Jack Thompson ပါဝင်သော ဇာတ်ကားများ

ခုတခေါက်တင်ဆက်ပေးမယ့် ရုပ်ရှင်ကားလေးကတော့ IMDB Rating 7 ထိ ရထားတဲ့ Family/Adventure အမျိုးအစားဇာတ်ကားလေးပဲဖြစ်ပါတယ်… ကြည်နူးစရာ ကြေကွဲစရာ ဝမ်းသာစရာ ဝမ်းနည်းစရာတွေကို ပေါင်းစပ်ရိုက်ကူးထားတဲ့ ရသစုံကားလေးဖြစ်လို့ ရုပ်ရှင်ချစ် ပရိသတ်တွေ သဘောကျနှစ်ခြိုက်မယ့်ကားလေးဖြစ်ပြီး ချစ်စရာ အာဝုလေးတွေလည်းပါလို့ အာဝုချစ်သူပရိသတ်များလည်း လက်လွှတ်ဖို့မသင့်တဲ့ရုပ်ရှင်ကားလေးတစ်ကားဖြစ်ပါတယ်... ဩစတေးလျနိုင်ငံ Upson Downs မြို့ငယ်လေးက Shearers မိသားစုဟာ အခြားမြို့ခံများနည်းတူ စိုက်ပျိုးမွေးမြူရေးလုပ်ငန်းနဲ့ အသက်မွေးဝမ်းကျောင်းပြုကြသူတွေဖြစ်ပါတယ်… ရေရှားပါးသဖြင့် ချောင်းရေကိုသာ အဓိကအားကိုးနေရတဲ့ မြို့ကလေးဟာ ဓနရှင်သူဌေးကြီး Earl ရဲ့ ကုပ်သွေးစုပ်မယ့်အကြံနဲ့ တည်ဆောက်ခဲ့တဲ့ ရေကာတာကြောင့် ရှားရှားပါးပါးမိုးရေကိုသာ မျှော်ကိုးရပါတော့တယ်… ထို့နောက်မှာတော့ ရေရှားပါးကာ စိုက်ပျိုးရေးမဖြစ်ထွန်းဘဲ တိရစ္ဆာန်များစားကျက်ရှားပါးလာမှုကြောင့် စားဝတ်နေရေးကျပ်တည်း လာတဲ့ Upson Downs အရပ်က Shearers မိသားစုအပါအဝင် ဒေသခံလယ်သမားမိသားစုများဟာ သူဌေးကြီး Earl အဖို့ ၎င်းတို့ရဲ့ လယ်မြေတွေကိုဈေးချိုချိုနဲ့ ဝယ်ယူပြီး ချမ်းသာသည်ထက် ချမ်းသာအောင် အမြတ်ထုတ်စရာ သားကောင်များဖြစ်လာပါတော့တယ်… တချိန်တည်းမှာပဲ စီးပွားရေးကျဆင်းကာ ဘဏ်ကြွေးတွေဆင့်ဆင့် လာတဲ့ မိသားစုအကျပ်အတည်းကို သိပြီး ကူညီချင်စိတ်အပြည့် ရှိနေတဲ့ Shearers မိသားစုရဲ့ သမီးငယ်လေး Annie ဟာ အခက်အခဲကို ဖြေရှင်းဖို့ နည်းလမ်းတွေစဉ်းစားနေခဲ့ပါတယ်… Woolarama ပွဲတော်ရက်မှာတော့ Annie နဲ့ သူ့ခွေးလေး Runt တို့ဟာ အစီအစဉ်မရှိဘဲ ခွေးပြိုင်ပွဲဝင်ဖြစ်သွားရာမှ Runt ရဲ့အစွမ်းအစနဲ့ မိသားစုအကျပ်အတည်းကို ဖြေရှင်းနိုင်ဖို့ လမ်းစမြင်သွားတဲ့ Annie ဟာ… Shearers မိသားစုကို သူဌေးကြီး Earl လက်ကကယ်တင်နိုင်ကြမလား Shearers မိသားစုတို့ ဘယ်လိုဖြစ်သွားမလဲ...... Upson Downs မြို့ကလေးက လယ်မြေတွေရော သူဌေးကြီး Earl လက်ထဲပဲ အကုန်ရောက်သွားမလားဆိုတာ ကိုတော့ Runt ဆိုတဲ့ ဒီဇာတ်ကားလေးထဲမှာ ကြည့်ရှုခံစားလိုက်ကြပါဦးခင်ဗျာ....... File size… (1.62GB) / (892MB ) Quality… WEB-DL 1080p HEVC / 720p Format…mkv / mp4 Duration….1h 31m Genre …..Animal Adventure  , Family Subtitle….Myanmar Subtitle (Hard Sub) Encoder….Min Wai Translated by Ye Thiha Htet

Disney plus ကရိုက်ကူးထားပြီး နာမည်ကျော် မင်းသားကြီး Hugh Jackman နဲ့ မင်းသမီး Nicole Kidman တို့ပါဝင်သရုပ်ဆောင်ထားတဲ့ ဒီစီးရီးဟာ castsတွေနဲ့တင် ကြည့်သင့်တဲ့စီးရီးဖြစ်ပါတယ်.. ဒါ့အပြင် သူတို့ (၂)ယောက်ပေါင်းပြီး ရန်သူတွေပတ်လည်ဝိုင်းနေတဲ့ အထင်ကရခြံကြီးကိုကာကွယ်တဲ့ဇာတ်လမ်းဆိုတော့ ပိုစိတ်ဝင်စားဖို့ကောင်းပါတယ်... Lady Sahara Ashley ဆိုတဲ့ အထက်တန်းလွှာအမျိုးသမီး တစ်ယောက်ရှိပြီး သူ့ယောက်ျားဖြစ်သူ Lord Maitland Ashley ကတော့ ဩစတြေးလျနိုင်ငံ မြောက်ဘက်စွန်းက Faraway Downs ဆိုတဲ့ နွားခြံကြီးမှာ နေထိုင်ပါတယ်။ တစ်နေ့ မှာ Lady Sahara Ashley က သူ့ယောက်ျားရှိရာ Faraway Downs ကိုလိုက်သွားတဲ့အခါ သူ့ယောက်ျားဖြစ်သူက သေဆုံးနေတာကို တွေ့လိုက်ရပါတော့တယ်။ အဲ့လိုနဲ့ပဲ ဆာရာဟာ Faraway Downs ဆိုတဲ့ခြံကြီးကို The Droverဆိုတဲ့ နွားပွဲစားအကူအညီနဲ့ ဦးစီးဖို့အကြောင်းဖန်လာပါတော့တယ်။ တစ်ဖက်မှာလည်း Faraway Downs ကို ဝယ်ချင်နေတဲ့ ပြိုင်ဖက်ကုမ္ပဏီကြီးတစ်ခုလည်း ရှိနေတဲ့အပြင် နားမလည်ပါးမလည် ခြံဦးစီးရှိနေတဲ့နေရာဆိုတော့ လစ်ရင်လစ်သလို အပိုင်စီးချင်နေတဲ့ လောဘသမားတွေကလည်း ဒုနဲ့ဒေးပေါ့... နယ်ခံ လူရိုးကြီး Hugh Jackman နဲ့ ပေါင်းပြီး သူတို့ဘယ်လိုကာကွယ်ကြမလဲဆိုတာကိုတော့... အပိုင်း ၆ပိုင်းသာပါဝင်တာမို့ အချိန်အများကြီးပေးစရာမလိုဘဲ ကြည့်နိုင်မယ့် စီးရီးတစ်ခုပဲဖြစ်ပါတယ်။ ဒီတော့ Faraway Downs ကိုခံစားကြည့်ရှုလိုက်ပါဦး။ File Size – 1.11 GB /503 MB Quality –WEB-DL 1080p 5.1 CH, 720p Duration – 50 Min  (@Episode) Total Episodes: 6Eps Subtitle – Myanmar Hardsub Format – Mp4 Genre : Adventure , Drama  , History Translator – Muse , Aoi Encoder – Min Wai

ဒီရုပ်ရှင်ကတော့ မင်းသားကြီး ရပ်ဆဲခရိုး ကိုယ်တိုင်ရိုက်ကူးသရုပ်ဆောင်ထားတဲ့ ရုပ်ရှင်ပဲဖြစ်ပါတယ်။ လီယံဟမ်းဆွာ့လည်း ဇာတ်ပို့အဖြစ်ပါဝင်ထားပါသေးတယ်။ အမျိုးအစားကတော့ Mystery, Thriller အမျိုးအစားပါပဲ။ ဂျိတ်၊ ပေါလ်၊ အဲလက်၊ ဒရူး စတဲ့ သူငယ်ချင်းတွေဟာ ငယ်စဉ်ကတည်းက ပိုကာဖဲကစားနည်းမျိုးစုံကို ဝါသနာပါတဲ့လူတွေပါ။ အရွယ်ရောက်လာတဲ့အခါမှာတော့ ဂျိတ်ဟာ ကမ္ဘာ့ပထမဆုံး ပိုကာအင်တာနက်စနစ်ကို တီထွင်ခဲ့တဲ့အတွက် သန်းကြွယ်သူဌေးဖြစ်နေပါပြီ။ တစ်နေ့မှာတော့ ဂျိတ်ဟာ သူရဲ့မတွေ့ရတာ ကြာတဲ့ သူငယ်ချင်းတွေကို ပြန်ဖိတ်ခေါ်ပြီး ပိုကာတစ်ပွဲ ကစားဖို့ စီစဉ်လိုက်ပါတယ်။ ဒါပေမဲ့ အဲဒီ ပိုကာညဟာ သာမန်မဟုတ်ဘဲ အလှည့်အပြောင်းတွေ ပဟေဠိတွေဖြစ်လာတဲ့အခါ... File size…(920MB) Quality…. Web 720p Format…mp4 Duration….01:34:00 Genre...Action / Crime / Thriller Subtitle….Myanmar Subtitle (Hardsub) Encoder….Mr. Anderson Translated by Mr. Anderson

ဒီရုပ်ရှင်လေးကတော့ သြစတြေးလျနိုင်ငံမြောက်ပိုင်းမှာ သွားရောက်ရိုက်ကူးထားပြီး ပထမကမ္ဘာစစ်နှောင်းပိုင်း ကာလမှာအခြေတည်ထားပါတယ်....။ သြစတြေးလျဒေသခံလူမည်းမျိုးနွယ်တစ်ခုဖြစ်တဲ့ Aboriginal Australiansလူမျိုးတို့ရဲ့ယဥ်ကျေးမှုတွေ ဓလေ့တွေကိုလည်း မြင်တွေ့ရဦးမှာပါ...။ ရိုက်ကွင်းတွေ ရှုခင်းတွေက လှပအရိုင်းဆန်လွန်းပြီး သရုပ်ဆောင်ပီပြင်တာကြောင့် ဆုတံဆိပ်တွေလည်းရရှိ ထားတဲ့ဇာတ်ကားပါ...။ ဇာတ်လမ်းအကြောင်းလေးကိုပြောရရင် လူဖြူတွေကြီးစိုးပြီးနောက် မိသားစုတစ်ကွဲတပြားဖြစ်သွားရတဲ့ Aboriginalမျိူးနွယ် လူမည်းလေး ဂူဂျူရဲ့ဘဝကို အခြေခံရိုက်ကူးထားပါတယ်။ လူဖြူတွေရဲ့ကျူးကျော်မှုကြောင့် ငယ်ဘဝမိသားစုအသိုက်အမြုံလေး ပြိုကွဲခဲ့ရပြီးနောက် ဂူဂျူကိုယ်တိုင်လည်း လူဖြူတွေရဲ့စခန်းမှာ ငယ်ကျွန်သာသာဘဝကိုရောက်ရှိသွားပါတယ်။ ၁၂နှစ်တာကာလကုန်လွန်သွားပြီးနောက် ဂူဂျူရဲ့ဦးလေးဖြစ်သူဟာ သူတို့မိသားစုအတွက် လူဖြူတွေကို လက်စားပြန်ချေပါတော့တယ်...။ လူဖြူတွေနဲ့ရင်းနီးပြီးသားဖြစ်တဲ့ လူမည်းလေးတစ်ယောက်အနေနဲ့ မိသားစုအတွက်ပဲလက်စားပြန်ချေမလား လက်နက်အင်အား အရာရာသာလွန်တဲ့ လူဖြူတွေကို ဘယ်လိုပြန်ရင်ဆိုင်သွားမလဲဆိုတာကို ဇာတ်လမ်းလေးထဲမှာ ဆက်လက်ကြည့်ရှုနိုင်ပါပြီ။ File size…2.29GB / 1.43GB Quality…Blu-Ray 1080p  / 720p Format…mp4 Duration….1h 44m Genre ….. Action , Thriller , Drama Subtitle….Myanmar Subtitle (Hard Sub) Encoder….Min Wai Translated by Themes

ဒီဇာတ်ကားလေးက အရမ်းသနားဖို့ကောင်းသလို မိဘမေတ္တာကိုပြသတဲ့အတွက် ကြည့်တဲ့သူတွေရင်ကိုထိစေမဲ့ဒရာမာကားလေးပါ စစ်ပွဲကြီးအပီးကို့ဘဝကိုစိတ်ဓာတ်ကျနေတဲ့စစ်သားဟောင်းတယောက်ဖြစ်တဲ့ သောမတ်စ်ရှာဘွန်းဟာလူတွေနဲ့ဝေးရာဖြစ်တဲ့ ဂျေးနက်စ်ဆိုတဲ့ကျွန်းကြီးပေါ်မှာမီးပြတိုက်စောင့်လုပ်ဖို့သွားခဲ့တယ် အဲ့ဒိအနီးနားမြို့လေးက အစ်စဘဲလ်ဆိုတဲ့မိန်းကလေးနဲ့ချစ်ကျွမ်းဝင်လက်ထပ်ခဲ့ပီး ကျွန်းကြီးပေါ်တူတူသွားနေခဲ့ကျတယ် ကလေးအရမ်းလိုချင်တဲ့သူမ ကိုယ်ဝန်ပျက်ကျပီးတဲ့နောက် သူတို့ကျွန်းပေါ်ကိုဘယ်ကမှန်းမသိတဲ့လှေလေးတစီးမျောလာခဲ့တယ် လှေထဲကလူသေအလောင်းတလောင်းနဲ့ အသက်ရှင်နေသေးတဲ့ မွေးကင်းစကလေးလေးကိုတွေ့ပီးတဲ့နောက် ဘာတွေဆက်ဖြစ်မယ်ဆိုတာကို မျက်ရည်လည်ရွှဲနဲ့ကြည့်ရမှာဖြစ်ပါတယ် (ဇာတ်လမ်းအညွှန်း နဲ. ဘာသာပြန်သူကတော့ khin Pyae Sone Kyaw ပဲဖြစ်ပါတယ်) File Size : (850 MB) and (350 MB) Quality : Bluray 720p Running Time : 2hr 13minutes Format : Mp4 Genre : Drama, Romance Translated By Khin Pyae Sone Kyaw Encode By Thanhtike Zaw

(၁) တစ်စထက်တစ်စ ဝင်းပလင်းဖြာလာတဲ့ လရိပ်အောက်က... လူသူကင်းမဲ့ရာ ကမ်းဆိပ်စွန်းတံတားပေါ် ကျွန်တော်ရပ်နေခဲ့တယ်။ ဟိုတစ်ဖက်ကမ်း တုရှုက အမှောင်ရိပ်ထဲမှာတော့... အလင်းပွင့်စိမ်းကလေးဟာ တောက်ပတစ်လှည့် မှိန်ဖျော့တစ်လှည့်နဲ့ နီးလာသလိုလို... ဝေးသွားသလိုလို...။ (၂) ဒီအလင်းပွင့်စိမ်းကလေးဟာ ကျွန်တော့်အတွက်တော့ ကျွန်တော်ဉာဏ်မမီနိုင်ပါတဲ့ လောကကြီးရဲ့ အမှတ်သညာပါပဲ။ ဂတ်စ်ဘီအတွက်တာ့ မတူခဲ့ဘူးပေါ့။ (၃) ကျွန်တော်လူရည်မလည်သေးခင် လူမမည်ဘဝမှာ အဖေက ကျွန်တော့်ကို ဆုံးမခဲ့ဖူးတယ်။ " သူများကို ဝေဖန်မယ်တွေးတိုင်း လူတိုင်းက မင်းလိုမျိုး လောကရဲ့မျက်နှာသာပေး မခံခဲ့ရဘူးဆိုတာကို သတိရ"တဲ့။ ဒီစကားကြောင့် ကျွန်တော် ဘယ်သူ့ကိုမှ ကိုယ့်ဘက်ကအမြင်နဲ့ အကဲဖြတ်ဝေဖန်လေ့မရှိပေမဲ့ ဂတ်စ်ဘီကိုတော့ ကျွန်တော်အကဲဖြတ်စောခဲ့မိတယ် ထင်ပါတယ်။ အဖေ့ဆုံးမစကားက သိပ်မှန်ခဲ့တယ်။ (၄) မျှော်လင့်ခြင်းဆိုတာ ဘာများလဲ။ ဒါမျိုးအမေးက အဖြေတိတိပပရှိတဲ့ အမေးတော့ မဟုတ်ဘူးပေါ့။ သို့ပေမဲ့ ဂတ်စ်ဘီအတွက်တော့ မျှော်လင့်ခြင်းဆိုတာ ဒီအလင်းပွင့်စိမ်းကလေးပါပဲ။ လဲကျလိုက် တစ်စစီပြန်ကောက်လိုက် ဘဝမှာတောင် ဒီမျှော်လင့်ချက်ကလေးကို ဂတ်စ်ဘီ မစွန့်လွှတ်ခဲ့ပါဘူး။ သူမျှော်လင့်တဲ့အနာဂတ်တစ်ဖြစ်လဲ သူ့အိပ်မက်တစ်ဖြစ်လဲ ဒီအလင်းပွင့်စိမ်းကလေးဆီ ဂတ်စ်ဘီ ခရီးရှည်ကြီးကိုဖြတ်သန်းပြီး လာခဲ့တယ်။ သူဟာ မျှော်လင့်ချက်တစ်ခု အချစ်တစ်ခုနဲ့ ဒါကိုတာက တဲကုပ်ကလေးကနေ ကျွန်တော်ကျောခိုင်းထားတဲ့ စံအိမ်ကြီးဆီအထိ အရောက်လှမ်းခဲ့တယ်။ ကျွန်တော့်ရောင်းရင်းကြီး ဂတ်စ်ဘီဟာ ဒီလောက်ထိမျှော်လင့်ချက်ကြီးခဲ့ အချစ်ကြီးခဲ့ ဝဋ်ကြီးခဲ့တဲ့သူပါ။ ကျွန်တော့်ဘဝမှာ မြင်ဖူးသမျှလူတွေထဲ ဂတ်စ်ဘီဟာ မျှော်လင့်ချက်အကြီးဆုံးလူလို့ ကျွန်တော်ပြောရဲတယ်။ (၅) ဂတ်စ်ဘီရဲ့ ဒီအလင်းပွင့်စိမ်းကလေးဟာ ကျွန်တော့်ညီမဝမ်းကွဲ ဒေစီလို့ပြောရင်လည်း မမှားဘူးပေါ့။ ကျွန်တော် ဂတ်စ်ဘီကို ပထမဆုံးတွေ့တာက နယူးယောက်က ပါတီတစ်ခုမှာပါ။ နယူးယောက်ဆိုတာထက် ဝက်စ်အက်ဂ်ပေါ့ဗျာ။ ဒေစီကတော့ ဝက်စ်အက်ဂ်နဲ့ ပင်လယ်အော်ကြီးခြားထားတဲ့ တစ်ဖက်ကမ်းက အိစ်အက်ဂ်မှာနေတယ်။ ဘယ်လောက်ပဲချမ်းသာပါစေ ခေတ်ပျက်သူဌေးတွေဟာ မျိုးနဲ့ရိုးနဲ့ချမ်းသာတဲ့ လူကုံထံတွေနေတဲ့ အိစ်အက်ဂ်ကို မကပ်နိုင်ခဲ့တာများလားပါပဲ။ ကျွန်တော့်ရောင်းရင်းကြီး ဂတ်စ်ဘီဟာ ဒေစီနဲ့နီးချင်လို့ ဒေစီ့အိမ်တစ်ဖက်ကမ်းက အိမ်ကိုဝယ်ခဲ့တယ်။ တစ်နေ့နေ့မှာ ဒေစီများ ရောက်လာမလားဆိုပြီး ခြိမ့်ခြိမ့်သဲစည်ကားတဲ့ ပါတီကြီးတွေပေးခဲ့တယ်။ သူငါးနှစ်လုံး အရိပ်မှမမြင်ခဲ့ရတဲ့ မိန်းကလေးတစ်ယောက်အတွက် ဒီလောက်ထိလုပ်ခဲ့တဲ့သူပါ။ ဒေစီ့ကိုချစ်မိခဲ့တဲ့ လွန်ခဲ့တဲ့ငါးနှစ်ကစပြီး ဂတ်စ်ဘီဟာ သူ့ဘဝတစ်ခုလုံးကို ဒေစီ့ပေါ်ပုံအောလိုက်တဲ့အထိ အချစ်ကြီးခဲ့တဲ့သူပါပဲ။ (၆) နယူးယောက်က Queensboro တံတားကြီးကို ဖြတ်လိုက်ပြီးတာနဲ့ ဘာမဆိုဖြစ်လာနိုင်မယ်လို့ ကျွန်တော်ထင်မှတ်မှားခဲ့သလို ဂတ်စ်ဘီလည်း သူဘာမဆိုဖြစ်လာနိုင်မယ်လို့ ထင်မှတ်မှားခဲ့ပုံပါပဲ။ ဘယ်လိုပဲ အတိတ်ကံမကောင်းခဲ့ပါစေ ဒေစီနဲ့အတူ အတောက်ပဆုံးအနာဂတ်လေးကို ဖန်တီးနိုင်လိမ့်မယ်လို့ ဂတ်စ်ဘီ ထင်မှတ်ခဲ့တယ်။ တစ်ချိန်က တိမ်လိုလေလို လွင့်သွားခဲ့တဲ့ သူတို့ရဲ့ ချစ်ကမ္ဘာကြီးကို ပြန်တည်ဆောက်နိုင်မယ်လို့ ဂတ်စ်ဘီ ယုံကြည်ခဲ့တယ်။ ဒီလောကကြီးဟာ ကျွန်တော်တို့ထင်သလို လည်ပတ်နေတာ မဟုတ်ခဲ့တာကိုတော့ ဂတ်စ်ဘီရော ကျွန်တော်ရော မသိခဲ့ကြဘူးပေါ့။ ဒီမြက်ခင်းလဲ့ပြာတွေဆီအထိ ခရီးရှည်ကြီးလာခဲ့ရတဲ့ ဂတ်စ်ဘီဟာ ဝက်စ်အက်ဂ်နဲ့ အိစ်အက်ဂ်ကြားက ပင်လယ်အော်လေးကိုတော့ ဘယ်လိုမှ မကျော်ဖြတ်နိုင်ခဲ့ပါဘူး။ သူ ဘယ်လိုပဲကြိုးစားပြေးလည်း ဒေစီဆိုတဲ့ မီးပွင့်စိမ်းလေးဟာ သူ့အနောက်မှာ ကျန်ရစ်ခဲ့ပြီးသားဖြစ်နေလေတော့ သူ ဘယ်လိုမှ လက်လှမ်းမမီနိုင်ခဲ့ဘူးပေါ့။ (၇) သူမမီနိုင်ပါတဲ့ အိပ်မက်ကလေးနောက် ဂတ်စ်ဘီလိုက်ခဲ့တယ်။ သူ့အိပ်မက်ကလေးဟာ သူ့မျက်စိရှေ့တင်ရောက်နေပြီလို့ သူထင်ခဲ့တယ်။ ကျိန်းသေပေါက်ဖမ်းဆုပ်နိုင်ပြီလို့ ထင်မှတ်မှားခဲ့တယ်။ စစကတည်းကိုက သူ့အိပ်မက်ကလေးဟာ သူ့နောက်မှာ ကျန်ရစ်ခဲ့ပြီးသားဖြစ်နေတာကိုတော့ သူမသိခဲ့ပုံပါပဲ။ အလင်းပွင့်စိမ်းကလေးကို ဂတ်စ်ဘီ ယုံကြည်မျှော်လင့်ခဲ့ဖူးတယ်။ အလင်းပွင့်စိမ်းကလေးဟာ ကျွန်တော်တို့မျက်စိရှေ့တင်ပဲ တစ်စထက်တစ်စ မှေးမှိန်လာရင်း အဆုံးကျ ဂတ်စ်ဘီ လက်လွှတ်လိုက်ရတာပါပဲ။ ပသို့ပဲဆိုဆို ဂတ်စ်ဘီဟာ အရင်လိုဘ၀အစမှာ ပြန်ပြီးနေခွင့်ရခဲ့လည်း ဒေစီ့အတွက် အပြန်တစ်ရာမိုက်ဦး အဖန်တစ်ရာမှားဦးမယ့် သူဆိုတာ ကျွန်တော်သေချာနေတယ်။ (၈) ခင်ဗျားကို ကျွန်တော် "အတိတ်ကို ပြန်ပြင်လို့မရဘူး"လို့ ပြောတုန်းက "အတိတ်ကို ပြန်ပြင်လို့မရဘူးဆိုတဲ့ ခင်ဗျားအယူအဆမှားတယ်ဗျ"လို့ ခင်ဗျား ကျွန်တော့်ကို ပြန်ပြောခဲ့တာ မှတ်မိသေးလား ဂတ်စ်ဘီ။ ခင်ဗျားပြောသလို ကျွန်တော် မှားလိုက်ချင်ပါတယ်။ ခင်ဗျားရဲ့ အလင်းပွင့်စိမ်းကလေးကို ခင်ဗျား လက်လွတ်လိုက်ရတာကို ကျွန်တော်မမြင်ချင်ပါဘူး။ ဘယ်သူတစ်ဦးတစ်‌ယောက်ကမှ ဖျက်ဆီးမပစ်နိုင်တဲ့ အိပ်မက်တစ်ခုကို ဖုံးကွယ်ရင်း ကျွန်တော်တို့ရှေ့ ခင်ဗျားရပ်နေတဲ့အချိန်မှာ ကျွန်တော်တို့ ခင်ဗျား ဘယ်သူဆိုတာကို မှန်းဆခဲ့ကြဖူးတယ်။ ခင်ဗျားဘဝကို နားမလည်ပါဘဲ ခင်ဗျားကို အထင်မှားဖူးကြတယ်။ ကျွန်တော်လည်း ဒီအတိတ်ကို ပြန်ပြင်ချင်မိတယ်။ ပြန်ပြင်လို့ရမှာမဟုတ်တာတော့ သေချာသလောက်ပါပဲ။ ဘယ်လိုပဲဖြစ်ဖြစ်ပါ။ နောက်နေ့တွေမှာ ကျွန်တော်တို့ ပိုကြိုးစားပြေးပြီး ကျွန်တော်တို့လက်တွေကို ပိုဝေးဝေး ဆန့်ထုတ်ကြမယ်။   တစ်နေ့နေ့မှာတော့...    ရေစီးလားရာကို စုန်ကန်ပြီး     အတိတ်နေ့တွေဆီ လမ်းမသွေဖီ,      လည်ပြန်ခေါ်ကာသွားမယ့်       လှေတွေကို        ကျွန်တော်တို့အတူ လှော်ခတ်ကြတာပေါ့။                                              - နစ်ကာရာဝေး (၉) F. Scott Fitzgerald ရဲ့ The Great Gatsby ဝတ္တုဟာ သူ့ကို ပြန်ရိုက်ခဲ့ကြတဲ့ ရုပ်ရှင်များစွာထက် ပိုကျော်ကြားတဲ့ ဂန္တဝင်ဝတ္တုကြီးပါ။ ဇာတ်လမ်းသက်သက်ကြည့်ရင် အချစ်ကြီးတဲ့သူတစ်ယောက်ရဲ့ အချစ်ဇာတ်လမ်းတစ်ပုဒ်ပဲလို့ ယူဆလို့ရပေမဲ့ ထိုခေတ်ထိုအခါက အမေရိကန်အိပ်မက်တွေအကြောင်းကို သူ့အရေးအသားပညာနဲ့ metaphor တွေကို သုံးပြီး သရော်ထားတယ်လို့ ဆိုကြပါတယ်။ ရှာဖတ်ကြည့်သလောက်တော့ နောက်ဆုံးအပိတ်စာသားဆို နိမိတ်ပုံခေါ်ရမလားတော့မသိတဲ့ဟန်တွေရော တင်စားရေးသားမှုတွေရောသမထားတဲ့ ကဗျာစာကြောင်းဆန်ဆန်ဖြစ်နေတာကြောင့် ပရိသတ်တွေကြား အဓိပ္ပာယ်နည်းနည်းစီ ကွဲနေကြအထိပါပဲ။ အကောင်းမြင်တဲ့ဘက် ရောက်တဲ့စာကြောင်းပေမဲ့ b တွေအများကြီးသုံးထားတာက အတိတ်ရဲ့အလဲထိုးခံရတဲ့ ဂတ်စ်ဘီ့အဖြစ်ရဲ့ အငွေ့ပါအောင် B, beat down နဲ့ P, past ရဲ့ အငွေ့ပါအောင်သုံးထားတယ်လည်း ဆိုကြပါတယ်။ သို့ပေမဲ့ ဒီလိုစကားလုံးတွေက ကဗျာလို စကားလုံးတွေထက် ကျော်လွန်တဲ့ခံစားမှုကို ပေးချင်တဲ့အခါ သုံးကြတယ်လို့ ကျွန်တော်တော့မှတ်ယူပါတယ်။ ပြောရရင် ခံစားသူပေါ် ပိုမူတည်တယ်ထင်ပါတယ်။ ဒါရိုက်တာကလည်း ရှေ့စကားလုံးတွေမှာ စာအုပ်အတိုင်းအတိအကျယူတာနည်းပေမဲ့ ဒီအပိတ်ကိုတော့ အတိအကျကိုထည့်သုံးထားပါတယ်။ ဒါရိုက်တာဟာ စာအုပ်ကို သစ္စာမဖောက်ခဲ့ပါဘူး။ (၁၀) သရုပ်ဆောင်တွေမှာလည်း တိုဘီမက်ဂွိုင်းရားရဲ့ ဆွေးမြေ့မြေ့အသံဟာ စိတ်ကိုအတော်ဖမ်းစားနိုင်သလို လီယိုနာဒိုဆို ဂတ်စ်ဘီဇာတ်ရုပ်နဲ့ သူ့ထက်လိုက်မယ့်သူရှိမယ်မထင်လို့ ရှေ့ကားတွေကို ခုထိမကြည့်ဖြစ်တဲ့အထိပါပဲ။ ကျန်တဲ့သရုပ်ဆောင်တွေလည်း သူ့နည်းသူ့ဟန်ပီပြင်ကြသလို ဆုတွေလည်းရခဲ့ကြပါတယ်။ အော်စကာမှာ Best Production Design ဆုနဲ့ Costume Design ဆုရခဲ့သလို Cinematography ဆု, Editing ဆု၊ Original Score ဆုနဲ့ သရုပ်ဆောင်ဆုတွေကိုလည်း တခြားပွဲတွေက ရထားပါတယ်။ ရလည်းရသင့်ပါတယ်။ စီနီမာတို အသံ အခန်းအကူးတွေအကုန်လှပနေတဲ့ ဇာတ်လမ်းအရသာမက အမြင်ပိုင်း အသံပိုင်းအရပါ ဖမ်းစားနိုင်တဲ့ ရုပ်ရှင်ပါပဲ။ (၁၁) ဒါရိုက်တာ Baz Luhrmann ဟာ လီယိုနဲ့ရှေ့မှာ ရိုမီယိုဂျူးလီယက်ကားရိုက်ဖူးသလို Moulin Rouge တို့ Australia တို့လို အလှပဆုံးကားတွေကို ရိုက်ခဲ့တဲ့သူပါပဲ။ မဝေဖန်တတ်ပေမဲ့ တော်တော်လှလှပပပြတတ်တဲ့ ဒါရိုက်တာဆိုတာတော့ သေချာပါတယ်။ (၁၂) ပရိသတ်အတွက် ကားကောင်းဖြစ်သည့်တိုင်အောင်ပဲ ဝေဖန်ရေးသမားတွေကြားတော့ နှစ်ခြမ်းကွဲခဲ့ကြတဲ့ ရုပ်ရှင်ပါပဲ။ ရှေ့ကားတွေရော မူရင်းစာအုပ်ကြောင့်ရောကြောင့် ဖြစ်နိုင်ပေမဲ့ ကျွန်တော်တော့ တင်ဘာတန် ချာလီနဲ့ ချောကလက်စက်ရုံရဲ့ အရသာကို မူလကားက မီမယ်မထင်သလို ‌ဒါကိုလည်းမထင်ပါဘူး။ ကိုယ့်ရဲ့ပထမဆုံးအရသာတွေဟာ အကောင်းဆုံးဖြစ်သွားတတ်တာပဲမို့လား။ ဝေဖန်ရေးသမားတွေနှစ်ခြမ်းကွဲခဲ့ကြပေမဲ့ စာရေးဆရာရဲ့ မြေးမကတော့ ဒီရုပ်ရှင်ကို ချီးကျူးခဲ့ပြီး "Scott would have been proud"လို့ ထောပနာပြုခဲ့ပါတယ်။ (၁၃) The Great Gatsby ဟာ ကျွန်တော့်အတွက်တော့ ခဏခဏ သတိအရမိဆုံး ရုပ်ရှင်ပါပဲ။ စိုင်းခမ်းလိတ်နဲ့ စိုင်းထီးဆိုင်ဆီကထွက်တဲ့ သီချင်းတွေထဲ ကျွန်တော်အကြိုက်ဆုံးဖြစ်တဲ့ "အချစ်ဆိုတဲ့အရသာ" သီချင်းကို နားထောင်တိုင်း သတိရမိနေကျ ရုပ်ရှင်လည်းဟုတ်ပါတယ်။ အချစ်ဆိုတဲ့အရသာဟာ ကျွန်တော်ရံဖန်ရံခါနား‌ထောင်ဖြစ်တဲ့ သီချင်းဖြစ်သလို ဒုတိယပိုဒ် "အရင်လို ဘ၀အစမှာ ပြန်ပြီးနေခွင့်ရတောင် အပြန်တစ်ရာမိုက်ဦးမှာ အဖန်တစ်ရာမှားဦးမှာ" နားရောက်တိုင်း ဂတ်စ်ဘီကို ပြေးမြင်မိစေတဲ့ သီချင်းလည်းဟုတ်ပါတယ်။ ဂတ်စ်ဘီဟာ ကျွန်တော့်အတွက် ခဏခဏ အမှတ်ရမိနေလောက်အောင် စွဲစေတဲ့ ရုပ်ရှင်ပါပဲ။ The Great Gatsby (2013) ဟာ မော်ဒန်ကလပ်စစ်ရုပ်ရှင်အဖြစ် သတ်မှတ်ခံရတဲ့ ရုပ်ရှင်လည်းဟုတ်ပါတယ်။ (ဇာတ်ကားနဲ့အညွှန်းကို WiRa Aung မှ ပြန်ဆိုရေးသားထားပါတယ်) Size - (7.3 GB) / (2.5GB)/ (1.36GB) Quality - Blu-ray K HEVC/ 1080p/ 720p IMDb Rating - 7.2/10 Format - mp4 Duration - 2H 23Min Genre - Drama, Romance Subtitle - Myanmar Subtitle (Hardsub) Translated by WiRa Aung Encoded by Y, Ka Naung

Don’t Be Afraid of the Dark (2010) မစ္စတာ ဘလက်ဝုဒ်ဟာ နာမည်ကျော် ပန်းချီဆရာတစ်ယောက် ဖြစ်ပြီးတော့ သူရော သူ့ရဲ့ ၈ နှစ်အရွယ် သားဖြစ်သူမှာ တစ်နေ့မှာ ပျောက်ချင်းမလှ ပျောက်ဆုံးသွားခဲ့ပါတယ်။ ဒီလိုနဲ့ သိပ်မကြာခင်မှာပဲ အဲလက်စ်ဆိုတဲ့ ဗိသုကာပညာရှင်ဟာ အဲဒီအိမ်ကို ဝယ်ယူပြီး ဗိသုကာပိုင်းမှာ ပြန်လည်မွမ်းမံကာ ဈေးတင်ရောင်းချဖို့အတွက် ပြင်ဆင်လို့နေပါတယ်။ တစ်နေ့မှာတော့ အဲလက်စ်ရဲ့ ဇနီးဟောင်းဖြစ်သူက အလုပ်တစ်ခုပေါ်လာလို့ သူတို့ရဲ့ သမီးဖြစ်သူ ဆယ်လီကို အဲလက်စ်ဆီမှာ ခဏလောက်နေဖို့ လွှတ်လိုက်ပါတယ်။ ဆယ်လီဟာ အဲဒီအိမ်ကိုရောက်ပြီး မကြာခင်မှာပဲ မြေအောက်ခန်းတစ်ခုကို ရှာတွေ့ခဲ့ပြီး အဲဒီမြေအောက်ခန်းထဲက မီးလင်းဖိုကနေ တိုးတိုးလေး စကားပြောနေတဲ့အသံကို မကြာမကြာ ကြားလာရပါတယ်။ ဒီတော့ ဆယ်လီဆိုတဲ့ ကလေးမလေးတစ်ယောက် အဲဒီထူးဆန်းတဲ့အိမ်ကြီးမှာ ဘယ်လိုအရာတွေ ကြုံတွေ့ရမလဲ၊ ရင်ဆိုင်ရမလဲဆိုတာ စိတ်ဝင်စားဖွယ်ရာ ကြည့်ရှုရမှာဖြစ်ပါတယ်။

December Boys (2007) IMDb Rating (6.5) / Rotten Tomatoes (41%) December Boys (2007) ဇာတ်လမ်းက ၁၉၆၀ ပြည့်လွန်နှစ်တွေက ဒီဇင်ဘာလမှာမွေးတဲ့ မိဘမဲ့ကောင်လေး ၄ ယောက်ရဲ့ ညီအစ်ကိုသံယောဇဉ်ဇာတ်လမ်းလေးပဲ ဖြစ်ပါတယ်။ Daniel Radcliffe, Teresa Palmer, Sullivan Stapleton, Jack Thompson စတဲ့ နာမည်ကြီး သရုပ်ဆောင်တွေပါပြီးတော့ IMDb 6.5/10 ရရှိခဲ့ပါတယ်။ ဂေဟာမှာပဲ ကြီးပြင်းခဲ့ရတဲ့ ကောင်လေး ၄ ယောက်က မွေးနေ့လက်ဆောင်အနေနဲ့ ပင်လယ်ကမ်းခြေရွာလေးတစ်ရွာဆီ ရက်ရှည်အပန်းဖြေခရီး ထွက်ခွင့်ရခဲ့ကြပါတယ်။ ရောက်သွားတဲ့ ကမ်းခြေမှာ ကလေးမရနိုင်တဲ့ ရွာကလင်မယားနှစ်ယောက်နဲ့ တွေ့ပြီး၊ အဲဒီလင်မယားက ကောင်လေးတွေထဲက တစ်ယောက်တည်းကိုပဲ ရွေးပြီးမွေးစားမယ် လုပ်ပါတော့တယ်။ ဒီအခါမှာတော့ မိသားစုအစစ်အမှန် လိုချင်ကြတဲ့ ကောင်လေးတွေက အချင်းချင်း တိတ်တဆိတ် ပြိုင်ဆိုင်ကြရင်း သံယောဇဉ်တွေ အက်ကြောင်းထင်လာပါတော့တယ်။ တစ်ဖက်မှာလည်း အသက်အကြီးဆုံးကောင်လေး (Daniel Radcliffe) က ရွာကကောင်မလေးတစ်ယောက်နဲ့ ပထမဆုံးအချစ်ကို စတင်သိရှိလာပါတယ်။ ပြိုင်ဆိုင်မှုတွေကြားထဲ မထင်မှတ်ထားတဲ့ အန္တရာယ်တစ်ခု ကြုံလာရတဲ့အခါ သူတို့ ၄ ယောက်ထဲက ဘယ်သူမွေးစားခံရမလဲ၊ သူတို့ရဲ့ သူငယ်ချင်းသံယောဇဉ် ဘာဖြစ်သွားမလဲ ဆိုတာကို စိတ်ဝင်စားစရာ ကြည့်ရှုရမဲ့ Coming-of-Age drama တစ်ကားပဲ ဖြစ်ပါတယ်။ File size… (1.8 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Drama,Romance Duration…. 01:45:22 Subtitle…. Myanmar Subtitle (Hardsub)

Epic Sci-fi အမျိုးအစားဖြစ်တဲ့ Star Wars ဇာတ်လမ်းတွေကို စုစည်းတင်ဆက်ပေးထားပါတယ်။ သိပ္ပံစိတ်ကူးယဉ်ရုပ်ရှင်တွေထဲမှာ သမိုင်းတလျှောက်အအောင်မြင်ဆုံး ရုပ်ရှင်တွဲတွေထဲက တစ်ခုပါပဲ။ နောက်ပိုင်းထွက်သမျှ ရုပ်ရှင်တွေထဲမှာလည်း ဒီရုပ်ရှင်တွေထဲက စကားစုတွေ ကိုးကားချက်တွေကို မကြာခဏတွေ့ရတတ်ပါတယ်။ ပညာရှိ ဆရာဆိုရင် Master Yoda ကိုအမြဲတင်စားကြသလို ဗီလိန်ဆိုရင်လည်း Darth Vader ဟာ ပြောစမှတ်တွင်ကျန်ခဲ့တာပါပဲ။ ဇာတ်လမ်းကတော့ ဟိုးအတိတ်ကာလတစ်ခုတုန်းက ဝေးကွာလှတဲ့ နဂါးငွေ့တန်းကြယ်စုတွေကြားထဲမှာ ဖြစ်ပျက်နေတဲ့အကြောင်းတွေပါ။ အစဦးမှာ ကြယ်စုတွေ ဂြိုလ်တွေဟာ လွှတ်တော်ဖွဲ့စည်းထားပြီး ဒီမိုကရေစီ စနစ်နဲ့ အုပ်ချုပ်မှုအောက်မှ နေထိုင်ကြပါတယ်။ လွှတ်တော်နဲ့အတူ ဂလက်ဆီကြီးတစ်ခုလုံးရဲ့ တရားမျှတမှုနဲ့ ငြိမ်းချမ်းမှုကို ထိန်းသိမ်းပေးတဲ့ သူရဲကောင်းအဖွဲ့တစ်ခုလည်း ရှိနေပါတယ်။ အဲဒီသူတွေကိုတော့ Jedi တွေလို့ ခေါ်ကြပြီး သူတို့မှာ Lightsaber ဆိုတဲ့ အလင်းဓားလက်နက်တွေ ပိုင်ဆိုင်ကြပါတယ်။ ဒါ့အပြင် သူတို့ကို သာမန်လူတွေထဲ ထူးခြားတဲ့ စိတ်စွမ်းအင်တွေနဲ့ ခွန်အားတွေကို Force ဆိုတဲ့ အရာကနေ ယူငင်သုံးစွဲကြပါတယ်။ Force ဆိုတာကတော့ သက်ရှိသက်မဲ့တွေ အားလုံး အတွင်းထဲ အပြင်ထဲမှာ ဝိုင်းရံနေတဲ့ စွမ်းအင်တစ်မျိုးဖြစ်ပြီး Jedi တွေသာ ခံစားနိုင် သုံးစွဲနိုင်ကြပါတယ်။ အဲဒီ Jedi တွေရဲ့ လုံးဝဆန့်ကျင်ဖက်လမ်းစဉ်ကို လိုက်တဲ့သူတွေကိုတော့ Sith တွေလို့ခေါ်ပြီး သူတို့က ဒေါသနဲ့အမုန်းတွေကို အခြေခံတဲ့ အမှောင်ခြမ်းစွမ်းအင် Dark Side of the Force ကို သုံးစွဲကြပါတယ်။ ဒီ star wars ရုပ်ရှင်တွေအတွင်းမှာ Jedi နဲ့ sith တွေရဲ့ အပြန်အလှန်အားပြိုင်မှုတွေ တော်လှန်ရေးအဖွဲ့တွေနဲ့ အင်ပါယာတပ်တွေရဲ့ တိုက်ပွဲတွေအကြောင်းတွေ ခံစားကြည့်ရှုနိုင်ပါလိမ့်မယ်။ စတားဝါးရုပ်ရှင်တွေကို ထုတ်လုပ်ခဲ့တဲ့ခုနှစ်အတိုင်း အစဉ်လိုက်ကြည့်ရှုမယ်ဆိုရင်အောက်ပါအတိုင်းကြည့်ရှုလို့ရပါတယ်။ 1. Star Wars IV : A New Hope (1977) 2. Star Wars V : The Empire strikes back (1980) 3. Star Wars VI : Return of the Jedi (1983) 4. Star Wars I : Phantom Menace (1999) 5. Star Wars II : Attack of The Clones (2002) 6. Star Wars III : Revenge of The Sith (2005) 7. Star Wars VII: The Force Awakens (2015) 8. Rogue One : A Star Wars Story (2016) 9. Star Wars VIII : The Return of the Jedi (2017) 10. Solo : A Star Wars Story (2018) 11. Star Wars IX : The Rise of the Skywalker (2019) တကယ်လို့ Star Wars Timeline အတိုင်းကြည့်မယ်ဆိုရင်တော့ အောက်ပါအတိုင်းကြည့်ရှုလို့ရပါတယ်။ 1. Star Wars I : Phantom Menace (1999) 2. Star Wars II : Attack of The Clones (2002) 3. Star Wars III : Revenge of The Sith (2005) 4. Solo : A Star Wars Story (2018) 5. Rogue One : A Star Wars Story (2016) 6. Star Wars IV : A New Hope (1977) 7. Star Wars V : The Empire strikes back (1980) 8. Star Wars VI : Return of the Jedi (1983) 9. Star Wars VII: The Force Awakens (2015) 10. Star Wars VIII : The Return of the Jedi (2017) 11. Star Wars IX : The Rise of the Skywalker (2019) ( Littleneo မှ ဘာသာပြန်တင်ဆက်ထားပါတယ်။) Star Wars ရုပ်ရှင်အားလုံးကို https://channelmyanmar.org/category/special-package/star-wars/  မှာကြည့်ရှုနိုင်ပါတယ်။ 4K ကိုတော့ www.cmapp.tv မှာ မန်ဘာဝင်ပြီး CM App ကနေ လွယ်ကူစွာတိုက်ရိုက်ကြည့်ရှုနိုင်သလို One Click Download လဲ ပြုလုပ်နိုင်ပါတယ်။ +++++++++++++++++++++++++++++ Star Wars: Episode II - Attack of the Clones (2002) အပိုင်း ၂ ကို တင်ပေးလိုက်ပါပြီဗျာ။ ဒီအပိုင်းကတော့ ပထမပိုင်းအပြီး ၁၀ နှစ်ကာလကို ရိုက်ထားတာပါ။ ဒီဇာတ်လမ်းမှာတော့ ဂလက်ဆီရီပတ်ဘလစ်ကနေ ဂြိုလ်ပေါင်းများစွာဟာ ခွဲထွက်ဖို့ ခြိမ်းခြောက်လာပြီး ခွဲထွက်ရေးအဖွဲ့တွေကို Jedi မာစတာဟောင်း မြို့စားကြီး ဒိုကူက ဦးဆောင်ပါတယ်။ အဲဒီအဖွဲ့တွေကို ဒီမိုကရေစီနည်းအရ ဖြေရှင်းဖို့ကြိုးစားပေမယ့် မအောင်မြင်တဲ့အပြင် ခွဲထွက်အဖွဲ့တွေက စစ်တပ်တစ်ခုကိုပါ တည်ဆောက်လာတဲ့အခါမှာ ခေါင်းဆောင်ကြီးကို အရေးပေါ်အာဏာ အပ်နှင်းပြီး စစ်တပ်ဖွဲ့စည်းခွင့်ပြုလိုက်ရတဲ့အတွက် ကြယ်တာရာစစ်ပွဲကြီး စတင်လာပါတော့တယ်။ ဒီအပိုင်းမှာတော့ အနာကင်နဲ့ ပါ့ဒ်မီတို့ရဲ့ သံယောဇဉ်ဟောင်းတွေ ပြန်ဆက်တာကိုတွေ့ရမှာဖြစ်ပြီး အကြိုက်ဆုံးအခန်းတွေ အနေနဲ့ ကတော့ အကြီးဆုံး Jedi တိုက်ပွဲကြီးနဲ့ မာစတာ Yoda ရဲ့ အလင်းဓားတိုက်ပွဲကို တွေ့ရမှာဖြစ်ပါတယ်။ File size…(5.4 GB)/(2 GB)/(1.1 GB) Quality….BluRay  4K HEVC/1080p HEVC /720p Format…mkv/mp4 Duration….02:22:00 Subtitle….Myanmar Subtitle (Hardsub) Encoder….Ka Naung Translated by Little Neo

Original Sin မှာ အလန်နဲ့ ဗားဂတ်တို့ ပြောကြတဲ့ စကားတစ်ခွန်းက အချစ်နဲ့ တဏှာကြားက ကွာခြားချက်ကို မေးထားပါတယ်။ ဗားဂတ် ခံစားနေရတာ အချစ်လား၊ တဏှာသက်သက်လားလို့ အလန်က မေးတဲ့အခါ ဗားဂတ်က အဲဒီနှစ်ခုမှာ ကွာခြားမှုရှိလို့လားလို့ ပြန်မေးတယ်။ အလန်ရဲ့အမြင်မှာ ချစ်တယ်ဆိုတာ ပေးပြီးရင်း ပေးချင်နေတာဖြစ်ပြီး တဏှာကတော့ ယူပြီးရင်း ယူချင်နေတာပါ။ ကိုယ်က ပေးချင်တာလား၊ ယူချင်တာလားဆိုတဲ့ မေးခွန်းကိုတော့ ဗားဂတ်က နှစ်ခုစလုံးလို့ ဖြေပါတယ်။ သူချစ်တဲ့သူကို အရာရာပေးချင်သလို အဲဒီလူဆီက အရာအားလုံးကိုလည်း ရချင်တယ်။ ဒီအဖြေကြားတော့ အလန်က သူ့ကို အချစ်မှာ အရှုံးသမားဖြစ်နေပြီလို့ ပြောလိုက်တယ်။ ဒီစကားဝိုင်းကတစ်ဆင့် အချစ်မှာ ရှုံးနိမ့်ရတဲ့ ခံစားချက်ကို မိတ်ဆက်ထားတာပါ။ ၂၀၀၁ ခုနှစ်ထွက် ဒီဇာတ်ကားမှာ Antonio Banderas နဲ့ Angelina Jolie တို့ အဓိကပါဝင်ထားပြီး အချစ်၊ ဒရာမာ၊ လျှို့ဝှက်ဆန်းကြယ်မှုနဲ့ သည်းထိတ်ရင်ဖိုအကြောင်းအရာတွေ ပါဝင်ပါတယ်။ ကိုယ်လုံးတီးပြကွက်တချို့ ပါဝင်တဲ့ R အဆင့်သတ်မှတ်ထားသော ဇာတ်ကားဖြစ်ပါတယ်။

ပါတီပွဲတစ်ခုအကြောင်း သတင်းယူဖို့ နယူးယောက်ကနေ စေလွှတ်ခံရတဲ့ ဂျွန်ကယ်ဆိုဟာ ဆာဗန်းနားမြို့ကို ရောက်လာပါတယ်။ သူ့အတွက် အစိမ်းသက်သက်ဖြစ်နေတဲ့ ဒီမြို့မှာ ပါတီပွဲကို ကျင်းပမယ့် သူဌေးကြီး ဂျင်မ်ဝီလီယံစ်နဲ့ ခင်မင်သွားတယ်။ ဂျင်မ်က ရှေးဟောင်းပစ္စည်းတွေ စုဆောင်းလေ့ရှိသူပါ။ ဒီလိုနဲ့ တစ်မနက်မှာတော့ ဂျင်မ်ရဲ့အိမ်ကြီးမှာ လူသတ်မှုတစ်ခု ဖြစ်သွားတယ်ဆိုတဲ့သတင်းကို ဂျွန် သိလိုက်ရပါတယ်။ ပါတီပွဲအကြောင်း သတင်းလာယူတဲ့ သူ့ခရီးဟာ မိတ်ဆွေသစ်ရဲ့အိမ်မှာ ဖြစ်သွားတဲ့ လူသတ်မှုနဲ့ ဆက်စပ်လာတော့တယ်။

1996 ခုနှစ်ကထွက်ရှိခဲ့ပြီး IMDb 6 ရရှိထားတဲ့ဇာတ်ကားကောင်းလေးပဲဖြစ်ပါတယ် Old But Gold လေးတွေကို ပြန်လည်ခံစားကြည့်ပါဦး..မကြည့်ရသေးရင်အသစ်ပါပဲ အမေရိကန်လေတပ်အရာရှိနှစ်ဦးဖြစ်တဲ့ ဗိုလ်ကြီး ဒစ်ကင်နဲ့ကပ္ပတိန်ဟေးလ် တို့ဟာ နျူကလီးယားဗုံး ၂လုံးကိုလျှို့ဝှက်သယ်ဆောင်ရန် တာဝန်ပေးအပ်ခံခဲ့ရတယ် ပို့နေတဲ့လမ်းမှာ ဗိုလ်ကြီး ဒစ်ကင်က နျူကလီးယားလက်နက်တွေကို ခိုးယူဖို့ကြိုးစားပြီး ကပ္ပတိန်ဟေးလ်ကို သတ်ဖို့လုပ်ခဲ့ပါတယ် ကံကောင်းချင်တော့ ဟေးလ်မှာ အသက်မသေပဲ ပန်းခြံစောင့်အရာရှိမလေး တယ်ရီနဲ့တွေ့ဆုံခဲ့ပြီး တယ်ရီအကူအညီနဲ့ ဒစ်ကင်ခိုးယူသွားသော နျူကလီးယားလက်နက်ကို ပြန်လည်ရယူရန်ကြိုးစားပါတော့တယ်။ ဉာဏ်ကောင်းတဲ့ဒစ်ကင်က နျူလက်နက်ကို ဘယ်လိုတွေ သယ်ယူရန်ကြိုးစားမလဲ၊ ဟေးလ်ကရော နျူလက်နက်ကို ပြန်ယူဖို့ကြိုးစားရာမှာ ဘာအန္တရာယ်တွေ ရင်ဆိုင်ရမလဲ နျူလက်နက်ကို ပြန်ယူနိုင်ပါ့မလားဆိုတာကို အက်ရှင်ကားစိတ်ဝင်စားတဲ့ ပရိတ်သတ်တွေအတွက် ကြည့်သင့်တဲ့ ဇာတ်ကားကောင်းတစ်ခုဖြစ်ပါတယ် Quality : Bluray 1080p ( HEVC ) Format : mp4 During : 108 min Subtitle : Myanmar Subtitle ( Hardsub ) Translator : Ei Pyae Encoder : LK

ဒီတခါတင်ဆက်ပေးမဲ့ ၁၉၈၆ခုနှစ်ထွက် ရိုဘော့ကားလေးကတော့ အတိတ်ဘဝနေ့ရက်တွေကိုပါ ပြန်ပြောင်းသတိရစေမဲ့ကားကောင်းလေးတစ်ကားပါပဲ...... ဒီကားထဲမှာ စမ်းသပ်ခံ နံပါတ်၅စက်ရုပ်လေးဟာ လျှပ်စစ်လျှော့ဖြစ်ပြီး အသိဥာဏ်ရှိသွားတာကြောင့် လွတ်မြောက်သွားရာကနေ စွန့်စားခန်းတွေ ကယ်တင်ရတာတွေ စက်ရုပ်တွေ အသိဥာဏ်ရှိသွားရင် ဘာတွေဖြစ်လာမလဲ ဆိုတာတွေကို ဂန္ဓဝင်ဆန်ဆန်လေးကြည့်ရမှာမို့ ရှုစားလိုက်ကြပါဦးလို့....... File size…(1.5 GB)/(910 Mb) Quality….Brbrip 1080p / 720p Format… mp4 Duration…. 01:38:00 Genre... Artificial Intelligence, Quirky Comedy, Comedy, Family, Sci-Fi Subtitle….Myanmar Subtitle (Hardsub) Encoder….Garfield Translated by Phoo Myat Thwe

၁၉၈၃ ခုနှစ်မှာ ထွက်ရှိခဲ့တဲ့ "Merry Christmas, Mr. Lawrence" ဟာ ဒုတိယကမ္ဘာစစ် နောက်ခံဇာတ်လမ်းကို ပုံဖော်ထားပေမယ့်၊ သေနတ်သံတွေ၊ ဗုံးပေါက်ကွဲသံတွေထက် လူသားတွေရဲ့ စိတ်ပိုင်းဆိုင်ရာ ပွတ်တိုက်မှုတွေကို ပိုပြီး နက်နက်ရှိုင်းရှိုင်း တင်ဆက်ထားတဲ့ ဂန္ထဝင် ရုပ်ရှင်ကားကောင်း တစ်ကားဖြစ်ပါတယ်။ ဂျပန်ဒါရိုက်တာ Nagisa Oshima ရိုက်ကူးပြီး ဂီတနဲ့ အနုပညာလောကရဲ့ ဂန္ထဝင်တွေဖြစ်တဲ့ David Bowie နဲ့ Ryuichi Sakamoto တို့ အဓိက ပါဝင်သရုပ်ဆောင်ထားပါတယ်။ ဇာတ်လမ်းက ၁၉၄၂ ခုနှစ်၊ ဂျာဗားကျွန်း (Java) က ဂျပန် စစ်သုံ့ပန်းစခန်းတစ်ခုမှာ အခြေတည်ပါတယ်။ ဂျပန်စစ်ဗိုလ်ကြီး ယိုနွိုင်း (Capt. Yonoi) က စခန်းကို တင်းကျပ်စွာ အုပ်ချုပ်ပြီး၊ ဗြိတိသျှ အရာရှိ ဂျွန်လောရင့်စ် (John Lawrence) က ဂျပန်စကားနဲ့ ယဉ်ကျေးမှုကို နားလည်တဲ့အတွက် နှစ်ဖက်ကြားမှာ စကားပြန်နဲ့ ညှိနှိုင်းပေးသူအဖြစ် ရှိနေပါတယ်။ တစ်နေ့မှာတော့ ပုန်ကန်မှုနဲ့ ဖမ်းဆီးခံရတဲ့ ဗြိတိသျှဗိုလ်မှူး ဂျက်ဆဲလီယာ (Jack Celliers) စခန်းကို ရောက်လာချိန်မှာတော့ အခြေအနေတွေ ပြောင်းလဲသွားပါတယ်။ Celliers ရဲ့ အလျှော့မပေးတတ်တဲ့ စိတ်ဓာတ်နဲ့ ခန့်ညားမှုက စည်းကမ်းကြီးတဲ့ ယိုနွိုင်းရဲ့ စိတ်ထဲမှာ လေးစားမှုရော၊ ဖုံးကွယ်ထားရတဲ့ စွဲလမ်းမှုတွေကိုပါ ဖြစ်ပေါ်လာစေပါတယ်။ ဇာတ်လမ်းက အရှေ့တိုင်းရဲ့ ဘူရှီဒို (Bushido) ဂုဏ်သိက္ခာပိုင်းဆိုင်ရာ အယူအဆနဲ့၊ အနောက်တိုင်းရဲ့ လွတ်လပ်တဲ့ တွေးခေါ်မှုတို့ကြားက အားပြိုင်မှုတွေကို ပြသထားပါတယ်။ ဂျပန်တွေရဲ့ ဂုဏ်သိက္ခာကို အသက်ထက်တန်ဖိုးထားပြီး သုံ့ပန်းအဖြစ် အဖမ်းခံရတာကို ရှက်စရာလို့မြင်တဲ့ အယူအဆနဲ့၊ အနောက်တိုင်းသားတွေရဲ့ အသက်ရှင်သန်ရေးကို ဦးစားပေးတဲ့ အမြင်တွေကြားက ကွာဟချက်ကို လေးနက်စွာ တင်ဆက်ထားပါတယ်။ David Bowie ရဲ့ ခန့်ညားပြီး ပုန်ကန်တတ်တဲ့ Celliers ဇာတ်ကောင်စရိုက်က ရုပ်ရှင်ရဲ့ အသက်တစ်ခုပါ။ ဒါ့အပြင် Ryuichi Sakamoto ရဲ့ တင်းမာတဲ့ စစ်ဗိုလ်ကြီးအသွင်နဲ့၊ နောက်ပိုင်းမှာ နာမည်ကြီး ဒါရိုက်တာတစ်ဦးဖြစ်လာမယ့် Takeshi Kitano (Sgt. Hara) ရဲ့ ကြမ်းတမ်းပေမယ့် ရိုးသားတဲ့ ပုံစံတွေက ဇာတ်လမ်းကို ပိုပြီး အသက်ဝင်စေပါတယ်။ ရုပ်ရှင်အကြောင်းပြောရင် Ryuichi Sakamoto ကိုယ်တိုင် ဖန်တီးခဲ့တဲ့ "Merry Christmas, Mr. Lawrence" မူရင်းတေးသွားကို ချန်ထားခဲ့လို့ မရပါဘူး။ ရုပ်ရှင်ရဲ့ နက်နဲတဲ့ ခံစားချက်၊ လွမ်းမောဖွယ်ကောင်းမှုနဲ့ ကြေကွဲမှုတွေကို ဒီတေးဂီတက အပြည့်အဝ ပံ့ပိုးပေးထားပါတယ်။ Merry Christmas, Mr. Lawrence" ဟာ စစ်ပွဲရဲ့ အကျည်းတန်မှု၊ လူသားဆန်မှု၊ ခွင့်လွှတ်ခြင်းနဲ့ မတူညီတဲ့ ယဉ်ကျေးမှု နှစ်ခုကြားက နားလည်မှုတည်ဆောက်ခြင်းတို့ကို ရင်နင့်ဖွယ်ရာ မြင်တွေ့ရမယ့် ရုပ်ရှင်ဖြစ်ပါတယ်။ စိတ်ပိုင်းဆိုင်ရာ ရိုက်ခတ်မှုရှိတဲ့ ရုပ်ရှင်ကောင်းတွေကို ကြိုက်နှစ်သက်သူတွေ၊ ဂန္ထဝင်သရုပ်ဆောင်တွေရဲ့ ငယ်ဘဝ အနုပညာပြိုင်ဆိုင်မှုတွေကို ကြည့်ရှုချင်သူတွေအတွက် အထူးအကြံပေးချင်ပါတယ်။ ရုပ်ရှင်ရဲ့ နောက်ဆုံးအခန်းမှာ Sgt. Hara ပြောသွားတဲ့ "Merry Christmas, Mr. Lawrence!" ဆိုတဲ့ စကားစုလေးကတော့ ကြည့်ရှုသူတွေရဲ့ ရင်ထဲမှာ အမြဲကျန်ရစ်နေမှာ သေချာပါတယ်။ File size…    5 GB / 1.6 GB Quality… Blu - Ray 1080p / 720p Format… mp4 Duration…. 2h 4m Genre ..... History , War , Drama Subtitle…. Myanmar Subtitle (Hard Sub)

IMDb - 7.8/10 ဒုတိယဗိုးဝါးစစ်ပွဲမှာ ဗိုလ်ကြီးမိုရန့်နဲ့ ဩစတေးလျသားဗိုလ်ကြီးနှစ်ယောက်တို့ စစ်ခုံရုံးတင်ခံရတဲ့ ဖြစ်ရပ်မှန်ကို ပြန်လည်ရိုက်ကူးထားတာပဲဖြစ်ပါတယ်။ အာဖရိကတောင်ပိုင်းက ဗိုးဝါးပြည်နယ်တွေဖြစ်တဲ့ ဩရိန်းဖရီးပြည်နယ်၊ ထရန်စဗားပြည်နယ်တို့နဲ့ ဗြိတိသျှအစိုးရတို့ ၁၈၉၉ခုနှစ်ကနေ ၁၉၂ဝခုနှစ်အတွင်း ဖြစ်ပွားခဲ့တဲ့စစ်ပွဲကို ဗိုးဝါးစစ်ပွဲလို့ခေါ်ပါတယ်။ ဒီစစ်ပွဲကို တောင်အာဖရိကစစ်ပွဲလို့လည်း ခေါ်ကြတယ်။ ဗိုးဝါးဆိုတာ ဒတ်ချ်ဘာသာစကားနဲ့ လယ်သမားကိုခေါ်တာပါ။ ၁၇၉၆ခုနှစ်မှာ အာဖရိကတိုက်ကဗိုးဝါးတွေရဲ့ ဒေသသစ်တွေကို အင်္ဂလိပ်တွေနယ်ချဲ့ကြတယ်။ ဒီမှာပဲ စစ်ပွဲဖြစ်တယ်ပေါ့။ စစ်ပွဲအတွင်း ဗိုလ်ကြီးမိုရန့်အပါအဝင် ဗိုလ်ကြီးသုံးယောက် စစ်ရာဇဝတ်မှုကျူးလွန်တယ်ဆိုတဲ့ စွဲချက်နဲ့ စစ်ခုံရုံးတင်ခံရပါတယ်။ သူတို့တွေ စစ်ခုံရုံးမှာ အမှုရင်ဆိုင်ရတာတွေနဲ့ စစ်ပွဲအတွင်းတွေ့ကြုံရတာတွေအပြင် နိုင်ငံရေးလှည့်ကွက်တွေကို အချိုးညီညီရိုက်ကူးတင်ဆက်ထားတာမို့ ခံစားကြည့်ရှုကြပါဦး။ (အညွှန်းနဲ့ဘာသာပြန်ကတော့ Pyae Phyoပဲဖြစ်ပါတယ်) File size…(2.3 GB)/(1 GB) Quality….Blu-Ray 1080p / 720p Format… mp4 Duration…. 01:47:00 Genre... Drama, History, War Subtitle….Myanmar Subtitle (Hardsub) Encoder….Garfield Translated by Pyae Phyo