Deepa Shankar ပါဝင်သော ဇာတ်ကားများ

Enna Vilai 2026 ရွှေဆွဲပြားက စတဲ့အမှု တမီလ်နာဒူး ကမ်းရိုးတန်းဒေသမှာ ရိုးရိုးသားသား အလုပ်လုပ်ကိုင်နေထိုင်တဲ့ တံငါသည် သာဗာစီဆိုတဲ့လူ ရှိပါတယ်။တစ်နေ့မှာ ပင်လယ်ရေစပ်ကို မျောပါလာတဲ့ ရွှေဆွဲပြားတစ်ခုကြောင့် သူ့ဘဝက လုံးဝ ပြောင်းလဲသွားခဲ့ရပါတယ်။ ဘယ်လိုတွေပြောင်းသွားလဲဆို အစပိုင်းမှာတော့ ဒါက သူတို့မိသားစုအတွက် ကံကောင်းထောက်မမှု၊ ဘဝအခက်အခဲတွေကို ကျော်လွှားနိုင်မယ့် ကြီးမားတဲ့ အခွင့်အရေးတစ်ခုလို့ တွေးခဲ့ကြတာပေါ့။ ဒါပေမဲ့ မကြာခင်မှာပဲ အဲဒီရွှေဆွဲပြားကြောင့်ဖြစ်လာမဲ့ ကြောက်မက်ဖွယ် ဇာတ်လမ်းတွေနဲ့အတူ သူ့အပေါ် ကျရောက်လာတဲ့ မတရား‌ အပြစ်တင်စွပ်စွဲမှုတွေက သာဗာစီ့ကို ဖိနှိပ်လာခဲ့ပါတော့တယ်။ မိသားစုရဲ့ အသက်အန္တရာယ်၊ ဂုဏ်သိက္ခာနဲ့ လုံခြုံရေးကို ကာကွယ်စောင့်ရှောက်ဖို့အတွက် တစ်ဖက်မှာ ဖိနှိပ်စိုးမိုးနေတဲ့ အဂတိလိုက်စားတဲ့ စနစ်ဆိုးကြီးကို သာဗာစီတစ်ယောက် အသက်နဲ့ရင်းပြီး ဘယ်လို ရင်ဆိုင်တိုက်ပွဲဝင်သွားမလဲဆိုတာကို ရင်ဖိုစိတ်လှုပ်ရှားဖွယ် ကြည့်ရှုရမှာပဲဖြစ်ပါတယ် File size… 1.7 GB / 1 GB Quality…WEB DL 1080p HEVC/ 720p Format…mkv/ mp4 Duration…. 2h 21m Subtitle….Myanmar Subtitle (Hard

Vishwanath and Sons (2026) IMDb(7.6/10) ဒီဇာတ်ကားက ရုံတင်၀င်ငွေ ကုဋေ ၂၆၀အထိရရှိထားပြီး မင်းသားကြီး Suriya နဲ့ Premalu ထဲက မင်းသမီးလေး Mamitha Baiju တို့ ပါဝင်သရုပ်ဆောင်ထားတဲ့ Romantic Family Drama ဇာတ်ကားကောင်းတစ်ခုပါ။ ဒါရိုက်တာ Venky Atluri က ရိုက်ကူးထားပြီး အချစ်၊ မိသားစုနဲ့ စိတ်ဒဏ်ရာတွေကို ဟာသလေးတွေရောစပ်ပြီး ပေါ့ပေါ့ပါးပါးနဲ့ ရင်ထဲထိအောင် တင်ဆက်ထားပါတယ်။ ဆန်ဂျေးက အသက် ၄၀ ကျော် စီးပွားရေးလုပ်ငန်းရှင်၊ အိုလံပစ်သေနတ်ပစ် ချန်ပီယံတစ်ယောက်ပါ။ ငယ်ငယ်က မိသားစုရေးရာ စိတ်ဒဏ်ရာတစ်ခုကြောင့် အိမ်ထောင်မပြုဘဲ တစ်ကောင်ကြွက်နေဖို့ ဆုံးဖြတ်ထားသူပေါ့။ ဒါပေမဲ့ အမေဖြစ်သူက မျိုးဆက်ကျန်ရစ်စေချင်လို့ ပူဆာလွန်းတာကြောင့် ကိုယ်ဝန်ဆောင်ပေးမယ့် အမျိုးသမီး ကတစ်ဆင့် ရင်သွေးယူလိုက်ပါတယ်။ ပြဿနာက ကလေးလေး မွေးဖွားလာပြီးနောက်ပိုင်း အသည်းအသန် ဖျားနာရာကနေ စတာပါ။ ကလေးကို ကယ်ဖို့အတွက် ကလေးမွေးပေးခဲ့တဲ့ မိခင်ဆီက အရိုးခြင်ဆီ လိုအပ်လာလို့ ဆန်ဂျေး တစ်ယောက် အမေရိကအထိ လိုက်ရှာရပါတော့တယ်။ အဲဒီမှာ မွေးပေးခဲ့တဲ့သူက မထင်မှတ်ဘဲ အသက် ၂၀ ကျော် တက်ကြွလန်းဆန်းတဲ့ ဆေးကျောင်းသူ လေး မက်ဒီ ဖြစ်နေတာကို တွေ့လိုက်ရတယ်။ ကလေးကို ကုသဖို့အတွက် မက်ဒီ ကို အိန္ဒိယ အိမ်အထိ ခေါ်လာခဲ့ရာကနေ မက်ဒ္ နဲ့ ဆန်ဂျေး တို့ရဲ့ အမေ၊ ကလေးတို့ကြား သံယောဇဉ်တွေ ငြိတွယ်လာပြီး မထင်မှတ်ထားတဲ့ အချစ်ဇာတ်လမ်းတစ်ပုဒ် စတင်ခဲ့ပါတော့တယ်...။ File size… 7.4 GB / 2.4 GB / 1.4 GB Quality…WEB DL 1080p HEVC/ 720p Format…mkv/ mp4 Duration…. 2h 41m Subtitle….Myanmar Subtitle (Hard Sub)

Chennai Love Story (2026) IMDb 7.6 အချစ်ရဲ့ နာကျင်မှု ပျော်ရွှင်မှု ကြေကွဲရမှုတွေကို ကြံ့ကြံခံ ရင်ဆိုင်ခဲ့ပြီးမှ အသည်းကွဲသွားရတဲ့လူတွေ ကြည့်သင့်တဲ့ ရုံတင်ကားလေး တင်ဆက်ပေးထားပါတယ် မင်းသား မင်းသမီးတွေကတော့ အားလုံးနဲ့ မစိမ်းတဲ့ ကီရန်နဲ့ ရှရီဂေါ်ရီတို့ပါ BO အနေနဲ့လည်း ကုဋေ ၅၀ ထိတောင် ရရှိထားပြီးပါပြီ ငယ်သူငယ်ချင်းတွေလည်းဖြစ် တွဲလာကြတာလည်း ၃နှစ်။ အသိုင်းအဝိုင်း အပေါင်းအသင်းအကုန်အသိ တရားဝင်တွဲခဲ့ကြပြီး လက်ထပ်ရမဲ့နေ့မှာမှ ချစ်ရတဲ့အမျိုးသားဆီကနေ ခံဝန်တစ်ခုကို ကြားလိုက်ရတယ်။ အလုပ်ထဲက မိန်းကလေးတစ်ယောက်ကို သဘောကျမိခဲ့တာဖြစ်ပြီး ဒီလက်ထပ်ပွဲကို ဆက်မလုပ်ချင်တော့ပါဘူးတဲ့လေ။ ဘယ်လိုမှ ဆွဲထားမရတဲ့အဆုံး ယုံကြည်မှုတွေ နှစ်ယောက်တူတူ အကောင်အထည်ဖော်ကြမဲ့အိပ်မက်တွေနဲ့အတူ အရုပ်ကြိုးပြတ်ဖြစ်ရတာကတော့ နီဗီပါပဲ။ အမှန်တရားကိုလက်ခံနိုင်ဖို့နဲ့ ကိုယ့်ကိုယ်ကိုယ် ပြန်လည်ရှာတွေ့နိုင်ဖို့ နေရာစိမ်းဖြစ်တဲ့ ချန်နိုင်းကို ထွက်လာခဲ့တယ်။ စိတ်ထွက်ပေါက်အနေနဲ့ အရက်သောက်ဖြစ်လာတယ်ပေါ့။ ဒီလိုပြိုလဲနေချိန်မှာပဲ သူ့အကူအညီလိုအပ်နေတဲ့ ကြိုးစားနေဆဲလူငယ်လေး စတီဗင်က ဘဝထဲဝင်လာခဲ့တယ်။ ဒါရိုက်တာဖြစ်ဖို့ကြိုးစားနေပြီး နောက်ခံလည်းမရှိ ငွေကြေးလည်းမတတ်နိုင်တဲ့စတီဗင်ကို သနားလို့ ခေါ်ထားမိရာကနေ သူ့ဘဝ ဘယ်လိုတွေပြောင်းလဲသွားမလဲ စတီဗင်က ဘဝရဲ့အစိတ်အပိုင်းမဟုတ်ဘဲ ဘဝကြီးတစ်ခု ထပ်ဖြစ်လာနိုင်မှာလား။ File size… 10GB / 2.8 GB / 1.4 GB Quality…WEB DL 4K / 1080p HEVC/ 720p Format…mkv/ mp4 Duration…. 3h 4m Subtitle….Myanmar Subtitle (Hard Sub)

Karuppu (2026) ကာရပ်ပူ ကုဋေ ၂၀၀ ကျော်ထိ အမြတ်ပြန်ရထားတဲ့ မင်းသားကြီးဆူရီယာရဲ့ တရားရုံးဒရာမာ ရုံတင်ကားသစ်လေးကိုတင်ဆက်ပေးလိုက်ပါတယ်။ သမီးဖြစ်သူရဲ့ အသည်းအစားထိုးကုသမှုအတွက် ရွှေတွေ သယ်ပြီး ချန်နိုင်းကို ရထားနဲ့လာခဲ့တဲ့ သားအဖနှစ်ယောက်ဟာ လမ်းခရီးမှာ သူတို့ရဲ့ ရွှေတွေ အလုခံလိုက်ရပါတယ်။ ရဲစခန်းက သူခိုးတွေကိုဖမ်းမိပေမဲ့ ပြန်ရတဲ့ ကျပ်သားမပြည့်တဲ့ ရွှေတွေကို တရားရုံးကနေတစ်ဆင့်ပဲ ပြန်ထုတ်ပေးမယ်လို့ ပြောလာပါတယ်။ အဲဒီမှာ သူတို့သားအဖဟာ တရားရုံးတစ်ခုလုံးကို ငွေကြေး၊ အာဏာတွေနဲ့ လွှမ်းမိုးခြယ်လှယ်ပြီး ဆင်းရဲသားတွေရဲ့ သွေးစုပ်နေတဲ့ ဘေဘီကန်နန်ဆိုတဲ့ လူမိုက်ရှေ့နေနဲ့ တွေ့ပါတော့တယ်။ ဘေဘီကန်နန်ဟာ ကူညီသယောင်နဲ့ သားအဖနှစ်ယောက်ကို ငွေညှစ်ပြီး အမှုဆွဲဆန့်နေတာကြောင့် သမီးဖြစ်သူ အသက်အန္တရာယ်ဟာ တဖြည်းဖြည်း စိုးရိမ်လာရပါတယ်။ မတရားမှုတွေကြားမှာ လုံးဝမျှော်လင့်ချက်မဲ့သွားတဲ့အခါ အဖေဖြစ်သူဟာ အစောင့်အရှောက်နတ်ဘုရားဖြစ်တဲ့ အရှင်ကာရပ်ပါ ဆီမှာ ဒူးထောက်အကူအညီတောင်းခံလိုက်တဲ့အခါမှာတော့ ကာရပ်ပါဘုရားဟာ လူ့လောကထဲကို ဆာရာဗာနန်ဆိုတဲ့ရှေ့နေအဖြစ် ဖန်ဆင်းပြီး မတရားတဲ့ ဥပဒေစနစ်ကို တရားဥပဒေအတိုင်း ပြန်လည်ရင်ဆိုင်ဖို့ ဖြစ်လာပါတော့တယ်။ File size… 7.6 GB / 2 GB / 1.3 GB Quality…WEB DL 4K / 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub)

Vadam (2026) နွားလားဥဿဘ ဗီထရီ က သူ့ရဲ့ မျက်စိတစ်ဖက်မမြင်ရတဲ့ နွားလေး ပန်ဒီမူနီကို မိသားစုဝင်တစ်ယောက်လို ချစ်မြတ်နိုးပြီး ပြိုင်ပွဲဝင် နွားလားဥဿဘဖြစ်အောင် လေ့ကျင့်ပေးခဲ့ပါတယ်။ တစ်ဖက်မှာလည်း ရွာရဲ့ အာဏာရှိသူ ရတ်သ်နာဗယ် ဆိုတာ ရှိပါတယ်။ သူကတော့ သူ့ရဲ့ နွားဟာ ဘယ်သူ့ကိုမှ မရှုံးဖူးတဲ့ အနိုင်မခံ အရှုံးမပေး နွားလို့ ဂုဏ်ယူနေသူပေါ့။ တိုက်တိုက်ဆိုင်ဆိုင်ပဲ ဗီထရီ ရဲ့ နွားလေးက ရတ်သ်နာဗယ် ရဲ့ နွားကို ပြိုင်ပွဲမှာ အနိုင်ယူလိုက်တဲ့အခါမှာတော့ လူကြီးချင်း မာန်မာနပြိုင်ဆိုင်မှုတွေ လက်စားချေမှုတွေ စတင်ပါတော့တယ်။ ဒီကြားထဲမှာ ရတ်သ်နာဗယ် ရဲ့ ခယ်မဖြစ်သူ ဒီဗာကီ နဲ့ ဗီထရီ တို့ကြားက အချစ်ဇာတ်လမ်းကလည်း ပဋိပက္ခကို ပိုပြီး အရှိန်တောက်စေခဲ့တာပေါ့။ မိသားစု ဂုဏ်သိက္ခာ၊ အချစ်နဲ့ ရိုးရာအားကစားကြားမှာ ဗီထရီ တစ်ယောက် သူ့ရဲ့ ချစ်လှစွာသော နွားလေးကို ဘယ်လိုကာကွယ်မလဲရန်ငြိုးတွေကို ဘယ်လိုရင်ဆိုင်မလဲဆိုတာကို ရင်ခုန်စရာ မြင်တွေ့ရမှာပါ။ File size… 2.24 GB / 1.4 GB Quality…WEB DL 1080p HEVC/ 720p Format…mkv/ mp4 Duration….2hr 16mins Subtitle….Myanmar Subtitle (Hard Sub)

Perungobamum (2025) "မညီမျှခြင်း" ဒီတစ်ခါမှာ တမီးလ်စကားပြော ရုပ်ရှင်ကောင်းကောင်းလေးကို တင်ဆက်ပေးလိုက်ပါတယ် ဒီဇာတ်ကားမှာဆိုရင် အမျိုးဇာတ်နိမ့်/ဇာတ်မြင့်ခွဲခြားမှုပြဿနာကို မီးမောင်းထိုးပြထားပြီး ကျေးရွာတစ်ခုမှာ ဇာတ်လမ်းတည်ထားတာပဲ ဖြစ်ပါတယ် ဇာတ်လမ်းအကျဉ်းပြောရမယ်ဆိုရင် ဂျီဗာဆိုတာက အစိုးရဆေးရုံတစ်ရုံမှာအလုပ်လုပ်တဲ့ အမျိုးသားသူနာပြုတစ်ဦးပါ တစ်ရက်မှာတော့ သူတို့ဆေးရုံက အကျင့်ပျ-က်ခြစားမှုရှိပါတယ်လို့ လူသိရှင်ကြားစွပ်စွဲခံရပြီး ဆေးရုံဝန်ထမ်းဂျီဗာကိုယ်တိုင် ဒီသတင်းကိုပေးတယ်လို့ အပြောခံလာရပါတယ် ဂျီဗာတစ်ယောက် ဘယ်လိုရည်ရွယ်ချက်နဲ့ ဒီလိုလုပ်တာလဲ သူတစ်ချိန်က မျက်မြင်ကြုံတွေ့ခဲ့ရတဲ့ ဆိုးယု-တ်မှုတွေက ဘာဖြစ်မလဲ နောက်ကြောင်းပြန်ကြည့်ရမယ့် ကလဲ့စားဇာတ်လမ်းကောင်းလေးတစ်ပုဒ်အဖြစ် ညွှန်းဆိုပါရစေ အညွှန်းနဲ့ ဘာသာပြန်ကတော့ B-Team မှ ဖြစ်ပါတယ် File size…2.2 GB / 1.1 GB Quality…WEB DL 1080p HEVC/ 720p Format…mkv/ mp4 Duration….2h 5m Subtitle….Myanmar Subtitle (Hard Sub) Translated by B Team

Thalaivan Thalaivii (2025) "အသွင်မတူတဲ့ အိမ်သူ" ဒီတစ်ခါမှာတော့ ပရိသတ်အချစ်တော်မင်းသားကြီးဗီဂျေးနဲ့ ယိုဂီဘာဘူတို့ ပါ၀င်သရုပ်ဆောင်ထားတဲ့ အချစ်-ဟာသ-ဒရာမာ-အက်ရှင် ရသစုံဇာတ်လမ်းကောင်းတစ်ပုဒ်ကို တင်ဆက်ပေးလိုက်ပါတယ်။ "အသွင်မတူအိမ်သူမဖြစ်" လို့ ဆိုတတ်ကြပေမဲ့ အသွင်မတူဘဲ အိမ်သူဖြစ်လာတာတွေလည်း အများကြီးပါ။ အိမ်ထောင်တစ်ခုမှာ အသွင်မတူလည်း ချစ်ခြင်း‌မေတ္တာနဲ့နားလည်မှုကသာ ပိုအဓိကကျမယ် ထင်ပါတယ်။ အခုဇာတ်လမ်းထဲမှာလည်း အာဂါဆမ်နဲ့ အာရဆီတို့အဖြစ်က ဒီလိုပါပဲ။ စားသောက်ဆိုင်တစ်ဆိုင်ကို ကျားကုတ်ကျားခဲဖွင့်ထားတဲ့ မိသားစုက ခပ်ကြမ်းကြမ်းခပ်ရမ်းရမ်း အမျိုးသားနဲ့ ပညာတတ်မိသားစုက မာစတာဘွဲ့ရမိန်းကလေးတို့ ဖူးစာဆုံခဲ့ကြပါတယ်။ အသွင်မတူတဲ့ လူနှစ်ယောက်၊ အသွင်မတူတဲ့ အသိုင်းအဝိုင်းနှစ်ခုကြားမှာ ဖြစ်ပေါ်လာတဲ့ ပြဿနာပေါင်းက သောင်းခြောက်ထောင်ပါပဲ။ အဲဒီအဖြစ်တွေကြားမှာ တကယ်ချစ်ကြတဲ့ သူတို့နှစ်ဦး ဘယ်လိုဆက်ရပ်တည်သွားမလဲ၊ ဘယ်လိုအဖြစ်တွေ ထပ်ကြုံရဦးမလဲဆိုတာကို နယ်မြို့နောက်ခံဇာတ်လမ်းပုံစံနဲ့ ရယ်စရာတစ်မျိုး ဒရာမာတစ်ဖုံ ကြည့်ရှုခံစားကြရမှာ ဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ B Team ဖြစ်ပါတယ်။) File size…8.59 GB / 2.8 GB / 1.4 GB Quality…WEB DL 4K / 1080p HEVC/ 720p Format…mkv/ mp4 Duration….2h 20m Subtitle….Myanmar Subtitle (Hard Sub) Translated by B Team

Vallamai (2025)"ရတက်" အသစ်ထွက်ထားတဲ့ တမီလ်စကားပြော မှုခင်းဒရာမာရုပ်ရှင်လေးတစ်ခုကို ပရိသတ်တွေအတွက် တင်ဆက်ပေးချင်ပါတယ်။ ဒီရုပ်ရှင်လေးဟာ ဒီနေ့ရဲ့ ခေတ်စနစ်တွေကို မီးမောင်းထိုးပြထားတဲ့ရုပ်ရှင်ဆိုရင်လည်းမမှားပါဘူး။ ဇာတ်လမ်းကတော့.. ဆာရာဗာနန်ဆိုတဲ့ လူတစ်ယောက်၊ ဇနီးသည်ဆုံးသွားပြီးတဲ့နောက်မှာ သမီးလေးကိုခေါ်ပြီး မြို့ကိုတက်လာခဲ့တယ်။ သမီးလေးအတွက် ပိုကောင်းတဲ့ဘဝရချင်တာရော၊ ရွာကလူတွေသနားတာကို မခံချင်တာရောကြောင့်ပေါ့။ အဲဒီလိုနဲ့ ချန်နိုင်းမြို့ကြီးကိုရောက်လာတယ်။ သုံးဘီးဆရာတစ်ယောက်ကျေးဇူးနဲ့ အိမ်ခန်းသေးသေးလေးရော၊ အလုပ်လေးတစ်ခုရော ရှာလို့ရသွားတယ်။ အဲဒီလိုနဲ့ မျှော်လင့်ချက်တွေနဲ့ ရောက်လာတဲ့ ဆာရာဗာနန်တစ်ယောက် မြို့ပြရဲ့ ခေါင်းပုံဖြတ်မှုတွေ၊ ခက်ခဲကြမ်းတမ်းမှုတွေ ကြားမှာ ရုန်းကန်နေရတုန်းမှာ သူတို့သားအဖရဲ့ ဘဝကို ကပြောင်းကပြန်ဖြစ်စေမယ့် ကိစ္စတစ်ခုနဲ့ကြုံရပြီး အရူးမီးဝိုင်းဖြေရှင်းဖို့ကြိုးစားရပုံတွေကို ဒီရုပ်ရှင်ထဲမှာ မြင်တွေ့ရမှာဖြစ်တယ်...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size…1.8 GB / 900 MB Quality…WEB DL 1080p HEVC / 720p Format…mkv/mp4 Duration….1h 49min Subtitle….Myanmar Subtitle (Hard Sub) Encoder….YK Translated by CM Bollywood Team

Test (2025) "ဘ၀လက်ရည်စမ်းပွဲ" ဒီတစ်ခါတော့ CM Bollywood ပရိသတ်ကြီးအတွက် တမီလ်စကားပြော အားကစား-ဒရာမာဇာတ်လမ်းတစ်ပုဒ်နဲ့မိတ်ဆက်ပေးချင်ပါတယ်။ 3 Idiots ဇာတ်လမ်းထဲမှာဖာဟန်အဖြစ်ပါ၀င်ခဲ့ဖူးတဲ့ မင်းသားကြီး R. Madhavan ခေါင်းဆောင်ပါ၀င်ထားပါတယ်။ ခရစ်ကတ်အားကစားကိုနောက်ခံထားပြီး မတူညီတဲ့ဘ၀နဲ့ လူသုံးယောက်ရဲ့ဘ၀အခက်အခဲတွေကို ပုံဖော်ပေးထားတာ ဖြစ်ပါတယ်။ အာဂျွန်ဆိုတာ တစ်ချိန်ကအရမ်းလက်စွမ်းထက်ခဲ့တဲ့ နိုင်ငံ့လက်ရွေးစင် နာမည်ကြီးခရစ်ကတ်ကစားသမားတစ်ယောက်ပါ။ လက်ရှိမှာ‌တော့ အရွယ်တစ်ခုရောက်ပြီး ငွေကြေးပြည့်စုံပေမဲ့ အကျဘက်ရောက်လာတဲ့ သူ့ရဲ့အားကစားသမားဘ၀ကို ဆက်လက်ရပ်တည်နိုင်ဖို့ ရုန်းကန်နေရသူပေါ့...။ ‌‌ဆာရာဗန်နန်ကတော့ စက်တွေတီထွင်ရတာကိုရူးသွပ်လွန်းသူမို့ သိပ္ပံပညာရှင်ကြီးရယ်လို့ နာမည်ပြောင်ရထားသူပါ။ ဒါပေမဲ့ အိမ်ထောင်သည် လူလတ်တန်းစားတစ်ယောက်ပီပီ သူ့အိပ်မက်တစ်ခုဖြစ်မြောက်ဖို့အရေးတောင် အကြွေးတွေပတ်လည်ဝိုင်းရင်း ဘ၀ကိုရုန်းကန်နေရသူ ဖြစ်ပါတယ်။ ဆာရာဗန်နန်ကတော့ စက်တွေတီထွင်ရတာကိုရူးသွပ်လွန်းသူမို့ သိပ္ပံပညာရှင်ကြီးရယ်လို့ နာမည်ပြောင်ရထားသူပါ။ ဒါပေမဲ့ အိမ်ထောင်သည် လူလတ်တန်းစားတစ်ယောက်ပီပီ သူ့အိပ်မက်တစ်ခုဖြစ်မြောက်ဖို့အရေးတောင် အကြွေးတွေပတ်လည်ဝိုင်းရင်း ဘ၀ကိုရုန်းကန်နေရသူ ဖြစ်ပါတယ်။ နောက်တစ်နောက်ကတော့ ဆာရာရဲ့မိန်းမဖြစ်သူ ကျောင်းဆရာမလေးကူမူဒါပါ။ ကူမူဒါဟာ မိန်းကလေးဖြစ်ပေမဲ့ ခရစ်ကတ်အားကစားကိုရူးသွပ်သူဖြစ်ပြီး သူ့ဖခင်ကလည်း ခရစ်ကတ်နည်းပြဟောင်းကြီး ဖြစ်ပါတယ်။ သူဟာ အာဂျွန်ရဲ့အမာခံပရိသတ်ဖြစ်သလို့ အာဂျွန့်သားဖြစ်သူရဲ့ ကျောင်းဆရာမလည်း ဖြစ်နေပြန်ပါတယ်။ သူကတော့ ကလေးအရမ်းလိုချင်သူဖြစ်ပြီး ကလေးရဖို့ နည်းမျိုးစုံကြိုးစားနေသူပါ။ ဒီလိုနဲ့ သူ့နည်းသူ့ဟန်နဲ့ ဘ၀ကိုကြိုးစားရုန်းကန်နေကြတဲ့ သူတို့သုံးဦးရဲ့ကံကြမ္မာဟာ ရှေ့ဆက် ဘာတွေဖြစ်လာမလဲဆိုတာ စိတ်၀င်စားစရာကြည့်ရှုခံစားရမှာဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ Cym~KKKZ~ZweYan~Yunni ပါ။) File size… 1.9 GB / 972 MB Quality…WEB DL 1080p HEVC/ 720p Format…mkv/ mp4 Duration….1h 25m Subtitle….Myanmar Subtitle (Hard Sub) Encoder….YK Translated by Cym~KKKZ~ZweYan~Yunni

Dragon (2025) "နဂါးလေးရာဂါဗန်" လက်ရှိမှာ ၂၀၂၅ ခုနှစ်အတွက် ၀င်ငွေအကောင်းဆုံး တမီလ်စကားပြောရုပ်ရှင်အဖြစ်ရော စတုတ္ထမြောက်၀င်ငွေအကောင်းဆုံးအိန္ဒိယရုပ်ရှင်အဖြစ်ပါ စံချိန်တင်ထားတဲ့ အချစ်-ဒရာမာ-ဟာသဇာတ်လမ်းသစ်နဲ့ မိတ်ဆက်ပေးချင်ပါတယ်။ လူတစ်ယောက်တကယ်ပြောင်းလဲချင်ရင် စက္ကန့်ပိုင်းပဲ ကြာတယ်ဆိုတဲ့စကားကို ကြားဖူးမှာပါ။ ဘာမဟုတ်တဲ့ကိစ္စလေးက လူတစ်ယောက်ကို အကြီးအကျယ်ပြောင်းလဲသွားစေနိုင်ပါတယ်။ ဒီဇာတ်လမ်းထဲမှာလည်း ဒီလိုပါပဲ။ ဒီရာဂါဗန်ဆိုတဲ့လူငယ်လေးဟာ ၁၂ တန်းကို ထူးထူးချွန်ချွန်အောင်မြင်ပြီး အင်ဂျင်နီယာကျောင်းကောင်းကောင်းကို ၀င်ခွင့်ရခဲ့ပါတယ်။ ဒါပေမဲ့ သူဆုရတဲ့နေ့မှာပဲ သူကြိုက်နေတဲ့သူငယ်ချင်းကောင်မလေးကို ဖွင့်ပြောမိရာကစလို့ သူ့ဘ၀ကြီးလုံး၀ပြောင်းလဲသွားရဖို့ ဖြစ်လာပါတယ်။ စာတော်ပြီးလိမ္မာရင် မိန်းကလေးတွေကြိုက်ကြမယ်လို့ အထင်ရှိခဲ့တဲ့ လူလိမ္မာလေးရာဂါဗန်တစ်ယောက် သူချစ်တဲ့မိန်းကလေးက ကျောင်းကလူဆိုးလူပေကိုမှ ကြိုက်နေတာကို သိသွားပါတယ်။ အဲဒီကစလို့ ရာဂါဗန်ဟာ စာတော်တဲ့လူလိမ္မာကျောင်းသားလေးဘ၀ကို တစ်ခန်းရပ်ပစ်လိုက်ပါတယ်။ ဒီရာ‌ဂါဗန်ဆိုတဲ့နာမည်ကိုလည်း နဂါးလေးလို့ သူ့ကိုယ့်သူပြောင်းမှည့်ပြီး အင်ဂျင်နီယာကျောင်းမှာ ကမ်းကုန်အောင်ဆိုးပါတော့တယ်။ သူ့ရဲ့ဆိုးမိုက်မှုတွေကြောင့်ဘွဲ့ရခါနီးမှ ကျောင်းတန်းလန်းနဲ့ ဟိုမရောက်ဒီမရောက် ဖြစ်သွားပါတယ်။ ဘွဲ့မရ အလုပ်မရှိနဲ့ ဘ၀ကိုအချိန်ဖြုန်းလေလွင့်နေပေမဲ့ မိဘတွေကိုတော့ အလုပ်ရှိသယောင် လုပ်ဇာတ်ခင်းထားတာပါ။ ဒီလိုနဲ့တစ်နေ့တော့ ၆ နှစ်ကြာအောင် သူ့ရဲ့ဆိုးမိုက်မှုဒဏ်ကို သည်းခံပေးလာတဲ့ ချစ်သူမိန်းကလေးကပါ သူ့ကို ထားသွားဖို့အကြောင်းဖန်လာတဲ့အခါ... လေလွင့်‌နေတဲ့ ရာဂါဗန်တစ်ယောက် နောင်တရလာမှာလား၊ သူ့ဘ၀ပြောင်းလဲလာပါဦးမလား၊ သူ့မိဘတွေနဲ့ရော ဘယ်လိုရှေ့ဆက်စခန်းသွားမလဲဆိုတာကို အချစ်နဲ့ဒရာမာမှာ ဟာသလေးပါနှောပြီး ကြည့်ကြရမှာ ဖြစ်ပါတယ်။ (ဒီဇာတ်လမ်းအတွက် အညွှန်းနဲ့ဘာသာပြန်ကတော့ CM Bollywood Team ပါ။) File size… 2.4 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 37m Subtitle….Myanmar Subtitle (Hard Sub) Encoder….YK Translated by CM Bollywood Team

Kaadhal Enbadhu Podhu Udamai (2025) အများနှင့်သက်ဆိုင်သော အချစ်ရဲ့ အရိပ် IMDb 7.4/10 ကမ္ဘာပေါ်မှာ ချစ်ခြင်းမေတ္တာတွေက ပုံစံမျိုးစုံနဲ့ တည်ရှိနေကြပါတယ်။ မိသားစုအချစ်၊ သူငယ်ချင်းအချစ်၊ ချစ်သူတွေကြားကအချစ် စသည်ဖြင့်ပေါ့လေ။ ဒီဒရမ်မာလေးထဲမှာလည်း ချစ်ခြင်းမေတ္တာ ပုံစံမျိုးစုံ သရုပ်ဖော်ထားတာကို တွေ့မြင်ရမှာပါ။ လက်ရှ်မီးက motivational speaker တစ်ဦးဖြစ်တဲ့အပြင် documentary လေးတွေကိုလည်း ရိုက်ကူးသူတစ်ဦးပါ။ သူ့မှာ ဆမ်ဆိုတဲ့ သမီးလေးရှိပါတယ်။ သူတို့နှစ်ယောက်ဟာ တစ်ယောက်နဲ့တစ်ယောက် နားလည်မှုအပြည့်ရှိပြီး အချင်းချင်း ပံ့ပိုးကူညီရင်း ကောင်းမွန်တဲ့ သားအမိဆက်ဆံရေးလေးကို ပိုင်ဆိုင်ထားရပါတယ်။ တစ်နေ့တော့ဆမ်က သူ့မှာချစ်သူရှိနေပြီ ဖြစ်တဲ့အကြောင်း သူ့မိခင်လက်ရှ်မီးကို ဖွင့်ဟပြောကြားလာပါတယ်။ လက်ရှ်မီးကလည်း ဘာမှမေးမြန်းခြင်းမရှိဘဲ တက်ကြွပျော်ရွှင်စွာနဲ့ အိမ်ကိုနေ့လယ်စာစားဖို့ ဖိတ်ကြားစေပါတယ်။ သူ့သမီးကို သူက ရိုးရာဝတ်စုံလေး ဝတ်စေချင်တာတောင် ဆမ်က မဝတ်ချင်ပါဘူးဆိုရင် ဖိအားမပေးသူ၊ ဟင်းချက်‌စေချင်ပေမဲ့ သူ့သမီး မချက်ချင်ရင် အတင်းမ စေခိုင်းသူ၊ သူ့သမီးဘာပြောပြော သဘောတူနားလည် လက်ခံပေးခဲ့သူက ဆမ်ရဲ့ချစ်သူက ယောက်ျားလေးမဟုတ်ဘဲ မိန်းက‌လေးတစ်ယောက်ပါဆိုတာ သိရှိသွားတဲ့အခါမှာတော့.................... ဘယ်လိုပဲ ခေတ်မီတိုးတက်လာပါပြီပြောပြော တကယ်တမ်းကြုံတွေ့လာတဲ့အခါ ရင်ဆိုင် ဖြေရှင်းရခက်ခဲနေဆဲဖြစ်တာကို သူတို့ ကိုင်တွယ်ဖြေရှင်းပုံ၊ အိန္ဒိယရိုးရာထုံးတမ်းရဲ့ စိန်ခေါ်မှုတစ်ရပ်ပါဆိုတာကို ရင်ဆိုင်ပုံ၊ သားအမိချစ်ခြင်းမေတ္တာ၊ ကာယကံရှင်နှစ်ဦးရဲ့ အချစ် စတာတွေကို ရင်သပ်ရှုမော ကြည့်ရှုခံစား ကြည့်ကြရအောင်ပါ။ အညွှန်းနဲ့ ဘာသာပြန်တွေကတော့ V~Cym~Julien~STAR တို့ပဲဖြစ်ပါတယ်။ File size…1.7 GB/ 892 MB Quality…WEB DL 1080p HEVC / 720p Format…mkv/mp4 Duration….1h 48min Subtitle….Myanmar Subtitle (Hard Sub) Encoder….YK Translated by V~Cym~Julien~STAR

Chutney Sambar (2024) IMDb - 8.1/10 Disney+ Hotstarကနေ ထုတ်လွှင့်ခဲ့တဲ့ တမီးလ်ဟာသဇာတ်လမ်းတွဲလေးကို တင်ဆက်ပေးပါရစေ။ အဓိကဇာတ်ဆောင်အနေနဲ့ကတော့ တမီးလ်ဟာသမင်းသားကြီး ယိုဂီဘာဘူပဲဖြစ်ပါတယ်။ တမီးလ်ရုပ်ရှင်အများစုမှာတွေ့ရတတ်ပြီး ခပ်ပေါပေါဇာတ်ကောင်နဲ့ ယိုဂီဘာဘူကြီးကို ဒီဇာတ်လမ်းတွဲထဲမှာတော့ ပြောင်မြောက်တဲ့ဟာသတွေနဲ့ ရယ်မောပျော်ရွှင်ဖွယ်ရာ မြင်တွေ့ကြရမှာပါ။ "အာမူဒါစားသောက်ဆိုင်"ဆိုတာ အိုတီမြို့မှာတော့ အောင်မြင်ကျော်ကြားတဲ့ဆိုင်တစ်ဆိုင်ပေါ့။ ဆိုင်ရှင်ဦးလေးကြီးတို့မိသားစုတစ်ခုလုံး သိုက်သိုက်ဝန်းဝန်းနဲ့ ဆိုင်လေးကို ကြိုးစားလုပ်ကိုင်ကြပါတယ်။ ဆိုင်က စားပွဲအားမရှိတဲ့ထိ လက်မလည်အောင်ရောင်းကောင်းတာကြောင့် ငွေကြေးဥစ္စာပြည့်စုံပြီး မိသားစုစုံလင်ပေမဲ့ ဆိုင်ရှင်ဦးလေးကြီးက ပန်ကရိယကင်ဆာနောက်ဆုံးအဆင့်ကိုခံစားနေရတယ်။ မိသားစုဆရာဝန်က လက်လျှော့လိုက်ဖို့ပြောပြီး အေးအေးချမ်းချမ်းနဲ့ နောက်ဆုံးခရီးကိုစောင့်မျှော်ဖို့ပဲ အကြံပြုပါတယ်။ သေအံ့နီးဆဲဆဲတစ်ညမှာတော့ သားဖြစ်သူကာသီကိုခေါ်ပြီး သူ့နောက်ဆုံးဆန္ဒကိုဖြည့်ဆည်းပေးဖို့တောင်းဆိုပါတယ်။ ဘာလဲဆိုတော့ သူ့အရင်အတိတ်က လက်မထပ်ဘဲအတူနေခဲ့တဲ့အမျိုးသမီးနဲ့ ရခဲ့တဲ့သားတစ်ယောက်ရှိတာကို မကြာခင်ကမှ သိခဲ့ရပြီး သူ့နောက်ဆုံးအချိန်မှာ အဲဒီသားဖြစ်သူကိုတွေ့ဖို့ ဒီမိသားစုနဲ့တစ်သိုက်တစ်ဝန်းထဲရှိကျန်ခဲ့ဖို့ပါပဲ။ ကာသီတစ်ယောက် အစ်ကိုကြီးကိုရှာဖို့ ချန်နိုင်းတစ်ခွင်လိုက်ရှာခဲ့ပြီး အဲဒီမှာပဲ သူ့ဆိုင်နဲ့သူအောင်မြင်နေတဲ့ အဖေတူအမေကွဲအစ်ကိုကြီးဖြစ်သူ ဆရာကြီးဘာဘူကို တွေ့လိုက်ရပါတော့တယ်။ အဲဒီကနေစလို့ လုံး၀မလိုက်ဘူးငြင်းဆန်တဲ့ ဘာဘူကို ဖခင်ဆီပေးထားတဲ့ကတိအတိုင်း အိုတီကိုလိုက်ခဲ့ဖို့အရေး မရမကကြိုးစားရင်း အလွဲတွေကြုံကြတာကို ခံစားကြည့်ရှုရယ်မောပြုံးရွှင်ကြရမှာပါ။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File Size – 1GB (Appx;)@Episode Quality – 1080p WEB DL Duration –35minute (@Episode) Total Episodes: 6Eps Subtitle – Myanmar Hardsub Format – Mp4 Genre :Comedy~Drama Translator – CM Bollywood Team Encoder – YK

Veerayi Makkal (2024) "မိသားစု" တမီးလ်စကား‌ပြော ကျေးလက် ဒရာမာကားလေးကို တင်ဆက်ပေးလိုက်ပါတယ် ဇာတ်လမ်းအကျဉ်းကတော့ သီရာသူဆိုတဲ့ မွေးရပ်ရွာလေးကို ပြန်လာခဲ့တဲ့ အရာသူဟာ သူ့အိမ်က မိသားစုဝင်တွေ ရပ်ကွက်ထဲမှာ ဆဲဆိုရန်ဖြစ်နေတာကို မြင်လိုက်ရချိန်မှာ လက်မခံနိုင်အောင် ဖြစ်ရပါတယ် ဒါ့အပြင် သူ့ရဲ့အဖေကလည်း သူ့ညီမဖြစ်သူရဲ့မိသားစုနဲ့ အခုထိ မခေါ်မပြောနိုင်ဘဲဖြစ်ကာ မိသားစုတွေချင်း သွေးကွဲနေတာကို မရှုစိမ့်လှပါဘူး သူတို့မိသားစုဝင်တွေကြားက ပြတ်တောက်သွားတဲ့ သံယောဇဉ်ကို အရာသူတစ်ယောက် ပြန်လည်တည်ဆောက်ပေးနိုင်ပါ့မလား အဲဒီရွာလေးမှာ ချစ်သူလေးရလာတဲ့အချိန်မှာရော ဘာတွေဆက်ဖြစ်မလဲခံစားကြည့်ရှုပေးပါဦး အညွှန်းနဲ့ ဘာသာပြန်ကတော့ CM Bollywood Team မှ ဖြစ်ပါတယ် File size…2.4 GB / 1 GB Quality…WEB DL 1080p HEVC / 720p Format…mkv/mp4 Duration….2h 16min Subtitle….Myanmar Subtitle (Hard Sub) Encoder….YK Translated by CM Bollywood Team

Pogumidam Vegu Thooramillai (2024) "ဤခရီး မဝေးပါ" ဇာတ်လမ်းဇာတ်အိမ်ခပ်ဆန်းဆန်းနဲ့ တမီးလ်ရုပ်ရှင်ကားကို တင်ဆက်ပေးလိုက်ပါတယ်။ တီရူနယ်ဗယ်လီမှာ စော်တအားကြည်လို့ မိန်းမတစ်ယောက်ထက်မကယူလိုက်တဲ့ နာရာယာနာဆိုတဲ့လူတစ်ယောက်ရှိတယ်။ မယားကြီးနဲ့ရော မယားငယ်နဲ့ရော မွေးလိုက်တဲ့သားတွေက စိတ်ကြမ်းကိုယ်ကြမ်း လူ့ဘီလူးတွေ။ နာရာယာနာကြီး မတော်တဆမှုနဲ့ ချန်နိုင်းမှာလျှောသွားတော့ ဈာပနကျင်းပဖို့အရေး မယားကြီးနဲ့ မယားငယ်ရဲ့ သားသမီးတွေ အလောင်းလုဖို့စိုင်းပြင်းကြပါရော။ အလောင်းသွားပို့ရမှာက မွေးခါနီးဖွားခါနီးဇနီးသည်နဲ့ ဒုက္ခများနေတဲ့ ကူးမား။ ဇနီးသည်မီးဖွားစရိတ်ရဖို့အရေး အလောင်းပို့မယ်လုပ်တော့ အလောင်းလုမဲ့အရေးသိနေတဲ့နယ်ခံတွေက ဘယ်သူမှမလိုက်ရဲကြ။ ဒါကိုမသိဘဲ ကူးမားတစ်ယောက် တီရူနယ်ဗယ်လီဆီ အလောင်းတစ်ခု ကိုယ်တစ်ခုရယ်နဲ့ခရီးနှင်လာခဲ့ပြီး လမ်းမှာ ကိုလေပေါတစ်ကောင်က လမ်းကြုံလိုက်လာရာကစ ဘယ်မှာဆုံးမလဲ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size… 2.4 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2h 13m Subtitle….Myanmar Subtitle (Hard Sub) Encoder….YK Translated by CM Bollywood Team

Indian 2 (2024) "အိန္ဒိယခေါင်းဖြူ" အခုတစ်ခါမှာတော့ အိန္ဒိယရုပ်ရှင်လောကမှာ နာမည်အကျော်ကြားဆုံးရုပ်ရှင်တွေထဲက တစ်ကား အပါအဝင်ဖြစ်တဲ့ classic ရုပ်ရှင် Indian (1996) ရဲ့ sequel ထွက်ရှိလာလို့ မနှေး/အမြန် ဘာသာပြန်တင်ဆက်ပေးလိုက်ရပါတယ် ရှေးခေတ်နာမည်ကြီးမင်းသား ကာမယ်လ်ဟာဆန် ပြန်လည်ပါဝင်လာပြီး Jigarthanda(2014), Chithha(2023) တို့လို ရုပ်ရှင်တွေမှာ ပါဝင်ခဲ့တဲ့ ဆစ်ဒါးသ်လည်း အားဖြည့်ထားပါတယ် ဒီကားက စူပါဟီးရိုးအထာပြောရရင် ဘတ်မင်း Returns ပုံစံပါ ဇာတ်လမ်းအကျဥ်းကတော့ ချစ်တရာနဲ့ သူ့ဘော်ဒါတစ်သိုက်က နယ်ပယ်မျိုးစုံက အဂတိလိုက်စားမှုကို သရော်ဝေဖန်ရေး ဟာသဇာတ်လမ်းတိုတွေ Youtube မှာတင်ရင်း ပရိသတ်အားပေးမှု တစ်ခဲနက်ရထားကြပါတယ် ဒီလိုနဲ့ လာဘ်ပေးလာဘ်ယူမှုကြောင့် သားကောင်ဖြစ်ခဲ့ရတဲ့ ကောင်မလေးအတွက် ဆန္ဒထုတ်ဖော်ရင်း သူတို့ အဖမ်းခံလိုက်ရပါသေးတယ် အာမခံနဲ့ ပြန်လွတ်လာတော့ သူတို့တွေ ဆုံးဖြတ်ချက်တစ်ခု ချလိုက်ရတယ် အကျင့်ပျက်ခြစားမှုကို တိုက်ဖျက်ဖို့ သူတို့ချည်းမလုံလောက်ဘဲ တစ်ချိန်က "အင်ဒီးယန်း အမည်ရှိ အဘိုးကြီးကို ပြန်ခေါ်ဖို့ကြိုးစားကြရာမှာ ဘယ်လိုတွေဆက်ဖြစ်ဦးမှာလဲ လူငယ်တစ်သိုက်နဲ့ အဘိုးကြီးပူးပေါင်းပြီး တကယ်ပဲ အကျင့်ပျက်မှုတွေကို တိုက်ဖျက်နိုင်သွားမှာလား ဆိုတာကတော့ ... အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size…4.16GB / 2.08GB Quality…WEB DL 1080p / 720p Format…mp4 Duration…3h Subtitle….Myanmar Subtitle (Hard Sub) Encoder….YK Translated by CM Bollywood Team

Saamaniyan (2024)"လူသားပိုးဖလံများ" တမီလ် ခေတ်ဟောင်းမင်းသားကြီးတွေရဲ့ အသစ်ထွက် ဘဏ်ဓားပြရုပ်ရှင်လေးကို ချန်နယ်မြန်မာပရိသတ်တွေအတွက် တင်ဆက်ပေးချင်ပါတယ်။ ဒီရုပ်ရှင်ဟာဆိုရင် နိုင်ငံရေးလောကထဲရောက်သွားကြတဲ့ တစ်ခေတ်တစ်ခါက ထိတ်ထိတ်ကြဲအောင်မြင်ခဲ့တဲ့ တမီလ်အနုပညာသမားကြီးတွေရဲ့ come back ရုပ်ရှင်ဆိုရင်လည်း မမှားပါဘူး။ ဇာတ်လမ်းကတော့... အငြိမ်းစားစစ်ထွက်တစ်ယောက်ဖြစ်တဲ့ ဆန်ကာရာဟာ မြေးဖြစ်သူရဲ့မွေးနေ့အတွက် ရွာကနေ မြိုကိုတက်လာခဲ့ပြီး မြိုကို ရောက်တဲ့အခါ မြေးဖြစ်သူရဲ့ မွေးနေ့ပွဲကို မသွားခင် ဘဏ်ကို ပိုက်ဆံဝင်ထုတ်ရင်း အကွက်ကျကျစီစဉ်ထားတဲ့ ဘဏ်ဓားပြမှုတစ်ခုထဲမှာ ကြားညှပ်သွားပုံကို စိတ်ဝင်စားဖွယ် ရိုက်ကူးပြထားတာပဲဖြစ်ပါတယ်။ တမီလ် ဂန္တဝင်ကြီးတွေရဲ့ တစ်ကျော့ပြန်ရုပ်ရှင်ဖြစ်တဲ့အပြင် ဇာတ်လမ်းကလည်း လှည့်ကွက်တွေနဲ့ တော်တော်လေးမိုက်တာမလို ချန်နယ်မြန်မာပရိသတ်တွေအတွက် Bollywood Team ကနေ ညွှန်းဆို ဘာသာပြန်တင်ဆက်ပေးလိုက်ရပါတယ်...။ File size… 2.55GB / 1.23GB Quality…WEB DL 1080p / 720p Format…mp4 Duration….2h 26m Subtitle….Myanmar Subtitle (Hard Sub) Encoder….YK Translated by CM Bollywood Team

Oru Nodi 2024 မီးခိုးကြွက်လျှောက် မှုခင်းထဲမှာမှ အမှုကို တစ်စစ အသေးစိတ်ဖော်ထုတ်ပြတဲ့ investigative crime ရုပ်ရှင်တွေကို နှစ်သက်သူတွေအကြိုက်တွေ့မယ့် တမီလ်ကားကောင်းလေး တင်ဆက်ပေးလိုက်ပါပြီ။ မထင်ထားတဲ့plot twistတွေနဲ့အတူ ဉာဏ်ကစားလိုသူတွေ အတူလိုက်စဉ်းစားရင်းနဲ့ ဇာတ်လမ်းလေးကို ဆက်လိုက်ရအောင်ပါ။ ဇာတ်လမ်းကိုတော့ လူပျောက်လာတိုင်တဲ့ရှာကူဆိုတဲ့အမျိုးသမီးတစ်ယောက်နဲ့ အစပျိုးထားပြီး ပျောက်ဆုံးနေသူကတော့ သူ့ရဲ့ခင်ပွန်းဖြစ်သူပါ။ ရှာကူတို့လင်မယားနှစ်ယောက်က သမီးလေးကိုတင့်တောင့်တင့်တယ် လက်ထပ်ပေးနိုင်ဖို့ စီရီကန်နူဆိုတဲ့လူဆီက ငွေချေးခဲ့ပေမဲ့ ကိုဗစ်ဖြစ်တာနဲ့ဘာနဲ့ အချိန်မီအပြည့်ပြန်မဆပ်နိုင်ပါဘူး။ ဒီလိုနဲ့ အကြွေးလာတောင်းတော့မှပဲ သူတို့ငွေချေးမိတာ မြေကွက်ကို မတရားသိမ်းတဲ့နေရာမှာနာမည်ကြီးတဲ့ သယာဂူဖြစ်နေမှန်း သိလိုက်ရပါတော့တယ်။ ဒီလိုနဲ့ မြေကွက်ကိုပါထပ်အပေါင်ထားပြီး အချိန် ၆ လထပ်တိုးတောင်းလို့ အကြွေးဆပ်ရမယ့်နေ့မှာ ငွေသွားထုတ်တဲ့ရှာကူယောက်ျားဆဲကရန်တစ်ယောက် အစအနရှာမရအောင် ပျောက်သွားတဲ့အခါ.... သယာဂူမကောင်းမှန်း မာဒူရိုင်တစ်ခုလုံးသတင်းလှိုင်နေပေမဲ့ နိုင်ငံရေးနောက်ခံတောင့်တဲ့သယာဂူကို ဘယ်သူမှမထိပါးရဲကြပါဘူး။ ဒီလိုနဲ့ ရှာကူတိုင်ချက်ဖွင့်တာကို စခန်းက အင်စပက်တာက ကြားပြီး အမှုကိုလက်ခံဖို့ ဆုံးဖြတ်လိုက်ချိန်မှာတော့.... ဆဲကရန်ကရော ဘယ်ရောက်သွားတာလဲ။ ဆဲကရန်ကိုအကြောင်းပြုပြီးဖြစ်လာတဲ့ အင်စပက်တာနဲ့သယာဂူတို့ရဲ့ အားပြိုင်မှုကရော ဘာတွေဆက်ဖြစ်မလဲဆိုတာ ရှုစားကြပါဦး။ (အညွှန်းနဲ့ဘာသာပြန်ကတော့ CM Bollywood Team မှပဲဖြစ်ပါတယ်) File size… 1.65GB / 765MB Quality…WEB DL 1080p / 720p Format…mp4 Duration….2h 8m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb-6.3/10 CM ပရိသတ်ကြီးအတွက် ရုံတင်ပြီး ပထမဆုံး၄ ရက်အတွင်း ရုံတင်ငွေ ၈ ကုဋေထိရခဲ့တဲ့ ရိုမန့်ဟာသကားလေးတင်ဆက်ပေးလိုက်ပါတယ် အဓိကဇာတ်ဆောင်နှစ်ယောက်ဖြစ်တဲ့ Harish Kalyan နဲ့ Ivana တို့နှစ်ယောက်လုံးက ချောချောလေးနဲ့ လိုက်ဖက်ညီကြတာရော ၊ | ဟာသမင်းသားကြီး ယိုဂီဘာဘူပါဝင်ထားတာရောကြောင့် ချစ်လိုက်သတ်လိုက် ရယ်လိုက်မောလိုက်နဲ့ ရှုစားရမှာပါ "ချစ်သူတွေအဖြစ်မသတ်မှတ်သေးဘဲ အရင်တွဲကြည့်ကြမယ်" "လက်မထပ်ခင်တစ်ယောက်အကြောင်းတစ်ယောက်သိအောင်| ခရီးတွေအတူထွက်ကြမယ် အတူနေကြည့်ကြမယ်" ဒါတွေက ကြားဖူးနေကျပါ "လက်မထပ်ခင် ယောက္ခမနဲ့အဆင်ပြေမပြေနေကြည့်ကြမယ်" ဆိုတာမျိုးရော ကြားဖူးကြလား ဂေါ်သမ်နဲ့ မီရာတို့က နှစ်နှစ်လောက်တွဲကြည့်ကြမယ်ဆိုရာက နှစ်နှစ်ကြာအပြီးမှာ လက်ထပ်ဖို့ဆုံးဖြတ်လိုက်ကြတဲ့ချစ်သူတွေ အမေ့ကို တစ်ယောက်တည်းပစ်မထားချင်ခဲ့တဲ့ဂေါ်သမ် နဲ့ နှစ်‌ယောက်တည်းပဲဘဝကိုစချင်တဲ့ မီရာ.. အားလုံးညှိကြနှိုင်းကြပြီးနောက်မှာဆုံးဖြတ်လိုက်တာက ယောက္ခမနဲ့အဆင်ပြေမပြေကြိုသိရအောင် လက်မထပ်ခင် ခရီးအတူထွက်ကြည့်ကြဖို့ပါ သမီးယောက္ခမနှစ်ယောက်အတူထွက်ကြတဲ့ ခရီးမှာ ပူပူလောင်လောင်တွေမပါဘဲ ၅၂၈ မေတ္တာရှင်နဲ့ ၁၅၀၀ အချစ်တို့ကြား သံစဉ်ချိုချိုအရယ်‌အမောလေးတွေနဲ့ ကြည့်ရှူရမှာပါ အညွှန်းနဲ့ ဘာသာပြန်သူတွေကတော့ BpL ~ Alex ~ Dee ~ ToMo ~ Dee တို့ပဲဖြစ်ပါတယ် File size… 2.62GB / 1GB Quality…1080p WEB DL /720p Format…mp4 Duration….2h 32m Subtitle….Myanmar Subtitle (Hard Sub) Encoder….YK Translated by BpL ~ Alex ~ KKKZ~ ToMo ~ Dee

လူအများ သဘောကျနေကြပေမယ့် ဘယ်သူ့ကိုမှ စိတ်မဝင်စားတဲ့ မိန်းကလေးတစ်ယောက် ရှိပါတယ်။ သူမက ဂန်းစတားအသိုင်းအဝိုင်းထဲက ဖြစ်ပြီး အဲဒီအသိုင်းအဝိုင်းက ယောက်ျားတွေနဲ့ပဲ ပတ်သက်ခွင့်ရထားတာပါ။ ဒီလိုအခြေအနေမှာ အာယာ သရုပ်ဆောင်ထားတဲ့ ကာသာဘာရှာက ထောင်ကနေ အာမခံနဲ့ ထွက်လာပြီး သူမကို လာတွေ့ပါတယ်။ ကာသာဘာရှာကို သိသူတွေက သူ့ကိုကြောက်ကြသလို ရွာထဲမှာလည်း လူတိုင်းကြောက်ရတဲ့ ဂန်းစတားကြီးတစ်ယောက် ရှိနေတယ်။ အဲဒီနှစ်ယောက် ရင်ဆိုင်တွေ့ကြတဲ့အခါ တိုက်ခိုက်မှုတွေ ဖြစ်လာပါတယ်။ ၂၀၂၃ ခုနှစ်ထွက် အက်ရှင်ရုပ်ရှင်ဖြစ်ပြီး ဖိုက်တင်ခန်းတွေ အများအပြား ပါဝင်ထားပါတယ်။

ဘွန်မီဟာ သူ့ကိုဆန့်ကျင်သူဆို မဆိုင်းမတွ သတ်ပစ်တတ်တဲ့ ဂိုဏ်းခေါင်းဆောင်တစ်ယောက်ပါ။ အဲဒီလိုလူမှာ အလွန်ချစ်ရတဲ့ ညီတစ်ယောက်ရှိပြီး နာမည်က ဆာရှီတဲ့။ တစ်နေ့ ဆာရှီ အသတ်ခံလိုက်ရတဲ့အခါ ဘွန်မီဟာ ယူကြုံးမရဖြစ်ပြီး တရားခံကို ရှိသမျှအင်အားသုံးကာ လိုက်ရှာပါတော့တယ်။ ရူဒရန်ကတော့ သူ့ကိုချစ်တဲ့ မိသားစု၊ သူငယ်ချင်းတွေနဲ့ ပျော်ပျော်နေတတ်တဲ့ ကောင်လေးတစ်ယောက်ပါ။ အလုပ်သွား၊ လစာထုတ်၊ သောက်စားပျော်ပါးရင်း ဘဝကို ဖြတ်သန်းနေတဲ့ သူကပဲ ဘွန်မီ့ညီကို သတ်ခဲ့သူ ဖြစ်နေတယ်။ ဒီလိုသာမန်ဘဝနဲ့ နေတဲ့ကောင်လေးက ဘာကြောင့် လူသတ်တဲ့အထိ ဖြစ်သွားရတာလဲ။ လူတိုင်းကြောက်ရတဲ့ ဘွန်မီနဲ့ ပတ်သက်မိပြီးနောက် ရူဒရန်ရဲ့ဘဝ အရင်လို အေးချမ်းနိုင်ပါဦးမလား။

ဆင်ခြေဖုံးရပ်ကွက်မှာ နေထိုင်တဲ့ အဂါလယာတို့မိသားစုဟာ စိန်ရွှေရတနာဆိုင်တစ်ဆိုင်ရဲ့ ကံစမ်းမဲပွဲမှာ ဆုမဲပေါက်သွားကြပါတယ်။ မိသားစုအပေါ် သိတတ်တဲ့ အဂါလယာအဖြစ် Aishwarya Rajesh က သရုပ်ဆောင်ထားပြီး မမျှော်လင့်ဘဲ ရလာတဲ့ဆုကြောင့် သူတို့လည်း နောင်ရေးအတွက် မျှော်လင့်ချက်တွေနဲ့ ပျော်ရွှင်နေကြတာပေါ့။ ဒါပေမဲ့ အဲဒီပျော်ရွှင်မှုက ကြာကြာမခံလိုက်ပါဘူး။ ကံထူးရှင်အစစ်က ကိုယ်ပါဆိုပြီး ဆုကို လိုချင်သူတွေ တစ်ယောက်ပြီးတစ်ယောက် ပေါ်လာကြတယ်။ မဆိုင်တဲ့သူတွေပါ ဝင်ပါလာတဲ့အခါ အဂါလယာတို့မိသားစုမှာ ပြဿနာတွေ ဆက်တိုက်ကြုံရတော့တာပါ။ အဂါလယာက ဆုကို လက်လွှတ်ပေးလိုက်မလား၊ သူကိုယ်တိုင်ကရော ကံထူးရှင်အစစ် ဟုတ်ရဲ့လားဆိုတဲ့ မေးခွန်းတွေကြားက အရှုပ်အထွေးတွေကို ဟာသနဲ့ ရောပြီး တင်ပြထားပါတယ်။

ဒီတစ်ခါမှာလည်း IMDB မှာ Voting 2K ကျော်နဲ့ Rating 6.7 အထိရရှိထားတဲ့ တမီလ်ကားကောင်းလေးနဲ့ မိတ်ဆက်ပေးချင်ပါတယ်။ ................................................... ဇာတ်လမ်းအကျဉ်း တမီလ်နာဒူး ပြည်နယ်မှာ မူးယစ်ဆေးကို အသုံးပြုပြီး အမျိုးသမီးတွေကို ခြိမ်းခြောက်ငွေညှစ်တဲ့ဂိုဏ်းတစ်ခုကို ကိုယ့်ရဲ့အဖွဲ့သားကိုပါရင်းပြီး ဖော်ထုတ်ခဲ့တဲ့ စစ်ဆေးရေးအရာရှိ ရူဒါရန် တစ်ယောက် ဆိပ်ကမ်းအပိုင်ရဲစခန်းကို ပြောင်းခဲ့ပါတယ်။ ရောက်ရောက်ခြင်းပဲ တန်ဖိုးကြီးမားလှတဲ့ မူးယစ်ဆေးဝါးတွေ ဖမ်းဆီးမိပြီးနာမည်တက်ရပြန်ပါတယ်။ တရက်မှာတော့ မူးယစ်ဆေးရောင်း၀ယ်နေတဲ့ ကလေးတွေနောက်ကိုလိုက်ရင်း မထင်မှတ်တဲ့အဖြစ်အပျက်တွေ ကြုံလာရတဲ့အခါမှာတော့ အကြောင်းစုံကိုရုပ်ရှင်ထဲမှာပဲ ခံစားကြည့်လိုက်ကြပါ။ Over Acting တွေ အနည်းငယ်ပါပေမယ့် ဇာတ်အိမ်ဇာတ်လမ်းတည်ဆောက်ပုံကောင်းတာကြောင့် တမီလ် ရုပ်ရှင်ကြိုက်သူတွေ လက်မလွှတ်သင့်တဲ့ ဇာတ်ကားတစ်ကားပါပဲ။ အညွှန်းနဲ့ ဘာသာပြန်ကတော့ Lwin Htoo Aung နဲ့ Sai Thurein Lynn ပဲဖြစ်ပါတယ်။ File size…2.64GB / 1.68GB Quality…1080p True Web Dl / 720p Format…Mp4 Duration….2h 48m Subtitle….Myanmar Subtitle (Hard Sub) Encoder….YK Translated by Lwin Htoo Aung & Sai Thu Rein

Udanpieappe .. အဓိပ္ပာယ်ကတော့ “မောင်နှမ” တဲ့။ မိသားစုတစ်စုတည်းကနေ အတူပေါက်ဖွားကြီးပြင်းလာတဲ့ ညီအစ်ကိုမောင်နှမတွေဟာ တစ်လောကလုံးမှာ အရင်းနှီးဆုံးသူငယ်ချင်းတွေပါ။ တချို့က အမြဲရန်ဖြစ်ပြီး မတည့်နေတာရှိတယ် .. တချို့ကျလည်း တစ်ယောက်နဲ့တစ်ယောက် သိသိသာသာကို သိပ်ချစ်ကြတယ်။ ဘယ်လိုပဲဖြစ်ဖြစ် အချင်းချင်းချစ်ကြတယ်ဆိုတာတော့ မုချပါပဲ။ ဒီ Tamil ဇာတ်ကားလေးကလည်း သိပ်ချစ်ကြတဲ့ “မာသံဂီ” နဲ့ “ဗေရာဗာ” တို့ရဲ့ မောင်နှမသံယောဇဉ်ကို အခြေခံပြီး ရိုက်ကူးထားတဲ့ကားလေးပါ။ ထူးထူးဆန်းဆန်းပဲ လူငယ်မောင်နှမနှစ်ယောက်အကြောင်းမဟုတ်ဘဲ အိမ်ထောင်ကိုယ်စီနဲ့ ကိုယ်ပိုင်မိသားစုကိုယ်စီပိုင်ဆိုင်ထားကြပြီဖြစ်တဲ့ မောင်နှမရဲ့ ကြီးမားတဲ့သံယောဇဉ်ကို မြင်တွေ့ရမှာပဲဖြစ်ပါတယ်။ အစ်ကိုကြီးဖြစ်တဲ့ ဗေရာဗာက အမှန်တရားရဲ့ဘက်တော်သား၊ မတရားတာမြင်တာနဲ့ ကိုယ်ထိလက်ရောက်ကျူးလွန်ပြီးဆုံးမပစ်လိုက်တဲ့သူ .. ဒီလိုလူမျိုးကို ယောက်ဖဖြစ်သူကျောင်းဆရာကတော့ သဘောမကျဘူးပေါ့။ “အစ်ကိုကြီးအဖရာ” ဆိုတဲ့အတိုင်း အစ်ကိုဖြစ်သူ ဗေရာဗာက သူ့ညီမလေးကို သမီးလေးနဲ့မခြားသိပ်ချစ်ရှာတယ်။ ညီမဖြစ်သူ မာသံဂီကလည်း ကိုယ့်သားနဲ့ အစ်ကို့ရဲ့သား နှစ်ယောက်လုံးအသက်ဘေးကြုံနေရပြီး တစ်ဦးတည်းကယ်လို့ရတဲ့အခြေအနေမှာတောင် အစ်ကို့ရဲ့သားကိုရွေးချယ်ကယ်တင်ခဲ့တဲ့အထိ သူ့အစ်ကိုကို သိပ်ချစ်ရှာတယ်။ ဒီလိုအဖြစ်အပျက်တွေကြောင့်ပဲ ခင်ပွန်းဖြစ်သူက အစ်ကိုဖြစ်သူကိုပိုအမြင်စောင်းပြီး မောင်နှမနှစ်ယောက် စကားမပြောဖြစ်တော့တဲ့အထိ တဖြည်းဖြည်းအနေဝေးသွားခဲ့ရတယ်။ သိပ်ချစ်ကြတဲ့မောင်နှမနှစ်ဦးရဲ့ဆက်ဆံရေး နှစ်ပေါင်းများစွာအနေဝေးနေရာကနေ တစ်စတစ်စ ပိုပြီးအေးစက်သွားမလား .. ဒါမှမဟုတ် မိသားစုနှစ်စု တစ်ဖန်ပြန်သင့်မြတ်နိုင်ဦးမလား .. ဘယ်လိုအကြောင်းအရာတွေပေါ်ပေါက်လာဦးမလဲဆိုတာကိုတော့ ကိုယ်တိုင်ပဲကြည့်ရှုခံစားလိုက်ပါဦးနော် File size…2.22GB / 1.3GB Quality…True Web DL 1080p 5.1CH / 720p Format…Mp4 Duration….2h 17mins Subtitle….Myanmar Subtitle (Hard Sub) Encoder….YK Translated by Lai Laii & Honeyey

တကယ်လည်း ကြမ်း၊ သည်းထိပ်ရင်ဖိုစရာလည်း ​ကောင်း၊ ရုံတင်တုန်းကလဲ အတော်လေးရေပန်းစား ပေါက်ခဲ့ပြီး ရုံတင်ရက်၂၅ရက်အကြာမှာ အိန္ဒိယရူပီ ၁၀၀Crsထိ ရထားတဲ့ နာနီရဲ့ ဒီရုပ်ရှင်ကားကတော့ ရုပ်တည်ကြီးနဲ့ တကယ်ခွီရတဲ့ ​Tamil Action - Comedy ကားသစ်တစ်ကားကို တင်ဆက်​ပေးလိုက်ပါတယ် MDb rating 8.5ရ​တာနဲ့တန်​အောင် တကယ်ကြည့်​ပျော်ပြီး ဇာတ်အစအဆုံး အချိန်၂နာရီခွဲကုန်မှန်းမသိ ကုန်​စေမယ့်ကားလို့ ညွှန်းဆိုပါ​ရ​စေ အညွှန်း စစ်တပ်ဆရာဝန်တစ်​ဦးဖြစ်တဲ့ ဗာရွန်ဟာ ဘုကလန့်လည်းကျ၊ စကားကို တည့်တိုးပဲ​ပြောတတ်ပြီး စိတ်ပိုင်းဆိုင်ရာထက် လက်​တွေ့ပိုင်းကို ပိုဦးစား​ပေးလို့ Emotional Dead manရယ်လို့ အမည်​​ပေးခံရသူရယ်ပါ ဒီလူဂွစာကြီးဟာ လူတကာကိုဘု​တော​ပေမဲ့ ဇနီး​လောင်းကို​တော့ သည်းသည်းလှုပ် ချစ်ရှာပါတယ်၊ သူချစ်ရတာနဲ့ တန်​အောင်ကို သူ့ရဲ့ဇတ်ဇတ်ကြဲဇနီး​လောင်း​လေး ပတ်မီနီကလည်း တင်​တောင်းတဲ့​​ နေ့မှာတင် ငြင်းလွှတ်လိုက်ပါတယ် ဗာရွန်ခမျာ ရည်းစားငြင်းခံရလို့မှ မပြီး​သေးခင် ခယ်မလောင်းလျာ ပြန်​ပေးဆွဲခံရတဲ့ကိစ္စကြောင့် မ​တော်လိုက်ရတဲ့ ဇနီးသည်မိသားစုနဲ့ အတူ ပြန်​ပေးဆွဲသူ​တွေကို လိုက်လံရှာ​ဖွေရင်း လူကုန်ကူးနဲ့ ကိုယ်အင်္ဂါရောင်းဝယ်​ရေး ကွန်ယက်ကြီးထဲ ပတ်သတ်မိသွားတဲ့အခါ ဘုကလန့်ဗာရွန်နဲ့ ဇတ်ဇတ်ကြဲ ပတ်မီနီတို့နှစ်​ယောက် ဘယ်လို အလွဲ​တွေဖြစ်ကြမလဲ၊ ညီမဖြစ်သူကို​ရော ပြန်ရှာ​တွေ့ပါမလား၊ သူတို့ရင်ဆိုင်​နေရတဲ့ ဂိုဏ်း​တွေက ဘယ်​လောက်​တောင်များလဲ ဆိုတာကို အတည်​ပေါက်နဲ့ ရယ်လည်းရယ်ရ၊ စိတ်လှုပ်ရှားဖို့လည်း ကောင်း​အောင် ရိုက်ကူးတင်ဆက်​ပေးထားတဲ့ Tamilကား​ကောင်း တစ်ကားပဲဖြစ်ပါတယ် File size…1.34GB / 2.4GB Quality… 720p WEB DL / 1080p HEVC AAC 5.1 Format…Mp4 Duration….2h 28min Subtitle….Myanmar Subtitle (Hard Sub) Encoder….YK Translated by JimX & Lai Laii

ဒီတစ်ခါမှာတော့ 2021 ထွက် Tamil သိပ္ပံစိတ်ကူးယဥ် science fiction film လေးနဲ့ မိတ်ဆက်ပေးချင်ပါတယ် ​အချိန်စက်ဝန်းထဲမှာ ပိတ်မိနေတဲ့ ခွဲစိတ်ဆာဂျင်တစ်ယောက်ဟာ ထူးဆန်းတဲ့လူသတ်သမားတစ်ယောက်လက်ကနေ သူ့မိန်းမကိုကယ်ဖို့ ကြိုးစားတာကို သိပ္ပံသဘောတရားတွေနဲ့ ချိန်ထိုးရိုက်ပြထားတဲ့ ဇာတ်ကားကောင်းလေးပါ ဇာတ်လမ်းအစမှာတော့ ဂူအာရမ် တစ်ယောက် သူ့ရဲ့ကွဲကွာသွားတဲ့ ဇနီး နီရှား နဲ့ ပြန်ပေါင်းထုပ်ဖို့ ကြိုးစားတာနဲ့ အစပြုထားပါတယ် အဲ့နောက်မှာတော့ ဂူအာရမ် တစ်ယောက် time frame တစ်ခုတည်းမှာပဲ ပိတ်မိသွားပြီး သူနိုးလာတိုင်း တူညီတဲ့နေ့တစ်ရက်တည်းကိုပဲ ပြန်ဖြတ်သန်းနေရပါတော့တယ် ဒီလို ပိတ်မိ​နေတဲ့ အချိန်စက်ဝန်းထဲကနေ ဂူအာရမ် တစ်ယောက် ရုန်းထွက်နိုင်ပါ့မလား အရာအားလုံး ပုံမှန်ပြန်ဖြစ်ဖို့ ဂူအာရမ် တစ်ယောက် ဘယ်လိုအဖြေရှာမလဲ သူ့မိန်းမကိုရော လူသတ်သမားရန်ကနေ ကယ်ထုတ်နိုင်ပါ့မလား သိပ္ပံဆန်းကြယ်အပြင် Killer Concept လေးလည်း ပါတာမို့ သည်းထိတ်ရင်ဖိုကြိုက်တဲ့ CM ပရိသတ်တွေလည်း လက်မလွှတ်သင့်တဲ့ ကားလေးဖြစ်ကြောင်း တိုက်တွန်းလိုက်ပါတယ်နော်။ အညွှန်းကို Nadi Myint Naing ကရေးသားထားပြီး ဘာသာပြန်ကတော့ Murphy ~ Nadi Myint Naing နဲ့ Lwin Htoo Aung ပဲဖြစ်ပါတယ် File size…553MB / 1.05GB / 2GB Quality…720p HEVC Small Size  / 720p HD RIP ./ 1080p WEB DL AAC 5.1CH Format…mkv Duration….2h 26m Subtitle….Myanmar Subtitle(Hard Sub) Encoder….YK Translated by Lwin Htoo Aung ~ Nadi Myint Naing ~ Murphy