Javier Botet ပါဝင်သော ဇာတ်ကားများ

Pizza Movies (2026) ဒီကားကတော့ ဒါရိုက်တာ Carlo Padial ရိုက်ကူးထားပြီး ၂၀၂၆ မှာ ထွက်ရှိခဲ့တဲ့ စပိန်ဟာသရုပ်ရှင်ပဲ ဖြစ်ပါတယ်။ ဒီကားလေးက ရုပ်ရှင်ဝေဖန်ရေးနဲ့မီဒီယာလောကထဲမှာ ရုန်းကန်နေရတဲ့ ဇနီးမောင်နှံနှစ်ဦးအကြောင်းကို ရိုက်ကူးထားတဲ့ စပိန် Romantic Comedy / Surreal Comedy ကားလေးပါ။ သတင်းစာဆရာနဲ့ရုပ်ရှင်ဝေဖန်ရေးအလုပ်ရဲ့ မရေရာမှုတွေကြောင့် ပင်ပန်းနွမ်းနယ်နေတဲ့ Thais (Judit Martín) ဟာ အလုပ်ကထွက်ပြီး ရုပ်ရှင်ပုံစံ Cinema-themed Pizzeria (ပီဇာဆိုင်) တစ်ခုကို ခင်ပွန်းဖြစ်သူ Alan (Berto Romero) နဲ့အတူ စတင်တည်ထောင်ဖို့ ဆုံးဖြတ်လိုက်ပါတယ်။ သူတို့ရောင်းတဲ့ပီဇာတွေပေါ်မှာ Mortadella အသား၊ ဒိန်ခဲနဲ့သံလွင်သီးတွေကို အသုံးပြုပြီး နာမည်ကြီးရုပ်ရှင်သရုပ်ဆောင်တွေနဲ့ ရုပ်ရှင်ဇာတ်ဝင်ခန်းပုံစံတွေကို ပန်းချီကားတစ်ချပ်လို ပုံဖော်ပေးထားတာပါ။ ဆိုင်မှာ ပီဇာလိုက်ပို့ပေးရတဲ့ Delivery သမားတွေကလည်း မီဒီယာလောကမှာ အလုပ်လက်မဲ့ဖြစ်နေပြီး ဆီးချိုရောဂါရှိကြတဲ့ရုပ်ရှင်ဝေဖန်ရေးဆရာတွေပဲ ဖြစ်ပါတယ်။ ၁၉၄၀ ပြည့်လွန်နှစ်တွေက Screwball Comedy တွေလို မြန်ဆန်သွက်လက်တဲ့စကားပြောစတိုင်လ်၊ တလွဲဖြစ်ရပ်ဆန်းတွေနဲ့ စပိန် "Post-humor" ဟာသစတိုင်လ်ကို ပေါင်းစပ်ရိုက်ကူးထားပါတယ်။ ဇာတ်လမ်းထဲမှာ သူတို့ရဲ့ ပီဇာစီးပွားရေးကြောင့် တရားရုံးမှာ ရှုပ်ရှုပ်ထွေးထွေးရင်ဆိုင်ရတဲ့တလွဲဇာတ်ဝင်ခန်းကလည်း တကယ့်ကို ရယ်ရမယ့် Highlight တစ်ခုပါပဲ။ File Size - 1.6 GB/ 502 MB Quality - WEB-DL 1080p/ 720p Duration - 1h 27m Format - mp4 Genre - Comedy, Drama, Romance Subtitle - Myanmar Subtitle (Hard Sub)

Do Not Enter (2026) ဘတ်ဂျက်နည်းနည်းပဲ သုံးပြီး အမြတ်အစွန်းပြန်ရတဲ့ ဟော်ရာတွေထဲက တစ်ကားဖြစ်ပြီး ပရိသတ်အကြိုက်တွေ့သလို ဝေဖန်ရေးဆရာတွေလည်း သဘောကျကြတဲ့ ဇာတ်ကားပါ။ ဟိုတယ်ထဲမှာရင်ဆိုင်ရတဲ့ အရာက 'ဘာ' မှန်းသိမနေတာကိုက ရင်ဖိုစရာ စိတ်ဝင်စားစရာကောင်းနေပြီး အစပိုင်းအထနှေးပေမယ့် ကြမ်းပြီဆိုကတည်းက မနားတမ်း ဆက်တိုက်ကြမ်းပါတယ်။ ဇာတ်လမ်းအကျဉ်း ဒိုင်ယန်းတို့ သူငယ်ချင်းတစ်စုဟာ ထူးခြားဆန်းကြယ်တဲ့နေရာတွေကို လေ့လာဗီဒီယိုရိုက်ကူးတင်ဆက်နေတဲ့ အဖွဲ့တစ်ဖွဲ့ပါ။ ဘယ်လောက်ပဲကြိုးစားကြိုးစား ပရိသတ်များမလာတဲ့ အခြေအနေမှာ လူကြည့်များလာအောင် ဘယ်လိုလုပ်ရမလဲ အကြံထုတ်ရင်း စွန့်ပစ်ဟိုတယ်ကြီးတစ်ခုကို ရွေးချယ်လိုက်ကြပါတယ်။ အဲ့ဒီဟိုတယ်ကြီးဟာ တစ်ချိန်က ဂန်းစတားတစ်ယောက်ပိုင်ဆိုင်ခဲ့ပြီး အဲ့ဒီထဲမှာဒေါ်လာ သန်းရာချီဝှက်ထားခဲ့တယ်လို့သတင်းထွက်နေတဲ့အပြင် အဲ့ဒီငွေတွေကိုရှာဖို့ ဟိုတယ်ထဲကိုဝင်သွားတဲ့သူတွေဟာလည်း အစအနမတွေ့အောင်ပျောက်ဆုံးသွားတတ်တယ်လို့ ကောလဟာလတွေရှိပါတယ်။ ဒါတွေအားလုံးကို ခပ်ပေါ့ပေါပဲ သဘောထားပြီး ဝင်သွားခဲ့တဲ့ သူတို့အဖွဲ့ဟာ ဟိုတယ်ထဲမှာတော့ ကောလဟာလတွေအတိုင်း မယုံနိုင်စရာကောင်းလောက်အောင် ကြောက်မက်ဖွယ်အန္တရာယ် ပေါင်းစုံနဲ့ရင်ဆိုင်ရပါတော့တယ်။ File size… (2.7 GB) / (1 GB) / (580 MB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Horror Duration…. 01:31:00 Subtitle…. Myanmar Subtitle (Hardsub)

The Last Voyage of the Demeter (2023) IMDb Rating - 6.4/10 ရှေးခေတ် ဟော်ရာရုပ်ရှင်ကောင်းကောင်းတစ်ခုလာပါပြီ။ တကယ်တော့ ဒရက်ကူလာ ဇာတ်ကြောင်းတွေကို စိတ်ဝင်စားတဲ့သူဆိုရင်နာမည်ကြားတာနဲ့ မှတ်မိမှာပါပဲ။ ကမ္ဘာကျော် ဒရက်ကူလာဝတ္ထုကြီးထဲမှာပါတဲ့ ဒမီတာဆိုတဲ့ လှေပါပဲ။ ရုပ်ရှင်နာမည်အတိုင်းပဲ ဒမီတာရဲ့ နောက်ဆုံးပင်လယ်ခရီးရှည် အကြောင်းပါပဲ။ ဒါရိုက်တာကတော့ André Øvredal ပါ။ သူက လူကြိုက် များခဲ့တဲ့ The Autopsy of Jane Doe နဲ့ Troll Hunter ကို ရိုက်ခဲ့တဲ့သူပါ။ အခုလည်း The Autopsy of Jane Doe စတိုင်ပဲ ဘယ်ကိုမှ ပြေးလို့လွှားလို့ မရတဲ့ အလုံပိတ်နေရာတစ်ခုထဲက မိစ္ဆာတစ်ကောင်ကို ဇာတ်လမ်းတည်ပြီး ရိုက်ကူးထားတာပါ။ မာလိမ်မှူး အဲလိယက်အဖြစ် Game of Thrones ထဲက ဆာဒါးဗို့စ်ဖြစ်တဲ့ Liam Cunningham က သရုပ်ဆောင်ထားပြီး၊ အန်နာအဖြစ် Game of Thrones ထဲမှာ လာယာနာစတာ့ခ်ဖြစ်တဲ့ Aisling Franciosi က သရုပ်ဆောင်ထားပါတယ်။ (ဒီဇတ်လမ်းနဲ့ ဆင်တူတဲ့ စီးရီးတစ်ခုလည်းရှိပါတယ်။ အက်မင်အကြိုက်ဆုံးစီးရီးတွေထဲက တစ်ခုပါပဲ၊ Dracula (2020) ဖြစ်ပြီး အပိုင်း ၃ ပိုင်းပဲရှိပါတယ်။ CM မှာ ကြည့်လို့ရပါတယ်)။ ဇာတ်လမ်းအကျဉ်း ဒမီတာဆိုတဲ့လှေရဲ့ မာလိမ်မှူး အဲလိယက်ဟာ သူ့ရဲ့အနား မယူခင် နောက်ဆုံးခရီးစဉ်အဖြစ် ငွေမြိုးမြိုးမြက်မြက်ရတဲ့ သီးသန့်အလုပ်တစ်ခု ကိုလက်ခံလိုက်ပါတယ်။ ဒါကတော့ ရိုမေးနီးယားက သေတ္တာအလုံး ၅၀ ကို အင်္ဂ လန်ကိုပို့ပေးဖို့ပါပဲ။ အဲဒီခရီးစဉ်အတွက် လက်ကျန်လှေထိုးသားတွေနဲ့မလောက်လို့ လှေထိုးသားအသစ်အဖြစ် ကလယ်မန်ဆိုတဲ့ လူမည်းဆရာဝန်တစ်ယောက်ကိုပါ ခေါ်လာခဲ့ပါတယ်။ အဲဒီလှေခရီးစဉ်တလျှောက် ထူးဆန်းတာတွေ ကြောက်စရာ တွေဖြစ်ပြီး လူတွေတစ်ယောက်ပြီးတစ်ယောက် သေဆုံးလာတဲ့အခါ.... (ဒီဇာတ်လမ်းရဲ့အညွှန်းနဲ့ ဘာသာပြန်ရေးသားပေးသူကတော့ Mr.Anderson ဖြစ်ပါတယ်) File Size..........(2.76 GB) / (1.34 GB) / (600 MB) Quality............WEB-DL 4K / 1080p / 720p Duration.........1Hr 58Min Subtitle...........Myanmar Hardsub Format............MP4 Genre..............Fantasy, Horror Translator......Mr.Anderson Encoder..........SWM

ဟော်ရာရုပ်ရှင်အသစ်လေးတစ်ခု တင်ဆက်ပေးလိုက်ပါတယ်။ အာဖရိက ကနေ အသက်စွန့်ပြီး အင်ဂလန်ကို ကူးလာတဲ့ မိသားစုတစ်စုဟာ လမ်းခရီးမှာ ရေနှစ်ပြီး သူတို့သမီးလေးကို အသေခံခဲ့လိုက်ရပါတယ်။ ဒုက္ခသည်တွေအဖြစ် နိုင်ငံရေးခိုလှုံသူ ကာလမှာ အစိုးရက ချပေးတဲ့ အိမ်ဟောင်းတစ်ခုမှာ လင်မယားနှစ်ယောက် ဘဝသစ်ပြန်စဖို့ ကြိုးစားပေမယ့် တမလွန်ကသမီးရဲ့ အသံနဲ့အတူ မကောင်းဆိုးဝါးတစ်ကောင်က ဆက်တိုက် နှောက်ယှက်လာတဲ့အခါ.... File Size -  1 gb Quality - web-dl 1080p Subtitle - burmese Translator - Little Neo Encoder - Thit San Khant

Don’t Listen (2020) ခင်ဗျားတို့ တမလွန်ဘဝရှိတယ်ဆိုတာ ယုံလား တခါတလေကျရင် ဘယ်ကမှန်းမသိတဲ့အသံတွေက ကိုယ့်ကိုတစ်ခုခုပြောနေတာမျိုး လုပ်ခိုင်းတာမျိုးရော ကြုံဖူးကြလား အီရစ်ဆိုတဲ့ကောင်လေးက သူတို့ပြောင်းလာတဲ့ရှေးဟောင်းအိမ်ကြီးထဲမှာ ဘယ်ကမှန်းမသိတဲ့အသံတွေကို ကြားနေရတဲ့ကောင်လေးပေါ့ မိဘတွေက ဆရာဝန်နဲ့ပြပေးပြီး ကလေးဆိုတော့ စိတ်ကူးယဉ်ပြီးကြားနေရတဲ့အသံတွေလို့ပဲ လက်ခံခဲ့ကြတယ် ဒီကြားထဲမှာလည်း ထူးဆန်းတာတွေဖြစ်ခဲ့ပေမယ့် ပေါ့ပေါ့တန်တန်ပဲ သဘောထားခဲ့ကြတဲ့မိဘတွေဆီမှာ ရင်နင့်ဖွယ်ဖြစ်ရပ်ကြီးတစ်ခု ကြုံလိုက်ရတဲ့အခါ.... အဲ့ဒီဖြစ်ရပ်ပြီးတော့ ဖခင်ဖြစ်သူဟာ အမှတ်တမဲ့ကြားလိုက်ရတဲ့ အသံကနေတစ်ဆင့် Electronic voice phenomenon ဆိုတဲ့ သဘာဝလွန်အသံတွေကိုလေ့လာနေတဲ့ ပါမောက္ခဂျာမန်ဆီကို ဆက်သွယ်ပါတော့တယ် အသံတွေနောက်ကို လိုက်ရင်းနဲ့ မတော်တဆမှုတွေ ဆက်တိုက်ဖြစ်ပြီးတဲ့နောက် အကြောင်းအရင်းကို ဖော်ထုတ်လိုက်ကြတဲ့အခါ... ကြောက်စရာကောင်းတဲ့အိမ်ထဲကနေ သူတို့လွတ်လမ်းရှိပါ့မလား... Plot တွေက ရိုးရှင်းပေမယ့် Horror ဇာတ်ကားကောင်းနှစ်သက်တဲ့သူတွေအဖို့တော့ အကြိုက်တွေ့စေမှာပါ R-rated movie မဟုတ်ပေမယ့် တချို့သော Scene တွေက R-rated နီးနီးကြမ်းတာကြောင့် ကလေးသူငယ်များ ကြည့်ရှူရန်မသင့်ပါခင်ဗျာ ။ ( အညွှန်းရေးသားထားသူကတော့ Amelia ပါ ) Quality__1080p , 720p IMDb Rating__6.1/10 Format__mp4 Duration__01:35:00 Type__Drama , Horror , Mystery Subtitle__Myanmar Subtitle (Hardsub) Translated by Amelia Encoded by Naing Aung Latt

မကြာသေးခင်ကမှ ရုံတင်သွားတဲ့ Horror ကား ကောင်းကောင်းလေးပါဗျ။ ဇာတ်လမ်းတွေက နာကျင်စေတယ်။ ဇာတ်လမ်းတွေက အနာကျက်စေတယ်။ ဇာတ်လမ်းတွေက ကျွန်တော်တို့ ဘယ်သူဘယ်ဝါရယ် လို့ ပုံဖော်ပေးတယ်။ ခင်ဗျားတို့ရော ကိုယ်ရဲ့ ရှေ့ဖြစ်ဇာတ်လမ်းကို ကြိုသိရပါမယ် ဆိုပါစို့။ ​အကောင်းတွေတော့ မဟုတ်ဘူးနော်။ အဆိုးတွေ..... ကံကြမ္မာဆိုးတွေ ဇာတ်လမ်းကတော့ ဒီလိုပါ။ ဟောလိုဝင်းနေ့မှာ ကလေးတစ်သိုက်က သရဲခြောက်တဲ့အိမ်ကြီးတစ်အိမ်ကို ရောက်သွားတယ်။ အဲဒီအိမ်မှာ ဒဏ္ဍာရီတစ်ခု ရှိတယ်။ အဲဒီအိမ်က အမျိုးသမီးရဲ့ဇာတ်လမ်းကို နားထောင်ပြီးတဲ့ကလေးတိုင်း ပျောက်ဆုံးသွားလေ့ ရှိတယ်။ မမျှော်လင့်ဘဲ အဲဒီအမျိုးသမီးကြီးရဲ့ ဇာတ်လမ်းတွေ ရေးထားတဲ့ စာအုပ်ကို ရခဲ့တယ်။ စာအုပ်ထဲမှာ ဇာတ်လမ်းတွေ အလိုလိုပေါ်လာခဲ့တယ်။ ပေါ်လာခဲ့တဲ့ ဇာတ်လမ်းတွေကလည်း တကယ်ဖြစ်လာခဲ့တယ်။ အဲဒီကံကြမ္မာဆိုးကို သူတို့ ဘယ်လို ရှောင်လွှဲကြမလဲ????? ရှောင်လွှဲဖို့ရော ဖြစ်နိုင်ပါ့မလား????? စာအုပ်ကရော ဘာရာဇဝင်တွေ ရှိနေတာလဲ????? ဇာတ်လမ်းက ကြောက်ဖို့ကောင်းသလို တော်တော်လေးလည်း စိတ်ဝင်စားစရာကောင်းပါတယ်။

IT ပထမရုပ်ရှင်မှာ ပန်နီဝိုက်စ် ကို Loser club က အနိုင်ယူခဲ့ပါပြီ။ ဒါပေမယ့် အဲဒီအရာက တကယ်သေသွားတာ မဟုတ်ခဲ့ပါဘူး။ ဒီလိုသာ မသေခဲ့ရင် ၂၇နှစ်အကြာမှာ ပြန်ပေါ်လာမှာကို တွေးမိတဲ့ဘေလ်တို့အဖွဲ့ဟာ ၂၇ နှစ်ကြာလို့ အဲဒါ ပြန်ပေါ်လာရင်ပြန်စုပေါင်းပြီး တိုက်ခိုက်ဖို့ သစ္စာပြုခဲ့ကြပါတယ်။ ၂၇ နှစ် အကြာကာလရဲ့ ဇာတ်လမ်းဖြစ်တာကြောင့်ဒီဇာတ်ကားရဲ့ ဇာတ်လိုက်တွေကအသက်၃၀ ကျော်လူကြီးတွေ ဖြစ်နေပါလိမ့်မယ်။ ဒါပေမယ့် သူတိုကိုယ်စားပြုတဲ့ ကလေးကာရိုက်တာတွေကိုအကောင်းဆုံးပုံဖော်ပြထားတာကြောင်း အရမ်းကိုကြည့်ကောင်းနေပါလိမ့်မယ်။ ပန်နီဝိုက်စ်ကလည်း ကလေးတွေကို ခြောက်တုန်းကထက်ပိုကြမ်းလာပါလိမ့်မယ်။ ဒီတော့ အားရပါးရကြောက်ဖို့ ဘာသာပြန်ပေးလိုက်ပါတယ်။ ဘာသာပြန်သူကတော့ Littleneo ပဲဖြစ်ပါတယ်…. File Size : (2.70 GB),(1.30 GB) And (650 MB) And (4.1GB) Quality : Blu-Ray (1080p 5.1,720p,480p) / 4k BluRay HEVC AAC 5.1CH Running Time : 2hr 49min Format : Mp4 Genre : Drama, Fantasy, Horror Subtitle : Myanmar Subtitle (Hard Sub) Source : 1080p.BluRay.x264.DTS-MT Translated by Littleneo Encoded by Thanhtike Zaw & Thit San Khant

CM Fan တွေ အတွက် ကြောက်စရာ ည ကို ယူလာပါရစေ သင့်မှာ ညအိပ်မပျော်တဲ့ သူငယ်ချင်းတွေ ရှိခဲ့ရင် ဒီအောက်မှာ အရင်ဆုံး Mention ခေါ်ပေးပါ ဒီ ရုပ်ရှင်ကားက သူတို့ အတွက်ပါပဲ ကျွန်တော်တို့ မြန်မာလူမျိုးတွေမှာ အိပ်နေတုန်းဘီလူး စီးတယ် ဘာညာ ဆိုပြီး ယုံတမ်းပုံပြင်တစ်ခု ရှိတယ်မဟုတ်လား လူက အိပ်တဝက်နိုးတဝက် ဖြစ်နေတယ် မကောင်းတာ တစ်ခုခုက ဖြစ်လာတော့မယ် ဒါပေမယ့် လူက လှုပ်မရဘူး အော်မရဘူး ထွက်ပြေးမရဘူး ရုန်းမရဘူး ဒီလိုနဲ့ လွတ်မြောက်ခြင်းက အိပ်ရာက နိုးထခြင်းပါပဲ အကယ်၍ သင်အိပ်ရာက မနိုးခဲ့ရင်ရော ? ဒီဇတ်လမ်းမှာတော့ လူတစ်ချို့ ဟာ စိတ်ဝေဒနာ တစ်ခုကို ခံစားနေရပါတယ် ပထမ အဆင့်မှာ သင့်အိပ်မက်ထဲမှာ လှုပ်လို့မရဘူး ပြေးလို့မရဘူး ခန္ဓာကိုယ်က ရွေ့လျားမရဘူးလို့ အိပ်မက် မက်ပါလိမ့်မယ် ဒုတိယ အဆင့်မှာ သင့် အိပ်ရာပေါ်မှာ သင်နိုးလာပါလိမ့်မယ် ဒါပေမယ့် လှုပ်မရပါဘူး တစ်ယောက်ယောက်က တက်ခွထားသလို ဖြစ်နေပါလိမ့်မယ်... XP Phone Charger များကို  ----> ဒီနေရာ မှာ စျေးသက်သာစွာဝယ်နိုင်ပါပြီ။ အဲ့ဒီမှာ သင်ပထမဆုံး ကြိုးစားမှာက ဘေးဘီ ဝဲယာကို ကြည့်ပါမယ် အဲ့ဒီမှာပဲ တံခါးကြားကနေ ဖြစ်ဖြစ် စားပွဲခုံအောက်ကနေ ဖြစ်ဖြစ် သင့်ကို ချောင်းနေတဲ့ မိန်းမ တစ်ယောက်ကိုစတွေ့ပါမယ် တတိယ အဆင့်ရောက်ခဲ့ပြီဆိုရင် သင့်အနားကို သူတစ်ဖြေးဖြေးကပ်လာပါပြီ... နောက်ဆုံးအဆင့်မှာ သင် လုပ်ရမှာက လုံးဝ မအိပ်ပါနဲ့တော့ အကယ်၍ များ သင် အိပ်ပျော်သွားခဲ့ပြီဆိုရင်တော့... အဲ့ဒီည သင် အသက်ပျောက်တဲ့ ညပါပဲ.... ဒီရုပ်ရှင်ကားကို ကျနော့် အနေနဲ့ နာမည်ပေးရရင်တော့ မအိပ်လိုက်နဲ့ ဆိုတာပါပဲ အိပ်တာနဲ့ မတွေးဝံ့စရာပါပဲ ကဲ သင်အိပ်ချင်နေပြီလား တစ်ရေးနိုးရင်လဲ ဘေးဘီ တစ်ချက် လေ့လာကြည့်အုံးနော် ဆံပင်ဖားလျား နဲ့ မိန်းမ တစ်ယောက် သင့်ကို ချောင်းနေပါလိမ့်မယ် :D ဒီရုပ်ရှင်ကားကို ဘာသာပြန်ပေးထားသူကတော့ May Thu ဖြစ်ပြီး Thit San Khant မှ တင်ဆက်ပေးထားပါတယ်

ဒီဇတ်ကားကို ကြည့်ပြီးမှ ဟိုးအရင်တုန်းက Chapter 1 & 2 ကို ကြည့်သင့်တယ် ထင်တာပဲ အဲ့ဒါမှ အဲလိစ် ရဲ့ နောက်ကြောင်းကို ဇတ်ရည်လည်မှာပါ ဒါကတော့ ပရလောကဖြင့် ချိတ်ဆက်နိုင်တဲ့ ပညာရှင် အဲလိစ် မသေဆုံးခင် ဖြေရှင်းခဲ့တဲ့ ပရလောက ဇတ်လမ်းတွေထဲက တစ်ခုဖြစ်ပြီး အဲလိစ် ဘာကြောင့် ပရလောကဖြင့် ချိတ်ဆက်နိုင်ခဲ့တယ်ဆိုတာရဲ့ ဇတ်မြစ် ဖြစ်ပြီး သူမ ရဲ့ မိခင် ကို သတ်ဖြတ်ခဲ့တဲ့ သော့လက် ပိုင်ရှင် မကောင်းဆိုးဝါး ကို ရင်ဆိုင်ဖြေရှင်းရမယ့် အခန်းလဲ ဖြစ်ပါတယ် အဲလိစ် ရဲ့ ငယ်ဘ၀ က နေထိုင်ရာ အိမ်ကြီးတွင် မကောင်းဆိုးဝါးများ ကပ်ညှိနေ၍ လက်ရှိအိမ်ပိုင်ရှင်က အကူအညီတောင်းလို့ အဲလိစ် နှင့် သူ၏ လက်ထောက် တို့ သွားရောက် ကူညီဖြစ်ရင်း ငယ်ဘ၀ နှင့် ပြန်လည် ချိတ်ဆက်မိခဲ့ရာ...... ဒီရုပ်ရှင်ကားကို ဘာသာပြန်ပေးထားသူကတော့ Tariq L Walker ဖြစ်ပြီး Thit San Khant မှ Encode ပေးထားပါတယ်

မိုးတွေတဖွဲဖွဲရွာနေတဲ့မနက်ခင်းတစ်ခုမှာ ၅နှစ်ခန့်အရွယ် ဂျော်ဂျီလေးဟာ သူ့အစ်ကိုမပါဘဲအပြင်သွားရဖို့ဖြစ်လာခဲ့တယ်... သူ့အစ်ကို ဘီလ်ကလည်းချောင်းတွေဆိုးပြီးဖျားနေခဲ့တာကိုး... အစ်ကိုမပါလို့မသွားချင်သွားချင်ဖြစ်နေတဲ့ဂျော်ဂျီလေးကို ဘီလ်က လမ်းမှာဆော့သွားဖို့စက္ကူလှေလေးလုပ်ပေးပြီး နှစ်သိမ့်လိုက်တယ်... ဂျော်ဂျီလေး အိမ်ကထွက်လာပါပြီ... မိုးကာ အင်္ကျီအဝါရောင်လေးနဲ့ပေါ့... ဂျော်ဂျီလေးသာ ပြန်မလာနိုင်တော့မယ်မှန်းကြိုသိခဲ့ရင် ဘီလ့်အနေနဲ့ဘယ်လောက်ဖျားဖျားလိုက်သွားမိမှာပဲ… ဒါပေမယ့် အနာဂတ်ကိုကြိုမသိနိုင်တော့လည်း ဘီလ့်ခမျာ ချောင်းလေးတစ်ဟွတ်ဟွတ်ဆိုးရင်း မိုးရေထဲထွက်ခွာသွားတဲ့ ဂျော်ဂျီလေးကိုလှမ်းမျှော်ကြည့်ရင်းကျန်ခဲ့ပါတယ်… လမ်းတစ်လျှောက် မိုးရေစီးကြောင်းထဲမှာ လှေလေးကို ဆော့ရင်းထွက်သွားတဲ့ဂျော်ဂျီလေးဟာ အဲ့ဒီနေ့ကအိမ် ပြန်မလာခဲ့ပါဘူး… နောက်နေ့တွေလည်း ပြန်မလာခဲ့ဘူးလို့ပြောရင် ပိုမှန်မှာပေါ့… ဘီလ်တစ်ယောက်ဟာ အချိန်တွေကြာလာပေမယ့် ဒီကိစ္စကိုသူ့အပြစ်လို ခံစားပြီး သူ့ညီလေး ပျောက်သွားနိုင်မယ့်နေရာကိုမှန်းဆပြီးမိဘတွေမသိအောင် ကြိတ်ရှာနေခဲ့တယ်… နွေကျောင်းပိတ်ရက် မစတင်ခင်တစ်နေ့မှာတော့ စိုးရိမ်တကြီးမျက်နှာနဲ့ ကြေငြာစာရွက်တွေလိုက်ကပ်နေတဲ့ အန်တီကြီးတစ်ယောက်ကိုတွေ့လိုက်ရတယ်…အလို... အခန်းထဲကကောင်မလေး ပျောက်သွားတယ်ဆိုပါလား နောက်နေ့တွေမှာလည်း လူပျောက်ကြေငြာစာရွက်တွေ တစ်ရွက်ပြီးတစ်ရွက်ပလူပြန်လာပြီ… ဒယ်ရီမြို့လေးမှာ ကလေးပျောက်တာတွေ များလာပါလား… ဘီလ်သံသယဝင်လာပါပြီ… သူ့သူငယ်ချင်းတွေအဖွဲ့(ကျောင်း မှာအမြဲအနိုင်ကျင့်ခံရတဲ့ Loserအဖွဲ့)နဲ့ စုံစမ်းလိုက်တဲ့အခါ ၂၇ နှစ်ကြာတိုင်း တစ်ဖန်ပေါ်လာတတ်တဲ့ကလေးစားလူရွှင်တော် Pennywiseအကြောင်းကို သိလာခဲ့တယ် လွန်ခဲ့တဲ့၂၇နှစ်ကလည်း တစ်မြို့လုံးပြုတ်အောင် စားခဲ့တဲ့သက်သေတွေလည်း တွေ့လာခဲ့တယ်… ဘီလ်နဲ့သူ့သူငယ်ချင်းတွေကိုယ်တိုင်ကလည်း ခြောက်လန့်မှုတွေ အမျိုးမျိုးနဲ့ကြုံလာရတဲ့အခါ… သူတို့ကိုယ်တိုင်အတွက်နဲ့ ကျန်တဲ့ကလေးတွေ အန္တရာယ်ကိုကာကွယ်ဖို့ Pennywiseကြီးရှိရာ…အိမ်ပျက်ကြီးအောက်ခြေက ရေတွင်းပျက်ကြီးဆီချီတက်လာကြတဲ့အခါမှာတော့…… ''ငါအိမ်ပြန်ရောက်တိုင်း ဂျော်ဂျီရှိမနေဘူး… သူ့ရယ်သံလေးတွေလည်းမကြားရတော့ဘူး… သူကစားနေကျ ပေါကြောင်ကြောင် ဒိုင်နိုဆောကောင်တွေကပဲ ငါ့ကိုမော့ကြည့်နေကြတယ်.. ကိုယ့်အိမ်ကိုယ်ပြန်ရတဲ့ခံစားချက်ဟာသိပ်ခြောက်ခြားစရာကောင်းတယ်… ဒါကြောင့် ဒီ pennywiseနေတဲ့အိမ်ပျက်ကြီးထဲဝင်ဖို့က ငါ့အိမ်ငါပြန်ဖို့ထက်တောင် ပိုလွယ်နေသေးတယ်''… ဒီစကားလေးကြောင့်ပဲ Itထဲမှာ ဘီလ်တစ်ယောက်ဘယ်လောက်သတ္တိရှိရှိနဲ့ Pennywiseကိုရင်ဆိုင်ခဲ့လဲဆိုတဲ့အချက်ကိုပေါ်လွင်စေခဲ့တယ်… ကဲ ပရိသတ်ကြီးရေ It ဘယ်လောက်နာမည်ကြီးတယ် Stephen Kingရေးတဲ့နာမည်ကြီးဝတ္ထုကိုရိုက်ထားတာ… ဝင်ငွေဘယ်လိုစံချိန်ချိုးခဲ့တာ ဘာညာကတော့ သိပြီးသားပါနော်… IMDb Rating ကတော့ 7.8/10 ပါ…  ကဲ မိုးအေးအေးနဲ့ ကြောက်လိုက်ကြပါဦး (ဇာတ်လမ်းအညွှန်းနဲ့ဘာသာပြန်သူကတော့ မေသဇင်မြင့်ပါ) Quality : Blu-Ray 1080P / 4k HEVC BluRay AAC 5.1CH Running Time : 2hr 15min Format : Mp4 Genre :Drama, Horror, Thriller Subtitle : Myanmar Subtitle (Hard Sub) Translated by May Thazin Myint Encoded by Thit San Khant

တွမ်ခရုဇ် အဓိကပါဝင်ထားတဲ့ The Mummy မှာ ခရူးဆိတ်စစ်ပွဲဝင် သူရဲကောင်းတစ်ဖွဲ့ဟာ အေဒီ ၁၁၂၇ ခုနှစ်က ရှေးဟောင်းအီဂျစ်နိုင်ငံဆီက ပတ္တမြားကြီးတစ်လုံးကို ရခဲ့ပြီး ဂူတစ်ခုထဲမှာ အမှတ်အသားနဲ့ မြှုပ်နှံထားခဲ့ပါတယ်။ ယနေ့ခေတ် လန်ဒန်မြို့မှာ မြေအောက်ရထားလမ်းဖောက်နေတဲ့ လုပ်သားတွေက အဲဒီသူရဲကောင်းတွေရဲ့ဂူကို တွေ့သွားတယ်။ ဂူထဲက ထူးဆန်းတဲ့အရာတွေနဲ့ အမှတ်အသားတစ်ခုကို စူးစမ်းရာကနေ ဖာရိုးဘုရင်တစ်ပါးရဲ့သမီး အာမာနက်မင်းသမီးအကြောင်း ပေါ်လာပါတယ်။ အာမာနက်ဟာ မူလက ထီးနန်းဆက်ခံရမယ့်သူဖြစ်ပေမယ့် ခမည်းတော်ရဲ့ ဒုတိယဇနီးက သားတော်မွေးလာတဲ့အခါ အဲဒီအခွင့်အရေးကို လက်လွှတ်ရမယ့်အခြေအနေ ဖြစ်သွားတယ်။ သူသာ ထီးနန်းဆက်ခံရမယ်လို့ ဆုံးဖြတ်ထားတဲ့ အာမာနက်က အီဂျစ်နတ်ဘုရား ဆက်ဆီ သူ့ဝိညာဉ်ကို ယစ်ပူဇော်ခဲ့ပါတယ်။ အဲဒီနောက် ခမည်းတော်နဲ့ မိသားစုကို သတ်ပစ်ပြီး ဆက်ကို လူသားအသွင်နဲ့ ပေါ်လာစေဖို့ သူ့ချစ်သူကိုပါ စတေးခဲ့တယ်။ ဘုန်းတော်ကြီးတွေကတော့ အာမာနက်ကို အရှင်လတ်လတ် မြှုပ်နှံပြီး ဂူပတ်လည်မှာ ပြဒါးတွေ ဝန်းရံထားခဲ့ပါတယ်။ ယနေ့ခေတ် အီရတ်နိုင်ငံမှာ အမေရိကန်စစ်တပ်အရာရှိ နစ်မော်တန်နဲ့ လုပ်ဖော်ကိုင်ဖက် ခရစ္စဗေးလ်တို့က အာမာနက်ရဲ့ဂူကို မထင်မှတ်ဘဲ ရှာတွေ့သွားတယ်။ နစ်ရဲ့ချစ်သူဟောင်း ရှေးဟောင်းသုတေသနပညာရှင် ဂျန်နီဟာလ်ဆေလည်း ရောက်လာပြီး ဂူကို စူးစမ်းခဲ့ပါတယ်။ နောက်တော့ ကာနယ်ကရင်းဝေးရဲ့ ညွှန်ကြားချက်နဲ့ အာမာနက်ရဲ့အခေါင်းကို ဆက်လေ့လာဖို့ အင်္ဂလန်ဆီ လေယာဉ်နဲ့ သယ်သွားကြတယ်။ ခရီးမှာ ဗေးလ်က အခေါင်းထဲက ပင့်ကူကိုက်ခံရပြီး မကောင်းဆိုးဝါးပူးကပ်ကာ အခေါင်းကို ဖွင့်ဖို့ ကြိုးစားလာပါတယ်။ လေယာဉ်ကိုလည်း ကျီးအုပ်ကြီး ဝင်တိုးလို့ ပျက်ကျသွားတယ်။ နစ်က ဂျန်နီကို လေထီးနဲ့ လွှတ်ပေးနိုင်ခဲ့ပေမယ့် သူကိုယ်တိုင်တော့ လေယာဉ်နဲ့အတူ ပါသွားခဲ့ပါတယ်။ အောက်စဖို့ဒ်က ရင်ခွဲရုံကို ရောက်သွားတဲ့ နစ်ဟာ နောက်တစ်နေ့မှာ အသက်ပြန်ရှင်လာတယ်။ ဗေးလ်ကလည်း အာမာနက်ရဲ့အစွမ်းကြောင့် မကောင်းဆိုးဝါးအဖြစ် ပြောင်းလဲသွားခဲ့တာပါ။ အာမာနက် လွတ်မြောက်လာပြီး သူ့အစွမ်းတွေနဲ့ ဒုက္ခပေးလာတဲ့အခါ နစ်နဲ့ ဂျန်နီတို့ သူမကို ဘယ်လိုရင်ဆိုင်ကြမလဲ၊ ပြန်ထိန်းချုပ်နိုင်ပါ့မလားဆိုတဲ့ အခြေအနေကို ရောက်လာပါတယ်။ တွမ်ခရုဇ်နဲ့အတူ အန်နာဘဲလ်ဝေါလစ်၊ ဆိုဖီယာဘိုတယ်လာ၊ ဂျိတ်ဂျွန်ဆင်နဲ့ ကော့တနီဘီဗန့်စ်တို့ ပါဝင်သရုပ်ဆောင်ထားပါတယ်။

၂၀၁၆ ခုနှစ် မတ်လ ၁၁ ရက်နေ့က ထွက်ရှိခဲ့တဲ့ဒီကားလေးကတော့ Horro/Thrill ပရိတ်သတ်တွေ အကြိုက်တွေ့မယ့်ကားလေးပါ ထွက်ထားတာတော့ကြာပြီဆိုပေမယ့် CM ထုံးစံအတိုင်း ကွာလတီကို မကြိုက်တာကြောင့် မတင်ခဲ့ပါဘူး အခုမှ Blu-ray version ထွက်လာလို့ အမြန်ဆုံးတင်ပေးလိုက်ပါတယ် ဇာတ်လမ်းအကျဉ်းလေးကတော့ မိခင်ဖြစ်သူ မာရီ ဟာ သူ့သား လူစီကို  အမှတ်မထင် မတော်တဆမှုတခုမှဆုံးရှုံးလိုက်ပါတယ် ဒါပေမဲ့ မိခင်တို့ ရဲ့ထုံးစံအတိုင်း မိမိတို့ သားဖြစ်သူကို လွမ်းဆွတ်ပြီး တမိုင်မိုင်ဖြစ်နေရာမှ စိတ်ပြေလက်ပြောက် ခရီးတစ်ခုထွက်ခဲ့ရာမှ အမှတ်မထင် ဘုရားကျော်ငးတခုမှာ သေးဆုံးပြီးသား ဝိဉာဉ်တွေကို ပြန်လည်ခေါ်ယူတွေ့ဆုံလို့ရတဲ့ သတင်းကိုကြားမိခဲ့ပါတယ် စည်းကမ်းချက်တစ်ခုအနေနဲ့က တွေ့ဆုံနေစဉ်အတွင်း လူ့လောက နှင့် ဝိဉာဉ်လောကအား ပိုင်းခြားထားသော တံခါးအား မဖွင့်ရန်သတ်မှတ်ထားသော်လည်း မိခင် ဖြစ်သူ မာရီက သားသမီးဇောနဲ့ တံခါးကိုဖွင့်လိုက်လေမလား လူစီကရော အိမ်ကို ပြန်ရောက်လာလေမလား  ဘယ်လိုတွေဖြစ်ပျက်ကြမယ်ဆိုတာကိုတော့  ဆက်လက်ဒေါင်းယူကြည့်ရှူကြပါအုံးဗျာ File size...(700MB)   Quality...BR-Rip 720p Format...mp4 Duration....01:44:24 Subtitle....Myanmar Subtitle (Hardsub) Encoder....Kyaw Ye Aung

ကာလရှည်ကြာစွာ စောင့်မျှော်နေရတဲ့ Conjuring 2 နောက်ဆုံးမှာတော့ Bluray ကွာလတီနဲ့ ထွက်လာခဲ့ပါပြီ။ သရဲကား ဘာသာပြန်နေကျသူတွေ အကြောင်းအမျိုးမျိုးကြောင့် မအားလပ်တာနဲ့ ကျွန်တော်ရဲ့ ပထမဆုံး ဘာသာပြန်ဖြစ်တဲ့ သရဲကား ဖြစ်သွားပါပြီ။ဒီဇာတ်လမ်းဟာလည်း ဖြစ်ရပ်မှန်ကို အခြေခံထားတာပဲဖြစ်ပါတယ်။ အ ကျဉ်းပြောရရင်တော့ တစ်ခုလပ် အမျိုးသမီးတစ်ဦးနဲ့ သားသမီး ၄ ယောက် ပြောင်းရွှေ့လာတဲ့ အိမ်မှာ ကြောက်စရာ ဖြစ်ရပ်တွေ စတင်လာခဲ့ပြီး လူတွေနဲ့ မီဒီယာတွေ အာရုံစိုက်မှု ရလာတဲ့အခါ ဘုရားကျောင်းရဲ့ အကူအညီတောင်းမှုအရ ၀ါရမ် လင်မယား လာရောက်စုံစမ်းရတာပါပဲ။ ဒီအမှုကိုတော့ သူတို့လင်မယားလိုက်ခဲ့တဲ့ အမှုတွေထဲက ကြောက်စရာ အဆိုးရွားဆုံးတွေထဲက တစ်ခုလို့ အပြင်မှာ ထုတ်ဖော်ပြောဆိုခဲ့ပါတယ်။ မထင်မှတ်တဲ့ လှည့်ကွက်တစ်ခုနဲ့ တန်ဆာဆင်ထားတာကိုလည်း တွေ့ရပါလိမ့်မယ်။ ဇာတ်လမ်းအဆုံးမှာလည်း တကယ့် ဖြစ်ရပ်မှန်အသံသွင်းတိပ်ခွေကို ဘာသာပြန်ထားတာလေးနားထောင်ကြည့်ဖို့ မကျန်ခဲ့ဖို့နဲ့မူရင်းဓာတ်ပုံတွေကိုလည်း တွေ့ရှိနိုင်ကြောင်း ပြောပြရင်း တင်ပေးလိုက်ပါပြီ......ရုပ်ရှင်ကားကို Little Neo မှ ဘာသာပြန်ပေးထားပြီး အညွှန်းကိုလဲ ကိုယ်တိုင်ရေးပေးထားပါတယ်။

သရဲကား (သည်းထိတ်ရင်ဖိုရုပ်ရှင်လို့ခေါ်ရင်ပိုကောင်းမလား) တွေကြည့်ရင် တည်နေရာနောက်ခံကလည်း အများကြီးစကားပြောပါတယ်။ အိပ်ခန်းထဲမှာသရဲခြောက်တာ (The Ring) ဆင်ခြေဖုံးကတိုက်ခန်းမှာသရဲခြောက်တာ (Paranormal Activities) သစ်တောထဲမှာ သရဲခြောက်တာ (Blairwitch Project) စသဖြင့်အမျိုးမျိုးပေါ့။ ခေတ်ကာလနောက်ခံကလည်း အရေးပါသေးတယ်ဗျ။ ထိတ်လန့်သည်းဖိုရုပ်ရှင်အများစုဟာ ရှေးခေတ်ကာလတွေမှာဇာတ်အိမ်တည်လေလေ ပိုကြောက်ဖို့ကောင်းလေပဲ။ အဲ့ဒီထဲမှာမှ ၁၉ရာစုနှောင်းပိုင်းကနေ ၂၀ရာစုအစောပိုင်း ဝန်းကျင်မှာဇာတ်အိမ်တည်ရင် ကြည့်ရတာအရသာအရှိဆုံးပဲ။ နောက်ဆုံးကြည့်ဖြစ်တဲ့ The Woman in Black လို ဂေါ့သစ်ဆန်ဆန်ဇာတ်လမ်းမျိုးတွေပေါ့။ အဲ့ဒီခေတ်ကာလ အင်္ဂလန်နိုင်ငံရဲ့ အခြေအနေ၊ အမြဲတမ်းမှုန်မှိုင်းအေးစက်နေတတ်တဲ့ ကျေးလက်ပိုင်းရာသီဥတု၊ ဇာတ်ကောင်တွေဝတ်တဲ့အဝတ်အစားကအစ ထိတ်လန့်သည်းဖိုဇာတ်လမ်းကို ပိုအရသာရှိစေတယ်၊ အနောက်တိုင်းသားတွေရဲ့ အေးတိအေးစက်မျက်နှာထားတွေကြောင့် ရုပ်ရှင်ကပိုပြီးကျောချမ်းစရာဖြစ်လာတယ်။ခုလည်းအဲ့လိုဇာတ်ကားတစ်မျိုးလာပြန်ပါပြီ။ ဗစ်တိုးရီးယားခေတ် (၁၉ရာစု) ကိုနောက်ခံထားပြီး၊ အင်္ဂလန်နိုင်ငံမြောက်ပိုင်း Cumbria မြို့လေးမှာဇာတ်အိမ်တည်ထားပါတယ်။ ဝမ်းသာစရာက ဒီနှစ်အောက်တိုဘာ ၁၆ရက် USAမှာ စထွက်မှာဆိုတော့သိပ်ကြာကြာမစောင့်ရတော့တာပဲ (မြန်မာနိုင်ငံရောက်ဖို့ဆို ၈လကနေ ၉လအတွင်းလောက်ပေါ့)။ ဇာတ်လမ်း၊ ဒါရိုက်တာ Guillermo del Toro ဖြစ်ပြီး Legendary Pictures နဲ့ Universal တို့ပူးပေါင်းမှုဆိုတော့စောင့်ကြည့်သင့်တဲ့စာရင်းမှာပါပါတယ်။ အဓိကဇာတ်ဆောင်တွေက Tom Hiddleston, Jessica Chastain, Mia Wasicowska, Charlie Hunnum ဆိုတော့ပိုစိတ်ဝင်စားစရာကောင်းလာတယ်။ ဇာတ်လမ်းအညွှန်းကတော့ - Edith Cushing (Wasikowska) ကစာရေးဆရာမလေးဖြစ်ပြီး အတိတ်က သူ့မိဘတွေရဲ့ ကြေကွဲစရာဇာတ်သိမ်းကို မေ့ပျောက်ဖို့ကြိုးစားနေရသူ။ သူ့ရဲ့အသစ်စက်စက်ခင်ပွန်း Thomas Sharpe (Hiddleston) ကခန့်ညားပြီးဆွဲဆောင်မှုရှိပေမယ့် လျှို့ဝှက်တတ်ပြီး လူတွေနဲ့ခပ်ကင်းကင်းနေတတ်သူတစ်ဦးပါ။ သူ့ခင်ပွန်းရဲ့အစ်မ Lucille Sharpe (Chastain) ကလည်းသူ့ကိုသိပ်မကြိုဆိုပြန်ဘူး။ တစ်ချိန်တည်းမှာပဲ သူ့ရဲ့ငယ်ရည်းစား Alan McMichael (Hunnum) ကိုလည်းစိတ်ထဲကမပြတ်မသားဖြစ်နေမိပြန်တယ်။ Edith ဟာသူ့ခင်ပွန်းရဲ့ခန်းနားတဲ့အိမ်ကြီးမှာနေထိုင်ရင်း အဲ့ဒီအိမ်ကြီးရဲ့ထိတ်လန့်စရာကောင်းတဲ့အတိတ်ကို တဖြည်းဖြည်းတူးဆွဖော်ထုတ်လာမိတဲ့အခါမှာတော့.....။ မက္ကဆီကန်ဒါရိုက်တာ Del Toro ရဲ့ပြောစကားအရတော့ R အဆင့်တောင်သတ်မှတ်ခံရနိုင်တဲ့ရုပ်ရှင်ဆိုပဲ။ သူဇာတ်ညွှန်းရေး သူဒါရိုက်တာလုပ်ရိုက်တဲ့ကားတွေထဲမှာ Hell Boy I, II လောက်ကိုပဲသဘောကျတယ်။ Pan's Labyrinth ရဲ့ဇာတ်လမ်းကသိပ်မဆိုးပေမယ့် Pacific Rim ကိုတော့မကြိုက်ဘူး။ ကျနော်ကပဲ Alien theme တွေမကြိုက်လို့လားတော့မသိဘူး။ The Hobbit Trilogy ကိုဇာတ်ညွှန်းရေးပေးခဲ့တဲ့အတွက် သူ့ကိုဇာတ်ညွှန်းအရေးကောင်းသူလို့ပဲ မြင်မိတယ်။ ဒီဇာတ်ကားကလည်းသိပ်မဆိုးလောက်ပါဘူး၊ teaser နဲ့တင်တော်တော်ကြည့်ချင်စရာကောင်းနေပြီ။ တစ်ခုပဲ.. သူဇာတ်ညွှန်း၊ သူဒါရိုက်တာဆိုတော့ သွေးသံရဲရဲနဲ့ရွံစရာ animation ကြီးတွေမပါပါစေနဲ့ပဲဆုတောင်းရမယ်။ ဇာတ်ဆောင်ပိုင်းနဲ့ပတ်သက်လို့ကတော့ Edith Cushing ရဲ့နေရာမှာ အရင်က Emma Stone ကိုလျာထားပြီး နောက်မှ Wasikowska နဲ့ပြောင်းလိုက်တာပါတဲ့။ Wasikowska ကပိုကောင်းတဲ့ရွေးချယ်မှုလို့ထင်တယ်။ Stoker ထဲကအေးတိအေးစက်ကောင်မလေးပုံစံကို ထပ်မြင်ချင်သေးတာကိုး။ Thomas Sharpe ရဲ့နေရာမှာလည်း အရင်က Benedict Cumberbatch ကိုရွေးထားပြီးမှ Hiddleston နဲ့လဲလိုက်ပါတယ်။ သူတို့ ၂ယောက်စလုံးက အေးစက်စက်မျက်နှာတွေနဲ့ဆိုတော့ ဘယ်သူဖြစ်ဖြစ် ဇာတ်လမ်းနဲ့လိုက်ဖက်မှာပါပဲ။ ပြီးတော့ Hiddleston ကအပြင်မှာလည်း သူ့ရဲ့သူငယ်ချင်းကောင်းဖြစ်တဲ့ Cumberbatch ကို ဒီရုပ်ရှင်အောင်မြင်ပါစေလို့ ဆုတောင်းပေးပါလို့ပြောသေးတယ်ဆိုပဲ (yeah, bromance!)။ ဘာပဲပြောပြော ဒါရိုက်တာကောင်း သရုပ်ဆောင်ကောင်းတွေနဲ့ရိုက်ထားတဲ့ဒီကားက စောင့်ကြည့်သင့်တဲ့ရုပ်ရှင်တစ်ကားပါ။ YouTube teaser ထဲကနောက်ခံသီချင်း Red Right Hand ကို PJ Harvey ပြန်ဆိုထားတာဖြစ်ပြီး ဇာတ်ကားရဲ့ အဓိကနောက်ခံသီချင်းလည်းဖြစ်ပါတယ်။ (ဇာတ်လမ်းအညွှန်းကိုတော့ Nay Thiha Facebook Acc(https://www.facebook.com/nay.thih) မှကူးယူဖော်ပြထားတာဖြစ်ပါတယ်) File size…(7 GB)/(2.1 GB)/(1.1 GB) Quality….Blu-Ray 4K HEVC/1080p / 720p Format… mp4 Duration…. 01:59:00 Genre... Drama, Horror, Mystery, Romance, Thriller Subtitle….Myanmar Subtitle (Hardsub) Encoder….Garfield

အော်စကာဆု ရွှေကမ္ဘာလုံးဆု တွေ အပါအဝင်ရုပ်ရှင်လောက ရဲ့ ထိပ်သီးဆုတွေ အတွက်လျာထားခြင်းခံထားရတဲ့ ဇာတ်ကားပါ။ ဒီဇာတ်ကား ရဲ့ အဓိက မင်းသား လီယိုနာဒို ရဲ့သရုပ်ဆောင် သက်တမ်းတစ်လျှောက်အမှတ်ရစရာအကောင်းဆုံး ဇာတ်ကားလည်းဖြစ်လာနိုင်ပါတယ်။ အော်စကာဆုတွေနဲ့ လွဲလွဲနေတဲ့ မင်းသား လီယိုနာဒိုဟာဒီဇာတ်ကားနဲ့အတူ ရနိုင်ဖို့ ကမ္ဘာ့ရုပ်ရှင်ဇာတ်ခုံပေါ်ကလူတိုင်းလိုလို တစ်ပေးထားကြပါတယ်။ ဒီဇာတ်ကားမှာဆိုရင် ပါဝင်ခဲ့တဲ့ သရုပ်ဆောင်တွေရဲ့ကြိုးစားအားထုတ်မှုတွေ အပြင်ထုတ်လုပ်သူတွေရဲ့ ကုန်ကျစရိတ်အမြောက်အများ ကျခံပြီး ရိုက်ကူးထားမှုတွေ ရုပ်ရှင်တစ်ဖွဲ့သားအားလုံး ရဲ့ အပင်ပန်းခံ ပြီး ပရိသတ်တွေ အပေါ် စေတနာဘယ်လောက် ထား ခဲ့တယ်ဆိုတာတွေပါ တွေ့မြင်ရမှာ ဖြစ်ပါတယ်။ယောကျ်ားတစ်ယောက်ရဲ့ စွန့်စားခန်းနဲ့အတူယောကျာ်းကောင်းတစ်ယောက်မှာရှိသင့်တဲ့ စိတ်ခွန်အား စွမ်းရည်သတ္တိ လုပ်ရည်ကိုင်ရည် တွေကို အကောင်းဆုံးပြနိုင်ခဲ့တဲ့ ဇာတ်ကားပါ။မိမိရဲ့အမဲလိုက်အဖွဲ့ဝင်တွေရဲ့ စွန့်ပစ်သစ္စာဖောက်ခြင်းကိုခံခဲ့ရတဲ့ နယ်မြေသစ်ရှာဖွေသူ Hugh Glass (လီယိုနာဒို) ရဲ့အသက်ရှင်ရပ်တည်ရဖို့ တစ်ဦးတည်းရုန်းကန်ရပုံတွေကိုအားရကျေနပ်ဖွယ် ကောင်းလောက်အောင်ရိုက်ပြထားတာပါ။ မင်းသား လီယိုနာဒိုဟာ ဒီဇာတ်ရုပ်ကိုပြောစမှတ်တွင်လောက်အောင် သရုပ်ဆောင်ပြသွားတာကိုအားလုံးတွေ့မြင်ရမှာပါ။ ဒီဇာတ်ရုပ်ဟာ လီယိုနာဒိုကို အခြား အော်စကာ ဆန်ကာတင်မင်းသားတွေနဲ့ ယှဉ်လိုရင် ပိုသာ သွားအောင်ထောက်ပံ့ပေးနိုင်ခဲ့ပါတယ်။ survival adventure ဇာတ်လမ်းကိုလုံးဝအသက်ဝင်သွားအောင် ချပြနိုင်ခဲ့တဲ့ ဇာတ်ကားပါ။ဇာတ်ကားကောင်းလို့မပြောပါရစေနဲ့။ ထိပ်တန်းဇာတ်ကားပါ။ကောင်းတယ်ဆိုတာထက်ကိုလွန်သွားပါပြီ။ File size…    8.3 GB / 3 GB / 1.8 GB Quality… BluRay 4K HEVC / 1080p / 720p Format… mkv & mp4 Audio… AAC & E-AC-3 Duration…. 2h 6m Genre ..... Action, Adventure, Biography Subtitle…. Myanmar Subtitle (Hard Sub) Encoder…. Thit San Khant Translated by Hades

အန်ဟယ်လာဗီဒယ်ကို ကယ်တင်ခဲ့ပြီးနောက် ရောဂါဖြစ်ပွားရာနေရာထဲ ဝင်ရောက်ခဲ့သူတွေကို အကြိမ်ကြိမ် စစ်ဆေးပြီး သင်္ဘောတစ်စီးနဲ့ ပင်လယ်ထဲ ပို့လိုက်ကြပါတယ်။ အဲဒီမှာ ဗိုင်းရပ်စ်ကို တိုက်ဖျက်နိုင်မယ့် ဖြေဆေးဖော်စပ်ဖို့ ကြိုးစားနေကြတယ်။ ဖြေဆေးက မအောင်မြင်တဲ့အတွက် တခြားနည်းလမ်းကို ရှာကြရင်း ကင်မရာထဲက အန်ဟယ်လာရဲ့ မှတ်တမ်းတွေကို တွေ့သွားပါတယ်။ အန်ဟယ်လာမှာ ဘယ်လိုလျှို့ဝှက်ချက်တွေ ရှိနေသလဲ၊ သူကိုယ်တိုင်ကရော တကယ်ပဲ ကူးစက်ခံထားရတာလားဆိုတဲ့ မေးခွန်းတွေ ပေါ်လာတယ်။ ဖြေဆေးကို ဖော်စပ်နိုင်မလား၊ သူတို့ရှိနေတဲ့ သင်္ဘောပေါ်မှာ ဘာတွေ ဆက်ဖြစ်လာမလဲဆိုတာကို သွေးထွက်သံယိုအခန်းတွေနဲ့ ဆက်ပြထားပါတယ်။ REC စီးရီးရဲ့ စတုတ္ထမြောက်နဲ့ နောက်ဆုံးဇာတ်ကားဖြစ်ပြီး Jaume Balaguero က ရိုက်ကူးထားပါတယ်။ အန်ဟယ်လာဗီဒယ်အဖြစ် Manuela Velasco ပြန်လည်ပါဝင်လာပြီး Pavo Manzanedo၊ Hector Colome၊ Ismael Fritschi နဲ့ Crispulo Cabezas တို့လည်း သရုပ်ဆောင်ထားကြပါတယ်။

အလုပ်ပြုတ်ထားတဲ့ ကျောင်းဆရာ ပတ်ဒရိုဟာ သွေးကင်ဆာဖြစ်နေတဲ့ သမီးကို ဆေးကုသပေးရင်း ငွေကြေးတဖြည်းဖြည်း ကျပ်တည်းလာပါတယ်။ ဆရာဝန်ဆီကနေ သမီးရဲ့အသက်ရှင်နိုင်ခြေ မကောင်းတာကို သိလိုက်ရတဲ့အခါ သမီးရဲ့ နောက်ဆုံးဆန္ဒတွေကို ဖြည့်ပေးဖို့ ဆုံးဖြတ်လိုက်တယ်။ အဲဒီဆန္ဒတွေထဲကတစ်ခုက anime ထဲက အင်္ကျီတစ်ထည်ကို လိုချင်တာပါ။ ဒါပေမဲ့ အင်္ကျီက ဈေးကြီးလွန်းလို့ အသိမိတ်ဆွေတွေဆီ အကူအညီတောင်းကြည့်ပေမယ့် အဆင်မပြေခဲ့ဘူး။ ကြံရာမရတဲ့အဆုံး ရတနာဆိုင်တစ်ဆိုင်ကို ဖောက်ဖို့ကြိုးစားရင်း ဘာဘာရာနဲ့ မထင်မှတ်ဘဲ ဆုံမိသွားပါတယ်။ ဘာဘာရာဟာ သံသယကြီးတဲ့ ခင်ပွန်းရဲ့ ထိန်းချုပ်မှုအောက်မှာ နေနေရသူပါ။ သူ့ခင်ပွန်းက စိတ်ရောဂါဆရာဝန်ဖြစ်ပြီး ငွေကြေးပြည့်စုံသူလည်း ဖြစ်တယ်။ အဲဒီညမှာ ဘာဘာရာနဲ့ ပတ်ဒရိုတို့ အတူအိပ်ဖြစ်ကြပြီး ပတ်ဒရိုက အဲဒီအကြောင်းကို မှတ်တမ်းယူထားလိုက်ပါတယ်။ နောက်တော့ အဲဒီမှတ်တမ်းကိုသုံးပြီး ဘာဘာရာဆီက ငွေညှစ်ဖို့ ခြိမ်းခြောက်လာတယ်။

Mama (2013) IMDB : 6.2 Rotten Tomatoes : 63% Genre : Horror / Mystery Mama (2013) ဟာ Horror / Fantasy / Mystery လောကမှာ ဆရာတစ်ဆူဖြစ်တဲ့ ဒါရိုက်တာကြီး Guillermo del Toro ကိုယ်တိုင်ထုတ်လုပ်ထားတဲ့ ရုပ်ရှင်ကားကောင်းတစ်ကားဖြစ်တာကြောင့် သူ့ရဲ့ Theme Style တွေတော်တော်ပါဝင်ပါတယ်။ ဒါ့အပြင် မင်းသားမင်းသမီးတွေကလည်း ပရိသတ်နဲ့မစိမ်းတဲ့သရုပ်ဆောင်တွေဖြစ်တာမလို့ အတော်လေးကြည့်လို့ကောင်းတယ်လို့ဆိုရပါမယ်။ Horror ရုပ်ရှင်တစ်ကားဖြစ်ပေမဲ့ ကြောက်ဖို့တင်မကပဲ မိခင်မေတ္တာကိုလည်း ပြသသွားပါတယ်။ ဇာတ်ညွှန်း တောထဲက လူသူအရောက်အပေါက်နည်းတဲ့ တဲအိမ်လေးတစ်လုံးမှာ ကလေးမလေးနှစ်ယောက်တည်းကျန်ခဲ့ပါတယ်။ ကလေးမလေးနှစ်ယောက်ဟာ တောထဲမှာနေတာကြာလာသောကြောင့် လောကကြီးနဲ့အဆက်အသွယ်ပြတ်ကာ စကားပြောနည်းကိုလည်းမေ့၊ ဘာဆိုဘာမှမသိတော့ပဲ အရိုင်းမလေးနှစ်ယောက်ဖြစ်လာခဲ့ပါတယ်။ အဲထက်ပိုပြီးထူးဆန်းတာက သူတို့ကို စောင့်ရှောက်နေတာက မာမားလို့ခေါ်တဲ့ သရဲတစ်ယောက်ဖြစ်နေတာပါပဲ။ ဒီကလေးမလေးနှစ်ယောက်ကိုလက်လျှော့ပဲရှာနေခဲ့တာက သူတို့ရဲ့ဦးလေးဖြစ်သူ လူကပ်စ်ပဲဖြစ်ပါတယ်။ တစ်ရက်မှာတော့ ကြိုးစားမှုရလဒ်အရာထင်ခဲ့ပြီး ကလေးမလေးနှစ်ယောက်ကို ရှာတွေ့ခဲ့ပါတယ်။ ဒါပေမဲ့ သူတို့မသိခဲ့တာက ကလေးမလေးတွေနဲ့အတူတူ မာမားပါ,ပါလာတယ်ဆိုတာပါပဲ။ လူကပ်စ်မှာ ရည်းစားရှိတယ်။ သူ့နာမည်က အနာဘဲလ်။ တစ်ဖက်မှာလည်း ကလေးတွေရပိုင်ခွင့်ကိုတရားစွဲလာတဲ့လူတစ်ယောက်ကလည်းပေါ်လာပြန်တယ်။ တစ်ဖက်မှာကလည်း သူတို့တောင်မသိလိုက်ပဲ အိမ်ထဲကိုရောက်လာတဲ့ တစ်ဖက်ကမ္ဘာက လူတစ်ယောက်။ ဘာတွေဆက်ဖြစ်မှာလဲဆိုတာကိုတော့ ကိုယ်တိုင်ပဲခံစားကြည့်လိုက်ကြပါ။ File size… 1.6 GB / 950 MB Quality… BluRay 4K / 1080p / 720p Format… mp4 Duration…. 1h 40m Genre ..... Horror / Mystery

ကိုဒိုနဲ့ ကလာရာတို့ဟာ မိသားစု၊ မိတ်ဆွေတွေ စုံစုံလင်လင်နဲ့ မင်္ဂလာပွဲကျင်းပနေကြပါတယ်။ တစ်ယောက်ကိုတစ်ယောက် ချစ်ခင်ပြီး အတူဘဝတည်ဆောက်ဖို့ အဆင်သင့်ဖြစ်နေကြတဲ့ သူတို့နှစ်ယောက်ရဲ့ ပွဲကို ကိုဒိုရဲ့ဦးလေး ပဲပဲဗီတာလည်း ရောက်လာတယ်။ ဒါပေမဲ့ သူ့မှာ တိရစ္ဆာန်ဆေးကုခန်းကနေ ရလာတဲ့ ခွေးကိုက်ဒဏ်ရာတစ်ခု ပါလာပါတယ်။ အဲဒီဒဏ်ရာက ပျော်ရွှင်နေတဲ့ မင်္ဂလာပွဲအတွက် အဖြစ်ဆိုးတွေရဲ့ အစဖြစ်လာတော့မှာပါ။ သွေးထွက်သံယို အဖြစ်အပျက်တွေကြားမှာ ချစ်ခြင်းမေတ္တာနဲ့ သစ္စာတရားအကြောင်းကို တွဲဖော်ပြထားတဲ့ Horror၊ Thriller ဇာတ်ကားဖြစ်ပါတယ်။ REC စီးရီးရဲ့ တတိယမြောက်ကားဖြစ်ပေမဲ့ ရှေ့နှစ်ကားနဲ့ မတူတဲ့နေရာမှာ ဇာတ်အိမ်တည်ထားတယ်။ ရှေ့နှစ်ကားကို ရိုက်ကူးခဲ့တဲ့ ဒါရိုက်တာနှစ်ယောက်ထဲက Paco Plaza က ရိုက်ကူးထားပြီး Diego Martin၊ Leticia Dolera၊ Javier Botet နဲ့ Alex Monner တို့ ပါဝင်သရုပ်ဆောင်ထားပါတယ်။

REC ရုပ်ရှင်လေးကားထဲက ဒုတိယကားဖြစ်ပြီး ရှေ့ကားရဲ့အဖြစ်အပျက်တွေကို ဆက်ထားပါတယ်။ ဒါရိုက်တာ Paco Plaza နဲ့ Jaume Balaguero တို့ပဲ ပြန်ရိုက်ကူးထားတာပါ။ ကူးစက်ရောဂါပြန့်နေတဲ့ တိုက်တစ်လုံးထဲကို မီးသတ်သမားတွေ၊ ရဲတွေနဲ့ ကျန်းမာရေးဝန်ထမ်းတွေ ဝင်သွားကြတယ်။ နှစ်နာရီလောက်ကြာတဲ့အခါ သူတို့နဲ့ အဆက်အသွယ်ပြတ်သွားတာကြောင့် နောက်ထပ် SWAT အဖွဲ့တစ်ဖွဲ့နဲ့ ဆရာဝန်တစ်ယောက်ကို ထပ်လွှတ်လိုက်ရပါတယ်။ ဆရာဝန်က ဖြေဆေးဖော်ဖို့ ကူးစက်မှုရဲ့ပင်ရင်းဖြစ်တဲ့ Medeiros ဆိုတဲ့ မိန်းကလေးရဲ့ မူရင်းသွေးကို ရှာဖွေရင်း ရှေ့ကားက အန်ဟယ်လာဗီဒယ်နဲ့ ဆုံမိလာတယ်။ ကူးစက်မှုက ဘယ်ကစခဲ့တာလဲ၊ အန်ဟယ်လာက ဒီလောက်ကြာအောင် ဘယ်လိုအသက်ရှင်နေနိုင်ခဲ့တာလဲဆိုတဲ့ မေးခွန်းတွေနဲ့အတူ သူတို့လိုအပ်နေတဲ့ သွေးကို ရှာတွေ့နိုင်မလားဆိုတာ ဆက်ကြည့်ရမှာပါ။ သွေးထွက်သံယိုမြင်ကွင်းတွေနဲ့ ရိုင်းစိုင်းတဲ့စကားပြောခန်းတွေ ပါဝင်ပါတယ်။

အန်ဂျလာနှင့် ပက်ပလိုဟာ ရုပ်သံဌာနတစ်ခုရဲ့ တင်ဆက်သူတွေဖြစ်ကြပါတယ်။ သူတို့ဟာ ပြည်သူ့ဝန်ထမ်းတွေရဲ့ ညဆိုင်းအလုပ်တွေအကြောင်းကို တင်ဆက်ထုတ်လွှင့်ပေးသူများ ဖြစ်ကြပါတယ်။ တညမှာတော့ သူတို့ဟာ မီးသတ်ဌာနကို သွားရောက်လေ့လာခဲ့ကြတယ်။ ထိုစဉ် မီးသတ်ဌာနမှ အရေးပေါ်ဖုန်း ခေါ်ဆိုမှုတစ်ခုကို လက်ခံရရှိလိုက်တာကြောင့် သူတို့နဲ့အတူ အန်ဂျလာတို့ဟာ အိမ်ယာအဆောင်အအုံတစ်ခုကို အတူ သွားရောက်ဖို့ဖြစ်လာခဲ့ပါတယ်။ ထိုအဆောက်အအုံကို ရောက်တဲ့အခါမှာတော့ ထူးဆန်းတဲ့အဖြစ်အပျက်နဲ့ ရင်ဆိုင်လိုက်ရပြီး ထိုအဆောက်အအုံကိုလည်း ပိတ်ထားလိုက်ပါတော့တယ်။ အဲဒီတော့ သူတို့ အပြင်ကိုရောက်အောင် ဘယ်လိုကြိုးစားကြသလဲဆိုတာ သည်းထိတ်ရင်ဖိုစွာနဲ့ စောင့်စားကြည့်ရှုကြရမှာ ဖြစ်ပါတယ်။ File size…(2 GB)/(1 GB) Quality….Webrip 1080p / 720p Format…mp4 Duration….01:18:00 Genre...Horror, Mystery Subtitle….Myanmar Subtitle (Hardsub) Encoder….Mr. Anderson Translated by Vio La