Charlie Talbert ပါဝင်သော ဇာတ်ကားများ

Ella McCay (2025) IMDb Rating (5.1) / Rotten Tomatoes (23%) အယ်လာမက်ကေးဆိုတဲ့ ကောင်မ‌လေးဟာ အတွင်းရေးအဆင်မပြေတဲ့ မိသားစုကနေ ဆင်းသက်လာသူတစ်ယောက်ပါ။ အဖေဖြစ်သူက ဖောက်ပြန်၊ မောင်ဖြစ်သူက တစ်ဇွတ်ထိုးသမားနဲ့ သူ့ဘဝက အတော်လေး စိတ်ပင်ပန်းရရှာပါတယ်။ ဒီလို အခက်အခဲတွေ ဖြတ်သန်းရင်း ကြိုးစားလာလိုက်တာ သူ့အသက် ၃၄ နှစ်မှာ အယ်လာဟာ သူ့ဇာတိမြို့ရဲ့ မြို့တော်ဝန်တစ်ဦးဖြစ်လာပါတယ်။ ဒါပေမဲ့ ဒီမြို့တော်ဝန်ရာထူးက သူ့အတွက်တော့ ဝမ်းသာစရာရော ဝမ်းနည်းစရာပါဖြစ်လာခဲ့ပါတယ်။ မြို့တော်ရေးရာ ကိစ္စတွေကတစ်ဖက်၊ သူ့ရဲ့ မိသားစုအရှုပ်အရှင်းတွေကတစ်ဖက်နဲ့ အယ်လာ့ဘဝကြီးဟာ ကြီးမားတဲ့ စိန်ခေါ်မှုတွေနဲ့ ရင်ဆိုင်လာရပါတော့တယ်။ ဒီဇာတ်လမ်းမှာ အယ်လာအဖြစ် Sex Education ထဲက မေ့ဗ်အဖြစ် လူသိများတဲ့ မင်းသမီးချော Emma Mackey က ပါဝင်သရုပ်ဆောင်ထားပါတယ်။ File size… (4.4 GB) / (1.7 GB) / (960 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Comedy,Drama Duration…. 01:54:59 Subtitle…. Myanmar Subtitle (Hardsub)

Shelby Oaks (2025) IMDb Rating (5.7) / Rotten Tomatoes (55%) ဒီဇာတ်ကားလေးကတော့ 2024 မှာ ထွက်ရှိခဲ့တဲ့ ဟော်ရာဇာတ်ကားကောင်းလေး ဖြစ်ပါတယ်။ ဇာတ်လမ်းအကျဉ်းကတော့ ရိုင်လီ ဘရန်နင်ဆိုတဲ့ ကောင်မလေးဟာ သူမရဲ့ သူငယ်ချင်းတွေနဲ့ လေးယောက်သား “ဖြစ်ရပ်ဆန်းများကို အဖြေရှာသူများ” ဆိုတဲ့ ယူကျုချန်နယ်တစ်ခုကို ထောင်ထားပြီး သရဲခြောက်တဲ့နေရာတွေ၊ အကျဉ်းထောင်ဟောင်းတွေ၊ မြို့ပျက်တွေကို သွားပြီးတော့ သူတို့ချန်နယ်မှာ နာနာဘာဝဗွီဒီယိုတွေ ပြန်တင်ဆက်တတ်ပါတယ်။ ဒီလိုနဲ့ တစ်နေ့မှာ သူတို့က ရှယ်ဘီ အုတ်ခ်လို့ခေါ်တဲ့ မြို့ပျက်တစ်ခုက ကစားကွင်းဟောင်းတစ်ခုကို သွားရိုက်ကူးမယ်လို့ ချန်နယ်မှာ အကြောင်းကြားပြီး ပျောက်ချင်းမလှပျောက်သွားပါတော့တယ်။ အဲဒီအချိန်မှာ ရဲတွေကလည်း လူပျောက်ရှာကြပြီး သူတို့ဆီက ကျန်ရစ်ခဲ့တဲ့ကင်မရာတစ်လုံးကို သဲလွန်စအဖြစ် တွေ့ရှိသွားရာကနေ သူတို့ ပျောက်ကွယ်သွားရတဲ့နောက်ကွယ်မှာ ဘာအကြောင်းအရင်းတွေရှိနေမလဲ၊ လူလက်ချက်လား၊ နာနာဘာဝလက်ချက်လား ဆိုတာကို သို့လော သို့လော ကြည့်ရမဲ့ ဇာတ်ကားကောင်းတစ်ကားပဲဖြစ်ပါတယ်။ File size… (4.4 GB) / (1 GB) / (570 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Horror,Mystery Duration…. 01:31:09 Subtitle…. Myanmar Subtitle (Hardsub)

Killing Faith (2025) +++++++++ ၁၈၄၉ ဝန်းကျင် အမေရိကန်နိုင်ငံ အနောက်ပိုင်း ဝက်စတန်လောကမှာ ရောဂါဘယ ကပ်ဘေးတွေ ထူပြောပြီး ကြမ်းတမ်းခက်ခဲတဲ့ ဘဝတွေကို နောက်ခံထား ရိုက်ကူးထားတဲ့ ဇာတ်လမ်းတစ်ခု ဖြစ်ပါတယ်။ ဒီဇာတ်ကားမှာ ယုံကြည်မှုနဲ့ သံသယစိတ်…သိပ္ပံပညာနဲ့ သဘာဝလွန် ဖြစ်ရပ်တွေအကြား လွန်ဆွဲမှုကို အဓိကဇောင်းပေး ရိုက်ကူးထားတာပါ။ ဇာတ်လမ်းအကျဉ်းကတော့ မြို့ငယ်လေးတစ်မြို့မှာ ကျွန်ဘဝကနေ လွတ်မြောက်လာတဲ့ လူမည်းအမျိုးသမီး တစ်ယောက်မှာ လူဖြူသွေးစစ်စစ်ဖြစ်တဲ့ သမီးလေး တစ်ယောက် မွေးဖွားထားပါတယ်။ နယ်ခံတွေအားလုံးက သူတို့ကို ဖယ်ကြဉ်ထားကြတာပါ။ အကြောင်းရင်းကတော့ သူ့သမီးလေး ထိကိုင်မိတဲ့ သက်ရှိမှန်သမျှဟာ အကြောင်းရင်း မသိရှိရဘဲ ချက်ချင်း သေဆုံးသွားတာတွေကြောင့် ဖြစ်ပါတယ်။ မြို့ခံတွေကတော့ သူ့သမီးလေးမှာ ကျိန်စာသင့်နတ်ဆိုး ကပ်နေတာဆိုပြီး ရွံကြောက်ကြီ း ဖြစ်နေကြတာပါ။ နောက်ဆုံးမှာ အားကိုးရာမဲ့ မိခင်တစ်ယောက်အနေနဲ့ သမီးအတွက် ကုသလို့ ရလိုရငြား ခရီးဝေးမှာ ရှိနေတဲ့ နာမည်ကြီး သင်းအုပ်ဆရာဆီကို ခရီးဆက်ဖို့ ဖြစ်လာခဲ့ပါတယ်။ လမ်းခရီးတစ်လျှောက် ဘယ်လို အခက်အခဲ အတားအဆီး‌တွေနဲ့ ရင်ဆိုင်တွေ့ကြုံရမလဲ ဆိုတာတော့....။ File Size… (1.45GB) / (753 MB) Quality… WEB-DL 1080p HEVC /720p Format…mkv / mp4 Duration…1h 47m Genre …Western , Thriller Subtitle….Myanmar Subtitle (Hard Sub)

နက်ဖလစ်က ထွက်တဲ့ အက်ရှင်ကားအသစ်ပါ။ ဂျက်ရိချာလိုပဲ စစ်ပြန်တစ်ယောက်နဲ့ မြို့ငယ်လေးတစ်ခုက အကျင့်ပျက်နေတဲ့ ရဲစခန်းတစ်ခုလုံး ရင်ဆိုင်ရတဲ့အမျိုးအစားပါပဲ။ ဒါရိုက်တာကလည်း True Detective အပိုင်းတွေ ရိုက်ဖူးတဲ့ Jeremy Saulnier မို့ ဥပဒေပိုင်း ရဲအပိုင်းတွေ‌တော့ ပိုင်ပါတယ်။ RT 98 အထိ ရထားတာဆိုတော့ ဇာတ်လမ်းရောအက်ရှင်ရော ကောင်းတဲ့အထဲမှာပါပါတယ်။ အရမ်းကြီး ကြမ်းထော်နေတာလဲမဟုတ်ဘဲ True Detective လိုပဲ လူသားဆန်ဆန်ဇာတ်လမ်းမျိုးပါပဲ။ ဇာတ်လမ်းအကျဉ်း တယ်ရီဆိုတဲ့ စစ်ပြန်ဟာ သူ့ရဲ့ညီဝမ်းကွဲ ဆေးမှုနဲ့ အဖမ်းခံထားရတာကို အာမခံထုတ်ပေးဖို့ ငွေထုပ်ပိုက်ပြီး စက်ဘီးနဲ့ လာတဲ့လမ်းမှာ ရဲကားတစ်စီးက သူ့ကို တိုက်လိုက်တယ်။ ပြီးတော့ သူယူလာတဲ့ငွေတွေကို မသင်္ကာမှုနဲ့ပါ သိမ်းလိုက်တယ်။ သူက အဲဒီငွေတွေကို ပြန်ရဖို့နဲ့ သူ့ညီလွတ်ဖို့လောက်ပဲ ပြန်လိုက်ကြိုးစားပေမဲ့ ပြဿနာတွေက ရှုပ်လာပြီး ရစခန်းတစ်ခုလုံးရဲ့ ခြစားမှုတွေနဲ့ အရှုပ်တော်ပုံတွေထဲကို ကြားညပ်သွားပါတယ်။ သူနဲ့ သူ့ကိုကူညီနေတဲ့ ရှေ့နေအလုပ်သင်မလေးကို လိုက်သတ်ကြတဲ့အခါ အသက်ရှင်ဖို့နဲ့ ရဲတွေအားလုံးရဲ့ ပြစ်မှုတွေကို ဖော်နိုင်ဖို့ ကြိုးစားရပါတော့တယ်။ File size…(1.5 GB)/(780 Mb) Quality….Webrip 1080p / 720p Format… mp4 Duration…. 02:11:00 Genre... Action, Crime, Drama, Thriller Subtitle….Myanmar Subtitle (Hardsub) Encoder….Garfield Translated by Mr. Anderson

Lisa Frankenstein (2024) Frankenstein ကိုပြန်ရိုက်ထားတဲ့ ရုပ်ရှင်တွေ အများကြီး ရှိသလို သူ့အကြောင်းလည်း သိပြီးသားဖြစ်ကြမှာပါ။ ဒါပေမယ့် ဒီကားလေးကတော့ သူ့ချစ်သူ Lisa Frankenstein ရဲ့ အကြောင်းကို စိတ်ကူးယဥ် ရိုက်ကူးထားတာပဲ ဖြစ်ပါတယ်။ Cast တွေကလည်း အားလုံးနဲ့ မစိမ်းတဲ့ Cole Sprouse နဲ့ Kathryn Newton တဖိလစ်ပိုင် မင်းသမီး Liza Soberanoတို့ ပါဝင်ထားပါတယ်။ Lisa ရဲ့ အမေဟာ အသတ်ခံခဲ့ရပြီးနောက်မှာ သူ့အဖေရဲ့ နောက်အိမ်ထောင်ဖြစ်တဲ့ မိထွေးရယ် မိထွေးနဲ့ပါတဲ့ အစ်မရယ် တို့နဲ့ အတူနေပါတယ်။ သူ့အစ်မက သူ့အပေါ် ကောင်းပေမယ့် မိထွေးက သူ့ကို တချိန်လုံး ငြိုငြင်နေတာပါ။ အမေကို ဆုံးရှုံးထားရလို့ စိတ်ဒဏ်ရာ ရနေတဲ့ Lisa က လူတွေနဲ့ အပြောအဆို အဆက်အဆံ မလုပ်တော့ပဲ သင်္ချီုင်းကုန်း တစ်ခုထဲက အုတ်ဂူတွေကြားမှာပဲ အချိန်ဖြုန်းလို့သာနေပါတယ်။ အဲ့ဒီအုတ်ဂူတွေထဲကမှ Frankenstein ရဲ့ ရုပ်ထုနဲ့ အုတ်ဂူဟာ သူသဘောအကျဆုံးဖြစ်ပါတယ်။ တစ်ရက် သူ့အစ်မနဲ့ အတူ ပါတီသွားရင်း ကမောက်ကမတွေ ဖြစ်လာတဲ့ Lisa က မုန်တိုင်းထန်နေတဲ့ ညမှာ Frankenstein ရဲ့ အုတ်ဂူရှေ့မှာ ဆုတစ်ခု တောင်းမိလိုက်ပါတယ်။ နောက်တစ်ရက်မှာ သူ့ ဆုက အမှန်ဖြစ်လာပြီး မြေကြီးထဲက အလောင်းကောင် Frankenstein နိုးလာပြီး သူ့ဆီကို တန်းတန်းမတ်မတ်ရောက်လာခဲ့တာပါ။ သူတို့နှစ်ယောက်ကြား ဘာဆက်ဖြစ်မယ်ဆိုတာကတော့ ရုပ်ရှင်ထဲမှာ ဆက်လက် ကြည့်ရှု ရမှာပါ။

မြို့လေးတစ်မြို့နားက စိမ့်တောကြီးထဲမှာ မိသားစုအနည်းငယ် နေထိုင်ကြပါတယ်။ နောက်တော့ အဲဒီမိသားစုတွေ တစ်စတစ်စ ပြောင်းရွှေ့သွားကြပြီး ကောင်မလေးတစ်ယောက်နဲ့ သူ့အဖေပဲ ကျန်ခဲ့တယ်။ ကောင်မလေးက မြို့ပေါ်ကျောင်းမှာ တက်ကြည့်ပေမယ့် တခြားကလေးတွေက စိမ့်တောထဲနေသူဆိုပြီး နှိမ်ကြလို့ ကျောင်းကနေ ထွက်ပြေးလာခဲ့ပါတယ်။ စာရေးစာဖတ်လည်း မတတ်ခဲ့ဘူး။ နောက်ဆုံး အဖေပါ ထွက်သွားတဲ့အခါ သူတစ်ယောက်တည်း ယောက်သွားတွေ တူးရောင်းပြီး အသက်မွေးခဲ့ရတယ်။ ဆင်းရဲနွမ်းပါးတဲ့ သူ့ကို မြို့ကလူတွေကလည်း အကောင်းမမြင်ကြပါဘူး။ ကောင်မလေး အရွယ်ရောက်လာချိန်မှာ စိမ့်တောထဲက မျှော်စင်တစ်ခုမှာ လူတစ်ယောက် သေဆုံးနေတာကို တွေ့ရပြီး ရဲတွေ စုံစမ်းကြပါတယ်။ မြို့ကလူတွေကတော့ သူ့ကိုပဲ တရားခံလို့ စွပ်စွဲကြတယ်။ သေဆုံးသူနဲ့ သူက ပတ်သက်ဖူးသလို တခြားအချက်အလက်တချို့လည်း ရှိနေတဲ့အတွက် ရဲတွေက သူ့ကို ဖမ်းဆီးလိုက်ပါတယ်။ တစ်မြို့လုံးမှာ သူ့အပေါ် ကောင်းပေးတဲ့သူ လေးယောက်ပဲရှိပြီး အဲဒီထဲက အဘိုးကြီးတစ်ယောက်က သူ့အတွက် ရှေ့နေလိုက်ပေးတယ်။ ဇာတ်လမ်းကို လက်ရှိအမှုစစ်ဆေးနေတာနဲ့ ကောင်မလေးရဲ့ အတိတ်ဘဝကို အလှည့်ကျ ပြသတဲ့ပုံစံနဲ့ ဆက်ထားပါတယ်။ အဖေနဲ့ပတ်သက်တဲ့ အခန်းတွေမှာလည်း ပြဿနာတွေ မပြတ်ဖြစ်နေတဲ့ မိသားစုဘဝကို တွေ့ရမှာပါ။ အမှုရဲ့ အဖြေကို ရှာရင်း ကောင်မလေး ဖြတ်သန်းခဲ့ရတဲ့ အခက်အခဲတွေကိုပါ သိလာရပြီး နိမိတ်ပုံဆန်တဲ့ နောက်ခံပြောစကားတွေထဲမှာလည်း အဖြစ်အပျက်တချို့ကို နားလည်စေမယ့် အကြောင်းတွေ ထည့်ထားပါတယ်။ Delia Owens ရဲ့ The New York Times အရောင်းရဆုံးဝတ္ထုစာရင်းဝင် စာအုပ်ကို ရုပ်ရှင်ပြန်ရိုက်ထားတာဖြစ်ပြီး Daisy Edgar-Jones က အဓိကသရုပ်ဆောင်ထားပါတယ်။ သူ့အတွက် အမှုလိုက်ပေးတဲ့ ရှေ့နေအဖြစ်တော့ David Strathairn ပါဝင်ထားတယ်။ Taylor Swift ကလည်း ဒီရုပ်ရှင်အတွက် Carolina ဆိုတဲ့ သီချင်းကို သီးသန့်ရေးသားသီဆိုထားပါတယ်။

ကိုယ်နေထိုင်လာတဲ့ ကမ္ဘာကြီးက အနာဂတ်လူသားတွေ ဖန်တီးထားတဲ့ ကမ္ဘာတုတစ်ခု ဖြစ်နေတယ်ဆိုရင် ဘယ်လိုခံစားရမလဲ။ ဒီဇာတ်လမ်းမှာတော့ ပိုအဆင့်မြင့်တဲ့ အနာဂတ်လူသားတွေက အခြေအနေအမျိုးမျိုး ပြောင်းလဲသွားရင် ဘာတွေဖြစ်လာနိုင်မလဲဆိုတာ စမ်းသပ်ဖို့ ကမ္ဘာတုဘီလျံပေါင်းများစွာ ဖန်တီးထားကြပါတယ်။ လူသားတွေ နေထိုင်နေတဲ့ ကမ္ဘာဟာလည်း အဲဒီထဲက တစ်ခုဖြစ်ကြောင်း ဖန်တီးသူတွေက အားလုံးကို အသိပေးလိုက်တယ်။ ဒါတင်မကဘဲ ဒီစမ်းသပ်မှုကို တစ်ပတ်အတွင်း ရပ်တန့်တော့မယ်လို့ပါ ကြေညာလိုက်ပါတယ်။ လူသားတွေအတွက် ရွေးချယ်စရာနှစ်ခု ရှိတယ်။ ကိုယ်သိခဲ့ဖူးတဲ့ လူတွေနဲ့ အရာအားလုံး မရှိတော့ဘဲ ထိန်းချုပ်သူလည်း မရှိတော့တဲ့ ဒီကမ္ဘာထဲမှာ ဆက်ရှင်သန်ဖို့ ကြိုးစားမလား။ ဒါမှမဟုတ် ရှုပ်ထွေးတဲ့ အသိအမြင်တွေ မရှိတော့ဘဲ ကိုယ့်ဘဝရဲ့ အကောင်းဆုံးအမှတ်တရ ငါးခုကိုသာ သိထားမယ့် ပျော်ရွှင်အေးချမ်းရာ ကမ္ဘာအသစ်ဆီ ပြောင်းသွားမလားဆိုတာပါ။ တစ်သက်လုံး နေထိုင်လာတဲ့ကမ္ဘာရဲ့ အဖြစ်မှန်ကို သိလိုက်ရတော့ လူအများစုက စိုးရိမ်ကြပေမယ့် ဆာရာကတော့ စိတ်အေးသွားတယ်။ သူလုပ်ခဲ့တဲ့ အမှားတွေဟာ သူ့ကြောင့်မဟုတ်ဘဲ ကမ္ဘာကို ထိန်းချုပ်နေတဲ့ ဖန်တီးသူတွေကြောင့်လို့ ယူဆလိုက်တဲ့အတွက် အပြစ်ရှိသလို မခံစားရတော့ဘူး။ ဒီမှာဆက်နေရင်လည်း သူ့အတွက် စိတ်ထိခိုက်စရာဖြစ်စေတဲ့ လူတွေ မရှိတော့လို့ အေးအေးချမ်းချမ်း နေနိုင်မယ်လို့ တွေးတယ်။ ထွက်သွားရင်လည်း ပျော်စရာအမှတ်တရ ငါးခုနဲ့ ဘာမှစိတ်ရှုပ်စရာ မရှိတော့ဘူးပေါ့။ ဆာရာ ဘယ်လမ်းကို ရွေးမလဲ။ သူရွေးလိုက်တဲ့ဘဝက သူမျှော်လင့်ထားသလို ဖြစ်လာပါ့မလား၊ ဒီကမ္ဘာကြီးကရော ဘယ်လိုဆက်ဖြစ်သွားမလဲ။

I Saw the Light (2015) IMDb - 5.8/10 အခုတင်ဆက်ပေးမယ့်ကားလေးကတော့... မင်းသားကြီး Loki ခေါ် Tom Hiddleston နဲ့ မမ Scarlet ခေါ် မင်းသမီး Elizabeth Olsen တို့ရဲ့ကားလေးပါ... ဒီဇာတ်ကားဟာ   country သီချင်းတွေဆိုတဲ့အဆိုတော်ကြီး Hank William ဘဝအကြောင်းကိုရိုက်ထားတဲ့ကားလေးဖြစ်ပါတယ်... အဆိုတော်ကြီး Hank William ဘဝအကြောင်းကို ရိုက်ထားလေတော့ Tom Hiddleston လည်း တော်တော်ကြိုးစားခဲ့တယ်လို့ဆိုပါတယ်..သူဟာ  ဒီဖြစ်ရပ်မှန်ဇာတ်လမ်းကိုရိုက်ဖို့အတွက် ရိုက်ကွင်းပေါ်မှာ အသက်ပါတဲ့ ဂစ်တာတီးဟန်ဖြစ်ဖို့ အရေး အချိန်များစွာပေးပြီး ဂစ်တာတီးလေ့ကျင့်ခဲ့တယ်လို့ဆိုပါတယ်... ပြီးတော့ country သီချင်းဆိုဖို့ အတွက်လည်း  နာမည်ကြီး country အဆိုတော်တစ်ဦးဖြစ်သူ Rodney Crowell နဲ့ လေ့ကျင့်ခဲ့ပါတယ်တဲ့ ... ဒီဇာတ်ကားထဲက သီချင်းတွေအားလုံးကို သူကိုယ်တိုင်ပဲသီဆိုထားတယ်လို့ဆိုပါတယ်... ကိုင်း ဖြစ်ရပ်မှန် ဇာတ်ကားလေးကိုခံစားကြည့်လိုက်ပါဦးဗျို့... ဇာတ်လမ်းအညွှန်းနဲ့ ဘာသာပြန်သူကတော့  Ko Ba Nyar ပဲဖြစ်ပါတယ်... File Size : (900 MB) Quality : Blu-Ray 720p Format…mp4 Duration…02:03:00 Genre : Biography , Drama , Music  Subtitle : Myanmar Subtitle (Hard Sub) Translated by Ba Nyar Encoded by Phyo Pyae

Zombie ပရိသတ်တွေအတွက် ၂၀၁၅ မှာ ထွက်ထားတဲ့ Zombie အက်ရှင်ဟော်ရာကားကိုတင်ဆက်လိုက်ပါတယ်။ ဇာတ်လမ်းကတော့... CIA က သုတေသနလုပ်နေတဲ့ ဇီဝလက်နက်တစ်မျိုးကြောင့် ဘတန်ရူးဂ် မြို့လေးက လူတွေ ရောဂါကူးစက်ခံရပြီး zombie တွေ ဖြစ်သွားကြပါတယ် အဆိုပါမြို့လေးမှာ ဟောပြောပွဲပြုလုပ်နေတဲ့ ဒုသမ္မတ ပြန်ခေါ်ထုတ်နိုင်ဖို့အတွက် SEAL တပ်ဖွဲ့ဝင်တွေကို ထိုမြို့လေးဆီကို စေလွှတ်လိုက်ပါတယ် နောက်ပိုင်းမှာတော့ လူလုပ် ဗိုင်းရပ်ကြောင့် ဖြစ်တယ်ဆိုတာကို SEAL အဖွဲ့ဝင်တွေ သိသွားတဲ့အချိန်မှာ အဲ့ဒီမြို့က CIA ရဲ့ သိပ္ပံပညာရှင်တွေရှိနေတဲ့ အစိုးရဓာတ်ခွဲခန်းလေးဆီကို သူတို့သွားပြီး ဒီပြဿနာကို ဖြေရှင်းနိုင်ဖို့ကြိုးစားကြပါတယ်။ Zombie ဗိုင်းရပ်ဟာ ဒီမြို့ထဲတင်မဟုတ်ဘဲ တခြားမြို့တွေကိုပါ ကူးစက်နိုင်ကြောင်း သိရှိသွားတဲ့အခါမှာတော့... တမြို့လုံးကိုရှင်းထုတ်ရမလား..သူတို့ကိုယ်တိုင်ရော အသက်ရှင်ရက်ပြန်ထွက်နိုင်ကြမလားဆိုတာ.......။ File size…(2.2 GB )/(1.1 GB) Quality….BluRay 1080p HEVC / 720p Format…mkv/mp4 Duration….01:38:00 Subtitle….Myanmar Subtitle (Hardsub) Encoder….Ka Naung Trasnlated by Carey Nyein

The Big Short (2015) Won 1 Oscar... Another 37 wins & 80 nomination IMDb….7.8/10 Rotten….88% [Unicode] The Big Short စကားဦးသန်းချင်တာကတော့ ရုပ်ရှင်တစ်ကားကို ချဉ်းကပ်တဲ့အခါ အပျင်းပြေကျော်ကြည့်ချင်ရုံသက်သက်ဆို ဒီရုပ်ရှင်ကို လက်ရှောင်သင့်ပါတယ်။ ဘာတစ်ခုမှနားလည်လိုက်မှာ မဟုတ်ပါဘူး။ The Wolf of Wall Streetတို့ Moneyballတို့လိုကားတွေကြိုက်တယ်ဆိုရင်တော့ ဒီကားက ခင်‌ဗျားအတွက်ပါပဲ။ ဒီရုပ်ရှင်ကို Brad Pittရဲ့ Plan B Productionက ထုတ်ထားပြီး Brad Pittကိုယ်တိုင်ပါတဲ့အပြင် Christiain Bale, Steve Carell,Ryan Glosingတို့ရဲ့ မှော်ဝင်မှုတွေလည်း ခမ်းနားပါတယ်။ Margot Robbieနဲ့ Selena Gomezတို့လည်း ဧည့်သည်သရုပ်ဆောင်အဖြစ်ပါပါတယ်။ Best adapted Screenplay awardနဲ့ အော်စကာရခဲ့ပြီး Baleရဲ့ Best supporting Acotrအပါအဝင် ဆန်ခါတင်လေးဆုဝင်ထားပါတယ်။ 2010မှာထွက်ခဲ့တဲ့ The Big Shortဆိုတဲ့ စာအုပ်ကို ရိုက်ထားတာပါ။ 2008တုန်းက Financial Crisis ဘဏ္ဍာရေးပျက်ကပ်တစ်ခု ဖြစ်ခဲ့တယ်။ အမေရိကန်သမိုင်းမှာ ဒီ့ထက်ကြီးတာဆိုလို့ ၁၉၃၀က Great Depression စီးပွားပျက်ကပ်ပဲကျန်ပါတယ်။ ကျောက်တုံးကို တူနဲ့ထုခွဲရင် ကျောက်တုံးကွဲတာ နောက်ဆုံးထုချက်ကြောင့်သက်သက်မဟုတ်ပါဘူး။ အရှေ့က အားစိုက်မှုတွေပါပါတယ်။ဒီဖြစ်ရပ်က ၂၀၀၈မှာ ဖြစ်ခဲ့တယ်ဆိုပေမယ့် ဘယ်အဖြစ်အပျက်ကမှ ဝုန်းခနဲကျကွဲသွားမတတ်ပါဘူး။ ၂၀၀၅ကတည်းက ဘွန်းတွေရဲ့ ယိုယွင်းမှု အခြေအနေကို ဆရာဝန်လောကက အနားယူပြီး စီးပွားရေးလောက ရောက်နေတဲ့ ဒေါက်တာ ဘာရီ(Blae)က သတိထားမိပြီး ပြောပြခဲ့ပါတယ်။ ရုပ်ရှင်ရဲ့ အစမှာ ပြောထားတဲ့ စကားလေးလိုပါပဲ ကျွန်တော်တို့ကို အကျပ်အတည်းရိုက်စေတာက ကျွန်တော်တို့ မသိတဲ့အရာတွေမဟုတ်ပါဘူး။ ကျွန်တော်တို့ သိတယ်ထင်ပြီး မပြောင်းလဲဘူး ထင်ထားတဲ့အရာတွေကပါ။ အငြိမ်ဆုံးဈေးကွက်ဖြစ်တဲ့ အိမ်ခြံမြေဈေးကွက်ကို ပျက်စီးမယ်ပြောတဲ့ ဘာရီရဲ့ စကားကို ဘယ်သူမှ မယုံကြည်ခဲ့ကြပါဘူး။ ဒီတော့ ဒေါက်တာ ဘာရီက သူ့ယုံကြည်ချက်အတိုင်း အိမ်အရောင်းအဝယ်ဈေးကွက်ကို ပြိုင်ပြီး အိမ်အရောင်းအဝယ်ဈေးကွက်ပျက်မယ့်ဘက်က လောင်းလိုက်ပါတယ်။ မိုက်ကယ်ဘာရီစာတမ်းကို သိတဲ့ ဂျရတ် ဗန်းနတ်(Ryan Glosing)ကနေ ဆက်စပ်မိရာက မတ်ဘန်း(Steve Carell)နဲ့ ဘန် ရစ်ချက်(Brad Pitt)နဲ့ တက်သစ်စ စတော့ကစားသမားလေးနှစ်ယောက်လည်း ဒီအလောင်းအစားမှာ ပါလာပါတယ်။ 2008မှာတော့ Michael Burryမှန်သွားပြီး ဘဏ္ဍာရေးပျက်ကပ် financial crisisဖြစ်ခဲ့တယ်။ မတ်ဘန်းပြောတဲ့စကားနဲ့ပြောရမယ်ဆိုရင် ဒီအဖြစ်အပျက်မှာ သူတို့မှန်သွားတာဟာ ပျော်စရာမကောင်းလှပါဘူး။။ဘာလို့ဆို လူရှစ်သန်းလောက်က အလုပ်လက်မဲ့ဖြစ်ခဲ့ကြပြီး ၆သန်းလောက်က အိမ်ခြေရာမဲ့ဖြစ်ခဲ့ကြပါတယ်။ ဒေါ်လာ ငါးထရီလီယမ်( သန်းတစ်သန်း) ဆုံးရှုံးသွားပါတယ်။ ငါးရဲ့နောက်မှာ သုညဆယ့်နှစ်လုံး ရှိပါတယ်။ စတော့လောက ဘွန်းလောကဟာ အလျော်အစားကြီးပါတယ်။ ဒါပေမယ့် တကယ်တမ်း နစ်နာမှုကြီးသူတွေကတော့ ဘဏ်တွေရဲ့ ဘွန်းတွေနဲ့ တိုက်ရိုက်သွယ်ဝိုက်ချိတ်ဆက်မိနေကြ သူတွေပါပဲ။ လူတိုင်းနီးပါး ငွေလိုချင်ကြပါတယ်။ ရှိထိုက်တဲ့လောဘနဲ့ မရှိရင်တော့ ခင်ဗျားတို့အတွက် လမ်းဆုံးကြီးက ငုတ်တုတ်စောင့်နေပါတယ်။ ဒီရုပ်ရှင်မှာ ခင်ဗျားတို့ နားမလည်လောက်မယ့် Wall Streetအသုံးတွေပါပါတယ်။စိတ်မပူပါနဲ့ ဒါရိုက်တာက Margot Robbieတို့ Selena Gomezတို့လို စကီချောချောလေးတွေကို အပြင်လောကက ပညာရှင်တွေနဲ့အတူတွဲ Fourth Wallချိုး ရှင်းပြပေးထားပါတယ်။ စာကြွင်းပြောရရင် လောလောလတ်လတ်မှာလည်း ကိုရိုနာကြောင့် စတော့တွေထုတ်ရောင်းနေပြီး ဒေါ်လာနဲ့ရွှေ အဝယ်များနေတဲ့အတွက် ထပ်ဖြစ်နိုင်ချေရှိတယ် ဆိုပါတယ်။ ( အညွှန်းနဲ့ဘာသာပြန်သူကတော့WiRa Aung ဖြစ်ပါတယ် ) File size__( 1.16 GB ) Quality__Blu-720p IMDb Rating__7.8/10 Format__mp4 Duration__02:10:06 Type__Biography, Comedy, Drama Subtitle__Myanmar Subtitle (Hardsub) Translated by WiRa Aung Encoded by Naing Aung Latt

ဆံပင်ရှည်ရှည်အူကြောင်ကြောင် ဂျိုးဒတ်ကတော့ 2005 ခုနှစ်မှာ Joe Dirt 2 Beautiful Loser ဆိုတဲ့ဇာတ်ကားနဲ့ ပြန်လာခဲ့ပါပြီ။ ပထမကားကိုကြည့်ပြီးတဲ့ လူတွေကတော့သိကြမှာပါ။ဂျိုးဒတ်ဆိုတာ ပိန်းတိန်းတိန်းနဲ့ အမြဲတမ်းကံဆိုးနေသူတစ်ယောက် အနိုင်ကျင့်ခံရနေသူ တစ်ယောက် သူ့လောက်ကံဆိုးတာလည်းသူပဲရှိတဲ့ လူတစ်ယောက်ဖြစ်ပေမဲ့ ဘယ်တော့မှလောကကြီးကို အရှုံးမပေးပဲရှေ့ဆက်လျှောက်လှမ်းတဲ့အတွက် နာမည်ကြီးလာခဲ့ပြီး သူ့ကိုစံနမူနာထားတဲ့လူတွေပါရှိလာခဲ့ပါတယ်။ဒီနောက်ပိုင်း မှာတော့ ဂျိုးဒတ်ကသူချစ်ရတဲ့ ဘရန်ဒီနဲ့ ဆေးလ်ဗားတောင်းဆိုတဲ့မြို့လေးမှာပဲ လက်ထပ်ခဲ့ပြီး သမီးလေးသုံးယောက်မွေးဖွားခဲ့ပါတယ်။ဒါပေမယ့်ဂျိုးဒတ်ရဲ့ ထုံးစံအတိုင်း အိမ်ထောင်ဦးစီးဖြစ်လာခဲ့ပေမယ့် တခြားလူတွေကသူ့ကိုအနိုင်ကျင့်တာကို မိန်းမနဲ့ ကလေးဖြစ်သူတွေကမြင်သွားတဲ့အခါမှာတော့ စိတ်ဓာတ်တွေဘုန်းဘုန်း ကျသွားခဲ့ပါတော့တယ်။ဒီလိုနဲ့ ကလေးတွေရဲ့ ယုံကြည်မှုအားကိုးမှုကို ပြန်ရဖို့အခွင့်အရေး တစ်ခုရလာတဲ့အခါမှာဆုပ်ကိုင်လိုက်ရင်း သူတောင်မမွေးသေးတဲ့ အတိတ်ကာလကို ပြန်ရောက်သွားပါတော့တယ်။အဲ့လို အတိတ်ကိုပြန်ရောက်သွားတဲ့အခါမှာတော့ ပျော်ရွှင်သာယာနေခဲ့တဲ့ ဂျိုးဒတ်ရဲ့ဘ၀လေးကအစက နေတစ်ဖန်ပြန်လည်စတင်ရပါ တော့တယ်။ဒါပေမယ့် သူ့ရဲ့တုံးအမှုတွေ လွဲချော်မှုတွေကြောင့်ဘ၀ကအရင်ထက်ပို ခက်ခဲသွားတဲ့အခါမှာတော့ ဘယ်လိုအခက်အခဲတွေ ဟာသတွေကိုကျော်ဖြတ်ရင်း အနာဂတ်ကိုပြန်ရောက်အောင်ကြိုးစားမလဲဆိုတာကိုကြည့်ရမဲ့ Joe Dirt နောက်ဆက်တွဲ ဇာတ်ကားလေးပဲဖြစ်ပါတယ်။ File size…1.99GB / 887MB Quality…Blu-Ray 1080p/ 720p Format…mp4 Duration….1h 47m Genre ….. Comedy Subtitle….Myanmar Subtitle (Hard Sub) Encoder….Min Wai Translated by Saw Lay

မင်းသားကြီး Ryan Reynolds ပါဝင်ထားတဲ့ အချစ်ဟာသကား “Van Wilders” ကတော့ 2002 ခုနစ်မှာ ထွက်ရှိခဲ့တာဖြစ်ပြီး ယခုအချိန်အထိ legend ကားတစ်ကားဖြစ်နေဆဲပါ။ ဘယ်အချိန်ချိန်ကြည့်ကြည့်မရိုးနိုင်တဲ့ ဟာသပြက်လုံးတွေနဲ့ R rated (အသက်မပြည့်သူ မကြည့်ရ) ရုပ်ရှင်ကားတစ်ကားဟာ ပြသချိန်၁နာရီခွဲစွန်းစွန်းလေးအတွင်းမှာ ကြည့်ရူသူကို ဘယ်လောက်ဆွဲခေါ်သွားနိုင်လဲဆိုတာ ရုံတင်ချိန်ရရှိခဲ့တဲ့ အမြတ်တွေက သက်သေပါပဲ။ အသက် 48နှစ်ရှိပြီဖြစ်တဲ့ Ryan Reynolds ဟာငယ်စဉ်အခါက ဘယ်လောက်ကြည့်ကောင်းခဲ့သလဲဆိုတာကို ဒီကားထဲမှာ မြင်တွေ့ရမှာပါ။ အားလုံးသဘောကျတဲ့ “Breaking Bad”series ထဲက Aaron Paul ကလည်း ဧည့်သည်သရုပ်ဆောင်အဖြစ် ပါဝင်ထားပါသေးတယ်။ ဇာတ်လမ်းလေးကတော့ ကောလိပ်မှာတင် ရပ်တန့်နေတဲ့ “ဗန် ဝိုင်းလ်ဒါ” ဟာ ပါတီတွေကို ရူးသွပ်သူတစ်ယောက်ဖြစ်ပြီး သူတက်နေတဲ့ကျောင်းမှာလည်း လက်ထောက်တွေပါရှိတဲ့အထိကို ကျော်ကြားပါတယ်။ ဒီလိုနဲ့ပဲ ကျောင်းစရိတ်ကို ကိုယ်တိုင်ရှာဖို့ဖြစ်လာတဲ့အခါ သူငယ်ချင်းကောင်းစိတ်ဓာတ်တွေနဲ့ မှတ်သားလောက်စရာ စကားပုံတွေ အများကြီးပါဝင်ပြီး အင်္ဂလိပ်စာလေ့လာချင်သူတွေအတွက်လည်း အဆင်မြင့်တဲ့ဝေါဟာရအသုံးအနှုန်းတွေ ပါဝင်တာမို့ ထပ်ခါထပ်ခါကြည့်ပြီး လေ့ကျင့်ဖို့အသင့်တော်ဆုံး ဇာတ်ကားတစ်ခုလို့ အကြံပေးချင်ပါတယ်။ ဘယ်အရာကိုမှ အလေးအနက်မထားတဲ့ “ဗန်”တစ်ယောက် လက်တွေ့ကျပြီး ဦးနှောက်လည်းကောင်း လှလည်းလှတဲ့ “ဂွမ်” ဆိုတဲ့ ကောင်မလေးနဲ့ တွေ့တဲ့အခါ ဘယ်လိုဆက်ဖြစ်သွားမလဲဆိုတာကို အချိန်တစ်နာရီခွဲသာပေးပြီး ကြည့်ရူလိုက်ပါ။ ပေါ့ပေါ့ပါးပါးနဲ့ စိတ်အပန်းဖြေချင်သူတွေအတွက် ကြည့်ဖို့အသင့်တော်ဆုံးကားဆိုလည်း မမှားပါဘူး။ အင်္ဂလိပ်ဗားရှင်းနဲ့ ကြည့်ဖူးသူတွေလည်း ရှိလောက်ပေမယ့် တစ်ချို့ဟာသတွေက မြန်မာလိုပြန်ထားရင် ပိုရယ်ရတာမို့ မြန်မာဘာသာပြန်နဲ့ ထပ်ကြည့်ပေးဖို့ တိုက်တွန်းချင်ပါတယ်။ File size…    1.79 GB /  887 MB Quality… BluRay 1080p / 720p Format… mp4 Duration…. 1h 40m Genre ..... Comedy/Romance Subtitle…. Myanmar Subtitle (Hard Sub)