Jake Weber ပါဝင်သော ဇာတ်ကားများ

Peter Five Eight (2024) ‧ American Beauty (1999)ရုပ်ရှင်မှာ အကောင်းဆုံးသရုပ်ဆောင်ဆုရခဲ့တဲ့ မင်းသားကြီး Kevin Spaceyရဲ့ဇာတ်ကားသစ်ကို တင်ဆက်ပေးလိုက်ပါတယ်။ ဆမ်က အောင်မြင်တဲ့ အိမ်ခြံမြေပွဲစားတစ်ယောက်။ အလုပ်ကိုလက်ကြောတင်းအောင်မလုပ်တတ်တဲ့ ခင်ပွန်းသည်ဖြစ်သူနဲ့ ရန်ဖြစ်လိုက်ပြန်ချစ်လိုက်နေနေကြတဲ့ သာမာန်စုံတွဲတစ်တွဲပေါ့။ လင်မယားနှစ်ယောက်လုံးက အရက်သမားတွေ။ အလုပ်မှာထူးချွန်ပေမဲ့ အရက်သမားလုံးလုံးဖြစ်နေတဲ့ ဆမ်ကို လုပ်ဖော်ကိုင်ဖက်ဖြစ်သူတွေက သိပ်မကြည်ကြ။ ဆမ်ရဲ့နောက်ကြောင်းကို တိတ်တဆိတ်လိုက်စုံစမ်းထောက်လှမ်းနေသူကတော့ ပီတာအဖြစ်သရုပ်ဆောင်ထားတဲ့ မင်းသားကြီး ကီဗင်။ ပီတာက ဆမ့်မှာ မှောင်မိုက်ပြီးလူသိမခံဝံ့တဲ့အတိတ်တစ်ခုရှိတာကို ဖော်ထုတ်ဖို့ကြိုးစားနေရင်း နှစ်ယောက်သား ထိပ်တိုက်ရင်ဆိုင်ကြတဲ့အခါမှာတော့...။ (အညွှန်းနဲ့ဘာသာပြန်ကတော့ aungmo3han ဖြစ်ပါတယ်) Genre..... Comedy, Drama, Thriller Quality…. 1080p WEB-DL | 720p WEB-DL File size… 1.2GB | 596MB Format… mp4 Duration…. 1h 40min Subtitle…. Myanmar Subtitle (Hardsub) Translator ..... aungmo3han  Encoder ..... Aaron

Year of the Fox (2023) IMDb Rating (4.2) ဇာတ်လမ်းလေးက အက်စ်ပန်မြို့က ဘီလျံနာကြီးတစ်ယောက်ရဲ့သမီးဖြစ်သူ အိုင်ဗီရဲ့ ဆယ်ကျော်သက်အရွယ်ဘဝအကြောင်းပဲဖြစ်ပါတယ်။ အိုင်ဗီရဲ့မိဘတွေက ကွာရှင်းသွားပြီးတဲ့နောက် အိုင်ဗီက အမေဆီမှာနေလိုက် အဖေဆီမှာနေလိုက်နဲ့ နေခဲ့ရတယ်။ အိုင်‌ဗီရဲ့အဖေက အထက်တန်းလူတွေပဲခေါ်ပြီး သီးသန့်ပါတီကျင်းပလေ့ရှိတယ်။ အဲ့ပါတီပွဲမှာ သူဌေးသားသမီးတွေက အိုင်ဗီ့ကို ဆေးတွေဘာတွေသုံးကြည့်ဖို့ဆွယ်တော့ အိုင်ဗီလည်း လိုက်လျောပေးလိုက်ရော။ နောက်တော့မှ တဖြည်းဖြည်းနဲ့သိလာရတာက ဒီပါတီပွဲရဲ့နောက်ကွယ် အရမ်းမှောင်မိုက်တဲ့ကိစ္စတစ်ခုကို ဖုန်းကွယ်ထားတယ်ဆိုတာပါပဲ။ အဲဒါကို အိုင်ဗီတစ်ယောက်ဘယ်လိုသိသွားပြီး ဖော်ထုတ်မလဲဆိုတာကြည့်ရမဲ့ ဒရာမာကား‌လေးပဲဖြစ်ပါတယ်။ (အညွှန်းနဲ့ဘာသာပြန်ကတော့ Khant Sett Naing ဖြစ်ပါတယ်။) File size…(1.5 GB) / (710 MB) Quality….WEB-Rip 1080p HEVC / 720p Format…. mkv/mp4 Genre….Drama Duration….01:34:14 Subtitle….Myanmar Subtitle (Hardsub) Encoder….Double K Translated by Khant Sett Naing

သမီးဖြစ်သူပျောက်ခြင်းမလှပျောက်သွားလို့ စုံစမ်းဖို့ မြို့ထဲကိုရောက်လာတဲ့ အထူးတပ်ဖွဲ့ဝင်ဟောင်း Jake Hunter... သူရောက်နေတာက Nichols ဆိုတဲ့ သူဌေးကြီးချုပ်ကိုင်နေတဲ့မြို့လေးပါ သူ့သမီးပျောက်သွားတဲ့အကြောင်းကို ခြေရာခံလိုက်ရှာရင်း တစ်မြို့လုံးပတ်မွှေနေတဲ့ Jake Hunter က တစ်မြို့လုံးနဲ့တစ်ယောက်လို့ဆိုရလောက်အောင် တစ်ကိုယ်တော်သမီးရှာပုံတော်ဖွင့်နေတဲ့သူ အဆုံးမှာ ပျောက်ဆုံးနေတဲ့သမီးကို ရှာတွေ့မလား Action ကားတို့ထုံးစံ အပစ်အခတ်အသတ်အပုတ်တွေနဲ့ဆိုတော့ ကြည့်ရရှုရငြိမ့်လှတဲ့ ကားလေးမို့ ကြည့်ဖို့ညွှန်းလိုက်ပါတယ် ။ File Size__1.5 GB , 850 MB Quality__1080p, 720p IMDb Rating__6.0/10 Format__mp4 Duration__01:30:00 Type__Action Subtitle__Myanmar Subtitle (Hardsub) Translated by Chuck Chuck & Chit Tee Encoded by Naing Aung Latt

ဒီရုပ်ရှင်မှာတော့ အန်ဂျလီနာ ဂျိုလီက ဦးဆောင်ပါဝင်ထားပါတယ်။ ကျန်တဲ့သရုပ်ဆောင်တွေကိုလည်း ရင်းနှီးထားတဲ့သူ များမှာပါ။ Game of Thrones ထဲက လက်သန်း ရယ် Marvel's Punisher ကြီးရယ် ပါပါသေးတယ်။ ဇာတ်လမ်းကတော့ action thriller ပါပဲ။ ဂျိုလီကတော့ မီးသတ်အဖွဲ့ခေါင်းဆောင်ပေါ့။ တစ်နေ့မှာ သူနဲ့သူအဖွဲ့ တောမီးကို ငြိှမ်းနေတုန်းမှာ လေကြောင်းတွက်ဆမှု မှားယွင်းခဲ့လို့ လူ ၃ ယောက် အသက်ဆုံးခဲ့ရပါတယ်။ အဲဒီ စိတ်ဒဏ်ရာတွေနဲ့ ပေပေတေတေ နေထိုင်နေတုန်းမှာ သူ့ဆီကို ကောင်လေးတစ်ယောက် လူသတ်သမားတွေလက်က ထွက်ပြေးပြီး ရောက်လာပါတယ်။ ကောင်လေးကို လိုက်သတ်တဲ့လူတွေလက်က ကယ်ပြီး လျို့ဝှက်ချက်တွေကို ဖွင့်ချနိုင်ဖို့ တောမီးကြီးတစ်ခုကိုပါ အံတုပြီး ပြေးကြရပါတော့တယ်.... File size…(1.7 GB) and (1 GB) Quality….BluRay 1080p and 720p Format…mp4 Duration….01:40:00 Subtitle….Myanmar Subtitle (Hardsub) Encoder…. Mr. Anderson Translator... Mr. Anderson

ဝီးလိုးလမ်းမကြီးပေါ်က ဂရေဟမ်မိသားစုရဲ့ စိုက်ခင်းမှာ သရဲခြောက်တယ်ဆိုတာ တစ်မြို့လုံး သိကြပါတယ်။ ဒါပေမယ့် ဖခင် ဂျိုဆိုင်းယား၊ မိခင် မီရီယမ်နဲ့ သားသမီးသုံးယောက်ဖြစ်တဲ့ အီလိုင်၊ မယ်ရီ၊ တွမ်မီတို့ကြားက အတိတ်ဆိုးကိုတော့ ဘယ်သူမှ မသိကြဘူး။ ဘာသာရေးကိုင်းရှိုင်းပြီး မိသားစုကို ချစ်တဲ့ မီရီယမ်ဟာ ဘာကြောင့် ဝက်သစ်ချပင်မှာ ကြိုးဆွဲချပြီး အသက်ဆုံးခဲ့သလဲဆိုတာကလည်း မေးခွန်းတစ်ခု ဖြစ်နေပါတယ်။ မီရီယမ် ခြောက်လှန့်နေတဲ့ ခြံထဲမှာ ဂျိုဆိုင်းယားနဲ့ သားအငယ်ဆုံး တွမ်မီတို့ပဲ ကျန်ခဲ့ကြတယ်။ အိမ်က ထွက်သွားတဲ့ အီလိုင်ကတော့ လေလွင့်နေပြီး လောင်းကစားအကြွေးတွေ ပြန်ဆပ်ဖို့ ကြိုးစားနေရပါတယ်။ မယ်ရီလည်း ကလေးဘဝက ရခဲ့တဲ့ စိတ်ဒဏ်ရာတွေကြောင့် အိမ်ထောင်သည်ဘဝကို ခက်ခက်ခဲခဲ ဖြတ်သန်းနေရတယ်။ တစ်နေ့မှာ ရေနံကုမ္ပဏီတစ်ခုက ပိုက်လိုင်းဆောက်ဖို့ သူတို့ခြံကို ငွေအမြောက်အမြားပေးပြီး ဝယ်ဖို့ ကြိုးစားလာပါတယ်။ အဲဒီအခါ ငွေလိုနေတဲ့ အီလိုင်နဲ့ အတိတ်ကို မမေ့နိုင်သေးတဲ့ မယ်ရီတို့ ခြံဆီ ပြန်လာကြတယ်။ မောင်နှမသုံးယောက် ပြန်ဆုံကြရင်း အတိတ်က ဖြစ်ရပ်ဆိုးတွေကို အစပြန်ဖော်မိတဲ့အခါ ဘာတွေ ဆက်ဖြစ်လာကြမလဲ။

သမိုင်းဖြစ်ရပ်မှန် စစ်ကားတစ်ကား တင်ပေးထားပါတယ်။ ဒီရုပ်ရှင်ဟာ မစ်ဝေးတိုက်ပွဲအကြောင်း ပါပဲ။ ဂျပန်တွေ ပုလဲဆိပ်ကမ်းကို ဗုံးကျဲပြီး ၆ လအကြာမှာ ဖြစ်ပွားခဲ့တာပါပဲ။ ပစိဖိတ်စစ်မျက်နှာမှာ ကြီးစိုးထားတဲ့ ဂျပန်ရေတပ်ကြီးကို အရေးနိမ့်စေခဲ့ပြီး ချိန်ခွင်လျှာပြောင်းလဲ စေခဲ့တဲ့ တိုက်ပွဲတစ်ခုပါပဲ။ ဒီတိုက်ပွဲမှာသာ အမေရိကန်ရှုံးခဲ့ရင် အနောက်ကမ်းရိုးတန်းအသိမ်းခံရပြီး ဆီရာတယ် ဆန်ဖရန်စစ္စကို၊ လော့စ်အိန်ဂျလိလိုမြို့ကြီးတွေပါ ကျသွားနိုင်တဲ့အခြေအနေ ဖြစ်လာခဲ့မှာပါ။ ဒါကို ထောက်လှမ်းရေးအဖွဲ့ နဲ့ အင်အားနည်းနေတဲ့ ရေတပ်လေတပ်ပူးပေါင်းပြီး ဂျပန်တွေကို ပြန်တိုက်နိုင်ခဲ့တာ ပါပဲ။ စစ်ကားကြိုက်တတ်သူတွေ အကြိုက်တွေ့ကြမှာပါ။  ဇာတ်လမ်းအညွှန်းနဲ့ဘာသာပြန်သူကတော့ Littleneo ပဲဖြစ်ပါတယ်…

Hungry Hearts (2014) ဒီတစ်ခေါက်မှာတော့ ပရိတ်သတ်ကြီးအတွက် ဒါရိုက်တာ Saverio Costanzo မှရိုက်ကူးတင်ဆက်ထားပြီး 71 ကြိမ်မြောက် Venice နိုင်ငံတကာရုပ်ရှင်ပွဲတော်မှာ Golden Lion ဆုအဖြစ်ဇကာတင်စာရင်းကိုဝင်ခဲ့တဲ့ ရုပ်ရှင်ကားလေးတစ်ခုကိုတင်ဆက်ပေးချင်ပါတယ် ဇာတ်လမ်းရဲ့အကျဉ်းချုပ်ကတော့ Jude နဲ့ Mine တို့ရဲ့ သန့်စင်ခန်းထဲက မတော်တဆတွေ့ဆုံမှုလေးကနေ ချစ်ခြင်းတရားပေါက်ဖွားလာပြီး အဲဒါကြောင့်ပဲ မတော်တဆနဲ့ ကိုယ်ဝန်ဆောင်ခဲ့ရပါတော့တယ်။ သူတို့ဘဝရဲ့ ဂယက်တွေက ကိုယ်ဝန်ဆောင်ကာလမှာပဲ ပေါက်ဖွားလာခဲ့တယ်လို့ဆိုရမှာပါ။ ကိုယ်ဝန်ဆောင်ကာလအစကနေ Mine တစ်ယောက် စာအုပ်တွေအဖတ်လွန်ပြီး အရာရာကိုအစွဲအလမ်းကြီးလာခဲ့ပါတယ်။ အစားလည်းပုံမှန်မစားတော့သလို ခန္ဓာကိုယ်ကိုအဆိတ်အတောက်ဖယ်တယ်ဆိုပြီး ယုံမှာမှုတွေကြီးစိုးလာခဲ့ပါတယ်။ သူတို့မိသားစုဘဝလေးဘယ်လိုဖြစ်လာမှာလဲ ရှေ့ဆက်ပြီးဒီပြဿနာကိုဘယ်လိုဖြေရှင်းကြမလဲဆိုတာကို ဒီဇာတ်လမ်းလေးမှာကြည့်ရှူရမှာပဲဖြစ်ပါတယ်။ ( ဘာသာပြန်ပြီး အညွှန်းရေးသားထားသူကတော့ June ပါ ) File size_(2.6GB)/(1.3GB) Quality_Blu-Ray 1080p / 720p Format_mp4 Duration_01:49:00 Genre_Drama, Romance Subtitle_Myanmar Subtitle (Hardsub) Encoder_a hao Translated by June

White House Down (2013) (4K) (Only on Bioscope) IMDB : 6.7 Rotten Tomatoes : 52% Genre : Action / Thriller White House Down ကတော့ ၂၀၁၃ ခုနှစ်ထွက် အက်ရှင်ဇာတ်လမ်းကောင်းတစ်ခုဖြစ်ပါတယ်။ တော်တော်လေးလည်းကြည့်လို့ကောင်းပြီး အက်ရှင် / ဟာသ / ဒရာမာလို့တောင်ပြောလို့ရတဲ့ ရုပ်ရှင်ကားကောင်းတစ်ကားဖြစ်ပါတယ်။ ဇာတ်ညွှန်း ဂျွန်ကေးလ်ဟာ သမ္မတကြီးရဲ့ လျှို့ဝှက်အဖွဲ့မှာ လုပ်ချင်နေတဲ့ လူတစ်ယောက်ဖြစ်ပါတယ်။ အဓိကကတော့ သူ့သမီးလေးရဲ့ စံပြလူသားတစ်ယောက်ဖြစ်ချင်တာကြောင့်ပါ။ ဆိုတော့ သွားလျှောက်တယ်ပေါ့။ ခက်တာက အထက်ကိုပြန်ပြော၊ အမိန့်ကိုမနာခံပဲ ဘုပြောတတ်တဲ့ နောက်ကြောင်းတွေကြောင့် ပယ်ချခံလိုက်ရပါတော့တယ်။ အိမ်ဖြူတော်ကို အလည်အပတ်သွားဖို့ လက်မှတ်နှစ်စောင်နဲ့ ဒီကိုရအောင်လာခဲ့ရတာဆိုတော့ အမြတ်ထွက်အောင် သမီးလေး အမ်မလီကေးလ်ကိုခေါ်ပြီး အိမ်ဖြူတော်ကိုလှည့်ပတ်ကြည့်ရှုခဲ့ပါတယ်။ ကေးလ်ရဲ့နေ့က အလုပ်မရလို့ဆိုးမယ်ကြံကာမှ အိမ်ဖြူတော်ကို ပြန်ပေးဆွဲတဲ့အဖွဲ့ကပါ အိမ်ဖြူတော်ထဲရောက်လာပြီး ထင်တိုင်းကြဲပါတော့တယ်။ ဒီကြားထဲ သမီးလေး အမ်မလီနဲ့လည်း လမ်းကွဲသွားကာ သမီးလေးကိုသွားရှာရင်း သမ္မတကြီးကို ကယ်တင်ဖို့အကြောင်းဖန်လာခဲ့အခါ… ဘာတွေဆက်ဖြစ်မှာလဲ ခံစားကြည့်လိုက်ကြပါ။ ကေးလ်အဖြစ် မင်းသား Channing Tatum သမ္မတ ဆောရာအဖြစ် မင်းသား Jamie Foxx ကာရိုးလ်အဖြစ် မင်းသမီး Maggie Gyllenhaal အမ်မလီအဖြစ် မင်းသမီး Joey King တို့အပြင် မျက်နှာသိတွေ တော်တော်ပါဝင်သရုပ်ဆောင်ထားတာမလို့ ကြည့်ရှုခံစားရန် Quality Update ပေးလိုက်ပါတယ်။ File size…    5 GB / 2 GB / 1 GB Quality… BluRay 4K / 1080p / 720p Format… mp4 Duration…. 1h 14m Genre ..... Action / Thriller Subtitle…. Myanmar Subtitle (Hard Sub)

ယုန်လေးဟာ ငယ်ငယ်တုန်းက အမေနဲ့အတူ ရုပ်ရှင်ကြည့်ပြီး အိမ်ပြန်လာရင်း တက္ကစီသမား ဘော့ဘ်ရဲ့ ပြန်ပေးဆွဲတာကို ခံခဲ့ရပါတယ်။ ဘော့ဘ်က လူသတ်သမားတစ်ယောက်ဖြစ်ပြီး ယုန်လေးကို သူ့အိမ်မှာ ဖမ်းထားကာ ခိုင်းသမျှလုပ်ပေးရအောင် နှစ်ပေါင်းများစွာ အတင်းအကျပ် စေခိုင်းထားတယ်။ ဖမ်းခံရချိန်ကနေ အရွယ်ရောက်တဲ့အထိ ခြေထောက်မှာ သံကြိုးခတ်ခံထားရတဲ့ ယုန်လေးဟာ ဘော့ဘ်သတ်ထားသူတွေရဲ့ သွေးတွေကို သန့်ရှင်းရေးလုပ်ပေးရသလို အလောင်းတွေကိုလည်း မြှုပ်ပေးရပါတယ်။ တစ်နေ့မှာတော့ ဘော့ဘ်က ယုန်လေးကို သူ့လိုလူသတ်သမားတစ်ယောက် ဖြစ်လာအောင် လေ့ကျင့်ပေးဖို့ စလုပ်လာတယ်။ ဒီလိုပတ်ဝန်းကျင်ထဲမှာ ကြီးပြင်းခဲ့ရတဲ့ ယုန်လေးက ဘော့ဘ်ရဲ့ ခြေရာကို လိုက်မိသွားမလား။ ပုံမှန်ဆို မိန်းကလေးတွေကိုပဲ ပြန်ပေးဆွဲသတ်လေ့ရှိတဲ့ ဘော့ဘ်ဟာ ဘာကြောင့် သူတို့သားအမိနှစ်ယောက်ကို ရွေးခဲ့တာလဲဆိုတဲ့ အကြောင်းကလည်း မေးခွန်းဖြစ်နေပါတယ်။

Dawn of the Dead (2004) IMDb - 7.3/10 Rotten - 75% ကြောက်တက်သူများ ကြည့်ဖို့မသင့်တော်ပါဘူး သွေးသံရဲရဲတွေနဲ့ သဘာဝကျစွာ ပုံဖေါ်ထားတာဖြစ်လို့ Horror ကြိုက်သူတို့ လက်မလွှတ်သင့်တဲ့ ဇာတ်ကားကောင်းလေးပါ။ ဇွန်ဘီကားဆိုပေမဲ့ ဖြစ်သလိုဇာတ်အိမ်ဖွဲ့ထားတာမျိုးမဟုတ်ပဲ သဘာဝကျကျ ဖွဲ့ထားပါတယ်။ သေချာခံစားပြီးကြည့်ရင် သင်ကိုယ်တိုင် ဇာတ်လမ်းထဲမှာ စီးမျောနေသယောင်ခံစားရပါလိမ့်မယ်။ ဘဝကို ရိုးရှင်းစွာဖြတ်သန်းနေတဲ့ သူနာပြုမလေးတစ်ယောက်။ တစ်နေ့ဂျူတီပြီးလို့ အိမ်အပြန် ညနေပိုင်းလောက်မှာ မိန်းကလေးတစ်ယောက် တံခါးဝမှာရပ်နေပါတယ်... ကလေးရဲ့ ပါးစပ်မှာသွေးတွေပေနေပြီး လူကလောက်ကျောက်ရုပ်လိုငြိမ်သက်နေပါတယ် ဂါဝန်အဖြူမှာလည်း သွေးတွေစွန်းထင်းနေပါတယ်။ သူမကိုမြင်တော့ အကူညီလိုနေတယ်ထင်လို့ အကူညီခေါ်ပေးဖို့ အနားသွားလိုက်တဲ့အခါမှာတော့.. ကမောက်ကမတွေဖြစ်ကုန်ပါတယ်... အသက်ရှင်ကျန်ရစ်သူ သူနာပြုမလေးကတော့ ခြေဦးတည့်ရာ ပြေးရင်းလွှားရင်း လူတစ်စုနဲ့ပေါင်းမိပြီး မောလ်ကြီးတစ်ခုထဲကို ရောက်ရှိသွားပါတယ်။ အဲဒီမောလ်ကြီးဟာ အသက်ရှင် ကျန်ရစ်တဲ့သူတွေအတွက် မှီခိုရာနေရာလေးဖြစ်သွားပါတော့တယ်..။ တစ်ကယ်တော့ သူတို့တွေအားလုံးက ဇွန်ဘီကောင်တွေရဲ့ သဘောသဘာဝကို မသိကြပါဘူး ဘယ်လိုကူးစက်လဲဆိုတာကိုလည်းမသိကြပါဘူး..။ တစ်နေ့မှာ မောလ်ထဲကို လူသစ်တွေထပ်ရောက်လာပါတယ် သူတို့ထဲက တစ်ယောက်က အကိုက်ခံထားရပြီး အခြေနေက အတော်ဆိုးရွားနေပါပြီ။ သူ..သေသွားပြီး တစ်ဖန်ပြန်ထလာကာ တွေ့တဲ့လူကို လိုက်ကိုက်ပါတော့တယ်။ အဲဒီအချိန်မှာပဲ အကိုက်ခံရရင် ကူးစက်တယ်ဆိုတာ သိရှိကြပါတော့တယ်...။ ဒါပေမဲ့ သူတို့သိတာနောက်ကျခဲ့ပါပြီ...။ တစ်ကယ်လို့များ အဲဒါကို အစကတည်းကသိခဲ့ကြရင်...။ ရင်တစ်ထိတ်ထိတ် သဲတဖိုဖိုနဲ့ အူယားစရာကောင်းအောင်းကြည့်ရှု့ခံစားရမဲ့ ဟောင်းပေမဲ့ ကောင်းနေဆဲ ဇာတ်ကားလေးဖြစ်တာကြောင့် တင်ဆက်ပေးလိုက်ပါတယ်။ File Size :  7.5 GB, 2.3 GB, 1.1 GB Quality : Blu-Ray HEVC 4K / 1080p / 720p Running Time : 1hr 40min Format : Mkv and Mp4 Audio : AAC Genre : Action, Horror, Thriler Subtitle : Myanmar Subtitle (Hard Sub) Translated by : Aye Min Oo Encode by : Thit San Khant

U-571 (2000) IMDb...6.6,,,Rotten ....68% ဒီကားက ဒုတိယ ကမ္ဘာစစ်တုန်းက မဟာမိတ် စစ်သင်္ဘောတွေကို တဒိန်းဒိန်းပစ်ခေတ်ပြီး ရေအောက်ကို နှစ်မြှုတ်ခဲ့တဲ့ ဂျမာန် u-571 စစ်သင်္ဘောအကြောင်းကို အဓိက ထားရိုက်ပြထားပါတယ်... ဂျာမန်စစ်သင်္ဘောတွေရဲ့ ပစ်ခတ်ဖျက်ဆီးခြင်းကို  ဖွဲအိတ်ကြီးလို ခံနေရတဲ့ အဓိက အကြောင်းရင်းက Enigma ဆိုတဲ့ ဝှက်စာကြောင့်ပါ... ဒီကားအညွှန်းကို မပြောခင် အရေးကြီးဆုံးအကြောင်းအရာဖြစ်တဲ့ Enigma ဆိုတဲ့ ဝှက်စာ အကြောင်းကိုပြောပြပါ့မယ်... ဒါတွေမသိလည်း ကြည့်လို့ကောင်းတဲ့ စစ်ကားကြီးဖြစ်ပေမဲ့ သိသွားတဲ့အခါမှာ ဗဟုသုတလည်းရတဲ့အပြင် ကြည့်ရတာ ဇာတ်ရှန်အမြင့်ဆုံးကိုရောက်သွားစေနိုင်တာကြောင့်ပါ.. Enigma ဆိုတာက ပထမကမ္ဘာစစ်နဲ့ ဒုတိယကမ္ဘာစစ်ကြားကာလမှာ ဂျာမန်တွေတီထွင်ခဲ့တဲ့ ဝှက်စာ စက်ဖြစ်ပါတယ်။ Mechanical နဲ့ electrical ကို ပေါင်းထားတဲ့ စက်ဖြစ်ပြီး   U boat နဲ့ ဂျာမန်စစ်သင်္ဘောတွေက ပင်နယံ ၄ ဆင့်နဲ့ အထက်ပါတဲ့ Enigma ကို သုံးခဲ့ပါတယ်။ ပင်နယံဝိုင်းတွေမျှားလေ ပိုလုံခြုံလေမို့ နောက်ပိုင်းမှာ ပင်နယံဝိုင်း ၈ ဆင့်အထိသုံးခဲ့ပါတယ်။ Enigma ဟာ လက်နှိပ်စက်လိုဖြစ်ပြီး ဝှက်စာစနစ်ထည့်သွင်းထားတဲ့အတွက် ခလုပ်တွေကို ရိုက်လိုက်ချိန်မှာ မူလ အက္ခရာမပေါ်ဘဲ ဝှက်စာသွင်းထားတဲ့ အက္ခရာသာ ပေါ်တာ ဖြစ်ပါတယ်။ ပင်နယံတွေကို စီစဉ်ထားသိုတာရယ်၊ ဝှက်စာထည့်သွင်းတာရယ်ပေါ်မူတည်ပြီး ဝှက်စာခက်ခဲမှုပြောင်းလဲပါတယ်။ ဝှက်စာဖော်တဲ့အခါမှာလည်း Enigma စက်ကထွက်လာတဲ့ code တွေကို ပြန်ရိုက်ပြီးဖော်ရတာ ဖြစ်ပါတယ်။ ယေဘူယျအားဖြင့် ပင်နယံဝိုင်း ၄ဝိုင်းပါတဲ့ Enigma စက်မှာဆိုရင် အက္ခရာတစ်လုံး မှန်ကန်စွာခန့်မှန်းနိုင်ဖို့ အကြိမ်ပါင်း ၄၅၆၉၇၆ ကြိမ် လိုပါတယ်။ ဒါဟာ "A" ဆိုတဲ့ အက္ခရာလိုမျိုး alphabet တစ်ခုအတွက်ဖြစ်ပါတယ်။ ဝါကျတစ်ကြောင်းအတွက်ခန့်မှန်းရပါက ဘယ်လောက်ခက်မည့်အကြောင်းပြောဖွယ်ရာမလိုတော့ပေ... ဒါကြောင့် codeဖော်တဲ့စက်ကို မရရင် ဖော်ဖို့ အရမ်းခကိပါတယ်။ ဒီ  Enigma ကုတ်ကြောင့်ပဲ မဟာမိတ်တွေဟာ ဂျာမန်ကိုလုံးဝမယှဉ်နိုင်ခဲ့တာပါ... ဇာတ်ကားအကြောင်းကိုဆက်ပြောရမယ်ဆိုရင် ပစိဖိတ်ရေပြင်မှာ  U-571 ဟာ ဗြိတိန်ရေတပ်ရဲ့ ရေမြှုပ်မိုင်းဒဏ်ထိပြီး အင်ဂျင်တွေသုံးမရ စက်ဆရာတွေကသေကုန်လို့ ရေထဲမျောနေရင်း တပ်ကူရေယာဉ်ကိုစောင့်နေရတဲ့အခြေအနေကို အမေရိကန်တွေသိသွားတယ်... ဒီတော့ အမေရိကန်ရဲ့ အစီအစဉ်က U-751 ကို နာဇီယူဘုတ်ပုံစံပြောင်းပြီး ဝင်စီးမယ် ...Engima  ကုတ်ဖော်စက်ကို ယူမယ် ... U-751 ကို အစဖျောက်မယ်... ဒီစက်ရရင် ဂျာမန်ကို စစ်နိုင်ဖို့အဓိကအကြောင်းရင်းဖြစ်နေတာကိုးး.... သူတို့ရဲ့ အစီအစဉ်က တကယ့်ကိုခက်ခဲပါတယ်... အမေရိကန်တွေအောင်မြင်မလားဆိုတာကိုတော့ စစ်ကားကြိုက်တဲ့သူတွေအဖို့ နင်းကန်ကြည့်သင့်တယ်... ခင်ဗျားဟာ သမိုင်းနောက်ခံဇာတ်လမ်းမျိုးကိုကြိုက်တယ် ..အချက်အလက်တွေနဲ့ ရိုက်ကူးပုံတွေကလည်း Realism ဆန်တာမျိုးဖြစ်ရမယ် ..အပစ်အခတ်နဲ့ စစ်ကားမျိုးလည်းကြိုက်တယ်.. Rating တွေလည်း ကောင်းရမယ် ဆုတွေလည်းရတဲ့ကားမျိုးမှကြိုက်တော့ ဆိုရင်တော့  ခံစားကြည့်သင့်တယ်... File Size : 8GB/2.23GB/ 1.05GB Quality : Blu-Ray4K /1080p/720p Format…mp4 Duration…01:57:00 Genre : Action, War Subtitle : Myanmar Subtitle (Hard Sub) Translated by Chan Myae Thu Aung Encoded by Tiff

ဒီရုပ်ရှင်လေးက ၂၀၀၀ခုနှစ်ထွက် Sci-Fi Horrorကားလေးပါ...။ သရုပ်ဆောင်တွေအနေနဲ့က Jennifer Lopez၊ Vince Vaughnတို့ ပါဝင်ပြီး ဆုတံဆိပ်တွေအများကြီးရရှိခဲ့သလို Makeupနဲ့ Hairstyleပိုင်းမှာ အော်စကာဇကာတင်အဖြစ်ပါခဲ့ပါသေးတယ်။ ရုံဝင်ငွေကလည်း ဘတ်ဂျက်၃၃မီလီယံမှာ ၁၀၄မီလီယံအထိရရှိခဲ့တဲ့ ကားလေးဖြစ်ပြီး အဲ့ဒီခေတ်အဲ့ဒီအခါက ဒီလိုဇာတ်အိမ်မျိုးကို ဒီလိုရိုက်ပြ ခဲ့ပါလားဆိုပြီး မြင်တွေ့ရမယ့်ကားလေးလည်းဖြစ်ပါတယ်...။ ဇာတ်လမ်းအကြောင်းလေးကလည်း ခပ်ဆန်းဆန်း၊ တိုတိုရှင်းရှင်းပြောရရင် ကိုမာဝင်နေတဲ့လူရဲ့စိတ်ထဲကဝင်ပြီး ကိုယ်သိချင်တဲ့အချက်အလက်တွေဝင်ရှာပြီး ရာဇဝတ်အမှုလိုက်သွားတဲ့ကားလေးပါ...။ Inceptionလို မူဗီမျိုးကိုကြိုက်တတ်ရင်တော့ ဒီကားလေးကလည်း အရသာတစ်မျိုးတွေ့ဦးမှာပါ၊ ထပ်ပြီးထူးတာက ဒီကားထဲမှာhorror vibe ကိုလည်းခံစားရဦးမှာပါ....၊ ဇာတ်လမ်းအကျဥ်းလေးက ကွင်းဆက်လူသတ်သမားတစ်ယောက်ရှိတယ်... သူ့သတ်ဖြတ်နည်းက ခပ်ဆန်းဆန်း၊အမျိုးသမီးတွေကိုပဲ ပြန်ပေးဆွဲကာ တစ်နေရာမှာဖွက်ထားပြီး ရေနှစ်သေအောင်လုပ်တယ် ပြီးမှ အရုပ်မဖြစ်အောင် အရောင်ချွတ်ဆေးတွေနဲ့မွမ်းမံပြီး ရဲတွေတွေ့အောင်ပစ်သွားတာ...။ ရဲတွေကသူ့ကိုတော်တော်နဲ့မဖမ်းနိုင်ခဲ့ဘူး...။ဘယ်အချိန်မှ ဖမ်းမိသွားလဲဆိုတော အဲ့ဒီလူသတ်သမားကိုမာဝင်သွားမှ ဖမ်းမိတယ်...။ အဖမ်းခံရတဲ့အချိန်မှာလည်း အမျိုးသမီးတစ်ယောက်ကို ပြန်ပေးဆွဲပြီးသား...၊ ဒီတော့ ပြန်ပေးဆွဲခံတဲ့အမျိုးသမီးရဲ့တည်နေရာကို သူ့ကိုမေးဖို့အတွက် ခုနကပြောတဲ့ တစ်ဖက်လူရဲ့စိတ်ထဲဝင်လို့ရတဲ့နည်းပညာတွေလိုလာပြီပေါ့။ အဲ့ဒီနည်းပညာတွေနဲ့ လူသတ်သမားရဲ့စိတ်ထဲကိုဝင်ကြည့်မိတဲ့အခါမှာတော့....။ အဲ့ဒီခေတ်အခါက ဇာတ်အိမ်ဆန်းဆန်းနဲ့ ရိုက်ကွင်းရိုက်ကွက်တွေကို တစ်ဖန်ပြန်ခံစားချင်တဲ့သူတွေအတွက်တော့ ဇာတ်ကားကောင်းလေးဖြစ်မှာပါ။ File size…1.90 GB / 840 MB Quality…Blu-Ray 1080p 5.1CH  / 720p Format…mp4 Duration….1h 47m Genre ….. Crime , Horror , Sci-Fi Subtitle….Myanmar Subtitle (Hard Sub) Encoder….Min Wai Translated by Themes

Imdb(6.0/10) လူသဘောသဘာဝဆိုတဲ့အတိုင်း အဆင်ပြေနေတဲ့ဘဝကြီးမှာ လူတစ်ယောက်က ကိုယ့်ဘဝထဲကို ဝင်လာပြီး အရာအားလုံးကို လုယူသွားသလို ခံစားရတဲ့အခါ မကျေမနပ်ဖြစ်ကြတာပဲမလား..... နာမည်ကျော် မင်းသားကြီး John Cusack သရုပ်ဆောင်ထားတဲ့ Nick Falzone ဆိုတဲ့ အိမ်ထောင်ရှိ အမျိုးသားတစ်ယောက်က ဒီကားမှာတော့ လုယူခံလိုက်ရတဲ့လူပေါ့..... လေယာဥ်တွေကို controlling ပိုင်းမှာ အစစအရာရာ ပြည့်စုံနေခဲ့တဲ့ လူတစ်ယောက်ဟာ သူ့ထက်သာတဲ့ သူ့ပြိုင်ဘက် Russell Bell ဆိုတဲ့ ဘဲကြီး ရောက်လာတဲ့အခါမှာတော့ သူ့ဘဝကြီးက စတင်မှားယွင်းလာတော့တာပါပဲ ဒီဘဲကြီးက သူ့ထက် အစစအရာရာ သာရုံတင်မက မိန်းမကပါ လန်းနေတော့ Nick တစ်ယောက် မနာလိုတွေဖြစ် အမှားတွေကျူးလွန်မိပြီး ဘဝက ဘယ်လိုမျိုးဖြစ်သွားမလဲဆိုတာ‌တော့ ကိုယ်တိုင်ပဲ ကြည့်ရှုခံစားလိုက်ပါခင်ဗျား comedy လေးလည်း ရောထားတော့ စိတ်အပန်းဖြေဖို့အတွက် ကြည့်သင့်တဲ့ကားပါပဲ File size… (2.4 GB) / (1 GB) Quality….HEVC / 1080p HEVC / 720p Format…. mkv/mp4 Duration….01:48:00 Genre...Comedy, Drama  Subtitle….Myanmar Subtitle (Hardsub) Encoder….Swan Min Htet Translated by Lin Thurein

Dangerous Beauty (1998) IMDb Rating (7.1) / Rotten Tomatoes (70%) ၁၆ ရာစုဝန်းကျင်က ဗင်းနစ်မြို့ဟာအပျော်အပါး၊အနုပညာ၊ကဗျာ စာပေတွေနဲ့မွေ့လျော်နေတဲ့ မြို့တစ်မြို့ဖြစ်ပါတယ်။ အဲဒီမြို့က ဗရော်နီကာဆိုတဲ့ မိန်းမငယ်လေးဟာလည်း ချစ်ရသူနဲ့ အသိုင်းအဝိုင်းကွာခြားမှုကြောင့် မပေါင်းစပ်နိုင်ကြောင်း သိရှိပြီးနောက်မှာ မိသားစုအတွက် ပြည့်တန်ဆာအဖြစ်နေထိုင်ဖို့ ရွေးချယ်ခဲ့ပါတယ်။ ချောမောပြီးထက်မြတ်လှတဲ့ ဗရော်နီကာဟာ သူ၏ချောမောမှု ဉာဏ်ရွှင်မှု အပြုအစုကောင်းမှုတွေကြောင့် ဗင်းနစ်မြို့ရဲ့ထိပ်တန်းအမျိုးသားတွေရဲ့ အသည်းစွဲဖြစ်လာခဲ့ရပါတယ်။ ဗရော်နီကာတစ်ယောက် ပြည့်တန်ဆာဖြစ်လာပြီး နောက်ပိုင်းမှာရော ချစ်ရသူရဲ့အချစ်တွေကို ထိန်းသိမ်းထားနိုင်ဦးမှာလား ? သူတို့နှစ်ယောက်ရဲ့အချစ်ခရီးလမ်းကရော ဘယ်လိုရှေ့ဆက်သွားမှာလဲ စသည်ဖြင့်ကြည့်ရှုရမည့် ဇာတ်ကားတစ်ကားဖြစ်ပါတယ်။ (အညွှန်းနဲ့ဘာသာပြန်ကတော့ Eunice ဖြစ်ပါတယ်။) File size… (1.6 GB) / (770 MB) Quality…. Blu-Ray 1080p HEVC / 720p Format…. mkv/mp4 Genre…. Biography, Drama, Romance Duration…. 01:51:56 Subtitle…. Myanmar Subtitle (Hardsub) Encoder…. Benjamin Translated by Eunice

ဒီတစ်လော မင်းသားကြီး Brad Pitt ရဲ့ ရုပ်ရှင်ကားတွေ ပြန်ကြည့်ဖြစ်ရင်း Meet Joe Black ဆိုတဲ့ ကားကို CM မှာ တင်ပေးဖို့ သတိထားမိသွားပါတယ် ဒီကားကို တိပ်ခွေခေတ်က ခဏ ခဏ ကြည့်ဖူးပါတယ် DVD ခွေတွေ ထွက်တဲ့အခါလဲ BluRay အခွေ ဝယ်သိမ်းတဲ့ အထိ ကြိုက်ခဲ့မိပါတယ်... ဒီရုပ်ရှင်ကားမှာ မင်းသားကြီး Brad Pitt သရုပ်ဆောင်တဲ့ အချိန်က ၁၉၉၈ ခုနှစ်ဖြစ်ပြီး Brad Pitt ရဲ့ အသက်က ၂၁ နှစ်ပဲ ရှိပါသေးတယ်... နာမည်ကျော်မင်းသားကြီး ရဲ့ ငယ်ရွယ်နုပျိုချောမောနေမှုက ပျိုတိုင်း ယိုင်လဲလောက်ပါတယ်... အပြုံး အကြည့် ခပ်ပေပေ ပုံစံလေးတွေက အစ ဆွဲဆောင်မှု ရှိနေတာမျိုးပေါ့... ဒီရုပ်ရှင်ကားကလဲ မိသားစုလိုက်ကို ကြည့်သင့်တဲ့ ကားမျိုးဗျ မိသားစု မေတ္တာကို ပိုအသားပေး ထားတာမျိုးပဲ ဇတ်လမ်းအကြောင်း နည်းနည်းပြောပြမယ်နော် စပွိုင်လာ ဖြစ်ချင်လဲ ဖြစ်နိုင်တာမို့ ကြည့်ဖို့ ရည်ရွယ်ထားရင် ဆက်မဖတ်နဲ့တော့.... ဆက်သွယ်ရေးလုပ်ငန်းကြီး တစ်ခု ရဲ့ ဥက္ကဌ ဖြစ်သူ ဘေးလ် ဟာ တစ်ညသော ညမှာ နားထဲ အသံတစ်ချို့ ကို ကြားယောင်ရင်း လန့်နိုးခဲ့ပါတယ် တစ်ယောက်ယောက်က သူ့ကို သေရတော့မယ်လို့ သတိပေးနေသလိုပါပဲ... အစကတော့ ဒါ ထင်ယောင်ထင်မှား ကြားနေတာတွေလို့ ထင်ခဲ့ပေမဲ့ တစ်ရက်မှာတော့ ဘေးလ် ရဲ့ အိမ်ခန်းမထဲမှာ ငယ်ရွယ်တဲ့ ကောာင်ချောလေး တစ်ယောက် ရုတ်တရက် ရောက်ရှိလာပါတော့တယ်... သူ့ကိုသူ သေခြင်းတရား လို့ နာမည်တပ်ထားပြီး ဘေးလ် ကို သတိပေးရုံ မက အနားမှာပါ ရောက်ရှိလာပါပြီ များမကြာမှီ ရက်ပိုင်း အတွင်းမှာလဲ ဘေးလ် ရဲ့ မွေးနေ့ ရှိလို့ သမီးကြီး ဖြစ်သူ နဲ့ တစ်အိမ်လုံး အလုပ်များနေပြီး သမီးငယ် ဖြစ်သူမှာလဲ ဘေးလ် ရဲ့ အားအကိုးရဆုံး လက်ထောက် ဒရူး နဲ့ ချစ်ကြိုက်နေပြန်ပါသေးတယ်..... မိမိ ကိုယ်တိုင်လဲ လုပ်ငန်းကို ချဲ့ထွင်ကာ ပါတနာ အသစ်တွေနဲ့ စာချုပ် ချုပ်ဖို့ အလုပ်များနေချိန် သေမင်း လာခေါ်တာ ခံရတဲ့ ဘေးလ် တစ်ယောက် တစ်ခြားသူတွေ စိတ်မကောင်းဖြစ်မှာ ဆိုးလို့ ဖွင့်ပြောမနေတော့ပဲ သေမင်း ခေါ်မသွားခင် ရက်အတွင်း သမီး နှစ်ယောက် အတွက် မိမိတည်ထောင်ခဲ့ရသော လုပ်ငန်း အတွက် စီစဉ်စရာ ရှိတာတွေ စီစဉ်ဖို့ သေမင်းကို ကို အချိန်ဆွဲပြီး ဂျိုး ဘလက် ဆိုတဲ့ နာမည်တစ်ခု ပေးလို့ မိသားစု ရှိတဲ့ အိမ်ထဲ ဆွဲခေါ် လာခဲ့သော အခါမှာတော့.... ဇတ်လမ်းတစ်ခုလုံး ဟာ ပျင်းဖို့ အချိန်မရှိအောင် ကောင်းလွန်း ပါတယ်... ဒီ ရုပ်ရှင်ကားကို ကြည့်ပြီး ကုန်သွားတဲ့ ဖုန်းဘေလ်တွေ နောင်တ ရမယ် မထင်ပါဘူး... ရုပ်ရှင်ကားကို Yamin Ou မှ ဘာသာပြန်ပေးထားပြီး Thit San Khant မှ Review ရေးပေးထားပါတယ် Quality - 1080P Bluray & 720P Bluray Subtitle - Burmese Duration - 2h 58min Format - MP4 File Size - 1.9 GB & 604.0 MB Encoder - Thit San Khant Translator - Yamin Ou

Amistad (1997) IMDb Rating (7.3) / Rotten Tomatoes (78%) အမေရိကမှာ အမှန်တကယ်ဖြစ်ပွားခဲ့တဲ့ဖြစ်ရပ်များကို အခြေခံထားပြီး 1839 ခုနှစ်မှာ ဖမ်းဆီးထားတဲ့ လူမည်းကျွန်တွေကို သယ်ဆောင်လာတဲ့စပိန်သင်္ဘောအတွင်း ပုန်ကန်မှုဖြစ်တာကနေ ဇာတ်ဖွင့်ထားတယ်။ အဲ့ဒီမှာပါလာခဲ့တဲ့ကျွန်များကို ဆင်ကွယ်ဆိုတဲ့ အာဖရိကသားတစ်ဦးက ဦးစီးပြီး သင်္ဘောကို မိမိတို့နေရပ်ဆီပြန်ဦးတည်ခိုင်းဖို့ကြိုးပမ်းရာမှာ ကလိမ်ကျတဲ့စပိန်တွေကြောင့် အမေရိကရေပိုင်နက်ထဲကို၀င်သွားပြီးနောက်ပိုင်းမှာ ဆက်ဖြစ်လာတဲ့တရား‌ရေးအရှုပ်အရှင်းတွေကို ဇာတ်အိမ်ကောင်းကောင်းနဲ့ကြည့်ရှု့ရမှာပါ ။ File size… (4.3 GB) / (1.8 GB) Quality…. Blu-Ray 1080p HEVC / 720p Format…. mkv/mp4 Genre…. Drama,History,Mystery Duration…. 02:34:58 Subtitle…. Myanmar Subtitle (Hardsub)

The Pelican Brief (1993) IMDB Rating -------- 6.6 ဒီရုပ်ရှင်ရဲ့ မူရင်းဝတ္တုဟာ The Firm တို့ A Time To Kill တို့ Rain Makerတို့လို နာမည်ကျော် Legal Thriller တွေပဲရေးခဲ့တဲ့ John Grisham ပါ။ သူရဲ့ ပထမဆုံးဝတ္တု A time to kill ဟာ ၂၀၁၂အထိ စစ်တမ်းအရ ၂၇၅သန်းအထိ ကော်ပီရောင်းရပြီးပါပြီ။ ဒီနောက်ရေးတဲ့ The Firm ဟာ Best Seller စာရင်းဝင်ခဲ့ပြီး သူ့ကို စအောင်မြင်စေခဲ့တဲ့ Legal Thriller လည်း ဖြစ်ပါတယ် ။ အခုတော့ သူရဲ့ နာမည်ကျော်ဝတ္တုတစ်ပုဒ်ကိုပဲ Julia Roberts နဲ့ Denzel Washington တို့လို ထိတ်ထိတ်ကြဲတွေ သရုပ်ဆောင်ထားတဲ့ The Pelican Brief ဆိုတဲ့ ကားနဲ့ ထပ်မိတ်ဆက်ပေးပါရစေ။ ဗဟိုတရားရုံး ဂျူဒီ နှစ်ယောက်ကို Khamelလို့ အမည်တွင်တဲ့ လူလတ်သမားတစ်ယောက်ဟာ လုပ်ကြံသတ်ဖြတ်သွားပါတယ်။ ဒီအဖြစ်အပျက်အပြီး နှစ်နှစ်တာ အကြာမှာ Tulane တက္ကသိုလ်က ရှေ့နေကျောင်းသူ Darby Shaw ဟာ ဒီအဖြစ်အပျက်နဲ့ ပက်သက်ပြီး ဘာလို့ သူတို့ အသတ်ခံရလဲဆိုတာကို သီအိုရီထုတ်ပြီး လျှောက်လဲချက်တစ်ခု ရေးခဲ့ပါတယ်။ ဒီလျှောက်လဲချက်ကို သူမရဲ့ ဥပဒေပါမောက္ခကိုပေးခဲ့ပြီး သူ့ဆရာက Gavin Verheek ဆိုတဲ့ FBI ဒါရိုက်တာ ရဲ့အထူးရှေ့နေတစ်ယောက်ကို မူပွားပေးခဲ့ပါတယ်။ ဒီနောက်မှာ..ပါမောက္ခဟာ ဗုံးခွဲအသတ်ခံခဲ့ရပါတယ်။ Darby ကိုယ်တိုင်လည်း တိုက်ခိုက်မှူ တချို့ကြုံရပြီးတဲ့အခါ သူ မသေအောင်ရှောင်ဖို့ လုပ်ရပါတော့တယ်။ဒီအချိန်မှာပဲ သူ သီအိုရီ ထုတ်ထားတဲ့ လျှောက်လဲချက်ဟာ မမှားလို့ သူ့ကို လုပ်ကြံဖို့ ကြံစည်နေကြောင်း သဘောပေါက်ခဲ့တယ်။ ဒီလိုနဲ့ သူမ ပုန်းကွယ်ပြီး Verheek ဆီက အကူအညီတောင်းခဲ့ရပါသတဲ့..။ တစ်ဖက်မှာ Garciaလို့ သူ့ကိုယ်သူ ခေါ်တဲ့ သတင်းပေးတစ်ယောက်ဟာ သတင်းထောက် Gray Granthamကို လုပ်ကြံမှုတွေနဲ့ ပက်သက်တဲ့ သတင်းပေးပြီး ချက်ချင်း ပျောက်ကွယ်သွားခဲ့တယ်။ ဒီနောက် Darby ဟာ သူ့ လျှောက်လှဲချက်တွေ မှန်ကန်တာတွေ့ရှိခဲ့တဲ့ သတင်းထောက်နဲ့ ဆက်သွယ်ခဲ့ပါတယ်။ Darby ဟာ ထပ်အတိုက်ခိုက်ခံရပြီး လွတ်မြောက်သွားပေမဲ့ သူ့ကွန်ပျူတာ ဖိုင် ဒေတာတွေ အကုန်ပျောက်ကွယ် သွားခဲ့တယ်။ Verheek နဲ့ တွေ့ဆုံဖို့ စီစဉ်တဲ့အခါလည်း Verheek အသတ်ခံခဲ့ရပြီး လူသတ်သမားက အယောင်ဆောင်လာတွေ့ခဲ့ပါတယ်။ ဒါပေမဲ့ ဘယ်ဆီကရောက်လာမှန်းမသိတဲ့ ကျည်တစ်တောင့်က သူ့ အသက်ကို ကယ်တင်သွားခဲ့ပါတယ်။ Grantham နဲ့ Darbyတို့ နယူးယောက်မှာ တွေ့ကြပြီး သူရဲ့ Palican လျှောက်လဲချက်ထဲက ခန့်မှန်းချက်တွေ အကြောင်း Granthamကို ပြောပြခဲ့ပါတယ်။ Granthamကလည်း သတင်းပေးလူအကြောင်းပြောပြရရင်း သတင်းပေးတဲ့လူကို သူကို သူတို့သိပြီးတဲ့အခါ.... သက်သေဘယ်လိုရှာရင်း သူရဲ့ Palican လျှောက်လဲချက်ကို ဘယ်လို သက်သေပြမလဲ ဘယ်လောက်ထိ အဆင့်မြင့်တဲ့ အုပ်ချူပ်ရေးပိုင်းက လူတွေပါပါနေလဲဆိုတာတော့ ကိုယ်တိုင်ပဲ ကြည့်ရှုရင်ခုန်လိုက်ကြပါ....။ ဒီရုပ်ရှင်ရဲ့ မူရင်းဝတ္တုရေးဆရာ John Grishmanဟာ ရှေ့နေလည်းဟုတ်သလို နိုင်ငံရေးသမားတစ်ဖြစ်လဲ စာရေးဆရာလည်း ဟုတ်ပါတယ်။ ဒီတော့ သူ့ရဲ့ Legal Thriller ဝတ္တုတွေဟာ သေသပ်ပြည့်စုံပါတယ်။ သူ့ စာအုပ်ကို ရိုက်ထားတဲ့ Julia Roberts တို့ Danzel Washington တို့လို လူတွေ သရုပ်ဆောင်ထားတဲ့ ဒီကားဟာလည်း Rating မများလှပေမဲ့ ကားကောင်းတစ်ခုမို့လို့ ပြန်လည်တူးဖော် တင်ဆက်ပေးလိုက်ပါတယ်။ ဇာတ်လမ်းအညွှန်းကိုတော့ Wira Aung မှရေးသားပေးပြီး ဘာသာပြန်သူကတော့  Pinky Barbie ပဲဖြစ်ပါတယ်... File size…2.42GB / 865MB Quality… Blu-Ray 1080p/ 720p Format…mp4 Duration….2h 22m Genre ….. Crime, Drama, Mystery Subtitle….Myanmar Subtitle (Hard Sub) Translated by Pinky Barbie Encoded by AHtet

Born on the Fourth of July(1989) ဒီရုပ်ရှင်ဟာ အမေရိကန်ရဲ့လွတ်လပ်ရေးနေ့ဖြစ်တဲ့၊ ဂျူလိုင် ၄ရက်နေ့မှာမွေးဖွားခဲ့တဲ့ စစ်ဆန့်ကျင်ရေးလှုပ်ရှားသူ အမေရိကန်-ဗီယက်နမ် စစ်ပြန်ကြီး Ron Kovicအကြောင်းဇာတ်အိမ်တည်ရိုက်ကူးထားတဲ့ စစ်ဆန့်ကျင်ရေး အတ္ထုပတ္တိကားကောင်းတစ်ကားပဲဖြစ်ပါတယ်။ Ronရဲ့ငယ်စဥ်ကလေးဘဝဟာ ထိုခေတ်ထိုကာလကထုံးစံအတိုင်း စစ်ပွဲအောင်နိုင်မှုတွေအကြောင်း၊ တိုင်းပြည်တာဝန်ထမ်းပြီး စစ်တိုက်ရတာမှဂုဏ်ရှိတယ်၊ ကွန်မြူနစ်ဝါဒကို တိုက်ဖျက်ရမယ်ဆိုတဲ့ ပတ်ဝန်းကျင်မှာကြီးပြင်းခဲ့ရပါတယ်။ ဒါ့ကြောင့်လည်း အမေရိကန်-ဗီယက်နမ်စစ်ပွဲဖြစ်တော့ သူကိုယ်တိုင်ရော သူငယ်ချင်းတွေပါစိတ်လိုလက်ရ မရိန်းတပ်ထဲဝင်ပြီး တိုက်ပွဲဝင်ပါတော့တယ်။ ဒီစစ်ပွဲအတွင်းမှာပဲ စစ်ပွဲရဲ့ခါးသီးမှုတွေကြုံခဲ့ရပြီး စိတ်ဝေဒနာလည်းရ အကြောပါသေ၊ မြုံတဲ့ဘဝ ဒုက္ခိတဖြစ်ခဲ့ရပါတယ်။ ဒါပေမယ့်လည်း အဲ့အချိန်ထိ သူ့ရဲ့ စစ်ပွဲအပေါ်အယူအဆတွေက ပြောင်းလဲမသွားသေးပါဘူး။ စစ်ဆေးရုံကဆင်း မွေးရပ်ကိုပြန်ရောက်တော့မှ အဲ့ကာလမှာ စစ်ဆန့်ကျင်ရေးလှုပ်ရှားသူတွေ၊ နိုင်ငံရဲ့လက်ရှိအခြေအနေတွေကိုမြင်ရကြားရပြီး မျက်စိပွင့်နားပွင့်ဖြစ်လာကာ၊ ကိုယ်ကိုယ်တိုင်ကလည်း စစ်ပွဲနဲ့ပတ်သက်ပြီး စိတ်မလုံခဲ့သူမို့... Ron Kovidတစ်ယောက် စစ်တိုက်ရတာဂုဏ်ယူတဲ့လူငယ်လေးဘဝကနေ စစ်ဆန့်ကျင်ရေးသမားကြီးဘဝကို ဘယ်လိုကံကြမ္မာတွေ၊ အဖြစ်အပျက်တွေကြောင့် ရောက်လာလဲဆိုတာ ရိုက်ကူးပြသထားတဲ့ anti-war movieလေးပါပဲ။ File Size :(3.3GB)(1.3GB) and (714MB) Quality : BLU-RAY 1080P5.1Ch,720p Format…mp4 Duration…02:25:00 Genre : War, Biography , Drama Subtitle : Myanmar Subtitle (Hard Sub) Translated by Themes Encoded by Phyo Pyae