Jaffer Sadiq ပါဝင်သော ဇာတ်ကားများ

Chinna Chinna Aasai (2026) ဘ၀ရဲ့ ရိုးရှင်းသော ဆန္ဒလေးများ IMDb (7.7/10) ဖိုက်တင်ကားတွေပဲကြည့်နေရတာ ရိုးအီလာပြီး စိတ်ကို အပန်းပြေစေမယ့် အိန္ဒိယ ရုပ်ရှင်ကောင်းတစ်ကား ရှာနေသူများအတွက် မဖြစ်မနေ ကြည့်ရှုသင့်တဲ့ ဇာတ်ကားကောင်းတစ်ကားကို တင်ဆက်ပေးလိုက်ပါတယ်။ ဒီဇာတ်ကားက၂၀၂၆ ခုနှစ် ထွက်ရှိထားတဲ့ ဒါရိုက်တာ Varsha Vasudev ရဲ့ ပထမဆုံး ရုပ်ရှင်ကားဖြစ်ပြီး အိန္ဒိယရဲ့ ဝါရင့်သရုပ်ဆောင် Indrans နဲ့ မင်းသမီးကြီး Madhoo (Roja မင်းသမီး) တို့ ခေါင်းဆောင်ပါဝင်ထားတာပဲဖြစ်ပါတယ်။ ဇာတ်လမ်းက ရှေးဟောင်းဘာသာရေး မြို့တော်ကြီးဖြစ်တဲ့ ဗာရာဏသီ မှာ အခြေတည်ထားတာ ဖြစ်ပါတယ်။ လီလာဆိုတဲ့ မုဆိုးမအမျိုးသမီးတစ်ယောက်ဟာ တန်ဂျာဗူရ် ကနေ ဘုရားဖူးအဖွဲ့နဲ့အတူ ဗာရာဏသီကို ရောက်ရှိလာခဲ့ပါတယ်။ ဒါပေမဲ့ မတော်တဆ အဖွဲ့နဲ့ လူကွဲသွားပြီး ပိုက်ဆံအိတ်နဲ့ ဖုန်းပါ ခိုးယူခံလိုက်ရတဲ့အခါ မြို့သစ်မြေသစ်မှာ အားကိုးရာမဲ့ အထီးကျန်ဖြစ်သွားရတော့တာပေါ့။ အဲဒီအချိန်မှာပဲ မြို့မှာ ခေတ္တခဏ လာရောက်နေတဲ့ မာဒါဗန် ဆိုတဲ့ မလေးရာလီ ကျောင်းဆရာဟောင်း၊ သမီးတစ်ယောက်ရဲ့ အဖေနဲ့ ဆုံတွေ့ခဲ့ပါတယ်။ စိတ်သဘောထား နွေးထွေးပြီး အမြဲပြုံးရွှင်နေတတ်တဲ့ မာဒါဗန် ဟာ ကူညီဖို့ လက်ကမ်းပေးလိုက်တဲ့အခါ ဘာသာစကား မတူကြတဲ့ တမီးလ် နဲ့ မလေးရာလမ် လူစိမ်း နှစ်ယောက်ကြား ထူးခြားတဲ့ သံယောဇဉ်၊ နားလည်မှုနဲ့ ရင်းနှီးမှုတစ်ခု စတင် ပွင့်လန်းလာပါတော့တယ်.....။ File size… 2.4 GB / 1 GB Quality…WEB DL 1080p HEVC/ 720p Format…mkv/ mp4 Duration….2h 6min Subtitle….Myanmar Subtitle (Hard Sub)

Karuppu (2026) ကာရပ်ပူ ကုဋေ ၂၀၀ ကျော်ထိ အမြတ်ပြန်ရထားတဲ့ မင်းသားကြီးဆူရီယာရဲ့ တရားရုံးဒရာမာ ရုံတင်ကားသစ်လေးကိုတင်ဆက်ပေးလိုက်ပါတယ်။ သမီးဖြစ်သူရဲ့ အသည်းအစားထိုးကုသမှုအတွက် ရွှေတွေ သယ်ပြီး ချန်နိုင်းကို ရထားနဲ့လာခဲ့တဲ့ သားအဖနှစ်ယောက်ဟာ လမ်းခရီးမှာ သူတို့ရဲ့ ရွှေတွေ အလုခံလိုက်ရပါတယ်။ ရဲစခန်းက သူခိုးတွေကိုဖမ်းမိပေမဲ့ ပြန်ရတဲ့ ကျပ်သားမပြည့်တဲ့ ရွှေတွေကို တရားရုံးကနေတစ်ဆင့်ပဲ ပြန်ထုတ်ပေးမယ်လို့ ပြောလာပါတယ်။ အဲဒီမှာ သူတို့သားအဖဟာ တရားရုံးတစ်ခုလုံးကို ငွေကြေး၊ အာဏာတွေနဲ့ လွှမ်းမိုးခြယ်လှယ်ပြီး ဆင်းရဲသားတွေရဲ့ သွေးစုပ်နေတဲ့ ဘေဘီကန်နန်ဆိုတဲ့ လူမိုက်ရှေ့နေနဲ့ တွေ့ပါတော့တယ်။ ဘေဘီကန်နန်ဟာ ကူညီသယောင်နဲ့ သားအဖနှစ်ယောက်ကို ငွေညှစ်ပြီး အမှုဆွဲဆန့်နေတာကြောင့် သမီးဖြစ်သူ အသက်အန္တရာယ်ဟာ တဖြည်းဖြည်း စိုးရိမ်လာရပါတယ်။ မတရားမှုတွေကြားမှာ လုံးဝမျှော်လင့်ချက်မဲ့သွားတဲ့အခါ အဖေဖြစ်သူဟာ အစောင့်အရှောက်နတ်ဘုရားဖြစ်တဲ့ အရှင်ကာရပ်ပါ ဆီမှာ ဒူးထောက်အကူအညီတောင်းခံလိုက်တဲ့အခါမှာတော့ ကာရပ်ပါဘုရားဟာ လူ့လောကထဲကို ဆာရာဗာနန်ဆိုတဲ့ရှေ့နေအဖြစ် ဖန်ဆင်းပြီး မတရားတဲ့ ဥပဒေစနစ်ကို တရားဥပဒေအတိုင်း ပြန်လည်ရင်ဆိုင်ဖို့ ဖြစ်လာပါတော့တယ်။ File size… 7.6 GB / 2 GB / 1.3 GB Quality…WEB DL 4K / 1080p HEVC/ 720p Format…mkv/ mp4 Duration….2h 30m Subtitle….Myanmar Subtitle (Hard Sub)

Sathi Leelavathi 2026 လှည့်ကွက်များ IMDb 7.5 လီလာနဲ့ ဆေသူတဲ့ ငယ်စဉ်က မိဘမဲ့ကျောင်းမှာ လီလာ့မွေးနေ့အတွက် အလှူသွားလုပ်ရင်း ဆေသူနဲ့တွေ့ဆုံခဲ့တယ် အများနဲ့မတူတဲ့ကောင်လေးမို့ လီလာ့စိတ်ထဲ စွဲမြဲနေခဲ့တယ် ဒီလိုနဲ့ အသက်တွေကြီးလာတော့ အချင်းချင်းမမှတ်မိကြဘဲ ပြန်ဆုံတွေ့ကြတယ် လီလာက ရုပ်ရှင် ဒါရိုက်တာ ဆေသူက စိတ်ရောဂါအထူးကုပေါ့ တွေ့ဆုံပုံကလည်း ဆရာဝန်နဲ့ လူနာ အချင်းချင်းတွေ့ပါများတော့ ချစ်ကြိုးသွယ်ပြီး ပေါင်းဖက်ခဲ့ကြတယ် ... ဒီအထိက လီလာသိခဲ့သမျှပေါ့ လီလာ့လက်တွေ့နဲ့အတွေး တက်တက်စင်အောင်လွဲပုံကတော့ ဘာဆက်ဖြစ်မလဲဆိုတာ တွေးလေရယ်ရလေ ဟာသတွေတပြုံကြီးနဲ့ ဆက်ကြည့်လိုက်ရအောင် File size… 2.4 GB / 1.2 GB Quality…WEB DL 1080p HEVC/ 720p Format…mkv/ mp4 Duration….2h 11m Subtitle….Myanmar Subtitle (Hard Sub)

45 (2025) ၄၅ရက် IMDb (6.6) ဗီနေး(Vinay) ဆိုတာ မိခင်ဖြစ်သူ ချစ်သူဖြစ်သူ မေဂါနာ (Meghana) တို့နဲ့ အတူအေးအေးလူလူ နေထိုင်နေတဲ့ လူလတ်တန်းစား ဆော့ဖ်ဝဲအင်ဂျင်နီယာ တစ်ဦးပါ။ တစ်နေ့မှာ ဗီနေးဟာ ဆိုင်ကယ်မောင်းရင်း ဖုန်းပြောနေမိရာကနေ အမှတ်မထင်ပဲ အနက်ရောင်ခွေးမလေး ရိုစီ (Rosie) ကို တိုက်မိပြီး သေဆုံးသွားစေခဲ့ပါတယ်။ အဲ့ဒီခွေးလေးဟာ နယ်မြေခံဂိုဏ်းစတားကြီး ရာယာပါ (Rayappa) မွေးထားတဲ့ ခွေးလေး ဖြစ်နေခဲ့ပါတယ်။မိခင်သဖွယ် ချစ်ရတဲ့ခွေးလေး သေဆုံးသွားလို့ ဒေါသထွက်နေတဲ့ ရာယာပါဟာ ဗီနေးကို ချက်ချင်းမသတ်သေးဘဲ သူ့ရဲ့လုပ်ရပ် ကို ပြန်လည်ဆင်ခြင်ဖို့နဲ့ ဘဝကို အဓိပ္ပာယ်ရှိရှိ ဖြတ်သန်းဖို့အတွက် ၄၅ ရက် အချိန်ပေးလိုက်ပါတယ်။ အကြောက်တရားတွေနဲ့ ပြည့်နေတဲ့ ဗီနေးဟာ အကာအကွယ်ရှာရင်းနဲ့မှ ရှီဗားနာ (Shivanna) ဆိုတဲ့ ပရဟိတစိတ်ရှိပြီး လူမှုအသိုင်းအဝိုင်းမှာ လေးစားခံရတဲ့ ပုဂ္ဂိုလ်တစ်ဦးနဲ့ ဆုံတွေ့ခွင့်ရခဲ့ပါတယ်။တစ်ဖက်မှာလည်း ဗီနေးဟာ ထူးဆန်းတဲ့ အိပ်မက်တွေ စတင်မက်လာပါတယ်။ အိပ်မက်ထဲမှာ သူကိုယ်တိုင် ယာဉ်တိုက်မှုနဲ့ သေဆုံးနေတာကို မြင်မက်ခဲ့သလို လက်တွေ့မှာလည်း ခွေးတိုက်မိတာကအစ အိပ်မက်ထဲကအတိုင်း တထပ်တည်း ဖြစ်လာတဲ့အတွက် သူ့ကိုယ်သူ သေမင်းနဲ့ နီးကပ်နေပြီဆိုတာ သိလာပါတယ်။ File size…2.3 GB / 1.1 GB Quality…WEB DL 4K / 1080p HEVC/ 720p Format…mkv/ mp4 Duration….2hr 18mins Subtitle….Myanmar Subtitle (Hard Sub)

Baby John (2024) ဘေဘီဂျွန်လာပြီဟေ့ အခုတစ်ခါ ပရိသတ်ကြီးကို တင်ဆက်ပေးမယ့် ဇာတ်ကားသစ်လေးနဲ့ မိတ်ဆက်ပေးချင်ပါတယ် ဇာတ်ကားကအသစ်ပေမယ့် ဇာတ်လမ်းကတော့ အဟောင်းပါပဲ တောင်ပိုင်းမင်းသားဗီဂျေးရဲ့ပရိသတ်တွေဆို သိကြမယ့် Theri တောင်ပိုင်းကားကို Remake ပြန်ရိုက်ထားတာဖြစ်ပါတယ်။ ဇာတ်လမ်းအကျဉ်းကတော့ တစ်ချိန်တုန်းက လူဆိုးတွေအတွက် နတ်ဆိုး… လူကောင်းတွေအတွက်တော့ နတ်ဘုရားအလား နာမည်ကြီးခဲ့တဲ့ IPS အရာရှိတစ်ယောက်ရှိခဲ့ပါတယ်….. လောလောဆယ် အဲ့အရာရှိဟာပျောက်ဆုံးနေပြီးတော့ ဘယ်ရောက်လို့ဘယ်ပေါက်မှန်းမသိခဲ့ပါဘူး… အခုခေတ်မှာတော့ ဘေဘီဆိုတဲ့ကလေးမလေးနဲ့ ဘေဘီဆိုတဲ့အဖေတစ်ယောက် သားအဖနှစ်ယောက်ဟာ ကော်ဖီဆိုင်လေးဖွင့်ပြီး ပျော်ရွှင်စွာဘဝကိုဖြတ်သန်းနေပါတယ် ပျော်ရွှင်နေတဲ့ဘဝလေးထဲကို ဘေဘီဂျွန်ရဲ့အတိတ်ကအရိပ်ကလိုက်လာတဲ့အခါမှာတော့…. မူရင်းကားရဲ့ရသကို မမှီရင်တောင်မှ မလျော့တဲ့ရသတွေပေးမှာမို့ အက်ရှင်ခန်း​ကောင်းကောင်းကြိုက်တဲ့ ပရိသတ်တွေအတွက် ဒီဇာတ်ကားလေးကို တင်ဆက်ပေးလိုက်ပါတယ် အညွှန်းနဲ့ဘာသာပြန်ကတော့ CM Bollywood Team ပဲ ဖြစ်ပါတယ် File size… 3.1 GB / 1.7 GB Quality…WEB DL 1080p HEVC/ 720p Format…mkv/ mp4 Duration….2h 39m Subtitle….Myanmar Subtitle (Hard Sub) Encoder….YK Translated by CM Bollywood Team

Shaitan (2023) IMDb-7.6/10 အမှန်အမှားဆိုတာ ကျပ်ပြားစေ့တစ်ခုရဲ့ ခေါင်းနဲ့ပန်းလို နံရံပါးပါးလေးပဲခြားတာ။"အများညီရင် ဤကို ကျွဲဖတ်"ဆိုတဲ့ စကားအတိုင်းပဲ ခေတ်အဆက်ဆက် အမှန်အမှားဆိုတာလည်း လုပ်ရပ်ပေါ်မကြည့်ဘဲ အများအမြင်မှာပဲလမ်းဆုံးတတ်တာမလား။ "အမျိူးသမီးတယောက် သူ့ကလေးတွေကို ကျွေးမွေးစောင့်ရှောက်ဖို့ မတတ်သာဘဲ ယောက်ျားတွေနဲ့ အိပ်ရတဲ့အခါ အဲဒီအမျိုးသမီးကို ပြည့်တန်ဆာလို့သမုတ်ကြပြီး သူနဲ့အတူအိပ်တဲ့ယောက်ျားတွေကိုတော့ ဘာနာမည်မှမတပ်ကြဘူး" ဆိုတဲ့ ဘာလီ၊ မိခင်ရဲ့အလုပ်အပေါ် ရှက်ရွံ့စိတ်နဲ့ ဖအေလုပ်သူစွန့်ပစ်ခဲ့တဲ့ မိသားစုလေးယောက်ကို ပုခုံးထမ်းချင်ပေမယ့် သူ့ကိုဘယ်သူမှ အလုပ်မပေးချင်ကြ။ ဒီလိုနဲ့ တရက်မှာ ကံဆိုးမသွားရွာ မိုးလိုက်လို့ရွာဆိုတဲ့အတိုင်း သူတို့မိသားစုထဲကို ကံကြမ္မာဆိုးကြီး၀င်ခဲ့ပြီး လူ့အသိုင်းအဝိုင်းက သူ့ကိုလူသတ်သမားလို့သတ်မှတ်လိုက်ကြတဲ့အခါ။ "သစ္စာစောင့်သိမှုနဲ့ ကိုယ်ကျင့်တရားဆိုတာ နိုင်ငံရေးသမားနဲ့ရဲတွေမှာရှိတဲ့အရာမဟုတ်ဘူး"ဆိုတဲ့ ရဲအရာရှိနာဂီရတ်ဒီ၊ အထက်ကပေးအပ်လာတဲ့ တာ၀န်ကို မပျက်ကွက်အောင်ထမ်းဆောင်ပေမယ့် ကိုယ်ကျိုးမတွက်တဲ့ ရဲအရာရှိတစ်ယောက်။ အဲဒီလို၂ယောက်တို့ ပေါင်းမိသွားတဲ့အချိန်မှာတော့ အမှန်တရားအတွက်သူတို့တွေ တိုက်ပွဲ၀င်ကြမလား။ ကလဲ့စားတစ်ခုအတွက်နဲ့ပဲ လမ်းဆုံးနေမလားဆိုတာ နိုင်ငံရေးလှည့်ကွက်တွေကို ဇာတ်အိမ်တည်ထားပြီး ကိုးပိုင်းပဲပါ၀င်တဲ့ ဇာတ်လမ်းတွဲလေးကို ကြည့်လိုက်ရအောင်။ (အညွှန်းနဲ့ဘာသာပြန်သူတွေကတော့ V, Aditi, Moon, BpL, Yunni, Zweတို့ပဲဖြစ်ပါတယ်) File Size – 1.1GB / 500MB Quality – 1080p / 720p Duration – 29 min 41 s Total Episodes: 9Eps Subtitle – Myanmar Hardsub Format – Mp4 Genre : Crime, Drama Translator – V~ Aditi~ Moon~ BpL~ Yunni~  Zwe Encoder – YK

IMDb-7.5/10 ရူပီသန်းပေါင်း၂၄၀ဝန်းကျင် အသုံးပြုရိုက်ကူးထားပြီး ရူပီ၆၃၅သန်းပြန်လည်ရရှိခဲ့တဲ့ မင်းသားကြီးရာဂျ်နီကန့်သ်ရဲ့ ရုပ်ရှင်ကားကြီးကိုတင်ဆက်ပေးလိုက်ပါတယ်။ဟာသမင်းသားကြီး ရိုဂီဘာဘူလည်း ပါဝင်အားဖြည့်ထားပါတယ်။ အကြည်ဗားရှင်းထွက်တာ အချိန်တစ်ခုကြာပြီဖြစ်ပေမယ့် ရုပ်သံစာတန်းထိုးမှန်အောင်စောင့်ဆိုင်းနေခဲ့တဲ့အတွက် စီအမ်ဘောလိဝုဒ်ပရိသတ်ကြီးကိုအနူးအညွတ်တောင်းပန်အပ်ပါတယ်။ ဖြောင့်မတ်မှန်ကန်တဲ့အရာရှိတစ်ယောက်ဆိုတာ နာမည်တစ်ခုတင်ကျန်ရစ်တတ်ပေမယ့် အတိုက်ခိုက်ခံရ ပေးဆပ်လိုက်ရတာတွေကတော့ ရှိနေတတ်တာဓမ္မတာပါပဲ။ မင်းသားကြီးရာဂျ်နီကန့်သ်က ဇနီးဖြစ်သူရယ် သားရယ် ချွေးမရယ် မြေးလေးရယ်နဲ့ အငြိမ်းစားထောင်မှူးကြီးဘ၀ကို ငြိမ်းချမ်းစွာဖြတ်သန်းနေသူတစ်ယောက်။ သားဖြစ်သူကိုလည်း ဖြောင့်မတ်မှန်ကန်တဲ့အရာရှိတစ်ယောက်ဖြစ်အောင် ပြုစုပျိုးထောင်ခဲ့သူ။ တစ်ရက်မှာတော့ ဘုရားကျောင်းရုပ်တုတွေပျောက်ဆုံးမှုကို စုံစမ်းဖော်ထုတ်နေတဲ့ သားဖြစ်သူ ပျောက်ချင်းမလှပျောက်သွားရာကစ အသတ်ခံလိုက်ရတာကိုသိလိုက်ရပါတယ်။ အဲဒီမှာပဲ အေးချမ်းတဲ့ဘ၀လေးကနေ သားကိုသတ်ခဲ့တယ်လို့သိရတဲ့ လူဆိုးဂိုဏ်းကို လက်စားချေအမြစ်ဖြတ်သုတ်သင်ဖို့ကြိုးစားတဲ့နောက်မှာတော့ ထင်မှတ်မထားတဲ့အမှန်တရားတွေ အသတ်အဖြတ်ကြမ်းကြမ်းရမ်းရမ်းတွေကို ကြည့်ရှုခံစားကြရမှာပါ။ (အညွှန်းနဲ့ဘာသာပြန်သူတွေကတော့ Yunni~V~YH~Cherry~Zwe Yan~BpLတို့ပဲဖြစ်ပါတယ်) File size…9.4GB/ 3.16GB / 1.2GB Quality…WEB-DL 4K HEVC/1080p/ 720p Format…mp4 Duration….2h 48m Subtitle….Myanmar Subtitle (Hard Sub) Encoder….YK Translated by Yunni~V~YH~Cherry~Zwe Yan~BpL

ဒီနှစ်ထဲမှာပဲ ဒုတိယမြောက်အောင်မြင်မှုကိုစိုက်ထူခဲ့ပြန်တဲ့ King Khanရဲ့ရုပ်ရှင်ကားကြီး Jawanကို တင်ဆက်ပေးလိုက်ပါပြီ။ King Khanရယ်လို့ ဂုဏ်ပုဒ်တစ်ခုရတဲ့အထိ အောင်မြင်ခဲ့တဲ့ အောင်မြင်နေဆဲ မင်းသားကြီးရှာရွတ်ခန်းရဲ့ အသက်၅၈မွေးနေ့ဖြစ်တဲ့ နိုဝင်ဘာ ၂ရက်နေ့မှာပဲ မွေးနေ့အထိမ်းအမှတ်အနေနဲ့ ဒီရုပ်ရှင်ကားကြီးဟာ ဒစ်ဂျစ်တယ်ပလက်ဖောင်းပေါ်ကိုရောက်ရှိလာခဲ့တာပါ။ ပထန်မှာတုန်းက အမေရိကန်ဒေါ်လာ သန်း၁၃၀ဝန်းကျင်ထိရခဲ့ပြီး ဒီရုပ်ရှင်မှာတော့ သန်း၁၄၀ဝန်းကျင်ထိ ပြန်လည်ရရှိခဲ့ပါတယ်။ ဒီကားမှာ ဘောလိ၀ုဒ်ရဲ့ဘုရင်ကြီး ကင်းခန်းနဲ့ တမီးလ်စတား မင်းသားကြီးဗီဂျေးစည်သူပတီတို့ အပြိုင်ကျဲထားတဲ့အပြင် အချောလေး ဒီပီကား မင်းသားကြီး ဆန်ဂျေးဒတ်နဲ့ ယိုဂီဘာဘူတို့လည်းပါဝင်အားဖြည့်ထားပါသေးတယ်။နောက်ပြီး မင်းသမီးချောအငယ်လေးတွေကိုလည်း တ၀ကြီးရှုစားရမှာပါ။ ဥပဒေ...။ဥပဒေဆိုတာ ယဉ်ကျေးတဲ့လူ့အသိုင်းအဝိုင်းအတွင်းမှာ မမှားသင့်တာမမှားရအောင်၊ မှားခဲ့ပြန်ရင်လည်း အမှားကိုသက်သေထူပြီး အပြစ်ဒဏ်ပေးဖို့ပဲလို့ အလွယ်ဆိုကြပါစို့။ဒီလို လူ့ယဉ်ကျေးအသိုင်းအဝိုင်းဆိုတာကြီးထဲမှာပဲ ဥပဒေကိုလက်တလုံးခြားလုပ်ရင်း ကိုယ်ကျိုးရှာတတ်တဲ့ အတ္တသမားကြီးတွေက ဥပဒေအထက်မှာရောက်နေတတ်ကြတာကလည်း ဓမ္မတာလို့ပဲဆိုကြရလေမလား။ ဒီလို ဝိသမလောဘသမားတွေကို ပညာပေးမယ့် အဖွဲ့တစ်ဖွဲ့ရှိနေပါတယ်။ အာဇဒ်နဲ့မိန်းမပျိုလေးတသိုက်ပေါ့။သူတို့တွေ ရထားတစ်စင်းကိုပြန်ပေးဆွဲကြပေမယ့် ပြန်ပေးဆွဲရတဲ့ အကြောင်းအရင်းခံကြောင့် ပြန်ပေးဆွဲခံရသူ ရထားပေါ်ကခရီးသည်တွေပါ သူတို့နဲ့တစိတ်တဝမ်းတည်းဖြစ်ကုန်ပါရောလား။ ဥပဒေရဲ့အပြင်ကနေ မလွှဲမရှောင်သာလုပ်ကိုင်နေရသူဖြစ်ပေမယ့်ရေစက်ဆုံချင်တော့လည်း ပြန်ပေးညှိနှိုင်းရေး အရာရှိအမျိုးသမီးလေးနဲ့မှ အာဇဒ်တစ်ယောက် ဖူးစာဆုံပါရော။ အာဇဒ်နဲ့အဖွဲ့က နောက်ထပ်မစ်ရှင်တစ်ခုကိုထပ်လုပ်တဲ့အချိန်...၊အာဇဒ်ရဲ့ ဖုံးကွယ်ထားတဲ့ဇာတ်ရုပ်ကိုမသိဘဲ နှစ်ဦးသားအတူချစ်ခရီးလမ်းကိုလျောက်လှမ်းနေတဲ့ အရာရှိအမျိုးသမီးကလည်း အာဇဒ်ရဲ့ ဖုံးကွယ်ထားတဲ့အမှန်တရားကို သိသွားချိန်မှာတော့။ အက်ရှင်၊အချစ်၊အလွမ်း၊မေတ္တာတရား စတဲ့ ရသစုံလင်စွာနဲ့ စောင့်မျှော်ရကျိုးနပ်တဲ့ ရုပ်ရှင်ကားကြီးကိုကြည့်ရှုအားပေးကြပါဦးလို့။ (အညွှန်းနဲ့ဘာသာပြန်သူတွေကတော့ CM BOLLYWOOD TEAMပဲဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size....10GB / 3.6GB / 1.7GB Quality…4k HEVC / 1080p NF WEB DL /720p Format…mp4 Duration….2h 49mins Subtitle….Myanmar Subtitle (Hard Sub) Encoder….YK Translated by CM Bollywood Team

အစိုးရအရာရှိတွေကို ပစ်မှတ်ထားပြီး ဆက်တိုက်သတ်ဖြတ်နေတဲ့ မျက်နှာဖုံးစွပ်အဖွဲ့တစ်ဖွဲ့ ရှိနေပါတယ်။ သူတို့က လူသတ်ပြီးတိုင်း ခြေရာလက်ရာနဲ့ သဲလွန်စ မကျန်အောင် လုပ်နိုင်တဲ့အပြင် သတ်ဖြတ်မှုကို ဗီဒီယိုရိုက်ပြီး ရဲဌာနဆီ ပို့တဲ့အထိ ရဲတင်းကြတယ်။ ရဲဌာနက ဒီအမှုကို မကိုင်တွယ်နိုင်တော့တဲ့အခါ ဘလက်စကွက်ဒ်ဆိုတဲ့အဖွဲ့ကို တာဝန်လွှဲပေးလိုက်ပါတယ်။ ဒီအဖွဲ့ကလည်း မဖြေရှင်းနိုင်တဲ့အမှု မရှိသလောက်ပဲလို့ နာမည်ကြီးပြီး ဉာဏ်ထက်တဲ့အဖွဲ့ပါ။ ခြေရာမချန်တဲ့ လူသတ်အဖွဲ့ကို သူတို့လိုက်စုံစမ်းရာက နှစ်ဖွဲ့ကြား အကွက်ချင်းပြိုင်ဆိုင်မှုတွေနဲ့ မမျှော်လင့်ထားတဲ့ လှည့်ကွက်တွေ ပေါ်လာပါတယ်။ ကမာလ်ဟာစန်း၊ ဗီဂျေးစည်သူပတီ၊ ဖဟဒ်ဖာဆစ်လ်နဲ့ ဆူရီးယားတို့ ပါဝင်သရုပ်ဆောင်ထားတဲ့ အက်ရှင်ဇာတ်ကားဖြစ်ပါတယ်။ ဇာတ်ကောင်တချို့ကတော့ Kaithi (2019) ထဲက ဇာတ်ကောင်တွေ ဖြစ်ကြပါတယ်။

မီသူးဟာ တစ်နေ့မှာ ကိုယ့်လက်နဲ့ လူသတ်မိလိမ့်မယ်၊ လူသတ်သမားဖြစ်ဖို့ မွေးလာသူပဲလို့ ဗေဒင်ဆရာတွေက တစ်သံတည်း ဟောထားကြပါတယ်။ အမေဖြစ်သူက သားကို ဒီလိုဘဝမျိုး မရောက်စေချင်လို့ ငွေကြေးမပြေလည်တဲ့ကြားက ကျောင်းထားပေးပြီး B.Sc ဘွဲ့ရတဲ့အထိ ပံ့ပိုးပေးခဲ့တယ်။ ဒါပေမဲ့ မွေးရပ်မြေမှာ ဆူးချုံရှင်းနေတုန်း ကွင်းတစ်ပြင်လုံး မတော်တဆ မီးလောင်သွားရာက လယ်ပိုင်ရှင်နဲ့ ပြဿနာတက်လာပါတယ်။ ပိုင်ရှင်က လျော်ကြေးတောင်းပေမယ့် မီသူးက သူ့အမှားမဟုတ်လို့ မပေးနိုင်ဘူးဆိုပြီး တင်းခံနေတယ်။ အချင်းများရာက လူသတ်မိတော့မလို ဖြစ်သွားတဲ့အတွက် အမေက သူ့ကို ညတွင်းချင်း မြို့က ဦးလေးဆီ ခေါ်ထုတ်သွားရပါတယ်။ မီသူးက မြို့မှာ ဘဝသစ်စပြီး မိဘတွေရဲ့အကြွေးကို ဆပ်ပေးဖို့ အားတင်းထားတယ်။ ဒါပေမဲ့ မထင်မှတ်တဲ့ ဖြစ်ရပ်တစ်ခုထဲ ပါဝင်ပတ်သက်မိသွားတဲ့အခါ သူ့ဘဝက ဗေဒင်ဆရာတွေ ဟောထားသလို ဖြစ်လာမလား၊ အမေမျှော်လင့်ထားတဲ့အတိုင်း ဖြစ်နိုင်မလားဆိုတဲ့ မေးခွန်းနဲ့ ရင်ဆိုင်လာရပါတယ်။