Kim Go-eun ပါဝင်သော ဇာတ်ကားများ

Guardian: The Lonely and Great God 10th Anniversary (2026) အပိုင်းသစ် (1 မှ 4) စ/ဆုံး ပရိသတ်ကြီးတို့ ရင်ထဲမှာ ၁၀ နှစ်တိုင်တိုင် စွဲကျန်နေခဲ့တဲ့ Goblin ဒရမ်မာရဲ့ Main Cast တွေ ဖြစ်ကြတဲ့ Gong Yoo, Lee Dong-Wook, Kim Go-Eun, Yoo In-Na တို့က အထူးအစီအစဉ်လေးနဲ့အတူ ပြန်လည်ရောက်ရှိလာပါပြီ။ ဒရမ်မာထဲမှာ အွန်းထက်က ဖယောင်းတိုင်မီးမှုတ်ပြီး မှင်စာဦးလေးကြီးကို ပထမဆုံးအကြိမ် ဆင့်ခေါ်လိုက်မိတဲ့ အထင်ကရ ရိုက်ကွင်းနေရာလေးဖြစ်တဲ့ ဂျူမွန်းဂျင်ပင်လယ် တည်ရှိရာ ဂန်းနွန်းမြို့ကို အမှတ်တရခရီး ထွက်ခွာကြမှာပါ။ နာမည်ကြီး ဇာတ်ဝင်ခန်းတွေကို ပြန်လည် သရုပ်ဖော်ပြရင်း အရင်က တစ်ခါမှ ထုတ်ဖော်မပြခဲ့ဖူးတဲ့ ရိုက်ကွင်းနောက်ကွယ်က စိတ်ဝင်စားဖွယ် အကြောင်းအရာတွေကိုပါ ပြောပြပေးသွားမှာမို့လို့ ဒရမ်မာထဲကထက် စိတ်လှုပ်ရှားဖွယ်ကောင်းတဲ့ သူတို့ ၄ ဦးရဲ့ အစစ်အမှန် chemistry တွေကို ကြည့်ရှုဖို့အတွက် မှင်စာသတို့သမီးရဲ့ အမှတ်တရတွေထဲ တစ်ခေါက်ပြန်ပြီး အလည်သွားလိုက်ရအောင်နော်။ Aired: Jul 4, 2026 - ? Aired On: Saturday, Sunday Genres: Life, Documentary Episodes: 4 Original Network: tvN

Yumi's Cells S03 (2026) အပိုင်း (၁ မှ ၈) စ/ဆုံး အားလုံးစောင့်မျှော်နေကြတဲ့ Yumi’s Cells ကတော့ Season 3 အနေနဲ့ ပရိသတ်ကြီးဆီကို ပြန်လည်ရောက်ရှိလို့လာပါပြီ.. ဒီတစ်ခါမှာလည်း ကျွန်တော်တို့ရဲ့ ဇာတ်လိုက်ကျော်ကြီး ယူမီအဖြစ် မမ Go Eun နဲ့အတူ .. The Tale of Lady Ok , King the Land ထဲက အားလုံးရဲ့ အသည်းစွဲမင်းသားလေး Kim Jae Won တို့က အဓိကပါဝင်ထားပြီး တခြားနာမည်ကြီးသရုပ်ဆောင်များစွာလည်း ပါဝင်အားဖြည့်ထားပါတယ် .. ဇာတ်လမ်းအညွှန်း သာမန်ရုံးဝန်ထမ်းတစ်ဦးဖြစ်တဲ့ Kim Yu Mi ဟာ အခုအချိန်မှာတော့ စာဖတ်သူတွေရဲ့ နှလုံးသားကို ဖမ်းစားနိုင်တဲ့ ရိုမန့်စ်ဝတ္ထုစာရေးဆရာမအဖြစ် အောင်မြင်မှုတွေ ရရှိထားပေမဲ့လည်း ငြီးငွေ့ဖွယ်ကောင်းတဲ့ နေ့ရက်တွေကို ဖြတ်သန်းရင်းနဲ့ သူမဘဝဟာ အဓိပ္ပါယ်ပျောက်ဆုံးလို့ နေပါတယ် ။ ဒီလိုမျိုး အဓိပ္ပါယ်မဲ့နေတဲ့ Yu Mi ရဲ့ ဘဝထဲကို မမျှော်လင့်ဘဲနဲ့ အသက် ၂၀ အရွယ် အယ်ဒီတာလေး Shin Sun Rok (Kim Jae Won)ရုတ်တရက် ဝင်ရောက်လာတဲ့အခါမှာတော့ တိတ်ဆိတ်ငြိမ်သက်နေတဲ့ သူမရဲ့ အချစ်ဆဲလ်ရွာလေးက တစ်ဖန်ပြန်လည် အသက်ဝင်လာပါတော့တယ် ။ ဒီတစ်ခေါက် season မှာရော ဆဲလ်လေးတွေရဲ့ ထိန်းချုပ်လမ်းညွှန်မှုနဲ့ အတူ Yu Mi က အချစ်စစ်ကို ရှာဖွေတွေ့ရှိနိုင်သွားမလား …. မမနဲ့ မောင်လေးရဲ့ ရင်ခုန်စရာ အချစ်ဇာတ်လမ်းလေးကရော လှလှပပနဲ့ အဆုံးသတ်သွားမလားဆိုတာကိုတော့ .. ချစ်စရာကောင်းတဲ့ animation ဆဲလ်လေးတွေနဲ့ ရောနှောပုံဖော်ထားတဲ့ ဒီဇာတ်ကားလေးထဲမှာ အတူရင်ခုန်စီးမျောလိုက်ကြပါဦးနော် .. Episodes: 8 Aired: Apr 13, 2026 - May 4, 2026 Aired On: Monday Original Network: TVING, tvN, Disney Genres: Comedy, Romance, Life, Drama

The Price of Confession (2025) အပိုင်းသစ် (1 မှ 12) စ/ဆုံး “Memories of the sword” ဇာတ်ကားပြီးနောက် ၁၀ နှစ်အကြာမှပြန်ဆုံတဲ့ Kim Go Eun နဲ့ Jeon Do Yeon တို့ မင်းသမီးနှစ်ဦးရဲ့ ရုပ်ရှင်လေးကတော့ ထွက်ရှိလို့လာပါပြီ။ ဒီကားလေးထဲမှာတော့ မင်းသမီး Kim Go Eun ကို Psychopath ကာရိုက်တာနဲ့ တစ်မူထူးခြားစွာ တွေ့မြင်ရမှာဖြစ်ပြီး သရုပ်ဆောင် Park Hae Soo နဲ့ Jin Seong Kyu တို့ကလည်း အဓိက သရုပ်ဆောင်အဖြစ် ပါဝင်အားဖြည့်ထားပါတယ်။ ~ ဇာတ်လမ်းအညွှန်း ~ အနုပညာဆရာမအဖြစ် အသက်မွေးဝမ်းကြောင်းပြုရင်း ဘဝကို အေးအေးချမ်းချမ်း ဖြတ်သန်းနေတဲ့ An Yun Su (Jeon Do Yeon ) ဟာ သူရဲ့ခင်ပွန်းဖြစ်သူ အသတ်ခံရပြီးနောက်မှာတော့ သံသယရှိသူအဖြစ် စွပ်စွဲခံလိုက်ရပါတော့တယ်။ သူမဟာ လူသတ်မှုနဲ့ ထောင်ကျနေတဲ့အချိန် တခြားသူရဲ့အတွေးတွေ ခံစားချက်တွေကို အလွယ်တကူ ဖောက်ထွင်းမြင်နိုင်လို့ လူအများက “ စုန်းမ” လို့ သတ်မှတ်ထားတဲ့ Mo Eun (Kim Go Eun) ဆိုသူနဲ့ တွေ့ဆုံခဲ့ပြီးနောက် လျှို့ဝှက်ချက်တွေ အသီးသီးရှိနေကြတဲ့ သူတို့နှစ်ယောက်ဟာ အန္တရာယ်များတဲ့ အပေးအယူတစ်ခု လုပ်ခဲ့ပါတော့တယ်။ အဲဒီလို An Yun Su နဲ့ Mo Eun တို့ နှစ်ယောက်ကြားက လျှို့ဝှက်ချက်ကို ဖော်ထုတ်ဖို့ ကြိုးစားနေတဲ့ အမှုစစ် Baek Dong Hun (Park Hae Soo) နဲ့ An Yun Su ရဲ့ အပြစ်ကင်းစင်မှုကို သက်သေပြဖို့အတွက် အမှန်တရားကို စုံစမ်းနေတဲ့ An Yun Su ရဲ့ ရှေ့နေ Jang Jeong Gu (Jin Seon Kyu).... “ စုန်းမ ”လို့ အမည်တွင်နေတဲ့ Mo Eun နဲ့ လူသတ်သမားလို့ မတရား စွပ်စွဲခံလိုက်ရတဲ့ An Yun Su တို့ နှစ်ယောက်ရဲ့ လျှို့ဝှက်အပေးအယူက ဘာဖြစ်မလဲ.... အဲဒီအပေးအယူရဲ့ နောက်ကွယ်မှာ‌ရော ဘာတွေရှိနေမလဲ... အမှုစစ်နဲ့ ရှေ့နေတို့ကရော တကယ့် အမှန်တရားကို ရှာဖွေဖော်ထုတ်သွားနိုင်ပါ့မလားဆိုတာကို တစ်ခါတည်း အပြီးထိ ထွက်ရှိမဲ့ ဒီဇာတ်ကားလေးထဲမှာ စောင့်မျှော်ကြည့်ရှုလိုက်ရအောင်နော်။ Aired: Dec 5, 2025 Aired On: Friday Genres: Thriller, Mystery, Psychological, Crime Episodes: 12 Original Network: Netflix

You and Everything Else (2025) အပိုင်းသစ် (1 မှ 15) စ/ဆုံး အားလုံး စောင့်မျှော်နေကြတဲ့ ဒိတ်ဒိတ်ကြဲ မင်းသမီးနှစ်ဦးဖြစ်တဲ့ Kim Go Eun နဲ့ Park Ji Hyun တို့ အဓိကပါဝင်သရုပ်ဆောင်ထားတဲ့ Life, Drama အမျိုးအစား ဇာတ်ကားလေးကတော့ ထွက်ရှိလို့လာပါပြီ။ ဇာတ်လမ်းအညွှန်း Ryu Eun Jung (Kim Go Eun) ဟာ ပွင့်လင်းပြီး ဖော်ရွေတဲ့ အကျင့်စရိုက်ကြောင့် လူတွေကို အလွယ်တကူ ဆွဲဆောင်နိုင်သူတစ်ဦးပါ။ သူမနဲ့ မူလတန်းမှာတည်းက ဆုံတွေ့ခဲ့ပြီး သူမရဲ့ အခင်ဆုံးသူငယ်ချင်းလည်းဖြစ် ဘဝတစ်လျှောက်လုံး ပြိုင်ဘက်လည်းဖြစ်တဲ့ Cheon Sang Yeon (Park Ji Hyun) ကတော့ ချမ်းသာတဲ့ မိသားစုကနေလာပြီး တစ်မူ ထူးခြားတဲ့ ပင်ကိုယ်စွမ်းရည်‌တွေကြောင့်ပဲ Eun Jung ဟာ Sang Yeon ကို အမြဲတမ်း မနာလိုအားကျနေခဲ့ရတာပေါ့။ တစ်ခါတစ်ရံ တစ်ယောက်နဲ့ တစ်ယောက် မုန်းတီးတဲ့အချိန်‌တွေရှိပေမဲ့လည်း အခင်ဆုံးသူငယ်ချင်းအဖြစ် ဆက်ရှိနေကြဆဲဖြစ်တဲ့ သူတို့ ၂ ဦးက မတူညီတဲ့ ဘဝအခြေအနေကြောင့် နှစ်တွေအများကြီး ဝေးကွာပြီး အဆက်အသွယ် ပြတ်နေခဲ့ရာမှ ဆယ်ကျော်သက်အရွယ်မှာ အဆက်အသွယ်ပြန်လုပ်ဖြစ်ပြီး အခု အသက် ၄၀ အရွယ်မှာတော့ Eun Jung က ရုပ်ရှင်စာရေးဆရာမတစ်ဦးဖြစ်လာပြီး Sang Yeon ကတော့ အောင်မြင်တဲ့ ရုပ်ရှင်ထုတ်လုပ်သူတစ်ဦး ဖြစ်နေပါပြီ။ အဲဒီလိုနဲ့ပဲ တစ်နေ့မှာတော့ Sang Yeon က ရုတ်တရက်ရောက်လာပြီး သူ့ဘဝရဲ့ နောက်ဆုံးနေ့ရက်‌တွေမှာ အဖော်ပြုပေးဖို့အတွက် Eun Jung ကို တောင်းဆိုတဲ့အခါမှာတော့ .... ဆယ်ကျော်သက်အရွယ်ကနေ အသက် ၄၀ အရွယ်ရောက်တဲ့အထိ တစ်ယောက်အပေါ်တစ်ယောက် အချစ်၊ အမုန်း၊ မနာလိုမှု၊ ပြိုင်ဆိုင်မှုတွေနဲ့ ခင်မင်ရင်းနှီးခဲ့ကြတဲ့ ဒီသူငယ်ချင်း ၂ ဦးက ဘဝရဲ့ နောက်ဆုံးအချိန်အထိ ဘယ်လိုအားပေးပြီး အဖော်ပြုပေးသွားမလဲဆိုတာကို ဒီဇာတ်ကားလေးထဲမှာ ကြည့်ရှုလိုက်ရအောင်နော်။ Aired: Sep 12, 2025 Aired On: Friday Genres: Romance, Life, Drama, Melodrama Episodes: 15 Original Network: Netflix

The Ways of Tasting (2024) အပိုင်းသစ် (၁ မှ ၄) စ/ဆုံး နာမည်ကြီးမင်းသမီးတွေဖြစ်တဲ့ Kim Go-eun နဲ့ Lee Ji-​ah တို့ရဲ့ အရက်ရှိုးအသစ်လေးနဲ့ အားလုံးကိုမိတ်ဆက်ပေးချင်ပါတယ်။ ဒီရှိုးလေးမှာတော့ မမလှလှနှစ်ယောက်က ကိုးရီးယားနဲ့ထိုင်ဝမ်မှာရှိတဲ့ နာမည်ကြီးစားသောက်ဆိုင်တွေ ဘားတွေကိုသွားပြီး ဝီစကီနဲ့လိုက်ဖက်တဲ့ တွဲဖက်အစားအစာတွေကို ရှာဖွေမြည်းစမ်းသွားကြမှာပဲဖြစ်ပါတယ်။ ရိုးရိုးအရက်သောက်ပြီး စကားပြောရုံမဟုတ်ဘဲ ဘယ်အစားအစာဆိုရင် ဘယ်လောက်သက်တမ်းရှိတဲ့ ဝီစကီနဲ့လိုက်ဖက်တယ် ဘယ်လို အရသာခံပြီး သောက်ရင် ပိုကောင်းတယ်ဆိုတာကို နေရာဒေသအသီးသီးရဲ့ ချက်ပြုတ်မှု ဓလေ့တွေနဲ့အတူ တင်ဆက်ပေးသွားမို့လို့  အသောက်တလိုင်းတွေအတွက် ကြည့်လို့ကောင်းစေမယ့် ရှိုးလေးတစ်ခုပါပဲ။ ကဲ ဒါဆိုရင် မမလှလှနှစ်ယောက်ကိုငမ်းရင်း ဝီစကီတွေ စားစရာတွေကိုပါ အတူတူသွားရည်ကျလိုက်ကြရအောင်နော်။ (အညွှန်းကိုတော့ Hsu Pyae မှ ရေးသားထားပါတယ်။) Aired: Nov 17, 2024 - Dec 8, 2024 Aired On:  Friday Genres: Food,  Reality Show Episodes: 4 Original Network: tvN Translated by CM Team Encoded by Tiff

Love in the Big City (2024) IMDb... 7.9 Series အနေနဲ့ အရင် ထွက်ရှိခဲ့တဲ့ Love In The Big City ရဲ့ Movie Version ထွက်ရှိလို့ လာပါပြီ။ Movie Version မှာတော့ လောလောလတ်လတ် Exhuma ဇာတ်ကားနဲ့ ဆုတွေ ဆွတ်ခူးရရှိထားတဲ့ မင်းသမီး Kim Go Eun နဲ့ Soundtrack 2, Curtain Cell အစရှိတဲ့ ဇာတ်လမ်းတွဲထဲက မင်းသား Noh Sang Hyunတို့က Main Cast အဖြစ် ပါဝင်ထားပါတယ်။ (ယခုကားနဲ့ပဲ မင်းသား Noh Sang Hyun ဟာ 45th Blue Dragon Film Awards မှာ တက်သစ်စ အမျိုးသားသရုပ်ဆောင်ဆု ကိုရရှိခဲ့ပါသေးတယ်။) -ဇာတ်လမ်းအညွှန်း- ပြင်သစ် ဘာသာ စကားကို အထူးပြုလေ့လာနေတဲ့ ဂူဂျယ်ဟီး (Kim Go Eun) ကတော့ ဘဝကို အပူအပင်မရှိ ပေါ့ပေါ့ပါးပါး ဖြတ်သန်းနေပြီး ရည်းစားထားရတာကို သဘောကျတဲ့ Straight Woman ဖြစ်ပြီး သူ့ရဲ့ ပွင့်လင်းတဲ့စရိုက်ကြောင့် ကျောင်းမှာလည်း မကြာခဏဆိုသလို အတင်းပြောခံရတဲ့ ကောင်မလေးပေါ့။ ဂူဂျယ်ဟီးနဲ့ တစ်ကျောင်းတည်းမှာ အတူတူ တက်နေတဲ့ ဂျန်ဟွန်းဆူကတော့ လိင်တူချင်း သဘောကြသူဖြစ်ပြီး ဂေးဆိုတဲ့ ဖြစ်တည်မှုကို တစ်ဘဝလုံး လျှို့ဝှက်လာခဲ့သူ ဖြစ်ပါတယ်။ အဲဒီလိုနဲ့ တစ်ရက်မှာတော့ မထင်မှတ်ဘဲ ဟွန်းဆူရဲ့ လျှို့ဝှက်ချက်ကို ဂျယ်ဟီးက သိရှိသွားပါတော့တယ်။ ဒါပေမဲ့ ဟွန်းဆူ ကြောက်ရွံ့နေသလိုမျိုး ဂျယ်ဟီးက သူ့ရဲ့ ဖြစ်တည်မှုကို ပြက်ရယ်ပြုတာမျိုး မရှိဘဲ သူ့ကို ကာကွယ်ရပ်တည်ပေးခဲ့ပါသေးတယ်။ ဒီလိုနဲ့ ရင်ဘတ်ချင်းတူလို့ ဘော်ဒါဖြစ်သွားတဲ့ သူတို့နှစ်ယောက်ဟာ တစ်ယောက်ကို တစ်ယောက် အကြံပေးရင်းနဲ့ သူတို့နှစ်ယောက် ရှာဖွေနေတဲ့ အချစ်ကို အတူတကွ ဘယ်လိုရှာဖွေသွားမလဲဆိုတာတွေကို အခုခေတ် လူငယ်တွေမှာ ဖြစ်လေ့ရှိတဲ့ နေထိုင်မှုဘဝ ပြဿနာတွေကို လက်တွေ့ဘဝမှာပါ ထင်ဟပ်အောင် ရိုက်ကူးထားတဲ့ ကားဖြစ်လို့ တစ်ခါလောက်တော့ ရှုစားကြည့်ဖို့ ညွှန်းဆိုလိုက်ပါတယ်။ (ဇာတ်လမ်းအကျဉ်းကို  Treasure Htet  မှ ရေးသားပေးထားပါတယ်။) File size…  2.23GB / 820MB Quality… WEB-DL 1080p / 720p Format…mp4 Duration….1h 58m Genre ….. Romance, Life, Drama Subtitle….Myanmar Subtitle (Hard Sub) Encoder….Tiff Translated by Treasure Htet, Stary, Hnin Wai Oo & Miri

Exhuma 2024 စံချိန်တင်ကြည့်ရှု့သူ 10 သန်းကျော်ရရှိတဲ့ ပထမဆုံး Korean Occult Horror Film ဖြစ်လာတဲ့ ‘Exhuma’ ရုပ်ရှင် ပထမဆုံးရုံတင်ရက်ကနေ အခုချိန်ထိ Box office No 1 မှာပဲရှိနေခဲ့တဲ့ Exhuma ရုပ်ရှင်ဟာ စံချိန်တင်ကြည့်ရှု့သူ 10 သန်းကျော်ရရှိတဲ့ ပထမဆုံး Korean Occult Horror Film ဖြစ်လာရုံသာမက Box Office သမိုင်းမှာ 10 million viewers ကျော်ရရှိတဲ့ 23 ခုမြောက် ကိုရီးယားရုပ်ရှင် ဖြစ်လာခဲ့ပါတယ်။ အကြည်ထွက်လာလို့ cm ပရိတ်သတ်တွေအတွက် တင်ဆက်ပေးလိုက်ပါတယ်.. နာမည်ကြီး kdrama တွေဖြစ်တဲ့ (Goblin, TheKing: Eternal Monarch, Little Women) တို့ရဲ့ မင်းသမီး Kim Go Eun နဲ့ (Youth Of May, The Good Bad Mother, The Glory) တို့ရဲ့ မင်းသား Lee Do-hyun တို့က ပါဝင်သရုပ်ဆောင်ထားကြပါတယ်.... ဒီ movieထဲမှာဆိုရင် မင်းသမီး Kim Go Eun ရော မင်းသား Lee Do-hyun ကပါ သူတို့တစ်ခါမှ သရုပ်မဆောင်ဘူးကြသေးတဲ့ နတ်ဆရာကာရိုက်တာတွေနဲ့ မြင်တွေ့ကြရမှာပါ.... ဇာတ်လမ်းကတော့ နတ်ဆရာအဖွဲ့ ဟာ အုတ်ဂူတွေတူးပြီး ဝိညဉ်တွေကိုနေရာပြောင်းဖို့လုပ်ရာကနေ ထင်မှတ်မထားတဲ့ကြမ္မာဆိုးတွေ ဆက်တိုက်တွေ့ကြုံလာတဲ့အကြောင်းဖြစ်ပါတယ်... ခံစားကြည့်ကြပါဦး.... File size…1.73GB / 737MB Quality…WEB-DL  720p Genres: Thriller, Mystery, Horror, Supernatural Duration: 2 hr. 13 min. Subtitle….Myanmar Subtitle (Hard Sub) Translated By Tiff, Theint, Miri, Chit Thae, Stary, Shwe Pyae & Zuri Encoded By Heather Oo

တောင်ကိုရီးယားရဲ့ အချမ်းသာဆုံး အလွှမ်းမိုးနိုင်ဆုံး မိသားစုကြီးနဲ့ အပြိုင်ဖိုက်ရ‌‌မယ့် မိန်းမငယ်လေးသုံးယောက်... 𝑳𝒊𝒕𝒕𝒍𝒆 𝑾𝒐𝒎𝒆𝒏 Poster မြင်ကတည်းက အားလုံးစောင့်မျှော်နေကြတဲ့ ‌ ညီအစ်မ သုံးယောက်ကားလေး လာပါပြီ။ မိန်းမသုံးယောက်ကား(Penthouse)တိုင်း ပါပြီး၊ ဝင်ရှို့လိုက်ရမှ ကျေနပ်တဲ့ ဦးဦးဂျူဒန်းထယ်ကို လွမ်းနေကြတဲ့သူတွေ အတွက် အလွမ်းပြေကြည့်လို့ရပါပြီ!! {All Of Us Are Dead ထဲက မင်းသမီးလေး} Oh In-Hye (Park Ji-Hu)က ညီအစ်မသုံးယောက်ထဲမှာ အငယ်ဆုံးဖြစ်ပြီး၊ ပန်းချီဆွဲတဲ့နေရာမှာ မွေးရာပါ ပါရမီပါတဲ့ သူဖြစ်ပါတယ်၊ နာမည်ကြီး အနုပညာကျောင်းကြီးမှာ တက်ရောက် နေတဲ့ အထက်တန်းကျောင်းသူလေးဖြစ်တဲ့အပြင် အစ်မနှစ်ယောက် အရမ်း အချစ်ခံရတဲ့ အချစ်ခံညီမလေးဖြစ်ပါ‌တယ်။ Oh In-Kyung (Nam Ji-Hyun) ကတော့ အလတ်မလေးဖြစ်ပြီး သတင်း ဌာနမှာ စိတ်အားထက်သန်၊ အလုပ်ကြိုးစားတဲ့ သတင်းထောက်မလေးဖြစ် ပါတယ်။ဘယ်အရာမဆို မှန်ကန်တာကိုပဲ ကြိုက်တဲ့အတွက် သူတစ်ပါးကို လိမ်ညာလှည့်စားခိုးယူပြီး ပိုက်ဆံရှာရတာ မနှစ်သက်တဲ့သူပါ။ သူသတင်း ထောက်ဖြစ်ဖြစ်ချင်းမှာပဲ လျှို့ဝှက်ဆန်းကြယ်တဲ့အမှုတစ်ခုနဲ့ ကြုံတွေ့ရပါ တော့တယ်။ အကြီးဆုံးအစ်မဖြစ်တဲ့ Oh In-Joo (Kim Go-Eun) ကတော့ ဆင်းရဲတဲ့ ပတ်ဝန်းကျင်မှာ ကြီးပြင်းလာခဲ့ရပြီး၊ ဘဝကိုခက်ခက်ခဲခဲ ရုန်းကန်နေရတဲ့သူပါ။ သူ့ညီမလေးတွေကို ကာကွယ်စောင့်ရှောက်နိုင်ဖို့အတွက် ပိုက်ဆံက အရေး အကြီးဆုံးလို့ ခံယူထားတာပေါ့နော်။ သူများတွေလို အေးဆေးတဲ့ ၊ ဘာကိုမှ မပူပန်ရတဲ့ သာမန်ဘဝလေးမှာ နေဖို့က သူ့အိပ်မက်ပါပဲ။ ဒါပေမဲ့ In Joo တစ်ယောက် သူတို့ ညီအစ်မသုံးယောက်ရဲ့ ဘဝကိုပြောင်းလဲသွားစေမယ့် အမှုတစ်ခုကို ရင်ဆိုင်လိုက်ရတဲ့အခါ.... "ကျွန်မတို့ ညီအစ်မ သုံးယောက် အပူအပင်မရှိ ‌ ချောချောမွေ့မွေ့နေသွားတော့မှာ" ယော်ရောဘွန်းတို့ကို အသည်းခွဲသွားတဲ့ TvN ရဲ့ "Alchemy of Souls" အပြီး နေရာမှာ အစားလာတဲ့ ကားလေးဖြစ်ပြီး အမိုက်စား Casts တွေနဲ့အတူ လောင် ရမလား ငိုရမလား ပျော်ရမလားဆိုတာ... စနေ တနင်္ဂနွေနေ့တိုင်း စောင့်မျှော် ကြည့်ရှုနိုင်ပါပြီ။ (ဒီစီးရီးရဲ့ အညွှန်းကို Khaing Khin  မှရေးသားပေးပြီး၊ ဘာသာပြန်ရေးသားပေး သူများကတော့ CM Team မှဖြစ်ပါတယ်။) File Size - (800 Mb) / (500 MB) Quality – HDTV 1080p / 720p Duration - 1Hr(@Episode) Subtitle – Myanmar Hardsub Format – MP4 Genre : Romance, Drama, Family Translator – CM Team Encoder – SWM

Hero(2022) ဒီရုပ်ရှင်ကားကြီးဟာ တော်လှန်ရေးသူရဲကောင်းAhn Jung Geun  ရဲ့အကြောင်းကိုအခြေခံပြီး ရိုက်ကူးထားတာဖြစ်တယ်.. ဒီလူဟာ ကိုရီးယားသမိုင်းရဲ့ အထင်ကရ ပုဂ္ဂိုလ်ဖြစ်လေတော့ဒါရိုက်တာကလည်း အဘက်ဘက်က ပြည့်စုံအောင် သေချာကိုရိုက်ကူးထားတာတွေ့ ရတယ်.. Musical လည်းပါလေတော့ လိုက်ဖက်ပြီး ဇာတိမာန်တက်ကြွစေတဲ့သီချင်းတွေသုံးထားတော့ကြည့်ရှုတဲ့သူတွေကိုပါ သွေးဆူစိတ်လှုပ်ရှားစေတယ်.. B.Oလည်းဝင်သလိုကြည့်သင့်တဲ့ကားတစ်ကားလည်းဖြစ်တယ်.. “၃ နှစ်အတွင်း ငါတို့အမိမြေရဲ့ရန်သူ အီထို ဟီရိုဘူမီကို မရှင်းပစ်နိုင်ရင်...အဲဒီအခါ သတ်သေပါ့မယ်” 1900 ခုနှစ်အစပိုင်းမှာ ကိုးရီးယားနိုင်ငံအပေါ် ဂျပန်နိုင်ငံရဲ့အာဏာလွှမ်းမိုးမှု ကြီးမားလာတဲ့အလျောက်လွတ်လပ်ရေးလှုပ်ရှားမှုခေါင်းဆောင် အန်ဂျွန်ဂွန်းနဲ့ ရဲဘော်အပေါင်းအပါတို့က လက်သူကြွယ်ကို ဖြတ်ပြီးအဆိုပါကျမ်းသစ္စာကို ကျိန်ဆိုခဲ့ကြပါတယ်.. အဲဒီကျမ်းသစ္စာကို တည်နိုင်ဖို့အတွက် အန်ဂျွန်ဂွန်းနဲ့ ရဲဘော်အပေါင်းအပါတွေရဲ့ လွတ်လပ်ရေးလှုပ်ရှားမှု လုပ်ဆောင်ကြပုံတွေ ဂျိုဆွန်းနယ်ချဲ့မှုရဲ့ အဓိကတရားခံဖြစ်တဲ့ အီထို ဟီရိုဘူမီကို ရှင်းပစ်နိုင်ဖို့ ကြိုးစားကြပုံတွေကိုတော့ ဇာတ်ကားလေးထဲမှာပဲ ဆက်လက်ကြည့်ရှုလိုက်ကြပါဦး‌နော်.. အားလုံးသိပြီးသား မင်းသမီးလေး Kim Go Eun လည်း ပါ၀င်သရုပ်ဆောင်ထားပါတယ် Musical ရုပ်ရှင်ဖြစ်တဲ့အတွက် သီချင်းအမိုက်စားတွေနဲ့ပါ ထပ်‌ပေါင်းပံ့ပိုးပေးထားတာဖြစ်လို့ကြက်သီးမွေးညင်းထရင်းနဲ့ ကြည့်ရမဲ့ကားလေးပါ .... File Size :( 1.84GB )(837MB) Quality :WEB-DL1080P, 720p Format…mp4 Duration…02:00:00 Genre : Biography,History, Drama Subtitle : Myanmar Subtitle (Hard Sub) Translated by Hnin Wai Oo & Miri Encoded by Phyo Pyae

Sea of Hope (2021) "မျှော်လင့်ခြင်း ပင်လယ်" ပင်လယ် ..... ပင်လယ်ဆိုတာ စိတ်ထွက်ပေါက်ရနိုင်တဲ့ အကောင်းဆုံးနေရာ မြို့ပြရဲ့မွန်းကြပ်မှုတွေကနေ ထွက်ပြေးလွတ်မြောက်နိုင်တဲ့နေရာ ..... ရိုးအီနေတဲ့ နေ့စဉ်ဘဝတွေကနေ လွတ်မြောက်ရာနေရာ ..... ပင်လယ်လေလေးကို တစ်ဝ ရှူရှိုက်ပြီး အရက်ကောင်းကောင်းလေးတစ်ခွက်ရယ် ..... ငြိမ့်ငြောင်းတဲ့ သံစဉ် ပျော့ပျော့ပျောင်းပျောင်းလေးတွေနဲ့ ဆိုရင် စိတ်ဟာ အနည်းနဲ့အများတော့ သက်သာရာ ရတာပါပဲ။ ဒီတော့ နာမည်ကြီး အနုပညာရှင်တွေ ပါဝင်တင်ဆက်ထားတဲ့ ရသစုံရှိုးတစ်ခု ဖြစ်တဲ့ ...... "မျှော်လင့်ခြင်း ပင်လယ်" ဆိုတဲ့ ဘားလေးဆီကို ကျွန်တော်တို့ အလည်တစ်ခေါက် သွားကြရအောင်ပါ။ အဲဒီဘားလေးမှာ ဘယ်သူတွေ ရှိမလဲ ဆိုတာကတော့ ..... Bartendr အဖြစ် နာမည်ကြီးသရုပ်ဆောင် မင်းသား Lee Dong Wook စားဖိုမှူးအဖြစ် နာမည်ကြီး သရုပ်ဆောင် မင်းသမီး Lee Ji-Ah ပင်လယ်က သက်တော်စောင့် အဖြစ် နာမည်ကြီး သရုပ်ဆောင် မင်းသမီး Kim Go-Eun မုန့်ဖုတ်သမားအဖြစ် နာမည်ကျော် အဆိုတော် တစ်ဦးဖြစ်တဲ့ Shinee အဖွဲ့ဝင် Onew သီချင်းပိုင်ဆိုင်ရာကိုတော့ နာမည်ကျော် အဆိုတော် တစ်ဦးဖြစ်တဲ့ ယွန်းဂျောင်ရှင်း ဘားမှာ ဖျော်ဖြေသူအဖြစ် နာမည်ကျော် အဆိုတော်တစ်ဦးဖြစ်တဲ့ Lee Soo Hyun တို့က တာဝန်ယူ တင်ဆက်ပေးသွားမှာပါ အပိုင်း ၁ ရဲ့ ဧည့်သည်အဆိုတော်အနေနဲ့ Blackpink အဖွဲ့မှ Rose က တင်ဆက်ပေးသွားမှာပဲ ဖြစ်ပါတယ်။ စိတ်တွေ မွန်းကြပ်နေတဲ့အချိန်မှာ ပင်လယ်ကို မသွားနိုင်ရင်တောင် ပင်လယ်ကို သွားရသလို ခံစားမိမယ့် အစီအစဉ်မို့ စိတ်ထွက်ပေါက်တစ်ခုတော့ ကျိန်းသေပေါက် ရမှာပါ။ အညွန်းကို August က ရေးသားပေးထားပြီးတော့ ဘာသာပြန်တွေကတော့ August, Kim Khin Hana, Deer, Amelia, Eaindray တို့ပဲ ဖြစ်ကြပါတယ်။ File size…1 GB Quality….WEB-DL 720p Format…mp4 Duration….1h 30min Subtitle….Myanmar Subtitle (Hardsub) Translator ..... August, Kim Khin Hana, Deer, Amelia, Eaindray Encoder ..... August

Kအားလုံးစောင့်မျှော်နေတဲ့ စီးရီးလေး စတင်ပါပြီ။ အပတ်စဉ် သောကြာ စနေ ညတွေမှာ တင်ဆက်ပေးသွားမှာ ဖြစ်ပါတယ်။ မင်းသားကတော့ F4 မင်းသားလို့ အများသိတဲ့ လီမင်ဟိုပါပဲ။ ဒီစီးရီးကတော့ အပြိုင်စကြဝဠာ၊ အပြိုင်ကမ္ဘာ အယူအဆတွေနဲ့ပဲ တည်ဆောက်ထားတာပါ။ အပြိုင်ကမ္ဘာတစ်ဖက်မှာ Corea (ကိုရီးယား တိုင်းပြည်) ရှိပါတယ်။ အဲဒီမှာ အင်မတန်အစွမ်းထက်တဲ့ ပုလွေတစ်ခု ရှိပြီးအဲဒီပုလွေကို လုယူဖို့အတွက် မင်းသား လီလင် ဟာ အစ်ကိုဖြစ်သူ မင်းကြီးကို လုပ်ကြံခဲ့ပါတယ်။ ဒါပေမယ့် အိမ်ရှေ့စံမင်းသား ကလေးငယ် လီဂွန် (လီမင်ဟို) က တားဆီးခဲ့တဲ့အတွက် မအောင်မြင်ဘဲ ထွက်ပြေးသွားခဲ့ပါတယ်။ အဲဒီအချိန်မှာ လီဂွန်ကို အမည်မသိ လူတစ်ယောက်က ကယ်ဆယ်ခဲ့ပြီး ဂျောင်ထယ်အူ ဆိုတဲ့ ရဲကတ်ပြားလေး ကျန်နေခဲ့ပါတယ်။ လီဂွန်က ဘုရင်အဖြစ် နန်းတက်ပြီး အရွယ်ရောက်လာချိန်မှာ အပြိုင်ကမ္ဘာက စုံထောက်မ ဗိုလ် ဂျောင်ထယ်အူ နဲ့ ပြန်တွေ့ဆုံကြတဲ့အခါမှာ CM Team က ဘာသာပြန်ပေးထားပြီး LK မှ တင်ဆက်ပေးထားပါတယ်။

Hit-and-Run Squad (2019) IMDb... 6.6 Gong Hyo Jin, Jo Jung Seok, Ryu Jun Yeol, Seon Suk Ku, Yeom Jung Ah, Jeon Hye Jin.. စတဲ့ နာမည်ကြီး ဒိတ်ဒိတ်ကြဲတွေ ပါဝင်သရုပ်ဆောင်ထားတဲ့ ကားတိုက်​​ပြေးအမှုကို ​ ဖော်ထုတ်တဲ့ Hit-and-Run Squad စုံထောက်ဇာတ်လမ်းတစ်ခုနဲ့ မိတ်ဆက်​ပေးပါရစေ။ ရဲအတွင်းစစ်ဌာနတစ်ခုရဲ့ ဒုအဖွဲ့မှူးတစ်ဖြစ်လဲ ရဲဌာနတွင်း အကျင့်ပျက်ရဲ​တွေကို ​ဖော်ထုတ်ဖို့ ကြိုးပန်းနေတဲ့ စုံစမ်းရေးမှုး အွန်းရှီယွန်း... အရင်က​ မူးယစ်​ဆေး​​ကြောင့် ထောင်ကျဖူးပေမဲ့ လက်ရှိမှာတော့ ကားတိုက်​​ပြေးမှုဌာနက စုံစမ်း​ရေးအဖွဲ့ဝင်တစ်ယောက်အဖြစ် အမှုတွေကို စွမ်းစွမ်းတမံလိုက်နေတဲ့ ဒုဗိုလ် ဆောမင်ဂျယ်... ရာထူးမြင့်အာဏာပိုင်တွေကို လာဘ်ထိုးပြီး ထင်တိုင်းကြဲ‌နေတဲ့ JC Motors ကုမ္ပဏီရဲ့ ဥက္ကဌ ​ဂျောင်ဂျယ်​ချော... လာဘ်စားတဲ့ ရဲချုပ်ကို စုံစမ်း​နေတဲ့ အွန်းရှီယွန်းနဲ့ တိုက်​ပြေးမှုကို စုံစမ်း​နေတဲ့ ​ဆောမင်ဂျယ်တို့ အမှုနှစ်ခုရဲ့ ဆုံမှတ်ဟာ JC Motors ရဲ့ ​ဂျောင်ဂျယ်​ချောဖြစ်​နေတဲ့အခါ.... ​ဂျောင်ဂျယ်​ချောက လာဘ်ယူထားတဲ့ ရဲချုပ်ကို ထိုး​ကျွေးပြီး အမှုက​နေလွတ်ဖို့ ဘယ်သူ့ဆီ ထပ်ပြီးချဥ်းကပ်မလဲ... ဘယ်အရာရှိက သစ္စာ​ဖောက်သွားမလဲဆိုတာ ရင်ခုန်စွာနဲ့ ကြည့်ရှုလိုက်ရ​အောင်ပါ။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ Stary ပဲ ဖြစ်ပါတယ်။) File Size : 1.73GB/ 790MB Quality : BluRay 1080p 5.1CH/ 720p Format…mp4 Duration… 2hr13m Genre : Action, Crime, Mystery Subtitle : Myanmar Subtitle (Hard Sub) Translated by Stary Encoded by Tiff

Tune in for Love (2019) IMDb... 7.2 လမ်းကလေးတစ်ခုမှာ အတူဖြတ်လျှောက်မိကြတဲ့ သူစိမ်းနှစ်ယောက်ဟာ မတော်တဆ အဝတ်အစားအချင်းချင်း ပွတ်တိုက်မိခဲ့ရုံဆိုရင်တောင် အတိတ်ဘဝမှာ သူတို့ဟာ ရေစက်ဆုံခဲ့ကြဖူးလို့ ဖြစ်ပါတယ်။ အကယ်၍များ လူနှစ်ယောက်ဟာ ဖူးစားကံပါပြီး ဘဝတစ်သက်တာ အတူ ဖြတ်သန်းခွင့်ရခဲ့ရင်တော့ သူတို့ဟာ ဘဝပေါင်း ၈၀၀၀ လောက် ရေစက်ဆုံခဲ့ကြဖူးလို့ပါပဲတဲ့။ ချစ်ရသူနဲ့ပေါင်းဖက်ရဖို့က အဲဒီလောက်အထိ ရှားပါးခက်ခဲပါတယ်။ အကြောင်းတစ်စုံတစ်ခုကြောင့် မကိုင်မိတဲ့ ဖုန်းတစ်လုံး၊ မသွားခဲ့မိတဲ့နေရာလေးတစ်နေရာကြောင့် ဝေးရဖို့အကြောင်းဖန်လာခဲ့ရင် ခင်ဗျားတို့ ခံနိုင်ရည်ရှိပါ့မလား... နာမည်ကြီး ထိပ်တန်းမင်းသားမင်းသမီးတွေဖြစ်ကြတဲ့ Jung Hae In နဲ့ Kim Go Eun တို့ကတော့ ဒီလိုသေးငယ်တဲ့ ရွေးချယ်မှုလေးတွေကြောင့် အတူလျှောက်မဲ့လမ်းတွေမှာ အဖော်မဲ့သွားနိုင်ကြောင်းကို ဆွေးမြေ့ချစ်ကြည်နူးဖွယ်ကောင်းအောင် Tune in for love မှာ အတူပုံဖော်ပေးထားကြပါတယ်။ ဇာတ်လမ်းအကြောင်းလေး ပြောပြရရင်တော့ "မီဆူ" ဟာ သူ့အစ်မဖြစ်သူနဲ့ မုန့်ဆိုင်လေးတစ်ဆိုင် ဖွင့်ထားပါတယ်။ အဲဒီမုန့်ဆိုင်မှာပဲ လူငယ်ထိန်းသိမ်းရေးစခန်းက လွတ်မြောက်လာတဲ့ "ဟျွန်းအူ" နဲ့ တွေ့ဆုံကြတယ်ပေါ့နော်။ "ဟျွန်းအူ" တစ်ယောက် မုန့်ဆိုင်လေးမှာ အချိန်ပိုင်းဝင်လုပ်ရင်း "မီဆူ" နဲ့ ရင်းနှီးလာရာကနေ အချင်းချင်း ခံစားချက်တွေဖြစ်တည်လာခဲ့ကြပါတယ်။ သို့သော်လည်း "ဟျွန်းအူ" မှာ လူသိမခံချင်တဲ့ ဆိုးရွားတဲ့ အတိတ်တစ်ခုရှိနေပြီး တစ်နေ့မှာတော့ ရုတ်တရက် မုန့်ဆိုင်‌လေးကနေ ထွက်ခွာသွားရာက "မီဆူ" နဲ့ အဆက်အသွယ်ပြတ်သွားကြပါတယ်။ ဒါပေမဲ့ သူတို့ရဲ့ ဇာတ်လမ်းက ဒီမှာတင် အဆုံးမသတ်သေးဘဲ  တစ်နေ့မှာ ပြန်ဆုံဖို့ အကြောင်းဖန်လာခဲ့ပါတယ်။ ရိုးရိုးရှင်းရှင်း အချစ်ဇာတ်လမ်းလေးဆိုပေမဲ့ နာမည်ကြီး မင်းသား မင်းသမီးတွေ ရွေးချယ်ရိုက်ကူးထားတဲ့ ဇာတ်လမ်းဖြစ်တာကြောင့် ရုပ်ရှင်ကြည့်ပရိသတ်ကြီးတို့ စိတ်ပျက်ရမှာ မဟုတ်တာတော့ သေချာပါတယ်။ သူတို့နှစ်ယောက်ရဲ့ အချစ်ဇာတ်လမ်းလေးရဲ့ အဆုံးသတ်ကို သိချင်ရင်တော့ အခုပဲ ကြည့်ရှုဖို့ တိုက်တွန်းချင်ပါတယ်။ (ဇာတ်လမ်းအညွှန်းနဲ့ ဘာသာပြန်ဆိုသူကတော့  Lai Laii ပဲ ဖြစ်ပါတယ်။) File Size : 2.09GB/ 850MB Quality : BluRay 1080p 5.1CH/ 720p Format…mp4 Duration…02:02:50 Genre : Romance, Life, Drama, Melodrama Subtitle : Myanmar Subtitle (Hard Sub) Translated by Lai Laii Encoded by Tiff

SUNSET IN MY HOMETOWN (2018) - အညွှန်း "ငါ့ရဲ့မွေးရပ်မြေကအစွန့်ပစ်ခံဆိပ်ကမ်း ၊ ငါ့ရဲ့ မွေးရပ်မြေကနုံချာလွန်းလို့ ပြပေးစရာက နေဝင်ချိန်အပြင်မရှိဘူးပဲ" မွေးရပ်မြေမှာသူချစ်တာက နေဝင်ချိန်အပြင်မရှိတဲ့ကောင်လေး ဂင်ဟက်ဆုအဖြစ် Park Jung Min ဟာ သူဝါသနာပါရာ ရက်ပ်ပါ ဖြစ်ချင်တဲ့အိပ်မက်နောက်ကိုလိုက်ဖို့ နာကြည်းချက်များစွာရှိနေတဲ့ မွေးရပ်မြေကိုစွန့်ခွာပြီး ဆိုးလ်မြို့ကိုပြောင်းခဲ့ပါတယ်။ ဒီဇာတ်လမ်းလေးမှာတော့ "Show Me The Money" ပရိုဂရမ်မှာခြောက်နှစ်ဆက်တိုက်ယှဉ်ပြိုင်ခဲ့ပေမယ့် ဖိုင်နယ်အထိလည်းတက်ခွင့်မရ ၊ သူ့အပိုင်းတွေကိုလည်းဖြတ်ထုတ်ခံရတဲ့ စိတ်ဓာတ်ကျ၊လမ်းတွေပျောက်နေတဲ့လူငယ်လေးဂင်ဟက်ဆုဟာ မွေးရပ်မြေဆီက အဖေဖြစ်သူ နေမကောင်းဘူးဆိုတဲ့ ဆေးရုံကဖုန်းတစ်လုံးကြောင့် သူမုန်းတဲ့မွေးရပ်မြေကို ပြန်လာဖို့ဖြစ်လာခဲ့တဲ့ဇာတ်အိမ်ကိုအခြေခံထားပြီး မွေးရပ်မြေကိုပြန်ရောက်လာတဲ့အခါ ဘာတွေကြုံတွေ့ရမလဲဆိုတာကို သေသေသပ်သပ်နဲ့ရိုက်ပြထားတဲ့ဇာတ်လမ်းလေးဖြစ်ပါတယ်။ မင်းသမီး Kim Go Eun ကတော့မွေးရပ်မြေကဟက်ဆုကိုတစ်ဖက်သတ် သဘောကျနေတဲ့ ငယ်သူငယ်ချင်းအဖြစ်ပါဝင်ထားတာဖြစ်ပါတယ်။ Kim Go Eun ကို ဒီဇာတ်လမ်းမှာ ရိုးသားဖြူစင်ပြီးနေဝင်ချိန်တွေကို ချစ်တဲ့ကောင်မလေး ၊ တက်သစ်စ စာရေးဆရာမလေးအဖြစ် ချစ်စဖွယ်မြင်တွေ့ရမှာဖြစ်ပါတယ်။ ရက်ပ်ပါဖြစ်ချင်တဲ့အဓိကဇာတ်ကောင်ဖြစ်တဲ့အလျောက် ဇာတ်လမ်းတစ်လျှောက်လုံးမှာ သူ့ရဲ့ဘဝဇာတ်ကြောင်းတွေ ရုန်းကန်မှုတွေကို freestyle 2Xf2E6aEU7n685eHEbXGYHrmWn2y7a62UWBrtZzodVdD ဇာတ်လမ်းကိုဆွဲဆောင်မှုရှိစေပါသေးတယ်။ ဒါဆိုရင်တော့ လူငယ်တွေရဲ့ဘဝကိုထင်ဟပ်စေမယ့် ရက်ပ်စာသားလေးတွေကိုခံစားရင်း ၊ ဒိုင်ယာလော့လှလှလေးတွေကိုကြည့်ရင်း၊ မွေးရပ်‌မြေမှာအသစ်တစ်ဖန်ဖြစ်လာတဲ့အချစ်ဇာတ်လမ်းလေးကိုလည်းတစ်စေ့တစ်စောင်းကြည့်ရှုရမယ့် အနှစ်ဇာတ်ကားလေးဖြစ်တာမို့ လက်မလွှတ်ဘဲကြည့်ရှုလိုက်ပါတော့နော်။ အညွှန်းကိုတော့ Shin Shin က ရေးထားပေးပြီးတော့ ဘာသာပြန်ထားတာကတော့ Shin Shin နဲ့ Cali ပဲ ဖြစ်ပါတယ်။ Genre..... Comedy, Drama, Music Quality…. 1080p | 720p | 480p File size… 1.5GB | 799MB | 367MB Format… mp4 Duration…. 2h 3min Subtitle…. Myanmar Subtitle (Hardsub) Translator ..... Shin Shin and Cali Encoder ..... August

2016 ခုနှစ်များဝန်းကျင်က "ဦး"ရောဂါကို တဖန်ပြန်လည် ခေတ်စားစေခဲ့တဲ့ Goblin လို့ လူသိများတဲ့ Guardian: The Lonely and Great God အမည်ရှိ ဇာတ်ကားလေးကို Quality ကောင်းကောင်းနဲ့ တင်ဆက်ပေးချင်ပါတယ်။ လူ့လောကမှာ နှစ်ပေါင်း ၉၀၀ ကြာ နေထိုင်ခဲ့ရတဲ့ Kim Shin ဟာ သူ့ရဲ့ထာဝရရှင်သန်ခြင်းကို အဆုံးသတ်နိုင်ဖို့အတွက် မှင်စာသတို့သမီးကို လိုက်လံရှာဖွေရင်း စောင့်မျှော်နေခဲ့တာ အတော် ကြာခဲ့ပါပြီ။ ဒီလိုနဲ့ တစ်ညမှာတော့ သေနေ့စေ့ပြီဖြစ်တဲ့ ဗိုက်ကြီးသည်အမျိုးသမီးတစ်ယောက်ကို သနားကရုဏာသက်ကာ အသက်ကယ်တင် ပေးခဲ့ပါတယ်။ ထိုအမျိုးသမီးက Ji Eun Tak ဆိုတဲ့ သမီးလေးတစ်ယောက်ကို မွေးဖွားခဲ့ပါတယ်။ Ji Eun Tak ဟာ ငယ်စဉ်ကတည်းက နာနာဘာဝတွေကို မြင်နိုင်စွမ်းရှိပြီး သူအရွယ်ရောက်လာတဲ့အခါမှာတော့ တစ္ဆေသရဲတွေဟာ သူ့ကိုတွေ့တိုင်း "မှင်စာသတို့သမီး" လို့ တီးတိုးရွတ်ဆိုနေသံကို မကြာခဏ ကြားခဲ့ရပါတယ်။ အဒေါ်ဖြစ်သူ မိသားစုနဲ့ အတူနေထိုင်ပေမဲ့ အမြဲအနိုင်ကျင့် နှိပ်စက်ခံရတာကြောင့် အဘက်ဘက်က နိမ့်ကျနေချိန်မှာ ကယ်တင်ရှင်ဖြစ်လာမဲ့ မှင်စာဦးလေးကြီးနဲ့ ဆုံတွေ့ခဲ့ရပါတယ်။ Second Lead couple အနေနဲ့ မင်းသားကြီး Lee Dong Wook ဟာ သေမင်းအဖြစ်၊ မင်းသမီး Yoo In Na ဟာ ကြက်ကြော်ဆိုင် ပိုင်ရှင်အဖြစ် Chemistry မိမိ တွဲဖက်သရုပ်ဆောင် ခဲ့ကြတာကြောင့် တစ်ကားလုံး ရသမျိုးစုံ ကြည့်ရှုခံစားကြရမှာပါ။ ဇာတ်လမ်းဇာတ်အိမ်ခိုင်မာရုံသာမက OST သီချင်းများဖြစ်တဲ့ Stay With Me, Beautiful, Round And Round တို့ဟာ ဘယ်အချိန်နားထောင်ထောင် ရိုးအီသွားခြင်း မရှိတာကြောင့် ပရိသတ်ကြီးတို့ ပြန်လည်ခံစားကြည့်ရှုနိုင်အောင် Channel Myanmar က ဘာသာပြန်တင်ဆက်ပေးလိုက်ရပါတယ်။ ( အညွှန်းကို Thet Hnin Hsu က ရေးသားပေးထားပြီး Lai Laii, Shwe Pwint, Shwe Pyae, Thet Hnin Hsu, Wyne တို့က ဘာသာပြန်ဆိုပေးထားတာပဲဖြစ်ပါတယ်။) Episodes: 16 File Size:1.14GB, 618MB Quality :Web-DL 1080p,720P Genres: Drama, Comedy , Fantasy Translated by Lai Laii , Thet Hnin Hsu , Shwe Pwint , Shwe Pyae , Wyne Encoded by Min Wai

Cheese in the Trap (2016) အပိုင်း (1 မှ 16) စ/ဆုံး Park Hae Jin, Kim Go Eun, Seo Kang Joon, Lee Sung Kyung, Nam Joo Hyuk တို့လို ထိပ်ထိပ်ကြဲတွေ ပါဝင်ထားကြတဲ့ Campus Romance ဇာတ်လမ်းတွဲကောင်းလေးကို ပြန်လည်တင်ဆက်‌ပေးလိုက်ပါတယ်နော်။ Hong Seolဆိုတဲ့ ကောင်မလေးဟာ အလုပ်လုပ်ရင်း စကော်လာရဖိုအတွက် စာကြိုးစားပြီး ဘာကိုမှစိတ်မဝင်စားတဲ့ တက္ကသိုလ်ကျောင်းသူလေးတစ်ယောက်ဖြစ်ပါတယ်။ အဲလို အလုပ်တစ်ဖက် စာတစ်ဖက်နဲ့ မအားလပ်တဲ့ သူ့ဘဝထဲကို အေးစက်ပြီး ထူးဆန်းတဲ့ စီနီယာYoo Jungဝင်လာတဲ့အခါမှာတော့ သူ့ကျောင်းသားဘဝဟာ ကမောက်ကမတွေဖြစ်လာပါတော့တယ်။ ဒီကြားထဲ ဂျစ်ကန်ကန်ကောင်ချောလေး Baek In Hoပါ ပါလာတဲ့ အခါမှာတော့... ဒီကားလေးဟာ လူငယ်တွေကြား ချစ်သူတွေကြားမှာ ဖြစ်လေ့ဖြစ်ထရှိတဲ့ ကတောက်ကဆလေးတွေ အခက်အခဲလေးတွေအပြင် သရုပ်ဆောင်တစ်ယောက်ချင်းစီကလည်း ဇာတ်ရုပ်ကို ပိုင်ပိုင်နိုင်နိုင် သရုပ်ဆောင်ထားကြမလို ထွက်တာကြာတာတောင် အခုထိ ကြည့်ရှုသူတွေ ခဏခဏ ပြန်ကြည့်ရလောက်အောင်ကို ရသမျိုးစုံပေးနိုင်တဲ့ ဇာတ်လမ်းတွဲကောင်းလေးတစ်ကားဖြစ်တာမို ပြန်လည်ကြည့်ရှုလိုက်ရအောင်နော်။ Genres:Comedy, Drama, Romance Duration: 60 mins Episodes: 16 Original Network: TVN File Size: 720p(~500MB) , 1080p(~1.3GB) Translated by Hay Thar Oo, Yee Wai, Hazel, Chuu & AHtet Encoded by Tiff

Canola (2016) IMDb... 7.4 CM ပရိသတ်ကြီးတို့အတွက် ဒီတစ်ခေါက်မှာတော့ မြေးအဘွားသံယောဇဥ်ကို လှလှပပလေး ဖော်ကျူးထားတဲ့ ဇာတ်ကားကောင်းလေးနဲ့ မိတ်ဆက်ပေးချင်ပါတယ်။ မင်းသမီးကြီး Youn Yuh-jung နဲ့ Kim Go-eun တို့ အဓိကပါဝင်ထားတဲ့ ကားမို့ ကြည့်ကို ကြည့်ရမဲ့ဇာတ်လမ်းလေးဆိုတာတော့ အသေအချာပါပဲ။ ဇာတ်လမ်းအညွှန်းအနေနဲ့ကတော့ ဂျယ်ဂျူကျွန်းမှာ ရေငုပ်သမအဖြစ် အသက်မွေးဝမ်းကြောင်းပြုနေတဲ့ အဘွားဂယ်ချွန်းဟာ မိဘတွေမရှိတော့တဲ့ သူ့မြေးမလေးဟယ်ဂျီကို တုန်နေအောင်ချစ်ရှာပါတယ်။ တစ်ကောင်ကြွက်ကလေးမို့ မရှိရှိတာ အကုန်ဖြည့်ဆည်းပေးရင်း တစ်နေ့မှာတော့ ကံဆိုးစွာနဲ့ ဟယ်ဂျီတစ်ယောက် ပျောက်ဆုံးသွားပါတော့တယ်။ သိပ်ချစ်ရတဲ့ မြေးမလေးဟယ်ဂျီပြန်အလာကို နှစ်ပေါင်း၂၀ကျော်ကြာအောင် အထီးကျန်စွာ စောင့်ဆိုင်းရင်း ဟယ်ဂျီပြန်ရောက်လာတဲ့အချိန်မှာတော့ အဘွားဂယ်ချွန်းရဲ့ဘဝဟာ အရင်လိုပြန်လည်စိုပြေလာခဲ့တာပေါ့။ ဒါပေမဲ့ ဟယ်ဂျီအဖြစ်ရောက်လာတဲ့ ကလေးမဟာ အဘွားဂယ်ချွန်းမျှော်နေခဲ့တဲ့ မြေးမလေး မဟုတ်မှန်း သိလိုက်ရတဲ့အချိန်မှာတော့ အဘွားရဲ့ဘဝဟာ ကံဆိုးမိုးမှောင်ကျသွားပါတော့တယ်။ ဒါဆို ဟယ်ဂျီအဖြစ်ဟန်ဆောင်ပြီးရောက်လာတဲ့ ကလေးမက ဘယ်သူဖြစ်မလဲ.. ဘာလို့ဟန်ဆောင်ပြီးရောက်လာရတာလဲ... မြေးအတုနဲ့ အဘွားဂယ်ချွန်းကြား ဘာတွေဆက်ဖြစ်မလဲဆိုတာကို စိတ်ဝင်စားစွာနဲ့ ရင်သပ်လှိုက်မောဖွယ် ကြည့်ရှုသွားရမှာပဲဖြစ်ပါတယ်။ ကောင်းမွန်တဲ့ဇာတ်လမ်းဇာတ်ကွက်တွေအပြင် ရိုက်ကူးပုံရှုခင်းတွေကအစ အင်မတန်လှတာမို့ ကြည့်မိလို့ နောင်တမရမယ့်ကားလေးဖြစ်ကြောင်း ညွှန်းဆိုပေးချင်ပါတယ်နော်။ (ဇာတ်လမ်းအကျဉ်းကို  Hsu Pyae မှ ရေးသားပေးထားပါတယ်။) File size… 2.00GB/ 830MB Quality…WEB-DL 1080p 5.1 CH / 720p Format…mp4 Duration….1h 57m Genre …..  Drama, Melodrama Subtitle….Myanmar Subtitle (Hard Sub) Encoder….Tiff Translated by Hsu Pyae

Memories of the Sword (2015) IMDb..... 6.6 Lee Byung-Hun , Jeon Do-Yeon , Kim Go-Eun နဲ့ Lee Jun-Ho အစရှိတဲ့ နာမည်ကြီး မင်းသား၊ မင်းသမီးတွေ ပါဝင်သရုပ်ဆောင်ထားကြတဲ့ ရုပ်ရှင်ကားဟောင်းလေးကို ပြန်လည်တင်ဆက်ပေးပါရစေ - ဇာတ်လမ်းအကျဉ်း - ဂိုလျော စစ်အုပ်ချုပ်ရေးခေတ်ကာလက ဓားသူရဲကောင်းသုံးဖော်လို့ လူသိများတဲ့ ဖွန်းချွန်း၊ ဆောရန်းနဲ့ ဒေါ့ဂီတို့ သုံးဦးဟာ ပုန်ကန်ထကြွမှုကို ဦးဆောင်ခဲ့ကြပေမဲ့ အာဏာကို မက်မောတဲ့ ဒေါ့ဂီ (Lee Byung-Hun) ရဲ့ သစ္စာဖောက်မှုကြောင့် ပုန်ကန်မှုဟာ မအောင်မြင်ဘဲ ဖွန်းချွန်းတင်မက လူပေါင်းများစွာ သေကျေခဲ့ကြရပါတယ်။ ၁၈ နှစ်ကြာပြီးနောက်မှာတော့ ဆောရန်း (Jeon Do-Yeon) က မျက်မမြင်တစ်ယောက် ဖြစ်နေပါပြီ။ ဆောရန်းက ဖွန်းချွန်းရဲ့သမီး ဟုန်းအီ (Kim Go-Eun) ကို သမီးအရင်းလေးလို ပြုစုပျိုးထောင်ပေးခဲ့ပြီး မိဘတွေကို သတ်သွားတဲ့ ရန်သူနှစ်ဦးကို ပြန်လက်စားချေနိုင်ဖို့ရာအတွက် ဟုန်းအီကို ဓားသိုင်းပညာလည်း လေ့ကျင့်သင်ကြားပေးနေပါတယ်။ တစ်ဖက်မှာလည်း ဒေါ့ဂီက ဂိုလျောရဲ့ အကြီးမားဆုံး အာဏာရှင်ကြီး ဖြစ်လို့နေပါပြီ... အဆုံးမှာ ဟုန်းအီရဲ့ကလဲ့စားက အောင်မြင်သွားမလား... ဒေါ့ဂီအပြင် ဟုန်းအီမိဘတွေရဲ့ နောက်ထပ်ရန်သူတစ်ဦးကရော ဘယ်သူဖြစ်နေမလဲဆိုတာကို အလှည့်အပြောင်းများစွာ ပြည့်နှက်နေတဲ့ ဓားသူရဲကောင်းမလေးရဲ့ အမှတ်တရတွေထဲ ဝင်ရောက် စီးမျောကြည့်ရှုလိုက်ကြပါဦးရှင်။ File Size : 3.06GB/ 1.18GB Quality : BluRay 1080p 5.1CH/ 720p Format…mp4 Duration…2hr 00m Genre : Action, Historical, Romance, Drama Subtitle : Myanmar Subtitle (Hard Sub)

ဒီကားလေးမှာဆိုရင် မင်းသမီး အဓိကဦးစားပေး ဇာက်ကားတစ်ကားဖြစ်ပြီး Drama/Crimeဇာတ်ကားတစ်ကားပါ အဓိက roleတွေ အနေနဲ့ Goblin ဇာတ်ကားမှ မင်းသမီး kim Go-eunမှ မာအီယောင်းအဖြစ် သရုပ်ဆောင်ထားပြီး နောက်ထပ် ဇာတ်ဆောင်အနေဖြင့် မင်းသမီးကြီး Kim Hye-sooမှ သရုပ်ဆောင်ထားပါတယ် မင်းသားအနေနဲ့လဲ အားလုံးသိကြတဲ့ love in the moonlightထဲမှ မင်းသားလေး park bo-gumမှ သရုပ်ဆောင်ထားပါတယ် ဇာတ်လမ်းအနေနဲ့က အီယောင်းဟာ စွန့်ပစ်ခံကလေးတစ်ယောက်ဖြစ်ပြီး ငွေတိုးချေးစားတဲ့လုပ်ငန်းကို လုပ်တဲ့ မာဝူဟီးက မွေးစားထားခဲ့ပါတယ် မာဝူဟီးဟာ အီယောင်းအပြင် အခြားကလေးတွေကိုလဲ မွေးစားထားပြီး သူ့လုပ်ငန်းအတွက် ခိုင်းစေခဲ့ပါတယ် သူ့အတွက် အသုံးမဝင်ရင် ခွေးတောင်မထားပဲ သတ်ပစ်တဲ့သူမျိုးလဲ ဖြစ်ပါတယ် အီယောင်းဟာ တစ်ခြားကလေးတွေနဲ့မတူပဲ အေးတိအေးစက် မိုက်တိမိုက်ကန်းပုံစံမျိုးနဲ့ ကြီးပြင်လာခဲ့ပြီး မင်းသားနဲ့တွေ့ပြီးဘယ်လိုပြောင်းလဲဆိုတာ မာလုပ်ငန်းက ငွေချေးတဲ့လုပ်ငန်အပြင် ဘာတွေလုပ်နေသေးလဲ ဆိုတာ korea နိုင်ငံရဲ့ ဒုစရိုက်လောကကို မျက်ဝါးထင်ထင် မြင်တွေ့အောင် ရိုက်ကူးထားတဲ့အပြင် မင်းသမီးနှစ်ယောက် ဂိုဏ်းစတားတွေအဖြစ် သဘာဝကျကျသရုပ်ဆောင်ထားပြီး rating IMDb 6.8/10 ရရှိထားတဲ့ ဇာတ်ကားတစ်ကားဖြစ်ပါတယ် Translated & Review By Xiao Encoded By LK

ဥပဒေရုံးကြီးတစ်ခုက နာမည်ကျော်ရှေ့နေ ဗြောန်းဟိုဆောင်းဟာ လိုက်သမျှအမှုတိုင်းလိုလို နိုင်အောင်လုပ်ပေးနိုင်သူပါ။ သူ့အတွက်တော့ “အနိုင်ရတာက တရားမျှတမှုပဲ” ဆိုတဲ့ ခံယူချက်ရှိတယ်။ ဆေးဝါးကုမ္ပဏီကြီးတစ်ခုအတွက် အမှုနိုင်အောင် လုပ်ပေးခဲ့ပြီးနောက် ဥက္ကဋ္ဌ မွန်းဂျီဟွန်းရဲ့ ယာဉ်မောင်းကို လူသတ်မှုနဲ့ စွပ်စွဲထားတဲ့အမှုမှာ ရှေ့နေလိုက်ပေးဖို့ ငှားရမ်းခံရပါတယ်။ အလောင်းလည်းမရှိ၊ သက်သေလည်းမရှိတဲ့ အမှုမှာ ဗြောန်းက သူ့အမှုသည် အပြစ်မရှိကြောင်း ထုံးစံအတိုင်း ခုခံချေပပေးတယ်။ အမှုနိုင်တော့မယ့် တရားခွင်နောက်ဆုံးနေ့မှာမှ အမှုသည်က လူသတ်ခဲ့တာ သူပါလို့ ရုတ်တရက် ထဝန်ခံလိုက်တော့ အမှုရှုံးသွားပါတော့တယ်။ အဲဒီနောက် ဗြောန်းဟာ အရှက်တကွဲ ဖြစ်ရရုံတင်မကဘဲ မျက်မြင်သက်သေအတု ဖန်တီးခဲ့တယ်လို့ပါ သံသယဝင်ခံလာရတယ်။ သူ့ဂုဏ်သိက္ခာကို ပြန်ဆယ်ဖို့ အမှုကို ပြန်စုံစမ်းတဲ့အခါ နောက်ကွယ်မှာ သူမထင်ထားတဲ့ ဖြစ်ရပ်တွေ ရှိနေကြောင်း တဖြည်းဖြည်း တွေ့လာရပါတယ်။

Monster(2014) IMDb. = 6.5/10 ဒီရုပ်ရှင်ဟာ အလယ်အလတ်အဆင့် ကိုရီးယားရုပ်ရှင်ဆိုတော့ကာ အားနည်းချက်နဲ့ အားသာချက် အလီလီတော့ရှိနေတယ်။ သို့ပေမဲ့ Entertainmentတော့ အပြည့်အ၀ဖြစ်တဲ့ ရုပ်ရှင်ဆိုတာတော့ အာမခံလို့ရပါတယ်။ Thriller, Action အမျိုးအစားပေမဲ့ Thrillerနည်းပြီး Actionများတဲ့ကားလို့ ဆိုရမှာပဲ။ Psychopath လူသတ်သမားဖြစ်တဲ့ Lee Min Ki ရဲ့ သတ်ခန်း‌ဖြတ်ခန်းတွေကိုတော့ လူအတော်များများ အကြိုက်တွေ့ကြမှာပဲ။ ရုပ်ရှင်ရဲ့အားသာချက်ကိုပြောရရင်တော့ အားအသာဆုံးအပိုင်းက သရုပ်ဆောင်တွေရဲ့ သရုပ်ဆောင်မှုပဲ။ ကလေးသရုပ်ဆောင်က အစအတော်လေး အသက်၀င်တယ်။ သရုပ်ဆောင်ကောင်းဆို cast တွေကလည်း ဆရာတွေကိုး။ အဓိကဇာတ်ဆောင်ဖြစ်တဲ့ လီမင်ဂီကတော့ Beauty Inside series နဲ့ OH Master မှာ Sociopath ဆန်ဆန် ဇာတ်ရုပ်တွေနဲ့ အတော်လိုက်ဖက် သရုပ်ဆောင်ကောင်းခဲ့တဲ့လူ။ ဒီမှာလည်း Psychopathအနေနဲ့ အတော်လေး သရုပ်ဆောင်တာ ကောင်းတယ်။ နောက်... ပွဲဦးထွက် A Muse (2012)မှာကတည်းက အတော်လေးဂေါ်ခဲ့တဲ့ Goblin နဲ့နာမည်ကြီးတဲ့ ဂင်ဂိုအွန်းကလည်း ကျပ်မပြည့်တဲ့ ဇာတ်ကောင်နေရာမှာ အံ၀င်ခွင်ကျကို လိုက်ဖက်တယ်။ ကလေးသရုပ်ဆောင်မလေး အပါအ၀င် ကျန်တဲ့လူတွေလည်း သူ့နေရာနဲ့သူ ကောင်းကြပါတယ်။ အကုန်လုံးကလည်း K Drama တွေနဲ့ ရင်းနှီးတဲ့သူတွေ မစိမ်းတဲ့ သူတွေချည်း။ နောက်အားသာချက်ကတော့ ကလေးသရုပ်ဆောင်နဲ့ ဂိုအွန်းနဲ့ကြားက Chemistry က ချစ်စရာလည်းကောင်း နာကျင်စရာလည်းကောင်းပြီး အတော်လေး Emotional ဖြစ်တယ်။ အားနည်းချက်ကတော့ သိပ်တော့ ထွေထွေထူးထူး မဟုတ်ပေမဲ့ R Rate မထားချင်လားလို့လားတော့ မသိ သတ်ခန်းဖြတ်ခန်းတွေမှာ လုံး၀ ပီပီပြင်ပြင်ကြီး သတ်ပြသွားတာမျိုး မရှိဘူး။ သို့ပေမဲ့ သွေးသံရဲရဲအခန်းတွေတော့ အတော်များပါတယ်။ Run time ပိုယူပြီး သတ်ခန်းဖြတ်ခန်းတွေကို သေချာလေးပြပြီး ဇာတ်အိမ်လေးနည်းနည်း ဖြည့်လိုက်ရင်တော့ ဒီထက် ကြည့်ရကောင်းသွားမယ်တော့မြင်မိတာပါပဲ။ ပတ်ချန်း၀တ်ကားဆန်သွားတာပေါ့။ ဒါရိုက်တာကတော့ Spellbound နဲ့ ဒီကား နှစ်ကားပဲရိုက်ထားပြီး နှစ်ကားလုံး အတော်ကြည့်ပျော်တော့ မဆိုးဘူးပြောရမယ်။ ဘာပြောပြောပါ နာမည်ကြီးဒါရိုက်တာတစ်ယောက် ရိုက်တာမဟုတ်ဘဲ ဒီလောက်ကြည့်ပျော်တဲ့ Thrillerလိုင်းက ကားက ရှားပါတယ်။ ကိုရီးယား Psychopath ရုပ်ရှင်တွေ Thriller ရုပ်ရှင်တွေ ကြိုက်တဲ့လူတွေအတွက် အာသီသ ပြေစေမယ့်ကားဖြစ်တဲ့အပြင် ရင်နင့်စဖွယ်အရာတွေနဲ့ ချစ်စဖွယ် ဇာတ်၀င်ခန်း‌တွေကို ရောယှက်ပြီး ပရိတ်သတ်ကို ခံစားရအောင်လုပ်နိုင်တဲ့ Entertain လည်း အတော်ဖြစ်တဲ့ ကားဆိုတာကတော့ မမှားပါဘူး။ File size…(1.98 GB) / (982 MB)/ (398 MB) Quality…WEB-DL 1080p / 720p / 480p Format…mp4 Duration…. 1h 43 min Subtitle….Myanmar Subtitle (Hardsub) Encoder…. d3mon  Translated by  The Pooh

Eungyo (2012) IMDb... 6.6 (မိသားစုနဲ့ကြည့်ရှုဖို့ မသင့်လျော်တဲ့ ဇာတ်ဝင်ခန်းတချို့ ပါဝင်ကြောင်း ကြိုတင်သတိပေးပါ‌ရစေ။) မင်းသမီး Kim Go Eun ရဲ့ ပွဲဦးထွက်ရုပ်ရှင်ကားဖြစ်ပြီး တက်သစ်စမင်းသမီးဆုပေါင်းများစွာကို သိမ်းယူနိုင်ခဲ့တဲ့ ကားဟောင်းလေးကို ပြန်လည် တင်ဆက်ပေးလိုက်ပါတယ်။ Kim Go Eun နဲ့အတူ Decision To Leave မှ မင်းသား Park Hae Il, Juvenile Justice မှ မင်းသား Kim Moo Yul တို့က အဓိက ပါဝင်သရုပ်ဆောင်ထားပါတယ်။ - ဇာတ်လမ်းအကျဉ်း - လူအများ လေးစားအားကျရတဲ့ နာမည်‌ကျော် ကဗျာဆရာတစ်ဖြစ်လဲ တက္ကသိုလ်‌ပါမောက္ခကြီး အီဂျော့ရို (Park Hae Il)... တစ်နေ့ သူအိမ်ပြန်ရောက်လာတော့ အိမ်ရှေ့တံခါးဝက ခုံလေးမှာ သူစိမ်းကောင်မလေးတစ်ယောက် ထိုင်နေတာကို မြင်တွေ့လိုက်ရတယ်.. သူ့နာမည်လေးက “အွန်းဂယို”တဲ့.. အွန်းဂယို (Kim Go Eun) နဲ့ အနေနီးလာတာနဲ့အမျှ ဂျော့ရိုလည်း အွန်းဂယိုရဲ့ စွဲမက်ဖွယ် ရနံ့လေးတွေ၊ အထိအတွေ့တွေ၊ ရယ်သံလေးတွေမှာ မလွန်ဆန်နိုင်တော့ဘဲ ရင်ဘတ်ထဲက စည်းတစ်ခုကို ကျော်မိသွားခဲ့တာပေါ့။ ဒါကြောင့်လည်း သူ့အကြောင်း စာတိုတစ်ပုဒ်ပါ ချရေးဖြစ်ခဲ့တယ် ခေါင်းစဉ်လေးကတော့ သူ့ရဲ့နာမည်လေးဖြစ်တဲ့ “အွန်းဂယို”... တစ်ဖက်မှာလည်း အီဂျော့ရိုရဲ့ တပည့်ဖြစ်သူ (Kim Moo Yul) က ဂျော့ရိုရေးထားတဲ့ စာတို “အွန်းဂယို” ကို မြင်သွားပြီး သူရေးတဲ့စာတိုအဖြစ် နာမည်တပ်ပြီး ထုတ်ဝေလိုက်တဲ့အခါမှာတော့..... ဆရာတပည့် နှစ်ဦးကြားမှာ သွေးကွဲမှုတွေ စတင်ဖြစ်ပေါ်လာမှာလား.. မစုံမက်သင့်သူကိုမှ စုံမက်မိတဲ့ ဂျော့ရိုရဲ့ ဇာတ်သိမ်းကရော ဘယ်လိုဖြစ်မလဲဆိုတာ ဇာတ်လမ်းလေးထဲမှာ ဆက်လက် ကြည့်ရှုခံစားပေးကြပါဦး။ (ဇာတ်လမ်းအညွှန်းနဲ့ ဘာသာပြန်ဆိုသူကတော့ Hnin Wai Oo ပဲ ဖြစ်ပါတယ်။) File Size : 1.81GB/ 840MB Quality : WEB-DL 1080p/ 720p Format…mp4 Duration…02:09:20 Genre : Romance, Drama, Melodrama Subtitle : Myanmar Subtitle (Hard Sub) Translated by Hnin Wai Oo Encoded by Tiff