Christopher Plummer ပါဝင်သော ဇာတ်ကားများ

ဒီဇာတ်ကာလေးကတော့ စွန့်စားခန်းတွေနဲ့ ဟာသကို နှောပြီး ရိုက်ထားတဲ့ Animation ကားကောင်း‌‌လေးတစ်ကား ဖြစ်ပါတယ်။ ချာလီဆိုတဲ့ အိမ်‌‌‌‌ခြေရာမဲ့ အမေရိကန် သူခိုးကောင်လေးဟာ တစ်ရက်မှာ တရုတ်မင်းဆက်တစ်ခုရဲ့ ဆန်ချွင်ဒီ တိုင်းပြည်ကို မှော်‌ဂိတ်ပေါက်ကနေ ရောက်သွားရာကနေ .. အဲဒီတိုင်းပြည်ရဲ့ သူရဲကောင်းတစ်ယောက် ဖြစ်လာပုံကို ဒီဇာတ်ကားထဲမှာ အရောင်စုံစုံနဲ့ ကြည့်ရှုခွင့်ရမှာ ဖြစ်ပါတယ်။ ဒီဇာတ်ကားက ၈၀ ခုနှစ်နှောင်းပိုင်းတွေတုန်းက တရုတ်ပြည်တောင်ပိုင်းမှာ ရှေး‌‌ဟောင်း မျက်နှာဖုံး‌တွေ ရှာတွေ့ထားတဲ့ ဖြစ်ရပ်မှန်ကို အခြေတည်ပြီး စိတ်ကူးယဉ် ရိုက်ကူးထားတဲ့ ဇာတ်ကားတစ်ကားလည်း ဖြစ်ပါတယ်။ ဇာတ်ကားအနေနဲ့ Rating သိပ်မ‌ကာင်းပေမဲ့ ကလေးတွေနဲ့ လူငယ်တွေ အတွက်‌‌တော့ ကြည့်လို့‌ ‌အဆင်ပြေတဲ့ Comedy & Adventure ဇာတ်ကား တစ်ကားပါပဲ။ File size…1.73GB / 863MB Quality…WEB-DL 1080p HEVC / 720p Format…mkv / mp4 Duration….1h 28m Genre …..Adventure , Animation , Comedy Subtitle….Myanmar Subtitle (Hard Sub) Encoder….Min Wai Translated by BZW

IMDb Rating (8.0) / Rotten Tomatoes (97%) ဒီဇာတ်ကားက Rating တွေ ကြမ်းသလို နာမည်ကြီးသရုပ်ဆောင်တွေ တော်တော်များများပါဝင်ထားတယ်။ ဂျိမ်းစ်ဘွန်းမင်းသားကြီး Daniel Craig, ကပ္ပတိန်အမေရိက Chris Evans, No Time to Die နဲ့ Knock Knock ဇာတ်ကားတို့မှာ ပရိတ်သတ်အာရုံကို အပြည့်အဝဖမ်းစားခဲ့တဲ့ မင်းသမီး Ana de Armas, 13 Reason Why ရဲ့ Katherine Langford တို့အပြင် တခြားနာမည်ကြီးတွေလဲပါသေးတယ်။ မင်းသမီး Ana de Armas ရဲ့ ရှယ်သရုပ်ဆောင်ချက်တွေကို မြင်တွေ့ရမှာဖြစ်ပြီး Daniel Craig က သူ့ရဲ့သရုပ်ဆောင်ချက်တွေကို ကြိုက်လို့ No Time to Die ဂျိမ်းစ်ဘွန်းဇာတ်ကားမှာ ဒီမင်းသမီးကို ထည့်ရိုက်ခိုင်းခဲ့တယ် ဆိုကြတယ်....ပါဝင်သရုပ်ဆောင်ရတဲ့အချိန် အတိုလေးဆိုပေမယ့် သူ့ရဲ့ဖမ်းစားမှုကို အားလုံးခံခဲ့ကြရတယ်မလား...ခုကားမှာလဲ သူကပဲ ဇာတ်ကို စလည်ဆုံး ဆွဲခေါ်သွားပါဦးမယ်။ စုံထောက်ကားကောင်းကောင်းငတ်နေသူတွေအတွက်ဆို ဒီကားက ရှယ်ပေါ့ဗျာ။ဇာတ်လမ်းကတော့ ၂ ပင် ၃ ပင်လိမ်အောင်ကို လှည့်တာပါ။ တကယ်ကောင်းပါတယ်။နာမည်ကြီးတွေစုပြုံပါဝင်ပေမယ့် ဒီတစ်ခါတော့ ဆရာများ သားသေ မဖြစ်တော့ပါဘူး။ ဇာတ်လမ်းအကျဉ်းပဲ ပြောပြမယ်နော်။ အများကြီးပြောလို့မရဘူး။ ဟာလန်သရွန်ဘီဆိုတဲ့ နာမည်ကြီး လျို့ဝှက်သည်းဖို စာရေးဆရာကြီးရဲ့ ၈၅ နှစ်မြောက် မွေးနေ့မှာ သူ့ သားသမီးတွေ မြေးတွေနဲ့ သမက် ချွေးမတွေ လာစုစည်းပြီး ပါတီလုပ်ကြတယ်။ အကုန်လုံးကလည်း အဘိုးကြီးနဲ့ ပြဿနာ ကိုယ်စီပေါ့။ နောက်နေ့မနက်မှာ ဟာလန်ကြီးက သေနေပါလေရော။ လည်ပင်းကို လှီးပြီး ကိုယ့်ကိုယ်ကို သတ်သေသွားတာပါ။ သတ်သေမှုပါဆိုမှ ဘယ်သူက  အလုပ်အပ်လိုက်မှန်းမသိဘဲ နာမည်ကျော် အလွတ်စုံထောက်ကြီးက ရောက်ချလာရော။ ပြီးတော့ မထင်ထားတာတွေ ဆက်တိုက်ဖြစ်ပြီး ဇာတ်သိမ်းအထိ မထတမ်း ကြည့်မိသွားပါလိမ့်မယ်။ ဒီလောက်ဆို ဘယ်လိုကားလဲ  မှန်းမိမှာပါ။ ရုံးပိတ်ရက်မှာ အပမ်းပြေကြပါစေ။ File size…(4.3 GB) /(1.2 GB)/(1 GB) Quality….BluRay 4K HEVC/1080p HEVC/ 720p Format…mkv/mp4 Duration….02:10:12 Subtitle….Myanmar Subtitle (Hardsub) Encoder….MML , Nyeinsaeya Aung Translated by Little Neo

ခုမိတ်ဆက်ပေးမယ့် The Exception ဆိုတဲ့ဇာတ်ကားလေးကတော့ ဒုတိယကမ႓ာစစ်အတွင်းက ရိုမက်တစ်အချစ်ဇာတ်ကားလေးပါ Stefan Brandt ဆိုတဲ့ ဂျာမနီစစ်သားလေးဟာ နယ်နှင်ခံရတဲ့ဂျာမနီဘုရင် Wilhelm 2 ရဲ့ ဘော်ဒီဂတ်အဖြစ်တာဝန်ပေးအပ်ခံရပါတယ် နယ်နှင်ခံဘုရင်က နယ်သာလန်က ရဲတိုက်မှာနေရပါတယ် Brandt ဟာ သူ့တာဝန်တွေကို ထမ်းဆောင်ရင်း အိမ်အစေခံထဲကတစ်ယောက်ဖြစ်တဲ့ Mieke နဲ့ မမျှော်လင့်ဘဲ ချစ်မိသွားခဲ့ပါတယ် နောက်မှသူသိရတာက Mieke က ဂျူးလူမျိုးဖြစ်နေတာပါ အဲအပြင် Mieke ဟာနယ်နှင်ခံဘုရင်အိမ်တော်ကသတင်းတွေကို လျှို့ဝှက်စုံစမ်းဖို့ ရောက်နေတာလဲဖြစ်ပါတယ် သူတို့ ၂ယောက်ချစ်နေကြတာကို နယ်နှစ်ခံဘုရင်ရဲ့ဇနီးသိသွားတဲ့အခါ ဘာတွေဆက်ဖြစ်ကြမလဲ Brandt ဟာ အလုပ်တာဝန်နဲ့ နှလုံးသားကြား ရွေးချယ်ရတဲ့အခါ သူဘယ်လိုဆုံးဖြတ်မလဲ သူတို့ ၂ ယောက်ရဲ့အချစ်ဇာတ်လမ်းလေးကရော ပေါင်းဖက်ရပါ့မလား ဆိုတာတော့ ကြည့်ရှုအားပေးကြပါဦး File Size : (750 MB) and (270MB) Quality : Webdl 720p Running Time : 1hr 45minutes Format : Mp4 Genre : Drama, Romance, War Subtitle : Myanmar Subtitle (Hardsub) Encode By Thanhtike Zaw

All the Money in the World (2017) ~ IMDb - 6.8/10, RT - 79%, Meta - 72% ~ Gladiator, Alien, Blade Runner နဲ့ Kingdom of Heaven စတဲ့ တကယ့်ထိတ်ထိတ်ကြဲကားတွေချည်းရိုက်ခဲ့တဲ့ ဒါရိုက်တာကြီး Ridley Scott ရဲ့ True Story ကားကောင်းတစ်ကားပါ။ Mark Wahlberg နဲ့ Michelle Williams တို့လို သရုပ်ဆောင်ကောင်းတွေအပြင် Christopher Plummer လို ဝါရင့် သမ္ဘာရင့် ဂန္ထဝင် သရုပ်ဆောင်ကြီးတွေပါနေတာကလည်း ဒီကားကို ပိုကောင်းသွားစေပါတယ်။ ဇာတ်လမ်းကတော့ တစ်ချိန်က ကမ္ဘာပေါ်မှာ အချမ်းသာဆုံးလူလို့ သတ်မှတ်ခံခဲ့ရတဲ့ ရေနံသူဌေးကြီး ဂျွန်ပေါလ်ဂတ်တီရဲ့ မြေးဦး ဂျွန်ပေါလ်ဂတ်တီ ၃ ပြန်ပေးဆွဲခံရတဲ့အကြောင်းကို ရိုက်ကူးထားတာပါ။ ဂျေပေါလ်ဂတ်တီ ၂ က သူ့အဖေဆီမှာ မနေဘဲ ခွဲနေတယ်။ နောက်တော့ သူတို့သားအဖပြန်ပေါင်းထုပ်ပြီး ဂျွန််ပေါလ်ဂတ်တီ ၃ ယောက် တစ်အိမ်တည်းမှာနေကြတာပေါ့။ ဒါပေမဲ့ ချမ်းသာတဲ့ဒဏ်ကို မခံနိုင်တဲ့ ဂျေပေါလ်ဂတ်တီ ဒုတိယ က ဆေးစွဲ နောက်မိန်းမရသွားတော့ ပထမမိန်းမက ကွာရှင်းပါတယ်။ ဒါပေမဲ့ ရေနံသူဌေးကပ်စေးအဘိုးကြီး ပထမ ဂျေပီဂတ်တီက ချွေးမဖြစ်သူ အဘီဂေးလ် ဟားရစ်ကို ငွေတစ်ပြားမှမယူရင် ကလေးအုပ်ထိန်းခွင့်ကို အပြည့်ပေးမယ်ဆိုပြီး အပေးအယူတည့်သွားကြပါတယ်။ နောက်မှာ ဂျေပီဂတ်တီ တတိယ ပြန်ပေးဆွဲခံရတော့ သူ့အမေက ပိုက်ဆံမရှိတဲ့ နာမည်ကြီးထမင်းငတ်၊ သူ့အဘိုးကကျ ချမ်းသာသလောက် ကပ်စေးကုတ်တဲ့သူ။ အဲဒီအခြေအနေတွေကြားကနေ ဂျေပီဂတ်တီ ၃ ဘယ်လိုပြန်ရောက်လာမလဲဆိုတာကို ဖြစ်ရပ်မှန်နဲ့ ဒရာမာရောစွတ်ထားတဲ့ ဒီဇာတ်ကားမှာ ထိုင်ရာမထ ကြည့်ကြရပါလိမ့်မယ်။ (ဒီဇာတ်ကားနဲ့အညွှန်းကို 666 မှ ပြန်ဆို ရေးသားထားပါတယ်) Size - 2.25GB, 945MB Quality - BluRay 1080p, 720p IMDb Rating - 6.8/10 Format - mp4 Duration - 2H 12Min Genre - Crime, Drama, History, Mystery, Thriller Subtitle - Myanmar Subtitle (Hardsub) Translated by 666 Encoded by Y

black and white ခေတ်ကမင်းသားကြီးChristopher Plummerပါဝင်သရုပ်ဆောင်ထားတဲ့ 2015မှာထွက်ရှိခဲ့တဲ့ ဇာတ်ကားကောင်းလေးပါ ဒုတိယကမ္ဘာစစ်တုန်းက ဟစ်တလာခေါင်းဆောင်တဲ့နာဇီတွေက 'ခရစ်စတယ်ည'နာမည်တွင်ခဲ့တဲ့ ၁၉၃၈ ခုနှစ် နိုဝင်ဘာ ၉-၁၀ ရက်နေ့တွေမှာ ဂျူးတွေနဲ့ဂျူးတွေပိုင်ဆိုင်တဲ့ ပစ္စည်းတွေဆိုင်ခန်းတွေကို အကြမ်းဖက်ဖျက်ဆီးခဲ့ကြပါတယ် ဒီဖြစ်စဉ်မှာ ဂျူးလူမျိုး၃သောင်းခန့် အဖမ်းခံရကာစစ်အကျဉ်းစခန်းကို ပို့ခံခဲ့ရပြီး ဂျူး၁၀၀ထက်မနည်းသေဆုံးခဲ့ပါတယ် ဒီဖြစ်ရပ်ဟာ Holocaust Genocide ကိုဦးတည်စေခဲ့ပါတယ် Holocaust မှာ ဂျူးများအပြင်LGBTတွေ, လူမည်းတွေ, ဂျစ်ပစီတွေ, မသန်စွမ်းတွေပါ နာဇီတွေရဲ့သားကောင်ဖြစ်ခဲ့ရပါတယ် Auschwitzလိုစစ်အကျဉ်းစခန်းတွေမှာ အစုလိုက်အပြုံလိုက်သတ်ဖြတ်မှု, အဆိပ်ဓာတ်ငွေ့ပေးနှိပ်စက်မှုတွေပါပြုလုပ်ခဲ့ကြပါတယ် ဒီဖြစ်ရပ်တွေကိုအခြေတည်ထားတဲ့ ဇာတ်လမ်းလေးဖြစ်တာကြောင့် သမိုင်းကြောင်းစိတ်ဝင်စားသူတွေအကြိုက်တွေ့စေမှာပါ ဇာတ်လမ်းအကျဉ်းကတော့ သူငယ်ပြန်ရောဂါရှိနေတဲ့ဇက်ဖ်က သူ့မိန်းမဆုံးသွားပြီးနောက်ပိုင်းမှ ာ နာဇီလက်ထက်က သူ့ရဲ့မိသားစုကိုသတ်ခဲ့တဲ့ တရားခံဖြစ်တဲ့ စစ်အကျဉ်းစခန်းက ခေါင်းဆောင်ပိုင်းတစ်ယောက်ကိုလိုက်ရှာဖို့အကြောင်းဖန်လာပါတယ် ဘိုးဘွားရိပ်သာက သူ့သူငယ်ချင်းမက်စ်ရဲ့အကူအညီနဲ့ ဘယ်လိုစိတ်ဝင်စားစရာ ရှာပုံတော်ဖွင့်မလဲ ဘယ်လို ဇာတ်လမ်းလှည့်ကွက်တွေ ကြုံရဦးမလဲဆိုတာ နာဇီနဲ့ဂျူးတွေကြားကပဋိပက္ခ သမိုင်းကြောင်းတွေကို ပြန်လည်ခံစားရင်း ရှုစားကြပါဦး File size…    1.6 GB /  794 MB Quality… BluRay 1080p / 720p Format… mp4 Duration…. 1h 35m Genre ..... Drama/Thriller Subtitle…. Myanmar Subtitle (Hard Sub) Encoder…. Thit San Khant Translated by Na Ei

ဒီတစ်ခါတင်ဆက်ပေးမှာကတော့ Al Pacino ကြီးရဲ့ ၂၀၁၅ခုနှစ်က ထွက်ရှိခဲ့တဲ့ ဖြစ်ရပ်မှန်အချက်အချို့ပေါ်အခြေခံထားတဲ့ အသက်ကြီးကြီးရော့ခ်စတားတစ်ယောက်ရဲ့ ဘဝဇာတ်ကြောင်းပါ Al Pacino အပြင် အခြားသောနာမည်ကြီးသရုပ်ဆောင်များစွာလည်း ပါပါတယ် American Beauty, 20th Century Women ထဲက Annette Bening, Christopher Plummer, Jeniffer Garner, Bobby Cannavale တို့ပါဝင်အားဖြည့်သရုပ်ဆောင်ထားပါတယ် ဒီ ဒန်နီကောလင်း ဆိုတာက အပြင်က Steve Tilston ဆိုတဲ့ အင်္ဂလိပ်Folk သီချင်းတေးရေးတီဆိုသူကို အခြေခံထားတာပါ IMDb rating 7, Rotten Tomatoes 78%ထိရရှိထားတဲ့ comedy/drama ရုပ်ရှင်လေးမို့ ကြည့်မကောင်းမှာတော့မပူရပါဘူး ဇာတ်လမ်းအကြောင်းအရာက ဒန်နီကောလင်းလို့အမည်တွင်တဲ့ အသက်ကြီးကြီးရော့ခ်ကာစူပါစတားကြီးဟာ သူ့ရဲ့မွေးနေ့မှာ ချစ်သူငယ်ချင်းကြီးက မွေးနေ့လက်ဆောင်အဖြစ်ရှာလာပေးတဲ့ နှစ်၄၀ကြာသက်တမ်းရှိနေပြီဖြစ်တဲ့ စာတစ်စောင်ကိုရခဲ့ပါတယ် အဲဒီစာက John Lennon ကြီးက သူ့ဆီ သူတက်သစ်စအချိန်မှာ အကြံပေးစာ၊ အကူအညီကမ်းလှမ်းစာအနေနဲ့ ရေးခဲ့တာပါ ကံမကောင်းစွာနဲ့ သူဒီစာကို ရသင့်တဲ့အချိန်မှာ ချက်ချင်းမရခဲ့ဘဲ မသမာသူတစ်ဦးရဲ့လက်ချက်ကြောင့် နှစ်ပေါင်း ၄၀အကြာမှသာ လက်ခံရရှိခဲ့ပါတယ် သူ့ဘဝကို ပရိသတ်တွေစိတ်တိုင်းကျရင်ပြီး‌ရော ဖြစ်သလိုနေနေတဲ့ ဒန်နီကောလင်းတစ်ယောက် ဒီအသက်အရွယ်မှာ ဒီစာကိုမြင်မှ အသိတရားရပြီး လွဲမှားနေခဲ့တဲ့သူ့ဘဝကို ပြန်ပြင်ဆင်ဖို့ဆိုပြီး စိုင်းပြင်ပါတော့တယ် ခြေလှမ်းအစအနေနဲ့ သူလှမ်းဖို့ပြင်ခဲ့တာက သူတစ်ခါမှမမြင်ဖူးတဲ့ သူ့ရဲ့တရားမဝင်သားဖြစ်သူဆီ သွားတွေ့ဖို့ပါ သွားတွေ့တဲ့အချိန်မှာတော့ သားဖြစ်သူက တစ်သက်လုံးနေလို့တစ်ခါတောင်မလာတဲ့သူ့ကို မကြိုဆိုနေခဲ့ပါဘူး အဖြစ်က ထင်ထားသလိုမလွယ်ကူတဲ့အခါမှာ ဒန်နီကောလင်းတစ်ယောက် သူ့သားနဲ့သင့်မြတ်အောင် ဘယ်လိုကြိုးစားမလဲ သူ့ဘဝကို သူဖြစ်ချင်ခဲ့တဲ့အတိုင်း ရှေ့ဆက်မလားဆိုတာကို ဟာသလေးနှောပြီး ကြည့်ရှုခံစားလိုက်ကြပါခင်ဗျာ File size…(1.6 GB)/(700 Mb) Quality….Blu-Ray 1080p / 720p Format… mp4 Duration…. 01:46:00 Genre... Comedy, Drama, Music Subtitle….Myanmar Subtitle (Hardsub) Encoder….Garfield Translated by Khey Ki

လူသားများနဲ့သွေးစုပ်ဖုတ်ကောင်များအကြားတစ်ဦးနဲ့တစ်ဦးရာစုနှစ်ပေါင်းများစွာ ရှည်လျားစစ်ပွဲများကမ္ဘာဂြိုလ်ရဲ့မျက်နှာပြက်ပျက်စီးမှု့နဲ့အတူ သီအိုကရေစီလို့ခေါ်တဲ့ဘုရားကျောင်း Church မှ ဦးဆောင်တိုက်ပွဲဝင်လျက်ရှိပါတယ်.... သူတို့ဟာလူသားများကိုကာကွယ်စောင့်ရှောက်ဖို့ ဧရာမတံတိုင်းကြီးများကိုကာကွယ်ဆောက်လုပ်ထားခဲ့ကြပါတယ်... ထို့အတူ သွေးစုပ်ဖုတ်ကောင်များကိုနှိမ်နင်းရန်အတွက်လည်း အထက်တန်းလွှာသူရဲကောင်းအဖွဲ့ဖြစ်တဲ့ Priest လို့အမည်ရှိတဲ့ ခရစ်ယာန်ဘုန်းတော်ကြီးအဖွဲ့ကို ထပ်မံဖွဲ့စည်းခဲ့ပါတယ်... ထို Priest ခေါ်ဘုန်းတော်ကြီးများရဲ့တိုက်ခိုက်မှု့များကြောင့် သွေးစုပ်ဖုတ်ကောင်အများစုသေဆုံးခဲ့သောကြောင့် ကာလကြာရှည်စွာဆင်နွှဲနေသောစစ်ပွဲနှင့်အတူ ထိုအစွမ်းထက်သောဘုန်းတော်ကြီး အဖွဲ့ကို Church မှပယ်ဖျက်ခဲ့ပါတယ်... ထိုသို့သူတို့အားလုံး သေဆုံးပျောက်ကွယ်သွားပြီလို့ထင်နေကြတဲ့ သွေးစုပ်ဖုတ်ကောင်များ ကြောက်မက်ဖွယ်ရာ ပြန်လည်ပေါ်ထွက်လာတဲ့အချိန်မှာတော့....... ထိုကဲ့သို့အစွန်းထက်လှတဲ့ Pirest တစ်ဦးရဲ့တူမဖြစ်တဲ့ လီလီကောလင်းဟာ  သွေးစုပ်ဖုတ်ကောင်တွေပြန်လည်ပေါ်ထွက်လာမှု့နဲ့အတူ ပြန်ပေးဆွဲခံခဲ့ရပါတယ်...... ဒါကြောင့် ထို Priest ဟာမြို့မှာအာဏာအရှိဆုံးဖြစ်တဲ့ ဘုရားကျောင်းခေါင်းဆောင်ကိုအကူညီတောင်းခဲ့ပေမယ့် သွေးစုပ်ဖုတ်ကောင်တွေပြန်လည်ပေါ်ထွက်လာမှု့ကိုအယုံကြည်မရှိခဲ့ပါဘူး....ဒါကြောင့်သူတစ်ယောက်တည်းပဲ ပြန်လည်ကယ်တင်ရန် ဘုရားကျောင်းရဲ့ စကားတွေကို ငြင်းပယ်ပြီးတော့ မြို့ပြင်ကိုထွက်လာခဲ့ပါတယ်... ထိုကဲ့သို့ သွေးစုပ်ဖုတ်ကောင်တွေပြန်ပြီးတော့ ပေါ်ထွက်လာတဲ့အချိန်မှာတော့ အားလုံးရဲ့ခေါင်းဆောင်လို့ ယူဆလို့ရမယ့် ဦးထုပ်နက်နဲ့ သွေးစုပ်ဖုတ်ကောင်ပါဝင်လာခဲ့ပါတယ်..တခြားသွေးစုပ်ဖုတ်ကောင်တွေနဲ့ ကွာခြားနေတာကတော့ သူဟာလူသားသွေးစုပ်ဖုတ်ကောင်ဖြစ်ပါတယ်.... Priest ဟာလည်းသူ့ရဲ့တူမကိုပြန်လည်ရရှိအောင်ကယ်တင်မှာဖြစ်ပြီးတော့  အစွမ်းထက်တဲ့လူသားနဲ့ လူသားသွေးစုပ်ဖုတ်ကောင်တို့ရဲ့ သတ်ပွဲများကို စိတ်လှုပ်ရှားဖွယ်ရာ  ကြည့်ရှု့ရမှာပဲဖြစ်ပါတယ်.... ဒီ Priest ရုပ်ရှင်ဟာ ဘုန်းတော်ကြီးများအကြောင်းထက် လူသားနဲ့ သွေးစုပ်ဖုတ်ကောင်တို့ရဲ့အကြောင်းကို ရိုက်ကူးတင်ဆက်ပေးထားတဲ့ ကားကောင်းတစ်ကားဆိုရင်လည်းမမှားပါဘူး.... သဘာဝလွန်ကားတွေကြိုက်တဲ့လူတိုင်း ဒီကားကိုသေချာကြည့်ဖို့တိုက်တွန်းလိုက်ပါရစေ... အားလုံးအကြိုက်တွေ့ကြမှာပါ.... Quality…..BluRay 1080p Duration…..01:27:00 Format…Mp4 File Size…(627 MB) Encoder…..Moe Myint Lwin Translator…..May Thazin Myint

The Girl with the Dragon Tattoo (2011) IMDb - 7.8/10 Rotten - 86% Won 1 Oscar. Another 26 wins & 91 nominations ငယ်စဉ်ကစပြီး ကြမ်းတမ်းတဲ့ဘဝတစ်ခုမှာနေထိုင်ဖြတ်သန်းလာရတဲ့နဂါးရုပ်ပုံဆေးမင်ကြောင်နဲ့ မိန်းကလေးတစ်ယောက်ဟာ မိသားစုမရှိ အုပ်ထိန်းသူမရှိပဲ တိုင်းပြည်ရဲ့ထောက်ပံမှုနဲ့ ဘဝကိုဆိုးပေတေရင်း ဖြတ်သန်းနေခဲ့ပြီးတစ်ဖက်မှာတော့သူဟာ ထက်မြက်တဲ့စုံစမ်းရေးစိတ်ကို ပိုင်ဆိုင်ထားတဲ့ အလွတ်စုံထောက်တစ်ဦးဖြစ်ပါတယ်ဂျာနယ်လစ်မီကယ်ဘလွန်းကစ်အဖြစ် သရုပ်ဆောင်ထားတဲဂျိမ်းစ်ဘွန်းမင်းသား ဒန်နီယယ်ခရိတ် ကတော့ဒီဇာတ်လမ်းမှာ နိုင်ငံရဲ့အကြီးမားဆုံးငွေကြေးအလွဲသုံးစားလုပ်မှုကို သက်သေမခိုင်ပဲဖော်ထုတ်မိလို့ အသရေဖျက်မှုနဲ့ရင်ဆိုင်နေရသူတစ်ဦးဖြစ်ပါတယ် ကျွန်းတစ်ကျွန်းပေါ်မှာနေထိုင်တဲ့ ဆွီဒင်ရဲ့အချမ်းသာဆုံးမိသားစုတစ်ခုက သူဋ္ဌေးကြီးတစ်ယောက်ဟာ လွန်ခဲ့တဲ့အနှစ်၄၀ကဖြစ်ပွားခဲ့တဲ့ လက်သည်မပေါ်ခဲ့တဲ့မိသားစုအတွင်းလူသတ်မှုတစ်ခုကို သူ့ဘဝလက်ကျန်အချိန်တွေမှာအဖြေသိရဖို့ မီကယ်ဘလွန်းကစ်ကိုငြင်းဆန်လို့မရတဲ့ကမ်းလှမ်းမှုနဲ့ အဖြေရှာပေးဖို့ ကမ်းလှမ်းလိုက်ပါတော့တယ် ထိုအမှုဟာ ဘလွန်းကစ်ရဲ့ဂုဏ်သိက္ခာကိုပြန်လည်ဆယ်ယူဖို့ တိုင်းပြည်ရဲ့အကြီးမားဆုံး ငွေကြေးအလွဲသုံးစားလုပ်မှုတို့နဲ့ ပတ်သက်နေခဲ့ပြီး ဘလွန်းကစ်နဲ့အတူ နဂါးရုပ်ဆေးမင်ကြောင်နဲ့မိန်းကလေးပါ စုံစမ်းရေးထဲကို ပါဝင်လာတဲ့အခါမှာတော့.... Millennium Trilogy ရဲ့အောင်မြင်ခဲ့တဲ့ပထမဆုံးဝတ္တု ဖြစ်တဲ့ The girl with the dragon tattoo ဝတ္တု ကိုရုပ်ရှင်အဖြစ်ပြန်လည်ရိုက်ကူးထားတဲ့ ဒီဇာတ်ကားဟာလည်းအောင်မြင်ခဲ့ပြီး IMDb7.8နဲ့ RT86%ရရှိထားတဲ့ crime flim အမျိုးအစားဖြစ်ပါတယ် actionခန်းတွေပါဝင်မှုနည်းပြီး action ဇာတ်လမ်း ကြိုက်သူတွေ မကြည့်သင့်တဲ့ရုပ်ရှင်မျိုး ဖြစ်ပါတယ် 18+အခန်းတစ်ချို့လိင်ပိုင်းဆိုင်ရာ ကြမ်းတမ်းတဲ့ဇာတ်ဝင်ခန်းတချို့ ပါဝင်ပါတယ် တစ်စိမ့်စိမ့်ကြည့်ရင်း တွေးတောရတာကို ကြိုက်နှစ်သက်သူတွေအတွက် Crime flimတစ်ခုကပေးစွမ်းတဲ့ ရသကိုအပြည့်အဝ ပေးစွမ်းစေမှာပဲဖြစ်ပါတယ်... File Size : (1.2 GB) Quality : 720p BluRay Running Time : 2hr 38min Format : Mp4 Genre : Crime,Drama,Mystery Subtitle : Myanmar Subtitle (Hard Sub) Source : 1080p BluRay Translated by Ye Pyae Sone Tun Encoded by Moe Myint Lwin

အိုလီဗာဖီးဒ်ဟာ မိဘတွေရဲ့ထူးဆန်းတဲ့အိမ်ထောင်ရေးကြောင့် တခြားသူကိုရေရှည်ချစ်ကြည့်ဖို့မဝံ့ရဲပဲ အသက်သုံးဆယ့်ရှစ်နှစ်ရှိလာခဲ့ပါတယ်။ လူပျိုကြီးဘဝနဲ့ အရိုးထုတ်ဖို့ဆုံးဖြတ်ထားတဲ့အိုလီဗာဟာ တစ်နေ့တော့ ပါတီမှာအမှတ်မထင်ဆုံခဲ့ရတဲ့ မိန်းကလေးတစ်ယောက်ကို ချစ်ကြိုက်မိသွားတဲ့အခါမှာတော့... အိုလီဗာ့လိုပဲ ငယ်ဘဝစိတ်ဒဏ်ရာတွေရှိနေတဲ့ အချစ်ကိုကြောက်တဲ့ မိန်းကလေးတစ်ယောက်ဖြစ်နေခဲ့ပါတယ်။ သူတို့နှစ်ယောက်ကြားမှာတဖြည်းဖြည်းအမြစ်တွယ်လာတဲ့သံယောဇဥ်တွေရယ် အိုလီဗာရဲ့ဘဝဇာတ်ကြောင်းရယ်ကို လှပစွာပြသသွားတဲ့ ဇာတ်ကားကောင်းတစ်ပုဒ်ပဲဖြစ်ပါတယ်။ ဒရမ်မာကားကောင်းတွေကြိုက်တတ်ရင် ပေးရတဲ့အချိန်နဲ့တန်မယ့်ဇာတ်ကားကောင်းတစ်ပုဒ်ပါလို့ ညွှန်းရင်းတင်ဆက်လိုက်ရပါတယ်။ File size…1.04 GB Quality…Blu-Ray 1080p Format…mp4 Duration….1h 45m Genre ..... Comedy , Drama , Romance Subtitle….Myanmar Subtitle (Hard Sub) Encoder….Min Wai Translated by Chole Khin

သိပ္ပံနည်းပညာတွေထွန်းကားလာတဲ့အချိန်မှာ လူသားတွေဟာ ငြိမ်းချမ်းရေးအတွက် စက်ပစ္စည်းတွေကို စစ်ပွဲတွေရပ်တန့်ဖို့အစားထိုးအသုံးပြုခဲ့ပေမယ့်  အဲစက်ပစ္စည်းတွေက နောက်ဆုံးမှာ လူသားတွေအားလုံးအတွက်ဆိုးကျိုးတွေကိုသယ်ဆောင်လာခဲ့တဲ့ ကံကြမ္ပာဆိုးတွေဖြစ်လာခဲ့ပါတယ်... လူသားတွေဖန်တီးခဲ့တဲ့စက်ရုပ်တွေရဲ့ ဖျက်ဆီးမှု့တွေကြောင့် လူသားမျိုးစိတ်တစ်ခုလုံးအသက်ဆုံးရှုံးခဲ့ရပြီးတော့ လူသားတွေရဲ့နောက်ဆုံးမျှော်လင့်ချက်ဖြစ်တဲ့ ဝိဉာဉ်တွေအစားထိုးပြုလုပ်ထားတဲ့ အရုပ်ကလေး ၉  ရုပ်သာကျန်ခဲ့ပါတော့တယ်... ၁...၂....၃.....၄....၅....၆....၇....၈....၉ .. ဆိုတဲ့ ကိုယ်ပိုင်နံပါတ်တွေရှိတဲ့အရုပ်ကလေး ၉  ရုပ်ဟာ အမြဲပုန်းကွယ်နေခဲ့ပေမယ့်  နောက်ဆုံးမှာ ၉  ရဲ့ မတော်တဆမှု့လေးတစ်ခုကြောင့် ၉  ရုပ်လုံးပျက်စီးမယ့် အကြောင်းရာကြီးတစ်ခုကစတင်လို့လာပါတော့တယ်... IMDB Rating  7.1 ရရှိထားပြီးတော့ 9.9.2009 မှာထွက်ရှိခဲ့တဲ့ 9 ဆိုတဲ့ ဒီ Animation ကားလေးကို ပရိတ်များပြန်လည်ကြည့်နိုင်ရန် တင်ဆက်ပေးလိုက်ပါတယ်.... File Size                          : 850 Mb / 420 MB Quality                            : HD 720P Running Time                  : 1h 19m

Up (2009) IMDb Rating (8.3) / Rotten Tomatoes (98%) Pixarဆိုတဲ့ animation studio အကြောင်း ပြောကြတဲ့အခါ အများနဲ့မတူတဲ့ storyline, ဇာတ်ကောင်ဖန်တီးမှုပုံစံတွေ၊ဆန်းသစ်တဲ့ ဇာတ်လမ်းပုံစံတွေနဲ့ ကျွန်တော်တို့ ငယ်ဘဝအမှတ်တရအများစုကို ဖန်တီးပေးနိုင်ခဲ့တဲ့ studioတစ်ခုဆိုတာ အားလုံးသိကြမှာပါ။ ဒီstudioကပဲ ထုတ်လိုက်တဲ့Upဆိုတဲ့ Animationဇာတ်ကားကတော့ အတော်များများရင်းနှီးပြီးသားဖြစ်သလို မကြည့်ဖူးတဲ့သူလည်း အတော်ရှားမယ့် animationဇာတ်ကားကောင်းလေး ဖြစ်ပါတယ်။ ဇာတ်လမ်းကတော့ Action နဲ့ comedyကိုရောစပ်ထားပြီးချစ်ခြင်းမေတ္တာ‌တွေ ဒရာမာတွေကိုလည်း ပီပြင်အောင်ဖန်တီးထားတာပါ။ Carlဆိုတဲ့ ကင်းထောက်ကောင်လေးတစ်ယောက်က Ellie ဆိုတဲ့ သဘာဝစူးစမ်းလေ့လာရေးစိတ်ဝင်စားသူနဲ့ အကြောင်းပါခဲ့ပြီး Wild Life Explorerဖြစ်ချင်တဲ့အိပ်မက်ကို အတူအကောင်အထည်ဖော်နိုင်ဖို့ကြိုးစားခဲ့ကြပါတယ်။ သူတို့ရဲ့ အကြီးဆုံး အိပ်မက်ကအမေဇုန်တောထဲမှာ ရှိတဲ့ Paradise Fallဆိုတဲ့ ရေတံခွန်နံဘေးမှာ အိမ်လေးတစ်လုံးဆောက်ပြီး နေသွားဖို့ပါ။ ဒါပေမဲ့ သူတို့ရဲ့အိပ်မက်တွေ အကောင်အထည်မပေါ်ခင်Ellie တစ်ယောက်ဆုံးပါးသွားတဲ့နောက် အထီးကျန်နေတဲ့Carlအ‌နေနဲ့ ဇနီးဖြစ်သူ မလုပ်နိုင်ခဲ့တဲ့အရာကို လက်တွေ့ဖြစ်အောင် လုပ်ပေးဖို့ ဆုံးဖြတ်ပြီး အိမ်ကြီးတစ်လုံးလုံးလေထဲသယ်နိုင်မယ့် ပူဖောင်းတွေအများကြီးကို ချိတ်ပြီးအိမ်လုံးကျွတ် လေထဲရွက်လွင့်ကာ Paradise Fallဆီကိုထွက်လာပါတော့တယ်။ Carlရဲ့ Adventureမှာ အတူတူလိုက်ပါလာတာကတော့ သူ့လိုပဲ wildlife ကို ဝါသနာပါတဲ့Russel ဆိုတဲ့ ကောင်လေးတစ်ယောက်ပါ။ သူတို့တွေရဲ့စွန့်စားခန်းဟာ မှန်းထားသလိုပဲ တကယ်ဖြစ်လာမှာလား၊ဘယ်လိုမျိုးအခက်အခဲတွေ ကြုံတွေ့ရမလဲ၊ မထင်ထားတဲ့အနှောင့်အယှက်တွေ ရန်သူတွေကို ဘယ်လိုကျော်ဖြတ်သွားကြမလဲဆိုတာကို မိသားစုနဲ့အတူ ကြည့်ရှုနိုင်ဖို့တွက်တင်ဆက်ပေးလိုက်ပါတယ်။ (အညွှန်းနဲ့ဘာသာပြန်ကတော့ JimX ဖြစ်ပါတယ်။) File size…(4.9 GB) / (1.8 GB) / (960 MB) Quality….Blu-Ray Rip 4K HEVC / 1080p HEVC / 720p Format…. mkv/mp4 Genre….Adventure,Animation,Comedy,Family Duration….01:36:30 Subtitle….Myanmar Subtitle (Hardsub) Encoder….Thit San Khant Translated by JimX

The Imaginarium of Doctor Parnassus (2009) ~ The Last Of Heath Ledger ~ ဒီရုပ်ရှင်ရဲ့ ဇာတ်လမ်းအဆုံးမှာ " A Film From Heath Ledger and Friends " လို့ ရေးထိုးထားပါတယ်။ အတော်၀မ်းနည်းစရာကောင်းတဲ့ စာ‌ကြောင်းပါပဲ။ "Heath Ledger, Johnny Depp, Jude Law, Colin Farell, Christopher Plummer, Andrew Garfield" ဒီရုပ်ရှင်လောက် နာမည်ကြီး ထိပ်တန်း cast တွေစုနေတဲ့ ရုပ်ရှင်မရှိလောက်ဘူးလို့ ပြောရမယ်။ ဒီလိုလူတွေကို တစ်စုတစ်စည်းထဲမြင်ရတာ ၀မ်းသာစရာကောင်းလား‌ပြောရရင်လည်း ဘာကြောင့် ဒီလိုဖြစ်သွားလဲဆိုတဲ့အချက်က အတော် ၀မ်းနည်းစရာကောင်းပါတယ်။ အကြောင်းရင်းကတော့ ဒီရုပ်ရှင်ရိုက်ကူးနေရင်း တန်းလန်းမှာပဲ Heath Ledger ဟာ အဆုံးမဲ့လွင်ပြင်တစ်ခုဆီ ပျံသန်းထွက်ခွာသွားခဲ့လို့ပါပဲ။ Heath မရှိတော့တဲ့နောက် သူ့သူငယ်ချင်းတွေက သူ့ရဲ့မပြီးသေးတဲ့တာ၀န်ကို အပြီးသတ်ပေးခဲ့ကြလို့ ဒီရုပ်ရှင်မှာ နာမည်ကြီး Cast တွေစုနေတာပါပဲ။ Johnny Depp, Jude Law, Colin Farell စတဲ့သူတွေဟာ Heath ရဲ့ ဇာတ်ကောင် တိုနီနေရာကပဲ သရုပ်ဆောင်ထားခဲ့ကြတယ်။ ဘာလို့ အစားထိုးတစ်ယောက်တည်းမထည့်ဘဲ သုံးယောက်တောင် ထည့်ချပစ်လိုက်တာလဲဆိုတာကို ဒါရိုက်တာ Gilliam က Heath နေရာကို ဘယ်သရုပ်ဆောင်နဲ့မှ အစားထိုးလို့မရလို့လို့ ဖြေထားပါတယ်။ သူသုံးသွားတဲ့ စကားလုံးက အတော်ထိပါတယ် "no one actor"တဲ့ ။ သို့ပေမဲ့ ဒါရိုက်တာကလည်း အတော်တော်ပါတယ်။ ဒီတိုင်းကြည့်ရင် Heath သေသွားလို့ လူစားထိုးထားတယ်လို့ကို မထင်ရဘဲ ဇာတ်ကိုက ဒီလိုဖြစ်နေတာလို့ ထင်ရလောက်အောင် ရိုက်သွားတယ်။ ဒါရိုက်တာကပြောပါသေးတယ်။ "Heath ကိုယ်တိုင် အစအဆုံးသရုပ်ဆောင်ရင် ဒီရုပ်ရှင်က ဘယ်လောက်တောင် ထူးခြားတဲ့ရုပ်ရှင်ဖြစ်လာမလဲ ကျွန်တော်တို့မသိနိုင်တော့ပေမဲ့ သူပါခဲ့သမျှ အခန်းတိုင်းကတော့ မှော်ဆန်ခဲ့တယ်" တဲ့။ ဒါရိုက်တာဟာ 12 monkeys တို့၊ Monty Python and the Holy Grail တို့၊ Fear and Loathing in Las Vegas တို့လို နာမည်ကျော်ကားတွေကိုရိုက်ခဲ့တဲ့သူပါ။ နောက် အရုပ်မလေးလိုလှပြီး ဆွဲဆောင်မှုရှိတဲ့ မင်းသမီး Lily Cole က မပေါ့တပေါ် ညှို့ပြအားဖြည့်ထားပြီး မကြိုက်တဲ့သူမရှိသလောက်ရှားတဲ့ Big Fish ရဲ့အရသာမျိုးကိုပေးနိုင်တဲ့ ရုပ်ရှင်ဆိုလည်း မမှားပါဘူး။ စိတ်ကူးယဉ်ဆန်ဆန် မှော်ဆန်ဆန်နဲ့ အတော့်ကိုလှနေတဲ့ကားပါပဲ။ Heath Ledger ကို Tribute ဖို့ သူဘယ်လောက်တော်တဲ့ သရုပ်ဆောင်တစ်ယောက်ဖြစ်ခဲ့တယ်ဆိုတာ ကျွန်တော်ရေးပြစရာမလိုပါဘူး။ ရုပ်ရှင်ကိုချစ်တဲ့သူတွေတိုင်း Heath Ledger က ဘာဆိုတာသိပြီးသားပါပဲ။ ဒီရုပ်ရှင်ဟာ Heath Ledger ရဲ့ မပြီးဆုံးသေးတဲ့ တာ၀န်ကို သူ့သူငယ်ချင်းတွေ ဆက်ထမ်းပေးသွားတဲ့ သူ့ရဲ့ နောက်ဆုံးရုပ်ရှင်တစ်ဖြစ်လဲ သူ့ရဲ့နောက်ဆုံးအနုပညာမှော်၀င်စားမှုပါပဲ။ ဒီရုပ်ရှင်ရဲ့ Concept ကို ကျွန်တော်လိုက်မမီပါဘူး။ သို့ပေမဲ့ ဒီရုပ်ရှင်ကြည့်ပြီး မင်းဘယ်လိုခံစားရလဲ မေးလာရင်တော့ အောက်ကအတိုင်းပဲ ရေးပြရလိမ့်မှာပါပဲ။ " ကိုယ်တိုင်ကပဲညစ်ထေးနေခဲ့တာလား ညစ်ထေးနေတဲ့ ကမ္ဘာ‌ကြောင့်လား ကိုယ်တိုင်လည်းမသိတော့ပေမဲ့ အရွယ်တွေလွန်လာပြီးတဲ့အခါ ဖန်တရာတေအမှားနဲ့ကမ္ဘာမှာ တစ်ခါတလေတော့လည်း အိပ်မက်တွေ တစ်ခါတလေတော့လည်း ချစ်ခြင်းတွေ ကြာလာလေ ပျောက်ရှလေ ငါဟာ ငါထင်ဖူးတဲ့ငါ မဟုတ်တော့တဲ့အခါ ငါ့ကိုယ်ငါပြန်မတွေ့တဲ့မှန်တစ်ချပ်ထဲမှာ ငါ့ကိုယ်ငါပြန်ရှာရင်းနဲ့ ကြာခဲ့ပြီပဲ အိပ်မက်ဟောင်းရေ။ ။ " " A Film From Heath Ledger and Friends" (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - 1.9GB, 1.23GB Quality - 1080p, 720p IMDb Rating - 6.8/10 Format - mp4 Duration - 2H 2Min Type - Fantasy, Adventure Subtitle - Myanmar Subtitle (Hardsub) Translated by WiRa Aung Encoded by Y

၁၉၁၀ ခုနှစ်က နာမည်ကျော်စာရေးဆရာကြီး တိုစတွိုင်းနဲ့ သူ့ရဲ့ဇနီး ဆိုဖီယာဆို့ဟာ တိုစတွိုင်းရဲ့ စာပေအမွေနဲ့ ပတ်သက်ပြီးတော့ နားလည်မှုလွဲခဲ့ကြပါတယ်. ဆိုဖီယာက အဲဒီ့အမွေတွေကို သူ့ကို ပေးခဲ့သင့်တယ်လို့ ယူဆခဲ့ပေမယ့် တိုစတွိုင်းရဲ့ တပည့်ရင်းဖြစ်တဲ့ ချာ့ဖ်ကော့ဗ်ကတော့ ရုရှားပြည်သူတွေအတွက် ဖြစ်ရမယ်လို့ နားချဖို့ ကြိုးစားပါတော့တယ်. နောက်ဆုံးတော့ ချာ့ဖ်ကော့ဗ်က တိုစတွိုင်ရဲ့အိမ်ထဲကို သူလျှို တစ်ယောက်ထည့်ပြီး အဲဒီ့သူလျှိုက စာရေးဆရာကြီးရဲ့ သမီးတစ်ဦးနဲ့ မေတ္တာမျှကြတဲ့အခါ... ဖြစ်ရပ်မှန်အပေါ် အခြေခံထားပြီး နာမည်ကြီး Red Movie တွေမှာ Main role အနေနဲ့ပါဝင်ခဲ့တဲ့ မင်းသမီးကြီး Helen Mirren အပြင်, X-men Movie တွေရဲ့ အဓိက ဇာတ်ဆောင်ဖြစ်တဲ့ James MaAvoy တို့ အဓိက ပါဝင်သရုပ်ဆောင်ထားပြီး ဒါရိုက်တာ Michael Hoffman ရဲ့ လက်ရာဖြစ်ပါတယ်. File size…(1.8 GB)/(1 GB) Quality….Webrip 1080p / 720p Format…mp4 Duration….01:52:00 Genre...Drama, Biography, Romance Subtitle….Myanmar Subtitle (Hardsub) Encoder….Garfield Translated by Jo Joe

Inside Man(2006) IMDb.....7.6,,,,,,,Rotten....86 ခရစ်စမတ်ကာလမှာ လူ ၄ယောက်ဟာ နယူးယောက်မြို့လယ်ကောင်ရဲ့ဘဏ်တစ်ခု ကိုဓားပြဝင်တိုက်တယ် ... ဒါကြောင့် ရဲတွေလည်း ဘေးပတ်လည်မှာ ဝိုင်းထားတယ်.... တီဗွီသတင်းတွေ သတင်းစာတွေအတွက်ဏ်ဓားပြမှုအကြောင်းဟာ ခေါင်းစဉ်ကြီးဖြစ်သွားတယ် . ..ဓားပြ ၄ယောက်ဟာ ဘဏ်အတွင်းမှာရှိတဲ့ ဝန်ထမ်းနဲ့ ငွေကိစ္စဖြင့်လာရောက်သူတိုင်းရဲ့ဖုန်းတွေကို ပိတ်တယ်.... ကားသော့တွေသိမ်းတယ်.. . ပြီးတော့ သူတို့အားလုံးရဲ့အဝတ်တွေလဲခိုင်းတယ်..ဘဏ်ဓားပြတွေဟာ အသင့်ချုပ်ထားတဲ့ ဝတ်စုံကို ဓားစာခံတွေကို ပေးဝတ်လိုက်တယ်... ဒီတော့ ဓားပြတိုက်သူနဲ့ ဓားစာခံက သေနတ်ကိုင်ထားတာနဲ့မကိုင်တာပဲကွာတော့တယ်.... ရဲတွေက cctv ကနေစလိုက်တယ် ... ဒါပေမဲ့ ဓားပြ မတိုက်ခင်၂မိနစ်လောက်အလိုထိပဲ ကြည့်လို့ရတယ် infard bulbက စီစီတီဗွီကင်မရာကို ပိတ်လိုက်နိုင်တယ်... ဓားစာခံတွေကို အခန်းထဲထည့်အလုံပိတ်ထားတယ် သူတို့ကအပြင်မှာနေတယ် ဓားပြတွေဟာ စကားဝှက်အနေနဲ့ Steve Q လို့သုံးတာရှိသလို Steve 0လို့လည်းသုံးတယ် . ...ဒီဓားပြမှုကို ကိုင်တွယ်တဲ့ စုံထောက်ရဲ့ လုပ်ကွက်တွေကလည်း ပညာရှင်ဆန်တယ်....သို့ပေမယ့်လည်........ ဒီကားက အဓိကမင်းသားကြီး (၂)လက်ဖြစ်တဲ့  Denzel Washingtonနဲ့ Clive Owen ကိုတော့ တော်တော်များများသိကြမယ်ထင်တယ်.... ၂၀၀၆ ခုနှစ်ကား ဆိုပေမယ့် ဒီဘက်ခေတ်ကားတွေကို ကောင်းကောင်းယှဉ်လို့ရတယ်...ဒီကားဇာတ်လမ်းအစ စာတန်းထိုးကထဲကနည်းနည်းထူးဆန်းတဲ့ နောက်ခံတေးသွား... .နောက်ပြီးတော့ ဓားပြခေါင်းဆောင်နဲ့ စုံထောက်ရဲ့အားပြိုင်မှု....မြှုတ်ကွက်တွေလည်း မထင်မှတ်တဲ့ရှုထောင့်က ပေါ်လာတတ်တယ်.. ခင်ဗျားဟာ ဇာတ်လမ်းအစ ကထဲက ဓားပြခေါင်းဆောင်နေရာမှာ သူခင်းတဲ့အကွက်တွေကို အံအားတစ်သင့်ငေးမောလိုက် .. စုံထောက်ကြီးဘယ်လိုများ ဓားပြတွေကိုဖမ်းမလဲ စဉ်းစားလိုက်....ဓားပြတွေရဲ့အဓိကရည်ရွယ်ချက်က ဘာလဲတွေးလိုက်နဲ့.. .သေချာတယ် ခင်ဗျားဟာဒီကားကိုကြည့်ပြီးရင်  တော်တော်လန်းတဲ့ကားလို့မှတ်ချက်ချမိလိမ့်မယ်.....စကားမစပ် ဒီကားက 2006ခုနှစ်ရဲ့ Movie of the Year ဆုရခဲ့တယ်... ဇာတ်လမ်းအညွှန်းနဲ့ဘာသာပြန်သူကတော့ ကို Oung Xix Ming ဖြစ်ပါတယ်.... File Size : (2.25GB)(1.17GB) and (468 MB) Quality :Blu-Ray1080p 5.1ch, Blu-Ray 720p Format…mp4 Duration…02:09:00 Genre : Adventure, Drama, Fantasy Subtitle : Myanmar Subtitle (Hard Sub) Translated by Oung Xix Ming Encoded by Phyo Pyae

Lake House(2006) (ကြည်နူးရိပ်ရဲ့ကားမို့ 1080P5.1CH ပါပြုလုပ်ပေးထားပါတယ်...) စာလေးတစ်စောင်ကြောင့် အချစ်တစ်ခုစတင်ခဲ့ဖို့ ဘယ်သူကမျှော်လင့်ခဲ့မှာလဲ?စတင်ခဲ့တဲ့အချစ်တစ်ခုက အချိန်ကာလကွာခြားနေပေမယ့် နောက်ဆုတ်လိုက်ဖို့က ခဲယဥ်းလွန်းလှပါတယ်။ ကိတ်ဆိုတဲ့ဆရာ၀န်မလေးက ရေကန်ဘေးကအိမ်မှာနေခဲ့တဲ့အိမ်ပိုင်ရှင်ဟောင်းပါ။ သူ့နောက်မှာပြောင်းလာမယ့် အိမ်ပိုင်ရှင်အသစ်ဆီကိုစာရေးရင်း သူ့စာက လွန်ခဲ့တဲ့နှစ်နှစ်က ရေကန်ဘေးကအိမ်မှာနေခဲ့တဲ့ အတိတ်ကအဲလက်စ်ဆီကိုရောက်သွားပါတော့တယ်။ စာတွေအပြန်အလှန်ဆက်သွယ်ရင်းတစ်ယောက်နဲ့တစ်ယောက်ချစ်မိသွားပေမယ့်ဆက်သွယ်စရာဆိုလို့ စာတိုက်ပုံးလေးပဲရှိတဲ့သူတို့နှစ်ယောက်ရဲ့ကြားမှာ အချစ်ဆိုတာအိပ်မက်တစ်ခုလိုပါပဲ။ အတိတ်က အဲလက်စ်နဲ့ အနာဂတ်က ကိတ်...ဘယ်လိုပေါင်းစည်းဖို့ကြိုးစားမလဲဆိုတာ စိတ်၀င်တစားနဲ့ကြည့်ရှုရမှာပါ CMပရိသတ်ကြီးအတွက် ယခုတင်ဆက်ပေးလိုက်တာကတော့ အားလုံးရဲ့အချစ်တော် ကီနူးရိဒ်နဲ့ ဆန်ဒရာဘူးလော့တို့ရဲ့ စိတ်ကူးယဥ်အချစ်ဇာတ်လမ်းလေးပါ။ ချစ်ခြင်းမေတ္တာကို သီချင်းချိုချိုလေးတွေနဲ့ ကြည်ကြည်နူးနူးခံစားချင်တဲ့ ပရိသတ်ကြီးတွေအဖို့တော့.... ဇာတ်လမး်အညွှန်းနဲ့ဘာသာပြန်သူကတော့ Aye Mon Kyaw ပဲဖြစ်ပါတယ်.... File Size :(1.7GB)(950 MB) and (363 MB) Quality : Blu-Ray 1080p 5.1 CH, Blu-Ray 720p Format…mp4 Duration…01:39:00 Genre :  Drama, Fantasy, Romance Subtitle : Myanmar Subtitle (Hard Sub) Translated by Aye Mon Kyaw Encoded by Phyo Pyae

ဘန်ဂိတ်စ်တို့မျိုးရိုးဟာ ဘိုးဘေးတွေလက်ထက်ကတည်းက ဝှက်စာတွေဖော်ပြီး ရတနာသိုက်ရှာလာခဲ့ကြသူတွေပါ။ သူတို့ရှာနေတဲ့ ရတနာသိုက်ကို တခြားလူတွေက ရှိတယ်လို့တောင် မယုံကြတဲ့အတွက် အရူးတွေလို့ အလှောင်ခံခဲ့ရတယ်။ ဘန်ကတော့ သူ့လက်ထက်မှာ ဒီအလှောင်ခံရမှုကို အဆုံးသတ်ဖို့ ရတနာသိုက်ကို အရရှာချင်နေပါတယ်။ သဲလွန်စတွေနောက် လိုက်ရင်း သူ့ရဲ့ရှာဖွေမှုက အမေရိကန်နိုင်ငံ တည်ထောင်သူတွေ၊ လွတ်လပ်ရေးကြေညာစာတမ်းနဲ့ အမေရိကန်သမိုင်းထဲက အထင်ကရအရာတွေဆီ ဦးတည်လာတယ်။ ဖရီးမေဆင်တွေရဲ့ လျှို့ဝှက်ချက်တွေကိုလည်း ဖော်ထုတ်ဖို့ လိုလာပါတယ်။ ဒီကြားထဲ သူငယ်ချင်းတစ်ယောက်ရဲ့ သစ္စာဖောက်မှုကိုပါ ခံလိုက်ရပေမယ့် ဘန်က ရှာဖွေမှုကို လက်မလျှော့ခဲ့ဘူး။ သမိုင်းအမွေအနှစ်တွေကို မြတ်နိုးတဲ့ မော်ကွန်းတိုက်မှူး အဘီဂေးလ်နဲ့ နည်းပညာကျွမ်းကျင်တဲ့ သူငယ်ချင်း ရိုင်လေတို့ရဲ့ အကူအညီနဲ့ လွတ်လပ်ရေးကြေညာစာတမ်းကို ခိုးယူပြီး ရတနာသိုက်ရှာဖို့ ကြိုးစားကြတယ်။ အဲဒီနောက်တော့ FBI ကရော လူဆိုးတွေကပါ လိုက်လာကြလို့ နှစ်ပေါင်းများစွာ ဘယ်သူမှ ရှာမတွေ့ခဲ့တဲ့ ရတနာသိုက်နောက်ကို လွတ်လွတ်လပ်လပ် လိုက်နိုင်တဲ့အခြေအနေ မရှိတော့ပါဘူး။ နစ်ကေ့ သရုပ်ဆောင်ထားတဲ့ ဘန်ဂိတ်စ်က ခပ်တည်တည်နေပြီး မသိမသာ ဘဝင်မြင့်တတ်သူပါ။ ဂျက်စတင်ရဲ့ ဟာသပြောတတ်တဲ့ ဇာတ်ကောင်နဲ့ ခရူဂါရဲ့ ဇာတ်ကောင်တို့ တွဲပါလာတဲ့အခါ သူတို့အချင်းချင်း အပေးအယူကလည်း ရတနာရှာခရီးရဲ့ အစိတ်အပိုင်းတစ်ခု ဖြစ်လာပါတယ်။ အက်ရှင်၊ စွန့်စားခန်းနဲ့ ဝှက်စာပဟေဠိတွေကို သမိုင်းအမွေအနှစ်တွေနဲ့ ဆက်စပ်ထားတဲ့ ဇာတ်ကားပါ။ အခွေငှားဆိုင်ခေတ်ကတည်းက လူသိများခဲ့တဲ့ National Treasure ဟာ နစ်ကေ့ အက်ရှင်ဇာတ်ကားတွေဘက်မှာ နာမည်ရလာတဲ့ကာလက ရိုက်ကူးခဲ့တာဖြစ်ပြီး ပထမကားက ရုံဝင်ငွေကောင်းခဲ့ပါတယ်။ ရှေ့ကဇာတ်ကားနှစ်ကားလုံးမှာ ရတနာသိုက်ရှာတာကို အမေရိကန်သမိုင်းနဲ့ နိုင်ငံ့ရေးရာတွေကြား ချိတ်ဆက်ပုံဖော်ထားတယ်။ သုတစာအုပ်တွေ၊ ကာတွန်းဂျာနယ်တွေနဲ့ စာရေးဆရာတွေရဲ့ လက်ရာတွေကနေ ဒီသမိုင်းအကြောင်းနဲ့ ဖရီးမေဆင်အကြောင်း ရင်းနှီးခဲ့သူတွေအတွက်တော့ သိပြီးသားအကြောင်းအရာတွေကို စွန့်စားခန်းထဲမှာ ပြန်တွေ့ရသလို ဖြစ်စေပါတယ်။ ဇာတ်ကားတွေ အောင်မြင်လာပြီးနောက် စာအုပ်တချို့နဲ့ မူလဇာတ်ကောင်တချို့ ပြန်ပါလာတဲ့ ဇာတ်လမ်းတွဲတစ်ခုလည်း ထွက်ရှိခဲ့ပါတယ်။

မက်ဆာဒိုးနီးယားဘုရင် အလက်ဇန်းဒါးရဲ့ ဘဝကို ငယ်စဉ်ကနေ အင်ပါယာတည်ဆောက်တဲ့ကာလအထိ ပုံဖော်ထားတဲ့ ဇာတ်ကားပါ။ ဘီစီ ၃၅၆ ကနေ ၃၂၃ အတွင်း အသက်ရှင်ခဲ့တဲ့ သူ့အကြောင်းမှာ စစ်ပွဲနဲ့ နယ်မြေသိမ်းပိုက်မှုတွေအပြင် မိသားစုအတွင်း ဆက်ဆံရေးတွေ၊ ငယ်ပေါင်းမိတ်ဆွေတွေ၊ ချစ်သူတွေနဲ့ ယဉ်ကျေးမှုမတူတဲ့ လူမျိုးတွေကြား သူနေထိုင်အုပ်ချုပ်ခဲ့ပုံတွေပါ ပါဝင်ပါတယ်။ သူ့ဖခင် ဖိလစ်က လူမျိုးစုတွေကို စုစည်းပြီး ဂရိလူမျိုးစုတွေကို အောင်နိုင်ခဲ့သူပါ။ ဥရောပကနေ အာရှဘက်ကို ဆက်ချဲ့ပြီး ပါရှန်းအင်ပါယာကို သိမ်းပိုက်ဖို့လည်း ရည်ရွယ်ထားတယ်။ အလက်ဇန်းဒါးအတွက် ဒီအခြေအနေက အစကောင်းတစ်ခု ဖြစ်ပေမယ့် ထီးနန်းဆက်ခံရမယ့်လမ်းကတော့ ဖြောင့်ဖြူးနေတာ မဟုတ်ပါဘူး။ ဖခင်က နောက်အိမ်ထောင်ပြုပြီး သားတစ်ယောက် ထပ်ရလာတဲ့အခါ နန်းဆက်ခံရေးအတွက် ပြိုင်ဆိုင်စရာ ပေါ်လာပါတယ်။ ဖိလစ် လုပ်ကြံခံရပြီးနောက် အလက်ဇန်းဒါး ဘုရင်ဖြစ်လာတယ်။ အဲဒီနောက် ဖခင်ရည်ရွယ်ခဲ့တဲ့ ပါရှန်းဘက်ကို စစ်ချီပြီး ဘုရင်ဒရိုင်းရပ်စ်နဲ့ ရင်ဆိုင်ကာ ဘေဘီလုံကို သိမ်းပိုက်ခဲ့ပါတယ်။ သူ့ရဲ့စစ်ဆင်ရေးတွေမှာ အားထားရသူတွေကတော့ ငယ်ပေါင်းမိတ်ဆွေတွေဖြစ်တဲ့ ဟက်ဖိုက်စတီရန်၊ ပထောလမီ၊ ကတ်ဆန်းဒါ၊ နီရားကတ်စ်နဲ့ ကရားတို့စ်တို့ပါ။ သူတို့ရဲ့ စစ်ရေးစွမ်းရည်နဲ့ သူ့အပေါ် သစ္စာရှိတဲ့ စစ်တပ်ကို အားပြုပြီး အလက်ဇန်းဒါးဟာ အီဂျစ်နဲ့ ပါရှန်းကနေ အိန္ဒိယအထိ နယ်မြေချဲ့ထွင်လာပါတယ်။ ကိုယ်ရေးဘဝဘက်မှာတော့ မိခင်ရဲ့ လောဘနဲ့ ရက်စက်မှုတွေကို ငယ်စဉ်ကတည်းက မြင်တွေ့ခဲ့ရပုံ၊ ငယ်ပေါင်းသူငယ်ချင်း ဟက်ဖိုက်စတီရန်နဲ့ ပါရှန်းသုံ့ပန်း ဘာဂိုအက်စ်တို့နဲ့ ချစ်သူဆက်ဆံရေးတွေကိုလည်း ပုံဖော်ထားပါတယ်။ နောက်ပိုင်းမှာ ရော့ဇာနာနဲ့ လက်ထပ်ပြီး သားတစ်ယောက်ရခဲ့သလို နောက်ထပ် မိဖုရားနှစ်ယောက်လည်း ရှိခဲ့ပါတယ်။ အလက်ဇန်းဒါးက ပါရှန်းယဉ်ကျေးမှုကို လေးစားအားကျသူဖြစ်ပြီး မက်ဆာဒိုးနီးယားယဉ်ကျေးမှုနဲ့ ရောယှက်စေခဲ့တယ်။ ဖမ်းဆီးရမိတဲ့ ပါရှန်းတော်ဝင်မျိုးနွယ်တွေကိုလည်း တော်ဝင်မိသားစုလို ဆက်ဆံခဲ့ပါတယ်။ သူ့စစ်ရေးအကြောင်းကိုတော့ ပါရှန်းနဲ့ ရင်ဆိုင်ခဲ့တဲ့ ဂယ်ဂွယ်မယ်လာတိုက်ပွဲ၊ အိန္ဒိယဆင်တပ်နဲ့ တိုက်ခိုက်ခဲ့တဲ့ တောတွင်းတိုက်ပွဲတွေကနေ ပြသထားပါတယ်။ သုံးနာရီကျော်ကြာတဲ့ ဒီရုပ်ရှင်မှာ ပထောလမီရဲ့ နောက်ခံစကားပြောနဲ့ ဇာတ်ကြောင်းကို ဆက်ပေးထားပြီး Colin Farrell၊ Angelina Jolie နဲ့ Anthony Hopkins တို့ ပါဝင်သရုပ်ဆောင်ထားပါတယ်။ မူရင်းအညွှန်းကတော့ အလက်ဇန်းဒါးရဲ့ ဘဝတစ်လျှောက်ကို ရုပ်ရှင်တစ်ကားထဲ ထည့်ပုံဖော်ရာမှာ မျှော်လင့်ထားသလောက် မဖြစ်လာခဲ့ဘူးလို့ သုံးသပ်ထားပြီး နောက်ခံစကားပြောများတာကိုလည်း ထောက်ပြထားပါတယ်။ တစ်ဖက်မှာတော့ အညွှန်းရေးသူက လူအများ စိတ်ထဲက သူရဲကောင်းပုံရိပ်အစား ချစ်ခြင်း၊ မာန်တက်ခြင်းနဲ့ အရက်သောက်ခြင်းတို့ ရှိနေတဲ့ လူတစ်ယောက်အဖြစ် ပုံဖော်ထားတာကို ပရိသတ်တချို့ လက်မခံနိုင်ခဲ့တာ ဖြစ်နိုင်တယ်လို့ ယူဆထားပါတယ်။ ဒါက ဇာတ်ကားမအောင်မြင်ရတဲ့ အကြောင်းရင်းကို အညွှန်းရေးသူရဲ့ ခန့်မှန်းသုံးသပ်ချက်ပါ။ တိုက်ပွဲမြင်ကွင်းတွေကိုတော့ မူရင်းအညွှန်းမှာ ချီးကျူးထားပါတယ်။

ဒီဇာတ်ကားကတော့၂၀၀၂ ခုနှစ်မှာ ထွက်ရှိထားတဲ့ Historical Drama ဇာတ်ကားဖြစ်ပါတယ်။ ဇာတ်လမ်းအကျဉ်းကတော့Toronto မှာရှိတဲ့ ရုပ်ရှင် ရိုက်ကူးရေးအဖွဲ့ဟာ ၁၉၁၅ခုနှစ်တုန်းက ဗန်မြို့မှာဖြစ်ပျက်ခဲ့တဲ့ အာမေးနီးယန်းလူမျိုးတုံး သတ်ဖြတ်မှုကို ခုခံကာကွယ်ခဲ့တဲ့အကြောင်းကို အခြေခံကာ ရိုက်ကူးရေးလုပ်ခဲ့ကြပြီး ဒီလူမျိုးတုံးသတ်ဖြတ်မှုကြောင့် ထိခိုက်နစ်နာခဲ့သူများ၏ မိသားစုဝင်များနှင့် မျိုးဆက်များရဲ့ တစ်ဦးချင်းစီအလိုက် ခံစားရသော စိတ်ဒဏ်ရာတွေကို အနုပညာဆန်ဆန် ဖော်ကြူးထားတဲ့ ဇာတ်လမ်းတစ်ပုဒ်ဖြစ်ပါတယ်။ ဒီရုပ်ရှင်ကားဟာ 2002 Cannes ရုပ်ရှင်ဆုပေးပွဲမှာ ဇကာတင်ဝင်ခဲ့ပြီး ၂၃ကြိမ်မြောက် Genieဆုပေးပွဲမှာ Best Motion Picture ဆုအပါအဝင် ဆုငါးဆုရရှိခဲ့တဲ့ ဇာတ်ကားကောင်းတစ်ကား ဖြစ်တဲ့အတွက်ကြောင့် ကြိုက်နှစ်သက်ကြမယ်လို့ မျှော်လင့်ပါတယ်။ File size…(3.5 GB)/(1.2 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, War, History  Subtitle….Myanmar Subtitle (Hardsub) Encoder….Swan Min Htet Translated by Vader

အင်္ဂလိပ် စာရေးဆရာကြီး Charles Dicken ရဲ့ ဝတ္ထုကို ပြန်လည်ရိုက်ကူးထားတဲ့ period comedy-dramaဖြစ်ပြီး နာမည်ကြီးတွေ ဖြစ်တဲ့ Christopher Plummer,Jamie Bell, Anne Hathaway, Charlie Hunnam တို့က အဓိကဇာတ်ဆောင်များအဖြစ် ပါဝင်ထားကြပါတယ်။ ဇာတ်လမ်းက သူ့နာမည်အတိုင်းပဲ Nicholas Nickleby ဆိုတဲ့ လူငယ်လေးရဲ့ ဘဝကို ဖွဲ့နွဲ့ပြီး တင်ဆက်ထားတာပါ။ Nicholas တစ်ယောက်သူ့အဖေသေဆုံးပြီး နောက်ပိုင်းမှာ မိခင်နဲ့ ညီမ ဖြစ်သူကိုခေါ်ပြီး သူတို့ဦးလေးရှိတဲ့ London မြို့ကို အကူအညီရလိုရငြား လာခဲ့ကြပါတယ်။ မောင်နှမ နှစ်ယောက်လုံး ဦးလေးရဲ့အကူအညီနဲ့ အလုပ်ကိုယ်စီ ရသွားကြပါတယ်။ Nicholasဟာ Squeers ဆိုတဲ့ ကျောင်းအုပ်ရဲ့ ကျောင်းမှာ ဆရာအဖြစ် လုပ်ကိုင်ရင်း Squeers မိသားစုရဲ့ ကျောင်းသားကလေးသူငယ်တွေအပေါ် ညှင်းပန်းနှိပ်စက်မှုတွေ၊ Smike ဆိုတဲ့ မသန်စွမ်းကောင်လေးကို ဆိုးဆိုးဝါးဝါး ရိုက်နှက်မှုတွေကို ကိုယ်တွေ့မြင်လာရပါတယ်။ ဒီလိုနဲ့ တစ်နေ့မှာ သူတို့နှစ်ဦးSqueers မိသားစုကျောင်းကနေ ထွက်ပြေးလာကြပြီးနောက်မှာ စွန့်စားမှုမျိုးစုံနဲ့ ကြုံလာကြရပါတယ်။ File size…(2.1 GB)/(1 GB) Quality….Blu-Ray 1080p / 720p Format…mp4 Duration….02:12:00 Genre...Adventure, Drama, Romance Subtitle….Myanmar Subtitle (Hardsub) Encoder….Garfield Translated by Leonie

A beautiful mind (2001) IMDb rating - 8.2 ဇာတ်လမ်းအညွှန်း ဒီဇာတ်လမ်းလေးကတော့ (Nobel Laureate in Economics) နိုဘယ်ဆုရရှိခဲ့တဲ့ သင်္ချာပညာရှင်ကြီး John Nash ရဲ့ဘဝဇာတ်ကြောင်းကို ရိုက်ကူးထားတာဖြစ်ပါတယ်။ John Nash ရဲ့သီအိုရီတွေက modern economic အတွက် အရမ်းအထောက်အကူပြုခဲ့ပါတယ်။ သူဟာ Princeton University ကနေ ပါရဂူဘွဲ့ရပြီး အဲဒီကျောင်းမှာ ဆရာပြန်လုပ်ခဲ့ပါတယ်။ သူ့ဘဝဇာတ်ကြောင်းကို တက္ကသိုလ်နယ်မြေကအစပြုလို့ နိုဘယ်ဆုချီးမြှင့်ခံရချိန်အထိ နိုဘယ်ဆုနဲ့ထိုက်တန်အောင် သူ ဘယ်လိုမဆုတ်မနစ်ကြိုးစားခဲ့ရလဲ၊ ဘယ်လိုရုန်းကန်ရလဲ၊ အခက်အခဲတွေကို ဘယ်လိုအောင်မြင်အောင် ကျော်ဖြတ်ရလဲဆိုတာတွေကို ရိုက်ကူးထားပါတယ်။ အပိုဆုအနေနဲ့ သူ့ရဲ့မဟေသီ Alicia နဲ့ တွေ့ဆုံချစ်ကြိုက်ခဲ့တဲ့အကြောင်းတွေကို ရိုမန့်တစ်ဆန်ဆန် တင်ဆက်ထားပါတယ်။ John Nash အဖြစ် မင်းသားကြီး Russell Crowe နဲ့ Alicia Nash အဖြစ် (မမသာ အလှဆုံး) မင်းသမီးချောလေး Jennifer Connelly တို့က သရုပ်ဆောင်ထားပါတယ်။ Oscer စကာတင်တွေအများကြီးဝင်ထားပြီး Best Director ၊ Best actress in a supporting role စသဖြင့် အော်စကာဆု လေးဆုသိမ်းပိုက်ရရှိထားပါတယ်။ ဇာတ်လမ်းရဲ့ဇာတ်ရှိန်အတက်အကျတွေနဲ့ သရုပ်ဆောင်တွေရဲ့ ပီပီပြင်ပြင်သရုပ်ဆောင်မှုတွေနဲ့မို့ ကြည့်ပြီးရင် နောင်တမရစေမယ့် ဇာတ်လမ်းကောင်းလေးဖြစ်ပါတယ်။ ပညာရှင်ကြီးတွေရဲ့ကြိုးစားမှုတွေကိုပါ အတုယူနိုင်မယ့် ဇာတ်လမ်းကောင်းလေးကို CM ပရိတ်သတ်ကြီးအတွက် တင်ဆက်ပေးလိုက်ပါပြီ။ File size… 2.7 GB / 1.16 GB Quality… BluRay 1080p / 720p Format… mp4 Duration…. 2h 15m Genre ..... Biography / Drama / Mystery Subtitle…. Myanmar Subtitle (Hard Sub) Encoder…. Thit San Khant Translated by Orika

မက်သရူး ဗန်ဟယ်ဆင်းဆိုတဲ့ အဖိုးကြီးက လန်ဒန်မှာ ရှေးဟောင်းပစ္စည်းပြခန်းဖွင့်ထားပြီး အနုပညာပစ္စည်းတွေ စုဆောင်းရောင်းဝယ်နေသူပါ။ နတ်ရွှေသိုးအရေခွံလို ဘာသာရေးနဲ့ဆိုင်တဲ့ တန်ဖိုးကြီးပစ္စည်းတွေကိုတော့ ပြခန်းအောက်က လျှို့ဝှက်မြေအောက်ခန်းမှာ သိမ်းထားတယ်။ တစ်နေ့မှာ သူ့အတွင်းရေးမှူး ဆိုလီနာက အပြင်ကသူ့လူနဲ့ ပေါင်းပြီး အဲဒီအခန်းကို ဖောက်ထွင်းဖို့ ကြံစည်လိုက်ပါတယ်။ သူတို့မျှော်လင့်ထားတာက ရွှေငွေတွေဖြစ်ပေမယ့် အထဲရောက်တဲ့အခါ ထင်ထားသလို မဖြစ်လာဘူး။ နောက်တော့ အခန်းတစ်ခုထဲမှာ အလုံပိတ်ထားတဲ့ ငွေခေါင်းတလားတစ်လုံးကို တွေ့သွားကြတယ်။ ဖွင့်ဖို့နည်းလမ်း ရှာမတွေ့ပေမယ့် အဖိုးကြီးရဲ့ ဥစ္စာပစ္စည်းတွေ ဒီအထဲမှာ ရှိလိမ့်မယ်လို့ ယူဆပြီး ခေါင်းတလားကို ခိုးယူကာ လေယာဉ်ပေါ် တင်သွားကြပါတယ်။ ခေါင်းတလားကို ဖွင့်ဖို့ကြိုးစားသူရဲ့ သွေးတွေ အထဲကို စီးဝင်သွားတဲ့အခါမှာတော့ သူတို့ယူလာမိတာ ရတနာတွေမဟုတ်ဘူးဆိုတာ သိလိုက်ရတယ်။ အထဲက Dracula အသက်ပြန်ဝင်လာပြီး သူခိုးအဖွဲ့ကို တိုက်ခိုက်တာကြောင့် လေယာဉ်ပါ ပျက်ကျသွားပါတယ်။ မက်သရူးလည်း ခေါင်းတလားခိုးခံရတာ သိတာနဲ့ Dracula ကို လိုက်ရှင်းဖို့ ထွက်လာခဲ့တယ်။ မက်သရူးဟာ Dracula ရဲ့သွေးကို ကိုယ့်ခန္ဓာကိုယ်ထဲ ထိုးသွင်းပြီး အသက်ရှည်အောင် နေလာခဲ့သူပါ။ ဒါကြောင့် သူ့သမီး မယ်ရီဆီမှာလည်း Dracula ရဲ့သွေး ပါနေတယ်။ မယ်ရီက Dracula နဲ့ပတ်သက်တဲ့ အိပ်မက်ဆိုးတွေ မက်တတ်ပေမယ့် တကယ်မရှိတဲ့ အရာတွေလို့ပဲ ထင်ထားခဲ့တာပါ။ အခု Dracula အသက်ပြန်ဝင်လာတဲ့အခါမှာတော့ သူ့သွေးပါနေတဲ့ မယ်ရီကို လိုက်ရှာလာပါတယ်။

ဖာသာ ဘိုဒန်ဟာ ဒုတိယကမ္ဘာစစ်ကနေ ပြန်လာခဲ့တဲ့ စစ်ပြန်တစ်ဦးဖြစ်သလို ခရစ်ယာန်ဘုန်းတော်ကြီးတစ်ပါးလည်း ဖြစ်ပါတယ်။ စစ်အတွင်း ပြင်သစ်မှာ လူငယ်လေးတစ်ယောက်ကို မကယ်နိုင်ခဲ့တဲ့အဖြစ်ကြောင့် စိတ်ဒဏ်ရာရပြီး PTSD ခံစားနေရသလို အရက်လည်း စွဲနေခဲ့တယ်။ အခုတော့ ကက်သလစ်တက္ကသိုလ်ရဲ့ ဘုရားကျောင်းမှာ တာဝန်ထမ်းဆောင်နေပါတယ်။ အဲဒီအချိန်မှာ ဘိုဒန်ကြုံလာရတာက အသက် ၁၁ နှစ်အရွယ် ရော်ဘီရဲ့အဖြစ်ပါ။ ရော်ဘီဟာ အလွန်အမင်း ဆဲဆိုရိုင်းစိုင်းနေပြီး သူ့အနီးအနားမှာလည်း သဘာဝလွန်ဖြစ်ရပ်တွေ ဆက်တိုက်ဖြစ်နေတယ်။ ဘာကြောင့်လဲဆိုတာကို သိပ္ပံနည်းနဲ့လည်း အဖြေမရှာနိုင်ကြပါဘူး။ နောက်ဆုံးမျှော်လင့်ချက်အဖြစ် ရောက်လာတဲ့ ရော်ဘီ့မိသားစုကို ဘိုဒန် ကူညီနိုင်ပါ့မလား။ ၂၀ ရာစုမှာ ဒီလိုအဖြစ်အပျက်တွေ ရှိနေတယ်ဆိုတာကို ကက်သလစ်ကျောင်းတော်ကရော ယုံကြည်ပေးပါ့မလား။ ကိုယ်တိုင်လည်း စိတ်ဒဏ်ရာတွေနဲ့ နေထိုင်နေရတဲ့ ဘိုဒန်ရဲ့ယုံကြည်မှုက ဒီစမ်းသပ်မှုတွေကို ကျော်ဖြတ်နိုင်မလား။

နာမည်ကြီး ဆေးလိပ်ကုမ္ပဏီခုနစ်ခုထဲက ကုမ္ပဏီတစ်ခုမှာ ဆေးရွက်ကြီးသုတေသနလုပ်နေတဲ့ ဒေါက်တာတစ်ယောက် ရှိပါတယ်။ စမ်းသပ်စစ်ဆေးချက်တွေကနေ တွေ့လာတဲ့ နီကိုတင်းရဲ့ဆိုးကျိုးတွေကို သူက အထက်လူကြီးဆီ တင်ပြခဲ့တယ်။ ဆေးလိပ်ကုမ္ပဏီတွေကလည်း သူတို့ထုတ်ကုန်တွေဟာ ဘေးဥပဒ်ဖြစ်စေနိုင်တာကို သိထားပေမယ့် အဲဒီအချက်တွေကို လျှို့ဝှက်ထားကြပါတယ်။ နောက်ပိုင်းမှာတော့ ဆိုးကျိုးတွေအကြောင်း တင်ပြခဲ့တဲ့ ဒေါက်တာဟာ အကြောင်းပြချက်မရှိဘဲ အလုပ်ထုတ်ခံလိုက်ရတယ်။ အလုပ်ပြုတ်သွားပြီးချိန်မှာ သူဟာ နာမည်ကြီး ရုပ်သံအစီအစဉ်တစ်ခုရဲ့ ပရိုဂျူဆာနဲ့ အဆက်အသွယ်ရလာပါတယ်။ ပရိုဂျူဆာက ဆေးလိပ်လုပ်ငန်းအတွင်း လျှို့ဝှက်ထားတဲ့ အချက်အလက်တွေအကြောင်း မေးမြန်းဖို့ သူ့ကို အစီအစဉ်မှာ ပါဝင်ပေးဖို့ ကမ်းလှမ်းလာတယ်။ The Insider ဟာ ဖြစ်ရပ်မှန်ကို အခြေခံထားတဲ့ ၁၉၉၉ ခုနှစ် ရုပ်ရှင်ဖြစ်ပြီး Russell Crowe နဲ့ Al Pacino တို့ အဓိက ပါဝင်သရုပ်ဆောင်ထားပါတယ်။ ဇာတ်ကောင်တွေနဲ့ စကားပြောခန်းတွေကို လက်တွေ့ဆန်တဲ့ပုံစံနဲ့ တင်ပြထားပြီး ပြသချိန်က နှစ်နာရီကျော် ကြာပါတယ်။ အစပိုင်းမှာ ဇာတ်ကြောင်းချိတ်ဆက်မှုတွေကို ဖြည်းဖြည်းချင်း လိုက်ကြည့်ရတဲ့ ဇာတ်ကားပါ။

Stephen King ရဲ့ Dolores Claiborne ၀တ္ထုကို မှီငြမ်းရိုက်ကူးထားပါတယ်။ တစ်နေ့ Dolores ဆိုတဲ့ အမျိုးသမီးတစ်ယောက်ဟာ သူ အိမ်အကူအဖြစ်အလုပ်လုပ်တဲ့ အိမ်က သူဌေးမကြီးကို သတ်တယ်ဆိုပြီး စွပ်စွဲခံခဲ့ရပါတယ်။ ဒီသတင်းကြားတဲ့အချိန်မှာ မတွေ့ရတာ ၁၈ နှစ်လောက်ကြာပြီဖြစ်တဲ့ သမီးဖြစ်သူဟာ သူနေထိုင်တဲ့ကျွန်းလေးကို ပြန်ရောက်လာခဲ့ပြီး ဒီအမှုကို ကိုင်တွယ်ဖြေရှင်းဖို့ ကြိုးစားရင်း အမေနဲ့သမီးကြား အတိတ်က နားလည်မှုလွဲခဲ့တာတွေကို ပြေလည်ဖို့ ကြိုးစားကြပုံတွေကို ရိုက်ကူးထားပါတယ် ဒီဇာတ်လမ်းထဲမှာ Dolores Claiborne ဆိုတဲ့ မိန်းမတစ်ယောက်ရဲ့ ဘ၀အခြေအနေ နစ်မွန်းရပုံတွေ မိခင်တစ်ယောက်အနေနဲ့ သမီးဖြစ်သူအတွက် ပင်ပင်ပန်းပန်း ကြိုးစားရပုံတွေ လူစိတ်မရှိတဲ့ ယောက်ျားဖြစ်သူရဲ့ ဒုက္ခခံရပုံတွေကို ကြည့်တဲ့သူပါ မခံချိမခံသာဖြစ်ရလောက်အောင် ဆွဲခေါ်သွားနိုင်ပါတယ် File size… 1 Gb / 500 Mb Quality… Webrip 1080p / 720p Format…mp4 Duration….02:12:00 Subtitle….Myanmar Subtitle (Hardsub) Encoder….Littleneo Translated by Yoon Sandi Aung

ဒီရုပ်ရှင်က ဘယ်လိုရုပ်ရှင်မျိုးလဲဆိုတာ ဥပမာပေးရရင် ဟိုးတုန်းက ကြက်ဥနဲ့ကြက်မ ဘယ်ဟာ အရင်ဖြစ်သလဲဆိုတဲ့Paradoxလိုပါပဲ။ ဒါပေမယ့် သိပ္ပံပညာရှင်တွေက ကြက်ဥခွံမှာပါတဲ့ ဒြပ်တစ်မျိုးကို ကြက်မကသာထုတ်နိုင်တယ်ဆိုတာ အတည်ပြုပြီးစီးခဲ့တဲ့အတွက် တခြား ဥပမာတစ်ခုပြောင်းသုံးပါမယ်။ ဘုရားသခင်သာ အရာအားလုံး လုပ်နိုင်တယ်ဆိုရင်သူမ နိုင်စွမ်းမရှိတဲ့ တောင်တစ်လုံးကို ဖန်ဆင်းနိုင်ပါသလားဆိုတဲ့ Omnipotence paradoxပါ။ ဘုရားသခင်က သူမနိုင်စွမ်းမရှိတဲ့ တောင်တစ်လုံးကို ဖန်ဆင်းလိုက်တယ်ဆိုရင်လည်း သူအရာအားလုံး မလုပ်နိုင်တော့ပါဘူး။ မဖန်ဆင်းဘူးဆိုရင်လည်း သူ အရာအားလုံး မလုပ်နိုင်သေးပြန်ပါဘူး။ ဒီရုပ်ရှင်ကလည်း ဒီလိုပါပဲ ကိုယ့်အမြှီး ကိုယ်ပြန်မြိုထားတဲ့ မြွေတစ်ကောင်ပါပဲ။ 1996မှာစပြီး လေထုထဲ ဗိုင်းရပ်စ်တစ်မျိုး ပျံ့နှံ့ခဲ့တာကြောင့် ကမ္ဘာမြေမျက်နှာပေါ်မှာ လူတွေနေလို့မရတော့ပါဘူး။ လူသားတွေဟာ မြေအောက်ထဲမှာ မြေကြွက်တွေလို ရှင်သန်နေရပါတယ်။ 2035မှာ‌တော့သိပ္ပံပညာတိုးတက်လာတာနဲ့ တစ်ပြိုင်နက် အချိန်ယန္တရားကို တီထွင်နိုင်ခဲ့ပါပြီ။ သိပ္ပံပညာရှင်တွေဟာ ကမ္ဘာကြီးကိုကယ်တင်ဖို့ ကမ္ဘာ့လေထုထဲ ပျံ့နှံ့နေတဲ့ ဗိုင်းရပ်စ်ရဲ့ mutation ဖြစ်မသွားခင် မူလပုံစံရဲ့ အချက်အလက်တွေကို အတိတ်ကနေ ပြန်စုံစမ်းဖို့ အခွင့်အရေးရလာပါတယ်။ ကောက်ချက်တွေအရတော့ 12monkeysလို့ခေါ်တဲ့ အဖွဲ့အစည်းတစ်ခုက ဗိုင်းရပ်စ်ကို ဖြန့်ခဲ့တာ သိထားပါပြီ။ 12monkeysကို စုံစမ်းဖို့ လွှတ်ရမယ့် အန္တရယ်များတဲ့ အချိန်ခရီးရှည်ကြီးကိုတော့ လူကောင်းသူကောင်းတွေကိုသူတို့လွှတ်လို့ အဆင်မပြေပါဘူး။ ဆိုတော့ကာ ထောင်သားတွေကို လုပ်အားပေးအနေနဲ့သုံးပြီး ပြစ်ဒဏ်ကင်းလွတ်ခွင့်ကို မက်လုံးပေး ခိုင်းစေခဲ့ပါတယ်။ ဒီစုံစမ်းမှုအတွက် အပြစ်သားအတော်အသုံးချခဲ့ပေမယ့် အချိန်လွဲချော်မှုအစရှိတဲ့ ကယောက်ဂယက်တွေကြောင့် အတော်များများ ရူးသွားခဲ့တာပါပဲ။ သိပ္ပံပညာရှင်တွေဟာ စူးစမ်းရှာဖွေမှုကောင်းတဲ့ ဂျိမ်းစ်ကိုးလ်ကို လုပ်အားပေးအလှည့်ကျအဖြစ် ဗိုင်းရပ်စ်ဖြစ်ခဲ့တဲ့ ၁၉၉၆ကိုလွှတ်လိုက်ပါတယ်။ ကံဆိုးချင်တော့ ကိုးလ်ရောက်သွားတာ ၁၉၉၀ပါ။ လမ်းမပေါ် ပလတ်စတစ်အကြည်သား ဝတ်စုံကြီးဝတ် အတွင်းခံကလွဲအထင်းသားမြင်နေရတဲ့ ကိုးလ်ကို ၁၉၉၀က လူတွေ ပို့လိုက်တဲ့တစ်ခုတည်းသောနေရာက အရူးထောင်ပါပဲ။ ဒီရုပ်ရှင်မှာ အရာအားလုံးက အကျိူးအကြောင်းတစ်ခုနဲ့ ဖြစ်‌နေကြတာပါ။ ဒီလိုနဲ့ 12monkeysရှိတောင်မရှိသေးတဲ့ ကာလကို ရောက်လာတဲ့ ကိုးလ်ဟာ သူတွေ့သင့်လား ‌မတွေ့သင့်လား ကျွန်တော်တို့တောင် မရေရာတဲ့ လူတွေနဲ့ တွေ့ခဲ့ရပါတယ်။ အနာဂတ်ကလာတယ်ပြောပေမယ့် သက်သေပြစရာမရှိတဲ့ ကိုးလ်ဟာ ဆေးရုံကနေ ထွက်ပြေးဖို့ကြိုးစားတဲ့အတွက် တိုက်ပိတ်ခံလိုက်ရပါတယ်။ ဆရာဝန်တွေလာစစ်တဲ့ အခါမှာတော့ လေဝင်ပေါက်ကလေးလွဲ ဘာမှမရှိတဲ့အခန်းကနေ ကိုးလ်ဟာ ထူးဆန်းစွာပဲ ပျောက်ဆုံးသွားပါတယ်။ သူ့ကို ဘယ်သူမှလည်း မတွေ့တော့ပါဘူး။ ခြောက်နှစ်အကြာ 1996မှာတော့ ပေါင်မှာ သေနတ်ဒဏ်ရာကြီးနဲ့ ကိုးလ် ပြန်ပေါ်လာပြီး စိတ်ရောဂါကုဆရာဝန် ဒေါက်တာ ကတ်သရင်းရေလ်လီကို ပြန်ပေးဆွဲခဲ့ပါတယ်။ ‌ဗိုင်းရပ်စ်ဖြစ်လာဖို့ အချိန်အရမ်းနီးနေပါပြီ။ 12Monkeysနောက်ကို ကိုးလ်လိုက်နေပေမယ့် လိုက်လေဝေးလေဖြစ်နေပါပြီ။ သူ့ကို ယုံကြည်တဲ့လူလည်း တစ်ဦးတစ်ယောက်မှ မရှိပါဘူး။ ရဲတွေလိုက်ရှာနေတဲ့ကြားကနေ ကိုးလ်ထပ်ပျောက်သွားပေမယ့် ကတ်သရင်းကတော့ ကိုးလ်ပေါင်ထဲက သူထုတ်ခဲ့တဲ့ကျည်ဆန်ဟာ ပထမကမ္ဘာစစ်ကဆိုတာ သိလိုက်ပြီ ပထမကမ္ဘာစစ်အတွင်းက ကိုးလ်လို့ယူဆရတဲ့လူတစ်‌ယောက်ဓာတ်ပုံကိုတွေ့လိုက်တဲ့အခါမှာတော့... Time Travleကား တစ်ခုပေမယ့် ပြချင်တဲ့ Conceptကတော့ အတော်များပါတယ်။ တိရိစ္ဆာန်အခွင့်အရေးနဲ့ ပတ်ဝန်းကျင်ထိန်းသိမ်းရေးတို့ရဲ့ အစွန်းနှစ်ဖက်၊ Alfred Hitchcock ရုပ်ရှင်၊ အိုမာခယမ်ကဗျာ၊ နာမည်ကျော်သမိုင်းဖြစ်ရပ်တွေကို Refယူထားပြီး ဖြစ်ရပ်တွေ Dialougeတွေရဲ့ အချိတ်အဆက်က သေသပ်ပါတယ်။ ဒီရုပ်ရှင်နဲ့ Brad Pittပထမဆုံး အော်စကာ ဆန်ခါတင် ဝင်ထားပြီး Sound Trackတွေထဲ WOLFGANG AMADEUS MOEZARTရဲ့ Piano Concertoတောင်ပါပါတယ်။ ( အညွှန်းနဲ့ဘာသာပြန်သူကတော့ WiRa Aung ဖြစ်ပါတယ် ) File size__(2.5GB ) and (1.4GB) Quality__1080p ,720p IMDb Rating__8.0/10 Format__mp4 Duration__02:09:31 Type__Comedy , Romance Subtitle__Myanmar Subtitle (Hardsub) Translated by WiRa Aung Encoded by Naing Aung Latt

Rock A Doodle 1991 ဒီဇာတ်ကားလေးကတော့ American Filmmaker & Animator တစ်ယောက်ဖြစ်တဲ့ Don Bluth ရဲ့လက်ရာဖြစ်ပါတယ်။ Don Bluth ဆိုတာနဲ့ The Land Before Time တို့ An American Tail တို့ကိုပြေးမြင်မိကြမှာပါ။ ဒါဆိုရင်တော့ Don Bluth နာမည်နဲ့တွဲပြီးတော့မှတ်ဖို့အတွက် ဒီဇာတ်ကားလေးလည်း တစ်ခုအပါအဝင်ဖြစ်လာမှာပါ။ Live Action နဲ့ Animation ကိုရောယှက်ထားပြီးတော့ Edmond ဆိုတဲ့ကောင်လေးရဲ့ ညအိပ်ရာဝင်ပုံပြင်တွေကနေတစ်ဆင့် တိရစ္ဆာန်တွေနဲ့ စကားပြောနိုင်တဲ့ Fantasy World ထဲကိုအလည်သွားမယ့် ဇာတ်ကားလေးလို့ပြောရင်လည်းမမှားပါဘူး။ ဇာတ်လမ်းအကျဉ်းချုပ်ကတော့ Chanticleer ဆိုတဲ့ကြက်ဖလေးက သူ့ရဲ့တွန်သံကြောင့် နေထွက်တယ်လို့ယုံကြည်ထားပြီးတော့ ခြံထဲမှာလည်းသူ့ရဲ့အလုပ်က နေမင်းကိုနှိုးဖို့ပါ။ Chanticleer ခြံထဲကနေထွက်သွားတဲ့နေ့ကစလို့ နေကိုမမြင်ရတော့ပါဘူး။ ဒီတော့ Edmond နဲ့ Chanticleer ရဲ့ သူငယ်ချင်းဟောင်းတို့ Chanticleer ကိုဘယ်လို အခက်အခဲတွေကြားကနေ ခြံထဲကိုပြန်ခေါ်ပြီး သူ့တွန်သံနဲ့နေအလင်းရောင်ကို ကမ္ဘာမြေပေါ်ဖြန့်ကျဲနိုင်အောင် ဘယ်လိုကြိုးစားသွားမလဲဆိုတာကို တွေ့မြင်ရမှာဖြစ်ပါတယ်။ Animation ဇာတ်ကားလေးဖြစ်ပေမယ့်လည်း အတုယူစရာ၊ သင်ယူစရာတွေလည်း ပြည့်နက်နေပါတယ်။ တစ်ဦးတစ်ယောက်ရဲ့ Self-Belief ဘယ်လောက်အရေးပါတယ်၊ ယုံကြည်မှုနဲ့ စည်းလုံးမှုရဲ့ အင်အားတွေကို ကွက်ကွက်ကွင်းကွင်းမြင်နိုင်ပါတယ်။ IMDB မှာလည်း Rating 6 ထိရထားတာမလို့ ဇာတ်လမ်းကောင်းတစ်ပုဒ်ဆိုတာတော့ မလွဲမသွေပါပဲ။ ကလေးငယ်တွေအပြင် 90s Animation လေးတွေကို လွမ်းဆွတ်တမ်းတနေတဲ့လူတွေကို အကြိုက်တွေ့စေမှာပဲဖြစ်ပါတယ်။ File size…    2.8 GB /  1.3 GB Quality… BluRay 1080p / 720p Format… mp4 Duration…. 1h 14m Genre ..... Comedy/Fantasy Subtitle…. Myanmar Subtitle (Hard Sub) Encoder…. Thit San Khant Translated... by edrikk

တစ်ခါတလေကျတော့လည်း အရင်တုန်းက ပေါ့ပေါ့ပါးပါး ဇာတ်လမ်းကလေးတွေကို ပြန်ကြည့်ကြရတာက အသက်အရွယ်ငယ်ငယ် ဆယ်ကျော်သက်ဘဝတွေကို ပြန်လည် အမှတ်ရစေတာကတော့ တကယ်ပါပဲ။ ခေတ်တွေ ဘယ်လောက်ပဲ ပြောင်းလဲနေပါစေ ဆယ်ကျော်သက်အရွယ်ကလေးတွေ ကပေါက်တိကပေါက်ချာလုပ်ကြတဲ့ ဇာတ်ကွက်တွေနဲ့ ဇာတ်လမ်းတွေကိုတော့ ဘယ်အချိန်နေနေ ပြန်လည်ကြည့်ရှုချင်မိကြမှာကတော့ အသေအချာပဲ ဖြစ်ပါတယ်။ (၁၉၉၁)ခုနစ်မှာ ထွက်ရှိခဲ့တဲ့ Comedy/ Dark comedy အမျိုးအစား ဇာတ်လမ်းတစ်ပုဒ်ဖြစ်တဲ့ “Don’t Tell Mom the Babysitter’s Dead” ဇာတ်လမ်းလေးမှာဆိုရင်တော့ စွဲလ်တို့မောင်နှမတသိုက် ဖြတ်သန်းရမယ့် နွေရာသီအားလပ်ရက်တွေကို မြင်တွေ့ရမှာပြ ဖြစ်ပါတယ်။ ခင်ပွန်းနဲ့ ကွာရှင်းထားသူ စွဲလ်တို့အမေက စွဲလ်တို့မောင်နှမငါးယောက်ကို ထိန်းေကျာင်းပျိုးထောင်ရင်းနဲ့ နှစ်ပေါင််း(၃၀)ကျော်ကို ကုန်ဆုံးခဲ့တာ ပင်ပန်းလွန်းလှလို့ တူပါရဲ့ ဒီနွေတော့ သူ့ကလေးတွေကို အိမ်မှာထားခဲ့ကာ၊ သူ့ချစ်သူနဲ့ ဥရောပကို ခရီးထွက်သွားပါတော့တယ်။ The babysitter ဆိုတဲ့အတိုင်း စွဲလ်တို့ကို ထိန်းကျောင်းဖို့ ကလေးထိန်းဘွားဘွားတစ်ယောက်ကိုလည်း အိမ်မှာ ခန့်ခဲ့ပါသေးတယ်။ ကလေးထိန်းသက်တမ်းရင့်နေပြီဖြစ်တဲ့ ကလေးထိန်းအဘွားကြီးက စည်းကမ်းအလွန်အမင်းတင်းကျပ်လွန်းတာကြောင့် ကလေးတွေက အစ်မကြီးဖြစ်သူစွဲလ်ကို အားကိုးတကြီး ပြောပေးခိုင်းကြတော့တာပေါ့။ စွဲလ်လည်း ကလေးထိန်းအဘွားကြီးကို သွားအပြော ဘာမှန်းမသိ သေဆုံးနေတဲ့ အဘွားကြီးကို တွေ့လိုက်ရပါတော့တယ်။ အဘွားကြီး သေသွားတာကို စွဲလ်တို့တွေဟာ ပျော်ချင်တိုင်းပျော်ခွင့်ရမယ့် သူတို့နွေအားလပ်ရက်ရေး ဆုံးရှုံးသွားမှာကို စိုးရိမ်တာကြောင့် သူတို့အမေကို မပြောဖို့ ဆုံးဖြတ်ကြပြီးတော့ စွဲလ်ဦးဆောင်မှုအတိုင်း မောင်နှမငါးယောက်စခန်းသွားကြပါတော့တယ်။ ဒီနွေရာသီအားလပ်ရက်လေးက စွဲလ်တို့အတွက် လုပ်ချင်တာလုပ်ဖို့ အခွင့်အရေးလား ဒါမှမဟုတ် ဂြိုဟ်ဆိုးဝင်တာလားပဲဆိုတာကိုတော့ CMက တင်ဆက်ပေးလိုက်တဲ့ “Don’t Tell Mom the Babysitter’s Dead” (1991) ဇာတ်လမ်းလေးထဲမှာ ခံစားကြည့်ရှုနိုင်မှာပဲ ဖြစ်ပါတယ်။ File Size :  2.8 GB, 1.3 GB Quality : WEB-DL 1080p / 720p Running Time : 1hr 40min Format : Mp4 Genre : Comedy, Dark Comedy Subtitle : Myanmar Subtitle (Hard Sub) Translated by : Doros Encode by : Thit San Khant

An American Tail 1986 1986 မှာထွက်ရှိခဲ့ပြီး IMDB 6.9 ရထားတဲ့ Animation ကားကောင်းလေးတစ်ကောင်းကို တင်ဆက်ပေးလိုက်ပါတယ်။ ဒါရိုက်တာကတော့ Don Bluthဖြစ်ပြီး CMကာတွန်းချစ်သူတွေကြား လူသိများတဲ့ Land before Time ရဲ့ဒါရိုက်တာလည်းဖြစ်ပါတယ်။ ဒါ့အပြင် Disney ရဲ့နာမည်ကျော် Animation ဖြစ်တဲ့ Winnie the Pooh,Robin Hood တို့လို့ကားတွေကို ရိုက်ကူးခဲ့သူဖြစ်ပါတယ်။ ဒါ့အပြင် လွန်ခဲ့တဲ့ နှစ် ၅၀ ၊၁၉၈၆ လောက်က ဒေါ်လာ ၅သန်းအကုန်ကျခံရိုက်ကူးခဲ့ကာ ဒေါ်လာ ၈၅ သန်းပြန်ရပြီး Box Office မှာ အောင်ပွဲခံနိုင်ခဲ့ပါတယ်။ ဝေဖန်ရေးဆရာတွေရဲ့ One of the Best Animation of All Time လို့ ချီးကျူးမှုတွေပါရရှိထားတာဖြစ်ပါတယ်။ ဒါဆို ဒီကားဟာ ကလေးကြိုက်တင်မဟုတ်ပဲ လူကြီးတွေပါ ကြည့်ရှုသင့်တဲ့ Animation ကားကောင်းတစ်ကား ဆိုတာ သိသာနေပါပြီ။ ဇာတ်လမ်းအကျဉ်းကတော့ မောက်စကီဝဇ်ဆိုတဲ့ကြွက်မိသားစုဟာ ရုရှားမှာ ကော့ဆက်တွေရဲ့ တိုက်ခိုက်လုယက်မှုတွေကြောင့် အမေရိကကို ရွှေ့ပြောင်း‌အ‌ခြေချဖို့ ဆုံးဖြတ်ခဲ့ပါတယ်။ ဒါပေမယ့် လမ်းမှာ သားဖြစ်သူ ဖိုက်ဗယ်ဟာ ရေထဲမတော်တဆပြုတ်ကျသွားပြီး မိသားစုနဲ့ကွဲကွာသွားပါတယ်။ ဗိုက်ဗယ်ဟာ အမေရိကမှာ ပျောက်ဆုံးသွားတဲ့ သူ့မိသားစုကို ရှာပုံတော် ဖွင့်တာကို ကြည့်ရှုရမှာဖြစ်ပါတယ်။ ဇာတ်လမ်းက ရိုးရှင်းပေမယ့် ဘာလို့ဒီလောက်အောင်မြင်ခဲ့ရလဲဆိုရင် ဇာတ်လမ်းရဲ့ ညွှန်းဆိုချင်တဲ့ ပိုကြီးမားတဲ့ရည်ရွယ်ချက်ရှိနေလို့ပါပဲ။ ရုရှားက မောက်စကီဝဇ်မိသားစုဆိုတာ ဥရောပမှာ ခွဲခြားဆက်ဆံမှုတွေခံခဲ့ရတဲ့ ဂျူးလူမျိုးတွေကို ကိုယ်စားပြုပြီး ကြောင်တွေကတော့ ဂျူးမုန်းတီးရေးသမားတွေဖြစ်ပါတယ်။ ဂျူးတွေရဲ့ ခွဲခြားဆက်ဆံခံရမှု၊ခါးသီးဖွယ်ခံစားချက် နဲ့ ပိုကောင်းတဲ့ဘဝသစ်အတွက် စွန့်စားခဲ့ရပုံတွေအပြင် American Dream Consept ကို လည်းဒီကားမှာတစ်စွန်းတစ တွေ့မြင်ရမှာဖြစ်ပါတယ်။ အညွှန်းနဲ့ဘာသာပြန်ကတော့ Swan Yee Myo Thant ဖြစ်ပါတယ်။ File size…    1.38 GB /  725 MB Quality… BluRay 1080p / 720p Format… mp4 Duration…. 1h 20m Genre ..... Family / Adventure Subtitle…. Myanmar Subtitle (Hard Sub) Encoder…. Thit San Khant Translated... by Swan Yee Myo Thant

Somewhere in Time (1980) ~ IMDb rating - 7.2/10 ~ အခုတင်ဆက်ပေးမယ့် ဇာတ်ကားလေးကတော့ 1980 ရဲ့ Old but Gold ကားကောင်းတစ်ကားဖြစ်ပြီး Time Travel, Romance အမျိုးအစားဖြစ်ပါတယ်။ ဟိုးတုန်းက Original Superman မင်းသား Christopher Reeve ပါဝင်သရုပ်ဆောင်ထားတာပါ။ ဇာတ်လမ်းအကျဉ်းကတော့... 1972 မှာ ရစ်ချတ်ကော်လီယာဆိုတဲ့ဘဲဟာ ပြဇာတ်တစ်ခုကို စီစဉ်ကပြနေတုန်း ထူးထူးဆန်းဆန်း အဖွားကြီးတယောက်ရောက်လာပြီး ခေတ်ဟောင်းနာရီတလုံး ပေးသွားတယ်။ ပြီးတော့ သူ့ဆီပြန်လာခဲ့ပါဆိုပြီး ရစ်ချတ်ကို ပြောသွားတယ်။ ၈နှစ်လောက်ကြာပြီး တစ်ရက်မှာ ရစ်ချတ်က Grand Hotel ကို ရောက်လာရင်းနဲ့ ဟိုးတုန်းက မင်းသမီးတယောက်ရဲ့ပုံကိုတွေ့ပြီး စွဲလမ်းသွားတယ်။ မင်းသမီးရဲ့အကြောင်းကို လိုက်ရှာရင်းနဲ့ အသက်ကြီးသွားတဲ့ပုံကိုတွေ့တော့ အဲဒီမင်းသမီးက သူ့ကိုနာရီလာပေးသွားတဲ့အဖွားကြီးဖြစ်မှန်းသိလိုက်ရတယ်။ တစ်နည်းနည်းနဲ့ မင်းသမီးကို သွားပြန်တွေ့မယ်လို့ ဆုံးဖြတ်လိုက်တဲ့ရစ်ချတ်ဟာ အိပ်မွေ့ချတဲ့နည်းနဲ့ 1912 ကို အချိန်နောက်ပြန်သွားလိုက်ပါတယ်။ အဲဒီမှာ မင်းသမီး အဲလိစ်နဲ့တွေ့ပြီး နှစ်ယောက်သား ချစ်မိသွားတယ်ဆိုပေမဲ့ အဲလိစ်ရဲ့မန်နေဂျာက မကျေနပ်ပဲ ကန့်ကွက်ပါတယ်။ မန်နေဂျာရဲ့ သဘောမတူတဲ့ကြားက သူတို့နှစ်ယောက်ရဲ့ အချစ်ရေးက ခိုင်မြဲပါ့မလား... ရစ်ချတ်ကရော 1912 မှာ ဆက်ရှိနေနိုင်မှာလား... နှစ်​ယောက်သားရဲ့အချစ်ရေးက ဘယ်လိုအဆုံးသတ်နဲ့ကြုံရမလဲဆိုတာကတော့... (ဒီဇာတ်ကားနဲ့အညွှန်းကို Hnyun Yadanar Myintmo Htun မှ ပြန်ဆို ရေးသားထားပါတယ်) Size - 1.95GB, 795MB Quality - 1080p, 720p IMDb Rating - 7.2/10 Format - mp4 Duration - 1H 43Min Genre - Drama, Fantasy, Romance Subtitle - Myanmar Subtitle (Hardsub) Translated by Hnyun Yadanar Myintmo Htun Encoded by Y

ဒုတိယကမ္ဘာစစ်အတွင်း အ​မေရိကန်တိုက်​လေယာဥ်မှူးတ​ယောက်နဲ့ အင်္ဂလိပ်လူမျိုးစစ်သူနာပြုတ​ယောက်တို Hanoverလမ်းမှာ တွေ့ဆုံတာ​က​နေ စတင်တဲ့ စစ်ပွဲ​နောက်ခံအချစ်ဇာတ်လမ်း​လေး တပုဒ်ပါ ချစ်ခြင်း​မေတ္တာက အစဥ်အမြဲ မမှန်ကန်နိုင်ပါဘူး အိမ်​ထောင်သည်အမျိုးသမီးမှန်း သိ​ပေမဲ့ မရပ်တန့်နိုင်တဲ့ချစ်ခြင်းရဲ့ အပြစ်စိတ် စိတ်သ​ဘောထား​​ကောင်းတဲ့ခင်ပွန်းသည်တ​ယောက်နဲ့ချစ်စရာသမီး​လေးတ​ယောက်ရှိပြီး သာယာတဲ့အိမ်​ထောင်​ရေးပိုင်ဆိုင်ထားပေမဲ့လည်း တခြား​ယောက်ျားကို ချစ်မိ​နေတဲ့အပြစ်စိတ် ဖြစ်ချင်တာ​တွေနဲ့ ဖြစ်သင့်တာ​တွေကြား လွန်ဆွဲရင်း ​ဘယ်အရာ​တွေက ဘယ်လိုဖြစ်ပျက်လာပြီး ချစ်ခြင်း​မေတ္တာက လူတ​ယောက်ကို ဘယ်လိုပုံ​ဖော်​ပေးနိုင်သလဲဆိုတာကို ​ခံစားကြည့်လိုက်ပါဦး File size…(1.3 GB)/(757 MB) Quality….Webrip 1080p / 720p Format…mp4 Duration….01:40:00 Subtitle….Myanmar Subtitle (Hardsub)

The Sound of Music (1965) IMDb Rating - 8.1/10 အကောင်းဆုံး Musical Genre Movies တွေအကြောင်းပြောကြမယ်ဆိုရင် (1966)အော်စကာရုပ်ရှင်ဆုပေးပွဲမှာ အကောင်းဆုံးဒါရိုက်တာဆု၊ အကောင်းဆုံးရုပ်ရှင်ဆု၊ အကောင်းဆုံးရုပ်ရှင်တည်းဖြတ်ဆု..စသဖြင့် အော်စကာ၅ဆုအပြင် အခြားသောရုပ်ရှင်ဆုပေါင်းများစွာကိုပါ ပတ်သိမ်းလာတဲ့ “The Sound of Music” က သေချာပေါက်မပါမဖြစ်ပါပဲ။ (1965)ခုနှစ်က ထွက်ရှိခဲ့ပြီး ဩစတြီးယားနိုင်ငံက ဗွန်ထရက်ပ်မိသားစုအကြောင်း ဖြစ်ရပ်မှန်အခြေခံပြီး ရိုက်ကူးထားတဲ့ “The Sound of Music” ရုပ်ရှင်ဟာ ဝက်ဝက်ကွဲအောင်မြင်ခဲ့တာကြောင့် သူ့ရုံဝင်ငွေနဲ့ ဒေဝါလီခံရခါနီး 20th Century Fox Studio ကိုကယ်ပေးနိုင်တဲ့အထိကို ဖြစ်ခဲ့ပါတယ်။ IMDb rating 8.1/10 ရရှိထားပြီး ထွက်ရှိခဲ့တဲ့အချိန်ကနေ ယခုအချိန်ထိ Box Office ရဲ့ No.6နေရာမှာ ရပ်တည်နေတဲ့ ဂန္ထဝင်ရုပ်ရှင်ကားကြီးဖြစ်ပါတယ်။ ဖြစ်ရပ်မှန်ကိုအခြေတည်ရိုက်ကူးထားတာဆိုပေမဲ့ တကယ့်အပြင်လက်တွေ့နဲ့ ကွဲလွဲချက်လေးတွေရှိပါတယ်။ ဇာတ်လမ်းအကျဉ်းကတော့ ရေတပ်အငြိမ်းစား ကပ္ပတိန်ဗွန်ထရက်ပ်ဟာ ဇနီးသည်ဆုံးပြီးကတည်းက သားသမီးတွေအပေါ် တင်းကြပ်လွန်းတဲ့သူတစ်ယောက်ပါ။ ဗွန်ထရက်ပ်အိမ်တော်ဟာ သီချင်းတွေ ဆိတ်သုဉ်းနေတာ ကြာခဲ့ပါပြီ။ တစ်နေ့မှာတော့ သီချင်းတွေကို အရမ်းမြတ်နိုးတဲ့ သီလရှင်လောင်းမာရီယာကို ကျောင်းတိုက်သီလရှင်ကြီးက ကလေးထိန်းအဖြစ်နဲ့ ဗွန်ထရက်ပ်မိသားစုအိမ်ကို လွှတ်လိုက်ရာကနေ “The Sound of Music”ဆိုတဲ့ ရုပ်ရှင်ကြီးစတင်ဖြစ်ပေါ်လာပါတယ်။ “The Sound of Music”ကို ဟိုးအရင်က ကြည့်ဖူးတဲ့သူများအနေနဲ့ သီချင်းတွေကို ရင်းနှီးနေမှာပါ။ ဘာလို့ဆို ဒီထဲက သီချင်းတွေက တစ်ခါနားထောင်ဖူးရုံနဲ့ မှတ်ဉာဏ်ထဲ နေရာယူလွယ်ပြီး ငယ်ဘဝပြန်ရောက်သွားစေသလိုလိုခံစားရစေတာကိုး။ Musical ကားတွေကိုကြိုက်နှစ်သက်သူများအတွက်တော့ လုံးဝလက်လွှတ်မခံသင့်တဲ့ Old but gold ကားကောင်းတစ်ကားဖြစ်ပါတယ်။ ကြည့်ရှုခံစားလိုက်ကြပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Ngwe Zin ဖြစ်ပါတယ်) File Size..........(3.9 GB) / (1.3 GB) Quality............BLU-RAY 1080p / 720p Duration.........2Hr 52Min Subtitle...........Myanmar Hardsub Format............MP4 Genre..............Biography, Drama, Family Translator.......Ngwe Zin Encoder..........SWM