Kyle Allen ပါဝင်သော ဇာတ်ကားများ

A House of Dynamite (2025) IMDb Rating (7.3) / Rotten Tomatoes (79%) ဒီဇာတ်ကားလေးကတော့ ယနေ့ခေတ် ကမ္ဘာပေါ်မှာရှိတဲ့ နူကလီးယားလက်နက်များစုဆောင်းမှုရဲ့ အန္တရာယ်ကို သတိပေးထားတဲ့ Political Drama အမျိုးအစားဇာတ်လမ်းလေးဖြသ်ပါတယ်။ ဒါရိုက်တာ Kathryn Bigelow ရိုက်ကူးထားပြီး Idris Elba , Rebecca Ferguson တို့လို နာမည်ကြီး သရုပ်ဆောင်တွေ ပါဝင်ထားပါတယ်။ IMDb rating အနေနဲ့လည်း 7.3 ထိရရှိထားပါတယ်။ အမေရိကန် ပြည်ထောင်စုရဲ့ အဓိကမြို့တစ်မြို့ဖြစ်တဲ့ ချီကာဂိုမြို့ကို အမည်မသိရန်သူတစ်ဦးမှ ပစ်လိုက်တဲ့ ပဲ့ထိန်းဒုံးကျည်တစ်စင်းဟာ ဦးတည်ပြီးလာနေခဲ့ပါတယ်။ဒုံးကျည်ကျရောက်ရန် မိနစ် ၂၀ သာ အချိန်ရတဲ့အတွက် အမေရိကန်ရဲ့ အကြီးဆုံးခေါင်းဆောင်ပိုင်းတွေ စစ်ရေးဗျူဟာမှူးတွေနဲ့ ထောက်လှမ်းရေးအရာရှိတွေဟာ မကြုံစဖူးဖိအားနဲ့ကြုံတွေ့ရပါတော့တယ်။ သူတို့အနေနဲ့ ဒုံးကျည် ကို ဘယ်နိုင်ငံက ပစ်လိုက်လဲဆိုတဲ့ မေးခွန်းတွေကို စစ်ဆေးအတည်ပြုပုံ၊ ကြားဖြတ်ပစ်ချရန် အပြင်းအထန် ကြိုးပမ်းပုံ ၊ လက်တုံ့ပြန်ဖို့ ဆုံးဖြတ်ချက်ချပုံတွေကို ရှုထောင့်သုံးမျိုးနဲ့ ကြည့်ရှူရမှာဖြစ်ပြီး ဇာတ်လမ်းပြီးဆုံးတဲ့အထိ ရင်တမမ စိတ်လှုပ်ရှားဖွယ်ကြည့်ရမယ့် ရုပ်ရှင်လေးဖြစ်ပါတယ်။ File size… (6.1 GB) / (2 GB) / (1.1 GB) Quality…. WEB-DL 4K HEVC / 1080p HEVC / 720p Format…. mkv/mp4 Genre…. Thriller,War Duration…. 01:55:24 Subtitle…. Myanmar Subtitle (Hardsub)

The Life List (2025) IMDb Rating (7.0) / Rotten Tomatoes (47%) အဲလက်စ်ဟာ မွေးချင်းသုံးယောက်တည်းမှာ အငယ်ဆုံးနဲ့ တစ်ဦးတည်းသော သမီးလေးဖြစ်ပြီး သူမအထက်မှာ အစ်ကိုနှစ်ယောက်ရှိပါတယ်။ သူ့အစ်ကိုနှစ်ယောက်လုံးကလည်း အရမ်းတော်ကြပြီး သူ့နေရာနဲ့သူ ပေါက်ပေါက်မြောက်မြောက် ရှိကြတဲ့သူတွေပါ။ တစ်ဖက်မှာတော့ အဲလက်စ်ဟာ သူ့အမေရဲ့ ကုမ္မဏီဖြစ်တဲ့ ရို့အလှကုန်မှာပဲ မားကတ်တင်းမန်နေဂျာအနေနဲ့ ပြန်လုပ်ပြီး ကိုယ့်ပန်းတိုင်က ဘာမှန်းမသိ ဖြစ်ချင်တာ ဘာမှန်းမသိတဲ့ ထုံပေပေ သိုးမည်းလေး ဖြစ်လို့နေပါတယ်။ ဒီလိုနဲ့ မကြာခင်မှာ သူမရဲ့အမေဟာ ရောဂါနဲ့ ဆုံးပါးသွားခဲ့ပြီး သူတို့မောင်နှမအတွက် သေတမ်းစာမှာ အမွေချန်ပေးခဲ့တဲ့အခါမှာ အဲလက်စ်အတွက် ဒီဗွီဒီခွေလေး တစ်ခွေကလွဲရင် ဘာမှ မခွဲပေးခဲ့ပါဘူး။ သူက မခံမရပ်နိုင်ဖြစ် ဒေါသတွေ ထွက်ရပေမဲ့လည်း အိမ်ကိုပြန်လာပြီး အဲခွေလေးကို ဖွင့်ကြည့်လိုက်တဲ့အခါမှာ သူ့အမေ မသေခင် ရိုက်ကူးထားတဲ့ဗွီဒီယိုလေးကို တွေ့လိုက်ရပါတော့တယ်။ သူ့အမေက သူသမီး ဒီလို ဖြစ်ချင်ရာဖြစ် ပျော်ရွှင်မှုမရှိ ဝမ်းနည်းမှုမရှိ ဘဝကို ဖြတ်သန်းနေတာမျိုး မဖြစ်စေချင်ခဲ့ပါဘူး။ ဒါကြောင့် သူမအမေက သူမ ၁၃ နှစ်အရွယ်က ရေးထားခဲ့တဲ့ သူကြီးလာရင် ဖြစ်ချင်တဲ့ ဆုတောင်းစာရင်းလေးကို တွေ့လိုက်ရတဲ့အခါမှာ မသေခင် သမီးအတွက် ဗွီဒီယိုချန်ထားပေးခဲ့ဖို့ တွေးမိသွားပါတော့တယ်။ ဒီတော့ အဲလက်စ်ရဲ့အမေဟာ အဲလက်စ် ငယ်ငယ်က ရေးထားခဲ့တဲ့ ဆုတောင်းတွေအတိုင်း အကုန်လိုက်လုပ်ပြီးမှပဲ အမွေရမယ်လို့ ဗွီဒီယိုကနေတစ်ဆင့် မှာကြားခဲ့ပါတယ်။ ဒီတော့ ဘဝကို အလိုက်သင့်မျောပါနေတဲ့ အဲလက်စ်တစ်ယောက် သူငယ်ငယ်ကဖြစ်ချင်ခဲ့တဲ့ ဆုတောင်းစာရင်းအတိုင်း ဘယ်လိုလိုက်လုပ်မလဲ၊ သူ့ရဲ့ အဖြူအမဲလောကကြီးကရော တကယ်ပဲ အရောင်အသွေးပြန်စုံလင်လာမှာလားဆိုတာကို ဆွတ်ပျံ့ကြည်နူးဖွယ် ကြည့်ရှုရမှာဖြစ်ပါတယ်။ (အညွှန်းနဲ့ဘာသာပြန်ကတော့ Matteo ဖြစ်ပါတယ်။) File size…(6.5 GB) / (1.5 GB) / (870 MB) Quality….WEB-DL 4K HEVC / 1080p HEVC / 720p Format…. mkv/mp4 Genre….Comedy,Drama,Romance Duration….02:05:25 Subtitle….Myanmar Subtitle (Hardsub) Encoder….Double K Translated by Matteo

( စုံထောက်ကြီး ဟာကျူလီ ပွာရိုး နဲ့ ဝိညာဉ်လူသတ်သမား ) ဒီရုပ်ရှင်ကတော့ အဝေးပြေးရထားလူသတ်မှု၊ နိုင်းမြစ်လူသတ်မှု ရုပ်ရှင်တွေအပြီးမှာ ထပ်မံထွက်ရှိလာတဲ့ စုံထောက်ရုပ်ရှင်ပဲ ဖြစ်ပါတယ်။ အရင်ရုပ်ရှင်တွေလိုပဲ ကောင်းပါတယ်။ အပြင်လူမလာနိုင်တဲ့ ပိတ်မိနေတဲ့နေရာတစ်ခုမှာ သံသယရှိသူတွေကို တစ်ယောက်ချင်း စုံစမ်းရပြီး အဖြေရတာမျိုးပါပဲ။ ဒီရုပ်ရှင်ထဲမှာတော့ စုံထောက်ကြီး ပွာရိုးဟာ စုံထောက်အလုပ်ကနေအငြိမ်းစားယူပြီး ဗင်းနစ်မှာ အနားယူနေပါပြီ။ သူ့ဆီကို အမှုလာအပ်တဲ့သူတွေနဲ့အတွေ့မခံချင်လို့ သက်တော်စောင့်တစ်ယောက်တောင် ငှားထားရပါတယ်။ ဒါပေမဲ့ တစ်နေ့မှာတော့ မိတ်ဆွေဟောင်း နာမည်ကျော် စာရေးဆရာမ ရောက်လာပြီး အကူအညီတစ်ခု တောင်းလာပါတော့။ အဲဒါကတော့ နာမည်ကျော် ဝိညာဉ်ဟောဆရာမ (မီရှဲယို) တစ်ယောက်ရဲ့ သရဲခြောက်တဲ့အိမ်ကြီးထဲက ဝိညာဉ်ခေါ်ပွဲကို တက်ပေးဖို့ပါပဲ။ အဲဒီဝိညာဉ်ဟောဆရာမ လုပ်ပြနေတာတွေကို စာရေးဆရာမက ဘယ်လိုမှ လိမ်နေကြောင်းသက်သေမပြနိုင်တာမို့ စုံထောက်ကြီးက ဖော်ထုတ်ပေးဖို့ လာအကူအညီ တောင်းတာပါ။ ဒါပေမဲ့ စုံထောက်ကြီးကိုယ်တိုင် သရဲခြောက်တဲ့အိမ်ကြီးထဲမှာ ပိတ်မိနေပြီး လူသတ်မှုတွေ ဖြစ်ပေါ်လာပါတယ်။ ဖြစ်လာသမျှလူသတ်မှုတွေရဲ့ သက်သေတွေကရဲ့ ဝိညာဉ်၊ သရဲလက်ချက်လို့ပဲ အဖြေထွက်နေတဲ့အခါ... File size… 3.3GB/1.67GB / 652MB Quality…WEB-D 4K, 1080P 5.1CH / 720p Format…mp4 Duration….1h 43m Genre ….. Crime , Drama , Horror Subtitle….Myanmar Subtitle (Hard Sub) Encoder….Min Wai Translated by Mr. Anderson

လူဦးရေတိုးပွားမှုနဲ့ ရာသီဥတုဖောက်ပြန်မှုတွေကြားမှာ လူသားတွေက နေထိုင်လို့ရမယ့် တခြားဂြိုဟ်တစ်ခုကို ရှာဖွေနေကြဆဲပါ။ အဲလက်စ်ကတော့ မားစ်ကို သွားဖို့ အစီအစဉ်ချထားပြီးသား ဖြစ်နေတယ်။ ဒါပေမယ့် ဒီခရီးက ပြန်လမ်းမရှိတဲ့ခရီး ဖြစ်နေတာကြောင့် မိသားစုနဲ့ ညှိနှိုင်းတဲ့အခါ အဆင်မပြေမှုတွေ ပေါ်လာပါတယ်။ အဖေက သူ့ပန်းစိုက်ခင်းကို အဲလက်စ် လက်လွှဲယူစေချင်ပေမယ့် သားကလည်း ကိုယ်လုပ်ချင်တာကို ဖြစ်အောင်လုပ်တတ်သူပါ။ ကမ္ဘာပေါ်မှာ ရှာဖွေစရာ အသစ်အဆန်းတွေ မကုန်သေးဘဲ အဲလက်စ်က ဘာကြောင့် အပြီးထွက်သွားချင်နေတာလဲ။ မိသားစုရဲ့ ဆန္ဒနဲ့ သူရွေးထားတဲ့ခရီးကြားမှာ အဲလက်စ် ဘယ်လိုဆုံးဖြတ်မလဲဆိုတာ ဆက်တွေ့ရမှာပါ။

Valentine Day အမှီ အေးဆေးဖီးလ်နဲ့ကြည့်လို့ရမယ့် အချစ်ဇာတ်လမ်းကောင်းလေးလာပါပြီ တက်စ်ဆာဆိုတာ အချစ်ကိုအယုံကြည်မရှိဘဲ ဘ၀ထဲကိုဝင်လာတဲ့ လူမှန်သမျှ တွန်းထုတ်နေမိတဲ့ ကောင်မလေးတစ်ယောက်ပေါ့ .... အဖြူအမည်းကင်မရာနဲ့ဓာတ်ပုံ‌ေ‌တွရိုက်ရတာ သဘောကျပြီး အချစ်အကြောင်းတွေကိုအများကြီးပြောတတ်တယ်... ပျော်ရွှင်စရာအဆုံးသတ်တွေကိုမယုံတဲ့ တက်စ်ဆာဟာ စကိုင်လာဆိုတဲ့ ကောင်လေးနဲ့ရုပ်ရှင်တစ်ရုံမှာတေ‌ွ့ရာကနေ ချစ်သူတွေဖြစ်လာပြီး သူ့အတွက် ပျော်စရာအဆုံးသတ်တစ်ခုဖြစ်လာမယ်ထင်ထားခဲ့တယ် ဒါပေမယ့် ကားအက်စီးဒင့်‌ေကြာင့် စကိုင်လာဟာသေဆုံးခဲ့ပြီး တက်စ်ဆာလည်း မသေရုံတမယ်အသက်ရှင်ခဲ့ပါတယ် ... နောက်ပိုင်းမှာ စကိုင်လာရဲ့ ဝိဉာည် ‌ပေါ်လာကာ တက်စ်ဆာကို တမလွန်က ဆက်သွယ်လာပြီး မပြီးပြတ်ခဲ့တဲ့ အရာ...မပြောဖြစ်ခဲ့တဲ့စကားတေ‌ွကို In-Between ဆိုတဲ့ ဝိဉာည်လောက ကနေ ဆက်သွယ်ပြောဆိုလာခဲ့တဲ့အခါမှာတော့...... သဘာ၀လွန်အချစ်ဇာတ်လမ်းလေးတစ်ပုဒ်ဘယ်လိုအဆုံးသတ်သွားမလဲ ကိုယ်တိုင်ပဲခံစားလိုက်ကြည့်လိုက်ပါ. အညွှန်း နဲ့ ဘာသာပြန်ကတော့ Thiha Yan Naing ပဲ ဖြစ်ပါတယ်။ Genre.....Drama, Romance, Sci-fi Quality….WEB-DL 1080p and 720p File size…1.6GB, 834MB, 278MB Format…mp4 Duration….1h 55min Subtitle….Myanmar Subtitle (Hardsub) Translator .....Thiha Yan Naing Encoder ..... August

ရှိတ်စပီးယားရဲ့ ရိုမီယိုနဲ့ ဂျူးလိယက်အကြောင်းကို ဒီတစ်ခါ ရိုမီယိုရဲ့ ရည်းစားဟောင်း ရိုဆာလင်းဘက်ကနေ ပြောပြထားပါတယ်။ ရိုမီယိုက ရိုဆာလင်းကို ချစ်လှပါချည်ရဲ့ဆိုပြီး ကဗျာတွေ၊ စာတွေနဲ့ ပိုးပန်းခဲ့ပေမယ့် တစ်နေ့မှာတော့ ရုတ်တရက် ပျောက်သွားတယ်။ ရိုဆာလင်းက သူ့နောက်ကို လိုက်ချောင်းကြည့်တော့ ကိုယ့်ကိုပိုးပန်းခဲ့တဲ့ နည်းတွေအတိုင်း နောက်တစ်ယောက်ကို ပိုးပန်းနေတာ တွေ့လိုက်ရပါတယ်။ ပိုဆိုးတာက ရိုမီယိုရဲ့ ချစ်သူအသစ်ဟာ ရိုဆာလင်းရဲ့ ဝမ်းကွဲညီမ ဂျူးလိယက် ဖြစ်နေတာပါ။ မခံချိမခံသာဖြစ်နေတဲ့ ရိုဆာလင်းက ရိုမီယိုကို ပြန်ရဖို့ အကြံတွေထုတ်တော့တယ်။ တစ်ဖက်မှာလည်း ဝမ်းကွဲညီမကို ရိုမီယိုနဲ့ ဝေးသွားအောင် ကြိုးစားပါတယ်။ ဟာသနှောထားတဲ့ ဒီအချစ်ဇာတ်လမ်းမှာ ရိုဆာလင်းရဲ့ အကြံတွေ အောင်မြင်မလား၊ ရိုမီယိုတို့ရဲ့ ဇာတ်လမ်းက မူရင်းအတိုင်းပဲ အဆုံးသတ်သွားမလားဆိုတာ စောင့်ကြည့်ရမှာပါ။

ဗီယက်နမ်စစ်ပွဲကာလမှာ အမေရိကန်ပြည်သူတွေက စစ်ပွဲကို ထောက်ခံသူနဲ့ ကန့်ကွက်ဆန္ဒပြသူဆိုပြီး နှစ်ဖက်ကွဲနေကြပါတယ်။ အမေရိကန်တပ်ထွက် ချစ်ကီဒိုနိုဟူးကတော့ စစ်ပွဲဟာ နိုင်ငံအတွက်ပဲလို့ ယုံကြည်အားပေးနေသူပါ။ သူ့ညီမက ဆန္ဒပြသူဖြစ်ပေမယ့် ချစ်ကီကိုယ်တိုင်ကတော့ ဆန္ဒပြသူတွေကို မုန်းနေပါတယ်။ သင်္ဘောသားအလုပ်လုပ်တဲ့ သူဟာ သင်္ဘောမတက်ရတဲ့အချိန်ဆို ညတိုင်း အရက်ဆိုင်မှာ သောက်ပြီး မိဘအိမ်မှာ နေမြင့်တဲ့အထိ အိပ်လေ့ရှိတယ်။ တစ်ည ဘားမှာ စုသောက်ကြရင်း သူတို့ရပ်ကွက်ကနေ ရှေ့တန်းရောက်နေတဲ့ စစ်သားတွေဆီ နယူးယောက်က ဘီယာတွေ သွားပေးရင် ဘယ်လောက်ပျော်ကြမလဲလို့ ပြောမိကြပါတယ်။ သူတို့ကို ထောက်ခံနေသူတွေ ရှိသေးတယ်ဆိုတာ သိရရင် အားတက်ကြမယ်ဆိုတဲ့ အတွေးပါ။ ချစ်ကီ တကယ်သွားမယ်လို့ မယုံသူတွေက လှောင်ကြပေမယ့် စစ်သားတွေရဲ့ မိသားစုဝင်တွေကတော့ မျှော်လင့်ချက်လေးနဲ့ လူကြုံပစ္စည်းတွေ လာအပ်ကြတယ်။ ချစ်ကီကလည်း သွားချင်သလို မသွားချင်သလိုနဲ့ စုံစမ်းရင်း အကြောင်းတိုက်ဆိုင်ပြီး ဗီယက်နမ်စစ်မြေပြင်အထိ ရောက်သွားပါတယ်။ အဲဒီမှာ သူတွေ့ရတာတွေက တီဗီထဲက ဝါဒဖြန့်သတင်းတွေနဲ့ လုံးဝမတူတော့ဘူး။ စစ်သားတွေ၊ ဗီယက်နမ်လူမျိုးတွေ၊ သတင်းထောက်တွေကြားမှာ အလွဲမျိုးစုံကြုံရင်း အသက်ရှင်ဖို့ ရုန်းကန်ရပါတော့တယ်။ ဖြစ်ရပ်မှန်ကို အခြေခံထားတဲ့ စစ်ပွဲဟာသဒရာမာဖြစ်ပြီး ဇက်အက်ဖရွန်၊ ဘီလီမူရေးနဲ့ ရက်ဆဲခရိုးတို့ ပါဝင်ထားပါတယ်။

The Map of Tiny Perfect Things (2021) အခုတစ်ခေါက်မှာတော့ The edge of tomorrow တို့လို Groundhog Day တို့လိုမျိုး Time loop ရုပ်ရှင်ပရိသတ်တွေရဲ့အကြိုက်နဲ့ကိုက်ညီမယ့် ရုပ်ရှင်လေးကိုတင်ဆက်ပေးသွားမှာပါ။ The Map of Tiny Perfect Things လို့အမည်ရတဲ့ရုပ်ရှင်ကားလေးမှာတော့ အချိန်စက်ဝန်းထဲမှာ ပိတ်မိနေကြတဲ့လူငယ်လေးနှစ်ယောက်အကြောင်း ဖော်ကျူးတင်ဆက်ထားတာဖြစ်ပါတယ် မက်လို့အမည်ရတဲ့ ကောင်လေးတစ်ယောက်ဟာ အချိန်စက်ဝန်းရဲ့ တစ်ရက်ထဲမှာ ထပ်ခါတလဲလဲပိတ်မိနေသူပါ။ တစ်နေ့တစ်နေ့ ဒီတစ်ရက်ထဲမှာပဲ ထပ်တူညီတဲ့အဖြစ်မျိူးတွေချည်းကြုံနေရတဲ့ မက်တစ်ယောက်ဟာ သူ့ဘဝကြီးကို ငြီးငွေ့လာခဲ့ပါတယ်။ သူတစ်ယောက်ထဲ အချိန်စက်ဝန်းထဲမှာ တစ်ကမ္ဘာတည်နေရသလိုပေါ့ မက်က စူးစမ်းချင်တယ် ..... သူ့ရဲ့စိတ်ညစ်စရာဘဝကြီးကနေ လွတ်မြောက်ချင်တယ် အချိန်စက်ဝန်းထဲကနေ လွတ်မြောက်ဖို့အတွက် နည်းအမျိုးမျိုးရှာဖွေစမ်းသပ်တယ်။ အချိန်မျဥ်းတွေကို ကျော်ဖို့ကြိုးစားတယ် အဲ့လိုနဲ့ တစ်နေ့မှာ သူ့လိုပဲ အချိန်စက်ဝန်းထဲပိတ်မိနေတဲ့ ကောင်မလေး မာဂရက်နဲ့ တွေ့ဆုံခဲ့တယ်။ မာဂရက်ကတော့ သူနဲ့ပြောင်းပြန်ပါ။ ကင်ဆာနဲ့သေဆုံးခါနီးအမေဖြစ်သူကြောင့် အချိန်တွေကိုရပ်တန့်ပြီး အခုလိုတစ်ရက်ထဲမှာ ပိတ်မိနေရတာကို ပျော်မွေ့ပြီး အချိန်စက်ဝန်းကနေ ရုန်းမထွက်ချင်သူပါ။ လေးဖက်မြင်ဆိုတဲ့ပုံရိပ်ကို အချိန်စက်ဝန်းထဲမှာ ပိတ်မိနေရင်းလိုက်ရှာချင်တဲ့သူလေးပေါ့ အချိန်စက်ဝန်းကနေ ရုန်းထွက်ချင်သူ မက် နဲ့ အချိန်စက်ဝန်းထဲမှာ ပျော်မွေ့နေသူ မာဂရက် သူတို့နှစ်ယောက် ဘယ်လိုတွေဆက်လုပ်ကြမလဲ????? မက် တစ်ယောက် မာဂရက်အပေါ် သံယောဇဥ်တွယ်ငြိလာတဲ့အခါရော ..... ဘာတွေဆက်ဖြစ်မလဲဆိုတာကို IMDb rating 6.8/10 ရရှိထားတဲ့ The Map of Tiny Perfect Things ဆိုတဲ့ ရုပ်ရှင်လေးမှာ ကြည့်လိုက်ကြရအောင် Translated and Review By Emily Shwe Pwint File size…1.4GB and 650MB Quality….WEB-DL 1080p and 720p Format…mp4 Duration….1hr 38min Subtitle….Myanmar Subtitle (Hardsub) Encoder ..... August

အကောင်းဆုံးရုပ်ရှင်ဆု အကောင်းဆုံး Production Design ဆု အကောင်းဆုံးအမျိုးသမီးဇာတ်ပို့ဆု (Rita Moreno) အကောင်းဆုံးဝတ်စုံဆု အကောင်းဆုံးဒါရိုက်တာဆု (စတီဗင် စပီးဘက်) အကောင်းဆုံးအသံဆု အကောင်းဆုံး Cinematography ဆုတွေ အော်စကာ ဆန်ခါတင်ထားတဲ့ West Side Story ရုပ်ရှင်ကိုတင်ပေးထားပါတယ်။ IMDb 7.8 ရရှိထားပါတယ်။ ဒီရုပ်ရှင်ကတော့ ၁၉၅၇ နာမည်ကြီးဂီတပြဇာတ် West Side Story ကိုပဲ ပြန်လည်ရိုက်ကူးထားတာဖြစ်ပါတယ်။ ၁၉၆၁ တုန်းကလည်း ရုပ်ရှင်အဖြစ် ရိုက်ကူးဖူးပါတယ်။ ဒါရိုက်တာကြီး စတီဗင် စပီးဘက်ရဲ့ ပထမဆုံး ဂီတရုပ်ရှင်ပါ။ မင်းသားကတော့ The Fault in Our Stars ထဲက Ansel Elgort ဖြစ်ပြီး မင်းသမီးကတော့ Rachel Zegler ပထမဆုံးရုပ်ရှင်အနေနဲ့ ပါဝင်ထားပါတယ်။ ဇာတ်လမ်းအကျဉ်း ဇာတ်လမ်းကတော့ ရှိတ်စပီးယားရဲ့ ရိုမီယို နဲ့ ဂျူးလိယက်ကို inspire ယူထားတာပါပဲ။ နယူးယောက်မြို့ရဲ့ ဂျက်စ် ဆိုတဲ့ အမေရိကန်လူငယ်အဖွဲ့နဲ့ ငမန်းတွေဆိုတဲ့ စပိန်လူငယ်အဖွဲ့တို့ နယ်မြေလုဖို့ တိုက်ခိုက်အားပြိုင်နေကြပါတယ်။ ဒါကိုရဲတွေက လိုက်ထိန်းသိမ်းနေရတဲ့အခြေအနေပါ။ ခဏခဏတိုက်ခိုက်နေရတာကို စိတ်ကုန်လာတဲ့ နှစ်ဖွဲ့ဟာ နောက်ဆုံးအပြီးသတ် အရှုံးအနိုင်ပေါ်အောင် တိုက်ခိုက်ဖို့ ကပွဲတစ်ခုမှာ စပြီး ချိန်းဆိုလိုက်ကြပါတော့တယ်။ အဲဒီကပွဲမှာပဲ စပိန်သူလေး မာရီရာ နဲ့ ဂျက်အဖွဲ့ရဲ့ အမေရိကန်သားလေး တိုနီတို့ ချစ်ကြိုက်သွားပါတော့တယ်။ လူငယ်နှစ်ယောက်ရဲ့အချစ်နဲ့ လူမျိုးရေးမုန်းတီးမှုနဲ့တိုက်ပွဲတွေကြား လွန်ဆွဲမှုတွေကို သရုပ်ဖော်ထားတာပါပဲ။ အနုပညာလက်ရာကောင်းကောင်းခံစားတတ်သူတွေအကြိုက်တွေ့မှာပါ။ File size…(3 GB)/(1.5 GB)/ 1 Gb) Quality….Webrip 1080p / 720p / 480p Format…mp4 Duration….02:36:00 Genre...Drama, Crime, Musical Subtitle….Myanmar Subtitle (Hardsub) Encoder….Mr. Anderson Translated by Mr.Anderson