Emma Stone ပါဝင်သော ဇာတ်ကားများ

Bugonia (2025) ++++++ IMDb Rating (7.7) / Rotten Tomatoes (87%) 2025 မှာ ဟိုးလေးတကျော် လူပြောများနေတဲ့ အမ်မာစတုန်းရဲ့ နှလုံးလှတဲ့ ကတုံးမ ဇာတ်ကားလာပါပြီ... ဇာတ်လမ်းအကျဉ်း +++++++++ တက်ဒီနဲ့ ဒွန်နီဟာ ဂြိုဟ်သားတွေကို ရူးသွပ်စွဲလန်းနေတဲ့သူတွေဖြစ်ပြီးတော့ ဂြိုဟ်သားတွေဟာ ကမ္ဘာမြေပေါ်မှာ အသွင်ယူနေထိုင်ပြီး လူသားမျိုးနွယ်နဲ့ ကမ္ဘာမြေကို ဖျက်ဆီးဖို့ ကြံစည်နေကြတယ်လို့ အခိုင်အမာယုံကြည်ထားကြပါတယ်။ ဒါကြောင့် သူတို့ဟာ ဂြိုဟ်သားတစ်ကောင်ကို ရအောင်ဖမ်းပြီး သူတို့ရဲ့ မိခင်ယာဉ်ပျံနဲ့ ဆက်သွယ်နိုင်အောင် လုပ်ပြီးတော့ ကမ္ဘာမြေက ထွက်သွားဖို့ ညှိနှိုင်းဆွေးနွေးမှုတွေလုပ်မယ်ဆိုပြီး လေထဲတိုက်အိမ်ဆောက် စိတ်ကူးတွေ ယဉ်ပြီး အစီအစဉ်တွေ ဆွဲနေကြပါတယ်။ တစ်ဖက်မှာတော့ အသက် ၄၅ နှစ်အရွယ် မစ်ရှဲ ဖူလာ ဆိုတဲ့ အမျိုးသမီး ထိပ်တန်းစီးပွားရေးလုပ်ငန်းရှင်က လူကုံထံပီပီ အိုမင်းရင့်ရော်မှုကို နှောင့်နှေးအောင် စားသောက်ပုံစနစ်တွေ လေ့ကျင့်ခန်းတွေ စိတ်ဆွေးနွေးမှုတွေ စသဖြင့် သေချာလေး နေထိုင်ကျင့်သုံးနေတဲ့သူဖြစ်တဲ့အတွက် အရွယ်နဲ့မလိုက်အောင် နုပျိုနေသူဖြစ်ပါတယ်။ ဒါကို ငပေါနှစ်ကောင်က ဂြိုဟ်သားပါလို့ ယုံကြည်ပြီး ပြန်ပေးဆွဲကြပါတော့တယ်။ ဒီတော့ မစ်ရှဲ ဖူလာက သူတို့ထင်ထားသလို တကယ်ပဲ ဂြိုဟ်သားဖြစ်နေမလား..... မဟုတ်ဘူးဆိုရင် ဒီငပေါနှစ်ကောင်ကို မစ်ရှဲဖူလာတစ်ယောက် ဘယ်လိုနားချမလဲ စသဖြင့် သို့လောသို့လော မေးခွန်းတွေနဲ့ စိတ်ဝင်စားဖွယ်ရာ ကြည့်ရှုရမဲ့ ဇာတ်ကားကောင်းလေးပဲဖြစ်ပါတယ်။ File Size… (6.66GB)/(2.60GB) / (1.33GB) Quality… WEB-DL 4K HEVC/1080p HEVC /720p Format…mkv / mp4 Duration…1h 58m Genre … Comedy , Crime , Sci-Fi Subtitle….Myanmar Subtitle (Hard Sub)

Eddington (2025) IMDb Rating (7.0) / Rotten Tomatoes (68%) ဒီဇာတ်ကားလေးကတော့ ဒီတလောမှ ထွက်ရှိထားတဲ့ A24 ရဲ့လက်ရာဖြစ်ပြီး ဝါကင်းဖီးနစ်၊ ပက်ဒရိုပါစကယ်၊ အမ်မာစတုန်းနဲ့ တခြားသော ဟောလိဝုဒ် ဝါရင့်သရုပ်ဆောင်တွေ ပါဝင်ထားပြီး တွေးစရာလေးတွေပေးမဲ့ IMDb Rating 7/10 ရရှိထားတဲ့ ဇာတ်ကားကောင်းလေးပဲဖြစ်ပါတယ်။ ဇာတ်လမ်းအကျဉ်း ဒီဇာတ်ကားလေးကို ကိုဗစ်ကပ်ဘေးကာလ အမေရိကန် နယူးမက္ကဆီကိုက ဆဗီလာစီရင်စုနဲ့ ပါဘလိုစီရင်စု နှစ်ခုကြားမှာ တည်ရှိတဲ့ အယ်ဒင်တန်မြို့လေးမှာ စတင်အခြေတည်ထားပါတယ်။ မြို့တော်ဝန် တက်ဒ် ဂရာစီယာက ကိုဗစ်ကာလတွင်းမှာ ထပ်ကျင်းပမဲ့ ရွေးကောက်ပွဲမှာ နည်းပညာလုပ်ငန်းစုတစ်ခုကို ဒီပြည်နယ်ထဲမှာ ဒေတာစင်တာ အမြောက်အမြား ဆောက်လုပ်ခွင့်ပေးပြီး သူတို့ရဲ့ ကျောထောက်နောက်ခံနဲ့ ပြန်လည်ရွေးကောက်ခံရဖို့ မဲဆွယ်ဖို့ ပြင်ဆင်နေခဲ့ပါတယ်။ တစ်ဖက်မှာတော့ အယ်ဒင်တန်မြို့ရဲ့ ရဲမှူး ဂျိုး ခရော့စ်ကလည်း အများပြည်သူဧရိယာတွေမှာ နှာခေါင်းစည်းမတပ်ပဲ ကန့်လန့်တိုက်နေကာ ဒီမြို့ကိုမရောက်လာသေးတဲ့ ကိုဗစ်ရောဂါအတွက် ဘာလို့ လူမှုစီးပွားရေးတစ်ခုလုံးကို ရပ်ဆိုင်းခိုင်းရတာလဲဆိုပြီး အစိုးရကို မေးခွန်းထုတ်နေခဲ့ပါတယ်။ ဒီလိုနဲ့ တစ်နေ့မှာ ရဲမှူး ဂျိုး ခရော့စ်က စိတ်မကျန်းမာတဲ့ သူ့မိန်းမ လူဝီနဲ့ မြို့တော်ဝန် တက်ဒ် ဂရာစီယာကြားက ကိုယ်ရေးကိုယ်တာကိစ္စတစ်ခုကြောင့် တက်ဒ် ဂရာစီယာရဲ့ အုပ်ချုပ်ပုံကို မေးခွန်းထုတ်ပြီး မြို့တော်ဝန်နေရာကို ရွေးကောက်ခံဖို့ ဝင်ပြိုင်ရာကနေ အစပျိုးထားပါတယ်။ A24 ရဲ့ လက်စွမ်းကိုသိတဲ့အတိုင်း ဇာတ်လမ်းဇာတ်ကွက်က ဘယ်လိုအလှည့်အပြောင်းနဲ့ အမျိုးစုံကြိုးခုန်ပြီး တွေးစရာလေးတွေပေးပြီးတင်ဆက်သွားမလဲဆိုတာတော့ ကိုယ်တိုင်ကြည့်ရှုလိုက်ပါ။ File size… (9.4 GB) / (3.2 GB) / (1.2 GB) Quality…. WEB-DL4K HEVC / 1080p HEVC / 720p Format…. mkv/mp4 Genre…. Comedy,Crime,Western Duration…. 02:28:50 Subtitle…. Myanmar Subtitle (Hardsub)

အမ်မာစတုန်းနဲ့ ဝီလီယံဒဖိုးရဲ့ Poor Things စတိုင် နောက်ထပ် Dark Comedy အသစ်လာပါပြီ။ ဒါရိုက်တာကလည်း Poor Things၊ The Favourite နဲ့ The Killing of a Sacred Deer ကို ဖန်တီးခဲ့တဲ့ Yorgos Lanthimos ပါပဲ။ သူ့ရုပ်ရှင်တွေရဲ့ ထုံးစံအတိုင်း နောက်ကွယ်က အဓိပ္ပါယ်ကို တွေးချင်သလိုတွေး၊ ယူဆချင်သလိုယူဆ၊ မတွေးချင်လည်း မေ့ပစ်လိုက်၊ ငါတော့ ငါပြချင်တာ ပြပြီးပြီ ကျန်တာသောက်ဂရု မစိုက်ဘူးဆိုတဲ့ စတိုင်နဲ့ ရုပ်ရှင်ပါပဲ။ ဇာတ်လမ်းအကျဉ်း ဒီရုပ်ရှင်က ၂ နာရီ ၄၅ မိနစ်ကြာမြင့်ပြီး အပိုင်း-၃ ပိုင်း တည်ဆောက် ထားပါတယ်။ တစ်ပိုင်းချင်းဆီမှာ ဝက်သာဖက် ဝက်သာဖက်ဆိုပြီး ရွတ်ပြီး ကြည့်ရမဲ့ ဇာတ်လမ်းတွေ ပါပါတယ်။ အများကြီးလည်းမညွှန်းချင်ပါဘူး ခေါင်းကိုက်လို့ပါ။ ပထမပိုင်းမှာ လူတစ်ယောက်ကိုအလုပ်ခန့်ပြီး တစ်ဘဝလုံးစာ စားချိန်၊ အိပ်ချိန်၊ အဝတ်အစား၊ နေစရာ၊ မိန်းမယူတာ၊ ကလေးယူမယူ၊ လိင်ဆက်ဆံချိန်ကအစ လိုက်ထိန်းချုပ်ထားတဲ့ လူတစ်ယောက် အကြောင်းကိုပြတာပါ။ သူနဲ့ထိန်းချုပ်ခံကြားက ရှုပ်ထွေးတဲ့ ဆက်ဆံရေးတွေပေါ့။ ဒုတိယပိုင်းက လှေမှောက်ပြီး အကြာကြီး ပျောက်နေတဲ့မိန်းမ အိမ်ကို ပြန်လာတဲ့အခါ လုံးဝပြောင်းလဲသွားတဲ့အတွက် သူ့မိန်းမမဟုတ်ဘူး ဘာကြီးလဲဆိုပြီးအဖြေရှာတဲ့ဇာတ်လမ်းပါ။ တတိယပိုင်းကတော့ လူတွေကို ပြန်ရှင်အောင်လုပ်နိုင်တဲ့ မိန်းမ တစ်ယောက်ကို လိုက်ရှာရတဲ့ ဇာတ်လမ်းပါ။ ကြည့်ပြီးရင်လည်း ချန်နယ်မြန်မာ ဂရုမှာ review တွေလာရေး လာဖတ်ဖို့ ဖိတ်ခေါ်ပါတယ်။ File size…8.83GB / 2.67GB / 1.26GB Quality…WEB-DL 4k HEVC 1080p  / 720p Format…mkv / mp4 Duration….2h 44m Genre ….. Comedy , Drama Subtitle….Myanmar Subtitle (Hard Sub) Encoder….Min Wai Translated by Mr.Anderson

The Curse (2023) Complete ~ IMDb - 6.9/10, Rotten Tomatoes - 89% ~ ဒီဇာတ်လမ်းတွဲရဲ့ သရုပ်ဆောင်တွေကတော့ အားလုံးရဲ့အသည်းကျော်ဖြစ်သလို ရိုက်သမျှရုပ်ရှင်အားလုံး မကောင်းတာမရှိတဲ့ Emma Stone ရယ်၊ နာမည်ကျော် Comedian နဲ့ သရုပ်ဆောင် Nathan Fielder တို့က သရုပ်ဆောင်ထားပါတယ်။ ဒါရိုက်တာနဲ့ ဇာတ်ညွှန်းဆရာကလည်း ဒီကားရဲ့မင်းသား Nathan Fielder နဲ့ Good Time တို့၊ Uncut Gems တို့လို နာမည်ကျော် ဘောင်ဝင်တန်းဝင် Crime Thriller တွေကို ရေးခဲ့ ရိုက်ခဲ့တဲ့ ဒါရိုက်တာ Benny Safdie ပါပဲ။ ဆိုတော့ ဒီစီးရီးဟာ အကောင်းစားစီးရီးတစ်ခုဖြစ်နေမှာ ပြေးကြည့်စရာမလိုပါဘူး။ ဒါပေမဲ့လည်း လူတိုင်းအတွက်တော့မဟုတ်ပါဘူး။ Nathan Fielder ဟာ Comedian ပီသစွာပဲ သူ့ဇာတ်လမ်းဟာ Comedy ကားလို့ နာမည်တပ်ထားပေမဲ့ ဒီကားက အဖြစ်အပျက်တွေ ဇာတ်လမ်းတွေက Comedy ကားလို့တောင် ထင်စရာရှိမနေပါဘူး။ ဒါလည်း Benny Safdie လက်ချက်ပါကောင်းပါမှာပေါ့ ကျွန်တော်တို့မသိနိုင်ဘူး။ မသိရင် ဒိုကူရိုက်ထားသလိုလိုကြီးပါပဲ။ ဒါပေမဲ့ Comedy မဖြစ်ဘူးလားဆိုရင်တော့ ဖြစ်တော့ဖြစ်နေတာပါပဲ... စိတ်ညစ်စရာ ကကျိုးကကြောင်အဖြစ်အပျက်တွေကြားမှာ ဟာသသွားဖြစ်နေတာပါ။ Black Comedy တွေရဲ့ အရသာကို ကြိုက်တတ်ရင်တော့ ဒီလိုဟာသတွေကို ခင်ဗျားကောင်းကောင်းကြီး သဘောပေါက်မှာပါ။ ကြိုက်မှာပါ။ Satirical Black Comedy ဖြစ်နေတော့ Black Comedy ကိုမှ သရော်လုံး ထေ့လုံးလေးတွေလည်း ပါနေဦးမှာပါပဲ။ ဒီကားနာမည်မှာပါတဲ့ ကျိန်စာဆိုတဲ့စကားလုံး ဖြစ်တည်လာတဲ့ပုံကလည်း ဘာမှမဟုတ်တဲ့ အဖြစ်ကလေးတစ်ခုကနေလို့ပြောရမှာပဲ။ ကလေးလေးတစ်ယောက်ကို ဗီဒီယိုထဲ ရိုက်ဖို့ ဒေါ်လာတစ်ရာတန်ပေးပြီးမှ များနေလို့ ပြန်ပေး ၂၀နဲ့လဲပေးမယ်လုပ်ရာက ကလေးက ကျိန်စာတိုက်လိုက်လို့ဖြစ်သွားတယ်ပြောရမှာပဲ။ ဘာမှတော့မဟုတ်နေပါဘူး။ ဒါပေမဲ့ ဇာတ်ကားထဲက အမ်မာစတုန်းစကားလိုပဲ မထော်မနန်းနဲ့ လုပ်ချင်တာတွေလုပ်လိုက်ပြီးရင် အဲဒီနောက်မှာ အကျိုးဆက်တစ်ခုခုတော့ ရှိကိုရှိနေရမှာပါပဲ။ မရှိနေလို့ကိုမဖြစ်ပါဘူး။ အဲဒီအကျိုးဆက်ကိုတော့ ဒီပထမပိုင်းမှာ အရိပ်အမြွက်လောက်ပဲ ပြသွားသေးပေမဲ့ နောက်အပိုင်းတွေ ဘာတွေဆက်ဖြစ်လာဦးမလဲ စိတ်ဝင်တစားစောင့်ကြည့်ရမှာပါ။ ဝုန်းခနဲဒိုင်းခနဲထဖြစ်တာမျိုးလည်း မဟုတ်လို့ တော်တော်လေး အငြိမ်ဆန်ပြီး တစိမ့်စိမ့်ကြည့်တတ်ရင် အရသာရှိမယ့် ဟာသစီးရီးစစ်ပေမဲ့ ဟာသစီးရီးမဆန်တဲ့ဟာသစီးရီးပါပဲ။ ဒိုကူရိုက်နေသလားမှတ်ရတဲ့အခန်းတွေများတာမို့ လူတိုင်းအကြိုက်တွေ့ဖို့တော့ ခက်ပါလိမ့်မယ်။ ဒါပေမဲ့ ဒီအခြေအနေကို သည်းခံကြည့်ပြီး အဲဒီအခြေအနေကနေ လွန်သွားတဲ့အခါမှာတော့ ခင်ဗျားမြင်ရမှာကတော့ ဇွတ်ဇတ်တွေထိုးထည့်မနေတဲ့ သူ့ဖလိုးနဲ့သူသွားနေတဲ့ တငြိမ့်ငြိမ့်ကြည့်ကောင်းတဲ့ စီးရီးတစ်ခုကိုပါပဲ။ Cast, Creator, Writer အကုန်ကောင်းပြီး တငွေ့ငွေ့ချင်းနဲ့မှ အရသာပေါ်ပြီး ဒါကြည့်ဒါကြည့် အတင်းထိုးထည့်မနေတဲ့ စီးရီးတွေကို ကြိုက်တတ်ရင်တော့ ဒီစီးရီးက ခင်ဗျားအတွက်ပါပဲ။ (ဒီစီးရီးကို အညွှန်းရေးသား ဘာသာပြန်ပေးသူကတော့ W ပဲဖြစ်ပါတယ်) Size ~ 900MB+ Total - 10 Episodes Quality – 1080p Duration ~ 1h (@Episode) Subtitle – Myanmar Hardsub Format – Mp4 Genre : Comedy Source : AMZN.Web-dl.1080p Translator – W Encoder – Y

အော်စကာ အကောင်းဆုံးရုပ်ရှင်ဆု၊ မင်းသမီးဆု၊ ဇာတ်ပို့ဆု၊ ဒါရိုက်တာဆု၊ နောက်ခံဂီတဆု၊ ရုပ်ရှင်ဓာတ်ပုံဆု၊ ဇာတ်ညွှန်းဆု၊ ဝတ်စုံဆု၊ ရိုက်ကွင်းဆု၊ မိတ်ကပ်ဆံပင်ဆု၊ တည်းဖြတ်ဆုတွေ ဆန်ကာတင် ဝင်ထားတဲ့ ရုပ်ရှင်ဖြစ်ပါတယ်။ ရွှေကမ္ဘာလုံးပွဲမှာလည်း အကောင်းဆုံး မင်းသမီး၊ မင်းသား၊ ဇာတ်ပို့၊ ဇာတ်ညွှန်း၊ ဒါရိုက်တာ၊ ဂီတဆုတွေ ရရှိထားပါတယ်။ ဇာတ်လမ်းအမျိုးအစားကတော့ သိပ္ပံစိတ်ကူးယဉ် Dark Comedy အမျိုးအစားပါပဲ။ ဖရန်ကင်စတိုင်းကို အခြေခံထားပါတယ်။ Alasdair Gray ရဲ့ ၁၉၉၂ ထုတ် Poor Things စာအုပ်ကို အခြေခံထားတာပါ။ လန်ဒန်ဝိတိုရိယခေတ် အမျိုးသမီးတစ်ယောက် သေပြီးသွားတော့မှ ဦးနှောက်အစားထိုး အသက်သွင်းခံရပြီး လောကကြီးကို အစကနေ ပြန်လေ့လာတဲ့အကြောင်းပဲ ဖြစ်ပါတယ်။ သရုပ်ဆောင်တွေက‌တော့ Emma Stone, Mark Ruffalo, Willem Dafoe, Ramy Youssef, Christopher Abbott, နဲ့ Jerrod Carmichael တို့ပါပဲ။ အစ်ကိုတစ်ယောက် ပြောသလို ဒီကားကို ကြည့်သ့င်တဲ့အကြောင်းက "Emma Stone အင်ဂျင်ဝိုင်တိုင်း၊ မြင်းစီး၊ ဒေါ့ဂီဆွဲ၊ ခြေတပေါင်ကျော်၊ မောင်ရင်ဆွမ်းထမ်း၊ မော်တော်ဆပ်၊ လှေကြီးထိုး ရိုးရိုး ဝနေအောင်ကြည့်ရ။ " လို့ပါလို့တော့ မညွှန်းချင်ပါဘူး။ Dark Comedyတွေရဲ့ ထုံးစံအတိုင်း ရုပ်တည်ကြီးနဲ့ ရယ်ရခက် ငိုရခက်တဲ့ဟာသတွေကြောင့်၊ ဂိတွေပြောသလို လောကကြီးကို နက်နဲတဲ့ သရုပ်ဖော်ပုံ တင်စားပုံတွေနဲ့ ဘာညာကြောင့် ဘလာဘလာ၊ ပြောင်မြောက်တဲ့ ဇာတ်လမ်း၊ ရိုက်ချက် နဲ့ သရုပ်ဆောင်တွေကြောင့်လို့ပဲ ကြားကောင်းအောင် ညွှန်းချင်ပါတယ်။ ကြည့်မှာသာ ကြည့်လိုက်ပါ အရှုံးမရှိပါဘူး။ File size…(5.6 GB)/(2.3 GB)/(1.5 GB) Quality….WEB-DL 4K HEVC/1080p / 720p Format…mkv/mp4 Duration….02:21:00 Genre...Comedy, Drama, Romance Subtitle….Myanmar Subtitle (Hardsub) Encoder….Thit San Khant, Garfield Translated by Mr. Anderson

ခရူရယ်လာဆိုတဲ့ ဒစ်စနေးရဲ့ နာမည်ကျော် ဗီလိန်ကြီးလာပါပြီ။ ကျတော်တို့ငယ်ငယ်ကတည်းက ခွေးလေးတွေကို လိုက်ဒုက္ခပေးချင်တဲ့ ဒီမိန်းမကြီးကို မြင်တာနဲ့ မုန်းခဲ့တာပါ။ အခုတော့ သူ့နေရာကို အမ်မာကျောက်တုံးလေးက ဝင်ပြီး သရုပ်ဆောင်လိုက်တော့လည်း မုန်းလို့မရတော့ပါဘူး။ မယ်လီဖီးဆန့် ဂျိုလီကို မုန်းလို့မရသလိုပေါ့။ ဒီ Live action အသစ်ကတော့ အတော်ကောင်းတဲ့အထဲမှာ ပါပါတယ်။ ဇာတ်လမ်းဇာတ်ကွက်လည်း အဆင်ပြေတယ်။ ခရူရယ်လာဆိုတဲ့ သူဌေးမကြီးဘယ်လိုဖြစ်လာသလဲဆိုတာကို ကောင်းကောင်းပြထားတာပါပဲ။ ရိုက်ထားတာတွေ ဖက်ရှင်တွေကလည်းအတော်ကိုကောင်းပါတယ်။ ကြည့်ကိုကြည့်သင့်တဲ့ ရုပ်ရှင်ပါပဲ။ ခရူရယ်လာ အကြောင်းကို ပြန်ကြည့်ချင်ရင်တော ့ 101 dalmatians နဲ့ 102 dalmatians ဆိုတဲ့ ရုပ်ရှင်နှစ်ကားရှိပါသေးတယ်။ ဒါကိုလည်း တစ်ခါတည်း တင်ထားပေးပါတယ်။ File size…(2 GB) and (1.4 GB) Quality….Webrip 1080p and 720p Format…mp4 Duration….02:14:00 Subtitle….Myanmar Subtitle (Hardsub) Encoder….Mr.Anderson Translated by Mr.Andreson

The Croods: A New Age (2020) IMDb Rating (6.9) / Rotten Tomatoes (76%) ဂိုင်းဆိုတဲ့တစ်ကောင်ကြွက်လေးတစ်ယောက် မိဘတွေကွယ်လွန်ခါနီးမှာခဲ့တဲ့"မနက်ဖြန်"ဆိုတဲ့နေရာလေးကို ရှာဖွေရင်းတစ်နေ့မှာ ဂူတွေထဲနေထိုင်ကျက်စားကြတဲ့ ခရုစ်မိသားစုနဲ့တွေ့သွားတဲ့အခါ ရင်းနှီးသွားပြီးခရုစ်မိသားစုရဲ့သမီးပျိုလေး အိဗ်နဲ့လည်း ချစ်ကျွမ်းဝင်ခဲ့ကြပါတယ်။ ဒီလိုနဲ့ ခရုစ်မိသားစုဟာလည်း ဒီဂူတွေထက်ပိုကောင်းပြီး အစာရေစာပေါများတဲ့"မနက်ဖြန်"ဆိုတဲ့နေရာလေးကို ဂိုင်းနဲ့တူတူ ရှာပုံတော်ထွက်ခဲ့ကြပါတော့တယ်။ ဒီလိုနဲ့ခရီးဆက်ရင်း နတ်ပြည်ကြီးလိုလှပပြီး အစာရေစာလည်းပေါများတဲ့ နေရာလေးတစ်ခုကိုရောက်သွားတဲ့အခါမှာ၊ အဲဒီနေရာလေးက ဂိုင်းမိဘတွေရဲ့အရင်းနှီးဆုံးမိတ်ဆွေတွေဖြစ်တဲ့ ဘတ်တားမန်းမိသားစုရဲ့ အိမ်ကြီးဖြစ်နေတဲ့အခါမှာ၊ ဘတ်တားမန်းမိသားစုရဲ့သမီးပျိုလေး ဒေါန်ကလည်း ဂိုင်းရဲ့အခင်ဆုံးငယ်သူငယ်ချင်းဖြစ်နေတဲ့အခါမှာ မိသားစုနှစ်စုရဲ့ မတူညီတဲ့ယဥ်ကျေးမှုတွေကနေဘယ်လိုပဋိပက္ခလေးတွေဖြစ်လာမလဲ? တောရိုင်းတိရစ္ဆာန်ရဲ့အန္တရာယ်တွေကနေရော ဘယ်လိုလွတ်မြောက်အောင်ကြံစည်ကြမှာလဲဆိုတာကို မိဘမေတ္တာ၊ သူငယ်ချင်းသံယောဇဥ်လေးတွေကိုပါ ထည့်သွင်းပုံဖော်ထားတဲ့ ဒီ comedy-adventure animation movie လေးမှာ ခံစားကြည့်ရှုလိုက်ကြပါဦး။ File size…(5 GB) / (1.5 GB) / (940 MB) Quality….Blu-Ray 4K HEVC / 1080p HEVC / 720p Format…. mkv/mp4 Genre….Adventure,Animation,Comedy Duration….01:35:30 Subtitle….Myanmar Subtitle (Hardsub) Encoder….Thit San Khant Translated by August, Jerrica, MTA

Zombieland (2009) ထွက်ပြီး ၁၀ နှစ်အကြာမှာ Zombieland 2 အနေနဲ့ ဒီဇာတ်ကားထွက်ရှိခဲ့ပါတယ်.. ပထမဇာတ်ကားက သရုပ်ဆောင်တွေပဲ အဓိကပါဝင်ထားပြီး မပျင်းရအောင် ရယ်ရ ကြောက်ရတုန်းပါပဲ... Rating တွေလဲ ကောင်းဆဲဖြစ်ပြီး ဇာတ်လမ်းတည်ဆောက်ထားပုံလဲ လတ်ဆတ်ပါတယ်... Zombie တွေ ဒီကမ္ဘာမှာ တကယ်ရှိလာနိုင်တာမို့ Zombieland ဇာတ်ကားတွေ ကြည့်ထားဖို့ဖိတ်ခေါ်ပါတယ်။ :P File Size : (1.7 GB),(990 MB) Quality : Blu-Ray (1080p 5.1,720p) Running Time : 1hr 39min Format : Mp4 Genre : Adventure, Comedy, Horror Subtitle : Myanmar Subtitle (Hard Sub) Translated by Aye Mon Kyaw Encoded by Nyeinsaeya Aung

Director- Yorgos Lanthimos ရိုက်ကူးပုံဖော်ထားပြီးမင်းသမီး Olivia Colman, Emma Stone, Rachel Weisz တို့အပြိုင်သရုပ်ဆောင်ထားတဲ့ ၁၈ ရာစုခေတ် အင်္ဂလန်ရာဇဝင်ကို ပုံဖော်ထားတဲ့ ဇာတ်ကားလေးပါ။IMDb ration 7.7, Rotten Tomatoes 93% rating ရထားပြီး ၉၁ ကြိမ်မြောက် အော်စကာ ဆုပေးပွဲမှာ  မင်းသမီး ၃ ယောက်လုံး Academy Nomiation  ဝင်ခဲ့ပြီး ဇာတ်လမ်း၊ဇာတ်ညွှန်းဒါရိုက်တာ ဓါတ်ပုံ အဝတ်အစားဒီဇိုင်း စတာတွေအတွက်Nomination ဆု (၁၀) ခုထိ ဝင်ထားပြီး Best Actress ဆုကို မင်းသမီးကြီး Olivia Colman က ဆွတ်ခူးနိုင်ခဲ့ပါတယ်။ဇာတ်လမ်းအကျဉ်းကလေးကတော့ ၁၈ ရာစုခေတ်မှာအင်္ဂလန်နဲ့ ပြင်သစ်က စစ်ပွဲတွေ ဆင်နွဲနေတဲ့အချိန်ပါ။ မုဆိုးမတစ်ဦးဖြစ်ပြီး သားသမီးမရှိတဲ့ ဘုရင်မကြီး အန်းနီကတော့အင်္ဂလန်ထီးနန်းကို ဆက်ခံနေပြီး သူ့ငယ်သူငယ်ချင်း ဆာရာကအကြံပေးတဲ့အတိုင်း တိုင်းပြည်ကိုအုပ်ချုပ်နေပါတယ်။ ဘုရင်မကြီး အန်းနီက အာဏာရှိပေမယ့် ရိုးအပြီးပညာမဲ့ထုံထိုင်းတဲ့သူမို့ သွက်လက်ထက်မြက်ပြီး မာန်မာနကြီးတဲ့ဆာရာကသာ အရာရာကြိုးကိုင်နိုင်သူဖြစ်နေပါတယ်။ သူတို့နှစ်ဦးကြားကို အက်ဘီဂေး ဆိုတဲ့ မိန်းကလေးတစ်ဦး ရောက်လာချိန်မှာတော့ဖြစ်ပေါ်လာမယ့်အရှုပ်အထွေးတွေကိုတော့ ကိုယ်တိုင်ပဲ ခံစားကြည့်ရှုလိုက်ပါ။ အက်ဘီဂေး ရွေ့သွားတဲ့အကွက်လေးတွေကို တော်တော်ကိုလှလို့ ပညာယူထားသင့်ကြပါတယ်ဒီဇာတ်ကားကတော့ လူတွေရဲ့ အာဏာနဲ့ ရာထူးတွေကို ထိန်းချုပ်နိုင်ဖို့ ကြိုးစားကြရင်းနဲ့ အထီးကျန်ပြီး မေတ္တာတရားမဲ့နေရတဲ့ဘဝတွေကို မြင်သာအောင် မီးမောင်းထိုးပြ သွားခဲ့ပါတယ်…. File Size : (1 GB) & ( 499 MB) Quality : BluRay 720p Running Time :1hr 59 min Format : Mp4 Genre : Biography , Comedy , Drama Subtitle : Myanmar Subtitle (Hard Sub)

ဒီကားကတော့ ၂၀၁၇ခုနှစ်ထွက်Biography/Comedy-Drama ဇာတ်ကားကောင်းလေးဖြစ်ပါတယ်။ ဒီကားလေးဟာ ၁၉၇၃ခုနှစ် အမေရိကန်ပြည်ထောင်စုတွင် ဟိုးလေးတကျော်ဖြစ်ကာ ပြောစမှတ်တွင်ရလောက်တဲ့အထိ ဖြစ်ပွားခဲ့တဲ့ တင်းနစ်ပြိုင်ပွဲအကြောင်းပါပဲ။ ဒီတင်းနစ်ပြိုင်ပွဲဟာ သာမန်ပြိုင်ပွဲတွေနဲ့မတူပါဘူး။ ထိုခေတ်ကာလတွင်း အမျိုးသမီးတင်းနစ်ကစားသမားများဟာ အမျိုးသားများနှင့် တန်းတူရပိုင်ခွင့်တွေ ခံစားခွင့်မရကြပါဘူး။ ဒါကြောင့် ကမ္ဘာ့နံပါတ်တစ် အကောင်းဆုံးအမျိုးသမီးတင်းနစ်ကစားသမားဖြစ်တဲ့ ဘီလီဂျင်းကင်းဟာ အဲဒီအတွက်ကနေဦး တောင်းဆိုဆန္ဒပြခဲ့တဲ့ ပထမဦးဆုံး အမျိုးသမီးအခွင့်အရေးလှုပ်ရှားသူတစ်ယောက်ဖြစ်လာပါတယ်။ အဲဒီကနေစပြီး အမျိုးသမီးများ အမျိုးသားများနှင့်တန်းတူညီမျှအခွင့်အရေးခံစားခွင့်ရှိခြင်း၊ လိင်တူရပိုင်ခွင့်များနှင့် လူ့အခွင့်အရေးဆိုတာတွေ ဆက်လက်ဖြစ်ပေါ်လာတာပဲဖြစ်ပါတယ်။ တစ်ဖက်မှာလည်း ဘီလီဂျင်းကင်းကိုပါရမီဖြည့်ပေးရှာသည့်သူကတော့ ဘော်ဘီရစ်ချ်ဆိုတဲ့ နာမည်ကျော်တင်းနစ်ကစားသမားတစ်ယောက်ပါ။ သူ့ရဲ့ဝါသနာက လောင်းကစားလုပ်ခြင်းပါပဲ။ အခွင့်အရေးတွေကိုချောင်းနေတဲ့ဘော်ဘီတစ်ယောက် ဘီလီကင်းကိုမျက်စိကျသွားပါတော့တယ်။ သူ့ရဲ့အတိတ်ကရွှေရောင်နေ့ရက်တွေကိုပြန်လည်ရယူရင်း လောင်းကစားပါလုပ်လို့ရမည့်အကွက်ကို တွေ့သွားတာပဲဖြစ်ပါတယ်။ ဒီလိုနဲ့ ဘီလီဂျင်းကင်းကိုစိန်ခေါ်ပြီး တင်းနစ်ကစားပွဲပြုလုပ်ကာ အမျိုးသမီးတွေဟာ တန်းတူအခွင့်အရေးရသင့်ကြောင်း သက်သေပြရအောင်ဖန်တီးပါတော့တယ်။ အဲဒီပြိုင်ပွဲဟာ တင်းနစ်အားကစားသမိုင်းတစ်လျှောက်တွင် လူကြည့်အများဆုံးသော ကစားပွဲဖြစ်ခဲ့တာဖြစ်ပြီး ဘီလီဂျင်းကင်းနဲ့ ဘော်ဘီရစ်ချ်တို့ရဲ့ အပြိုင်အဆိုင် စကားနာထိုးမှုတွေ၊ အားပြိုင်မှုတွေဟာ ကစားကွင်းမတိုင်ခင်ကတည်းက ပုဂ္ဂိုလ်ရေးဆိုင်ရာအရရော၊ အခြားသော ရှုပ်ထွေးသည့်တိုက်ပွဲများနှင့် ပြင်းထန်ကာ မြိုင်မြိုင်ဆိုင်ဆိုင်ဖြစ်နေခဲ့ပါတယ်။ နောက်ဆုံးမှာတော့ ဘီလီဂျင်းကင်းအနိုင်ရရှိသွားပြီး အမျိုးသမီးများအတွက် ဦးဆောင်လမ်းပြပေးနိုင်ခဲ့ရုံသာမက အခြားသောလူ့အခွင့်အရေးများအတွက် လမ်းစလည်းဖွင့်ပေးနိုင်ခဲ့တာပဲဖြစ်ပါတယ်။ ဒီပြိုင်ပွဲဟာ လူမှုအဖွဲ့အစည်းတွင်းမှာ နောက်ဆက်တွဲပြောင်းလဲမှုတွေများစွာကိုဆောင်ကျဉ်းပေးခဲ့တဲ့ တကယ့်ဖြစ်ရပ်မှန်ပြိုင်ပွဲကြီးဖြစ်ပြီး ဇာတ်ကားအနေနဲ့လည်း ရသစုံစုံလင်လင်နဲ့ ရိုက်ကူးပြပေးသွားတာဖြစ်တဲ့အတွက် ကြည့်ရှုရတာ စိတ်ကျေနပ်စေမှာပဲဖြစ်ပါတယ်။ File Size : (950 MB) and (350 MB) Quality : Blu-Ray 720p Running Time : 2hr 01min Format : Mp4 Genre :Biography, Comedy, Drama Subtitle : Myanmar Subtitle (Hard Sub) Source : 1080p Blu-Ray x264 SPARKS Translated by Thura Zarni Aung Encoded by Thanhtike Zaw

လော့စ်အိန်ဂျယ်လိစ်မြို့မှာ ကိုယ့်အိပ်မက်ကို အကောင်အထည်ဖော်ဖို့ ကြိုးစားနေတဲ့ လူငယ်နှစ်ယောက်ရဲ့အကြောင်းပါ။ Ryan Gosling က ဂျက်ဇ်ဂီတသမား စန္ဒရားဆရာအဖြစ် ပါဝင်ထားပြီး Emma Stone ကတော့ ရည်မှန်းချက်ကြီးတဲ့ မင်းသမီးတစ်ယောက်အဖြစ် သရုပ်ဆောင်ထားပါတယ်။ အနုပညာကို ဝါသနာပါတဲ့ သူတို့နှစ်ယောက်ဟာ ဘဝခရီးမှာ အခက်အခဲတွေကို ဖြတ်သန်းကြရင်း မျှော်လင့်ထားသလို ဖြစ်လာနိုင်ပါ့မလားဆိုတာကို ဇာတ်လမ်းက ပြထားပါတယ်။ ဒါရိုက်တာ ဒါမီယန်ချာဇက်လီက Lionsgate နဲ့ ပူးပေါင်းဖန်တီးထားတဲ့ ဒီရုပ်ရှင်ဟာ ဘရော့ဒ်ဝေးဖျော်ဖြေပွဲတစ်ခုကို အခြေခံထားတာ မဟုတ်ပါဘူး။ အမ်မာစတုန်းကလည်း ဒီဇာတ်ကားကို စိတ်ကူးယဉ်အိပ်မက်ရှိသူတွေအတွက် ရုပ်ရှင်တစ်ကားလို့ ပြောထားပြီး မျှော်လင့်ချက်နဲ့ ဖန်တီးနိုင်စွမ်းအကြောင်းကို အလေးပေးထားပါတယ်။ ၇၄ ကြိမ်မြောက် ရွှေကမ္ဘာလုံးဆုပေးပွဲမှာတော့ ဆန်ခါတင်ဝင်ခဲ့တဲ့ ဆုခုနစ်ခုစလုံးကို ရရှိခဲ့ပါတယ်။ ချာဇက်လီက အကောင်းဆုံးဒါရိုက်တာဆုနဲ့ ဇာတ်ညွှန်းဆု၊ ရိုင်ယန်ဂိုးစလင်းနဲ့ အမ်မာစတုန်းတို့က သရုပ်ဆောင်ဆုတွေ အသီးသီးရခဲ့သလို မူရင်းတေးသွားနဲ့ ဇာတ်ဝင်တေးသီချင်းဆုတွေလည်း ရရှိခဲ့တာပါ။ BAFTA ဆုပေးပွဲမှာလည်း အကောင်းဆုံးရုပ်ရှင်ဆုအပါအဝင် ဆု ၁၁ ဆုအတွက် လျာထားခံခဲ့ရပါတယ်။ ဗြိတိန်မှာ စတင်ရုံတင်တဲ့ ပိတ်ရက်အတွင်း ရုံဝင်ငွေ ပေါင်ခြောက်သန်းကျော် ရရှိခဲ့ပါတယ်။

Irrational Man (2015) အချစ်နဲ့အမှန်တရား ယှဉ်ရွေးဖို့လိုလာတဲ့အခါ အချစ်ကို ရွေးချယ်မလား အမှန်တရားကို ရွေးချယ်မလား... မတရားမှုကို တရားသောနည်းလမ်းနဲ့ယှဉ်ဖို့ မဖြစ်နိုင်တဲ့အခါ ကံစီမံရာအတိုင်းလို့ သဘောထားပြီး မတရားမှုကို ငြိမ်ခံမလား ကိုယ်တိုင်က မကောင်းဆိုးဝါးဖြစ်လာပြီး တရားမျှတမှုကို ရယူမလား.. အသိဉာဏ်ကြီးမြင့်သူတစ်ယောက်က ရာဇဝတ်မှု ကျူးလွန်ဖို့ ကြိုးစားတဲ့အခါ ပြီးပြည့်စုံတဲ့ရာဇဝတ်မှုတစ်ခု ဖြစ်လာနိုင်မှာလား.... ဒီတစ်ခါမိတ်ဆက်ပေးချင်တာကတော့ Irrational man (2015)ဆိုတဲ့ကားလေးပါ အဓိက သရုပ်ဆောင်တွေကတော့ Joker မင်းသားကြီး Joaquin Phoenix နဲ့ မင်းသမီးချော Emma Stone (La La Land) ပါပဲ.. ဇာတ်လမ်းအကျဉ်း အေ့ဘ်က မိန်းမဖြစ်သူ သစ္စာဖောက်တာကို ခံလိုက်ရပြီးနောက် ဘဝကို ဆက်ရှင်သန်ဖို့ အဓိပ္ပါယ်ပျောက်ဆုံးနေတဲ့ ဒဿနိကဗေဒဆရာတစ်ယောက်ပါ.. ကျောင်းပြောင်းရဖို့ ဖြစ်လာပြီး ဘရေလင်းတက္ကသိုလ် ဒဿနိကဗေဒဌာနကို ပြောင်းလာခဲ့ရချိန်မှာပဲ သူ့ဘဝရဲ့ ပြောင်းလဲမှုကြီးကို ဖြစ်ပေါ်စေမယ့် ဂျေလ်ဆိုတဲ့ ကျောင်းသူလေးနဲ့ တွေ့ဆုံခဲ့ရပါတော့တယ်... ဂျေလ်က လှပပြီးအသိဉာဏ်ရှိတဲ့ ချစ်သူကောင်လေးက အရမ်းဂရုစိုက်တာကိုခံရတဲ့ ပျော်ရွှင်တက်ကြွတဲ့ ကောင်မလေးပေါ့ .. ပုံမှန်ဘဝကို ဖြတ်သန်းနေရင်းနဲ့ အေ့ဘ် ကျောင်းပြောင်းလာပြီး ဂျေလ်ကို ‌သူ့စာတမ်းနဲ့ ပတ်သက်ပြီး စကားလက်ဆုံစပြောဖြစ်ရာက သူတို့နှစ်ယောက်ရဲ့ ဇာတ်လမ်းလေးက အစပြုခဲ့ပါတော့တယ်... ဘဝကို အဓိပ္ပါယ်မဲ့ဖြတ်သန်းနေတဲ့ အေ့ဘ်ကို အချစ်ကြီးချစ်မိသွားလေတဲ့ ဂျေလ်တစ်ယောက် ချစ်သူကို ပလစ်ပြီး အေ့ဘ်ဘဝထဲ စုံဝင်နိုင်ဖို့အရေး အသည်းအသန် ကြိုးစားခဲ့ပါတော့တယ် .. ကျောင်းသူလေးတွေနဲ့ မတွဲ စိတ်လည်းမဝင်စားတဲ့ အေ့ဘ်တစ်ယောက် တစ်နေ့မှာတော့ ဂျေလ်နဲ့ စားသောက်ဆိုင်တစ်ဆိုင်မှာ ထိုင်နေကြရင်း တစ်ဖက်စားပွဲဝိုင်းက စူးရှတဲ့စကားသံတွေရဲ့ နောက်မှာ သူ့ဘဝကို အကြီးအကျယ်ပြောင်းလဲသွားစေမယ့် အကြောင်းအရင်းတစ်ခုကို ရှာတွေ့သွားခဲ့ပါတော့တယ်.. ဘဝရဲ့အဓိပ္ပါယ်ကို တစ်ဖန်ရှာဖွေတွေ့ရှိသွားတဲ့ အေ့ဘ် တစ်ယောက် စိတ်သစ်လူသစ်နဲ့ အသိဉာဏ်အသစ်တွေနိုးကြားပြီး အရင်ကစိတ်မဝင်စားခဲ့တဲ့ ကျောင်းသူလေး ဂျေလ်အပေါ် ပြန်တုံ့ပြန်လာလေမလား ... အေ့ဘ်ကို အကြီးအကျယ်ပြောင်းလဲသွားစေတဲ့ အကြောင်းအရင်းကရော ဘာများလဲ.. အဲဒီအကြောင်းအရင်းနောက်ကွယ်မှာ အေ့ဘ်ဘဝအတွက် ဘယ်လိုအကျိုးသက်ရောက်မှုတွေ ဖြစ်စေမှာလဲ.. အေ့ဘ်နဲ့ဂျေလ်တို့ ဘယ်လိုအဆုံးသတ်သွားကြမလဲဆိုတာကိုတော့ ... ဇာတ်ကားလေးထဲမှာပဲ ဆက်ကြည့်လိုက်ကြဖို့ တိုက်တွန်းလိုက်ပါတယ်နော် (P.S ကြည့်နေရင်းနဲ့ အားမလိုအားမရဖြစ်ပြီး ဇာတ်လမ်းရဲ့ အဆုံးသတ်ကိုတော့ ကျော်မကြည့်လိုက်ပါနဲ့နော်.. Joker မင်းသားကြီးရဲ့ မထိတထိသရုပ်ဆောင်ဟန်တွေနဲ့ Emma Stone ရဲ့ အလှအပလေးကိုပဲ ငေးမောရင်း ဖြည်းဖြည်းချင်း စီးမျောကြည့်လိုက်ပါလို့) (အညွှန်းနဲ့ ဘာသာပြန်ကတော့ Emily ပါ) File size…(1.6 GB)/(800MB)/(400 Mb) Quality….Webrip 1080p / 720p / 480p Format…mp4 Duration….02:01:00 Genre...Drama,Comedy,Crime Subtitle….Myanmar Subtitle (Hardsub) Encoder….Mr. Anderson Translated by Emily

Magic in the Moonlight (2014) ဒီရုပ်ရှင်ကတော့ ၂၀၁၄ ခုနှစ်မှာ ထွက်ရှိခဲ့တဲ့ အချစ်ဟာသရုပ်ရှင်ကားဖြစ်ပြီး Mamamia, Kingsman အစရှိတဲ့ရုပ်ရှင်တွေမှာ ပါဝင်ထားတဲ့ မင်းသားကြီး Colin Firth နဲ့ အားလုံးသိပြီးသား နာမည်ကြီးမင်းသမီးတစ်လက်ဖြစ်တဲ့ Emma Stone က အသက် ၂၅ နှစ်အရွယ်မှာ အဓိကဇာတ်ကောင်တွေအနေနဲ့ ပါဝင်ရိုက်ကူးထားတာဖြစ်ပါတယ်။ ဝေးလင်းဆူးဆိုတဲ့ တရုတ်နာမည် Stage name ကို အသုံးပြုကာ ဖျော်ဖြေတတ်ပြီး အထူးချွန်ဆုံးမျက်လှည့်ပညာရှင် တစ်ယောက်လို့ သတ်မှတ်ခံထားရတဲ့ "စတန်လေ" ဂျာမနီနိုင်ငံ ဘာလင်မြို့မှာ ဖျော်ဖြေပြီးတဲ့နောက် စင်နောက်ကို မတွေ့တာကြာတဲ့ အခင်ဆုံးသူငယ်ချင်းဖြစ်သူ ဟောင်းဝဒ် ဘာကင်တစ်ယောက် ရောက်ချလာပါတယ်... သူ့လိုပဲ မျက်လှည့်ပညာရှင်ဖြစ်သူ ဟောင်းဝဒ်ဟာ သူ့ရဲ့မိတ်ဆွေဟောင်း မိသားစုဆီမှာ ရောက်နေတဲ့ တမလွန်ဘဝနဲ့ ဆက်သွယ်ပေးနိုင်တယ်ဆိုတဲ့ နတ်ဝင်သည်တစ်ယောက်ကို အတုအယောင်ဆိုတာ သက်သေပြဖို့ အလည်သွားရင်း .. ဘာမသင်္ကာစရာ မြုပ်ကွက်မှ ရှာမတွေ့တာကြောင့် စတန်လေကို ကူညီဖော်ထုတ်ပေးဖို့ အကူအညီတောင်းလာခဲ့ပါတယ်... နတ်ဝင်သည်အတုအယောင်ကို ဖော်ထုတ်ဖို့ ပြင်သစ်တောင်ပိုင်းကို ခရီးထွက်လာတဲ့ စတန်လေတစ်ယောက် အဲဒီနတ်ဝင်သည်ဆိုတဲ့ အမေရိကန်သူ ဆိုဖီ ဘိတ်ကာနဲ့ တွေ့ဆုံခဲ့ပါတယ်။ သူတို့နှစ်ယောက် တွေ့ဆုံကြပြီး ဆိုဖီရဲ့ အကြားအမြင်ရနေပုံတွေ... စတန်လေရဲ့ ရည်းစားဟောင်းတွေအကြောင်း လွန်ခဲ့တဲ့နှစ်ပေါင်းများစွာက သေဆုံးသွားတဲ့ ဦးလေးဖြစ်သူ အကြောင်း အစရှိတာတွေကို နဖူးတွေ့ဒူးတွေ့ မြင်တွေ့ရပြီးနောက် တစ်သက်လုံး "ဘဝဟာ ခက်ခဲကြမ်းတမ်းတယ် နောင်ဘဝဆိုတာမျိုးလည်း မရှိဘူး"လို့ လက်ခံပြီးနေလာခဲ့တဲ့ စတန်လေက လောကအသစ်ကို မြင်တွေ့လိုက်ရသလို ပျော်ရွှင်ပြီး ဆိုဖီ့ကို လုံးဝလေးစားသွားခဲ့ပါတယ်... အဲဒီလိုနဲ့ အတူတူ အချိန်တွေကုန်ဆုံးဖြစ်လာတဲ့ သူတို့နှစ်ယောက်မှာ ဆိုဖီက စတန်လေကို စပြီး စိတ်ဝင်စားလာခဲ့ပါတယ် .. စတန်လေရဲ့ ဘဝကြီးကို ပြောင်းလဲပေးနိုင်ခဲ့တဲ့ ဆိုဖီကိုရော စတန်လေက ပြန်ချစ်မိမှာလား .. ဒီလိုအကြားအမြင်ရနေတယ်... သေဆုံးပြီးဝိညာဉ်တွေနဲ့ ဆက်သွယ်နိုင်တယ်ဆိုတဲ့ ယုတ္တိမတန်တဲ့အရာတွေကရော အမှန်ပဲလား... ဘာသာတရားတွေ၊ ယုံကြည်မှု၊ မယုံကြည်မှုတွေနဲ့ စတင်တွေ့ဆုံခဲ့တဲ့ သူတို့နှစ်ယောက်ကြားက အချစ်ပုံပြင်လေးက ဘယ်လိုအဆုံးသတ်သွားမလဲဆိုတာကို .. ဒီရုပ်ရှင်လေးမှာ စောင့်မျှော်ကြည့်ရှုရမှာဖြစ်ပါတယ်... (အညွှန်းကို Chothet_mlmt မှ ရေးသားထားပါတယ်) File size…1.81GB / 648MB Quality… BluRay 1080p/ 720p Format…mp4 Duration….1h 37m Genre ….. Romance, Comedy, Drama Subtitle….Myanmar Subtitle (Hard Sub) Translated by Chothet_mlmt Encoded by AHtet

The Interview (2014) #ရုပ်ရှင်မိတ်ဆက် မြောက်ကိုရီးယားခေါင်းဆောင် ကင်ဂျုံအန်ကို သရော်တဲ့ဇာတ်ကားတွေထဲ ဒီကားကတော့ အတော်နာမည်ကြီးပါတယ်။ ၂၀၁၄ တုန်းက Sony က ပြမယ်ပြောလိုက် မပြဘူးပြောလိုက် လုပ်နေရာက နေ Youtube, Google Play စတဲ့ အွန်လိုင်း Video Hosting တွေကနေ စတင် ငှားရမ်း ပြသရာကနေ ရုံတင်ခဲ့တဲ့ဇာတ်ကားပါ။ ဇာတ်လမ်းက James Franco က Talk Show Host တစ်ယောက်ဖြစ်ပြီး Seth Rogen က Producer ဖြစ်ပါတယ်။ သူတို့ရဲ့ Show က အတည်ပေါက် Interview မဟုတ်ပဲနဲ့ ဟာသဆန်ဆန်ဖြစ်နေတာကြောင့် လူတွေလေးစားလောက်မယ့် Interview မျိုးလုပ်ချင်နေပါတယ်။ တစ်နေ့မှာ စာစောင်တစ်ခုက ဆောင်းပါးမှာ Kim Jong-un က သူတို့ Show ရဲ့ ပရိတ်သတ်ဖြစ်တယ်လို့ သိသွားရာကနေ Interview လုပ်ဖို့ဖြစ်လာပါတယ်။ ဒီကနေ အားလုံးသိတဲ့အတိုင်း CIA က Kim Jong-un ကို သတ်ပေးဖို့ တာဝန်ပေးလာပါတယ်။ တကယ်တမ်းမြောက်ကိုရီးယားကို ရောက်သွားတော့ James Franco ရဲ့ Character ဖြစ်တဲ့ Dave Skylark က Kim Jong-un ရဲ့ ညာတာခံရပြီး အစီအစဉ်တွေပြောင်းသွား ပုံကို ဟာသဆန်ဆန်တင်ဆက်ထားပါတယ်။ ဇာတ်လမ်းကအရမ်းမကောင်းပေမယ့် ကြည့်ပျော်ရှုပျော်တော့ရှိပါတယ်။ James Franco ရဲ့ ဇာတ်ကောင်က ဘာကိုမှ အလေးအနက်မထားတဲ့ ပုံစံမျိုး ပီပြင်အောင်သရုပ်ဆောင်ထားသလို၊ နောက်ပိုင်းမှာမှ တာဝန်ယူတတ်တဲ့ သူအဖြစ် ပြောင်သွားတဲ့ပုံစံကလည်း ပီပြင်ပါတယ်။ Seth Rogen ကလည်း သရုပ်ဆောင်ကောင်းပြီး၊ Kim ရဲ့ လက်ထောက် အဖြစ် သရုပ်ဆောင်တဲ့ Canadian မင်းသမီး လေး Diana Bang ကလည်း (Asian-Canadian) သရုပ်ဆောင်ကောင်းပါတယ်။ ဒီကားကို သူမနဲ့ အတူ ဇာတ်ညွှန်းရေးတဲ့ Kim Jong-um အဖြစ်သရုပ်ဆောင်တဲ့ Randall Park ကတော့ ဇာတ်ကားတစ်ကားလုံး မှာ သရုပ်ဆောင် အကောင်းဆုံးလို့တောင်ပြောလို့ရပါတယ်။ ဟာသနေရာက ပီပြင်သလို ပေါတောတော လည်းလုပ်တတ်ပါတယ်။ ဒါပေမယ့် သူ့ရဲ့ General တွေနဲ့တွေ့တဲ့အခါ မှာ ကြောက်စရာကောင်းအောင်လည်း သရုပ်ဆောင်တတ်ပါတယ်။ ဇာတ်ကားက Comedy ဖြစ်ပြီး သတင်းလွတ်လပ်ခွင့်နဲ့ အထိန်းအချုပ်ကြား ဘယ်လိုမှ မအပ်စပ်တဲ့ အခြေအနေကို ဖော်ကျူးထားပါတယ်။ #Sololay ( ရုပ်ရှင်အညွှန်းကို ရုပ်ရှင်မိတ်ဆက်မှကူးယူဖော်ပြပါသည်။) File size…(2.3 GB) and (1.1 GB) Quality….Blu-ray Rip 1080p 5.1CH and 720p Format…mp4 Duration….01:53:00 Subtitle….Myanmar Subtitle (Hardsub) Encoder….Nyeinsaeya Aung Translated by Alias

ဒီကားက အကယ်ဒမီ မှာရော Golden Globe မှာပါ Nomination အများဆုံးရထားတဲ့ကားဖြစ်ပြီး၊ မင်းသားကြီး Michael Keaton ရဲ့ တကျော့ပြန်လာတဲ့ဇာတ်ကားဖြစ်ပါတယ်။ ကျွန်တော့် Review တွေဖတ်နေကျ ပရိတ်သတ်ကြီးက သတိထားမိမှာပါ။ ကျွန်တော် ဒီကားကလွဲရင် ဘယ်ဇာတ်ကားကိုမှ Rating 10 မပေးဖူးခဲ့ပါဘူး။ ဒီကားကတော့ တကယ့်ကို ပေးသင့်လို့ပေးထားတာဖြစ်ပါတယ်။ ဒီဇာတ်ကားရဲ့ဇာတ်လမ်းကတော့ Interstellar တို့ Inception တို့လိုလည်း မရှုပ်ထွေးပါဘူး၊ The Sixth Sense လိုလည်း Twist တွေမပါပါဘူး။ ဇာတ်အိမ်တည်ထားတာလည်း ရိုးရှင်းပါတယ်။ ဇာတ်လမ်း မှာ မင်းသား Michael Keaton က တစ်ချိန်က Birdman ဆိုတဲ့ Superhero အဖြစ်သရုပ်ဆောင်ကာ နာမည်ကြီးမင်းသား တစ်ဦးဖြစ်ပေမယ့် လက်ရှိအချိန်မှာတော့ နေရာတစ်နေရာ ရဖို့အတွက် သူရဲ့သရုပ်ဆောင် အရည်အသွေးကိုပြနိုင်ဖို့အတွက် ရုန်းကန်နေသူဖြစ်ပါတယ်။ သူက Broadway (New York က ပြဇာတ်ရုံတွေ ရှိတဲ့ လမ်း) ပြဇာတ်တစ်ကို ကိုယ်တိုင်ရေးပြီး ကိုယ်တိုက် သရုပ်ဆောင်၊ ကိုယ်တိုင် တင်ဆက်ပြီး သူရဲ့အနုပညာကို ချပြဖို့ကြိုးစားနေပါတယ်။ ဇာတ်လမ်းကတော့ ရိုးရိုးလေးပေမယ့်၊ သူရဲ့ အခက်အခဲတွေ၊ စိတ်ဒုက္ခတွေကို တင်ဆက်ထားတာဟာ တကယ့် ကို အနုပညာမြောက်ပြီး၊ သရုပ်ဆောင်လည်းတကယ်ကောင်းပါတယ်။ ဇာတ်ကားတစ်ကားလုံး မှာ ဇာတ်ဝင်ခန်း အကူးအပြောင်းက အစ သာမန်ရုပ်ရှင်တွေလို (Fade to black) အမှောင်ချပြီး နောက်တစ်ခန်း ကူးတာမျိုးမဟုတ်ပဲ၊ ဇာတ်ကောင်တွေနောက်ကို လိုက်ပြီး ရိုက်ကူးထား သလို တစ်ခန်းနဲ့တစ်ခန်းကိုလည်း ဆက်ပြီးရိုက်ထားတာကြောင့် ထူးခြားတဲ့ ရသ တစ်မျိုးကို ခံစားရမှာဖြစ်ပါတယ်။ ဇာတ်ကားပြီးသွားတဲ့အခါမှာ မေးခွန်းပေါင်းများစွာ ကျန်နေစေခဲ့မှာဖြစ်ပြီး၊ သို့လော သို့လောနဲ့ အတွေးတသသ ဖြစ်စေမယ့်ဇာတ်လမ်းမျိုးလည်းဖြစ်ပါတယ်။ တစ်ခုပြောချင်တာက မင်းသားရဲ့ အခန်းထဲက ဘုရားစင်းထုတော် ဖြစ်ပြီး၊ စစတွေ့ချင်းမှာ တစ်ခြားကားတွေထဲမှာလိုပဲ အလှဆင်ထားတယ်လို့ထင်ရပေမယ့်၊ သေချာကြည့်ကြည့်တော့မှ စိတ်ပုတီးနဲ့ သောက်တော်ရေခွက်လို့ ယူဆရတဲ့ ရေခွက် လေးလည်းတွေ့ရပါတယ်။ ဇာတ်လမ်းစစချင်းမှာ အတွင်းခံနဲ့တိုင်နေတာကလည်း တရားထိုင်နေတယ်လို့ထင်ရပြီး (ဗုဒ္ဓဘာသာစစ်စစ်မဟုတ်လို့) Birdman က ဗုဒ္ဓဘာသာလားလို့ လည်းထင်စရာဖြစ်ပါတယ်။ အထင်လွှဲမှာစိုးလို့ကြိုတင်ရှင်းပြထားတာဖြစ်ပါတယ်။ ဇာတ်လမ်းဇာတ်အိမ် ကောင်းသလို တင်ဆက်ပုံကလည်း ပညာသား ပါပါတယ်။ မင်းသားကြီး Michael Keaton က သရုပ်ဆောင်ကောင်းသလို၊ Edward Norton ကလည်း ကျရာဇာတ်ရုပ်ကို ပီပြင်အောင် သရုပ်ဆောင်ထားတာတွေ့ရပါတယ်။ ဒီဇာတ်လမ်းမှာ တစ်ချိန်က နာမည်ကြီး Superhero မင်းသားက လက်ရှိ ရုန်းကန်နေရတဲ့အကြောင်းရိုက်ကူးထားသလို၊ သူ့နေရာမှာသရုပ်ဆောင်တဲ့ Michael Keaton ကလည်း တစ်ချိန်က Batman (1989), Batman Returns (1992) တို့မှာ အောင်မြင်ခဲ့ပြီး လက်ရှိအချိန် မှာ ရုန်းကန်နေသူဖြစ်ပါတယ်။ ဒါကြောင့်လည်း ဇာတ်လမ်းက ပိုအသက်ဝင်သွားပြီး၊ Michael ကလည်း ပီပီပြင်ပြင် သရုပ်ဆောင်နိုင်ခဲ့ပါတယ်။ သူတို့နှစ်ယောက်အပြင် Emma Stone (Amazing Spider-Man) ကလည်း သရုပ်ဆောင်ကောင်းကောင်းနဲ့ အားဖြည့်ထားပါသေးတယ်။ ဒီကားက အရမ်းကောင်းတဲ့ ဇာတ်ကားကောင်းတစ်ကားပါ။ ရုပ်ရှင် ကို တကယ် စိတ်ဝင်စားစွာ ကြည့်ချင်တဲ့သူတွေ၊ ရုပ်ရှင်အနုပညာကို မြတ်နိုးတဲ့သူတွေ ကြည့်ကိုကြည့်သင့်တဲ့ ကားဖြစ်ပြီး၊ ရုံမှာသွားကြည့်သင့်ပါတယ်။ အပျင်းပြေကြည့်မယ့်သူတွေ၊ အက်ရှင်ကားတွေပဲ ကြိုက်တဲ့သူတွေ အတွက်ကတော့ ဒီကားက ပျင်းစရာကောင်းတယ်လို့ထင်စရာဖြစ်နေမှာပါ။ #Sololay (အညွှန်းကို ရုပ်ရှင်မိတ်ဆက် Movie Review မှကူးယူဖော်ပြပါသည်။) ဒီဇာတ်ကားက 2015 ခုနှစ်အော်စကာဆုပေးပွဲမှာ..... Best Picture , Best Original Screenplay , Best Director , Best Cinematography ဆု(၄)ဆုဆွတ်ခူးခဲ့တဲ့ဇာတ်ကားပါ။ IMDb(8/10) နဲ့ Rotten Tomatoes (93%) ရရှိထားတာကြောင့် ရုပ်ရှင်ဇာတ်လမ်းကောင်းကောင်းလေးတွေကို နှစ်သက်တဲ့ ပရိတ်သတ်တွေအတွက်တော့ လက်လွတ်မခံသင့်တဲ့ ဇာတ်ကားပါ။ File size...900MB Quality....Blu-Ray Rip 720p Format...mp4 Duration....01:59:17 Subtitle....Myanmar Subtitle (Hardsub) Encoder....Nyeinsaeya Aung

ဒီဇာတ်ကားက ကျွန်တော် အရမ်းကြိုက်ခဲ့တဲ့ Spider-Man ကာတွန်းဇာတ်လမ်းထဲက ဇာတ်လမ်းတစ်ချို့ကို အခြေခံပြီး ရိုက်ကူးထားသလို၊ Visual Effect ကလည်း အရမ်းကောင်းပါတယ်။ ဒါ့အပြင် Spider-Man Web ပစ်ပြီး လေထဲမှာ သွားတဲ့ အခန်းတွေက တကယ် ကြည့်လို့ကောင်းပြီး၊ Electro နဲ့ ရင်ဆိုင်တဲ့ အခန်းမှာလည်း Slow Motion ကို လိုအပ်သလောက် ထည့်ပြီး ပညာသား ပါပါ အသုံးပြုသွားပါတယ်။ Superheros ရုပ်ရှင် ကားတွေထဲမှာ လက်ရှိအချိန်ထိ ကျွန်တော့် အကြိုက်ဆုံး ဇာတ်ကားတွေကThe Dark Knight နဲ့ Avengers တို့ဖြစ်ပါတယ်။ ဒီကားက အဲ့ဒီ နှစ်ကား လောက် စိတ်လှုပ်ရှားမှုမပေးနိုင်သလို၊ ဇာတ်ရှိန် အတက်အကျမကောင်းပေမယ့်၊ လက်ရှိအချိန်မှာတော့ အကောင်းဆုံး Spider-Man ကားလို့ တောင် ပြောလို့ရပါတယ်။ Original Spider-Man 2 ဇာတ်ကားထက်တောင် မှ အများကြီးသာလွန်နေပြီး၊ Captain America ထက် ပိုကြိုက်ပါတယ်။ ဒါပေမယ့် ကျွန်တော်ပြောခဲ့သလို၊ ဇာတ်လမ်းက ဇာတ်ရှိန် အတက်အကျ မမှန်ပါဘူး။ အထူးသဖြင့် Peter နဲ့ Gwen တို့နဲ့ အချစ်ဇာတ်လမ်းက ကလေး ကစားသလိုဖြစ်နေပါတယ်။ ပရိတ်သတ်တစ်ချို့က ဒီအချစ်ဇာတ်လမ်းမလိုဘူး လို့ထင်ပေမယ့် တကယ်တော့ Spider-Man ဇာတ်လမ်းမှာ အချစ်ဇာတ်လမ်း လိုကို လိုပါတယ်။ သူက လူတွေကို ကယ်တင်နေရင်းနဲ့ တဖက်ကလည်း ချစ်သူနဲ့ တွဲသင့် မတွဲသင့် အမြဲ တမ်းကြုံတွေ့ရသလို၊ ရန်သူတွေက သူ့ချစ်သူကို အန္တရာယ်ပေးမှာ လည်း တွေးပူရပါတယ်။ ဒီကားက အဲ့ဒီအချက်ကို ထည့်ပေးထားပေမယ့် တစ်ချို့အခန်းတွေက သာမန် Drama ကားတွေလောက် တောင် မကောင်းဘူးဖြစ်နေပါတယ်။ ဒါပေမယ့် ကျွန်တော်က ကျန်တဲ့ အချက်အားလုံးနီးပါးကို သဘောကျပါတယ်။ ဒီကားမှာ Electro ကို အဓိက ရန်သူအဖြစ် မိတ်ဆက်သွားပြီး၊ သူ့ရဲ့ Transformation ကလည်း အရမ်းကောင်းပါတယ်။ ကာတွန်းထဲက နဲ့ မတူပေမယ့် ကာတွန်းထဲက Origin ထက်ပိုပြီး ကြည့်လို့ကောင်းပါတယ်။ အထူးသဖြင့် Oscorp နဲ့ ဗီလိန်အား လုံး ချိတ်ဆက်ပေးထားပြီး Sinister Six ကို သွားနေတဲ့ ပုံစံလည်း ဖြစ်ပါတယ်။ ဒီကားက အက်ရှင် ဇာတ်ကွက်တော့ အနည်းပဲပါပြီး၊ သာမန်ပရိတ်သတ်ကို စိတ်ကြေနပ်မှု သိပ်မပေးနိုင်ခဲ့ ပါဘူး။ ဘာလိုလည်းဆိုတော့ သူတို့က နောက်ထပ် ဇာတ်ကားတွေအတွက် ပြင်ဆင်နေလို့ပဲဖြစ်ပါတယ်။ အထူး သဖြင့် Andrew Garfield ကို နောက်ထပ် ၂ ကားထပ်ရိုက်ဖို့ စာချုပ်ချုပ်ပြီးသွားပြီလို့လည်း သိရပါတယ်။ (ဇာတ်လမ်းအညွှန်းကိုတော့ ရုပ်ရှင်မိတ်ဆက် Movie Review မှကူးယူဖော်ပြထားတာဖြစ်ပါတယ်။) File size…(4.8 GB)/(2.4 GB)/(1.3 GB) Quality….BluRay 4K HEVC/ DS4K 1080p HEVC / 720p Format…mkv/mp4 Duration….02:21:34 Subtitle….Myanmar Subtitle (Hardsub) Encoder….Nyeinsaeya Aung Translated by Mr.Anderson

The Croods (2013) IMDb Rating (7.1) / Rotten Tomatoes (71%) Croods 2 ထွက်တော့မှာဆိုတော့ Croods ကို ပြန်နွေးတဲ့ အနေနဲ့ ကြည့်မိတယ်။ ဂရုစ် ဆိုတဲ့ ဂူအောင်းလူသားကြီးကသူ့မိသားစု ၆ ယောက်ကို ဘေးရန်တွေကကာကွယ်ပေးပြီး စောင့်ရှောက်လာတာ နှစ်တွေကြာခဲ့ပြီးသမီးလေး အိဗ်တောင် အရွယ်ရောက်ခဲ့ပြီပေါ့။ ဒီအချိန်မှာပဲ ဂိုင်း ဆိုတဲ့ ကျောက်ခေတ်လူသားကောင်လေး တစ်ယောက်က ပေါက်ချလာပြီးကမ္ဘာကြီး ပျက်မယ့် အကြောင်းတွေ ပြောပြပြီးမီးကို စတင် ဖန်တီးပြတော့တာပဲဂိုင်း က သူတို့ နဲ့ မတူတဲ့ အချက် ရှိတယ်။ သူက မကြောက်တက်သလို တီထွင်ဖန်တီးတက်တယ်။ ဂရုစ် တို့ အုပ်စု ကြ တစ်ခုခုဆို ဂူထဲ ပဲ ပြေးအောင်းတက်ကြတာ ဒီမှာပဲ ဂရုစ် သဘောမကျပေမဲ့ သူ့မိသားစု က ဂိုင်း ရဲ့ လမ်းပြမှုနဲ့ကမ္ဘာပျက်ဘေးက လွတ်မယ့်နေရာကို စတင် ထွက်ကြတော့တာပဲ။ ဒီဇာတ်လမ်းမှာ ဘာတွေ တွေ့ရလဲ ဆိုတော့ မိသားစု စိတ်ဓါတ်ရယ် အဖေတစ်ယောက် ရဲ့ စိုးရိမ်မှုတွေ ပူပန်မှုတွေ အပြင် အသက်ရှင်နေထိုင်ဖို့ ဘာက အရေးကြီးလဲ ဆိုတဲ့ သော့ချက်ကိုပြသွားတာ အကြိုက်ဆုံးပါပဲ။ ကျနော် ရုပ်ရှင်တွေ ကြည့်ဖြစ်ရင် ဒီရုပ်ရှင်က ဘာပေးလဲ ဆိုတဲ့ဟာကို ရှာမနေပဲ စိတ်အပန်းဖြေဖို့ အတွက်ပဲ ကြည့်လေ့ ရှိပါတယ်။ ဒီ Croods ကတော့ စိတ်အပန်းဖြေဖို့ အပြင် လူရဲ့ စိတ်အဟာရကိုဖြည့်ဆည်းပေးလို့ ကလေးရော လူကြီးပါ ကြည့်သင့်ပါတယ်။ (ရုပ်ရှင်ကားကို Esher Van Sui Par က ဘာသာပြန်ပေးထားပြီး Thit San Khant မှ Review ရေးပေးထားပါတယ်။) File size…(5.5 GB) / (1.7 GB) / (1.1 GB) Quality….Blu-Ray 4K HEVC / 1080p HEVC / 720p Format…. mkv/mp4 Genre….Adventure,Animation,Family Duration….01:38:51 Subtitle….Myanmar Subtitle (Hardsub) Encoder….Thit San Khant Translated by Esther Van Sui Par

Gangster Squad (2013) IMDb - 6.7/10 ဒုတိယကမ္ဘာစစ်ပြီးတော့ အမေရီကန်ဟာ ကိုရီးယားပြည်တွင်းစစ်ကို ဝင်ပါတယ် ၊ နောက်ကျူးဘားအရေးကြောင့် ရုရှားနဲ့ စစ်ဖြစ်မလိုလိုအထိ ဖြစ်ခဲ့တယ် ။ ပြည်ပအရေးတွေ ဝင်ရောက်စွက်ဖက်တာများလာတယ် ပြီးတော့ ကမ္ဘာစစ်ဒဏ်ကိုလည်း တော်တော်ထိထားတော့ မိမိ ပြည်တွင်းအုပ်ချုပ်ရေးဘက်ကို ကောင်းကောင်းမလှည့်ကြည့်နိုင်တော့ဘူး ။ အဲသလိုတွေ ပြည်တွင်း အုပ်ချုပ်ရေးဘက် ပေါ့လျော့ခဲ့လို့ အမေရီကန်ပြည်သူတွေဟာ လူဆိုးဂိုဏ်းတွေရဲ့ ဒုက္ခပေးခြင်းကို တော်တော်ခံခဲ့ရတယ် ။ ဂျွန်ဒီလင်ဂျာလို ပြည့်သူရန်သူ နံပါတ်-၁ လို့ ကြေငြာရတဲ့အထိ လူဆိုးတွေ ပေါ်ထွက်လာတယ် ။ ဒီရုပ်ရှင်က ၁၉၄၉ ခုနှစ် အမေရီကန်ရဲဌာနတွေ ၊ တရားရေးဌာနတွေ အကျင့်ပျက်ခြစားပြီး မကောင်းမှုပြုရာတွေကို အခြေခံပြီး ရိုက်ကူးထားတယ် ။ လော့အိန်ဂျလိစ်မြို့မှာ လောင်းကစားရုံ ၊ ပြည့်တန်ဆာအိမ် ၊ မူးယစ်ဆေးအရောင်းအဝယ်စသဖြင့် မကောင်းမှုမှန်သမျှအကုန်လုံး ထိန်းချုပ် လုပ်ကိုင်နေတဲ့ ဂိုဏ်းစတား တစ်ယောက်ရှိတယ် ။ သူက အရင်တုန်းက လက်ဝှေ့လောက က လူ ၊ သူနာမည်က မစ်ကီ ကိုဟန် ။ သူက ငွေအင်အားကြီးတယ် ၊ လူအင်အားတောင့်တယ် ၊ ငွေနဲ့ အရာရှိတွေကို သူ့လက်ခုပ်ထဲ ထည့်ထားနိုင်တယ် ။ လော့အိန်ဂျလိစ့်မြို့ကို သူပိုင်တယ်လို့တောင် သူက ဆိုတယ် ။ သူငွေနဲ့ ချုပ်ကိုင်လို့မရတာက လော့အိန်ဂျလိစ် ရဲတပ်ဖွဲ့က ဂျွန်အိုမာရာ .. တရားသူကြီးတွေ ရဲချုပ်တွေအထိ လာဘ်ထိုးထားလို့ မစ်ကီကိုဟန်ကို သက်သေရှိရင်တောင် ဖမ်းမရခဲ့ပါဘူး ။ တစ်နေ့မှာ ရဲမှူးက ဂျွန်အိုမာရာကို ခေါ်တွေ့တယ် ။ ကိုဟန်ရဲ့ လုပ်ငန်းတွေကို တရားဥပဒေအပြင်က နှောင့်ယှက်ဖျက်ဆီးပစ်ဖို့ပေါ့ ။ တစ်ကယ့် ဂိုဏ်းစတားတစ်ယောက်ရဲ့ အသိုင်းဝိုင်းကြားမှာ သူ့ လုပ်ငန်းတွေကို သာမန်ရဲစုံထောက် တစ်ယောက်အနေနဲ့ လွယ်လွယ်တော့ ဖျက်ဆီးဖို့ဆိုတာ မဖြစ်နိုင်ပါဘူး ။ ဒါပေမယ့် နာကျည်းစိတ်တွေပါလာရင်တော့ ... File Size : (801 MB) Quality : Bluray 720p Running Time : 1hr 53minutes Format : Mp4 Genre : Action, Crime, Drama Subtitle : Myanmar Subtitle (Hardsub) Subtitle By Gurelia Review By Wai Linn Kyaw Encode By Thanhtike Zaw

Rating လဲမကောင်း.. 18+ တွေလဲပါတဲ့ ဇာတ်ကားကို ဘာလို့တင်တာလဲလို့ မေးစရာရှိပါတယ်... တစ်ခါတစ်လေမှာ စိတ်ရှုပ်ထွေးစရာတွေအပြင်လောကမှာကြုံဆုံနေတဲ့အခါမျိုးမှာ.. လက်တွေ့မှာဘယ်လိုမှမဖြစ်နိုင်တဲ့ ဇာတ်လမ်းဇာတ်ကွက်တွေ ညစ်တီးညစ်ပတ်စကားလုံးတွေ ခွတီးခွကျပေါက်ကရဖြစ်ရပ်တွေက အံ့သြသင့်ဖို့လဲကောင်းသလို ရီဖို့လဲကောင်းလွန်းတဲ့ ဒီလိုဇာတ်ကားမျိုးကြည့်ခြင်းက သင့်ဦးနှောက်ကို အသစ်အဆန်းတစ်မျိုးနဲ့ မိတ်ဆက်ပေးရာရောက်လိမ့်မယ်လို့ ထင်မိလို့ပါ... ဒီဇာတ်ကားကို နာမည်ကြီးသရုပ်ဆောင်ပေါင်းများစွာနဲ့ ဒါရိုက်တာပေါင်းများစွာက ဆယ်စုနှစ်တစ်ခုစာလောက်ကြာအောင် ရိုက်ကူးထုတ်လုပ်ခဲ့ပါတယ်။ ကဲ… rating ကတော့မြင်တဲ့အတိုင်းပဲ (Rating- IMDb : 4.3/10 , RT:4 , Matacritis : 18%) ဖြစ်ပါတယ်… အဲ့ဒီရုပ်ရှင်ထဲက Cast တွေအနေနဲ့ကတော့….… Kate Winslet , Emma Stone , Naomi Watts , Kate Bosworth , Chloe Grace Moretz , Helle Berry , Anna Faris (Scary Movie) , Elizabeth Banks , Uma Thurman , Kristen Bell , Leslie Bibb အစရှိတဲ့ နာမည်ကြီး အမျိုးသမီးသရုပ်ဆောင်တွေအပြင် Richard Gere , Gerard Butler , Hugh Jackman , Chris Pratt , Terrence Howard , Josh Duhamel , Dannis Quaid ,Gerg Kinner , Jeremy Allen , Stephen merchant , Christopher Mintz-Plasse , Justin Long , Kieran Culkin , Jason Sudeikis , Jimmy Bennet စတဲ့နာမည်ကြီး အမျိုးသားသရုပ်ဆောင်တွေပါဝင်ထားပါတယ်။ ဒါတင်မကသေးပါဘူး ၊ ဒါရိုက်တာအနေနဲ့လည်း Steven Brill, Peter Farrelly, Elizabeth Banks စသည်တို့အပါအဝင် စုစုပေါင်းဒါရိုက်တာ 13ဦးရိုက်ကူးပြီး ဇာတ်ညွှန်းပိုင်းမှာလဲ ဇာတ်ညွှန်းရေးဆရာ အယောက် 20အထိပါဝင်ထားတဲ့ဒီရုပ်ရှင်ကိုရိုက်ကူးထုတ်လုပ်ရာမှာ အစောကပြောခဲ့သလို ဆယ်စုနှစ်တစ်ခုစာလောက်ကြာမြင့်ခဲ့ပါတယ်။ ဇာတ်ညွှန်းကိုထုတ်ဝေသူအများစုကငြင်းပယ်ခြင်း၊ ကမ်းလှမ်းတဲ့သရုပ်ဆောင်တွေကသရုပ်ဆောင်ရန် ငြင်းဆန်ခြင်း ၊ ရိုက်လက်စသူအချို့ကလဲ ဆက်မရိုက်တော့ဘူးဆိုကာ ရိုက်ကူးရေးမှထွက်ချင်ခြင်း စတဲ့အခက်အခဲပေါင်းများစွာရင်ဆိုင်ခဲ့ပြီးနောက် 2013 Junuary 25 မှာထွက်လာခဲ့တဲ့ Movie 43 ဟာ 34ကြိမ်မြောက် Golden Raspberry ဆုပေးပွဲမှာ Worst Picture, Worst Director, Worst Screenplay စတဲ့ဆုသုံးဆုကိုဆွတ်ခူးရရှိခဲ့ပါတယ်။ ထို့အပြင် one of the worst films of all time ရဲ့စာရင်းထဲကိုလဲဝင်သွားခဲ့ပါသေးတယ်။ ကြာမြင့်ချိန် 98 မိနစ်ရှိပြီး Indie / Comedy အမျိုးအစားဖြစ်တဲ့ ဒီရုပ်ရှင်ရဲ့ထူးခြားချက်ကတော့ ရိုက်ကူးရေးအတွက် စုစုပေါင်းကန်ဒေါ်လာ 6 မီလီယံ ကုန်ကျခဲ့ပြီး Box office မှာ 32.4 မီလီယံဒေါ်လာထိပြန်ရခဲ့ပါတယ်။ ဇာတ်လမ်းလေးကတော့ …… Calvin Culter နဲ့သူ့သူငယ်ချင်း JJ တို့ဟာ သူတို့ရိုက်ကူးထားတဲ့ပေါကြောင်ကြောင် Video တစ်ခုကို Youtube မှာ တင်လိုက်ပြီး မိနစ်ပိုင်းတွင်းမှာပဲ သူတို့ရဲ့ Video ဟာ 1,000,000 view ရသွားတဲ့အခါ အကြီးအကျယ်ပျော်ရွှင်နေကြပါတယ်။ ဒါပေမဲ့ သူတို့ရဲ့အပျော်ဟာကြာကြာမခံလိုက်ပါဘူး…ဘာဖြစ်လို့ဆိုတော့ အဲ့ဒိ့viewer အများကြီးတိုးလာတာက Calvin ရဲ့ညီ ကွန်ပျူတာကျွမ်းကျင် Baxter ရဲ့ April Fool’s Prank ဖြစ်နေလို့ပါ…အရမ်းစိတ်ဆိုးသွားတဲ့ Calvin Culter နဲ့ JJတို့ဟာ Baxter ကိုပြန်ကလဲ့စားချေဖို့ကြံစည်ပါတော့တယ်။ သူတို့ရဲ့အကြံအစည်က Baxter ရဲ့ laptop ထဲကို Virus တွေထည့်ဖို့ပါပဲ….. သူတို့လက်စားချေခြင်းရဲ့ပထမအဆင့်အနေနဲ့ကတော့ Baxter ရဲ့ Laptop ကိုခိုးဖို့ပါ..အဲ့လိုခိုးဖို့အတွက် Baxter ကိုသူ့အခန်းထဲကနေအောင် Movie 43 အကြောင်းလုပ်ကြံပြီးပြောရာကနေပြီး ဇာတ်လမ်းလေးဖြစ်လာခဲ့တာပါ…. ဒီရုပ်ရှင်ကိုကြည့်ချင်မိသွားတာက 24 Bad Movies You Forgot Starred Some of Today’s Greatest Actors ဆိုတဲ့ ဆောင်းပါးကိုစဖတ်မိရကပါ။ အဲ့ဒိဆောင်းပါးမှာ moviefone က အဲ့ဒီရုပ်ရှင်အတွက် အားနာမိတဲ့သရုပ်ဆောင်တွေကို ဖော်ပြရမှာ “Kate Winslet & Everyone else” လို့ဖော်ပြခဲ့လို့ပါ။ Rating နည်းနည်းလေးပဲရထားပြီး နာမည်ကြီးသရုပ်ဆောင်ပေါင်းများစွာ ပါဝင်ထားတဲ့ဒီရုပ်ရှင်ဟာ စကြည့်လိုက်တာနဲ့ဆက်ကြည့်ချင်သွားအောင်ဆွဲဆောင်နိုင်ပါတယ်…. လက်တွေ့မှာဘယ်လိုမှမဖြစ်နိုင်တဲ့ ဇာတ်လမ်းဇာတ်ကွက်တွေ ညစ်တီးညစ်ပတ်စကားလုံးတွေ ခွတီးခွကျပေါက်ကရဖြစ်ရပ်တွေက အံ့သြသင့်ဖို့လဲကောင်းသလို ရီဖို့လဲကောင်းလွန်းပါတယ်။ (ကျနော်ဆို ကြည့်နေရင်းနဲ့ပါးစပ်အဟောင်းသားဖြစ်မိပါတယ်… သူ့ဇာတ်လမ်းတွေက အံ့သြသင့်စရာကောင်းလွန်းလို့ပါ).. ဘယ်လိုပဲဖြစ်ဖြစ် သင်ဟာ ရုပ်ရှင်ဝါသနာအိုးတစ်ယောက်ဆိုရင်တော့ ဒီကားလေးကိုလက်လွတ်မခံပဲကြည့်ဖို့တိုက်တွန်းပါရစေ….။ #Nucleon_Review #Admin_T (ရုပ်ရှင်အညွှန်းကို Nucleon's FB Page မှကူးယူဖော်ပြပါသည်။) File size…(700MB) Quality…Blu-Ray Rip 720p Format…mp4 Duration….01:38:01 Subtitle….Myanmar Subtitle (Hardsub) Encoder….Nyeinsaeya Aung

ဒီ The Amazing Spiderman ပထမကားလေးမှာတော့ကျွန်တော်တို့ရဲ့အချစ်တော်ပီတာ Spiderman စတင်ဖြစ်လာတဲ့အချိန်လေးကိုရိုက်ထားတာပါ။ အောင်မြင်မှုများစွာရရှိခဲ့တဲ့ကားလေးလည်းဖြစ်ပါတယ်။ ရုံဝင်ငွေဒေါ်လာ၇၅၇.၉သန်းထိရရှိခဲ့တဲ့ကားလေးပါ။ ၂၀၀၀ခုနှစ်ပီတာတယောက်ကလေးဘဝမှာဖခင်ဖြစ်သူရဲ့စာကြည့်ခန်းဖောက်ထွင်းခံရတာနဲ့စပြီး သူတို့မိသားစုလေးတကွဲတပြားစီဖြစ်သွားခဲ့ရပါတယ်။ မိဘဖြစ်သူတွေထူးဆန်းစွာပျောက်ဆုံးသွားပြီးပီတာတယောက်အန်တီမေနဲ့ဦးလေးဘန်တို့ရဲ့စောင့်ရှောက်မှုအောက်မှာပဲ ကြီးပြင်းခဲ့ရပါတယ်။နှစ်များစွာကြာပြီးနောက်ပီတာလည်းအထက်တန်းကျောင်းသားကြီးဖြစ်နေပါပြီ။ အဖေ့သွေးပါသူဖြစ်တော့ဉာဏ်ထက်မြက်သူတယောက်ဖြစ်ပါတယ်။ အဲဒီမှာပဲဂွမ်န်စတေစီဆိုတဲ့ကောင်မလေးနဲ့ဇာတ်လမ်းစတင်ခဲ့တာပေါ့။ တနေ့အိမ်မှာနေရင်းပီတာတယောက်ဖခင်ဖြစ်သူရဲ့အိတ်တအိတ်ကိုတွေ့ပြီး သုတေသနစာရွက်စာတမ်းဟောင်းတွေဓာတ်ပုံတွေကိုတွေ့ရှိသွားပါတယ်။ အဲဒီဓာတ်ပုံကနေတဆင့်ဖခင်ဖြစ်သူနဲ့အတူအလုပ်လုပ်ခဲ့တဲ့ သိပ္ပံပညာရှင်ဒေါက်တာကာ့ကော်နာစ်တယောက် OScorpဆိုတဲ့ မျိုးစိတ်ဗီဇတွေကိုသုတေသနလုပ်နေတဲ့နေရာမှာ အလုပ်လုပ်နေကြောင်းသိလိုက်ရပါတယ်။ အဲဒါနဲ့ပဲ ဖခင်အကြောင်းတွေကိုသိချင်နေတဲ့ပီတာတယောက်Oscorpထဲကိုခိုးဝင်ရာကစပြီး Spidermanဆိုတဲ့ဇာတ်ကောင်စတင်ပေါ်ပေါက်လာခဲ့တာပဲဖြစ်ပါတယ်။ လက်တွေ့ကျကျပြန်လည်မွမ်းမံပြီးထုတ်လုပ်ထားတဲ့အတွက်ဒီကားလေးဟာတော်တော်အောင်မြင်ခဲ့တာပဲဖြစ်ပါတယ်။ အဲတော့နောက်ပိုင်းSpidermanပေါက်စ ဘာတွေဘယ်လိုလူသားအကျိုးဆောင်ရွက်မလဲဆိုတာတော့ဇာတ်ကားလေးကိုပြန်စားမြုပ်ပြန်လိုက်ကြရအောင်ပါ။ File size…(4.9 GB)/(2.2 GB)/(900 MB) Quality….BluRay 4K HEVC/ DS4K 1080p HEVC / 720p Format…mkv/mp4 Duration….02:16:17 Subtitle….Myanmar Subtitle (Hardsub) Encoder….Nyeinsaeya Aung Translated by Mr.Anderson

Friends with Benefits (2011) IMDb Rating (6.5) / Rotten Tomatoes (69 %) မင်းသားကတော့ နာမည်ကျော် အဆိုတော် ဂျက်စတင်တင်းဘားလိတ် (Justin Timberlake)... မင်းသမီးက နာမည်ကြီးမော်ဒယ်သရုပ်ဆောင် မီလာကူးနစ် (Mila Kunis )... ဒါ့အပြင် Emma Stone တို့ Woody Harrelson တို့လဲ အားဖြည့်ပါဝင်ထားပါသေးတယ်... ဂျက်စတင်က ဒီထဲမှာ Designer... မင်းသမီးက Company Agent... သူတို့နှစ်ယောက်စလုံးက အချစ်ရေးမှာ မျှော်လင့်ချက်တွေအကြီးကြီး ထားမိပြီး အဲ့ဒီ့မျှော်လင့်ချက်တွေ အလွယ်တကူကွဲအက်သွားတာကြောင့် မချိမဆန့်ခံစားနေရတဲ့ အချစ်နာနေသူတွေပါ။ တစ်နေ့မှာ သူတို့နှစ်ယောက် အလုပ်ကိစ္စတစ်ခုကြောင့် ထိပ်တိုက်တွေ့ဆုံ ခင်မင်လာရာကနေ.... အချစ်ဆိုရင် ကြောက်နေမိတဲ့ သူတို့နှစ်ယောက်  အချစ်မပါတဲ့ တွယ်ညှိမှုတွေကို တည်ဆောက်ကြပါတော့တယ်... ဒါကတော့...Friends with Benefits (အကျိုးအမြတ်သူငယ်ချင်းတွေ) ဆိုတဲ့အတိုင်း တစ်ယောက်ကိုတစ်ယောက် Just Sex ယုံကလွဲပြီး သူငယ်ချင်းလိုပဲ နေကြတာပါ။ သူငယ်ချင်းဘဝနဲ့ Just Sex ယုံကလွဲပြီး ကျန်တာ ဘာအကန့်မှမရှိဘူးဆိုတဲ့ FWB Relationship ကြီးနဲ့ သူတို့နှစ်ယောက် တယောက်ကိုတယောက်ဘယ်လောက်ထိ ယုံကြည်စိတ်ချပြီး ဘယ်လိုအဆုံးသတ်သွားမလဲဆိုတာ....။ အဖော်အချွတ်ခန်းတချို့နဲ့ ဂျက်စတင်တင်းဘားလိတ်ရော မီလာကူးနစ်ရော အမြင်မတော်အောင် အရမ်း Good နေလို့ မိသားစုနဲ့တော့ ကြည့်လို့မသင့်တော်ပါဘူးနော်။ File size…(7.8 GB)/ (2 GB )/(1 GB) Quality…BluRay 4K HEVC/1080p HEVC / 720p Format…mkv/mp4 Duration….01:49:00 Subtitle….Myanmar Subtitle (Hardsub) Encoder….Ka Naung Translated by KoYe

Crazy, Stupid, Love. (2011) IMDb Rating (7.4) / Rotten Tomatoes (79 %) Ryan Gosling , Emma Stone တို့အပြင် ဂျာကြီး မိုက်ကယ်စကော့ Steve Carell , Julianne Moore , Aunt May ဖြစ်သူ Marisa Tomei , Lio Tipton , Kevin Bacon စတဲ့သရုပ်ဆောင်ပေါင်းများစွာနဲ့ ဒီဇာတ်ကားက အချစ်ဟာသ ဒရမ်မာရုပ်ရှင်ကားကြီးပါ။ Rating ကောင်းသလို ရုံတင်ဝင်ငွေလဲကောင်းခဲ့ပါတယ်။ ဘတ်ဂျက် သန်း ၅၀ သာ ကုန်ကျခဲ့ပေမယ့် Box office မှာ ၁၄၅ သန်း ပြန်လည်ရရှိတဲ့ထိ အောင်မြင်ခဲ့ပါတယ်။ အရွယ်ရောက်လာတဲ့ယောက်ျားဖြစ်ဖြစ် မိန်းကလေးဖြစ်ဖြစ်တော်တော်များများမှာ အိပ်မက်တစ်ခုရှိတယ် ပြီးပြည့်စုံတဲ့ family life တစ်ခုဖန်တီးဖို့ပဲ... ဒါကြောင့်အချစ်စစ်တစ်ခုရှာဖွေတယ် အိမ်ထောင်ပြုတယ်ဒါမှမဟုတ်သင့်တော်တဲ့သူလို့ထင်တဲ့သူနဲ့အိမ်ထောင်ပြုကြတယ်.. ပြီးတော့.. မျိုးဆက်လေးတွေမွေးဖွားရင်း သိပ်တော်တဲ့ကလေးတွေအဖြစ်ပြုစုပျိုးထောင်ဖို့ ကြိုးစားအားထုတ်ကြတယ်... အလုပ်တစ်ဖက် သားသမီးတစ်ဘက်နဲ့ဆိုတော့ လင်မယားအကြားဆက်ဆံရေးကိုမေ့လျော့နေမိတတ်တယ်.... အနုပညာမြောက်လှပါတယ်ဆိုတဲ့ဆိုတဲ့သီချင်းတစ်ပုဒ်တောင်ဖွင့်ဖန်များ ကြားရဖန်များလာရင် ညည်းငွေ့တတ်တဲ့သဘောရှိတယ် ကျွန်တော်တို့ရဲ့နှစ်သက်ခြင်းကို နှစ်သက်ခြင်းကပဲဖျက်ဆီးသွားတတ်တယ်.....အိမ်ထောင်ရေးမှာလည်း ဒီလိုပဲထင်ပါ့ တစ်ယောက်ရဲ့အပြုအမူတွေဟာ နှစ်သက်ခြင်းကြိမ်ဖန်များစွာဆောင်ခဲ့ပေမဲ့ကြာလာတော့ ညည်းငွေ့တတ်တဲ့အဆင့်ရောက်သွားတယ် နှလုံးသားဟာ အဟာရမဲ့လေတော့ ကလေးတွေရဲ့သံယောဇဉ် နှောင်ဖွဲ့ခြင်းအသိအမှတ်ပြုလက်ထပ်စာချုပ်တွေဟာ အဓိပါယ်မဲ့သွားတတ်တယ်.... ကျွန်တော်ပြောတာတွေက ယေဘူယျအမှန်တရားဖြစ်နိုင်သလို ချွင်းချက်အမှန်တရားလည်းဖြစ်နိုင်ပါတယ်.... ဒီကားလေးက ကလေး ၃ယောက်ရှိတဲ့မိခင်နဲ့မိခင်ကြားအဆင်မပြေပုံတွေနဲ့ မြှာပွေတတ်တဲ့ကောင်လေးတစ်ယောက်အချစ်ကြောင့်ပြောင်းလဲသွားတတ်ပုံလေးကိုရိုက်ပြထားတာပါ..... ဂျာကြီးမိုက်ကယ်စကော့ဖြစ်တဲ့ Steve Carell ကြောင့် ရယ်နေရသလို Ryan Gosling , Emma Stone  တို့ရဲ့ ရိုမန့်လေးနဲ့လဲ ချစ်ကြည်နူးစရာလေးတွေပါတာမလို့ ရသစုံလက်လွတ်မခံသင့်တဲ့ကားပါ။ File size…(6.9 GB)/ (2.9 GB )/(1.3 GB) Quality….BluRay 4K HEVC/ 1080p HEVC / 720p Format…mkv/mp4 Duration….01:58:00 Subtitle….Myanmar Subtitle (Hardsub) Encoder….Ka Naung

၁၉၆၃ ခုနှစ်၊ အမေရိကန်နိုင်ငံ မစ္စစ္စပီပြည်နယ်မှာ လူမည်းအမျိုးသမီးတွေဟာ အထက်တန်းလွှာ လူဖြူမိသားစုတွေရဲ့အိမ်တွေမှာ အိမ်အကူအဖြစ် အလုပ်လုပ်နေကြပါတယ်။ Big Mama လို့ ခေါ်လေ့ရှိကြတဲ့ ဒီအမျိုးသမီးတွေမှာ မိခင်က အိမ်အကူ၊ အဖွားက မြေကျွန်ဖြစ်ခဲ့လို့ ကိုယ်တိုင်လည်း ကြီးလာရင် ဒီအလုပ်ပဲ လုပ်ရမယ်လို့ သိထားခဲ့သူတွေ ရှိတယ်။ အိမ်တွေမှာ အလုပ်လုပ်ပေးနေရပေမယ့် ဆက်ဆံခံရပုံက ကျွန်သာသာပါပဲ။ ထမင်းစားပွဲတစ်ပွဲတည်းမှာ အတူစားခွင့်မရှိသလို လူဖြူတွေသုံးတဲ့ အိမ်သာ၊ ရေချိုးခန်းတွေကို သုံးမှာကိုလည်း အိမ်ရှင်တွေက လက်မခံကြပါဘူး။ ဒီလိုပတ်ဝန်းကျင်ထဲကို ဂျာနယ်လစ်ပေါက်စ Eugenia “Skeeter” Phelan က သူ့မွေးရပ်မြေ Jackson ဆီ ပြန်ရောက်လာပါတယ်။ ငယ်ငယ်ကတည်းက သူ့ကို ထိန်းကျောင်းပေးခဲ့တဲ့ အိမ်အကူအမျိုးသမီးကြီး Constantine ကို မိခင်က အလုပ်ထုတ်လိုက်မှန်း သိလိုက်ရတဲ့နောက် Skeeter ဟာ လူမည်းအိမ်အကူတွေရဲ့ ဘဝတွေကို စာအုပ်တစ်အုပ်အဖြစ် ရေးသားဖို့ ကြိုးစားလာတယ်။ မီးဖိုချောင်တွေထဲမှာ သူတို့ ဘယ်လိုနေထိုင်ရသလဲ၊ ဘယ်လိုခွဲခြားဆက်ဆံခံရသလဲဆိုတဲ့ အတွေ့အကြုံတွေကို စုစည်းပြီး The Help ဆိုတဲ့အမည်နဲ့ ထုတ်ဝေချင်တာပါ။ Skeeter က Aibileen Clark နဲ့ Minny Jackson တို့ရဲ့ အကူအညီကို ရယူခဲ့ပါတယ်။ တခြားအိမ်အကူအမျိုးသမီးတွေကတော့ ကိုယ့်အကြောင်းကို ပြောပြဖို့ ကြောက်ရွံ့ပြီး ငြင်းကြတယ်။ လူမည်းတစ်ဦး လမ်းပေါ်မှာ ပစ်သတ်ခံရပြီးတဲ့နောက်မှ သူတို့ကလည်း စာအုပ်အတွက် ပါဝင်ကူညီလာကြပါတယ်။ Kathryn Stockett ရဲ့ အရောင်းရဆုံးစာအုပ်ကို အခြေခံပြီး Tate Taylor က ဇာတ်ညွှန်းရေးသား ရိုက်ကူးထားတာပါ။ Skeeter အဖြစ် Emma Stone၊ Aibileen အဖြစ် Viola Davis နဲ့ Minny အဖြစ် Octavia Spencer တို့ ပါဝင်ကြပါတယ်။ Hilly အဖြစ် Bryce Dallas Howard က သရုပ်ဆောင်ထားပြီး Skeeter နဲ့ Hilly တို့ရဲ့ မိခင်တွေအဖြစ် Allison Janney နဲ့ Sissy Spacek တို့ ပါဝင်ထားပါတယ်။ ဒီရုပ်ရှင်နဲ့ Viola Davis၊ Octavia Spencer နဲ့ Jessica Chastain တို့ အော်စကာဆန်ကာတင်စာရင်းမှာ ပါဝင်ခဲ့ကြပြီး Octavia Spencer က အကောင်းဆုံးဇာတ်ပို့မင်းသမီးဆု ရရှိခဲ့ပါတယ်။ Viola Davis ပါဝင်ယှဉ်ပြိုင်ခဲ့တဲ့ဆုကိုတော့ The Iron Lady ထဲက Meryl Streep က ရရှိခဲ့တယ်။ အိမ်အကူအမျိုးသမီးတွေရဲ့ နေ့စဉ်ဘဝကို ပြထားတဲ့ ဇာတ်လမ်းထဲမှာ ရယ်စရာအခန်းတွေရှိသလို ခွဲခြားဆက်ဆံခံရမှုကြောင့် ဝမ်းနည်းရတဲ့ အခန်းတွေလည်း ပါဝင်ပါတယ်။

IMDb Rating (7.1) / Rotten Tomotes (85%) ဘဝမှာ ကောလဟာလကြောင့် အချောင်နာမည်ကြီးနေတတ်တာမျိုးကြုံရတတ်ပါတယ်... ကောင်းတဲ့ဖက်ကနာမည်ကြီးတာတော့ ရှားတတ်ပါတယ်...များသောအားဖြင့် မကောင်းတဲ့ဖက်မှာနာမည်ကြီးနေတာမျိုးပေါ့... ဘာလို့လဲဆို လူတစ်ယောက် ကိုယ့်ထက်နိမ့်ကျသွားတယ်ဆိုပြီး မြိန်ရည်ရှက်ရည် နှိမ်ချင်ကြလို့ပါပဲ.. ဂွေးတိုလေး...စနှိုက်ကြော်..ကက...စောက်ပေါလေး...ရုပ်ဆိုးမ...သွားခေါကောင်..ထိပ်ပြောင်....ငမွဲလေးတို့ စသည်ဖြင့်ပေါ့... မိမိရဲ့ ဖြစ်တည်မှုကို တခြားသူတွေက ကြည့်ပြီး အပုပ်ချဆုံးဖြတ်နေကြတာ ခံရခက်ပါတယ်... ဒီလိုလူ့အသိုင်းအဝိုင်းရဲ့ အကျင့်ဆိုးတွေအကြောင်းကို ဒီဇာတ်ကားမှာ သရော်ထားပါတယ်... ဇာတ်ကားအဆုံးသတ်မှာပြောသွားတဲ့စကားလေးက ထိမိလွန်းပါတယ်။ " ကျွန်မရဲ့ အပျိုစင်ဘဝကို သူ့ကိုပေးရင် ပေးတော့မှာ..ဘယ်တော့လဲဆိုတာတော့ မသိဘူး နောက်၅မိနစ် နေရင်လည်း ဖြစ်သွားနိုင်တယ် ဒါမှမဟုတ် နောက် ၆လ ဒါမှမဟုတ် မင်္ဂလာဦးညကျရင်ပေါ့ .. ဒါပေမယ့် အံ့သြစရာ ကောင်းတာက အဲဒါ...ရှင်တို့အလုပ် မဟုတ်လို့ပဲ။ " ဒီဇာတ်ကားဟာ မင်းသမီး Emma Stone ရဲ့ မှတ်တိုင်လိုဖြစ်နေခဲ့ပြီး Budget $8 million သာကုန်ကျခဲ့ပေမယ့် Box Office မှာ $75 million ရရှိတဲ့အထိ အနုပညာအရရော စီးပွားရေးအရပါ အောင်မြင်ခဲ့တာပါ။ Teen School ဇာတ်ကားတွေထဲမှာတော့ Rating မြင့် ရသစုံဇာတ်ကားလေးဖြစ်ပါတယ်။ File size…(1.9 GB) and (1.1 GB) Quality….BluRay 1080p and 720p 5.1CH Format…mp4 Duration….01:32:00 Subtitle….Myanmar Subtitle (Hardsub) Encoder….Nyeinsaeya Aung

Marmaduke (2010) ဒီခေတ်မှာ ခွေးမချစ်တဲ့သူဆိုတာရှားပါတယ်။ ပေါက်စနကောင်လေးတွေကအစ အယ်စတုံကောင်ကြီးတွေအထိ အမျိုးစုံ ဆိုဒ်စုံတွေကို ‌တယုတယမွေးပြီး သားသမီးအရင်းလို ချစ်ပေးကြတာပဲမလား။ တခါတလေကျ သူတို့စိတ်ထဲ ငါတို့ကိုဘယ်လိုတွေးနေမလဲ၊ ဘယ်လိုမြင်လဲဆိုတာ သိချင်စိတ်လေးဖြစ်မိကြမှာပါ။ ဒီဇာတ်ကားမှာတော့ Great Dane မျိုးနွယ် မာမဒုခ်ဆိုတဲ့ခွေးလေးက အဓိကဇာတ်ဆောင်အနေနဲ့ပါ၀င်ထားပြီး Computer Animation နဲ့ သူတို့အတွေးတွေ စကားပြောတာတွေကို ရိုက်ကူးပြထားတဲ့ ဇာတ်ကားကောင်းလေးတစ်ကားဖြစ်ပါတယ်။ ကျောင်းအသစ်ကိုပြောင်းတာဖြစ်ဖြစ်၊ နေရာအသစ်ကိုပြောင်းတာဖြစ်ဖြစ်၊ အလုပ်အသစ်ရတာဖြစ်ဖြစ်၊ အစမှာ ကြောင်တောင်တောင်နဲ့ ၀င်ဆံ့ဖို့ မနည်းကြိုးစားရတဲ့အဖြစ်မျိုး ကြုံဖူးကြမှာပါ။ ဒီလိုမျိုးပဲ ခွေးလေးတွေဟာလည်း ပတ်၀န်းကျင်အသစ်ကိုရောက်တဲ့အခါ အနီးနားက ရှိနှင့်ပြီးသားခွေးတွေထဲ၀င်ဆံ့ဖို့ ကြိုးစားရပါတယ်။ ဖေးလ် နဲ့ ဒက်ဘီဆိုတဲ့လင်မယားမှာ ဘာဘရာနဲ့ ဘရိုင်ယန်ဆိုတဲ့ သားသမီးနှစ်ယောက်နဲ့ မာမဒုခ်ဆိုတဲ့ ခွေးတစ်ကောင်ရှိပါတယ်။ သူတို့ဟာ ကန်းဆက်မှာနေထိုင်ကြပြီး ပျော်ရွှင်တဲ့မိသားစုလေးတစ်ခုဖြစ်ပါတယ်။ မာမဒုခ်ဟာ Great Dane မျိုးနွယ်ဖြစ်တာကြောင့် သူ့ရဲ့အရွယ်အစားဟာ သာမာန်ခွေးတွေထက် ပိုပြီးကြီးပါတယ်။ တစ်ရက်မှာတော့ ဖေးလ်ဟာ အလုပ်ကိစ္စနဲ့ ကယ်လီဖိုးနီးယားကိုပြောင်းရမယ့်အခြေအနေဖြစ်လာတော့ မိသားစုကပါ လိုက်ပြောင်းရတော့မှာပါ။ ကယ်လီဖိုးနီးယားရောက်တော့ သူတို့တွေအပြင် မာမဒုခ်ကပါ ၀င်ဆံ့ဖို့ ရုန်းကန်ရပါတော့တယ်။ ဒီလိုရုန်းကန်နေရင်းမှ ပန်းခြံမှာဗိုလ်ကျ‌နေတဲ့ ဘော့စ်ကိုဆိုတဲ့ခွေးခေါင်းဆောင်ရဲ့ ရည်းစားဖြစ်တဲ့ ဂျက်စဘဲလ်ဆိုတဲ့ ခွေးမလေးကိုမှ သဘောကျမိသွားတဲ့အခါမှာ မာမဒုခ်နဲ့‌ဘော့စ်ကိုတို့ရဲ့အားပြိုင်မှုတွေ၊ နေရာသစ်မှာ အဆင်ပြေဖို့ကြိုးစားရပုံတွေ၊ မိသားစုအတွင်းရေးပြဿနာတွေကို ဟာသလေးပါနှောပြီး ကြည့်ရမှာဖြစ်တဲ့အတွက် ခွေးချစ်သူတွေသာမက မိသားစုနဲ့ ‌အေးဆေးအနားယူချင်သူတွေ Drama ကြိုက်သူတွေပါ သဘောကျမယ့် ဇာတ်ကားလေးတစ်ကားဖြစ်မှာ သေချာပါတယ်။ File size…   2 GB /    1 GB Quality… BluRay 1080p / 720p Format… mp4 Duration…. 1h 27m Genre .....  Family, Comedy Subtitle…. Myanmar Subtitle (Hard Sub) Encoder…. Thit San Khant Translated by Jaka

IMDb Rating (7.6) / Rotten Tomatoes (89%) အီမာစတုန်းတို့လို နာမည်ကြီးသရုပ်ဆောင်တွေနဲ့ ခေတ်ကိုသရော်ထားတဲ့ Zombie ဟာသဇာတ်ကားပါ... Rating တွေမြင့်သလို အကောင်းဆုံး Zombie ဇာတ်ကားတွေထဲမှာပါဝင်ပါတယ်... ကိုလမ်ဘတ်(စ်) လို့ခေါ်တဲ့ လူငယ်လေးတစ်ယောက်ဟာသူအသက်ရှင်နေထိုင်နိုင်ဖို့အတွက် သူကိုယ်တိုင်ထုတ်ထားတဲ့စည်းမျဉ်းစည်းကမ်းတွေကို တိတိကျကျ လိုက်နာပြီး Zombie တွေသာကျန်ရှိတော့တဲ့ တိုင်းပြည်မှာ ရှင်သန်နေထိုင်လျှက်ရှိပါတယ် အမေရိကန်ပြည်မှာ ရောဂါပိုး ကူးစက်ခံရတာကနေတစ်ဆင့်လူတွေအားလုံးဟာ ဖုတ်ကောင်တွေအဖြစ် ပြောင်းလဲသွားကြပါတယ် ဒီအချိန်မှာတော့ လူငယ်လေးကိုလမ်ဘတ်(စ်)တစ်ယောက် သူ့ရဲ့စည်းမျဉ်းစည်းကမ်းတွေနဲ့အတူ ဆက်လက်ရှင်သန်နိုင်ခဲ့ပါတယ် တစ်နေ့မှာတော့ သူ့လိုပဲ အသက်ရှင်ကျန်ရစ်တဲ့ တယ်လာဟေဆီ ဆိုတဲ့ဖုတ်ကောင်တွေသတ်ရာမှာ အလွန်ကျွမ်းကျင်တဲ့ လူတစ်ယောက်နဲ့ဆုံတွေ့ခဲ့ပြီးအိုဟိုင်းရိုး ပြည်နယ်ကို ခရီးဆက်ခဲ့ကြပါတယ် ဒီလိုနဲ့ ခရီးဆက်ရင်း သူတို့ဟာ ဈေးဝယ်စင်တာ တစ်ခုမှာလိုအပ်တဲ့ ရိက္ခာတွေ ဖြည့်တင်းရင်းကနေမှ အသက်ရှင်ကျန်ရစ်နေသေးတဲ့ညီအမနှစ်ဦးနဲ့တွေ့ခဲ့ပြီး နှစ်ကြိမ်တိုင်တိုင် အလိမ်ခံခဲ့ရပါတယ် နောက်ပိုင်းမှာတော့ သူတို့၄ ယောက်ပေါင်းမိသွားကြပြီးလိုရာခရီးကို ဆက်သွားခဲ့ကြတယ် နောက်ပိုင်းမှာတော့ မျှော်လင့်ချက်မဲ့နေတဲ့ သူတို့၄ယောက်ဖုတ်ကောင်တွေ မဝင်ရောက်သေးဘူးလို့သူတို့ထင်နေခဲ့ကြတဲ့ပစိဖိတ် ပေးလန်း(ဒ်) ကစားကွင်းကို သွားဖို့ဆုံးဖြတ်လိုက်ကြတယ် ဒါပေမဲ့ သူတို့ထင်ထားခဲ့သလိုတွေ မဖြစ်လာခဲ့ပဲ ဖုတ်ကောင်မြောက်မြားစွာနဲ့ရင်ဆိုင်တိုက်ခိုက်ခဲ့ရတာတွေကို ရိုက်ကူးပုံဖော်ထားတဲ့ Zombie ဇာတ်ကားကောင်းတစ်ခု ဖြစ်တာကြောင့် ပရိသတ်များလက်မလွှတ်သင့်တဲ့ ဇာတ်ကားတစ်ကား ဖြစ်ပါတယ် (ဇာတ်လမ်းအညွှန်းနဲ့ဘာသာပြန်သူကတော့ Scrn ပဲဖြစ်ပါတယ်) File Size : (1.5 GB),(750 MB) Quality : Blu-Ray (1080p 5.1,720p) Running Time : 1hr 28min Format : Mp4 Genre : Adventure, Comedy, Horror Subtitle : Myanmar Subtitle (Hard Sub) Source : 1080p.BluRay.x264-CROSSBOW Translated by Scrn Encoded by Thanhtike Zaw & Nyeinsaeya Aung

"The House Bunny" (၂၀၀၈) ရုပ်ရှင်ကို Anna Faris ရဲ့ ဟာသသရုပ်ဆောင်မှု အားကောင်းကောင်းနဲ့ တင်ဆက်ထားတဲ့ ပေါ့ပေါ့ပါးပါး Comedy ကားကောင်းတစ်ကားလို့ ပြောလို့ရပါတယ်။ ဇာတ်လမ်းကတော့ Shelley (Anna Faris) ဆိုတဲ့ Playboy အိမ်တော်က Bunny မော်ဒယ်လ်လေးအကြောင်းပါ။ သူမ အသက် ၂၇ နှစ်ပြည့်တဲ့အခါ "အသက်ကြီးပြီ" ဆိုပြီး အိမ်တော်ကနေ ထွက်ခွာပေးဖို့ အကြောင်းကြားစ ကို လက်ခံရရှိရာကနေ ဇာတ်လမ်းစပါတယ်။ နေစရာမရှိဖြစ်သွားတဲ့ Shelley ဟာ တက္ကသိုလ်တစ်ခုက Zeta Alpha Zeta ဆိုတဲ့ လူကြိုက်နည်းပြီး ဖျက်သိမ်းခံရလုနီးပါးဖြစ်နေတဲ့ ကျောင်းသူအသင်း (Sorority) တစ်ခုမှာ အဆောင်မှူး (House Mother) အဖြစ် ရောက်သွားပါတယ်။ ဗဟုသုတနည်းပြီး ရိုးအလွန်းတဲ့ Shelley နဲ့ စာဂျပိုးမလေးတွေ စုနေတဲ့ Zeta အသင်းသားတွေ ပေါင်းမိတဲ့အခါမှာတော့ ရယ်မောစရာတွေ၊ ပြောင်းလဲမှုတွေ စတင်လာပါတော့တယ်။ ဒီရုပ်ရှင်က Cast အနေနဲ့လည်း တော်တော်လေးကို စုံတာမလို့ ကြည့်သင့်တယ်လို့ဆိုရပါမယ်။ Shelley အဖြစ် စပ်စလူး နတ်ပူး Anna Faris Natalie အဖြစ် အချစ်တော် Emma Stone Oliver အဖြစ် Colin Hanks Mona အဖြစ် မင်းသမီးချော် Kat Dennings တို့က သရုပ်ဆောင်ထားတာမလို့ ခံစားကြည့်လိုက်ကြပါခင်ဗျာ။

IMDB (7.5/10) Rotten Tomatoes (88%) ဒီတစ်ခါတော့ ပေါ့ပေါ့ပါးပါး ဟာသကား မျှော်နေသူတွေအတွက် ကားကောင်း‌လေးတစ်ကားကို တင်ပေးလိုက်ပါတယ်။ American pie လိုမျိုး ကျောင်းသားလူငယ်ဟာသကားမျိုးဖြစ်ပြီး လူငယ်သဘာဝ အလွဲတွေကို အဓိကအသားပေး ရိုက်ပြထားလို့ ကြည့်ကောင်းတဲ့ ကားလေးပါ။ ဇာတ်လမ်းထဲမှာ ဆက်သ် နဲ့ အီဗန် တို့ဟာ သူတို့သဘောကျနေတဲ့ ကောင်မလေးတွေကို အထင်ကြီးအောင် လုပ်ဖို့အတွက် ပါတီပွဲမှာ လိုတဲ့အရက်တွေဝယ်ဖို့ တာဝန်ယူလိုက်ပါတယ်။ ပြဿနာကတော့ သူတို့က 21 နှစ်မပြည့်သေးပါဘူး။ အမေရိကန်မှာ 21 နှစ်မပြည့်သူကို အရက်ရောင်းခွင့်မရှိတဲ့အတွက် သူတို့လို‌နေတဲ့ အရက်တွေကို ဘယ်လိုရအောင် လုပ်ကြမလဲ။ အရက်ဝယ်ဖို့ကို သေရေးရှင်ရေးလို တွေးနေတဲ့ ဆက်သ်ကတော့ ဘာပဲလုပ်ရလုပ်ရလုပ်ဖို့ အသင့်ပါပဲ။ ဒီလိုနဲ့ ငယ်သူငယ်ချင်းနှစ်ယောက် စော်ရဖို့အရေး အရက်ရှာပုံတော်ဖွင့်ကြပါတော့တယ်။ ဒီကားမှာ သရုပ်ဆောင်တွေအနေနဲ့ Comedy လောကမှာ နာမည်ကြီးတဲ့ Michael Cera နဲ့ Jonah Hill တို့က အဓိကဇာတ်ဆောင်တွေအဖြစ် အတွဲညီညီနဲ့ ပါဝင်ထားပြီး မင်းသမီး Emma Stone အပြင် Seth Rogen တို့ Bill Hader တို့လည်း ဇာတ်ပို့နေရာကပါဝင်ထားလို့ နာမည်ကြီးတွေစုနေတဲ့ ကားတစ်ကားလို့လည်း ဆိုလို့ရပါတယ်။ Quality__ 1080p/ 720p IMDb Rating__7.5/10 Format__mp4 Duration__1h 53min Type__Comedy Subtitle__Myanmar Subtitle (Hardsub) Translated by Uncle Sam Encoded by Htet Wai Lwin