Gene Hackman ပါဝင်သော ဇာတ်ကားများ

ဒီဒိုကူမန်ထရီက စူပါမန်းသရုပ်ဆောင် ခရစ္စတိုဖာရိဗ်အကြောင်းပါ။ ခရစ္စတိုဖာရိဗ်ဟာ စူပါမန်းမင်းသားအနေနဲ့‌ ကျော်ကြားခဲ့သလို မြင်းပေါ်က ပြုတ်ကျပြီး လည်ပင်းကျိုးရာကနေ သွက်ချာပါဒါလိုက်ပြီး သေသည်အထိ လည်ပင်းအောက်ပိုင်း လုံးဝလှုပ်မရတော့ဘဲ ဖြစ်သွားတဲ့ သတင်းနဲ့ ပတ်သက်ပြီးလည်း နာမည်ကျော်ခဲ့ပါတယ်။ သူတို့ဆီမှာတော့ ခရစ္စတိုဖာရိဗ်ဟာ သွက်ချာပါဒဖြစ်သွားပြီးနောက်ပိုင်းတောင် မသန်မစွမ်းအရေး သွက်ချာပါဒရောဂါသည်အရေး လှုပ်ရှားမှုတွေနဲ့ တော်တော်လေး လူသိပိုများခဲ့ပါတယ်။ နောက် ကျွန်တော်ပဲ ပိန်းလို့လားမသိပေမဲ့ သူ့စူပါမန်းကားကိုရော သူ့စူပါမန်းကာရိုက်တာကိုရော သမိုင်းမှတ်တိုင်တစ်ခုအဖြစ် မမြင်ခဲ့မိဘူး။ ဒါပေမဲ့ ဒီရုပ်ရှင်မှာတော့ စူပါမန်းရုပ်ရှင်ဟာ သမိုင်းဝင်ခဲ့သလို ရိဗ်ကလည်း အပြင်မှာပါ စူပါမန်းအနေနဲ့ နာမည်ကျော်ခဲ့တာကို သိခဲ့ရတယ်။ ပြောရရင် ရိဗ်ရဲ့ စူပါမန်းဟာ သူ့ခေတ်သူအခါက အကျော်ကြားဆုံးဖြစ်ခဲ့ပါတယ်။ ဒီလိုလူတစ်ယောက်က သွက်ချာပါဒလုံးလုံးဖြစ်သွားတဲ့နောက် အမြင့်ကြီးကနေ ဟိုးအောက်ဆုံးထိုးကျသွားတဲ့ ဖြတ်သန်းမှုကို ဒီဒိုကူမန်ထရီမှာ ကျွန်တော်တို့မြင်ရမှာပါ။ ထူးခြားတာက ဒီရုပ်ရှင်မှာ ခရစ္စတိုဖာရိဗ်ရဲ့ ဖြစ်တည်မှုအဓိပ္ပာယ်နဲ့ ချစ်ခြင်းသံယောဇဉ်အပေါ် ခံယူချက်တွေက ဒီကာလ၂ခုကြားပြောင်းလဲသွားတာကို ရိဗ်ကိုယ်တိုင် သေချာပြောပြထားတာပါပဲ။ ရိဗ်ဟာ ဒီမတော်တဆမှုမတိုင်ခင်မှာ ရုပ်ပိုင်းကို အလေးထားလွန်းသူဖြစ်ခဲ့ပေမဲ့ ဒီမတော်တဆမှုနောက်ပိုင်းမှာ စိတ်ပိုင်းကို ပိုအလေးထားတဲ့သူဖြစ်လာပါတယ်။ ချစ်ခြင်းသံယောဇဉ်တွေနဲ့ပတ်သက်ပြီး သူ့အမြင်ကလည်း တော်တော်လေးပြောင်းလဲလာခဲ့တယ်။ ဖြတ်သန်းမှုကိုလိုက်ပြီး အမျိုးမျိုးဖြစ်နေတဲ့ ပုံသေတွက်မရတဲ့ ဒီဖွင့်ဆိုချက်တွေဟာ ဗုံးဗုံးကျသွားတဲ့ ရိဗ်အခြေအနေနဲ့ အရင်ကအခြေအနေကြား လူသားပိုဆန်လာတယ်ပြောရမယ်။ ဒါပေမဲ့လည်း ဒီအတွေးအခေါ်တွေကို ဒီလိုအခြေအနေမှာမှ ပြောင်းလဲသွားတာက ဒီအတွေးအခေါ်တွေနဲ့ပတ်သက်ပြီး ကျွန်တော်တို့ဘာသာ ကျွန်တော်တို့ပြန်ဆန်းစစ်ကြည့်ချင်ရင် အခြေအနေတွေကို ထည့်တွက်ရတဲ့ ဖြစ်ရပ်ကို ပိုထင်ရှားလာစေတဲ့အချက်ကို ကျွန်တော်‌တော့ တော်တော်သဘောကျပါတယ်။ ဒီဒိုကူမန်ထရီက ခရစ္စတိုဖာရိဗ်ရဲ့ ကောင်းကြောင်းချည်းရိုက်ထားတဲ့ ရုပ်ရှင်ပေမဲ့ တစ်ဘက်တစ်လမ်းမှာ ကျွန်တော်တို့ မြင်နေရတာတွေမှာ ရိဗ်ရဲ့ ကောင်းကျိုးဆောင်တဲ့လုပ်ရပ်ဆန်တာတွေမှာတောင် သူ့အတ္တကထင်းနေသလိုဖြစ်နေတော့ တစ်ဘက်တစ်လမ်းက မြင်ကြည့်ချင်လည်းရပါတယ်။ ဒါပေမဲ့လည်း လုံးဝအတ္တကင်းတဲ့ ကောင်းကျိုးဆောင်တဲ့လုပ်ရပ်မရှိတာလားတော့ မသိလေတော့ သိပ်တော့မဆိုးသေးဘူးပြောရမှာပါပဲ။ တခြားအချက်တွေလည်းရှိပါတယ်။ ဒီဒိုကူမန်ထရီဟာ လူတစ်ယောက်ရဲ့ကောင်းကြောင်းကို ရိုက်ပြထားတဲ့ဗီဒီယိုပေမဲ့ ဒါရိုက်တာရဲ့အတတ်ပညာလား ဒီတိုင်းပဲဖြစ်သွားတာလေလားမသိနိုင်ပေမဲ့ သူ့ရဲ့တခြားဘက်ခြမ်းကိုပါ ကျွန်တော်တို့ တွေးဆကြည့်လို့ရမှာပါ။ ကြည့်သင့်တဲ့ ဒိုကူမန်ထရီပါပဲ။ File Size :  6 GB, 2 GB, 1 GB Quality : WEB-DL HEVC 4K / 1080p / 720p Running Time : 1hr 44min Format : Mkv and Mp4 Audio : AAC and E-AC-3 Genre : Biography, Documentary Subtitle : Myanmar Subtitle (Hard Sub) Translated by : Wira Aung Encode by : Thit San Khant

Runaway Jury(2003) အညွှန်း IMDb - 7.1 / Rotten 🍅 - 75% Money cannot buy everything လို့ ကျွန်တော်တို့ဘယ်လောက်ပဲ အပြိုင်အဆိုင်ငြင်းခုန်နေကြပါစေ ပိုက်ဆံဟာ လူသားတွေကိုလိုရာခိုင်းစေနိုင်တဲ့ Mighty Godတစ်ပါး ဖြစ်နေဆဲပါပဲ။ ရေများရေနိုင်သလို ငွေများငွေနိုင်တဲ့လောကကြီးမှာ ဓနရှင်တွေရဲ့လွှမ်းမိုးနိုင်မှုဟာလည်း ပြောစရာမလိုတဲ့အရာတစ်ခုပါဘဲ။ အခုဒီရုပ်ရှင်လေးကတော့ သာမန်မုဆိုးမတစ်ယောက်နဲ့ သေနတ်ကုမ္ပဏီသူဌေးကြီးတွေကြားက အားပြိုင်မှုကို ရိုက်ကူးထားတဲ့ ပုံမှန်နဲ့မတူ တမူထူးခြားတဲ့ ဇာတ်ကားပါ.. မျက်စိမပါတဲ့သေနတ်တစ်လက် နှလုံးသားမရှိတဲ့လူတစ်ယောက်လက်ထဲ ကျရောက်သွားချိန်ဟာ အဆုံးမဲ့ဝမ်းနည်းကြေကွဲမှုတွေရဲ့ကနဦးအစပါပဲ။ ဒါပေမဲ့ သေနတ်လုပ်ငန်းတွေကတော့ ဘယ်သူသေသေ ငတေမာရင်ပြီးရောဆိုတဲ့မူကို ဆက်လက်ကျင့်သုံးပြီး သေနတ်တွေကို အလွယ်တကူထုတ်ရောင်းလို့ ဥပဒေနဲ့အညီရောင်းချပါသည်ဆိုတဲ့ ငွေနဲ့ဖန်တီးထားတဲ့ဒိုင်းကာနဲ့ ကာထားကြပါတယ်။ ခေတ်အဆက်ဆက် တရားစီရင်မှုတွေမှာလည်း ဂျူရီအဖွဲ့ဝင်တွေဟာ ငွေရဲ့ကျေးကျွန်ဖြစ်နေတာကြောင့် သေနတ်လုပ်ငန်းတွေကို မတွန်းလှန်နိုင်ခဲ့တဲ့အပြင် ဖရန်ကင်ဖစ်ခ်ျလို ငွေမျက်နှာတစ်ခုပဲကြည့်တဲ့ ဂျူရီအတိုင်ပင်ခံ ဒါမှမဟုတ် ဂျူရီတွေရဲ့အားနည်းချက်ကိုကိုင်လှုပ်ပြီး ကြိုးဆွဲရာကခိုင်းမယ့်ဇာတ်ဆရာတွေကြောင့် သေနတ်လုပ်ငန်းဟာ အဘက်ဘက်က အသာစီးရပါတယ်။ သေနတ်ပစ်ခတ်မှုမှာ ခင်ပွန်းဖြစ်သူကို ဆုံးရှုံးလိုက်ရတဲ့ လူမမယ်ကလေးတစ်ယောက်နဲ့ ကျန်ရစ်ခဲ့တဲ့ ဆလက်စ်ဝုဒ်ဆိုတဲ့အမျိုးသမီးဟာ ရှေ့နေဖြစ်သူဝမ်‌ဒေါလ်ရိုဟာနဲ့ပေါင်းပြီး တိုက်ခိုက်ဖို့ကြိုးစားပါတော့တယ်..အဘက်ဘက်ကသာလွန်တဲ့ ဒီအင်အားကြီးတဲ့သူတွေကို ဘယ်လိုတိုက်ခိုက်ကြမလဲ..ဘယ်လိုအကွက်ဆင်ကြမလဲဆိုတာကိုတော့.. John Grishamရဲ့ Runaway Juryဝတ္ထုကိုအခြေခံထားတဲ့အပြင် Gene Hackmanနဲ့ Dustin Hoffmanတို့လို Legend ကြီးတွေရဲ့ သရုပ်ဆောင်ချက်၊ Plot twistအစုံနဲ့ ခန့်မှန်းမရအောင် ဆွဲခေါ်သွားမယ့် ဇာတ်လမ်းကောင်းဖြစ်တာမလို့ မကြည့်ရသေးဘူးဆိုရင်တော့ ခုပဲကြည့်ရှုခံစားကြည့်ဖို့ လက်တို့လိုက်ပါတယ်နော်။ ဇာတ်လမ်းအညွှန်းနဲ့ ဘာသာပြန်သူကတော့ Jane ပဲဖြစ်ပါတယ်.. File Size :(1.9GB) (897MB) and (375MB) Quality : Blu-Ray1080P, 720p Format…mp4 Duration…02:07:00 Genre : Crime , Drama, Thriller Subtitle : Myanmar Subtitle (Hard Sub) Translated by Jane Encoded by Phyo Pyae

The Royal Tenenbaums ကတော့ Wes Anderson ကိုတကယ်လေးစားသင့်တဲ့ ရုပ်ရှင်တစ်ကားဖြစ်ပြီးတော့ ပုံစံတွေအများကြီးပြောင်းထားတာတွေနှင့် အထူးသဖြင့်တော့သူရဲ့သုံးထာတဲ့ကာလာတွေက ဇာတ်လမ်းကိုပိုပြီးတော့အရသာဖြစ်စေတယ်။ ဇာတ်လမ်းပိုင်းမှာတော့ Royal Tenenbaum က သူ့မိသားစုကို ပြန်လည်အဆင်ပြေအောင် ကြိုးစားတယ်။ သူသားနှစ်ယောက်နှင့် သမီးတစ်ယောက်ပေါ့ အဲ့လိုမျိုးလူတွေတစ်ယောက်စီတိုင်းမှာရှိနေတဲ့ပြဿနာတွေကို သေချာပြနိုင်တာတွေ၊ သူတို့ရဲ့ရင်ထဲမှာခံစားနေရတာတွေကိုပေါ်အောင်ပြနိုင်လို့ကာလာတွေသုံးထားတာတော့အကောင်းဆုံးပါ။ သူတို့တစ်ယောက်ချင်းစီရဲ့ဇာတ်ကြောင်းကိုလိုက်မတွေးနိုင်တဲ့သူတွေအတွက် narrator ပါပါပါတယ် ။ မိသားစုတစ်ခုမှာ ပြဿနာတွေ အနှောင့်အယှက်တွေကို စိတ်ဝင်စားအောင်သာမကပဲနဲ့၊ဇာတ်ကားမှာ သူ့ရဲ့ creativity တွေ၊ လူတစ်ယောက်နှင့် တစ်ယောက်ကြားက ကွာဟချက်တွေ၊ ကိုယ်ကိုတိုင်ပဲနားလည်တဲ့ကိုယ့်ကိုယ်ကိုအဖြေပြန်ရှာနေရတာတွေ စိတ်ခံစားချက်တွေပါမယ်။ ဇာတ်ကောင်တွေအနေနဲ့လည်းအမိုက်စားတွေပါမယ်သူတို့ကိုယ်တိုင်ရဲ့character တွေကလည်းတစ်ယောက်ကိုတစ်မူထူးခြားတာဖြစ်တယ်။ The Royal Tenenbaums သည် ကြည့်ရှုသူတွေကို စိတ်ဝင်စားစရာတစ်ခု ၊ မိသားစုပြဿနာတွေ ၊အနုပညာလက်ရာတွေ၊ မြင်ကွင်းကောင်းကောင်းတွေ cinematic scence တွေ ပါဝင်လို့ ခေတ်လူငယ်တွေအနုပညာသမားတွေတစ်ခြားအပန်းဖြေအတဲ့အနေနဲ့ကြည့်မယ်ဆိုရင်လည်းလုံးဝကိုအကြိုက်တွေ့မယ့်ဇာတ်ကားပါပဲ။ File size…(1.9 GB)/(962 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, Comedy  Subtitle….Myanmar Subtitle (Hardsub) Encoder….Swan Min Htet Translated by Banyar Aung

ဘရတ်ပစ်နဲ့ ဂျူလီယာရောဘတ်ကို ဒီလိုဇာတ်လမ်းမှာ တွဲပြထားတာ ထိပ်တန်းစိတ်ကူးပါပဲ...နှစ်ယောက်လုံးရဲ့သရုပ်ဆောင်မှုတွေ အသက်ဝင်ချက်တွေဆိုတာလေ ကိုယ်တိုင်နှစ်မြောသွားပြီး ပြုံးစိစိကိုဖြစ်နေတာပဲ။ ခင်ဗျားအချစ်ဇာတ်လမ်းတစ်ခုရိုက်မယ်ဆိုရင် Mexico လို ဒုစရိုက်တွေပြုံနေတဲ့နေရာမှာ Romance ဆန်ဆန်ရိုက်မယ်လို့ စိတ်ကူးမလား...ပြီးရင် တကယ့်ကြေးစားနာမည်ကြီးလူသတ်သမားတွေက ဘယ်လိုနူးညံ့တယ်ဆိုတာမျိုးရော ထည့်ရိုက်မလား...ပြီးရင် ဇာတ်လမ်းနဲ့ပက်သက်ပြီး မိတ်ဆက်ရာမှာ တကယ်အပြင်မှာဖြစ်နေသလိုမျိုး ကမူးရှူးသောနဲ့ အစီအစဉ်မကျဘဲ ရိုက်မယ်ရော စိတ်ကူးဖူးလား...ဇာတ်လမ်းအမျိုးအစားက အလွဲခန်းတွေကိုထိုင်ရယ်ရမှာလို အချစ်တွေနဲ့ရင်ခုန်ရမှာလို သေနတ်ပစ်ခန်းတွေပဲရင်တုန်ရမှာလို စွန့်စားခန်းတွေကြားထဲပျော်ရွှင်ရမှာလို ရှေးခေတ်ပုံပြင်ထဲမှာပဲ မိန်းမောရမှာလိုနဲ့ တကယ့်ကမောက်ကမ ဘဝင်ကျစေမှာမျိုးကို ရိုက်မလား.. ရိုက်တဲ့လူတော့ရှိပါတယ်...ခုဇာတ်ကားကိုရိုက်ထားတဲ့ ဒါရိုက်တာ Gore Verbinski ဖြစ်ပြီး သူ့ကိုတော့ Pirates of the Caribbean (1-3) ရိုက်ကူးတဲ့ဒါရိုက်တာအဖြစ် နာမည်ကျော်ကြားလူသိများပါတယ်။ ဇာတ်လမ်းကတော့... ဂျယ်ရီ က ဘာမဆို နမော်နမဲ့လုပ်တတ်တဲ့လူငယ်တစ်ယောက်ပါ။ နမော်နမဲ့လုပ်တတ်လွန်းလို့လည်း မီးနီကိုမမြင်ဘဲ ဖြတ်မောင်းလိုက်တာ လူဆိုးဂိုဏ်းခေါင်းဆောင်ကြီးတစ်ယောက်ရဲ့ကားကို ဝင်ကျုံးမိပါလေရော။ ရဲတွေရောက်လာတော့ လူဆိုးဂိုဏ်းချုပ်ကြီးရဲ့ကားနောက်ဖုံးထဲမှာ လူတစ်ယောက်ကို ကြိုးနဲ့တုပ်ဖမ်းလာတာ တွေ့သွားကြတယ်။ အဲဒါနဲ့ပဲ ဂိုဏ်းချုပ်ကြီးခမျာ ထောင်ငါးနှစ်ကျသွားရော။ ဂျယ်ရီကြောင့်ဖြစ်ရတာမို့လို့ ဂိုဏ်းချုပ်ကြီးက သူထောင်ကျနေတဲ့အချိန်တလျှောက်လုံး သူ့အတွက် ဂျယ်ရီ့ကို အလုပ်လုပ်ပေးခိုင်းတော့တယ်။ ဂျယ်ရီရဲ့ အတူနေချစ်သူမိန်းကလေးက ဆမ် တဲ့။ သူတို့နှစ်ယောက်က တစ်ယောက်ကိုတစ်ယောက် သိပ်ချစ်ကြပါတယ်။ ငါးမိနစ်တစ်ခါလောက် ရန်ဖြစ်ငြင်းခုံတတ်ကြတာတော့ ချစ်လွန်းလို့ပေါ့လေ။ ငါးနှစ်လုံးလုံး ဂျယ်ရီက တလွဲတချော်တွေဖြစ်ရင်းနဲ့ပဲ ဂျယ်ရီက လူဆိုးဂိုဏ်းတွေအတွက် အလုပ်လုပ်ပေးခဲ့တယ်။ ငါးနှစ်ပြည့်ခါနီးလို့ နောက်ဆုံးအလုပ်ပါလို့ ပြောထားတဲ့အလုပ်ကို သူတို့ချစ်သူချင်း စကားများကြလို့ ဆမ် က ကားသော့ဝှက်ထားတာနဲ့ပဲ ဂျယ်ရီ သွားမလုပ်နိုင်တော့ဘူး ဖြစ်သွားတယ်။ သူ့ထုံးစံအတိုင်းပဲ လွဲတာပေါ့ဗျာ။ အဲဒါကြောင့် သူ့ကို နောက်ဆုံးအခွင့်အရေးပေးတဲ့အနေနဲ့ မက္ကဆီကိုနိုင်ငံကိုသွားပြီး မြို့လေးတစ်မြို့မှာ သေနတ်တစ်လက်သွားယူခိုင်းကြတယ်။ အလုပ်က ရှင်းပါတယ်။ သေနတ်သွားယူပြီးပြန်လာရုံပါပဲ။ သို့သော် ဂျယ်ရီက မလွဲဘဲလုပ်နိုင်ပါ့မလား။ မက္ကဆီကို ကိုသွားရမယ်လို့ ပြောလိုက်တဲ့အခါမှာတော့ ငါးနှစ်လုံးလုံးအောင့်အည်းသည်းခံပေးနေခဲ့ရတဲ့ ဆမ်တစ်ယောက် ပေါက်ကွဲပါတော့တယ်။ ဂျယ်ရီကို သိပ်အတ္တကြီးတယ်လို့စွပ်စွဲပြီး သူတို့နှစ်ယောက် သွားနေကြမယ်လို့ အရင်က သဘောတူထားတဲ့ လာ့စ်ဗေးဂက်စ်မြို့ကို တစ်ယောက်တည်းထွက်သွားပါတော့တယ်။ ဂျယ်ရီလည်း ဘာမှမတတ်နိုင်ပါဘူး။ မက္ကဆီကို ကိုထွက်လာခဲ့ရပါတော့တယ်။ သူအဲဒီမှာ ဘာတွေကြုံရဦးမှာပါလိမ့်။ ဇာတ်ကားခေါင်းစဉ်က ဒီဇာတ်လမ်းရဲ့ဇာတ်လိုက်ဖြစ်တဲ့ ရှေးဟောင်းပစ္စတိုသေနတ်လေးရဲ့နာမည်ပါ။ ကျိန်စာသင့်နေတယ်လို့ဆိုကြတဲ့ သမိုင်းဝင် တန်ဖိုးကြီးသေနတ်လေးပေါ့။ သူ့မှာလည်း သူနဲ့ဆက်စပ်နေတဲ့ အချစ်ဇာတ်လမ်းလေးတစ်ပုဒ်ရှိလို့နေပါတယ်။ ဒီသေနတ်ကိုပြုလုပ်ခဲ့တဲ့ မက္ကဆီကန်သေနတ်ပညာရှင်ကြီးက သူ့သမီးကို မြေရှင်သူကြွယ်ကြီးတစ်ယောက်ရဲ့သားနဲ့ လက်ထပ်နိုင်အောင် ရည်ရွယ်ပြီးတော့ မင်္ဂလာလက်ဖွဲ့အနေနဲ့ လုပ်ခဲ့တာပါ။ သို့ပေမယ့် ပညာရှင်ကြီးရဲ့ သမီးလေးနဲ့ ချစ်နေသူက ပညာရှင်ကြီးရဲ့တပည့် ဆင်းရဲသားလူငယ်လေးဖြစ်လို့နေပါတယ်။ Brad Pitt နဲ့ Julia Robertsတို့ နုစဉ်အခါက အတွဲညီခဲ့ကြတဲ့ ဇာတ်ကားလေးပါပဲ။ IMDb ratingမှာ 6.1 ရရှိခဲ့ပြီး ဘတ်ဂျက် 57 million dollarsနဲ့ရိုက်ကူးခဲ့ကာ ဝင်ငွေ 147.8 millionsပြန်ရခဲ့ပါတယ်။ ဝေဖန်သူအချို့ကတော့ ဇာတ်လမ်းထဲမှာ ချစ်သူနှစ်ယောက် အတူတွဲပါတဲ့အခန်းတွေက နည်းလို့ အားမလိုအားမရဖြစ်ရတဲ့အကြောင်းတော့ ထောက်ပြကြပါတယ်။ ဂျယ်ရီရဲ့ တမင်လွဲတာမဟုတ်တဲ့ အလွဲဟာသတွေကလည်း ကြည့်ရင်းနဲ့ကို အူယားချင်စရာကောင်းလာပါလိမ့်ဦးမယ်။ အမှန်က ဒီဇာတ်ကားမှာ တတိယမြောက်အချစ်ဇာတ်လမ်းတစ်ခုလည်း ပါပါသေးတယ်။ ကြည့်ရင်းနဲ့တွေ့ပါလိမ့်မယ်။ ချစ်သူစုံတွဲတွေ မှတ်သားစရာ စကားတစ်ခွန်းကိုပဲ ဒီဇာတ်ကားထဲကလက်ဆောင်အဖြစ် ပါးလိုက်ပါရစေ။ " လူနှစ်ယောက်ဟာ တစ်ယောက်ကိုတစ်ယောက် သိပ်ချစ်နေကြပေမယ့်လည်း အဆင်မပြေတာတွေ များလွန်းလာရင် သူနဲ့ဖြတ်သင့်ပြီလို့ ဆုံးဖြတ်ရမယ့်အချိန်က ဘယ်အချိန်လဲ ?" တဲ့ ။ (ဒီမေးခွန်းရဲ့အဖြေက ခင်ဗျားတို့ဘယ်လောက်ချစ်တာလဲ ဆိုတဲ့အပေါ် မူတည်ပြီး အမျိုးမျိုးဖြစ်နေကြမလားပဲ။ ဖြေပြလိုက်ရင် ရုပ်ရှင်ကြည့်ရတဲ့အရသာ spoiledမှာဖြစ်လို့ မပြောပြတော့ပါဘူးနော်။) ရုပ်ရှင်အညွှန်းနဲ့ဘာသာပြန်ကို  Thaman Myint မှ ခံစားတင်ဆက်ထားပါတယ်။ File size…(2.8 GB)/(900 MB) Quality….BluRay 1080p/720p Format…mp4 Duration….02:03:oo Subtitle….Myanmar Subtitle (Hardsub) Encoder….Nyeinsaeya Aung Translated by Thaman Myint

အရမ်းကြိုက်ပြီး ခဏခဏပြန်ကြည့်မိတဲ့ဇာတ်ကားမို့ CM ပရိသတ်အတွက် တင်ပေးလိုက်ပါတယ်။ ဒီကားက IMDb  Rating 6.4 ရထားပြီး Box office မှာ 92 million ဝင်ခဲ့ပြီး အဲဒီအချိန်က ဟယ်ရီပေါ်တာရဲ့မှော်ကျောက်တုံးဇာတ်ကားပြီးရင် ဒီကားက လူကြည့်အများဆုံးဒုတိယနေရာကိုယူခဲ့ပါတယ်။ ဆုအနေနဲ့ကတော့ World Stunt award-2002 မှာ Best Aerial Award ဆုရခဲ့ပါတယ်။ ဒီဇာတ်လမ်းလေးက တကယ့်ဖြစ်ရပ်မှန်အပေါ် အခြေခံပြီး ရိုက်ထားတာပါ။ ၁၉၉၅ ခုနှစ် ဘော့စနီးယားမှာလေယာဉ်ပစ်ချခံခဲ့ရပြီး ၆ ရက်တာ ရန်သူ့နယ်မြေမှာပြေးလွှားခဲ့ရတဲ့ အမေရိကန်ပိုင်းလော့ဒ်တစ်ဦးအကြောင်းပါ။ ဇာတ်လမ်းအကျဉ်းအနေနဲ့ ၁၉၉၅ မှာ ဘော့စနီးယားမှာပြည်တွင်းစစ်ပွဲတွေဖြစ်ပွားနေခဲ့ပါတယ်။ ဒီစစ်မီးငြိမ်းဖို့ နေရာတကာပါတဲ့ NATO တပ်ဖွဲ့ကလည်း ပါလာရပါပြီ။ စစ်ပြေငြိမ်းရေးသဘောတူညီချက်တွေ ချုပ်ဆိုပြီးလို့ NATO တပ်တွေလည်း ဆုတ်ခွာခါနီးနေပါပြီ။ NATO အဖွဲ့ဝင်ဖြစ်တဲ့ အမေရိကန် Navy ကလည်းလေယာဉ်တင်သင်္ဘောတွေနဲ့ ပင်လယ်ပြင်က စောင့်ကြည့်နေပါတယ်။ သူတို့ရဲ့တာဝန်ကတော့ ဘော့စနီးယားပေါ်ကို သတ်မှတ်ထားတဲ့လမ်းကြောင်းကနေ ပြည်တွင်းအခြေအနေကို ဝေဟင်ကနေမှတ်တမ်းတင် ဓါတ်ပုံရိုက်ကူးဖို့ဖြစ်ပါတယ်။ ခရစ္စမတ်နေ့ အားလပ်ရက်တာဝန်အနေနဲ့ ပိုင်းလော့ဒ်စတက်ဟောက် နဲ့ သူရဲ့လေကြောင်းလမ်းပြဗိုလ် ဘားနက်တို့ ဒစ်ဂျစ်တယ်ကင်မရာအသစ်စက်စက်တပ်ဆင်ထားတဲ့ F-18 တိုက်လေယာဉ်နဲ့ဘော့စနီးယားဝေဟင်ကို သတ်မှတ်ထားတဲ့လမ်းကြောင်းအတိုင်း လိုက်လံစစ်ဆေးနေခဲ့တယ်။ မောင်းနှင်နေရင်း ဘော့စနီးယားတို့ သတ်မှတ်ပေးထားတဲ့ မပျံသန်းရတဲ့နယ်မြေစစ်မဲ့ကင်းမဲ့ဇုံဆိုတဲ့နေရာမှာ မသင်္ကာစရာကို ရေဒါကနေတွေ့ရှိလိုက်လို့ သတ်မှတ်လမ်းကြောင်းအတိုင်း မဟုတ်ဘဲ မှတ်တမ်းတင်ဖို့ ပျံသန်းခဲ့မိပါတယ်။ ဒီအချိန်မှာ  သူတို့ မထင်မှတ်တာကို မြင်တွေ့မှတ်တမ်းတင်လိုက်ပေမယ့် သူတို့တိုက်လေယာဉ်ပျံကိုလည်း လေယာဉ်ပစ်အမြှောက်တွေနဲ့ ပစ်ချခံလိုက်ရပါတယ်။ အချိန်မီထိုင်ခုံကို တွန်းကန်ပြီး ခုန်ထွက်နိုင်ပေမယ့် ဘော့စနီးယားနယ်မြေထဲမှာပဲပိုင်းလော့ဒ်က ခြေထောက်ဒဏ်ရာနဲ့မို့ ပစ်သတ်ခံလိုက်ရပြီး ဗိုလ်ဘားနက် တစ်ယောက်တည်း ကျန်ခဲ့ပါတယ်။ သူတို့ ဘာကို မှတ်တမ်းတင်မိလို့ ပစ်ချခံခဲ့ရတာလဲ ရန်သူ့နယ်မြေကနေ လွတ်အောင် ဘယ်လိုကြိုးပမ်းခဲ့ရသလဲဆိုတာ ဇာတ်ကားထဲမှာကြည့်ရှုလိုက်ပါ။ အမေရိကန်ကို လူတိုင်းက စစ်အင်အားကြီးတဲ့နိုင်ငံလို့ လက်ခံထားကြတယ်။ ဘာဖြစ်လို့လဲဆိုတော့ ဒီလိုအမေရိကန်စစ်ကားတွေတော်တော်များများမှာ သူတို့ရဲ့နည်းပညာ လက်နက်အင်အား ခေတ်မှီလက်နက်တွေကို သူတို့ကထုတ်ပြထားတယ်။ မီဒီယာကနေ အများကြီး ထိုးဖောက်လွှမ်းမိုးနိုင်တယ်ဆိုတာ  တကယ်တမ်းအပြင်မှာ ဒီလောက်ကောင်းတဲ့လက်နက်မျိုး ရှိမရှိ လုပ်နိုင်မလုပ်နိုင် ဘယ်သူမှ သေချာမပြောနိုင်ဘူး ဒီကားထဲမှာဆိုလည်း ဂြိုဟ်တုကနေ တိုက်ရိုက် လူ့ခန္ဓာကိုယ်အပူချိန်ကို ရိုက်ကူးနိုင်တဲ့ကင်မရာနဲ့ လူကိုရှာပြသွားတယ်။ တကယ်အပြင်မှာလုပ်နိုင်လား မလုပ်နိုင်လားတော့ မသိဘူး ဒါပေမယ့် အားလုံးကတော့ အမေရိကန်ကိုဒီလိုမျိုးတွေလုပ်နေနိုင်လောက်ပြီလို့ လက်ခံကြပါတယ်။ နောက်ဒီဇာတ်ကားထဲမှာ တခြားအတုယူမြင်နိုင်တဲ့ အချက်တွေလည်း အများကြီးပါတယ်။ မီဒီယာရဲ့အခန်းကဏ္ဍပါပဲ။ ဗိုလ်ချုပ်ကြီးတွေ မစွမ်းနိုင်တဲ့ကိစ္စကို မလုပ်နိုင်တဲ့အခြေအနေမှာ မီဒီယာကို ကောင်းကောင်းအသုံးချနိုင်လို့ ချက်ချင်းကိုပြေလည်သွားတဲ့ကိစ္စမျိုးတွေ။ နှစ်နိုင်ငံဆက်ဆံရေးမှာ အပေါ်ယံပြောတိုင်းလည်း ယုံကြည်လို့မရနိုင်တွေ ရှေ့တစ်မျိုး ကွယ်ရာတစ်မျိုးလုပ်တတ်တာတွေပေါ့။ ဗဟုသုတအနေနဲ့ ဒီကားရုံတင်တော့ တကယ့်ဖြစ်ရပ်မှန်ထဲက ပိုင်းလော့ဒ်က ရုပ်ရှင်ထုတ်လုပ်ရေးကို တရားစွဲပါတယ်။ သူ့ဇာတ်ကောင်ကို ဖျက်ဆီးမှုနဲ့ပါ။ တကယ့်အပြင်မှာ ပိုင်းလော့ဒ်က ဒီဇာတ်ကားထဲကလို ဂျစ်ကန်ကန် ဆဲတတ်တဲ့လူမဟုတ်ပါဘူးတဲ့။ အပြင်ဖြစ်ရပ်မှန်နဲ့အနည်းငယ်ကွာခြားမှုရှိပါတယ်တဲ့ အပြင်မှာ အရပ်သားတွေနဲ့ဆုံတွေ့ခဲ့ခြင်းမရှိသလို ရန်သူတပ်တွေနဲ့ နောက်ဆုံးခန်းကလိုအပြန်အလှန် တိုက်ခိုက်ခဲ့ခြင်းမရှိပါဘူးတဲ့ သူမောင်းနှင်ခဲ့တဲ့ တိုက်လေယာဉ်က F-18 မဟုတ်ဘဲ F-16 တိုက်လေယာဉ်သာဖြစ်ပါတယ်။ တရားရုံးမှာတော့ ပြေလည်အောင်ညှိုနှိုင်းနိုင်လိုက်ပါတယ်.... File size…(2.8 GB)/(1.2 GB) Quality….Blu-Ray 1080p / 720p Format… mp4 Duration…. 01:46:00 Genre... Action, Drama, Thriller, War Subtitle….Myanmar Subtitle (Hardsub) Encoder….Garfield Translated by Myat Noe Yamone

Under Suspicion (2000) IMDb Rating (6.4) / Rotten Tomatoes (50%) ဒီဇာတ်ကားလေးကတော့ 2000 ခုနှစ်ကတည်းက ထွက်ရှိထားတဲ့ ပြစ်မှုမှုခင်းဇာတ်လမ်းအမျိုးအစားလေးဖြစ်ပါတယ်။ ဝါရင့်မင်းသားကြီးတွေဖြစ်ကြတဲ့ Morgan Freeman နဲ့ Gene Hackman တို့အဓိကပါဝင်သရုပ်ဆောင်ထားပြီး Stephen Hopkins ရိုက်ကူးထားပါတယ်။ ဇာတ်လမ်းအကျဉ်း….. ဟင်နရီ ဟတ်စ် ဟာ ပေါ်တိုရီကို ဆန်ဟွမ်မြို့က အလွန်ချမ်းသာတဲ့ ရှေ့နေတစ်ယောက်ဖြစ်ပြီးတော့ ပရဟိတ အသင်းများစွာရဲ့ ဦးဆောင်သူတစ်ဦးလည်းဖြစ်ပါတယ်။ တစ်နေ့မှာတော့ သူဟာ မနက်ပိုင်းပြေးရင်းနဲ့ ကလေးမလေးတစ်ယောက်ရဲ့ အလောင်းကိုတွေ့ရှိခဲ့ပြီးတော့ ရဲစခန်းကို ဖုန်းခေါ်ခဲ့ပါတယ်။ အမှုက သူထင်ထားသလိုမရိုးရှင်းနေပဲနဲ့ သက်သေတွေအားလုံးက ဟင်နရီ ကိုညွှန်းဆိုပြနေတဲ့ အခါမှာတော့…. Under Suspicion ဆိုတဲ့အတိုင်းပဲ ဟင်နရီ တစ်ယောက် သံသယအဝင်ခံရပုံတွေကို ရိုက်ကူးထားပါတယ်။ ထွက်ထားတာ နှစ်20 ကျော်လောက်ရှိပြီ ဖြစ်ပေမယ့်လဲ old but gold ဆိုတဲ့အတိုင်း ရွှေဖြစ်နေဆဲဖြစ်တာကြောင့် ကြည့်ရှုသင့်တဲ့ ဇာတ်လမ်းလေးတစ်ပုဒ်ဖြစ်ပါတယ်။ (အညွှန်းနဲ့ဘာသာပြန်ကတော့ Nay ဖြစ်ပါတယ်။) File size…(4.7 GB) / (1.8 GB) Quality….Blu-Ray 1080p HEVC /720p Format…. mkv/mp4 Genre….Crime,Drama,Thriller Duration….01:51:52 Subtitle….Myanmar Subtitle (Hardsub) Encoder….Double K Translated by Nay

Twilight (1998) IMDb Rating (6.2) / Rotten Tomatoes (61%) Old but Gold collection ထဲထည့်ရမယ့် ဇာတ်လမ်းတစ်ပုဒ်ဖြစ်ပါတယ်။ ဝါရင့်မင်းသားကြီး Paul Newman နဲ့ မင်းသမီးကြီး Susan Saradon တို့ ဇာတ်ဆောင်နေနဲ့ ပါဝင်သရုပ်ဆောင်ထားပြီး Paramount studio ရဲ့ စပေါက်တဲ့ကားတွေထဲက တစ်ခုပဲဖြစ်ပါတယ်။ ဇာတ်လမ်းအကျဉ်း ပင်စင်ယူပြီးဖြစ်တဲ့ ရဲမှူးဟောင်းတစ်ယောက်ဖြစ်တဲ့ ဟယ်ရီရော့စ်ဟာဆိုရင် နာမည်ကြီးမင်းသား ဂျက်ခ်အေးမက်စ်နဲ့အတူနေပါတယ်။ တစ်ချိန်က ကြားခံလူတစ်ယောက်မိတ်ဆက်ပေးမှုကြောင့် ဟယ်ရီဟာ ဂျက်စ်ရဲ့သမီး ခိုးရာပါလိုက်တာသွားတာကို မက္ကဆီကိုကနေ ကယ်လာခဲ့ပေးဖူးပါတယ်။ ဒီလိုနဲ့ ကျေးဇူးကြွေးကော ရင်းနှီးမှုတွေကြောင့် ဘော်ဒါအရင်းကြီးနှစ်ယောက်ဖြစ်သွားတဲ့ ဂျက်ခ်နဲ့ ဟယ်ရီတို့ဟာ ဆယ်စုနှစ်ကြာအောင် အတူနေဖြစ်သွားကြတာပါ။ ဒါပေမဲ့ နောက်ပိုင်းမှာ ဂျက်ခ်က ကင်ဆာဖြစ်ပြီး နာလည်ထူဖို့ ကြိုးစားနေတဲ့အချိန်မှာ သူ့ရဲ့ မိန်းမဖြစ်တဲ့ ကတ်သရင်းရဲ့ တစ်ချိန်ကလူသတ်မှုကြောင့် ပြန်ပေးငွေကို ဟယ်ရီကနေ တစ်ဆင့်ခံပေးပေးဖို့ ဂျက်ခ်က တောင်းဆိုခဲ့ပါတယ်။ ဒီလိုနဲ့ လွန်ခဲ့တဲ့ နှစ် ၂၀ တုန်းက ကတ်သရင်းရဲ့ အရင်ယောက်ျားရုတ်တရက်ပျောက်သွားတဲ့အမှုကို သတင်းအစအနသိသွားတဲ့ ဟယ်ရီဟာ အဖြေရှာဖို့ကြိုးစားရင်း ကိစ္စတွေ တစ်ဖြည်းဖြည်းရှုပ်သထက်ရှုပ်လာပါတော့တယ်။ (အညွှန်းနဲ့ဘာသာပြန်ကတော့ Mark ဖြစ်ပါတယ်။) File size… (2.1 GB) / (990 MB) Quality…. Blu-Ray 1080p HEVC / 720p Format…. mkv/mp4 Genre…. Crime, Drama, Mystery, Thriller Duration…. 01:35:09 Subtitle…. Myanmar Subtitle (Hardsub) Encoder…. Benjamin Translated by Mark

IMDb - 7.3/10 Rotten - 72% ဒန်နီယယ်ဇာဗစ်ဟာ အစိုးရရဲ့ထောက်ပံ့ကြေး နဲ့ ကနေဒါငန်း တွေကိုလေ့လာနေသူတစ်ဦးပါ ။ တစ်နေ့ N.S.A အရာရှိတစ်ဦး က လွှတ်တော်ဥက္ကဋ္ဌကို ဥပဒေမူကြမ်းတစ်ခု နဲ့ ပတ်သက်ပြီး လုပ်ကြံသတ်ဖြတ်ခဲ့ပါတယ် အဲဒါကို ဒန်နီ ရဲ့ မှတ်တမ်းတင်ကင်မရာ ကမှတ်တမ်းတင်မိသွားခဲ့တယ်။ N.S.Aကလည်းဒါကိုသိပြီး ဒန်နီယယ် နောက်ကိုလိုက်ပါတော့တယ် ။ ဒင်း ( willsmith) ဟာမိသားစုကို ချစ်ပြီး ဂိုဏ်းတွေနဲ့ ပြသနာတက်နေတဲ့ အလုပ်သမားရှေ့နေ တစ်ဦးပါ ။ ခရစ္စမတ် အတွက်ဈေးဝယ်ထွက်ရင်း ဆိုင်တစ်ခုမှာ ဒန်နီယယ် နဲ့ ဆုံမီကြရာ ကနေ သူ့ဇာတ်လမ်းထဲပါလာခဲ့တယ် ။ ဒန်နီယယ် အသတ်ခံရပြီး တိပ်ခွေကြောင့် N.S.A တွေ ဒင်း နောက်ကိုလိုက်ကြရမှာတော့ နောက်ဆုံး အသတ်ခံရမလား လွတ်မြောက်အောင် ကြိုးစားနိုင်မလား ဆိုတာတော့....... မလွတ်တန်းကြည့်မယ့်အက်ရှင်ကားကောင်း တစ်ကားပဲဖြစ်ပါတယ်။ (ဘာသာပြန်သူကတော့ စည်သူထက် ပါ) File Size : (805 MB) Quality : Bluray 720p Running Time : 2hr 12minutes Format : Mp4 Genre : Action, Crime, Mystery Translated By Sithu Htet Encode By Thanhtike Zaw

ဇီဆိုတဲ့ ပုရွက်ဆိတ်လေးက သူ့ကိုလိုနီထဲက တခြားပုရွက်ဆိတ်တွေနဲ့ အတွေးအမြင်မတူသူပါ။ လက်ရှိနေရတဲ့နေရာမှာ မပျော်ဘဲ တခြားနေရာသစ်တစ်ခု ရှိလိမ့်မယ်လို့ ယုံကြည်နေတယ်။ သူငယ်ချင်းတွေနဲ့ စကားပြောရင်လည်း ဒီနေရာက သူနဲ့မကိုက်တဲ့အကြောင်း ညည်းတွားနေတတ်ပါတယ်။ တစ်နေ့ ဘယ်လာဆိုတဲ့ ပုရွက်ဆိတ်မင်းသမီးလေးနဲ့ တွေ့ဆုံပြီးနောက် ဇီရဲ့ဘဝ ပြောင်းလဲလာတယ်။ သူချစ်တဲ့ မင်းသမီးလေးနဲ့ နီးစပ်ဖို့ ဘယ်လိုကြိုးစားမလဲ၊ လမ်းမှာကြုံလာတဲ့ ပြဿနာတွေကို ရင်ဆိုင်နိုင်ပါ့မလား၊ သူတို့နှစ်ယောက် နီးစပ်ခွင့်ရပါ့မလားဆိုတာကို ဇာတ်လမ်းက ဆက်ပြထားပါတယ်။ ၁၉၉၀ ပြည့်နှစ်များက ထွက်ရှိခဲ့တဲ့ ဒီအန်နီမေးရှင်းကို Tim Johnson နဲ့ Eric Darnell တို့ ပူးတွဲရိုက်ကူးထားပြီး Sylvester Stallone နဲ့ Jennifer Lopez တို့ အသံသရုပ်ဆောင်အဖြစ် ပါဝင်ထားပါတယ်။

လူသာဝစ်တနီဟာ ဖောက်ထွင်းမှုမှာ ကျွမ်းကျင်တဲ့ သူခိုးတစ်ယောက်ပါ။ တစ်နေ့ ဘီလျံနာသူဌေးကြီးတစ်ယောက်ရဲ့အိမ်ကို ဝင်ဖောက်ရာကနေ မထင်မှတ်ဘဲ လူသတ်မှုတစ်ခုနဲ့ ပတ်သက်သွားပါတယ်။ အဲဒီအမှုရဲ့ အဓိကတရားခံကလည်း နိုင်ငံရဲ့ ထိပ်တန်းပုဂ္ဂိုလ်တစ်ယောက် ဖြစ်နေတယ်။ လူသာကိုယ်တိုင်က အမှုရဲ့ သံသယရှိသူဖြစ်လာတဲ့အခါ ဒီအခြေအနေကနေ ဘယ်လိုလွတ်မြောက်အောင် လုပ်မလဲ။ ဥပဒေဘောင်အပြင်ဘက်ကနေ တရားခံကို ဘယ်လိုအပြစ်ပေးမလဲဆိုတာ ဆက်လာပါတယ်။ အမေရိကန်နိုင်ငံရေးကို နောက်ခံထားတဲ့ အက်ရှင်နဲ့ သည်းထိတ်ရင်ဖိုဇာတ်လမ်းပါ။ ၁၉၉၇ ခုနှစ်မှာ ရုံတင်ခဲ့ပြီး ကလင့်အိစ်ဝုဒ်က လူသာဝစ်တနီအဖြစ် သရုပ်ဆောင်သလို ကိုယ်တိုင်လည်း ရိုက်ကူးထုတ်လုပ်ထားပါတယ်။ အမေရိကန်သမ္မတ အယ်လန်ရစ်ခ်ျမွန်းအဖြစ် ဂျီးန်ဟက်ခ်မန်း၊ အထက်တန်းစုံထောက် ဆက်သ်ဖရန့်အဖြစ် အက်ခ်ဟဲရစ်နဲ့ ကိတ်ဝစ်တနီအဖြစ် လော်ရာဝင်းနေးတို့ ပါဝင်ထားပါတယ်။

Birdcage ဟာ အမျိုးသားတွေက အမျိုးသမီးဝတ်စုံဝတ်ပြီး ကပြဖျော်ဖြေတဲ့ Drag ကလပ်တစ်ခုပါ။ ကလပ်ပိုင်ရှင်နဲ့ ဒါရိုက်တာဖြစ်တဲ့ အာမန်က ထူးချွန်တဲ့တင်ဆက်သူ အဲလ်ဘတ်နဲ့ အတူနေ လိင်တူချစ်သူတွေ ဖြစ်ကြပါတယ်။ အဲလ်ဘတ်က စိတ်နုနယ်ပြီး ခံစားလွယ်သူ၊ အာမန်ကတော့ ရင်ထဲကစကားကို သိပ်ထုတ်မပြတတ်ပေမယ့် ဂရုစိုက်တတ်သူပါ။ သူတို့နှစ်ယောက်မှာ အလွန်ချစ်ရတဲ့ သားတစ်ယောက်လည်း ရှိတယ်။ အသက်နှစ်ဆယ်အရွယ် သားဖြစ်သူက လက်ထပ်ချင်တဲ့သူရှိပြီလို့ ပြောလာတဲ့အခါ နှစ်ယောက်လုံး စိတ်ထိခိုက်ကြပေမယ့် သားစိတ်ချမ်းသာဖို့ လိုက်လျောပေးဖို့ စဉ်းစားကြပါတယ်။ ပြဿနာက သတို့သမီးလောင်းဟာ လွှတ်တော်အမတ်တစ်ဦးရဲ့ သမီးဖြစ်နေတာပါ။ တစ်ဖက်မိဘတွေက ဒီအိမ်ထောင်ရေးကို လက်ခံဖို့အတွက် အဖေနှစ်ယောက်ရှိတဲ့အကြောင်းကို ဖုံးကွယ်ပြီး အဖေတစ်ယောက်၊ အမေတစ်ယောက်ရှိတဲ့ မိသားစုလို့ ထင်အောင် ဘယ်လိုလုပ်ကြမလဲ။ အာမန်နဲ့ အဲလ်ဘတ်တို့ရဲ့ အစီအစဉ်က အဆုံးအထိ ပိရိနေမလား၊ လမ်းတစ်ဝက်မှာပဲ အလိမ်ပေါ်သွားမလား။ ၁၉၉၆ ခုနှစ်ထွက် ဒီဟာသဇာတ်ကားမှာ Robin Williams နဲ့ Nathan Lane တို့ အဓိကပါဝင်ထားပါတယ်။

Crimson Tide (1995) IMDb..........7.3,,,,,,Rotten.....88% ရှရှားသူပုန်တွေဟာ အိုင်စီဘီအမ်ကို ဝင်စီးလိုက်တဲ့အချိန်မှာ အမေရိကန်တွေဟာ စစ်ဆင်ရေးလုပ်ပါတော့တယ်.... ပို့ပေးလိုက်တဲ့ သဘောၤတွေဟာ နူကလီးယားပါဝါသုံး အလဘာမား ရေငုတ်သဘောၤပါ.. ဒါပေမယ့် သူတို့မသွားခင်မှာ အက်စ်အိုအသစ်လိုတဲ့အတွက်ထက်မြက်ပေမယ့် စွမ်းဆောင်ရည်အားသိပ်မပြဖူးတဲ့ ကော်မန်ဒါ ဟန်တာကိုပဲ ရွေးစရာရှိခဲ့ပါတယ်... ...ဒါပေမယ့် သဘောၤကပ္ပတိန် ရမ်စေ အိုကေကတော့ သူ့ကိုသဘောကျခဲ့ပါတယ်...ဒီလိုနဲ့ သူတို့ ၂ယောက်ဟာ အမေရိကန် ရေတပ်  စစ်သည်တွေနဲ့အတူ ရေငုတ်သင်္ဘောကြီးနဲ့ စစ်မျက်နှာဖွင့်ခဲ့ကြတယ်... ကိုင်း ဒန်ဇယ်ကားလည်းကြိုက်တယ်..စစ်ကားလည်းကြည့်ချင်တယ်ဆိုရင်တော့....ထွေထွေထူးထူးညွှန်းစရာမလိုတဲ့ကားဆိုတာ ခင်ဗျားတို့က ပိုတောင်သိမယ်ထင်ပါရဲ့....ဘာသာပြန်သူကတော့ ကိုမြန်မာကြီးပဲ ဖြစ်ပါတယ်.. File Size : (913 MB) Quality : Blu-Ray 720p Format…mp4 Duration…01:56:00 Genre : Action,Drama,Thriller Subtitle : Myanmar Subtitle (Hard Sub) Translated by မြန်မာကြီး Encoded by Phyo Pyae

The Quick and the Dead (1995) IMDb Rating (6.5) မင်းသားကြီး Russell Crowe , မင်းသားချော Leonardo DiCaprio , မင်းသမီးချော Sharon Stone တို့ပါဝင်ထားတဲ့ ကောင်းဘွိုင်အက်ရှင်ဇာတ်ကားပါ။ ကြမ်းကြမ်းရမ်းရမ်း မိုက်မိုက်ကန်းကန်း မြင်းတွေစီးပြီး သေနတ်တွေနဲ့ ပစ်ကြခတ်ကြ တဲ့ အနောက်ပိုင်းရုပ်ရှင်တွေကို ကြည့်ချင်သူများအတွက် ၁၉၉၅ ခုနှစ်ထွက်ရှိထားတဲ့ The Quick and the Dead ဆိုတဲ့ဇာတ်ကားလေး တင်ဆက်ပေးလိုက်ပါတယ် ဇာတ်လမ်းကတော့... အစိုးရရဲ့ ဥပဒေမစိုးမိုးဘဲ လူမိုက်တွေ ကိုသာ ဆက်ကြေးပေးနေရတဲ့ မြို့လေးတစ်မြို့မှာ သေနတ်ယှဉ်ပစ်တဲ့ ပွဲကို နှစ်စဉ်ကျင်းပလေ့ရှိပါတယ် … အနိုင်ရရှိတဲ့သူဟာ ဒေါ်လာ ၁၂၃၀၀၀ ကိုပိုင်ဆိုင်ရမှာဖြစ်တဲ့အတွက် အနယ်နယ်အရပ်ရပ်က သေနတ်သမားတွေ လာရောက်လက်စွမ်းပြလေ့ရှိတာပေါ့ တစ်ရက်မှာ အဲ့ဒီကစားပွဲကို မိန်းကလေးတစ်ယောက်ရောက်ရှိလာခဲ့ပုံက ကျားတောထဲရောက်လာတဲ့ သမင်မလေး တစ်ကောင်လိုပါပဲ … သို့သော် မိန်းကလေးဟာ သမင်မလေးဖြစ်မလား ကျားသစ်မလေးဖြစ်မလားဆိုတာ.....။ File size…(5.9 GB)/ (2 GB )/(1.1 GB) Quality…BluRay 4K HEVC/1080p HEVC / 720p Format…mkv/mp4 Duration….01:46:00 Subtitle….Myanmar Subtitle (Hardsub) Encoder….Ka Naung Translated by Zuel Khant Thwin

ချီလီပါလ်မာက တရားမဝင် အတိုးကြီးကြီးနဲ့ ငွေချေးတဲ့လုပ်ငန်းမှာ အကြွေးလိုက်တောင်းပေးရသူပါ။ လိုအပ်ရင် ဂိုဏ်းစတားဆန်ဆန် လုပ်တတ်ပြီး သူတောင်းလို့ မရတဲ့အကြွေး မရှိသလောက်ပဲ။ သွေးအေးတယ်၊ သတ္တိရှိတယ်၊ ဆဲတာတောင် ရည်ရည်မွန်မွန် ဆဲတတ်သူ။ သူ့ဆီက “ကျုပ်ကိုကြည့်စမ်းပါ” ဆိုတဲ့စကား ထွက်လာပြီဆိုရင် တစ်ဖက်လူက သူလိုချင်တာကို လိုက်လျောရဖို့ များနေပြီ။ ဒီစကားကလည်း ရုပ်ရှင်တစ်လျှောက် သူပြောနေကျစကားပါ။ ချီလီက အကြွေးတောင်းသမားဖြစ်ပေမယ့် ရုပ်ရှင်ဝါသနာအိုးလည်း ဖြစ်နေတယ်။ တစ်နေ့ အကြွေးမဆပ်ဘဲ ထွက်ပြေးသွားသူနောက် လိုက်ရင်း လော့စ်အိန်ဂျလိစ်အထိ ရောက်လာပါတယ်။ ငွေချေး၊ အကြွေးတောင်းတဲ့အလုပ်ကို စိတ်ကုန်နေပြီဖြစ်တဲ့ ချီလီက ရုပ်ရှင်တစ်ကားလောက် ထုတ်လုပ်ကြည့်ရင် ကောင်းမလားလို့ စိတ်ကူးပေါက်ရာက ဟောလီးဝုဒ်က လူတွေနဲ့ ပတ်သက်မိတော့တာပါ။ သူလိုက်ရှာနေတဲ့ လီယိုက လေယာဉ်ပျက်ကျတဲ့အထဲ မပါဘဲ ပါသွားသလို ဟန်ဆောင်ပြီး လေကြောင်းလိုင်းရဲ့ အာမခံငွေကို လိမ်ယူထွက်ပြေးလာသူ။ ချီလီတို့ဆီမှာလည်း အကြွေးကျန်နေတယ်။ ဒါရိုက်တာ ဟယ်ရီကတော့ ဇာတ်ညွှန်းကောင်းတစ်ပုဒ် တွေ့ထားပေမယ့် ဝယ်ဖို့ငွေ မတတ်နိုင်ဘူး။ ထုတ်လုပ်သူတွေပေးထားတဲ့ငွေနဲ့ ဘောလုံးပွဲလောင်းပြီး အမြတ်ရဖို့ ကြံမိရာက ရှုံးသွားလို့ အခက်တွေ့နေပါတယ်။ တစ်ဖက်မှာလည်း ဇိမ်ခံကားအငှားလုပ်ငန်းကို ဗန်းပြပြီး မူးယစ်ဆေးရောင်းနေတဲ့ လူဆိုးတစ်စုက ရုပ်ရှင်လုပ်ငန်းထဲ ဝင်ချင်နေကြတယ်။ အရည်အချင်းရှိပေမယ့် သရဲကားတွေမှာပဲ သရုပ်ဆောင်နေရလို့ ငြီးငွေ့နေတဲ့ မင်းသမီးတစ်ယောက်နဲ့ သူ့ခင်ပွန်းဟောင်း၊ အရပ်ပုပေမယ့် သရုပ်ဆောင်ကောင်းတဲ့ နာမည်ကြီးမင်းသားတစ်ယောက်လည်း ပါလာသေးတယ်။ ချီလီ့အပေါ် ဩဇာပြချင်ပေမယ့် သူ့လက်ချက်ပဲ အမြဲခံနေရတဲ့ ငွေချေးသမား ဘာဘိုနီလည်း ရှိနေပါတယ်။ ဒီလူတွေကြားက အရှုပ်အထွေးတွေအပြင် လေဆိပ်လော့ကာတစ်ခုထဲက အိတ်တစ်လုံးကို ဘယ်သူလာယူမလဲဆိုပြီး ရဲတွေကလည်း အချိန်ပြည့် စောင့်ကြည့်နေကြတယ်။ ၁၉၉၅ ခုနှစ်ထွက် အက်ရှင်ဟာသရုပ်ရှင် Get Shorty မှာ ချီလီအဖြစ် John Travolta သရုပ်ဆောင်ထားပါတယ်။ နောက်ဆက်တွဲဖြစ်တဲ့ Be Cool ကိုလည်း သူပဲ ခေါင်းဆောင်ပါဝင်ပြီး ၂၀၀၅ ခုနှစ်မှာ ထွက်ရှိခဲ့ပါတယ်။

အမေရိကအနောက်ဖက်ပိုင်းမှာ နယ်မြေတည်ဆောက်နေဆဲဖြစ်ခဲ့တဲ့ကာလ၊ လူမှုရေး၊ စီးပွားရေးစတဲ့ ဘယ်အရေးမှ အတည်တကျမရှိသေးချိန် အရာရာဗရုတ်ကျဆဲပဲ ရှိနေချိန်မှာ ဝိုင်ရတ်ဒ်အပ်က ဥပဒေသားတစ်ယောက်အနေနဲ့ ရှင်သန်နေထိုင်ခဲ့ပါတယ်။ အစိုးရအနေနဲ့ နယ်မြေစိုးမိုးနိုင်စွမ်းကောင်းကောင်းမရှိသေးခဲ့ချိန်မှာ ဝိုင်ရတ်ဒ်အပ်တို့ ညီအစ်ကိုတစ်သိုက်ရဲ့ တွမ့်စတုံးဆိုတဲ့ ဒေသမှာ လွှမ်းမိုးထိန်းချုပ်မှုနဲ့ ငြိမ်းချမ်းမှုကို ဖော်ဆောင်ဖို့ လုပ်ဆောင်တာတွေကို မြင်တွေ့ရနိုင်ပါတယ်။ သိပ်ဗရုတ်ကျခဲ့တဲ့ အမေရိကန် အနောက်ပိုင်းဒေသတစ်နေရာမှာ ဥပဒေဖော်ဆောင်တဲ့သူတစ်ဦးအနေနဲ့ ဝိုင်ရတ်ဒ်အပ်ရဲ့ လုပ်ဆောင်ချက်တွေဟာ သိပ်ကိုပြောင်မြောက်ခဲ့ပုံပါပဲ။ ကောင်းဘွိုင်ဆိုသူတွေနဲ့ ဥပဒေသားတွေကြား ကြီးကြီးမားမားဖြစ်ပျက်ခဲ့တဲ့ O.K Corral ဆိုတဲ့ သေနတ်တွေနဲ့ ပစ်ကြခတ်ကြတဲ့ဖြစ်စဥ်မှာ ပါဝင်နေခဲ့တာကလည်း ဝိုင်ရတ်ဒ်ကို ပိုပြီးတော့တောင် အသိအမှတ်ပြု သတိထားမိလာစေခဲ့တာ ဖြစ်ခဲ့ပါလိမ့်မယ်။ (၁၉၉၄)ခုနှစ်မှာ ထွက်ရှိခဲ့တဲ့ သမိုင်းနောက်ခံဇာတ်လမ်း “Wyatt Earp” ကို ကြည့်လိုက်မယ်ဆိုရင်တော့ အဲ့ဒီခေတ် အဲ့ဒီ့အခါတုန်းက အခြေအနေတွေနဲ့၊ လူနေမှုပုံစံ၊ လူနေမှုစံနှုန်းတွေကို မြင်တွေ့ရနိုင်ပြီးတော့ ဝိုင်ရတ်ဒ်ဆိုတဲ့ လူတစ်ယောက်အကြောင်းကိုလည်း တီးမိခေါက်မိရှိသွားကြမှာ အသေအချာပါပဲ။ လွယ်မနေခဲ့တဲ့ လူနေမှုပုံစံတွေကြား အပ်စ်တွေရဲ့ ဘဝတစွန်းတစကိုလည်း စိတ်ဝင်စားဖွယ် ကြည့်ရှုခံစားနိုင်မှာပဲ ဖြစ်ပါတယ်။ သမိုင်းဇာတ်ကြောင်းဇာတ်ကားဆိုပေမယ့်လည်း ကောင်းဘွိုင်တွေ လက်ထဲက သေနတ်တွေနဲ့ သူတို့တွေကြားက တိုက်တာခိုက်တာတွေကို ရင်တထိတ်ထိတ် ကြည့်ရှုနိုင်မယ့်အပြင် ဇာတ်ကောင်တွေရဲ့ စိတ်ခံစားချက်တွေ၊ ခံယူချက်တွေကိုလည်း ခံစားလို့ရနိုင်မယ့် ဇာတ်ကားကောင်းတစ်ကောင်းပဲ ဖြစ်ပါတယ်။ File size…(3.5 GB)/(1.7 GB) Quality….BluRay 1080p / 720p Format… mp4 Duration…. 03:11:00 Genre... Adventure, Biography, Drama, Western Subtitle….Myanmar Subtitle (Hardsub) Encoder….Garfield Translated by Doros

The Firm (1993) IMDB - 6.8/10 Rotten Tomatoes - 75% Tom Curise ဆိုရင် အတော်များများလည်း သိပြီး ကြိုက်ပြီး ဖြစ်ကြမှာပါ။ ၁၉နှစ်မှာ သရုပ်ဆောင်စလုပ်ခဲ့ပြီး လက်ရှိအသက်၅၆ထိ နာမည်ရနေဆဲ မင်းသားတစ်လက်လည်း ဟုတ်ပါတယ်။ဒီ ရုပ်ရှင်ရဲ့ စိတ်ဝင်စားစရာ ဇာတ်အိမ်ကျောရိုးမှာ Memphis မြို့က Bendini, Lambert & Lock ဆိုတဲ့ လူအနည်းအကျဉ်းသာ ပါပေမဲ့  သတင်းကြီးတဲ့ ရှေ့နေ အဖွဲ့လေးတစ်ခုရှိပါတယ်။ဒီ ရှေ့နေ အဖွဲ့ဟာ တရားဥပဒေဘက်သား အဖွဲ့မဟုတ်ပဲ Mafiaဂိုဏ်းက ငွေမဲတွေကို ခဝါချပေးတဲ့ရှေ့နေ အဖွဲ့တစ်ခုပါ။ဒီရှေ့နေအဖွဲ့မှာ Mitch MacDeere ဆိုတဲ့ ဆင်းရဲတဲ့ အသိုင်းအဝိုင်းနဲ့ရှေ့နေဖြစ်ဖို့ အလားအလာအရမ်းကောင်းနေတဲ့ ဟားဗက်ရှေ့နေ့ ကျောင်းသားတစ်ယောက်ဟာပါဝင်ဖို့ ကမ်းလှမ်းခံခဲ့ရပါတယ်။ သူ့ မိန်းမကဒီကိစ္စဟာ အစစ်အမှန်ဖြစ်ဖို့အတွက် ကောင်းလွန်းနေတယ် ပြောပေမဲ့ သူ နားမထောင်ခဲ့ပါဘူး။ရက်သတ္တပတ်အတော်ကြာ အလုပ်လုပ်ပေးပြီးတဲ့အခါMitch ဟာ သူအလုပ်လုပ်ပေးနေရတဲ့ ရှေ့နေအဖွဲ့ဟာ မှုခင်းဘုရင် Joey Moroltoနဲ့ ပက်သက်နေတဲ့မှုခင်းလုပ်ဖို့ ဖွဲ့တည်ထားတဲ့ ရှေ့နေအဖွဲ့ဖြစ်နေတယ်ဆိုတာ သိလိုက်ရပါတယ်။ ကျွန်းတစ်ခုကို အလည်အပတ်သွားတဲ့ ခရီးမှာMitch ဟာ အမျိူးသမီးတစ်ယောက်နဲ့ ဖျားယောင်းသွေးဆောင်ခံခဲ့ရပြီးဓာတ်ပုံအရိုက်ခံခဲ့ရပါတယ်။ အဲ့ဒီပုံနဲ့ Mitchကိုအဖွဲ့ရဲ့ မေးခွန်းထုတ်စရာ တရားမဝင် ဆောင်ရွက်မှုတွေကိုနှုတ်ပိတ်နေဖို့ ခြိမ်းခြောက်ခံခဲ့ရပါတယ်။သိတာ သိပ်များလာတဲ့ သူ့အဖွဲ့ထဲက ရှေ့နေ၂ယောက် ထူးဆန်းစွာပဲ သေဆုံးသွားတဲ့အပြင်...FBI ကလည်း Mitchကို ပြန်ပေးဆွဲပြီးရှေ့နေအဖွဲ့ကို ဖော်ထုတ်ဖို့ ကြိုးစားလာတဲ့အခါ.. သူ့ဘဝနဲ့ သူ လွတ်လပ်ပိုင်ခွင့်အတွက်Mitchတစ်ယောက် FBI နဲ့ ရှေ့နေအဖွဲ့ဆိုတဲ့ပေနဲ့တူကြားမှာ ဘယ်လို ငထွားလုပ်ရင်းစွန့်စားခန်းတွေ ဖွင့်မလဲဆိုတာကို ကြည့်ကြမြင်ကြရမဲ့ရုပ်ရှင်ကားကောင်းတစ်ကားပဲ ဖြစ်ပါတယ်။Drama, Mystery,Thriller အမျိူးအစားဖြစ်ပြီးTom ရဲ့ actingကို နှစ်ခြိုက်ပြီး...ဇာတ်အိမ်ကောင်းကောင်းကြိုက်တဲ့ ပရိတ်သတ်တွေအတွက်ကားဟောင်းကားဟောင်းလေးတစ်ကားပဲ ဖြစ်ပါတယ်..ဇာတ်လမ်းအညွှန်းကိုတော့ Wira Aung မှရေးသားပေးပြီးဘာသာပြန်သူကတော့ Thet Htet Oo ပဲဖြစ်ပါတယ်.. File Size : (5.1 GB)( 2.3GB) Quality : Blu-Ray 1080p, 720p Format…mp4.mkv Duration…02:34:00 Genre :  Drama , Mystery , Thriller  Subtitle : Myanmar Subtitle (Hard Sub) Translated by Thet  Htet Oo Encoded by Cyberboy

Mississippi Burning ဆိုတဲ့ကားလေးကတော့ ဖြစ်ရပ်မှန်အပေါ်မှာ အခြေခံပြီး ရိုက်ကူးထားတဲ့ 1988 ခုနှစ်မှာ ထွက်ခဲ့တဲ့ ဇာတ်ကားကောင်းတစ်ခုပဲဖြစ်ပါတယ်။ ဆရာကြီး Williem Dafoe ရဲ့ ဇာတ်ကားလည်းဖြစ်ပါတယ်။ အမေရိကန်မှာ လူဖြူ လူမဲ ခွဲခြားမှု ပြင်းထန်နေသေးတဲ့ ကာလမှာ ဇာတ်လမ်းတည်ထားပြီး အဓိက ဇာတ်လိုက် နေရာမှာ FBI ရဲနှစ်ယောက်ကိုတွေ့ရမှာပါ။ ပြည်သူ့ရေးရာ ဝန်ထမ်းသုံးယောက် မစ္စစ္စပီမှာ လူမဲတွေ မဲပေးခွင့်ရရှိရေး လာရောက် လုပ်ဆောင်ချိန်မှာ အသတ်ခံလိုက်ရတာနဲ့ ဇာတ်လမ်းစထားပါတယ်။ ဒီအမှုကိုလိုက်ဖို့ FBI နှစ်ယောက် မြို့ကိုရောက်လာချိန်မှာတော့ မြို့နေလူထုက သူတို့ကို အမှုလိုက်ဖို့ မကူညီပေးကြပါဘူး။ ဒီလိုနဲ့ပဲ သူတို့နှစ်ယောက်သား လုပ်ရိုးလုပ်စဉ်အတိုင်းမဟုတ်ပဲ ဉာဏ်ကိုလွှာသုံးပြီး အမှုလိုက်ရပုံကိုကြည့်ရှူရမှာပါ။ ဒါ့အပြင် လူမျိုးရေးခွဲခြားမှုရဲ့ အကျည်းတန်မှု ရက်စက်မှုတွေကိုလည်း ချပြထားပါသေးတယ်။ ဇာတ်ကားကောင်းလေး ဖြစ်တာမလို့ ကြည့်ရှူခံစားကြည့်ဖို့ တိုက်တွန်းလိုက်ပါတယ်။ File size…(2.8 GB)/(1.6 GB) Quality….Blu-Ray 1080p / 720p Format… mp4 Duration…. 02:08:00 Genre... Crime, Drama, Mystery, Thriller Subtitle….Myanmar Subtitle (Hardsub) Encoder….Garfield Translated by Alvaro

ဒီဇာတ်လမ်းဟာ အာဏာနဲ့ လူသားရဲ့မာယာဆန်တဲ့ လှည့်ကွက်တွေကို ရင်ဆိုင်ရပြီး ဘယ်သူ့ကိုမှ ယုံမရတဲ့ ကမ္ဘာကြီးကို မီးမှောင်းထိုးပြထားပါတယ်။ စိတ်ဝင်စားဖို့ကောင်းပြီး ထိတ်လန့်ဖွယ်ရာ ဇာတ်ကွက်တွေနဲ့ ပြည့်နှက်နေတဲ့ ဇာတ်လမ်းတစ်ပုဒ်ဖြစ်ပါတယ်။ ဆူဆန်ဆိုတဲ့ မိန်းခလေးနဲ့ ပတ်သတ်နေတဲ့‌ ရာထူးရှိလူတန်းစား အမျိုးသားနှစ်ယောက် ဆူဆန်အသက်ခံရတဲ့အခါ ဘယ်သူက တရားခံဖြစ်ပြီး ဘယ်သူက တာဝန်ယူရမလဲ။ သူတို့ ဖန်တီးထားတဲ့ သူလျှိုဇာတ်ကောင် ယူရီကရောတကယ်ရှိရဲ့လား။ အသက်ရှုကြပ်ကြပ် နားလည်ရခက်တဲ့ စိတ်ဝင်စားဖွယ်ဇာတ်လမ်လေးပါဘဲ။ File size…(2.7 GB)/(1.6 GB) Quality….Blu-Ray 1080p / 720p Format… mp4 Duration…. 01:54:00 Genre... Action, Crime, Drama, Mystery, Romance, Thriller Subtitle….Myanmar Subtitle (Hardsub)

၁၉၈၀ ကျော်ကာလက စူပါမန်းရုပ်ရှင်တွေရဲ့ နောက်ဆုံးအပိုင်းမှာတော့ စူပါမန်း အပိုင်း ၂ က အဖမ်းခံခဲ့ရတဲ့ လက်စ်လူသာ ထောင်ကနေ ပြန်လွတ်လာပါတယ်။ သူက စူပါမန်းကို ဖျက်ဆီးပြီး ကမ္ဘာကို အုပ်စိုးချင်တဲ့အတွက် စူပါမန်းရဲ့ ဆံချည်မျှင်ကနေ DNA ယူကာ နယူးကလီးယားမန်းကို ဖန်တီးလိုက်တယ်။ ဒါပေမယ့် သူဖန်တီးထားတဲ့ နယူးကလီးယားမန်းကို နောက်ပိုင်းမှာ သူကိုယ်တိုင်တောင် မထိန်းချုပ်နိုင်တော့ပါဘူး။ အဲဒီအခါ နယူးကလီးယားမန်းကို ရင်ဆိုင်တားဆီးဖို့က စူပါမန်းရဲ့ တာဝန်ဖြစ်လာပါတော့တယ်။

Power (1986) IMDB 5.9/10 ဒီကားကတော့ နိုင်ငံရေးလောက နဲ့ မီဒီယာတွေရဲ့ ကြိုးကိုင်မှုတွေအကြောင်းကို ပေါ်လွင်အောင် ရိုက်ကူးထားတဲ့ ဇာတ်ကားကောင်းတစ်ကားဖြစ်ပါတယ် ဇာတ်လမ်းအကျဉ်း ပီတာ ဟာ အောင်မြင်ကျော်ကြားတဲ့ နိုင်ငံရေး နည်းဗျူဟာပညာရှင်တစ်ဦးဖြစ်ပြီး ငွေကြေးနဲ့ အာဏာအတွက်ဆိုရင် ဘယ်လိုလူမျိုးကိုမဆို ရွေးကောက်ပွဲမှာ အနိုင်ရအောင် ဖန်တီးပေးနိုင်စွမ်းရှိသူပါ။ ဒါ့အပြင် သူဟာ မီဒီယာတွေကို အသုံးချပြီး လူထုရဲ့ အမြင်တွေကို ပြောင်းလဲပစ်တဲ့နေရာမှာ ဆရာတစ်ဆူ ဖြစ်ပါသေးတယ် တစ်နေ့မှာတော့ ပီတာ ဟာ အိုဟိုင်းယိုးပြည်နယ်ရဲ့ အထက်လွှတ်တော်အမတ်နေရာအတွက် လျှို့ဝှက်ဆန်းကြယ်တဲ့ လုပ်ငန်းရှင်တစ်ဦးရဲ့ ကျောထောက်နောက်ခံပြုမှုကို ခံထားရတဲ့ ကိုယ်စားလှယ်လောင်းတစ်ဦးကို ကူညီပေးဖို့ လက်ခံခဲ့ပါတယ်။ ဒါပေမဲ့ ဒီအလုပ်ကို လုပ်ကိုင်ရင်းနဲ့ သူ့ရဲ့ မိတ်ဆွေဟောင်းတွေ၊ ပြိုင်ဘက်တွေနဲ့ ထိတွေ့မိတဲ့အခါမှာတော့ နိုင်ငံရေးလောကရဲ့ နောက်ကွယ်က အကျင့်ပျက်ခြစားမှုတွေ၊ လူသတ်မှုတွေကို သိရှိလာပါတော့တယ်။ ပီတာ တစ်ယောက် သူအမြဲယုံကြည်ထားတဲ့ "အနိုင်ရဖို့ပဲ အဓိက" ဆိုတဲ့ မူဝါဒနဲ့ ကိုယ်ကျင့်တရားကြားမှာ ဘယ်လိုရွေးချယ်မလဲ၊ အာဏာရဲ့ အရိပ်အောက်မှာ ဘယ်လောက်ထိ နက်နက်ရှိင်းရှိင်း နစ်မွန်းသွားမလဲဆိုတာကို တော့ အတူစောင့်ကြည့်လိုက်ရအောင်ပါ

"Hoosiers" ဆိုတဲ့ ၁၉၈၆ ခုနှစ်ထွက် ရုပ်ရှင်ဟာ အားကစားပြိုင်ပွဲပေါ်မှာ အခြေခံထားတဲ့ အားကစားဇာတ်လမ်းကောင်းတစ်ပုဒ်ဖြစ်ပါတယ်။ "Hoosiers" ဟာ Norman Dale (Gene Hackman) ဆိုတဲ့ နိုင်ငံကျော် ဘတ်စကက်ဘောနည်းပြတစ်ယောက်ရဲ့ ဇာတ်လမ်းကို ရိုက်ကူးထားပြီး၊ သူက မြို့ငယ်တစ်မြို့ရဲ့ အားကစားအဖွဲ့ကို သင်ကြားရင်း သူ့ရဲ့ ကစားသမားလေးတွေနဲ့အတူ အခက်အခဲတွေကို ရင်ဆိုင်ကျော်လွှားရပါမယ်။ ဒီရုပ်ရှင်ဟာ အားကစားရုပ်ရှင်များထဲမှာ အထူးအဆန်းဖြစ်ပြီး၊ မျက်နှာချင်းဆိုင် သဘောထား၊ စိတ်ဓာတ်တက်ကြွမှုနဲ့ အဖွဲ့အစည်းစိတ်ဓာတ်တို့ကို အထင်ကြီးစေမှာပါ။ ဇာတ်လမ်းတစ်ခုလုံးက အားပေးမှုအပြည့်နဲ့ ရင်သပ်ရှုမောစေမှာပါ။ Gene Hackman နဲ့ Dennis Hopper တို့ရဲ့ သရုပ်ဆောင်မှုကလည်း အလွန်ထူးချွန်ပြီး၊ ဇာတ်လမ်းကို ပိုမိုစိတ်ဝင်စားဖွယ်ဖြစ်စေပါတယ်။ ဇာတ်လမ်းက အားပေးစကားတွေနဲ့ ပြည့်နေပြီး၊ ပြိုင်ဘက်အားပြိုင်မှုတိုင်းမှာ ရင်ခုန်စိတ်လှုပ်ရှားစေမှာပါ။ "Hoosiers" ဟာ အားကစားရုပ်ရှင်ချစ်သူတွေအတွက် ကြည့်ရှုသင့်တဲ့ ရုပ်ရှင်တစ်ပုဒ်ဖြစ်တဲ့အတွက် ကြည့်ရှုပေးကြပါဦး။ File size…(2.5 GB)/(1.6 GB) Quality….Blu-Ray 1080p / 720p Format…mp4 Duration….01:54:00 Genre... Drama, Sport Subtitle….Myanmar Subtitle (Hardsub) Encoder….Garfield Translated by Min Ye Htut

၁၉၈၀ ခုနှစ်က Superman II ဟာ ပထမဇာတ်ကားနဲ့ ဆက်ထားတဲ့ အပိုင်းနှစ်ဖြစ်ပြီး Christopher Reeve က စူပါမန်းအဖြစ် ပါဝင်ထားပါတယ်။ ဂျင်နရယ်ဇော့ဒ်တို့ သုံးဦး ခရစ်ပတွန်ဂြိုဟ်ကနေ နှင်ထုတ်ခံထားရချိန်မှာ ကလာ့ခ်ကန့်ခ်လို့လည်း သိကြတဲ့ စူပါမန်းက ကမ္ဘာမြေပေါ်မှာ အခြေချနေပါပြီ။ လူသားတွေရဲ့ အာကာသနယ်မြေချဲ့ထွင်မှုကြောင့် ဇော့ဒ်တို့ကို ပိတ်လှောင်ထားတဲ့ ထောင်ရဲ့စွမ်းအား လျော့လာပြီး သူတို့ လွတ်မြောက်သွားကြပါတယ်။ အဲဒီနောက် ခရစ်ပတွန်ဂြိုဟ်သား စူပါမန်းကို လက်စားချေဖို့ ကမ္ဘာမြေကို အန္တရာယ်ပြုလာကြတယ်။ ထောင်ဖောက်ပြေးလာတဲ့ လက်စ်လူသာကလည်း သူတို့နဲ့ ပူးပေါင်းပြီး စူပါမန်းကို ဒူးထောက်ဖို့ အကျပ်ကိုင်လာပါတယ်။ ကမ္ဘာမြေကို ကယ်တင်ဖို့ စူပါမန်းက ဒီရန်သူတွေကို ရင်ဆိုင်ရတော့မှာပါ။ စူပါဟီးရိုးအက်ရှင်နဲ့အတူ ဟာသနဲ့ ဒရာမာအပိုင်းတွေကိုလည်း တွဲဖက်ထားပါတယ်။

Superman I (1978) Extended Cut ~ IMDb - 7.4/10, RT - 93%, Meta - 82% ~ ဒီခေတ်လို စူပါဟီးရိုးကားတွေ ရေပန်းစားပြီး ဖောချင်းသောချင်းထွက်မလာခင်ခေတ်တုန်းက စူပါဟီးရိုးကားတော်တော်များများဟာ ဒီခေတ်လို CGI Effects တွေ နာမည်ကြီးသရုပ်ဆောင်တွေ တပုံတပင်နဲ့ သိပ်ခမ်းနားချင်မှခမ်းနားမယ်။ သိပ်လည်းမပေါများခဲ့တော့ တစ်ကားဆိုတစ်ကားဆိုသလို ကြည့်လို့ကောင်းခဲ့ပြီး ကျွန်တော်တို့ငယ်ဘဝရဲ့အမှတ်တရတွေဖြစ်ခဲ့ကြတာကိုတော့ ငြင်းမရဘူး။ အဲဒီလိုစူပါဟီးရိုးတွေထဲကမှ စူပါမန်းကားတွေလည်း တော်တော်များများထွက်ခဲ့ပေမဲ့ ခရစ္စတိုဖာရိဗ်ရဲ့ပထမဆုံးကားတဖြစ်လဲ ဒီကားက သမိုင်းရဲ့ အခမ်းနားဆုံး စူပါမန်းကားတစ်ကားဆိုတာကတော့ ရုပ်ရှင်သမားတိုင်း လက်ခံထားရမယ့် အမှန်တရားတစ်ခုပဲ။ ဘာလို့ဆို ဒီစူပါမန်းက The Godfather ရဲ့ စာရေးဆရာ ဇာတ်ညွှန်းဆရာ မာရီယိုပူဇိုတစ်ယောက် The Godfather ရိုက်ပြီးတဲ့နောက် ပထမဆုံးဇာတ်ညွှန်းပြန်ရေးခဲ့တဲ့ ရုပ်ရှင်လည်းဟုတ်တယ်။ Godfather ကြီး မာလွန်ဘရန်ဒိုကိုယ်တိုင်လည်း စူပါမန်းအဖေ Jor-El အဖြစ်သရုပ်ဆောင်ခဲ့တယ်။ ဒါ့အပြင် နောက်ခံ‌တေးသံကိုဖန်တီးခဲ့တာက စပီးဘာ့ခ်လက်စွဲတော် ဂန္ထ၀င်မြောက် Music Composer ကြီး ဂျွန်ဝီလီယမ်။ ဒါရိုက်တာက ရစ်ချက်ဒွန်နာ။ မင်းသားက စူပါမန်းဆိုတာနဲ့ သူ့ပဲပြေးမြင်ကြတဲ့ Charming အပြည့်နဲ့ ခရစ္စတိုဖာရိဗ်။ Line up ကြီးက ဂေါ်ထွက်နေရုံတင်မဟုတ်ဘဲ Rating တွေကလည်း ဟိုးထိပ်မှာရှိတယ်။ အကောင်းဆုံးမဟုတ်ရင်‌တောင် သမိုင်းအတွင်ခဲ့ဆုံး စူပါမန်းကားပါပဲ။ ခရစ်ပတွန်ဂြိုဟ်ကြီး မပျက်ခင်မှာ စထားပြီး စူပါမန်းအဖေ Jor-El တဖြစ်လဲ မာလွန်ဘရန်ဒိုကြီးရဲ့ ခရစ်ပတွန်ဂြိုဟ်ပေါ်က ဘ၀ကို အရင်ပြထားတယ်။ ခရစ်ပတွန်ဂြိုဟ်ကြီး ပျက်ရပုံတွေ၊ ဗိုလ်ချုပ်ဇော့ဒ်‌တို့ကို နယ်နှင်လိုက်ပုံ‌တွေ၊ စူပါမန်းကို ကမ္ဘာပေါ် လွှတ်လိုက်ပုံ၊ သူတတ်ထားတဲ့ ပညာတွေအကုန် အမွေထည့်ပေးလိုက်ပုံတွေနဲ့ စထားတယ်။ ဒီမှာထူးတာက မာလွန်ဘရန်ဒိုကြီးရဲ့ ဒိုင်ယာလော့တွေနဲ့တင် ခရစ်ပတွန်ဂြိုဟ်ဟာ ဘယ်လောက်ထိ အသိပညာအတတ်ပညာရှေ့တန်းရောက်နေတဲ့ ဂြိုဟ်ကြီးလဲဆိုတာ သိသာအောင်ပြထားတယ်။ ဒီဂြိုဟ်ကြီးပျက်ရခြင်းကိုလည်း ဒဿနိကဆန်ဆန်ပြထားတယ်။ နောက်ကမ္ဘာပေါ် စူပါမန်းရောက်လာပုံတွေ သူ့စွမ်းအားတွေကို ထိန်းချုပ်တတ်အောင် လူတွေအကြောင်းသိအောင် သင်ယူရပုံတွေ ပြထားတယ်။ ထူးတာက စူပါမန်းကားပေမဲ့ မသိမသာနဲ့ ဟာသတွေ တော်တော် ဖောဖော‌သီသီကို ထည့်ထားတယ်။ မသိရင် ဟာသကားလိုလိုပဲ။ ဒါပေမဲ့ တစ်ချိန်တည်းမှာပဲ ဒဿနိကတွေကိုလည်း မြင်နိုင်တယ်။ မာရီယိုပူဇိုကြီး The Godfather ဇာတ်ညွှန်းရေးပြီး ‌စိတ်အရမ်းလေးနေလို့များ ဖြေချလိုက်‌တယ်လို့ကို ထင်ရတယ်။ ဟာသတွေရော တချို့ဇာတ်၀င်ခန်းတွေကရော ဒီခေတ်နဲ့ဆို နည်းနည်းတော့ တစ်မျိုးဖြစ်ပေမဲ့ Iconic ဇာတ်၀င်ခန်းတွေဆိုတာကိုလည်း တစ်ချိန်တည်းမှာပဲ ခံစားမိနေတယ်။ သူ့ဟာသတွေက အတင်းကြီးလည်းမဟုတ်ပေမဲ့ စူပါမန်းက ဘာကောင်လဲသိနေတဲ့လူတွေအတွက် တော်တော်ရယ်ရတဲ့ဟာသတွေဆိုလည်းမမှားဘူး။ ကလာ့ခ်ကန့်ကိုရော စူပါမန်းကိုရော တော်တော်လေး လူဆန်ဆန်ပုံဖော်ထားတယ်။ ရယ်လည်းရယ်ရ မာစတာပိစ်လည်းဖြစ်သလို Iconic ဖြစ်တဲ့ စူပါဟီးရိုးရုပ်ရှင်မို့ စူပါဟီးရိုးကားကြိုက်ရင်ပဲဖြစ်ဖြစ် ငယ်ဘ၀ကကြည့်ဖူးတာကို ပြန်သတိရချင်ရင်ဖြစ်ဖြစ် ကလပ်စစ်ကားအရသာကို ခံစားချင်ရင်ဖြစ်ဖြစ် ကြည့်သင့်တဲ့ ဂန္ထဝင်ရုပ်ရှင်ပါပဲ။ #Christopher Reeve (ဒီဇာတ်ကားနဲ့အညွှန်းကို WiRa Aung မှ ပြန်ဆို ရေးသားထားပါတယ်) Size - 3.45GB, 1.6GB Quality - Extended Cut 1080p, 720p IMDb Rating - 7.4/10 Format - mp4 Duration -3H 8Min Genre - Action, Adventure, Sci-Fi Subtitle - Myanmar Subtitle (Hardsub) Translated by WiRa Aung Encoded by Y

ဒီဇာတ်ကားလေးကတော့ ဒုတိယကမ္ဘာစစ်အတွင်း ဖြစ်ပျက်ခဲ့တဲ့ သမိုင်းရဲ့မှတ်တမ်းလေးတစ်ခုပါဗျ။ဇာတ်ကားလေးက စိတ်ဝင်စားစရာကောင်းပြီး စစ်ကားလေးတွေကိုကြိုက်တဲ့သူတွေအတွက် ဒုတိယကမ္ဘာစစ်ရဲ့သမိုင်းမှာ စစ်သည်တွေရဲ့ဘဝဘယ်လိုဖြတ်သန်းခဲ့ရပုံနဲ့ သွေးထွက်သံယိုတွေအပြည့် ပါဝင်တဲ့ ကားလေးဖြစ်တာကြောင့် ကြည့်ဖို recommended ပေးချင်တဲ့ဇာတ်ကားကောင်းလေးဖြစ်ပါတယ်ဗျ။ ဇာတ်ကားလေးရဲ့ အကြောင်းအရာကတော့ ဒုတိယကမ္ဘာစစ်ကြီးကာလဖြစ်တဲ့ မဟာမိတ်တပ်တွေနဲ့ဂျာမန်ရဲ့ အသည်းအသန်တိုက်စစ်ဆင်နေတဲ့အချိန်မှာ မဟာမိတ်တပ်ဖက်က ဗိုလ်မှုးကြီးမောင့်ဂိုမယ်ရီဆိုသူက မားကတ်ဂါးဒန်းဆိုတဲ့ တိုက်စစ်အစီအစဉ်ကိုချဆွဲပါတော့တယ်။ဒါကိုအကောင်အထည်ဖော်ဖို့အတည်ပြုခံရပြီး စစ်သားပေါင်း ၃၅၀၀၀ ဟာ ဂျာမန်ရဲ့ရှေ့တန်းကိုကျော်ပြီး အနောက်ဖက်အထိလေယာဉ်နဲ့လေထီးဆင်းကာ အာန်ဟမ်ဆိုတဲ့ မဟာမိတ်တပ်နဲ့ဂျာမနီကိုဆက်ထားတဲ့ တံတားကိုတိုက်ယူဖို့လုပ်ပါတော့တယ်။ သမိုင်းမှတ်တမ်းမှာတော့ ဒီ operation ကြီးဟာ ၉၀% အောင်မြင်ခဲ့တယ်လိုဖော်ပြထားခဲ့ပေမဲ့ ဒါဟာတကယ်ရောဟုတ်ရဲ့လား မဟာမိတ်စစ်သားတွေရဲ့သွေးချွေးတွေစွန့်ပြီး ဘယ်လိုတိုက်ခိုက်ခဲ့ရလဲ အောင်ရောအောင်မြင်ခဲ့ရဲ့လားဆိုတာကို ရိုက်ကူးထားတဲ့ဇာတ်ကားလေးဖြစ်တာကြောင့်အားလုံးပဲ သမိုင်းစာမျက်နှာကိုပြန်လှန်ကြည့်ရှုရင်း သုံးသပ်ကြည့်ကြရအောင်။ File size…(3.2 GB)/(1.6 GB) Quality….Blu-Ray 1080p / 720p Format… mp4 Duration…. 02:55:00 Genre... Drama, History, War Subtitle….Myanmar Subtitle (Hardsub) Encoder….Garfield Translated by Noah

သရော်တာတွေ ဟာသတွေမှာ ပိုင်နိုင်သလို ရိုက်သမျှကလည်း သရော်တာတွေပဲဖြစ်နေတဲ့ Mel Brooks ရိုက်ထားတာဆိုတော့ ဒီYoung Frankensteinက သရော်ကား ဟာသကားသက်သက်ပဲ။ ဆိုပေမဲ့ classic horror ဖြစ်တဲ့ ဖရန်ကင်စတိန်းကို ဟာသလုပ်ရိုက်ထားတဲ့ ဒီကားက Roger Ebert Rating 4/4 ရထားတယ်။ Rotten Tomatoesတို့ IMdbတို့လည်း ၈တွေ ၉၅တွေ။ ဟာသကားက ဟာသလိုရယ်ရနေလို့ အားလုံးကြိုက်ကြလို့ ဖြစ်နိုင်တယ်။ ဇာတ်ကတော့ ဖရန်ကင်စတိုင်းရဲ့မြေးက သိပ္ပံစစ်စစ်ကိုပဲ ယုံတဲ့သူ။ သူ့အဘိုးကို အရူးလို့မြင်တဲ့လူ။ လူသေကို အသက်သွင်းတယ်ဆိုတာမျိုးတွေ လက်မခံနိင်တဲ့သူ။ တစ်နေ့မှာ သူ့အဘိုးရဲ့ရဲတိုက်ဆီ သွားဖို့အကြောင်းဖန်လာပြီး သူ့အဖိုးရဲ့ လူသေအသက်သွင်းနည်းတွေကို လေ့လာမိသွားပြီး နောက်ထပ် မွန်းစတားတစ်ကောင်ကို အသက်သွင်းမိသွားရာကနေ စတာပါပဲ။ အောက်လုံးတွေရော ဖရန်ကင်စတိန်းဖန်တီးထားတဲ့ မွန်းစတားကြီးရဲ့ လိင်မှုခန်းတွေပါ ထည့်လိုက်သေးတယ်။ တစ်ကားလုံး အကွက်တိုင်းမှာ ငစားတွေချည်းထိုင်လုပ်နေပေမဲ့ တစ်ကားလုံး ရယ်တော့ရယ်နေရတယ်။ မင်းသမီးကလည်း ဆွဲဆောင်မှုအားကောင်းတယ်။ ဖရန်ကင်စတိန်းရဲ့မြေး ဖရန်ကင်စတိန်းနေရာမှာတော့ Memeတွေထဲ အားလုံးမြင်နေကျ ဝီလီဝန်ကာနေရာက သရုပ်ဆောင်ခဲ့တဲ့ Gene Wilderက သရုပ်ဆောင်ပြီး ဇာတ်ညွှန်းပါ ကူထားတယ်။ ဒီကားက ဒါရိုက်တာရော မင်းသားရောရဲ့ Ratingအကောင်းဆုံးကားပဲ။ ဒီလိုကားတွေမှာ တော်တော်ပေါတဲ့ကားဖြစ်သွားဖို့နဲ့ ကားကောင်းဖြစ်သွားဖို့ကြား စည်းက တော်တော်ပါးသလို ပေါတဲ့ကားထွက်လာတာများပေမဲ့ ဒီကားကတော့ တော်တော်ကြည့်ကောင်းတဲ့ကား ဖြစ်သွားတယ်။ ဆက်တိုက်ကို ရယ်ရတယ်ကိုး။

လမ်းမှာ မထင်မှတ်ဘဲ ကြုံတွေ့ရတဲ့ လူနှစ်ယောက်အကြောင်းပါ။ မက်စ်က ထောင်က ထွက်လာတာဖြစ်ပြီး ခြင်္သေ့က သင်္ဘောသားဟောင်း လေလွင့်နေသူပါ။ ကားကြုံအတူ စီးမိရင်း ရေဆေးခုံအတူဖွင့်ဖို့အထိ ဖြစ်လာကြပါတယ်။ စုငွေက ပစ်စဘာ့ဂ်က ဘဏ်မှာဆိုတော့ မက်စ်က သူ့ညီမအိမ်အရင်ဝင်ပြီး နောက်တစ်မြို့ဖြစ်တဲ့ ဒီထရွိုက်မှာ ခြင်္သေ့ရဲ့ အဆက်အသွယ်ဖြတ်ထားတဲ့ မိန်းမနဲ့ မမြင်ဖူးသေးတဲ့ ကလေးကို ဝင်တွေ့ကြဖို့ပါ။ သူတို့ ခရီးလမ်းအဆင်ပြေမှာလား။ ဘာအခက်အခဲတွေ ဘာအပြောင်းအလဲတွေနဲ့ ကြုံရမလဲဆိုတာကို ကြည့်လိုက်ပါဦး။ ဒီကားမှာ အော်စကာ ၂ဆုရှင် The French Connection, Unforgiven, Behind Enemy Lines တို့နဲ့ ရင်းနှီးပြီးသား Gene Hackman ရယ် အော်စကာ ၁ဆုရှင် God Fatherရဲ့ မိုက်ကယ်ဖြစ်တဲ့ Al Pacinoရယ်တို့ပါဝင်ထားလို့ ဇာတ်ကားကောင်းဆိုတာတော့ မကြည့်ခင်ကတည်းက သိကြမှာပါ။ မင်းသားကြီး Gene Hackman ကတော့ ၂၀၂၅ ခုနှစ် အသက် ၉၅နှစ်အရွယ်မှာ ကွယ်လွန်သွားပြီပဲ ဖြစ်ပါတယ်။ RIP ပါ Gene Hackman File size…(1.7 GB)/(1 GB) Quality….Blu-Ray 1080p / 720p Format… mp4 Duration…. 01:52:00 Genre... Road Trip, Drama Subtitle….Myanmar Subtitle (Hardsub) Encoder….Garfield Translated by Boomer

မှုခင်းနဲ့ အက်ရှင်စုံထောက် (Crime Thriller) ဇာတ်ကားတွေရဲ့ စံပြဖခင်ကြီးလို့ တင်စားရမယ့်၊ အော်စကာဆု (၅) ဆုတိတိ သိမ်းပိုက်နိုင်ခဲ့တဲ့ ၁၉၇၁ ခုနှစ်ထွက် ဂန္ထဝင် ဇာတ်ကားကြီး "The French Connection (၁၉၇၁)" ကို ဒီနေ့မှာ တင်ဆက်ပေးချင်ပါတယ်။ ဒါရိုက်တာကြီး William Friedkin ရိုက်ကူးပြီး မင်းသားကြီး Gene Hackman ရဲ့ အကောင်းဆုံး သရုပ်ဆောင်မှုတွေနဲ့ ရုပ်ရှင်သမိုင်းတစ်လျှောက် အမိုက်စား ကားမောင်းလိုက်လံဖမ်းဆီးမှုတွေကို မြင်တွေ့ရမယ့် Masterpiece ဇာတ်ကားကြီး ဖြစ်ပါတယ်။ ဖြစ်ရပ်မှန်ကို အခြေခံထားတဲ့ ဒီဇာတ်လမ်းဟာ နယူးယောက်မြို့ရဲ့ မူးယစ်ဆေးဝါးနှိမ်နင်းရေး ရဲစုံထောက်နှစ်ဦးဖြစ်တဲ့ ဂျင်မီ 'ပေါ့ပ်အိုင်း' ဒွိုင်းလ် နဲ့ သူ့ရဲ့ တွဲဖက် ဘတ်ဒီ ရူဆို တို့ကနေ စတင်ပါတယ်။ သူတို့နှစ်ဦးဟာ လမ်းဘေးက မူးယစ်ဆေးဝါး ရောင်းဝယ်သူလေးတွေကို လိုက်လံဖမ်းဆီးရင်းနဲ့ ပြင်သစ်နိုင်ငံ မာဆေးလ် ကနေ အမေရိကန်နိုင်ငံထဲကို ဒေါ်လာသန်းပေါင်းများစွာ တန်ဖိုးရှိတဲ့ ဘိန်းဖြူ (Heroin) အမြောက်အမြား တင်သွင်းမယ့် မှောင်ခိုဂိုဏ်းကြီးတစ်ခုရဲ့ သဲလွန်စကို ရရှိသွားပါတယ်။ ဒီမှောင်ခိုလုပ်ငန်းရဲ့ နောက်ကွယ်က ကြိုးကိုင်သူကတော့ ပြင်သစ် လူချမ်းသာ ရာဇဝတ်သားကြီး အလိန်း ရှာနီယာ ဖြစ်ပါတယ်။ စည်းကမ်းဘောင်တွေကို သိပ်ဂရုမစိုက်တတ်ဘဲ ခေါင်းမာပြီး အမှုလိုက်ရာမှာ အလွန်အမင်း စွဲလမ်းတတ်တဲ့ စုံထောက် ပေါ့ပ်အိုင်း တစ်ယောက် ဉာဏ်များပြီး အကွက်စေ့တဲ့ ရှာနီယာကို ဖမ်းဆီးဖို့ နယူးယောက်မြို့ရဲ့ လမ်းမတွေပေါ်မှာ ဘယ်လို အသက်စွန့် လိုက်လံဖမ်းဆီးမလဲ ဆိုတာကို ရင်တမမနဲ့ ကြည့်ရှုရမှာပါ။ စုံထောက် 'Popeye' Doyle နေရာက သရုပ်ဆောင်တဲ့ မင်းသားကြီး Gene Hackman ဟာ ဒီဇာတ်ကားနဲ့ အကောင်းဆုံး အမျိုးသားဇာတ်ဆောင်ဆု ကို ထိုက်ထိုက်တန်တန် ရရှိခဲ့ပါတယ်။ သမားရိုးကျ ရုပ်ရှင်တွေထဲကလို စံပြလူကောင်း သူရဲကောင်းတစ်ယောက် မဟုတ်ဘဲ၊ ဒေါသကြီးပြီး လိုချင်တဲ့ပန်းတိုင်ရောက်ဖို့ ဘာမဆိုလုပ်တတ်တဲ့ (Anti-hero) ရဲစုံထောက်တစ်ယောက်ရဲ့ စရိုက်ကို အသက်ဝင်လွန်းစွာ ပုံဖော်သွားနိုင်ပါတယ်။ ဒီဇာတ်ကားရဲ့ အထင်ရှားဆုံး အခန်းကတော့ ကောင်းကင်ရထားပေါ်က လူဆိုးကို အောက်က ကားလမ်းမပေါ်ကနေ စုံထောက် ဒွိုင်းလ် က ကားနဲ့ အပြင်းအထန် လိုက်လံဖမ်းဆီးတဲ့ အခန်းပါပဲ။ CGI အထူးပြုလုပ်ချက်တွေ လုံးဝမပါဘဲ တကယ့်လမ်းမပေါ်မှာ အသက်အန္တရာယ်ကြားက လက်တွေ့ရိုက်ကူးခဲ့တာဖြစ်လို့ ကြည့်နေရင်းနဲ့ ကိုယ်တိုင် ကားထဲရောက်နေသလို ရင်တထိတ်ထိတ် ခံစားရစေမှာပါ။ "The French Connection (၁၉၇၁)" ဟာ အကောင်းဆုံး ဇာတ်ကားဆု (Best Picture)၊ အကောင်းဆုံး ဒါရိုက်တာဆု အပါအဝင် အော်စကာဆုကြီး (၅) ဆုကို သိမ်းပိုက်ခဲ့ပြီး ခေတ်သစ် ရဲစုံထောက်နဲ့ မှုခင်းဇာတ်ကားတွေအပေါ် အကြီးအကျယ် လွှမ်းမိုးမှုရှိခဲ့တဲ့ ဂန္ထဝင်လက်ရာ တစ်ခုဖြစ်ပါတယ်။ ဇာတ်အိမ်ခိုင်မာပြီး လက်တွေ့ဆန်တဲ့ Crime / Thriller ဇာတ်ကားကောင်းတွေကို နှစ်သက်တဲ့ ပရိသတ်တွေ မဖြစ်မနေ ကြည့်ရှုသင့်တဲ့ ဇာတ်ကားကြီးအဖြစ် အထူး ညွှန်းဆိုပေးလိုက်ပါတယ်။ File size… 2.34 GB / 1.27 GB Quality… Blu-ray 1080p / 720p Format… mp4 Duration…. 1h 44m Genre ..... Action, Crime, Drama, Thriller Subtitle…. Myanmar Subtitle (Hard Sub)

ဖြစ်ရပ်မှန်ဇာတ်လမ်းအများစုထဲကမှအစောပိုင်းမှာအအောင်မြင်ဆုံးလို့ပြောလို့ရတဲ့ 1930လောက်ကလမ်းဓားပြစုံတွဲBonnie Parkerနဲ့Clyde Barrowတို့ရဲ့ဇာတ်လမ်းပဲဖြစ်ပါတယ် ၂ဝဝဝခုနှစ်ဖွားအများစုသာမသိလောက်မယ့်ဇာတ်လမ်းဖြစ်ပြီးကျန်တဲ့သူတွေအတွက်တော့အထူးမိတ်ဆက်ပေးစရာလိုမယ်မထင်ပါဘူးဗျာ Clydeဟာမွေးကတည်းကမကောင်းခဲ့သလိုထောင်ကျပြီးပြန်ထွက်လာတဲ့အချိန်မှာလည်းမကောင်းခဲ့ပါဘူး အဲ့လိုဖြစ်နေတာတောင်သူ့အတွက်The right oneဖြစ်လာမယ့်Bonnieကိုတွေ့အောင်ရှာနိုင်ခဲ့ပါတယ် ရှာတွေ့ရုံနဲ့လည်းသူမရပ်ခဲ့ပါဘူး သူ့ဘက်ကသဘောထားနဲ့သူ့ကိုဘာလို့လက်ခံသင့်လဲဆိုတာကိုပါတစ်ခါတည်းရှင်းပြပါတော့တယ် သေမထူးနေမထူး ဘယ်အချိန်မှာမဆိုသေသွားနိုင်တဲ့သူ့အရောင်မဲ့ဘဝထဲကိုBonnieဆိုတဲ့အရောင်စုံမိန်းကလေးတစ်ယောက်နဲ့ပြီးပြည့်စုံစေခဲ့ပါတယ် ပုံမှန်အသက်ရှင်ရတဲ့နေ့ရက်တွေကိုငြီးငွေ့နေတဲ့လူတွေဖြစ်နေတဲ့အလျောက် ကိုယ့်ကိုကိုယ်ဂရုမစိုက်ပဲကိုယ်ချစ်ရတဲ့လူကိုပဲစုံလုံးကန်းကာကွယ်ပေးနေမှုတွေဟာ ဇာတ်လမ်းကိုမအီသွားစေတဲ့အပြင်ရှိတ်စပီးယားရဲ့ပြဇာတ်ကိုကျော်လွန်သွားစေတဲ့အကြောင်းပြချက်ပဲဖြစ်ပါတယ် စားပွဲထိုးမလေးBonnieဟာတစ်နေ့တာလုပ်စရာရယ်လို့မယ်မယ်ရရမရှိတဲ့ဘဝမှာ မမျှော်လင့်ပဲရောက်လာတဲ့Clydeကသူ့ရဲ့နေမင်းကြီးဖြစ်ခဲ့ပါတယ် လူစိမး်ကောင်ရယ်လို့မယုံခဲ့ပေမယ့်သူ့အတွက်The right oneဖြစ်နေမှန်းသိတာနဲ့ Bonnieဟာမျက်စိမှိတ်ပြီးအချစ်ခေါ်ရာနောက်လိုက်မိပါတော့တယ် အချစ်ဇာတ်လမ်းရယ်တော့မဟုတ်ပါဘူး နှစ်ယောက်ပေါင်းပြီးကျန်တဲ့သူတို့အဖွဲ့ဝင်တွေဘဏ်ဓားပြတိုက်ကြမယ့်ခပ်ညစ်ညစ်မှုခင်းကားပဲဖြစ်ပါတယ် ဇာတ်လမ်းဟာNew Hollywoodရဲ့aestheticဖြစ်နေတဲ့ကာလမှာရိုက်ထားတာကြောင့်ကြည့်ရတဲ့လူတွေအတွက်အဘက်ဘက်ပြည့်စုံနေစေပါတယ် တကယ့်ကျွန်တော်တို့လက်တွေ့ဘဝမှာလည်းကိုယ့်ရဲ့the right oneနဲ့တွေ့ရင်လက်မနှေးကြပါနဲ့:3 အော်စကာနှစ်ဆုရထားတဲ့အကောင်းတကာ့အကောင်းတွေထဲကကားကောင်းတစ်ကားဖြစ်တာကြောင့် အချိန်ပေးပြီးကြည့်လိုက်ပါ အချိန်ကုန်ရကျိုးနပ်စေမယ့်အပြင်ဘဝနဲ့ပတ်သတ်တဲ့သင်ခန်းစာတချို့ကိုပါရကောင်းရနိုင်ပါလိမ့်မယ် Translated by Aye Chansu Encoded by sithu