Ellen David ပါဝင်သော ဇာတ်ကားများ

The Couple Across the Street (2026) IMDb Rating (5.6) နိတ်နဲ့အေမီတို့လင်မယားဟာ သမီးလေး လီလီနဲ့အတူလူနေကျဲပါးတဲ့ နယ်မြို့လေးတစ်မြို့မှာ ဘ၀သစ်စဖို့ပြောင်းလာခဲ့ကြပါတယ်။ အဲ့ဒီမှာ သူတို့ကြုံရတာကတော့ ဘယ်သူနဲ့မှမပေါင်းပဲ သီးခြားနေလေ့ရှိတဲ့ သက်ကြီးပိုင်းလင်မယားတစ်တွဲပါပဲ။ အိမ်သစ်တက်ပါတီမှာ ပတ်ဝန်းကျင်ကကြားရတဲ့ သတင်းစကားတွေအရ သူတို့လင်မယားနှစ်ယောက်ဟာ ကမ္ဘာပျက်ကိန်းကိုယုံကြည်ပြီး အဲ့ဒီနေ့အတွက် ကြိုတင်ပြင်ဆင်နေသလိုသူတို့အိမ်ဝန်းကျင်မှာလည်း ထောင်ချောက်တွေအထပ်ထပ်ဆင်ထားတာကိုသိလိုက်ရပါတယ်။ ဒါပေမယ့်လည်း အဲ့ဒီလင်မယားဟာ သူတို့မိသားစုအပေါ်တော့ အထူးတလည်ဖော်ရွေရုံမက လိုအပ်တာထက်ပိုပြီး ရောနှောလွန်းတာကို မသင်္ကာဖြစ်တဲ့ အေမီက ခပ်ခွာခွာနေဖို့ဆုံးဖြတ်ခဲ့ပါတယ်။ တစ်နေ့တော့ သူတို့အိမ်ထဲကို လူတစ်ယောက်ကျူးကျော်ဝင်ရောက်မှုဖြစ်ပြီး လူသတ်သမားတစ်ယောက်ထောင်ကလွတ်သွားတဲ့သတင်းကလည်း ပေါ်နေတဲ့အတွက် အဲ့ဒီလင်မယားရဲ့အိမ်အောက်မြေအောက်လျှို့ဝှက်စခန်းတစ်ခုမှာ မိသားစုလိုက် သွားခိုလှုံရချိန်မှာတော့ သူအစကမသင်္ကာထားတဲ့ အတိုင်း အဲ့ဒီလင်မယားရဲ့ထူးဆန်းတဲ့အပြုအမူတွေ လျှို့ဝှက်ချက်တွေကို ပိုသိရဖို့ဖြစ်လာပါတော့တယ်။ သူတို့အတွက် အန္တရာယ်ကအပြင်လောကမှာလား? သူတို့နဲ့အနီးဆုံးနေရာမှာလား? လှည့်ကွက်တွေအထပ်ထပ်နဲ့ရှုစားရမယ့် Thriller ကားကောင်းတစ်ကားပါ။ File size… (1.4 GB) / (790 MB) Quality…. WEB-Rip 1080p HEVC / 720p Format…. mkv/mp4 Genre…. Thriller,TV Movie Duration…. 01:26:38 Subtitle…. Myanmar Subtitle (Hardsub)

Miss Boots (2024) ++++++++ IMDb - 7.2/10 ဒီတစ်ခေါက်မှာတော့ မိသားစုတွေ အတူတူကြည့်ဖိုအတွက် ကြည်နူးစရာ ရုပ်ရှင်လေး တစ်ကားကို ဘာသာပြန်တင်ဆက်ပေးလိုက်ရပါတယ် ။ ဇာတ်လမ်းအကျဉ်းလေးကတော့ မိဘမဲ့ကလေးမလေး စီမုန်းရဲ့ သူ့ဦးလေးဖြစ်သူအတွက် ဘဝအဓိပ္ပါယ်ကို ပြန်ရှာပေးတဲ့ ဇာတ်လမ်းလေးပါပဲ ။ စီမုန်းဆိုတဲ့ ကလေးမလေးဟာ အဘွားဖြစ်သူနဲ့ပဲ အတူနေလာရာကနေ အဘွားပါ ဆုံးပါးသွားတဲ့အခါမှာတော့ ပြဇာတ်ရေးဆရာတစ်ယောက်ဖြစ်တဲ့ ဦးလေး ဖိလစ်ဆီမှာ သောင်တင်ရပါတော့တယ် ။ ဒါပေမဲ့ ဖိလစ်ကလည်း လူကြောက်တတ်တဲ့ ရောဂါရှိတဲ့အပြင် ပြဇာတ်အတွက် ဘာစိတ်ကူး ကောင်းကောင်းမှ ထွက်မလာလို စိတ်ဓာတ်ကျနေရတဲ့သူပါ ။ ဒီလိုမျိုး ဖိလစ်က သူ့အိမ်ပေါ်ကို အရှုပ်ထုပ်လေး ခေါ်မတင်ထားချင်ပေမဲ့ မလွှမရှောင်သာ လက်ခံထားလိုက်ပြီးတဲ့နောက် ဖိလစ်ရဲ့ ပြဇာတ်မှာ ဘယ်လို အပြောင်းအလဲတွေ ဖြစ်လာမလဲ ။ အဲဒါ အပြင်ကိုမှ ဖိလစ်ရဲ့ တစ်ခုတည်းသော နာမည်ကျော်လက်ရာ “ အယ်ဗလင်း “ ဆိုတဲ့ သီချင်းကလည်း စီမုန်းရဲ့ အမေ အယ်ဗလင်းကို ရည်ညွှန်းပြီး စပ်ထားတဲ့ သီချင်း ဖြစ်နေတဲ့အခါ အတိတ်တုန်းကရော စီမုန်းရဲ့ အမေနဲ့ ဖိလစ်က ဘယ်လို ဇာတ်လမ်းမျိုးတွေ ရှိခဲ့ကြတာလဲ ။ စီမုန်းရဲ့ အမေ အယ်ဗလင်းက ဖိလစ်အတွက် ဂန္တဝင်လက်ရာတစ်ခုကို သယ်ဆောင်လာပေးခဲ့သလိုမျိုး စီမုန်းကရော ဘယ်လို ဂန္တဝင်လက်ရာကို သယ်ဆောင်လာပေးဦးမလဲ ။ အကျင့်စရိုက်မတူတဲ့ သူတိုတူဝရီးနှစ်ယောက်ရော ဘယ်လို စခန်းသွားကြမလဲဆိုတာကို ကြည်နူးဖွယ် မြင်တွေ့ရမှာပဲ ဖြစ်ပါတယ် ။ File Size… (1.35GB) / (790MB) Quality… WEB-DL 1080p HEVC /720p Format…mkv / mp4 Duration…1h 51m Genre … Comedy Subtitle….Myanmar Subtitle (Hard Sub)

နီးလ်ဘိုးဂတ်က သူ့နာမည်ကို လူတွေ မမှတ်မိကြဘူးဆိုတာ တစ်ယောက်ကို ဒေါ်လာတစ်ရာစီ လောင်းရဲပေမယ့် သူကပဲ အဲဒီလူတွေကို ကခုန်စေခဲ့သူလို့ ပြောရင်း သူ့ဘဝအကြောင်း ပြန်ပြောပြပါတယ်။ သူဟာ ကာဆာဘလန်ကာဓာတ်ပြားထုတ်လုပ်ရေးကို တည်ထောင်ခဲ့သူပါ။ သူ့နာမည်ကို မသိရင်တောင် သူနဲ့ ပတ်သက်ခဲ့တဲ့ Kiss၊ The Village People၊ Donna Summer၊ Bill Withers၊ Isley Brothers နဲ့ Parliament တို့ကိုတော့ ဂီတချစ်သူတွေ ရင်းနှီးကြမှာပါ။ ဒီအနုပညာရှင်တွေရဲ့ ထူးခြားတဲ့ဟန်နဲ့ ဂီတကို ပရိသတ်လက်ခံလာအောင် နီးလ်က ကူညီပေးခဲ့တယ်။ သူတို့အိပ်မက်တွေ အကောင်အထည်ပေါ်လာဖို့ လုပ်ပေးခဲ့တဲ့ နီးလ်ရဲ့ဘဝကို ပြောပြရင်း Donna Summer ရဲ့ ညည်းသံတွေပါဝင်တဲ့ ၁၇ မိနစ်ကြာ Love to Love You လို သီချင်းတွေနဲ့ အဲဒီခေတ်က အဆိုရှင်တွေရဲ့အကြောင်းကိုလည်း ထည့်သွင်းထားပါတယ်။ ဒီဇာတ်ကားကို ရိုက်ကူးထားသူက နီးလ်ရဲ့သားပါ။ သားငယ်စဉ်ကတည်းက နီးလ် ဆုံးပါးသွားခဲ့တာကြောင့် အဖေ့အကြောင်း သေချာသိခွင့်မရခဲ့တဲ့သားက အဖေ့မိတ်ဆွေတွေကို လိုက်မေးမြန်းပြီး ဇာတ်လမ်းရေးဖွဲ့ခဲ့တာ ဖြစ်ပါတယ်။ လူတွေရဲ့ မှတ်ဉာဏ်နဲ့ ပြန်ပြောပြချက်တွေကို အခြေခံထားတာမို့ အဖြစ်အပျက်အားလုံးကို အတိအကျ ပြန်တင်ပြထားတာတော့ မဟုတ်ပါဘူး။ တချို့နေရာမှာ လျှော့ပြောထားတာ၊ ချဲ့ပြောထားတာနဲ့ ဇာတ်လမ်းအတွက် ပြင်ဆင်ထားတာတွေ ရှိပါတယ်။ ကိုယ့်အိပ်မက်တွေအပြင် အခြားသူတွေရဲ့ အိပ်မက်တွေကိုပါ အကောင်အထည်ဖော်ပေးခဲ့တဲ့ အဖေ့အတွက် သားတစ်ယောက် ဖန်တီးထားတဲ့ အမှတ်တရရုပ်ရှင်ပါ။

ကဲ ဒီတစ်ခါတော့ CM ပရိသတ်တွေအတွက် June 18 ပူပူနွေးနွေးလေး ထွက်ရှိထားတဲ့ Fatherhood လို့အမည်ရတဲ့ Netflix movie လေးကို တင်ဆက်ပေးချင်ပါတယ် ရုပ်ရှင်ကလည်း ပူပူနွေးနွေး ထွက်ရှိထားတာ မကြာသေးသလို ဇာတ်အိမ်ကလည်း ဖခင်တစ်ဦးရဲ့မေတ္တာကို ဖော်ကျူးထားတဲ့အတွက် ကြည့်ရှုသူတိုင်းကို နှလုံးပီတိ ဂွမ်းဆီထိစေမှာ အသေအချာပါပဲ ကဲ ဒါဆို ဇာတ်လမ်းအသွားအလာလေးကို အရင်စပြီး မိတ်ဆက်ပေးတာပေါ့ အဓိက ဇာတ်လိုက်ဖြစ်တဲ့ မတ်လိုဂယ်လင်းကနေ စကြတာပေါ့ မတ်ဟာ သူရဲ့ကိုယ်ဝန်ကို လွယ်ထားရတဲ့ ချစ်ဇနီးလေးလစ်ဇ်နဲ့အတူ တစ်အိုးတစ်အိမ်ထူထောင်ထားတဲ့ အိမ်ထောင်ဦးစီးတစ်ယောက်ပေါ့ ဒီလိုနဲ့ ကလေးမွေးပြီး ဖခင်တစ်ဦးရဲ့ဘဝကို ကျေနပ်နေတဲ့ မတ်တစ်ယောက်ကို ကံကြမ္မာက မျက်နှာသာ မပေးခဲ့ပါဘူး မတ်ရဲ့ကြင်သူလစ်ဇ်မှာ မတ်ရဲ့ဘဝထဲကို ချစ်စရာကောင်းတဲ့ သမီးလေး မတ်ဒီကို မွေးဖွားပေးခဲ့ပေမဲ့ သူကိုယ်တိုင်ကတော့ မတ်ကိုကျောခိုင်းပြီး တမလွန်ကို ကူးသွားခဲ့ပါတယ် ကလေးပုခက်တောင် ဖြောင့်အောင် မဆင်တတ်တဲ့မတ်တစ်ယောက် သူ့သမီးလေးကို ပြုစုပျိုးထောင်နိုင်ပါ့မလား...... သူတစ်ယောက်ထဲနဲ့ မတ်ဒီလေးရဲ့ မိခင်အဖြစ်ရော ဖခင်အဖြစ်ပါ လိုလေသေးမရှိအောင် ဖြည့်ဆည်းစောင့်ရှောက်ပေးနိုင်ပါ့မလား..... အမြဲ အလွဲလွဲအချော်ချော်ဖြစ်တတ်တဲ့ မတ်ရဲ့ သမီးလေးအပေါ်မှာ ဖခင်တာဝန်တွေ ကျေပွန်အောင် ကြိုးစားပုံတွေကို ဟာသလေးနှောပြီး ကြည်နူးစွာ ကြည့်ရှုနိုင်မှာ ဖြစ်ပါတယ် Jumanji ကားထဲက ဟာသသရုပ်ဆောင် ကီဗင်ဟာ့တ်က မတ်နေရာက ပါဝင်သရုပ်ဆောင်ထားတာဆိုတော့ ရိုက်နေကျဇာတ်ရုပ်မဟုတ်ဘဲ ဖခင်မေတ္တာလေးကို ကီဗင်တစ်ယောက် ဘယ်လိုရင်နဲ့ရင်းပြီး ဖော်ကျူးသွားမလဲဆိုတာ စိတ်ဝင်စားစရာပါပဲ Comedy Drama အမျိုးအစားလေးဖြစ်ပြီး IMDb Rating ကလည်း 6.7/10 တောင်ရရှိထားတာဆိုတော့ မနက်ဖြန်ပိတ်ရက်မှာ ဒီလို Netflix movie ကောင်းကောင်းလေးနဲ့ Chill လိုက်ကြတာပေါ့.. Translated and Review By Shwe Pyae and Shwe Pu Encoded by  : YK File Size : 1.7Gb and 877Mb Quality :1080p WEB H264 5.1Ch. and 720p Duration : 1h 49min

My Salinger Year (2020) ဒီရုပ်ရှင်လေးကတော့ Devil wears Prada ကိုမှ စာရေးဆရာ version လို့ ပြောရမယ်ထင်ပါတယ်။ ဂျိုအန်နာ ရက်ကော့ဖ်ဟာ စာရေးဆရာမ / ကဗျာဆရာမ ဖြစ်ဖို့ အိပ်မက်မက်နေတဲ့ ဘာကလေသူလေးပါ။ တစ်ရက်မှာတော့ နယူးယောက်ကို ရောက်လာခဲ့ရင်းကနေ ဂျိုအန်နာတစ်ယောက် ဘာကလေကို မပြန်တော့ဘဲ နယူးယောက်မှာပဲ သူချစ်တဲ့ စာအုပ်တွေနဲ့ ပတ်သက်တဲ့ အလုပ်လုပ်မယ်လို့ ဆုံးဖြတ်လိုက်ပါတော့တယ်။ ဒီလိုနဲ့ စာပေအေဂျင်စီတစ်ခုမှာ လက်ထောက်ရာထူးကို ရခဲ့ပါတယ်။ အစပိုင်းမှာတော့ ဂွကျကျ သူဌေး ၊ စည်းကမ်းကြီးပြီး ရှေးရိုးစွဲတဲ့ အလုပ်ခွင် နဲ့ ဂျေဒီ ဆာလင်ဂျာ လို့ခေါ်တဲ့ ပဟေဠိဆန်တဲ့ စာရေးဆရာတို့ကြားမှာ ဂျိုအန်နာရဲ့ ဘဝလည်း အလိုက်သင့် မျောပါခဲ့ရပါတယ်။ နယူးယောက်မှာ အခြေကျလာတဲ့ ဂျိုအန်နာဟာ ဒွန် လို့ ခေါ်တဲ့ ဝါသနာတူ တက်သစ်စ စာရေးဆရာ ချစ်သူလည်း ရခဲ့ပါတော့တယ် ။ စာပေအေဂျင်စီမှာ ဂျိုအန်နာ လုပ်ရတဲ့အလုပ်ကတော့ ဂျေဒီဆာလင်ဂျာဆီ ရောက်လာတဲ့ fan letter တွေကို ပုံစံခွက်အတိုင်း စာပြန်ပေးရတာပါ ။ ဒီလိုကနေ ကိုယ်ချင်းစာစိတ်တွေ ရောယှက်လာတဲ့ ဂျိုအန်နာက တစ်ရက်မှာတော့ ပုံစံခွက်အတိုင်း မဟုတ်ဘဲ သူ့စိတ်ရင်းတွေနဲ့ စာပြန်ပေးလိုက်မိပါတော့တယ် ။ ဒီလိုကနေ သူ့အလုပ်ခွင်မှာ ဘယ်လိုအလှည့်အပြောင်းတွေ ဖြစ်လာမလဲ ။ ဂျေဒီဆာလင်ဂျာကရော တကယ်ပဲ လူတောမတိုးတဲ့ ခပ်ဆိုးဆိုးစာရေးဆရာမျိူးလား ။ ဂွကျကျ ဘော့စ်ရဲ့ နောက်ကွယ်မှာရော ဘယ်လို ရင်ထဲထိစရာတွေ ရှိနေမလဲဆိုတာကိုတော့ My Salinger Years ရုပ်ရှင်မှာ ဆက်လက်ကြည့်ရှုလိုက်ရအောင်ပါ ။ File Size - 958 MB/ 1.91 GB Quality - BluRay 1080p/ 720p Duration - 1h 41m Format - mp4 Genre - Drama Subtitle - Myanmar Subtitle (Hard Sub)

Brooklyn (2015) ဒီရုပ်ရှင်ကတော့ ၁၉၅၀ ခုနှစ်တွေကို အခြေပြုပြီးရိုက်ကူးထားတဲ့ အိုင်းရစ်အမျိုးသမီးတစ်ဦးရဲ့ အချစ်ဇာတ်လမ်းလေးပဲ ဖြစ်ပါတယ်။ အေလစ်ရှ် လေစီဆိုတဲ့ ကောင်မလေးဟာ အိုင်ယာလန်က အန်နစ်စ်စကော့သီဆိုတဲ့မြိုလေးမှာ အမေနဲ့ အစ်မဖြစ်သူနဲ့အတူ နေထိုင်လျက်ရှိပါတယ်... ဒါပေမဲ့ မြိုသေးသေးလေးမှာ အချိန်ပြည့်အလုပ်ရှာမရဘဲ ဘာမှမတိုးတက်ဖြစ်နေတဲ့ အေလစ်ရှ်အတွက် အစ်မဖြစ်သူ ရိုစ်က နယူးယောက်မြိုမှာနေထိုင်တဲ့ အသိဖြစ်သူ ဘုန်းတော်ကြီးဖလွတ်ဒ်ကို အကူအညီတောင်းပြီး ညီမဖြစ်သူကို နယူးယောက်မှာ အလုပ်တစ်နေရာရစေခဲ့ပါတယ်... အမေနဲ့ အစ်မကို အိမ်မှာထားခဲ့ပြီး ပင်လယ်တစ်ခုခြားဝေးနေတဲ့ မြိုသစ်မှာ ဘဝတစ်ခု စတင်တည်ဆောက်ရတော့မယ့် အေလစ်ရှ်တစ်ယောက် အိမ်ကိုလွမ်းနာကျတဲ့ရောဂါဖြစ်ပြီး အလှကုန်စတိုးဆိုင်မှာ အရောင်းဝန်ထမ်းလုပ်ရတဲ့ အလုပ်သစ်မှာလည်း အသားကျဖို ခက်ခဲနေပါတယ်... အဲဒီလိုကနေ အစ်မဖြစ်သူ ရိုစ်လို စာရင်းရေးပညာရပ်နဲ့ အသက်မွေးဝမ်းကြောင်းပြုချင်တဲ့ အေလစ်ရှ်ကို ဖာသာဖလွတ်ဒ်က ကူညီပြီး ဘရွတ်ကလင်းကောလိပ်မှာ စာရင်းရေးပညာရပ်နဲ့ပတ်သက်ပြီး ညကျောင်းထားပေးပါတော့တယ်... ဒီလိုနဲ့ စာသင်ရင်း အလုပ်လုပ်ရင်း စနေနေ့ညတိုင်း အိုင်းရစ်လူမျိုးတွေပြုလုပ်တဲ့ ကပွဲကနေ တိုနီဆိုတဲ့ အီတလီလူမျိုးကောင်လေးတစ်ယောက်နဲ့တွေ့ပြီး ရင်းနှီးချစ်ကျွမ်းဝင်သွားပါတော့တယ်... တဖြည်းဖြည်းနဲ့ ဘဝသစ်မှာအသားကျလာတဲ့ အေလစ်ရှ်... အစ်မဖြစ်သူရိုစ် ရုတ်တရက်ဆုံးပါးသွားတာကြောင့် ချစ်သူကိုထားခဲ့ပြီး အမေရှိရာ မွေးရပ်မြေ အိုင်ယာလန်ကို ပြန်လာရတဲ့အခါ သူ့ကို ဘယ်လိုပြောင်းလဲမှုတွေက စောင့်ကြိုနေမလဲ... မိသားစုရှိရာ အိုင်ယာလန်မှာပဲ ဆက်နေဖိုဖြစ်သွားမလား... ချစ်ရသူဆီပဲ ပြန်နိုင်မလားဆိုတာကို အေလစ်ရှ်ရဲ့ စိတ်အပြောင်းအလဲတွေ ပတ်ဝန်းကျင်အခြေအနေတွေနဲ့အတူ ရင်မောစွာ ကြည့်ရှုရမှာဖြစ်ပါတယ်... (Fun facts အနေနဲ့ ဟယ်ရီပေါ်တာရုပ်ရှင်တွေထဲက ဇာတ်ကောင်တွေဖြစ်တဲ့ Professor Horace Slughorn နဲ့ Molly Weasley နေရာမှာသရုပ်ဆောင်တဲ့ မင်းသား၊ မင်းသမီးကြီးတွေကိုလည်း မြင်တွေ့ရမှာဖြစ်ပါတယ်) File size…1.93GB / 867MB Quality… BluRay 1080p/ 720p Format…mp4 Duration….1h 57m Genre ….. Life, Romance, Drama Subtitle….Myanmar Subtitle (Hard Sub)

ကမ္ဘာအကောင်းဆုံး စစ်တုရင်ဆရာကြီး ဆယ်ဦးထဲက တစ်ဦးဖြစ်တဲ့ ဘော်ဘီဖစ်ရှာရဲ့ အကြောင်းကို ရိုက်ကူးထားတဲ့ ဖြစ်ရပ်မှန်ပါ။ အခြားအကောင်းဆုံးစာရင်းဝင်တွေကတော့ မက်ဂ်နက် ကာဆန် တို့ ဂယ်ရီ ကတ်စပါးရော့တို့လိုလူတွေပါပဲ။ ဘော်ဘီကတော့ အမေရိကန်ရဲ့ အတော်ဆုံး စစ်တုရင်သမားအဖြစ် အများက သတ်မှတ်ခံရတဲ့သူပါပဲ။ ဒါ့အပြင် သူ ကမ္ဘာ့ချန်ပီယံအဖြစ် ပြိုင်ဆိုင်ခဲ့တဲ့ ကာလက စစ်အေးတိုက်ပွဲကာလဖြစ်နေတဲ့အတွက် သူ့ရဲ့ပြိုင်ပွဲဟာ နိုင်ငံနဲ့ချီတဲ့ စစ်ပွဲလို ဖြစ်နေခဲ့တာပါပဲ။ စစ်အေးတိုက်ပွဲကာလအတွင်းမှာ အမေရိကန်နဲ့ ဆိုဗီယက်တို့ဟာ ဘက်ပေါင်းစုံ ရှုထောင့်ပေါင်းစုံမှာ ယှဉ်ပြိုင်နေကြတာပါ။ အပြိုင်အဆိုင်လည်း ဝါဒဖြန့်နေကြတာပါ။ ဒီတော့ အဲဒီကာလမှာ ရုရှားတွေဟာ စစ်တုရင်လောကကို စိုးမိုးထားပြီး ကမ္ဘာ့ချန်ပီယံကလည်း ရုရှားလူမျိုးပဲ ဖြစ်နေတာကြောင့် ဆိုဗီယက်ဟာ အမေရိကန်ထက် ဉာဏ်ရည်သာတယ်ဆိုတဲ့ ဝါဒမျိုး ဖြန့်လို့အကောင်းဆုံး အချိန်ပါပဲ။ ဘော်ဘီဖစ်ရှာဟာ စစ်အေးတိုက်ပွဲကာလာမှာ အသက် ၁၄ နှစ်နဲ့ အမေရိကန် စစ်တုရင်ချန်ပီယံဖြစ်လာခဲ့ပြီး ဂရန်းမာစတာဖြစ်လာခဲ့တာပါ။ ကမ္ဘာ့ချန်ပီယံဘွဲ့အတွက် ဘိုးရစ်စပက်စကီးနဲ့ ၂၄ ပွဲ ဆက်တိုက် အမှတ်နဲ့ ကစားခဲ့ရတာဖြစ်ပြီး အဓိက အဆုံးအဖြတ်ဖြစ်တဲ့ ၆ ပွဲမြောက် စစ်တုရင်ပွဲဟာ သူ့ သက်တမ်းရဲ့ အရေးအကြီးဆုံးပြိုင်ပွဲအဖြစ် သမိုင်းဝင်ခဲ့ပါတယ်။ ဇာတ်လမ်းနာမည်ဖြစ်တဲ့ နယ်ရုပ် စတေးခြင်းဆိုတာဟာ သူ့ရဲ့ ရွှေ့ကွက်ကို ပြောခဲ့တာဖြစ်သလို အမေရိကန်က ဘော်ဘီဖစ်ရှာကို အသုံးချခဲ့တယ်ဆိုတာကိုလည်း ပြောချင်တာဖြစ်ပါလိမ့်မယ်။ ဘော်ဘီဟာ ချန်ပီယံမဖြစ်ခင်ကတည်းက စိတ်မူမမှန်တာတွေ အစိုးရိမ်လွန်ကဲတာတွေဖြစ်နေခဲ့ပြီး ရုရှားတွေက သူ့ဖုန်းကို ခိုးနားထောင်တယ်၊ တီဗီကနေ ခိုးကြည့်တယ်၊ အစာထဲကိုအဆိပ်ခတ်တယ်၊ သွားပေါက်ထဲကို ဖြည့်တဲ့ဟာတွေကပါ ခိုးနားထောင်တယ်ဆိုတဲ့အထိ စွပ်စွဲခဲ့တာဖြစ်ပါတယ်။ စစ်တုရင်ပါရမီရှင် ပေါလ်မာဖီ တုန်းကလို ငယ်ငယ်ရွယ်ရွယ်နဲ့ သတ်သေသွားမှာကိုပါ စိုးရိမ်ရတဲ့အခြေအနေမှာ ရှိခဲ့တာပါ။ စစ်တုရင်ဟာ အဖွင့်-၄ ကွက်ရွှေ့အပြီးမှာ ရွေးချယ်စရာ အကွက်ပေါင်း ၃၀၀ ဘီလီယံလောက်ရှိတယ်လို့ ဆိုတဲ့အတွက် အပျော်ကစားတာမဟုတ်ဘဲ တကယ် အစအဆုံး ကျွမ်းကျင်ချင်ရင်တော့ ဦးဏှောက်ကို အစွမ်းကုန်သုံးရမယ့် ကစားနည်းမျိုးပါ။ ဒီရုပ်ရှင်မှာတော့ ဘော်ဘီဖစ်ရှာရဲ့ ဘဝနဲ့ စိတ်ဝင်စားစရာ ဖြတ်သန်းမှုတွကို ကျွန်တော်တို့ အချစ်တော် စပိုက်ဒါမန်းမင်းသား တိုဘီ မက်ဂွိုင်းရားက ဉာဏ်ကြီးရှင်ဆိုက်ကို ပုံစံ ပီပီပြင်ပြင် သရုပ်ဆောင်ပြထားတာကြောင့် စစ်တုရင်သမားတွေရော သမိုင်းဒရာမာ ချစ်သူတွေပါ ကြည့်ဖူးသင့်တဲ့ ရုပ်ရှင်ဖြစ်လို့ တင်ပေးထားလိုက်ပါတယ် ။ ( အညွှန်းရေးသားထားသူကတော့ Mr.Anderson ပါ ) Quality__Blu-Ray 1080p_5.1CH,720p IMDb Rating__7/10 Format__mp4 Duration__01:56:00 Type__Biography , Drama , Sport , Chess Subtitle__Myanmar Subtitle (Hardsub) Translated by Mr.Anderson Encoded by Naing Aung Latt

ဒီ ဇာတ်ကားကတော့ လကမ္ဘာပေါ်မှာ အခြေစိုက်ထားတဲ့ Vegan ဂြိုလ်ပေါ်မှာ သမ္မတ အစစ်ကို ဖမ်းဆီးထားပြီး ဂြိုလ်သားတွေ ဖန်တီးထားတဲ့ ကိုယ်ပွားအတုက ကမ္ဘာပေါ်မှာ ရှိနေကြောင်း သိရှိသွားတဲ့ Marshal Dix ဆိုတဲ့ လူတစ်ယောက်ဟာ Vegan ဂြိုလ်ပေါ်ကို သွားရောက်ပြီး သမ္မတ အစစ်ကို ကယ်တင်ပြီး ဂြိုလ်သားတွေ ကျူးကျော်လာမှုကို တားဆီးနိုင်မလားဆိုတာကို ကြည့်ရှုရမှာပဲဖြစ်ပါတယ် ကြည့်ရှု့သူ ပရိသတ်တွေ မပျင်းရိစေရအောင် ဟာသနှောပြီး ရိုက်ကူးထားတဲ့ ဇာတ်ကားလည်းဖြစ်ပါတယ် File size…(2.1 GB)/(1.1 GB) Quality….Webrip HEVC 1080p / 720p Format…mp4/ mkv Duration….01:48:00 Genre...Comedy, Science Fiction, Action  Subtitle….Myanmar Subtitle (Hardsub) Encoder….Swan Min Htet Translated by Ko Dee