David Rasche ပါဝင်သော ဇာတ်ကားများ

Dying For Sex (2025) IMDB: 7.2 Rotten Tomatoes : 97% Genre : Comedy/Drama ဒီဇာတ်လမ်းတွဲကတော့ ၂၀၂၅ ခုနှစ်ထွက် ဇာတ်လမ်းတွဲလေးတစ်ခုဖြစ်ပါတယ်။ နာမည်ကိုကြည့်လိုက်တာနဲ့ ဇာတ်လမ်းက (18+) ဆိုတာကိုနားလည်လောက်မယ်ထင်ပါတယ်။ ဒါပေမယ့် လိင်အသားပေး 18+ မျိုးမဟုတ်ပဲ အချစ်တော် (အော်စတာ ၄ ကြိမ်တိုင်တိုင်ဇကာတင်ဝင်ခဲ့တဲ့) မင်းသမီး Mitchell Williams မှာ ခေါင်းဆောင်မင်းသမီးအဖြစ် ပါဝင်သရုပ်ဆောင်ထားပါတယ်။ 18+ နဲ့ R-Rated ဖြစ်တာကြောင့် မိသားစုနဲ့ကြည့်ရန်မသင့်တော်ပါ။ ဇာတ်ညွှန်း ခင်ဗျားက ကင်ဆာကြောင့် သေရတော့မယ်၊ လောကကြီးကိုနှုတ်ဆက်ရတော့မယ်ဆိုရင် ခင်ဗျားစိတ်ထဲမှာဘယ်လိုနေမလဲ။ ပထမဦးဆုံးအနေနဲ့ ကိုယ့်ကိုသနားတဲ့အကြည့်မျိုး၊ ဒီလူကသေရတော့မှာကွာဆိုတဲ့အကြည့်မျိုးနဲ့ အကြည့်ခံချင်မှာမဟုတ်ဘူး၊ နောက်တစ်ခုက မသေခင်လေး ကိုယ်လုပ်ချင်ရာကိုလုပ်သွားချင်တာ။ အဲဒီအထဲမှာ လိင်ကိစ္စလည်းပါမှာပါပဲ။ လိင်ကိစ္စဆိုတာ လူတစ်ယောက်ရဲ့ လိုအပ်ချက်ထဲကတစ်ခုအပါအဝင်ဖြစ်ပြီး ဒါဟာရှက်ဖို့ကောင်းတဲ့ကိစ္စမဟုတ်ပါဘူး။ ဒါကိုသေချာလေးပြသွားတဲ့ ဇာတ်လမ်းဆိုရင်လည်းမမှားပါဘူး။ မော်လီဟာ ရင်သားကင်ဆာပျောက်ကာစအမျိုးသမီးတစ်ယောက်ဖြစ်ပါတယ်။ ကင်ဆာဖြစ်နေတဲ့ကာလတစ်လျှောက် ယောကျ်ားဖြစ်သူ စတိဗ်နဲ့လည်း လိင်ကောင်းကောင်းမဆက်ဆံရ၊ ကင်ဆာဖြစ်ပြီးတော့လည်း ယောကျာ်းဖြစ်သူရဲ့ အထိအတွေ့တွေမှာ မသာယာရတဲ့အမျိုးသမီးတစ်ယောက်ဖြစ်ခဲ့ပါတယ်။ ဒီလိုနဲ့ လိင်မှုကိစ္စနဲ့ဝေးကွာနေတဲ့လူတစ်ယောက်ဟာ လိင်ကိစ္စကိုတောင့်တမှာ မလွဲမသွေပါပဲ။ ဒါပေမယ့် ကံဆိုးချင်တော့ မော်လီတစ်ယောက်အရိုးထဲမှာ ကုသလို့မရတဲ့ ကင်ဆာတစ်ခုကအမြစ်ထပ်တွယ်နေပါတယ်တဲ့။ ကံဆိုးမသွားရာမိုးလိုက်လို့ရွာဆိုသလို မော်လီရဲ့ လိင်မှုကိစ္စအိမ်မက်ကလေးဟာ ဝေးသထက်ဝေးလာခဲ့ရပါတယ်။ ဒီလိုနဲ့ မော်လီတစ်ယောက်ကင်ဆာနဲ့လိင်မှုကိစ္စကိုဘယ်လိုမျိုး ကိုင်တွယ်ဖြေရှင်းမလဲဆိုတာကို ဟာသနှောပြီးပြသွားတဲ့ ဇာတ်လမ်းတွဲလေးဖြစ်တာကြောင့် လက်မလွှတ်သင့်ကြောင်း... File Size – (Appx;)@Episode Quality – 1080p WEB DL Duration –30 minute (@Episode) Total Episodes:8Eps Subtitle – Myanmar Hardsub Format – Mp4 Genre : Drama, Comedy Translator – CM Team Encoder – YK

ဆီဘက်ရှန်တို့ဟာ အီတလီနိုင်ငံ စစ္စလီကျွန်းကနေ အမေရိကန်နိုင်ငံ ချီကာဂိုကို ပြောင်းရွှေ့လာတဲ့ မန်နီစကယ်ကိုမျိုးနွယ် မိသားစုပါ။ ဖခင်ရဲ့ တင်းကြပ်တဲ့ အုပ်ထိန်းမှုအောက်မှာ ကြီးပြင်းခဲ့တဲ့ ဆီဘက်ရှန်ဟာ ရှိတာနဲ့ ရောင့်ရဲဖို့၊ ရှက်တတ်ကြောက်တတ်ဖို့ သင်ယူခဲ့ရတယ်။ သူ့ချစ်သူ အယ်လီကတော့ ပွင့်ပွင့်လင်းလင်း နေတတ်တဲ့ အမေရိကန်သူဖြစ်ပြီး မျိုးရိုးမြင့် ချမ်းသာတဲ့ မိသားစုက ဆင်းသက်လာသူပါ။ အယ်လီ့ကို လက်ထပ်ခွင့်တောင်းဖို့ အချိန်ကောင်းကို စောင့်နေတုန်း သူ့မိသားစုက ဆီဘက်ရှန်ကို ဗာဂျီးနီးယားမှာရှိတဲ့ နွေရာသီစံအိမ်ဆီ အားလပ်ရက် လာလည်ဖို့ ဖိတ်လိုက်ပါတယ်။ ဒီခရီးမှာ ဆီဘက်ရှန်ရဲ့အဖေပါ လိုက်လာတော့ အစကတည်းက တကျက်ကျက်ဖြစ်တတ်တဲ့ သားအဖနှစ်ယောက်အတွက် ပိုရှုပ်လာတော့တယ်။ ယဉ်ကျေးမှုနဲ့ နေထိုင်ပုံ မတူတဲ့ မိသားစုနှစ်စု ဆုံကြတဲ့အခါ ဆီဘက်ရှန်တစ်ယောက် ဂွကျတတ်တဲ့ သူ့အဖေနဲ့ ချစ်သူ့မိသားစုကြားမှာ ဗျာများရပါတယ်။ သားက သူ့အဖေအကြောင်း ဖောက်သည်ချသလို တင်ဆက်ထားတဲ့ အမေရိကန်ဟာသရုပ်ရှင်ဖြစ်ပြီး သားအဖအဖြစ် Sebastian Maniscalco နဲ့ Robert De Niro တို့ သရုပ်ဆောင်ထားပါတယ်။

2022 ခုနှစ် အကောင်းဆုံးရုပ်ရှင်စီးရီးအဖြစ် Emmy ဆုရရှိသွားတဲ့ စီးရီးတစ်ခုကို တင်ဆက်ပေးချင်ပါတယ်။ တစ်ကမ္ဘာလုံးမှာ ပရိသတ်တွေအများကြီးရဲ့ အားပေးမှုကို ရထားတဲ့ ဒရာမ စီးရီးတစ်ခုလည်းဖြစ်ပါတယ်။ နာမည်ကတော့ ဆက်ခံမှု ဆိုတဲ့ အဓိပ္ပါယ်ပါပဲ။ ဒီစီးရီးကိုတော့ အက်မင်က စီးပွားရေး Game of Thrones လို့ တင်စားချင်ပါတယ်။ GoT လို အတိုက်အခိုက်တွေ နဂါးတွေအစား စီးပွားရေးသမားတွေ၊ နိုင်ငံရေးသမားတွေရဲ့ ကွက်ကျော်ရိုက်ပုံတွေ၊ နောက်ကျောဓားနဲ့ထိုးပုံတွေ ကာရိုက်တာတွေ ပြောင်းလဲလာပုံတွေနဲ့ တင်ဆက်ထားတာမို့ စီးပွားရေးဗဟုသုတရော ရသပါ အတော်လေးပြည့်စုံတဲ့ ဇာတ်လမ်းတွဲပဲဖြစ်ပါတယ်။ ကာရိုက်တာတွေကလည်း Game of Thrones လိုပဲ တစ်မျိုးစီထူးခြားပြီး အကြံကိုယ်စီနဲ့ ဖြစ်နေပါတယ်။ ကြားထဲမှာ အပူးအပေါင်းတွေ အကွဲအပြဲတွေ လှည့်ကွက်တွေလည်း အတော်ကို စုံပါတယ်။ ဇာတ်လမ်းအကျဉ်း လိုဂန် ရွိုင်ဆိုတဲ့ အောက်ခြေကတက်လာတဲ့ ဘီလီယံနာ သူဌေးကြီးဟာ မီဒီယာ နဲ့ ဖျော်ဖြေရေးလောကရဲ့ အင်အားအကြီးဆုံးကုမ္ပဏီကြီးတွေထဲက တစ်ခုကို ပိုင်ဆိုင်ထားပါတယ်။ သူ အသက် ၈၀ ပြည့်တဲ့အချိန်မှာ စီအီးအို အမှုဆောင်ချုပ်အဖြစ်ကနေ အနားယူပြီး သူ့ရဲ့ သားသမီးတွေထဲက တစ်ယောက်ကိုလက်လွှဲပေးဖို့ ဆုံးဖြတ်လိုက်ပါတယ်။ ဒါပေမယ့် သူ့သားသမီးတွေကလည်း တစ်ယောက်တစ်ပေါက်နဲ့မို့ ကုမ္ပဏီကို စိတ်ချလက်ချလက်လွှဲစရာလူ ရှာမတွေ့ဖြစ်နေတုန်းပါပဲ။အဲဒီအချိန်မှာပဲ လိုဂန်တစ်ယောက် ဦးနှောက်သွေးကြောပေါက်ပြီး သတိလစ်သွားခဲ့ပါပြီ၊ လိုဂန်ရဲ့ ကျန်းမာရေးသတင်းဟာ ရှယ်ယာဈေးကွက်ကြီးတစ်ခုလုံးကို ရီုက်ခတ်သွားနိုင်တာမို့ တစ်ရက်အတွင်း လိုဂန့်နေရာကို ဆက်ခံဖို့ လူတွေကို မိသားစုဝင်တွေဘုတ်အဖွဲ့တွေ အမြန်ရွေးချယ်ရပါတော့မယ်။ အဲဒီကစပြီး ဇာတ်ရှိန်တွေတက်သွားလိုက်တာ အခု နောက်ဆုံးစီစန်အထိပါပဲ။ ဒီဇာတ်လမ်းတွဲကြည့်ပြီးသွားရင်တော့ စီးပွားရေးသမားအကြီးစားဖြစ်လာဖို့ ဘယ်လောက်ဉာဏ်များပြီးဘယ်လောက် ရက်စက်ပြတ်သားဖို့လိုလဲဆိုတာပါ တွေ့လာပါလိမ့်မယ်။ file size…600MB Quality….Webrip 1080p / 720p  Format…mp4 Duration….1hr 5 Min Genre...Action, Adventure Subtitle….Myanmar Subtitle (Hardsub) Encoder….Mr. Anderson Translated by Mr. Anderson

Kill Your Darlings (2013) IMDB : 6.4 Rotten Tomatoes : 78% Genre : Thriller / Biographical Drama ဒီရုပ်ရှင်က နာမည်ကြီးစာရေးဆရာတွေဖြစ်ကြတဲ့ Allen Ginsberg Jack Kerouac နဲ့ William S. Burroughs တို့ရဲ့ ငယ်ဘဝ ကိုလံဘီယာတက္ကသိုလ်မှာ ကြုံဆုံခဲ့ရတဲ့ အစောပိုင်းဘဝကို အခြေခံရိုက်ထားတဲ့ ရုပ်ရှင်တစ်ခုဖြစ်ပါတယ်။ ပြောရရင် ဒီရုပ်ရှင်က စာရေးဆရာတွေအကြောင်းရိုက်ထားတာဆိုတော့ စာပေကိုရူးသွပ်မှု၊ ကဗျာစံစားမှုတွေကို ဦးတည်ရိုက်ကူးထားတော့ တကယ်မဖြစ်ခဲ့သလိုမျိုး ခံစားချက်မျိုးရကောင်းရနိုင်ပေမဲ့ ရုပ်ရှင်ထဲမှာပါတဲ့ ဖြစ်ရပ်တွေကတော့ တကယ်ကို အပြင်မှာဖြစ်ခဲ့တာဖြစ်ပါတယ်။ ဒါတင်မကသေးပဲ သရုပ်ဆောင်တွေကလည်း မျက်နှာသိ၊ နာမည်ကြီးတွေမလို့ ကြည့်ရတာ တော်တော်လေးကို တန်တဲ့ရုပ်ရှင်တစ်ကားဖြစ်ပါတယ်။ စာပေကို နှလုံးသားနဲ့ဖန်တီးသူတွေကြားထဲမှာ ဆိုးရိုးတစ်ခုရှိတယ်။ အဲဒါက “Kill Your Darlings” ပါတဲ့။ ဆိုလိုတာက “ကိုယ့်အကြိုက်ဆုံး ဇာတ်ကောင်၊ ဇာတ်ကွက်၊ စာပိုဒ်တွေကို ဇာတ်လမ်းပိုကောင်းဖို့အတွက် နှမြောမနေနပဲ သ-တ်ပစ်ပါ”တဲ့။ ဆိုတော့ ရုပ်ရှင်နာမည်ကိုက စိတ်ဝင်စားဖို့ကောင်းနေပါပြီ။ ဇာတ်ညွှန်း ၁၉၄၄ ခုနှစ်မှာ ကိုလံဘီယာတက္ကသိုလ်ကို ပထမနှစ်လာတတ်တဲ့ ကျောင်းသားလေးတစ်ယောက်ရှိခဲ့တယ်။ သူကတော့ နောက်တစ်ချိန်မှာ ကမ္ဘာကျော်စာရေးဆရာကြီးဖြစ်လာမယ့် အယ်လန်ဂင်းဘ်ဘာ့စ်ဖြစ်ပါတယ်။ သူအဲဒီမှာ ကြုံခဲ့ရတာကတော့ လူရှန်ကားလို့ အမည်ရတဲ့ လူငယ်လေးတစ်ယောက်ဖြစ်ပါတယ်။ လူရှန်က တော်တော်လေးကို ဉာဏ်ပြေးတယ်။ နှစ်လိုဖွယ် အသွင်အပြင်ရှိတယ်။ သူများဒီလမ်းဆို သူက ဟိုလမ်းလျှောက်တတ်တဲ့လူမျိုး။ ဒီလိုမျိုး တစ်ခုခုကို ထိုးဖောက်ချင်နေတဲ့ လူငယ်တစ်ယောက်နောက်ကို ကောက်ကောက်ပါအောင် လိုက်မိသွားတာက အယ်လန်ဖြစ်ပါတယ်။ စာပေလောကကို ပြောင်းလဲပစ်ချင်တဲ့ အတွေးအခေါ်တွေ၊ ဥပဒေကိုကျော်လွန်သွားတဲ့အတွေးအခေါ်တွေက သူတို့ရဲ့နောက်ကို လိုက်မှန်းမသိလိုက်လာခဲ့ပါတယ်။ ဒီလိုနဲ့ဦးတည်သွားတာကတော့ လျှို့ဝှက်တဲ့ အမှုတစ်ခုဆီကိုပါပဲ။ “ပိုကောင်းတဲ့ ဇာတ်လမ်းဖြစ်ဖို့ ဇာတ်ကောင်ကို သ-တ်ဖို့ ဝန်မလေးရဘူးတဲ့လေ” ဟုတ်တယ်မလား…. ခံစားကြည့်လိုက်ကြပါ။ အယ်လန်အဖြစ် ဟယ်ရီပေါ်တာ မင်းသား Daniel Redcliffe လူ အဖြစ် ဒီလိုမျိုး “ဟာ..ဟင်”ဖြစ်ရမယ့်ကားတွေရဲ့ ပင်တိုင်စံ မင်းသားချော Dane DeHaan အက်ဒီပါကာအဖြစ် မင်းသမီး Elizabeth Olsen ဝီလီယံအဖြစ် မင်းသား Ben Forster ဂျက်ခ်အဖြစ် မင်းသား Jack Huston ဒေးဗစ်အဖြစ် Daxter ဇာတ်လမ်းတွဲရဲ့ ခေါင်းဆောင်မင်းသား Michael C. Hall တို့က ပါဝင်သရုပ်ဆောင်ထားတာမလို့ သရုပ်ဆောင်ပိုင်းက တော်တော်လေးကိုပြီးပြည့်စုံတယ်လို့ပြောရပါမယ်။ ခံစားကြည့်လိုက်ကြပါ။ File size…    1.8 GB / 600 MB Quality… Web-DL 1080p / 720p Format… mp4 Duration…. 1h 44m Genre ..... Thriller / Biographical Drama/ Mystery

ဒွန်နဲ့ အယ်လီတို့ဟာ တစ်ချိန်က အိမ်တစ်အိမ်တည်းမှာ အတူနေခဲ့ကြတဲ့ လင်မယားပါ။ သားဂျဲရက်ဒ်၊ သမီးလိုင်လာနဲ့ မွေးစားသားအယ်လ်ဟန်ဒရိုဆိုတဲ့ သားသမီးသုံးယောက် ရှိပါတယ်။ အခုတော့ ကွာရှင်းထားကြပြီး အယ်လီက သီးသန့်ခွဲနေတယ်။ ဒွန်ကတော့ အရင်အိမ်မှာပဲ အယ်လီရဲ့ အချစ်ဆုံးသူငယ်ချင်း ဘီဘီနဲ့ တွဲနေပါတယ်။ မွေးစားသား အယ်လ်ဟန်ဒရိုက သူတို့ရဲ့သူငယ်ချင်းတွေဖြစ်တဲ့ ဘယ်ရီနဲ့ မက်ဖင်တို့ရဲ့သမီး မယ်လီဆာနဲ့ လက်ထပ်ဖို့ ဖြစ်လာပါတယ်။ မင်္ဂလာပွဲကို အယ်လ်ဟန်ဒရိုရဲ့ အမေရင်း မက်ဒေါနားလည်း ကိုလမ်ဘီယာကနေ လာမှာပါ။ မက်ဒေါနားက ကတ်သလစ်ဘာသာကို နက်နက်ရှိုင်းရှိုင်း ယုံကြည်ပြီး ကွာရှင်းတာကို ကြီးလေးတဲ့အပြစ်လို့ သတ်မှတ်ထားသူ ဖြစ်နေပါတယ်။ သူ့ရဲ့တစ်ဦးတည်းသောသားကို ၁၅ နှစ်ကြာ ပြုစုပျိုးထောင်ပေးခဲ့တဲ့ မိဘနှစ်ယောက် ကွာရှင်းထားကြောင်း သိရင် အမေတုန်လှုပ်သွားမှာစိုးလို့ အယ်လ်ဟန်ဒရိုက အမှန်အတိုင်း မပြောထားခဲ့ပါဘူး။ ဒီတော့ မင်္ဂလာပွဲပြီးတဲ့အထိ ဒွန်နဲ့ အယ်လီတို့က လင်မယားအဖြစ် ပြန်ဟန်ဆောင်ပေးရတော့တယ်။ သူတို့နှစ်ယောက် ဒီအခြေအနေကို အဆင်ပြေအောင် ထိန်းထားနိုင်ပါ့မလား၊ ဒွန်နဲ့ လက်ရှိတွဲနေတဲ့ ဘီဘီကရော လက်ခံပေးနိုင်ပါ့မလားဆိုတဲ့ ပြဿနာတွေက မင်္ဂလာပွဲနဲ့အတူ ရောက်လာပါတယ်။

အေးဂျင့်ကေနဲ့ အေးဂျင့်ဂျေတို့ ပြန်ပါလာတဲ့ ဒီဇာတ်လမ်းမှာ ဘိုးရစ်ဆိုတဲ့ အန္တရာယ်များတဲ့ ဂြိုလ်သားတစ်ကောင်ကို အာကာသထဲက လုံခြုံရေးတင်းကျပ်တဲ့ အကျဉ်းထောင်မှာ ချုပ်ထားပါတယ်။ ဘိုးရစ်က အေးဂျင့်ကေအပေါ် ရန်ငြိုးရှိနေသူပါ။ အရင်က ကေကြောင့် လက်တစ်ဖက် ပြတ်သွားဖူးပြီး ကေကပဲ သူ့ကို မသတ်ဘဲ အရှင်ဖမ်းလို့ ထောင်ထဲပို့ထားခဲ့တာ ဖြစ်ပါတယ်။ တစ်ရက်မှာတော့ အပြင်ကအကူအညီနဲ့ ဘိုးရစ် ထောင်က လွတ်သွားတယ်။ သူက ကေကို လက်စားချေဖို့အတွက် အဖမ်းမခံရသေးတဲ့ အတိတ်အချိန်ကို ပြန်သွားပြီး ကေကို သတ်ဖို့ ကြံစည်ပါတယ်။ အဲဒီအစီအစဉ် အောင်မြင်သွားပုံရပြီး အချိန်စက်ဝန်းလည်း ပြောင်းလဲသွားတယ်။ လူတိုင်းက ကေကို မေ့သွားကြပေမယ့် ဂျေတစ်ယောက်ကတော့ မှတ်မိနေဆဲပါ။ အဲဒီအခါ အတိတ်ကို ပြန်သွားပြီး ပြောင်းလဲသွားတဲ့ အဖြစ်အပျက်တွေကို ပြန်ပြင်ဖို့ ဂျေ့မှာ တာဝန်ရှိလာပါတော့တယ်။

Burn After Reading (2008) IMDb..... 7.0 ဒီတစ်ခါ ကျွန်တော်တို့ မိတ်ဆက်ပေးချင်တဲ့ကားကတော့ cast တွေ အရမ်းကြမ်းတဲ့ R rate ရထားတဲ့ Crime Drama ရုပ်ရှင် တစ်ကားပါ။  Castတွေကတော့ ဟောလိဝုဒ်ရဲ့ Legendတွေဖြစ်ခဲ့တဲ့ George Clooney, Brad Pitt နဲ့ Tilda Swinton တို့ပဲ ဖြစ်ပါတယ်။ ဇာတ်လမ်းရဲ့အစမှာတော့.. CIA အေးဂျင့်ပြုတ် တစ်ယောက်ဟာ အရေးကြီးတဲ့ ပဟေဋ္ဌိဆန်တဲ့ အချက်အလက်တွေပါတဲ့ CD တစ်ချပ်ကို မှတ်တမ်းအနေနနဲ့လုပ်ခဲ့ပါတယ်။ ကံဆိုးချင်တော့ ဒီCDဟာ Georgetwon Gymမှာ ကျန်ခဲ့ပြီး အလုပ်သမား နှစ်ယောက် လက်ထဲရောက်သွားခဲ့ပါတယ်။ အဲဒီ အလုပ်သမား ၂ယောက်ကတော့ Lindaလို့ ခေါ်တဲ့ အလှပိုင်းဆိုင်ရာ ခွဲစိတ်ပြုပြင်ဖို့ ငွေလိုနေတဲ့ အမျိုးသမီးတစ်ယောက်နဲ့ Chad ဆိုတဲ့ လူအတစ်ယောက်ဖြစ်ပြီး ဒီ CDကို ရောင်းဖို့ ကြိုးစားတဲ့အခါမှာတော့..... ဘာတွေဆက်ဖြစ်မလဲဆိုတာကို ဟာသတစ်ပိုင်း ရင်ဖိုစရာတစ်ပိုင်းနဲ့ ခံစားရမဲ့ Imdb rating 7 တိတိရထားတဲ့ မှုခင်း ဒရာမာ ကားကောင်းတစ်ခုပါ။ (ဇာတ်လမ်းအညွှန်းနဲ့ ဘာသာပြန်သူကတော့ Pinky ပဲ ဖြစ်ပါတယ်။) File Size : 3.1GB/ 1.0GB Quality : Blu-Ray 1080p 5.1 CH/ 720p Format…mp4 Duration…01:36:56 Genre : Comedy , Crime , Drama Subtitle : Myanmar Subtitle (Hard Sub) Translated by Pinky Encoded by Tiff

IMDb....7.1,,,Rotten...73% "သူတို့အားလုံးကို ကျွန်တော်အိမ်ပြန်ပို့နိုင်စေရမယ်လို့ ကတိပေးထားတယ်....ဆိုလိုတာက တစ်ဝက်လောက်ကို လိမ်လိုက်ရတဲ့ဆိုတဲ့သဘောပေါ့" ဒီစကားကိုတော့ တပ်ကြပ်ကြီးတစ်ဦးက ဂျပန်ကျွန်းဆွယ်ဖြစ်တဲ့ အီဝိုးဂျီဝါးကျွန်းကို မသိမ်းခင် တပ်ခွဲမှူးအရာရှိကို ပြောနေတဲ့စကားပဲဖြစ်ပါတယ်.။ပြောချင်တာက ဥပမာလူ(၃၀၀)တက်ရင် ၁၅၀သေမယ် ၁၅၀အသက်ရှင်မယ်ပေါ့လေ။ ..ဒီဂျပန်ကျွန်းတက်သိမ်းမယ့် စစ်ဆင်ရေးမှာ သူကိုယ်တိုင်လည်း အသက်ဆုံးရှုံးနိုင်ဖို့ ၇၀ရာနှုန်းလောက်သေချာနေပေမယ့် သူ့ကိုယ်သူထက် လက်အောက်ငယ်သားတွေ အတွက်စိတ်မကောင်းဖြစ်နေပုံပါပဲ.... Flags of Our Fathers ဆိုတာ ဒုတိယကမ္ဘာစစ်အတွင်း အီဝိုးဂျီဝါးကျွန်းကိုတက်သိမ်းစဉ်ဖြစ်ပျက်ခဲ့တဲ့ အကြောင်းကို ရိုက်ကူးထားတဲ့ ဖြစ်ရပ်မှန်မှီငြိမ်းဇာတ်ကားဖြစ်ပါတယ်..... ဒီကျွန်းကိုတက်မသိမ်းခင် ရေတပ်ကအမြှောက်ကြီးတွေက ဗုံးမိုး ရက်(၂၀)လောက်ရွာခဲ့လို့ မြက်ပင်တောင်မရှိတော့ဘူး.... သို့ပေမယ့် ဂျပန်တို့ရဲ မြင့်မြတ်သောကျွန်းအဖြစ်ဦးထိပ်ထားတဲ့ ဒီကျွန်းကိုရဖို့ အမေရိကန်တို့ အရာအားလုံးနီးပါးစတေးခဲ့ရတယ်... ကျွန်တော်ဒါတွေပြောလို့ စပွိုင်လာဖြစ်သွားတယ်လို့မထင်လိုက်ပါနဲ့...တကယ့်ဒီဇာတ်ကားရဲ့ အဓိကအဖြစ်ဆုံးအကြောင်းအရာက အီဝိုးဂျီဝါးကျွန်းရဲ့တောင်ကုန်းပေါ်မှာ စိုက်ထူခဲ့တဲ့အလံဖြစ်ပါတယ်... ဒီအလံရဲ့နောက်ကွယ် ဘာတွေဆက်ဖြစ်မလဲဆိုတာကိုတော့ အကောင်းဆုံးအပိုင်းဖြစ်လို့ ထိန်ချိန်ထားပါရစေ.... ဒီကားက စစ်ကားထဲမှာဆို တကယ့် ဂန္တဝင်စားရင်းထဲကိုထည့်ရလိမ့်မယ်ထင်တယ်..ဒါရိုက်တာက  Clint Eastwood ကြောင့် လို့လည်းမထင်လိုက်ပါနဲ့...ကျွန်းသိမ်းစဉ်မှာ ကြည်း၊ရေ၊လေ (၃)ခုပေါင်းပြီး ထိုးစစ်ဆင်ခဲ့ပုံတွေကို တကယ့်ထိတ်လန့်စရာ စစ်မြေပြင်အတိုင်းရိုက်ပြနိုင်သလို စစ်ရဲ့ဆိုးကျိုးတွေ တိုက်ပွဲဝင်စစ်သည်တွေရဲ့ ခံစားချက်အဖုံဖုံ ခံယူချက်အမျိုးမျိုးတွေကိုလည်း ရိုက်ပြနိုင်ခဲ့တယ်...ဒါ့အပြင် အစိုးရပိုင်း ပြည်သူနဲ့ စစ်သည်တွေကြားရဲ့ ဆက်နွယ်မှုတွေကိုလည်း ခင်ဗျားတို့မြင်ရလိမ့်မယ်... ဒီကားက အော်စကာ ဆန်ကာတင်(၂)ဆုစာရင်းဝင်ခဲ့သလို အခြားဆု(၁၅)ဆုလည်းရရှိခဲ့တယ်... ကျွန်တော်တို့ရဲ့ ဒါရိုက်တာကြီး  Clint Eastwood ကတော့ AARPက ချီးမြင့်တဲ့အကောင်းဆုံးဒါရိုက်တာဆုရရှိခဲ့တယ်.. ကိုင်း စစ်ကားကြိုက်တဲ့ သူတွေအတွက် အကောင်းဆုံးစာရင်းဝင် တစ်ကားတင်ဆက်လိုက်ပါပြီ... ခံစားကြည့်လိုက်ပါဦး..... ဇာတ်လမ်းအညွှန်းနဲ့ ဘာသာပြန်သူကတော့ Ye Pye Sone ပဲဖြစ်ပါတယ်... File Size : (1GB) Quality : Blu-Ray 720p Format…mp4 Duration…02:15:00 Genre :  Drama, History, War Subtitle : Myanmar Subtitle (Hard Sub) Translated by Ye Pye Sone Encoded by Phyo Pyae

9/11 ကိစ္စ ကို မှတ်မိကြအုံးမယ် ထင်ပါတယ် အမေရိကန် လေကြောင်းလိုင်းက လေယဉ် (၄) စီးအား အနုကြမ်းစီးကာ အမေရိကန်နိုင်ငံ ရဲ့ လူနေထူထပ်ပြီး တန်ဖိုးရှိတဲ့ နေရာတွေကို အသေခံ မောင်းချတိုက်ရန် စစ်သွေးကြွ အကြမ်းဖက်သမားများ က အကွက်ချ စီစဉ်ခဲ့တဲ့ ကိစ္စပါ... ဒီလေယဉ်တွေထဲမှာ United Flight 93 ခရီးသယ်တင် လေယဉ်ကြီး လဲ ပါဝင်ခဲ့ပါတယ်.... ဒီရုပ်ရှင်ကား ဟာ အကြမ်းဖက်ခံရတဲ့ လေယဉ် အမှတ် ၉၃ ရဲ့ ဖြစ်ရပ်မှန်ကို ရိုက်ကူးထားတာဖြစ်ပြီး ခရီးသယ်များ ရဲ့ ဖုန်းအဆက်အသွယ် ပိုင်းလော့တွေ ရဲ့ သတင်းပို့ချက်တွေ အပေါ် ကိုးကားရိုက်ကူးထားတာဖြစ်ပါတယ် ရင်ထိတ်သည်းဖို ကြည့်ရှုရမှာ ဖြစ်ပြီး ဒီဇတ်ကားကို ဘာသာပြန်ပေးထားသူကတော့ ညို့မျက်ဝန်း ဖြစ်ပါတယ် Thit San Khant က Encode ၍ တင်တက်ပေးထားပါတယ်

ဒီဇာတ်ကားက ဂန္ဓ၀င်မင်းသားကြီး Michael Douglas ရဲ့ဇာတ်ကားလေးပါ။ ပိထ်ဂါရစ်ဆန် နဲ့ ဘရက်ကင်ရစ်ခ်ျ တို့ဟာ သမ္မတ လုံခြုံရေးတပ်ဖွဲ့မှာ တာ၀န်ထမ်းဆောင်လာခဲ့တာ နှစ်ပေါင်းများစွာရှိနေပါပြီ။ သူတို့နှစ်ယောက်ဟာ ခင်မင်တာကြာပြီဖြစ်တဲ့ သူငယ်ချင်းနှစ်ယောက်ဖြစ်ပေမယ့် ပုဂ္ဂိုလ်ရေးကိစ္စကြောင့် စိတ်၀မ်းကွဲနေကြတဲ့သူတွေဖြစ်ပါတယ်။ တစ်ရက်မှာတော့ လုံခြုံရေးအဖွဲ့ရဲ့ အဖွဲ့၀င်တစ်ဦးဟာ သမ္မတကိုလုပ်ကြံဖို့စီစဉ်‌နေတာသိလိုက်ရတော့ လုံခြုံရေးအဖွဲ့တစ်ခုလုံး သို့လော သို့လော ဖြစ်ကုန်ကြပါတယ်။ တစ်ယောက်နဲ့တစ်ယောက် ယုံမရတော့တဲ့အနေအထားကြောင့် မုသားဖော်စက်နဲ့ တစ်ဦးချင်းစစ်ဆေးရာမှာ ပိထ် လိမ်နေတယ်လို့သိလိုက်ရပါတယ်။ ဒါပေမယ့် ပိထ်ကအဖမ်းမခံဘဲ အကွက်ချခံရကြောင်းပြောပြီး တရားခံအစစ်ကိုရှာဖို့ကြိုးစားပါတော့တယ်။ ပိထ်ဟာ သူပြောသလို အကွက်ချခံရတာလား ကိုယ်တိုင်ကပဲလုပ်ကြံရေးသမားဖြစ်နေတာလား.... File size…1.69GB / 708.9MB Quality…Blu-Ray 1080p 5.1CH / 720p Format…mp4 Duration….1h 48m Genre ..... Action , Crime , Thriller Subtitle….Myanmar Subtitle (Hard Sub) Encoder….Min Wai Translated by Jaka

ဇာတ်ကားက ၂၀၀၃ ခုနှစ်ကထွက်ရှိထားတဲ့ ပေါ့ပေါ့ပါးပါး အချစ်ဟာသရုပ်ရှင်ဇာတ်ကားတစ်ကားပဲဖြစ်ပါတယ်။ Aston Kutcher နဲ့ Brittany Murphy တို့ပါဝင်သရုပ်ဆောင်ထားပါတယ်။ တွမ်နဲ့ဆာရာတို့ဟာ မတော်တဆတွေ့ဆုံမိကြရင်း မထင်မှတ်ထားတဲ့ပုံစံနဲ့ လူငယ်တို့သဘာဝ ချစ်ကြိုက်မိသွားကြပါတယ်။ ချမ်းသာတဲ့ဆာရာရဲ့မိဘတွေကတော့ အနေအထားချင်းမတူတဲ့ တွမ်နဲ့ သဘောမတူပါဘူး။ ဒါပေမဲ့ ဆာရာဟာ မိဘတွေရဲ့သဘောထားနဲ့ဆန့်ကျင်ပြီး တွမ်နဲ့လက်ထပ်လိုက်ပါတယ်။ ပြီးတဲ့အခါမှာတော့ နှစ်ယောက်သား ဥရောပတစ်ခွင် အလည်အပတ်ခရီးထွက်ဖို့ပြင်ဆင်ပါတယ်။ တစ်ဖက်မှာလည်း ဆာရာတို့မိဘတွေဟာ သူတို့နှစ်ယောက်ကိုအနှောင့်အယှက်ပေးဖို့ ဆာရာရဲ့ရည်းစားဟောင်းဖြစ်သူကို နောက်ကနေလိုက်ဖို့လွှတ်လိုက်ပါတော့တယ်။ ဒီကားထဲကတော့ သူတို့ညားခါစ အတွဲကြားက အလွဲတွေ ပြဿနာတွေကို ဟာသဆန်ဆန် ရိုက်ကူးထားတာဖြစ်ပြီး ဘဝအမောတွေကို တစ်ခဏတာပြေပျောက်စေဖို့ ပေါ့ပေါ့ပါးပါးကြည့်ရှုရမှာပဲဖြစ်ပါတယ်။ File Size : 2.9 GB, 1 GB Quality : Blu-Ray 1080p / 720p Running Time : 1hr 51min Format : Mp4 Genre : Comedy, Romance Subtitle : Myanmar Subtitle (Hard Sub) Translated by : Vader ft Riley Encoded by : Thit San Khantဇာတ်ကားက ၂၀၀၃ ခုနှစ်ကထွက်ရှိထားတဲ့ ပေါ့ပေါ့ပါးပါး အချစ်ဟာသရုပ်ရှင်ဇာတ်ကားတစ်ကားပဲဖြစ်ပါတယ်။ Aston Kutcher နဲ့ Brittany Murphy တို့ပါဝင်သရုပ်ဆောင်ထားပါတယ်။ တွမ်နဲ့ဆာရာတို့ဟာ မတော်တဆတွေ့ဆုံမိကြရင်း မထင်မှတ်ထားတဲ့ပုံစံနဲ့ လူငယ်တို့သဘာဝ ချစ်ကြိုက်မိသွားကြပါတယ်။ ချမ်းသာတဲ့ဆာရာရဲ့မိဘတွေကတော့ အနေအထားချင်းမတူတဲ့ တွမ်နဲ့ သဘောမတူပါဘူး။ ဒါပေမဲ့ ဆာရာဟာ မိဘတွေရဲ့သဘောထားနဲ့ဆန့်ကျင်ပြီး တွမ်နဲ့လက်ထပ်လိုက်ပါတယ်။ ပြီးတဲ့အခါမှာတော့ နှစ်ယောက်သား ဥရောပတစ်ခွင် အလည်အပတ်ခရီးထွက်ဖို့ပြင်ဆင်ပါတယ်။ တစ်ဖက်မှာလည်း ဆာရာတို့မိဘတွေဟာ သူတို့နှစ်ယောက်ကိုအနှောင့်အယှက်ပေးဖို့ ဆာရာရဲ့ရည်းစားဟောင်းဖြစ်သူကို နောက်ကနေလိုက်ဖို့လွှတ်လိုက်ပါတော့တယ်။ ဒီကားထဲကတော့ သူတို့ညားခါစ အတွဲကြားက အလွဲတွေ ပြဿနာတွေကို ဟာသဆန်ဆန် ရိုက်ကူးထားတာဖြစ်ပြီး ဘဝအမောတွေကို တစ်ခဏတာပြေပျောက်စေဖို့ ပေါ့ပေါ့ပါးပါးကြည့်ရှုရမှာပဲဖြစ်ပါတယ်။ File Size : 2.9 GB, 1 GB Quality : Blu-Ray 1080p / 720p Running Time : 1hr 51min Format : Mp4 Genre : Comedy, Romance Subtitle : Myanmar Subtitle (Hard Sub) Translated by : Vader ft Riley Encoded by : Thit San Khant

အမေရိကန်အက်ရှင်မင်းသားကြီး စတားလုံးရဲ့ တစ်ချိန်က အက်ရှင်ဇာတ်လမ်းဟောင်းကို တင်ဆက်ပေးလိုက်ပါတယ်။ အသံတိတ်လက်နက်လို့ခေါ်ရမဲ့ တူ၊ ဓား၊ ပုဆိန်တွေကိုသုံးပြီးသတ်သွားတဲ့ ကွင်းဆက်လူသတ်မှုတွေ ဆက်တိုက်ဖြစ်နေခဲ့တယ်။ စတားလုံးကတော့ ရာဇဝတ်သားတွေကို မညှာမတာရှင်းပစ်တတ်တဲ့ ခပ်ကြမ်းကြမ်းရဲတစ်ယောက်ပေါ့။ နောက်ပိုင်းသိလာရတာက ကွင်းဆက်လူသတ်သမားက တစ်ယောက်တည်းမဟုတ်ဘဲ အဖွဲ့လိုက်ဖြစ်နေခဲ့တာပဲ။ သူတို့က မကောင်းတဲ့လူ့အဖွဲ့အစည်းကို သုတ်သင်ရှင်းလင်းပြီး ကမ္ဘာသစ်တစ်ခုကို တည်ဆောက်မယ်လို့ ကြွေးကြော်ကြတယ်။ တစ်ည မိန်းကလေးတစ်ယောက်ကို သတ်ဖို့ကြိုးစားရင်း သူတို့လက်ကနေလွတ်မြောက်သွားခဲ့တယ်။ မိန်းကလေးရဲ့အိမ်ကိုစုံစမ်းပြီး အပြတ်ရှင်းဖို့ကြိုးစားတဲ့အချိန်မှာ နောက်တစ်ခါထပ်လွတ်သွားပြီး ဇာတ်လိုက်ကျော်ကြီး အစောင့်အရှောက်အောက်ကို အဲဒီမိန်းကလေးရောက်သွားပါတော့တယ်။ ဆရာကြီးစတားလုံးစောင့်ရှောက်နေတဲ့ကြားက လိုက်သတ်တဲ့ လူသတ်သမားအဖွဲ့ ဘယ်လိုဖြစ်သွားမလဲဆိုတာ စဉ်းစားကြည့်ရင်သိနိုင်ပေမဲ့ ခေတ်ဟောင်းကစတားလုံး ဘယ်လောက်ကြမ်းလဲဆိုတာ ခံစားရှုမြင်ကြည့်ကြပါဦး။ (အညွှန်းနဲ့ဘာသာပြန်ကတော့ Pyae Phyoဖြစ်ပါတယ်) File size…(1.7 GB)/(1 GB) Quality….Blu-Ray 1080p / 720p Format…mp4 Duration….01:27:00 Genre... Action, Crime, Thriller Subtitle….Myanmar Subtitle (Hardsub) Encoder….Garfield Translated by Pyae Phyo

Manhattan (1979 ) မန်ဟက်တန်ရုပ်ရှင်က နယူးယောက်ကို ဝူဒီအယ်လန် ပေးခဲ့တဲ့ အလှဆုံး ရည်းစားစာတစ်ပုဒ်ပဲ။ ဒီလိုပြောရတဲ့ အကြောင်းရင်းက တစ်ခုတည်းတော့ မဟုတ်ဘူး။ မန်ဟက်တန်ရုပ်ရှင်က နယူးယောက်ရဲ့ အစိတ်အပိုင်းတစ်ခုဖြစ်တဲ့ မန်ဟက်တန်က လူနေမှုဘဝကို အခြေခံထားရော။ မန်ဟက်တန်က လူတွေရဲ့ ဘဝကို ပြထားတာရော။ နောက် မက်ဟက်တန်မြို့ရဲ့ မြင်ကွင်းတွေကို အလှဆုံး ပုံဖော်ထားတာကြောင့်ရောပေါ့။ သူ့အဖွင့်က Midnight in Paris နဲ့ အတူတူပဲလို့ ပြောလို့ရတယ်။ Midnight in Parisကလည်း ပါရီအတွက် သူ့ရည်းစားစာ ဖြစ်နေခဲ့တယ်ကိုး။ ထူးတာက ဒီမန်ဟက်တန် ရုပ်ရှင်ထဲက နယူးယောက်ရဲ့ လှပခြင်းမျိုးကို ဘယ်ရုပ်ရှင်မှာမှ ကျွန်တော် မတွေ့ဖူးဘူး။ ဝူဒီအယ်လန် ကိုယ်တိုင်ဆီမှာတောင် မမြင်ဖူးဘူး။ အဖြူအမည်းပဲ သုံးပြီး ပုံဖော်ထားတာပေမဲ့ အဲဒီအဖြူအမဲနဲ့ ပုံဖော်ထားတာကိုက အများကြီး ပိုအသက်ဝင်နေတယ်။ အထူးသဖြင့် မန်ဟက်တန်ညတွေ အဖြူအမည်းနဲ့ ပုံဖော်ထားတာက မတရားလှတယ်။ ညကလည်း မည်းနေတယ်။ မိုးထိတိုက်ကြီးတွေကလည်း မည်းနေတယ်။ အမည်းရောင် ပြင်ကြီးပေါ့။ အဲဒီပြင်ကြီးပေါ်မှာ ကျွန်တော်တို့ မြင်ရတဲ့ အဖြူပျပျက သူ့မြို့ပြက ညမီးတွေရဲ့ အလင်းပဲရှိတယ်။ သူလည်း ကြိုက်လို့ ထင်ပါတယ်။ ညတွေကို ဒီလိုပုံဖော်ထားတဲ့ အခန်းမျိုး အများကြီး ထည့်ထားတယ်။ မြို့ပြတစ်ခုကို ပုံဖော်ရာမှာ ညတွေမပါဘဲ အလကားပဲမလား။ လူတွေ လမ်းမီးအဝါတွေ လမ်းမတွေ တကယ်လို့ ရှိခဲ့ရင် မိုးစက်တွေ.. ရေစိုနေတဲ့ လမ်းတွေနဲ့မှ အသက်ဝင်လိမ့်မယ်။ ကျွန်တော့် အမြင်တော့ မြို့ကြီးပြကြီးတွေဟာ ညတွေမှာပဲ အသက်ဝင်တဲ့ နေရာမျိုးပဲ။ ညတွေ အသက်မဝင်တဲ့ မြို့ပြတွေဟာ သေနေတဲ့ မြို့ပျက်တွေပါပဲ။ မန်ဟက်တန်ရဲ့ ဒီလိုညတွေကို အသက်သွင်းနိုင်ခဲ့တဲ့ အပိုင်းကိုတော့ အယ်လန်ထက် Gordon Willisကို ပို အမွှမ်းတင် ရလိမ့်မယ်။ အယ်လန်ရဲ့ တခြားနာမည်ကြီး ဖလင်ဖြစ်တဲ့ Annie Hall ကိုရော အလန်ရဲ့ All the Presidentကိုရော ကော်ပိုလာရဲ့ The Godfather သုံးကားလုံးကိုရော စီနီမာတိုဂရပ်ဖာ လုပ်ခဲ့တဲ့ သူပေါ့။ Honorary Academy Award တောင် ရထားသေးတယ်။ သူ့လိုက်တင်စကေးကြောင့် မဟုတ်ရင် ဒီကားက ဒီလောက်မလှဘူးလို့တောင် ချီးကျူးထားကြတာတွေ ရှိတယ်။ ဇာတ်ကြောင်းကတော့ မန်ဟက်တန်က ရှုပ်ထွေးတဲ့ လူနေမှု ရှုပ်ထွေးတဲ့ အချစ်ဘဝတွေအကြောင်းဆိုတော့ ဒီထက် ပိုကောင်းတဲ့ ရည်းစားစာတော့ နယူးယောက် အနေနဲ့ ရဖို့ရှိမယ် မထင်ဘူး။ မန်ဟက်တန်ရဲ့ ဇာတ်လမ်းက မန်ဟက်တန်ကလွဲ တခြား ဘယ်နေရာမှာမှ အသက်မရှင်နိုင်တဲ့ လူတစ်ယောက်အကြောင်းလို့လည်း ပြောလို့ရတယ်။ အိုင်းဆက်စ်ဆိုတဲ့လူပေါ့။ ဝူဒီအယ်လန် ကိုယ်တိုင် သရုပ်ဆောင်ထားတယ်။ ဇာတ်ကောင်ကလည်း သူ့ကို တော်တော် ထင်ဟပ်တဲ့ ဇာတ်ကောင်ပါပဲ။ ဒါကလည်း ဥရောပနယူးဝေ့အလွန်မှာ အမေရိကန်ဘက် ကိုယ့်ကိုယ်ကိုယ် ထင်ဟပ်တဲ့ ဇာတ်လမ်းတွေ အရိုက်များလာကြတဲ့ အရှိန်ကြောင့် Annie Hallက စပြီး ဝူဒီအယ်လန် ဒီလိုပုံပြောင်းရိုက်ခဲ့လို့လည်း ပါတယ်။ အိုင်းဆက် ဇာတ်ကောင်ရဲ့ အရာရာတိုင်းက ဝူဒီအယ်လန်ကို ထင်ဟပ်နေတယ်။ ဥပမာဆို - ဟာသရှိုးတွေ ရေးတဲ့ စာရေးဆရာ ဖြစ်နေတာတို့, အရာရာကို အမြဲ သရော်တတ်တာတို့ အနုပညာပစ္စည်းကို ပညာရှင်ယောင်ယောင် အမြင်နဲ့ သုံးသပ်ကြတာကို ငေါ့တာတို့ သူ့ဘဝရဲ့ ဖလော်ဆော်ဖီဖြစ်တဲ့ သေခြင်းတရားကို တွေးပူတာတို့ ရေးရင်တော့ ကုန်မှာ မဟုတ်ဘူး။ သူ့မှာ ဘော်ဒါတစ်ကောင်ရှိတယ်။ တစ်ကောင်ပဲနော်။ သူ့ဘော်ဒါနဲ့ သူက ဖလော်ဆော်ဖီပိုင်း အမြဲငြင်းရတယ်။ နောက် သူ့မှာ သူဘာလုပ်လုပ် အကုန်ကောင်းနေတဲ့ ရည်းစားတစ်ယောက် ရှိတယ်။ အဲဒီကောင်မလေးက ၁၇နှစ်ပဲ ရှိသေးတယ်။ ဝူဒီအယ်လန့် ဇာတ်ကောင် အိုင်းဆက် အသက်က ၃၆။ ကြည့် အပြင်က ဝူဒီအယ်လန်ကို ထင်ဟပ်ချက်ပဲ။ တစ်ချို့ဆို ဝူဒီအယ်လန်က အစကတည်းက သူ့ရုပ်ရှင်တွေမှာ သူ့ပုံစံအစစ်ကို ပြထားပြီးသားလို့ ပြောကြတယ်။ ဟုတ်ချင်လည်း ဟုတ်မှာပါ။ ဒီမှာတော့ ကျွန်တော့်မှာ ဒွိဟ တစ်ခုရှိတယ်။ သူ့အတွေးအခေါ်အတိုင်း အတိအကျပဲ သူ့ဇာတ်ကောင်ကို သူ ဖန်တီးခဲ့တာလား။ သူဖန်တီးတဲ့ ဇာတ်ကောင်ကပဲ သူဒွိဟဖြစ်နေခဲ့တဲ့ သူ့အတွေးအခေါ်တစ်ချို့ကို ပြောင်းလဲပစ်လိုက်သလား ဆိုတာပေါ့။ ရုပ်ရှင်ရဲ့ အဆုံးသတ်မှာ ဒီကိစ္စကို ကျွန်တော် မသည်းကွဲတော့ဘူး။ အိုင်းဆက်ရည်းစား ကောင်မလေး နေရာက သရုပ်ဆောင်တာက အားနက်စ်ဟဲမင်းဝေးရဲ့ သားအကြီးဆုံးကမွေးတဲ့ ဟဲမင်းဝေး မြေး မာရီရယ် ဟဲမင်းဝေး။ သူ့ဇာတ်ကောင်က ညီမလေး အချစ်ကို ကိုးကွယ်သတဲ့လား ဆိုတဲ့ ဇာတ်ကောင်မျိုးလို့ ပြောရမယ်။ အိုင်းဆက်က အသက်မပြည့်သေးတဲ့ ကလေးမလေးကို တွဲနေပေမဲ့ တွဲတောင်တွဲပြီးမှပဲ သူတော်ကောင်းယောင် အမြဲဆောင်တယ်။ ငါ့ကို မတွယ်တာနဲ့တို့။ ငါနဲ့က ခဏပဲ ပြီးရင် မင်းဘဝ မင်းဆက်လျှောက်ရမှာ။ ဒီအချစ်ထက် ပိုလေးနက်တဲ့ အချစ်တွေ အများကြီး ကြုံရဦးမှာတို့ပေါ့။ ဒါပေမဲ့ ကလေးမလေးက သူ့ကိုပဲ အရမ်း တွယ်တာ နေခဲ့တယ်။ အရင်က ကြည့်ခဲ့တဲ့ လူတွေတော့ ဒီလိုလူတွေကို သရော်ထားတာလို့ ထင်ခဲ့ကြပေမဲ့ အခုကျ သရော်ထားတာထက် သူ့ကိုယ်သူ ပြန်သရုပ်ဖော်ထားတယ်လို့ မြင်ကြတယ်။ ကျွန်တော်တို့လည်း သူ့ကိစ္စကို မသိခဲ့ရင် ဒီလိုပဲထင်မှာပါပဲ။ ဒါပေမဲ့ ဒီလိုဇာတ်ကောင်တောင် ရိုက်ပြီးမှတော့ တွဲလည်းတွဲ သူတော်ကောင်းယောင်လည်း ဆောင်မယ်လို့တော့ မထင်လှဘူး။ ပြောရရင် အိုင်းဆက်ရယ် သူ့ကောင်မလေးထရေစီရယ် သူ့ဘော်ဒါယေးလ်ရယ် သူ့ဘော်ဒါမိန်းမ အမ်မလီရယ် ဆိုင်တစ်ဆိုင်ထိုင်ရာကနေ ဇာတ်ကစတယ်။ အပြန်မှာ ယေးလ်က အိုင်းဆက်ကို သူ့အငယ်အနှောင်းအကြောင်း ပြောပြတယ်။ အဲဒီအငယ်အနှောင်းနာမည်က မေရီ။ Diane Keatonက သရုပ်ဆောင်ထားတယ်။ တစ်နေ့ပြပွဲတစ်ခုက အပြန်မှာ အိုင်းဆက်တို့ အတွဲနဲ့ ယေးလ်နဲ့ သူ့အငယ်အတွဲ တွေ့တယ်။ သူ့အငယ်ဇာတ်ကောင်က ဝူဒီအယ်လန် မုန်းတဲ့ စရိုက်မျိုးပဲ။ သူ့အငယ် လက်ချာတွေ ရိုက်နေတဲ့ ဇာတ်ဝင်ခန်းက Midnight In Parisထဲ ဗာဆိုင်းနန်းတော်ထဲက ဇာတ်ဝင်ခန်းနဲ့ အတူတူလိုပါပဲ။ ပြောရရင် ဒီမှာ အိုင်းဆက်က မေရီကို သူ့စကားလုံးတွေ နားထောင်ပြီး တော်တော်အမြင်ကတ်နေတာ။ ါပေမဲ့ နောက်ကျ ယေးလ်က မေရီ့ကို ဖြတ်သွားတော့ အိုင်းဆက်လည်း ထရေစီကို ဖြတ်ပြီး သူနဲ့တွဲဖြစ်သွားတယ်။ ကိုယ်အမြင်ကတ်တယ်ပြောခဲ့တဲ့ လူနဲ့တွဲပြီး ကိုယ့်ကိုချစ်တဲ့လူကို ကောင်းစားဖို့ စွန့်လွှတ်တာပါဆိုပြီး အကြောင်းပြချက်ပေးပြီး ဖြတ်တဲ့ တကယ့် မထော်မနန်းကောင်ပါပဲ။ တကယ်တမ်း အဲဒီရှေ့က ဆက်ဆံရေးတွေမှာလည်း အဆင်မပြေခဲ့ပါဘူး။ Meryl Streepက သူ့ဇနီးဟောင်းနေရာက သရုပ်ဆောင်ထားသေးတယ်။ သူ့ကာရိုက်တာအကြောင်း ဆက်ပြောရင်လည်း ဇာတ်က ကုန်မှာဆို‌တော့ ဒီမှာပဲ ရပ်လိုက်ပါမယ်။ အတိုချုံးဆို နယူးယောက်ကို ပုံဖော်ရင်း အိုင်းဆက်ရယ် သူ့ရည်းစားရယ် သူ့ဘော်ဒါအငယ်အနှောင်းရယ် သူ့အရင်မိန်းမရယ် စသဖြင့် အိုင်းဆက်စ်ရဲ့ အချစ်ဘဝကို တွဲဖက် ပုံဖော်ထားတယ်။ ဆိုတော့ နယူးယောက်က မခွာနိုင်တဲ့ လူတစ်ယောက်ရဲ့ နယူးယောက်က အချစ်ဇာတ်လမ်းတွေအကြောင်းပေါ့။ နယူးယောက်က မခွာနိုင်တဲ့ အချက်က သူ့အချစ်ဇာတ်တွေကို တော်တော်သက်ရောက်မှုရှိလို့ ထည့်ထည့်ပြောနေရတာပါ။ ဒီဇာတ်လမ်းမှာ ရိုမန့်တစ်တော်တော်ဆန်တဲ့ ဇာတ်ဝင်ခန်းတစ်ခုပါတယ်။ ရိုမန့်တစ်ဆန်တယ်လို့ ပြောလို့ရလားတောင် မသိပါဘူး။ တော်တော် အတ္တကြီးတယ်လို့တောင် ပြောလို့ရတဲ့ ဇာတ်ဝင်ခန်းလည်း ဖြစ်နေတယ်။ တကယ်လို့ လူတွေဟာ အတ္တကြီးတာကလည်း လိုအပ်သလို ရိုမန့်ကို လိုအပ်တယ်ဆိုတဲ့ ဒွိဆန်တဲ့ အခြေအနေတစ်ခုက မှန်တယ်ဆိုရင်တော့ ဒီအခန်းက တော်တော် လက်တွေ့ကျတယ်။ ဆိုဖာပေါ် ထိုင်နေရင်း အိုင်းဆက်က တစ်ယောက်တည်း စကားတွေ ပြောနေတယ်။ " ဘဝက ဘာလို့ ရှင်သန်ဖို့ တန်တာလဲ။ သိပ်ကောင်းတဲ့ မေးခွန်းပဲ။ တန်အောင် လုပ်ပေးထားတဲ့ အရာတစ်ချို့တော့ ရှိတယ် ထင်တာပဲ။ ငါ့အတွက်ဆို... ဂါရူချိုမာ့စ်ကလည်း အကြောင်းရင်း တစ်ခုပဲ။ ဝီလီ မေရောပေါ့။ ပြီးတော့ ဂျူပီတာဆင်ဖိုနီရဲ့ ဒုတိယတေးသွား။ နောက် လူးဝစ်အမ်းစတောင်းရဲ့ Potato Head Blues ဓာတ်ပြား။ ဆွီဒင်ရုပ်ရှင်တွေရောပေါ့။ မာလွန်ဘရန်ဒို ဖရန့်စင်နာထရာ။ ပြီးတော့ Cézanne ပန်းချီကားထဲက သိပ်လှတဲ့ ပန်းသီးနဲ့ သစ်တော်သီးတွေ။ ဆမ်ဝိုဆိုင်က ဂဏန်း။ ထရေစီ့ မျက်နှာ။" ဒါတွေ ပြောပြီးတော့ တစ်စုံတရာကို သတိရသွားပြီး ထရေစီ့ကို သူဖုန်းဆက်ကြည့်လိုက်တယ်။ မအားဘူး။ မန်ဟက်တန်ရဲ့ လမ်းမပေါ် ပြေးထွက်လာတယ်။ တက္ကစီငှားဖို့ လုပ်လိုက်သေးတယ်။ မန်ဟက်တန်မလား ကားလမ်းက ပိတ်နေတယ်။ ဒီတော့ မန်ဟက်တန်ရဲ့ လမ်းတွေပေါ် သူ‌ ပြေးထွက်လာတယ်။ လမ်းမှာ ပီစီအိုရုံကနေ သူ ဖုန်းတစ်ခါ ထပ်ဆက် ကြည့်သေးတယ်။ မအားဘူး။ သူ ဆက်ပြေးလာတယ်။ ၂နာရီခရီးလို့ ပြောတာပဲ။ ထရေစီနေတဲ့ နေရာကို‌ ရောက်လာတယ်။ ဘာလာလုပ်တာလဲလို့ ထရေစီက မေးတော့ ဖုန်းဆက်မရလို့ ၂နာရီခရီးကို သူပြေးလာခဲ့တဲ့အကြောင်းပြောတယ်။ လန်ဒန်ကို သွားတော့မယ် ထရေစီကို မသွားဖို့ တောင်းပန်တယ်။ ဒီအခန်းက သိပ်ရိုမန့်တစ် ဆန်တဲ့ ဇာတ်ဝင်ခန်း ဖြစ်သွားရမှာပါ။ ဒါပေမဲ့ မဖြစ်သွားခဲ့ပါဘူး။ ရှေ့က ပြလာတဲ့အရာအားလုံးမှာ ဒီဇာတ်ဝင်ခန်းကို တန်ပြန်ချေဖျက်နိုင်တဲ့ အရာတွေ ပါလာပြီးသား ဖြစ်နေလို့ပါပဲ။ ရှေ့ကဟာတွေအကုန် မေ့ပြီး သူ့ချည်းဆိုရင်တော့ ရိုမန့်တစ် ဆန်ချင် ဆန်ပါလိမ့်မယ်။ ဒါပေမဲ့ ရှေ့က သူလုပ်ခဲ့တာတွေနဲ့ ပြန်ပေါင်းစပ်လိုက်တဲ့အခါမှာတော့ ဒီဇာတ်ဝင်ခန်းက သူ့အတ္တကို မီးမောင်းထပ်ထိုးပြဖို့ ဖြစ်သွားသလိုပါပဲ။ အိုင်းဆက်လိုမျိုး အစွန်းတစ်ဖက် မရောက်လွန်းရင်တောင် ကျွန်တော်တို့ပြောတဲ့ အချစ်တွေမှာလည်း တစ်စိတ်တစ်ဒေသတော့ ဒီလို ပါကောင်းပါမှာပါ။ ကျွန်တော့်အမြင်ကတော့ ပါတယ်။ စိတ်ပျက်စရာကောင်းလောက်တဲ့ ဒီလိုကာရိုက်တာမျိုးနဲ့ ဒီအခြေအနေကို ပုံဖော်နိုင်တာကတော့ ဝူဒီအယ်လန်ရဲ့ သမ္မာပေါ့။ ကျွန်တော် တော်တော်မှန်တယ်လို့ ထင်တဲ့ ကဗျာဆရာ နေမျိုးရဲ့စာသားတစ်ခုရှိတယ်။ "လူတစ်ယောက်ဟာ ဘဝတစ်လျှောက်လုံးမှာ အလုပ်၂ခုပဲလုပ်တယ်။ ကိုယ် လိုချင်တာကို ရအောင် လုပ်တာ။ ကိုယ် မလိုချင်တာကို မရအောင် လုပ်တာ"တဲ့။ မန်ဟက်တန်ဟာ ကိုယ် လိုချင်တာကို ရအောင်လုပ်ဖို့ ကြိုးစားရင်း ကိုယ် မလိုချင်တာကို မရအောင်လုပ်ဖို့ ကြိုးစားရင်း မလိုချင်တာတွေလည်းရ လိုချင်တာတွေလည်း မရတော့တဲ့ လူတစ်ချို့အကြောင်းဆိုလည်း မမှားပါဘူး။ File size…    3.7 GB /  1.1 GB Quality… BluRay 1080p / 720p Format… mp4 Duration…. 1h 40m Genre ..... Romance / Drama Subtitle…. Myanmar Subtitle (Hard Sub)