Craig Robinson ပါဝင်သော ဇာတ်ကားများ

Toy Story 5 (2026) 4K HEVC ++++++++ IMDb Rating (7.5) / Rotten Tomatoes (93%) ကမ္ဘာကြီးရဲ့ တစ်ဟုန်ထိုး တိုးတက်ပြောင်းလဲလာမှုတွေနဲ့အတူ ကလေးတွေရဲ့ ပျော်ရွှင်မှုကို ရှာဖွေပုံကလည်း အလားတူ ပြောင်းလဲလာပါတယ်။ တစ်ချိန်က အရုပ်လေးတွေနဲ့ စကားပြောဆော့ကစားရင်း ပျော်ခဲ့ကြတဲ့ ကလေးတွေက အခုချိန်မှာ ဖုန်းဆိုတဲ့ အီလက်ထရောနစ် စက်ပစ္စည်း သူငယ်ချင်းအသစ်နဲ့ ပျော်မွေ့နေကြပါပြီ။ အရုပ်တွေနဲ့ ဆော့ကစားနေသေးတဲ့ ကလေးတစ်ယောက်ကို ဖုန်းကိုင်တဲ့ကလေးတွေက လူရာသွင်းသူငယ်ချင်း မလုပ်ချင်တော့တဲ့ အခြေအနေတစ်ခုကို ရောက်လာခဲ့တယ်။ ဒီမှိုင်းကိုမိသွားတဲ့ အရုပ်ချစ်သူ ကလေးတွေထဲမှာ ဘော်နီဆိုတဲ့ ကလေးမလေးလည်း အပါအဝင်ပေါ့။ အရုပ်တွေနဲ့ပဲ ဆော့နေသေးတဲ့ ဘော်နီ့ကို ဘယ်သူကမှ အဖက်လုပ်ပြီး သူငယ်ချင်းမလုပ်ချင်ကြတဲ့အခါ သူ့မိဘတွေက Lilypad ဆိုတဲ့ tablet လေး တစ်လုံး ဝယ်ပေးလိုက်ပါတယ်။ Lilypad လေး အိမ်ကို စရောက်လာကတည်းက ဘော်နီဟာ အရင်က သူအမြတ်တနိုးထားခဲ့ရတဲ့ နွားကျောင်းသူအရုပ်မလေး ဂျက်စီနဲ့ ဘက်ဇ် အပါအဝင် တခြားသောအရုပ်‌လေးတွေကို စိတ်မဝင်စားတော့ပါဘူး။ ဒီလိုနဲ့ စုံစမ်းကြည့်လိုက်တဲ့အခါ Lilypad လို စက်ပစ္စည်းတွေကြောင့် သူတို့အရုပ်တွေ ချောင်ထိုးခံရတာ ကြာပြီဆိုတာကို ဂျက်စီတို့ သိလိုက်ရပါတယ်။ ဒီအဖြစ်ဆိုးကြီးက သူတို့အပေါ်ကိုလည်း စပြီး ကျရောက်နေပြီဖြစ်လို့ အမေ့ပျောက်ခံ အရုပ်များ မဖြစ်ဖို့အရေး စစ်ဆင်ရေး စရပါတော့တယ်။ File Size… (5.07GB) /(2.03GB) / (1.14GB) Quality…WEB-DL 4K HEVC / 1080p HEVC / 720p Format…mkv / mp4 Duration…1h 42m Genre …Animation, Family, Comedy, and Adventure Subtitle….Myanmar Subtitle (Hard Sub)

In Your Dreams (2025) +++++++++ IMDb Rating (6.5) / Rotten Tomatoes (87%) ဒီတစ်ခေါက်တော့ 2025 မှာ အသစ်ထွက်ရှိထားတဲ့ Netflix ရဲ့ Animation ကားကောင်းလေးကို တင်ဆက်ပေးလိုက်ပါတယ်... မိုက်ကယ်၊ ဂျိူအန်တိုလင်မယားမှာ စတီဗီဆိုတဲ့ သမီးလေးနဲ့ အဲလိယက်ဆိုတဲ့သားလေးရှိပါတယ်... ပျော်ရွှင်ချမ်းမြေ့ကြတဲ့ မိသားစုလေးတစ်ခုပေါ့... ဒါပေမဲ့ သမီးကြီးဖြစ်တဲ့ စတီဗီက မောင်လေးဖြစ်သူ ဘဝထဲဝင်လာတော့မှ အိမ်မှာပြဿနာတွေပိုများလာသလို ခံစားရပြီး မိဘတွေ မကြာခဏစကားများနေတာကြောင့် မိသားစုဘဝအဆင်မပြေဖြစ်မှာကို တွေးကြောက်နေသူလေးပါ... အဲဒီလိုနဲ့ တစ်နေ့ မောင်လေးဖြစ်သူကို စာတမ်းရေးဖို Reference book ကူရှာပေးရင်း တစ်ပတ်ရစ်ဆိုင်ရဲ့ မြေအောက်ခန်းထဲမှာရှိနေတဲ့ "သဲလူသား၏ဒဏ္ဍာရီ" ဆိုတဲ့စာအုပ်လေးကို သွားတွေ့ပါတော့တယ်... စာအုပ်ထဲမှာ ရွတ်ဖတ်စရာဂါထာလေးနဲ့အတူ သဲလူသားက အိပ်မက်တွေကို အမှန်တကယ်ဖြစ်အောင် ဖန်တီးပေးနိုင်တယ်လိုရေးသားထားတာကိုပါ တွေ့လိုက်ရပါတယ်... မယုံကြည်ခဲ့ပေမဲ့ မောင်နှမနှစ်ယောက် အဲဒီဂါထာကို အတူတူရွတ်ဖတ်မိပြီးနောက် အဲဒီညမှာ အိပ်မက်တစ်ခုတည်းကို မက်ပါတော့တယ်... ဖြစ်ချင်တော့ သဲလူသားက အစစ်အမှန်ဖြစ်ပြီး အိပ်မက်တွေကို အမှန်တကယ်ဖြစ်လာအောင် လုပ်ပေးနိုင်တယ်ဆိုတာ အိပ်မက်ကနေတစ်ဆင့် သိလိုက်ရပါတယ်... ဒါပေမဲ့ သဲလူသားနဲ့တွေ့ပြီး တောင်းဆိုဖိုအတွက် နိုက်မာရာဆိုတဲ့ အိပ်မက်ဆိုးဖန်တီးသူရဲ့ အိပ်မက်ဆိုးတွေကို အရင်အောင်မြင်အောင် ကျော်ဖြတ်ရမှာဖြစ်ပါတယ်... အိပ်မက်ကနေ လန့်နိုးလာတာနဲ့အစကို ပြန်ရောက်သွားပြီး နောက်တစ်ခါထပ်မံအိပ်စက်ရပါတယ်... မိဘတွေရဲ့ စကားများသံကိုကြားပြီး အားလုံးကိုအဆင်ပြေစေချင်နေတဲ့ အီဗီတစ်ယောက် သဲလူသားဆီရောက်အောင်သွားပြီး လိုရာဆုတောင်းဖို စိတ်ပိုင်းဖြတ်ထားပေမဲ့ စိတ်ချင်းဆက်သွားတဲ့ မောင်လေးဖြစ်သူနဲ့ အိပ်မက်အတူမက်နေရတာကြောင့် အကြံအိုက်နေရပါတယ်... အဲဒီလို အီဗီတစ်ယောက် မောင်လေးဖြစ်သူနဲ့အတူ အိပ်မက်ဆိုးတွေကိုကျော်ဖြတ်ရင်း သဲလူသားနဲ့ တွေ့နိုင်မလား တွေ့ရင်ရော တကယ်တမ်း သူ့အိပ်မက်တွေက ဖြစ်မြောက်လာပါ့မလားဆိုတာကို ဇာတ်ဝင်ခန်း သီချင်းမြူးလေးတွေနဲ့ပါ ခံစားရမှာဖြစ်ပါတယ်... File Size… (1.03GB) / (639MB) Quality… WEB-DL 1080p HEVC /720p Format…mkv / mp4 Duration…1h 30m Genre … Adventure , Animation , Comedy , Familyh , Fantasy Subtitle….Myanmar Subtitle (Hard Sub)

The Bad Guys 2 (2025) IMDb Rating (7.2) / Rotten Tomatoes (87%) အားလုံးကြိုက်ခဲ့ကြတဲ့ လူဆိုးကြီးများအဖွဲ့ The Bad Guys ရဲ့ အဆက် နံပါတ် ၂ ကားထွက်လာပါပြီ။ ခိုးဆိုးလုယက်မှုတွေကို စွန့်လွှတ်ပြီး တရားဥပဒေဘောင်အတွင်းက နိုင်ငံသားလုပ်တော့မယ်လို့ ဆုံးဖြတ်လိုက်တဲ့ လူဆိုးအဖွဲ့ကို လူ့အဖွဲ့အစည်းက လက်ကမ်းကြိုဖို့အတွက် တွန့်ဆုတ်နေကြပါတယ်။ ဒီအတွက် လူဆိုးအဖွဲ့ဝင်တွေလည်း ကိုယ်ဝါသနာပါတာလုပ်ရင်း တစ်ယောက်တစ်ကွဲနဲ့ လေလွင့်နေကြတာပေါ့။ ဒါပေမဲ့ အပြင်ဘက်မှာ သူတို့လိုမျိုးအကွက်တွေနဲ့ ဒုစရိုက်မှုကျွူးလွန်နေတဲ့ နာမည်ကြီးတစ္ဆေဓားပြတစ်ကောင်ပေါ်လာပါတယ်။ ဒီဓားပြရဲ့ လုပ်ရပ်တွေက ပိရိသပ်ရပ်လွန်းလို့ ရဲတွေတောင် လက်မြှောက်ထားရတဲ့အထိပါပဲ။ ဒီတစ္ဆေဓားပြကို ဖမ်းပြီး လူတွေရဲ့ ယုံကြည်မှုကိုပြန်လည်ရယူဖို့အတွက် လူဆိုးကြီးများအဖွဲ့က ကြိုးပမ်းပါတော့တယ်။ File size… (7 GB) / (2.2 GB) / (1.1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Action, Adventure, Animation, Comedy, Crime, Family Duration…. 01:44:12 Subtitle…. Myanmar Subtitle (Hardsub)

Christmasမှာ ကြည့်ဖို့ Christmasကားလေးတွေရှာနေရင်တော့ 2024မှာထွက်ထားတဲ့ rating5.8ရှိတဲ့ Hot Frosty ဆိုတဲ့ ကားလေးရှိနေတယ်နော်။ ဒီကားလေးကတော့ Hope Spring မြို့လေးမှာမှော်ဆန်ဆန်ဖြစ်ခဲ့တဲ့ အဖြစ်အပျက်လေးကိုရိုက်ပြထားတဲ့ကားလည်းဖြစ်ပါတယ်။ Kathy ဆိုတဲ့မိန်းကလေးတစ်ယောက်ကသူရဲ့ယောကျာ်းဆုံးပါး သွားပြီးကတည်းက ကိုယ့်ဟာကိုယ်တောင်ဂရုမစိုက်နိုင်တော့ဘဲ အလုပ်တွေသာဖိလုပ်နေခဲ့ပါတယ်။ တစ်ခုသောညမှာတော့ သူမက ခန္ဓာကိုယ်တောင့်တောင့်တင်းတင်းနဲ့ နှင်းလူသားရုပ်တစ်ရုပ်ကို သူမရဲ့လည်စည်းအနီလေးစည်းပေးပြီးအိမ်ပြန်သွားခဲ့ပါတယ်။ အဲ့ညအချိန်မှာပဲ နှင်းလူသားရုပ်ဟာ မှော်ဆန်ဆန်နဲ့ အသက်ဝင် ရှင်သန်လာခဲ့ပါတယ်။ နောက်တစ်နေ့မနက်မှာ နှင်းလူသားနဲ့ Kathyတို့တွေ့ကြတဲ့အခါ ဘာတွေဆက်ဖြစ်သွားမလဲ.... ဘယ်လိုအခက်အခဲတွေနဲ့ကြုံတွေ့ရမလဲ.... နှင်းလူသားကလဲအရည်ပျော်သွားမှာလား.... Hot Spring မြို့ရဲ့ရိုးသားနွေးထွေးမှုတွေရယ် ရဲအရာရှိHunterရဲ့မြို့ကို ကြိုးစားပြီးကာကွယ်ပေးချင်တဲ့စိတ်ထားတွေရယ် အချစ်နဲ့မထိတွေ့ ရတာကြာပြီဖြစ်တဲ့Kathyတို့ရဲ့အကြောင်းတွေကို စောင်ထဲကွေးပြီး ကြည့်လိုကောင်းမဲ့ကားဖြစ်တဲ့အပြင် မိသားစုနဲ့ပါကြည့်လို့ရမယ့် ကားကောင်းလေးဖြစ်ပါတယ်။ File size…(1.48GB) / (801MB) Quality…WEB-DL 1080p HEVC / 720p Format…mkv / mp4 Duration….1h 32m Genre …..Comedy , Fantasy , Romance Subtitle….Myanmar Subtitle (Hard Sub) Encoder….Min Wai Translated by Koo Luu Moo

သားသားမီးမီးတို့အားလုံးကြိုက်ကြတဲ့ ရေမြုပ်ကောင်လေးကာတွန်းကားအသစ်ထွက်လာပါပြီ ဒီတစ်ခါမှာတော့ စပွန့်ချ်ဘော့ဘ်နဲ့သူ့သူငယ်ချင်း ရှဥ့်မလေးတို့ရဲ့ စွန့်စားခန်းတွေကိုကြည့်ရှုရမှာပါ ဘီကီနီဘော်တွန်လို့ခေါ်တဲ့သူတို့နေထိုင်ရာရေအောက်မြို့လေးကို သိပ္ပံပညာရှင်လူဆိုးတစ်သိုက်သိမ်းပိုက်သွားရာကနေ စပွန့်ချ်တို့နှစ်ယောက်ပြန်ကယ်ထုတ်ဖို့ကြိုးစားကြမှာပါ ''''မင်းမျက်နှာကို သေခြင်းတရားကစိုက်ကြည့်လာတဲ့အခါ မင်းဘာလုပ်မလဲကွ'''' ''''ကျွန်တော်လား ဒီလိုကြည့်တာရိုင်းတယ် အခြားနေရာကိုကြည့်လို့ပြောလိုက်မှာပေါ့ဗျ''ဆိုတဲ့ စပွန့်ချ်ဘော့ဘ်ပါနော် ကလေးတွေရဲ့အကြိုက်ဟာသကာတွန်းကားလေးပါရှင်... File size…(1.5 GB)/(870 Mb) Quality….Webrip 1080p / 720p Format… mp4 Duration…. 01:22:00 Genre... Animation, Adventure, Comedy Subtitle….Myanmar Subtitle (Hardsub) Encoder….Garfield Translated by Shwe Eain Si

IMDB 5.7/10 ရရှိထားတဲ့ အသစ်ထွက် Comedy/Action ကားလေးနဲ့ မိတ်ဆက်ပေးချင်ပါတယ်။ ၂၀၂၀ ခုနှစ်က ထွက်ရှိခဲ့တဲ့ My Spy ကားရဲ့ sequel ဖြစ်ပြီး ပထမကားထဲမှာလိုပဲ Dave Bautista၊ Ken Jeong နဲ့ Chloe Coleman တို့က အဓိကပါဝင်သရုပ်ဆောင်ထားကြပါတယ်။ ဂျေဂျေက စီအိုင်အေအေးဂျင့်တစ်ယောက်ဖြစ်ပြီး မယားပါသမီးဖြစ်သူ ဆိုဖီ့အတွက် ဖခင်ကောင်းတစ်ယောက်ဖြစ်အောင် ကြိုးစားနေသူပါ။ ၁၄ နှစ်အရွယ် သမီးနားမှာ အနီးကပ်စောင့်ရှောက်ပေးနိုင်ဖို့ အသက်အန္တရာယ်များတဲ့ ကွင်းဆင်းအလုပ်တွေကို ရှောင်ပြီး သတင်းပေးအဖြစ်နဲ့ပဲ ရုံးထိုင်အလုပ်လုပ်ကာ သမီးဖြစ်သူကို ထိန်းကျောင်းဖို့ တာဝန်ယူထားတာပါ။ ဒီလိုနဲ့ သမီးဖြစ်သူက ကျောင်းက ဓမ္မတေးအဖွဲ့နဲ့အတူ အီတလီကို ခရီးထွက်ဖို့ အကြောင်းဖန်လာရာမှာတော့ စိတ်မချနိုင်စွာနဲ့ အထိန်းတော်အဖြစ် ကျောင်းအဖွဲ့နဲ့အတူ လိုက်ပါသွားခဲ့ပါတော့တယ်။ ဂျေဂျေရဲ့ အကြံကတော့ ဒီခရီးစဉ်မှာဆိုဖီနဲ့ ရင်းနှီးနိုင်ဖို့ ရည်ရွယ်ခဲ့ပေမဲ့ တကယ်တမ်း ခရီးထွက်ရတဲ့အခါမှာမှမသိနိုင်တဲ့လူတစ်စုရဲ့ လျှို့ဝှက်အကြံအစည်တွေနဲ့ သူတို့ရဲ့ အသက်အန္တရာယ်တွေခြိမ်းခြောက်ခံလာရချိန်မှာတော့... အစိုးရိမ်ကြီးတဲ့ ဂျေဂျေနဲ့ လူငယ်ပီပီ လွတ်လပ်ချင်တဲ့ ဆိုဖီတို့အကြားဆက်ဆံရေးပြေလည်သွားနိင်မှာလား..သူတို့နှစ်ယောက်ရင်ဆိုင်ရမယ့် အန္တရာယ်အခက်အခဲတွေကိုရော ဖြတ်ကျော်နိုင်ပါ့မလားဆိုတာကိုတော့ ဇာတ်ကားထဲမှာပဲ ကြည့်လိုက်ကြပါဦး။ (ဒီဇာတ်ကားရဲ့ အညွှန်းနဲ့ ဘာသာပြန်ကတော့ Emily ပါ) File size…(1.9 GB)/(1.1 GB) Quality….Webrip 1080p / 720p Format…mp4 Duration….01:50:00 Genre...  Action, Comedy  Subtitle….Myanmar Subtitle (Hardsub) Encoder….Mr. Anderson Translated by Emily

လူအများ ကြောက်လန့်ကြတဲ့ သတ္တဝါမျိုးစိတ်တွေကို လူဆိုးအဖွဲ့တစ်ဖွဲ့အဖြစ် ပုံဖော်ထားတဲ့ အန်နီမေးရှင်းကားပါ။ ဒီအဖွဲ့ လူကောင်းတွေ ပြန်ဖြစ်လာဖို့ ကူညီပေးနေတဲ့ ပူးကလေးတစ်ကောင်လည်း ရှိပါတယ်။ သူငယ်ချင်းစိတ်ဓာတ်နဲ့ အကောင်းအဆိုးကြား စိတ်လွန်ဆွဲရပုံတွေကို ဟာသတွေ၊ ဇာတ်လမ်းအလှည့်အပြောင်းတွေနဲ့ တွဲတင်ဆက်ထားပါတယ်။ ဇာတ်ကောင်တွေရဲ့ လှုပ်ရှားပုံနဲ့ အသံသရုပ်ဆောင်မှုအပြင် နောက်ခံသီချင်းတွေကိုပါ အသုံးပြုထားတဲ့ စွန့်စားခန်းဟာသကားဖြစ်ပါတယ်။

မွန်နာလီဆာဟာ တခြားလူတွေရဲ့စိတ်ကို ထိန်းချုပ်ပြီး သူလုပ်စေချင်တာကို ခိုင်းနိုင်တဲ့ အစွမ်းရှိတဲ့ ကိုရီးယားသူလေးပါ။ ဆယ်ကျော်သက် စိတ်ရောဂါဝေဒနာရှင်တွေကို ထိန်းသိမ်းတဲ့ ဆေးရုံမှာ သူ့ကို ဆယ့်နှစ်နှစ်ကြာ ထိန်းသိမ်းထားခဲ့ပါတယ်။ လပြည့်ညတစ်ညမှာတော့ သူ့ကို လက်သည်းခြေသည်း ညှပ်ပေးနေသူကို စိတ်နဲ့ထိန်းချုပ်ပြီး အဲဒီလူ ကိုယ့်ကိုယ်ကိုယ် ဓားနဲ့ထိုးအောင် လုပ်လိုက်ကာ ဆေးရုံကနေ ထွက်လာခဲ့တယ်။ ခြေဦးတည့်ရာ လျှောက်သွားရင်း ဘာဂါဆိုင်တစ်ဆိုင်မှာ ဖော်ချွတ်ကလပ်က အကမယ် ဘွန်နီဘဲလ်ကို ကူညီပေးမိတဲ့အခါ ဘွန်နီက သူ့ကို အိမ်ခေါ်သွားပါတယ်။ မွန်နာလီဆာရဲ့ အစွမ်းကို သိသွားတော့ ဘွန်နီဟာ အဲဒီအစွမ်းကို သုံးပြီး ပိုက်ဆံတွေ လိုက်လိမ်ပါတော့တယ်။ အလိမ်ခံရသူတွေက ရဲစခန်းကို တိုင်ကြတဲ့အခါ မွန်နာလီဆာဟာ ဆေးရုံက ပျောက်နေတဲ့သူဖြစ်ကြောင်း ရဲတွေ သိသွားပြီး အသည်းအသန် လိုက်ဖမ်းကြတယ်။ မွန်နာလီဆာ လွတ်အောင် ပြေးနိုင်မလား၊ ဘွန်နီကရော သူ့ကို ကာကွယ်ပေးမှာလား၊ ရဲတွေက ဘယ်အထိ လိုက်လာကြမလဲဆိုတာ မသေချာတော့ပါဘူး။

IMDb Rating - 6.5/10 ဟောလိုး၀င်းအတွက် အထူး စပယ်ရှယ် Disney က ထွက်ရှိလာတဲ့ ကိုရွှေအ တို့ လာပါပြီ။ သွင်ပြင်လေးတွေကလည်း ချစ်စရာကောင်းပြီး ထွက်သမျှကားတိုင်းမှာ ပရိသတ်ကို ပြုံးပျော် စေနိုင်တဲ့ ကာတွန်းကောင်လေးတွေလည်း ဖြစ်ပါတယ်။ ဒီဇာတ်လမ်းမှာတော့ haunted mansion ဆိုတဲ့အတိုင်း သရဲခြောက်တဲ့ အိမ်ကြီးပါမှာတော့ အသေချာပဲဗျ။ ဇာတ်လိုက်ကျော်တွေဖြစ်တဲ့ Gonzo နဲ့ သူ့သူငယ်ချင်း Pepe တို့ ၂ ယောက် ခါတိုင်း ဟောလိုး၀င်းတွေလို ဘော်ဒါ တွေနဲ့ ဆုံပြီး ပါတီ မလုပ်ဘဲ . သရဲခြောက်တဲ့ အိမ်ကြီးထဲမှာ တစ်ညတာ နေရမယ်ဆိုတဲ့ စိန်ခေါ်မှုကို လက်ခံကာ ဟောလိုး၀င်းညမှာ သရဲအိမ်ကြီးဆီ သွားကြပါတော့တယ်။ သူတို့ကို လိုက်ပို့တဲ့ ကားသမားပြောခဲ့တဲ့ စကားလေးတစ်ခွန်းကတော့ " ဒီကို လူတွေအမြဲ လိုက်ပို့ရပေမဲ့ ဘယ်တော့မှ ပြန်လာ မခေါ်ရဘူး " တဲ့ဗျ။ ဒီတော့ Gonzo တို့ သူငယ်ချင်း ၂ ယောက်ရော ဒီ challenge ကို ကျော်လွှားနိုင်ပါ့မလား ဆိုတာဆက်လက်ကြည့်ရှူပေးကြပါဦးခင်ဗျာ . . . Quality – 1080p Duration - 52min Subtitle – Myanmar Hardsub Format – Mp4 Genre : Adventure, Comdey, Family Source : 1080p.WebRip Translator – Yoon Sandi Aung, Hazel Encoder – SWM

#Unicode အားလုံးမျှော်လင့်နေတဲ့ ၂၀၂၀ ခုနှစ်ထွက် Doctor Dolittle ကိုတင်ဆက်ပေးလိုက်ပါတယ်... Dolittle ဟာ လွန်ခဲ့တဲ့ သက္ကရာဇ် ၁၉၂၀ ခုနှစ်မှာထွက်ရှိခဲ့တဲ့ စာရေးဆရာ Hugh Lofting ရဲ့ ဒေါက်တာ Dolittle စွန့်စားခန်းများကို အခြေပြုရိုက်ကူးထားတာပဲဖြစ်ပါတယ်... ဒီဇာတ်လမ်းထဲက ဒေါက်တာ Dolittle ဟာ တိရစ္ဆာန်တွေကို စကား​ပြောနိုင်တဲ့ ထူးခြားတဲ့စွမ်းရည်တစ်ခုရှိပြီး တိရစ္ဆာန်တွေကိုလည်းဆေးကုပေးနေတဲ့ ဆရာဝန်တစ်ယောက်ပေါ့... တစ်နေ့မှာ ကြေကွဲဝမ်းနည်းစရာအဖြစ်အပျက်တစ်ခုကြောင့် သူဟာ လူ့လောကကြီးနဲ့အဆက်အသွယ်ဖြတ်ပြီး အိမ်ထဲမှာ တံခါးပိတ်နေထိုင်နေရင်း မမျှော်လင့်ထားတဲ့ အဖြစ်အပျက်တွေ တံခါးခေါက်ရောက်ရှိလာပါတော့တယ်... ဇာတ်လမ်းအစကနေ အဆုံးအထိ ရယ်မောစရာလေးတွေနဲ့ဒီဇာတ်လမ်းကိုကြည့်ရှုရမှာဖြစ်ပြီး အဆုံးသတ်မှာ ကြည့်ရှုသူရင်ထဲ တစ်စုံတစ်ခုကျန်ခဲ့လိမ့်မယ်လို့ထင်ပါတယ်... ဇာတ်လမ်းထဲမှာ Doctor Dolittle အဖြစ်သရုပ်တောင်ထားသူက ပြည်သူချစ်မင်းသားကြီး Robert Downey, Jr. ဖြစ်ပြီး တခြား အသံသရုပ်ဆောင်တွေအနေနဲ့လည်း Tom Holland,Rami Malek , John Cena, Selena Gomaz စတဲ့ နာမည်ကြီးတွေ ပါဝင်ထားပါတယ် ကိုယ်တိုင်ကြည့်ရှုခံစားတော်မူပါကုန်။ Quality – 1080p, 720p  BluRay Duration – 1 hrs 42 mins Subtitle – Myanmar Hardsub Format – Mp4 Genre : Action, Adventure, Comedy Source : 1080p.BluRay Translator – Zuel Khant Thwin Encoder – San Win Maung

Dolemite Is My Name (2019) IMDb Rating (7.2) / Rotten Tomatoes (97%) Eddie Murphy ရဲ့ အကောင်းဆုံး ပြန်လာခြင်း (Comeback) လို့ တင်စားကြတဲ့၊ Biographical Comedy- Drama ကားကောင်းတစ်ကား ဖြစ်ပါတယ်။ Keegan-Michael Key, Mike Epps, Craig Robinson နဲ့ Wesley Snipes တို့လို ဟာသသရုပ်ဆောင်တွေ အများကြီးပါဝင်လို့ ဇာတ်လမ်းတစ်လျှောက်လုံး ရယ်မောနေရမှာပါ။ ဇာတ်လမ်းက ၁၉၇၀ ပြည့်လွန်နှစ်များ၊ အောင်မြင်မှုနဲ့ ဝေးကွာနေတဲ့ ဖျော်ဖြေရေးသမား Rudy Ray Moore (Eddie Murphy) အကြောင်းပါ။ သူဟာ တစ်နေ့မှာ လမ်းဘေးက လူတွေပြောလေ့ရှိတဲ့ ရိုးရာပုံပြင်ဆန်ဆန် စကားလုံးတွေကို အခြေခံပြီး "Dolemite" ဆိုတဲ့ ရယ်မောစရာကောင်းပြီး ဆဲဆိုကြမ်းတမ်းပြီး ကွန်ဖူးကျွမ်းတဲ့ လူမည်းတွေအကြိုက်ဇာတ်ကောင်တစ်ခုကို ဖန်တီးလိုက်ပါတယ်။ ဒီဇာတ်ကောင်ဟာ လူမည်းအသိုင်းအဝိုင်းကြားမှာ အကြီးအကျယ် ပေါက်သွားတဲ့အခါ Rudy ဟာ သူ့ရဲ့ကိုယ်ပိုင် "Dolemite" ရုပ်ရှင်ကို ရိုက်ကူးဖို့ စိတ်ကူးလိုက်ပါတယ်။ ပိုက်ဆံမရှိ၊ ရုပ်ရှင်အတွေ့အကြုံမရှိ၊ ဘယ်သူကမှလည်း အားမပေးတဲ့ကြားကနေ သူငယ်ချင်းတစ်စုနဲ့အတူ အခက်အခဲပေါင်းစုံကို ကျော်ဖြတ်ပြီး ရုပ်ရှင်ကြီး ဖြစ်မြောက်အောင် ရိုက်ပြခဲ့ပြီး သူ့ရုပ်ရှင်ဟာ ဝက်ဝက်ကွဲအောင်မြင်လာခဲ့ပြီး ၁၉၇၀ ရဲ့ ဖက်ရှင်တွေ၊ အရောင်အသွေးစုံလင်တဲ့ ဝတ်စုံတွေကြောင့် အော်စကာဆု ဆန်ခါတင်စာရင်းတွေမှာတောင် ပါဝင်ခဲ့တဲ့ဇာတ်လမ်းတစ်ပုဒ်ပါ။ File size… (2.8 GB) / (1.3 GB) Quality…. WEB-DL 1080p HEVC / 720p Format…. mkv/mp4 Genre…. Comedy,Drama,History Duration…. 01:58:36 Subtitle…. Myanmar Subtitle (Hardsub)

Morris from America (2016) IMDb Rating (6.3) / Rotten Tomatoes (87%) အသက် ၁၃ နှစ်အရွယ် အာဖရိကန် အမေရိကန် ကောင်လေးတစ်ယောက် ဂျာမနီမှာ သူ့အဖေနဲ့ အတူနေထိုင်ဖို့ အကြောင်းဖန်လာတဲ့အခါ...... နိုင်ငံရပ်ခြားမှာ နေထိုင်ရတဲ့ ဘာသာစကားမသိတဲ့ သူ့ရဲ့ အဖြစ်အပျက်တွေ ဆယ်ကျော် သက်တစ်ယောက်ရဲ့ မိဘ အဖေဖြစ်သူနဲ့ ဆက်ဆံရေး ဘာသာစကားမတူတဲ့  သူငယ်ချင်းတွေနဲ့ ဆက်ဆံရေးကို ကြည့်ရှုရမှာပါ။ ရိုမန်တစ် ဟာသကားဖြစ်တာကြောင့် ငြိမ့်ငြိမ့်လေးနဲ့ တကယ့် ဘဝကို ခံစားရမှာပါ။ (အညွှန်းနဲ့ဘာသာပြန်ကတော့ EMMA ဖြစ်ပါတယ်။) File size…(1.7 GB) / (910 MB) Quality….Blu-Ray 1080p / 720p Format…. mp4 Genre….Drama,Romance Duration….01:31:14 Subtitle….Myanmar Subtitle (Hardsub) Encoder….Thit San Khant Translated by EMMA

စူပါမားကတ်ထဲက စားစရာတွေဟာ လူသားတွေကို သူတို့ရဲ့ဘုရားသခင်တွေလို့ ယုံကြည်ထားကြပါတယ်။ ဆိုင်ထဲမှာ ပုပ်သိုးသွားမယ့်ဘေးကနေ ကယ်တင်ပေးမယ့်သူတွေလို့ ထင်ထားကြလို့ နေ့တိုင်း ဝယ်သူတွေရဲ့ ရွေးချယ်ခြင်းခံရဖို့ အပြိုင်ဆုတောင်းနေကြတယ်။ မရောင်းရဘဲ သက်တမ်းကုန်သွားရင်တော့ သူတို့ အကြောက်ဆုံးဖြစ်တဲ့ မှောင်မည်းနေတဲ့ အမှိုက်ပုံးထဲကို ရောက်သွားရမှာပါ။ ဖရန့်၊ ကားလ်နဲ့ ဘယ်ရီတို့က ခြောက်ချောင်းပါတဲ့ ဝက်အူချောင်းထုပ်တစ်ထုပ်ထဲက သူငယ်ချင်းတွေပါ။ သူတို့ဘေးမှာတော့ ဘရန်ဒါတို့ ဟော့ဒေါ့ပေါင်မုန့်မလေးတွေရှိပြီး သူတို့လည်း တစ်ထုပ်မှာ ခြောက်ခုစီ နေကြတယ်။ အနီးကပ်နေရင်း ဖရန့်နဲ့ ဘရန်ဒါတို့ ချစ်မိသွားကြပြီး တစ်ယောက်တည်းက သူတို့နှစ်ထုပ်လုံးကို ဝယ်သွားဖို့ မျှော်လင့်နေကြပါတယ်။ တစ်ရက်မှာတော့ သူတို့ဆုတောင်းတဲ့အတိုင်း နှစ်ထုပ်လုံး အဝယ်ခံလိုက်ရတယ်။ ဒါပေမဲ့ ပျားရည်မုန်ညင်းဘူးတစ်ဘူးက ကိုယ့်ကိုယ်ကိုယ် သတ်သေဖို့ ကြိုးစားရာက မတော်တဆမှုဖြစ်ပြီး ဖရန့်နဲ့ ဘရန်ဒါတို့ ဝယ်သူဆီကနေ ပြုတ်ကျကျန်ခဲ့ကြပါတယ်။ သူငယ်ချင်းတွေနဲ့ ပြန်ဆုံပြီး ဝယ်သူဆီ ပြန်ရောက်ဖို့ လမ်းရှာနေကြရင်း သူတို့ဘုရားသခင်လို့ ယုံကြည်ထားတဲ့ လူသားတွေဟာ ကြင်နာစောင့်ရှောက်ဖို့ ဝယ်သွားတာမဟုတ်ဘဲ စားပစ်ဖို့သာ ဝယ်ကြတာကို သိလာရတော့တယ်။

ကြမ်းတမ်းတဲ့အသုံးအနှုံးတွေနဲ့ ဇာတ်ဝင်ခန်းတွေပါဝင်တာကြောင့် အသက် ၁၈ နှစ်အောက် ကလေးတွေတော့ မကြည့်ရှုသင့်ပါဘူး။ 2010 ကထွက်ခဲ့တဲ့ HTTM ရဲ့အဆက်ကို တင်ဆက်ပေးလိုက်ပါတယ်။ ဇာတ်လမ်းအကျဉ်းကတော့ လု ဒေါ်ချန်တစ်ယောက်ပါတီပွဲပေးနေရင်း သေနတ်နဲ့အပစ်ခံလိုက်ရတာကြောင့် သူ့ရဲ့သားဖြစ်သူ ဂျေကော့၊ သူငယ်ချင်းဖြစ်သူ နစ်ခ် ဝက်ဘာတို့က လုကို ရေပူကန်ထဲခေါ်ပြီး အတိတ်ကိုပြန်သွားရင်း ဒီဖြစ်ရပ်ကြီးဖြစ်မလာအောင်တားဆီးဖို့လုပ်ကြပါတယ်။ ဖြစ်ချင်တော့ သူတို့ ရောက်သွားတာက အတိတ်ကာလမဟုတ်ပဲ အနာဂတ်ကာလကို ‌ဆယ်နှစ်တောင်ကြိုပြီးရောက်သွားတာပါ။ ဒီလိုနဲ့ ငရှုပ်သုံးယောက် လုကိုပစ်သွားတဲ့ သေနတ်သမားကို လူသတ်မှုမကျူးလွန်ခင်ရှာတွေ့နိုင်မှာလား၊ အနာဂတ်မှာရော ဘယ်လိုတွေပတ်ပြီး ရှုပ်ကြ၊ မွှေကြ၊ ပွေကြဦးမလဲ ဆိုတာကို ဆက်လက်ကြည့်ရှုလိုက်ကြပါဦးဗျ။ File size…(1.8 GB)/(1 GB) Quality….Webrip 1080p / 720p Format…mp4 Duration….01:33:00 Genre...Comedy Subtitle….Myanmar Subtitle (Hardsub) Encoder….Mr. Anderson Translated by TMTT

IMDb 6.6 ရရှိထားတဲ့ဇာတ်ကားလေးဖြစ်ပြီး Dark Comedy/ Horror ကားပရိတ်သတ်တွေအတွက်ရည်ရွယ်ပါတယ် ဇာတ်ကားနာမည်နဲ့လိုက်ဖက်စွာပဲ ကမ္ဘာပျက်တဲ့အကြောင်းကိုရိုက်ကူးထားတာပါ ထူးခြားတာက တစ်ကားလုံးသရုပ်ဆောင်တွေဟာ သူတို့ရဲ့ နာမည်အရင်းတွေ career အစစ်တွေအဖြစ်ပါဝင်သရုပ်ဆောင်ထားတာပါပဲ Harry Potter မင်းသမီးလေး Emma Watson ရော Rihanna ရော ဧည့်သည်သရုပ်ဆောင်အဖြစ်ပါဝင်ထားပါတယ် ဇာတ်လမ်းအကျဉ်းလေးကတော့ နာမည်ကျော်မင်းသား James Franco ကသူ့ LA ကအိမ်သစ်ကြီးမှ အိမ်သစ်တက်ပွဲပါတီကျင်းပပါတယ် နာမည်ကျော်တို့ရဲ့ထုံးစံအတိုင်း ခမ်းခမ်းနားနားပါပဲ တခြားနာမည်ကြီးသရုပ်ဆောင်တွေအဆိုတော်တွေလည်း လာကြတာပေါ့ အဲ့အချိန်မှာမှ ကောင်းကင်ပေါ်ကအပြာရောင်အလင်းတန်းတွေ ကျလာပြီး လူတွေကိုခေါ်သွားတဲ့အခါမှာတော့... Translated & Review By May Myat Thu Encoded By LK

IMDb - 5.8/10 Rotten 42% ရှေး ဂရိဒဏ္ဍာရီထဲက နတ်ဘုရားတွေ… နတ်ဘုရားမတွေအကြောင်း …သူတို့ရဲ့စွမ်းအားတွေ… နတ်ဘုရားတွေနဲ့ လူသားတွေချစ်ကြိုက်မိရာမှမွေးဖွားလာတဲ့ သွေးနှောနတ်ဘုရားတွေ…ဂရိဒဏ္ဍာရီထဲက သတ္တဝါဆန်းတွေ…ဒါတွေဟာ ရုပ်ရှင်ချစ် ပရိသတ်တွေအတွက် အဆန်းတကြယ် ဖြစ်မနေတဲ့အကြောင်းအရာတွေ အနည်းနဲ့အများ ရင်းနှီးပြီးသား အကြောင်းအရာတွေလို့ယူဆမိတယ်… ဘာလို့ဆို နတ်ဘုရားတွေပေါ်အခြေခံရိုက်ကူးထားတဲ့ရုပ်ရှင်ပေါင်းလည်း နည်းမှမနည်းဘဲကိုး… အဲ့ဒီ နည်းမှမနည်းတဲ့ ရုပ်ရှင် ဇာတ်ကားပေါင်းများစွာထဲမှ…ဒီနေ့အတွက် ရေနတ်ဘုရားရဲ့သားတော် ဖြစ်တဲ့ ပါစီဂျက်ဆန်ရဲ့ စွန့်စားခန်း ဇာတ်လမ်းလေး၂ပုဒ် ကို တင်ဆက်ပေးချင်ပါတယ်… ဒီပါစီဂျက်ဆန် ကိုငယ်ငယ်က သိပ်နှစ်သက်ခဲ့ပြီး ခုတစ်ဖန်ပြန်လည်ကြည့်ရှုချင်တဲ့ပရိသတ်တွေအတွက်လည်း old but gold ဘာညာပေါ့နော်… နောက်ဇာတ်လမ်းအဆက်ဖြစ်တဲ့ The Sea of Monster ကတော့ တော်တော်လေးကိုလန်းတဲ့အပိုင်းတွေပါတာ ဝန်ခံရမှာပါ… ဇာတ်လမ်းအစမှာတော့ သွေးနှောနတ်ဘုရားတွေရဲ့ စခန်းကို ကာကွယ်ထားတဲ့ သစ်ပင် တံတိုင်းကြီး ဖြစ်ပေါ်လာပုံတွေ… ပထမဇာတ်လမ်းမယ် အိုလန်ပတ်စ် ကိုကယ်တင်လိုက်ပြီးနောက် ဆက်ပြီးပုံမလာနိုင်တော့တဲ့ ပါစီတစ်ယောက် စခန်းမှာအနှိမ်ခံရပုံတွေ... သူ့ရဲ့ ညီတစ်ယောက်ရောက်လာပုံတွေ ပါစီ့အတွက် ဟောပြောထားတဲ့ရှေ့ဟောဗျာဒိတ်တွေကြောင့် ခေါင်းစားရပုံတွေ ကြည့်ရှုရမှာပါ … လိုရင်းကတော့ အကာအကွယ်သစ်ပင်ကြီးရုတ်တရက် အဆိပ်ခတ်ခံလိုက်ရတဲ့အတွက် ဒါကိုကုသပေးနိုင်တဲ့ ရွှေရောင်ပိတ်စကို ဘာမြူဒါ တြိဂံနယ်မြေခေါ် မိစ္ဆာပင်လယ်ပြင်ဘက်မှာ သွားရောက်ရှာဖွေရင်းပြုလုပ်ခဲ့ရတဲ့ စွန့်စားခန်းတွေဟာ ပရိတ်သတ်ရင်ထဲ ကျေနပ်နှစ်သိမ့်မှုကို ရှိစေမှာပါ… နောက်ဆုံးညွှန်းချင်တာကတော့ ဂရိနတ်ဘုရားတွေအကြောင်းမနည်းစုံစုံလင်လင်ပါတဲ့အတွက် နတ်ဘုရားတွေအကြောင်းစိတ်ဝင်စားသူတွေ လုံးဝကြည့်သင့်တဲ့ကားကောင်းများဖြစ်တဲ့အကြောင်းပါ… အဲ့ဒီအပြင် ညီအစ်ကို နှစ်ဦးကြားက မေတ္တာတရားတွေ… အသင်းအဖွဲ့လိုက်ကူညီဖေးမမှုတွေ.… ရိုက်ချက် အလန်းစားတွေ … ရယ်စရာကောင်းတဲ့ စိုက်ကလော့ ကောင်ကြီးတွေ အစရှိသည်ဖြင့်… ဇာတ်လမ်းဇာတ်ကွက်ကောင်းတွေထုံမွှန်းနေတဲ့ ဇာတ်ကားလေးတွေအဖြစ် ညွှန်းဆိုလိုက်ပါတယ် (ဇာတ်လမ်းအညွှန်း နဲ့ဘာသာပြန်သူကတော့ မေသဇင်မြင့်ပါ) File Size : (900 MB) Quality : Blu-Ray 720p Running Time : 1hr 46min Format : Mp4 Genre : Adventure, Family, Fantasy Subtitle : Myanmar Subtitle (Hard Sub) Translated by May Thazin Myint Encode by Thanhtike Zaw

လတ်တလောလေးကတင် ကောင်မလေးထားသွားတာကို ခံထားရတဲ့ အဒမ်၊ ဝင်ငွေမကောင်းတဲ့ အလုပ်ကိုလုပ်နေရပြီး မိန်းမကလည်းဖောက်ပြန်နေတဲ့ နစ်ခ်နဲ့ အရက်ဂျိုး လုဆိုတဲ့ အရှုံးသမားသူငယ်ချင်းသုံးယောက်ရှိပါတယ်။ တစ်‌နေ့မှာ လုက သူ့ကိုယ်သူအဆုံးစီရင်ဖို့လုပ်ရင်းနဲ့ ဆေးရုံရောက်သွားပြီး မိသားစုမရှိတဲ့ လုအတွက်တော့ သူ့ကိုစောင့်ကြည့်ပေးဖို့က တခြားသူငယ်ချင်းနှစ်ယောက်ရဲ့ တာဝန်ဖြစ်သွားခဲ့ပါတယ်။ လု အတွက်ပိတ်ရက်ခရီးထွက်ပေးဖို့ စီစဉ်ကြရင်း သူတို့လူငယ်ဘဝက ကဲခဲ့ကြတဲ့ ကိုဒီအက် ဗယ်လီ နှင်းလျောစီးစခန်းကို သူတို့သူငယ်ချင်း သုံးယောက်နဲ့အတူ အဒမ်ရဲ့တူလေးဖြစ်သူ ဂိမ်းဂျပိုး ဂျေကော့ပါလိုက်လာခဲ့ပါတယ်။ ဒီလိုနဲ့ ဟိုတယ်မှာသောက်ကြရင်းနဲ့ သူတို့စိမ်နေကြတဲ့ ရေပူကန်ရဲ့ ခလုတ်ခုံပေါ်ကို အချိုရည်ဖိတ်ချသွားတာ‌ေကြာင့် အချိန်ခရီးသွားနိုင်တဲ့ ကန်ဖြစ်သွားခဲ့ပြီး အတိတ်ကိုပြန်ရောက်သွားကြပါတယ်။ ဖြစ်ချင်တော့ သူတို့ကံဆိုးခဲ့ကြတဲ့ 1986 ခုနှစ် ဆောင်းရာသီပွဲတော်ကိုရောက်သွားခဲ့ကြပါ။ အဒမ်တို့သာ အတိတ်မှာလုပ်ခဲ့သလိုမျိုးအတိအကျမလုပ်ရင် အနာဂတ်ကအရာတွေလည်း ဗြောင်းဆန်အောင် ပြောင်းလဲသွားနိုင်ချေရှိတာမလို့ အတိတ်ကအတိုင်းဖြစ်အောင်လုပ်ပြီး ဂျေကော့မွေးလာတာသေချာအောင် လုပ်ကြရင်း အနာဂတ်ကိုပြန်ဖို့လုပ်တဲ့အခါ ဘယ်လိုတလွဲတွေဖြစ်လာမလဲ၊ အတိတ်ဆိုတာပြင်ချင်တိုင်းရောပြင်လို့ရရဲ့လား၊ သူတို့ရော ပစ္စပ္ပုန်ကာလကို ပြန်သွားနိုင်မလားဆိုတာကို ရယ်ရယ်မောမောနဲ့ကြည့်ရှုကြရမှာပါ။ ကြမ်းတမ်းတဲ့အသုံးအနှုံးတွေနဲ့ ဇာတ်ဝင်ခန်းတွေပါဝင်တာကြောင့် အသက် ၁၈ နှစ်အောက် ကလေးတွေတော့ မကြည့်ရှုသင့်ပါဘူးဗျ။ File size…(2 GB)/(1.3 GB) Quality….Webrip 1080p / 720p Format…mp4 Duration….01:41:00 Genre...Science Fiction, Comedy, Adventure Subtitle….Myanmar Subtitle (Hardsub) Encoder….Mr. Anderson Translated by TMTT

Shrek Forever After (2010) IMDb Rating (6.3) / Rotten Tomatoes (58%) ဇာတ်လမ်းအကျဉ်း Dulocဆိုတဲ့ မြို့တော်ကြီးမှာ အကြင်နာတရားခေါင်းပါးပြီး တရားမမျှတမှုမရှိတဲ့ တရားသူကြီး Farquaadက Fairy Tale(နတ်သမီး ပုံပြင်)တွေကို မနှစ်သက်တဲ့အပြင် သူ့တို့တိုင်းပြည်မှာရှိနေတဲ့ Fairy Taleတွေထဲက သက်ရှိဇာတ်ကောင်တွေ အားလုံးကို တိုင်းပြည်အစွန်ဖျားက ရွှံဗွက်တောကြီးဆီကို နယ်နှင်ဒဏ်ပေးလိုက်ပါတယ်။ အဲ့ဒီမှာလည်း.... Shrek(အစိမ်းရောင် ဘီလူးကြီး)က လူသူကင်းရှင်းစွာနဲ့ ၁ယောက်တည်း ပျော်ရွှင်စွာ နေထိုင်နေပါတယ်။ သူ့နေရာဆီကို နယ်နှင်ဒဏ်ပေးခံရတဲ့သူတွေ အများကြီးလဲ ရောက်လာရော... သူ့ရဲ့ပျော်ရွှင်မှုတွေ ပျက်သွားတဲ့အတွက် တရားသူကြီး Farquaadဆီကို နယ်နှင်ဒဏ် ပြန်ရုတ်သိမ်းပေးဖို့ သူနဲ့အတူ Donkey (ပါးစပ်ပိတ်တာကလွဲလို့ ကျန်တာအကုန်လုပ်မယ့် စကားအရမ်းများတဲ့ မြည်း)က Dulocမြို့ကို လမ်းပြပီး သွားမှာပါ။ တရားသူကြီး Farquaadကလည်း Cookie(စကားပြောတတ်တဲ့ လူပုံစံမုန့်)လေးကို နှိပ်စက်ပီး ကျန်ရှိနေသေးတဲ့ Fairy Taleတွေထဲက ဇာတ်ကောင်တွေရဲ့ နေရာကို မေးနေပါတယ်။ အဲ့ဒီအချိန်မှာ သူတပည့်တွေက သူရှာခိုင်းထားတဲ့ Magic Mirror (Snow Whiteထဲက Evil Queenရဲ့ မှော်မှန်)ကို သယ်လာပါတယ်။ အဲ့မှော်မှန်ကြီးကို "သူ့ရဲ့တိုင်းပြည်က တရားအမျှတဆုံးနဲ့ အေးချမ်းသာယာတဲ့ တိုင်းပြည်ဖြစ်ပီလား"လို့ မေးပါတယ်။ မှော်မှန်ကြီးက "Farquaadက ဘုရင်မှ မဖြစ်သေးပဲနဲ့  (သူက မင်းမျိုးမင်းနွယ်လဲ မဟုတ်တဲ့အတွက်) ဘုရင်ဖြစ်ချင်ရင် မင်းသမီး၁ယောက်ယောက်ကို လက်ထပ်မှရမယ်"ဆိုပီး မင်းသမီး၃ယောက်ကို ဘယ်သူ့ကြိုက်လဲဆိုကာ သူ့မှော်မှန်မှာ ပြသ၍ ရွေးချယ်ခိုင်းပါတယ်။ အဲ့ဒီထဲကမှ Fionaဆိုတဲ့ မင်းသမီးကို ရွေးချယ်လိုက်ပါတယ်။ (သူမက Farawayတိုင်းပြည်မှ ဘုရင့်သမီးဖြစ်ပီးတော့ အစောင့်နဂါးကြီးရှိတဲ့ ရဲတိုက်ကြီးထဲမှာ သူမကို လာကယ်မယ့် သူရဲကောင်းကို စိတ်ကူးယဉ်ရင်း ဖမ်းခံထားရပါတယ်။) "မင်းသမီးက ညမှာဖြစ်တဲ့ကိစ္စလေး၁ခုကပဲ..."ဆိုပီး မှော်မှန်ကြီးက Farquaadကို သတိပေးပြောဆိုဖို့ ကြိုးစားပါသေးတယ်။ Dulocမြို့ကို မကျေနပ်ချက်တွေနဲ့အတူရောက်လာတဲ့ Shrekနဲ့ Donkeyကို Farquaadက ဖမ်းခိုင်းပါတယ်။ သူတို့ကို လာဖမ်းတဲ့ ရဲမက်တွေကို အမိုက်စား Fightingနည်းတွေနဲ့ Smack Downတွေ ကျွေးပါတယ် tongue emoticon ဒါနဲ့နောက်တော့ Fionaမင်းသမီးကို ကယ်ပေးနိုင်ရင် Farquaadက နယ်နှင်ဒဏ်ကို ရုတ်သိမ်းပေးမယ်ဆိုပီး Shrekနဲ့ အပေးအယူလုပ်ပါတယ်။ Shrekကလဲ အပေးအယူကို လက်ခံလိုက်ပါတယ်။ Shrekနဲ့ Donkeyက Fionaမင်းသမီးလေးကို နဂါးကြီး လက်ထဲက ကယ်နိုင်မလား? တကယ်လို့ ကယ်နိုင်ခဲ့ရင် Shrekဆိုတဲ့ဘီလူးကြီးကို မင်းသမီးလေးက သူ့ရဲ့ သူရဲကောင်းအဖြစ် ချစ်နိုင်မလား? Shrekက Fionaကို နယ်နှင်ဒဏ်နဲ့ အလဲလှယ်လုပ်ရင် Farquaadရဲ့ ကြင်ယာအဖြစ် သိမ်းခြင်းကိုပဲ ခံရမလား? ဘာတွေဆက်ဖြစ်မလဲဆိုတာကို... ဒီဇာတ်ကားရဲ့ အောင်မြင်မှုကဆိုရင်ဖြင့် Shrek 2(2004), Shrek the Third (2007), Shrek Forever After (2010)ဆိုတဲ့ နောက်ဆက်တွဲကားတွေကို ဖြစ်ပေါ်လာစေပါတယ်။ Holiday specials ၂ခု Shrek the Halls (2007)နဲ့ Scared Shrekless(2010)လဲ ရှိပါသေးတယ်။ ပီးတော့ ဇာတ်လမ်းအခွဲဖြစ်တဲ့ Puss in Boots(2011)ကဆိုရင်လဲ ပရိသတ် တခဲနက်အားပေးမှုတွေနဲ့ အောင်မြင်ထားပါတယ်။ (အညွှန်းကို The biggest Animation Cartoon Fans (MM) မှ #Admin Thiha Maungက ရေးပေးထားတာ ဖြစ်ပါတယ်။) File size…(4.2 GB) / (1.5 GB) / (830 MB) Quality….Blu-Ray 4K HEVC / 1080p HEVC / 720p Format…. mkv/mp4 Genre….Action, Adventure, Comedy Duration….01:34:28 Subtitle….Myanmar Subtitle (Hardsub) Encoder….Benjamin Translated by Zaya Phyoe

ရုပ်ရှင်နာမည်အတိုင်းပဲ ဒီရုပ်ရှင်ဟာ ဖန်ဘွိုင်း (ပရိတ်သတ်) တအုပ် အကြောင်းရိုက်ထားတာပါ။ ဘာပရိတ်သတ်တွေလဲဆိုတော့ စတားဝါးစ် အမာခံပရိတ်သတ်တွေပါ။ အချိန်ကာလအားဖြင့် Star Wars Episode 1 : Phantom Menace 1999 မထွက်ခင် ကာလမှာဇာတ်အိမ်တည်ထားပါတယ်။ မူလတန်းလောက်ကတည်းက စတားဝါးစ်ကို အရူးအမူးအားပေးလာကြတဲ့ စတားဝါးစ်ဂျပိုး လူငယ်တစုဟာ ဟောလိုး၀င်းပါတီတခုမှာပြန်ဆုံခဲ့ကြပါတယ်။ ဒီလိုနဲ့ ရှေးဟောင်းနှောင်းဖြစ်တွေပြောကြရင်း သူငယ်ချင်းအုပ်စုထဲက လိုင်းနက်စ်ဟာ ကင်ဆာရောဂါဖြစ်နေပြီး စတားဝါးစ်ရုပ်ရှင်သစ် ရုံတင်မယ့်ရက်ကို မမီနိုင်တော့တာကို သိရှိလိုက်ကြရပါတယ်။ ဒီလိုနဲ့ စတားဝါးစ်ဂျပိုး သူငယ်ချင်းတစုဟာ လိုင်းနက်စ်ကို မသေခင်မှာ Episode 1 ကိုပြလိုက်နိုင်ဖို့အတွက် ရုပ်ရှင်ဖလင်ကိုသိမ်းဆည်းထားတဲ့ စတားဝါးစ်တည်ထောင်သူဖခင်ကြီး ဂျော့ခ်ျလူးကပ်စ်ရဲ့ခြံထဲကိုခိုး၀င်ဖို့ မိုင်ထောင်ချီဝေးတဲ့ခရီးကို ဗန်ကားအစုတ်လေးတစီးနဲ့ စတင်စွန့်စားခန်းထွက်ကြ‌ပါတော့တယ်။ စတားဝါးစ်နဲ့ပတ်သက်တဲ့ ရုပ်ရှင်ဖြစ်တာကြောင့် တကားလုံးမှာ စတားဝါးစ် ကိုးကားမှုတွေ ထို‌ခေတ်အခါက ရုပ်ရှင် ဂိမ်းနဲ့ပတ်သက်တဲ့ အသုံးအနှုန်းတွေကို အလျှံပယ်ထည့်သွင်းသုံးစွဲထားတာဖြစ်လို့ စတားဝါးစ်ကြည့်ဖူးထားရင်တော့ ဒီရုပ်ရှင်ကိုကြည့်ရတာ ပိုအရသာရှိပါလိမ့်မယ်။ (ညစ်ညမ်းတဲ့အသုံးအနှုန်းတွေပါ၀င်တာကိုသတိပြုပေးပါ)

သဘာဝသမိုင်းပြတိုက်မှာ ညစောင့်လုပ်ခဲ့တဲ့ လယ်ရီ ဒဲလ်လေဟာ အခုတော့ သူတီထွင်ထားတဲ့ အိမ်သုံးပစ္စည်းတွေကို ရောင်းချရင်း အောင်မြင်တဲ့ လူသုံးကုန်ပစ္စည်းကုမ္ပဏီတစ်ခုရဲ့ CEO ဖြစ်နေပါပြီ။ သူ့ရည်မှန်းချက်အတိုင်း အလုပ်လုပ်နိုင်ခဲ့ပေမယ့် ပြတိုက်ဟောင်းကို အလည်ပြန်ရောက်လာတဲ့အခါ အရင်က မိသားစုလိုဖြစ်ခဲ့တဲ့ မိတ်ဆွေတွေ တကွဲတပြားစီ ဖြစ်ရတော့မယ်ဆိုတာ သိလိုက်ရတယ်။ လူကြိုက်နည်းလာတဲ့ ပြတိုက်ပစ္စည်းတွေကို ခေတ်မီသုံးဖက်မြင်စက်ပစ္စည်းတွေနဲ့ အစားထိုးဖို့ စီစဉ်နေပြီး အရုပ်တွေကိုတော့ ပြည်ထောင်စုမော်ကွန်းတိုက်ရဲ့ မြေအောက်ခန်းဆီ ပို့တော့မှာပါ။ လယ်ရီ ထွက်သွားခဲ့တာကို စိတ်နာနေကြတဲ့ မိတ်ဆွေတွေထဲမှာ စကားနာထိုးသူလည်းရှိသလို သူ့ကို မကြည့်ချင်လို့ မျက်နှာလွှဲသူလည်း ရှိတယ်။ လယ်ရီက သူတို့နဲ့ တစ်ညတာအတူနေပြီး နှုတ်ဆက်ခဲ့ပါတယ်။ ဒါပေမယ့် မျောက်ကလေး ဒက်ဇ်တာက ရွှေကျောက်စာကို မော်ကွန်းတိုက်ရဲ့ အောက်ထပ်ဆီ ခိုးယူသွားတဲ့အခါ ကမ္ဘာ့အကြီးဆုံးပြတိုက်ကြီး အသက်ဝင်လာတယ်။ အသက်ဝင်လာသူတွေထဲမှာ လယ်ရီ့မိတ်ဆွေ အခမ်းရာ့ရှ်ရဲ့ အစ်ကိုလည်း ပါလာပါတယ်။ သူဟာ စိတ်ဓာတ်ယုတ်ညံ့လို့ ထီးနန်းမအပ်ခံခဲ့ရတဲ့ ဖာရိုဘုရင်မျိုးရိုးဝင်တစ်ယောက်ဖြစ်ပြီး ကမ္ဘာကို အုပ်စိုးချင်နေသူပါ။ သူက လယ်ရီ့လက်ထဲက ကျောက်စာကို လုယူပြီး တမလွန်မြေအောက်ကမ္ဘာက မိစ္ဆာစစ်တပ်ကို ခေါ်ထုတ်ဖို့ ကြိုးစားလာပါတယ်။ ဒီစွန့်စားခရီးမှာ လယ်ရီနဲ့အတူ လိုက်ပါကူညီသူကတော့ သတ္တိရှိတဲ့ အမျိုးသမီးလေယာဉ်မှူးတစ်ယောက်ပါ။ လယ်ရီ့ကို မြတ်နိုးတဲ့စိတ်နဲ့ ကူညီပေးနေတဲ့ သူတို့နှစ်ယောက်ရဲ့ မေတ္တာအကြောင်းကိုလည်း ဟာသနဲ့ စွန့်စားခန်းတွေကြားမှာ တွဲဖော်ပြထားပါတယ်။

IMDb Rating (7) / Rotten Tomatoes (68%) Peem Heaven ကွတ်ကီးစားလိုက်ရသလို ကွဲပြီးကောင်းနေတဲ့ ခံစားချက်မျိုးနဲ့ ဒီဇာတ်ကားက အပြဲကားပါ။ Weed သောက်ရင်းကွဲတဲ့ဇာတ်ကားတွေထဲ တော်တော်မိုက်တဲ့ အက်ရှင်အခွီဇာတ်ကားဖြစ်ပါတယ်။ မင်းသားတွေကလဲ ဟာသနဲ့ရှယ်လိုက်ဖက်တဲ့ James Franco နဲ့ Seth Rogen တို့ အတွဲပါ..မင်းသမီး Amber Heard လဲ ပါပါသေးတယ်။ ဇာတ်လမ်းကတော့... Dale တစ်ယောက် Pineapple Express လို့နာမည်ရတဲ့ ရှားပါး Weed တစ်မျိုးကို  ဆေးခြောက်ရောင်းတဲ့ Saul ဆီကနေ ကြိုးစားပမ်းစား ဝယ်လာခဲ့ပါတယ်.. ကံကဆိုးတော့ သူအလုပ်လုပ်နေတုန်းမှာ လူသတ်မှုတစ်ခုကို မြင်လိုက်ရပြီး အခင်းဖြစ်နေရာမှာ သူ့ရဲ့သောက်လက်စ လက်ကျန် မုန့်(Weed) ကိုပစ်ထားခဲ့မိပါတယ်။ ဖြစ်ချင်တော့ အဲဒီလူသတ်သမားက တစ်မြို့လုံးကို ဒိုင်ခံပြီး ဆေးခြောက်ဖြန့်နေတဲ့ Ted ဖြစ်နေတော့ မျက်မြင်သက်သေဟာ Pineapple Express Weed နဲ့ဆက်စပ်တဲ့ကောင်မှန်း သိသွားပါတော့တယ်... Ted ရဲ့ရန်ကိုကြောက်တာနဲ့ Dale လည်း ကြံရာမရဖြစ်ပြီး Saul နဲ့ နှစ်ယောက်သား အတူပြေးကြပါတော့တယ်... Ted နဲ့ ဆေးခြောက်စျေးကွက်မှာ ဒုတိယလိုက်နေတဲ့ အာရှသားတွေနဲ့ကလဲ Weed စစ်ပွဲဆင်နွှဲနေကြတာပါ... ဒီစစ်ပွဲကြားမှာ Dale နဲ့ Saul တို့နှစ်ယောက် ကြားညှပ်ပြီး ဘယ်လိုတွေလွဲပြီး ဘယ်လိုတွေကွဲကြမလဲဆိုတာ......။ File size…(2.6 GB)/(1.1 GB) Quality….BluRay 1080p/720p Format…mp4 Duration….01:51:00 Subtitle….Myanmar Subtitle (Hardsub) Encoder….Nyeinsaeya Aung Translated by Noxifer Demon

Dragon Wars King Kong တို့ Gozilla တို့ ကြိုက်တဲ့ သူတွေအဖို့ ဒီနဂါးကားကလည်း အကြိုက်တွေ့စေမယ့်ကားထဲပါပါတယ် ကိုရီးယားတွေရဲ့ ဒဏ္ဍာရီအရ လွန်ခဲ့တဲ့နှစ်ပေါင်း ထောင်နဲ့ချီက အသက်ရှင်ခဲ့တဲ့ နဂါးမျိုးဆက်ဟာ ကမ္ဘာကိုပြန်ပြီးကြီးစိုးမယ်လို ဟောကိန်းထုတ်ခဲ့ပါတယ်။ ဒဏ္ဍာရီအရ အီမူဂီလိုခေါ်တဲ့ မျိုးရိုးမြင့်မွေတစ်ကောင်ဟာ လူမိန်းမတစ်ယောက်ရဲ့ ကိုယ်ထဲက ဝိညာဉ်အစွမ်းကိုစုပ်ယူပြီး စကြဝဠာနဂါးအဖြစ်အသွင်ပြောင်းဖို အဲဒီအမျိုးသမီးကို မြေလှန်ရှာဖွေတဲ့အခါမှာတော့.... ( ဘာသာပြန်ပြီး အညွှန်းရေးသားထားသူကတော့ Mark ပါ ) File size_(1.9GB)/(1GB) Quality_Blu-Ray 1080p / 720p Format_mp4 Duration_01:45:00 Genre_Action, Drama, Fantasy, Thriller Subtitle_Myanmar Subtitle (Hardsub) Encoder_a hao Translated by Mark

အတ္တုပတ္တိ( Biopic) ရုပ်ရှင်တွေ အထူးသဖြင့် ဂီတလို့ ပြောလိုက်တာနဲ့ ကြည့်ရှုသူ အများစုကတော့ သိကြမှာပါပဲ။ အဆိုတော် ဒါမှမဟုတ် ဂီတလောကရဲ့ အနပညာရှင် တစ်ယောက်ယောက်ဖြစ်မယ်။ လူဖြူလည်းဖြစ်မယ် လူမည်းလည်း ဖြစ်ရင်ဖြစ်မယ်။ သူတို့ရဲ့ ဘ၀ခရီးလမ်း အခက်အခဲတွေ ဘယ်လိုမျိုး ကျော်ဖြတ်လာရမလဲဆိုတာကို ဝေဆာနေအောင် ကွန့်မြူးပြီး ပြောကြမယ်။ ဒါပေမဲ့ ဒီကားကတော့ ဒီလိုမဟုတ်ဘူး။ ဖန်တရာတေဒီဇာတ်ကြောင်းတွေပဲ ထပ်နေတဲ့ ဒီရုပ်ရှင် အမျိုးအစားထဲကကိုမှ တကယ်မရှိတဲ့ ဒူဝီ ကော့စ် ဆိုတဲ့ အဆိုတော်ကို ဖန်တီးပြီး ဒီရုပ်ရှင်တွေကိုပဲ အကြီးအကျယ် ပြန်ဖဲ့သွားတာမျိုးဗျ။ ဥပမာ ပြောရရင် ဒီအဆိုတော်က ငယ်ငယ်က တခုခုကြောင့် စိတ်ဒဏ်ရာရပြီး တစ်ခုခုဖြစ်နေရမယ်။ ဒီကားမှာကတော့ ဘာမဆိုင် ညာမဆိုင် တောခုတ်ဓားတစ်ချောင်းကြောင့် မင်းသားအကိုသေပြီး မင်းသားက စိတ်ဒဏ်ရာ ရသွားတာမျိုးက စလှော်တော့တာပါပဲ။ ဂီတ အကျော်အမော်ကြီးတွေဖြစ်ကြတဲ့Bob Dylan, The Beatles, Elvisက အစ လူပေါင်းစုံရဲ့ စတိုင်တွေ အကုန်ပြောင်။ အဲဒါမှ အားကိုမရသေးရင် အဓိပ္ပါယ်နှစ်ခွနဲ့ အောက်လုံး သီချင်းတွေကို မင်းသားကဆိုပြလိုက်ရမှ။ မကျေနပ်သေးဘူးလား။ ဒါဆိုရင်လည်း ထုံးစံအတိုင်း ဆေးစွဲ မိန်းမရှုပ်တဲ့အခန်းတွေလာမယ်။ ဒါပေမဲ့ ဒိုင်ယာလော့တွေနဲ့ မြင်တွေ့နေကျ ဇာတ်၀င်ခန်းတွေကို လှော်ချက်တွေက တခွီးခွီးရယ်နေရမှာမျိုးတွေပေါ့။ Biopic ကိုမှ ကြိုက်နှစ်သက်ကြတဲ့CMပရိတ်သတ်ကြီးအတွက် နောက်နောင် Biopic တွေကြည့်တိုင်း အမှတ်ရနေမယ့် ကားကောင်းလေး တစ်ခုဖြစ်တဲ့အတွက် ကြည့်ရှုအားပေးကြပါဦးခင်ဗျ။ File size…      2.2 GB /   921 MB Quality… BluRay Extended 1080p / 720p Format… mp4 Duration…. 1h 36m Genre ..... Comedy/Music Subtitle…. Myanmar Subtitle (Hard Sub) Encoder…. Thit San Khant Translated by Brackman

IMDb 6.9 Rotten Tomatoes 89% Comedy ဇာတ်ကားတစ်ကား ဒီလောက် Rating မြင့်မားနေရင် မှတ်ထားလိုက်ပါတော့...ရှယ်ကောင်းလို့ပါပဲ။ မင်းသား Seth Rogen ,Paul Rudd,Jonah Hill,Jay Baruchel တို့လို ဟာသသရုပ်ဆောင်တွေမြိုင်ဆိုင်သလို မင်းသမီး Katherine Heigl,Leslie Mann တို့ဆိုတာကလဲ ဒီလိုဇာတ်ကားနဲ့ သိပ်လိုက်ဖက်လှတာပေါ့။ ဇာတ်လမ်းကလဲ R Rated ဆိုတဲ့အတိုင်း တကယ့်ဗရုတ်သုတ်ခပါပဲ... မူးမူးရူးရူးနဲ့ ဖြစ်မိတဲ့ တစ်ညတာ one night stand က မထင်မှတ်ဘဲ ကိုးလလွယ်ဆယ်လအထိကြာ‌အောင်ခံရမယ့် ဒုက္ခအဖြစ်သို့ ပြောင်းလဲသွားသောအခါ..... အယ်လီဆင် စကော့ ဟာ ရုပ်မြင်သံကြားဌာနတစ်ခုမှာ အလုပ်လုပ်နေတဲ့ ရည်မှန်းချက်ကြီးကြီး အိပ်မက်လှလှလေးတွေမက်နေတဲ့ မိန်းမပျိုလေးပါ ။ တစ်နေ့မှာတော့ အထက်လူကြီးတွေက သူ့ကို ရာထူးတိုးပေးလိုက်တော့ ပျော်လွန်းလို့ သူ့အစ်မ ဒက်ဘီ နဲ့အတူ ကလပ်တစ်ခုမှာ သွားပြီး အောင်ပွဲခံပါတော့တယ်။ အဲဒီမှာ ဘန် ဆိုတဲ့ကောင်လေးနဲ့ ဆုံမိကြပါတယ်။ ဘန် ကတော့ ဆေးခြောက်ပုံမှန်သုံးစွဲလေ့ရှိတဲ့ သူငယ်ချင်းတစ်စုနဲ့ အတူနေတဲ့ ငပျင်းတစ်ကောင်ပါပဲ။ တကယ်ဆိုရင် သူက အမေရိကန်မဟုတ်ဘူး။ ကနေဒါကနေ တရားမဝင် လာနေနေတာ။ တရားမဝင်နေတော့ အခွန်ဆောင်စရာမလိုတော့ဘူးပေါ့ဗျာ တဲ့။ ဆောင်ရအောင်လည်း သူ့မှာ ပိုက်ဆံမှမရှိဘဲ။ သူ ကျောင်းသားဘဝတုန်းက စာပို့ကားတက်ကြိတ်တာခံရလို့ အစိုးရက သူ့ကို လျော်ကြေး ဒေါ်လာ တစ်သောင်းလေးထောင် ပေးဖူးသတဲ့။ဘာမှမလုပ်ဘဲ အဲဒါကိုထိုင်စားလာတာ ဆယ်နှစ်ကျော်ပြီတဲ့။ ခုတောင် လက်ထဲ ဒေါ်လာကိုးရာလောက် ကျန်သေးတယ်ဆိုပဲ။ သူက ဆေးခြောက်နဲ့ စပါဂက်တီခေါက်ဆွဲဖိုးလောက်ပဲ ကုန်စရာရှိတာကိုး။ သူ့ဘော်ဒါတွေကလည်း သူနဲ့ထူးမခြားနားပါပဲ။ ဒီလောက်ဆိုရင် အယ်လီဆင် နဲ့ ဘန် တို့ဟာ ဘယ်လောက်ခြားနားတဲ့ အနေအထားရှိတယ်ဆိုတာ သိသာပါတယ်။ ဒါပေမဲ့ ဆန်းကြယ်တဲ့ကံတရားနဲ့ ဆန်းကြယ်သောစိတ်ကူးရှိသူ ဇာတ်ညွှန်းရေးဆရာကြီးတို့ရဲ့အလိုအရ သူတို့နှစ်ယောက် ဆုံဖြစ်အောင်ဆုံမိသွားကြပါတယ်။ သို့သော်လည်း one night stand က one nightနဲ့ ရပ်လို့မရဘဲ long-standingကိစ္စ ဖြစ်လာတဲ့အခါ နှစ်ယောက်လုံး တိုင်တွေပတ်ကုန်ကြပါတော့တယ်။ ဒီဇာတ်ကားမှာ နာမည်ကျော်ဟာသသရုပ်ဆောင်တွေ တပြုံကြီးပါဝင်ထားသလို ဧည့်သည်သရုပ်ဆောင် နာမည်ကျော်များကလည်း မထင်မှတ်တဲ့နေရာတွေကနေ အကွက်စေ့စေ့ ပါဝင်သရုပ်ဆောင်ထားကြပါတယ်။ Ratingကောင်းတွေ ရရှိခဲ့သလို ဝင်ငွေအရလည်း ဘတ်ဂျက် 25 millionsမှာ ဝင်ငွေ 219 millionsရရှိခဲ့တဲ့အတွက် စီးပွားရေးအရပါ အောင်မြင်တဲ့ကား ဖြစ်ခဲ့ပါတယ်။ ဒီဇာတ်ကားထဲမှာ ဇာတ်ကောင်တွေပြောတဲ့ ပြောစကားတွေထဲမှာ အမေရိကန်တွေ အနောက်တိုင်းသားတွေသာ ချက်ချင်းနားလည်မယ့် စကားလုံး၊စကားရပ်တွေ အသုံးအနှုန်းတွေအများအပြားပါဝင်နေပါတယ် ။ အထူးသဖြင့်တော့ Hollywood movie quotesတွေပေါ့။ သူတို့ပြောစကားထဲက နာမည်တွေလိုက်ပြီး Googlingလုပ်ရင်တောင် ဗဟုသုတ အတော်ပွားနိုင်စရာ ရှိပါတယ်။ ဇာတ်လမ်းကလည်း ရယ်ရရုံ ပျော်ရရုံသက်သက် မကဘဲ အိမ်ထောင်ရေးပဋိပက္ခတွေဖြစ်ရတဲ့ ဇစ်မြစ်၊ ကိုယ့်အတ္တနဲ့ တဖက်သားကို ဇွတ်ပြောင်းလဲလာအောင် ဖိအားပေးတတ်တဲ့စိတ်မျိုးတွေ ၊ တာဝန်ယူမှု တာဝန်ခံမှုဆိုတာ ဘယ်လောက်အရေးကြီးသလဲဆိုတာတွေကို သင်ခန်းစာယူနိုင်ကြပါလိမ့်မယ်။ ကြည့်ရှုခံစားပျော်ရွှင်နိုင်ကြပါစေ။ Unrated Version နဲ့တင်ဆက်ထားတာမို့ တချို့အခန်းတွေမှာတော့ မိသားစုနဲ့ကြည့်ဖို့သင့်တော်မှာမဟုတ်ပါဘူး။ (ရုပ်ရှင်အညွှန်းနဲ့ဘာသာပြန်ကို Thaman Myint မှ တင်ဆက်ထားပါတယ်။) File size…(2.6 GB)/(1 GB) Quality….BluRay Unrated 1080p / 720p Format…mkv Duration….02:12:57 Subtitle….Myanmar Subtitle (Hardsub) Encoder….Nyeinsaeya Aung Translated by Thaman Myint