Jun Shison ပါဝင်သော ဇာတ်ကားများ

အက်ရှင်နဲ့ ဟာသကို အချိုးကျကျ ပေါင်းစပ်ထားတဲ့ ဇာတ်ကားကောင်းတွေကို မျှော်လင့်နေတဲ့ ပရိသတ်ကြီးအတွက် ဒီနေ့တော့ နာမည်ကြီး မန်ဂါ နဲ့ အန်နီမေးရှင်း) ကို ပြန်လည်အသက်သွင်းထားတဲ့ ဂျပန် Live-action ရုပ်ရှင်ကားသစ်ကြီး "Sakamoto Days (၂၀၂၆)" ကို တင်ဆက်ပေးချင်ပါတယ်။ ဒီကားကိုတော့ Gintama Live-action ဇာတ်ကားတွေကို အောင်မြင်အောင် ရိုက်ကူးနိုင်ခဲ့တဲ့ နာမည်ကြီး ဒါရိုက်တာ Yūichi Fukuda ကိုယ်တိုင် ရိုက်ကူးပေးထားတာ ဖြစ်ပါတယ်။ ဇာတ်လမ်းကတော့ တစ်ချိန်က မြေအောက်ကမ္ဘာ မှာ ပြိုင်ဘက်ကင်းပြီး နာမည်အကြီးဆုံး ကြေးစားလူသတ်သမား) ဖြစ်ခဲ့တဲ့ တာရို ဆာကာမိုတို (Taro Sakamoto - သရုပ်ဆောင် Ren Meguro) ကနေ စတင်ပါတယ်။ သူဟာ ချစ်ရတဲ့ အမျိုးသမီး 'အာအိုအီ' (Aoi - သရုပ်ဆောင် Aya Ueto) နဲ့ တွေ့ဆုံပြီးနောက်မှာတော့ လူသတ်သမားဘဝကနေ အပြီးတိုင် အနားယူခဲ့ပါတယ်။ အိမ်ထောင်ကျပြီး ကလေးရလာတဲ့အခါမှာတော့ တစ်ချိန်က အမိုက်စား လူသတ်သမားကြီးဟာ ဝဝဖိုင့်ဖိုင့်နဲ့ ရပ်ကွက်ထဲက သာမန် ကုန်စုံဆိုင်ပိုင်ရှင် ဦးလေးကြီးတစ်ယောက် ဖြစ်နေပါပြီ။ ဒါပေမယ့် သူ့ရဲ့ အေးချမ်းတဲ့ မိသားစုဘဝလေးဟာ အချိန်အကြာကြီး မခံခဲ့ပါဘူး။ အတိတ်က ရန်သူတွေနဲ့ မြေအောက်ကမ္ဘာက လုပ်ဖော်ကိုင်ဖက်ဟောင်းတွေဟာ ဆာကာမိုတို ကို လိုက်လံလုပ်ကြံဖို့ ရောက်လာကြပါတယ်။ မိသားစုကို ကာကွယ်ဖို့အတွက် ဆာကာမိုတို တစ်ယောက်၊ စိတ်ဖတ်နိုင်စွမ်းရှိတဲ့ ကြေးစားလူသတ်သမားလေး ရှင်း အပါအဝင် တခြားသော မဟာမိတ်တွေနဲ့ ပူးပေါင်းပြီး ဇနီးသည်ကို ကတိပေးထားတဲ့ "လူမသတ်ရဘူး" ဆိုတဲ့ စည်းကမ်းချက်နဲ့အညီ ရန်သူတွေကို ဘယ်လို ရင်ဆိုင်မလဲဆိုတာကို အက်ရှင်ဟာသ ပုံစံမျိုးနဲ့ ကြည့်ရှုရမှာပါ။ Gintama မှာတုန်းကလိုပဲ ဒါရိုက်တာ Fukuda ဟာ မန်ဂါထဲက အဓိပ္ပာယ်မဲ့ပြီး ရယ်စရာကောင်းတဲ့ ဟာသတွေကို Live-action ဇာတ်ကားထဲမှာ အသက်ဝင်အောင် အကောင်းဆုံး ယူဆောင်လာနိုင်ပါတယ်။ ဇာတ်ကောင်တွေရဲ့ လွန်ကဲတဲ့ မျက်နှာအမူအရာတွေ၊ ပြက်လုံးတွေက ပရိသတ်ကို အူတက်အောင် ရယ်ရစေမှာပါ။ မင်းသားချော Ren Meguro ကို ဝဝဖိုင့်ဖိုင့် ဆာကာမိုတို ရဲ့ ရုပ်သွင်ပေါက်အောင် နေ့စဉ် မိတ်ကပ် နာရီပေါင်းများစွာ အသုံးပြုပြီး ပြင်ဆင်ထားတာက တကယ့်ကို အံ့သြစရာပါ။ အက်ရှင် အခန်းတွေ ကလည်း ဝဝဖိုင့်ဖိုင့်ကြီးနဲ့ သွက်လက်မြန်ဆန်စွာ တိုက်ခိုက်တဲ့ ပြကွက်တွေကို 3D / CGI တွေနဲ့ အချိုးကျ ပေါင်းစပ်ထားလို့ ကြည့်ရတာ အရမ်းမိုက်ပါတယ်။ Shin နေရာက သရုပ်ဆောင်တဲ့ Fumiya Takahashi ရဲ့ ပံ့ပိုးမှုတွေကလည်း ဇာတ်ကားကို ပိုပြီး ပြည့်စုံသွားစေပါတယ်။ "Sakamoto Days (၂၀၂၆)" Live-action ဇာတ်ကားဟာ မူရင်း မန်ဂါနဲ့ အန်နီမေးရှင်း ရဲ့ အရသာကို မပျက်စေဘဲ၊ လူသား သရုပ်ဆောင်တွေနဲ့ အက်ရှင်ဟာသ ဇာတ်ကားကောင်း တစ်ကားအဖြစ် အကောင်းဆုံး ဖန်တီးတင်ဆက်ထားနိုင်ပါတယ်။ ဇာတ်လမ်းက ကြည့်ရတာ ပေါ့ပါးသွက်လက်ပြီး အက်ရှင်အခန်းတွေကလည်း ဆန်းသစ်တာကြောင့် Anime / Manga Fan တွေရော၊ သာမန် အက်ရှင်ဟာသ ကြိုက်တဲ့ ပရိသတ်တွေပါ မဖြစ်မနေ ကြည့်ရှုသင့်တဲ့ ဇာတ်ကားကြီး ဖြစ်ပါတယ်။ File size…3.2 GB / 1.22 GB Quality… WEB-DL 1080p / 720p Format… mp4 Duration…. 2h 9m Genre ..... Action, Comedy, Live-Action Subtitle…. Myanmar Subtitle (Hard Sub)

Glass Heart (2025) အပိုင်းသစ် (1 မှ 10) စ/ဆုံး ဒီတစ်ခေါက် တင်ဆက်ပေးမဲ့ ဂျပန်စီးရီးလေးကတော့ Satoh Takeru, Miyazaki Yu, Machida Keita, Shison Jun တို့ အဓိကပါဝင်သရုပ်ဆောင်ထားတဲ့ Glass Heart ဆိုတဲ့ စီးရီးလေးပဲ ဖြစ်ပါတယ်။ မြူးကြွတဲ့သီချင်းပေါင်းများစွာကို နားဆင်ခံစားနိုင်မယ့်အပြင် ဂီတ ရူးသွပ်ခံစားသူတွေရဲ့ စိတ်ဝိညာဉ်ကိုပါ ထင်ဟပ်စေတဲ့ ဇာတ်ကားကောင်းလေးဖြစ်လို့ ကြည့်ရှုခံစားနိုင်ဖို့ တင်ဆက်ပေးလိုက်ပါတယ်။ ဇာတ်လမ်းအကျဉ်း ပွဲဦးထွက်ခါနီး တီးဝိုင်းကနေ ထုတ်ခံလိုက်ရပြီး ဖျော်ဖြေပွဲဆိုတာ အစိမ်းသက်သက်ဖြစ်နေသူ ဆိုင်းဂျိုး အာခါနဲ (Miyazaki Yu)... အတိတ်က အဖြစ်အပျက်တချို့ကြောင့် တစ်ယောက်တည်းဖြစ်နေတဲ့ ထူးချွန်ဂီတပညာရှင် ဖူဂျီတာနီ နာအိုခီ (Satoh Takeru)... ဂီတကို ရူးသွပ်ပေမဲ့ လမ်းပျောက်နေကြတဲ့ ဂီတာသမား တာကာအိုကာ ရှို (Machida Keita) နဲ့ စန္ဒယားပညာရှင်လေး ဆာကာမိုတို ကာဇူရှီ (Shison Jun).... ဒီလူငယ်လေး(၄)ယောက်နဲ့ စုဖွဲ့ထားတဲ့ TENBLANK တီးဝိုင်းဟာ ဆန်းသစ်တဲ့ ဖျော်ဖြေတီးခတ်မှုတွေနဲ့ ပွဲဦးထွက်ပြီး မကြာခင်မှာပဲ တဟုန်ထိုး နာမည်တက်လာခဲ့ပါတယ်။ နာမည်ကြီးတာတာနဲ့အမျှ အတိုက်အခိုက်တွေ ထိုးနှက်ချက် စိန်ခေါ်ချက်တွေများလာတဲ့အခါ... TENBLANK အဖွဲ့ဝင်တွေ ဒီအခက်အခဲတွေကို ကြံ့ကြံ့ခံနိုင်ပါ့မလား... TENBLANK အဖွဲ့ ဆက်လက်ရပ်တည်သွားနိုင်ပါ့မလားဆိုတာကိုတော့ သီချင်းလေးတွေ နားထောင်ရင်း စီးမျောခံစားသွားရမှာပဲ ဖြစ်ပါတယ်။ Aired: Jul 31, 2025 Aired On: Thursday Genres: Music, Romance, Drama Episodes: 10 Original Network: Netflix

52-Hertz Whales (2025) တစ်ကမ္ဘာလုံးမှာ ဘယ်ဝေလငါးနဲ့မှ မတူတဲ့ ထူးခြားအကြိမ်ရေ 52-Hz နဲ့ အော်ဟစ်နေလို့... ဘယ်သူကမှ သူမကြားနိုင်ဘဲ အထီးကျန်စွာ ကူးခတ်နေရတဲ့ "52-Hertz ဝေလငါး" ရဲ့ သဘောတရားကို အခြေခံပြီး၊ လူ့အဖွဲ့အစည်းရဲ့ ပစ်ပယ်ခြင်းခံထားရတဲ့ အထီးကျန်လူသားနှစ်ဦးကြားက နက်ရှိုင်းလှတဲ့ သံယောဇဉ်ကို ပုံဖော်ထားတဲ့ ဂျပန် Drama ရုပ်ရှင်ကားဖြစ်ပါတယ်။ ဇာတ်လမ်းကတော့ အတိတ်က မိသားစုဝင်တွေရဲ့ ဂရုမစိုက် ပစ်ပယ်ခြင်းနဲ့ ကိုယ်ခန္ဓာ/စိတ်ပိုင်းဆိုင်ရာ နှိပ်စက်ညှဉ်းပန်းမှုတွေကို ပြင်းထန်စွာ ခံခဲ့ရတဲ့ အမျိုးသမီးငယ်လေး Kiko Mishima အကြောင်းကနေ စတင်ထားပါတယ်။ သူမဟာ နာကျင်စရာ အတိတ်တွေကနေ ရုန်းထွက်ပြီး စိတ်အေးချမ်းမှု ရရှိဖို့အတွက် ပင်လယ်ကမ်းခြေ မြို့လေးတစ်မြို့ဆီကို တစ်ဦးတည်း ပြောင်းရွှေ့လာခဲ့ပါတယ်။ အဲဒီမြို့လေးမှာ ကီကိုဟာ စကားမပြောနိုင်တဲ့ ကောင်လေး "Mushi" နဲ့ မထင်မှတ်ဘဲ ဆုံတွေ့ပါတော့တယ်။ အံ့ဩဖို့ကောင်းတာက မူရှီဟာလည်း သူ့ရဲ့ မိခင်အရင်းကိုယ်တိုင်ရဲ့ ရက်ရက်စက်စက် နှိပ်စက်ခြင်းကို ခံနေရသူ ဖြစ်ပါတယ်။ ကောင်လေးရဲ့ နာကျင်နေတဲ့ မျက်ဝန်းတွေကို ကြည့်ပြီး ကီကိုဟာ သူမရဲ့ ငယ်စဉ်က ဆိုးရွားခဲ့တဲ့ အတိတ်ဘဝကို ပြန်လည်မြင်ယောင်လာခဲ့ပါတယ်။ သူတစ်ပါးကို အော်ဟစ်အကူအညီတောင်းပေမဲ့ ဘယ်သူကမှ မကြားနိုင်၊ မကယ်တင်ပေးနိုင်ခဲ့ကြတဲ့ သူတို့နှစ်ဦးဟာ... တစ်ယောက်ရဲ့ အသံတိတ် ငိုကြွေးသံကို တစ်ယောက်က နက်ရှိုင်းစွာ နားလည်ပေးနိုင်စွမ်း ရှိကြပါတယ်။ ကီကိုဟာ ကောင်လေးကို ကယ်တင်ဖို့ ကြိုးစားရင်း... သူမကိုယ်တိုင်ရဲ့ စိတ်ဒဏ်ရာတွေကိုပါ ဘယ်လိုမျိုး အပြန်အလှန် ကုသသွားမလဲဆိုတာကိုရာ ရိုက်ပြထားတဲ့ ဂျပန်ရုပ်ရှင်ကောင်းတစ်ခုဖြစ်ပါတယ်

Yu Yu Hakusho Season 1 (2023) အားလုံးပဲစောင့်မျှော်နေကြတဲ့ Yu Yu Hakusho Live action ၅ ပိုင်းတွဲ series ကို CM က တင်ဆက်ပေးလိုက်ပါပြီ။ Hunter X Hunter / Yu Yu Hakusho တို့ရဲ့ ခေါင်းကိုင်ဖခင်ကြီး Yoshihiro Togashi ရဲ့ လက်ရာဖြစ်တဲ့ ၁၉၉၀ ခုနှစ်ကထွက်ရှိခဲ့တဲ့ Yu Yu Hakusho Manga series ကို Netflix ကနေ Live action ပြန်လည်ရိုက်ကူးထားတာပဲဖြစ်ပါတယ်။ Visual effects တွေကလည်း Stranger Things, Shadow and Bone အစရှိတဲ့ စူပါဟီးရိုးကားတွေ Godzilla တို့လို ကားတွေ ရဲ့ ကုမ္ပဏီဆိုတော့ ပြောစရာသိပ်မလိုလောက်အောင်ပါပဲ။ ဇာတ်လမ်းအကျဉ်းပြောရရင်တော့ Yusuke Urameshi ဆိုတဲ့ကောင်လေးတစ်ယောက်က ကလေးတစ်ယောက်ကိုကယ်ရင်း ယာဉ်တိုက်မှုဖြစ်ပြီး သေဆုံးကာ Spiritual world ကို ရောက်ရှိသွားပါတယ်။ အဲမှာ သေမင်း Botan ဆိုတဲ့ ကောင်မလေးနဲ့ တွေ့ရှိပြီးတော့ သု့ရဲ့လုပ်ရပ်က မထင်မှတ်ထားတာဖြစ်တဲ့အတွက် သူ့အတွက် နတ်ပြည်ရော ငရဲပြည်မှာပါ နေရာမရှိပါဘူးလို့ ပြောလာပါတယ်။ သူ့ကိုလူပြန်ဝင်စားဖို့အတွက် အမှုရင်ဆိုင်ပြီးမှ ရမယ်ဆိုပြီးပြောပြီး ဝိညာဉ်စုံထောက်အနေနဲ့ ‌Spiritual world ကနေ ယော့ကိုင်းကြီးသုံးကောင် ခိုးယူသွားတဲ့ ပစ္စည်းသုံးခုကို လိုက်လံရှာဖွေခိုင်းပါတော့တယ်။ အဲမှာဘယ်လိုတွေ ဆက်ဖြစ်မလဲ။ ယော့ကိုင်းတွေကိုရော ဘယ်လိုနှိမ်နင်းမလဲ။ ပစ္စည်းတွေပြန်ရှာတွေ့ပြီး လူပြန်ဝင်စားနိုင်ပါ့မလားဆိုတာ Visual Effects အမိုက်စားတွေနဲ့ Live action ချစ်သူ‌တို့အတွက် တင်ဆက်ပေးလိုက်ရပါကြောင်း.. အညွှန်းကိုတော့ Kaung Set က ရေးထားပေးပြီးတော့ ဘာသာပြန်ထားတာကတော့ Kaung Set, Hmwe, Khaing, Laii တို့ပဲ ဖြစ်ပါတယ်။ Genre..... Drama, Sci-fi & Fantasy Quality…. 1080p | 720p File size… 500MB | 200MB Format… mp4 Duration…. 40min Subtitle…. Myanmar Subtitle (Hardsub) Translator ..... Kaung Set, Hmwe, Khaing, Laii Encoder ..... Aaron

Bubble (バブル) [2022] ••••••••••••••••••••••••••••••••• ဒီနေ့မှာတော့ Trailer စထွက်ကတည်းက ထိပ်ထိပ်ကြဲတွေနဲ့ ဆရာ့ဆရာကြီးတွေကို တစ်စုတစ်စည်းထဲမြင်ခဲ့ရလို့ ပရိသတ်ရဲ့စိတ်ဝင်စားမှုအများဆုံးခံခဲ့ရပြီး Rating ကောင်းတဲ့ Netflix က အလန်းစား Anime တစ်ကားနဲ့ မိတ်ဆက်ပေးပါရစေ။ အရင်ဆုံး ဒီကားကိုကြည့်ကိုကြည့်သင့်တဲ့ ပထမဆုံးအချက်က နာမည်ကြီး Anime တွေဖြစ်တဲ့ (Attack on Titan) တို့ (Vinland Saga) တို့ကိုဖန်တီးပေးခဲ့တဲ့ Wit Studio ကထုတ်တာဖြစ်တဲ့အတွက်ပါပဲ။ ဒါ့အပြင် ဇာတ်ကောင်ဒီဇိုင်းကို (Death Note) ရဲ့ Illustrator က ရေးဆွဲပေးထားပြီး AOT Director ကြီးရဲ့လက်ရာဆိုတော့ ဒီဇိုင်းကာလာ ဘာညာအနေအထားက ဘယ်လောက်ထိအမိုက်စားဖြစ်နေမလဲဆိုတာ ခန့်မှန်းကြည့်လို့ရနေပါပြီ။ BG music အပိုင်းနဲ့ Theme song ကိုတော့ AOT ရဲ့တေးရေးဆရာဖြစ်တဲ့ Hiroyuki Sawano နဲ့ (Jujutsu Kaisen) ရဲ့ OP ကိုသီဆိုပေးခဲ့တဲ့ Eve တို့ဆိုတော့ ကောင်းမကောင်းဆိုတာ ပြောစရာတောင်မလိုတော့ဘူးနော်။ ဇာတ်လမ်းအကျဥ်းကိုပြောရရင်တော့.... တိုကျိုမြို့ကြီးမှာ ကမ္ဘာမြေဆွဲအားကိုဆန့်ကျင်တဲ့ ပူဖောင်းတွေ မြေပေါ်ကျလာတဲ့အခိုက်အတန့်ကစလို့ တိုကျိုဟာသီးခြားကမ္ဘာတစ်ခုလိုဖြစ်လာပြီး မိသားစုကိုဆုံးရှုံးလိုက်ရတဲ့ လူငယ်တွေအတွက် စွန့်စားခန်းတွေပြည့်နှက်နေတဲ့ ကစားကွင်းကြီးတစ်ခုလိုဖြစ်လာပါတော့တယ်။ အဲ့ဒီလူငယ်တွေထဲကမှ သူမတူတဲ့စတိုင်၊ အန္တရာယ်များတဲ့အကွက်တွေနဲ့ ကစားတတ်တဲ့ ဟီဘိခိ ဆိုတဲ့ကောင်လေးဟာ တစ်နေ့မှာသူ့အသက်ကို ဆန်းကြယ်တဲ့အစွမ်းတွေရှိနေတဲ့ အုတ ဆိုတဲ့ကောင်မလေးရဲ့ ကယ်တင်ခံလိုက်ရပြီးနောက် ထူးခြားတဲ့အသံတစ်ခုကို သူတို့နှစ်ဦးတည်းသာ ကြားနိုင်မှန်းသိရှိသွားတဲ့အခါ... သူတို့နှစ်ဦးရဲ့ ဆုံစည်းမှုကနေ ကမ္ဘာကြီးကိုတစ်ဖန်ပြောင်းလဲနိုင်မှာလား...? ဆိုတော့ကာ အများကြီးညွှန်းမနေတော့ပါဘူး။ Japan Animation လောကထဲက ထိပ်တန်းအနုပညာရှင်၊အတတ်ပညာရှင်တွေရဲ့ ပြောင်မြောက်တဲ့လက်ရာတစ်ခုကို ကြည့်ရမယ့်အခွင့်အရေးကိုသာ လက်လွှတ်မခံကြပါနဲ့လို့ အကြံပြုရင်း... အညွှန်း နဲ့ ဘာသာပြန်ကတော့ Moe Piwnt Phyu ပဲ ဖြစ်ပါတယ်။ Genre.....Action, Adventure, Animation Quality….WEB-DL 1080p and 720p File size…1.79GB and 742MB and 288MB Format…mp4 Duration….1h 40min Subtitle….Myanmar Subtitle (Hardsub) Translator ..... Moe Pwint Phyu Encoder ..... August

High & Low The Worst X ကတော့ ၂၀၂၂ တုန်းကနောက်ဆုံးထွက်ထားတဲ့ ၇ ကားမြောက်ဇာတ်ကားဖြစ်ပြီး High & Low The Worst အပြီး ၃ နှစ်အကြာမှာ ဇာတ်လမ်းတည်ထားတာပါ။ အိုယာကျောင်းဂိုဏ်းဟာ ခေါင်းဆောင်အသစ်နဲ့အတူ ဂိုဏ်းအားလုံးထဲမှာ အတောင့်တင်းဆုံးနီးပါးအထိဖြစ်လာပြီး ဒါကို ပြဿနာရှာချင်တဲ့ ဆဲနိုမွန်ကျောင်းဂိုဏ်းက တခြားအဖွဲ့နှစ်ဖွဲ့နဲ့ပေါင်းပြီး အိုယာကျောင်းဂိုဏ်းကိုဖျက်ဆီးကြတဲ့အခါမှာ သုံးဖွဲ့တစ်ဖွဲ့ချကြပါတယ်။ ဇာတ်ကောင်အဟောင်းအနေနဲ့ကတော့ တိုဒိုရိုကီ၊ ဖူဂျီအို၊ ဆာချီအိုနဲ့ တခြားဇာတ်ပို့တွေပြန်ပါမှာဖြစ်ပြီး ဇာတ်ကောင်အသစ်တွေအများကြီးနဲ့ ကျစ်လစ်တဲ့ဇာတ်အိမ်ကြောင့် ကြည့်ဖို့နှစ်ခါမစဉ်းစားသင့်တဲ့ဇာတ်ကားပါ။ File size…2.26GB / 1.12GB Quality…Blu-Ray 1080p 5.1CH / 720p Format…mp4 Duration….1h 59m Genre ..... Action , Drama Subtitle….Myanmar Subtitle (Hard Sub) Encoder….Thit San Khant Translated by Kasashi

The night beyond the tricornered window စာအုပ်ဆိုင် တစ်ဆိုင်ရဲ့ စာရေးလေး "မိကဒို"မှာ ထူးခြားတဲ့စွမ်းရည်တစ်ခုရှိပါတယ်။ အဲဒါကတော့ သူငယ်ငယ်တည်းက သရဲတွေကို အချိန်တိုင်းမြင်နေရတာဖြစ်ပြီး ဒီကနေ ရှောင်လွှဲလို့မရသလို မမြင်ရတော့အောင်လည်း လုပ်လို့မရပါဘူး။ တစ်နေ့မှာတော့ "ဟိရခဝါ"လို့ခေါ်တဲ့ ပယောဂနှင်ဆရာက မိကဒိုကို ရှာတွေ့ခဲ့တဲ့နောက်မှာတော့ အခြေအနေက ပြောင်းလဲသွားခဲ့ပါတယ်။ ဟိရခဝါက မိကဒိုကို သူ့ရဲ့လက်ထောက်အဖြစ်ခန့်ပြီးတော့ သရဲမြင်တဲ့အစွမ်း အကူအညီနဲ့ ဖြေရှင်းရခက်တဲ့ မှုခင်းတွေကို ရှာဖွေဖော်ထုတ်ကြပါတယ်။ ဒီလိုနဲ့ သူတို့လိုက်နေရတဲ့အမှုတွေက "ဟိအူရ"လို့ခေါ်တဲ့ အထက်တန်းကျောင်းသူရဲ့ နှုတ်ထွက်စကားတွေနဲ့ သက်ဆိုင်နေမှန်းသိလိုက်ရတဲ့အခါ ဖြေရှင်းဖို့ ကြိုးစားကြပါတယ်။ ၂၀၁၃ကနေ ၂၀၂၀အထိထုတ်ဝေခဲ့တဲ့ Yaoi mangaကို adaptionလုပ်ထားပြီး စိတ်ဝင်စားစရာကောင်းတဲ့ ဇာတ်လမ်းကျောရိုးနဲ့ Japanese BL ကားကောင်းတစ်ကားကို ကြည့်ရှုရမှာပါ။ ( ဘာသာပြန်ပြီး အညွှန်းရေးသားထားသူကတော့ Ingyin San ပါ ) File Size__(1.4GB) / (700MB) Quality__WEB-DL_1080p, 720p IMDb Rating__5.0/10 Format__mp4 Duration__01:45:00 Type__Mystery, Thriller Subtitle__Myanmar Subtitle (Hardsub) Translated by Ingyin San Encoded by Naing Aung Latt

The Way Of Househusband ကို animeဗားရှင်း တင်ပြီးတဲ့နောက် အတော်လေးကို ခွီရတာကြောင့် လူဗားရှင်းလဲ တင်မယ်ဆိုပြီး လိုက်ကြည့်တဲ့အခါ animeလောက်နီးနီး ခွီရတာကို တွေ့ရတာကြောင့် စဆုံးပဲ တင်ဆက်ပေးလိုက်ပါတယ် Review အချစ်နဲ့တွေ့ရင် အရာအားလုံးပြောင်းလဲသွားတယ်ဆိုတဲ့စကားအတိုင်း မြေအောက်လောကမှာသာမက ရဲအရာတွေပါဖိန့်ဖိန့်တုန်အောင်ကြောက်ရတဲ့ မသေမျိုးနဂါးလို့ခေါ်တဲ့ ယာကူဇာတစ်ယောက်ဟာ မိန်းကလေးတစ်ယောက်ကို ချစ်မိသွားရာကနေ ယာကူဇာဘဝကိုစွန့်လွှတ်ပြီး အိမ်ရှင်ထီးအဖြစ်သာမန်လောကထဲကိုခြေစုံပစ်ဝင်လာတဲ့အခါ ပတ်ဝန်းကျင်ကလူတွေနဲ့ အဆင်ပြေအောင်နေနိုင်ပါ့မလား ဆိုးသွမ်းလှပါတယ်ဆိုတဲ့ ယာကူဇာကြီးတစ်ယောက်က သွေးသားမတော်စပ်တဲ့ ကလေးကိုရော သားသမီးအရင်းလိုတကယ်ချစ်ပြီး ဖခင်တာဝန်ကျေပွန်နိုင်ပါ့မလား သူ့ရဲ့အတိတ်ကိုရောတကယ်ပဲမေ့လိုက်ပြီး ရှင်သန်သွားနိုင်ပါ့မလားဆိုတာကို မပြုံးဘဲဝါးလုံးကွဲရယ်ရအောင် ရိုက်ပြထားတဲ့ဟာသဇာတ်လမ်းတွဲလေးပါ Anime လည်းထွက်ထားပေမယ့် Live Action က Characters ပိုစုံပြီး ဇာတ်လမ်းဇာတ်ကွက်ပိုရှိတလို့ ကြည့်ရတာပိုတန်တဲ့အပြင် ပိုလည်းရယ်ရပါတယ် File Size – 700MB@Episode Quality –1080p WEB DL Duration – 46 minute (@Episode) Total Episodes: 10 Subtitle – Myanmar Hardsub Format – Mp4 Genre : Comedy Translator – Moe Pwint Phyu Encoder – YK

Not Quite Dead Yet (2020) မော်ဒယ် မင်းသမီးလေးဖြစ်တဲ့ Suzu Hirose ရဲ့ ၂၀၂၀ ခုနှစ်ကထွက်ရှိထားတဲ့ ရယ်စရာလည်းကောင်းပြီး စိတ်ကူးယဉ်ဆန်တဲ့ Sci-Fi Dark Comedy ရုပ်ရှင်ကားကြီးကို တင်ဆက်ပေးလိုက်ပါတယ်။ နာနာဆဲလို့ခေါ်တဲ့ ကျောင်းသူလေးဟာ Death Metal ရော့ခ်တီးဝိုင်းတစ်ခုရဲ့ အဓိက အဆိုတော်ဖြစ်ပြီးတော့ သူ့ သီချင်းစာသားတိုင်းမှာ "ငါ့အဖေ ‌ေ-သပါစေ" ဆိုပြီး အမြဲတမ်း ထည့်သီဆိုလေ့ရှိပါတယ်။ နာနာဆဲရဲ့ အဖေဖြစ်သူနိုဘူအိုကတော့ ဆေးဝါးကုမ္ပဏီတစ်ခုရဲ့ ဥက္ကဋ္ဌဖြစ်ပြီးတော့ အလုပ်ကိုပဲ ဖိလုပ်တတ်တဲ့သူမို့ သမီးဖြစ်သူနဲ့ လုံးဝ အဆင်မပြေတဲ့သူတစ်ယောက်ပေါ့။ တစ်နေ့မှာတော့ နိုဘူအိုရဲ့ ဆေးဝါးကုမ္ပဏီကနေ နိုပျိုဆေး ထုတ်လုပ်ဖို့ကြိုးစားရင်း "၂ရက်ကြာ ခဏတာ သေဆုံးနိုင်တဲ့ဆေး"ကို ထုတ်လုပ်နိုင်သွားခဲ့ပါတယ်။ နိုဘူအိုတစ်ယောက် ဒီဆေးကို သောက်ပြီး ၂ရက်ကြာအောင် သေသွားပြီးတဲ့နောက်မှာတော့ မမျှော်လင့်ဘဲ ကုမ္ပဏီအတွင်းမှာရှိတဲ့ သစ္စာဖောက်တွေအကြောင်း, သူ့အပေါ်မှာ စိတ်ရင်းနဲ့ ချစ်ခင်သူတွေအကြောင်းကို သိလာခဲ့ရပါတော့တယ်။ မမျှော်လင့်ဘဲ ဖခင်ဖြစ်သူရဲ့ ရန်သူတွေဟာ ဖခင်ဖြစ်သူရဲ့ အသက်ပြန်ရှင်မလာခင်မှာ ရုပ်အလောင်းကို မီးသင်္ဂြိုဟ်ဖို့ ကြိုးစားလာခဲ့တဲ့အချိန်မှာတော့ ......... အဖေကို မုန်းပါတယ်လို့ပြောနေတဲ့ နာနာဆဲတစ်ယောက် သူ့အဖေကို ဘယ်လိုပုံစံမျိုးနဲ့ ကယ်တင်သွားမလဲ ဆိုတာကို ရယ်စရာ အလွဲအချော်ပေါင်းများစွာနဲ့ မြင်တွေ့ရမှာဖြစ်ပါတယ်။ File size…1.75GB / 808MB Quality… BluRay 1080p/ 720p Format…mp4 Duration….1 hr. 33 min. Genre ….. Thriller, Comedy, Youth, Supernatural, Drama Subtitle….Myanmar Subtitle (Hard Sub)

High and Low ပရိသတ် တွေအားလုံးပဲ မင်္ဂလာပါခင်ဗျာ။ ဒီ High and Low:The Worst ဟာ High & Low movieတွဲတွေထဲမှာ (၆)ကားမြောက်ဖြစ်ပြီး timeline အားဖြင့် Final Mission အပြီး ခရူးယုဂိုဏ်းရှုံးနိမ့်သွားချိန်မှာ ဇာတ်အိမ်တည်ထားပါတယ်။ ဇာတ်ကြောင်းကို နည်းနည်း ပြောပြရရင် Final Mission အပြီးမှာ ခရူးယုဂိုဏ်း ၊သံသယဂိုဏ်းတို့နဲ့ အတူ ပျောက်ကွယ်သွားတဲ့ ရတ်ဒရမ်မူးယစ်ဆေးတွေဟာ SWORD ရဲ့ လမ်းမတွေပေါ်မှာ တစ်စတစ်စနဲ့ ပြန်ပေါ်လာပါတော့တယ်။ဆေးရောင်းချမှုတွေဟာ တဖြည်းဖြည်းနဲ့ ပမာဏများလာပြီး မူရာယာမတို့ရဲ့ အိုယာအထက်တန်းကျောင်းအထိ ပြန့်နှံ့ရောက်ရှိလာပါတယ်။အဲ့ဒီအချိန်မှာ အိုယာအထက်တန်းကျောင်းဂိုဏ်းမှာလည်း ပြဿနာတွေတက်နေပြီး ပုဂ္ဂိုလ်စွဲတွေနဲ့ ဂိုဏ်းခွဲတွေ အများကြီး ကွဲလာပါတော့တယ်။ ဒီလိုအတွင်းရေး ပြဿနာတွေကြားထဲမှာ အိုယာဂိုဏ်းသားတွေဟာ ရတ်ဒရမ်ပြဿနာကို ဘယ်လိုဖြေရှင်းကြမလဲ၊သူတို့ကြားထဲမှာရော ဘယ်လိုကိစ္စတွေကြောင့် ပြဿနာတွေတက်နေရတာလဲ၊အိုယာကျောင်းဂိုဏ်းမှာရော ဘယ်လိုအပြောင်းအလဲတွေ ဖြစ်လာမလဲဆိုတာတော့ ဒီဇာတ်ကားထဲမှာ ဆက်လက်ကြည့်ရှုရမှာပဲ ဖြစ်ပါတယ်။ ဒီဇာတ်ကားမှာ အရင် High & Low ဇာတ်ကားတွေထဲက မူရာယာမတို့ တိုဒိုရိုကီတို့လို ဇာတ်ကောင်အဟောင်းတွေလည်း ပြန်ပါပြီး ဇာတ်ကောင်အသစ်တွေနဲ့ ဇာတ်လမ်းအသစ်တွေကိုလည်း မြင်ရမှာမို့ High & Low ပရိတ်သတ်တွေအနေနဲ့ အလွမ်းလဲပြေရမှာ ဖြစ်သလို နောက်ဆက်မယ့် ဇာတ်ကားတွေအတွက်အချိတ်အဆက်တွေလည်း မြင်တွေ့ရပါလိမ့်မယ်။ ဒါကြောင့်မို့ အရင် High and Low ဇာတ်ကားတွေကို ကြိုက်နှစ်သက်တယ်ဆို ဒီ High and Low: The Worst ကိုလည်း ဆက်ဆက်ကြည့်ကြဖို့ တိုက်တွန်းချင်ပါတယ်ခင်ဗျ။ File size…2.34GB / 1.19GB Quality…Blu-Ray 1080p 5.1CH / 720p Format…mp4 Duration….2h 5m Genre ..... Action , Drama Subtitle….Myanmar Subtitle (Hard Sub) Encoder….Thit San Khant Translated by Damien

(English title Kiss that kills) ဒီဇာတ်ကားဟာ ၁လပိုင်း ၇ရက်နေ့မှာစထွက်ခဲ့တာပါ အပတ်တိုင်း တနင်္ဂနွေနေ့တွေမှာ ဂျပန်က NTV Network မှာပြသပါတယ် Rating ကလဲမြင့်ပါတယ် စာဖိုင်ထွက်တာနောက်ကျလို့ ခုမှတင်ပေးရပါတယ် ဒီကားမှာအဓိက ဆွဲဆောင်မှုကတော့ ဂျစ်တီးဂျစ်ကန်အပြုံးလေးတွေနဲ့ဖမ်းစားတတ်တဲ့ Death Note ကားထဲမှာ L အဖြစ်သရုပ်ဆောင်ခဲ့တဲ့ Yamzaki kento ပါပဲ မြန်မာနိုင်ငံမှာတော့ သူ့ကိုချစ်စနိုးနဲ့ ken ken လို့ခေါ်ကျပါတယ် ဒီကားမှာသူကအဓိကသရုပ်ဆောင်ထားပါတယ် မင်းသမီးကလဲ မျက်လုံးဝိုင်းဝိုင်းလေးနဲ့ချစ်စရာကောင်းတဲ့ Mugi Kadowaki ကသရုပ်ဆောင်ထားပါတယ် (မင်းသမီးအကြောင်းတော့ ကိုယ်ကသိပ်စိတ်မဝင်စားလို့မသိဘူး မင်းသားပဲစိတ်ဝင်စားတယ်) ဒါဖြင့်ရင် ဇာတ်လမ်းလေးအမြည်းကျွေးပါမယ် မင်းသားမှာကညီလေးရှိတယ် ငယ်ငယ်လေးမှာ မတော်တဆမှုတစ်ခုကသူ့မျက်စိရှေ့တင်ဖြစ်ပြီးပါသွားတာတွေ့ခဲ့ရတယ် ဒီလိုနဲ့ ကြီးလာရတဲ့ Ken Ken လေးက လောကကြီးမှာ အချစ်မရှိမှသာယာမယ် ငွေနဲ့ သူကြိုက်တဲ့ပစ္စည်းတွေရှိမှသာ ပျော်ရွှင်ရမယ်လို့ ဆိုတဲ့အတွေးအခေါ်ရှိတဲ့ ဧည့်ကြိုကောင်လေးဖြစ်လာတယ် ဧည့်ကြိုဆိုတာ ယဉ်အောင်ပြောတာတကယ်တော့ မမတွေကိုကပ်ခြူစားတဲ့ ကလပ်ကဝန်ထမ်းကောင်ချောလေးပေါ့ သူကမမတွေဆီကရသမျှအကုန်ယူတယ် အဲ့မှာပဲ ထူးထူးဆန်းဆန်း ပြစ်မှုတစ်ခုဖြစ်လာတယ် မိန်းမတစ်ယောက်က နှုတ်ခမ်းကိုအဆိပ်သုတ်ပြီး ယောင်္ကျားတွေကို နမ်းပြီးသတ်နေတာတဲ့ ပိုင်းလုံးတွေ ဖောက်ပြန်တဲ့သူတွေကိုဆိုတော့ အken လေးတစ်ချက်တွေသွားသေးတယ် ဒါပေမယ့်သူကမမူဘူး ပြီးမှသူလက်တွေ့ကြုံရတော့တယ် ထူးထူးဆန်းဆန်းမိန်းမက သူ့ကိုအတင်းဖက်နမ်း သူသေ အတိတ်ကိုပြန်ရောက် ထပ်သေ အဲ့ဒါနဲ့.... ဒီလောက်ပဲပြောပြတော့မယ် ဘာတွေဆက်ဖြစ်မလဲဆိုတာကို ဒေါင်းပြီးတော့သာကြည့်လိုက်ကျပါနော် ken ken လေးကလိမ်ကျစ်ကျပုံလေးတွေ မိသားစအြရှုတ်အရှင်းကိစ္စလေးတွေ သူ့ညီလေးကသေသွားတာလား မသေဘူးလား ဆိုတာနဲ့ မထင်မှတ်တဲ့ အလှည့်အပြောင်းလေးတွေလဲ ပါလို့ ကြည့်ကောင်းမှာပါ နောက်အပတ်တွေမှာ မျှော်ရမဲ့ ကားသစ်တစ်ကားတိုးလာတော့မှာပါ အားပေးတာကိုကျေးဇူးတင်ပါတယ် ဒီဇတ်လမ်းတွဲ အညွှန်းကို Thin Zar Htet က ရေးပေးထားပါတယ် Thin Zar Htet နှင့် May Thazin Soe မှ ဘာသာပြန်ပေးထားပါတယ် Thit San Khant

သင်ဟာ လျှပ်စစ်မီးမရှိပဲ ဘယ်နှစ်ရက်လောက်ထိနေနိုက်ပါသလည်း????? သင်နေ့စဉ်သုံးနေကြ ပစ္စည်းတွေထဲကမှ လျှပ်စစ်နဲ့သုံးရတဲ့ပစ္စည်းတွေ၊ စက်ပစ္စည်းမှ မှန်သမျှက သုံးလို့မရအောင်ရပ်တန့်သွားရင် သင်နေ့စဉ်ဘဝမှာ အစဉ်ပြေနိုင်သေးလား ????? ဒီလိုမေးခွန်းတွေက မြန်မာနိုင်ငံသားတစ်ယောက်ဆိုရင်တော့ သိပ်မထူးဆန်းပေမယ့် ဂျပန်နိုင်ငံသားတွေကို ဒီလိုမေးခွန်းထဲက အခြေအနေတွေမျိုး တစ်ကယ်ဖြစ်လာသောအခါ....... တိုကျိုမြို့ကြီးမှာနေထိုင်တဲ့ ဆူဇူကီး မိသားစုက သာမန်မိသားစုတွေလိုပဲ မြို့ပြယဉ်ကျေးမှုမှာ စီးမျောနေတဲ့မိသားစုတစ်ခု၊ အဖေက company မှာအလုပ်ကြိုးစားတယ်၊ ဒါပေမဲ့ မိသားစုနဲ့ ကင်းကွာနေတယ်၊ အမေကလည်း အိမ်မှုကိစ္စတွေတာဝန်ကျေပွန်ပေမယ့် မိသားစုအတွင်း စည်းလုံးအောင် မလုပ်ဆောင်နိုင်ဘူး၊ သားနှင့်သမီးကလည်း အထက်တန်းကျောင်းသားတွေပီပီ ဖုန်းနှိပ်လိုက်၊ အပေါင်းအသင်းတွေနဲ့ လျှောက်သွားလိုက်နဲ့ မိသားစုစကားပြောဖြစ်တာ တော်တော်ရှားတယ်၊ တစ်ရက် မနက်မိုးလင်းမှာတော့ လျှပ်စစ်မီးပျက်သွားတယ်၊ မီးပျက်မှာကို ကြိုသတိပေးလေ့ရှိတဲ့ ဂျပန်နိုင်ငံမှာတော့ အထူးအဆန်းပေါ့၊ အစကတော့ သူတိူ့တစ်အိပ်ပဲဖြစ်နေတယ်လို့ထင်နေပေမယ့် နောက်ပိုင်းမှ တစ်မြို့လုံးဖြစ်နေကြတယ်၊ ရုံးသွားဖို့အလျင်လိုနေတဲ့ ဆူဇူကီးတစ်ယောက် မနက်စာမစားပဲထွက်လာခဲ့ပေမယ့် ပုံမှန်လာနေကြ အချိန်မှန် ရထားကလည်းရောက်မလာဘူး၊ ဒိလိုနဲ့ ရုံးကိုလမ်းလျှောက်သွားပြီး ရုံးရှေ့ရောက်တော့လည်း လျှပ်စစ်နဲ့လုပ်ထားတဲ့ ရုံးတံခါးကဖွင့်မရ၊ တံခါးကိုရိုက်ချိုးပြီးဝင်လိုက်ပြီး ရုံးတတ်ပြီး အိမ်ပြန်လာ၊ ဖယောင်းတိုင်ထွန်းပြီး အသင့်စားဟင်းတွေနဲ့ပဲ ညစာစားလိုက်ရ... ဒီလိုနဲ့ လျှပ်စစ်မီး ပျက်တောက်မှု၊ စက်ပစ္စည်းတွေ သွားလာလို့မရမှုက တစ်ရက်တစ်လေမဟုတ်ပဲ ရက်ဆက်လာတော့တဲ့အချိန်မှာတော့ နေ့စဉ်စားဖို့သောက်ဖို့တောင်ခက်ခဲလာခဲ့ပြီ၊ အရာရာ အသင့်စား စားသောက်မှုအပေါ်မှာ အလွန်အမင်း မှီခိုအားထားလွန်းတဲ့ ဂျပန်နိုင်ငံသားတွေအတွက်ကတော့ ဒိလိုဖြစ်လာတာက အကြီးမားဆုံးသော ဒုက္ခပဲ၊ တိုကျိုမြို့ကြီးမှာ ဆက်နေထိုင်ဖို့ မဖြစိတော့တဲ့ ဆူဇူကီးမိသားစုအဖို့ ယောက္ခမရှိတဲ့ နယ်ဘက်ကကျေးရွာလေးကို သွားဖို့ စီစဉ်ရတော့တယ်၊ ဒါပေမဲ့ ကားတွေကတစ်စီးမှနှိုးမရတဲ့အဆုံး နောက်ဆုံးတော့ မိသားစုလေးယောက်က စက်ဘီးကိုယ်စီနဲ့ ခရီးရှည်ကြီးစတင်ထွက်လာခဲ့ပါတော့တယ်၊ အပျော်ခရီးတော့မဟုတ်ဘူး၊ မိသားစုတစ်စုလုံးအသက်ရှင်ဖို့အတွက် သွားရတဲ့ Survial Trip..... သူတို့လမ်းခရီးမှာ အဆင်ပြေမလား..... ဘယ်လိုအခက်အခဲတွေနဲ့ ကြုံရမလည်း...... သူတို့ရဲ့ ရည်မှန်းချက် ပန်းတိုင်းကိုကောရောက်သွားမလား....... ကျွန်တော်တို့ ဒီဘက်နှစ်နောက်ပိုင်းမှာ ခေတ်စားလာတဲ့ ရုပ်ရှင်အမျိုးစားက survival movie လို့ခေါ်တဲ့ အခက်အခဲတွေကနေ ရှင်သန်လွှတ်မြောက်အောင် ထွက်ပြေးရတဲ့ရုပ်ရှင်တွေ၊ အနီးစပ်ဆုံး ပရိသတ်သိခဲ့တာ Train Yo Busan ဇာတ်ကား၊ ပုံမှန် survival movie တွေအခြေခံတာက zombie တွေလိုက်လို့ ထွက်ပြေးတာတွေ၊.ရေကြီးလို့ ထွက်ပြေးတာတွေပေါ့၊ ဒါပေမဲ့ အခု ဒီဇာတ်ကားကတော့ ထူးဆန်းတယ်၊ လျှပ်စစ်မီးမရှိ၊ စက်ပစ္စည်းတွေရပ်တန့်သွားလို့ ထွက်ပြေးရတာ၊ တင်စားပြောရရင်တော့ ၂၁ ရာစုခေတ်ကနေ ကျောက်ခေတ်လူနေမှုဘဝကို ကူးပြောင်းခြင်းလို့ ပြောလို့ရတယ်၊ ကျွန်တော်တို့နေ့စဉ်လူနေမှုဘဝမှာ ဘာတွေလိုအပ်လည်း.. အလွယ်ပြောရရင် စား၊ဝတ်၊နေရေး၊ အစားအစာစားသောက်ဖို့ ချက်ပြုတ်ဖို့ လျှပ်စစ်မီးလိုတယ်၊ နေ့စဉ်အသက်ရှင်ဖို့ ရေသန့်လိုတယ် အရှက်လုံခြုံဖို့ အဝတ်အစားလိုတယ် လုံလုံခြုံခြုံနေထိုင်ဖို့ အိမ်တစ်လုံးလိုတယ် တကယ်လို့ ဒီလိုအခြေအနေကနေ ရုတ်တရက်ပျောက်ဆုံးသွားရင်ဆိုတဲ့ မေးခွန်းက ဒီရုပ်ရှင်ကားရဲ့ အသက်ပဲ၊ ပရိသတ်တွေကို ရုပ်ရှင်စကြည့်ကတည်းကမေးလိုက်တာ ရုပ်ရှင်ပြီးခါနီးထိပဲ၊ ဖုန်းအားကုန်သွားလို့ ဖုန်းအားမသွင်းဖြစ်ရင်တောင် တိုင်ပတ်နေတဲ့ ၂၁ ရာစုခေတ်ထဲမှာ လျှပ်စစ်မီးမရှိတာကိုအရမ်းကြီးမားတဲ့ ဒုက္ခပါ၊ နည်းပညာတိုးတတ်လာတော့လည်း သဘာဝနဲ့ကင်းကွာလာခဲ့တယ်၊ သဘာဝရဲ့ အလှအပတွေ ခံစားတတ်ဖို့၊ မိသားစုအချင်းချင်း ရင်းရင်းနှီးနှီးနေထိုင်ဖို့၊ အတူတူခရီးထွက်ဖို့တောင်ခက်ခဲ့လာခဲ့တယ်၊ တစ်ဖက်က တိုးတတ်မှုတွေရှိသလို တစိဖက်ကလည်း ဆုံးရှုံးမှုတွေရှိတဲ့ လောကနိယာမအတိုင်း ကြုံလာရပေမယ့် ဒီလိုမျိုးအဖြစ်မျိုးကနေ ရုန်းထွက်နိုင်ဖို့ ကြိုစားသင့်ကြောင်း ဒီဇာတ်ကား ကျွန်တော်တို့ကိုပြောပြနေတယ်၊ လူသားတွေက ကမ္ဘာပေါ်မှာ နံပါတ် ၁ ဖြစ်နေရတဲ့ အကြောင်းတွေထဲက အရေးကြီးဆုံးတစ်ခုက လူသားတွေရှင်သန်လိုစိတ်ပဲ၊ လူရယ်လို့ဖြစ်လာရင်တော့ အသက်ရှင်သန်ဖို့ရုန်းကန်ခဲ့ရတာပဲ၊ လူ့သမိုင်းမှာလည်း ကျောက်ခေတ်ကစလို့ အသက်ရှင်ဖို့ရုန်းကန်ရင်းပဲ ယနေ့အချိန်ထိရောက်ခဲ့ရတယ်၊ နည်းပညာတိုးတတ်လို့ နည်းပညာအပေါ်မှီခိုလွန်းပေမယ့် တကယ့်အရေးကြုံလာတဲ့အခါမှာတော့ လူသားတွေရဲ့ ပင်ကိုယ်ဗီဇရှင်သန်မှုက ပေါ်ထွက်လာခဲ့တယ်၊ ဒိအချက်ကပဲ ဒီဇာတ်ကားရဲ့ အကောင်းဆုံးသော ခမ်းနားမှုပဲ၊ အစက တစိမ်းဆန်ခဲ့တဲ့ ဆူဇူကီး မိသားစု ၄ ယောက် အခက်အခဲနဲ့ ကြုံလာတဲ့ချိန်မှာတော့ တစ်ဦးကိုတစ်ဥိးနားလည်လာတယ်၊ ဖေးမလာတယ်၊ ယုံကြည်လာခဲ့တယ်၊ ဒါပေမဲ့ ဒိလိုယုံကြည်မှုတွေက လွယ်လွယ်နဲ့ ရလာခဲ့တာတော့မဟုတ်ဘူး၊ သူတို့တွေ ဘယ်လို ရုန်းကန်ရှင်သန်လာရလည်းဆိုတာကိုတော့ ဇာတ်ကားထဲမှာ ကိုယ်တိုင်ခံစားစေချင်ပါတယ်၊ ဒီဇာတ်ကားက surviavl movie တွေရဲ့ ထုံးစံအတိုင်း အခက်အခဲတွေဖြေရှင်းတာတွေပါတယ်၊ ဒါပေမဲ့ သဘောကျမိတာက လူသားဆန်ပြီး လက်တွေ့ကျတဲ့ ဖြေရှင်းနည်းတွေဖြစ်နေတာပဲ၊ တစ်ချို့အချက်တွေဆိုရင် တော်တော်လေး သဘောကျမိပါတယ်၊ ဒါပေမဲ့ မကြည့်ရသေးတဲ့သူတွေအတွက် Spoiler ဖြစ်မှာစိုးရိမ်တာကြောင့် နောက်ကြုံကြိုက်ရင် ဆွေးနွေးချင်ပါတယ်၊သင်ဟာ ဒီဇာတ်ကားကို စိတ်ဝင်စားလို့ ကြည့်မယ်ဆိုရင် ဇာတ်လမ်းအကုန်လုံးမသိအောင် ဂရုစိုက်သင့်ပါတယ်၊ သင်ကိုယ်တိုင် ကြည့်နေရင်းနဲ့ ဆူဇူကီးမိသားစုတွေနဲ့အတူ စီးမျောတာက သင့်အတွက် အဖိုးတန်တဲ့ အချိန် ၂ နာရီဖြစ်လာမှာပါ.၊ 2016 ခုနစ်က Train To Busan ဆိုရင် 2017 က Survival Family ပါပဲ ဒါပေမဲ့ ကိုရီးယားနဲ့မတူတာက ဒီဂျပန်ရုပ်ရှင်က အတင်းမျက်ရည်မချူသွားတာပါပဲ... ဇာတ်ကြောင်းကိုက ပိုပြီးသဘာဝနဲ့နီးစပ်ပြီး ပိုပြီးလက်တွေ့ဆန်ပါတယ်၊ အချက်တစ်ချက်လောက်ပဲ ရုပ်ရှင်ဆန်သွားတာပါ၊ စ လယ် ဆုံး ပရိသတ်ကိုရင်ခုန်စိတ်လှုပ်ရှားမှု အပြည့်နဲ့ ဆွဲခေါ်သွားမယ့်ဇာတ်ကားကောင်းတစ်ကားပါ၊ နိုင်ငံတကာမှာလည်း ချျီးကျူးမှုတွေရထားတဲ့ ဒိဇာတ်ကားက ဆုတွေအများကြီးလည်းရထားပါတယ်၊မြန်မာနိုင်ငံက ပရိသတ်တွေသိတဲ့ သရုပ်ဆောင်တွေလည်း ပါဝင်ထားပါတယ်၊ ဒီဇာတ်ကားထဲက အဖြစ်အပျက်က တကယ်မဖြစ်လာနိုင်ဘူးလို့ ပြောလို့မရပါဘူး၊ တစ်နေ့နေ့မှာ သေချာပေါက်ကြုံတွေလာနိုင်တဲ့ကိစ္စပါ၊ ဒီဇာတ်ကားကိုကြည့်ရှုရင်း ရေတစ်ဘူးရဲ့တန်ဖိုး၊ ထမင်းတစ်လုပ်ရဲ့ တန်ဖိုးကိုပိုသိလာမှာပါ၊ .ဒါကြောင့် ဒီဇာတ်ကားကိုကြည့်ရှုပြီး လူသားတွေရဲ့ အသက်ရှင်ရုန်းကန်နိုင်စွမ်းအားကို ဂုဏ်ယူလိုက်ပါလို့ ပြောကြားရင်း..... (ဇာတ်လမ်းအညွှန်းကိုတော့ ကို Zin Ko Ko ၏ Facebook Account (https://www.facebook.com/profile.php?id=100008562490981) မှကူးယူဖော်ပြပါသည်။ File Size : (900 MB) and (348 MB) Quality : Blu-Ray 720p Running Time : 1hr 57min Format : Mp4 Genre :Comedy Subtitle : Myanmar Subtitle (Hard Sub) Source : 720p.BluRay.x264.DTS-WiKi Translated by Aye Mon Kyaw Encoded by Thanhtike Zaw

His Girlfriend (2015) အထက်တန်းကျောင်းသူဘဝကို ရင်ခုန်စရာ အချစ်ဇာတ်လမ်းလေးတစ်ခုနဲ့ ဖြတ်သန်းချင်နေတဲ့ တက်ကြွဖျတ်လတ်တဲ့ မိန်းကလေးငယ်လေး ရီကာ (Rika)။ ကျောင်းစတက်တဲ့နေ့မှာတင် သူ့ထက် တစ်နှစ်ကြီးတဲ့ စီနီယာဖြစ်သလို ကျောင်းရဲ့ လှုပ်ရှားမှုတွေမှာ ဦးဆောင်လေ့ရှိတဲ့ အစ်ကိုကြီး ခဲအိဂို (Keigo Tsujiki) ကို မြင်မြင်ချင်း စွဲစွဲလန်းလန်း ချစ်မိသွားပါတော့တယ်။ ရီကာ့အတွက်တော့ ဒါဟာ ပထမဆုံးအကြိမ် ဖြစ်တည်လာတဲ့ အထက်တန်းကျောင်းသူဘဝရဲ့ အချစ်ဦး ရင်ခုန်သံပါပဲ။ ဒါပေမဲ့ ဒီအချစ်က ပန်းခင်းလမ်းတော့ မဟုတ်ခဲ့ပါဘူး။ ခဲအိဂိုရဲ့ အနားကို ချဉ်းကပ်ဖို့ ကြိုးစားရင်း ရီကာတစ်ယောက် စိတ်မကောင်းစရာ အမှန်တရားတစ်ခုကို သိလိုက်ရပါတယ်။ အဲဒါကတော့ ခဲအိဂိုရဲ့ နှလုံးသားထဲမှာ ကျောင်းဆင်းသွားခဲ့ပြီဖြစ်တဲ့ တက္ကသိုလ်ကျောင်းသူ အစ်မကြီး အာအိုအိ (Aoi Tachibana) ဆိုတဲ့ မိန်းကလေးတစ်ယောက် နေရာအပြည့်ယူထားနှင့်ပြီးသား ဖြစ်နေတာပါ။ ခဲအိဂိုဟာ အာအိုအိအပေါ် မျှော်လင့်ချက်မရှိတဲ့ တစ်ဖက်သတ်အချစ်နဲ့ နှစ်ရှည်လများ စောင့်ချစ်နေခဲ့တာ ဖြစ်ပါတယ်။ မိမိက ချစ်ရတဲ့သူဟာ အခြားတစ်ယောက်ကို ငေးမောကြည့်နေတာကို ရင်နာနာနဲ့ စောင့်ကြည့်ရတဲ့ ရီကာ၊ ပြီးတော့ သူ့ကိုပြန်မချစ်နိုင်တဲ့ အစ်မကြီးကို တမ်းတနေရတဲ့ ခဲအိဂို။ တစ်ဖက်သတ်အချစ်တွေ၊ မချိတင်ကဲဖြစ်ရမှုတွေ ရှုပ်ထွေးပတ်ချာလည်နေတဲ့ ဆယ်ကျော်သက်လူငယ်လေးတွေကြားက အချစ်တြိဂံ ဇာတ်လမ်းလေးပဲ ဖြစ်ပါတယ်။ နှုတ်ခမ်းနီမင်းသားလေး Jun Shison ဟာ အပြင်ပန်းမှာ လူချစ်လူခင်ပေါပြီး တက်ကြွပုံပေါ်ပေမဲ့ အတွင်းစိတ်မှာတော့ သူတစ်ဖက်သတ်ချစ်ရသူကြောင့် နာကျင်နေရတဲ့ စီနီယာတစ်ယောက်ရဲ့ Profile ကို အကောင်းဆုံး သရုပ်ဆောင်သွားနိုင်ပါတယ်။ သူ့ရဲ့ မျက်ဝန်းတွေကတစ်ဆင့် ခံစားချက်ကို ဖော်ပြတဲ့နေရာမှာ တော်တော်လေး အသက်ဝင်ပါတယ်။ မင်းသမီးလေး Kyoko ရဲ့ သရုပ်ဆောင်မှုကတော့ ဒီကားရဲ့ အသက်ပဲ ဖြစ်ပါတယ်။ ဆယ်ကျော်သက် မိန်းကလေးတစ်ယောက်ရဲ့ ဖြူစင်မှု၊ ချစ်ရသူရဲ့ အပြုံးတစ်ချက်ကြောင့် ကမ္ဘာကြီးတစ်ခုလုံး လင်းထိန်သွားသလို ခံစားရမှုနဲ့ ငြင်းပယ်ခံရတဲ့အခါ ခံစားရတဲ့ ဝမ်းနည်းကြေကွဲမှုတွေကို သဘာဝကျကျနဲ့ ပရိသတ်တွေပါ လိုက်ပြီး မျက်ရည်ဝဲလာအောင် ပုံဖော်သွားနိုင်ပါတယ်။ ဒီဇာတ်ကားဟာ နာမည်ကြီး ဂျပန် Shoujo မန်ဂါ (Manga) ကို အခြေခံပြီး ရိုက်ကူးထားတာဖြစ်လို့ ဂျပန် Live-action ကားတွေရဲ့ ထုံးစံအတိုင်း ဇာတ်ရှိန်ကို အပိုအလိုမရှိဘဲ ရိုးရိုးရှင်းရှင်းလေးနဲ့ သဘာဝကျကျ ပုံဖော်သွားပါတယ်။ တစ်ဖက်သတ်အချစ်ရဲ့ နာကျင်ရမှုတွေ၊ မရေရာတဲ့ မျှော်လင့်ချက် ကြီးမားမှုတွေကို ဆယ်ကျော်သက် လူငယ်သဘာဝအတိုင်း ဖြူစင်စွာ တွေ့မြင်ရမှာမို့လို့ ရှုစားလိုက်ပါဦးနော် ။ File size…1.65GB / 790MB Quality… WEB-DL 1080p/ 720p Format…mp4 Duration….1 hr. 43 min. Genre ….. Romance, Youth, Drama Subtitle….Myanmar Subtitle (Hard Sub)