်ဂျွန်းဟျော့ (Kim Myung-min) နဲ့ ချွဲဒိုယောင်း (Lee Sun-kyun) တို့ သူငယ်ချင်းနှစ်ယောက်ဟာ မြောင်အင်းတက္ကသိုလ် ဆေးရုံကြီးမှာ လက်ထောက် ပါမောက္ခအဖြစ် အတူတကွ အလုပ်လုပ်နေကြတဲ့သူတွေ ဖြစ်ပါတယ်။ ရည်မှန်းချက် ကြီးမားတဲ့ ဂျန်ဂျွန်းဟျော့ကတော့ သူရည်မှန်းထားတဲ့အရာရဖို့ဆိုရင် ဘာမဆို လုပ်နိုင်တဲ့သူဖြစ်ပြီး ချွဲဒိုယောင်းကတော့ စိတ်သဘောထား တည်ကြည်ကာ လူနာတွေအပေါ် နူးနူးညံ့ညံ့ ဆက်ဆံတတ်သူပါ။ အမြဲတမ်း အဆင်ပြေလာခဲ့တဲ့ သူငယ်ချင်း နှစ်ယောက်ရဲ့ ဆက်ဆံရေးဟာ ခွဲစိတ်ဌာနမှူးရာထူးကို လုယူ ကြိုးစားဖို့ ဖြစ်လာတဲ့အချိန်ကစပြီး အထိအရှတွေ ပေါ်ပေါက်လာပါတော့တယ်။ ဂျန်ဂျွန်းဟျော့တစ်ယောက် ဌာနမှူးနေရာရဖို့အတွက် ဘာမှဂရုမစိုက်တော့ဘဲ အာဏာအတွက် အရာရာကိုလုပ်လာတဲ့ အချိန်မှာ တကယ်ပဲ ခွဲစိတ်ဌာနမှူးနေရာကို ရသွားမလား... ချွဲဒိုယောင်းကရော ဆေးရုံအတွင်း အာဏာလုပွဲမှာ ဘယ်လို ပါဝင် ပတ်သက်လာမလဲ... ဆရာဝန်တစ်ယောက်အနေနဲ့ ဆေးကုသမှုထက် အာဏာကိုပိုမက်မောလာတဲ့အခါ နောက်ဆက်တွဲအနေနဲ့ဘာတွေဖြစ်လာမလဲဆိုတာကိုတော့ ဇာတ်လမ်းတွဲထဲမှာ ကြည့်ရှု့ခံစားလိုက်ကြပါဦးနော်။ (ဇာတ်လမ်းအညွှန်းကိုတော့ Pan Hsuက ရေးသားပေးထားပါတယ်) Episode - 40 Quality - HDTV 1080p/ 720p Format - mp4 Genre - Medical Drama Subtitle - Myanmar Subtitle (Hard Sub) Translated by - Yati Naing, PanNu Thway, Pan Hsu, Alice, Swan Htet & Eric Encoded by - Treasure Htet