Han Soto ပါဝင်သော ဇာတ်ကားများ

Five Nights at Freddy's 2 (2025) IMDb Rating (5.5) / Rotten Tomatoes (16%) ဒီရုပ်ရှင်ဟာ ပရိသတ်တွေ စောင့်မျှော်နေတဲ့ Five Nights at Freddy's ရဲ့ ဒုတိယမြောက် ဇာတ်ကားဖြစ်ပြီး ပထမကားမှာ ကျန်ရှိခဲ့တဲ့ ပဟေဠိတွေနဲ့ အန္တရာယ်သစ်တွေကို ဆက်လက်ပုံဖော်ထားပါတယ်။ ဇာတ်လမ်းအကျဉ်း Mike Schmidt နဲ့ သူ့ရဲ့ညီမလေး Abby တို့ဟာ ပထမကားက အဖြစ်ဆိုးတွေအပြီးမှာ ပုံမှန်ဘဝတစ်ခုကို ပြန်လည်ထူထောင်ဖို့ ကြိုးစားနေကြပါတယ်။ ဒါပေမဲ့ Abby ကတော့ Freddy, Bonnie, Chica နဲ့ Foxy ဆိုတဲ့ စက်ရုပ်သူငယ်ချင်းတွေကို မေ့မရနိုင်ဘဲ လွမ်းဆွတ်နေဆဲပါ။ တစ်ဖက်မှာလည်း မြို့ထဲမှာ "Fazfest" လို့ခေါ်တဲ့ Freddy Fazbear ဆိုင်ဟောင်းကို အမှတ်တရဂုဏ်ပြုမယ့် ပွဲတော်တစ်ခု ကျင်းပဖို့ ပြင်ဆင်နေကြတာက ကံဆိုးမိုးမှောင်ကျမယ့် နိမိတ်တစ်ခု ဖြစ်လာပါတယ်။ ဒီတစ်ခါမှာတော့ ရန်သူအသစ်ဟာ ပိုပြီး အစွမ်းထက်ပြီး ကြောက်စရာကောင်းတဲ့ Charlotte (The Marionette) ပါ။ သူဟာ William Afton ရဲ့ ပထမဆုံး သတ်ဖြတ်ခြင်းခံခဲ့ရတဲ့ ကလေးမလေးရဲ့ ဝိညာဉ်ဖြစ်ပြီး၊ ယခုအခါမှာ ကျန်ရှိနေတဲ့ စက်ရုပ်ဟောင်း (Withered Animatronics) တွေကို ကြိုးမဲ့စနစ်နဲ့ ထိန်းချုပ်ကာ လူတွေကို (အထူးသဖြင့် မိဘတွေကို) ကလဲ့စားချေဖို့ ကြိုးစားနေပါတယ်။ Abby ဟာ သူမရဲ့ သူငယ်ချင်းတွေကို ကယ်တင်ချင်စိတ်နဲ့ လှည့်စားခံရပြီး စက်ရုပ်တွေကို ပိတ်လှောင်ထားတဲ့ စနစ် (Perimeter Lock) ကို ဖွင့်ပေးလိုက်မိရာကနေ စက်ရုပ်တွေ မြို့ထဲကို လွတ်ထွက်လာခဲ့ပါတယ်။ Mike နဲ့ ရဲအရာရှိ Vanessa တို့ဟာ Abby ကို ကယ်တင်ဖို့နဲ့ စက်ရုပ်တွေကို တားဆီးဖို့ အသည်းအသန် ကြိုးစားကြရပါတယ်။ ဇာတ်လမ်းရဲ့ အထွတ်အထိပ်မှာတော့ William Afton ရဲ့ သားဖြစ်သူ Michael Afton ဟာ ဇာတ်ကောင်အသစ်အနေနဲ့ ပေါ်ထွက်လာပြီး သူ့အဖေရဲ့ မပြီးဆုံးသေးတဲ့ လုပ်ရပ်တွေကို ဆက်လက်လုပ်ဆောင်ဖို့ ကြေညာလိုက်တဲ့အခါ Mike တို့ ဘယ်လို ရင်ဆိုင်ကြမလဲဆိုတာကို ရင်တမမနဲ့ ကြည့်ရှုရမယ့် သည်းထိတ်ရင်ဖို ဇာတ်ကားတစ်ကား ဖြစ်ပါတယ်။ ထူးခြားချက်တွေအနေနဲ့တော့ Withered Animatronics: ပထမကားက စက်ရုပ်တွေထက် ပိုမိုပျက်စီးဟောင်းနွမ်းနေပြီး ကြောက်စရာကောင်းတဲ့ ပုံစံသစ်တွေနဲ့ တွေ့မြင်ရမှာပါ။ The Marionette (Charlotte): ဂိမ်းစီးရီးထဲက အရေးပါတဲ့ ဇာတ်ကောင် Marionette ရဲ့ နောက်ခံရာဇဝင်နဲ့ စွမ်းအားတွေကို ဒီကားမှာ အဓိကထား တင်ဆက်ထားပါတယ်။ Villain အသစ်: Michael Afton ဆိုတဲ့ ဇာတ်ကောင်သစ်ပါဝင်လာပြီး ဇာတ်လမ်းကိုပိုမြိုင်ဆိုင်သွားစေပါတယ်။ Five Nights at Freddy's ဂိမ်းပရိသတ်တွေရော၊ သည်းထိတ်ရင်ဖို ရုပ်ရှင်ကြိုက်သူတွေပါ လက်မလွှတ်သင့်တဲ့ ဇာတ်ကားကောင်းတစ်ကား ဖြစ်ပါတယ်။ File size… (2.7 GB) / (1.1 GB) / (740 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Horror,Thriller Duration…. 01:44:40 Subtitle…. Myanmar Subtitle (Hardsub)

ဒီသရဲကားကတော့ စာရေးဆရာကြီး စတီဖင်ကင်းရဲ့ဝတ္ထုတိုတစ်ပုဒ်ကို ပြန်လည်ရိုက်ကူးထားတာပဲဖြစ်ပါတယ်။မူလအစီအစဉ်ကတော့ Hulu မှာ streaming ပြသဖို့ ဖြစ်ပေမဲ့အကြိုပွဲတွေမှာ လူတွေအရမ်းကြောက်ပြီးကြိုက်ကြတဲ့အတွက် ရုံတင်ဖြစ်သွားပါတယ်။အချို့အခန်းတွေမှာ ပရိသတ်တွေ အရမ်းအော်ပြီး အရေးကြီးတဲ့ဒိုင်ယာလော့တွေကို အသံဖုံးသွားလို့ ရုပ်ရှင်ကိုကြောက်စရာအခန်းနဲ့ ဒိုင်ယာလော့ကြား နည်းနည်းခြားအောင်ပြန်တည်းဖြတ်လိုက်ရပါသေးတယ်။ ဒီရုပ်ရှင်ရဲ့ အဓိက မိန်းကလေးသရုပ်ဆောင်နှစ်ယောက်ကတော့Star Wars Series ထဲက မင်းသမီးလေယာနဲ့ ဒရက်ရှ် နေရာက သရုပ်ဆောင်ခဲ့တဲ့နှစ်ယောက်ပါပဲ။ ဇာတ်လမ်းအကျဉ်း အဓိကမကောင်းဆိုးဝါး ဘူဂီမန်းဟာ စတီဖင်ကင်းရဲ့ နာမည်ကျော် IT နဲ့ အတော်ဆင်တူပါတယ်။ကလေးတွေကို အရမ်းကြောက်အောင်လုပ်ပြီး သတ်ပစ်တာပါ။ဒါပေမဲ့ IT လောက်တော့ စွမ်းအားမကြီးပါဘူး။သူဟာ အလင်းကိုကြောက်ပါတယ်။အမှောင်ထဲမှာပဲ လှုပ်ရှားနိုင်တယ်။စိတ်ဒဏ်ရာရှိနေတဲ့ကလေးတွေကို ပစ်မှတ်ထားတယ်။ဒီလိုမျိုးပါပဲ။စတီဖင်ကင်းရဲ့ ဝတ္ထုတိုပဲဖြစ်လို့ IT, Dark Tower လို့ပင်မဇာတ်ကြောင်းကြီးမှာတော့ ထပ်မပါသေးပါဘူး။ ဒီရုပ်ရှင်မှာတော့ စိတ်ကုထုံးဆရာဝန်ဒေါက်တာ ဟာပါမှာ ဆေဒီ နဲ့ ဆောယာဆိုတဲ့ သမီးနှစ်ယောက်ရှိပါတယ်။သူတို့ရဲ့အမေကတော့ မကြာသေးခင်‌လေးက ကားတိုက်မှုဖြစ်ပြီးဆုံးသွားတာမို့ သူတို့မိသားစုဝင်သုံးယောက်လုံးကိုယ်စီပူဆွေးနေတုန်းအချိန်မှာပဲရှိပါသေးတယ်။တစ်နေ့မှာတော့ လူတစ်ယောက် ရုတ်တရက်ဒေါက်တာဟာပါနဲ့ လာပြပါတယ်။သူ့ရဲ့ကလေးတွေကို မကောင်းဆိုးဝါးတစ်ကောင်ကသတ်သွားကြောင်း အခိုင်အမာပြောပါတယ်။ပြီးတော့ ဒေါက်တာဟာပါရဲ့အိမ်မှာပဲသတ်သေသွားပါတယ်။အဲဒီနောက်မှာ ကလေးမလေးနှစ်ယောက်ဟာထူးဆန်းတဲ့ကြောက်စရာတွေမြင်လာရတဲ့အခါ... File size… 2.8 GB / 1.1 GB /  445 MB Quality… WEB Rip 4K/ 1080p / 720p Format… mp4 Duration…. 1h 38m Genre .....  Horror Subtitle…. Myanmar Subtitle (Hard Sub) Encoder…. Thit San Khant Translated by Mr Anderson

Nick Bannister (Hugh Jackman) ကစစ်ပြန်တစ်ယောက်၊ သူ့လက်ထောက် Watts (Thandie Newton) နဲ့ အလုပ်စပ်တူလုပ်ကြတယ်.. သူတို့လုပ်တဲ့အလုပ်ကတော့ စိတ်ဝင်စားစရာပါ... အတိတ်ကိုပြန်တမ်းတလွမ်းဆွတ်နေတဲ့ လူတွေကို စက်ကိရိယာတွေဆေးဝါးတွေ အကူအညီနဲ့ သူတို့တမ်းတနေတဲ့အတိတ်ဆီကို တစ်ဖန်ပြန်ပြီးခေါ်ယူသွားပေးနိုင်တဲ့ Reminiscence လို့ ခေါ်တဲ့ ပရိုဂရမ်တစ်ခုကိုလုပ်ကြတာပါပဲ အတိတ်လောက်စွဲလန်းစေတဲ့အရာ ဘယ်အရာမှမရှိဘူးမဟုတ်လား? လူတွေဟာ သူတို့ချစ်ရတဲ့သူတွေနဲ့ နောက်တစ်ကြိမ်တွေ့ခွင့်ရချင်ကြတယ်၊ ဘဝရဲ့အဓိပ္ပါယ်အရှိဆုံးအချိန်လေးတွေမှာ ပြန်လည်နေထိုင်ချင်ကြတယ်မဟုတ်လား? ဒီလိုနဲ့ ရည်ရွယ်ချက်ကြီးမားတဲ့ သူတို့လုပ်ငန်းဆီကို Mae (Rebecca Ferguson) ဆိုတဲ့မိန်းမလှလေးတစ်ယောက် ရောက်လာပါတယ်.. သူ့ပြသနာကတော့ အိမ်ခန်းသော့ပျောက်နေလို့ပါတဲ့ ပြီးခဲ့တဲ့မနက်က သူ့အတိတ်ဆီပြန်ခေါ်သွားပေးဖို့တောင်းဆိုလာပါတယ်.. Watts ကသဘောမတူချင်ပေမယ့် အဲ့ဒီမိန်းကလေးကိုမြင်မြင်ချင်းစွဲလန်းသွားမိတဲ့ Nick ကတော့ချက်ချင်းသဘောတူပြီး ကောင်မလေးကိုလိုက်လျောရာကနေ သူတို့နှစ်ဦးဇာတ်လမ်းဖြစ်သွားပါတော့တယ်။ ဒါပေမယ့် တစ်နေ့မှာတော့ ဆူးညှောင့်ခလုတ်မရှိသာယာနေတဲ့ သူတို့ဇာတ်လမ်းလေးကနေ Mae တစ်ယောက်ရုတ်တရက်ပျောက်ကွယ်သွားခဲ့ပါတော့တယ်။ အတိတ်တွေဟာ အမြဲမလှပနိုင်ဘူးလေ... တစ်ခါငိုရရင် တစ်ခါမကပြုံးခဲ့ဖူးတာလဲ မင်းမမေ့နဲ့ဦးဆိုတဲ့ သီချင်းလိုပဲပေါ့.. ဘဝတွေက ဆင်းရဲရင် ပိုနက်နဲရှုပ်ထွေးတတ်တာပဲ... ကဲ...ဒီတော့ Mae တစ်ယောက် ဘာကြောင့်ပျောက်သွားတာလဲ... သူ့ရဲ့အတိတ်တွေကရော ဘာတွေဖြစ်နေမလဲ... အတိတ်ကိုတူးဖော်မယ့် Reminiscence နဲ့အတူ လိုက်ပါစီးမျောကြည့်ကြပါစို့။ File size…(2 GB) / (1.1 GB) / (450MB) Quality….WEB-DL 1080p / 720p / 480p Format…mp4 Duration….01:56:00 subtitle….Myanmar Hardsub Encoder….Nyeinsaeya Aung Translated by Sai Thurein Alias

ကားမတော်တဆမှုတစ်ခုကြောင့် နိုလန်ဟာ ဇနီးသည်ကို ဆုံးရှုံးလိုက်ရသလို သူ့ရဲ့မှတ်ဉာဏ်တွေလည်း ပျောက်ဆုံးသွားခဲ့ပါတယ်။ ဆရာဝန်တွေအားလုံး လက်လျှော့ထားချိန်မှာ သတိပြန်ရလာပေမယ့် အရင်ကအကြောင်းတွေကိုတော့ ပြန်မမှတ်မိနိုင်သေးဘူး။ မှတ်ဉာဏ်ပြန်ရဖို့ ကုသမှုတွေခံယူရင်း မထူးခြားလာတဲ့အဆုံး ဆရာဝန်ဖြစ်တဲ့ သူငယ်ချင်းရဲ့လမ်းညွှန်မှုနဲ့ စိတ်အထူးကုဆရာဝန် ဘရုဆီ ရောက်သွားပါတယ်။ ဒေါက်တာဘရုနဲ့အတူ ပျောက်ဆုံးနေတဲ့မှတ်ဉာဏ်တွေကို ဘယ်လိုပြန်ရှာကြမလဲ။ နိုလန် သတိပြန်ရလာတာက သာမန်ထက်ထူးခြားတဲ့ ဖြစ်ရပ်တစ်ခုလား၊ ဘရုကရော သူ့ကို ရိုးရိုးသားသား ကူညီနေတာလားဆိုတဲ့ မေးခွန်းတွေ ရှိလာပါတယ်။ ဘရု လျှို့ဝှက်ထားတဲ့အရာတွေက ဘာတွေလဲဆိုတာကိုလည်း ဆက်သိရဦးမှာပါ။ ၂၀၂၀ ခုနှစ်ထွက် အမေရိကန် သိပ္ပံစိတ်ကူးယဉ်နဲ့ ထိတ်လန့်သည်းဖိုဇာတ်ကားဖြစ်ပြီး သရဲမပါဘဲ ချောက်ချားစရာအခြေအနေတွေကို တင်ဆက်ထားပါတယ်။

In the near future, a weary Logan cares for an ailing Professor X in a hideout on the Mexican border. But Logan's attempts to hide from the world and his legacy are upended when a young mutant arrives, pursued by dark forces. File size…(2.4 GB) and (1.3 GB) Quality…Blu-Ray Rip 1080p 5.1 Format…mp4 Duration….02:17:00 Subtitle….Myanmar Subtitle (Hardsub) Encoder….Nyeinsaeya Aung Translated by Thomas Wayne Jr.

Review ကိုတော့ အရင် FF ကားတွေကိုကြည့်ပီးတဲ့သူတိုင်းသိမှာဖြစ်တဲ့အတွက်မပေးလိုတော့ပါ သူတို့ရဲ့အကြောင်းပဲ အနည်းအကျဉ်းမိတ်ဆက်ချင်ပါတယ်။ Fantastic Four ဇာတ်လမ်းကို Stan Lee က ဖန်တီးရေးသားခဲ့ပြီး ရေးခဲ့ရတဲ့အကြောင်းအရင်းကတော့ အဲ့ဒီအချိန်မှာ DC က Justice League of America ဆိုပြီး Superhero အဖွဲ့ ကိုစတင်မိတ်ဆက် နေပြီ ဖြစ်ပါတယ်။ ဒါကြောင့် Stan Lee က Marvel ရဲ့ ပထမဆုံး စူပါဟီးရိုး အသင်းကို ဖန်တီးဖို့ အတွက် စီစဉ်ပါတော့တယ်။ ဒါပေမယ့် သူက DC လို လိုက်ပြီး မလုပ်ချင်တာရယ်၊ သူ့ရဲ့ Superhero အဖွဲ့ကို တမူထူးခြားအောင် လုပ်ဖို့စီစဉ်ပါတယ်။ ဒါ့အပြင် Stan က သူ့ရဲ့ အဖွဲ့ကို Secret Identity လည်း မရှိစေချင်သလို ကာတွန်းထဲမှာပါမယ့် Superhero ရဲ့ ချစ်သူ ကို အားနွဲ့တဲ့ မိန်းကလေး မဖြစ်စေချင်ပါဘူး။ Superman နဲ့ Lois Lane လို မဖြစ်စေချင်တာပါ။ Lois က Superman က Clark Kent ဆိုတာမသိသလို သူမကို တစ်ချိန်လုံး ကယ်တင်နေရပါတယ်။ ဒါကြောင့် Stan က သူ့ရဲ့ အဖွဲ့ကို လုံး၀ Secret ID မရှိစေပဲ လူသိရှင်ကြား ကြေငြာထားသလို၊ Reed နဲ့ Sue ကလည်း အဖွဲ့သားတွေလည်းဖြစ် ချစ်သူတွေလည်း ဖြစ်ကြပါတယ်။ သူတို့အချင်းချင်း ဘာလုပ်လည်းဆိုတာလည်း သိသလို Sue Storm (Invisible Woman) က သူတို့အဖွဲ့မှာ အရေးပါတဲ့ member တစ်ယောက် ဖြစ်လာပါတယ်။ ဒါ့အပြင် သာမန် sidekick မထည့်တော့ပဲ လူငယ် အဖွဲ့ဝင်အဖြစ် Johnny Storm (Human Torch) ကို ထည့်ပေးလိုက်ပြီး Sue ရဲ့ မောင်အဖြစ်ထည့်ပေးလိုက်ပါတယ်။ နောက်ဆုံးတစ်ယောက်ကိုတော့ ကျန်တဲ့ အဖွဲ့ဝင်တွေထက် ပိုထူးခြားအောင် လုပ်ချင်တာကြောင့် Ben Grimm ကို Rock Monster အဖြစ် လုပ်ဖန်တီးလိုက်ပြီး The Thing လို့အမည်ပေးလိုက်ပါတယ်။ ဒီကနေ Fantastic Four ဖြစ်လာပြီး သူတို့အဖွဲ့ကို ပထမဆုံး အကြိမ်အဖြစ် Nov 1961 မှာ Fantastic Four issue #1 မှာ စတင်မိတ်ဆက်ခဲ့ပြီး သူတို့ရဲ့ ကိုယ်ပိုင် ကာတွန်းစာအုပ် တွေစတင်ထွက်လာပါတယ်။ ကာတွန်းထဲမှာတော့ သူတို့ Reed Richards က လူငယ်သိပ္ပံပညာရှင်တစ်ဦးဖြစ်ပြီး နောင်တစ်ချိန်မှာ Marvel Universe ရဲ့ ဉာဏ်အကောင်း သုံးယောက်ထဲမှာ တစ်ယောက် အပါဝင်ဖြစ်လာပါတယ်။ Comic ထဲမှာ Reed Richard အစိုးရ ရဲ့ လကမ္ဘာထက် ပိုဝေးတဲ့ ဂြိုလ်တွေစီသွားမယ့် အစီအစဉ်မှာ အလုပ် လုပ်နေရင်းပြီး Rocket လည်း ဆောက်ပြီးသွားတဲ့အချိန်မှာ အစိုးရက ငွေထောက်ပံ့နေတာ ရပ်တော့မှာဖြစ်လို့ သူကိုယ်တိုင် Rocket နဲ့ သွားမယ်လို့ ဆုံးဖြတ်လိုက်ပါတယ်။ ဒီအခါမှာ Reed က သူ့ချစ်သူ Sue Storm ကို လိုက်ပါဖို့ခေါ်ခဲ့ပြီး Sue ရဲ့ မောင်လေး Johnny ကလည်း သူ့အမကို စိတ်မချလို့ မရမက လိုက်လာပါတယ်။ ဒါ့အပြင် Rocket ကို Pilot လုပ်ဖို့ အတွက် သူ့ရဲ့ မိတ်ဆွေ ဖြစ်သူ တစ်ချိန်က လေတပ်ရဲ့ Test Pilot ဖြစ်တဲ့ Ben Grimm ကို အကူအညီတောင်းခဲ့ပါတယ်။ ဒီလိုနဲ့ သူတို့လေးယောက် Rocket ကို အစောင့်တွေအလစ်မှာ ခိုးဝင်ပြီး အာကာသထဲကို အောင်မြင်စွာ ထွက်လာ နိုင်ခဲ့ပေမယ့် လမ်းမှာ အမှတ်မထင် ပဲ Space Storm တိုက်ခတ်ခြင်းခံရပြီး ဒီ ကနေသူတို့ တွေ ရှေ့မဆက်နိုင်တော့ပဲ ကမ္ဘာပေါ်ကို ပြန်ဆင်းခဲ့ရပါတယ်။ ဒီမှာ ကျွန်းတစ်ကျွန်းပေါ်ကို လေယာဉ်ပျက်ကျပြီး သူတို့ ရဲ့ ကိုယ်ခန္ဓာတွေ ပြောင်းလဲလာကို တွေ့ရပြီး သူတို့ ရဲ့ ပါဝါတွေကို ထိမ်းချုပ်နိုင်လာပြီးတဲ့နောက်မှာ သူတို့ စွမ်းအားကိုသုံးပြီး အဖွဲ့ အနေနဲ့ လူတွေကို ကယ်တင်မယ်လို့ သဘောတူခဲ့ကြပါတယ်။ သူတို့ရဲ့ စွမ်းအားတွေက အားလုံးသိပြီးတဲ့အတိုင်း Reed Richards က ရာဘာလိုပဲ ကိုယ်ခန္ဓာကို လိုသလို ဆန့်ထွက်လို့ရသလို၊ Ben Grimm က Rock Monster ဖြစ်သွားပါတယ်။ Johnny ရဲ့ ကိုယ်က မီးတောက် တွေထုတ်လို့ရသလို၊ Sue က ကိုယ်ဖျောက်စွမ်းအားရှိပါတယ်။ Johnny က Human Torch, Sue က Invisible Girl (နောက်ပိုင်းမှာ Invisible Woman), Ben Grimm က The Thing လို့ စူပါဟီးရိုးနာမည် ယူကြပြီး Reed Richard က Mr.Fantastic လို့ အမည်တွင်ခဲ့ပါတယ်။ ဒီလို နာမည်တွင်ရတာ သူရဲ့ ပါဝါကြောင့် မဟုတ်ပဲ သူက အရမ်းတော်တဲ့ သိပ္ပံပညာရှင်တစ်ဦးဖြစ်လို့ဖြစ်ပါတယ်။ ၂၀၀၅ တုန်း ထွက်ခဲ့တဲ့ ရုပ်ရှင်မှာပါတဲ့ Baxter Building လို့ခေါ်တဲ့အထပ်မြင့် တိုက်က သူတို့အဖွဲ့ရဲ့ ဌာနချုပ်ဖြစ်ပါတယ်။ သူတို့အဖွဲ့ရဲ့ Fantastic Four Car ကိုတော့ 2007 ဒုတိယမြောက်ကားမှာ တွေ့ရမှာဖြစ်ပါတယ်။ ဒါ့အပြင် Reed Richard က Unstable Molecules ကိုတီထွင်ခဲ့ပြီး ဒီ Molecules တွေနဲ့ သူတို့ဝတ်စုံတွေကို ဖန်တီးထားတာဖြစ်ပါတယ်။ ဒါကြောင့် Reed Richards ရဲ့ ဝတ်စုံက သူနဲ့လိုက်ပြီး ဆန့်ထွက်နိုင်တာဖြစ်သလို Sue ရဲ့ ဝတ်စုံကလည်း သူမကိုယ်ဖျောက်ရင် လိုက်ပျောက်တာဖြစ်ပါတယ်။ အလားတူ Johnny ရဲ့ ဝတ်စုံကလည်း မီးမလောင်တာဖြစ်ပါတယ်။ ဒီနေရာမှာ Fantastic Four အကြောင်းပြောရင် ချန်ထားလို့မရတဲ့ အချက်တွေရှိပါတယ်။ ပထမတစ်ခုက သူတို့ရဲ့ အဓိက ဗိလိန် Dr. Doom (Victor Von Doom), ဗီလိန်ကနေ မိတ်ဆွေဖြစ်သွားတဲ့ Silver Surfer နဲ့ Negative Zone တို့ဖြစ်ပါတယ်။ ပထမဆုံး Dr.Doom အကြောင်းအရင်ပြောရရင် သူက Marvel Universe ထဲက စိတ်ကူးယဉ် တိုင်းပြည် Latveria ရဲ့ Dictator တစ်ဦးဖြစ်ပါတယ်။ သူက အရမ်းတော်တဲ့ သိပ္ပံပညာရှင်တစ်ဦးဖြစ်သလို၊ မှော်ဆရာတစ်ဦးလည်းဖြစ်ပါတယ်။ ဒါ့အပြင် သူ့တိုင်းပြည်ကိုလည်း အရမ်းချစ်ပါတယ်။ သူက Fantastic Four သာမက Avengers နဲ့လည်း မကြာခဏ ထိပ်တိုက်တွေ့လေ့ရှိပါတယ်။ Negative Zone ဆိုတာကတော့ လက်ရှိ Fantastic Four (2015) ရုပ်ရှင်ထဲမှာ Planet Zero အဖြစ် ဖော်ပြခဲ့တဲ့နေရာဖြစ်ပြီး၊ ကာတွန်းထဲမှာ Reed Richards က ရှာတွေ့ခဲ့တာဖြစ်ပါတယ်။ Negative Zone က Marvel Civil War ဇာတ်လမ်းတွဲမှာ အရေးပါတဲ့ အရာတစ်ခုဖြစ်ပြီး Reed Richards နဲ့ Iron-Man တို့ နှစ်ယောက်က Negative Zone ထဲမှာ အကျဉ်းထောင် ဆောက်ထားပြီး သူတို့ကို ပုန်ကန်တဲ့ သူမှန်သမျှ ကို အဲ့ဒီမှာ ချုပ်ထားပါတယ်။ Silver Surfer ကတော့ ရုပ်ရှင်ထဲမှာပါသလိုပဲ Galactus ရဲ့ ကင်းထောက်ဖြစ်ပြီး Galactus အတွက် ဂြိုလ်တွေကို လိုက်ရှာပေးရတာဖြစ်ပါတယ်။ Galactus က Fantastic Four ရဲ့ အဓိက ဗီလိန် နောက်တစ်ယောက်ဖြစ်ပြီး God-Like creature တစ်ကောင်ဖြစ်ကာ ဂြိုလ်တွေကို စားသုံးပြီး စွမ်းအားရယူတာဖြစ်ပါတယ်။ Silver Surfer က ကမ္ဘာကိုရောက်ပြီး Fantastic Four အဖွဲ့နဲ့ တွေ့တဲ့နောက်မှာ ပေါင်းမိသွားပြီး Galactus ကို တွန်းလှန်ရင်ဆိုင်ခဲ့ပါတယ်။ လက်ရှိရုပ်ရှင်ကို Fantastic Four စာအုပ်နဲ့မတူဖူးလို့ ပြောနေကြတာ တကယ်တော့ မဟုတ်ပါဘူး။ သူတို့ က Alternate version ဖြစ်တဲ့ Fantastic Four (Ultimate) ဇာတ်လမ်းကို အသုံးပြုထားတာဖြစ်ပါတယ်။ အဲ့ ဒီဇာတ်လမ်းတွေမှာ အသက်ပိုငယ်တဲ့ Fantastic Four အဖွဲ့ကို သုံးထားပါတယ်။ Ultimate Story မှာ Reed ကို လူငယ်ဘဝထဲက အရမ်းတော်လို့ အစိုးရသ သူတို့ဆီမှာ အလုပ်လုပ်ဖို့ ခေါ်ခဲ့ပြီး အဲ့ဒီမှာ Sue နဲ့ Johnny Storm တို့နဲ့စတွေ့ခဲ့ပါတယ်။ သူက ကလေးဘဝထဲက အရာဝတ္ထုလေးတွေကို Teleport လို့ဖို့ ကြိုးစားနေပြီး အောင်မြင်အောင်လည်း ပို့နိုင်ပါတယ်။ သူက တစ်ဖက်ကိုရောက်အောင် ပို့နိုင်ပြီး ပြန်မခေါ်တတ်တာပဲ ရှိပါတယ်။ သူပို့လိုက်တဲ့ ပစ္စည်းတွေက Negative Zone ကိုရောက်သွားကြတာဖြစ်ပါတယ်။ ဒီ Version မှာ Victor Von Doom က သူတော်တာ တတ်တာကို ကမ္ဘာက သိစေချင်တာဖြစ်သလို၊ Reed Richards နဲ့ပေါင်းပြီး Teleportation Technology ကို အောင်မြင်စွာ တီထွင်နိုင်ခဲ့ပါတယ်။ ဒီကနေ Teleportation Device ပေါ်ပေါက်လာပြီး Negative Zone ကို သွားကြတာဖြစ်ပါတယ်။ ဒါက Ultimate FF ရဲ့ Origin ပါ။ ဇာတ်လမ်းမှာက Teleportation Device ကို Quantum Gate လို့ခေါ်ခဲ့ပြီး Negative Zone ကို Planet Zero လို့ပြောင်းခေါ်ထားပါတယ်။ဒါကတော့ FF ရဲ့ Origin ဖြစ်ပြီး ဒီလောက်ဆို သူတို့အကြောင်းကို အနည်းငယ်သိလောက်ပြီထင်ပါတယ်။ ဇာတ်လမ်းကတော့ အရင်တုန်းက ဇာတ်လမ်းလောက်မကောင်းသလို IMDb Rating 4.3 ရရှိထားတာကို သတိပြုရမှာဖြစ်ပါတယ်... File size…3 GB / 2 GB / 1 GB Quality..BuRay 4K / 1080p / 720p Format…mp4 Duration….01:47:00 Subtitle….Myanmar Subtitle (Hardsub)

လွန်ခဲ့တဲ့ ၉ နှစ်က ထွက်ရှိခဲ့တဲ့ sci-fi ရုပ်ရှင်လေးနဲ့မိတ်ဆက်ပေးချင်ပါတယ်။ Parallel ဆိုတာ မြန်မာလိုဆိုရင် အပြိုင်ပေါ့။ အပြိုင်ဆိုတဲ့အတိုင်း ဒီရုပ်ရှင်က Parallel Universe အပြိုင်စကြာ၀ဠာထဲက တခြားကမ္ဘာ‌တွေနဲ့ပတ်သက်တဲ့အကြောင်းကို ဇာတ်အိမ်တည်ပြီး ရိုက်ကူးထားတာပါ။ သိပ္ပံကားတွေ၊ စူပါဟီးရိုးရုပ်ရှင်တွေ ကြည့်ဖူးတဲ့သူတွေဆိုရင်တာ့ ဒီလိုအရာတွေနဲ့ရင်းနှီးကြမှာပါ။ အပြိုင်စကြာ၀ဠာဆိုတာ ကျွန်တော်တို့စကြာ၀ဠာနဲ့ အပြိုင်တည်ရှိနေပြီး ‌ဒီစကြာ၀ဠာထဲက ကမ္ဘာတွေဟာလည်း ကျွန်တော်တို့ကမ္ဘာနဲ့ အနည်းနဲ့အများ တူညီနေကြပါတယ်။ ဥပမာ‌ပေးရရင် ကျွန်တော်တို့ကမ္ဘာမှာ အပြိုင်စကြာ၀ဠာထဲက ကမ္ဘာ ၁ ထက် ပုရွက်ဆိတ်လေးတစ်ကောင်ပဲပိုများပြီး တည်ရှိနေပြီး ကွာခြားနေနိုင်သလို ကမ္ဘာ ၅ မှာတော့ နည်းပညာတွေအရမ်းတိုးတက်ပြီး ကားပျံတွေပါပေါ်နေတာမျိုး အစရှိသဖြင့် မဖြစ်စလောက် ကွာခြားချက်လေးက‌နေ အကြီးကြီးအထိရှိနေနိုင်ပါတယ်။ ဒီနေရာမှာ အချိန်ခရီးသွားတာနဲ့မတူတာက အပြိုင်ကမ္ဘာတွေမှာက timeline အချိန်စီးကြောင်းတွေက အတူတူဖြစ်နေပြီး ဒီကမ္ဘာမှာ ခင်ဗျားက အသက် ၃၀ ဆိုရင် တခြားကမ္ဘာမှာလည်း အသက် ၃၀ ပဲဖြစ်နေမှာပါ။ ဒီကမ္ဘာမှာ ခင်ဗျားက ကြောင်ချစ်တတ်တဲ့ ဆရာ၀န်ဖြစ်နေပေမဲ့ တခြားကမ္ဘာမှာတော့ ခွေးချစ်တတ်တဲ့ အင်ဂျင်နီယာဖြစ်နေနိုင်ပြီး အဲဒီလိုဖြစ်တည်မှုနဲ့ပတ်သက်တာတွေပဲ ကွာခြားသွားတာပါ။ ဇာတ်ကြောင်းကတော့ ရိုနန်ကာဗာဆိုတဲ့ ကြေးစားလက်ဝှေ့သမားဆီကို မတွေ့တာကြာပြီဖြစ်တဲ့ အဖေဖြစ်သူဆီက စာရောက်လာခဲ့ပါတယ်။ ဒီစာထဲမှာ ရိုနန်ကို အိမ်ပြန်လာဖို့ အရေးတကြီးခေါ်ထားတာပါ။ ဒီလိုနဲ့ ရိုနန်တစ်ယောက် အဖေဖြစ်သူရဲ့အိမ်ကိုရောက်ရှိလာတဲ့အချိန်မှာတော့ အဖေကိုမတွေ့ဘဲ ညီမဖြစ်သူ ဘီယာထရစ်သာရှိနေပါတယ်။ အဲဒီနောက်မှာတော့ အဖေဖြစ်သူဟာ ပျောက်ချင်းမလှပျောက်သွားကြောင်းကို ညီမဖြစ်သူထံကနေသိရှိလိုက်ရပါတယ်။ ဒါ့အပြင် အဖေဖြစ်သူဟာ မပျောက်ဆုံးသွားခင်မှာ သူတို့နှစ်ယောက်လုံးကို တိုက်ကြီးတစ်ခုဆီကို သတ်မှတ်ထားတဲ့အချိန်မှာ အတိအကျ သွားကြဖို့ မှာခဲ့တဲ့နောက်မှာတော့ ရိုနန်ရယ် ဘီယာထရစ်ရယ် အိမ်နီးချင်း မိတ်ဆွေဖြစ်တဲ့ ဟာရိုရယ်ဟာ အဖေဖြစ်သူသွားခိုင်းတဲ့တိုက်ကြီးဆီရောက်လာကြပါတော့တယ်။ ဒါပေမဲ့ ဒီတိုက်ကြီးဟာ ရိုးရိုးတိုက်မဟုတ်ဘဲ အပြိုင်စကြာ၀ဠာထဲက ကမ္ဘာတွေနဲ့ အသွားအပြန်လုပ်တဲ့နေရာကြီးဖြစ်နေတဲ့နောက်မှာတော့ သူတို့သုံးဦး တခြားဘယ်ကမ္ဘာတွေကိုရောက်ပြီး ဘယ်သူ‌တွေနဲ့ ဆုံတွေ့ရမလဲ၊ ဘာတွေကြုံတွေ့ရမလဲ၊ သူတို့အဖေကိုရော ရှာတွေ့ပါ့မလား၊ သူတို့အဖေက ရော ဘာလို့တိုက်ကြီးဆီလွှတ်လိုက်တာလဲဆိုတဲ့ မေးခွန်းတွေရဲ့ အဖြေကို သိရဖို့အတွက် ဆက်လက်ကြည့်ရှုခံစားလိုက်ကြပါဦး။ File size…(1.3 GB)/(606 Mb) Quality….Webrip 1080p / 720p Format…mp4 Duration….01:43:00 Genre...Action, Sci-fi Subtitle….Myanmar Subtitle (Hardsub) Encoder….Garfield Translated by Steven Khant

မင်းသားကြီး Will Smith နဲ့ ဟာလေကွင်း မင်းသမီးချော Margot Robbie တို့ အဓိကပါဝင်ထားတဲ့ ဇာတ်ကားပါ။ ဇာတ်လမ်းက လူလိမ်သူခိုးဇာတ်လမ်းဆိုတော့ ကတုံးပေါ်ထိပ်ကွက် ခွကွက် ကျော်ကွက်တွေ အများကြီးနဲ့ တင်ဆက်ထားပါတယ်... Professional လုပ်ငန်းတွေမှာ ပါစင်နယ်ကိစ္စတွေ မရောသင့်ဘူးဆိုတာမျိုးကို အနောက်နိုင်ငံမှာ ပိုသုံးကြပါတယ်။ လူလိမ်လုပ်ငန်းမှာဆိုရင်တော့ ပိုဆိုးတာပေါ့..ပါစင်နယ်ရောလို့မရဘူး။ တစ်ယောက်ကိုတစ်ယောက် လျှို့ဝှက်တတ်တဲ့ လူလိမ်ပါတ်ကား ၂ ယောက် တစ်ယောက်ကိုတစ်ယောက် ချစ်သွားကြတဲ့အခါမှာတော့... သူတို့ရဲ့မစ်ရှင်တွေအောင်မြင်ပါ့မလားဆိုတာ.......။ သရုပ်ဆောင် ၂ ယောက်ရဲ့ အက်တင်ကောင်းကောင်းနဲ့ ဇာတ်လမ်းရဲ့လှည့်ကွက်တွေကို ရှုစားရမှာပါ။ IMDb Rating (6.6) ရရှိထားပါတယ်။ File size…(4.5 GB)/(1.4 GB)/(700 MB) Quality….WEB-DL 4K HEVC /1080p/720p Format…mkv/mp4 Duration….01:44:41 Subtitle….Myanmar Subtitle (Hardsub) Encoder….Nyeinsaeya Aung Translated by Mr.Anderson

Need For Speed (2014) IMDb - 6.4 ဇာတ်လမ်းအညွှန်း ~~~~~~~~~~~~~~~ ပြိုင်ကားချစ်သူတို့အကြိုက်တွေ့စေမဲ့ Need for Speed (2014) ဟာ အမေရိကန် လူငယ်အက်ရှင်-ဒရာမာ ဇာတ်ကားဖြစ်ပြီး Need for speed ဗီဒီယိုဂိမ်းတွေကိုအခြေခံရိုက်ကူးထားပါတယ်။ အမေရိကန်ရဲ့ နာမည်ကြီးပေ့ဆိုတဲ့ ကားအကောင်းစားတွေကိုမှ CGI နည်းနည်းပဲသုံးထားပြီး တကယ့်ကားစတန့်ပြကွက်တွေ ထည့်သွင်းရိုက်ကူးထားတာကြောင့် Golden Trailer Awards (2014), World Stunt Awards (2015), Teen Choice Awards (2014), BMI Film & TV Awards စတဲ့ဆုတံဆိပ်ပေါင်းများစွာ သိမ်းပိုက်ခဲ့တဲ့ ဇာတ်ကားကောင်းတစ်ကားလည်းဖြစ်ပါတယ်။ သရုပ်ဆောင်တွေကတော့ နာမည်ကျော် Breaking Bad ထဲမှမင်းသား Aaron Paul က Tobey Marshall အဖြစ်လည်းကောင်း၊ Captain America ထဲကမင်းသား Dominic Cooper က Dino Brewster အဖြစ်လည်းကောင်း၊ နာမည်ကျော် မင်းသမီး Imogen Poots က Julia Maddon အဖြစ်လည်းကောင်း ပါဝင်သရုပ်ထားကြပါတယ်။ ဇာတ်လမ်းအကျဉ်းကတော့ တိုဘီမာရှယ်ဟာ မြို့ငယ်လေးက ကျွမ်းကျင်တဲ့ ပြိုင်ကားဆင်သူတစ်ဦးဖြစ်ပြီး တရားမဝင် street race တွေမှာ ဝင်ပြိုင်လေ့ရှိပါတယ်။ ဂျူလီယာကတော့ ကားပွဲစားတစ်ဦးဖြစ်ပြီး မြန်ပေ့ဆိုတဲ့ကားတွေကိုမှ အရောင်းဝယ်လုပ်သူပါ။ ဒီနိုကတော့ ကားပြိုင်ပွဲ အကြီးစားတွေထိဝင်ပြိုင်ပြီး နိုင်ပွဲတွေလည်းရခဲ့တာကြောင့် စိတ်ကြီးဝင်နေသူတစ်ယောက်ဖြစ်ပါတယ်။ ကားပြိုင်ပွဲတစ်ခုနဲ့ပတ်သက်ပြီး ဒီနိုရဲ့ ချောက်ချမှုကြောင့် ထောင်ကျခဲ့ရတဲ့တိုဘီဟာ ဂျူလီယာအကူညီနဲ့ နာမည်ကြီး ဒဲလီယွန်ကားပြိုင်ပွဲမှာ ဒီနိုကို လက်စားချေဖို့ဖြစ်လာပါတော့တယ်။ ထောင်ထွက် မျက်နှာမွဲလေး တိုဘီတစ်ယောက် နောက်ခံအင်အားတောင့်တင်းတဲ့ ဒိုဘီကို ကားပြိုင်ပွဲကြီးမှာ အနိုင်ယူပြီး အမှန်တရားကို သက်သေပြနိုင်ပါ့မလားဆိုတာကိုတော့ ဇာတ်ကားထဲမှာ ဆက်လက်ရှုစားလိုက်ကြပါဦးနော်။ (အညွှန်းကိုတော့ Vic က ရေးသားထားပါတယ်) File Size - 7.06 GB/ / 2.66 GB/ 1.23 GB Quality - BluRay 4K/ 1080p/ 720p Duration -2:11:55 Format - mkv Genre - Action, Crime, Drama Subtitle - Myanmar Subtitle (Hard Sub) Translated by - Vic Encoded by -  Phyo Pyae

Left Behind (2014) မင်းသားကြီး Nicolas Cage ရဲ့ 2014 ခုနှစ်တုန်းကထွက်ရှိထားတဲ့ Sci-Fi ဆန်ဆန် ဇာတ်ကားတစ်ကားဖြစ်ပါတယ်။ ဒီဇာတ်လမ်းကို ရေးစတီးလ်လို့ခေါ်တဲ့လေယာဉ်မှူးတစ်ဦးရဲ့ မိသားစုအရှုပ်အထွေးတွေနဲ့ ခရစ်ယာန်ဘာသာထဲမှာပါတဲ့ Rapture (ချီဆောင်ခြင်း) အကြောင်းကို ရောယှက်ပြီး ဇာတ်အိမ်တည်ရိုက်ကူးထားတာဖြစ်ပါတယ်။ ရေးစတီးလ်ဆိုတဲ့လေယာဉ်မှူးမှာ မိသားစုဝင်လေးယောက်ရှိပါတယ်။ သူကိုယ်တိုင်နဲ့ သမီးဖြစ်သူဟာ ဘာသာမဲ့ဝါဒီဘက်ကို အားသန်ပြီး အမေနဲ့ သားဖြစ်သူကတော့ ခရစ်ယာန်ဘာသာကို သက်ဝင်ယုံကြည်ကြပါတယ်။ ခံယူချက်တွေမတူတဲ့အတွက် ရေးနဲ့ သူ့သမီးက မိခင်ဖြစ်သူ သမ္မာကျမ်းစာထဲမှာပါတဲ့အကြောင်းတွေကို ပြောပြတိုင်း အငြင်းအခုန်ဖြစ်လေ့ရှိပါတယ်။ ကြာလာတော့ ရေးကော သူ့သမီးကောက အိမ်သိပ်မကပ်တော့ဘဲ ရေးဟာအပျော်အပါးပဲလိုက်စားလာပါတော့တယ်။ တစ်ရက်မှာ ရေးကသူမွေးနေ့ဖြစ်ရဲ့နဲ့ အိမ်မှာမိသားစုနဲ့မနေဘဲ အလုပ်ကိုအကြောင်းပြပြီး ခရီးစဉ်တစ်ခုလိုက်ရင်းပျော်ပါးဖို့စီစဉ်ပါတယ်။ ရေးရဲ့ လေယာဉ်မထွက်ခင်မှာ သမီးဖြစ်သူက ဖအေရဲ့မွေနေ့အတွက် စပရိုက်လုပ်ဖို့ တကူးတကလေယာဉ်ကွင်းမှာလာစောင့်နေတာကိုတောင် မုသားနဲ့အချိုသပ်ပြီး လေယာဉ်မောင်းထွက်သွားခဲ့ပါတယ်။ ဖအေ မအေနဲ့ သမီးဖြစ်သူကြား ဒွိဟဖြစ်ဖွယ်တွေများနေတဲ့အချိန်မှာ ရုတ်ချည်းဆိုသလို ကမ္ဘာတစ်ဝှမ်း မဖြစ်နိုင်ဖွယ်ကိစ္စတွေ ဖြစ်သွားခဲ့ပါတယ်။ အဲဒါကတော့ လူတွေရုတ်ချည်းဆိုသလို ထပျောက်သွားတာပါပဲ။ သာမန်ဖြစ်ရပ်တွေနဲ့ မတူဘဲ အံ့ဩဖို့ကောင်းတာကတော့ပျောက်သွားတဲ့လူတွေဟာ လူခန္ဓာချည်းပျောက်သွားပြီးတော့ သူတို့ရဲ့အဝတ်အစားတွေကျန်နေခဲ့တာပါပဲ။ ဒီလိုပျောက်ခြင်းမဆုံး ပျောက်ခြင်းတွေဖြစ်ပြီးနောက်ပိုင်း နေရာတစ်ဝှမ်းမှာ မတော်တဆမှုတွေဖြစ် အုတ်​အော်သောင်းနင်တွေ စပြီးဖြစ်လာပါတော့တယ်။ ~ ချီဆောင်ခြင်းအကျဉ်း ~ ခရစ်ယာန်တွေရဲ့ Holy Bible လို့ခေါ်တဲ့ သမ္မာကျမ်းစာအုပ်ရဲ့ နောက်ဆုံးကျမ်းဖြစ်တဲ့ ဗျာဒိတ်ကျမ်းမှာ "Rapture" လို့ခေါ်တဲ့ ချီဆောင်ခြင်းဆိုတာရှိပါတယ်။ ချုံ့ပြောရရင်တော့ AD ခုနှစ် ၃၃ ခုနှစ်ဝန်းကျင် သခင်ယေရှုက ကောင်းကင်နိုင်ငံတော်ကို မပြန်ခင်မှာ ကမ္ဘာပေါ်ကို နောက်တစ်ကြိမ်ပြန်ကြွလာမယ်လို့ ပြောသွားပါတယ်။ ကျမ်းစာအတော့ သခင်ယေရှုကမ္ဘာပေါ်ကို ပြန်မကြွလာခင်မှာ ဒီရုပ်ရှင်ထဲက Rapture ဆိုတဲ့ဖြစ်စဉ်ကြီးကဖြစ်လာမှာပါ။ ကျမ်းစာထဲမှာ Rapture ဖြစ်မယ့်အချိန်ကို ကျွန်တော်တို့ အခုလက်ရှိသုံးနေတဲ့ ခရစ်သက္ကရာဇ်နဲ့အတိအကျ​တော့ မဖော်ပြထားပေမဲ့ Rapture မဖြစ်လာခင်မှာဖြစ်လာမယ့်နိမိတ်တွေကို ဟောကိန်းထုတ်ထားတာတွေရှိပါတယ်။ Covid လို ကာလနာကပ်ဆိုးတွေ၊ ကမ္ဘာပျက်ကပ်နီးကြောင်းပြနေတဲ့ ရာသီဥတုနဲ့ ပတ်ဝန်းကျင် ပျက်ကပ်တွေပါသလို အမေရိကန်နဲ့ ရုရှားတို့ တစ်ချိန်မှာ ရန်ဘက်ဖြစ်ပြီး သူတို့ရဲ့မဟာမိတ်တွေအချင်းချင်းနဲ့ ကမ္ဘာစစ်ဖြစ်လာမယ်ဆိုတဲ့အကြောင်းအပြင် တခြားကြောင်းတွေကိုပါ သမ္မာကျမ်းစာစတင်ပြုစုခြင်းခံရတဲ့အချိန်ကတည်းက ဟောကိန်းထုတ်ထားခဲ့တာဖြစ်ပါတယ်။ (ဒီဇာတ်ကားနဲ့အညွှန်းကို Mark မှ ပြန်ဆို ရေးသားထားပါတယ်) Size - 2GB, 1GB Quality - 1080p, 720p Format - mp4 Duration - 1H 50Min Genre - Action, Fantasy, Sci-Fi Subtitle - Myanmar Subtitle (Hardsub) Translated by Mark Encoded by Y

Ender's Game (2013) IMDb - 6.6/10 Rotten - 62% Ender's Game (2013)ကတော့ ၁၉၈၅ ခုနှစ် ထုတ် စိတ်ကူးယဉ် သိပ္ပံ ဝတ္ထု ကို ရုပ်ရှင် ပြန်ရိုက်ကူးထားတာပါ။ ဇာတ်လမ်းကတော့ ၂၀၈၆ ခုနှစ်မှာ ကမ္ဘာကို Formics လို့ခေါ်တဲ့ ဂြိုလ်သားတွေက တိုက်ခိုက်လာပါတယ်။ အဲ့ဒီစစ်ပွဲမှာ လေတပ်ဗိုလ်ချုပ်တစ်ယောက်ရဲ့ စွမ်းဆောင်မှုကြောင့် ဂြိုလ်သားတွေရဲ့ အားနည်းချက်ကိုသိလိုက်ပြီး သူတို့ကို အနိုင်တိုက်နိုင်ခဲ့ပါတယ်။ လူသားတွေ အနိုင်ရခဲ့ပေမယ့် လူသန်းပေါင်းများစွာ အသက်ဆုံးရှုံးခဲ့ရပါတယ်။ အဲ့ဒီနောက်မှာတော့ နိုင်ငံတကာ လေတပ်အဖွဲ့ကနေပြီး လူကြီးတွေအစား လူငယ်တွေကို လေ့ကျင့်ပေးပြီး Formics တွေပြန် ပြီးတိုက်ခိုက်လာရင် ကာကွယ်နိုင်အောင်ဖြစ်ပါတယ်။ လေ့ကျင့်ပေးရာမှာလည်း Simulation တွေ ဂိမ်းတွေ အပေါ် အခြေခံပြီး လူငယ်တွေကို ရွေးချယ်တာဖြစ်ပါတယ်။ နှစ်ငါးဆယ် ကြာသွားပြီးတဲ့အချိန်မှာ Formics တွေရဲ့ဂြိုလ်ပေါ်မှာ စစ်တပ်အင်အား အဆမတန် တိုးပွားလာကို လူတွေက သတိထားမိပြီး သူတို့ နောက်တစ်ကြိမ် ကမ္ဘာကို လာပြီး ရန်မစရဲအောင် သူတို့ ရဲ့ ဂြိုလ်အထိ လိုက်ပြီး တိုက်ခိုက် နှိမ်နင်းဖို့ ကြိုးပမ်းနေကြပါတယ်။ အဲ့ဒီမှာ Ender Wiggin လို့ခေါ်တဲ့ လူငယ်လေးတစ်ယောက် ကို Colonel Hyrum Graff (Harrison Ford) က မြေတောင်မြှောက်ပေးပြီး သူတို့ တပ်ဖွဲ့ကို ဦးဆောင်ဖို့ လေ့ကျင့်ပေးပါတယ်။ Ender က ဂိမ်းတွေမှာလည်း တော်သလို ရန်သူကို တိုက်ခိုက်ဖို့ ပြင်ဆင်ရာမှာလည်း ထူးချွန်သူတစ်ဦးဖြစ်ပါတယ်။ ဒီလူငယ်လေးရဲ့ ဦးဆောင်မှုနဲ့ လူသားတွေ စစ်ပွဲကို အနိုင်ရမလား၊ လူသားတွေရဲ့ တွက်ကိန်းတွေက ဘာတွေ လွဲချော်မှုတွေဖြစ် မလည်းဆိုတာ ပိတ်ကားပြင်ပေါ်မှာပဲ ဆက်လက်ကြည့်ရှု ကြပါခင်ဗျာ။ ဒီကားကတော့ မျှော်လင့်ထားသလောက် ဖြစ်မလာတဲ့ကားတွေထဲက တစ်ကားဖြစ်ပါတယ်။ ဒီလိုပြောလို့မကောင်းဘူးလားဆိုတော့လည်း မဟုတ်ပါဘူး။ ဇာတ်ကားကောင်းတစ်ကားပဲဖြစ်ပါတယ်။ သူက ဟယ်ရီပေါ်တာကားတွေလိုပဲ စာအုပ်ဖတ်ဖူးတဲ့သူတွေအတွက်က ဇာတ်ကောင်တွေနဲ့ ရင်းနှီးနေတော့ ဇာတ်လမ်းအသွားအလာကို အလွယ်တကူ သိနိုင်ပေမယ့် လုံး၀ မဖတ်ဖူးတဲ့ သူတွေကတော့ ဘာဖြစ်လို့ ဖြစ်နေမှန်းမသိသလိုပါပဲ။ ဇာတ်ကားတစ်ကားလုံးကိုလည်း လူလေး ၁၀ ယောက်လောက်နဲ့ ရိုက်သွားတာဖြစ်ပြီး ကျန်တာတွေကတော့ ကွန်ပျူတာ Effect တွေပဲဖြစ်ပါတယ်။ Ender's Game ဝတ္ထု ဖတ်ဖူးတဲ့ ပရိတ်သတ်တွေ အတွက်ကတော့ ကားကောင်းတစ်ကားဖြစ်ပြီး ကျန်တဲ့သူတွေအတွက်ကတော့ အပျင်းပြေပဲ ကြည့်သင့်တဲ့ ကားပါ။ ဇာတ်သိမ်းပိုင်းက စိတ်ဝင်စားဖို့ကောင်းပေမယ့် ဇာတ်မသိမ်းခင်မှာ ထဲက အနည်းငယ်ခန့်မှန်းမိနေပါတယ်။ ဇာတ်ရှိန်တက်တာ နှေးသလို ဇာတ်လမ်းကလည်း Training တွေနဲ့တင်အချိန်ကုန်နေ လို့ အနည်းငယ် ပျင်းဖို့ကောင်းပါတယ်။ Action/Sci-Fi မဟုတ်ပဲ Drama/Sci-Fi လို့ပြောလို့ရပါတယ်။ ဇာတ်လမ်း အသွားအလာ နှေးပေမယ့် ဇာတ်လမ်းဆင်ထားတာကောင်းပါတယ်။ စာအုပ်ထဲက အကြောင်း အရာတွေလည်း အတတ်နိုင်ဆုံး စုံလင်အောင်ထည့်ထားသလို၊ ထူးခြားတဲ့ ဇာတ်သိမ်း၊ Effect ကောင်းကောင်းနဲ့ ရိုက်ထားလို့ အပျင်းပြေမိသားစုနဲ့တူတူ ရုံမှာသွားကြည့်သင့်တဲ့ ကားမျိုးပါ။ ဝါရင့်သရုပ်ဆောင် အကယ်ဒမီ ဆုရှင်နှစ်ဦးဖြစ်တဲ့ Harrison Ford နဲ့ Ben Kingsly တို့နှစ်ဦးနဲ့အပြိုင် Ender Wiggin အဖြစ်သရုပ်ဆောင်ထားတဲ့ Asa Butterfield က လည်း ဒီနှစ်ထွက်တဲ့ကားတွေထဲက ကလေးသရုပ်ဆောင်တွေထဲမှာ အကောင်းဆုံးလို့တောင်ပြောလို့ရပါတယ်။ ကလေးသရုပ်ဆောင်တွေဖြစ်လို့ သရုပ်ဆောင်မကောင်းသေးပေမယ့် အတော် ကြိုးစားထားကြပါတယ်။ မိသားစုတူတူကြည့်ဖို့အဆင်ပြေပြီး Rated PG-13 ပါ။ File Size : (815 MB) Quality : Bluray 720p Running Time : 1hr 34min Format : Mp4 Genre :Action , Adventure, Fantasy, Sci-Fi Subtitle : Myanmar Subtitle (Hard Sub) Source : Bluray 1080p Translated by Idiot Myo Ko Encoded by Moe Myint Lwin

Has Fallen ရုပ်ရှင်ကား ၃ ကားရှိပြီး ၃ ကားလုံး ဇာတ်ကောင်တူ ဇာတ်လမ်းဆက်စပ်တာမလို့ တပြိုင်တည်းကြည့်လေမိုက်လေပါပဲ။ CM မှာ ၃ ကားစလုံးကို 4K Quality နဲ့တင်ဆက်ထားပါပြီ....ဒီမှာ https://www.channelmyanmar.to/?s=has+fallen ကြည့်လို့ရပါတယ်။ +++++++++++ Olympus Has Fallen (2013) IMDB: 6.5 / Rotten Tomatoes: 50% Genre: Action/Thriller Olympus Has Fallen (2013) ကတော့ Has Fallen ရဲ့ ပထမဆုံးဇာတ်ကားဖြစ်ပြီးတော့ အတော်လေးလည်းကြည့်လို့ကောင်းတဲ့ အက်ရှင်ကားတစ်ကားဖြစ်ပါတယ်။ ဇာတ်လမ်းကတော့... မိုက်ခ်ဆိုတာကတော့ သမ္မတကြီးရဲ့လုံခြုံရေးအဖွဲ့ခေါင်းဆောင်ဖြစ်ပါတယ်။ ရာသီဉတုအရမ်းဆိုးတဲ့ညတစ်ညမှာ ပွဲတစ်ခုကိုလိုက်ပို့ရင်း ကံမကောင်းအကြောင်းမလှတော့ သမ္မတကတော်အသက်ဆုံးခဲ့ရပါတယ်။ အဲဒါကြောင့် မိုက်ခ်ဟာလည်း ရာထူးမှနှုတ်ထွက်ခဲ့ပြီး ဌာနတစ်ခုမှာအလုပ်ဝင်လုပ်နေခဲ့ပါတယ်။ တစ်ချိန်တည်းမှာပဲ တောင်ကိုရီးယားသံအမတ် လီနဲ့သမ္မကြီးအက်ရှာတို့ဟာ မြောက်ကိုရီးယားနဲ့တောင်ကိုရီးယားနယ်စပ်မှာ မြောက်ကိုရီးယားစစ်ရေးပြင်နေတာကိုတားဆီးမယ့်ကိစ္စကို အိမ်ဖြူတော်မှာဆွေးနွေးနေခဲ့ပါတယ်။ အဲဒီအချိန်မှာ အမည်အသိ လေယာဉ်တစ်စင်းဟာ အမေရိကန်လေပိုင်နက်ထဲကိုရောက်လာခဲ့ပါတယ်။ အိမ်ဖြူတော်အတိုက်ခိုက်ခံလိုက်ရပါပြီ။ ကျန်တာတွေကတော့ ဆက်လက်ခံစားကြည့်လိုက်ကြပါ... မိုက်ခ်ဘန်းနင်းအဖြစ် မင်းသား Gerard Butler သမ္မတ အက်ရှာအဖြစ် မင်းသား Aaron Eckhart ယာယီသမ္မတအဖြစ် မင်းသားကြီး Morgan Freeman တို့မှ သရုပ်ဆောင်ထားပါတယ်။ File size…(6.2 GB) / (1.9 GB) / (1.1 GB) Quality….BluRay 4K HEVC/1080p HEVC / 720p Format…mkv/mp4 Duration….01:59:49 Subtitle….Myanmar Subtitle (Hardsub) Encoder….Ka Naung Translated by Lucifer Maximoff

ဒီဇာတ်ကားက ၂၀၁၃ ခုနှစ်တုန်းက ထွက်ရှိခဲ့ပြီး လူကြိုက်အတော်များခဲ့တဲ့ ဇာတ်ကားတစ်ကား ဖြစ်ပါတယ်။ ဒါရိုက်တာ Louis Leterrier က ရိုက်ကူးပေးထားပြီး နာမည်ကျော် Hulk သရုပ်ဆောင် Mark Ruffalo, Woody Harrelson, Jesse Eisenberg, Morgan Freeman တို့က အဓိက ပါဝင် သရုပ်ဆောင်ထားကြပါတယ်။ ဇာတ်လမ်းရဲ့ လှည့်ကွက်တိုင်းမှာ လှည့်ကွက်တွေ ထပ်ထပ်ဆင့်နေတဲ့ ဇာတ်ကားကောင်းတစ်ကားလည်း ဖြစ်ပါတယ်။ လမ်းပေါ်မှာ လှည့်လည်ပြသနေကြတဲ့ မျက်လှည့်ဆရာလေးဦးကို တစ်ရက်မှာ ဘယ်ကမှန်းမသိတဲ့ ကတ်လေးတစ်ကတ် ရောက်လာပြီး နေရာတစ်ခုကို ချိန်းလိုက်ပါတယ်။ သူတို့လေးယောက်ကို ခေါ်လိုက်တဲ့အဖွဲ့က ဒဏ္ဍာရီလာ မျက်လုံးတော်ဆိုတဲ့ အသင်းတော်တစ်ခုက ဖြစ်ပါတယ်။ ဒီအသင်းတော်က မြန်မာလိုသဘောအရဆို ငတက်ပြားရာဇဝင်နဲ့ ခပ်ဆင်ဆင် တူပါတယ်။ သူဌေးတွေထဲက ခိုးယူပြီး ဆင်းရဲသူတွေကို မျှဝေတဲ့သူတွေကနေ စတင်ခဲ့ကြတာပေါ့။ အီဂျစ်ခေတ်ကတည်းက စတင်ခဲ့တဲ့ ဒီအသင်းတော်က ထူးချွန်တဲ့ လူငယ်မျက်လှည့်ဆရာတွေကို အသင်းတော်ထဲ ဝင်ခွင့်ပေးပါတယ်။ အခု ဒီလေးယောက်ကိုလည်း မြင်းစီးသမားလေးယောက်ရယ်လို့ အမည်ပေးပြီး ဘယ်လို မကောင်းမှုတွေကို ထုတ်ဖော်သွားမလဲဆိုတာကို စိတ်လှုပ်ရှားဖွယ်ရာ ကြည့်ရှုကြရမှာ ဖြစ်ပါတယ်။ Rating တွေအနေနဲ့ IMDb 7.2 နဲ့ RT 51% ရရှိထားပါတယ်။ File size…     9.4 GB /  2.8 GB / 1.3 GB Quality… BluRay 4K extended / 1080p / 720p Format… mp4 , MKV Duration…. 2h 4m Genre ..... Crime/Thriller Subtitle…. Myanmar Subtitle (Hard Sub) Encoder…. Thit San Khant Translated by El MoH

အစိုးရနဲ့ ကော်ပိုရေးရှင်းကြီးတွေက ပြည်သူတွေနဲ့ သဘာဝပတ်ဝန်းကျင်ထက် ကိုယ့်အကျိုးအမြတ်ကိုပဲ ရှေ့တန်းတင်နေတာကို မကျေနပ်တဲ့ လူငယ်တစ်စု ရှိပါတယ်။ နယ်ပယ်အသီးသီးက ဒီမင်းမဲ့ဝါဒီလူငယ်တွေ စုစည်းပြီး The East လို့ခေါ်တဲ့ မြေအောက်အဖွဲ့ကို ဖွဲ့ထားကြတယ်။ သူတို့က သဘာဝပတ်ဝန်းကျင်ကို ထိခိုက်စေတဲ့ လုပ်ငန်းကြီးတွေကို တန်ပြန်တိုက်ခိုက်နေကြတာပါ။ ပုဂ္ဂလိကထောက်လှမ်းရေးကုမ္ပဏီက အေးဂျင့် ဂျိန်းဟာ ဒီအဖွဲ့ကို စုံစမ်းဖော်ထုတ်ဖို့ တာဝန်ပေးခံရပါတယ်။ အရပ်ဝတ်နဲ့ လမ်းတွေပေါ်မှာ သတင်းလိုက်စုရင်း မြေအောက်လောကထဲ ဝင်ရောက်နေရာက မထင်မှတ်ဘဲ The East အဖွဲ့ထဲ ရောက်သွားတယ်။ အဖွဲ့သားတွေက ကော်ပိုရေးရှင်းတွေကို တိုက်ခိုက်တဲ့ လှုပ်ရှားမှုတွေကို “Jam” လို့ ခေါ်ကြပါတယ်။ အရေးကြီးတဲ့ Jam တွေမှာ ဂျိန်းပါ ပါဝင်လာရတဲ့အခါ သူ့အလုပ်နဲ့ ကိုယ်ပိုင်ဘဝကြား ဘယ်လိုရှေ့ဆက်ရမလဲဆိုတာ ဝေခွဲရခက်လာတယ်။ အဖွဲ့ခေါင်းဆောင်အဖြစ် Alexander Skarsgård ပါဝင်ထားပြီး Elliot Page ကတော့ အဖွဲ့ဝင်တစ်ယောက်အဖြစ် သရုပ်ဆောင်ထားပါတယ်။

လက်ဝှေ့သမား ရေဇာနဲ့ ကစ်တို့ဟာ အချင်းချင်း ယှဉ်ပြိုင်ခဲ့ရာမှာ တစ်ယောက်တစ်ပွဲစီ အနိုင်ရထားကြပါတယ်။ ဘယ်သူသာသလဲဆိုတာ အဆုံးအဖြတ်ပေးမယ့် နောက်တစ်ပွဲ မထိုးရသေးခင်မှာပဲ ရေဇာက လက်ဝှေ့လောကကနေ အနားယူသွားခဲ့တယ်။ နှစ်သုံးဆယ်ကြာတဲ့အခါ ဒန်တေးဆိုသူက သူတို့ကို ဆက်သွယ်လာပြီး ရေဇာနဲ့ ကစ်တို့ ပြန်ဆုံဖြစ်ကြပါတယ်။ ပြိုင်ဘက်ဟောင်းနှစ်ယောက် ပြန်တွေ့ကြတဲ့အခါ ဘာတွေဖြစ်လာမလဲ၊ ဒန်တေးက သူတို့အတွက် ဘာတွေစီစဉ်ထားမလဲ။ ရေဇာတစ်ယောက် အရင်က ဘယ်လိုပြဿနာတွေကြောင့် လက်ဝှေ့လောကကို ကျောခိုင်းခဲ့တာလဲဆိုတာကိုလည်း ၂၀၁၃ ခုနှစ်ထွက် ဒီအားကစားဟာသဒရာမာထဲမှာ ဆက်သိရမှာပါ။

Fire with Fire (2012) IMDb Rating (6.0) အက်ရှင်နဲ့ ကလဲ့စားချေတဲ့ကားတွေကို ကြိုက်တတ်ရင်တော့ အခုမိတ်ဆက်ပေးမယ့် 2012 ခုနစ်က ထွက်ခဲ့တဲ့ Fire with Fire ဆိုတဲ့ ကားကတော့ ကြည့်လို့ကောင်းမယ့် ကားတစ်ကားပါ ပရိတ်သတ်ကြီးတို့ရေ။ ဇာတ်လမ်းကတော့ မီးသတ်သမားတစ်ယောက်ဖြစ်တဲ့ ဂျယ်ရမီ ဟာ လူသတ်မှုတစ်ခုကို မတော်တဆ မြင်တွေ့ခဲ့ရာကနေ စတာပါ။ သူက လူသတ်သမားကို သက်သေထွက်ဆိုဖို့ ကြိုးစားပေမဲ့ အဲဒီလူသတ်သမားက သြဇာကြီးတဲ့ ဂိုဏ်းစတားတစ်ယောက်ဖြစ်နေတော့ သူနဲ့ သူ့ချစ်သူရဲ့ အသက်အန္တရာယ်က စိုးရိမ်ရတဲ့ အခြေအနေ ဖြစ်လာပါတယ်။ ရဲတွေက သူ့ကို အကာအကွယ်ပေးထားပေမဲ့လည်း ဂိုဏ်းစတားတွေက သူ့နောက်ကို အရိပ်လို လိုက်နေတာကြောင့် နောက်ဆုံးမှာတော့ သူက ထွက်ပြေးနေရုံနဲ့ မပြီးတော့ဘူးဆိုတာ သိသွားပြီး သူ့နည်းသူ့ဟန်နဲ့ ပြန်ပြီး တိုက်ခိုက်ဖို့ ဆုံးဖြတ်လိုက်ပါတော့တယ်။ ဒီကားမှာ Josh Duhamel က မီးသတ်သမားအဖြစ် သရုပ်ဆောင်ထားသလို နာမည်ကြီး မင်းသားကြီး Bruce Willis နဲ့ Rosario Dawson တို့လည်း ပါဝင်ထားပါတယ်။ ဇာတ်လမ်းက ရိုးရှင်းပေမဲ့ မီးသတ်သမားတစ်ယောက်က သူ့မှာရှိတဲ့ ကျွမ်းကျင်မှုတွေကို သုံးပြီး လူဆိုးတွေကို တစ်ယောက်ချင်း ပြန်နှိမ်နင်းတဲ့ အက်ရှင်ခန်းတွေက တကယ့်ကို အားရစရာကောင်းပြီး ရင်တထိတ်ထိတ်နဲ့ ကြည့်ရမယ့် ကားမျိုးပါပဲဗျာ။ File Size : 1.49GB/ 730MB Quality : BluRay 1080p 5.1CH/ 720p Format…mp4 Duration…1hr 38m Genre : Action, Crime, Drama, Thriller Subtitle : Myanmar Subtitle (Hard Sub)