Cole Hauser ပါဝင်သော ဇာတ်ကားများ

Dutton Ranch ++++++++++ Season 01 (Complete) Yellowstone ပရိသတ်တွေ အလွမ်းပြေစေမယ့် စီးရီးသစ်လေး Dutton Ranch ထွက်လာပါပြီ။ ဒီစီးရီးကတော့ မွန်တားနားက ခြံကြီး မီးလောင်ပျက်စီးသွားပြီးတဲ့နောက် ဘဝသစ်စဖို့ တက္ကဆက်ပြည်နယ်ကို ရောက်လာကြတဲ့ ရစ်ပ် (Rip)၊ ဘက်သ် (Beth) နဲ့ မွေးစားသား ကာတာ (Carter) တို့ မိသားစုအကြောင်းကို အဓိကထား ရိုက်ကူးထားတာပါ။ ဇာတ်လမ်းအကျဉ်း သူတို့မိသားစု တက္ကဆက်ကိုရောက်တော့ Edwards ဆိုတဲ့ ခြံကြီးကို ဝယ်လိုက်ပြီး Dutton Ranch ဆိုပြီး နာမည်ပြောင်းလိုက်ကြတယ်။ သူတို့ရည်ရွယ်ချက်ကတော့ အရင်ပိုင်ရှင် ဘီလီရဲ့ ဆန္ဒအတိုင်း ဒီခြံကြီးကို အကောင်းဆုံး ဆက်ထိန်းသိမ်းဖို့ပေါ့။ ဒါပေမဲ့ တက္ကဆက်မြေမှာ ခြေချချချင်းပဲ ဒေသခံ အာဏာရှင်ဆန်ဆန် 10-Petal ခြံပိုင်ရှင်ကြီး ဗျူလာ ဂျက်ဆန် (Beulah Jackson) နဲ့ ထိပ်တိုက်တွေ့ပါတော့တယ်။ ဗျူလာက သားသတ်ရုံတွေကို လက်ဝါးကြီးအုပ်ထားတော့ အလျှော့မပေးတတ်တဲ့ ဘက်သ်တစ်ယောက် ကိုယ့်လမ်းကိုယ်ဖောက်ဖို့ ကြိုးစားရတော့တာပေါ့။ တစ်ဖက်မှာလည်း 10-Petal ခြံက လူတွေက အလုပ်သမားတစ်ယောက်ကို သတ်ပြီး အလောင်းဖျောက်ထားတဲ့ အရှုပ်အရှင်းတွေကလည်း ပါလာသေးတယ်။ ဒီကြားထဲ ကာတာက ဗျူလာ့မြေးမလေး အိုရီအန်နာကို သဘောကျနေတော့ မိသားစုနှစ်စုကြားက အခြေအနေတွေက ပိုပြီး တင်းမာလာဖို့ပဲ ရှိတော့တယ်။ အနောက်ပိုင်း ကောင်းဘွိုင်တွေရဲ့ ဘဝကြမ်းကြမ်းတွေ၊ မြေယာနဲ့ အာဏာလုပွဲတွေ၊ လူသတ်မှု ဒရာမာတွေကို အရင် Yellowstone အရသာမပျက် ဆက်ကြည့်ရမယ့် စီးရီးကောင်းလေးပါ။ ဘက်သ်ရဲ့ ပြတ်သားတဲ့ ဆုံးဖြတ်ချက်တွေ၊ ရစ်ပ်ရဲ့ အကြမ်းပတမ်း ဖြေရှင်းပုံတွေကို လွမ်းနေတဲ့သူတွေအတွက် ကွက်တိပဲမလို့ လက်မလွှတ်တမ်း ကြည့်လိုက်တော့နော်။

Iran-Contra အရေးအခင်းကာလကို အခြေခံထားတဲ့ ဒီဇာတ်လမ်းမှာ Mel Gibson က အမေရိကန်ကာကွယ်ရေးဌာနရဲ့ ကန်ထရိုက်တာတစ်ယောက်အဖြစ် သရုပ်ဆောင်ထားပါတယ်။ ပနားမားအခြေစိုက် အမေရိကန်ခံတပ်ကနေ စီအိုင်အေအကူအညီနဲ့ Contra တွေဘက်ကို လက်နက်ထောက်ပံ့နေကြပေမယ့် ထုတ်ပြန်ချက်တစ်ခုကြောင့် ဆက်ထောက်ပံ့လို့ မရတော့ဘူး။ ဒါကြောင့် တခြားနည်းလမ်း ရှာကြရပါတယ်။ ဒီအစီအစဉ်ရဲ့ ပထမဆုံးတာဝန်က ဆိုဗီယက်ရဟတ်ယာဉ်တစ်စင်း ဝယ်ပြီး တစ်ဖက်ဆီ ပို့ပေးဖို့ပါ။ တာဝန်ယူဖို့ ရွေးချယ်ခံရသူက တပ်ဖွဲ့ဝင်ဟောင်း ဂျိမ်းစ်ဘက်ကာ။ သူက ခေါင်းမာပြီး ထင်ရာစိုင်းတတ်လို့ တာဝန်ပေးသူတွေက စိတ်မချကြပေမယ့် ဒီအလုပ်အတွက် အသင့်တော်ဆုံးလူဖြစ်နေတာကြောင့် ပနားမားကို လွှတ်လိုက်ကြတယ်။ တာဝန်ထမ်းဆောင်နေတုန်း ဘက်ကာဟာ ပနားမားကို အမေရိကန်ကျူးကျော်တဲ့ကိစ္စထဲပါ ဝင်ပါမိသွားပါတယ်။ အဲဒီအခြေအနေမှာ သူဘာတွေဆက်ကြုံရမလဲ၊ ရဟတ်ယာဉ်ပို့ဆောင်ရေးတာဝန်ကရော အောင်မြင်နိုင်မလားဆိုတာကို ဆက်ပြထားတဲ့ အက်ရှင်သည်းထိတ်ရင်ဖိုဇာတ်ကားပါ။

လူသိနည်းတဲ့ နယ်မြို့လေးတစ်မြို့မှာ Russ ကြောင့် ရင်းနှီးမြှုပ်နှံငွေတွေ ဆုံးရှုံးထားရသူတွေ ရှိနေပါတယ်။ အဲဒီလူတွေက သူ့ကို မကျေနပ်ကြတော့ Russ လည်း ဘယ်သူ့ကို သတိထားရမလဲဆိုပြီး ကျီးလန့်စာစား နေနေရတယ်။ ဒီလိုအချိန်မှာပဲ သူ့ဘေးအိမ်က Delaine နဲ့ Carl တို့ သားအဖရဲ့အိမ် ဖောက်ထွင်းခံရပြီး အဖေဖြစ်သူ Carl အသတ်ခံလိုက်ရပါတယ်။ မူလကတည်းက ကိုယ့်အန္တရာယ်ကိုယ် စိုးရိမ်နေတဲ့ Russ က ဒီလူသတ်မှုဟာ သူ့ကို ပစ်မှတ်ထားရာက အိမ်မှားသွားတာများလားလို့ တွေးပြီး ပိုပူပန်လာတယ်။ ဒါပေမဲ့ မြို့သေးသေးလေးထဲမှာ လူသတ်မှုတွေ ဆက်တိုက်ဖြစ်လာတဲ့အခါ ကိစ္စက ဒီတစ်မှုတည်းနဲ့ ရပ်မနေတော့ပါဘူး။ Morgan Freeman က ရဲမှူး Thurmond အဖြစ် ပါဝင်ထားပြီး ကောင်းမှု၊ မကောင်းမှုနဲ့ သေပြီးနောက် ဘယ်ကိုရောက်မလဲဆိုတဲ့ အတွေးတွေကိုလည်း ဇာတ်လမ်းထဲမှာ ထည့်သွင်းထားပါတယ်။

Yellowstone (S1 to S5) Cowboyဇာတ်လမ်း​တွေကို သ​ဘောကျတဲ့ ပရိသတ်​တွေအတွက် အစိမ်းသက်သက် မဖြစ်​လောက်သလို ဒီဘက်​ခေတ်ရဲ့ western ကောင်းဘွိုင်seriesတွေထဲမှာ ဇာတ်အိမ်ခိုင်ပြီး ​လူကြိုက်များတဲ့ Yellowstone ဆိုတဲ့ Seriesကြီးကို စတင်​တင်ဆက်​လိုက်ပါပြီ။ Yellowstoneဆိုတဲ့နာမည်ကို CMပရိသတ်​တွေအ​နေနဲ့ အ​ရှေ့မှာ တင်ဆက်ခဲ့ဖူးတဲ့ Prequelစီးရီးဖြစ်တဲ့1883မှာ ရင်းနှီးခဲ့ဖူးမှာပါ။ အခုစီးရီးက​တော့ အဲဒီထဲက ဒပ်တန်မိသားစုရဲ့ မျက်​မှောက်​​ခေတ် ​ကောင်းဘွိုင်ဘဝကို ကြည့်ရှုရမှာပါ။ Oscarနဲ့ Emmyဆုရှင် မင်းသားကြီး Kevin Costner က ဒပ်တန် မိသားစုရဲ့အိမ်​ထောင်ဦးစီး ဂျွန်ဒပ်တန်အဖြစ် ပါဝင််ထားတာဖြစ်ပြီး IMDb 8.7, RT 85%အထိ ရရှိထားပါတယ်။ ဒီစီးရီးက နိုင်ငံတကာ ကောင်းဘွိုင်ဇာတ်ကားပရိသတ်​တွေကြား အ​တော်​ရေပန်းစားသလို ​အောင်မြင်မှုလည်း ကြီးတာမို့ လက်ရှိမှာSeason 5အထိ ​ရောက်ရှိ​ နေပါပြီ။ ဇာတ်လမ်းအကျဉ်းက​တော့ အ​မေရိကန်ရဲ့အကြီးဆုံး ​မွေးမြူ​ရေးခြံ ဖြစ်တဲ့ မွန်တားနားပြည်နယ် ရဲလိုးစတုန်းမ်ခြံကြီးရဲ့ ပိုင်ရှင် ဒပ်တန် မိသားစု​အ​ကြောင်းကို အသား​ပေးထားတာ ဖြစ်ပါတယ်။ မိသားစုရဲ့ အိမ်​​​ထောင်ဦးစီးဖြစ်တဲ့ ဂျွန်ဒပ်တန်ဟာ သူပိုင်တဲ့ခြံကြီးကို ဦးစီးရင်း ခြစားမှု​တွေနဲ့လက်ဝါးချင်းရိုက်​နေတဲ့ နိုင်ငံ​ရေးသမား​​တွေနဲ့ ​ဒေသခံ သစ်လုပ်ငန်းရှင်​တွေ ကန်ထရိုက်လုပ်ငန်းရှင်​​တွေ၊ မြို့ပြတိုးချဲ့​ရေး အ​ကြောင်းပြ ပြည်သူပိုင်သိမ်းယူလိုမှု​တွေ၊ နယ်​မြေချင်းဆက်​​နေတဲ့ အင်ဒီးယန်း​တွေနဲ့ကာလရှည်မသင့်မြတ်​မှုတွေ၊ မိသားစုပဋိပက္ခ​တွေ ကြားထဲက ခြံကြီးကို မဆုံးရှုံးရ​အောင် ကြိုးစားထိန်းသိမ်းပုံ​တွေကို ကြည့်ရှူရမှာပါ။ ဒီစီးရီးဟာ ​ကောင်းဘွိုင်ဇာတ်တစ်ခုတည်း မဟုတ်ဘဲ နိုင်ငံ​ရေးနဲ့ စီးပွား​ရေး၊ ဥပ​ဒေ​ရေးရာ အားပြိုင်မှု​တွေ၊ ​တစ်ဘက်နဲ့တစ်ဘက်ရဲ့ ​ခေါင်းတုံး​ပေါ် ထိပ်ကွက်မှု​တွေ၊ လျင်သူစား​ကြေး ဉာဏ်ရည်ချင်း အားပြိုင်မှု​၊ လက်ရုံးချင်းအားပြိုင်မှု စသဖြင့် ရသမျိုးစုံပေးနိုင်တဲ့ စီးရီးဖြစ်ပြီး ဇာတ်လမ်းတင်ဆက်ပုံကလည်း အ​တော်ကြမ်းတာမို့ ​ကောင်းဘွိုင်series ကြိုက်သူ​တွေအတွက် တ​မျှော်​မျှော်ဖြစ်​စေမဲ့ Seriesပဲဖြစ်ပါတယ်။ Quality….Webrip 1080p Format…mp4 Duration….1Hr 31Min Genre...Drama / Western Subtitle….Myanmar Subtitle (Hardsub) Encoder….Mr. Anderson Translated by Jim X, Chuck

Transcendence(2014) 2014 ထွက် Drama | Mystery | Sci-Fi ဇာတ်ကားတစ်ကားပါ... Dr. Will Caster နဲ့ Evelyn တို့ ဇနီးမောင်နှံဟာ သူငယ်ချင်းဖြစ်သူ Max Waters နဲ့ အတူ Pinn ကို တီထွင်နိုင်ခဲ့ကြပါတယ်.... PINN ဆိုတာဟာ သူ့ဆီမှာ ရှိတဲ့ အချက်အလက်အကုန်လုံးကို လျှင်မြန်စွာ တွက်ချက်ပြီး အဖြေထုတ်နိုင်ပေမယ့် ကိုယ်ပိုင်အသိဉာဏ် ဖြင့် စဉ်းစားဆင်ခြင်နိုင်တဲ့အဆင့်ထိတော့ မရသေးပါဘူး... နည်းပညာရပ်ဆိုင်ရာ ဟောပြောပွဲ တခုမှာ Will Caster ဟာ လုပ်ကြံခံခဲ့ရပြီး သူ့ရဲ့တခြားသော team တွေအကုန်လုံးလဲ လုပ်ကြံသတ်ဖြတ်ခံလိုက်ရတဲ့အပြင် သူတို့ Research တွေလည်း လုံးဝဖျက်ဆီးခံလိုက်ရပါတယ်... နည်းပညာကလူတွေကိုလွှမ်းမိုးလာတာကိုမလိုလားတဲ့လူတစ်စုကြောင့်ပေါ့.. သူတို့ကတော့ "Revolutionary Independence From Technology" (R.I.F.T.)ပါ.. လုပ်ကြံမှုကြီးပြီးတဲနောက်မှာတော့  Will Caster ဟာ  သူ့အတွက် ရွေးချယ်မှုတစ်ခုသာရှိပါတော့တယ်.. အဲဒါနောက်ဘာတွေဆက်ဖြစ်မလဲဆိုတာကိုတော့..... ဒီကားက ရဲ့ခေါင်းဆောင်မင်းသားကြီး Johnny Depp  ကိုတော့ ထွေထွေထူးထူး မိတ်ဆက်ပေးစရာမလိုတော့ဘူးထင်ပါတယ်...ဒါအပြင် Morgan Freemanလည်းပါနေသေးရဲ့.. ဒီဇာတ်ကားဟာ ၂၀၁၄တုန်းက ရိုက်ခဲ့တာဖြစ်ပေမယ့် ဒီနှစ်အတွင်းမှာ Google က announce လုပ်လိုက်တဲ့ Google Assistant ရဲ့ version အသစ်ဟာဆိုရင် ဒီကားထဲကရိုက်ပြထားတာတွေနည်းနည်းလောက်ဖြစ်လာနေပါပြီ A.Iအကြောင်းစိတ်ဝင်စားတယ်  Sci-Fi  ဇာတ်ကားတွေကို နှစ်ခြိုက်သဘောကျတဲ့သူတွေအဖို့ မိုးအေးအေးလေးနဲ့ကြည့်လို့ကောင်းတဲ့ဇာတ်ကားပါလို့ညွှန်းဆိုပါရစေ. ဇာတ်လမ်းအညွှန်းနဲ့ဘာသာပြန်သူကတော့JtheKoala ပဲဖြစ်ပါတယ်... File Size : 1.78GB & 740MB Quality : Blu-Ray 1080p 5.1 CH, Blu-Ray 720p Format…mp4 Duration… 2h 00m Genre : Drama, Mystery, Sci-Fi Subtitle : Myanmar Subtitle (Hard Sub) Translated by JtheKoala Encoded by Thit San Khant , Phyo Pyae

Has Fallen ရုပ်ရှင်ကား ၃ ကားရှိပြီး ၃ ကားလုံး ဇာတ်ကောင်တူ ဇာတ်လမ်းဆက်စပ်တာမလို့ တပြိုင်တည်းကြည့်လေမိုက်လေပါပဲ။ CM မှာ ၃ ကားစလုံးကို 4K Quality နဲ့တင်ဆက်ထားပါပြီ....ဒီမှာ https://www.channelmyanmar.to/?s=has+fallen ကြည့်လို့ရပါတယ်။ +++++++++++ Olympus Has Fallen (2013) IMDB: 6.5 / Rotten Tomatoes: 50% Genre: Action/Thriller Olympus Has Fallen (2013) ကတော့ Has Fallen ရဲ့ ပထမဆုံးဇာတ်ကားဖြစ်ပြီးတော့ အတော်လေးလည်းကြည့်လို့ကောင်းတဲ့ အက်ရှင်ကားတစ်ကားဖြစ်ပါတယ်။ ဇာတ်လမ်းကတော့... မိုက်ခ်ဆိုတာကတော့ သမ္မတကြီးရဲ့လုံခြုံရေးအဖွဲ့ခေါင်းဆောင်ဖြစ်ပါတယ်။ ရာသီဉတုအရမ်းဆိုးတဲ့ညတစ်ညမှာ ပွဲတစ်ခုကိုလိုက်ပို့ရင်း ကံမကောင်းအကြောင်းမလှတော့ သမ္မတကတော်အသက်ဆုံးခဲ့ရပါတယ်။ အဲဒါကြောင့် မိုက်ခ်ဟာလည်း ရာထူးမှနှုတ်ထွက်ခဲ့ပြီး ဌာနတစ်ခုမှာအလုပ်ဝင်လုပ်နေခဲ့ပါတယ်။ တစ်ချိန်တည်းမှာပဲ တောင်ကိုရီးယားသံအမတ် လီနဲ့သမ္မကြီးအက်ရှာတို့ဟာ မြောက်ကိုရီးယားနဲ့တောင်ကိုရီးယားနယ်စပ်မှာ မြောက်ကိုရီးယားစစ်ရေးပြင်နေတာကိုတားဆီးမယ့်ကိစ္စကို အိမ်ဖြူတော်မှာဆွေးနွေးနေခဲ့ပါတယ်။ အဲဒီအချိန်မှာ အမည်အသိ လေယာဉ်တစ်စင်းဟာ အမေရိကန်လေပိုင်နက်ထဲကိုရောက်လာခဲ့ပါတယ်။ အိမ်ဖြူတော်အတိုက်ခိုက်ခံလိုက်ရပါပြီ။ ကျန်တာတွေကတော့ ဆက်လက်ခံစားကြည့်လိုက်ကြပါ... မိုက်ခ်ဘန်းနင်းအဖြစ် မင်းသား Gerard Butler သမ္မတ အက်ရှာအဖြစ် မင်းသား Aaron Eckhart ယာယီသမ္မတအဖြစ် မင်းသားကြီး Morgan Freeman တို့မှ သရုပ်ဆောင်ထားပါတယ်။ File size…(6.2 GB) / (1.9 GB) / (1.1 GB) Quality….BluRay 4K HEVC/1080p HEVC / 720p Format…mkv/mp4 Duration….01:59:49 Subtitle….Myanmar Subtitle (Hardsub) Encoder….Ka Naung Translated by Lucifer Maximoff

ခရစ်စမတ်နဲ့ နယူးရီးယားပိတ်ရက်တွေမှာ အက်ရှင်ပရိတ်သတ်တွေ ဘာရုပ်ရှင်ကြည့်ကြမလဲဆိုရင် မင်းသားကြီး Bruce Willis ရဲ့  John McClane ဇာတ်ကောင်ပါဝင်တဲ့ Die Hard ဇာတ်ကားတွေကိုပဲ အားလုံးကတော့ ညွှန်းကြမှာပါ။ Die Hard ရုပ်ရှင်က စုစုပေါင်း ၅ ကားထွက်ရှိခဲ့ပြီး ဇာတ်ကားအားလုံးကို ဒီမှာ https://channelmyanmar.org/?s=die+hard ကြည့်ပါ။ Die Hard 1 နဲ့ 2 မှာတော့ John McClane တစ်ယောက် ခရစ်စမတ်ပိတ်ရက်လေးမှာ ဇနီးသည်လေး Holly Gennaro နဲ့ Chill ဖို့ တက်ကြွစွာ ဇနီးသည်ကိုလာတွေ့ပေမယ့် ပြသနာပေါင်းသောင်းခြောက်ထောင်နဲ့ကြုံရပြီး သူမပါလို့မရတော့တဲ့ပြသနာတွေမလို့ ကိုယ်တိုင်ပါဝင် ကယ်တင်ရပုံတွေကို ကြည့်ရှုရမှာပါ။ Die Hard 3,4,5 တွေကတော့ ခရစ်စမတ်ပိတ်ရက်နဲ့ သူ့ရဲ့ဇနီး Holly Gennaro တို့နဲ့ တိုက်ရိုက်မပတ်သက်တော့ပေမယ့် သူတို့ရဲ့ သားနဲ့သမီးနဲ့ဆက်စပ်တာတွေ ဗီလိန်တွေက ဆက်စပ်နေတာတွေနဲ့ ရှေ့ကရုပ်ရှင်ကားတွေနဲ့ဆက်စပ်မှုတော့ရှိနေပါတယ်။ Die Hard နဲ့ပတ်သက်ရင်တော့ John McClane ဇာတ်ကောင်ရဲ့ တုံးတိုက်တိုက် ကျားကိုက်ကိုက် စိတ်ဓာတ်နဲ့ ပြသနာကို မရှိရှိရာနဲ့ ရသလိုဖြေရှင်းတတ်တဲ့ အကြောက်အလန့်ကင်းတဲ့စရိုက်က ပြောစမှတ်ပါပဲ။ John McClane ကိုလဲ ပြသနာတွေကကြိုက်ကြပြီး သူ့ဖာသာနေရင်းထိုင်ရင်း သူ့မိသားစုကိုကယ်တင်ရင်း ပြသနာတွေထဲကို သူ့ခမျာ လုံးလုံးလျားလျားရောက်သွားရတာပါ။ Die Hard 4 ထဲက Dialouge တစ်ခုကတော့ John McClane ဇာတ်ကောင်ကိုပိုထင်ရှားစေပါမယ်။ " သူရဲကောင်းဆိုတာ မျက်စိရှေ့မှာ မကယ်လို့ မရတာကို ကယ်ရင်းကယ်ရင်း နေသာသလို မနေလိုက်ဘဲ ပြသနာကိုဖြေရှင်းရင်းဖြေရှင်းရင်း ဒီလိုလူဖြစ်လာတာပါပဲ။ " မိသားစုအတွက် မျက်စိရှေ့ကပြသနာတွေအတွက် နေသာသလိုမနေလိုက်ဘဲ ငါကတော့ ရအောင်ဖြေရှင်းမှာပဲဆိုတဲ့ မင်းသားကြီး Bruce Willis ရဲ့  John McClane ဇာတ်ကောင်ကို ပြန်လည်ခံစားကြည့်ကြပါစို့။ A Good Day to Die Hard (2013) Die hard 5 IMDb Rating (5.2) / Rotten Tomatoes (15%) 4K က ရုံတင်ဗားရှင်းဖြစ်နေတာကြောင့် ပိုမိုပြည့်စုံတဲ့ Extended Cut ဗားရှင်းနဲ့ပဲ 4K မပါဘဲ တင်ဆက်လိုက်ပါတယ်။ File size…(1.7 GB)/(1 GB) Quality…BluRay Extended Cut 1080p/720p Format…mkv/mp4 Duration….01:41:11 Subtitle….Myanmar Subtitle (Hardsub) Encoder….Ka Naung Translated by Aung Paing Phyoe

အယ်လန် ကမ့်ဘဲလ်ဆိုတာက အရှုံးသမား အကြွေးကဝိုင်း မိန်းမကလည်း အချစ်‌ဆုံးသူငယ်ချင်းနဲ့ဖောက်ပြန် အလုပ်မှာ ရာထူးတိုးကလည်းမရ။ ဒီလိုနဲ့ပဲ ညဘက်အရက်ဆိုင်မှာမှောက်ဖို့ကြံနေတဲ့သူ့ဆီကို မိတ်ဆက်လာတာကတော့ ဂျိုးနားစ် အာဘာ။ အထူးအေးဂျင့်အနေကနေ ပြေးလာပြီးတော့ ဒီမြို့လေးမှာ အချိန်လာဖြုန်းလုပ်ချင်ရာလုပ်နေတဲ့လူ။ အ ယ်လန်ရင်ဖွင့်သမျှကြားပြီး ဂျိုးနားစ်က သူ့ကိုကမ်းလှမ်းခဲ့တာက အယ်လန်အမုန်းဆုံးလူ နာမည်ငါးခုချရေး ဂျိုးနားစ်ကရှင်းပေးမယ်။ ဂျိုးနားစ်ကတော့မယုံမကြည် မူးမူးနဲ့ရေးပေးလိုက်ပြီး နောက်နေ့မနက် ပထမတယောက်ကို တကယ်ဖြစ်လာတဲ့အခါမှာတော့ အယ်လန်တယောက် ကျန်တဲ့လူတွေကိုပါ ဂျိုးနားစ်ရဲ့ရန်ကနေ ကာကွယ်ဖို့ကြိုးစားရပါတော့တယ်။ ဂျိုးနားစ်ရဲ့ကစားပွဲအောက်မှာ အယ်လန်တယောက် စာရင်းထဲပါသူတွေကို ကယ်တင်နိုင်ပါ့မလား။ ဂျိုးနားစ်ကရော ဘာဖြစ်လို့ ဒီလိုမျိုးလုပ်နေတာလဲ။ ဒီကစားပွဲရဲ့အဆုံးသတ်မှာ သူတို့နှစ်ယောက်ထဲက ဘယ်သူကအောင်မြင်သွားမလဲဆိုတာကိုCMပရိတ်သတ်ကြီးက ဒီဇာတ်ကားလေးမှာ ရှုစားအားပေးကြပါဦးခင်ဗျ။ File size…  1.5 GB / 590 MB Quality… Bluray 1080p / 720p Format… mp4 Duration…. 1h 41m Genre .....  Action, Crime Subtitle…. Myanmar Subtitle (Hard Sub) Encoder…. Thit San Khant Translated by...  Brackman

The Break-Up (2006) IMDb Rating (5.8) / Rotten Tomatoes (34%) ဒီဇာတ်ကားလေးကတော့ ကျနော်တို့ငယ်ငယ်ကတည်းက ရင်းနှီးလာခဲ့တဲ့ သရုပ်ဆောင်တွေဖြစ်တဲ့ မင်းသမီးကြီး ဂျနီဖာ အန်နီစတန်အပြင် တခြားသရုပ်ဆောင်တွေနဲ့အတူ ၂၀ ရာစုအစောပိုင်းက အမေရိကန် ချီကာဂိုမြို့ကြီးရဲ့ ခံစားချက်နဲ့အတူ Romance Comedy ကားလေးကို ကြည့်ရှုရမှာ ဖြစ်ပါတယ်။ ဇာတ်လမ်းအကျဉ်းကတော့ ဂယ်ရီနှင့် ဘရွတ်ခ်ဟာ ဘေ့စ်ဘောပွဲမှာ ပထမဆုံး တွေ့ဖူးခဲ့ကြပြီး စကားပြောဖြစ်ရာကနေ သမီးရည်းစားဖြစ်သွားကြပြီး နှစ်ယောက်တစ်အိပ်မက်မက်တာ ဈေးမြောက်တဲ့ကွန်ဒိုတိုက်ခန်းတစ်ခုကိုတောင် အတူတူစပ်ပြီး အရစ်ကျ ငွေသွင်းကာ ဘဝကို အတူတူ ဖြတ်သန်းခဲ့ကြပါတယ်။ ဒါပေမယ့် အချစ်ခရီးလမ်းက မဖြောင့်ဖြူးဘူးဆိုတဲ့အတိုင်း ချီကာဂိုမြို့ကြီးကို လှည့်လည်ပြသရတဲ့ ဧည့်လမ်းညွှန်လုပ်တဲ့ ဂယ်ရီက အိမ်ပြန်လာရင် ဂိမ်းလေးဆော့၊ နားအေးပါအေး အနားယူချင်သူပါ။ တစ်ဖက်မှာတော့ ပန်းချီပြခန်းမှာ အလုပ်လုပ်တဲ့ဘရွတ်ခ်ကလည်း အိမ်ပြန်လာရင် နှစ်ယောက်စာ စားဖို့သောက်ဖို့ ချက်ပြုတ်၊ ဂယ်ရီချွတ်ထားတဲ့ဘောင်းဘီတွေ ခြေအိတ်တွေ လိုက်သိမ်းရ၊ ဂယ်ရီကလည်း ကူဖော်လောင်ဖက်မရတော့ စိတ်ချဉ်ပေါက်လာပါတယ်။ ဒီလိုနဲ့ တစ်နေ့မှာတော့ သူတို့နှစ်ယောက်ဟာ အကြီးအကျယ် ရန်ဖြစ်ပေါက်ကွဲကြပြီး လမ်းခွဲလိုက်ကြပေမဲ့ ကွန်ဒိုက တူတူစပ်ဝယ်နေတာဖြစ်လို့ နှစ်ယောက်ကလည်း တခြားသွားစရာနေရာမရှိပဲ အတူတူ ဆက်နေရဖို့ ဖြစ်လာပါတယ်။ ဒီတော့ သူတို့နှစ်ယောက် တိုက်ခန်းတစ်ခုကို အတူစပ်နေရင်း ဘယ်လိုတွေနှစ်ပါးသွားကြမလဲ၊ သူတို့တွေ ကွဲကွာသွားကြမလား၊ ပြန်ပေါင်းထုပ်သွားမလားဆိုတာ စိတ်ဝင်တစား ကြည့်ရှုရမှာဖြစ်ပါတယ်။ File size… (2.2 GB) / (1 GB) Quality…. Blu-Ray 1080p HEVC / 720p Format…. mkv/mp4 Genre…. Comedy,Romance Duration…. 01:46:41 Subtitle…. Myanmar Subtitle (Hardsub)

2005 ခု နှစ်မှာထွက်ရှိခဲ့တဲ့ ဇာတ်ကားတစ်ကားဖြစ်ပြီး Bruce Hunt က ရိုက်ကူးတင်ဆက်ထားပါတယ်.. စိတ်ဝင်စားစရာကောင်းတဲ့ဇာတ်လမ်းလေးဖြစ်လို့ အညွှန်းကိုတော့ မပေးတော့ပါဘူး.. ကိုယ်တိုင်ကြည့့်ပီးတော့ပဲ ခံစားလိုက်ပါ... Adventure, Horror, Thriller ဇာတ်လမ်းအမျိုးအစားဖြစ်တာ မို့ချောက်ချောက်ချားချားနဲ့ဇာတ်လမ်းမိုက်မိုက်လေးတွေကြည့်ချင်သူတွေအတွက်တော့ သဘောကျ နှစ်သက်မယ့်ကားကောင်းတစ်ကားပါပဲ Filesize : 556 MB Quality : BrRip720p Source : Yify Format : mp4 Running Time : 97 min Subtitle : Myanmar Subtitle (Hardsub) Encoded By LK

Paparazzi ၂၀၀၄ ခုနှစ်ထွက် စုံထောက်ဆန်ဆန်အက်ရှင်ကားလေးတင်ဆက်ပေးလိုက်ပါတယ်... ဇာတ်လမ်းကတော့ နာမည်အတိုင်းပဲပါပါရာဇီတွေကြောင့် အောင်မြင်ခါစရုပ်ရှင်မင်းသားတစ်ယောက်ဒုက္ခရောက်ရပုံကိုရိုက်ထားတာပါ...ပါပါရာဇီဆိုတာကတော့ နာမည်ကြီးတဲ့လူတွေနောက် တကောက်ကောက်လိုက်နေတဲ့သတင်းထောက်တွေကိုပြောတာပါ... ဇာတ်လမ်းအကြောင်းပြောရရင် ဘိုလာရာမီးဟာ အောင်မြင်ခါစရုပ်ရှင်မင်းသားတစ်ဦးပါ...သူဟာမိသားစုကိုအလေးထားသူပါ....ဘိုလာရာမီးဟာ တရှိန်ထိုးအောင်မြင်လာသူဖြစ်လေတော့ သူ့နောက်ကိုပါပါရာဇီတွေလိုက်ကြပါတယ်....အဲ့ထဲကမှပါပါရာဇီတစ်အုပ်စုဟာ ဘိုလာရာမီးရဲ့မိန်းမနဲ့သူ့သားပုံတွေကိုပါချောင်းရိုက်ပြီး မဂ္ဂဇင်းမှာတင်တဲ့အခါ ဘိုလာရာမီးနဲ့ညှိပါတော့တယ်... တစ်ရက်ကျ ထိုပါပါရာဇီအုပ်စုကြောင့် ဘိုလာရာမီးတို့မိသားစုမောင်းနှင်လာတဲ့ကားတိမ်းမှောက်သွားပြီး ဘိုလာရာမီးရဲ့သားလေးဟာကိုမာဝင်သွားပါတယ်.... ထိုအခါဘိုလာရာမီးဘယ်လိုပြန်လက်စားချေမလဲ... ကားတိမ်းမှောက်မှုကိုစုံစမ်းတဲ့စုံထောက်ဘာတွန်ကရော ဘယ်လိုမျိုးဆက်စုံစမ်းမလဲဆိုတာ ဆက်လက်ကြည့်ရှုကြပါခင်ဗျာ.... File size…(1.69 GB)/(924 MB) Quality….Webrip 1080p / 720p Format…mp4 Duration….01:40:00 Genre... Action, Drama, Thriller Subtitle….Myanmar Subtitle (Hardsub) Encoder….Mr. Anderson Translated by AKM

Tears of the Sun(2003) Tears of the Sun ဆိုတဲ့ စစ်ကားဟာ ကျွန်တော်တို့ ကလေး ဘဝကထဲက ထွက်ရှိပြီး ဘာသာစကားနားမလည် စာတန်းမထိုးဘဲနဲ့ ကြည့်ခဲ့ရတာပါ..... သို့ပေမယ့် Bruce Willis ခေါင်းဆောင်တဲ့ Navy SEAL အဖွဲ့ဟာ အန္တရယ်များလွန်းလှတဲ့ ပြည်တွင်းစစ်ကြားမှာ ကယ်ဆယ်ရေး သွားလုပ်ရတဲ့ အထူးစစ်ဆင်ရေးတစ်ခုဆိုတာကို ကျွန်တော်တို့ သိခဲ့ကြတယ်.... ဒီ Navy SEAL အဖွဲ့နဲ့ စစ်ဆင်ရေးအတူရောက်သွားသလို ခံစားရသလို ဗီဒီယိုရုံတစ်ခုလုံးလည်း အပ်ကျသံမကြားရလောက် တိတ်ဆိတ်စွာ ရင်ထိတ်စိတ်လှုပ်ရှားနေကြအောင် ဒီဇာတ်ကား ဆွဲဆောင်မှုရှိခဲ့တယ်.. နိုင်ဂျီရီးယားရဲ့ ပြည်တွင်းစစ်က တကယ့်ကိုသွေးပျက်ဖွယ်ရာပဲ.. လက်နက်ကိုင်မျိုးစုံ ထကြွသောင်းကျန်းကြသလို လူမျိုးစု ၂၅၀ ရှိလေတော့ ထိန်းကွပ်မယ့် အစိုးရကြီးမရှိမှုကို အခွင့်ကောင်းယူပြီးသတ်ချင်သတ် လုပ်ချင်သလိုလုပ်နေကြတယ်... Bruce Willis တို့ရဲ့ အဓိကတာဝန်က အမေရိကန်လူမျိုး ကယ်ဆယ်ရေးဆရာဝန်လုပ်နေတဲ့ ဒေါက်တာကန်ဒရစ်ကို ကယ်ထုတ်ဖို့ပါပဲ... သူတို့သွားကယ်မယ့် နေရာမှာ ရန်သူ ၅၀၀၀ခန့် ခြေရာချင်းထပ်အောင် လှုပ်ရှားနေကြသလို ပြည်သူ့စစ်ဆိုတဲ့သူတွေကလည်း ဒုက္ခသည်ပါမချန် အကုန်သတ်နေတာဆိုတော့ ဒါ့ထက်တော့ အန္တရယ်များတာမရှိတော့ပေ... သူတို့အောင်မြင်မလားဆိုတာကိုတော့ ခံစားကြည့်လိုက်ပါဦး... ဒီကားက ကြည့်ပြီးသားဆိုပေမယ့် လည်းပြန်ကြည့်ရင် တကယ်ကိုအရသာတစ်မျိုးခံစားရပါတယ်..ဒီဘက်ခေတ်စစ်ကားတွေကို ကောင်းကောင်းယှဉ်နိုင်သလို ရသအပြည့်အဝခံစားလို့ရအောင် Blu-Ray1080p5.1CHပါတင်ဆက်ပေးထားပါတယ်... File Size :(2.12GB), (950 MB) and (337 MB) Quality : Blu-Ray 1080p 5.1 CH, Format…mp4 Duration…02:01:00 Genre :  Action, Drama, Thriller Subtitle : Myanmar Subtitle (Hard Sub) Translated by Alias Encoded by Phyo Pyae

Fast and Furious ရုပ်ရှင်ကားတွေအကုန်လုံးကို 4K DD.5.1 Quality နဲ့  Extended Version တွေချည်း တင်ဆက်လိုက်ပါတယ်... ဒီမှာ  https://www.channelmyanmar.to/category/special-package/fast-and-furious/ ကြည့်ပါ။ Family အဓိက...ဘော်ဒါအဓိကဆိုတဲ့ Fast & Furious Franchise ဟာ ရုပ်ရှင်ထွက်လာလိုက်တိုင်း Box Office ဝင်ငွေကြမ်းခဲ့တာချည်းပါပဲ။ 1. The Fast & The Furious (2001) - $ 207 M 2. 2 Fast 2 Furious (2003) - $ 236 M 3. The Fast & The Furious : Tokyo Drift (2006) - $ 158 M 4. Fast & Furious (2009) - $ 360 M 5. Fast Five ( 2011 ) - $ 626 M 6. Fast & Furious 6 ( 2013 ) - $ 788 M 7. Furious 7 (2015) - $ 1.515 B 8. The Fate Of The Furious (2017) - $ 1.236 B 9. Fast & Furious Presents: Hobbs & Shaw ( 2019 ) - $ 760 M 10. F9 ( 2021 ) - $ 726 M 11. Fast X (2023) - $ 714 M +++++++++++++++++++ 2 Fast 2 Furious (2003) IMDb Rating (5.9) / Rotten Tomatoes (37%) F1 ကပြဿနာမျိုးစုံပြီးတဲ့နောက် ဘရိုင်ယန်တစ်ယောက် ရဲအလုပ်ကထွက်ပြီး အရပ်သားဘဝနဲ့ တရားမဝင်ကားပြိုင်ပွဲတွေမောင်းလိုက်ငွေဝင်မဲ့ အလုပ်ကိစ္စမျိုးစုံကို ငပွေးတစ်ကောင်လို လုပ်နေတယ် အမှုငယ်ပေါင်းများစွာနဲ့ပေါ့။ ဒီချိန်မှာပဲ မိုင်ယာမီမှာ သွင်းကုန်ထုတ်ကုန်နဲ့ပတ်သက်ပြီး လုပ်ငန်းရှင်ကြီးတစ်ယောက်က မူးယစ်ဂိုဏ်းတွေနဲ့ပတ်သက်ပြီး သတင်းအရမ်းထွက်နေတယ်။ သူ့ဆီမှာ မူးယစ်ဆေးများစွာသိုလှောင်ထားတယ်လို့သံသယရှိနေသလို ငွေမဲတွေကိုလည်း ငွေဖြူအချီကြီးလုပ်ဖို့ စီစဉ်နေတယ်လို့သတင်းရနေတယ်။ ဒါကြောင့် ရဲတပ်ဖွဲ့ဟာ အမှုတွေပယ်ဖျက်ပေးမယ်ဆိုတဲ့မက်လုံးနဲ့ ဘရိုင်ယန်ကိုကမ်းလှမ်းပြီး မိုင်ယာမီက လူဆိုးကြီးကိုလိုက်ဖို့ အသုံးချပါတော့တယ်။ File Size : (8.6 GB) /(2.1 GB) / (1 GB) Quality : BluRay 4K HEVC/ 1080p / 720p Running Time : 1hr 47min Format : Mp4 Genre :Action, Crime, Thriller Subtitle : Myanmar Subtitle (Hard Sub) Encoded by Phyo Pyae/Ka Naung

ဒုတိယကမ္ဘာစစ်ကာလ တပ်သားစုဆောင်းရေးမှာ ဥပဒေဒုတိယနှစ်ကျောင်းသား သောမတ်စ်ဟာ့တ်လည်း ပါဝင်သွားပါတယ်။ အဖေက တပ်ထဲမှာ ထူးချွန်တဲ့ အရာရှိကြီးတစ်ယောက်ဖြစ်ပေမယ့် ဟာ့တ်ကိုယ်တိုင်ကတော့ စစ်ပွဲနဲ့ အကျွမ်းတဝင်မရှိဘဲ လက်ဖ်တင်နင်ဘဝနဲ့ပဲ ကျေနပ်နေသူပါ။ တစ်နေ့ အထက်အရာရှိတစ်ယောက်ကို လိုက်ပို့ရင်း ဂျာမန်တွေရဲ့ ဖမ်းဆီးခြင်းကို ခံလိုက်ရတယ်။ အဲဒီနောက် ဟာ့တ်ဟာ စစ်သုံ့ပန်းစခန်းကို ရောက်သွားပြီး Bruce Willis သရုပ်ဆောင်ထားတဲ့ ဇာတ်ကောင်တို့နဲ့ ဆုံတွေ့ရပါတယ်။ အဲဒီကနေ သုံ့ပန်းဘဝမှာ သူကြုံရမယ့် ပြဿနာတွေအကြောင်း ဆက်ပြထားတယ်။ အပြင်လောကမှာတင်မက စစ်တပ်အတွင်းမှာပါ ရှိနေတဲ့ လူဖြူ၊ လူမည်း ဆက်ဆံရေးကိုလည်း ထည့်သွင်းဖော်ပြထားပါတယ်။ Bruce Willis နဲ့ Collin Ferrell တို့ ပါဝင်ထားတဲ့ စစ်ဒရာမာကားပါ။ ဖြစ်ရပ်မှန်ဇာတ်လမ်းလို့ အပြည့်အဝမဆိုနိုင်ပေမယ့် စာရေးဆရာ John Katzenbach က အဖေဖြစ်သူ Nicholas ရဲ့ စစ်တွင်းအတွေ့အကြုံတွေကို မှီငြမ်းထားပါတယ်။

Tigerland (2000) IMDb Rating (6.9) / Rotten Tomatoes (77%) 1 November 1955 ကနေ 30 April 1975 အထိဖြစ်ပွားခဲ့တဲ့နာမည်ကျော် ဗီယက်နမ်စစ်ပွဲအတွင်းမှာတော့ အပြစ်မဲ့ပြည်သူတွေသာမက လူပေါင်းများစွာသေကြေပျက်စီးခဲ့ရပါတယ်။ သို့သော်လည်း ဘယ်လောက်ပဲ ဘယ်လိုပဲ လူတွေသေစေကာမူ အထက်ဖိအောက်ဖားဆိုသလိုပဲ နှစ်ဦးနှစ်ဖက်စလုံးက စစ်သားတွေကတော့လုပ်စရာရှိတာတွေ လေ့ကျင့်စရာရှိတာတွေကို အပြန်အလှန်တိုက်ခိုက်ဖို့ ရန်သူကိုချေမှုန်းဖို့ နိုင်ငံကိုကာကွယ်ဖို့အတွက် စတဲ့စတဲ့ ဆင်ခြေဆင်လက်တွေနဲ့ ပင်ပန်းဆင်းရဲစွာ ရှိခဲ့ကြပါတယ်။ ထိုအထဲမှပဲ အမေရိကန်ဘက်ကလည်း တစ်ဖက်ကိုစစ်ရှုံးနေတဲ့အတွက် တပ်ရင်းအသီးသီး တပ်မအသီးသီးက စစ်သားတွေကို အားရပါးရဖိပါတော့တယ်။ တစ်ချို့ကလည်း ပင်ပန်းလို့ထွက်ချင်ကြ တစ်ချို့ကလည်း စစ်သားအချင်းချင်းနောက်ကြ မတည့်ကြနဲ့ဘဲ အမျိုးမျိုးအထွေထွေ ပရပွက်တွေကိုဂယက်တွေထနေကြပါတယ်။ အဓိကဇာတ်ကောင်ဖြစ်သူ တပ်သား Roland Bozzဆိုသူကလည်း တကယ့်လက်ပေါက်ကပ်ပြီး ပြောရဆိုရခက်တဲ့ လူရှုပ် လူဂွစာတစ်ယောက်ပါ။ သူနဲ့ သူ့ဘော်ဒါ Jim Paxtonတို့ စစ်ပွဲအတွက် အတူတူလေ့ကျင့်ရေးဆင်းကြနဲ့ တစ်တွဲတွဲတစ်လာလာလုပ်ကြနဲ့ပဲ နောက်ဆုံးပိတ်လေ့ကျင့်ရင်းဖြစ်တဲ့ Tigerlandဘက်ကို အတူတူဆင်းကြရဖို့ဖြစ်လာပါတယ်။ Tigerlandဆိုတာကတော့ ဗီယက်နမ်စစ်ပွဲရောက်ရင် တွေ့ကြုံရမယ့် အရာတွေကို တစ်ပုံစံတည်းတူအောင် ဆောက်လုပ်ထားပေးတဲ့ရွာတစ်ရွာဖြစ်ပြီး အဲ့ဒီမှာတော့စစ်သားတွေဟာအိပ်ချိန်တစ်နာရီသာအိပ်ခွင့်ရပြီး အသေအကြေ လေ့ကျင့်ရေးဆင်းရတဲ့နေရာပါ။ Bozz နဲ့ Paxtonတို့ရဲ့ Bromance , Bozzရဲ့ဗရုတ်ကျပုံတွေ , စစ်တပ်ထဲက အချင်းချင်မတည့်မြတ်မှုတွေ , အထက်ကနေ အောက် / ဘော်ဒါအချင်းချင်းစကားပြောတဲ့အခါမှာ ဆဲဆိုတာတွေမွှန်နေအောင် ပြောကြ ကြိတ်ကြတာတွေ / စစ်ရဲ့အကျိုးသက်ရောက်မှုတွေ စတဲ့ရသစုံကို ခံစားနိုင်မှာဖြစ်ပါတယ်။ (အညွှန်းနဲ့ဘာသာပြန်ကတော့ Myat Noe Ya Mone ဖြစ်ပါတယ်။) File size…(2.5 GB) / (1.4 GB) Quality….Blu-Ray 1080p HEVC / 720p Format…. mkv/mp4 Genre….Drama, War Duration….01:42:11 Subtitle….Myanmar Subtitle (Hardsub) Encoder….Benjamin Translated by Myat Noe Ya Mone

မင်းသားကြီး Vin Diesel ရဲ့ နာမည်ကျော် အာကာသဖိုက်တာ Riddick ဇာတ်ကားတွေပါ။ Sci-Fi အမျိုးအစားဇာတ်ကားတွေထဲမှာတော့ Action အသားပေးအနေနဲ့ အမြဲအမှတ်ရနေမိမယ့်ဇာတ်ကားမျိုးတွေပါ။ ဒီဇာတ်ကားတွေကို ကြည့်မိတိုင်း ကျွန်တော်ဟာ အာခေါင်ခြောက်ကပ်ပြီး အနာဂတ်ကိုလှမ်းမြင်နေရသလို ရင်ထိတ်လာတယ်။ အထွေထွေပျက်စီးနေတာကို တရားကျရင်း ဘာအတွက်မှန်းမသိတဲ့ အတ္တတွေ အစဉ်အဆက်ကြီးထွားနေတာကို ရွံ့မုန်းလာမိရဲ့။ တစ်ခါတစ်ခါတော့ ရှင်သန်ခြင်းကို ဇယားချကြည့်တယ်...သေခြင်းကလွဲလို့အားလုံးက မှုန်ဝါးနေရော။ ဒီလိုအချိန်မှာ Riddick ရဲ့ ဝိဉာဉ်ကို မြင်မိတာအကြိမ်ကြိမ်အခါခါ။ Riddick ဟာ တစ်စုံတစ်ခုကို ဆုပ်ကိုင်လမ်းပြထားတယ်..ကျွန်တော်တို့ ခံစားကြည့်ပါစို့။ File size…    2.1 GB /  1.1 GB Quality… BluRay 1080p / 720p Format… mp4 Duration…. 1h 52m Genre ..... Action / Sci-Fi Subtitle…. Myanmar Subtitle (Hard Sub) Encoder…. Thit San Khant

သင်္ချာပညာရှင်တွေ နှစ်နဲ့ချီပြီး သက်သေပြဖို့ ကြိုးစားရတဲ့ ပုစ္ဆာမျိုးကို တစ်ထိုင်တည်းနဲ့ ဖြေရှင်းနိုင်တဲ့ ဆယ်ကျော်သက်ကောင်လေးတစ်ယောက် ရှိပါတယ်။ ဉာဏ်ရည်ထူးချွန်ပေမယ့် မိဘမဲ့ဖြစ်တဲ့ ဒီကောင်လေးက သူငယ်ချင်းတွေနဲ့ သောက်စားပြီး ဘဝကို ရည်ရွယ်ချက်မရှိဘဲ ကြုံသလို ဖြတ်သန်းနေတယ်။ သူက ဂျစ်ကန်ကန်နေတတ်ပြီး ကိုယ့်စည်းကမ်းနဲ့ကိုယ် နေချင်သူပါ။ လူတစ်ယောက်အပေါ် သံယောဇဉ်တွယ်မိမှာကို ကြောက်သလို လူတွေရဲ့ သမားရိုးကျအတွေးအခေါ်တွေကိုလည်း မနှစ်သက်ဘူး။ ဒီလိုနေထိုင်နေတဲ့ သူ့ရဲ့ သင်္ချာအရည်အချင်းကို Fields Medal ဆုရ ပရော်ဖက်ဆာတစ်ယောက်က သတိထားမိသွားပါတယ်။ ဇာတ်ကားမှာ ပါဝင်သရုပ်ဆောင်ထားတဲ့ Matt Damon နဲ့ Ben Affleck တို့က ဇာတ်ညွှန်းကို ကိုယ်တိုင်ရေးသားထားပြီး အဲဒီဇာတ်ညွှန်းနဲ့ အကယ်ဒမီဆု ရခဲ့ကြပါတယ်။ Robin Williams ကလည်း အကယ်ဒမီဇာတ်ပို့ဆု ရရှိခဲ့တယ်။

အခုတင်ဆက်မဲ့ကားကတော့ အမြင်လှပြီးအတွင်းပုပ်နေတတ်တဲ့ အမေရိကန်တက္ကသိုလ်လောကအကြောင်းကို ကွက်ကွက်ကွင်းကွင်း တင်ဆက်ထားပါတယ်။ Columbus တက္ကသိုလ်ဟာ နာမည်ကြီး‌အကောင်းဆုံးတက္ကသိုလ်တွေထဲကတခုပါ။ ဒီကျောင်းကြီးရဲ့ပရ၀ုဏ်အတွင်းမှာကတော့လူဖြူလူမည်းပဋိပက္ခတွေ လူမျိုးရေးခွဲခြားဆက်ဆံတာတွေလိင်ပိုင်းဆိုင်ရာကျူးလွန်မှုတွေ စသဖြင့်ပွေလီရှုပ်ထွေးနေပါတယ်။ဒီလိုနေရာကိုရောက်လာတဲ့ ကျောင်းသားသစ်သုံးယောက်ကတော့Malik Williams လူမည်းအပြေးအားကစားကျောင်းသားဖြစ်ပြီးပညာရေးမှာရုန်းကန်နေရပါတယ်။ Kristen Connor ကတော့ အရှက်ကြီးပြီးအယုံလွယ်တဲ့ကျောင်းသူလေးပေါ့။ Remyကတော့ ရေကန်မရှိတဲ့ငါးလိုကိုယ့်နယ်ကနေရပ်ရွာသစ်မှာအဖော်မဲ့ လမ်းပျောက်နေသူပါ။ဒီသုံးယောက်ရဲ့ကျောင်းသားသစ်ဘ၀မှာတဦးချင်းစီ ကြုံတွေ့ရမဲ့ လူမျိုးရေးခွဲခြားမှုတွေ, သွေးထိုးလှုံ့ဆော်မှု‌တွေ, လိင်ပိုင်းဆိုင်ရာ အကြမ်းဖက်မှုတွေကိုဇာတ်လမ်းဇာတ်အိမ်ကောင်းကောင်း အတွေးအမြင် ကောင်းကောင်းတွေနဲ့မြင်တွေ့ရမှာဖြစ်ပါတယ်။ဇာတ်ကားကို‌တော့ Omar Epps, Ice Cube, Jennifer Connelly, Laurence Fishburne စသဖြင့် နာမည်ကြီးသရုပ်ဆောင်များစွာပါ၀င်အားဖြည့်ထားပါတယ်။ File Size  :  2.73GB  /  1.28 GB Quality    : BluRay 1080p 5.1CH , 720p Duration : 2hr 8min Format  : Mp4 Genre : Crime  , Drama , Thriller Subtitle : Myanmar Subtitle (Hard Sub) Translated by Brackman Encoded by Min Wai

ဒီရုပ်ရှင်က ၁၉၇၆ ခုနှစ် မေလ ၂၈ ရက်မှာ အော်စတင်၊ တက္ကဆက်ဒေက အထက်တန်းကျောင်းတစ်ခုရဲ့ ကျောင်းစာသင်နှစ် နောက်ဆုံးရက်ကို အခြေခံပြီး ရိုက်ကူးထားတဲ့ ရုပ်ရှင်ပါ။ IMDb 7.6 , Rotten Tomatoes 93% အထိရထားပါတယ်။ ဒီရုပ်ရှင်မှာ ဇာတ်လိုက်အုပ်စုတစ်ခုတည်းနဲ့ ဇာတ်လမ်းသွားတစ်ခုတည်းနဲ့မဟုတ်ဘဲ ကွဲပြားတဲ့ လူငယ်အုပ်စုတွေနဲ့ ဇာတ်ကောင်တွေရဲ့ ဆက်စပ်ထားတဲ့ ဇာတ်လမ်းတွေကို အဓိကထားပြီး ရိုက်ကူးထားတာပါ။ ဥပမာအနေနဲ့၊ နိုင်ငံတကာတန်း လူမိုက် စီနီယာကျောင်းသားတွေရဲ့ အကြမ်းဖက် သောင်းကျန်းကြတာတွေ၊ အားကစားသမားဖြစ်ပေမဲ့ ဘီယာသောက် ဝိ‌သောက် ပျော်ပါးရတာနှစ်ခြိုက်တဲ့ ဘောလုံး (ဘေ့စ်ဘော) ကစားသမားကျောင်းသားတစ်ယောက်နဲ့ အသင်းအတွက် အပျော်အပါးကိစ္စတွေကိုစွန့်လွှတ်ဖို့ရာ စာချုပ်ရေးထိုးဖို့ တိုက်တွန်းနေတဲ့ သူ့နည်းပြအကြောင်း၊ အရင်က အပျော်အပါးကိစ္စတွေကို လုပ်လေ့မရှိ‌ခဲ့ပေမဲ့ ဒီညနေရောက်တော့မှ ပါတီတစ်ခုကိုတက်ကြည့်ဖို့ ဆုံးဖြတ်လိုက်ကြတဲ့ အထက်တန်းနှစ်က သိပ္ပံစာဂျပိုး ဂိသူငယ်ချင်းတစု၊ အထက်တန်းပထမနှစ်ကို စတက်ခါစမှာပဲ စီနီယာတစ်အုပ် ပစ်မှတ်ထားတာကိုခံရပြီး သူတို့လက်ကလွတ်အောင်ပြေးနေရတဲ့ ဂျူနီယာကျောင်းသားသူငယ်ချင်းတစ်စု စသဖြင့် မတူညီတဲ့ လူငယ်အုပ်စုတွေနဲ့ ဇာတ်ကောင်တွေရဲ့ အဖြစ်အပျက်တွေကို အဓိကထားပြီး ရိုက်ကူးထားပါတယ်။ကျောင်း‌နောက်ဆုံးနေ့မှာ Lee High အထက်တန်းကျောင်းက အထက်တန်းကျောင်းသား ကျောင်းသူတွေစုပြီး ထိုခေတ်အခါက လူငယ်တွေရဲ့သင်္ကေတတွေဖြစ်တဲ့ အောက်ကဘဲလ်ဘောင်းဘီနဲ့ အပေါ်က ရှပ်လက်တို၀တ်၊ Low rider ကားကြီးတွေနဲ့ သူငယ်ချင်းတွေအုပ်လိုက် မြို့ထဲပတ်တာတွေ၊ ဘီယာ ဆေးခြောက်စုသောက်ကြတာတွေ စသဖြင့် ကျောင်းသားလူငယ်တွေတစ်ညလုံးကဲကြတဲ့အကြောင်းကို ဇာတ်အိမ်တည်ပြီး ရိုက်ကူးပြထားတာပါ။ ဒီရုပ်ရှင်ဟာ အသက် ၁၃ ကနေ ၁၈ အတွင်းက အခက်အခဲဆုံးကာလတွေကို ပြန်အမှတ်ရစေပြီး၊ ဒီကာလတွေမှာရခဲ့တဲ့ နာကျင်မှု‌တွေ၊အမှတ်တရဖြစ်စေတဲ့ ဘ၀ရဲ့ပထဆုံးအတွေ့အကြုံတွေ၊ အရသာတွေကို ပြန်အမှတ်ရစေတယ်လို့ ပြောရပါမယ်။ ဒီရုပ်ရှင်မှာ ပါဝင်ခဲ့တဲ့ ဇာတ်ကောင်တွေဟာ အနာဂတ်မှာ ကြယ်ပွင့်ဖြစ်လာမယ့် သရုပ်ဆောင်တွေဖြစ်ပြီး Jason London, Ben Affleck, Milla Jovovich, Cole Hauser, Parker Posey, Adam Goldberg, Matthew McConaughey, Nicky Katt, Joey Lauren Adams, နဲ့ Rory Cochrane တို့လို သရုပ်ဆောင်တွေပါဝင်ထားပါတယ်။ ဒါရိုက်တာ Linklater ဟာ သူ့ရဲ့ လူငယ်ဘဝကို အခြေခံပြီး ဇာတ်ညွှန်းကို ရေးသားခဲ့ပြီး၊ သူ့ရဲ့ မွေးရပ်မြေက လူတွေရဲ့ နာမည်တွေကို ဇာတ်ကောင်တွေအတွက် အသုံးပြုခဲ့ပါတယ်။ အဲဒီတုန်းက ဒါရိုက်တာ Linklater ကရုပ်ရှင်အတွက် ရွေးချယ်ခံရတဲ့ သရုပ်ဆောင်တွေကို ကိုယ့်‌ဇာတ်ကောင်ကို ကိုယ်တိုင်တည်ဆောက်ကြဖို့ တိုက်တွန်းခဲ့ပြီး အပိုဇာတ်၀င်ခန်းတွေအတွက်လည်း ဇာတ်ညွှန်းရေးပေးခိုင်းခဲ့တယ်လို့လည်းဆိုပါတယ်။ Linklater က ဒီရုပ်ရှင်နောက်ခံတေးအတွက် ၇၀ ခုနှစ်က ရော့ခ်သီချင်းတွေအများကြီးကို စုစည်းပြီး အလျှံပယ်ထည့်သွင်းခဲ့ပါတယ်။ Gramercy Pictures က ဒီရုပ်ရှင်ကို Stoner ရုပ်ရှင်ဆိုပြီး ကြော်ငြာခဲ့တာကြောင့် Linklater တစ်ယောက် လန့်ဖျပ်သွားခဲ့ရပါသေးတယ်တဲ့။ စက်တင်ဘာ ၂၄၊ ၁၉၉၃ မှာ ရုံတင်ပြသခဲ့တဲ့ ဒီရုပ်ရှင်ဟာ Box Office မှာ အရှုံးပေါ်ခဲ့ပြီး အမေရိကန်ပြည်ထောင်စုမှာ ရုံတင်ဝင်ငွေဒေါ်လာ ၈ သန်းအောက်ပဲရရှိခဲ့ပါတယ်တဲ့။ ဒီရုပ်ရှင်ဟာ နောက်ပိုင်းမှာ Home video market လို့ခေါ်တဲ့ ဗီဒီယိုရုပ်ရှင်ကား အငှားဈေးကွက်မှာမှ စအောင်မြင်သွားခဲ့ပြီး ဂန္တ၀င်လူငယ်ရုပ်ရှင်တွေထဲကတစ်ကား ဖြစ်လာခဲ့တာပါ။ Entertainment Weekly မဂ္ဂဇင်းရဲ့ အကောင်းဆုံးအထက်တန်းကျောင်းရုပ်ရှင် ၅၀ စာရင်းမှာ တတိယနေရာမှာ ရပ်တည်နိုင်ခဲ့ပြီး၊ “လွန်ခဲ့သော ၂၅ နှစ်အတွင်း ရယ်စရာအကောင်းဆုံးရုပ်ရှင်များ” စာရင်းမှာ ၁၀ နေရာမှာ ရပ်တည်နိုင်ခဲ့ပါတယ်။ ညွှန်းတာတွေလည်း များသွားပြီမလို့ ကိုယ်တိုင်ကိုယ်ကျ ကြည့်ရှုခံစားလိုက်ကြပါဦး။ File size…(2.5 GB)/(1.3 GB) Quality….Blu-Ray 1080p / 720p Format…mp4 Duration….01:43:00 Genre... Comedy Subtitle….Myanmar Subtitle (Hardsub) Encoder….Garfield Translated by Steven Khant