Jason Patric ပါဝင်သော ဇာတ်ကားများ

Man of War (2026) Action ကားကြမ်းကြမ်းတွေ ကြိုက်တဲ့သူတွေအတွက် ဇူလိုင်လ ၃ ရက်နေ့မှာ ထွက်ရှိထားတဲ့ ဒါရိုက်တာ William Kaufman ရဲ့ "Man of War" (2026) ဇာတ်ကားကြီးကို တင်ပေးထားပါတယ်။ ဒီကားက ရုပ်ရှင်ဝေဖန်ရေးသမားတွေက Rambo နဲ့ Taken ကို ပေါင်းစပ်ထားတဲ့ပုံစံမျိုးလို့ တင်စားကြပြီး ကြမ်းတမ်းတဲ့ စစ်မြေပြင်က အက်ရှင်ခန်းတွေကို အပြည့်အဝ ခံစားရမယ့် ကားတစ်ကားပါ။ ဇာတ်လမ်းအကျဉ်း Connor ဆိုတာ အမေရိကန် အထူးတပ်ဖွဲ့ (Special Forces) က စစ်မှုထမ်းဟောင်း တစ်ယောက်ပါ။ သူက စစ်ပွဲတွေရဲ့ ဒဏ်ရာတွေနဲ့ အထီးကျန်စွာ ရှင်သန်နေရသူဖြစ်ပြီး တစ်နေ့မှာတော့ မမျှော်လင့်ထားတဲ့ ဖုန်းတစ်ကောလ် ရောက်လာပါတယ်။ ရုရှားက ယူကရိန်းကို စတင်ကျူးကျော်တဲ့ အချိန်မှာ ကယ်ဆယ်ရေးလုပ်အားပေး လုပ်နေတဲ့ သူ့ရဲ့ မွေးစားသမီး Riley ကို ရုရှားက ကြေးစား ပြန်ပေးသမားတွေက ဖမ်းသွားတယ်ဆိုတဲ့ သတင်းပါပဲ။ သမီးဖြစ်သူကို ဖမ်းသွားတဲ့သူကတော့ Koniev (Daniel Bernhardt) ဆိုတဲ့ ရက်စက်လွန်းတဲ့ ခေါင်းဆောင်ပါ။ အဲဒီတော့ Connor တစ်ယောက် သမီးဖြစ်သူကို ကယ်တင်ဖို့အတွက် ယူကရိန်းစစ်မြေပြင်ထဲကို ကိုယ်တိုင်ဝင်ရောက်လာပါတော့တယ်။ အဲဒီမှာ သူ့ကို ကူညီပေးမယ့် ဒေသခံလမ်းပြ Dany (Andrew Howard) နဲ့ ပူးပေါင်းပြီး အသက်လုရမယ့် ကယ်ဆယ်ရေးစစ်ဆင်ရေးကြီးကို စတင်ပါတော့တယ်။ ဒီကားရဲ့ အသက်ကတော့ အက်ရှင်ခန်းတွေပါပဲ။ ကွန်ပျူတာဂရပ်ဖစ် (CGI) တွေ သိပ်မသုံးဘဲ တကယ့် တင့်ကားတွေ၊ တကယ့် ပေါက်ကွဲမှုတွေနဲ့ Practical Action တွေကို အသားပေး ရိုက်ကူးထားတာမို့ ပစ်ခတ်ခန်းတွေက တကယ့်ကို အသက်ဝင်ပါတယ်။ အထူးသဖြင့် ဇာတ်ကားရဲ့ နောက်ဆုံး ၂၅ မိနစ်လောက်ကတော့ အကြိတ်အနယ် ပစ်ခတ်ကြတဲ့ အခန်းတွေချည်းဖြစ်ပြီး အသက်ရှူမှားလောက်အောင် ကြည့်ကောင်းပါတယ်။ Connor နေရာမှာ သရုပ်ဆောင်ထားတဲ့ LaMonica Garrett (Taylor Sheridan ရဲ့ ဇာတ်လမ်းတွဲတွေမှာ မြင်ဖူးကြမှာပါ) ကလည်း အေးတိအေးစက်နဲ့ ကြမ်းချင်တိုင်းကြမ်းတတ်တဲ့ စစ်မှုထမ်းဟောင်း ကာရိုက်တာကို ပီပြင်စွာ သရုပ်ဆောင်ထားပါတယ်။ လူဆိုးခေါင်းဆောင် Koniev အဖြစ် သရုပ်ဆောင်ထားတဲ့ Daniel Bernhardt ကလည်း ကြည့်နေရင်းနဲ့ ဒေါသထွက်စရာကောင်းလောက်အောင် သရုပ်ဆောင်ကောင်းပါတယ်။ အချုပ်ပြောရရင်တော့ အက်ရှင်ကားစစ်စစ်ကိုမှ ကြည့်ချင်တယ်၊ သေနတ်ပစ်ခတ်ခန်း အကြမ်းစားတွေနဲ့ ဇာတ်လမ်းအရှိန်အဟုန် မြန်မြန်ဆန်ဆန် သွားတာမျိုးကို သဘောကျတယ်ဆိုရင် ဒီ Man of War က လက်လွတ်မခံသင့်တဲ့ ကားတစ်ကား ဖြစ်ပါတယ်။ File size… (2.2 GB) / (1.1 GB) Quality…. WEB-DL 1080p HEVC / 720p Format…. mkv/mp4 Genre…. Action Duration…. 01:50:00 Subtitle…. Myanmar Subtitle (Hardsub)

A Line of Fire (2025) ကတ်ရှ်ဆိုတဲ့လူလတ်ပိုင်းအမျိုးသားတစ်ယောက်ဟာ တစ်ချိန်တုန်းက အက်ဖ်ဘီအိုင်မှာလက်ရွေးစင် ကွင်းဆင်းအေးဂျင့်တစ်ယောက်အနေနဲ့အလုပ်လုပ်ကိုင်ဖူးတဲ့ သမီးနှစ်ယောက်ရဲ့ ဖခင်ဖြစ်သူပါ။ ဒါပေမဲ့ လွန်ခဲ့တဲ့နှစ်ပိုင်းလောက်မှာ သူ့ရဲ့အမျိုးသမီးဆုံးပါးသွားပြီးနောက်ပိုင်း ဆယ်ကျော်သက်ရောက်ခါစသမီးတွေကို ပြုစုပျိုးထောင်ပေးဖို့ဆိုပြီး အလုပ်ကိုနားပြီး အစိုးရအလုပ်လုပ်တုန်းကရထားတဲ့ စည်းစိမ်နဲ့ သမီးတွေကြားပျော်နေတဲ့ မျိုးချစ်စိတ်အပြည့်ရှိသူဖြစ်ပါတယ်။ ဒါပေမဲ့တစ်နေ့မှာ သူ့ရဲ့တွဲဖက်ဟောင်းတစ်ယောက်ဖြစ်တဲ့ မီယာရဲ့တူမဖြစ်သူ ဂျိမ်းမီဟာ အသ-က်အန္တရာယ်ရှိလာလို့ ကတ်ရှ်ကိုဖုန်းဆက်လာတဲ့အခါမှာ ကတ်ရှ်ရဲ့အေးချမ်းတဲ့မိသားစုဘဝကြီး ပျက်စီးဖို့ ဖြစ်လာပါတယ်။ ဒီလိုနဲ့ ကတ်ရှ်တစ်ယောက်ကွင်းထဲပြန်ဆင်းပြီး သူ့သူငယ်ချင်းရဲ့တူမဖြစ်သူရဲ့ အသ-က်ကို ကယ်တင်ဖို့အကြောင်းကြိုစားရင်းနဲ့ သာမန်ခြိမ်းခြောက်မှုတစ်ခုနဲ့ကြုံနေရတာတင်မဟုတ်ဘဲ ဒုစရိုက်ပုဂ္ဂိုလ်ကြီးတွေကော သူ့ရဲ့ အရင်အလုပ်က အထက်လူကြီးရဲ့ မသမာမှုတွေကောပါနေတာကို သိလာရတဲ့အချိန်မှာ ကြားညှပ်တဲ့အခြေအနေတစ်ခုကနေ ပြန်ပြီးရုန်းထွက်ဖို့ အသက်ကိုရင်းပြီး တဖန်ကြိုးစားပြန်ရပါတော့တယ်။ File size… (1.8 GB) / (910 MB) Quality…. WEB-DL 1080p HEVC / 720p Format…. mkv/mp4 Genre…. Action, Thriller Duration…. 01:30:43 Subtitle…. Myanmar Subtitle (Hardsub)

ဒီတစ်ခါတော့ အခုမှအသစ်ထွက်ထားတဲ့ Expendables franchise နဲ့ Rocky မင်းသားကြီး Sylvester Stallone ပါဝင်ထားတဲ့ Action ဇာတ်ကားလေးနဲ့ မိတ်ဆက်ပေးပါရစေ။ ဇာတ်လမ်းအစမှာတော့ James Brody လို့ခေါ်တဲ့ ရဲအရာရှိဟောင်း တစ်ယောက်ဟာ မိန်းမဖြစ်သူကို ဆုံးရှုံးလိုက်ရပြီးနောက် သားဖြစ်သူ Casey ကိုလည်း ဂရုမစိုက်နိုင် အရက်‌တွေသောက်ပြီး အလုပ်ထွက် ထားရတဲ့ သူတစ်ယောက်ပါ။ ဒါကြောင့် အရက်ဖြတ်ချင်ယောက်ဆောင်ပြီး အရက်ခိုးသောက် နေတဲ့သူပေါ့။ Casey မှာလည်း Sarah လို့ခေါ်တဲ့ ဇနီးသည်နဲ့အတူ မွေးတော့မယ့် ကလေးလေးလည်းရှိပါသေးတယ်။ သူတို့သားအဖဟာ ဘဏ်ကပိုက်ဆံကားမောင်းတဲ့အလုပ်မှာ တူတူလုပ်နေကြပြီး ကောင်းမွန်တဲ့ဆက်ဆံရေးလည်းရှိပါတယ်။ တစ်နေ့ ပိုက်ဆံသွားပို့ရင်း လမ်းမှာ ဓားပြတိုက်ခံရလို့ သားအဖ နှစ်ယောက် သံချပ်ကာကားကြီးထဲမှာ တစ်ချိန်လုံး‌ပုန်းနေရပါတော့တယ်။ ထူးဆန်းတာက ပိုက်ဆံများများစားစားမပါပေမဲ့ ဓားပြအင်အားကတော့ အထူးတပ်ဖွဲ့အဆင့်ရှိတဲ့အတွက် ပါးနပ်နဲ့James ဟာ ပိုက်ဆံ သက်သက်အတွက်လိုက်လာတာမဟုတ်မှန်းသိလိုက်ပါတော့တယ်။ ဒီတော့ ဓားပြတွေကဘာကိုလိုချင်လို့ James တို့သားအဖကို တိုက်ခိုက် တာလဲ... James တို့သားအဖကရောလွတ်မြောက်နိုင်ပါ့မလားဆိုတာကို ဒီဇာတ်ကားလေးမှာအဖြေရှာရင်း ကြည့်ရှု့ဖို့အကြံပေးချင်ပါတယ်။ File size… (1.48GB) / (806MB) Quality… WEB-DL 1080p HEVC / 720p Format…mkv / mp4 Duration….1h 29m Genre …..Action , Crime , Thriller Subtitle….Myanmar Subtitle (Hard Sub) Encoder….Min Wai Translated by S4L

သင်မဖြစ်မနေကြည့်သင့်ပြီးအသည်းခိုက်စေမယ့်ဇတ်ကားကောင်းတစ်ခု- - - - City of Dreams (2023) ကိုတော့ အိန္ဒိယလူမျိုး အမေရိကန်နိုင်ငံသား မိုဟစ်ရမ်ချန်ဒန်နီ (Mohit Ramchandani)က ရေးသားရိုက်ကူးထုတ်လုပ်ထားတာဖြစ်ပါတယ်။ မိုဟစ်က ၂၀၁၀ ကရိုက်ခဲ့တဲ့ The Lost Tribeဇတ်ကားနဲလည်းလူသိများလာတာဖြစ်တယ်။ ဒီဇတ်ကားက ဖြစ်ရပ်မှန်ဇတ်ကားဖြစ်ပြီး လွန်ခဲ့တဲ့ခြောက်နှစ်ကရိုက်ကူးထားတာဖြစ်တယ် ။အဓိက ဇတ်ကောင်ဂျီးဆပ်စ်အဖြစ် သရုပ်ဆောင်တဲ့AriLopez ကလည်းဇတ်ကားနဲ့အတူလူသိများလာပြီး ၂၀၂၃ ထဲမှာကို လူကြိုက်များတဲ့အခြားဇတ်ကားကောင်းတွေကိုရိုက်ကူးခဲ့ရပါတယ်။ အမေရိကန်မင်းသားJason Patric (ဂျေဆင်ပက်ထရစ်) မက္ကဆီကန်မင်းသားDiego Calva(ဒိုင်ဂျီယို ကယ်လ်ဗာ) မက္ကဆီကန်မင်းသား Andre´s Delgado (အန်ဒရီးစ် ဒယ်လ်ဂါဒို) ချီလီမင်းသားAlfredo Castro(အယ်လ်ဖရက်ဒို ကက်စ်ထရို) မက္ကဆီကန်မင်းသမီး Renata Vaca(ရန်နားတာ ဗေကာ) ရိုမေးနီးယားလူမျိုးမင်းသမီးEdinaEady( အက်ဒီးနာ အာဒီ) ဂျိန်းစဘွန်းမင်းသား(Pierce Brosnan) ပီးယာ့စ်ဘရော့စ်နန်နဲ့အခြားဇတ်ပို့များစွာပါဝင်ထားပါတယ်။ ဇတ်လမ်းကတော့ ဘောလုံးစတားဖြစ်ချင်တဲ့ မက္ကဆီကန် ကောင်လေးဂျီးဆပ်စ်ကို ဘောလုံးသင်တန်းကျောင်းတက်ရမယ်လိမ်ခေါ်ပြီးတကယ်တော့ချွေးထွက်တဲ့ အလုပ်ရုံလို့ခေါ်တဲ့စည်းမျဥ်းမရှိအကာကွယ်မရှိအခွင့်ရေးမရှိတဲ့ အလုပ်ရုံတွေမှာရောင်းစားခံရပြီးခေတ်သစ်ကျွန်ပြုခံရတာပဲဖြစ်တယ်။ ဒါ့အပြင်လိင်ကျွန်ပြုတာတွေ ကလေးအပြာတွေရိုက်ကူးတာတွေကိုပါချပြထားပါတယ်။ရဲတွေရင်ဆိုင်ရတဲ့အခက်အခဲတွေသာမကအကျင့်ပျက်ခြစားမှုတွေရှိနေတာငွေနဲ့ဖုံးကွယ်ပြီး အချို့ကုမ္မဏီတွေဘာတွေလုပ်နေသလဲဘယ်လောက်တောင်ဘာတွေကိုအပိုင်ကိုင်ထား လဲဆိုတာပါ တစ်စေ့တစ်စောင်းပြထားပါတယ်။ပရဟိတမျက်နှာဖုံးလေးစွပ်ထားတဲ့အကွက်လေးကိုလည်းပြလိုက်ပါသေးတယ်။ ကလေးတွေဟာ တိုင်းပြည်ရဲ့အနာဂတ်ဖြစ်သလို သူတို့လေးတွေမှာလည်းကိုယ်စီအိပ်မက်ကလေးတွေရှိကြတာဖြစ်တယ်။သူတို့လေးတွေရဲ့ အိပ်မက်လေးတွေဘယ်လောက်တောင်လှပလိုက်သလဲဆိုတာပါပြထားပါသေးတယ်။ဒီဇတ်ကားက ပြဿနာကိုဘယ်လို​ဖြေရှင်းမယ်ပြတာထက် ဒီလိုလူမဆန်တဲ့ခေတ်သစ်ကျွန်ပြုတာတွေဟာ အမေရိကန်လိုလူ့အခွင့်ရေးကိုအလေးထားတဲ့နိုင်ငံအတွင်းမှာ ဖြစ်ပျက်နေတာတွေကိုမီးမောင်းထိုးပြထားတဲ့ဇတ်ကားဖြစ်တယ်။အိပ်မက်မြို့တော် အိပ်မက်တိုင်းပြည်ကဒီလိုလားလို့လဲမသိမသာမေးခွန်းထုတ်ပြထားပါသေးတယ်။ကြည့်ရှုသူတွေကိုအံသြထိတ်လန့်အောင်သာမက ကရုဏာဖြစ်အောင်ရိုက်ကူးနိုင်ပြီးဇတ်ကားအစအဆုံးကိုမပျင်းအောင်ကြည့်ရှုသူကိုဆွဲခေါ်သွားမှာဖြစ်တယ်။ဒါရိုက်တာက ဒီကလေးငယ်လူကုန်ကူးတာနဲ့ ခေတ်သစ်ကျွန်ပြုတာကိုမီးမောင်းထိုးပြချင်လို့နှစ်တော်တော်ကြာ အပင်ပန်းခံအချက်အလက်တွေစုဆောင်းပြီးရိုက်ခဲ့ရတာလို့ပြောထားပါတယ်။ အကြိုက်ဆုံးကတော့ ရိုက်ချက်တွေနဲ့တေးဂီတဖြစ်တယ်။ရိုက်ချက်တွေကတကယ့်အနုပညာဆန်ပြီးတေးဂီတကတော့ ဘယ်သူဖန်တီးတာလဲသိချင်စိတ်ဖြစ်လောက်အောင်ကိုဆွဲဆောင်မှုရှိပါတယ်။တေးဂီတနဲ့ရိုက်ချက်တွေကဇတ်ကားကိုဆွဲဆောင်မှုရှိအောင်အများကြီးပံ့ပိုးထားတာဖြစ်တယ်။ဇတ်ကားအစမှာပါတဲ့” ကလေးသူငယ် ၁၂သန်းဟာခေတ်သစ်ကျွန်ပြုခံနေရတယ်” ဆိုတဲ့စကားအောက်မှာမိမိတိုင်းပြည်က ကလေးတွေပါပါနေလားဆိုတဲ့အသိကိုလည်းပေးမယ့်ဇတ်ကားဖြစ်တယ်။ဂျီးဆပ်စ် တစ်ယောက်လွတ်မြောက်နိုင်မလားဆိုတာကိုတော့ ပိတ်ကားပေါ်မှာဆက်ကြည့်ပါ။ ရုပ်ရှင်ကို မတ် ၂၀၂၃ ကMammoth ရုပ်ရှင်ပွဲတော်မှာပြသခဲ့ပြီး ၂၀၂၄သြဂုတ်လ၃၀ရက်ကမှအမေရိကန်ပြည်တွင်းမှာ ပြသတာဖြစ်တယ်။ ဒီနှစ် အမေရိကန်ပြည်တွင်း BoxOffice (လက်မှတ်ရောင်း)မှာတော်တော်ပေါက်တဲ့ဇတ်ကားဖြစ်ပြီးနိုင်ငံတကာမှာလည်း $ ၁.၇ သန်းရရှိထားပြီဖြစ် ပါတယ်။ဒါရိုက်တာကအလှူရှင်တွေအကူအညီနဲ့မေတ္တာလက်ဆောင်လက်မှတ်တစ်သန်းကိုစီစဥ်ထားတာလည်းထုတ်ပြောပါတယ်။ ကြည့်ရှုသူတွေပေးတဲ့rating90%ရထားတဲ့ဇတ်ကားကောင်းဖြစ်လို့ကြည့်ဖြစ်အောင်ကြည့်ပါတိုက်တွန်းလိုပါတယ်။ File size…(1.5 GB)/(932 MB) Quality….Webrip HEVC 1080p / 720p Format…mp4/ mkv Duration….01:48:00 Genre... Drama, Thriller Subtitle….Myanmar Subtitle (Hardsub) Encoder….Swan Min Htet Translated by Khin Sakar Khin

နာမည်ကျော် ဟော်ရာ အခုတ်အထစ် ရုပ်ရှင်တွဲဖြစ်တဲ့ သုံးကားမြောက် Terrifier လာပါပြီ။ ဒါရိုက်တာကတော့ အရင်နှစ်ကားကို ရိုက်ခဲ့တဲ့ Damien Leoneပါပဲ။ ဒုတိယကားရဲ့ အကြီးအကျယ်အောင်မြင်မှုကြောင့် ရုပ်ရှင် ကုမ္ပဏီကြီးတွေက ငွေထုတ်ပေးဖို့ ကမ်းလှမ်းပေမဲ့ ဒါရိုက်တာက လက်မခံခဲ့ပါဘူး။ သူ့အပြောအရတော့ ရုပ်ရှင်ကုမ္ပဏီကြီးတွေနဲ့ သာဆိုရင် ပထမဆုံး ဇာတ်ဝင်ခန်းကိုတောင် သူ့ကိုရိုက်ခွင့်ပေးမှာ မဟုတ်ဘူးလို့ ပြောပါတယ်။  ဘာလို့လဲဆိုတာတော့ ရုပ်ရှင်ကြည့်ရင် တွေ့ပါလိမ့်မယ်။ သူရိုက်ချင်တာတွေကို တစ်ပြားသားမှ မလျှော့ဘဲ ရိုက်ဖို့ သူ့ပိုက်ဆံနဲ့သူ ထုတ်ရိုက်တဲ့ ဒါရိုက်တာပါပဲ။ အရင် စူပါဟီးရိုးကားတွေ ရုံတင်ကားတွေလို ကတ်ကြေးကို ဂရုမစိုက်ရတဲ့ ဒါရိုက်တာပါပဲ။ ပိုက်ဆံသက်သာအောင် အထူးပြု လုပ်ချက်တွေကိုပါ ကိုယ်တိုင်ဖန်တီးတတ်တဲ့သူလည်း ဖြစ်လို့ပါပဲ။ အသည်းငယ်သူတွေ နှလုံးမကောင်းသူတွေ မကြည့်ဖို့ သတိပေးထားပါတယ်။ ဇာတ်လမ်းအကျဉ်း ဒီဇာတ်လမ်းကတော့ ဒုတိယရုပ်ရှင်အပြီး ၅ နှစ်အကြာမှာ ဇာတ်အိမ်တည်ထားတာပါ။ ဆီရန်နာတစ်ယောက် စိတ်ကျန်းမာရေး ဆေးရုံတွေ ဆက်တိုက်တက်ပြီး စိတ်ဒဏ်ရာတွေကို ကုစားပြီး ပြန်လာချိန် သူ့ရဲ့အဒေါ် ဂျက်စ်ရဲ့အိမ်မှာ ခဏနေဖို့ ဆုံးဖြတ် လိုက်ပါတယ်။ သူ့ရဲ့မောင်လေး ဂျိုနသန်ကလည်း ကျောင်းမှာ အဆောင်နေနေတာပါ။ ခရစ္စမတ်ကာလမှာ မိသားစုတွေ စုံဖို့ စီစဉ်နေကြချိန်မှာပဲ လူပြက်အာ့ထ် နဲ့ သူ့ရဲ့အပေါင်းအပါတို့ ပြန်ပေါ်လာပြီး လူတွေကို တစ်ယောက်ပြီးတစ်ယောက် လိုက်လုပ်ရင်းနဲ့ ဆီရန်နာကို ဖျက်ဆီးဖို့ ကြိုးစားကြပါတော့တယ်။ File size…2.54GB / 1.04GB Quality…WEB-DL 1080p HEVC / 720p Format…mkv / mp4 Duration….2h 5m Genre ….. Horror Subtitle….Myanmar Subtitle (Hard Sub) Encoder….Min Wai Translated by Mr.Anderson

Strange Darling (2024) IMDb Rating (7.5) / Rotten Tomatoes (95%) Horror, Thriller ကားသစ်တစ်ကားဖြစ်ပြီး ဖြစ်ရပ်မှန်ကို အခြေခံထားတာ ဟုတ်ချင်ဟုတ်မယ် မဟုတ်ချင်မဟုတ်ဘူးဆိုတဲ့ကားအမျိုးအစားပါပဲ။ ဇာတ်ကွက်ကို အစဉ်လိုက်ဖော်ပြတာမဟုတ်ဘဲ Non-linear အနေနဲ့ Chapter အခန်းတစ်ခုစီနဲ့ ၆ ခန်း ပြသထားတာဖြစ်ပါတယ်။ ဇာတ်လမ်းအစဉ်လိုက်ကတော့ ကြည့်ပြီးရင် အလိုလို ရှင်းသွားမှာပါ။ ဒီအတိုင်းစီထားတာ ဖြစ်ပါတယ်။ Chapter 3: WILL YOU HELP ME? PLEASE? Chapter 5: HERE KITTY, KITTY Chapter 1: MISTER SNUFFLE Chapter 4: THE MOUNTAIN PEOPLE Chapter 2: DO YOU PARTY? Chapter 6: WHO'S GARY GILMORE? Epilogue: THE ELECTRIC LADY ဇာတ်လမ်းအကျဉ်း မိန်းကလေးငယ်တစ်ယောက်နဲ့ သက်လတ်ပိုင်းယောကျာ်းတစ်ယောက်တို့ ဘားမှ ခင်မင်လာပြီး ဟိုတယ်တစ်ခုမှ အပျော်ရှာဖို့ ဝင်တည်းကြတယ်။ နှစ်ယောက်လုံးက စိတ္တဇသမားတွေဖြစ်နေပြီး အပျော်ရှာတဲ့ညကနေ စိန်ပြေးလိုက်တမ်း လူတွေသတ်တမ်းကစားပွဲအဖြစ် ပြောင်းလဲသွားပါတော့တယ်။ သူတို့နှစ်ယောက် အချင်းချင်းသတ်ဖို့ ကြိုးစားရင်း တွေ့တဲ့သူတွေကိုလည်း ကြုံသလိုသတ်ရင်း ဗြောင်းဆန်နေတာကို ကြည့်ရမှာပါ။ ဒါမျိုးကြိုက်တတ်ရင်‌တော့ ကြည့်သာကြည့်ပါ။ (အညွှန်းနဲ့ဘာသာပြန်ကတော့ Mr.Anderson ပဲဖြစ်ပါတယ်။) File size…(5.4 GB) / (1.7 GB) / (830 MB) Quality….WEB-DL 4K HEVC/ 1080p HEVC / 720p Format…. mkv/mp4 Duration….01:37:45 Subtitle….Myanmar Subtitle (Hardsub) Encoder….Ka Naung Translated by Mr.Anderson

IMDb Rating - 6.0/10 သတို့သမီးတစ်ယောက်နဲ့ လူသတ်သမားသတို့သားတစ်ဖွဲ့လုံး ချရတဲ့ ကားပါ။ ဇာတ်ကားနာမည်က မင်္ဂလာဆောင်တွေမှာ သစ္စာဆိုတဲ့စကား ပါပဲ။ သေမှပဲ တို့တွေခွဲမယ်တို့ သက်ဆုံးတိုင်မခွဲဘူး ဘာညာပေါ့။ ဒီကား ကိုကြည့်ရင် Kill Bill ကို ပြေးမြင်မိမယ်ထင်ပါတယ်။ သတို့သမီးက လုပ် ကြံရေးအဖွဲ့ကြီးတစ်ခုရဲ့ အဖွဲ့ဝင်ပါ။ အဲဒီအဖွဲ့ကနေ အရှင်ထွက်ခွင့်မရှိပါ ဘူး။ ဒါပေမဲ့ သတို့သမီးက သူနဲ့အတူ တွဲလုပ်ခဲ့တဲ့ တွဲဘက်လူသတ်သမားနဲ့ ကြိုက်သွားပြီး မင်္ဂလာမဆောင်ခင်ရက်ပိုင်းမှာပဲ ဒီအဖွဲ့ထဲကနေ ထွက်ချင် လို့ ထွက်ပြေးပါတော့တယ်။ ဒါကို သတို့သားနဲ့ သတို့သားအရံ၊ သူငယ်ချင်း လူသတ်သမားတွေက အုပ်လိုက်ကြီးပြန်လိုက်ဖမ်းတာပါ။ အဲဒီတော့ တစ် ကားလုံး အပြန်အလှန်သတ်ဖို့ကြိုးစားကြတာပေါ့။ ဟာသ၊ အက်ရှင်၊ ဟော် ရာဖြစ်လို့ ခပ်ပြောင်ပြောင်အခန်းတွေလည်း မြင်ရမှာပါ။ အတော်လေး ဖျော် ဖြေမှုပေးတဲ့ ရုပ်ရှင်ပါပဲ ကြည့်ကြည့်လိုက်ပါဦး။ (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(2.0 GB) / (490 MB) Quality............WEB-DL 1080p / 720p Duration.........1Hr 49Min Subtitle...........Myanmar Hardsub Format............MP4 Genre..............Action, Comedy, Horror Translator......Mr.Anderson Encoder..........SWM

ရှောင်ဘက်ခ်၀စ်တို့မိသားစုဟာ တက္ကဆက်နဲ့ မက္ကဆီကိုနယ်စပ်အနီးကို ပြောင်းရွှေ့လာတဲ့မိသားစုပါ။ ရှောင်ဟာ အမေရိကန်ရေတပ်က ဗိုလ်ချုပ်ဟောင်းတစ်ဦးဖြစ်ပြီး သမီးနှစ်‌ယောက်ရဲ့ဖခင်လည်းဖြစ်ပါတယ်။ ဇာတ်လမ်းအစမှာတော့ ရှောင်ရဲ့ သမီးနှစ်ယောက်ထဲက တစ်‌ယောက်ဖြစ်တဲ့ "လိ"ဟာ သူငယ်ချင်း‌ဖြစ်သူ ဘီလီနဲ့ ပါတီပွဲတစ်ခုကိုသွားလိုက်ပြီး ပျောက်ချင်းမလှပျောက်ဆုံးသွားတာကြောင့် အဖေဖြစ်သူဟာ လိုက်လံစုံစမ်းနေခဲ့ပါတယ်။ ဒါပေမဲ့ တကယ်တမ်း စုံစမ်းကြည့်လိုက်တဲ့အခါမှာတော့ မိန်းကလေးနှစ်ဦးကို ပြန်ပေးဆွဲသွားတဲ့သူတွေဟာ ဒေသခံ ကြေးစားလူမိုက်ဂိုဏ်းတစ်ခုကဖြစ်ပြီး ထိုဒေသကရဲအရာရှိတွေကတောင် မထိန်းနိုင်လို့ ဒီအမှုကို လက်ရှောင်နေကြတာကို ရှောင်တစ်ယောက် သိလိုက်ရပါတယ်။ ဒီလိုနဲ့ သမီးဖြစ်သူကိုရှာဖွေဖို့ သဲလွန်စလိုက်လံရှာဖွေရင်း ရှောင်နဲ့ သူငယ်ချင်းဖြစ်သူ မက်စ်တို့ဟာ မက္ကဆီကိုလူမိုက်ဂိုဏ်းနဲ့ ရင်ဆိုင်ဖို့ရာ အကြောင်းဖန်လာပါတော့တယ်... File size…(1.4 GB)/(781 MB) Quality….Webrip 1080p / 720p Format…mp4 Duration….01:29:00 Genre...Action, Thriller, Drama Subtitle….Myanmar Subtitle (Hardsub) Encoder….Mr. Anderson Translated by Steven Khant

လူသတ်မှုစုံထောက်ဘန်ဟာ အိပ်မပျော်သလိုခံစားနေလို့ စိတ်ရောဂါကု ဆရာဝန်ဆီမှာ အိပ်ငွေ့ချကုသမှုခံယူနေရတာပါ တဖြည်းဖြည်းနဲ့ အိပ်နေရင်းလမ်းလျှောက်တဲ့ရောဂါပါရလာပြီး အကြားအမြင်ရသလိုဖြစ်လာပါတော့တယ် အဲဒါကို သူ့မိန်းမကိုလည်းပြောမပြသလို သူ့တွဲဖက်သူငယ်ချင်းကိုလည်း မပြောပြခဲ့ပါဘူး ပုံစံတူ လူသတ်မှု ၃ခုဆက်တိုက်ဖြစ်လာတဲ့အခါမှာ သဲလွန်စတွေကိုလိုက်ရင်း စိတ်ဝင်စားစရာလေးတွေတွေ့လာပါတော့တယ် ဘန့် ညဘက်လမ်းထလျှောက်တာကို သူ့မိန်းမကဘာလို့မသိရတာလဲ သူက ဘာလို့ အကြားအမြင်ရသလိုဖြစ်နေရတာလဲ သူ့သူငယ်ချင်း ကရော သူ့ကိုယုံပါ့မလား နောက်ဆုံး လူသတ်မှုကိုရောဖော်ထုတ်နိုင်ပါ့မလားဆိုတာ ကြည့်ရမှာပါပဲ File size…(1.5 GB)/(800 Mb)/(400 Mb) Quality….Webrip 1080p / 720p / 480p Format…mp4 Duration….01:30:00 Genre...Mystery, Thriller Subtitle….Myanmar Subtitle (Hardsub) Encoder….Mr. Anderson Translated by Garfield

ဒေါက်တာ စထရောက်စ်ဟာ ထူးချွန်တဲ့ စိတ်ဆရာဝန်တစ်ယောက်ဖြစ်ပြီး သူ့သုတေသနစီမံကိန်းအတွက် ရန်ပုံငွေထောက်ပံ့မယ့်သူကို ရှာနေပါတယ်။ အဖွဲ့အစည်းတစ်ခုက ထောက်ပံ့ပေးဖို့ ကမ်းလှမ်းလာတဲ့အခါ သူလုပ်ချင်တဲ့ သုတေသနကို စတင်နိုင်ခဲ့တယ်။ ဒါပေမယ့် အဲဒီအဖွဲ့အစည်းရဲ့ နောက်ကွယ်က ရည်ရွယ်ချက်ကိုတော့ သူမသိခဲ့ပါဘူး။ စီမံကိန်းကို ဆုံးခန်းတိုင်အောင် သုတေသနဆက်လုပ်ရင်း နိုင်ငံရေးနဲ့ သူ့အလုပ်ကြားမှာ ရှုပ်ထွေးမှုတွေ ပေါ်လာပါတော့တယ်။ ဇာတ်လမ်းက စီအိုင်အေရဲ့ လျှို့ဝှက်စီမံကိန်း MK Ultra ကို ဖြစ်ရပ်မှန်တွေနဲ့ ရောယှက်ပုံဖော်ထားတာပါ။ ဒီစီမံကိန်းမှာ လူတွေရဲ့စိတ်ကို ထိန်းချုပ်နိုင်ဖို့ အမေရိကန်နိုင်ငံသားတွေကို သူတို့မသိဘဲ LSD ဆေးခတ်ပြီး စမ်းသပ်မှုတွေနဲ့ ညှဉ်းပန်းနှိပ်စက်မှုတွေ လုပ်ခဲ့ပါတယ်။ ၁၉၅၃ ကနေ ၁၉၇၃ အထိ ကြာမြင့်ခဲ့ပြီး ၁၉၇၅ ခုနှစ်မှာ တရားဝင်စုံစမ်းစစ်ဆေးမှုတွေနဲ့အတူ ဖော်ထုတ်ခံခဲ့ရတဲ့ စီမံကိန်းအကြောင်းကို နောက်ခံထားတဲ့ သည်းထိတ်ရင်ဖိုဇာတ်ကား ဖြစ်ပါတယ်။

ဇနီးမောင်နှံနှစ်ဦးဖြစ်ကြတဲ့ ပေါလ်နဲ့ ဝင်န်ဒီတို့ဟာ အားလပ်ရပ်မှာ သမီးလေးဖြစ်တဲ့ တေလာနဲ့ ခွေးလေး လပ်ကီးတို့နဲ့အတူ အပန်းဖြေဖို့အတွက် အာဗီကားလေးတစ်စီးနဲ့ ထွက်လာခဲ့ကြပါတယ်။ အပန်းဖြေစခန်းကို ရောက်တဲ့အချိန်မှာ ဝင်န်ဒီက လိုအပ်တဲ့ပစ္စည်းတွေ သွားဝယ်နေတုန်း ပေါလ်ကလည်း ဘေးကပ်ရပ်မှာ စခန်းချနေတဲ့ မရန်ဒါဆိုတဲ့ အမျိုးသမီးနဲ့ စကားလက်ဆုံကျနေခဲ့ပါတယ်။ အဲ့ဒီ အချိန် တစ်ဒင်္ဂလေးအတွင်းမှာပါ သူတို့ရဲ့သမီးလေးဖြစ်တဲ့ တေလာဟာ ထူးဆန်းစွာပျောက်ဆုံးသွားခဲ့တာပါ။ ပေါလ်တို့ ဇနီးမောင်နှံနှစ်ယောက် ဒါကိုသိလိုက်တဲ့အချိန်မှာ အထိတ်တလန့်ဖြစ်ပြီး ရဲကိုအကြောင်းကြားရပါတော့တယ်။ အဲ့ဒီနောက် ပေါ်လ်တို့သိရှိလိုက်ရတာကတော့ သူတို့စခန်းချနေတဲ့ အနီးက တောထဲမှာ ထောင်ပြေးတစ်ယောက် လွတ်မြောက်နေတယ်ဆိုတဲ့ သတင်းပါပဲ။ ဒီလိုနဲ့ ရဲတွေတားမြစ်ထားတဲ့ကြားက သားသမီးဇောကြောင့် သမီးဖြစ်သူကို ရှာဖွေဖို့ ကြိုးစားကြတဲ့အခါမှာတော့ ဘယ်လိုပြဿနာတွေကို ရင်ဆိုင်ရမလဲဆိုတာ ရင်တထိတ်ထိတ်ကြည့်ရှုရမှာပါ။ မထင်မှတ်တဲ့ လှည့်ကွက်တွေတစ်ခုပြီးတစ်ခုတွေ့ရမယ့် psychological thrillerကားကောင်းတစ်ကားဖြစ်လို့ လျှို့ဝှက်သည်းဖို ကြိုက်တတ်သူတွေ ကြည့်သင့်တဲ့ ဇာတ်ကားကောင်းတစ်ကား ဖြစ်ပါတယ်။ ပေါလ်အဖြစ် သရုပ်ဆောင်တဲ့ မင်းသား Thomas Janeကိုတော့ The Mist (2007) ကြည့်ဖူးသူတွေ ရင်းနှီးကြမယ် ထင်ပါတယ်ဗျ။

အခု၂၀၁၇ထွက်ဂိုဏ်းစတားကားလေးတစ်ကားဖြစ်ပါတယ်။ အမေရိကန်ပြည်ထောင်စုရဲ့၁၉၂၀ခုနှစ်နောက်ပိုင်း တန်ခိုးထွားခဲ့တဲ့လူမိုက်ဂိုဏ်းတွေကြားက ပြိုင်ဆိုင်မှုရက်စက်မှု၊ နယ်မြေချဲ့ထွင်မှု၊ တွေကိုနောက်ခံထားပြီး လူငယ်လေးတစ်ယောက်ရဲ့ ဘဝတစ်ဆစ်ချိုးပြောင်းလဲသွားပုံကိုရိုက်ကူးပြထားတာပါ။ ဇာတ်ကားနာမည်လေးအတိုင်းပဲ တကယ်ကိုဂိုဏ်းလောကထဲကိုရောက်သွားတဲ့သူတွေရဲ့အဖြစ်သနစ်တွေကိုရိုက်ကူးပြသွားပါတယ်။ ဂျက်ဟာသာမန် မိသားစုလေးတစ်ခုကနေပေါက်ဖွားလာတဲ့ သူတစ်ယောက်ဖြစ်ပြီး လက်ဝှေ့ကစားတာကိုအရမ်းကြိုက်နှစ်သက်ပါတယ်။ လက်ဝှေ့ပညာမှာပါရမီပါပြီး ေ့ရှဆက်ထွန်းတောက်လာမယ့်လမ်းတွေရှိခဲ့ပေမယ့်လည်း ကံကြမ္မာရဲ့အလှည့်အပြောင်းနဲ့ အတူ သူတို့မိသားစုလေးလည်းဘဝတစ်ဆစ်ချိုးသွားရပါတယ်။ လူငယ်ဆိုတာစိတ်ထင်ရာလုပ်မိပြီး လမ်းမှားရောက်သွား တတ်သလိုပဲ ဂျက်ဟာလည်း လက်ဝှေ့ထိုးကောင်းတဲ့သူဖြစ်တဲ့အတွက် လူမိုက်ဂိုဏ်းတစ်ခုရဲ့ပစားပေးချင်ခံရပါ တော့တယ်။ အမှားအမှန်ကိုခွဲခြားနိုင်စဉ်မှာတော့ငြင်းဆန်နိုင်ပေမယ့် တစ်ခုခုကိုရဲ့လွှမ်းမိုးမှုခံလိုက်ရချိန်မှာတော့ စိတ်ထင်ရာလုပ်ပြီး လမ်းမှားကိုတစ်ဖြေးဖြေးဝင်ရောက်သွားတဲ့နောက် ဂျက်တစ်ယောက် ရုန်းထွက်နိုင်ပါ့မလား။ အမေရိကန်ပြည်ထောင်စုက အီတလီလူမိုက်ဂိုဏ်းတွေ အိုင်းရစ်လူမိုက်ဂိုဏ်းတွေ ပါရှန်းလူမိုက်ဂိုဏ်းတွေရဲ့ နယ်မြေလုမှု ၊ စီးပွားရေးဈေးကွက်ရှာဖွေမှု ၊ တစ်ဖွဲ့နဲ့တစ်ဖွဲ့ဘယ်လိုချောက်ချလဲဆိုတာတွေကိုလည်းတွေ့ရမှာပါ။ American Gangster ဇာတ်ကားတွေကိုကြိုက် နှစ်သက်တဲ့သူတွေအတွက်တင်ဆက်ပေးလိုက်ပါတယ်.. Qty - 720P Web-Dl Genre : Action/Drama/Crime Duration : 1Hour and 22 Minutes Translator - Thura Zarni Aung Encoder - Kyaw Ye Aung

The Losers (2010) IDMb Rating (6.2) ဒီရုပ်ရှင်ကားက DC Comics ရဲ့ Vertigo အင်ပရင့်က ထွက်ရှိခဲ့တဲ့ နာမည်ကြီး ကောမစ်ကို အခြေခံပြီး ရိုက်ကူးထားတာဖြစ်ပါတယ်။ Jeffrey Dean Morgan, Idris Elba, Zoe Saldana နဲ့ Chris Evans တို့လို ဒိတ်ဒိတ်ကြဲ သရုပ်ဆောင်တွေခေါင်းဆောင်ပါဝင်ထားပြီး တစ်ကားလုံး အမိုက်စားအက်ရှင်တွေ၊ ဟာသတွေနဲ့ ခပ်စားစား ရိုက်ချက်တွေအပြည့်နဲ့မို့ ဖျော်ဖြေရေးအပြည့်အ၀ပေးနိုင်တဲ့ ဇာတ်ကားပါ။ တစ်နှစ်တည်း အတူထွက်ရှိခဲ့ပြီး ပိုပေါက်ခဲ့တဲ့ The A-Team (2010) ရဲ့အရှိန်အဝါကိုမကျော်နိုင်ခဲ့ပေမယ့် A-Team ကိုကြိုက်ရင် ဒီကားကိုလည်းကြိုက်ပါလိမ့်မယ်။ ဇာတ်လမ်းကတော့.... အမေရိကန် အထူးတပ်ဖွဲ့ရဲ့ ထိပ်တန်းအထူးကွန်မန်ဒိုအဖွဲ့တစ်ဖွဲ့ဟာ ဘိုလီးဗီးယားတောအုပ်ထဲမှာရှိတဲ့ မူးယစ်ဂိုဏ်းချုပ်တစ်ယောက်ကို ရှင်းလင်းဖို့ မစ်ရှင်နဲ့ စေလွှတ်ခြင်း ခံရပါတယ်။အဖွဲ့ခေါင်းဆောင် Clay နဲ့ အဖွဲ့ဝင်တွေဖြစ်ကြတဲ့ Roque, Jensen, Pooch, နဲ့ Cougar တို့ဟာ စစ်ဆင်ရေးအတွင်း အပြစ်မဲ့ကလေးသူငယ်တွေကို သတ်ဖြတ်ဖို့ အမိန့်ပေးခံရတဲ့အခါ ငြင်းဆန်ပြီး ကလေးတွေကို ကယ်ထုတ်ခဲ့ကြပါတယ်။ ဒါပေမဲ့ အကြမ်းဖက်အဖွဲ့ရဲ့ နောက်ကွယ်က ကြိုးကိုင်သူ Max ဆိုသူက သူတို့အဖွဲ့ကို သစ္စာဖောက်ပြီး ကလေးတွေကို တင်ဆောင်ထားတဲ့ ဟာလီကော့ပတာကို ပစ်ခွဲကာ Clay တို့အဖွဲ့ကိုပါ သေဆုံးသွားပြီလို့ ကမ္ဘာကို လိမ်ညာလိုက်ပါတယ်။အသက်ဘေးက လွတ်မြောက်ခဲ့ပေမဲ့ နိုင်ငံမဲ့၊ အထောက်အထားမဲ့ဖြစ်ပြီး ဘိုလီးဗီးယားမှာ သောင်တင်နေတဲ့ သူတို့အဖွဲ့ဆီကိုပဟေဠိဆန်တဲ့ အမျိုးသမီးငယ်တစ်ယောက်ဖြစ်တဲ့ Aisha ရောက်လာပြီး မက်စ်ကိုကလဲ့စားချေဖို့နဲ့အမေရိကန်ကို ပြန်နိုင်ဖို့ ကူညီမယ်လို့ကမ်းလှမ်းလာချိန်မှာတော့ အကြမ်းစား မစ်ရှင်တွေတစ်ခုပြီးတစ်ခုနဲ့ မဟာရန်သူတော်ကြီး မက်စ်ကို ကလဲ့စားချေဖို့ပြင်ဆင်ကြတဲ့အခါမှာတော့......။ File Size : (2.8 GB) / (1.3 GB) Quality : Blu-Ray 1080p HEVC / 720p Format…mkv/ mp4 Duration…01:37:00 Subtitle….Myanmar Subtitle (Hardsub)

မမကြီး ကင်မရွန်းဒိုင်းယက်ဇ် ရဲ့ ၂၀၀၉ခုနှစ်ကဇာတ်ကားလေးပါ။ ဒီဇာတ်ကားလေးက စာရေးဆရာမ Jodi Picoult ရေးသားတဲ့ My sister 's keeper ဆိုတဲ့ ဝတ္ထုကိုပြန်လည်ရိုက်ကူးထားတာဖြစ်ပါတယ် ဒီဇာတ်လမ်းက အပြင်မှာတကယ်ဖြစ်ပျက်ခဲ့တဲ့ မော်လီနဲ့အဒန်မ်ဆိုတဲ့ ညီအစ်မနှစ်ယောက်အကြောင်းကိုအခြေခံထားတာဖြစ်ပါတယ် ဇာတ်လမ်းလေးက ဘရိုင်ယန်နဲ့ဆာရာတို့မှာ ဂျက်စီဆိုတဲ့သားလေးရယ် ကိတ်နဲ့အန်နာဆိုတဲ့သမီးနှစ်ယောက်ရယ်ရှိပါတယ် ဒါပေမဲ့ ကိတ်ဟာငယ်စဥ်ကတည်းက သွေးဖြူဥနည်းနေပြီး သွေးကင်ဆာစဖြစ်ခဲ့ပါတယ် ကိတ်ရဲ့သွေးကင်ဆာကိုကုသရာမှု လိုအပ်တဲ့ သွေးတစ်ရှူးတို့ ချဥ်ဆီရိုးတို့ပေးဖို့ကို ကိတ်ရဲ့မျိုးဗီဇနဲ့ကိုက်ညီတဲ့ အန်နာကပဲပေးရပါတယ် ဘရိုင်ယန်နဲ့ဆာရာဟာ ကိတ်နဲ့ကိုက်ညီမှုမရှိတာကြောင့် ကိတ်အတွက်ကိုယ်တွင်းအင်္ဂါလှူနိုင်မယ့်သူရှိအောင် အန်နာကိုထပ်မွေးခဲ့တာပါ အန်နာတစ်ယောက် မွေးကင်းစကတည်းကနေသူ့အစ်မအတွက် လှူပေးခဲ့ရတယ် နောက်တော့ ကျောက်ကပ်လှူရမယ်လုပ်တော့ သူမလှူချင်​တော့ပါဘူး ဒါကြောင့် သူမဟာ ဆေးကုသမှုနဲ့ပက်သက်ပြီး မိဘတွေရဲ့ထိန်းချုပ်မှုအောက်ကနေလွတ်မြောက်ဖို့အတွက် ရှေ့နေငှားပြီးတရားစွဲပါ​တော့တယ် ဒီဇာတ်ကားလေးမှာဆိုရင် အစ်မကိုအရေးပေးဂရုစိုက်လွန်းတဲ့မိဘတွေအကြားမှာအန်နာလေးရဲ့စိတ်ခံစားမှုတွေ ကိတ်ရဲ့ရောဂါခံစားနေရမှု အမေဖြစ်သူဆာရာရဲ့သမီးဇောနဲ့အတ္တကြီးမှုတွေကိုကြည့်ရှုရမှာပါ ဒီဇာတ်ကားလေးဟာ အဆုံးထိကြည့်ပြီးသွားပြီဆိုရင်တော့ စိတ်ထဲမှာတစ်ခုခုတော့ကျန်နေစေမယ့် ကားကောင်းလေးပါ။ File size…(1.5 GB)/(750 Mb) Quality….Webrip 1080p / 720p Format…mp4 Duration….01:49:00 Genre...Drama, Family Subtitle….Myanmar Subtitle (Hardsub) Encoder….Garfield Translated by Rubyjane

Imdb rating - 6/10 Award - 1 nomination ဒီကားလေးကတော့ 1836ခုနှစ်မှာဖြစ်ခဲ့တဲ့ တက္ကဆက်ပြည်လွတ်လပ်ရေးမှာအရေးပါခဲ့တဲ့ အမေရိကန်သမိုင်း၀င်စစ်ပွဲတစ်ခုအကြောင်းရိုက်ထားတာပါ။ အမေရိကန်တက္ကဆက်ပြည်နဲ့ မက္ကဆီကန်နယ်ကြားက သာသနာပြုနေရာ ချာ့ခ်ျကျောင်းတစ်ခုဖြစ်တဲ့ အလာမိုခံတပ်‌ကို တက္ကဆက်သားတွေဖြစ်ကြတဲ့ ဂျင်မ်ဘိုဝီနဲ့ ဒေဗီခရော့ကတ် ကာနယ်ထရာဗစ်တို့ မက္ကဆီကန်အာဏာရှင်ဆန်တာအန်နာရဲ့သိမ်းပိုက်မှုကနေ ကာကွယ်တဲ့သမိုင်း၀င်ဖြစ်ရပ်ကို စိတ်၀င်စားစရာကြည့်ရမှာပါ။ reviewတွေအရတော့ သမိုင်းအချက်အလက်တွေကို မှန်မှန်ကန်ကန်‌ဖော်ပြထားတယ်လို့လဲဆိုပါတယ်။ အားလုံးပဲကြည့်ရှုခံစားလိုက်ကြပါဦး။ File size…(1.1 GB) Quality….Webrip  720p Format…mp4 Duration….02:17:00 Genre... Drama,  History, War Subtitle….Myanmar Subtitle (Hardsub) Encoder….Mr. Anderson Translated by Soe Thiri Nwe

Narc ဇာတ်ကားဟာ 2002 မှာထွက်ရှိထားတဲ့ Thriller/Crime အမျိုးအစား ဖြစ်ပါတယ်။ IMDb7.1 ရရှိထားပြီး Rotten tomatoes 84% ရထားတဲ့ ဇာတ်လမ်းကောင်းတစ်ပုဒ်ပဲဖြစ်ပါတယ်။ ဇာတ်လမ်းအကျဉ်းကတော့ တာဝန်ကရပ်‌ဆိုင်းခံထားရတဲ့ ရဲအရာရှိ နက်ခ် တဲလစ်ကို ရဲတစ်ယောက်အသတ်ခံရတဲ့အမှုကို ပြန်လိုက်ဖို့ တာဝန်ပေးလိုက်ကြပါတယ်။ သူရဲ့တွဲဖက်ပါတနာကတော့ ဟင်နရီအုက်ခ် ဖြစ်ပြီး ဆုံးသွားတဲ့ရဲအရာရှိရဲ့ တွဲဖက်ဟောင်းတစ်ယောက်လည်းဖြစ်ပါတယ်။ ဟင်နရီအုက်ခ်ဟာ သူ့ရဲ့သူငယ်ချင်းဆုံးသွားတဲ့အပေါ် လက်‌စားပြန်ချေနိုင်ဖို့ ဘာမဆိုလုပ်ဝံ့သူပါ။ ဒါကြောင့် crime ဇာတ်ကားကြိုက်တဲ့သူတွေအဖို့ တဲလစ်နဲ့အုက်ခ် တို့ လူသတ်မှုနောက်ကွယ်က လျှို့ဝှက်ချက်တွေကို ဘယ်လိုဖော်ထုတ်ကြမယ်၊ အဖြေရှာကြမယ်ဆိုတာကို စိတ်ဝင်တစားကြည့်ရှုရမှာဖြစ်ပါတယ်။ File size… 2.51 GB / 1.05GB Quality… BluRay 1080p / 720p Format… mp4 Duration…. 1h 45m Genre ..... Crime /Thriller Subtitle…. Myanmar Subtitle (Hard Sub) Encoder…. Thit San Khant Translated by Paing Zay Phyo

ဒီဇာတ်လမ်း လေးက တော့ 2000 ခုနှစ် ရှေ့ပိုင်းက ထွက်ခဲ့တဲ့ ဇာတ်ကား လေး တစ်ကား ဖြစ်ပါတယ် supporting actor ဆု နှစ်ခုနဲ့ Nomination (4) ခု ရရှိထားတဲ့ ဇာတ်ကားလည်း ဖြစ်ပါတယ် ဇာတ်ကား အကျဉ်းလေးကတော့ အိမ်ထောင်ကျပြီး မပျော်ရွင်ရတဲ့ သူငယ်ချင်း အတွဲရယ် အိမ်ထောင်မကျပဲ မပျော်ရွှင်ရတဲ့ သူငယ်ချင်း နှစ်ယောက် အတွဲရယ် ဘယ်လို အဆင် ‌‌‌‌‌‌‌‌‌‌‌‌‌‌‌‌‌‌‌‌‌‌မပြေမှုတွေကို ကြုံတွေ့ပြီးတော့ နောက်ဆုံးမှာ ကော အဆင်ပြေသွားပါ့မလား ဆိုတာ ဇာတ်လမ်းထဲမှာ ကြည့်ရှု့လိုက်ပါခင်ဗျ (ရိုင်းစိုင်းသော အသုံးအနှုန်း များ ပါရှိပါသဖြင့် 18+ အထက်များသာ ကြည့်ရှု့သင့်ကြောင်း အကြံပြုလိုပါတယ် ခင်ဗျာ) File size…(1.3 GB)/(709 MB) Quality….Webrip HEVC 1080p / 720p Format…mp4/ mkv Duration….01:48:00 Genre...Drama, Comedy  Subtitle….Myanmar Subtitle (Hardsub) Encoder….Swan Min Htet Translated by Ko Dee

နယူးယောက်မြို့က ရွှေ့ပြောင်းလုပ်သားတွေ နေထိုင်ရာ Hell's Kitchen ဆင်းရဲသားရပ်ကွက်မှာ သူငယ်ချင်းလေးယောက် ကြီးပြင်းလာကြပါတယ်။ ရပ်ကွက်ထဲမှာ ဆော့ကစား၊ ဘုရားကျောင်းတက်ပြီး အားရင် ဘုန်းတော်ကြီးအကူအဖြစ် ဝင်လုပ်ပေးကြတယ်။ ပိုက်ဆံရနိုင်တဲ့အခါ နာရေးတွေမှာလည်း ဝင်ကူကြပါတယ်။ ဆင်းရဲပေမယ့် ရှိတာလေးနဲ့ ပျော်ပျော်နေတတ်ကြပြီး သူငယ်ချင်းချင်း အလှည့်ကျ နောက်ပြောင်ကျီစယ်လေ့လည်း ရှိကြတယ်။ တစ်ခါမှာတော့ သူတို့အဖွဲ့လိုက် နောက်ပြောင်လိုက်တာကြောင့် မရည်ရွယ်ဘဲ လူတစ်ယောက် ပြင်းပြင်းထန်ထန် ဒဏ်ရာရသွားပါတယ်။ လေးယောက်လုံး လူငယ်ထိန်းသိမ်းရေးစခန်းကို အပို့ခံလိုက်ရပြီး အဲဒီမှာ အစောင့်တွေရဲ့ ညှဉ်းပန်းနှိပ်စက်မှုနဲ့ လိင်ပိုင်းဆိုင်ရာ အမြတ်ထုတ်မှုတွေကို ခံစားကြရတယ်။ စိတ်ရောကိုယ်ပါ ရခဲ့တဲ့ဒဏ်ရာတွေက သူတို့ကို နှစ်ရှည်လများ ခြောက်လှန့်နေပြီး ညဘက် မီးပိတ်အိပ်ဖို့တောင် မရဲကြတော့ပါဘူး။ နောက် ၁၃ နှစ်ကြာတဲ့အခါမှာတော့ သူတို့အတွက် လက်စားချေဖို့ အခွင့်အရေးတစ်ခု ပေါ်လာပါတယ်။ Robert De Niro၊ Kevin Bacon နဲ့ Brad Pitt တို့ အဓိကပါဝင်ထားပြီး Lorenzo Carcaterra ရဲ့ အရောင်းရဝတ္ထုကို အခြေခံထားပါတယ်။ စာအုပ်ထွက်စဉ်ကတည်းက ဇာတ်လမ်းဟာ အဖြစ်မှန်ဟုတ်မဟုတ် ဝေဖန်သူတွေနဲ့ သတင်းရေးသူတွေကြား အငြင်းပွားခဲ့ပြီး ရုပ်ရှင်ဖြစ်လာချိန်မှာလည်း ဆက်လက်ဂယက်ရိုက်ခဲ့တယ်။ စာရေးဆရာက အဖြစ်မှန်လို့ အတည်ပြုခဲ့ဖူးပေမယ့် သက်ဆိုင်ရာအဖွဲ့အစည်းတွေကတော့ ဒီလိုဖြစ်ရပ်မျိုး မရှိခဲ့ဘူးလို့ ငြင်းဆိုထားပါတယ်။

CM Fan တွေအတွက် တိပ်ခွေခေတ်က ကြည့်ခဲ့ရဖူးတဲ့ Old But Gold စစ်ကား တစ်ကား တင်ဆက်ပေးလိုက်ပါတယ် သမိုင်းကြောင်းအရ အာဖကန်အစိုးရသည် မူဂျာဟစ် သူပုန်တွေကို တိုက်ထုတ်ဖို့ရန် အင်အားမရှိချိန် ဆိုဗီယက်တို့က ကွန်မြူနစ် ကမ္ဘာကြီးတည်ထောင်ရန်ကြိုးပမ်းချိန် အာဖကန်အား ကွန်မြူနစ်အတွင်းသွတ်သွင်းရန်ကြိုးပမ်းပြီး အာဖကန်အစိုးရဘက်မှ မူဂျာဟစ် သူပုန်တွေကို ကူညီတိုက်ခိုက်ပေးခဲ့ရာ နောက်ပိုင်းပြောက်ကျားစစ်ကို အလူးလဲခံရလာပြီး ရွာအလိုက်ရှင်းလင်းရေးတွေလုပ်ဆောင်လာခဲ့ရာ beast ခေါ် သားရဲတင့်ကားကြီးအား မူဂျာဟစ်တို့မှ တိုက်ခိုက်ရန်ကြိုးပမ်းလာရာ သားရဲကြီးပဲ နှိမ်နင်းခံရမလား မူဂျာဟစ်တို့ဘဲ အနိုင်ရမလား အာဖကန်နစ်စတန် ပြည်သူတွေက အများထင်နေကြသလို အရိုင်းအစိုင်းတွေလား သူတို့ရဲ့ ယဉ်ကျေးမှုတွေ အကျင့်စရိုက်တွေ ရုရှားတို့ရဲ့ နိုင်ငံချစ်စိတ်တွေ ကိုယ့်နိုင်ငံကို ကာကွယ်ခြင်းမဟုတ်ဘဲ သူတပါးနိုင်ငံအား ကျုးကျော်စစ်တိုက်ရာ ကြုံတွေ့ပုံများ စစ်မြေပြင်မှာ ဖြစ်တတ်သည့် စစ်ရာဇဝတ်မှုများ စတဲ့ အရာများအားလုံးကို စိတ်ဝင်တစားကြည့်ရှုရမည့် ဇာတ်လမ်းကောင်းတစ်ပုဒ်ဖြစ်ပါတယ် Quality - 1080P & 720P Webrip Subtitle - Burmese Duration - 1h 51min Format - MP4 File Size - 1.33 GB & 785.4 MB Encoder - Thit San Khant Translator - Sai Thrain Lynn

The Lost Boys (1987) သွေးစုပ်ဖုတ်ကောင်ဇာတ်လမ်းတွေကို ခေတ်သစ် Rock & Roll စတိုင်နဲ့ ပေါင်းစပ်ပြီး အသစ်တစ်ဖန် အသက်သွင်းခဲ့တဲ့ ၈၀ ပြည့်လွန်နှစ်တွေရဲ့ အထင်ကရအဖြစ်ဆုံးနဲ့ လူကြိုက်အများဆုံး Horror-Comedy ကားဖြစ်ပါတယ် ဇာတ်လမ်းကတော့ မိခင်ဖြစ်သူနဲ့အတူ ကယ်လီဖိုးနီးယားက "Santa Carla" ဆိုတဲ့ ကမ်းခြေမြို့လေးကို ပြောင်းရွှေ့လာကြတဲ့ ညီအစ်ကိုနှစ်ဦးဖြစ်သူ Michael နဲ့ Sam တို့အကြောင်းပါ။ အဲဒီမြို့လေးဟာ ပျော်ပွဲစားထွက်သူတွေနဲ့ စည်ကားနေပေမဲ့ တကယ့်လက်တွေ့မှာတော့ လူပျောက်ဆုံးမှုတွေ အလွန်များပြားတဲ့ မြို့တစ်မြို့ ဖြစ်နေပါတယ်။ အစ်ကိုဖြစ်သူ Michael က မြို့က ဆိုးသွမ်းလူငယ်ဂိုဏ်းခေါင်းဆောင် David နဲ့ ပတ်သက်မိပြီး တဖြည်းဖြည်းနဲ့ သွေးစုပ်ဖုတ်ကောင်တစ်ယောက်အဖြစ် ပြောင်းလဲလာတဲ့အခါမှာတော့... ညီဖြစ်သူ Sam က သူ့အစ်ကိုကို ကယ်တင်ဖို့အတွက် "Vampire Hunters" လို့ ကိုယ့်ကိုယ်ကိုယ် သတ်မှတ်ထားတဲ့ သူငယ်ချင်းနှစ်ယောက်နဲ့ ပူးပေါင်းပြီး ဒီသွေးစုပ်ဖုတ်ကောင်ဂိုဏ်းကို ဘယ်လိုနှိမ်နင်းမလဲဆိုတာ ရိုက်ပြထားပါတယ်။