Jack Nicholson ပါဝင်သော ဇာတ်ကားများ

How Do You Know (2010) IMDB : 5.4 Rotten Tomatoes : 32% Genre : Romance / Comedy ရုပ်ရှင်တစ်ကားမှာ Reese Witherspoon, Paul Rudd, Owen Wilson နဲ့ ဂန္ထဝင်မင်းသားကြီး Jack Nicholson တို့ အတူတူ ပါဝင်သရုပ်ဆောင်ထားတယ်ဆိုရင် ဘယ်လိုနေမလဲ။ "How Do You Know" ကတော့ အဲဒီလို နာမည်ကြီးတွေ ပါဝင်သရုပ်ဆောင်ထားတဲ့ ပေါ့ပေါ့ပါးပါး အချစ်ဟာသ (Rom-Com) ကားလေး တစ်ကားဖြစ်ပါတယ်။ ဇာတ်ညွှန်း လီဆာ (Reese Witherspoon) ဆိုတဲ့ ဆော့ဖ်ဘော (Softball) ကစားသမား ကောင်မလေးကနေ စထားပါတယ်။ သူ အရမ်းချစ်တဲ့ အားကစားအသင်းကနေ ရုတ်တရက် အထုတ်ခံလိုက်ရတော့ သူ့ဘဝကြီး ကမောက်ကမတွေ ဖြစ်သွားပါတော့တယ်။ ဒီလို စိတ်ဓာတ်ကျနေချိန်မှာ ကောင်လေး နှစ်ယောက်နဲ့ သွားပတ်သက်မိပြီး အချစ်တြိဂံဇာတ်လမ်းလေး စပါတော့တယ်။ တစ်ယောက်က မက်တီ (Owen Wilson) လို့ခေါ်တဲ့ နာမည်ကြီး ဘေ့စ်ဘော ကစားသမား ပိုက်ဆံပေါပေါ၊ မိန်းကလေးတွေကြား ရေပန်းစားပြီး ကိုယ့်ကိုယ်ကိုယ် သိပ်ချစ်တဲ့ လူစားမျိုး နောက်တစ်ယောက်ကတော့ ဂျော့ချ် (Paul Rudd) ပါ။ သူကကျတော့ သဘောကောင်းတဲ့ စီးပွားရေးသမား၊ ဒါပေမယ့် သူ့အဖေ (Jack Nicholson) ရဲ့ စီးပွားရေး လှည့်ကွက်တွေကြောင့် မလုပ်ဘဲနဲ့ ထောင်ကျမယ့်ကိန်း ဆိုက်နေတဲ့သူပါ။ ဒီလို လုံးဝမတူညီတဲ့ ကောင်လေးနှစ်ယောက်ကြားမှာ လီဆာတစ်ယောက် ဘယ်သူ့ကို ရွေးချယ်မလဲ ဆိုတာကို ရယ်စရာလေးတွေနှောပြီး ရိုက်ကူးထားတဲ့ ရုပ်ရှင်ကားကောင်းတစ်ကားဖြစ်ပါတယ်။ File size… 2.2 GB/ 850 MB Quality… Blu-Ray 1080p/ 720p Format… mp4 Duration…. 2h 1m Genre ..... Romance / Comedy Subtitle…. Myanmar Subtitle (Hard Sub)

ဒီကားဟာ ဘာသာပြန်သူအရမ်းကြိုက်တဲ့ ဇာတ်ကားပါ ဒီဇာတ်ကားကနေ ဘဝအတွက် အတွေးတစ်ခုခုရမယ်ဆိုတာ အသေအချာပါပဲ ကင်ဆာရောဂါသည်တွေဖြစ်တဲ့ ဘီလီယံနာ အက်တ်ဝေါ့ကိုးလ် နဲ့ စက်ပြင်ဆရာ ကတ်တာချိန်ဘာတို့ဟာ ဆေးရုံခန်းတစ်ခန်းထဲ တူတူမနေရခင်အထိ လုံးဝသူစိမ်းနှစ်ယောက်ပါပဲ သူတို့ဟာ သူတို့ကိုယ်သူတို့ရှာတွေ့ဖို့နဲ့သူတို့မသေခင် လုပ်ချင်တာတွေ လုပ်သွားဖို့ ဆန္ဒကြောင့် ဆရာဝန်တွေတားတာတောင်မမှုပဲ ဆေးရုံက ထွက်သွားပြီး ဘယ်လိုတွေ စွန့်စားကြလဲ ဘဝအဓိပ္ပာယ်နဲ့သူတို့ကို သူတို့ရှာတွေ့သွားကြမှာလားဆိုတာကို ဇာတ်လမ်းမှာ ကြည့်ကြည့်လိုက်ပါ (ဘာသာပြန်သူကတော့ အဉ္ဇလီ သန်းထိုက် ပါ) File Size : (700 MB) Quality : 720pBluray Running Time : 1hr 37minutes Format : Mp4 Genre : Adventure, Comedy, Drama Subtitle : Myanmar Subtitle (Hard Sub) Translated by Inzali ThanHtike Encode by Jessica

The Departed (2006) (Only in Bioscope) IMDB : 8.5 Rotten Tomatoes : 91% Genre : Crime / Thriller The Departed ရုပ်ရှင်ဟာ ဒါရိုက်တာကြီး Martin Scorsese ရိုက်ကူးထားတဲ့ Crime ရုပ်ရှင်ကားကောင်းတစ်ကားဖြစ်ပါတယ်။ ဒီရုပ်ရှင်ဟာ Cast အနေနဲ့ပဲကြည့်မလား၊ Plot အရပဲကြည့်မလား တော်တော်လေးကို ပြီးပြည့်စုံနေတဲ့ ရုပ်ရှင်တစ်ခုဖြစ်ပါတယ်။ “ရုပ်ရှင်ဆိုတာ ကျွန်တော်တို့ရဲ့ နှလုံးသားကို ကိုင်လှုပ်ပြီး အမြင်တွေကို ဆန်းသစ်ပြောင်းလဲပေးတဲ့ အရာတစ်ခုဖြစ်ပါတယ်။ ရုပ်ရှင်တွေက ကျွန်တော်တို့မရောက်ဖူးတဲ့ နေရာတွေကို ခေါ်ဆောင်သွားပေးတယ်။ တံခါးအသစ်တွေကိုဖွင့်ပေးတယ်။ ရုပ်ရှင်ဆိုတာ ဘဝတစ်သက်တာရဲ့ မှတ်ဉာဏ်တွေပါပဲ။ ရုပ်ရှင်တွေကို ရှင်သန်အောင် အမြဲတမ်းထားရမယ်။” ဒါကတော့ Martin Scorsese ပြောခဲ့တဲ့ စကားဖြစ်ပါတယ်။ ဒီရုပ်ရှင်က တစ်သက်လုံးအမှတ်ရနေမယ့် ရုပ်ရှင်မျိုးပါ။ ကြည့်ဖြစ်အောင်ကြည့်ကြည့်လိုက်ပါ။ ဇာတ်ညွှန်း ကော်လင် ဆာလီဗန်နဲ့ ဝီလီယမ် ကော်စတီဂမ်ဂျူနီယာက ရဲသင်တန်းက သင်တန်းသားနှစ်ယောက်ဖြစ်ပါတယ်။ ဒါပေမဲ့ မတူတဲ့ကာလနှစ်ခုမှာ တက်ခဲ့ရတဲ့ သင်တန်းသားနှစ်ယောက်ဖြစ်လို့ တစ်ယောက်နဲ့တစ်ယောက် မသိကြပါဘူး။ ကော်လင်ဆာလီဗန်မှာ ငယ်ဘဝက အဖေလိုနေခဲ့တဲ့ လူတစ်ယောက်ရှိတယ်။ သူက လူဆိုးဂိုဏ်းခေါင်းဆောင် ဖရန့်ခ်ကော်စတယ်လို။ ကော်လင်ဆာလီဗန်ကရဲဖြစ်သွားတော့ ဖရန့်ခ်ရဲ့လက်ကိုင်တုတ်က ရဲဌာနထဲကို ရောက်သွားတယ်လို့တောင် ပြောလို့ရသွားတယ်။ ဝီလီယမ်ရဲအကယ်ဒမီကဆင်းတော့ ကပ္ပတိန် ကွီနန်ရဲ့အောက်ကိုရောက်သွားတယ်။ ကွီနန်ရဲ့အောက်မှာ တစ်လောကလုံးကို အမြင်မကြည်တဲ့ ဆာဂျင် ဒစ်ဂနမ်ဆိုတဲ့လူတစ်ယောက်ရှိပြန်တယ်။ ဝီလီယမ်ကို သူတို့နှစ်ယောက်က Undercover အေးဂျင့်အဖြစ်တာဝန်ပေးအပ်ခဲ့ပြီး ဂိုဏ်းရဲ့ယုံကြည်မှုကိုရအောင် ယူခိုင်းတယ်။ ဒီလိုနဲ့ ဝီလီယမ်က ဂိုဏ်းကိုစုံစမ်းတဲ့ သူလျှိုဖြစ်သွားတယ်။ ဒီဘက်မှာလည်း ဂိုဏ်းထဲက သူလျှို ကော်လင်ကလည်း ရဲဌာနထဲ မွှေပြန်တယ်။ ဒီလိုနဲ့ ဌာနတွင်းအရှုပ်တော်ပုံ၊ ဂိုဏ်းတွင်းအရှုပ်တော်ပုံတွေကို ဒါရိုက်တာကြီး Martin Scorsese ဘယ်လိုများ ချပြသွားမှာလဲ၊ ဘယ်လိုမျိုး စိတ်ဝင်စားအောင်ရိုက်ပြသွားမှာလဲဆိုတာကို ခံစားကြည့်လိုက်ကြပါ။ ဒီရုပ်ရှင်က English စကားလေ့လာနေတဲ့ လူတွေအနေနဲ့လည်း ကြည့်သင့်ပါတယ်။ “Fuvk” ဆိုတဲ့စကားလုံးကလည်း ၅လုံးမှာ ၁ လုံးလောက်ပါနေတာမလို့ စကားပြောတာတွေက တော်တော်လေးနားထောင်လို့ကောင်းပါတယ်။ အမိုက်ဆုံးကတော့ Mark Wahlberg ရဲ့ဇာတ်ကောင် ဒစ်ဂနမ်ပါပဲ။ Mark Wahlberg က အဲဒီလို ဇာတ်ကောင်တွေနဲ့ဆို တော်တော်လေးကိုလိုက်ပါတယ်။ ရွဲ့တဲ့တဲ့၊ ခပ်စောင်းစောင်း ဇာတ်ကောင်မျိုးပါ။ ကော်စတယ်လိုအဖြစ် မင်းသား Jack Nicholson ကော်လင်အဖြစ် မင်းသား Matt Damon ဝီလီယမ်အဖြစ် မင်းသား Leonardo DiCaprio ဒစ်ဂနမ်အဖြစ် မင်းသား Mark Wahlberg ကွီနန်အဖြစ် မင်းသား Martin Sheen ကပ္ပတိန် အယ်လာဘီအဖြစ် မင်းသား Alec Baldwin တို့က မြိုင်မြိုင်ဆိုင်ဆိုင်ကြီးကိုသရုပ်ဆောင်ထားပါတယ်။ ခံစားကြည့်လိုက်ကြပါ။ File size… 2.5 GB/ 1 GB Quality… BluRay 1080p/ 720p Format… mp4 Duration…. 2h 31m Genre ..... Crime / Thriller Subtitle…. Myanmar Subtitle (Hard Sub)

ဒေ့ဗ် ဟာ အရမ်းတော်တဲ့ စီးပွားရေးသမား တစ်ယောက်ဖြစ်ပါတယ် အရာရာတိုင်းကို စည်းစနစ်တကျ လုပ်တက်ပြီး အရှက်အကြောက်လဲ ကြီးသလို ဒေါသကိုလဲ မျိုသိပ်နိုင်သူဖြစ်ပြီး အောက်ကျို့တက်သူပါ ဒါပေမဲ့ တစ်ရက်မှာတော့ အလုပ်ကိစ္စ တစ်ခုကို ချိန်းဆိုထားလို့ လေယဉ် နဲ့ ခရီးထွက်ရပါတော့တယ်... အဲ့ဒီမှာ ပြသနာက စတော့တာပါပဲ ဒေ့ဗ် ဘေးနားမှာ ကျပ်မပြည့်တဲ့ အူကြောင်ကြား ဘဲတစ်ပွေ ရောက်နေပြီး စိတ်အနှောက်အယှက်ဖြစ်စရာတွေကိုပဲ ဆက်တိုက်လုပ်နေခဲ့ပါတယ်... သက်သာလို သက်သာငြား ဆိုပြီး နားကြပ်လေးတပ်ပြီး ရုပ်ရှင်ကြည့်ဖို့ လေယဉ်မယ် ကို အကူအညီတောင်းခဲ့ပေမဲ့ တလွဲတွေ ဖြစ်ခဲ့ပြီး နောက်ဆုံး ကိုယ်ထိလက်ရောက်မှု နဲ့ တရားရုံးရောက်ခဲ့ပါတယ် တရားသူကြီးက အင်မတန်စိတ်ရှည်ပြီး ဒေါသထိန်းချုပ်နိုင်တဲ့ ဒေ့ဗ် ကိုမှ ဒေါသထိန်းချုပ်နည်း သင်တန်း တက်ဖို့ အမိန့်ချမှတ်လိုက်ပါတော့တယ် ကဲ ဒေ့ဗ် တစ်ယောက် အေးချမ်းတဲ့ ဘဝလေး ကနေ ဘယ်လို သောက်တလွဲ တွေ နဲ့ စတင်တော့မလဲ ဆိုတာ ဆက်လက်ကြည့်ရှုလိုက်ကြပါစို့ ဒီရုပ်ရှင်ကားကို Yuki Aurora က ဘာသာပြန်ပေးထားပြီး Thit San Khant မှ Encode ၍ တင်ဆက်ပေးထားပါတယ်

IMDb Rating – 7.2/10, RT – 85% ဝါရန်ရှမစ်က အာမခံကုမ္ပဏီကနေ လောလောလတ်လတ် အငြိမ်းစားယူလိုက်ပြီးနောက် အိမ်မှာ ဘာမှ လုပ်စရာမရှိတော့သူပီပီ သူ့ဇနီးသည် ဟယ်လင် ဘာပဲလုပ်လုပ် စိတ်တိုင်းမကျ ဖြစ်လာကာ ဇနီးကိုပါ ကြည့်မရဖြစ်လာတဲ့အထိ စိတ်ခံစားချက်တွေဖြစ်လာပါတယ်။ သမီးလုပ်သူ ဂျင်နီကလည်း အဝေးတနေရာမှာပဲ နေထိုင်ကာ မကြာခင် အိမ်ထောင်ပြုတော့မှာဖြစ်ပြီး သူယူမယ့် အမျိုးသားကိုလည်း ရှမစ်တစ်ယောက် စိတ်တိုင်းမကျပြန်ပါဘူး။ ယခင်အလုပ်လုပ်ခဲ့တဲ့ကုမ္ပဏီကိုသွားပြီး သူမရှိတော့လို့ အလုပ်တွေ အဆင်မပြေဖြစ်နေမယ် ထင်ခဲ့သော်လည်း သူ့နေရာဝင်လာတဲ့ လူသစ်က ကောင်းကောင်းကြီးကို အလုပ်လုပ်နိုင်ပါတယ်။ ဒီလိုနဲ့ တစ်ရက်မှာတော့ ဇနီးသည် ဟယ်လင်က ရုတ်တရက် သေဆုံးသွားပါတော့တယ်။ အလုပ်ကနေ အနားယူလိုက်တဲ့အချိန်ကစလို့ ဘာမှအဆင်မပြေတဲ့ရှမစ်တစ်ယောက် သူ့ဝေယျာဝစ္စကိုပါ လုပ်ပေးနေတဲ့ ဇနီးသည်က ကွယ်လွန်သွားတဲ့အခါ ဘဝကြီးကို ခြောက်ကပ်ကပ်နဲ့ ဖြတ်သန်းရင်း သမီးလုပ်သူရဲ့ မင်္ဂလာပွဲကို ဖျက်စီးဖို့ အကြံရလာပါတော့တယ်။ ဇာတ်လမ်းအမျိုးအစားကတော့ Comedy/ Drama ဖြစ်ပါတယ်။ အညွှန်းရေးသားသူနဲ့ ဘာသာပြန်သူကတော့ Nway Oo K Zaw ဖြစ်ပါတယ်။ File size…(1.9 GB)/(940 MB) Quality….Webrip 1080p / 720p Format…mp4 Duration….02:05:00 Genre... Comedy, Drama Subtitle….Myanmar Subtitle (Hardsub) Encoder….Mr. Anderson Translated by Nway Oo K Zaw

The Pledge (2001) ပရိသတ်ကြီးရေ၊ ဒီတစ်ခါမှာတော့ စုံထောက်ဇာတ်ကားတွေကို ကြိုက်နှစ်သက်သူတွေအတွက် အနည်းငယ်လေးနက်ပြီး စိတ်ခံစားမှု ပြင်းထန်တဲ့ ရုပ်ရှင်တစ်ကားဖြစ်တဲ့ The Pledge (၂၀၀၁) ကို မိတ်ဆက်ပေးချင်ပါတယ်။ ဒီကားကို သရုပ်ဆောင်ပိုင်းမှာ ထိပ်တန်းမင်းသားတစ်လက်ဖြစ်တဲ့ Jack Nicholson က အဓိက သရုပ်ဆောင်ပြီး၊ ဒါရိုက်တာကတော့ Sean Penn ပဲဖြစ်ပါတယ်။ ဇာတ်လမ်းအညွှန်း ဇာတ်လမ်းက ရီနိုမြို့ (Reno) က စုံထောက်ဟောင်း Jerry Black (Jack Nicholson) အကြောင်းပါ။ သူ အငြိမ်းစားယူတဲ့ညမှာပဲ၊ အသက် ၈ နှစ်အရွယ် ကလေးမလေးတစ်ယောက် ရက်ရက်စက်စက် အသတ်ခံလိုက်ရတဲ့ အမှုတစ်ခုပေါ်လာပါတယ်။ Jerry Black ဟာ အငြိမ်းစားယူပြီးသားဖြစ်ပေမဲ့၊ သေဆုံးသွားတဲ့ ကလေးမလေးရဲ့ မိခင်ကို တရားခံကို မဖြစ်မနေ ဖော်ထုတ်ပေးမယ်ဆိုပြီး သစ္စာဆို လိုက်ပါတယ်။ ရဲတွေကတော့ မသန်စွမ်းသူတစ်ဦးကို ဖမ်းဆီးပြီး အမှုကို အလွယ်တကူ ပိတ်လိုက်ပေမဲ့၊ Jerry ဟာ ဒီလူဟာ တရားခံအစစ်မဟုတ်ဘူးလို့ ယုံကြည်နေပါတယ်။ ဒါကြောင့် သူဟာ အငြိမ်းစားဘဝကို စွန့်လွှတ်ပြီး၊ ကိုယ်ပိုင် စုံစမ်းစစ်ဆေးမှုတွေကို စတင်ပါတော့တယ်။ အဲဒီအတွက် သူဟာ စုံတွဲလူသတ်သမားကို ထောင်ချောက်ဆင်ဖို့အတွက် လူသတ်မှုတွေဖြစ်ခဲ့တဲ့ နေရာတွေကြားက လမ်းဘေး ဓာတ်ဆီဆိုင်ဟောင်းလေးတစ်ခုကို ဝယ်ပြီး နေရာယူလိုက်ပါတယ်။ ထိုနေရာမှာ Jerry ဟာ မိခင်တစ်ဦးနဲ့ သူမရဲ့ သမီးငယ်လေး Chrissy နဲ့ ဆုံဆည်းပြီး၊ သူတို့မိသားစုနဲ့ အတူနေထိုင်ရင်း ချစ်ခင်တွယ်တာမှုတွေ စတင်လာပါတယ်။ ဒါပေမဲ့ ကလေးမလေး Chrissy ရဲ့ ပုံပန်းသဏ္ဍာန်ဟာ အရင် အသတ်ခံခဲ့ရတဲ့ ကလေးမလေးတွေနဲ့ ဆင်တူနေတဲ့အခါမှာတော့၊ Jerry ဟာ သူ့ရဲ့ စုံထောက်စိတ်နဲ့ ကတိတည်ချင်စိတ်ကြောင့် ဘယ်လို ဆုံးဖြတ်ချက်တွေ ချသွားမလဲဆိုတာ ရင်တထိတ်ထိတ်နဲ့ ကြည့်ရှုရမှာပဲ ဖြစ်ပါတယ်။ File Size - 1.6 GB/ 743 MB Quality - BluRay 1080p/ 720p Duration - 2h 4m Format - mp4 Genre - Crime, Drama, Mystery, Thriller Subtitle - Myanmar Subtitle (Hard Sub)

အင်္ဂါဂြိုဟ်သားတွေ ကမ္ဘာမြေပေါ် ရောက်လာတဲ့အခါ အမေရိကန်သမ္မတနဲ့ သူ့အမှုထမ်းတွေက အထင်ကြီးပြီး အကောင်းဘက်ကပဲ တွေးနေကြပါတယ်။ ဂြိုဟ်သားတွေ လာရတဲ့ရည်ရွယ်ချက်ဟာ ငြိမ်းချမ်းရေးဆွေးနွေးဖို့လို့ ယူဆနေကြတာပါ။ ဒါပေမယ့် သူတို့ရဲ့ကမ်းလှမ်းမှုတွေက လှည့်စားမှုတွေဖြစ်နေပြီး သမ္မတတို့လည်း အကြိမ်ကြိမ် အလိမ်ခံရပါတော့တယ်။ အဖြစ်မှန်ကို သိလာတဲ့အချိန်မှာတော့ အခြေအနေတွေက ထိန်းမနိုင်သိမ်းမရ ဖြစ်ကုန်ပါပြီ။ ဂြိုဟ်သားတွေအပေါ် အကောင်းမြင်လွန်းတဲ့ သမ္မတနဲ့ အမှုထမ်းတွေရဲ့အကြောင်းကို အူကြောင်ကြောင်ဟာသနဲ့ သရော်ထားတဲ့ ဒီဇာတ်ကားကို Tim Burton ရိုက်ကူးထားပါတယ်။

A Few Good Men (1992) IMDb.....7.7,,,,,Rotten.....82% Rules of Engagementဆိုတဲ့ စစ်ကား ကိုတော့ တော်တော်များများကြည့်ဖူးကြမယ်ထင်တယ်... အဲဒီလိုကားမျိုးကို သဘောကျတဲ့ဆိုရင်တော့ ဒီကားကိုကြည့်သင့်တယ်..... ဒီကားက နယ်ခြားစောင့်စစ်တပ်မှာ စစ်သည်တစ်ယောက်သေဆုံးတဲ့အကြောင်းကို အဓိကဇာတ်အိမ်တည်ပြီးရိုက်ကူး ထားတယ်.... စစ်သည်အချင်းချင်းအပြစ်ပေးရာကနေ မတော်တဆသေဆုံးသွားတယ်.... ဒီအမှုကို ကိုင်တွယ်ဖို့ စစ်တရားရုံးရှေ့နေအဖြစ် Tom Cruise ကိုတာဝန်ပေးခြင်းခံရတယ်...ဒီကားက ကျွန်တော်ကြည့်ခဲ့တဲ့ စစ်ကားထဲမှာ အကောင်းဆုံးစာရင်းဝင်လို့တောင်ပြောလို့ရတယ်.. အယ် လက်နက်ကြီး လက်နက်ငယ်တွေနဲ့ စစ်ဆင်ရေးဆင်နွှဲနေတဲ့ကားတော့မဟုတ်ဘူး.... သို့ပေမဲ့ စကားလုံးတွေနဲ့ စွမ်းအားကတော့ လက်နက်ကြီးထက်ပြင်းထန်ပုံရတယ်... ဇာတ်လမ်းက စစချင်းကိုဆွဲဆောင်မှုရှိတယ်....ကျွန်တော်ပြောရင် Spoiler ဖြစ်သွားမှာစိုးလို့ ခံစားကြည့်လိုက်ပါဦး....ဒီကားရဲ့ ဒိုင်ယာလော့တွေကို အတတ်နိုင်ဆုံး အလှပဆုံး မြန်မာမှုပြုပေးတဲ့ ဘာသာပြန်ကတော့ Ko Ye Pye Sone ပါ.... IMDbရော Rotten ရော အမြင့်ဆုံးမှာရှိနေသလို သရုပ်ဆောင်တွေကလည်း.  Tom Cruise, Jack Nicholson, Demi Mooreတို့ဖြစ်လို့  ဒေါင်းကြည့်သင့် မသင့် ဆုံးဖြတ်ကြပေတော့..... File Size : 2.18GB/ 870MB Quality : Blu-Ray 1080p 5.1 CH/720p Format…mp4 Duration…02:18:00 Genre :  Drama, Thriller Subtitle : Myanmar Subtitle (Hard Sub) Translated by Ye Pye Sone Encoded by Tiff

Batman ဇာတ်ကားကတော့ ဒါရိုက်တာ Tim Burton ရိုက်ကူးခဲ့တဲ့ဇာတ်ကား၃ကားထဲက တစ်ကားအပါအဝင်ဖြစ်ပါတယ်။ ဒီဇာတ်ကားလေးကတော့ အမေရိကန်ပြည်ထောင်စု၊Gotham မြို့စွန်က မိဘနှစ်ပါးလုံးဆုံးရှုံးလိုက်ရလို့ လက်စားချေလိုစိတ်၊တရားမျှတမှု့ကို ဖြစ်စေချင်တဲ့စိတ်ကြောင့် ကိုယ်ရည်စွမ်းထက်မြက်အောင်လုပ်ပြီး ယိုယွင်းနေပြီဖြစ်တဲ့ Gotham မှာ လူဆိုးကောင်တွေကို ရှင်းလင်းနေတဲ့ Batmanနဲ့ လူတစ်ကာကို ဒုက္ခပေးနေတဲ့ လူဆိုးအရူး Joker တို့ရဲ့ တိုက်ခိုက်ကြတဲ့ Action ဇာတ်လမ်းကောင်းလေးတစ်ကားဖြစ်ပါတယ်။ Batman(1989) File size…(999MB) and (555MB) Quality…BR-Rip 1080p Format…mp4 Duration….02:06:19 Subtitle….Myanmar Subtitle (Hardsub) Translated by Min Thant Htoo Encoded by Naing Aung Latt

အိစ်ဝစ်ဂ် မြို့လေးမှာ နေထိုင်ကြတဲ့ သူငယ်ချင်းသုံးယောက်ဖြစ်တဲ့ အလက်ဇန္ဒား၊ ဂျိန်း နဲ့ ဆူကီ တို့ဟာ ခင်ပွန်းသည်တွေနဲ့ ကွဲကွာနေပြီး ပျင်းရိငြီးငွေ့စရာကောင်းတဲ့ ဘဝတွေကို ပိုင်ဆိုင်ထားကြသူတွေပါ။ တစ်ညမှာတော့ သူတိုသုံးယောက် စုဝေးပြီး သူတို့လိုချင်တဲ့ "စံပြအမျိုးသား" တစ်ယောက်အကြောင်းကို စိတ်ကူးယဉ် ဆုတောင်းခဲ့ကြပါတယ်။ မကြာခင်မှာပဲ မြိုလေးကို ကြွယ်ဝချမ်းသာပြီး ဆွဲဆောင်မှုရှိတဲ့ ဗန်ဟွန်းဆိုတဲ့ လူစိမ်းတစ်ယောက် ရောက်ရှိလာပါတော့တယ်။ သူဟာ အမျိုးသမီး သုံးယောက်လုံးရဲ့ စိတ်ကို ဖမ်းစားနိုင်ခဲ့ပြီး သူတို့ရဲ့ လျှို့ဝှက်ချက်တွေကိုပါ တဖြည်းဖြည်းသိလာခဲ့ပါတယ်။ ဒါပေမဲ့ ဗန်ဟွန်း ဟာ သူတို့သုံးယောက်အပေါ် မကောင်းတဲ့ ရည်ရွယ်ချက်တွေ ရှိနေကြောင်း သိလိုက်ရတဲ့အခါမှာတော့ ဘာတွေဆက်ဖြစ်မလဲဆိုတာ အတူကြည့်လိုက်ရအောင်ပါ။

Broadcast News (1987) IMDB : 7.3 Rotten Tomatoes : 98% Genre : Romance / Comedy James L. Brooks ရိုက်ကူးခဲ့တဲ့ ၁၉၈၇ ခုနှစ်ထွက် "Broadcast News" ဇာတ်ကားဟာ သတင်းလောကရဲ့ နောက်ကွယ်က အဖြစ်အပျက်တွေ၊ အချစ်ဇာတ်လမ်းနဲ့ လူသားတွေရဲ့ စိတ်နေစိတ်ထားတွေကို ဟာသနှောပြီး တင်ဆက်ထားတဲ့ ဂန္ထဝင်ရုပ်ရှင်ကားကောင်း တစ်ကားဖြစ်ပါတယ်။ ဇာတ်လမ်းအကျဉ်း ဝါရှင်တန်ဒီစီက ရုပ်သံသတင်းဌာနတစ်ခုမှာ အလုပ်လုပ်ကြတဲ့ လူသုံးယောက်အကြောင်းကို အဓိကထား ရိုက်ကူးထားပါတယ်။ Jane Craig (Holly Hunter): အလုပ်ကို အရမ်းကြိုးစားပြီး တိကျသေချာတဲ့ သတင်းထုတ်လုပ်သူ (Producer) တစ်ဦးပါ။ ဒါပေမဲ့ သူမရဲ့ ကိုယ်ရေးကိုယ်တာ ဘဝမှာတော့ စိတ်ခံစားချက်တွေကို ထိန်းချုပ်ဖို့ ခက်ခဲသူတစ်ယောက် ဖြစ်ပါတယ်။ Aaron Altman (Albert Brooks): ထက်မြက်ပြီး သတင်းလောကအကြောင်း နှံ့စပ်တဲ့ သတင်းထောက်တစ်ဦး ဖြစ်ပေမဲ့ ရုပ်ရည်နဲ့ တင်ဆက်ပုံမှာ ဆွဲဆောင်မှု အားနည်းတာကြောင့် သူလိုချင်တဲ့ Anchor (သတင်းကြေညာသူ) နေရာကို မရနိုင်ဘဲ ဖြစ်နေပါတယ်။ သူက Jane ကို တစ်ဖက်သတ် ချစ်နေသူလည်း ဖြစ်ပါတယ်။ Tom Grunick (William Hurt): ရုပ်ရည်ချောမောပြီး လူချစ်လူခင်များတဲ့ သတင်းကြေညာသူ အသစ်ပါ။ ဒါပေမဲ့ သတင်းပိုင်းဆိုင်ရာ အသိပညာနဲ့ အတွေ့အကြုံ နည်းပါးပါတယ်။ ဒီလူသုံးယောက်ကြားက သုံးပွင့်ဆိုင် အချစ်ဇာတ်လမ်းနဲ့အတူ သတင်းလောကမှာ "အနှစ်သာရ (Substance)" နဲ့ "အပေါ်ယံဟန်ပန် (Style)" ဘယ်အရာက ပိုအရေးကြီးသလဲ ဆိုတာကို အားပြိုင်ကြတဲ့ ဇာတ်လမ်းဖြစ်ပါတယ်။ ဒီဇာတ်ကားက လွန်ခဲ့တဲ့ နှစ်ပေါင်း ၃၀ ကျော်က ထွက်ခဲ့တာ ဖြစ်ပေမဲ့ ဒီနေ့ခေတ် သတင်းမီဒီယာလောကရဲ့ အခြေအနေနဲ့ အရမ်းကို ကိုက်ညီမှုရှိပါတယ်။ သတင်းစစ်မှန်မှု (News Integrity) နဲ့ ကြည့်ရှုသူ စိတ်ဝင်စားအောင် လုပ်ဆောင်မှု (Entertainment Value) ကြားက ပဋိပက္ခကို ကောင်းကောင်း မီးမောင်းထိုးပြထားပါတယ်။ ဥပမာ - Tom က သတင်းကြေညာရာမှာ တော်ပေမဲ့ သတင်းရဲ့ အတိမ်အနက်ကို နားမလည်တာ၊ Aaron က သတင်းကို နားလည်ပေမဲ့ ပရိသတ်ကို မဆွဲဆောင်နိုင်တာမျိုးတွေပါ။ Holly Hunter က Jane အဖြစ် သရုပ်ဆောင်ရာမှာ အလုပ်ခွင်မှာ ထက်မြက်တဲ့ ခေါင်းဆောင်တစ်ယောက် ဖြစ်သလို၊ တစ်ဖက်မှာလည်း စိတ်ဖိစီးမှုတွေနဲ့ ရုန်းကန်နေရတဲ့ အမျိုးသမီးတစ်ယောက်အဖြစ် ပိုင်ပိုင်နိုင်နိုင် သရုပ်ဆောင်သွားပါတယ်။ Albert Brooks ကတော့ ထက်မြက်ပေမဲ့ နေရာမရတဲ့ သတင်းထောက်အဖြစ် ဟာသရော၊ ဒရာမာပါ ပေါင်းစပ်ပြီး သရုပ်ဆောင်ထားတာ အလွန်ကောင်းမွန်ပါတယ်။ William Hurt ကလည်း ကိုယ့်အရည်အချင်းကို ကိုယ်တိုင် နားလည်ပြီး ရုန်းကန်နေရတဲ့၊ ဒါပေမဲ့ တစ်ဖက်မှာလည်း အခွင့်အရေးသမား ဆန်တဲ့ Tom နေရာကနေ သဘာဝကျကျ သရုပ်ဆောင်ထားပါတယ်။ "Broadcast News" ဟာ ရိုးရှင်းတဲ့ အချစ်ဇာတ်လမ်း တစ်ပုဒ် မဟုတ်ပါဘူး။ အလုပ်ခွင်ထဲက ဖိအားတွေ ကိုယ်ကျင့်တရားဆိုင်ရာ ရွေးချယ်မှုတွေနဲ့ လူ့သဘာဝတွေကို ပါးပါးနပ်နပ် တင်ပြထားတဲ့ ဇာတ်ကားပါ။ အထူးသဖြင့် ဇာတ်သိမ်းခန်းဟာ ပရိသတ်တွေ မျှော်လင့်ထားသလို ဖြစ်မလာဘဲ လက်တွေ့ဆန်ဆန် အဆုံးသတ်ထားတာက ဒီဇာတ်ကားရဲ့ အားသာချက် တစ်ခုပါ။ Oscar 7 ဆု ဇကာတင်ထားတာမလို့ လက်မလွှတ်တမ်းကြည့်သင့်တဲ့ ရုပ်ရှင်ကားကောင်းတစ်ကားမလို့ ခံစားကြည့်လိုက်ကြပါခင်ဗျာ။ File size… 2.6 GB / 1.2 GB Quality… WEB-DL 1080p / 720p Format… mp4 Duration…. 2h 13m Genre ..... Romance / Comedy Subtitle…. Myanmar Subtitle (Hard Sub)

The Shining (1980) IMDb - 8.4/10 Rotten - 84% CM ပရိသတ်ကြီးကို ၁၉၈၀ ခုနှစ်ကအရမ်းအောင်မြင်ခဲ့တဲ့ Drama/ Horrorဇာတ်ကားတစ်ကားကို တင်ဆက်ပေးချင်ပါတယ်။ ဒီဇာတ်ကားဟာ နာမည်ကျော် The Shawshank Redemption ဇာတ်ကားရဲ့မူရင်းစာရေးဆရာ Steven King ရဲ့ နာမည်ကျော် စာအုပ်တစ်အုပ်ကို ရုပ်ရှင်အဖြစ်ပြန်လည် ရိုက်ကူးထားတာဖြစ်ပါတယ်။Rating အရ IMDb 8.4/10 နဲ့ RT 84% ရရှိခဲ့တာပါ။Old but Gold ပါပဲ.... ဇာတ်လမ်းကတော့...........ဘဝမှာ အောင်မြင်မှုမရခဲ့တဲ့ ကျောင်းဆရာလူထွက် ဖခင်တစ်ယောက်...ခင်ပွန်းနဲ့သားကို ချစ်တတ်လွန်းတဲ့မိခင်တစ်ယောက်.... ထူးခြားတဲ့ပါရမီတစ်ခုကို ပိုင်ဆိုင်ထားပြီးချစ်ရာကောင်းတဲ့ ကောင်လေးတစ်ယောက်.....အဲဒီသုံးယောက်ပေါင်းစပ်ထားပြီး မပြည့်စုံတဲ့ မိသားစုတစ်ခုဟာ မကြာသေးမီအချိန်ကပဲ ဆိုးရွားတဲ့လူသတ်မှုတစ်ခု ဖြစ်ပွားခဲ့တဲ့၊ ရာသီဥတုဆိုးတဲ့ဆောင်းတွင်း ကာလမှာပိတ်ထားရပြီး အင်ဒီးယန်းတွေရဲ့ သုဿန်မြေဟောင်းပေါ်မှာ တည်ဆောက်ထားတဲ့ ကော်လိုရာဒိုကရှေးဟောင်းဟိုတယ်တစ်ခုမှာ ဆောင်းတွင်းဘက် ဟိုတယ်အစောင့်အလုပ်ကို လက်ခံခဲ့ပြီးတဲ့နောက်မှာတော့........ ဒီဇာတ်ကားမှာ အော်စကာဆုအတွက်ရာထားခံရမှုအများဆုံးနဲ့၊ အော်စကာဆု ၃ ဆု ဆွတ်ခူးခဲ့သူဖြစ်တဲ့ Jack Nicholson က ခေါင်းဆောင်ပါဝင်ထားပြီး ထိပ်တန်းHorror Movies List မှာပါဝင်တဲ့ ဇာတ်ကားကောင်း ဇာတ်ကားဟောင်းဖြစ်တာကြောင့် ကြည့်ရှုခံစားလိုက်ပါဦးခင်ဗျာ။ File Size     :   2.5 GB Duration    :   2 hr 26 min Quality        :   Blu-Ray 1080p Format        :   MP4 Genre           :  Drama, Horror Translator  :   Kaung Thant Sin Encoder       :  Littleneo

One Flew Over The Cuckoo's Nest (1975) IMDB Rating- 8.7/10 Rotten Tomatoes- 94% 1963ခုနှစ်ရဲ့ဆောင်းဦးမှာ R.P.McMurphyလို့ခေါ်တဲ့ လူတစ်ယောက်က စိတ်ကျန်းမာရေးဆေးရုံကို ရောက်လာတယ်။ McMurphyက ထောင်ကို အိမ်ဦးနဲ့ကြမ်းပြင်လို ၀င်လိုက်ထွက်လိုက် လုပ်နေတဲ့သူပါ။ သူ့လိုလူအတွက် ထောင်ထဲသွားတာက ဘာမှ ပြဿနာမရှိပါဘူး။ ဒါပေမယ့် ကြာလာတော့အလုပ်ကြမ်းလုပ်ရတာ‌ေတွ ငြီးငွေ့လာတယ်။ ဒါကြောင့်က 15နှစ်သမီးကို rapeလုပ်ပြီး တရားစွဲခံရတဲ့နောက်မှာ ထောင်ထဲကို မသွားချင်တဲ့အတွက် စိတ်ရောဂါရှင်ယောင်ဆောင်ခဲ့တယ်။ အဲ့လိုနဲ့ ဒီဆေးရုံကို ရောက်လာတယ်။ သူက ဆေးရုံမှာဆိုရင် ပိုပြီး လွတ်လပ်မယ်လို့ ထင်ခဲ့တယ်။ ဒါပေမယ့် လူနာတွေအပေါ် အာဏာ မတရားသုံးတဲ့ သူနာပြု Ratchedကြောင့် မလွတ်လပ်တဲ့အပြင် ပိုပြီး တင်းကျပ်လာတယ်။ ထောင်မှာလုပ်လို့ရခဲ့တဲ့ ကိစ္စတွေတောင် လုပ်လို့မရဖြစ်လာတယ်။ ဒါကြောင့် သူက ဦးဆောင်ပြီး ကလန်ကဆန်စလုပ်လာတယ်။ ပြဿနာရှာတယ် အမျိုးမျိုးပေါ့။ တစ်ရက် ဆွေးနွေးပွဲတစ်ခုမှာသူသိလိုက်ရတာ တစ်ခုရှိတယ်။ သူနဲ့ တခြားနှစ်ယောက်ကလွဲပြီး ကျန်တဲ့လူနာတွေက အမှုတစ်ခုခု ကျူးလွန်လို့ရောက်လာကြတာမဟုတ်ဘူး။ ကိုယ့်သဘောနဲ့ကိုယ် လာနေနေကြတာ။ အဲ့လူနာ‌ေတွကလည်း လက်တွေ့အပြင်ဘက် ဘ၀မှာ ရပ်တည်နိုင်တဲ့လူတွေ ဟုတ်ပေမယ့် နေရဲသွားရဲသတ္တိတွေပျောက်ကုန်တယ်။အဲ့အချက်ကို McMurphyလုံး၀လက်မခံနိုင်ဘူး။ ဒီ ကိစ္စရဲ့နောက်ကွယ်မှာ Ratchedရဲ့ပရောဂ မကင်းဘူးဆိုတာလည်း သိတယ်။ ဒါကြောင့် သူက ဒီဆေးရုံကနေ ထွက်ပြေးဖို့ကြံပါတော့တယ်။ စာရေးဆရာ Ken Keseyရဲ့နာမည်ကြီး ၀တ္ထုOne Flew Over The Cuckoo's Nestကို Director Milos Formanကရိုက်ကူးခဲ့ပါတယ် ဒီဇာတ်ကားက Drama/Comedy-Dramaအမျိုးအသားပါ Castအပိုင်းမှာတော့ R.P.McMurphyအဖြစ် Jack Nicholson Nurse Ratchedအဖြစ် Louise Fletcherတို့က သရုပ်ဆောင်ထားပါတယ် Jake Nicholsonက ဒီဇာတ်ကားမထွက်ခင်ရှေ့တစ်နှစ်က ထွက်ခဲ့တဲ့ Chinatownကားကတည်းက ကျွန်တော်တို့ကို သူ့ရဲ့ သရုပ်ဆောင်ချက်တွေနဲ့ ဆွဲဆောင်ခဲ့ပါတယ် နောက်တစ်နှစ်အကြာမှာလည်း ဒီဇာတ်ကားနဲ့အတူ ပြန်ဆွဲဆောင်သွားပါတယ် အော်စကာ ဘာကြောင့်ရလဲဆိုတာ ပြောစရာကို မလိုပါဘူး Louise Fletcherရဲ့ Nurse Ratchedသရုပ်ဆောင်ချက်ကိုတော့ ချီးကျူးသင့်လွန်းပါတယ် သူ့မျက်နှာကို ကြည့်လိုက်တာနဲ့တင် ကြက်သီးထပါတယ် ဗီလိန်ဖြစ်နေတာနဲ့အညီ တစ်ဖက်က မုန်းနေရသလို တစ်ဖက်ကလည်း ချီးကျူးနေရပါတယ် အခု2020ထဲမှာပဲ One Flew Over The Cuckoo's Nestရဲ့ sequel Seriesဖြစ်တဲ့ Ratched ကို ထုတ်ပြီးပါပြီ One Flew Over The Cuckoo's Nestဇာတ်ကားဟာ Best Actor, Actress, Picture, Adapted Screenplay, Directorဆိုတဲ့ Five Major Awardsရထားတဲ့ ဇာတ်ကားစာရင်း၀င်သုံးကားထဲက တစ်ကားပါ ကျန်တဲ့နှစ်ကားကတော့ It Happened One Night(1931)နဲ့ The Silence of the Lambs (1991)ပါ 2နာရီ13မိနစ်ကြာမြင့်တဲ့ကားဖြစ်‌ေပမယ့် အချိန်ကုန်လို့ကုန်မှန်းမသိ ဆွဲဆောင်နိုင်တဲ့ကားဖြစ်သလို ပြန်ကြည့်တိုင်းလည်း အတွေးတစ်ခု အမြဲပေးနိုင်တဲ့ကား ဖြစ်ပါတယ် ဘယ်အချိန်ကြည့်ကြည့် အချိန်ပေးရကျိုးနပ်မှာပါ (Reviewed and Translated by Daniel Lawwai) Encoded by : YK File Size : 1.41GB and 702 MB Quality : 1080p Blueray HEVC 1080p 5.1  and 720p

IMDB rating - 8.2/10 Rotten Tomatoes - 99% ၁၉၃၇ ရဲ့ နေ့တစ်နေ့မှာ LAမြို့က Jake Gittes ဆိုတဲ့ အလွတ်တန်းစုံထောက်တစ်ယောက်ဆီကို Evelynဆိုတဲ့ အမျိုးသမီးတစ်ယောက်က အမှုအပ်ဖို့ရောက်လာပါတယ် ရောက်လာတဲ့ အကြောင်းရင်းက သူ့ယောက်ျားဖောက်ပြန်နေတာကို စုံစမ်းပေးဖို့ပါ သူယောက်ျားကလည်း သာမန်လူတော့ မဟုတ်ဘူး LA Department of Water and Powerရဲ့ အကြီးတန်းအင်ဂျင်နီယာ တစ်ယောက် Jakeလည်း သူ‌့ကို‌ေနာက်‌ေယာင်ခံလိုက်တယ် ပြီးရင် အမျိုးသမီးတစ်ယောက်နဲ့ အတူတွဲမြင်နေရတဲ့ဓာတ်ပုံကိုရိုက်ပြီး နောက်နေ့သတင်းစာ ရှေ့ဖုံးမှာ ထည့်လိုက်တယ် အဲ့နေ့မှာဘဲ Evelyn အစစ်ဆိုတဲ့ အမျိုးသမီးတစ်ယောက်က မကျေမနပ်ဖြစ်ပြီး တရားစွဲမယ်လုပ်တယ် Jakeလည်း ဒီကိစ္စကို တည့်‌ေဖြရှင်းချင်လို့ Mr.Mulwray နဲ့တွေ့ဖို့လုပ်ပေမယ့် မတွေ့ဖြစ်လိုက်ဘူး ဒါပေမယ့် နောက်နေ့ရောက်တော့ ရေနစ်သေနေတဲ့ Mr.Mulwrayကို တွေ့လိုက်ရတယ် ဒီလူသေမှုက ထင်ထားသလောက်မရိုးရှင်းဘူး Jakeတစ်ယောက် ဒီအမှုရဲ့ တရားခံ၊ နောက်ကွယ်က အမှန်တရားတွေကို ဖော်ထုတ်နိုင်ပါ့မလားဆိုတာ ကြည့်ကြလိုက်ရအောင် Chinatownဟာ Neo-Noir အမျိုးအစားဇာတ်ကားဖြစ်ပြီး California Water Warsကို အခြေခံကာ ရိုက်ကူးထားတာဖြစ်ပါတယ် နာမည်ကျော်ဒါရိုက်တာကြီး Roman Polanski ရဲ့ လက်ရာကောင်းတစ်ခုဖြစ်ပြီး Best Original Screenplayဆုကို ရထားတဲ့ အော်စကာဆုရ ဇာတ်ကားတစ်ကားလည်း ဖြစ်ပါတယ် Castအပိုင်းမှာတော့ နာမည်ကြီးတွေဖြစ်ကြတဲ့ Jack Nicholson၊ Fuye Dunawayနဲ့ John Hustonတို့ ပါ၀င်ပါတယ် ဒီကားဟာ Jack NicholsonကိုပထမဆံုးOscarဆုရသွား‌ေစတဲ့ One Flew Over The Cuckoo's Nest(1975)မတိုင်ခင် ထွက်ခဲ့တဲ့ကားပဲဖြစ်ပါတယ် အ‌ကောင်းဆုံးဇာတ်ကားစာရင်း၀င်ဖြစ်တဲ့အတွက် ကြည့်ဖြစ်အောင်ကြည့်ပါလို့ တိုက်တွန်းပါရစေ (ဘာသာပြန်နဲ့ အညွှန်းကတော့ Daniel Lawwai ပဲဖြစ်ပါတယ်) Quality : 1080p Blu-Ray and 720p File Size : 2.3Gb and 1Gb Translated by : Daniel Lawwai  Encoded by : YK

ဒီဇာတ်ကားလေးကတော့ ၁၉၇၀ ဝန်းကျင်ခန့်က အမေရိကန် ရုပ်ရှင်ဇာတ်ကောင်းတွေထဲက တစ်ခုဖြစ်ပါတယ်။ ဇာတ်လမ်းအကျဉ်းချုပ်လေးပြောရမယ်ဆိုရင် ရေတပ် ကမ်းခြေကင်းလှည့်တပ်ဖွဲ့ဝင် နှစ်ဦးဖြစ်ကြတဲ့ Billy "Badass" Buddusky (Jack Nicholson) နဲ့ Mulhall တို့ဟာ ဒေါ်လာ ၄၀ ခိုးမှု‌ေကြောင့် ထောင်ဒဏ် ရှစ်နှစ် ကျခံရမယ့် ရေတပ်သားငယ် Larry Meadows (Randy Quaid) ကို နော်ဖော့ခ် (Norfolk) မှ ပို့စ်မောက် (Portsmouth) ရှိ ရေတပ်ထောင်ကို အစောင့်အဖြစ် ပို့ဆောင်ရတဲ့ တာဝန်ကို ရရှိခဲ့ပါတယ်။ အဲပို့ဆောင်တဲ့ခရီးစဉ်မှာ သူတို့တွေ ဘာတွေ လုပ်ကြမလဲ ဘာတွေဖြစ်ပျက်ခဲ့လဲဆိုတာကို စိတ်ဝင်စားဖွယ်ကြည့်ရမှာဘဲ ဖြစ်ပါတယ်။ ဒီဇာတ်လမ်းလေးဟာ အဖွဲ့အစည်းကြီးတစ်ခုရဲ့ တင်းကျပ်မှုအောက်မှာ ပျောက်ဆုံးသွားရတဲ့ လူသားချင်းစာနာမှုနဲ့ ခဏတာ လွတ်လပ်ခြင်းအကြောင်းကို ရယ်မောဖွယ်၊ တစ်ချိန်တည်းမှာပင် နာကျင်ဖွယ်ရာ တင်ဆက်ထားခြင်း ဖြစ်ပါတယ်။ File size…  2.01 GB / 965 MB Quality… Blu-ray 1080p / 720p Format… mp4 Duration…. 1h 31m Genre ..... Comedy , Drama Subtitle…. Myanmar Subtitle (Hard Sub)

ရှင်းရှင်းဘွင်းဘွင်း စကားအသုံးနှုန်းတွေနဲ့ ၊ ကွက်ကွက်ကွင်းကွင်း ပြကွက် တွေပါတဲ့ R rated film ဖြစ်လို့ အသက်ပြည့်မှကြည့်ပေးကြဖို့မေတ္တာ ရပ်ခံပါတယ်။ Sexual scene တွေပါတာမလို့ မိသားစုနဲ့တူတူမကြည့်သင့်ပါဘူး ဇာတ်လမ်းအကျဉ်း - သူငယ်ချင်းနှစ်ယောက်ရဲ့ ကောလိပ်ကျောင်းသားဘဝကနေ ပင်စင်စား ဘဝရောက်တဲ့အထိ ကြုံတွေ့ရမယ့် Sexual အတွေ့အကြုံတွေကို အပြန်အလှန် ဝေမျှတဲ့ ဇာတ်လမ်းမျိုး ဖော်ကျူးထားတဲ့ ဇာတ်ကား‌လေးပဲဖြစ်ပါတယ် သူငယ်ချင်း နှစ်ယောက် တစ်ယောက်နဲ့ တစ်ယောက် အပြိုင် sex အတွေ့အကြုံတွေ လေ့လာ လိုက်စားပြီး အပြိုင်အဆိုင် အပြန်အလှန် ဝေမျှသွားတာကို ကြည့်ရှုခံစားကြရမှာပဲ ဖြစ်ပါတယ် ခင်ဗျ။ (ရုပ်ရှင်အညွှန်းနဲ့ဘာသာပြန်ကို Kafka မှ တင်ဆက်ထားပါတယ်။) File size…    1.45 GB /  574 MB Quality… BluRay 1080p / 720p Format… mp4 Audio... AAC Duration…. 1h 48m Genre ..... Comedy/Dark Comedy Subtitle…. Myanmar Subtitle (Hard Sub) Encoder…. Thit San Khant Translated... by Kafka

Easy Rider" ဆိုတာ ရုပ်ရှင်သက်သက် မဟုတ်ပါဘူး။ ၁၉၆၀ ပြည့်လွန်နှစ်တွေက အမေရိကန်နိုင်ငံရဲ့ ယဉ်ကျေးမှု တော်လှန်ရေး (Counterculture)၊ လူငယ်တွေရဲ့ ပုန်ကန်ထကြွမှုနဲ့ ဟစ်ပီ (Hippie) ခေတ်ကို အကောင်းဆုံး ပုံဖော်ထားတဲ့ သမိုင်းဝင် မှတ်တိုင်တစ်ခု ဖြစ်ပါတယ်။ ဟောလိဝုဒ် ရုပ်ရှင်လောကကို ပြောင်းလဲစေခဲ့တဲ့ "New Hollywood" ခေတ်ရဲ့ အစပျိုး ရုပ်ရှင်လို့လည်း ဆိုနိုင်ပါတယ်။ ဇာတ်လမ်းကတော့ Wyatt (Peter Fonda) နဲ့ Billy (Dennis Hopper) ဆိုတဲ့ ဆိုင်ကယ်သမား သူငယ်ချင်းနှစ်ယောက်အကြောင်းပါ။ သူတို့ဟာ မူးယစ်ဆေးဝါး ရောင်းဝယ်မှုတစ်ခုကနေ ငွေအများကြီး ရလိုက်ပြီးနောက်၊ လွတ်လပ်မှုကို ရှာဖွေဖို့အတွက် Los Angeles ကနေ New Orleans မြို့ကို ဆိုင်ကယ်တွေနဲ့ ခရီးထွက်လာကြပါတယ်။ လမ်းခရီးမှာ သူတို့ဟာ အမေရိကန်နိုင်ငံရဲ့ မတူညီတဲ့ လူနေမှုဘဝတွေကို တွေ့ကြုံရပါတယ်။ လမ်းဘေးက လယ်သမားတွေ၊ හිပီ (Hippie) အသိုင်းအဝိုင်းတွေနဲ့ တွေ့ဆုံသလို၊ အရက်စွဲနေတဲ့ ရှေ့နေ George Hanson (Jack Nicholson) နဲ့လည်း မိတ်ဆွေဖွဲ့ခဲ့ကြပါတယ်။ ဒါပေမဲ့ သူတို့ရဲ့ လွတ်လပ်တဲ့ ပုံစံ၊ ဆံပင်အရှည်နဲ့ ဆိုင်ကယ်စီးတဲ့ စတိုင်လ်တွေက ရှေးရိုးစွဲ မြို့ငယ်လေးတွေက လူတွေရဲ့ အမုန်းတရားနဲ့ အကြမ်းဖက်မှုတွေကို ဖိတ်ခေါ်သလို ဖြစ်လာခဲ့ပါတော့တယ်။ ဒီရုပ်ရှင်ရဲ့ အဓိက အနှစ်သာရက "လွတ်လပ်မှု" ပါ။ လူတိုင်းက လွတ်လပ်ချင်တယ်လို့ ပြောကြပေမဲ့၊ တကယ်တမ်း လွတ်လပ်တဲ့သူကို တွေ့တဲ့အခါမှာတော့ ကြောက်ရွံ့ပြီး မုန်းတီးတတ်ကြတယ် ဆိုတာကို ဒီရုပ်ရှင်က မီးမောင်းထိုးပြထားပါတယ်။ George Hanson (Jack Nicholson) ပြောတဲ့ "They're not scared of you. They're scared of what you represent to them: Freedom." ဆိုတဲ့ စကားက ရုပ်ရှင်ရဲ့ အသက်ပါပဲ။ Peter Fonda က Captain America အဖြစ် တည်ငြိမ်အေးဆေးတဲ့ ပုံစံနဲ့ သရုပ်ဆောင်ထားပြီး၊ Dennis Hopper ကတော့ စိတ်လိုက်မာန်ပါ လုပ်တတ်တဲ့ Billy အဖြစ် ပီပြင်ပါတယ်။ ဒါပေမဲ့ အထူးခြားဆုံးကတော့ Jack Nicholson ပါ။ သူပါဝင်တဲ့ အခန်းတွေက နည်းပေမဲ့၊ သူ့ရဲ့ သရုပ်ဆောင်မှုက ဒီကားကို ပိုပြီး အသက်ဝင်စေခဲ့သလို၊ သူ့ကိုလည်း နောင်တစ်ချိန်မှာ စူပါစတားတစ်ယောက် ဖြစ်လာဖို့ လမ်းစဖွင့်ပေးခဲ့ပါတယ်။ Easy Rider ဟာ ပျော်စရာ သက်သက်ကြည့်ရမယ့် ကားမျိုး မဟုတ်ပါဘူး။ အမေရိကန် အိမ်မက် (American Dream) ပျက်စီးသွားပုံ၊ လူ့အဖွဲ့အစည်းကြားက ကွဲပြားမှုတွေနဲ့ အမုန်းတရားတွေကို ရင်နာစရာကောင်းလောက်အောင် ရိုက်ပြထားတဲ့ ကားကောင်း တစ်ကားပါ။ File size… 3.75 GB/ 1.67 GB Quality…Blu - Ray 1080p & 720p Format… mp4 Duration…. 1h 35m Genre ..... Adventure, Drama Subtitle…. Myanmar Subtitle (Hard Sub)