Ewen Bremner ပါဝင်သော ဇာတ်ကားများ

The Dog Stars [2026] ++++++++++++ The Dog Stars (၂၀၂၆) ရုပ်ရှင်ကားဟာ နာမည်ကျော် ဒါရိုက်တာကြီး ရစ်ဒလေ စကော့တ် (Ridley Scott) ကိုယ်တိုင် ရိုက်ကူးထားပြီး ၂၀၂၆ ခုနှစ် သြဂုတ်လကုန်ပိုင်းက ရုံတင်ပြသခဲ့တဲ့ Post-apocalyptic (ကမ္ဘာပျက်ပြီးနောက်ပိုင်း) သိပ္ပံနဲ့ သည်းထိတ်ရင်ဖို စွန့်စားခန်း ဇာတ်ကားကြီး ဖြစ်ပါတယ်။ စာရေးဆရာ ပီတာ ဟဲလာ (Peter Heller) ရဲ့ ၂၀၁၂ ခုနှစ်ထုတ် ရောင်းအားအကောင်းဆုံး ဝတ္ထုကို အသက်သွင်းထားတာပါ။ သရုပ်ဆောင်တွေကတော့ လေယာဉ်မှူး ဟစ်ဂ် အဖြစ် Jacob Elordi စစ်မှုထမ်းဟောင်း ဘန်ဂလီ အဖြစ် Josh Brolin စီမာ အဖြစ် Margaret Qualley စီမာရဲ့ ဖခင် (Pops) အဖြစ် Guy Pearce ဒါလင်း အဖြစ် Allison Janney အာရွန် အဖြစ် Benedict Wong တို့က အဓိက ပါဝင်ထားကြပါတယ်။ ဇာတ်လမ်းအကျဉ်း +++++++++++++ ဇာတ်လမ်းကတော့ ကမ္ဘာကြီးမှာ ဆိုးရွားလှတဲ့ တုပ်ကွေးကပ်ရောဂါကြီး ကျရောက်ပြီးနောက် လူသားအများစု သေဆုံးသွားခဲ့တဲ့ အချိန်ကာလကို နောက်ခံထားပါတယ်။ ဟစ်ဂ် (Hig) ဆိုတဲ့ လေယာဉ်မှူး လူငယ်လေးနဲ့ ဘန်းဂလေ (Bangley) ဆိုတဲ့ စစ်မှုထမ်းဟောင်းတို့ နှစ်ယောက်ဟာ ကိုလိုရာဒို ပြည်နယ်က လူသူကင်းမဲ့တဲ့ နေရာတစ်ခုမှာ အတူတူ ပုန်းအောင်း နေထိုင်ကြပါတယ်။ ဘန်းဂလေ က အစောင့်အကြပ်နဲ့ လုံခြုံရေးကို တာဝန်ယူပြီး၊ ဟစ်ဂ် ကတော့ သူ့ရဲ့ ခွေးလေး ဂျက်စပါ (Jasper) နဲ့အတူ ဟောင်းနွမ်းနေတဲ့ Cessna လေယာဉ်လေးကို မောင်းပြီး ပတ်ဝန်းကျင်ကို ကင်းလှည့်လေ့လာပါတယ်။ ဒီလိုနဲ့ ခြောက်ကပ်ပြီး မျှော်လင့်ချက်မဲ့နေတဲ့ ဘဝမှာ တစ်နေ့တော့ ဟစ်ဂ် ရဲ့ လေယာဉ်ရေဒီယိုစက်ကနေ လျှို့ဝှက်ဆန်းကြယ်တဲ့ အသံလှိုင်းတစ်ခုကို ဖမ်းယူရရှိခဲ့ပါတယ်။ ဒီအသံက အခြားအသက်ရှင်ကျန်ရစ်သူတွေ ရှိနေသေးတယ်ဆိုတဲ့ မျှော်လင့်ချက်ကို ပေးလိုက်တာကြောင့် ဟစ်ဂ် တစ်ယောက် လုံခြုံတဲ့ သူတို့ရဲ့ နေရာလေးကို စွန့်ခွာပြီး အသံလာရာဆီကို စွန့်စားရှာဖွေဖို့ ဆုံးဖြတ်လိုက်ပါတော့တယ်။ ဒီခရီးစဉ်မှာ သူဟာ စီမာ (Cima) လို့ခေါ်တဲ့ အမျိုးသမီးလေး တစ်ယောက်နဲ့ သူမရဲ့ ဖခင်ဖြစ်သူ အပါအဝင် တခြား အသက်ရှင်ကျန်ရစ်သူတွေနဲ့ တွေ့ဆုံရသလို၊ ရက်စက်တဲ့ လူသားစားတဲ့ အုပ်စုတွေလိုမျိုး အန္တရာယ်တွေနဲ့လည်း ရင်ဆိုင်ရပါတော့တယ်။ ဒီဇာတ်ကားဟာ သာမန် ကမ္ဘာပျက် ဇာတ်ကားတွေလို အက်ရှင်သက်သက် မဟုတ်ဘဲ၊ အထီးကျန်ဆန်မှုတွေကြားထဲက လူသားတွေရဲ့ မေတ္တာတရား၊ ယုံကြည်မှုနဲ့ အသက်ရှင်သန်ချင်စိတ်တွေကို သေချာလေး ရိုက်ပြထားတဲ့ ဇာတ်ကားကောင်း တစ်ကားဖြစ်လို့ ညွှန်းပေးလိုက်ပါတယ်ဗျာ။ File Size… (2.08GB) / (1.08GB) Quality… WEB-DL 1080p HEVC / 720p Format…mkv / mp4 Duration…1h 58m Genre …Survival , Action , Sci-Fi , Thriller Subtitle….Myanmar Subtitle (Hard Sub)

Coldwater (2025) Season 01 (စ/ဆုံး) ဂျွန်ဟာ သူအရင်နေထိုင်ခဲ့တဲ့ လန်ဒန်မြို့မှာ ကြုံတွေ့ခဲ့ရတဲ့ မတော်တဆမှုတစ်ခုကြောင့် စိတ်ပိုင်းဆိုင်ရာ ပြဿနာရှိနေသူတစ်ဦးဖြစ်ပါတယ်။ ဒီလိုနဲ့ ဘဝကို အသစ်ကနေပြန်စချင်တဲ့ ရည်ရွယ်ချက်နဲ့ ကိုးဝါးတားဆိုတဲ့ ရွာလေးကို မိသားစုနဲ့အတူ ပြောင်းရွှေ့လာခဲ့ပါတယ်။ ကိုးဝါးတားကို ရောက်ချိန်မှာ အိမ်နီးချင်းတွေဖြစ်တဲ့ တွမ်မီနဲ့ရေဘက္ကာ လင်မယားနှစ်ယောက်နဲ့ စတင်သိကျွမ်းလာပါတယ်။ တွမ်မီက အိမ်ထောင်ဦးစီး ဖခင်ကောင်းတစ်ယောက်၊ ရွာရဲ့ ခေါင်းဆောင်ကောင်းတစ်ယောက်ဖြစ်သလို အမျိုးသားစာဖတ်အသင်းမှာလည်း အပြောကောင်းပြီး စည်းရုံးနိုင်သူဖြစ်ပါတယ်။ တွမ်မီဟာ အိမ်ထောင်ရေးသုခ မပြည့်စုံတဲ့ ဂျွန့်အပေါ် လွှမ်းမိုးတစ်ခုဖြစ်လာခဲ့ပါတယ်။ ‌မကြာခင်မှာပဲ စိတ်ပိုင်းဆိုင်ရာ ပြဿနာရှိနေတဲ့ ဂျွန်ဟာ မလုပ်သင့်တာကို လုပ်မိပြီး ဒါကို ဖုံးကွယ်ဖို့အတွက် တွမ်မီက ကူညီဖြေရှင်းပေးရာကနေ ဇာတ်အရှုပ်တွေ စတင် ဖြစ်ပေါ်လာပါတော့တယ်။ File size… (1 GB) / (430 MB) Quality…. WEB-DL 1080p HEVC / 720p Format…. mkv/mp4 Genre…. Drama, Mystery, Thriller Duration…. 50min Subtitle…. Myanmar Subtitle (Hardsub)

~ IMDb - 7.4/10, RT - 90%, Meta - 61% ~ ပင်လယ်ဓားပြကားကောင်းလေးတွေကို လွမ်းနေမိတာတော်တော်ကြာပြီပဲဆိုပါတော့။ ကိုရီးယားပင်လယ်ဓားပြကားကောင်းလေးထွက်ထားပေမဲ့ အနောက်တိုင်းပင်လယ်ဓားပြ vibe လေးကိုလည်း ကြည့်ချင်နေမိတာဗျ။ အဲလိုမျှော်နေတုန်း ထွက်လာတဲ့ ပင်လယ်ဓားပြစီးရီးလေးကတော့ Our Flag means Death ပဲဖြစ်ပါတယ်။ အနောက်တိုင်းပင်လယ်ဓားပြတွေရဲ့ ဝတ်ပုံစားပုံတိုက်ပုံခိုက်ပုံတွေကို ပြန်လည်ရှုစားရမယ့်ပင်လယ်ဓားပြစီးရီးလေးဆို‌ပေမဲ့ ကပ္ပတိန်စပဲရိုးတို့နဲ့မတူတာက ဒီစီးရီးက ဟာသဘိုင်အိုဂရပ်ဖီစီးရီးလေးဗျ။ အဓိကကတော့ဗျာ ကာရေဘီယံပင်လယ်ပြင်ကြီးက ပင်လယ်ဓားပြတွေရဲ့ ဘဝကိုပြန်လည်‌မြင်တွေ့ရမှာရယ်၊ အနောက်တိုင်းပင်လယ်ပြင်တိုက်ပွဲတွေကိုပြန်ခံစားရမှာရယ်၊ ဘဝအမောတွေပြေအောင် ရယ်ရမောရမှာတွေရယ်ကြောင့် တော်တော်ကြည့်ရှုသင့်တဲ့စီးရီးလေးပါ။ ဇာတ်လမ်းလေးရဲ့အကျဉ်းလေးကိုပြောရမယ်ဆိုရင် ကြောက်တတ်၊ လန့်တတ်၊ အစိုးရိမ်လွန်တတ်တဲ့ ကပ္ပတိန်ကြီးစတိဘောနက်နဲ့ ကြမ်းချင် ရမ်းချင် မိုက်ချင် ကန်းချင် တပည့်ကျော်လူမိုက်ကြီးတွေနဲ့ ပင်လယ်ဓားပြလောကကို စတင်ဝင်ရောက်လာတဲ့ကားလေးပေါ့ဗျာ။ ဒီတော့ တစ်လွဲ‌တွေချည်းလုပ်နေတဲ့ကပ္ပတိန်ကြီးနဲ့ သူ့အောက်တပည့်ကျော်ကြီးတွေ ဘယ်လိုတစ်လွဲဟာသတွေ လုပ်နေရင်း ပင်လယ်ပြင်မှာ ရေပြင်စစ်ပွဲဆင်နွှဲကြမယ်၊ ဘယ်လိုထူးဆန်းထွေလာတွေကြုံကြမယ်၊ ဘယ်လိုမျိုးတွေ ဆရာတပည့်‌တွေ တိုင်လည်နေကြမယ်ဆိုတာ ရင်ထိတ်စရာရှိတဲ့အခါ ထိတ်ရလိုက်၊ အူနာအောင်ရယ်တဲ့အခါရယ်ရလိုက်နဲ့ကြည့်ရမယ့် မနေ့ညမှစတင်ထွက်ရှိလာခဲ့တဲ့ ရှယ်ကောင်းတဲ့ ပင်လယ်ဓားပြစီးရီးလေးပါပဲ။ ပင်လယ်ဓားပြဇာတ်လမ်းတိုင်းရဲ့ နာမည်ကျော် အပြင်မှာလည်း တကယ်ရှိခဲ့ဖူးတဲ့ ပင်လယ်ဓားပြတိုင်းရဲ့ အိပ်မက်ဆိုးဖြစ်တဲ့ မုတ်ဆိတ်နက်ကြီးလည်း ဒီစီးရီးထဲပါပါတယ်။ သူ့နေရာမှာတော့ ရုပ်ရှင်ပရိသတ်တိုင်းနဲ့မစိမ်းမယ့် ဇာတ်ကားတွေဖြစ်တဲ့ What We Do in the Shadows, Thor: Ragnarok, Jojo Rabbit တို့ရဲ့ ပဲ့ကိုင်ရှင် Taika Waititi ကိုယ်တိုင် သရုပ်ဆောင်ထားပါတယ်။ (ဒီစီးရီးရဲ့ အညွှန်းကိုရေးသားပေးသူကတော့ San Thu Aung ပဲဖြစ်ပါတယ်။) Size - 650MB Quality – , 1080p Duration ~ 30 mins (@Episode) Subtitle – Myanmar Hardsub Format – Mp4 Genre : Action, Adventure, Biography Translator – San Thu Aung, Mugiwara Ya, 666 Encoder – Y Our Flag Means Death (2023) Season 02 Complete ~ IMDb - 7.8/10, Rotten Tomatoes - 93% ~ လူကြီးလူကောင်း ပင်လယ်ဓားပြကြီး ပြန်လာပါပြီ။ ဘဲနဲ့ ကွဲပြီး ဘိုင်ကျနေတဲ့ စတိဒ်ဘွန်းနက်တစ်ယောက် ပင်လယ်ဓားပြနိုင်ငံက စပိန်သူ ဂျက်ကီရဲ့ ဆိုင်မှာ စားပွဲထိုးဝင်လုပ်ရင်း ချစ်သူကို ရှာဖို့ သင်္ဘောဝယ်မယ့် အိပ်မက်ကို တည်ဆောက်နေပါတယ်။ သူချစ်ရသူ နာမည်ကျော် ပင်လယ်ဓားပြကြီး မုတ်ဆိတ်နက်ခေါ် အက်ဒ်ဝက် တိခ်ျကလည်း ဘဲနဲ့ ကွဲတော့ စိတ်ထိခိုက်ပြီး တွေ့သမျှသင်္ဘော ဓားပြလိုက်တိုက်နေပါတယ်။ ဓားပြတိုက်တာများလွန်းလို့ တိုက်လို့ရတဲ့ ပစ္စည်းတွေကိုတောင် ပစ်ချပြီး ထပ်တိုက်ဖို့ ကြံပါသေးတယ်။ အမြဲတမ်းအလုပ်ပဲလုပ်နေရတော့ အဖွဲ့သားတွေလည်း ပင်ပန်းပြီး ကပ္ပတိန်ကို ငြိုငြင်လာကြပါတယ်။ ဒါပေမဲ့လည်း ဘာမှမပြောရဲပါဘူး။ ဆရာ့ဆရာကြီးမုတ်ဆိတ်နက်ကိုးဗျ။ သူတို့အချစ်ဇာတ်လမ်းလေး ဘယ်လိုရှေ့ဆက်ကြမလဲဆိုတာကို တွေ့ကြရမှာပါ။ နောက်ထပ် ဇာတ်ကောင်အသစ်ပါလာတာကတော့ တရုတ်ပင်လယ်ဓားပြ ဧကရီ ကျန်းရိဆောင်ပါပဲ။ တရုတ်ပင်လယ်ပြင်ကို သိမ်းပြီး ကာရေဘီယံကို ခြေဆန့်လာတဲ့ ဘုရင်မကြီးနဲ့ သူတို့တွေ ဘယ်လိုရင်ဆိုင်မိကြမလဲဆိုတာကိုလည်းတွေ့ရမှာပါ။ (ဒီစီဆင်အတွက် အညွှန်းရေးသား ဘာသာပြန်ပေးသူကတော့ 666 ပဲဖြစ်ပါတယ်) Size ~ 500MB+ Total - 8 Episodes Quality – 1080p Duration ~ 30min (@Episode) Subtitle – Myanmar Hardsub Format – Mp4 Genre : Action, Adventure, Biography Source : HMAX.Web-dl.1080p Translator – 666 Encoder – Y

ဒီကားလေးကလည်း ၂၀၁၇ခုနှစ်ကထွက်ထားတဲ့ ပေါ့ပေါ့ပါးပါး Action ကားလေးတစ်ကားဖြစ်ပါတယ်။ ဒါရိုက်တာ Steven Quale ရိုက်ကူးထားတာဖြစ်ပြီး နေတိုးတပ်ဖွဲ့စစ်ခြေစိုက်စခန်းထားရှိရာ ဘော်စနီးယားနိုင်ငံ ၁၉၅၅ခုနှစ်တွင် ဇာတ်အိမ်တည်ရိုက်ကူးထားတာပဲဖြစ်ပါတယ်။ သြစတျေးလျသရုပ်ဆောင် Sullivan Stapleton ၊ ဗြိတိန်သရုပ်ဆောင်/ရုပ်ရှင်ထုတ်လုပ်သူ Charlie Bewley တို့ပါဝင်သရုပ်ဆောင်ထားတာဖြစ်ပြီး အမေရိကန် Navy Seal တပ်ဖွဲ့ဝင်၅ဦးရဲ့ စွန့်စားခန်းတွေကို ပေါ့ပေါ့ပါးပါးဟာသလေးတွေနှောပြီးရိုက်ကူးထားတာပါ။ ဇာတ်လမ်းအကျဉ်းလေးကတော့ ၁၉၅၅ခုနှစ် ဘော်စနီးယားနယ်တဝိုက်တွင် ပြန်လည်ထူထောင်ရေး၊ နယ်မြေလုံခြုံရေးတို့အတွက် နေတိုးတပ်ဖွဲ့မှ ဝင်ရောက် အခြေစိုက်ဖြေရှင်းပေးနေချိန်မှာ အဆိုပါတပ်ဖွဲ့ဝင်၅ဦးဟာ စစ်ဆင်ရေးတစ်ခုတွင်ပွဲကြီးပွဲကောင်းနွဲခဲ့ပြီးနောက် ၃ရက်လောက် အနားပေးခံရပါတယ်။ အဲဒီအတောအတွင်း စတေတန်ရဲ့ဒေသခံကောင်မလေးကနေတဆင့် နှစ်ပေါင်း၅၀ခန့် တိမ်မြုပ်နေခဲ့တဲ့ ပြင်သစ်ကနေ နာဇီဂျာမနီတပ်ဖွဲ့တွေခိုးသွားတဲ့ ရွှေချောင်းတွေအကြောင်းကိုသိလိုက်ရပါတော့တယ်။ ဒါနဲ့ပဲ သူတို့ငါးယောက်နဲ့အတူ စတေတန်ရဲ့ကောင်မလေးတို့ပူးပေါင်းပြီး အဲဒီရွှေတွေကို ရန်သူ့နယ်မြေထဲမှာ ရှာပုံတော်ဖွင့်ကြတော့တာပါပဲ။ US Navy Seal တပ်ဖွဲ့ဝင်တွေကံကောင်းပြီး အဲဒီရွှေတွေကိုရသွားနိုင်မလား။ မှန်းချက်နဲ့ နှမ်းထွက်ကိုက်ပါ့မလားဆိုတာတော့ ဆက်လက်ရှုစားလိုက်ပါဦး။ Action ကြိုက်တဲ့သူတွေအတွက်တော့ ပေါ့ပေါ့ပါးပါး အပန်းပြေကြည့်ရှုနိုင်မည့်ဇာတ်ကားလေးလည်းဖြစ်ပါတယ်။ File Size : (900 MB) Quality : WEB-DL 720p Running Time : 1hr 46min Format : Mp4 Genre :Action, Adventure, Crime Subtitle : Myanmar Subtitle (Hard Sub) Source : 1080p.WEB-DL.DD5.1.H264-FGT Translated by Thura Zarni Aung Encoded by Thanhtike Zaw

IMDb - 7.2/10 Rotten - 81% IMDb rating 7.2 ရထားပြီး Drama / Comedy အမျိုးအစား ဇာတ်ကားလေးကိုတင်ဆက်ပေး ခြင်ပါတယ် အရင် ထွက်ထားတဲ့ နံပါတ်၁ ကိုလည်း တင်ဆက်ပေးပြီးသားဖြစ်တာကြောင့် Trainspotting (1996)  မှာ ကြည့်နိုင်ပါတယ် ဇာတ်လမ်းလေးက လူငယ်တွေလမ်းမှား မလိုက်မိစေဖို့ နဲ့ အခုခေတ်မှာ တစ်ခေတ်ထနေတဲ့ မူးယစ်ဆေးရဲ့ အန္တရာယ်တွေကို မီးမောင်းထိုးရိုက်ကူးပြ ထားတာဖြစ်ပါတယ် ဇာတ်လမ်း အနှစ်လေးကတော့ နိုင်ငံခြားထွက်သွားခဲ့တဲ့ မာ့ခ် တစ်ယောက် အနှစ်၂၀ကြာပြီးတော့ စကော့တလန် ကိုပြန်လာပါတော့တယ် သူ့အရင် ငယ်ပေါင်းသူငယ်ချင်းတွေနဲ့ ဆုံစည်းပီး ဘာတွေ ချီးထုပ်ကျကြမလဲဆိုတာကိုတော့ ပရိတ်သတ်ကြီးကပဲ ဆက်လက် ကျိလတ်တော့နော်

DCEU လို့ သိကြတဲ့ DC Extended Universe ဟာ Aquaman and the Lost Kingdom ရုပ်ရှင်အပြီး ၂၀၂၃ ခုနှစ်မှာတော့ ပိတ်သိမ်းသွားခဲ့ပြီပဲဖြစ်ပါတယ်။ ဒါရိုက်တာ Zack Snyder နဲ့အစပြုခဲ့တဲ့ DCEU ဟာ ရုပ်ရှင်ထုတ်လုပ်ရေးကုမ္ပဏီ Warner Bros. နဲ့ အနုပညာရှင် ဒါရိုက်တာတွေကြားက အဆင်မပြေမှုတွေအပြင် အခြားကိစ္စရပ်များကြောင့်ပါ ဝိဝါဒကွဲပြဲတဲ့ အစီအစဉ်တွေနဲ့ မတည်ငြိမ်တဲ့ Universe တစ်ခုဖြစ်ခဲ့ရပါတယ်။ ဒါပေမယ့် DCEU ဟာ Superman, Batman, Wonder Woman,Aquaman,Flash တို့လို ပရိတ်သတ်သဘောကျတဲ့ဇာတ်ကောင်တွေကိုလဲ တင်ဆက်နိုင်ခဲ့တာမလို့ DC ဖန်တွေအတွက် ကျေနပ်စရာကိစ္စရပ်တွေလဲ ရှိခဲ့ပြီး ထိုက်သင့်တဲ့အောင်မြင်မှုတွေလဲ ရရှိခဲ့ပါတယ်။ ဒါကြောင့်မလို့ ပြီးဆုံးခဲ့ပြီဖြစ်တဲ့ DCEU ရုပ်ရှင်အားလုံးကို BluRay 4K Quality နဲ့သိမ်းထားလို့ရအောင်တင်ဆက်လိုက်ပါတယ်.....DCEU ရုပ်ရှင်အားလုံးကို ဒီမှာ https://channelmyanmar.org/category/special-package/dceu/  ကြည့်လို့ရပါတယ်။ CM App မှာတော့ 4K Quality နဲ့ ကြည့်လို့ရပါတယ်။ DCEU အနေနဲ့ ရုပ်ရှင် (၁၆) ကား ထွက်ရှိခဲ့ပါတယ်။ - Man of Steel (2013) - Batman vs Superman: Dawn of Justice (2016) - Suicide Squad (2016) - Wonder Woman (2017) - Justice League (2017) (Theatrical Cut) - Aquaman (2018) - Shazam! (2019) - Birds of Prey (and the Fantabulous Emancipation of One Harley Quinn) (2020) - Wonder Woman 1984 (2020) - Zack Snyder's Justice League (2021) - The Suicide Squad (2021) - Black Adam (2022) - Shazam!: Fury of the Gods (2023) - The Flash (2023) - Blue Beetle (2023) - Aquaman and the Lost Kingdom (2023) +++++++++++++++++++++++++++++ Wonder Woman (2017) IMDb Rating (7.3) / Rotten Tomatoes (93%) DCEU ရဲ့ လေးကားမြောက် ရုပ်ရှင် ဖြစ်တဲ့ Wonder Woman ရုပ်ရှင်ပါ။ Box Office မှာ နံပါတ်တစ်ချိတ်ခဲ့ပြီး ဝေဖန်ရေးဆရာတွေရဲ့ ချီးကျူးမှုတွေနဲ့ ပရိသတ်တွေ အားပေးမှုအပြည့်ရထားပါတယ်။ သူ့ကိုတော့ Batman vs Superman မှာ မြင်ဖူးခဲ့ပြီးသားဖြစ်မှာပါ။ ဒီရုပ်ရှင်ထဲမှာတော့ ဒိုင်ယာနာ ရဲ့ ငယ်ဘဝနဲ့ လူ့လောကထဲကို ပထမဆုံးခြေချချိန် စွန့်စားခန်းတွေကို တွေ့ရပါလိမ့်မယ်။ ဇာတ်လမ်းအကျဉ်းမှာတော့ ဒိုင်ယာနာဟာ လူတွေသာမာန်မျက်စိနဲ့ မမြင်နိုင်တဲ့ ကျွန်းတစ်ကျွန်းမှာ နတ်ဘုရားတွေဖန်ဆင်းထားတဲ့ အမေဇုံလို့ခေါ်တဲ့ စစ်သည်တော်တွေလက်ထဲမှာ မွေးဖွားကြီးပြင်းလာသူပါ။ ဒိုင်ယာနာဟာ ဘုရင်မ ဟစ်ပိုလီတာရဲ့ သမီးတော်လည်း ဖြစ်ပါတယ်။ အဲဒီကျွန်းမှာ ယောကျာ်းတစ်ယောက်မှ မရှိပါဘူး။ တစ်နေ့မှာတော့ပထမကမ္ဘာစစ်ထဲက လေယာဉ်မှုးတစ်ယောက် လေယာဉ်ပျက်ကျပြီး ပင်လယ်ထဲ ပြုတ်ကျလာတာကို ကယ်တင်မိပြီး ကမ္ဘာစစ်ကြီးအကြောင်းကို ပထမဆုံးကြားသိသွားပါတော့တယ်။ အမေဇုံတွေဟာ ကမ္ဘာကြီးကို စစ်နတ်ဘုရားလက်က ကယ်တင်ဖို့လို့ ယုံကြည်ထားတဲ့ ဒိုင်ယာနာဟာ လေယာဉ်မှုး ဗိုလ်ကြီး စတိ ထရီဗာနဲ့အတူ လူတွေရဲ့ လောကကြီးထဲကို ခြေချပြီး စစ်ပွဲကြီးတစ်ခုလုံးကို သူယုံကြည်သလို ရပ်တန့်ဖို့ကြိုးစားပါတော့တယ်။ File size…(12 GB)/(2.9 GB) / (1.5 GB) Quality….BluRay 4K HEVC/1080p HEVC / 720p Format…mkv/mp4 Duration….02:21:16 Subtitle….Myanmar Subtitle (Hardsub) Encoder….Ka Naung Translated by Littleneo

Exodus: Gods and Kings (2014) IMDb Rating (6.0) Director ကြီး Ridley Scott ရိုက်ကူးထားပြီး မင်းသား Christian Bale ခေါင်းဆောင် ပါဝင်ထားတဲ့ အီဂျစ်ခေတ် ရာဇဝင်ရုပ်ရှင်ကားကြီးပါ။ ဒီကားလေးက ကျွန်တော်တို့ငယ်ငယ်တုန်းက animation ဇာတ်ကားတစ်ကားထွက်ခဲ့ဖူးပါသေးတယ် တော်တော်များများလဲ ကြိုက်ကြတဲ့ကားလေးတစ်ကားပါ အီဂျစ် အကြောင်းစိတ်ဝင်စားတဲ့လူတွေဆိုပိုသိမှာပါ Myth တွေ ကြိုက်တဲ့လူတွေအတွက် ကြည့်လို့ကောင်းရုပ်ရှင်တကားပါပဲ။ ဇာတ်လမ်းအကျဉ်းချုံးကိုပြောရမယ်ဆိုရင်တော့ ဟောစာတမ်းတစ်ခုကနေစရမှာပါ အဲ့တုန်းက ဟီဘရူး(ဂျူး)လူမျိူးတွေကို အီဂျစ်ဘုရင်က ကျွန်အဖြစ်သိမ်းသွင်းထားတဲ့အချိန်ဖြစ်ပါတယ် ဟောစာတမ်းအရ နန်းလုခံရမှာစိုးလို့ အီဂျစ်ဘုရင်က ဟီဘရူးကလေးငယ်တွေအကုန်လုံးကို သတ်ခိုင်းခဲ့ပါတယ် ဒါပေမယ့် ကလေးငယ်တစ်ယောက်တော့လွတ်မြောက်သွားခဲ့ပြီး ဟီဘရူးလူမျိုးတွေကို ကျွန်အဖြစ်ကနေ လွတ်မြောက်အောင် စွမ်းဆောင်နိုင်မလားဆိုတာ...။ File size…(7.9 GB)/(2.9 GB )/(2.1 GB) Quality….BluRay 4K HEVC/ 1080p HEVC/ 720p Format…mkv/mp4 Duration….02:30:00 Subtitle….Myanmar Subtitle (Hardsub) Encoder….Ka Naung Translated by Kaung Myat Thu

Jack the Giant Slayer (2013) IMDb Rating (6.3) ပဲစေ့လေးကနေ ဧရာမနွယ်သစ်ပင်ကြီးပေါက်လာပြီး လူ့ဘီလူးတွေကမ္ဘာထိရောက်သွားတဲ့ ပုံပြင်လေးကို အားလုံးပဲသိကြမယ်ထင်ပါတယ်။ Warm Bodies ဇွန်ဘီးကားထဲက မင်းသား Nicholas Hoult ဦးဆောင်ပါဝင်ထားပြီး Xmen ရုပ်ရှင်တွေရဲ့ ဒါရိုက်တာ Bryan Singer ရိုက်ကူးထားတာမလို့ Fairy Tale ပုံပြင်ရုပ်ရှင်ဆိုပေမယ့် အက်ရှင်စွန့်စားခန်းတွေနဲ့ Animation တွေနဲ့မိုက်ပါတယ်။ လူ့ဘီလူးကြီးတွေနဲ့ချတဲ့အခန်းတွေ ပဲစေ့လေးကနေ အပင်ကြီးပေါက်လာပြီး စွန့်စားခန်းဖွင့်တာတွေ အကုန်လုံးရင်သပ်ရှုမောစရာကောင်းပါတယ်။ ဇာတ်လမ်းလေးကလဲ ပုံပြင်လေးလိုဆိုတော့ Fantasy ဆန်ဆန်လေး လှပပါတယ်။ File size…(6.7 GB)/ (2.2 GB )/(1.5 GB) Quality…BluRay 4K HEVC/1080p HEVC / 720p Format…mkv/mp4 Duration….01:55:00 Subtitle….Myanmar Subtitle (Hardsub) Encoder….Ka Naung

ဒီတစ်ခါ Parasite ဇာတ်ကားနဲ့ ဆုပေါင်းများစွာကိုသိမ်းပိုက်ခဲ့တဲ့ ဒါရိုက်တာ Bong Joon Ho ရဲ့ Snowpiercer (နှင်းခွဲရထား) ဆိုတဲ့ ဇာတ်ကားလေးနဲ့မိတ်ဆက်ပေးချင်ပါတယ်။ ၂၀၁၄ ခုနှစ်မှာ  CW7 ဆိုတဲ့ဓာတုပစ္စည်းတစ်မျိုးကိုအသုံးပြုပြီး ကမ္ဘာကြီးပူနွေးမှုကိုကာကွယ်ဖို့ကြိုးစားခဲ့ကြပါတယ်။ ဒါပေမယ့် အကျိုးဆက်အနေနဲ့ ကမ္ဘာဟာမပူနွေးတော့ရုံမက အေးခဲလွန်းတဲ့ရေခဲခေတ်ကိုရောက်ရှိသွားပါတော့တယ်။ ဒီလိုတွေဖြစ်လာမယ်ဆိုတာကြိုမြင်နေတဲ့ ဝဲလ်ဖို့ဒ်ဆိုတဲ့လူကြီးက ကမ္ဘာကြီးကို တစ်နှစ်တစ်ခါလည်ပတ်နေတဲ့ နှင်းခွဲရထားကြီးကိုတီထွင်ခဲ့ပါတယ်။ နှင်းတွေကနေစွမ်းအင်ကိုယူပြီး အလုံပိတ်​ဂေဟစနစ်နဲ့ မရပ်မနားခုတ်မောင်းနေတဲ့ဧရာမရထားကြီးရဲ့ခေါင်းတွဲပိုင်းတွေဟာ လူချမ်းသာတွေအတွက် ဇိမ်ခံအဆင့်အတန်းမြင့်အခန်းတွေ၊ ဝန်ဆောင်မှုတွေနဲ့ ပြည့်နေပေမယ့် အသက်မသေဖို့အရေး ရထားပေါ်မရမကဖက်တွယ်လိုက်ပါလာတဲ့ လူဆင်းရဲတွေအတွက်ကတော့ ညစ်ပတ်ပေရေနေပြီး ကျောတစ်ချစာသာနေရာရှိတဲ့ ရထားနောက်တွဲအမှောင်ခန်းတွေထဲ လက်နက်ကိုင်စစ်သားတွေရဲ့စောင့်ကြည့်မှုအောက်မှာ နေကြရပါတယ်။ ဒီလိုနဲ့ ၁၇နှစ်အကြာမှာ တိရစ္ဆာန်သာသာနေနေရတဲ့ လူ့အခွင့်အရေးဆိုတာကိုတစ်စက်မှမရကြရှာတဲ့ ရထားနောက်တွဲကလူတွေရဲ့ တော်လှန်​တဲ့ပုံရိပ်တွေကိုကြည့်ကြရမှာပါ။ ဒီဇာတ်ကားမှာတော့ ကိုရီးယားဇာတ်ဆောင်နှစ်ဦးနဲ့ အင်္ဂလိပ်သရုပ်ဆောင်တွေ အဓိကသုံးထားပြီး အင်္ဂလိပ်ဘာသာနဲ့ပဲ အဓိကရိုက်ကူးထားတာဖြစ်ပါတယ်။ ဒါရိုက်တာကြီး Bong Joon Ho ရဲ့လက်ရာဆိုတော့ အထူးတလည်ညွှန်းစရာလိုတော့မယ် မထင်ပါဘူး။ လုံးဝရိုးအီမသွားဘဲအတော်ကိုကြည့်လို့ကောင်းတဲ့ဇာတ်ကားပါ။ ကြည့်ရှူခံစားလိုက်ကြပါဦး။ File size…(1.7 GB) and (1.3 Gb) Quality….BluRay 1080p and 720p Format…mp4 Duration….01:45:00 Subtitle….Myanmar Subtitle (Hardsub) Encoder….Mr. Anderson Translator... MTA

The Lost Room (2006 Only On Bioscope) IMDB : 8.1 Rotten Tomatoes : 77% Genre : Sci-Fi The Lost Room က ၂၀၀၆ ခုနှစ်ထွက် အပိုင်း ၃ ပိုင်းသာပါတဲ့ Miniseries တစ်ခုဖြစ်ပါတယ်။ တစ်ပိုင်းကို ၁ နာရီခွဲခန့်ကြာပြီးတော့ တော်တော်လေးကိုကြည့်လို့ကောင်းတဲ့ သိပ္ပံစိတ်ကူးယဉ် ဇာတ်လမ်းကောင်းလေးတစ်ခုဆိုလည်းမမှားပါဘူး။ ဇာတ်ညွှန်း ဂျိုးမေလာ ဟာ စုံထောက်တစ်ယောက်ဖြစ်ပြီး တစ်နေ့မှာတော့ ထူးဆန်းတဲ့ သော့တစ်ချောင်းက လက်ထဲရောက်လာပါတယ်။ အဆိုပါသော့ဟာ သာမန်သော့မဟုတ်ဘဲ သော့ပေါက်ပါတဲ့ ဘယ်တံခါးကိုမဆို ဖွင့်လိုက်တာနဲ့ အခန်းတစ်ခုထဲကို ရောက်သွားစေနိုင်တဲ့ မှော်ဆန်တဲ သော့ဖြစ်ပါတယ်။ အဲဒီအခန်းထဲကနေမှတစ်ဆင့် ကမ္ဘာပေါ်က ဘယ်နေရာကိုမဆို မျက်စိတစ်မှိတ်အတွင်း သွားနိုင်တဲ့သော့လည်းဖြစ်ပါတယ်။ ဒါပေမဲ့ ဂျိုးမသိလိုက်တာက သော့ရဲ့နောက်ကွယ်မှာ သော့ကိုလိုက်ရှာနေတဲ့လူတွေရှိနေတယ်ဆိုတာပါပဲ။ နောက်ထပ်မသိလိုက်တဲ့တချက်က အဆိုပါသော့လိုမျိုးပစ္စည်းတွေ အများကြီးရှိပြီးတော့ တစ်ခုခြင်းဆီမှာ အစွမ်းတစ်ခုစီရှိနေပါတယ်။ “ပစ္စည်း”တိုင်းက အချင်းချင်းဆွဲငင်ကြပြီးတော့ လိုက်ရှာနေတဲ့ အဖွဲ့တွေကလည်း အန္တရာယ်တော်တော်လေးကိုကြီးလှပါတယ်။ အရှုပ်တော်ပုံအလယ်ထဲကို မထင်မှတ်ပဲရောက်သွားတဲ့ ဂျိုးမေလာရဲ့ သမီးလေးဟာ အခန်းထဲကိုရောက်သွားပြီး အခန်းက Reset ကျသွားတာကြောင့် အခန်းထဲကနေပျောက်သွားခဲ့ပါတယ်။ အခက်ခဲဆုံးအပိုင်းကတော့ ဘယ်ရောက်လို့ရောက်သွားမှန်းမသိ ဘယ်မှာသွားရှာရမှန်းမသိဖြစ်သွားတာပါပဲ။ အပ်ပျောက်ရှာပုံတော်ဖွင့်ရတော့မယ့် ဂျိုးတစ်ယောက် ပစ္စည်းတွေက ဒုက္ခပေးတာ၊ ပစ္စည်းတွေကို ပိုင်တဲ့လူတွေက ပြဿနာရှာတာ၊ ပစ္စည်းတွေကို လိုက်စုဆောင်းသူတွေက အသက်ရန်ရှာရတာတွေကြုံလာရပါတော့တယ်။ ဒီလိုနဲ့ ဂျိုးတစ်ယောက် ဘယ်လိုရင်ဆိုင်ဖြေရှင်းသွားမလဲဆိုတာ စိတ်လှုပ်ရှားဖွယ်ရာကြည့်ရမယ့် ဇာတ်လမ်းတွဲတစ်ခုမလို့ လက်မလွှတ်သင့်ပါကြောင်း… ဂျိုးမေလာအဖြစ် 9-1-1 ထဲမှ အချစ်တော် ဘော်ဘီအဖြစ်သရုပ်ဆောင်ထားတဲ့ မင်းသား Peter Krause ကလေးသရုပ်ဆောင် သမီးလေး အန်နာအဖြစ် အချစ်တော် ချစ်မွှေးမင်းသမီး Elle Fanning တို့က ပါဝင်သရုပ်ဆောင်ထားပါတယ်။ File size…    2.5 GB/ 1 GB Quality… WEB-DL 1080p / 720p Format… mp4 Duration…. 1h 32m Genre .....Sci-Fi Subtitle…. Myanmar Subtitle (Hard Sub)

IMDb Rating - 7.6/10 Directed by Woody Allen ဝူဒီအယ်လန်ကားဆို စောင်တလွဲလူ့ဘောင်ကြီးကို တစ်နည်းမဟုတ် တစ်နည်းနဲ့သရော်တတ်တဲ့ ရုပ်ရှင်တွေလို့ ‌ပြေးမြင်မိကြမှာပဲ။ သူ့ကားတွေဟာ ရိုမန့် ဒရာမာ ဟာသ စာရင်းဝင်ကားတွေများတယ်။ Match Point ကတော့ ကွဲလွဲတယ်ပြောရမှာမယ်။တခြားအယ်လန်ကားတွေက နာမည်ကြီးအနုပညာသမားတစ်ချို့ကို သိမှ သူသရော်တာကို နားလည်မှာတို့ ဘာတို့ ပါတတ်ပေမဲ့ ဒီရုပ်ရှင်ကတော့ ဒါမျိုးကင်းတယ်။ မသိရင် စုံထောက်ကားလိုလိုပါပဲ။ Genresအရ Romance/Dramaပေမဲ့ ကြည့်ပြီးတဲ့သူတွေက Psychological Thriller ကားလို့ ဆိုကြတယ်။သို့ပေမဲ့ သရော်တာလည်း မကင်းပါဘူး၊ ဟာသတစ်စက်မှ မနှောဘဲ သရော်သွားတာကလွဲလို့ပေါ့။ ဒီရုပ်ရှင်မှာတော့ သူ့ THEMEကတော့ ကံပါပဲ။ ကံကိုTHEME အဖြစ်သုံးပြီး စောင်တလွဲလောကကြီးရဲ့မတရားလှတဲ့ ကံကိုသရော်သွားခဲ့တယ်။ ဇာတ်လမ်းအစမှာ သူက ဒီလိုပြောထားတယ် " ကျုပ်မတော်ချင်ဘူး ကံပဲကောင်းချင်တယ်လို့ ပြောတဲ့သူက ဘဝကို ကောင်းကောင်းနားလည်တဲ့သူပဲ။ ဘဝရဲ့တစ်စိတ်တစ်ပိုင်းက ကံပေါ်အများကြီး မူတည်နေတယ်ဆိုတာကို လူတွေက လက်မခံဝံ့ကြဘူး။ တကယ်တမ်း ဘဝမှာ ကိုယ်မထိန်းချုပ်နိုင်တဲ့အရာတွေ များတယ်ဆိုတဲ့ အသိက ထိတ်လန့်စရာကောင်းတယ်။ တန်းနစ်ပွဲတစ်ပွဲမှာ ဘောလုံးက ကွင်းလယ်က ပိုက်ကွန်ရဲ့ အပေါ်တည့်တည့်ကိုရောက်သွားတဲ့ အခိုက်အတန့်တွေရှိတယ်။ စက္ကန့်ပိုင်းအတွင်းမှာပဲ အဲ့ဒီဘောလုံးက အရှေ့ကိုကျတာဖြစ်ဖြစ် အနောက်ကိုကျတာ ဖြစ်ဖြစ် ဖြစ်သွားနိုင်တယ်။ ကံလေးနည်းနည်းကောင်းရင်တော့ အရှေ့ကို ကျသွားမယ်။ အဲ့ဒီကျ ခင်ဗျားနိုင်ပြီ။ ကံဆိုးပြီး အနောက်ကိုပြန်ကျလာရင်တော့ ခင်ဗျား ရှုံးပြီ "တဲ့ Match Pointရဲ့ အဓိကဇာတ်ကောင်ကတော့ ပြောခဲ့တဲ့အတိုင်း ကံကောင်းဖို့က အဓိကလို့ ယုံထားတဲ့ ခရစ်ဆိုတဲ့ တန်းနစ်ကစားသမား။ နောက်ကျ နည်းပြလုပ်ရာက ဗြိတန်အထက်တန်းလွှာက လူတစ်ယောက်ကို သင်ပေးရင်း ကံကောင်းပြီး အဲ့ဒီအထက်တန်းလွှာ အသိုင်းအဝိုင်းကို ဝင်ခွင့်ရသွားပြီး သူ့ဘဝကိုတက်လမ်းကို ရှာခဲ့တဲ့သူပေါ့။ ဒုတိယဇာတ်ဆောင် စကားလက်ဂျိုဟန်ဆန်ရဲ့ ဇာတ်ကောင်ကတော့ မင်းသမီးဖြစ်ဖို့ကြိုးစားနေတဲ့ နိုလာဆိုတဲ့မိန်းမတစ်ယောက်။ သူ့ဇာတ်ကောင်ကတော့ ခရစ်နဲ့ကွဲလွဲတယ်။ ခရစ်က ကံက အဓိကလို့ယုံတဲ့ လက်တွေ့သမား။ နိုလာကတော့ မာနအတွက် သူ့အတွက်မဖြစ်နိုင်တဲ့ သရုပ်ဆောင်အလုပ်ကို ‌ကျောမခိုင်းနိုင်တဲ့ သူပေါ့။ သူတို့၂ယောက်လုံးက အထက်တန်းလွှာအသိုင်းအဝိုင်းက မောင်နှမနှစ်ယောက်နဲ့ ပက်သက်မိကြရာက သူတို့ချင်းလည်း ပက်သက်မိကြတယ်။ အယ်လန်က ဒီကာရိုက်တာ၂ယောက်ကို တစ်ယောက်ကို ကံကောင်းတဲ့ကာရိုက်တာ တစ်ယောက်ကို ကံဆိုးတဲ့ ကာရိုက်တာ အနေနဲ့ ပုံဖော်ပြီး ကံကောင်းခြင်းဆိုးခြင်းဟာ ဘဝမှာဘယ်လောက်အထိအရေးပါနေပြီး ကံပေါ်မှာ ကျွန်တော်တို့ ဘဝတွေ ပုံထားရတယ်ဆိုတာကို မြင်သာအောင်ကို ပြထားတယ်။ ကျွန်တော်တော့ ဒါကို သူ့သရော်မှုတစ်ခုလို့ပဲမြင်တယ်။ ပြောရရင် ဘဝမှာ ကံလေးကောင်းလို့ ဘဝပေးကောင်းလို့ ဖြစ်ဖြစ်မြောက်မြောက်ဖြစ်လာတာကို ဟုတ်လှပြီ ထင်တဲ့လူတစ်ချို့ကို သရော်ထားတဲ့သဘောပဲလို့ မြင်တယ်။ ဒီရုပ်ရှင်ဟာ တခြားအယ်လန်ကားတွေလိုပဲ ဇာတ်လမ်းဇာတ်ကွက်ရိုးရှင်းတယ်။ ကာရိုက်တာကို အဓိကထား ပုံဖော်ထားတယ်။ တခြားအယ်လန်ကားတွေနဲ့ ကွဲတာက တခြားအယ်လန်ကားတွေက လောကကိုအရွဲ့တိုက်ရယ်မောလိုက်တဲ့သရော်ကားမျိုးဆို Match Pointကတော့ လောကကို နာနာကျင်ကျင်နဲ့ကို သရော်လိုက်တဲ့ကားမျိုးလို့ ဆိုရမယ်။ ဒီလိုpsycho thriller ပုံစံပိုကြိုက်တဲ့သူ တစ်ချို့ကတော့ ဝူဒီအယ်လန်ထဲ သူတို့အကြိုက်ဆုံးကားလို့ဆိုကြတယ်။ သူ့အရွဲ့တိုက်သရော်တာတွေကိုပဲ ပိုသဘောကျမိတဲ့ ကျွန်တော့်အတွက်တော့ဒီကားကို တခြားကားတွေနဲ့ယှဉ်ရင် သိပ်ဘဝင်မကျမိဘူး။ သို့ပေမဲ့လည်း ကျွန်တော်ကြိုက်တဲ့ အယ်လန်ကားတွေထက်တောင် ဒီကားက ratingပိုကောင်းပါတယ်။ခုနလိုပိုကြိုက်ကြတဲ့သူတွေလည်း များမှာပါပဲ။ ဘာပြောပြောပါ ဇာတ်လမ်းပြီးခါနီးထိ အယ်လန်ဟာ သူ့သရော်ဟန်ကို သစ္စာဖောက်လိုက်တယ် ထင်ရခဲ့ပေမဲ့ အဆုံးမှာတော့ အယ်လန်ဟာ သူ့သရော်ဟန်ကို သစ္စာရှိခဲ့တာကို မျက်ဝါးထင်ထင်မြင်ရမှာပါပဲ။ ကိန်းရုပ်ရှင်ပွဲတော်မှာပြတုန်းကတော့ ဒီကားကို ဝေဖန်ရေးဆရာတွေက သမားရိုးကျ ဝူဒီအယ်လန်ရုပ်ရှင်တစ်ကားမဟုတ်ဘူးလို့တောင် ဝေဖန်ခဲ့ကြပါသေးတယ်။ သရုပ်ဆောင်တွေအနေနဲ့ ဗြိတိသျှသရုပ်ဆောင်တွေချည်း သုံးထားပြီ ညှို့ဓာတ်ပြင်းတဲ့ အမေရိကန်သရုပ်ဆောင် စကားလက်ဂျိုဟန်ဆန်ကတော့ ညှို့ဓာတ်ပြင်းတဲ့ အမေရိကန်သရုပ်ဆောင်အနေနဲ့ပဲ ပြန်သရုပ်ဆောင်ထားခဲ့တယ်။ သူရဲ့ခပ်ဟော့ဟော့အခန်းတွေကိုလည်း မြင်ကြရမှာပါ။ အော်စကာဆုပေးပွဲမှာလည်း ဒီကားအတွက် ဇာတ်ညွှန်းကိုယ်တိုင်ရေးထားတဲ့ ဝူဒီအယ်လန်ဟာ ဇာတ်ညွှန်းဆုအတွက် ဆန်ခါတင်ဝင်ခဲ့ပြီး တခြားပွဲတွေမှာလည်း ဇာတ်ညွှန်းဆုတွေ အကုန်ဆန်ခါတင်ဝင်ခဲ့ပါတယ်။ ( အညွှန်းရေးသားထားသူကတော့ WiRa Aung ပါ ) File Size__2.1 GB , 1.1 GB Quality__1080p , 720p IMDb Rating__7.6/10 Format__mp4 Duration__02:04:00 Type__Drama , Romance , Thriller Subtitle__Myanmar Subtitle (Hardsub) Translated by WiRa Aung Encoded by Naing Aung Latt

IMDb rating 5.4/10 ရရှိထားပြီး ဗြိတိသျှ တီထွင်သူတယောက်၊ တရုပ်လူမျိုးသူခိုးနဲ့ ပြင်သစ်အနုပညာရှင်ကောင်မလေး ချောချောလေးတို့ရဲ့ စွန်းစားခန်းတွေကိုရိုက်ကူးထားတာဖြစ်ပါတယ်။ ဖီလီးယက်ဖော့ဟာ အင်္ဂလန် ဗစ်တိုးရီးယန်းမှာ နေထိုင်တဲ့ တီထွင်သူတစ်ယောက်ဖြစ်ပြီး သူဟာ ကမ္ဘာကြီးကို ရက် ရှစ်ဆယ်နဲ့ပတ်နိုင်လိမ့်မယ်လို့ ယုံကြည်နေပါတယ်။ နောက်ထပ် တီထွင်သူ တစ်ယောက်က သူ့ကို အဲ့ဒီခရီးသွားဖို့ စိန်ခေါ်မှုအလောင်းအစားကိုကို ဖီလီးယက် လက်ခံခဲ့ပါတယ်။ သူ့နဲ့ အတူ ခရီးသွားဖော်ကတော့ သစ္စာရှိ အိမ်စေတစ်ယောက်ဖြစ်တဲ့ ပါဆီပါတောက်နဲ့ လှပတဲ့ လမ်းပြတစ်ယောက်ဖြစ်တဲ့ မိုနစ်ခ် ဖြစ်ပါတယ်။ ကွဲပြားတဲ့သယ်ယူပု့ိဆောင်ရေးတွေ ပါဆီပါတောက်ရဲ့ သိုင်းပညာအစွမ်းတွေနဲ့သူတို့ သုံးယောက် ကမ္ဘာပတ်ဖို့ထွက်လာကြပါတယ်။ သူတို့ခရီးစဉ်မှာ ဘာတွေဘယ်လိုကြုံတွေ့ကြမယ် ပျောက်ဆုံးနေတဲ့ ကျောက်စိမ်းဆင်းတုကိုကော ရှာတွေ့နိုင်ပါ့မလား လောင်းထားတဲ့ အလောင်းအစားကိုကောနိုင်ပါ့မလား ဘယ်လိုများ အခက်အခဲတွေကို ရင်ဆိုင်ကျော်ဖြတ်ကြမလဲ ဆိုတာကို ရင်သပ်ရှူမောဖွယ်ရာ ရိုက်ကွင်းရိုက်ကွက်များနဲ့ ရှူစားနိုင်ဖို့ ကြည့်ရှုလိုက်ကြပါအုံးဗျာ။ ( ပါဝင်ရုပ်ဆောင်ထားတဲ့ မင်းသားကြီးကတော့ ပြည်သူ့ အသည်းကျော် ဂျက်ကီချန်းဆိုတော့ အထွေအထူးမပြောတော့ပါဘူး ) Quality__BR1080p , 720p IMDb Rating__5.9/10 Format__mp4 Duration__02:02:00 Type__Action , Adventure , Comedy Subtitle__Myanmar Subtitle (Hardsub) Translated by Myo Min Aung Encoded by Naing Aung Latt

Predator တွေဟာ လူသားတွေထက် အဆင့်မြင့်တဲ့ သိပ္ပံနည်းပညာတွေကို ပိုင်ဆိုင်ထားတဲ့ ဂြိုလ်သားတွေပါ။ သူတို့အမဲလိုက်တဲ့ သတ္တဝါတွေထဲမှာ Alien လို့ခေါ်တဲ့ ရက်စက်ကြမ်းတမ်းတဲ့ ဂြိုလ်သားတွေလည်း ရှိနေတယ်။ ဒီဇာတ်လမ်းမှာတော့ အဲဒီသတ္တဝါနှစ်မျိုးရဲ့ တိုက်ပွဲကြားကို လူသားတစ်စု ရောက်သွားကြပါတယ်။ သူဌေးကြီးတစ်ယောက်က မသေခင် ကိုယ့်နာမည်တစ်ခု ကျန်ခဲ့ချင်လို့ ကမ္ဘာ့အစောဆုံးလူမျိုးတွေ တည်ဆောက်ခဲ့တယ်လို့ ယူဆရတဲ့ ပိရမစ်တစ်ခုကို ရှာဖို့ စီစဉ်တယ်။ အဲဒီအတွက် ကျွမ်းကျင်သူတွေကို စုစည်းပြီး ရှာဖွေရေးခရီး ထွက်လာကြပါတယ်။ ဒါပေမဲ့ ပိရမစ်ကို တွေ့ထားတာ သူတို့တစ်ဖွဲ့တည်း မဟုတ်ဘူးဆိုတာ နောက်ကျမှ သိလာရတယ်။ Predator တွေကလည်း ပိရမစ်ထဲက Alien တွေကို သုတ်သင်ဖို့ ရောက်လာနေကြတာပါ။ နှစ်ထောင်ချီကြာလာတဲ့ အမဲလိုက်တိုက်ပွဲတွေနဲ့ ရန်ငြိုးတွေကြားမှာ ဒီလူသားအဖွဲ့ ဘယ်လိုရင်ဆိုင်ကြရမလဲ။

Quality Updated, Fixed Subtitle And Sound 2003 ခုနှစ်ကထွက်ရှိခဲ့ပြီး IMDb မှာ Rating 6.7 ရရှိခဲ့တဲ့ဇာတ်ကားဖြစ်ပါတယ်။ 2002 ခုနှစ်က The Scorpion King ဇာတ်ကားနဲ့အောင်မြင်ခဲ့တဲ့ Dwayne (The Rock) Johnson  အတွက်တော့ လူပိုသိလာတဲ့ဇာတ်ကားတစ်ကား ဖြစ်ခဲ့ပါတယ်။ ကိုယ်ပိုင်စားသောက်ဆိုင်တစ်ဆိုင်မှာ စားဖိုမှူးအဖြစ်အသက်မွေးချင်တဲ့ ဘက်ခ်ဟာ သူ့သူဌေးအတွက် အကြွေးလိုက်တောင်းပေးရတဲ့ လူမိုက်တစ်ဦးပဲဖြစ်ပါတယ်။ ဒါပေမယ့် သူက သေနတ်မသုံးသလို မလိုအပ်ပဲထိခိုက်အောင်မလုပ်ပဲ စည်းစနစ်ကြီးတဲ့သူတစ်ဦးလည်း ဖြစ်ပါတယ်။ သူ့သူဌေးရဲ့သားကို ဘရာဇီးတောထဲက ပြန်ခေါ်ပေးနိုင်ရင် သူလိုချင်တဲ့စားသောက်ဆိုင်ရမှာဖြစ်ပြီး လူမိုက်ဘဝကကျွတ်မှာဖြစ်တဲ့အတွက် ဘက်ခ်က လက်ခံခဲ့ပါတယ်။ ဒါပေမယ့် ရှေးဟောင်းရတနာကို လိုက်ရှာနေတဲ့ သူ့သူဌေးရဲ့သားကို ဘရာဇီးတောထဲမှာ ဘုရင်တစ်ပါးလို မင်းမူနေတဲ့ ဟတ်ချာဆိုတဲ့ရွှေတွင်းပိုင်ရှင်က ပြန်မလွှတ်ချင်တဲ့အခါမှာတော့ ဘာတွေဆက်ဖြစ်ကြမလဲ .......သူ့သူဌေးရဲ့သားကရော ရှေးဟောင်းရတနာကို ဟတ်ချာမသိခင် ရှာတွေ့နိုင်မလား...... .ဘားဆိုင်ထဲက ကောင်မလေးကရော ဘာတွေလျှို့ဝှက် ထားသလဲဆိုတာကို ဆက်လက်ရှု့စားကြပါ။ အက်ရှင်ဇာတ်ကားဆိုပေမယ့် The Rock နဲ့ Seann William Scott တို့ရဲ့ သရုပ်ဆောင်မှုတွေက ဟာသရသကိုလည်း တပြိုင်နက်ခံစားရစေမှာပါ။ အက်ရှင်ဇာတ်ကားကောင်းနဲ့ The Rock ပရိသတ်တွေအတွက် လက်မလွှတ်သင့်တဲ့ ဇာတ်ကားဖြစ်ပါတယ်။ (ဇာတ်ကားထဲမှာပါတဲ့ပေါ်တူဂီစကားတွေကို လိုက်ရှာရင်းနဲ့ ဒီကားအတွက် Movie Mistakes ကိုလည်း တွေ့ထားပါတယ်။ အချိန်ရရင် သပ်သပ်တင်ပေးလိုက်ပါ့မယ်) (ဇာတ်လမ်းအညွှန်း နဲ့ မြန်မာစာတန်းထိုးဘာသာပြန်ကတော့ ကိုညီညီကျော်မြင့်မှ ရေးသားတင်ဆက် ထားပါတယ်။)

Pearl Harbor 2001 ၁၉၄၁ ခုနှစ်က အမေရိကန်နိုင်ငံ၊ပုလဲဆိပ်ကမ်းကိုဂျပန်တွေလာရောက်တိုက်ခိုက်ခဲ့တဲ့ဖြစ်ရပ်မှန်အပေါ်မူတည်ပြီးရိုက်ကူးထားတဲ့ ဇာတ်လမ်းဖြစ်ပါတယ်။ ဖြစ်ရပ်မှန်ဆိုပေမယ့်အဓိကဇာတ်ကောင်တွေကတော့စိတ်ကူးယဥ်သာဖြစ်ပြီးအချစ်ဇာတ်လမ်းအပိုင်းပါထည့် သွင်းထားတာဖြစ်ပါတယ်။ ရေ့ဖ်နဲ့ဒန်နီဟာ ငယ်စဥ်ကတည်းကအချစ်ဆုံးသူငယ်ချင်းတွေဖြစ်ပြီး အမေရိကန်လေတပ်ပိုင်းလော့တွေလည်းဖြစ်ကြပါတယ်။ ရေ့ဖ်ဟာ အက်ဗလင်း ဆိုတဲ့ စစ်သူနာပြုနဲ့ချစ်ကြိုက်ပြီးနောက် ဥရောပမှာဖြစ်ပွားနေတဲ့ဒုတိယကမ္ဘာစစ်အတွက် ဗြိတိန်ဘက်မှဝင်တိုက်ပေးဖို့အခွင့်အရေးကိုရရှိသောအခါလက်လွှတ်မခံနိုင်၍ ချစ်သူအက်ဗလင်းကိုနှုတ်ဆက်ကာ အင်္ဂလန်သို့ထွက်သွားပါတော့တယ်။ ရေ့ဖ်တစ်ယောက် အင်္ဂလန်မှာဂျာမန်တွေကိုတိုက်ခိုက်နေချိန်မှာ အင်အားနည်းနေတဲ့ပုလဲဆိပ်ကမ်းကို ထင်မှတ်မထားတဲ့အန္တရာယ်ကြီးကျရောက်လာပါတော့တယ်။ ဒီဇာတ်လမ်းကိုရိုက်ကူးခဲ့တဲ့ဒါရိုက်တာဟာ Transformers ဇာတ်လမ်းတွေနဲ့နာမည်ကြီးခဲ့တဲ့ Michael Bay ဖြစ်တာမို့သူ့ရဲ့အက်ရှင်ပေါက်ကွဲမှုလက်ရာတွေကိုဇာတ်လမ်းတစ်လျှောက် အားရပါးရမြင်တွေ့ရမှာပါ။ အက်ရှင်ကားကြမ်းကြမ်းကြိုက်သူတွေ၊ စစ်ဇာတ်လမ်းကြိုက်သူတွေ၊ ဒါရိုက်တာ Michael Bay ရဲ့လက်ရာတွေကြိုက်သူတွေအဖို့တော့ ကြည့်သင့်တဲ့ဇာတ်ကားကောင်းတစ်ကားဖြစ်ပါတယ်။ Translated by : Pyi T Nyein Encoded by : YK Quality : 1080p blueray and 720p

IMDb - 7.7/10 Rotten - 76% Won 2 Oscars. Another 9 wins & 37 nominations ဆိုမာလီနိုင်ငံဟာ ၁၉၉၀ဝန်းကျင်က ငတ်မွတ်မှုကြောင့် ပြည်သူသုံးသိန်းကျော်သေဆုံးခဲ့ပါတယ် အကြောင်းရင်းကတော့ ယခုထိတိုင်မပြီးဆုံးနိုင်သေးတဲ့ တစ်နိုင်ငံထဲနေမျိုးနွယ်စုတွေ အချင်းချင်းဖြစ်ပွားတဲ့ ကာလရှည်ပြည်တွင်းစစ်ကြောင့်ဖြစ်ပါတယ် ဆိုမာလီယာအစိုးရဟာ မထိန်းချုပ်နိုင်ပဲ ငါတလူမင်းမူနေတဲ့ ခေါင်းဆောင်တွေကြားမှာ Mohamed Farrah Aididဟာ အာဏာအရှိဆုံးဖြစ်ခဲ့ပြီး ထိုအချိန်က မြို့တော်မိုဂါဒစ်ရှူ;ကို အုပ်စိုးခဲ့ပါတယ် နိုင်ငံတကာကထောက်ပံတဲ့ရိက္ခာ အထောက်အပံတွေကို ငတ်မွတ်နေတဲ့ပြည်သူတွေဆီမဝေငပဲ အရက်စက်ဆုံးထင်ရာဆိုင်းမင်းမူနေတဲ့ Aididကိုဖယ်ရှားပစ်မယ် အစီအစဉ်တွေထဲကတစ်ခုကို ၁၉၉၃ခုနှစ်အတွင်း မြို့တော်မိုဂါဒစ်ရှူးမှာ ထုံးစံအတိုင်းအမေရိကန်တို့ လုပ်ခဲ့ပါတယ် Aididအစိုးရအဖွဲ့ရဲ့အစည်းအဝေးတစ်ခုကိုဝင်စီးကာ ဝန်ကြီးတွေကိုဖမ်းဖို့ဖြစ်ပြီး တစ်နာရီအတွင်းအပြီးသတ်ဖို့စနစ်တကျ စီစဉ်ထားတဲ့စစ်ဆင်ရေးဟာ Aididစစ်တပ်ရဲ့ မထင်မှတ်တဲ့ အပြင်းအထန်ခုခံမှုတွေကြောင့် ဘလက်ဟော့ဟယ်ရီကော်ပတာ တွေပျက်ကျမှုမှစတင်ကာ အလွဲလွဲချော်ချာ်ဖြစ်ပြီး အမေရိကန်စစ်တပ်ဟာ အချိန်မှီမြို့ထဲကပြန်မထွက်နိုင်ပဲ ပိတ်မိကာ တစ်ရက်နီးပါးကြာမြင့်သွားပါတယ် ဒီဇာတ်ကားဟာထိုအခါက အမေရိကန်နဲ့ဆိုမာလီတွေရဲ့ အပြင်းအထန်တိုက်ခဲ့ကြပုံတွေ စစ်ရဲ့မာန် စစ်ရဲ့ဓလေ့နဲ့ စစ်ရဲ့ကြေကွဲဖွယ်ရာတွေကို အပီပြင်ဆုံးရိုက်ကူးပြထားပြီး အကယ်ဒမီဆုတွေကို သိမ်းပိုက်သွားခဲ့တဲ့ဇာတ်ကားဖြစ်ပါတယ် Imdb 7.7နဲ့ RT 76%ထိရရှိထားပြီး စစ်ကားဆိုမှစစ်ကားကိုကြိုက်တဲ့သူတွေအနေနဲ့ ကြည့်ဖူးတဲ့စစ်ကားတွေထဲမှာ ဒီကားမပါသေးရင် အမြန်ဆုံးသာ download လုပ်လိုက်ပါလို့တိုက်တွန်းချင်ပါတယ် File Size :(4.3GB) (1.4GB) Quality : Web-Dl1080p/720p Format…mp4 Duration…02:24:00 Genre : Action, Drama,  History Subtitle : Myanmar Subtitle (Hard Sub) Translated by  Chan Myae Thu Aung Encoded by Phyo Pyae

Snatch(2000) IMDb Rating (8.2) / Rotten Tomatoes (74%) Brad Pitt, Jason Statham , Vinnie Jones တို့လို မင်းသားကြီးတွေနဲ့ ဒီရုပ်ရှင်က ဒါရိုက်တာကြီး Guy Ritchie ရဲ့ dark comedy crime film ရုပ်ရှင်တစ်ကားဖြစ်ပါတယ်။ ဇာတ်လမ်းကတော့.... စိန်တုံးကြီးတစ်တုံးကိုအခြေတည်လို့ လက်ဝှေ့ပွဲစီစဉ်သူရယ် အူကြောင်ကြားဓားပြတစ်ဖွဲ့ရယ် ဂျူးကျောက်မျက်ကုန်သည်ရယ် လက်နက်မှောင်ခိုသမားရယ် လူမိုက်ဂိုဏ်းခေါင်းဆောင်ရယ် စတဲ့အဖွဲ့ပေါင်းစုံကြားက ဇာတ်ရှုပ်တွေကိုထိုင်ကြည့်ရမှာပါ။ စိန်တုံးကိုလိုက်ကြရင်း လူ့သဘော လူ့မနောတွေကို ဟာသတွေနှောရင်း အလှပဆုံးပုံဖော်ထားလို့ UK 2001 ရဲ့ ဒါရိုက်တာ Empire Award ဆုကိုရရှိခဲ့တယ်... Bratt Pitt ကြီးကတော့ အကောင်းဆုံးဇာတ်ပို့ဆန်ကာတင်စာရင်းဝင်ခဲ့ပြီး အခြားဆု(၄)ဆုလည်း ရရှိခဲ့တယ်။ File size…(6.9 GB) / (1.9 GB )/ (910 MB) Quality…BluRay  4K HEVC/ 1080p HEVC / 720p Format…mkv/mp4 Duration….01:44:00 Subtitle….Myanmar Subtitle (Hardsub) Encoder….Ka Naung Translated by Thura Zarni Aung

Trainspotting (1996) IMDb Rating (8.1) / Rotten Tomatoes (90%) ဒါရိုက်တာ Danny Boyle က ရိုက်ကူးတင်ဆက်ထားပြီး Stars တွေဖြစ်တဲ့ Ewan McGregor, Jonny Lee Miller, Kevin McKidd မင်းသမီး Kelly Macdonald တို့ ပါဝင်သရုပ်ဆောင်ထားပါတယ်။ Trainspotting 1996 ဒီဇာတ်ကားကတော့ မာခ့်ဆေးစွဲနေတဲ့လူငယ်လေးတစ်ဦးနဲ့ သူ့မိတ်ဆွေတွေ မူးယစ်ဆေးကိုစွဲလမ်းနေပုံ၊ မူးယစ်ဆေးကြောင့် အမှားအမှန်မသိအရှက်အကြောက်မရှိတော့ပဲနဲ့ လုပ်ချင်တာတွေကို စိတ်ထင်တိုင်းလုပ်ကြပုံ။ ပတ်ဝန်းကျင်မှတွန်းအားပေးကူညီမှုကြောင့် မာခ့်တစ်ယောက်ဆေးပြတ်သွားသောအခါ သူ့ဘဝရှေ့ခရီးဘယ်လိုဆက်ဖြစ်မလဲ။ သူနှင့်ဆေးအတူသုံးတဲ့ မိတ်ဆွေတွေကို ဘယ်လိုအဆက်ဖြတ်ဖို့ကြိုးစားမလဲ ၊သူ့ရဲ့ဆိုးဖော်ဆိုးဖက်မိတ်ဆွေတွေကရော မာခ့်ကို အလွတ်ပေးပါ့မလား ၊ သူ့မိတ်ဆွေတွေကရော မူးယစ်ဆေးဘယ်လိုအကျိုးဆက်တွေ ခံစားရမလဲ စသည်တို့ကို ဟာသနှောကရိုက်ကူးတင်ဆက်ထားတဲ့ ဇာတ်ကားတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Eunice ဖြစ်ပါတယ်။) File size…(2.5 GB) / (980 MB) Quality….Blu-Ray 1080p HEVC / 720p Format…. mkv/mp4 Genre….Crime, Drama Duration….01:35:21 Subtitle….Myanmar Subtitle (Hardsub) Encoder….Benjamin Translated by Eunice

ခုနှစ် ၂၁၀၀ ကျော်မှာ ကမ္ဘာကြီးဟာ လူတွေနေထိုင်ဖို့ မဖြစ်နိုင်တော့တဲ့ အခြေအနေကို ရောက်လာပါတယ်။ အသက်ရှင်ကျန်ဖို့အတွက် လူတွေက မီဂါမြို့တော်တွေ တည်ထောင်ပြီး နေရာကျဉ်းကျဉ်းထဲမှာ စုပြုံနေထိုင်ကြရတယ်။ လူဦးရေနဲ့အတူ ရာဇဝတ်မှုတွေပါ များလာတဲ့အခါ သာမန်တရားရေးစနစ်နဲ့ မထိန်းနိုင်တော့လို့ စနစ်အသစ်တစ်ခု ကျင့်သုံးလာကြပါတယ်။ ဒီစနစ်ထဲက စီရင်သူတွေဟာ ရဲ၊ ဂျူရီလူကြီးနဲ့ ကွပ်မျက်သူတာဝန်တွေကို တစ်ပြိုင်တည်း ယူထားကြသူတွေပါ။ မီဂါမြို့တော်တစ်မှာတော့ ဥပဒေကို အလေးအမြတ်ထားတဲ့ စီရင်သူ ဒရက်ဒ်က ရာဇဝတ်မှုတွေကို ဦးဆောင်ဖြေရှင်းနေပါတယ်။ ဒါပေမယ့် တစ်နေ့မှာ သတင်းထောက်လင်မယားမိသားစုကို သတ်မှုနဲ့ သူကိုယ်တိုင် ဖမ်းဆီးစွဲချက်တင်ခံလိုက်ရတယ်။ အပြစ်ရှိကြောင်း သက်သေတွေ့တဲ့အတွက် အက်စပန်ထောင်မှာ တစ်သက်တစ်ကျွန်း ကျခံဖို့ အမိန့်ချခံရပါတော့တယ်။ ဒရက်ဒ်မရှိတော့တဲ့ မြို့မှာလည်း ၄၈ နာရီအတွင်း စီရင်သူ ၁၀၈ ယောက် အသတ်ခံရပြီး ဖရိုဖရဲဖြစ်လာတယ်။ “ငါက တရားဥပဒေပဲ” လို့ ကြွေးကြော်ခဲ့သူဟာ အခုတော့ သူတန်ဖိုးထားတဲ့ ဥပဒေအရ အကျဉ်းသားဖြစ်သွားပါပြီ။ ဒီလူသတ်မှုကို သူတကယ်ကျူးလွန်ခဲ့သလား၊ အမှန်တရားကို ဖော်ထုတ်နိုင်ပါ့မလားဆိုတဲ့ မေးခွန်းတွေ ကျန်နေပါတယ်။ စတားလုံး ပါဝင်သရုပ်ဆောင်ထားတဲ့ ၁၉၉၅ ခုနှစ်ထွက် သိပ္ပံစိတ်ကူးယဉ်ဇာတ်ကားဖြစ်ပြီး ၂၀၁၂ ခုနှစ်မှာလည်း Dredd အမည်နဲ့ ဇာတ်ကားတစ်ကား ထပ်မံထွက်ရှိခဲ့ပါတယ်။