Emory Cohen ပါဝင်သော ဇာတ်ကားများ

Marty Supreme (2025) IMDb Rating (8.1) / Rotten Tomatoes (94%) ဒီကားကတော့ A24 က ထုတ်လုပ်ပြီး Uncut Gems တို့ Good Time တို့ကို ရိုက်ခဲ့တဲ့ ဒါရိုက်တာ Josh Safdie ရဲ့ လက်ရာသစ်ပါ။ မင်းသား Timothée Chalamet က ခေါင်းဆောင်မင်းသားအနေနဲ့ ပါဝင်ထားပြီး Gwyneth Paltrow ၊ Tyler, the Creator နဲ့ Fran Drescher တို့လည်း ပါဝင်အားဖြည့်ထားပါတယ်။ ဒီကားက အော်စကာ ဆန်ကာတင် (၉) ဆု တောင် ဝင်ထားတာပါ။ Best Picture (အကောင်းဆုံး ဇာတ်ကားဆု) Best Director - Josh Safdie Best Actor - Timothée Chalamet (ဒီဆုက ရဖို့ ရေပန်းအစားဆုံးပါပဲ) Best Original Screenplay (အကောင်းဆုံး ဇာတ်ညွှန်းဆု) Best Cinematography (အကောင်းဆုံး ဓာတ်ပုံပညာဆု) Best Film Editing (အကောင်းဆုံး တည်းဖြတ်ဆု) Best Production Design (အကောင်းဆုံး ရိုက်ကူးရေးဒီဇိုင်းဆု) Best Costume Design (အကောင်းဆုံး ဝတ်စုံဒီဇိုင်းဆု) Best Casting (အကောင်းဆုံး သရုပ်ဆောင် ရွေးချယ်မှုဆု - ဒါက အော်စကာမှာ အသစ်ထည့်လိုက်တဲ့ ဆုပါ) ဒါ့အပြင် မကြာသေးခင်က ကျင်းပပြီးစီးသွားတဲ့ Golden Globe Awards 2026 မှာလည်း Timothée Chalamet က ဒီကားနဲ့ Best Actor (Musical or Comedy) ဆုကို ရရှိသွားခဲ့ပါပြီ။ Critics' Choice Awards မှာလည်း မင်းသားဆု ထပ်ရထားပါသေးတယ်။ မတ်လ ၁၅ ရက်နေ့မှာ ကျင်းပမယ့် အော်စကာပွဲကျရင်တော့ ဆုကြီးတွေ ဘယ်လောက်အထိ သိမ်းပိုက်နိုင်မလဲဆိုတာ စောင့်ကြည့်ရမှာပါ။ ဇာတ်လမ်းအကျဉ်း ဇာတ်လမ်းက ၁၉၅၀ ပြည့်လွန်နှစ်တွေမှာ အခြေတည်ထားတာပါ။ Marty Mauser (Timothée Chalamet) ဆိုတဲ့ လူငယ်တစ်ယောက်အကြောင်းပေါ့။ သူက ပင်ပေါင် (Table Tennis) ကစားတဲ့နေရာမှာ ပါရမီရှင်တစ်ယောက်။ ဒါပေမဲ့ သူက ရိုးရိုး အားကစားသမား မဟုတ်ဘဲ လောင်းကစားဝိုင်းတွေမှာ လူလည်လုပ်၊ အကွက်ရွှေ့ပြီး ပိုက်ဆံရှာတဲ့ Hustler တစ်ယောက်ပါ။ Marty ရဲ့ အိပ်မက်က ကမ္ဘာ့ချန်ပီယံ ဖြစ်ဖို့ပါ။ ဒါပေမဲ့ သူ့ဘဝက ပင်ပေါင်ပွဲတွေမှာပဲ ပြီးဆုံးမနေဘဲ အရှုပ်အထွေးတွေကြားမှာ ဗလုံးဗထွေး ဖြစ်နေတာ။ ငွေလိမ်တာတွေ၊ လူမိုက်တွေနဲ့ ပတ်သက်မိတာတွေ၊ အိမ်ထောင်သည်အမျိုးသမီးတွေနဲ့ ဇာတ်ရှုပ်ခင်းတာတွေ စုံလို့ပါပဲ။ New York လမ်းမတွေပေါ်ကနေ နိုင်ငံတကာ ပြိုင်ပွဲတွေဆီ ရောက်သွားပေမဲ့ သူ့ရဲ့ မိုက်မဲတဲ့ဆုံးဖြတ်ချက်တွေ၊ စိတ်လိုက်မာန်ပါ လုပ်ရပ်တွေကြောင့် အခက်အခဲတွေ တစ်ခုပြီးတစ်ခု ကြုံရတာကို မြင်ရမှာပါ။ ဒီကားက သာမန် အားကစားရုပ်ရှင်တွေလို ပြိုင်ပွဲဝင်တယ်၊ နိုင်တယ် ဆိုတဲ့ ပုံစံမျိုး မဟုတ်ပါဘူး။ Josh Safdie ရဲ့ စတိုင်အတိုင်း ဇာတ်ရှိန်က မြန်တယ်၊ ဆူတယ်၊ ကြည့်ရတာ ရင်တမမ ဖြစ်တယ်။ Timothée Chalamet ရဲ့ သရုပ်ဆောင်ချက်ကလည်း အတော်ကို ကောင်းပါတယ်။ ပင်ပေါင်ရိုက်တဲ့ အခန်းတွေကလည်း တကယ့် အက်ရှင်ကား တစ်ကားလိုပါပဲ။ File size… (9.5 GB) / (2.8 GB) / (1.3 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Drama Duration…. 02:29:40 Subtitle…. Myanmar Subtitle (Hardsub)

Roofman (2025) IMDb Rating (7.2) / Rotten Tomatoes (86%) ဒီရုပ်ရှင်ဟာ တကယ်ဖြစ်ခဲ့တဲ့ မယုံနိုင်စရာ ဇာတ်လမ်းကနေ ရိုက်ကူးထားတာ ဖြစ်ပါတယ်။ တပ်ကအထုတ်ခံရပြီး မိသားစုကို ထောက်ပံ့နေရတဲ့ ဖခင်တစ်ယောက်ဖြစ်တဲ့ ဂျက်ဖရီ မန်ချက်စတာ (ချန်နင်း တေးတမ် သရုပ်ဆောင်) ရဲ့ ဘဝကို ရိုက်ကူးထားတယ်။ စစ်တပ်ကနေ ထွက်လာပြီးနောက် စီးပွားရေး ခက်ခဲနေတဲ့ ဂျက်ဖရီက မက်ဒိုနယ်ဒ်ဆိုင်တွေကို အမိုးကနေ အပေါက်ဖောက်ပြီး ဓားပြတိုက်ခဲ့တယ်။ နှစ်နှစ်အတွင်း ဆိုင် ၄၀ ကျော်ကို ဓားပြတိုက်ပြီး ရဲတွေနဲ့ မီဒီယာတွေရဲ့ အာရုံကို ဆွဲဆောင်ခဲ့ပြီး “အမိုးသမား” (Roofman) ဆိုတဲ့ နာမည်နဲ့ လူသိများလာခဲ့တယ်။ ထောင်ကထွက်ပြေးပြီးနောက် ဂျက်ဖရီက ကစားစရာဆိုင် (Toys "R" Us) ထဲက လျှို့ဝှက်နေရာမှာ လျှို့ဝှက်နေထိုင်ခဲ့ပြီး အဲဒီမှာ အသစ်အဆန်း အမည်တစ်ခု ယူပြီး ဆိုင်ဝန်ထမ်းတစ်ယောက်ဖြစ်တဲ့ ကွာရှင်းခဲ့တဲ့ မိခင်တစ်ယောက် လီ (ကစ်စတင်း ဒန့်စ် သရုပ်ဆောင်) နဲ့ ရင်းနှီးလာခဲ့တယ်။ သူ့ရဲ့ ဆွဲဆောင်မှုရှိတဲ့ ဇာတ်ကောင်ကြောင့် လီက သူ့ကို စွဲလမ်းလာပြီး နှစ်ယောက်ကြား မမျှော်လင့်နိုင်တဲ့ ဆက်ဆံရေး စတင်ခဲ့ကြတယ်။ ဒါပေမယ့် ဂျက်ဖရီ နှစ်ဘဝနဲ့ ရင်ဆိုင်ရတဲ့ အခါ သူ့ရဲ့ ယခင်ဘဝ နဲ့ ရာဇဝတ်မှုတွေ ပြန်လည်ရောက်ရှိလာပြီး ရဲတွေဆီကနေ ပုန်းလိုက် ထွက်ပြေးလိုက်နဲ့ ဝရမ်းပြေးဘဝ ဖြစ်လာခဲ့ပါတယ်။ ဂျက်ဖရီရဲ့ ဆုံးဖြတ်ချက်တွေနဲ့ မိသားစု ချစ်ခြင်း ဆက်ဆံရေးတွေကြားက တင်းမာမှုတွေ ကို ရုပ်ရှင်က ဟာသနဲ့ ဒရာမာ ရောစပ်ပြီး ပုံဖော်ထားပါတယ်။ File size… (8.6 GB) / (2.5 GB) / (1.3 GB) Quality…. WEB-DL 4K HEVC / WEB-Rip 1080p HEVC / 720p Format…. mkv/mp4 Genre…. Comedy,Crime,Drama Duration…. 02:06:33 Subtitle…. Myanmar Subtitle (Hardsub)

နက်ဖလစ်က ထွက်တဲ့ အက်ရှင်ကားအသစ်ပါ။ ဂျက်ရိချာလိုပဲ စစ်ပြန်တစ်ယောက်နဲ့ မြို့ငယ်လေးတစ်ခုက အကျင့်ပျက်နေတဲ့ ရဲစခန်းတစ်ခုလုံး ရင်ဆိုင်ရတဲ့အမျိုးအစားပါပဲ။ ဒါရိုက်တာကလည်း True Detective အပိုင်းတွေ ရိုက်ဖူးတဲ့ Jeremy Saulnier မို့ ဥပဒေပိုင်း ရဲအပိုင်းတွေ‌တော့ ပိုင်ပါတယ်။ RT 98 အထိ ရထားတာဆိုတော့ ဇာတ်လမ်းရောအက်ရှင်ရော ကောင်းတဲ့အထဲမှာပါပါတယ်။ အရမ်းကြီး ကြမ်းထော်နေတာလဲမဟုတ်ဘဲ True Detective လိုပဲ လူသားဆန်ဆန်ဇာတ်လမ်းမျိုးပါပဲ။ ဇာတ်လမ်းအကျဉ်း တယ်ရီဆိုတဲ့ စစ်ပြန်ဟာ သူ့ရဲ့ညီဝမ်းကွဲ ဆေးမှုနဲ့ အဖမ်းခံထားရတာကို အာမခံထုတ်ပေးဖို့ ငွေထုပ်ပိုက်ပြီး စက်ဘီးနဲ့ လာတဲ့လမ်းမှာ ရဲကားတစ်စီးက သူ့ကို တိုက်လိုက်တယ်။ ပြီးတော့ သူယူလာတဲ့ငွေတွေကို မသင်္ကာမှုနဲ့ပါ သိမ်းလိုက်တယ်။ သူက အဲဒီငွေတွေကို ပြန်ရဖို့နဲ့ သူ့ညီလွတ်ဖို့လောက်ပဲ ပြန်လိုက်ကြိုးစားပေမဲ့ ပြဿနာတွေက ရှုပ်လာပြီး ရစခန်းတစ်ခုလုံးရဲ့ ခြစားမှုတွေနဲ့ အရှုပ်တော်ပုံတွေထဲကို ကြားညပ်သွားပါတယ်။ သူနဲ့ သူ့ကိုကူညီနေတဲ့ ရှေ့နေအလုပ်သင်မလေးကို လိုက်သတ်ကြတဲ့အခါ အသက်ရှင်ဖို့နဲ့ ရဲတွေအားလုံးရဲ့ ပြစ်မှုတွေကို ဖော်နိုင်ဖို့ ကြိုးစားရပါတော့တယ်။ File size…(1.5 GB)/(780 Mb) Quality….Webrip 1080p / 720p Format… mp4 Duration…. 02:11:00 Genre... Action, Crime, Drama, Thriller Subtitle….Myanmar Subtitle (Hardsub) Encoder….Garfield Translated by Mr. Anderson

Sons of Anarchy စီးရီးကို ကြိုက်တဲ့လူတွေဆိုရင် ဒီမူဗီကို ကြိုက်မယ်လို့ ယုံကြည်ပါတယ်။ Motorcycle Club က biker တွေရဲ့ အငွေ့အသက်တွေကို အလွမ်းသယ်နိုင်မှာဖြစ်ပါတယ်။ The Bikeriders မှာတော့ မင်းသားကြီး Tom Hardy, ပျိုမေတို့ အသည်းစွဲ Austin Butler နဲ့ မင်းသမီး Jodie Comer တို့က အဓိက ပါဝင်သရုပ်ဆောင်ထားပါတယ်။ Jeff Nichols ရေးသားရိုက်ကူးပြီး Danny Lyons ရဲ့ The Bikeriders photo book ကို မှီငြမ်းထားတယ်လို့ သိရပါတယ်။ ဒီမူဗီမှာတော့ ဗန်ဒယ်ဆိုတဲ့ မော်တော်ဆိုင်ကယ်ကလပ်က အဖွဲ့သားတွေရဲ့ နေထိုင်ဖြတ်သန်းပုံ ဘဝအစဉ်အဆက် ကြမ်းကြပုံ ရမ်းကြပုံတွေကို စိတ်ဝင်စားဖွယ် ရိုက်ကူးထားပါတယ်။ သူ့ရဲ့ စိတ်ဝင်စားဖို့ ကောင်းတဲ့အချက်က ဒီဇာတ်ကြောင်းကို ဗန်ဒယ်ကလပ်နဲ့ နီးစပ်ခဲ့သူ အမျိုးသမီးတစ်ဦးက အဖွဲ့ဝင်ဟောင်း တစ်ယောက်ကို ဇာတ်ကြောင်း ပြန်ပြောပြတဲ့ စတိုင်လ်နဲ့ အတိတ်ကိုတစ်လှည့် ပစ္စုပ္ပန်ကို တစ်လှည့် ရိုက်ကူးပြထားခြင်းပါ။ ဇာတ်ကြောင်းကို အင်ထရိုဝင်ပေးနေရင် ဇာတ်ပေါ့သွားနိုင်လို့ ဇာတ်လမ်းကိုပဲ အပြေးကြည့်ကြဖို့ တိုက်တွန်းလိုက်ပါရစေ။ အကြိုက်တွေ့စေရမယ်လို့ အာမခံပါတယ်။ File size…1.71GB / 726MB Quality…WEB-DL 1080p 5.1CH / 720p Format…mp4 Duration….1h 56m Genre ….. Crime , Drama Subtitle….Myanmar Subtitle (Hard Sub) Encoder….Min Wai Translated by Act Molemy

Florida Man (2023) A Complete Netflix Series Netflix ကနေ လောလောလတ်လတ် အသစ်ထွက်ထားတာဖြစ်ပြီး ပါသမျှလူတွေအချင်းချင်း ကိုယ် သူ့မယုံ သူ့ ကိုယ်မယုံ လိမ်ကောက်ရင်း ကလိမ်ကျနေတဲ့ ရှုပ်ရှုပ်ထွေးထွေး စုံထောက် အက်ရှင်ဇာတ်လမ်းကို ဟာသလေးနှောပြီး ကြည့်ရမှာပါ။ Agents of S.H.I.E.L.D. ထဲက အေးဂျင့်ကိုလ်ဆင်ကြီး တစ်ချက်တစ်ချက် ထဖောက်တဲ့ အခန်းတွေက အခွီရဆုံးလို့ထင်တာပါပဲ။ ဇာတ်လမ်းကတော့ လောင်းကစားစွဲနေလို့ ပြဿနာတွေတက်ပြီး စုံထောက်ရာထူးကနေ အလုပ်ပြုတ်သွားတဲ့ မိုက်က သူအကြွေးတင်နေတဲ့ လူမိုက်ခေါင်းဆောင်ဆီမှာ အကြွေးသိမ်းတဲ့အလုပ် ပြန်လုပ်ရင်း သူ့သူဌေးရဲ့ မိန်းမကိုလည်း ခိုးစားနေတာက‌နေစတာပါပဲ။ အဲဒီကောင်မလေးက ရုတ်တရက် လူမိုက်ခေါင်းဆောင်ဆီက ထွက်ပြေးသွားတော့ လူမိုက်ခေါင်းဆောင်က မိုက်ကို လိုက်ရှာခိုင်းပါတယ်။ ကောင်မလေးပြေးသွားတာက မိုက်ရဲ့ ဇာတိမြို့ဖြစ်တဲ့ ဖလော်ရီဒါပါ။ ဖလော်ရီဒါကို မုန်းနေတဲ့ မိုက်တစ်ယောက် သူဌေးလုပ်သူနဲ့ အပေးအယူလုပ်ပြီး ကောင်မလေးကို ပြန်ခေါ်လာဖို့ ဖလော်ရီဒါကို လိုက်သွားပါတယ်။ ရောက်ကတည်းက ဗရုတ်သုတ်ခကိစ္စတွေထဲဝင်ရှုပ်မိပြီး ပေါင်ကြားကို ငါးမန်းကိုက်ခံရတဲ့ကောင်လို့ အင်တာနက်မှာ နာမည်ကြီးသွားပါတော့တယ်။ ဇာတိမြို့ကို ပြန်ရောက်တယ်ဆို‌တော့ မိသားစုနဲ့ပြန်တွေ့ပြီး အိမ်တွင်းရေး ကိစ္စတွေလည်း ရှင်းရတော့တာပေါ့။ နောက်တော့ သူလိုက်ရှာနေတဲ့ ကောင်မလေးက အသတ်ခံရတာကို တွေ့လိုက်ရပြီး မျက်မြင်သက်သေက အတိအကျပြောလာတဲ့ လူသတ်သမားပုံက သူ့ပုံစံဖြစ်နေတဲ့အခါမှာတော့... (ဒီစီးရီးကို အညွှန်းရေးသား ဘာသာပြန်ပေးသူကတော့ 666 ပဲဖြစ်ပါတယ်) Size ~ 600MB+ Total - 7 Episodes Quality – 1080p Duration ~ 45min (@Episode) Subtitle – Myanmar Hardsub Format – Mp4 Genre : Crime, Drama, Mystery Source : NF.Web-dl.1080p Translator – 666 Encoder – Y

IMDb Rating - 7.2/10 ၂၀၂၁ ထွက် Drama ကားကောင်းလေးကို cm ပရိတ်သတ်များအတွက် တင်ဆက်ပေးချင်ပါတယ်။ အညွှန်း − သူ့နာမည်က အန်တိုနီယိုလဘလန့်စ်။ ငယ်စဥ်ကတည်းက ကိုရီးယားနိုင်ငံကနေ အမေရိကန်နိုင်ငံကို မွေးစားခံရပြီးရောက်လာရတဲ့သူ။ ဒါပေမဲ့ အခုထိနိုင်ငံသားမဖြစ်သေးပဲ တရားမဝင်ရွှေ့ပြောင်းနေထိုင်သူ (သို့)ဒုက္ခသည်အဖြစ်နဲ့ပဲနေနေရတဲ့သူက ကတ်သီဆိုတဲ့အမျိုးသမီးနဲ့အတူနေပြီး ပျော်ရွှင်တဲ့မိသားစုဘဝကို ကြိုးစားထူထောင်နေတာပေါ့။ ဒါပေမယ့် ကံတရားဆိုတာဟာ အမြဲတမ်းအဆိုးနဲ့အကောင်းဒွန်တွဲနေတတ်တာပဲ မဟုတ်လား။  ဒီတော့ ကံစေရာသွားနေရတဲ့ဘဝမှာ ဘလန့်စ်တစ်ယောက်လည်း အဆိုးအကောင်းကိုကြုံတွေ့ ရပြီပေါ့။ အဲ့တော့ . . . ဇာတ်လမ်းအကြောင်းအရာကို ပေါ်လွင်စေသွားနိုင်တာမို့ အညွှန်းကိုဒီလောက်ပဲပြောပါစေ . တစ်ခြားဆက်ပြောချင်တာက ဒီဇာတ်ကားထဲက character တွေရဲ့ သရုပ်ဆောင်မှုတွေဟာ ပိရိသေသပ်လှပြီး၊ ပျော်ရွှင်ခြင်း . ရယ်မောခြင်းတွေကို အလှည့်ကျရိုက်ပြသွားတာဟာလည်း ဇာတ်လမ်းကို ဟာကွက်မရှိဖြစ်စေပါတယ်။ IMDb Rating အနေနဲ့လည်း 7.2/10 ရရှိထားတဲ့ Drama ကားကောင်းလေးမို့ အကုန်လုံးကို ကြည့်စေချင်တဲ့စိတ်နဲ့ တင်ဆက်ပေးလိုက်ပါပြီ။ (ဒီဇာတ်လမ်းရဲ့ အညွှန်းကို Chite Tee မှရေးသားပေးပြီး။ ဘာသာပြန်ရေးသားပေးသူများကတော့ CM Team မှဖြစ်ပါတယ်။) Quality – 1080p, 720p, 360p WebRip Duration - 1hr 57min Subtitle – Myanmar Hardsub Format – Mp4 Genre : Drama Source : 1080p.WebRip Translator – CM Team Encoder – SWM

ဒီဇာတ်လမ်းကိုတော့ Maze Runners ဇာတ်ကားတွေနဲ့ လူသိများတဲ့ မင်းသား ဒိုင်လန် အို ဘရိုင်ယန်က သရုပ်ဆောင်ပါဝင်ထားပါတယ်။ ဇာတ်လမ်းလေးက ရိုးရှင်းပါတယ်။ သာမန်ဝန်ထမ်းလေးတစ်ယောက်က အထက်တန်းကျောင်းက သူငယ်ချင်းကောင်မလေးတစ်ယောက်ကို သတိရပြီး ပြန်သွားရှာကြည့်မိတာလေးပါပဲ။ ဒီဇာတ်လမ်းလေး ပြချင်တဲ့ သဘောတရားလေးကလဲ ရိုးရှင်းပါတယ်။ အရှိတရားဆိုတဲ့အကြော်င်းလေးပေါ့။ ကျွန်တော်တို့တွေ ဘယ်အချိန်ဘယ်နေရာမှာ ဘယ်လိုဖြစ်တည်နေလဲဆိုတာ ကိုယ့်ကိုယ်ကိုယ့် သိဖို့ ခံစားကောက်ချက်ချရတဲ့ အာရုံလေးတွေရှိတယ်ပေါ့ဗျာ။ ဥပမာ အမြင်တွေ၊ အကြားတွေ၊ ပုံစံတွေ၊ အရောင်တွေ၊ ပတ်ဝန်းကျင်က အချက်အလက်အားလုံးတွေပေါ့။ အဲဒီအချက်အလက်အားလုံးကို အရေးအကြီးဆုံးအချက်ဖြစ်တဲ့ အချိန်ဆိုတာလေးနဲ့ ချိတ်ဆက်ပြီး ကောက်ချက်ချလိုက်တာဗျာ။ ဥပမာ ကျွန်တော်က အခု ညဘက် ၁၀ နာရီ ခွဲမှာ ဒီအညွှန်းကို ထိုင်ပြီး ရေးနေတယ်ပေါ့။ ဒါကို ကျွန်တော်ခံစားမိပြီး သိနိုင်တယ်ဗျာ။ ဒါပေမယ့် နောက်တစ်နာရီနေရင် ကျွန်တော်အိပ်ရာထဲကိုရောက်နေတာကိုပဲ ခံစားသိတော့မယ်။ အခု စာထိုင်ရေးနေတာက မှတ်ဉာဏ်အဖြစ် ကျန်နေနိုင်ပေမယ့် လက်ရှိအချိန်အဖြစ် မခံစားနိုင်တောဘူး။ လက်ရှိအချိန်ဆိုတာ ပြောင်းလဲသွားခဲ့ပြီ။ အတိတ်အချိန်အဖြစ် စက္ကန့်တိုင်းပြောင်းလဲသွားနေတယ်။ ဘာလို့လဲ? ကျွန်တော်တို့က အချိန်နဲ့အချက်အလက်အားလုံးကို မျဥး်ဖြောင့်အတိုင်းပဲ ရှုမြင်ခံစားနိုင်လို့ပေါ့။ ဒါကြောင့် ခင်ဗျားဟာ ၂၀၂၁ ကို ရောက်နေပြီဆိုရင် ၂၀၁၉ မှာ ပြန်မနေနိုင်တော့သလို ၂၀၂၂ မှာလည်း မနေထိုင်နိုင်ဘူး။ တကယ်လို့သာ ကျွန်တော်တို့က အချိန်နဲ့အရာအားလုံးကို မျဉ်းဖြောင့်အတိုင်းမဟုတ်ဘဲ ဖြစ်တည်မှုတိုင်းကို ခံစားနိုင်ဆိုပါစို႕။ ဒါဆိုရင် ခင်ဗျားအတွက် လက်ရှိအခု ဆိုတဲ့အချိန်ဟာ ၂၀၁၉ ရဲ့ နေ့တစ်နေ့လည်းဖြစ်နိုင်တယ် ၂၀၂၅ရဲ့ ညတစ်ညလည်းဖြစ်နိုင်တယ်။ ခင်ဗျားက အချိန်လမး်ကြောင်းကြီးတစ်ခုလုုံးကိုပြိုင်တူသိမြင်နို်င်တယ်ဆိုရင် လက်ရှိအမြင်တွေ အယူအဆတွေ ပြောင်းလဲသွားနိုင်မှာပေါ့။ ပိုပြီးလွတ်လပ်သွားမလား၊ ကိုယ့်ဖြစ်တည်မှုကိုယ်ဘာမှန်းမသိတော့အောင်ဖြစ်သွားမလား တွေးကြည့်လိုက်ပေါ့။ ပြောခဲ့သလိုပဲ။ ဒီရုပ်ရှင်ရဲ့အဓိကဇာတ်လမ်းလေးက ဒါပါပဲ။ ဒါတွေကို တဖြည်းဖြည်းရုပ်လုံးပေါ်လာအောင်ခံစားတတ်ဖို့တော့ ကိုယ်တိုင်ကြည့်လိုက်ပါဦးဗျာ။ File size…(1,4 GB) and (1 GB) Quality….Webrip 1080p and 720p Format…mp4 Duration….01:40:00 Subtitle….Myanmar Subtitle (Hardsub) Encoder….Mr. Anderson Translator...Mr. Anderson

The OA (S1+S2) ဒီတစ်ခါတော့ ပရိသတ်ကြီးကို IMDB 7.8 ရှိပြီးတော့ ဆန်ခါတင် ၉ဆုနဲ့ ဆုကြီး ၃ဆုရထားတဲ့ Drama Fantasy Mystry ဇာတ်လမ်းတွဲလေးတစ်ကားကို တင်ဆက်ပြသပေးလိုက်ပါတယ် ဇာတ်လမ်းအကျဉ်းလေးကတော့ လွန်ခဲ့တဲ့ ၇နှစ်အကြာက ပျောက်သွားခဲ့တဲ့ မျက်မမြင်လေး ပရီရာဟာ ပြန်တွေ့တဲ့အချိန်မှာတော့ တံတားပေါ်က ခုန်ချထားပြီး ဆေးရုံရောက်နေခဲ့တာပါ ထူးဆန်းတာက သူဟာ မျက်လုံးလည်းပြန်မြင်နေရပြီး နာမည်ကလည်း ပရီရာ အစား အိုအေ ဖြစ်နေခဲ့တာပါပဲ အဲဒီလိုနဲ့ သူပြန်လာရောက်လာတာကို တချို့ကလည်း ဘုရားမတာလို့ ထင်ကြပြီး တချို့ကလည်း အန္တရာယ်ပေးနိုင်တယ်လို့ ထင်နေကြတာပါ အဲဒီလိုနဲ့ တနေ့မှာတော့ သူ့အိမ်က အင်တာနက်ပေးမသုံးလို့ ရပ်ကွက်ထဲပတ်ရှာရာကနေ အမှတ်မထင်ဘဲ ကောင်လေးတစ်ယောက်နဲ့တွေ့ပါတော့တယ် အဲဒီကောင်လေးနဲ့ သူတို့ အပြန်အလှန်သဘောတူပြီးတော့ သူလည်းအင်တာနက်ရ ကောင်လေးကိုလည်း ကောင်လေးမိထွေးအဖြစ် ကျောင်းက ဆရာမနဲ့ သွားတွေ့ပြီးတော့ပြဿနာဖြေရှင်းပေးခဲ့တာပါ ကံဆိုးချင်တော့ ဆရာမနဲ့ ကောင်လေးအဖေတို့ ဈေးဝယ်ရင်းတွေ့ရာကနေ သူတို့လိမ်ထားတာပေါ်ပါလေရော အဲဒီမှာပဲ အိုအေ ဟာ နယ်စည်းတစ်ခုစီသွားပြီး သူရှာနေတဲ့ကောင်လေးကို ကူညီရမယ်ဆိုတဲ့ အကြောင်းပြချက်နဲ့ သူ့ကိုကူညီဖို့ လိုင်းပေါ်တင်လိုက်ပြီးလူရှာပါလေရော အဲဒီနောက်မှာပဲ သူက ဘယ်လိုမျက်စိပြန်မြင်ခဲ့တာလဲ သူကရော နယ်စည်းကိုဘာသွားလုပ်မှာလဲ ပြီးတော့ ဘယ်သူ့ကိုကူညီပြီး ဘာတွေဆက်ဖြစ်မလဲဆိုတာကို ဆက်လက်ရှုစားကြည့်လိုက်ကြပါဦး။ File size…686Mb / 1.32Gb Quality….Webrip 720 / 1080p Format…mp4 Duration….50 Min Genre...Sci-Fi & Fantasy, Mystery, Drama Subtitle….Myanmar Subtitle (Hardsub) Encoder….Mr. Anderson Translated by Garfield

ဒီကားလေးကတော့ဂျန်ဆိုတဲ့ ကောင်မလေးတစ်ယောက်သူငယ်ချင်းတွေနဲ့ ခရီးထွက်လာရင်းမုန်တိုင်းမိပြီးကမ်းခြေမှာရှင်သန်ဖို့ကြိုးစားရတဲ့အကြောင်းကို horroဆန်ဆန်ရိုက်ကူးထားတာပါ သူတစ်ယောက်တည်းရှင်သန်ရတော့မယ်ထင်နေပေမယ့်ရက်အနည်းငယ်အကြာမှာ သူ့ကောင်လေးနဲ့သူငယ်ချင်းဖြစ်သူတို့ပါရောက်လာတဲ့အခါ.. ညဘက်ဆိုပင်လယ်ထဲကနေတက်လာပြီး ကမ်းပေါ်ကစားစရာတွေလာလာဆွဲတဲ့ မကောင်းဆိုးဝါးတစ်ကောင်ရှိနေတာကိုပြောပြခဲ့ပေမယ့် မယုံကြတဲ့အခါမှာသူတစ်ယောက်ထဲလွတ်မြောက်ဖို့ဘယ်လိုကြိုးစားမလဲ အတူရှိနေတဲ့သူတွေလက်တွေ့အဲဒီမကောင်းဆိုးဝါးကို မြင်လိုက်ရတဲ့အချိန်ဘာတွေဆက်ဖြစ်မလဲ သူတို့လွတ်မြောက်ပါ့မလားဆိုတာကိုသည်းထိတ်ရင်ဖိုကြည့်ရမှာပါ File Size : ( 774 MB , 289 MB) Quality :  WEB-DL 720p Running Time : 1 hr 22 min Format : Mp4 Genre :  Horror , Thriller Subtitle : Myanmar Subtitle (Hard Sub) Translated by Phue Encoded by Moe Myint Lwin

ရတနာကုန်သည်လည်းဖြစ်၊ ငွေကြေးခဝါချသူလည်းဖြစ်တဲ့ မိုးဒိုင်းမွန်းဟာ သူငယ်ချင်း စကန့်နဲ့အတူ ငွေကြေးပမာဏကြီးတဲ့ အလုပ်တစ်ခုကို လက်ခံထားပါတယ်။ အလုပ်အပ်သူက စကန့်ရဲ့ဦးလေးပါ။ အလုပ်မပြီးသေးခင်မှာပဲ ဦးလေးက ပိုက်ဆံကို ခဏသိမ်းထားပြီး အလုပ်ကိုလည်း ဆိုင်းထားဖို့ ပြောလာတယ်။ စကန့်ကတော့ လက်ထဲရောက်နေတဲ့ ဦးလေးရဲ့ငွေကိုသုံးပြီး မူးယစ်ဆေးအရောင်းအဝယ် လုပ်ဖို့ ကြံလိုက်ပါတယ်။ အရောင်းအဝယ်လုပ်နေတုန်း ရဲတွေရောက်လာလို့ ထွက်ပြေးကြရာက ကားမတော်တဆမှု ဖြစ်သွားတယ်။ အဲဒီဖြစ်ရပ်ကြောင့် မိုး အတိတ်မေ့သွားပြီး သူတို့လုပ်ထားသမျှလည်း အလွဲလွဲအချော်ချော် ဖြစ်ကုန်တော့တာပါ။ Liam Hemsworth ပါဝင်သရုပ်ဆောင်ထားတဲ့ အက်ရှင်၊ မှုခင်းနဲ့ သည်းထိတ်ရင်ဖိုဇာတ်ကား ဖြစ်ပါတယ်။

အခုတစ်ခါ ကျွန်တော်တို့ တင်ဆက်ပေးချင်တာကတော့ မက်တယ်ဟက်တွေ ရော်ကာတွေ လက်မလွှတ်သင့်တဲ့ ၂၀၁၉ ခုနှစ်ထဲထွက်ရှိထားတဲ့\ နော်ဝေ Black Metal ဂီတကိုဖန်တီးခဲ့ပြီး Mayhem တီးဝိုင်းကိုလည်း တည်ထောင်ခဲ့တဲ့ Euronymous ရဲ့ ဘဝအစိတ်အပိုင်းတစ်ခုကို ရိုက်ပြထားတဲ့ Lords of Chaos ဆိုတဲ့ဇာတ်ကားလေးပဲဖြစ်ပါတယ်…။ ၁၉၈၇ ခုနှစ် နော်ဝေနိုင်ငံ အော်စ်လိုမြို့မှာ ၁၇ နှစ်အရွယ် နော်ဝေလူငယ်လေးတစ်ယောက်ဟာ Mayhem တီးဝိုင်းကို စတင်တည်ထောင်ခဲ့ပါတယ်.. Mayhem တီးဝိုင်းကို အနာဂတ်မှာ(ယနေ့မှာ) နော်ဝေ ဘလက်ခ် မက်တယ် ဂီတကို စတင်ဖန်တီးခဲ့သူတွေထဲက တီးဝိုင်းတစ်ခုအဖြစ် အသိအမှတ်ပြုထားကြပါတယ်… သူတို့ရဲ့ဂီတတွေဟာ ဘလက်ခ် မက်တယ် ဂီတလောကကို လွှမ်းမိုးမှုတွေ အများအပြားရှိနေပါတယ်… ဒီဇာတ်ကားထဲမှာ သူတို့တွေရဲ့ စိတ်အားထက်သန်မှုတွေ ကစဉ့်ကလျားဖြစ်မှုတွေ သောင်းကျန်းမှုတွေ အကြောင်းကို မျက်ဝါးထင်ထင်မြင်ရမှာဖြစ်ပါတယ်… ရက်စက်တဲ့ လူသတ်မှုတစ်ချို့ ပါဝင်တဲ့အတွက် ၁၈ ပြည့်မှ ကြည့်ကြဖို့လည်း တိုက်တွန်းလိုက်ရပါတယ်….။ (သေချာတာကတော့ ကလေးကြိုက်ကားလည်း မဟုတ်ပါဘူး) IMDb ကလည်း 6.4/10 ရရှိထားပါတယ်..။ (ဇာတ်လမ်းအညွှန်းနဲ့ ဘာသာပြန်ပေးထားသူကတော့ ကိုဇွဲခန့်သွင်ပါ) File Size : (800 MB) Quality : WEB-DL 720p Running Time : 1h 58min Format : Mp4 Genre : Biography, Drama, Horror Subtitle : Myanmar Subtitle (Hard Sub) Source : 1080p WEB-DL X264 AC3-SeeHD Translated by Zuel Khant Thwin Encoded by Thanhtike Zaw

Shot Caller (2017) ဒီဇာတ်လမ်းလေးက ဒုစရိုက်ဂိုဏ်းသားတွေ ထောင်ထဲမှာ ဘယ်လိုခြယ်လှယ်နေတယ်ဆိုတာကို ပုံဖော်ထားတဲ့ Action ဇာတ်ကားလေးပါ။ ဇာတ်လမ်းအကျဉ်းလေးကတော့ လူတိုင်းက အားကျလောက်ရအောင် စီးပွားရေးလည်းအောင်မြင် မိသားစုပျော်ပျော်ရွှင်ရွှင်ရှိနေတဲ့ ဂျေကော့ လို့ခေါ်တဲ့လူတစ်ယောက် တစ်နေ့မှာတော့ ကံဆိုးပြီး ကားမတော်တဆဖြစ်ကာ ကားပေါ်ပါတဲ့ သူ့သူငယ်ချင်းသေသွားသလို တစ်ဖက်လူလည်း အပြင်းအထန် ထိခိုက်မိတဲ့အတွက် ထောင်ကျသွားပါတယ်။ အကုသိုလ် ကံဆိုးမှုတွေဟာ အဖော်အပေါင်းနဲ့လာတတ်တဲ့ဆိုတဲ့အတိုင်းပဲ ထောင်ကျသွားမှ ပိုပြီးတာ့ ကံဆိုးမိုးမှောင်ကျသွားပါတော့တယ်။ ထောင်ထဲမှာ ဒုစရိုက်သမားတွေရဲ့ ဖိနှိပ်ကွပ်ကဲမှုကို ခုခံဖို့ကြိုးစားရင်းနဲ့ သူကိုယ်တိုင်လည်း မဖြစ်ချင်ဘဲနဲ့ တဖြည်းဖြည်း လူဆိုးဂိုဏ်းဝင် တစ်ယောက်ဖြစ်လာပါတယ်။ ထောင်ကအထွက် လက်နက် မှောင်ခိုတစ်ခု ကွပ်ကဲဖို့အတွက် သူ့ မိသားစု အသက်အန္တရာယ်ကို ခြိမ်းခြောက်ပြီး စေခိုင်းခံလိုက်ရပါတယ်။ ဂျေကော့တစ်ယောက် ဘယ်လိုနည်းလမ်းတွေ ရှာကြံပြီး သူ့မိသားစုလည်း ဘေးအန္တရာယ်မရောက်အောင် လက်နက်မှောင်ခိုမှုကိုလည်း ဖော်ထုတ်နိုင်အောင် ရာဇဝင်လူဆိုးတွေကို ပညာသားပါပါ ဘယ်လိုရင်ဆိုင်သွားလဲဆိုတာ စောင့်ကြည့်ရမှာပါ။ အိမ်ထောင်ဦးစီး ဖခင်တစ်ယောက် ဒုက္ခအခက်အခဲတွေကို ကြံ့ကြံ့ခံ ရင်ဆိုင်ရင်း မိသားစုအတွက် ဘယ်လိုကာကွယ်သွားတယ်ဆိုတာကို ခံစားကြည့်ရှုလိုက်ပါဦးနော်။ File Size - 2.5 GB/ 1.2 GB Quality - BluRay 1080p/ 720p Duration - 2h Format - mp4 Genre - Crime, Drama, Thriller Subtitle - Myanmar Subtitle (Hard Sub)

War Machine (2017) IMDb Rating (6.0) / Rotten Tomatoes (48%) ဘရက်ပစ်ရဲ့ Plan B Entertainmentက ထုတ်တဲ့ကားတွေအားလုံးက ကောင်းတာများပါတယ်။ မာစတာပိစ်အဆင့်တွေတောင် မနည်းဘူး။ ဒီကားကိုလည်း ပလန်ဘီကပဲ ထုတ်ထားတယ်။ ဇာတ်ကတော့ အာဖဂန်နစ္စတန်က တာလီဘန်တွေကို အမေရိကန်တွေ အမြစ်ဖြတ်ဖို့ လုပ်ခဲ့တဲ့အကြောင်းကို ဇာတ်အိမ်တည်ထားတယ်။ သူတို့ပြန်ရိုက်တဲ့ စာအုပ်ကတော့ ရိုးလင်းစတုန်းက သတင်းထောက်က အတည်ကြီး အာဖဂန်အရေးကိုကိုင်တဲ့ အမေရိကန်ဗိုလ်ချုပ်နောက် တကောက်ကောက်လိုက်ပြီး ရေးထားတဲ့ စာအုပ်။ ဆိုပေမဲ့ ဒီရုပ်ရှင်ကတော့ သရော်တဲ့ပုံစံနဲ့ နာမည်တွေပြောင်းပြီး ရိုက်ပြထားတယ်။ စစ်ကားစစ်စစ်တော့မဟုတ်ဘဲ စစ်ရေးအခြေအနေတွေကို သရော်ထားတဲ့ စစ်ဟာသကားဆို ပိုမှန်တယ်။ ဆိုပေမဲ့ နောက်ခံအကြောင်းအရာတွေကတော့ အမှန်ပါပဲ။ တစ်ဘက်မှာတော့ ဒီကားကို ကျွန်တော်တော့ စစ်ကားထက် နိုင်ငံရေးကို သရော်ထားတဲ့ကားလို့ ပိုမြင်တယ်။ အမေရိကန်အစိုးရပိုင်းရဲ့ အမြင်တွေ သူတို့ယုံတဲ့စနစ်တွေ တစ်ချို့ကိုလည်း မြင်ရသလို သူတို့အပေါ် သူတို့ပြည်သူတွေရဲ့ အမြင်ကိုလည်း ပါပါးတော့ ပုတ်ပြထားတယ်။ တစ်ဘက်က စစ်ရေးသမားတွေရဲ့ စိတ်ဓာတ်နဲ့ ဖလော်ဆော်ဖီကိုလည်း ပြထားတယ်။ တော်တော်များများ သိပြီးသားအကြောင်းအရာတွေပဲ ဖြစ်မှာပါ။ ဒီလိုဆို ဒီအထာပဲဆိုတဲ့ လူ့သဘာဝကို ပိုအတည်ပြုလို့ရတာပေါ့။ နောက်စနစ်တစ်ခုမှာ လူဟာ ဘယ်တော့မှ အရေးမပါဘူးဆိုတဲ့ သဘောသဘာဝမျိုးကိုလည်း မြင်ရလိမ့်မယ်။ ဆိုတော့ ဒီအကြောင်းကြောင်းတွေကြောင့် ကျွန်တော်တော့ ဒီကားကို စစ်ကားထက် နိုင်ငံရေးဟာသကားလို့ ပိုမြင်တယ်။ မင်းသားကလည်း ဘရက်ပစ်ကြီးဖြစ်သလို ဇာတ်လမ်းကလည်း ကြည့်ကိုကြည့်သင့်တဲ့ ခေတ်ကာလနဲ့ ကိုက်ညီတဲ့ ရုပ်ရှင်ပါပဲ။ File size… (5.5 GB) / (1.5 GB) / (790 MB) Quality…. WEB-DL 4K HEVC / WEB-Rip 1080p HEVC / 720p Format…. mkv/mp4 Genre…. Comedy,Drama,War Duration…. 02:02:59 Subtitle…. Myanmar Subtitle (Hardsub)

The Duel (2016) ဒီတစ်ခါ တင်ဆက်ပေးလိုက်တာကတော့ Helena Duel လို့ ခေါ်တဲ့ လူနှစ်ယောက်ကို လက်တစ်ဖက်စီ ကြိုးနဲ့ပူးချည်ပြီး ကျန်လက်တစ်ဖက်နဲ့ ဓားကိုင်ကာ ထိုးသတ်ရတဲ့ တစ်ဦးချင်းယှဉ်ခုတ်ပွဲကို အခြေခံထားတဲ့ ရုပ်ရှင်တစ်ကား ဖြစ်ပါတယ် ။ ဇာတ်လမ်းအကျဉ်းကတော့ Ranger တစ်ယောက်ဖြစ်တဲ့ ဒေးဗစ်ကင်းစတန်ဟာ မြို့တော်ဝန်ရဲ့ စေလွှတ်ချက်အရ မက္ကစီကန်ဗိုလ်ချုပ်ကြီး တစ်ဦးရဲ့ တူနဲ့တူမ အပြင် တခြား မက္ကစီကန်လူမျိုးတွေ ပျောက်ဆုံးနေမှုကို စုံစမ်းဖို့ ရည်ရွယ်ချက်နဲ့ Mount Hermon ကို ရောက်လာခဲ့ပါတယ် ။ တကယ်တမ်းတော့ Mount Hermon ရဲ့ ကိုးကွယ်ရာလိုမျိုး ဖြစ်နေတဲ့ အေဗရာဟမ်က လွန်ခဲ့တဲ့ နှစ်ပေါင်း ၂၀ လောက်က ဒေးဗစ်ရဲ့ အဖေကို Helena Duel နဲ့ အနိုင်ယူပြီး သတ်ပစ်ခဲ့သူပါ ။ ဒေးဗစ်ကလည်း Mount Hermon ကို ရောက်လာတဲ့အခါ အေဗရာဟမ် ဘယ်လိုတုံ့ပြန်မလဲ ။ သူတို့နှစ်ယောက်ရဲ့ သွေးကြွေးဟာ နောက်ထပ် helena duel တစ်ခုကို ဦးတည်လာတဲ့ အခါ ဒီတစ်ခါမှာရော ဘယ်သူအနိုင်ရမလဲ ။ ပျောက်နေတဲ့ မက္ကစီကန်လူမျိုးတွေနဲ့ mount hermon ရဲ့ နောက်ကွယ်မှာ ဘယ်လိုလုပ်ရပ်မျိုးတွေ ရှိနေမလဲ ဆိုတာကိုတော့ The Duel 2016 ရုပ်ရှင်ကားမှာ အတူတူ လိုက်ပါခံစားကြည့်လိုက်ရအောင်ပါ ။ (ဇာတ်လမ်းအညွှန်းကို Hazelleက ရေးသားထားပါတယ်) File Size - 1.41 GB/ 634 MB Quality - BluRay 1080p/ 720p Duration - 1h 50m Format - mp4 Genre - Drama, Western Subtitle - Myanmar Subtitle (Hard Sub) Translated by - Hazelle Encoded by - Treasure Htet

Brooklyn (2015) ဒီရုပ်ရှင်ကတော့ ၁၉၅၀ ခုနှစ်တွေကို အခြေပြုပြီးရိုက်ကူးထားတဲ့ အိုင်းရစ်အမျိုးသမီးတစ်ဦးရဲ့ အချစ်ဇာတ်လမ်းလေးပဲ ဖြစ်ပါတယ်။ အေလစ်ရှ် လေစီဆိုတဲ့ ကောင်မလေးဟာ အိုင်ယာလန်က အန်နစ်စ်စကော့သီဆိုတဲ့မြိုလေးမှာ အမေနဲ့ အစ်မဖြစ်သူနဲ့အတူ နေထိုင်လျက်ရှိပါတယ်... ဒါပေမဲ့ မြိုသေးသေးလေးမှာ အချိန်ပြည့်အလုပ်ရှာမရဘဲ ဘာမှမတိုးတက်ဖြစ်နေတဲ့ အေလစ်ရှ်အတွက် အစ်မဖြစ်သူ ရိုစ်က နယူးယောက်မြိုမှာနေထိုင်တဲ့ အသိဖြစ်သူ ဘုန်းတော်ကြီးဖလွတ်ဒ်ကို အကူအညီတောင်းပြီး ညီမဖြစ်သူကို နယူးယောက်မှာ အလုပ်တစ်နေရာရစေခဲ့ပါတယ်... အမေနဲ့ အစ်မကို အိမ်မှာထားခဲ့ပြီး ပင်လယ်တစ်ခုခြားဝေးနေတဲ့ မြိုသစ်မှာ ဘဝတစ်ခု စတင်တည်ဆောက်ရတော့မယ့် အေလစ်ရှ်တစ်ယောက် အိမ်ကိုလွမ်းနာကျတဲ့ရောဂါဖြစ်ပြီး အလှကုန်စတိုးဆိုင်မှာ အရောင်းဝန်ထမ်းလုပ်ရတဲ့ အလုပ်သစ်မှာလည်း အသားကျဖို ခက်ခဲနေပါတယ်... အဲဒီလိုကနေ အစ်မဖြစ်သူ ရိုစ်လို စာရင်းရေးပညာရပ်နဲ့ အသက်မွေးဝမ်းကြောင်းပြုချင်တဲ့ အေလစ်ရှ်ကို ဖာသာဖလွတ်ဒ်က ကူညီပြီး ဘရွတ်ကလင်းကောလိပ်မှာ စာရင်းရေးပညာရပ်နဲ့ပတ်သက်ပြီး ညကျောင်းထားပေးပါတော့တယ်... ဒီလိုနဲ့ စာသင်ရင်း အလုပ်လုပ်ရင်း စနေနေ့ညတိုင်း အိုင်းရစ်လူမျိုးတွေပြုလုပ်တဲ့ ကပွဲကနေ တိုနီဆိုတဲ့ အီတလီလူမျိုးကောင်လေးတစ်ယောက်နဲ့တွေ့ပြီး ရင်းနှီးချစ်ကျွမ်းဝင်သွားပါတော့တယ်... တဖြည်းဖြည်းနဲ့ ဘဝသစ်မှာအသားကျလာတဲ့ အေလစ်ရှ်... အစ်မဖြစ်သူရိုစ် ရုတ်တရက်ဆုံးပါးသွားတာကြောင့် ချစ်သူကိုထားခဲ့ပြီး အမေရှိရာ မွေးရပ်မြေ အိုင်ယာလန်ကို ပြန်လာရတဲ့အခါ သူ့ကို ဘယ်လိုပြောင်းလဲမှုတွေက စောင့်ကြိုနေမလဲ... မိသားစုရှိရာ အိုင်ယာလန်မှာပဲ ဆက်နေဖိုဖြစ်သွားမလား... ချစ်ရသူဆီပဲ ပြန်နိုင်မလားဆိုတာကို အေလစ်ရှ်ရဲ့ စိတ်အပြောင်းအလဲတွေ ပတ်ဝန်းကျင်အခြေအနေတွေနဲ့အတူ ရင်မောစွာ ကြည့်ရှုရမှာဖြစ်ပါတယ်... (Fun facts အနေနဲ့ ဟယ်ရီပေါ်တာရုပ်ရှင်တွေထဲက ဇာတ်ကောင်တွေဖြစ်တဲ့ Professor Horace Slughorn နဲ့ Molly Weasley နေရာမှာသရုပ်ဆောင်တဲ့ မင်းသား၊ မင်းသမီးကြီးတွေကိုလည်း မြင်တွေ့ရမှာဖြစ်ပါတယ်) File size…1.93GB / 867MB Quality… BluRay 1080p/ 720p Format…mp4 Duration….1h 57m Genre ….. Life, Romance, Drama Subtitle….Myanmar Subtitle (Hard Sub)

The Gambler (2014) ဖဲကစားကြမယ်!!! လူအတော်များများ 21 ဖဲကိုဆော့ဖူးကြမှာပါ ဒီဇာတ်လမ်းထဲမှာဆိုရင်လည်း အဓိကဇာတ်ဆောင်ဖြစ်တဲ့ ဂျင်ဘန်းနက်ဟာ 21 ကစားနည်းတစ်မျိုးကို အဓိကထားပြီး ဆော့တာကို တွေ့ရမှာပါ သူက တက္ကသိုလ်မှာ ရသစာပေသင်ကြားနေတဲ့ဆရာတစ်ဦးအနေနဲ့ဘဝတစ်ခုရှိနေပေမယ့် တစ်ဖက်မှာလည်း မစွန့်လွှတ်နိုင်တဲ့ဝါသနာကြောင့် လောင်းကစားရုံတွေကိုသွားပြီး အချီကြီးလောင်းကြေးထပ်တတ်တဲ့လောင်းကစားသမားအဖြစ် ဘဝတစ်ခုရှိနေပါတယ် မင်းသမီးအဖြစ်ပါဝင်ထားတဲ့ မမမာဗယ်ကတော့ ဆရာ့အတန်းမှာလာတက်တဲ့ ဉာဏ်ကောင်းတဲ့တက္ကသိုလ်ကျောင်းသူလေးပေါ့ ကဲ ဒီထဲမှာ ဂျင်ရဲ့ပြဿနာကဘာလဲဆိုတော့ လောင်းကြေးထပ်လိုက်ရင် ပုံမှန်ကြေးမဟုတ်ပဲ ရှိသမျှပုံအောလောင်းတတ်တဲ့ ‌All or nothingဆိုတဲ့ ဉာဉ်လေးပါပဲ ဒါကြောင့်လည်း ဟို့လူ့ဆီကချေး ဒီလူ့ဆီကချေးနဲ့ နောက်ဆုံးအကြွေး‌တွေတင်လာတဲ့အခါ.....သူဘာဆက်လုပ်မလဲ??? ချေးမိတဲ့သူတွေကလည်း ဂိုဏ်းစတားတွေဖြစ်နေတဲ့အတွက် သူနဲ့သူ့ဘေးကလူတွေရဲ့ အသက်အန္တရာယ်ကိုခြိမ်း‌ခြောက်လာတဲ့အခါ.....သူ ဘယ်လိုဖြေရှင်းမလဲ ??? ကျောင်းသူလေး မမမာဗယ်နဲ့ရော .... ??? ဒီဇာတ်လမ်းလေးထဲမှာတော့ လောင်းကစားသမားတွေရဲ့ဘဝတွေ၊ မင်းသားရဲ့ စွန့်စွန့်စားစားလောင်းကြေးထပ်တဲ့အခန်းတွေနဲ့ မျှော်လင့်မထားတဲ့လှည့်ကွက်တွေနဲ့ အကြွေးပြန်ဆပ်ဖို့ပိုက်ဆံပြန်ရှာတဲ့ ဂျင်ရဲ့ဉာဏ်ပြေးမှုတွေကို ရင်တထိတ်ထိတ်နဲ့မြင်တွေ့ရမှာပါပဲဖြစ်ပါတယ် အညွှန်း နဲ့ ဘာသာပြန်ကတော့ Thwal Yadi ပဲ ဖြစ်ပါတယ်။ Quality__1080p, 720p IMDb Rating__6.1/10 Format__mp4 Duration__01:55:00 Type__Crime , Drama , Sport , Thriller Subtitle__Myanmar Subtitle (Hardsub) Translated by Thwal Yadi Encoded by Naing Aung Latt

ဆိုင်ကယ်စတန့်မောင်းသမား လုခ်ဟာ ဘာကိုမှ သိပ်ဂရုမစိုက်ဘဲ လေလွင့်နေခဲ့သူပါ။ ကိုယ့်မှာ သားတစ်ယောက်ရှိနေမှန်း သိလိုက်ရတဲ့အခါ ကလေးကို စောင့်ရှောက်ချင်လာပြီး စတန့်မောင်းတဲ့အလုပ်ကနေ ထွက်လိုက်တယ်။ သားရှိတဲ့မြို့မှာပဲ နေဖို့ ဆုံးဖြတ်လိုက်ပေမယ့် ကလေးရဲ့အမေဖြစ်တဲ့ သူ့ချစ်သူကတော့ တခြားတစ်ယောက်နဲ့ အိမ်ထောင်ပြုပြီး ဘဝသစ်တစ်ခု တည်ဆောက်ထားနှင့်ပါပြီ။ အဲဒီမြို့မှာ လူတစ်ယောက်နဲ့ ဆုံမိရာက လုခ်လည်း သူနဲ့အတူ ဘဏ်ဓားပြတိုက်ဖြစ်သွားတယ်။ ရလာတဲ့ငွေနဲ့ သားအတွက် ပစ္စည်းတွေဝယ်ပို့ရင်း ကလေးအမေရဲ့ လက်ရှိခင်ပွန်းနဲ့ ရန်ဖြစ်ပြီး အဖမ်းခံလိုက်ရပါတယ်။ ဓားပြတိုက်ဖော်က ဒေါ်လာ ၂၅၀၀ အာမခံပေးပြီး ထုတ်ပေးခဲ့ပေမယ့် လုခ်က လွတ်လာတာနဲ့ တစ်ရက်တည်း ဘဏ်နှစ်ခုကို ဓားပြတိုက်ဖို့ ကြိုးစားပြန်တယ်။ ဒီတစ်ခါတော့ တွဲဖက်က ဆက်မလုပ်တော့ဘူးလို့ ငြင်းလိုက်တဲ့အတွက် သူတစ်ယောက်တည်း ထွက်သွားပါတယ်။ တစ်ယောက်တည်း ဓားပြတိုက်ရင်း ရဲနဲ့ ရင်ဆိုင်မိတဲ့နောက် လုခ်အတွက် ဘာတွေဖြစ်လာမလဲ၊ ရဲအရာရှိကရော ဘယ်လိုလုပ်မလဲဆိုတဲ့ အကြောင်းတွေ ဆက်လာပါတယ်။ ၂၀၁၂ ခုနှစ်ထွက် ရာဇဝတ်မှုနဲ့ ဒရာမာဇာတ်ကားဖြစ်ပြီး Ryan Gosling၊ Eva Mendes နဲ့ Bradley Cooper တို့ ပါဝင်ထားပါတယ်။ ဇာတ်ကားတစ်ကားအတွင်း ဇာတ်လမ်းသုံးခုကို ဆက်စပ်တင်ပြထားတဲ့ ပုံစံနဲ့ ရိုက်ကူးထားတာပါ။