Danny Trejo ပါဝင်သော ဇာတ်ကားများ

Accursed (2026) ဇာတ်လမ်းလေးက Emma ဆိုတဲ့ ကောင်မလေးရဲ့ အသက် ၂၁ နှစ်ပြည့် မွေးနေ့ပွဲကနေ စတာပါ။ Emma နဲ့ သူ့သူငယ်ချင်းတစ်စုဟာ မွေးနေ့ပွဲလေးကို ရေကန်ဘေးက အပန်းဖြေအိမ်မှာ အေးအေးဆေးဆေး ပါတီလုပ်ပြီး ဖြတ်သန်းဖို့ သွားကြတာပေါ့။ ဒါပေမဲ့ သူတို့မသိတာတစ်ခုက လွန်ခဲ့တဲ့ ၂၁ နှစ်တုန်းက သီလရှင်တစ်ပါးက လျှို့ဝှက်စွာ ဖုံးကွယ်ထားခဲ့တဲ့ မှောင်မိုက်တဲ့အတိတ်ဆိုးကြီးတစ်ခု ရှိနေခဲ့တာပါပဲ။ Emma ရဲ့ အသက် ၂၁ နှစ်ပြည့်မွေးနေ့ရောက်လာတဲ့အချိန်မှာ အဲဒီလျှို့ဝှက်ချက်ကြီးက ပြန်ပေါ်လာခဲ့ပါတယ်။ အပန်းဖြေအိမ်မှာ ပျော်နေတုန်းမှာပဲ မျက်နှာဖုံးစွပ်ဂိုဏ်းဝင်တွေ ရောက်လာပြီး သူတို့ကို ထောင်ချောက်ဆင် ပိတ်လှောင်လိုက်ကြပါတော့တယ်။ အဲဒီဂိုဏ်းဟာ ရှေးဟောင်းမိစ္ဆာဆိုးကြီးကို နိုးထစေဖို့အတွက် ညလယ်ယဇ်ပူဇော်ပွဲလုပ်ဖို့ ကြံစည်ထားတာပါ။ နောက်ဆုံးမှာတော့ မွေးနေ့ပွဲလေးဟာ မိစ္ဆာပူးကပ်ခံရတာတွေ၊ အချင်းချင်းသစ္စာဖောက်တာတွေနဲ့အတူ အသက်လုရုန်းကန်ရတဲ့ငရဲခန်းလို အိပ်မက်ဆိုးကြီးဖြစ်သွားခဲ့ရတာပဲ ဖြစ်ပါတယ်။ ဟောလီးဝုဒ်မင်းသားကြီး Danny Trejo ပါဝင်ထားပြီး သဘာဝလွန် Horror ကားဆန်းဆန်းလေးတွေကို ပေါ့ပေါ့ပါးပါးကြည့်ချင်သူတွေအတွက်တော့ ကြည့်လို့ရတဲ့ ကားတစ်ကားပါပဲ။ မိစ္ဆာယဇ်ပူဇော်ပွဲတွေ၊ သတ်ဖြတ်မှုတွေ၊ သွေးထွက်သံယိုအခန်းတွေ၊ မိစ္ဆာပူးကပ်ခံရမှုတွေ၊ သဘာဝလွန်သွေးပျက်ဖွယ်ရာတွေ၊ ဂိုဏ်းဝင်တွေရဲ့ကြောက်စရာမြင်ကွင်းတွေ၊ စကားပြောဆိုမှုရာမှာ ရိုင်းစိုင်းတဲ့ ဒါမှမဟုတ် ဆဲဆိုကြိမ်းမောင်းတဲ့စကားလုံးတွေပါဝင်တာကြောင့် ကလေးသူငယ်တွေနဲ့ အသက် ၁၇ နှစ်အောက်လူငယ်တွေ ကြည့်ရှုဖို့ မသင့်တော်ဘဲ လူကြီးမိဘလမ်းညွှန်မှုလိုအပ်တဲ့ရုပ်ရှင်မျိုး ဖြစ်ပါတယ်။ File Size - 1.2 GB/ 516 MB Quality - WEB-DL 1080p/ 720p Duration - 1h 20m Format - mp4 Genre - Horror Subtitle - Myanmar Subtitle (Hard Sub)

E.B. White's Charlotte's Web (2025) S1 +++++++++++++++++++ အပိုင်း ( ၁ မှ ၃ ) အထိ စ / ဆုံး ၂၀၂၅ ခုနှစ်၊ အောက်တိုဘာလတုန်းက HBO Max မှာ ပြသခဲ့တဲ့ အသစ်စက်စက် ကာတွန်းဗားရှင်း "Charlotte's Web" (2025) က အရင်ကလို ရုပ်ရှင်အရှည်ကြီး မဟုတ်ဘဲ ၃ ပိုင်းခွဲပြီး ရိုက်ကူးထားတဲ့ မီနီစီးရီး (Miniseries) ပုံစံမျိုး ဖြစ်သွားတာပါ။ ဒီစီးရီးလေးမှာ အပိုင်း ၃ ပိုင်း ပါဝင်ပြီး တစ်ပိုင်းကို ၄၅ မိနစ်စီ ကြာမြင့်ပါတယ်။ စာရေးဆရာ E.B. White ရဲ့ ၁၉၅၂ ခုနှစ်ထွက် ဂန္ထဝင်ကလေးပုံပြင်စာအုပ်ကို မူရင်းအတိုင်း အသေးစိတ် အသက်သွင်းပုံဖော်ထားတာပါ။ အော်စကာဆုရ ရုပ်ရှင်ဖန်တီးရှင် Luke Matheny က ကိုယ်တိုင်ဦးစီးပြီး ဇာတ်ညွှန်းရေးသားထားတာဖြစ်ပြီး၊ ကလေးအကြိုက် Sesame Street ကို ထုတ်လုပ်တဲ့ Sesame Workshop နဲ့ Guru Studio တို့ ပူးပေါင်းဖန်တီးထားတာ ဖြစ်ပါတယ်။ ခေတ်မီ 3D CGI ကာတွန်းစနစ်ကို အသုံးပြုထားတာမို့လို့ တိရစ္ဆာန်လေးတွေရဲ့ ပုံစံက ပိုအသက်ဝင်ကာ ချစ်စရာကောင်းနေပါတယ်။ ဒီဗားရှင်းသစ်မှာ နာမည်ကြီး ဟောလီဝုဒ်မင်းသား၊ မင်းသမီးတွေက အသံနဲ့ ပါဝင်အားဖြည့်ပေးထားကြတာမို့ အသံတွေကို နားထောင်ရုံနဲ့တင် တန်နေပါတယ်။ ဇာတ်လမ်းက Wilbur ဆိုတဲ့ ဝက်ကလေးကနေ စပါတယ်။ သူက မွေးကတည်းက အကောင်သေးလွန်းလို့ ပိုင်ရှင်က သတ်ပစ်ဖို့ လုပ်တဲ့အချိန်မှာ Fern ဆိုတဲ့ ကောင်မလေးက သနားပြီး မွေးစားလိုက်ပါတယ်။ အဲဒီလိုနဲ့ Wilbur လေးဟာ Fern ရဲ့ ဂရုစိုက်မှုအောက်မှာ ချစ်စရာကောင်းတဲ့ ဝက်ကလေးအဖြစ် ကြီးပြင်းလာပါတယ်။ Wilbur နည်းနည်းကြီးလာတော့ ဦးလေးဖြစ်သူရဲ့ ခြံကို ရောက်သွားပါတယ်။ အဲဒီခြံထဲမှာ တခြားတိရစ္ဆာန်တွေနဲ့အတူ နေရရင်း ခြံရဲ့ ထုတ်တန်းမှာနေတဲ့ Charlotte ဆိုတဲ့ ပင့်ကူမကြီးနဲ့ သူငယ်ချင်း ဖြစ်သွားပါတယ်။ ဝက်ဆိုတဲ့ အမျိုးက ဆောင်းရာသီရောက်ရင် အသားပေါ်ခံရမှာကို သိသွားတဲ့ Wilbur တစ်ယောက် အရမ်းကြောက်နေချိန်မှာ၊ ပင့်ကူမကြီး Charlotte က သူ့ကို မသေစေရဘူးဆိုပြီး ကတိပေးလိုက်ပါတယ်။ Wilbur ကို ကယ်ဖို့အတွက် Charlotte ဟာ သူ့ပင့်ကူအိမ်မှာ "Some Pig" (ထူးခြားတဲ့ ဝက်ကလေး)၊ "Terrific" (အံ့မခန်းပဲ) စတဲ့ စာသားလေးတွေကို ညဘက်မှာ ခက်ခက်ခဲခဲ ရက်လုပ်ပါတော့တယ်။ မနက်မိုးလင်းလို့ လူတွေတွေ့တဲ့အခါ Wilbur ဟာ သာမန်ဝက်မဟုတ်ဘူးဆိုပြီး ယုံကြည်သွားကြကာ သတ်မယ့်အစီအစဉ်ကို ဖျက်သိမ်းလိုက်ကြပါတယ်။ ဒီဇာတ်လမ်းက မူရင်းစာအုပ်အတိုင်းပဲ ဇာတ်ကောင်လေးတွေရဲ့ ကိုယ်ချင်းစာတရား၊ နှိမ့်ချမှု၊ ဇွဲလုံ့လရှိမှုနဲ့ သူငယ်ချင်းချင်းအပေါ် သစ္စာရှိပုံတွေကို အလေးပေး ပုံဖော်ထားပါတယ်။ ခေတ်မီ 3D ကာတွန်းရုပ်ထွက်နဲ့ ချစ်စရာကောင်းတဲ့ တိရစ္ဆာန်လေးတွေရဲ့ သရုပ်ဆောင်မှုတွေကြောင့် ကလေးငယ်လေးတွေအပါအဝင် မိသားစုလိုက် ပေါ့ပေါ့ပါးပါးနဲ့ စိတ်ချမ်းသာကိုယ်ချမ်းသာ ကြည့်ရှုဖို့ အကောင်းဆုံးအဆင့်သတ်မှတ်ချက်ရရှိထားတဲ့ မီနီစီးရီးကောင်းလေး တစ်ခုဖြစ်ပါတယ် .... Size – 660MB / 370MB Quality –WEB-DL 1080p HEVC / 720p Episodes -  3 Eps Duration -  46m Subtitle – Myanmar Hardsub Format – mkv /mp4 Genre :  Adventure , Animation , Comedy , Family , Fantasy

Wages of Sin (2025) +++++++++++ ၂၀၂၅ ခုနှစ်မှာ ထွက်ရှိထားတဲ့ Wages of Sin ဆိုတဲ့ ရုပ်ရှင်ကားက အက်ရှင်၊ ရာဇဝတ်မှုနဲ့ Thriller အမျိုးအစားကိုမှ ခပ်ကြမ်းကြမ်း၊ ခပ်ရမ်းရမ်း ကြည့်ချင်တဲ့သူတွေအတွက် အကြိုက်တွေ့စေမယ့် ကားမျိုးပါ။ ဇာတ်လမ်းက Thomas Blackwell ဆိုတဲ့ လူတစ်ယောက်အကြောင်းကို အဓိကထားရိုက်ကူးထားတာပါ။ သူက လော့စ်အိန်ဂျလိစ် မြို့ရဲ့ အမှောင်လောကထဲကို မမျှော်လင့်ဘဲ နစ်ဝင်သွားခဲ့ရပါတယ်။ အဲဒီမှာ သေစေနိုင်တဲ့ Fentanyl မူးယစ်ဆေးဝါး ဂိုဏ်းကြီးတစ်ခုရဲ့ လိုက်လံလုပ်ကြံခြင်းကို ခံရသလို၊ တစ်ဖက်မှာလည်း အဲဒီဆေးဝါးတွေဆီကနေ အကျိုးအမြတ်ယူနေတဲ့ အဂတိလိုက်စားနေတဲ့ အာဏာပိုင်တွေရဲ့ သစ္စာဖောက်မှုကိုလည်း ခံရပြန်ပါတယ်။ သူ့ရဲ့ နာမည်ပျက်ကို ဆေးကြောဖို့၊ သူ့အသက်ကို ကာကွယ်ဖို့နဲ့ အရေးကြီးဆုံးဖြစ်တဲ့ သူ့မိသားစုကို ဘေးကင်းအောင် စောင့်ရှောက်ဖို့အတွက် ဒီဒုစရိုက်လောကကြီးကို သူဘယ်လို ပြန်တိုက်ခိုက်မလဲဆိုတာ ရင်တထိတ်ထိတ်နဲ့ ကြည့်ရမှာပါ။ ဒီကားထဲမှာ "Machete" မင်းသားကြီး Danny Trejo လည်း ပါဝင်ထားတာကြောင့် အက်ရှင်ပိုင်းကတော့ ပြောစရာမလိုအောင် ခပ်ကြမ်းကြမ်းပါပဲ။ လက်ရှိကမ္ဘာမှာ တကယ်ဖြစ်ပွားနေတဲ့ Fentanyl မူးယစ်ဆေးဝါး ပြဿနာနဲ့ အကျင့်ပျက်ခြစားမှုတွေကို ဇာတ်လမ်းထဲမှာ ထည့်သွင်းပုံဖော်ထားပါတယ်။ သစ္စာတရား၊ နောင်တနဲ့ တရားမျှတမှုအတွက် ပေးဆပ်ရတဲ့ တန်ဖိုးတွေကို ဒီကားမှာ မြင်တွေ့ရမှာပါ။ ဒီကားက "Underworld" ဇာတ်လမ်းတွေ၊ ဒုစရိုက်လောက အရှုပ်အထွေးတွေနဲ့ မူးယစ်ဂိုဏ်းတွေကို နှိမ်နင်းတဲ့ အက်ရှင်ကားမျိုး ကြိုက်တတ်ရင်တော့ တော်တော်လေး အကြိုက်တွေ့မှာပါ။ File Size… (1.31GB) / (764MB) Quality… WEB-DL 1080p HEVC / 720p Format…mkv / mp4 Duration…1h 30m Genre ….Crime , Thriller Subtitle….Myanmar Subtitle (Hard Sub)

Zootopia 2 (2025) +++++++++++ IMDb Rating (7.5) / Rotten Tomatoes (91%) Zootopia 2 မှာတော့ ပရိသတ်အချစ်တော် ရဲအရာရှိ ဂျူဒီဟော့ပ် (Judy Hopps) နဲ့ နစ်ခ်ဝိုင်းလ် (Nick Wilde) တို့ဟာ ဇူးတိုးပီးယားမြို့တော်ရဲ့ သမိုင်းကြောင်းနဲ့ဆိုင်တဲ့ လျှို့ဝှက်ချက်ကြီးတစ်ခုကို ဖော်ထုတ်ရတော့မှာပါ။ ဇာတ်လမ်းအကျဉ်း +++++++++ ဂျူဒီနဲ့ နစ်ခ်တို့က မြို့တော်ရဲ့ နာမည်ကြီး "ရာသီဥတုထိန်းနံရံတွေ" (Weather Walls) ကို တီထွင်ခဲ့သူတွေအဖြစ် လူသိများတဲ့ လင့်ခ်စလေ (Lynxley) မိသားစုရဲ့ လျှို့ဝှက်ချက်တစ်ခုကို သိလိုက်ရပါတယ်။ ဒီလျှို့ဝှက်ချက်ဟာ ဇူတိုးပီးရားရဲ့ အပယ်ခံ တွားသွားသတ္တဝါတွေနဲ့ ပတ်သတ်နေတာပါ။ ဒီသမိုင်းမှန်ကို ဖုံးကွယ်ချင်နေတဲ့ လင့်ခ်စလေမိသားစုက လုပ်ကြံလိုက်လို့ ဂျူဒီနဲ့ နစ်ခ်တို့ခမျာ ရဲမှူးဘိုဂိုကို လုပ်ကြံတယ်ဆိုပြီး စွပ်စွဲခံရကာ ဝရမ်းပြေးတွေအဖြစ် ထွက်ပြေးတိမ်းရှောင်နေရပါတော့မယ်။ သူတို့ အပြစ်ကင်းကြောင်း သက်သေပြဖို့နဲ့ တွားသွားသတ္တဝါတွေရဲ့ သိက္ခာကို ပြန်ဆယ်ဖို့အတွက် ဂျူဒီနဲ့ နစ်ခ်တို့ဟာ သူငယ်ချင်းသစ်တွေဖြစ်တဲ့ ဂယ်ရီ (Gary) လို့ခေါ်တဲ့ မြွေတစ်ကောင်ရယ်၊ နစ်ဘယ်လ် (Nibbles) လို့ခေါ်တဲ့ ဘီဗာတစ်ကောင်ရယ်နဲ့ ပူးပေါင်းလိုက်ပြီး ရေခဲမြို့တော် (Tundratown) အောက်မှာ နှစ်ပေါင်းများစွာ မြှုပ်နှံခံထားရတဲ့ တွားသွားသတ္တဝါ ရပ်ကွက်ဟောင်းဆီကို စွန့်စားသွားရောက်ပြီး အထောက်အထားကို ရှာဖွေကြရမှာ ဖြစ်ပါတယ်။ ဇူတိုးပီးရားထုံးစံအတိုင်း မတူတဲ့သူတွေရဲ့ ညီညွှတ်ရေးတွေ၊ သူငယ်ချင်းစိတ်ဓာတ်တွေကို ဟာသတွေနဲ့ရောနှောပြီး ကြည့်ရမှာပါ။ အသံသရုပ်ဆောင်တွေကတော့ Ginnifer Goodwin - Judy Hopps (ဂျူဒီဟော့ပ်) အဖြစ် Jason Bateman - Nick Wilde (နစ်ခ်ဝိုင်းလ်) အဖြစ် Ke Huy Quan - Gary (ဂယ်ရီ) - (ဇာတ်ကောင်သစ် မြွေ) အဖြစ် Fortune Feimster - Nibbles (နစ်ဘယ်လ်) - (ဇာတ်ကောင်သစ် ဘီဗာ) အဖြစ် Idris Elba - Chief Bogo (ရဲမှူးဘိုဂို) အဖြစ် Nate Torrence - Clawhauser (ကလောဟောင်ဆာ) အဖြစ် Maurice LaMarche - Mr. Big (မစ္စတာဘစ်) အဖြစ် Raymond S. Persi - Flash (ဖလက်ရှ်) အဖြစ် ပါဝင်ထားကြတာပဲ ဖြစ်ပါတယ်။ File size… 5 GB/1.79GB / 1.08GB Quality…WEB-DL, 4K /1080p HEVC / 720p Format… mp4 Duration…. 1h 47m Genre ..... Animation , Fantasy , Adventure

The Wrecker (2025) +++++++++ "မိသားစုကို ထိရင်မီးပွင့်သွားမယ့်ရေတပ်သားဟောင်းတစ်ဦးရဲ့လက်တုံ့ပြန်မှု" Action, Crime, Thriller ကားကောင်း ကြိုက်သူတွေအတွက် ၈၀/၉၀ ခုနှစ်တွေကအက်ရှင်ကားတွေရဲ့ အရသာကိုပြန်လည်ပေးစွမ်းမယ့် The_Wrecker_2025 ကားလေးပဲဖြစ်ပြီး ဒီကားမှာ နာမည်ကြီး Fast and Furioys သရုပ်ဆောင်ဖြစ်တဲ့မင်းသား Tyrese Gibson ၊ဝါရင့်သရုပ်ဆောင်ကြီး Harvey Keitel ၊ Danny Trejo နဲ့ Mena Suvari တို့လိုနာမည်ကြီးတွေအားဖြည့်ထားပါတယ်။ ဇာတ်လမ်းအကျဥ်း Tony ဆိုတာ တစ်ချိန်က မာရင်းတပ်သားဟောင်း တစ်ယောက်ပါ။ အခုချိန်မှာတော့ အတိတ်က စစ်ပွဲတွေကို မေ့ထားပြီး ကားဟောင်းဖျက်သိမ်းရေးစက်ရုံ မှာ အလုပ်လုပ်ရင်း သမီးနှစ်ယောက်နဲ့ အေးဆေးနေနေသူအဖြစ်ဘဝကိုဖြတ်သန်းနေပါတယ်။ ဒါပေမယ့် ဒီအေးချမ်းမှုက ကြာကြာမခံဘဲသူ့ညီဖြစ်သူ Bobby က မြို့ခံမာဖီးယားခေါင်းဆောင် Dante နဲ့ ပြဿနာတက်ပြီး အရှုပ်ထုတ်ကို အိမ်သယ်လာတဲ့အခါမှာတော့ Tony တို့ မိသားစုပါမီးဟပ်ခံရပါတော့တယ်။ ဂိုဏ်းစတားတွေကTony ရဲ့သမီးတွေကိုပါရန်ရှာခြိမ်းခြောက်လာတဲ့အခါမှာတော့Tonyတစ်ယောက်ပေါက်ကွဲပါတော့တယ်။ ရဲတွေကလည်း အားကိုးမရ၊ ဥပဒေကလည်း အကာအကွယ်မပေးနိုင်တဲ့အခါ Tony က သူ့နည်းသူ့ဟန်နဲ့ ဖြေရှင်းဖို့ ဆုံးဖြတ်လိုက်ပါတယ်။ သူ့ရဲ့ စစ်ရေးစွမ်းရည်တွေနဲ့ ကားစက်ရုံက ပစ္စည်းတွေကို လက်နက်အဖြစ်ပြောင်းပြီး ရက်စက်တဲ့ ဂိုဏ်းစတားတွေကိုဘယ်လိုဆုံးမလဲဆိုတာကိုတော့ ဆက်လက်ကြည့်ရှုလိုက်ကြပါဗျာ။ File Size… (1.14GB) / (776MB) Quality… WEB-DL 1080p HEVC /720p Format…mkv / mp4 Duration…1h 35m Genre … Action , Thriller Subtitle….Myanmar Subtitle (Hard Sub)

Holy Cash (2025) မက္ကဆီကန်-အမေရိကန်လူရွှင်တော်ကြီး ပေါလ်ရိုဒရီဂတ်ဇ်ရဲ့ ဟာသရုပ်ရှင်ကို တင်ဆက်ပေးလိုက်ပါတယ်။ ထောင်ထဲကို ဝင်လိုက်ထွက်လိုက်လုပ်နေခဲ့တဲ့ လူလိမ် ပါဘလို။ ထောင်ထဲကို ကိုယ်လုံးတီးဝင်ခဲ့တဲ့အတွက် ပြန်ထွက်ချိန်မှာ ထောင်ကအစောင့်တွေ စနောက်ပြီးပေးလိုက်တဲ့ သင်းအုပ်ဆရာဝတ်စုံနဲ့ ထွက်ချလာခဲ့ပါတယ်။ ဒီမှာပဲ ဘာသာရေးနဲ့လုပ်စားတာက ငွေရလွယ်တာကို ပါဘလိုတစ်ယောက်သိသွားပြီး ဘာသာရေးကိုခုတုံးလုပ် လိမ်စားဖို့ ကြံပါတော့တယ်။ နိုင်ငံအဆင့်ထိ တီဗီရှိုးကနေတဆင့်လိမ်စားဖို့ အချီကြီးကြံခဲ့တဲ့ ပါဘလိုတစ်ယောက် ဘယ်လိုအလွဲအချော်တွေနဲ့ ကြုံရမလဲဆိုတာ ခံစားကြည့်ရှုကြပါဦး။ File size… (1.6 GB) / (740 MB) Quality…. WEB-Rip 1080p HEVC / 720p Format…. mkv/mp4 Genre…. Comedy Duration…. 01:35:00 Subtitle…. Myanmar Subtitle (Hardsub)

Tim Travers & the Time Travelers Paradox (2025) မိတ်ဆွေတို့ နယ်ပယ်တစ်ခုကို စည်းတွေဘောင်တွေမထားပဲ အဆုံးစွန်ထိစိတ်ကူးယဉ်ပြီးစဉ်းစားမိကြဖူးလား။ စိတ်ကူးဆိူတာ ပိုက်ဆံပေးရတာမှမဟုတ်တာ စဉ်းစားမိကြဖူးမှာပဲ။ ဒီလို စဉ်းစားပြီးစိတ်ကူးကြည့်တဲ့အခါ ကိုယ့်ကိုကိုယ် ပြန်မြင်လာမိပါမယ်။ ကိုယ့်ရဲ့စိတ်အခြေအနေရဲ့ ကောင်းတဲ့အခြမ်းကော မကောင်းတဲ့အခြမ်းကောပေ့ါ။ ဒီလိုမျိုးစိတ်ကူးပြီးရိုက်ကူးထားတဲ့ အကြမ်းစားအချိန်ခရီးသွားတဲ့ဇာတ်ကားလေးတင်ဆက်ပေးချင်ပါတယ်။ ၂၀၂၄ ကထွက်ရှိထားတဲ့ဇာတ်ကားလေးဖြစ်ပြီး IMDB 6.1 ရရှိထားတယ်ဆိုတော့ မဆိူးဘူးလို့ပြောရမှာပဲ။ ဇာတ်လမ်းအကျဉ်းလေးကတော့ … တင်ထရာဗာဆိုတဲ့ သိပ္ပံရူးတစ်ယောက်ပေါ့ မထင်မှတ်ပဲ အချိန်ခရီးသွားစက်ကိုတီထွင်ခဲ့မိပါတယ်။ ဒါပေမဲ့ အချိန်ခရီးသွားလို့ရတာက အတိတ်ရဲ့ တစ်မိနစ်အတိကိုပါပဲ။ ဒါနဲ့ သူအချိန်ခရီးသွားတော့ သူ့ရဲ့အတိတ်က တစ်မိနစ်ကလူနဲ့သွားတွေ့ပြီးကြောက်လန့်တကြားနဲ့ ပစ်သတ်လိုက်မိပါတယ်။ ဒါပေမဲ့ Back to the Future တုန်းကလိုကို့ရဲ့အတိတ်ကသေသွားရင် အနာဂါတ်ကလူဆိုတာ မရှိသင့်ဘူးလေ။ အဲ့လိုမဟုတ်ပါဘူးအတိတ်ကလူသေပေမဲ့ အနာဂါတ်ကလူက ရှင်နေပါသေးတယ်။ ဒါကိုပဲ သူကဝိရောဓိလို့သတ်မှတ်ပြီး ဒီဝိရောဓိဆိုတာကို အဖြေရှာဖို့လုပ်ရာကနေတစ်ယောက်တည်းနဲ့မရဘူးဆိုပြီး အချိန်ခရီးသွားကာ အတိတ်ကသူတွေနဲ့‌ပေ့ါင်းပြီးဖြေရှင်းကြပါတော့တယ်။ ဒီလိုနဲ့ သွားမစမ်းသင့်တဲ့ အနန္တဖြစ်စဉ်တွေကိုသွားကလိမိရင်းကနေ ဘယ်လိုတွေဖြစ်လာမယ်ဆိုတာကိုတော့ဆက်လက်ကြည့်ရှုလိုက်ကြပါဦး … (ဇာတ်လမ်းအညွှန်းကိုတော့ K.Hein မှရေးသားပေးတာဖြစ်ပါတယ်) File size… 1 GB / 500 MB Quality…WEB DL 1080p HEVC/ 720p Format…mkv/ mp4 Duration….1h 35m Subtitle….Myanmar Subtitle (Hard Sub) Encoder….YK Translated by K Hein

American Warrior (2024) ဒီရုပ်ရှင်ကတော့ Action, Drama နဲ့ Sport (အားကစား) အမျိုးအစားတွေကို ပေါင်းစပ်ရိုက်ကူးထားတဲ့ ဇာတ်ကားဖြစ်ပါတယ်။ (IMDb မှာ Rating 8.5) အထိ ရရှိထားတဲ့ ကားကောင်းတစ်ကားလို့ ပြောလို့ရပါတယ်။ ဇာတ်လမ်းအကျဉ်း ဇာတ်လမ်းကတော့ အတိတ်မှာ ပြဿနာတွေ၊ အရှုပ်အရှင်းတွေနဲ့ ရုန်းကန်ခဲ့ရတဲ့ လူတစ်ယောက် အကြောင်းကို အဓိကထား ရိုက်ကူးထားတာပါ။ သူဟာ တစ်ရက်မှာ သူရဲကောင်းဆန်တဲ့ လုပ်ရပ်တစ်ခု (Heroic act) ကို လုပ်ဆောင်မိပြီးတဲ့နောက်မှာတော့၊ သူ့ရဲ့ ဘဝကို ဒီအတိုင်း ဆက်မသွားတော့ဘဲ အသစ်ကနေ ပြန်လည်ပြောင်းလဲဖို့ ဆုံးဖြတ်လိုက်ပါတယ်။ အဲဒီလို ဘဝကို ပြောင်းလဲဖို့အတွက် သူ ရွေးချယ်လိုက်တဲ့ လမ်းကြောင်းကတော့ Mixed Martial Arts (MMA) လို့ခေါ်တဲ့ ကိုယ်ခံပညာပေါင်းစုံ တိုက်ခိုက်ရေး ပြိုင်ပွဲတစ်ခုမှာ ဝင်ရောက်ယှဉ်ပြိုင်ဖို့ ဖြစ်ပါတယ်။ ဒီပြိုင်ပွဲအတွက် သူ ဘယ်လိုတွေ ပြင်းပြင်းထန်ထန် လေ့ကျင့်ပြင်ဆင်မလဲ၊ သူ့ရဲ့ အတိတ်က အရိပ်မည်းတွေကို အားကစားနဲ့ ဘယ်လို ကျော်ဖြတ်မလဲ ဆိုတာကို ကြည့်ရှုရမှာပါ။ File size… (1.4 GB) / (740 MB) Quality…. WEB-DL 1080p HEVC / 720p Format…. mkv/mp4 Genre…. Action, Drama, Sport Duration…. 01:33:00 Subtitle…. Myanmar Subtitle (Hardsub)

ဒီကားတွန်းကားထဲမှာတော့ Pedroဆိုတဲ့ကြောင်လေးနဲ့ Gracieဆိုတဲ့ခွေးမလေးတို့သူငယ်ချင်းနှစ်ယောက်အကြောင်းနဲ့ သူတို့ရဲ့စွန့်စားခန်းထွက်ပုံကိုရိုက်ပြထားတာပါ ခွေးနဲ့ကြောင်သဘာဝအတိုင်း ဘယ်တော့မှမတည့်တဲ့အတွဲပေါ့။ တရက်ကျ သူတို့ကိုမွေးစားထားတဲ့မိသားစုကခရီးထွက်တော့ လေဆိပ်မှာ သူတို့ပါတဲ့Carrierကြီးက နှစ်ကောင်ပေါင်းသောင်းကျန်းလို့ ကျနိခဲ့ပါတော့တယ်။ သူတို့မတည့်အတူနေ နှစ်ယောက် သူတို့ချစ်ရတဲ့သခင်တွေဆီ ဘယ်လိုတွေကျော်ဖြတ်ပြီးသွားရမလဲ ဘယ်သူတွေလှည့်စားတာခံရမလဲ သူတို့ရောတည့်သွားကြမှာလားဆိုတာကို ဟာသလေးနှောပြီးကြည့်ရမှာဖြစ်ပါတယ်‌။ ကလေးတွေနဲ့ မိသားစုတွေတူတူကြည့်လို့ကောင်းတဲ့ဇာတ်ကားလေးပဲဖြစ်ပါတယ်ဗျာ File size…(1.4 GB)/(831 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Animation, Adventure, Comedy, Family  Subtitle….Myanmar Subtitle (Hardsub)

ဒီတစ်ခါမှာတော့ စပိန် Supernatural နဲ့ Horror အရောကား‌‌တစ်ကား တင်ဆက်ပေးလိုက်ပါတယ်။ ဒီကားထဲမှာ အစိုးရက နယ်စပ်ခိုးဖြတ်တဲ့လမ်းကို ပိတ်လိုက်ပြီးနောက် ဂိုဏ်းရာဇာတစ်ယောက်ဟာ မက္ကဆီကိုနဲ့ အမေရိကန်နယ်စပ်ကို ခိုးဝင်ဖို့ ကာမယ်လာတို့ရဲ့ လယ်မြေကို သိမ်းချင်နေပါတယ်။ ကာမယ်လာရဲ့လယ်မြေအောက်မှာ ခိုးကူးလို့ရတဲ့ လျှို့ဝှက်တူးမြောင်းတွေရှိလို့ပါ။ ဒ ါကို ကာကွယ်ရင်းနဲ့ ကာမယ်လာရဲ့ ယောက်ျား မက်တဲရိုလည်း အသက်ပေးလိုက်ရပါတယ်။ ဒီလိုနဲ့ ကာမယ်လာဟာ ဂိုဏ်းရာဇာရဲ့ ယုတ်မာမှုကြောင့် ထောင်ကျနေရတဲ့ ဘရာဗို ထောင်ကလွတ်လာတဲ့အခါ ဂိုဏ်းရာဇာကို ရင်ဆိုင်ပေးဖို့ အကူအညီတောင်းခဲ့ပါတယ်။ ဒါပေမယ့် ဘရာဗိုလည်း လုပ်ကြံခံလိုက်ရပါတယ်။ ကံကောင်းတာက ဘရာဗိုကို စုန်းမတစ်ယောက်က ကယ်ထားပြီး လူသေတွေကို အသက်ပြန်သွင်းနိုင်တဲ့နည်း သင်ပေးလိုက်ပါတယ်။ ဒီလိုနဲ့ ဘရာဗိုဟာ သေသွားပြီးသား လူမိုက်ဟောင်းတွေကို လိုက်နှိုးပြီး ဂိုဏ်းရာဇာကို လက်တုံ့ပြန်ဖို့ ပြန်ရောက်လာပါတော့တယ်။ File size…(1.3 GB)/(801 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Horror, Action, Fantasy, Thriller  Subtitle….Myanmar Subtitle (Hardsub) Encoder….Swan Min Htet Translated by Winter May

အနာဂတ်ကာလတစ်ခုမှာ လူတွေနဲ့ စက်ရုပ်တွေ ယှဉ်တွဲနေထိုင် လာကြရင်း AIနဲ့ စက်ရုပ်တွေရဲ့ သဘာဝအတိုင်း လူသားတွေကို သတ်ဖြတ်မယ့် စက်တွေအဖြစ်ကို ပြောင်းလဲသွားတာကြောင့် လူသားတွေနဲ့ စက်ရုပ်တွေ စစ်မက်ဖြစ်လာခဲ့ပြီး ကမ္ဘာပျက်ကပ်ကြီး စဖြစ်လာခဲ့ပါတယ်။ ဒီစစ်ပွဲမှာ လူသားတွေ အရေးနိမ့်သွားခဲ့ပြီး စက်ရုပ်တွေရဲ့ လိုက်လံ သတ်ဖြတ်ခြင်းကို ခံရတာကြောင့် အဖွဲ့လိုက် ပုန်းခိုနေရတဲ့ဘဝကို ရောက်သွားကြပါတယ်။ ဒီထဲက တဲရာဆိုတဲ့ မိန်းကလေးတစ်‌ဦးက စိတ်မဖောက်သွားတဲ့ စက်ရုပ်တစ်ရုပ်နဲ့အတူ လူသားတွေရော၊စက်ရုပ်တွေပါ သေကြေပျက်စီးစေမယ့် အဏုမြူဗုံး ပေါက်ကွဲမှုကို တားဆီးဖို့ ကြိုးပမ်းရပါတော့တယ်.... File size…1.46GB / 743MB Quality…WEB-Rip   1080p  / 720p Format…mp4 Duration….1h 17m Genre ….. Action , Adventure Subtitle….Myanmar Subtitle (Hard Sub) Encoder….Min Wai Translated by JimX

The Night They Came Home (2024) အခုတစ်ခါမှာတော့ အမေရိကရဲ့ OG ဇာတ်လမ်းလေးတစ်ပုဒ်ရောက်ရှိလို့လာပါပြီ။ ဒီ "The Night They Came Home" ဆိုတဲ့ ဇာတ်လမ်းကို ၁၉ ရာစုအချိန် ဒေသခံအမေရိကန်တွေဖြစ်တဲ့ ရက်ဒ်အင်းဒီးယန်းတွေရယ် ယနေ့ခေတ်အမေရိကန်တွေဖြစ်ကြတဲ့ လူဖြူတိုင်းရင်းသားတို့ရယ် မြေပုံပေါ် နယ်နိမိတ်ချင်းလုနေကြတဲ့အချိန်ဖြစ်ခဲ့တဲ့ ဖြစ်ရပ်မှန်ဇာတ်လမ်းတစ်ပုဒ်အပေါ် အခြေခံပြီးရိုက်ကူးထားတာဖြစ်ပါတယ်။ အားလုံးလည်း သိကြမယ့် မင်းသားကြီး Danny Trejo ပါဝင်ထားပါတယ်။ ~ ဇာတ်လမ်းအကျဉ်း ~ ရူးဖတ်စ်ဘတ်ခ်ဆိုတဲ့ အင်းဒီးယန်းကပြားလေးတစ်ယောက်ဟာ ငယ်စဉ်အရွယ် မိဘတွေမတရားသတ်ဖြတ်ခံလိုက်ရကတည်းက လူဖြူတွေကိုမကျေနိုင်ဖြစ်နေခဲ့တာပါ။ အဲဒီအချိန်အခါက အင်္ဂလိပ်တွေက ကိုလိုနီချဲ့ထွင်ပြီးတဲ့အချိန်ဖြစ်တဲ့အတွက် အမေရိကတိုက်မှာပါ ခရစ်ယာန်သာသနာစာသင်ကျောင်းတွေရှိလာခဲ့ပါတယ်။ ငယ်စဉ်အရွယ်ဘဝဇာတ်ကြောင်း ခါးသီးလွန်းလှတာကတစ်ကြောင်း၊ အင်းဒီးယန်းခရစ်ယာန်စာသင်‌ကျောင်းတွေရဲ့ ကွဲပြားခြားနားလှတဲ့ပို့ချမှုတွေကတစ်ကြောင်း နှစ်ခုပေါင်းသွားတဲ့အခါမှာ ရူးဖတ်စ်ဟာ လူမျိုးရေးအစွန်းရောက်သွားပြီး သူမကျေမလည်ဖြစ်နေခဲ့တဲ့ လူဖြူတွေကိုသတ်ဖို့ကြံရွယ်လာတဲ့အထိဖြစ်သွားခဲ့ပါတယ်။ ဒါပေမဲ့ ရူးဖတ်စ်တစ်ယောက်အရွယ်ရောက်တဲ့အချိန် သူ့ရဲ့လူမျိုး အင်းဒီးယန်းတစ်ယောက်ကြိုးပေးခံလိုက်ရတာကို မျက်မြင်ကိုယ်တွေ့ဖြစ်သွားခဲ့တဲ့အချိန်မှာမှ တကယ်စိတ်ရိုင်းဝင်သွားပြီး လူဖြူဆိုရင်ကို သတ်ရ ဖြတ်ရ ညှင်းပန်းနှိပ်စက်ရမှ ကျေနပ်နိုင်တဲ့အထိဖြစ်သွားပါတယ်။ ဒီလိုလမ်းလွဲသွားတဲ့ ရူးဖတ်စ်ဟာ သူ့နဲ့ရွယ်တူ လူငယ်ပိုင်းတွေကိုစုပြီး အင်းဒီးယန်းဒေသတစ်ဝိုက် တွေ့သမျှ လူဖြူမှန်သမျှကို သတ်ဖို့ဖြတ်ဖို့ မုဒိန်းကျင့်ဖို့ဖြစ်လာပါတော့တယ်။ ရူးဖတ်စ်နဲ့ သူ့ရဲ့အပေါင်းအပါတွေ အင်းဒီးယန်းနယ်စပ်တစ်လျှောက် ဘယ်လိုဂြိုဟ်ဆိုးတွေမွှေခဲ့ကြသလဲ၊ နောက်ဆုံးမှာ ဘယ်လိုအဆုံးသတ်မျိုးနဲ့ ရင်ဆိုင်ခဲ့ရလဲဆိုတာကို ဒီဇာတ်လမ်းထဲမှာ သုတရသမျိုးစုံနဲ့ တွေ့မြင်ကြည့်ရှူရမှာပဲဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size - 2.1GB, 865MB Quality - 1080p, 720p Format - mp4 Duration - 1H 45Min Genre - Western Subtitle - Myanmar Subtitle (Hardsub) Translated by Mark Encoded by Y

ပျောက်ဆုံးနေတဲ့ ပိုက်ဆံအိတ်ကြီးတစ်ခုအတွက် ပြန်ပြီး ရှာဖွေဖို့ စစ်သားဟောင်းတွေကို ငှားရမ်းထားပေမဲ့ ဒေသခံ မုဆိုးတစ်ယောက်က သူတို့အရင် ငွေထုပ်ကို တွေ့သွားတဲ့အခါ ….. ဒီဇာတ်ကားထဲမှာ အဲဒီငွေထုပ်နောက်ကို ဘယ်လို လိုက်မလဲ .. မုဆိုးတစ်ယောက်ကို သားကောင်အဖြစ်ထားပြီး လိုက်ဖမ်းရတဲ့အခါ အဲဒီ စစ်တပ်ထွက် အဖွဲ့တစ်ဖွဲ့ဟာ ဘာတွေ ကြုံကြိုက်ရမလဲဆိုတာကို စိတ်လှုပ်ရှားစွာနဲ့ ကြည့်ရှုရမှာ ဖြစ်ပြီး Action, Thriller ဇာတ်ကားတွေကိုပဲ ကြည့်တတ်တဲ့သူတွေအတွက် ကြည့်ရှုရမယ့် ဇာတ်ကားလေးတစ်ကား ဖြစ်ပါတယ်... File size…1.58GB / 754MB Quality…WEB-DL  1080p 5.1CH / 720p Format…mp4 Duration….1h 34m Genre ….. Action , Thriller Subtitle….Myanmar Subtitle (Hard Sub) Encoder….Min Wai Translated by BZW

Miami Bici 2 2023 အညွှန်း ရိုမန်းနီးယန်း Dumb and Dumber လို့ဆိုရမဲ့နှစ်ယောက်တို့ရဲ့ ဒုတိယကားလေး လာပါပြီ။ ပထမကားတုန်းကတော့ Bila တစ်ယောက် ကောင်မလေးရသွားပြီး ဒုတိယကားမှာ ထားခဲ့ခံလိုက်ရပါတယ်။ အဆွေးသမားလေးဘီလာအနေနဲ့ အသားကင်ဆိုင်ဖွင့်စားနေချိန်မှာ သူတို့ဆိုင်ကို မုန့်လာစားတဲ့သူနှစ်ယောက်ဆီက LA ကိုလာဖို့ ဖိတ်ခေါ်ခံလိုက်ရပါတယ်။ နှလုံးအထူးကုဖြစ်အောင် လုပ်ပေးမယ်ဆိုပြီးခေါ်ခံလိုက်ရတော့ ပျော်နေချိန်မှာ သူ့ဘော်ဒါ Piciu က တစ်နေရာက ထွက်ပြေးလာချိန်နဲ့ ကြုံကြိုက်တော့ LA ကို နှစ်ယောက်သား လစ်လာကြတော့တယ်။ LA စထွက်ခါစမှာပဲ Bila ရဲ့ကားလေး ခိုးခံလိုက်‌ရတော့ နှစ်ယောက်သား ဘယ်လိုတွေ ခရီးဆက်မလဲ။ သူတို့ကိုခေါ်တဲ့သူတွေကရော လူကောင်းတွေဖြစ်မလား။ ဘယ်လိုအလန်းဇယားလေးတွေ ပါလာမလဲဆိုတာ ကြည့်ရှုကြပါဦးနော် အညွှန်း နဲ့ ဘာသာပြန်ကတော့ Kaung Set ပဲ ဖြစ်ပါတယ်။ Genre..... Comedy Quality…. 1080p | 720p File size… 1.9GB | 1.1GB Format… mp4 Duration…. 1h 42min Subtitle…. Myanmar Subtitle (Hardsub) Translator ..... Kaung Set Encoder ..... Aaron

ဘာတန်ဆိုတာက အင်္ဂလန်စစ်တပ် SAS တပ်သားဟောင်း ဖြစ်ပြီး ဘော့စနီးယားက နောက်ဆုံးစစ်ဆင်ရေးမှာ အဆင်မပြေ ဖြစ်ခဲ့လို့ လန်ဒန်မှာ ခြေသလုံးအိမ်တိုင်အဖြစ် လှည့်လည်သွားလာပြီး နေထိုင်နေတဲ့လူ။ အဲဒီမှာ ဖခင်ဖြစ်သူနဲ့ တာဝန်အတူတူထမ်းဆောင် ဖူးတဲ့ အထက်အရာရှိဟောင်းကြီးက တွေ့ပြီး နေစရာ စားစရာပေး ပြန်လည်ပျိးထောင်ခဲ့တာပေါ့။ ဒီလိုနဲ့တစ်ရက်ကျ ဒီ အထက်အရာရှိ ဟောင်းကြီး အသတ်ခံလိုက်ရပါတယ်။ သာမန်လုယက်မှုတို့ ဘာတို့နဲ့ မတော်မဆ အသတ်ခံရတာမဟုတ်ပဲ လန်ဒန်မြို့ရဲ့ နိုင်ငံတကာရာဇဝတ် ဂိုဏ်းကြီးနဲ့ ပတ်သက်တာဖြစ်နေတော့ ဘာတန်တစ်ယောက် အသက်ကြီးပေမဲ့ မပျက်စီးသေးတဲ့ SAS အရာရှိဟောင်း ၃ ယောက်နဲ့ လက်တွဲပြီး လက်စားချေဖို့အတွက် တစ်ဂိုဏ်းလုံးနဲ့ လူ ၄ ယောက် ရင်ဆိုင်ကြဖို့ ဖြစ်လာပါတော့တယ်…။ File size…1.99GB / 894MB Quality…Blu-Ray 1080p 5.1CH / 720p Format…mp4 Duration….1h 31m Genre ….. Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Eainmat

အနောက်တိုင်းကောင်းဘွိုင်ကားတွေကိုကြိုက်တဲ့သူတွေအတွက် ၂၀၂၂ တုန်းကထွက်ရှိခဲ့တဲ့ A Tale Of Two Guns ဆိုတဲ့ ဇာတ်ကားကိုတင်ဆက်ပေးလိုက်ပါတယ်။ကောင်းဘွိုင်ကားတွေ ထုံးစံအတိုင်း ဘိုင်ဝမ်းသေနတ်ယှဉ်ပစ်တာတွေနဲ့ သေနတ်ပစ် စကေးတွေကိုတစ်၀ကြီးကြည့်ရှုရမှာဖြစ်ပြီး ဇာတ်ညွှန်းကလည်း မဆိုးတဲ့အတွက်ကြည့်လို့ကောင်းတဲ့ ဇာတ်ကားတစ်ကားလို့ပြောလို့ရပါတယ်။ ဇာတ်ကားအစမှာတော့ ကောင်းဘွိုင်များလို့ခေါ်တဲ့ လူဆိုးအဖွဲ့နဲ့ အရာရှိကြီးမက်တိတို့ တိုက်ခိုက်နေတာကိုတွေ့ရမှာဖြစ်ပြီး နှစ်ဖက်လုံး အထိနာခဲ့ကြပြီး လူဆိုးအဖွဲ့ထဲက အေဘယ်ဆိုတဲ့တစ်ယောက်က လွတ်သွားပါတော့တယ်။အရာရှိကြီးလည်း သူ့ရဲ့ ညာလက်ရုံးကို ဆုံးရှုံးလိုက်ရပြီး ဒဏ်ရာအပြင်းအထန်ရရှိခဲ့ပါတော့တယ်။အဲ့ဒါကြောင့် ညာလက်ရုံးအသစ် လိုအပ်နေတဲ့အရာရှိကြီးဆီကို ဟိုလင်ဂျာဆိုတဲ့ လူတစ်ယောက်ရောက်ရှိလာပါတော့တယ်။  သူကလည်း ရာဇဝတ်သားတွေကို နှိမ်နင်းရာမှာအရမ်းနာမည်ကြီးတဲ့ အရာရှိ တစ်ယောက်ဖြစ်ပါတယ်။ဟိုလင်ဂျာရဲ့ အရည်အချင်းအစစ်အမှန် တွေကို အရာရှိကြီးတွေ့ပြီးနောက်မှာတော့ လွတ်မြောက်သွားတဲ့ အေဘယ်ဆိုတဲ့ ၀ရမ်းပြေးကိုလိုက်လံဖမ်းဆီးဖို့ယုံယုံကြည်ကြည် တာဝန်ပေးလိုက်ပါတော့တယ်။ဒီလိုနဲ့ ဟိုလင်ဂျာတစ်ယောက် အေဘယ်ကိုဘယ်လိုလိုက်ဖမ်းမလဲ လမ်းမှာရောဘယ်လို အခက်အခဲ တွေနဲ့ကြုံတွေ့ရမလဲ နောက်ဆုံးမှာရောဘယ်လိုအဆုံးသတ်သွားမလဲ ဆိုတာကိုစိတ်ဝင်စားစရာကောင်းစွာကြည့်ရှုရမဲ့ဇာတ်ကားလေးပဲ ဖြစ်ပါတယ်။ File size…1.59GB / 769MB Quality…Blu-Ray 1080p 5.1 CH/ 720p Format…mp4 Duration….1h 31m Genre ….. Western Subtitle….Myanmar Subtitle (Hard Sub) Encoder….Min Wai Translated by Saw Lay

လာရိုရို့နာဟာ မက္ကဆီကိုမှာ လူသိများတဲ့ သရဲပုံပြင်တစ်ပုဒ်ပါ။ နောက်ခံဇာတ်ကြောင်း အမျိုးမျိုးရှိပေမယ့် အကြမ်းဖျဉ်းကတော့ တူကြတယ်။ လာရိုရို့နာဆိုတဲ့ အမည်က “ငိုကြွေးနေတဲ့မိန်းမ” လို့ အဓိပ္ပာယ်ရပြီး ကိုယ့်ကလေး သေဆုံးသွားလို့ ငိုကြွေးရင်း တခြားကလေးတွေကို အစားထိုးဖို့ လိုက်ဖမ်းတတ်တဲ့ သရဲအကြောင်းပါ။ ဒီဇာတ်ကားမှာတော့ အမေရိကန်လင်မယားနှစ်ယောက်နဲ့ သူတို့ရဲ့သားလေးဟာ မက္ကဆီကိုက တည်းခိုခန်းတစ်ခုကို လာတည်းကြပါတယ်။ အဲဒီနေရာက လာရိုရို့နာနဲ့ ပတ်သက်နေမှန်း သူတို့ မသိခဲ့ကြဘူး။ ဒီလိုနဲ့ မိသားစုသုံးယောက် တည်းခိုခန်းမှာ ကြောက်စရာအဖြစ်တွေကို ရင်ဆိုင်ရပါတော့တယ်။

ချာလီက ကားရောင်းဝယ်ရေးစင်တာတစ်ခုရဲ့ ဥက္ကဋ္ဌဖြစ်ပြီး သာမန်ဘဝကိုပဲ ဖြတ်သန်းနေသူပါ။ ကမ္ဘာမြေပျက်စီးသွားနိုင်လောက်တဲ့ ဖြစ်ရပ်တစ်ခု ပေါ်ပေါက်လာချိန်မှာတော့ သူ့ကို မွေးစားထားတဲ့မိသားစုက လာခေါ်ပါတယ်။ အဲဒီအခါမှ သူ့ဘဝတစ်လျှောက်လုံး ဖုံးကွယ်ထားခဲ့တဲ့ မိသားစုရဲ့လျှို့ဝှက်ချက်ကို သိလိုက်ရတယ်။ သူတို့ဟာ ကမ္ဘာပေါ်က လူသားမျိုးနွယ်ကို ကာကွယ်ပေးနေတဲ့အဖွဲ့ ဖြစ်နေကြတာပါ။ ဒီလိုနဲ့ သာမန်ဘဝမှာ နေသားကျနေတဲ့ ချာလီတစ်ယောက် မွေးစားမိသားစုနဲ့အတူ ကမ္ဘာကြီးကို ကယ်တင်ဖို့ ပါဝင်လာရပါတယ်။ သူတို့ ဒီအန္တရာယ်ကို ဘယ်လိုရင်ဆိုင်ကြမလဲဆိုတာ အက်ရှင်ခန်းတွေနဲ့ ဆက်ပြထားပါတယ်။

ကြေးစားစစ်သားတစ်စုဟာ တာလီဘန်တွေဆီက ဒုံးကျည်တွေကို ဓားပြတိုက်ယူလာကြပါတယ်။ အဖွဲ့ဝင်တချို့ ရဟတ်ယာဉ်သွားယူနေချိန်မှာ တာဂါနဲ့ ရိဇ်တို့နှစ်ယောက်က ပစ္စည်းတချို့နဲ့အတူ ဂူတစ်ဂူထဲ ဝင်ပုန်းနေကြတယ်။ တစ်ချိန်တည်းမှာပဲ တာလီဘန်တွေရဲ့ ခြုံခိုတိုက်ခိုက်မှုကို ခံလိုက်ရတဲ့ အမေရိကန်စစ်သားတစ်ဖွဲ့လည်း အဲဒီဂူထဲကို ဝင်လာကြပါတယ်။ တာလီဘန်တွေက လက်နက်ကြီးနဲ့ ပစ်ခတ်လိုက်တော့ ဂူဝင်ပေါက် ပြိုကျသွားပြီး နှစ်ဖွဲ့လုံး အထဲမှာ ပိတ်မိသွားကြတယ်။ အပြင်ပြန်ထွက်နိုင်ဖို့ ပူးပေါင်းကြိုးစားကြပေမယ့် ဂူထဲမှာ သူတို့မမျှော်လင့်ထားတဲ့ သတ္တဝါကြီးတစ်ကောင် ရှိနေပါတယ်။ ထွက်ပေါက်ရှာနေတဲ့သူတွေဟာ အဲဒီသတ္တဝါရဲ့ အမဲလိုက်ခြင်းကို ခံရပြီး ဘယ်သူတွေ အသက်ရှင်လွတ်မြောက်နိုင်မလဲဆိုတာ မသေချာတော့ပါဘူး။

မီနီယံတွေဟာ ကမ္ဘာဦးကတည်းက အကြမ်းဆုံးဗီလိန်ကို ရှာလာကြတာပါ။ တွေ့သမျှဘော့စ်တွေကို ဒုက္ခပေးမိရင်း နောက်ဆုံးမှာတော့ ဂရူပေါက်စလေးနဲ့ ဆုံလာကြပါတယ်။ ဂရူကလည်း ကမ္ဘာ့အကောင်းဆုံးဗီလိန်အဖွဲ့ဖြစ်တဲ့ လူမိုက်ကြီးခြောက်ယောက်အဖွဲ့ထဲ ဝင်ဖို့ ကြိုးစားနေချိန်ပါ။ ဗီလိန်ဖြစ်ချင်တဲ့ ဂရူလေးနဲ့ မီနီယံတွေ ဆုံမိကြတော့ ဘယ်လိုအလွဲတွေ လုပ်မိကြဦးမလဲဆိုတာကို ဟာသစွန့်စားခန်းအဖြစ် ဆက်ပြထားပါတယ်။

အရက်နဲ့ မူးယစ်ဆေး သုံးစွဲတာကို ဒုစရိုက်မှုလို သတ်မှတ်ထားတဲ့ ကမ္ဘာတစ်ခုမှာ ခရစ္စမတ်နေ့ကျင်းပတဲ့ The Binge ပွဲကတော့ မူးမူးကွဲကွဲနဲ့ လုပ်ချင်တာလုပ်ခွင့်ရတဲ့ ရိုးရာပွဲပါ။ အဲဒီနေ့မှာ မိသားစုနောက်ခံမတူကြတဲ့ Kimmi၊ Sarah၊ Hag နဲ့ Andrew တို့ ပြဿနာအသီးသီး ကြုံရတော့မယ်။ Kimmi မှာ ရှေးရိုးစွဲအမေနဲ့ ထောင်ပြေးဦးလေးရှိတယ်။ Sarah ကတော့ မျိုးဆက်တစ်လျှောက် မွေးစားခြင်းနဲ့ ဖွဲ့စည်းလာတဲ့ မိသားစုမှာ ကြီးပြင်းလာသူပါ။ သူ့ကို လက်ထပ်ခွင့်တောင်းဖို့ စီစဉ်နေတဲ့ Hag က လက်စွပ်ပျောက်သွားလို့ အခက်တွေ့နေပြီး Andrew ကတော့ အဖေနှစ်ယောက်၊ အမေတစ်ယောက်တို့ရဲ့သား ဖြစ်ပါတယ်။ သူတို့ရဲ့ ခရစ္စမတ်နေ့အလွဲတွေကို ပေါ့ပေါ့ပါးပါး ဟာသပုံစံနဲ့ ရိုက်ကူးထားပါတယ်။

လွန်ခဲ့တဲ့နှစ်နှစ်ဆယ်က ဝံပုလွေတောင်ပေါ်ကနေ ပြုတ်ကျသေဆုံးခဲ့တဲ့ ဇနီးမောင်နှံရဲ့သားက Aj ပါ။ အခုအချိန်အထိ သူ့ကို ဒုက္ခပေးနေတဲ့ အိပ်မက်ဆိုးတွေထဲမှာ အဖေနဲ့အမေကို ဝံပုလွေလူသားတစ်ယောက်က တောင်ပေါ်ကနေ တွန်းချနေတာကို ထပ်ခါထပ်ခါ မြင်နေရတယ်။ ဒီအိပ်မက်တွေကြောင့် စိတ်ရောဂါအထူးကုဆရာဝန်နဲ့ ကုသနေရပြီး ပိုပြီးရှင်းရှင်းလင်းလင်း သိချင်ရင် ဖြစ်ရပ်ဖြစ်ခဲ့တဲ့တောင်ကို တစ်ခေါက်ပြန်သွားဖို့ ဆရာဝန်က အကြံပေးလိုက်ပါတယ်။ မိဘတွေဆုံးပြီးကတည်းက Aj ကို လူလားမြောက်အောင် ပြုစုပျိုးထောင်ခဲ့သူက မိဘတွေ မွေးစားထားတဲ့ အစ်ကို Max ပါ။ အခုတော့ Aj ဟာ ဇနီး Sam နဲ့အတူ မိသားစုလေးတစ်ခု ရတော့မယ့်အချိန်ကို ရောက်နေပြီ။ ဒါပေမဲ့ အိပ်မက်ဆိုးတွေကနေ လွတ်မြောက်ချင်တာကြောင့် ဝံပုလွေတောင်ဆီ ခရီးထွက်ဖို့ ဆုံးဖြတ်လိုက်တယ်။ Sam နဲ့ Max ကလည်း အတူလိုက်မယ်ဆိုလို့ နောက်ဆုံးမှာ Aj တို့ဇနီးမောင်နှံ၊ Max တို့ဇနီးမောင်နှံနဲ့ ညီမ Emma တို့ချစ်သူနှစ်ယောက် စုစုပေါင်းခြောက်ယောက် ခရီးထွက်လာကြပါတယ်။ ဆက်သွယ်ရေးလိုင်း ပြတ်တောက်နေတဲ့တောင်ပေါ်မှာ သူတို့ အဆင်ပြေပြေ ခရီးဆက်နိုင်ပါ့မလား။ Aj အိပ်မက်ထဲမှာ မြင်နေရတဲ့ ဝံပုလွေလူသားကရော အပြင်မှာ တကယ်ရှိနေတာလား၊ အခက်အခဲတွေ ကြုံလာရင် သူတို့အဖွဲ့ လွတ်မြောက်နိုင်ကြပါ့မလား။

ချစ်သူတွေ၊ သူငယ်ချင်းတွေကြားမှာ အချိန်အကြာကြီး အတူဖြတ်သန်းခဲ့ကြရင်တောင် အထင်လွဲတာ၊ နားလည်မှုလွဲတာတွေ ရှိတတ်ပါတယ်။ သဘောထားမတိုက်ဆိုင်တဲ့ ကိစ္စလေးတွေကနေ မကျေနပ်ချက်တွေ စုလာပြီး ဆက်ဆံရေးမှာ အဖုအထစ်တွေ ဖြစ်လာနိုင်တယ်။ အဲဒီအချိန် ကိုယ့်အထင်နဲ့ကိုယ် တစ်ယောက်တည်း ဆက်တွေးနေမိရင်လည်း ပြဿနာက ပိုကြီးလာတတ်ပါတယ်။ ဒီဟာသဇာတ်လမ်းမှာတော့ ဆန်တို့စ်ဆိုတဲ့ မိန်းကလေးတစ်ယောက်က အမှားတွေနဲ့ အထင်လွဲမှုတွေကို ရှောင်ပုန်းနေမယ့်အစား မျက်နှာချင်းဆိုင် ဖြေရှင်းဖို့လိုကြောင်း သင်ယူရပုံကို ပြထားပါတယ်။

Netflix က ထွက်ရှိလာတဲ့ animation series တစ်ခု တင်ဆက်ပေးချင်ပါတယ်။ Animation ဆိုပေမဲ့ ကလေးကြိုက်ဇာတ်လမ်းမျိုးမဟုတ်ဘဲ ဇာတ်လမ်းဇာတ်အိမ်ခိုင်ခိုင်နဲ့ ရိုက်ကူးထားတာမို့ သေချာပေါက် ကြည့်ရှုခံစားသင့်တဲ့ series လေးပါ အညွှန်းလေးကို ဆက်လက်ဖတ်ရှုပေးပါဦး။ ရှေးလူကြီးတွေ ထားခဲ့တဲ့ ဗျာဒိတ်တော်အရ ဧရာမလင်းယုန်ကြီးတစ်ကောင်နဲ့ ရဲရင့်သောဂျာဂွာသုံးကောင်သာ လူ့လောကကြီးကို ကယ်တင်ဖို့အတွက် အမှောင်နတ်ဘုရားကို ရှင်းလင်းသုတ်သင်နိုင်ပါလိမ့်မယ်တဲ့။ တက်ကာပြည်ကြီးရဲ့ မင်းသမီးတစ်ပါးဖြစ်သူ မာယာဟာ ထိုလင်းယုန်ကြီးအဖြစ် တိုက်ခိုက်နိုင်ဖို့ စစ်သူရဲကောင်းဖြစ်ချင်နေပါတယ်။ မင်းသမီးတစ်ပါးလို မပြုမူနိုင်ဘဲ တိုက်ခိုက်ဖို့ကိုသာ စိတ်ပါနေတဲ့အတွက် မင်းသမီးအဖြစ် နန်းတက်ရမဲ့နေ့မှာပဲ မိခင်ဖြစ်သူ ဘုရင်မကြီးနဲ့ ကတောက်ကဆဖြစ်ပြီး မတတ်သာတဲ့အဆုံး နန်းတက်ပွဲကို လက်ခံလိုက်ရတယ်။ ပွဲတော်ကျင်းပနေတုန်းမှာပဲ အမှောင်မြေအောက်တိုင်းပြည်က သံတမန်တစ်ယောက်ရောက်ရှိလာပြီး မင်းသမီးကို ခေါ်ဆောင်သွားဖို့ ကြိုးပမ်းပါတော့တယ်။ ဒါကို ဘယ်လိုတားဆီးပြီး ဘယ်လိုရင်ဆိုင်ကြမလဲဆိုတာကိုတော့ CM ပရိသတ်ကြီးတို့ကိုယ်တိုင် ဆက်လက်ကြည့်ရှုသင့်ပါတယ်။ အပိုင်း ၉ ပိုင်း ပါဝင်ပြီး IMDB 8.5 ရရှိထားပါတယ်။ လှပ သစ်ဆန်းလှတဲ့ animation ရိုက်ချက်တွေကြောင့် စိတ်ဝင်တစားကြည့်ရှုရမှာမို့ လက်မလွတ်သင့်ကြောင်း တိုက်တွန်းလိုက်ရပါတယ်။ ဇာတ်လမ်းအညွှန်းကို Thet Hnin Hsu မှ ရေးသားထားပါတယ်။ File Size – 480MB@Episode Quality –1080p NF WEB DL Duration – 33minute (@Episode) Total Episodes:9 Episodes Subtitle – Myanmar Hardsub Format – Mp4 Genre : Animation, Family, Action & Adventure, Comedy Translator – Thet Hnin Hsu , Shwe Pyae Sone , Shwe Pwint , ThuRa Hein , Honeyey Encoder – YK

The Rebels of PT-218 (2021) ဒုတိယကမ္ဘာစစ်အတွင်းမှာ သင်္ဘောကပ္ပတိန်စနိုးဦးဆောင်တဲ့ SS Lawton B. Evans ကုန်တင်သင်္ဘောဟာ PT လို့ခေါ်တဲ့တော်ပီဒိုပစ်သင်္ဘောငယ်တွေကို လိုက်ပါစောင့်ရှောက်ပေးရတဲ့ သင်္ဘောဖြစ်ပါတယ်။ Lawton B. Evans ဟာစစ်သင်္ဘောမဟုတ်ပေမယ့် စစ်ဆင်ရေးနေရာအတွင်းက တစ်ခုတည်းသော စွမ်းဆောင်ရည်အမြင့်ဆုံးသင်္ဘောဖြစ်လို့ ပီတီသင်္ဘောတွေနဲ့အတူ ဂျာမန်အင်ပါယာရဲ့ အင်အားနည်းရာ အီတလီကမ်းခြေတစ်ခုကို တက်သိမ်းဖို့အမိန့်ရလိုက်ပါတယ်။ လမ်းခရီးမှာ ဂျာမန်ရေငုပ်သင်္ဘောတွေနဲ့ ရင်ဆိုင်ခဲ့ရပြီး အတူပါလာတဲ့ PT သင်္ဘောတွေကို ဆုံးရှုံးလိုက်ရတဲ့အပြင် ကမ်းခြေနားနီးကပ်နေချိန်မှာ တပ်ကူသင်္ဘောတွေ မလာနိုင်တော့လို့ စစ်ဆင်ရေးဖျက်သိမ်းဖို့ အမိန့်ရလိုက်တဲ့အခါ စစ်တိုက်ဖို့မဟုတ်တဲ့ကုန်တင်သင်္ဘောပေါ်က ကပ္ပတိန်စနိုးဟာ ခက်ခဲတဲ့ဆုံးဖြတ်ချက်တစ်ခုကို ချရတော့မှာဖြစ်ပါတယ်။ ဒုတိယကမ္ဘာစစ်က ဖြစ်ရပ်မှန်တစ်ခုကို အခြေခံရိုက်ကူးထားတာဖြစ်ပြီး Machete ကားရဲ့မင်းသားကြီး Trejo လည်းပါပါတယ်။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ Pyi T. Nyein ပဲ ဖြစ်ပါတယ်။) Quality – 1080p, 720p, 360p WebRip Duration - 1h 28min Subtitle – Myanmar Hardsub Format – Mp4 Genre : Action, Adventure, Drama Source : 1080p.WebRip Translator – Pyi T. Nyein Encoder – SWM

ဒါလေးမကြည့်ခင် Meet the Blacks 1 လေး အရင်ကြည့်ဖို့အကြံပေးချင်ပါတယ်။ အတွဲ၁ မကြည့်ရသေးသူတွေအတွက် spoiler လေးတွေပါနိုင်ပါတယ်။ ကားလ်ဘလက်ခ်တို့မိသားစု ဘီဗာလီဟေးလ်မှာ The Purge ဆိုတဲ့ သုတ်သင်ခြင်းညကြီးကို ကျော်ဖြတ်ခဲ့ရပြီးနောက်ပိုင်း ကားလ်ရဲ့ ငယ်ဘဝအိမ်လေးရှိရာ အက်တလန်တာကို တစ်စခန်းရွှေ့ကြပြန်ပါတယ်။ ၁၀၉ ၁၁၀ ဖြစ်နေတဲ့ ကားလ်တစ်‌ယောက် သုတ်သင်ခြင်းညအကြောင်းရေးထားတဲ့ သူ့ရဲ့ Terror Night စာအုပ် အတွဲ၂ ကို ဆက်ထုတ်ဖို့လုပ်ပေမယ့် ကုန်ကြမ်းရှာမရဖြစ်နေရှာတာပါ။ ဒီလိုနဲ့ စာအုပ်အတွက် ကုန်ကြမ်းရလာတယ်ဆိုမလား သူတို့မိသားစုကိုက အေးအေးလူလူနေရဖို့ကံမပါဘူးဆိုမလား တစ်ည ညလယ်ကောင်ကြီးမှာ သူတို့ဘေးအိမ်ကို စုန်းလိုလိုဆံရှည်လူကြီးတစ်‌ယောက်ရယ်၊ မျက်လှည့်ဆရာလို ဦးထုပ်ကြီးနဲ့ လူတစ်ယောက်ရယ်၊ ညလယ်ကောင်ကြီး ရေကန်ဘေးမှာနေပူဆာလှုံနေကြတဲ့ ဘစ်ကနီနဲ့ကောင်မလေးတွေရယ် ပြောင်းလာတာကို ကားလ်တို့တစ်တွေ စုံထောက်လုပ်ကြရင်း.... ဘာတွေတွေ့ရှိလာရမလဲ ဘယ်လိုတွေလွဲကြမလဲဆိုတာတော့ ကိုယ်တိုင်ကြည့်ရှုလိုက်ကြပါဦး။ (ဒီဇာတ်လမ်းရဲ့ အညွှန်းနဲ့ ဘာသာပြန်ရေးသားပေးသူကတော့ MTA ဖြစ်ပါတယ်။) Quality – 1080p, 720p BluRay Duration - 1h 37min Subtitle – Myanmar Hardsub Format – Mp4 Genre : Action, Comedy, Horror Source : 1080p.BluRay Translator – MTA Encoder – SWM

IMDb Rating - 6.5/10 ဟောလိုး၀င်းအတွက် အထူး စပယ်ရှယ် Disney က ထွက်ရှိလာတဲ့ ကိုရွှေအ တို့ လာပါပြီ။ သွင်ပြင်လေးတွေကလည်း ချစ်စရာကောင်းပြီး ထွက်သမျှကားတိုင်းမှာ ပရိသတ်ကို ပြုံးပျော် စေနိုင်တဲ့ ကာတွန်းကောင်လေးတွေလည်း ဖြစ်ပါတယ်။ ဒီဇာတ်လမ်းမှာတော့ haunted mansion ဆိုတဲ့အတိုင်း သရဲခြောက်တဲ့ အိမ်ကြီးပါမှာတော့ အသေချာပဲဗျ။ ဇာတ်လိုက်ကျော်တွေဖြစ်တဲ့ Gonzo နဲ့ သူ့သူငယ်ချင်း Pepe တို့ ၂ ယောက် ခါတိုင်း ဟောလိုး၀င်းတွေလို ဘော်ဒါ တွေနဲ့ ဆုံပြီး ပါတီ မလုပ်ဘဲ . သရဲခြောက်တဲ့ အိမ်ကြီးထဲမှာ တစ်ညတာ နေရမယ်ဆိုတဲ့ စိန်ခေါ်မှုကို လက်ခံကာ ဟောလိုး၀င်းညမှာ သရဲအိမ်ကြီးဆီ သွားကြပါတော့တယ်။ သူတို့ကို လိုက်ပို့တဲ့ ကားသမားပြောခဲ့တဲ့ စကားလေးတစ်ခွန်းကတော့ " ဒီကို လူတွေအမြဲ လိုက်ပို့ရပေမဲ့ ဘယ်တော့မှ ပြန်လာ မခေါ်ရဘူး " တဲ့ဗျ။ ဒီတော့ Gonzo တို့ သူငယ်ချင်း ၂ ယောက်ရော ဒီ challenge ကို ကျော်လွှားနိုင်ပါ့မလား ဆိုတာဆက်လက်ကြည့်ရှူပေးကြပါဦးခင်ဗျာ . . . Quality – 1080p Duration - 52min Subtitle – Myanmar Hardsub Format – Mp4 Genre : Adventure, Comdey, Family Source : 1080p.WebRip Translator – Yoon Sandi Aung, Hazel Encoder – SWM

ကြမ်းမယ့်ရမ်းမယ့် မူးယစ်ဆေးကုန်သည်ဂိုဏ်းစတားတစ်ယောက်အကြောင်းပါဝင်တဲ့ American-Sicario 2021 ဒီမူးယစ်ဆေးကုန်သည်လောကမှာ သစ္စာတရားက အရေးအကြီးဆုံးဆိုပေမဲ့ သစ္စာတရားကြောင့်ပဲ မိသားစုတွင်း ပြဿနာတွေဖြစ်ရတဲ့အခါ ဘယ်လိုမျိုး ဖြေရှင်းကြမလဲဆိုတာ ကြမ်းကြမ်းရမ်းရမ်း ကြည့်ရမယ်ဗျာ..။ ဇာတ်လမ်းဇာတ်အိမ် Storyline ကတော့ သာမန် ဇာတ်ကောင်ကိုပဲ အသားပေးထားတဲ့ ပြည့်စုံမှုတွေနဲ့ လွန်ကဲနေတဲ့ အဓိကဇာတ်ကောင်မျိုးနဲ့တော့ မတူဘူးဗျ..။ ကြမ်းမယ်ရမ်းမယ် အမှားတွေလည်း လုပ်မိတဲ့ လူကြမ်းကြီးပေါ့ဗျာ..။ (ကြမ်းကြမ်းတမ်းတမ်းဆဲဆိုတဲ့စကားလုံးတွေနဲ့ 18+ ဆန်တဲ့ တစ်ခန်း နှစ်ခန်းပါလို့ မိသားစုနဲ့အတူတော့ မကြည့်သင့်ပါ..။) လုပ်ငန်းချဲ့ထွင်ချင်တဲ့ လောဘ..။ လူပေါင်းမှားမိတဲ့ အမှားတစ်ခုနဲ့..။ မလုပ်ချင်ပေမဲ့လည်း လုပ်မှဖြစ်မယ့် ရက်စက်တဲ့လုပ်ရပ်တစ်ခုကို လုပ်ခဲ့ရတာကြောင့် ဖြစ်လာရတဲ့ အမုန်းတရားတွေကို ကျေကျေနပ်နပ်ကြီး ပြန်ပေးဆပ်ရဲတဲ့ ဂိုဏ်းသမား ဆေးကုန်သည် ဖက်တီးတစ်ယောက်အကြောင်းကို မြင်တွေ့ရမှာဖြစ်ပြီးတော့..။ မက္ကဆီကိုဒေသရဲ့ နောက်ခံရှုခင်းတွေ..။ ဆွဲဆောင်မှုပြင်းပြင်းနဲ့ အလန်းစား အညိုစင် မိန်းကလေးတွေ..။ ဗီိလိန်ရဲ့ နောက်ကွယ်ဘဝဇာတ်ကြောင်း စုံစုံလင်လင်နဲ့..။ မိသားစုအတွက်လို့ တဖွဖွပြောနေခဲ့တဲ့သူတွေ ​ကိုယ်ခက်ခဲချိန်မှာ ဘယ်ရောက်ကုန်ကြသလဲ..။ သွေးမတော်ပေမဲ့လည်း နောက်ဆုံးအချိန်ထိ ကျန်နေတဲ့လူက ဘယ်နှယောက်များ ရှိနိုင်ဦးမလဲဆိုတာ ဖန်သားပြင်ထက်မှာ ကြည့်ရှုခံစားနိုင်ဖို့ CM မှ ဘာသာပြန် တင်ဆက်ပေးလိုက်ရပါတယ်ခင်ဗျာ..။ File size…(1.6 GB) / (900 Mb) / (500 Mb) Quality….Blurip 1080p / 720p / 480p Format…mp4 Duration….01:41:00 Genre...Action, Crime, Drama Subtitle….Myanmar Subtitle (Hardsub) Encoder….Mr. Anderson Translated by Shin Mann Htet Myat

နယူးယောက်မှာ မစ္စတာ ကာတွန်းနဲ့ အက်စတီဗင် ဆိုတဲ့ မက္ကဆီကန်နွယ်ဖွား ဘဲနှစ်ယောက်ရှိတယ် မစ္စတာ ကာတွန်းက တက်တူးထိုးတယ် ပန်းချီဆွဲတယ် အက်စ်တီဗင်က ဓာတ်ပုံရိုက်တယ် Snoop Dogg တို့ Eminem တို့လို နာမည်ကြီးတွေကို တက်တူးထိုးပေးတဲ့ တက်တူးဆရာ သူကအစက ကားဆေးမှုတ်တာကနေ ဒီဇိုင်းဆွဲတဲ့ဖက်ကနေ တက်တူးဖက်ရောက်လာတယ် သူတက်တူးထိုးတာတွေကို အက်စတီဗင်က မှတ်တမ်းတင်တယ် အက်စတီဗင်က ဓာတ်ပုံဆရာအပြင် Eminem တို့လိုနာမည်ကြီးတွေရဲ့ မြူးဇစ် ဗီဒီယိုတွေကိုလည်း ဒါရို်က်တာလုပ်တယ် Netflix က ပြတဲ့ ဒီ မှတ်တမ်းရုပ်ရှင်ဟာ သူတို့နှစ်ယောက်ရဲ့အကြောင်းကို ရိုက်ထားတာပါ ဒီထဲမှာ သူတို့ဟာ လော့အိန်ဂျယ်လိစ်က ဂရပ်ဖီတီ ယဉ်ကျေးမှုတွေ လိုးရိုက်ဒါ ယဉ်ကျေးမှုတွေမှာ ဘယ်လိုပါဝင်ပတ်သက်ခဲ့ကြတယ် ဆိုတာတွေနဲ့ အယ်လ်အေက အောက်ခြေဘဝတွေ အထက်တန်းစားဘဝတွေ ဂိုဏ်းစတားလောကတွေ နဲ့ ဟစ်ဟော့ ယဉ်ကျေးမှုတွေကို မြင်ရမှာဖြစ်ပါတယ် တစ်ခုကျန်ခဲ့သေးတယ် ကားသူခိုးလို့သိကြတဲ့ GTA ဂိမ်းက သူတို့ ဒီဇိုင်းဆွဲထားတာပါ IMDb - 7.3 နဲ့ Rotten tomatoes က 86 % အညွှန်းနဲ့ဘာသာပြန်သူကတော့ Zuel Khant Thwin ပဲဖြစ်ပါတယ်…. File Size : (700 MB) And (350 MB) Quality : NF WEB-DL 720p Running Time : 1hr 32min Format : Mp4 Genre : Documentary Subtitle : Myanmar Subtitle (Hard Sub) Source : 1080p.NF.WEBRip.DDP5.1.Atmos.x264-NTG Translated by Zuel Khant Thwin Encoded by Thanhtike Zaw

ဒီဇာတ်ကားလေးကတော့ နာမည်ကြီး ရုပ်ရှင် American Pie ရဲ့ Spin Off နောက်တစ်ကားပဲဖြစ်ပါတယ် ဒီကားထဲမှာဆိုရင် ခါတိုင်းနဲ့မတူတဲ့ ထူးခြားချက်က အမျိုးသမီးတွေဘက်က ဇာတ်အိမ်တည်ထားခြင်း ဖြစ်ပါတယ် အဓိကဇာတ်ဆောင်တွေဖြစ်ကြတဲ့ အန်နီ ကေလာ မီရှယ်လ် နဲ့ စတက်ဖနီ တို့ဟာ အချစ်ရေး နဲ့ သမီးရည်းစား ကိစ္စတွေမှာ ကိုယ်စီ ပြဿနာနဲ့ပါ ဒီလိုနဲ့ ပါတီတစ်ညမှာ သူတို့ကတိတစ်ခုထားခဲ့ကြပါတယ် ကျောင်းကပွဲမတိုင်ခင် ကိုယ်စီပြဿနာတွေကို ဖြေရှင်းကြဖို့ပါ နောက်ရက်မှာတော့ ကျောင်းကို ဂရန့် ဆိုတဲ့ကောင်လေး အသစ်ပြောင်းလာပါတယ် အန်နီတို့ သူငယ်ချင်းလေးယောက်နဲ့ ဂရန့် ဘယ်လိုတွေ ဇတ်ရှုပ်မိမလဲ ကျောင်းကပွဲမတိုင်ခင်ရော အန်နီတို့ သူတို့ပြဿနာတွေကို ဖြေရှင်းနိုင်မှာလား စသည်တွေကို ကြည့်ရှုရမယ့် ကျောင်းသားဟာသ ဇာတ်ကားလေးပဲ ဖြစ်ပါတယ် မိသားစုနှင့်အတူ ကြည့်ရှုရန်တော့ မသင့်ပါကြောင်း File size… 1 Gb / 500 Mb Quality… Webrip 1080p / 720p Format…mp4 Duration….01:42:00 Subtitle….Myanmar Subtitle (Hardsub) Encoder….Littleneo Translated by Chuck Chuck

Spongebob squarepants ကို ကလေးတိုင်းချစ်ကြသလို လူကြီးတိုင်း မြတ်နိုးကြတယ် အထူးတလည်ညွှန်းစရာလိုမယ် မထင်ပါဘူး Spongebob နဲ့ သူ့သူငယ်ချင်းတစ်သိုက် Krusty Krab ဆိုင်ရှင်ကြီး Mr. Krab အမြဲအကြံဆိုးတွေထုတ်နေတဲ့ Plankton စသဖြင့် ဇာတ်ကောင်တွေနဲ့ ကြည့်ချင်စရာဇာတ်လမ်းလေးဖြစ်အောင် အမျိုးစုံကြိုးခုန်ပြီး တင်ဆက်သွားပါတယ် ဇာတ်လမ်းလေးအနေနဲ့ကတော့ Spongebob လေးတစ်ယောက် သူ့ခရုလေး Gary ပျောက်သွားရာကနေ အစချီထားပါတယ် တကယ်တော့ ရေဘုရင်ကြီး Poseidon က အလှအပကြိုက်တတ်လွန်းသူဖြစ်ပြီး ခရုအချွဲအကျိတွေနဲ့ ပေါင်းတင်လေ့ရှိသူပါ သူ့တိုင်းပြည်က ခရုတွေ ကုန်သွားတဲ့နောက်တော့ ခရုရှာဖို့ ဆုချကြေညာစာထုတ်ပါတော့တယ် ဒီကြေညာစာတွေ Bikini Bottom ကို ရောက်လာပြီး Kraby Patty လျှို့ဝှက်ဖော်မြူလာကိုခိုးယူဖို့ အမြဲကြိုးစားနေတဲ့ Plankton တစ်ယောက် ကြေညာစာကို တွေ့သွားတဲ့အချိန်မှာတော့ ဒါကို အသုံးချပြီး Spongebob ကိုပထုတ်ပါတော့တယ် ဒီလိုနဲ့ Spongebob တို့ သူ့ခရုလေး Gary ကို ပြန်ရဖို့ ကြိုးပမ်းပုံကို ချစ်စရာ တင်ဆက်ထားတဲ့ ဇာတ်လမ်းလေးပဲ ဖြစ်ပါတယ် ပရိသတ်အချစ်တော် Keanu Reeves ကြီးလည်း ပါ၀င်အားဖြည့်ထားတဲ့ တကယ့်ဇာတ်လမ်းကောင်းလေးတစ်ပုဒ်ပါ File size… 1 Gb Quality… webrip 1080p Format…mp4 Duration….01:31:00 Genre … Animation, Adventure, Comedy Subtitle….Myanmar Subtitle (Hardsub) Translated by Chuck Chuck

၁၀နှစ်ကြာပြီးတဲ့နောက်မှာတော့ အိုတစ်ဒရစ်ဖ်ဝုဒ်ထောင်ဖောက်ထွက်ပြေးခဲ့ပြီးနောက် ကပ္ပတိန်စပေါဒင်းနဲ့ ပြန်လည်ဆုံစည်းခဲ့ပါတယ်။ သူတို့ရဲ့နောက်ထပ်ပလန်ကတော့ သူတို့ရဲ့ညီမလေး ဘေဘီကိုကယ်တင်ဖို့ပါပဲ။ ဘေဘီဆိုတာက လေထဲမှာလွှင့်ပျံ့နေတဲ့ ပန်းလေးတစ်ပွင့်လိုပါပဲ။ ရိုးရိုးပန်းလေးတစ်ပွင့်တော့ မဟုတ်ပါဘူး အဆိပ်ဆူးတွေအပြည့်နဲ့ ပန်းပွင့်လေးလို့ခေါ်ရမှာပါ။ သူတို့၃ယောက်နယ်ခြားတိုင်းပြည်တစ်ခုကိုထွက်ပြေးဖို့ကြံစည်ကြပါတော့တယ်။ ဒါပေမယ့် သူတို့နောက်မှာ နောက်ထပ်သေမင်းတမန်တွေကျန်နေခဲ့သေးတယ်ဆိုတာကိုတော့ မသိခဲ့သေးပါဘူး။ ဒီဇာတ်ကားက ၂၀၀၃ခုနှစ်ကတည်းကထွက်ရှိထားတဲ့ House of 1000 Corpses နဲ့ The Devil's Rejectsတို့ရဲ့ Sequel ပဲဖြစ်ပါတယ်။ လူသတ်ကားဇာတ်ကားတစ်ကားဖြစ်ပြီးတော့ R အဆင့်သတ်မှတ်ထားပါတယ်။ ဇာတ်ကားအတွင်းမှာ ကြမ်းတမ်းတဲ့ဇာတ်ကွက်တွေ၊ဆေးသုံးစွဲတာတွေနဲ့ လိင်မှုကိစ္စတွေပါပါဝင်တာကြောင့်ပါ။ လူသတ်ကားကောင်းကောင်းကြမ်းကြမ်းလေးတွေကြိုက်တဲ့သူတွေအတွက်တော့ ကြည့်သင့်တဲ့ဇာတ်ကားလေးတစ်ကားပဲဖြစ်ပါတယ်။

2019 ရုံတင်ကား အသစ်လေးတင်ပေးထားပါတယ်။ စွန့်စားခန်း ဟာသ ကလေးရုပ်ရှင်မျိုးပါပဲ။ ဒိုရာဟာ ကာတွန်းတွေရော ဂိမ်းတွေရော ထွက်ထားခဲ့ပြီးသား ဇာတ်ကောင်တစ်ခုပါ။ အဓိကကတော့ စွန့်စားခန်းတွေ ပဟေဠိတွေ စူးစမ်းရှာဖွေတာတွေကို လုပ်တဲ့ ကောင်မလေးပေါ့။ ဒီဇာတ်ကားမှာလည်း ဒိုရာရဲ့မိဘတွေဟာ ဒိုရာနဲ့အတူ တောထဲမှာ နေပြီးလေ့လာရေးလုပ်ကြပါတယ်။ ရှေးဟောင်းမြို့တော်တစ်ခုဖြစ်တဲ့ ပါရာပါတာ ကို ရှာဖို့ပါပဲ။ တစ်ရက်မှာ ဒိုရာကြောင့် ပါရာပါတာရဲ့ မြေပုံရသွားပြီး သူတို့ ၂ ယောက် မြို့တော်ကို ရှာဖို့ ခရီးထွက်ပါတော့တယ်။ ဒိုရာကိုတော့ မြို့ပေါ်ကကျောင်းကိုပို့ထားပြီး စောင့်နေခိုင်းတာပေါ့။ ဒါပေမယ့် ရတနာမုဆိုးတွေက ဒိုရာနဲ့ သူ့မိဘတွေနောက်ကို လိုက်လာတဲ့အခါမှ ဒိုရာ နဲ့ သူငယ်ချင်းတစ်သိုက် စွန့်စားခန်းတွေ ဖွင့်ရပါတော့တယ်။ ဒိုရာ သရုပ်ဆောင်မင်းသမီး အစ်ဇ်ဘယ်လာမွန်နာဟာ ၂၀၀၁ မွေးတာ ဖြစ်တာဖြစ်တာကြောင့် ဒီနှစ်ထဲမှာပဲ ၁၈ နှစ်ပြည့်သွားပါပြီ။ သိချင်မလားလို့ ထည့်ရေးပေးထားတာပါ။ File Size : ( 960 MB , 314 MB) Quality :  BluRay 1080p 5.1 CH , BluRay 720p , BluRay 480p Running Time : 1 hr 42 min Format : Mp4 Genre : Adventure , Family Subtitle : Myanmar Subtitle (Hard Sub) Translated by Little Neo Encoded by Moe Myint Lwin

Western Vibe အပြည့်ပါတဲ့ဇာတ်ကားတွေထဲကမှ The Outsider ဆိုတဲ့ ဇာတ်ကားလေးကိုတင်ဆက်ပေးလိုက်ပါတယ်။ မီးရထားလမ်းဖောက်လုပ်ရေးက အလုပ်သမားတစ်ယောက်ဖြစ်တဲ့ ဂျင်းဖန်းဂ်တို့ ဇနီးမောင်နှံဘဝထဲကိုမမျှော်လင့်တဲ့ အဖြစ်ဆိုးကြီးတစ်ခု ဝင်ရောက်လာပုံနဲ့ စတင်ထားပါတယ်။ မပြောပလောက်တဲ့ အချင်းဖြစ်ပွားမှုလေးတစ်ခုကြောင့် ဂျင်းဖန်းဂ်ကို ဥပဒေဘက်တော်သားအမည်ခံအာဏာအလွဲသုံးစားသူ ဂျိမ်းစ်ဝေါ်ကာက မတရားဖမ်းဆီးပြီး ဇနီးဖြစ်သူကို ထိုညမှာပဲ မတော်တရားကြံဖို့ ကြိုးစားခဲ့ပါတယ်.။ ဂျင်း အနေနဲ့ ထောင်ထဲကနေ လွတ်မြောက်ခဲ့ပြီး ဇနီးဖြစ်သူဆီ လာခဲ့ပေမယ့်လီဖန်းဂ်ရဲ့ အလောင်းကသာ ကြိုဆိုနေခဲ့ပါတယ်။ အဆုံးစွန်အထိ ဖိနှိပ်မှုနဲ့တွန်းအားတွေကြောင့် ဂျင်းဖန်းဂ်လို သာမန်မီးရထားအလုပ်သမားလေးတစ်ယောက်ဟာလည်း မာရှယ်ဝေါ်ကာ နဲ့သား ဂျိမ်းစ်ဝေါ်ကာတို့အတွက် ခြိမ်းခြောက်မှု တစ်ခု ဖြစ်လာခဲ့ပါပြီ။ သားရဲ့အမှားတစ်ခုကို ဖုံးဖိဖို့ကြံစည်ကာ ဂျင်းရဲ့နောက်ကို ခြေရာခံအမဲလိုက်ဖို့ မာရှယ် စေလွှတ်သမျှလူတွေဟာလည်း "The Hunters become Hunted" ဆိုသလိုပဲ လက်တုံ့ပြန်ချင်စိတ်ကသာ ထိန်းချုပ်နေသူ၊ ဆုံးရှုံးစရာမရှိတော့သူဖြစ်တဲ့ "The Chinaman" ဂျင်းဖန်းဂ်ရဲ့ သားကောင်သာ ဖြစ်လာခဲ့ပါတယ်။ စကားတွေရှည်ရှည်ဝေးဝေးပြောမနေဘဲ သေနတ်နဲ့သာ ဖြေရှင်းကြတဲ့ Guns Blazing Action ဇာတ်ကားလေးတစ်ကားကို CM ပရိသတ်များ ကြည့်ရှုခံစားနိုင်ဖို့ တင်ဆက်ပေးလိုက်ပါတယ်။ File size…   860 MB /  369 MB Quality… WEB-DL 1080p / 720p Format… mp4 Duration…. 1h 26m Genre ..... Western Subtitle…. Myanmar Subtitle (Hard Sub) Encoder…. Hein Tayza Translated by Sai Sumali

Dead Race ဆိုတဲ့ Movie ကို အများကြီးညွှန်းစရာမလိုတော့ပါဘူး… Dead Race ပြိုင်ပွဲမှာထောင်ထဲမှာပြုလုပ်တဲ့ တရားဝင်ပြိုင်ပွဲဖြစ်ပြီးတော့ အဲပြိုင်ပွဲမှာဝင်ပြိုင်တဲ့ အကျဉ်းသားတွေအကုန်လုံးကလည်းထောင်ဒဏ်တသက်တကျွန်းကျထားပြီးတဲ့ သေမထူးနေ့မထူး အရက်စက်ဆုံး လူမဆန်ဆုံးနဲ့ လူသတ်သမားတွေ ရာဇဝတ်သားတွေပဲဖြစ်ပါတယ်…. ဒီလိုအကျဉ်းသားတွေကို သူတို့လွတ်မြောက်ဖို့အတွက်အခွင့်ရေးတစ်ခုရောက်လာပါတယ်… အဲဒါကတော့ ထောင်ထဲမှာကားပြိုင်ရင်းနဲ့ တစ်ယောက်နဲ့တစ်ယောက်သတ်ရတာပဲဖြစ်ပါတယ်… ဒီလိုပြိုင်ရင်းကနေ ပြိုင်ပွဲတိုင်းရဲ့ ဘုရင်တစ်ပါးပေါ်လာပါတယ်… သူကတော့ Frankenstein ပဲဖြစ်ပါတယ်… အခုတင်ဆက်ပေးမယ့် Dead Race 4 မှာကတော့ နိုင်ပွဲတွေဆက်လာနေတဲ့ Frank ကို အစိုးရကနေ ထောင်ထဲမှာပဲ ကားပြိုင်ရင် သုတ်သင်ရှင်းလင်းဖို့အတွက် လုပ်မယ့်အစီအစဉ်ဖြစ်ပါတယ်…… ဒါကြောင့် နိုင်ပွဲတွေဆက်နေတဲ့ ပြိုင်ပွဲတိုင်းရဲ့ဘုရင် Frank ကိုရှင်းနိုင်မလားဆိုတာ  စိတ်ဝင်စားဖွယ်ရာကြည့်ရမှာပဲဖြစ်ပါတယ်… ဒီ Dead Race ဆိုတဲ့ Movie အမျိုးစားဟာ ထောင်ထဲမှာစရိုက်ဆန်ဆန်နဲ့ရိုက်ထားတဲ့ Action Movie အမျိုးအစားဖြစ်ပြီး အရွယ်မရောက်သေးသူများနဲ့မိသားစုနဲ့ကြည့်ရှု့ဖို့မသင့်တဲ့ အခန်းအတော်များများပါဝင်ပါတယ်….. လူသတ်ကားဖြစ်ပြီးတော့ သွေးထွက်သံယိုတွေ ရက်ရက်စက်စက်သတ်ဖြတ်တဲ့အခန်းတွေလည်းအများဆုံးပါဝင်ပါတယ်…. ကြမ်းကြမ်းမှကြိုက်တယ်ဆိုတဲ့ပရိတ်သတ်တွေအတွက်အကြိုက်တွေ့စေမယ့် ကားကောင်းတစ်ကားဖြစ်ပါတယ်… File Size : (794 MB and 360 MB)  Quality : 720p HDRip Running Time : 1hr 51min Format : Mp4 Genre : Action Subtitle : Myanmar Subtitle (Hard Sub) Source : 720p HDRip Translated by Arrow Team Myitkyinar Encoded by Moe Myint Lwin

ဟိုးအရင်တုန်းက ကလေးမရနိုင်တဲ့သူတွေ ဆုတောင်းရင် သို့မဟုတ် ကလေးငယ်တွေက ညီလေး ညီမလေးတွေလိုချင်တယ်လို့ ဆုတောင်းခဲ့မယ်ဆိုရင် ငှက်ကြားဖြူ တွေဟာ ကလေးငယ်တွေကို နှုတ်သီးဖြင့် သယ်ယူလာပြီး အိမ်ခေါင်းတိုင်မှ ဖြစ်စေ အိမ်ရှေ့တံခါးမှ ဖြစ်စေ ပို့ပေးဖူးတယ်လို့ ပုံပြင်တွေထဲမှာ ရှိခဲ့ဖူးပါတယ်.... ဒါပေမယ့် အဲ့ဒါတွေဟာ ယနေ့ခေတ်မှာ ပျောက်ကွယ်သွားပါပြီ ငှက်ကြားဖြူတွေဟာ အလုပ်ရှုပ်ပြီး တာဝန်ကြီးတဲ့ ကလေးပို့တဲ့ အလုပ်တွေ မလုပ်တော့ပါဘူး Online Shopping လုပ်ငန်းက ပစ္စည်းတွေကို ပို့ပေးတဲ့ Stork.com က ပစ္စည်းပို့ဆောင်ရေး ငှက်တွေ ဖြစ်ကုန်ကြပါပြီ :D ထိုငှက်တွေ အားလုံးကို အုပ်ချူပ်တဲ့သူကို Boss လို့ ခေါ်ကြပြီး သူတို့ အားလုံးရဲ့ Boss ဟာ ဟန်တာ ဆိုတဲ့ ငှက်ကြားဖြူကြီး ဖြစ်ပါတယ်.... ငှက်ကြားဖြူ အားလုံးထဲမှာ မှ FA ဖြစ်ပြီး အလုပ်ကြိုးစားတဲ့ သူကတော့ ဂျူနီယာ လို့ခေါ်တဲ့ ငှက် ပါ သူဟာ သံယောဇဉ် တွယ်စရာမရှိပဲ အလုပ်ကို တာဝန်အကျေဆုံး ထမ်းဆောင် တက်သူ ဖြစ်ပြီး အမိန့်လဲ လိုက်နာတက်သူပါ တစ်ရက်မှာတော့ ဂျူနီယာကို ဘော့စ် ဖြစ်သူ ဟန်တာ မှ ရုံးခန်းအတွင်း ခေါ်ရောက် တွေ့ဆုံပြီး ဂျူနီယာ သည် အလုပ်ကြိုးစားသူ ဖြစ်သော ကြောင့် ဘော့စ် နေရာတွင် တာဝန်ထမ်းဆောင်စေမည် ဖြစ်ပြီး သူတို့ဆီတွင် ပို့ရမည့် လိပ်စာပျောက်ပြီး ငယ်စဉ်ကတည်းက သောင်တင်နေသော မိဘမဲ့ ကလေး ကျူးလစ် ကို နှင်ထုတ်ပစ်ရန် တာဝန်ကိုပါ ပူးတွဲပေးလိုက်ပါတယ် အဓိပ္ပါယ်ကတော့ ဂျူနီယာ သည် ကျူးလစ်အား နှင်ထုတ်နိုင်ပါက ဘော့စ် နေရာကို ရမှာ ဖြစ်ပါတယ်... အမိန့်လိုက်နာတက်သော်လဲ သနားကြင်နာတက်သော ဂျူနီယာ တစ်ယောက် Stork.com တွင် အပိုအရှုပ်ထုပ်ဖြစ်ပြီး ဘာမှ မယ်မယ်ရရ သုံးစား မရသော မိဘမဲ့ ကလေး ကျူးလစ်အား ဘယ်လို နှင်ထုတ်မလဲ ဘာတွေ ဆက်ဖြစ်ကြမလဲဆိုတာကိုတော့ ဆက်လက်ကြည့်ရှုလိုက်ကြပါ.... ဒီကားကို ဘာသာပြန်ပေးထားသူကတော့ CM Translator တစ်ဦး ဖြစ်သူ Bro Chan ပဲ ဖြစ်ပါတယ်... (သစ်ဆန်းခန့်)