Lee Chae-eun ပါဝင်သော ဇာတ်ကားများ

Cold Blooded Intern (2023) အရောင်းတာဝန်ခံအနေနဲ့ အလုပ်လုပ်ခဲ့တဲ့ ဂိုဟယ်ရာ ဟာ ကလေးတစ်ယောက်ရပြီးတဲ့နောက်မှာ အလုပ်က ထွက်ခဲ့ရပါတယ်။ သူ့ကလေးကို ပင်ပင်ပန်းပန်းနဲ့ ၇ နှစ်ကြာ ပြုစုပြီးချိန်မှာတော့ သူ့အလုပ်ကို ပြန်ပြီး လုပ်ချင်စိတ် ဖြစ်လာပါတော့တယ်။ ဒါပေမဲ့လည်း အလုပ်တစ်ခု ရဖို့ကို ကျားကုတ်ကျားခဲ ကြိုးစားရပါတယ်။ ရမယ့်ရပြန်တော့လည်း မားကက်ဟောက်စ် ဆိုတဲ့ ကုမ္ပဏီမှာ အလုပ်သင်ဝန်ထမ်းအနေနဲ့ ရခဲ့ပါတယ်။ အဲဒီမှာ ဒါရိုကတာ ချွဲဂျီဝန်း နဲ့ ဆုံတွေ့ပါတော့တယ်။ ချွဲဂျီဝန်း နဲ့ ဂိုဟယ်ရာက အရင် ကုမ္ပဏီတစ်ခုမှာ အလုပ်အတူတူ လုပ်ခဲ့ပဖူးပါတယ်။ ချွဲဂျီဝန်း က ဂိုဟယ်ရာ ကို ရည်ရွယ်ချက်ရှိရှိနဲ့ အလုပ်ခန့်ပြီးနောက်မှာတော့ နည်းအမျိုးမျိုးနဲ့ ပညာပြပါတော့တယ်။ သူတို့နှစ်ယောက်ကြားက ပဋိပက္ခတွေက ဘာကြောင့် ဖြစ်ခဲ့ကြတာလဲ ခုချိန်မှာရော ဘာတွေ ဆက်ဖြစ်ကြမလဲ ဆိုတာကိုတော့ အပတ်စဉ် သောကြာနေ့တိုင်း ကြည့်ရှုနိုင်မှာပဲ ဖြစ်ပါတယ်။ ဘာသာပြန်တွေကတော့ Joyz, Thant Sin, Kppks, Phu Phu တို့ပဲ ဖြစ်ပါတယ် Genre..... Drama, Family, Comedy Quality…. 1080p | 720p File size… 500MB | 300MB Format… mp4 Duration….30min Subtitle…. Myanmar Subtitle (Hardsub) Translator .....Joyz, Thant Sin, Kppks, Phu Phu Encoder ..... Aaron

Squid Game မင်းသားကြီး Lee Jung Jae ၊ Steel Rain မင်းသားကြီး Jung Woo Sung ၊ SearchWWW နဲ့ Stranger2 တို့က မင်းသမီးကြီး Jeon Hye Jin တို့အပြင် Alchemy of Souls ထဲက နာ့ဆူလေး Go Yoon Jung တို့ အဓိက ပါဝင်ထားပြီး Heo Sung Tae ၊ Jung Man Shik တို့ကလည်း supprot role ကနေပါဝင်သလို ဧည့်သရုပ်ဆောင်တွေအဖြစ် Along with The Gods မင်းသားကြီး Joo Ji Hoon ၊ Snow Drop ထဲက ကျွန်တော်တို့ အချစ်တော်ကြီး Park Sung Woong တို့ ပါဝင်တဲ့အပြင် မြန်မာမှာ ဖြစ်ခဲ့ဖူးတဲ့ ဖြစ်ရပ်ကိုပါ ခပ်ဆင်ဆင်အနေအထားနဲ့ ထည့်သွင်းရိုက်ကူးထားတဲ့အတွက် ကိုရီးယားရောက် မြန်မာလူမျိုးအချို့လည်း အားဖြည့်ပါဝင်ရိုက်ကူးထားတဲ့ Hunt ဆိုတဲ့ အလန်းစား စပိုင်၊ အက်ရှင် ဇာတ်လမ်းလေး လာပါပြီ။ ဇာတ်လမ်းအညွှန်းအနေနဲ့ကတော့ … ၁၉၈၀ ခုနှစ် ကိုရီးယား အာဏာရှင်စနစ် လွှမ်းမိုးမှု အမြင့်ဆုံးရောက်နေတဲ့အချိန်မှာ ပြည်ပဆိုင်ရာ KCIA ဦးစီးမှူး ပတ်ဖြောင်းဟိုနဲ့ ပြည်တွင်းဆိုင်ရာ KCIA ဦးစီးမှူး ဂင်ဂျောင်ဒို တို့ဟာ ဒုံလင်ဆိုတဲ့ မြောက်ကိုရီးယား စပိုင် အကြီးအကဲကို စုံစမ်းဖော်ထုတ်ဖို့ တာဝန်ပေးအပ်ခံရပါတယ်။ ဒုံလင်ဆိုတာကတော့ နယ်နယ်ရရမဟုတ်ဘဲ သူတို့အဖွဲ့အစည်းထဲကို အတွင်းထဲထိ စိမ့်ဝင်ထားနိုင်တဲ့ သူလျှိုဖြစ်ပြီး ထိပ်တန်းလျှို့ဝှက်ချက်တွေကိုပါ မြောက်ကိုရီးယားဆီ ပေးပို့နေတဲ့သူပါ။ ဖြစ်ချင်တော့ ဒုံလင်ကို မဖော်ထုတ်နိုင်တဲ့အပြင် ဖိအားတွေပါ ရင်ဆိုင်လာရချိန်မှာတော့ အချင်းချင်း အပြန်အလှန် စွပ်စွဲပြစ်တင်ကြပါတယ်။ ဒါပေမဲ့လည်း ဌာနမှူးနှစ်ယောက်ဟာ သူလျှိုကဘယ်သူဆိုတာနဲ့ သူလျှိုရဲ့ အဓိက တာဝန်ဟာ တောင်ကိုရီးယား သမ္မတကို လုပ်ကြံသတ်ဖြတ်ဖို့ဖြစ်တယ်ဆိုတာကို တဖြည်းဖြည်းသိရှိလာတဲ့အခါမှာတော့ … ဒုံလင်ဆိုတဲ့ အတွင်းသူလျှိုက ဘယ်သူဖြစ်မလဲ? ဒုံလင်ကို ဖော်ထုတ်နိုင်ဖို့ ဌာနမှူးနှစ်ယောက် ဘယ်လိုကြိုးစားကြမလဲ? သူတို့ ဌာနနှစ်ခုကြား အချင်းချင်း ဝေဖန်ပြစ်တင်တာတွေကို ဘယ်လိုဖြေရှင်းမလဲ? သမ္မတကို ကယ်တင်ဖို့ကော ဒီ ဌာနမှူးနှစ်ယောက် စွမ်းဆောင်နိုင်မှာလား? ဆိုတာကိုတော့ ဇာတ်လမ်းလေးထဲ ရင်တထိတ်ထိတ် ဆက်လက် ကြည့်ရှု အဖြေရှာကြပါစို့ဗျာ။ (မင်းသားကြီး Lee Jung Jae ဟာ ဒီဇာတ်လမ်းရဲ့ ဇာတ်ညွှန်းရေးရာမှာလည်း တစ်စိတ်တစ်ဒေသပါဝင်ခဲ့ပြီး ကိုယ်တိုင်တည်းဖြတ်ရိုက်ကူးထားတဲ့အပြင် အဓိကဇာတ်ဆောင်အနေနဲ့လည်း ပါဝင် သရုပ်ဆောင်ထားပါသေးတယ်ခင်ဗျာ) ကိုရီးယားမှာ ဝက်ဝက်ကွဲ အောင်မြင်ခဲ့တဲ့ ဇာတ်လမ်းဖြစ်ပြီး cast အလန်းစားတွေကိုမှ ဇာတ်လမ်း အကြမ်း၊ အမိုက်စား ကြည့်ရှုခံစားရမှာ ဖြစ်တဲ့အတွက် မလွတ်တမ်း ကြည့်ရှုကြဖို့ အကြံပေးလိုက်ပါရစေခင်ဗျာ။ File Size : 2.2GB, 859MB Quality : 1080p WEB-DL AC3 5.1CH, 720p Format : mp4 Duration : 2hr & 11mins Genre : Action, Drama, Mystery Translated by Song Song & Hnin Thazin Encoded by Kinnov

Baseball Girl (2020) ဂျူဆူအင် (Lee Joo Young) က အထက်တန်းကျောင်း ဘေ့စ်ဘောအသင်းရဲ့ တစ်ဦးတည်းသော မိန်းကလေးကစားသမားဖြစ်ပြီး ပရိုဘေ့စ်ဘောကစားသမားဖြစ်ဖို့ ပြင်းပြစွာ အိပ်မက်မက်နေသူပါ။ သူက ဘောလုံးကို တစ်နာရီ ၁၃၀ ကီလိုမီတာနှုန်းနဲ့ ပစ်နိုင်စွမ်းရှိပေမဲ့ မိန်းကလေးဖြစ်နေတဲ့အတွက် ပရိုအသင်းတွေက လက်မခံခဲ့တဲ့အပြင် မိခင်ဖြစ်သူကပါ အိပ်မက်တွေကိုစွန့်လွှတ်ပြီး စက်ရုံမှာအလုပ်လုပ်ဖို့ ဖိအားပေးနေခဲ့ပါတယ်။ ဒီအချိန်မှာပဲ နည်းပြသစ် ချွဲဂျင်ထယ် ရောက်ရှိလာပြီး သူမရဲ့ မဆုတ်မနစ်တဲ့ ဇွဲကိုမြင်သွားတဲ့အခါမှာတော့ ယောက်ျားလေးတွေကို ယှဉ်နိုင်ဖို့အတွက် "နက်ကယ်ဘော" (Knuckleball) ပစ်နည်းကို အထူးလေ့ကျင့်သင်ကြားပေးခဲ့ပါတယ်။ မိသားစုအခက်အခဲတွေ၊ ပတ်ဝန်းကျင်ရဲ့ ဖိအားတွေကြားကနေ ရုန်းကန်နေရတဲ့ ဆူအင်တစ်ယောက် မိခင်မသိအောင် အလုပ်ခိုးထွက်ရင်း အစမ်းပွဲစဉ်မှာ ဝင်ကစားခဲ့ပြီးနောက် သူမရဲ့ ပရိုကစားသမားအိပ်မက်ကို အကောင်အထည်ဖော်နိုင်မလား... အခက်အခဲတွေကို ဘယ်လိုကျော်ဖြတ်သွားမလဲဆိုတာကိုတော့ ဆက်လက်ရှုစားကြည့်လိုက်ပါဦးနော်။ File Size - 1.4 GB/ 539 MB Quality - NF WEB-DL 1080p/ 720p Duration - 1h 45m Format - mp4 Genre - Drama Subtitle - Myanmar Subtitle (Hard Sub)

Crazy Romance (2019) ဒီတစ်ခါမှာတော့ အားလုံးသိကြတဲ့ Doctor မင်းသား Kim Raewon နဲ့ When the stars gossip မင်းသမီး Gong Hyejin တို့ ပါဝင်ထားတဲ့ crazy romance လို့ အမည်ရတဲ့ အချစ်ဟာသဇာတ်ကားလေးကို ဘာသာပြန်တင်ဆက်ပေးလိုက်ရပါတယ် ။ ဇာတ်လမ်းအကျဉ်းကတော့ နာမည်လေးအတိုင်း နှစ်ယောက်သားရဲ့ ရူးရူးမိုက်မိုက် အချစ်ဇာတ်လမ်းလေးပါပဲ ။ ဗျူဟာစီမံရေးအဖွဲ့ရဲ့ အဖွဲ့မှူး အီဂျယ်ဟွန်း ( Kim Raewon ) ကတော့ ချစ်သူကောင်မလေးနဲ့ လက်ထပ်ဖို့ ဖိတ်စာတွေဝေ ၊ အိမ်ပါ ဝယ်ပြီးကာမှ လက်ထပ်ပွဲပျက်သွားခဲ့ရသူ ဖြစ်ပြီး ဗျူဟာစီမံရေးအဖွဲ့ကို အသစ်ရောက်လာတဲ့ ဝန်ထမ်းသစ် အိုဆွန်းယောင်း ( Gong HyeJin ) ကတော့ သူ့အပေါ် ဖောက်ပြန်တဲ့ရည်းစားကို ပြန်ဖောက်ပြန်ပြလိုက်တဲ့အထိ လက်ရဲဇက်ရဲနိုင်သူလေး ဖြစ်ပါတယ် ။ သူတို့နှစ်ယောက်မှာ တူညီတဲ့အချက်ကတော့ အရက်မူးလာရင် ထင်ရာအကုန်လျှောက်လုပ်ပြီး မနက်ကျ မမှတ်မိတော့တာပါပဲ ။ ဒီလိုနဲ့ ကုမ္ပဏီ ညစာစားပွဲ တစ်ခုမှာ အရက်မူးနေတဲ့ အီဂျယ်ဟွန်းဟာ ဖုန်းခေါ်နေကျ ရည်းစားဟောင်းကို ဖုန်းခေါ်ရမယ့်အစား အိုဆွန်းယောင်းကို ဖုန်းခေါ်လိုက်မိတဲ့အခါ.. type မတူတဲ့ သူတို့နှစ်ယောက် ကြား ဘာတွေဆက်ဖြစ်လာကြမှာလဲ ။ commitment မပေးနိုင်ဘဲ ပတ်ပြေးရင်းနဲ့ နှစ်ယောက်သား ဘယ်လိုဂယက်တွေထကြမလဲဆိုတာကိုတော့ Crazy Romance ရုပ်ရှင်မှာ ဆက်လက်ရှုစားလိုက်ကြပါဦးနော် ။ File size…1.39GB / 691MB Quality… BluRay 1080p/ 720p Format…mp4 Duration….1 hr. 55 min. Genre ….. Comedy, Romance, Melodrama Subtitle….Myanmar Subtitle (Hard Sub)

Trade Your Love (2019) CMပရိသတ်ကြီးတို့အတွက် ဒီတစ်ခေါက်မှာတော့ မင်းသား Kim Dong-wookနှင့်အတူ မင်းသမီး Ko Sung-heeတို့ အဓိက ပါဝင် သရုပ်ဆောင်ထားတဲ့ အချစ်ဟာသကားလေးကို တင်ဆက်ပေးလိုက်ပါတယ်နော် .. ဇာတ်လမ်းအညွှန်း လေကြောင်းလိုင်းပိုင်ရှင် သူဌေးကြီးရဲ့ သားဖြစ်သူ ဆောင်းဆော့(Kim Dong-wook)ဟာ ဥစ္စာပေါရုပ်ချောဖြစ်ပေမဲ့လည်း ဖခင်ဖြစ်သူ သဘောမတူတဲ့ မိန်းကလေးတစ်ယောက်နဲ့ ချစ်ကြိုက်မိပြီး လက်ထပ်ဖို့ အခက်တွေ့နေရသူတစ်ယောက်ပါ။ ဖခင်ဖြစ်သူကလည်း သူသဘောတူတဲ့ မိန်းကလေးနဲ့လက်ထပ်မှ ကုမ္ပဏီကို ဆက်ဆံခွင့်ရရှိမယ်လို့ အမိန့်ထုတ်ထားတဲ့အတွက် ဆောင်းဆော့တစ်ယောက် ကြံရာမရဖြစ်လို့နေခဲ့ပါတယ်။ ဟယ်ဂျူ(Ko Sung-hee)ကတော့ တစ်ချိန်က ပြေးခုန်ပစ်အားကစားလက်ရွေးစင် တစ်ယောက်ဖြစ်ခဲ့ပြီး မထင်မှတ်ထားတဲ့ အဖြစ်အပျက်တစ်ခုကြောင့် ကစားသမားဘဝမှ အနားယူလိုက်ရကာ ဘဝရဲ့ဦးတည်ချက် ပျောက်ဆုံးနေရတဲ့အချိန်မှာမှ မိသားစုဝင်တွေရဲ့ အတင်းအဓမ္မ လက်ထပ်ဖို့ ဖိအားပေးခြင်းကို ခံနေရသူလေးပါ။ ဒီလိုနဲ့ ဆောင်းဆော့နဲ့ဟယ်ဂျူတို့နှစ်ဦးသား မိသားစုရဲ့စီစဥ်ပေးမှုနဲ့ ကြင်ဖက်တွေ့ရာကနေ ဆုံစည်းခဲ့ပါတော့တယ်။ အဲဒီနောက်မှာ သူတို့နှစ်ဦးဟာ လိုချင်တာကို အသီးသီး ရယူနိုင်ဖို့အတွက် နောက်ဆုံးတော့ ၃နှစ်တာ စာချုပ်ချုပ်ပြီး ဟန်ဆောင်လက်ထပ်ဖို့ သဘောတူခဲ့ကြပါတော့တယ်။ အဲဒီလိုကနေ ဟန်ဆောင်လက်ထပ်ဖို့ ပြင်ဆင်နေတဲ့ အတောအတွင်း သူတို့ မထင်မှတ်ထားတဲ့ အခက်အခဲတွေနဲ့ တွေ့ကြုံလာခဲ့ရတဲ့အခါမှာတော့.... ဘယ်လို အလွဲတွေ ဖြစ်ကြမလဲဆိုတာကို ဟာသနှောပြီး တင်ဆက်ထားတာကြောင့် ဇာတ်ကားလေးထဲမှာ ဆက်လက်ရှုစားပေးကြပါဦးနော်... (အညွှန်းကို Phyo မှ ရေးသားထားပါတယ်) File size…1.81GB / 928MB Quality… WEB-DL 1080p/ 720p Format…mp4 Duration….1 hr. 27 min. Genre ….. Comedy, Romance, Life, Drama Subtitle….Myanmar Subtitle (Hard Sub) Translated by Phyo Encoded by AHtet

The Mimic (2017) IMDb Rating (6.5) သည်းထိတ်ရင်ဖို့ ရုပ်ရှင်‌တွေကို ကြိုက်နှစ်သက်သူတို့အတွက် 2017 ခုနှစ်တုန်းက ထွက်ရှိထားတဲ့ Horror ကားကောင်းနဲ့ မိတ်ဆက်ပေးချင်ပါတယ်။ ဒီကားလေးကတော့ ကိုရီးယားရဲ့ ရိုးရာပုံပြင်တွေထဲမှာ ကြားဖူးနေကျဖြစ်တဲ့ အသံပေါင်းစုံကို လိုက်တုပပြောဆိုနိုင်ပြီး လူတွေကို ပြုစားတတ်တဲ့ အကျော်ဇေယျ ဂျန်ဆန်းကျားရာဇဝင်ကို နောက်ခံယူပြီး ရိုက်ကူးထားတာပဲ ဖြစ်ပါတယ်။ အဓိကသရုပ်ဆောင်တွေအနေနဲ့ Sky Castle ထဲက မင်းသမီး Yeom Jung Ah၊ Light Shop ထဲက မင်းသား Park Hyuk Kwon နဲ့ ကလေးသရုပ်ဆောင် Shin Rin Ah တို့က ပါဝင်သရုပ်ဆောင်ထားပါတယ်။ -ဇာတ်လမ်းအညွှန်း- လွန်ခဲ့တဲ့ ၅နှစ်က သားဖြစ်သူကို ပျောက်ဆုံးခဲ့ရတဲ့ ဟီးယွန်းတို့ ဇနီးမောင်နှံနှစ်ဦးဟာ အသိစိတ်ပုံမှန်မဟုတ်တဲ့ အမေဖြစ်သူရဲ့ မှတ်ဉာဏ်ပြန်ရလာအောင် ဆိုးလ်ကနေ အမေ့ရဲ့မွေးရပ်မြေကို ပြောင်းလာခဲ့ပါတယ်။ ၅နှစ်ကြာပြီးတာတောင် ပူဆွေးသောကတွေနဲ့ သားဖြစ်သူကို ရှာဖွေနေဆဲဖြစ်တဲ့ ဟီးယွန်းတို့ မိသားစုဆီကို ထူးခြားတဲ့ဖြစ်ရပ်တွေနဲ့ တောထဲက အဖြေရှာရခက်တဲ့ ကလေးမလေး ရောက်ရှိလာပြီးတဲ့နောက်မှာတော့.... ဟီးယွန်းတို့ မိသားစု ကြုံတွေ့လာရတဲ့ အဖြစ်အပျက်တွေနဲ့ ဂျန်ဆန်းကျားက ဘယ်လိုပတ်သက်ဆက်နွယ်နေလဲ ဆိုတာကို ရင်ခုန်ထိတ်လန့်စွာနဲ့ ကြည့်ရှုရမှာဖြစ်ပြီး သည်းထိတ်ရင်ဖို သရဲဇာတ်လမ်းတွေကို ကြိုက်နှစ်သက်သူတွေ ခံစားစီးမျောနိုင်စေဖို့အတွက် တင်ဆက်ပေးလိုက်ပါတယ်နော်။ File Size : 1.96GB/ 750MB Quality : BluRay 1080p 5.1 CH/ 720p Format : mp4 Duration : 1hr 40m Genre : Thriller, Mystery, Horror, Supernatural Subtitle : Myanmar Subtitle (Hard Sub)

Steel Rain (2017) IMDb... 7.1 နာမည်တူ webtoon ကို အခြေခံရိုက်ကူးထားပြီး Jung Woo-Sung, Kwak Do-Won, Kim Eui-Sung, Lee Kyoung-Young အစရှိတဲ့ ဝါရင့်သရုပ်ဆောင်များစွာ ပါဝင်သရုပ်ဆောင်ထားကြတဲ့ နာမည်ကြီး ရုပ်ရှင်ကားဟောင်းလေးကို ပြန်လည် ဘာသာပြန်တင်ဆက်ပေးလိုက်ပါတယ်။ - ဇာတ်လမ်းအကျဉ်း - မြောက်ကိုးရီးယားမှာ အာဏာသိမ်းမှု ဖြစ်ပွားပြီးပြီးချင်းမှာပဲ မြောက်ကိုးရီးယား ထိပ်တန်းအေးဂျင့်ဟောင်းတစ်ဦးဖြစ်တဲ့ အောမ်ချောအူ (Jung Woo-Sung) က မြောက်ကိုးရီးယားခေါင်းဆောင်ကို ကယ်တင်ပြီး တောင်ကိုးရီးယားဆီ အတူထွက်ပြေးတိမ်းရှောင်ခဲ့ပါတယ်။ အဲဒီအချိန်မှာပဲ မြောက်ကိုးရီးယားက တောင်ကိုးရီးယားနဲ့ အမေရိကန်ကို စစ်ကြေညာလိုက်သလို တောင်ကိုးရီးယားကလည်း အရေးပေါ် စစ်အုပ်ချုပ်ရေးအမိန့်ကို ထုတ်ပြန်လိုက်ပါတော့တယ်။ တစ်ဖက်မှာလည်း တောင်ကိုးရီးယား အမျိုးသားလုံခြုံရေး အကြီးတန်းအတွင်းရေးမှူး ဂွက်ချောအူ (Kwak Do-Won) ဟာ မြောက်ကိုးရီးယားခေါင်းဆောင်က တောင်ကိုးရီးယားကို ရောက်နေတယ်ဆိုတဲ့ သတင်းကိုရလိုက်ပြီး စစ်ပွဲကို တားဆီးဖို့အတွက် အောမ်ချောအူနဲ့ မြောက်ကိုးရီးယားခေါင်းဆောင်နားကို လျှို့ဝှက်ချဉ်းကပ်လာတဲ့အခါမှာတော့... အောမ်ချောအူက သူတို့ခေါင်းဆောင်ကို မြောက်ကိုးရီးယားဆီ ဘေးကင်းစွာနဲ့ ပြန်လည်ခေါ်ဆောင်သွားနိုင်မှာလား.... တောင်-မြောက်ကိုးရီးယားကြား တင်းမာမှုတွေကရော ဘယ်လိုတွေ ဆက်ဖြစ်မလဲဆိုတာကို အက်ရှင်ခန်းများနဲ့အတူ စိတ်ဝင်စားဖွယ် ကြည့်ရှုရမဲ့ ကားကောင်းလေးပဲဖြစ်ပါတယ်။ File Size…2.16GB/ 980MB Quality…BluRay 1080p 5.1CH/ 720p Format…mp4 Duration…2h 20m Genre ….. Action, Thriller, Drama Subtitle….Myanmar Subtitle (Hard Sub)

The Last Princess (2016) IMDb 7.1/10 ဒီတစ်ခေါက်မှာတော့ ကိုရီးယားရဲ့ နောက်ဆုံး တော်ဝင်မင်းသမီး ဒေါ့ဟယ် အကြောင်းကို ရိုက်ကူးထားပြီး ဆုပေါင်းများစွာ သိမ်းပိုက်ထားတဲ့ ဇာတ်ကားကောင်းလေးကို ပရိသတ်တို့အတွက် တင်ဆက်ပေးလိုက်ပါတယ်။ Cast တွေအနေနဲ့ကတော့ မင်းသမီး ဒေါ့ဟယ် အဖြစ်မမ Son Ye-Jin မှ အဓိကသရုပ်ဆောင်ထားပြီး Park Hae-Il ၊ Ra Mi-Ran ၊ Yoon Je-Moon တို့အပြင် မင်းသမီးလေး Kim So-Hyun ၊ Kim Jae-Wook ၊ Ko Soo တို့ပါ ပါဝင်အားဖြည့်ထားတာဖြစ်လို့ Cast တွေနဲ့တင် လက်လွတ်မခံသင့်တဲ့ ဇာတ်ကားကောင်းလေး ဖြစ်ပါတယ်။ ဇာတ်လမ်းအညွှန်း ~ ဂိုဂျုံးဧကရာဇ်ရဲ့ တစ်ဦးတည်းသော သမီးတော်ဖြစ်တဲ့ မင်းသမီး ဒေါ့ဟယ်ဟာ ကိုရီးယားဧကရာဇ်နိုင်ငံတော်ရဲ့ အချစ်တော်မင်းသမီးလေး တစ်ပါး ဖြစ်ပါတယ်။ ဒီလိုမျိုး လိုလေသေးမရှိ ပျော်ပျော်ရွှင်ရွှင်နေခဲ့ရတဲ့ မင်းသမီးငယ်လေးဟာ အသက် ၁၃ နှစ်အရွယ်မှာ ဂျပန်ကိုလိုနီစည်းမျဥ်းကြောင့် အမိမြေကို စွန့်ခွာပြီး တိုင်းတပါးနိုင်ငံဖြစ်တဲ့ ဂျပန်ကို ပညာတော်သင်သွားဖို့ အတင်းဖိအားပေး စေလွှတ်ခံခဲ့ရပါတော့တယ်။ နေ့တိုင်းလိုလို အမိမြေကို လွမ်းဆွတ်ရင်း နေထိုင်လာခဲ့တဲ့ မင်းသမီးလေးဟာ တစ်နေ့မှာတော့ ငယ်ချစ်ဦး ဂင်ဂျန်ဟန်နဲ့ ပြန်ဆုံတွေ့ခဲ့ပြီးနောက် ဂင်ဂျန်ဟန်ရဲ့ အကြံပေးမှုအတိုင်း အစ်ကိုတော်ဖြစ်တဲ့ အိမ်ရှေ့စံမင်းသားယောင်းနဲ့အတူ ဂျပန်ကနေ ရှန်ဟိုင်းကို ထွက်ပြေးခိုလှုံဖို့ ကြိုးပမ်းပါတော့တယ် ။ ဒီကြိုးပမ်းမှုက အရာထင်သွားပြီး ရန်သူ့မြေကနေ လွတ်မြောက်သွားပြီး မိခင်မြေကို ပြန်ရောက်လာနိုင်မလား .... ကိုရီးယား တော်ဝင်မျိုးနွယ်တွေရဲ့ ဇာတ်သိမ်းက လှပပါ့မလားဆိုတာကိုတော့ .... ရင်ထဲထိစေပြီး လွမ်းမောဖွယ် ကြည့်ရှုရမဲ့ ဇာတ်ကားကောင်းလေး ဖြစ်လို့ ကိုယ်တိုင် ခံစားကြည့်လိုက်ပါဦးနော် .. File size…1.88GB / 890MB Quality… WEB-DL 1080p/ 720p Format…mp4 Duration….2 hr. 7 min. Genre ….. Historical, Drama , Melodrama Subtitle….Myanmar Subtitle (Hard Sub)

Office (2015) IMDb... 6.4 Channel Myanmar ရဲ့ Korean Movie ကြိုက်နှစ်သက်သူ ပရိသတ်တွေအတွက် 2015 ခုနှစ်က ထွက်ရှိထားတဲ့ Thriller ဇာတ်ကားလေးတစ်ပုဒ်နဲ့ မိတ်ဆက်ပေးလိုက်ပါတယ်။ မင်းသားကြီး Park Sung-woong , Bae Seong-woo နဲ့ မင်းသမီး Go Ah-sung တို့ အဓိကအနေနဲ့ ပါဝင်သရုပ်ဆောင်ထားကြတဲ့ ဇာတ်ကားလေးပဲဖြစ်ပါတယ်။ -ဇာတ်လမ်းအညွှန်း- အစားအသောက်ကုမ္ပဏီတစ်ခုမှာ မန်နေဂျာအဖြစ် လုပ်ကိုင်နေတဲ့ Kim Byeong-Gook (Bae Sung-Woo)ဟာ အလုပ်မှာ အားကိုးရပြီးတော့ မိသားစုကိုလည်း ချစ်မြတ်နိုးတဲ့လူတစ်ယောက်ပါ။ ဒါပေမဲ့ တစ်ရက်မှာတော့ အလုပ်ကနေ အိမ်ကို ပြန်အရောက်မှာ ရုတ်တရက် သူ့ရဲ့ မိသားစုတစ်ခုလုံးကို တူနဲ့ ရက်ရက်စက်စက်သတ်ဖြတ်လိုက်ပါတယ်။ Jong-Hoon (Park Sung-Woong) ဦးဆောင်တဲ့ စုံထောက်အဖွဲ့ဟာ ဒီအမှုနဲ့ပက်သက်ပြီး သူ့ရဲ့ လုပ်ဖော်ကိုင်ဖက်တွေကို စစ်ဆေးမေးမြန်းတဲ့အခါမှာ Kim Byeong-Gook နဲ့ အနီးကပ်ဆုံးဖြစ်တဲ့ အလုပ်သင်လေး Lee Mi-Rye (Ko Ah-Sung) အပြင် ဘယ်သူကမှ အသေးစိတ်တိတိကျကျ မဖြေကြားနိုင်ဘဲ တစ်ခုခုကို ဖုံးကွယ်ထားဟန်ရှိနေကြပါတယ်။ ဆိုက်ကိုဖောက်နေတဲ့ လူသတ်သမားတစ်ယောက်ကြောင့် ကုမ္ပဏီအတွင်းက လူတွေ တစ်ယောက်ပြီး တစ်ယောက် အသတ်ခံလာရတဲ့အခါမှာတော့.. ကုမ္ပဏီဝန်ထမ်းတွေရဲ့ စိုးရိမ်ပူပန်မှုတွေ၊ လုပ်ငန်းခွင်ဝင်နေကြတဲ့ လူတွေကြားထဲက နိုင့်ထက်စီးနင်းလုပ်မှုတွေကို စိတ္တဇဆန်ဆန်နဲ့ စိတ်ဝင်စားဖွယ်ကြည့်ရှုသွားရမဲ့ဇာတ်ကားလေးဖြစ်တာကြောင့် ခံစားကြည့်ရှုလိုက်ကြပါဦးနော်။ (ဇာတ်လမ်းအညွှန်းကိုတော့ Yati Naing မှ ‌ရေးသားထားပါတယ်။) File Size : 1.43GB/ 610MB Quality : WEB_DL 1080p/ 720p Format…mp4 Duration…01:51:00 Genre : Thriller, Mystery, Horror, Psychological Subtitle : Myanmar Subtitle (Hard Sub) Translated by ToeTe Aung & Yati Naing Encoded by Tiff

Detective K: Secret of the Lost Island (2015) ဒီတစ်ခေါက် တင်ဆက်ပေးမဲ့ Detective K series (၂၀၁၅) အပိုင်းမှာတော့ ဒီရုပ်ရှင်ရဲ့ ပင်တိုင်သရုပ်ဆောင်တွေဖြစ်ကြတဲ့ Kim Myung-Min , Oh Dal-Soo နဲ့ အတူ အဓိကမင်းသမီးအဖြစ် East of Eden မှာ ဂျွန်စောအိုပါးနဲ့ အတွဲညီခဲ့တဲ့ မင်းသမီး Lee Yeon-Hee တို့က ပါဝင်သရုပ်ဆောင်ထားပါတယ်။ - ဇာတ်လမ်းအညွှန်း - ဂျိုဆွန်းရဲ့ အတော်ဆုံးစုံစမ်းစစ်ဆေးရေးမှူး ဂင်မင်းက ဂျိုဆွန်းမှာ ငွေချောင်းအတု အမြောက်အများ ပျံ့နှံ့နေတဲ့အတွက် အဲဒီငွေချောင်းအတုတွေကို ထုတ်လုပ်တဲ့သူတွေကို ခြေရာခံနေရတဲ့ အမှုပါပဲ။ လိုက်စုံစမ်းရင်း စုံစမ်းရင်းနဲ့ ငွေချောင်းအတုတွေရဲ့ အရင်းခံရာနေရာက လူတိုင်း ကြားရုံသာကြားဖူးပြီး တစ်ခါမှ အနားမသွားရဲကြတဲ့ နဂါးဘုရင်ကျွန်းဆိုတာကို သိရှိသွားတဲ့နောက် ဆောဖီးနဲ့အတူ အရဲစွန့်ပြီး နဂါးဘုရင်ကျွန်းဆီ သွားရောက်စုံစမ်းတဲ့အခါမှာတော့.... ဒီဇာတ်လမ်းထဲမှာလည်း စစ်ဆေးရေးမှူးကြီးနဲ့ ဆောဖီးတို့ရဲ့ အလွဲတွေအပြင် မင်းသမီးရဲ့ အလှကိုလည်း တဝကြီး ကြည့်ရမှာမလို့ အမြန်ဆုံးကြည့်လိုက်ရအောင်နော်။ (ဇာတ်လမ်းအကျဉ်းကို Hnin Wai Oo မှ ရေးသားပေးထားပါတယ်။) File size…2.63GB / 0.99GB Quality… Blu-Ray 1080p 5.1 CH, Blu-Ray 720p Format…mp4 Duration….2h 07m Genre ….. Adventure, Historical, Mystery, Comedy Subtitle….Myanmar Subtitle (Hard Sub) Encoder….Tiff Translated by Treasure Htet, Stary & Hnin Wai Oo

အက်ရှင်ဇာတ်ကားကောင်းကောင်းကို အခွီလေးနဲ့ ရောကြည့်ချင်တဲ့လူတွေအတွက် မင်းသား Hwang Jung Min နဲ့ Yoo Ah In တို အပြိုင်သရုပ်ဆောင်ထားတဲ့ Veteran ဇာတ်ကားကို CM ကနေ တင်ဆက်ပေးလိုက်ပါတယ်။ စုံထောက်လောကရဲ့ခွေးရူးလိုဖြစ်နေတဲ့ စုံထောက်ဆောဒိုချောဟာ အမှုကြီးတစ်ခုဖြေရှင်းအပြီးမှာ ချမ်းသာတဲ့သူတွေ တက်ရောက်ကြတဲ့ ပါတီတစ်ခုကို ဖိတ်ကြားခံခဲ့ရပါတယ်။ ဂျိုထယ်အိုဆိုတဲ့ လုပ်ငန်းကြီး တစ်ခုရဲ့ သားဖြစ်သူက ပါတီကိုဦးဆောင်တာဖြစ်ပြီး အဲဒီပါတီမှာ ကတည်းက ဂျိုထယ်အိုရဲ့နိုင်ထက်စီးနင်းအပြုအမူတွေကြောင့် စုံထောက်ဆောဒိုချောနဲ့ အခြေအတင်ဖြစ်ခဲ့ကြပါတယ်။ နောက်ရက်အနည်းငယ်အကြာမှာတော့ စုံထောက်ဆောဒိုချောတို အဖွဲကို အမှုဖြေရှင်းရာမှာကူညီပေးခဲ့တဲ့ ဒရိုင်ဘာဘဲ့ဆိုတဲ့လူက ဂျိုထယ်အိုရဲ့ကုမ္ပဏီမှာ သေကြောင်းကြံစည်သွားပါတယ်။ အဲဒီသတင်းကိုကြားတဲ့စုံထောက်ဆောဒိုချောက အဖြစ်မှန်ကို ဖော်ထုတ်ဖို ကြိုးစားပါတော့တယ်။ ချမ်းသာတဲ့မျိုးဆက်က သားဖြစ်သူဂျိုထယ်အိုရဲ့ ကောက်ကျစ်တဲ့ နည်းလမ်းတွေကြားမှာ စုံထောက်ဒိုချောတိုအဖွဲ အမှန်တရားကို ဖော်ထုတ်ဖိုကြိုးစားကြတာကို ဟာသနှောပြီး ကြည့်ရှုရမှာပဲ ဖြစ်ပါတယ်။ File size…2.09GB / 1GB Quality…NF WEB-DL 1080p 5.1CH / 720p Format…mp4 Duration….2h 3m Genre ….. Action , Comedy , Crime Subtitle….Myanmar Subtitle (Hard Sub) Encoder….Min Wai Translated by Yee Wai

Hot Young Bloods (2014) ဟုန်းဆောင်းအထက်တန်းကျောင်းက ကျောင်းသူ ယောင်းဆု(Park Bo Young)ဟာ စိတ်ကြမ်းလူကြမ်း တစ်ယောက်ဖြစ်ပြီး အမျိုးသမီး လူမိုက်ခေါင်းဆောင်တစ်ယောက်အဖြစ် နာမည်ကြီးပါတယ် .. သူတစ်ဖက်သတ်ကြိုက်နေတဲ့ ကျောင်းသားကတော့ .. ကျောင်းသူတွေကြားမှာ ရေပန်းစားတဲ့ playboy တွေ့မရှောင်ဖွန်ကြောင်သူ ဂန်ဂျွန်ဂီ (Lee Jong Suk) ဖြစ်သူပါ .. ဒါပေမဲ့ ယောင်းဆုကိုတော့ တခြားကျောင်းက ကျောင်းသားလူမိုက် ခေါင်းဆောင်ဂွမ်ရှစ်(Kim Young Kwang)က ကြိုက်နေတဲ့အတွက် လက်ရှောင်ထားခဲ့ပါတယ် .. တစ်နေ့တော့ ဟုန်းဆောင်းကျောင်းကို ဆိုးလ်မြို့က .. အပြစ်ကင်းပြီး ချစ်ဖို့ကောင်းတဲ့ ဆိုဟီး (Lee Se Young)ဆိုတဲ့ ကျောင်းသူတစ်ယောက် ပြောင်းလာတဲ့အခါမှာတော့ .. playboy ကြီး ဂန်ဂျွန်ဂီတစ်ယောက် ဘယ်လိုအကွက်တွေ ရွှေ့မလဲ .. တစ်ဖက်သတ်ကြိုက်နေတဲ ယောင်းဆုကရော ဘယ်လိုတွေ နှောင့်ယှက်မှာလဲ .. ကျောင်းသားလူမိုက် ဂွမ်ရှစ်ကရော အရှုပ်တော်ပုံထဲကို ဘယ်လိုပါဝင်လာမလဲဆိုတဲ့ လေးပွင့်ဆိုင် လူငယ်ဟာသ အချစ်ဇာတ်လမ်းလေးကို ကြည့်ရှုခံစားရမှာဖြစ်ပါတယ် .. File size…1.73GB / 842MB Quality… WEB-DL 1080p/ 720p Format…mp4 Duration…. 2 hr. 1 min. Genre ….. Comedy, Romance, Youth, Drama Subtitle….Myanmar Subtitle (Hard Sub)

A Matter of Interpretation (2014) အိပ်မက်တွေဟာ ကိုယ်ချိုးနှိမ်ဖိနှိပ်ထားတဲ့ ဆန္ဒတွေကို ဖြည့်ဆည်းပေးတဲ့နေရာလို့ လူတွေ ပြောလေ့ရှိတယ်။ ခံစားချက်တွေ၊ နက်ရှိုင်းစွာ တည်ရှိနေတဲ့ အာသီသတွေကို ထုတ်ဖော်ပေးတဲ့ နေရာတစ်ခုပေါ့... ပြဇာတ်မင်းသမီး ယွန်းရှင်းဟာ အိပ်မက်တွေအပေါ် အယုံအကြည်သိပ်မရှိပါဘူး။ လက်တွေ့ဆန်လွန်းလှတဲ့... သူမရဲ့ဘဝကြောင့် စိတ်ကူးယဉ်နိုင်စွမ်းတွေလည်း ကင်းမဲ့နေခဲ့တာ ကြာပါပြီ။ တစ်နေ့ သူမရဲ့ပြဇာတ်ကို... ပရိသတ်တစ်ဦးမှ မလာတဲ့အခါ ဘဝကြီးကို စိတ်ပျက်ငြီးငွေ့လာတဲ့ သူမအနေနဲ့ တစ်ခါကချစ်ခဲ့ရတဲ့ ပြဇာတ်ရုံထဲကနေ... ဒေါသမာန်နဲ့ ထွက်လာခဲ့တော့တယ်။ အဲဒီနောက် စိတ်မကြည်မလင်နဲ့ အနီးအနားက ပန်းခြံတစ်ခုကိုသွားပြီး... ဆေးလိပ်ဖွာနေတုန်း အိပ်မက်အဓိပ္ပာယ်ဖော်တတ်တဲ့ စုံထောက်တစ်ဦးနဲ့ တွေ့ဆုံတော့တယ်။ ဒီလိုနဲ့ ပြဇာတ်သရုပ်ဆောင်... ယွန်းရှင်းဟာ မှေးမှိန်သွားပြီဖြစ်တဲ့ သူမရဲ့စိတ်ပြင်းပြမှုတွေ၊ ပြတ်တောက်သွားတဲ့ ဆက်ဆံရေးတွေ၊ စိတ်ရဲ့အနက်ရှိုင်းဆုံးထဲက... ခံစားချက်တွေကို ပိုနားလည်သဘောပေါက်ဖို့ ကံအကြောင်းတိုက်ဆိုင်လာတော့တယ်။ အူကြောင်ကြောင်နဲ့... ဟာသလေးတွေနှောထားတဲ့ လွမ်းဆွေးစရာ ဒရမ်မာရုပ်ရှင်လေးဖြစ်တာမို့ ကြည့်တဲ့အချိန်... အထူးအဆန်းလေးဖြစ်နေမှာ သေချာပါတယ်။ Indie films တွေ နှစ်ခြိုက်သူအဖို့တော့ ဒါက hidden gem ပါပဲ။ ဇာတ်လမ်းအညွှန်းကို Esther Oo မှ ရေးသားပေးထားပါတယ် File Size : 1.4GB / 565MB Quality : WEB-DL 1080p / 720p Duration : 1 hr. 38 min. Genre : Life, Drama Subtitle : Myanmar Subtitle (Hard Sub) Translated by Esther Oo Encoded by Heather Oo

တက်သစ်စသရုပ်ဆောင် ချွဲမီဂျင်နဲ့ မန်နေဂျာ အီအူဂွန်းတို့ဟာ အောင်မြင်ဖို့ အောက်ခြေကနေ အတူရုန်းကန်ခဲ့ကြသူတွေပါ။ မီဂျင် တဖြည်းဖြည်း နာမည်ရလာတဲ့အချိန်မှာ လွှတ်တော်အမတ် နမ်ဂျောင်အင်နဲ့ ဇာတ်လမ်းဖြစ်နေတယ်ဆိုတဲ့ မကောင်းသတင်း ထွက်လာပါတယ်။ အဲဒီသတင်းကြောင့် မီဂျင်ဟာ ကိုယ့်ကိုယ်ကိုယ် သေကြောင်းကြံစည်ခဲ့တယ်။ မီဂျင်အပေါ် မတရားလုပ်ခဲ့သူတွေကို လက်တုံ့ပြန်ဖို့ အူဂွန်းက ကောလဟာလရဲ့ အစကို လိုက်စုံစမ်းပါတော့တယ်။ သတင်းနောက်ကွယ်က လူတွေကို ရှာဖွေရင်း Tipsheet လို့ခေါ်တဲ့ လျှို့ဝှက်အီးမေးလ်သတင်းတိုတွေနဲ့ နိုင်ငံရေးလောကကြားက အရှုပ်အထွေးတွေထဲ ရောက်သွားပါတယ်။ အင်တာနက်ပေါ်မှာ အလွယ်တကူ ဖြန့်နိုင်တဲ့ သတင်းတစ်ခုက လူတစ်ယောက်ရဲ့ နာမည်နဲ့ဘဝကို ဘယ်လောက်ထိ ထိခိုက်စေနိုင်သလဲဆိုတာကို ဒီကောလဟာလရဲ့ နောက်ကွယ်ကနေ ဖော်ပြထားတာပါ။

A Company Man (2012) 'A Company Man' ဟာ ၂၀၁၂ ခုနှစ်မှာ ရုံတင်ခဲ့တဲ့ တောင်ကိုရီးယား အက်ရှင်၊ ဒရာမာ ရုပ်ရှင်ကားကောင်းတစ်ကား ဖြစ်ပါတယ်။ ဒါရိုက်တာ Lim Sang-yoon (Lim Sang-yun)မှ ရိုက်ကူးထားပြီးတော့ အဓိက သရုပ်ဆောင်တွေအနေနဲ့ So Ji-sub,Lee Mi-yeon, Kwak Do-won နဲ့ Kim Dong-jun တို့မှ ပါဝင် သရုပ်ဆောင်ထားပါတယ် ဇာတ်လမ်းအကျဉ်း ဒီဇာတ်ကားရဲ့ အဓိက ဇာတ်ကောင်ဖြစ်တဲ့ Ji Hyeong-do (So Ji-sub) ဟာ သာမန်ရုံးဝန်ထမ်းတစ်ယောက်အဖြစ် အသွင်ယူထားပြီး ကြေးစားလူသတ်သမားကုမ္ပဏီတစ်ခုမှာ အလုပ်လုပ်ပါတယ်။ သူဟာ အလုပ်ကို အလွန်ကျွမ်းကျင်ပြီးတော့ သွေးအေးအေးနဲ့ ပေးအပ်တဲ့ တာဝန်ကို ကျေပွန်အောင် ဆောင်ရွက်တတ်တဲ့ ကြေးစားလူသတ်သမားတစ်ယောက် ဖြစ်ပါတယ်။ တစ်နေ့မှာ သူ့ရဲ့ငယ်ရွယ်တဲ့လုပ်ဖော်ကိုင်ဖက် Hun (Kim Dong-jun) ကို သတ်ဖို့ တာဝန်ပေးအပ်ခြင်း ခံခဲ့ရတဲ့ အချိန်မှာတော့ သူ့ရဲ့ဘဝဟာ စတင်ပြောင်းလဲလာခဲ့ပါတယ်။ Hun နောက်ဆုံးဆန္ဒအတိုင်း Hun စုထားတဲ့ ပိုက်ဆံတွေ တစ်ဆင့်ပေးဖို့အတွက် Hun ရဲ့ မိသားစုကို သွားရောက်တွေ့ဆုံရာကနေ Hunရဲ့ မိခင်ဖြစ်သူ Yu Mi-yeon (Lee Mi-yeon) နဲ့ ချစ်ကြိုက်မိသွားပါတယ်။ ဒီလိုနဲ့ အေးစက်နေတဲ့ Hyeong-do ရဲ့ နှလုံးသားထဲမှာ လူသားဆန်တဲ့ ခံစားချက်တွေ ပေါ်ပေါက်လာပြီး သူ့ရဲ့‌ အလုပ်အပေါ်မှာ သံသယတွေ ဝင်လာခဲ့ပါတော့တယ် နောက်ဆုံးမှာတော့ အမြင်မှန်ရသွားပြီးတော့ လမ်းမှန်ကို ပြ‌န်လျှောက်သွားမလား။ ကြေးစားလူသတ်သမားအလုပ်ကိုပဲ တစ်သက်လုံး ဆက်လုပ်သွားမလားဆိုတာကိုတော့ ဇာတ်လမ်းလေးထဲမှာပဲ ကြည့်ရှုအားပေးလိုက်ကြပါဦးနော်။ File Size - 1.58 GB/ 608 MB Quality - WEB-DL 1080p/ 720p Duration - 1h 36m Format - mp4 Genre - Action,Crime, Drama, Thriller Subtitle - Myanmar Subtitle (Hard Sub)

Late Blossom (2011) ဒီတစ်ခေါက်မှာတော့ ပရိသတ်ကြီးတို့အတွက် ပြည်သူ့အချစ်တော် မင်းသားကြီး Lee Soon-Jae နဲ့ Running Man အဖွဲ့ဝင် Song Ji-Hyo တို့ပါဝင်ထားတဲ့ ရုပ်ရှင်ကားကောင်းလေးကို တင်ဆက်ပေးလိုက်ပါတယ်။ Cast တွေအနေနဲ့ကတော့ Lee Soon-Jae ၊ Song Ji-Hyo တို့အပြင် မင်းသား မင်းသမီးကြီးတွေဖြစ်ကြတဲ့ Song Jae-Ho၊ Yoon So-Jung ၊ Kim Soo-Mi စတဲ့ ဝါရင့်သရုပ်ဆောင်ကြီးများ အဓိက ပါဝင်ထားကြပါတယ်။ ဇာတ်လမ်းအညွှန်း အရုဏ်တက်ချိန်တွေမှာ နွားနို့ပို့တဲ့ ဂင်မန်ဆော့ (Lee Soon-Jae)ဟာ အမြဲစိတ်ဆတ်တတ်ပြီး စကားကို တည့်တိုးပြောတတ်ပေမဲ့ ကြင်နာတတ်သူဖြစ်ပါတယ်။ နွားနို့ပို့ရင်း တစ်နေ့မှာတော့ စက္ကူအပိုင်းတွေ စုပြီး ပင်ပင်ပန်းပန်း ရှာဖွေစားသောက်နေရတဲ့ ဆုန်းမျိုးရိုး(Yoon So-Jung) ဆိုတဲ့ အထီးကျန်နေတဲ့ အမျိုးသမီးတစ်ယောက်နဲ့ တွေ့ဆုံခဲ့ရပြီးနောက် မေတ္တာရှိသွားပါတော့တယ်။ တစ်ဖက်မှာလည်း ကားပါကင်မှာ အလုပ်လုပ်တဲ့ ဂျန်ဂွန်းဘုံး (Song Jae-Ho) က မနက်ကနေ ညဥ့်နက်အထိ အလုပ်ကြိုးစားလုပ်ရင်း သူငယ်ပြန်နေတဲ့ ဇနီးသည်ဖြစ်သူကို စောင့်ရှောက်နေသူပါ။ ဒီလိုမျိုး သက်ကြီးရွယ်အို ဇနီးမောင်နှံတွေရဲ့ ဖြူစင်တဲ့အချစ်ကို ပုံဖော်ထားတဲ့အပြင် မေတ္တာနဲ့ အပြန်အလှန် ဖေးမမှုတွေအကြောင်းကို ရိုက်ကူးတင်ဆက်ထားပြီး ဘဝနဲ့ ရေစက်ကံကြမ္မာရဲ့ အဓိပ္ပါယ်ကို ဇာတ်လမ်း အေးအေးလေးနဲ့ မီးမောင်းထိုးပြထားတဲ့ ရင်ထဲထိစေမဲ့ ကားလေးဖြစ်လို့ ကြည့်ရှုခံစားပေးပါဦးနော်။ File size…1.66GB / 821MB Quality… WEB-DL 1080p/ 720p Format…mp4 Duration….1 hr. 58 min. Genre ….. Romance, Drama, Melodrama Subtitle….Myanmar Subtitle (Hard Sub)

My Dear Desperado (2010) အခုတင်ဆက်ပေးသွားမဲ့ Movie လေးကတော့ ၂၀၁၀ ခုနှစ်က ထွက်ရှိထားပြီး တစ်ခေတ်တစ်ခါက မင်းသားကြီး Park Joong-hoon နဲ့ မင်းသမီးချောလေး Jung Yu-mi တို့ ပါဝင်သရုပ်ဆောင်ထားတဲ့ "My Dear Desperado"ဆိုတဲ့ Romantic Comedy ကားလေးပဲဖြစ်ပါတယ်။ ဇာတ်လမ်းအကျဥ်း နယ်မြို့လေးကနေ ဆိုးလ်မြို့ကြီးကို တက်လာပြီး အလုပ်ကြိုးစားရှာပေမဲ့ အလုပ်လက်မဲ့ဖြစ်နေလို့ စိတ်ဓာတ်ကျနေတဲ့ ပညာတတ်ဘွဲ့ရ ကောင်မလေး ဟန်ဆယ်ဂျင်း ထောင်ထွက်လူမိုက်တစ်ယောက်ဖြစ်ပေမဲ့ စိတ်နှလုံးနွေးထွေးတဲ့ အိုဒုန်ချော အလုပ်ရှာမရတာကြောင့် အိမ်ဌားစရိတ်သက်သာတဲ့ မြေအောက်ခန်းလေးမှာ ဌားနေရတဲ့ ဆယ်ဂျင်းတစ်ယောက် ဘေးခန်းက လူမိုက်ကြီး ဒုန်ချောနဲ့ တွေ့တဲ့အခါ အစပိုင်းမှာတော့ ကြောင်နဲ့ကြွက်လို ဖြစ်နေကြပေမဲ့ နောက်ပိုင်းမှာ တစ်ယောက်ရဲ့ အခက်အခဲတွေကို တစ်ယောက်က နားလည်ပေးရင်း၊ အားပေးရင်းနဲ့ သံယောဇဉ်တွယ်လာကြတဲ့ ပုံစံလေးကို ရယ်မောစရာ၊ စိတ်မကောင်းစရာ ရသစုံအောင် ရိုက်ကူးထားတဲ့ကားလေးပဲ ဖြစ်ပါတယ်။ File Size - 1.2 GB/ 560 MB Quality - BluRay 1080p/ 720p Duration - 1h 45m Format - mp4 Genre - Comedy, Romance Subtitle - Myanmar Subtitle (Hard Sub)

Oki's Movie (2010) Sleep ဇာတ်ကားထဲမှာ အတွဲညီညီနဲ့ အတူသရုပ်ဆောင်ခဲ့ကြတဲ့ မင်းသား Lee Sun Kyun နဲ့ Jung Yumi တိုရဲ့ IMDb 6.8 ရှိတဲ့ ကားဟောင်းလေးတစ်ကားနဲ့ မိတ်ဆက်ပေးချင်ပါတယ်။ မင်းသား Lee Sun Kyun ကိုတော့ Parasite ကြည့်ဖူးသူတိုင်း သိကြမယ်ထင်ပါတယ်။ ဒီဇာတ်လမ်းထဲမှာတော့ သုံးပွင့်ဆိုင်အချစ်ဇာတ်လမ်းလေးကို ပုံမှန် တင်ဆက်နေကျပုံစံမျိုးမဟုတ်ဘဲ​ ပုံစံအသစ်နဲ့ ကြည့်ရှုရမှာပဲဖြစ်ပါတယ်။ အိုကီဆိုတဲ့ ရုပ်ရှင်ကျောင်းတက်နေတဲ့ ကောင်မလေး …။ နမ်ဂျင်ဂူဆိုတဲ့ ရုပ်ရှင်ဒါရိုက်တာ ကောင်လေး...။ ပြီးတော့ ရုပ်ရှင်အတတ်ပညာကို သင်ကြားပေးတဲ့ အမျိုးသား ပါမောက္ခကြီး…။​ သူတို သုံးယောက်ရဲ့ သုံးပွင့်ဆိုင် အချစ်ဇာတ်လမ်းကို ကြည့်ရမှာပဲဖြစ်ပါတယ်။ ဒီနေရာမှာ ထူးဆန်းတာကတော့ Oki’s Movie ဆိုတဲ့ ရုပ်ရှင်ထဲမှာမှ ဇာတ်ကောင်တွေရဲ့ မတူညီတဲ့အချိန်တွေ၊ မတူညီတဲ့ ရှုထောင့်တွေနဲ့ ပြသတဲ့ ဇာတ်လမ်းတို ၄ခု ခွဲထားတာကို မြင်ရမှာပါ။ ဒီထဲမှာ ပါတဲ့ ဇာတ်လမ်းတို ၄ခုပြီးသွားတဲ့အခါမှာတော့ ဇာတ်ကားတစ်ခုလုံးရဲ့ ဇာတ်အိမ်နဲ့ ဇာတ်ကောင်တွေကို နားလည်ခံစားမိသွားမှာဖြစ်ပြီး ရင်ထဲမှာ တစ်ခုခုကျန်နေခဲ့မှာဖြစ်ပါတယ်။ ဒီဇာတ်လမ်းက ဒါရိုက်တာကြီး Hong Sang Soo ကိုယ်တိုင်ရေးသားပြီး ကိုယ်တိုင်ရိုက်ကူးထားပါတယ်။ Hong Sang Soo ရဲ့ ထုံးစံအတိုင်း ဇာတ်ကြောင်းကို ဖော်ပြတဲ့နေရာမှာ သူများနဲ့မတူဘဲ​ ပုံစံအသစ်နဲ့ ဖော်ပြထားတာဖြစ်လို အခုပဲ သူတိုရဲ့ သုံးပွင့်ဆိုင်အချစ်ဇာတ်လမ်းထဲကို ခဏလောက် ဝင်သွားကြည့်ရအောင်နော်...။ (အညွှန်းကို M မှ ရေးသားထားပါတယ်) File size…1.19GB / 690MB Quality… WEB-DL 1080p/ 720p Format…mp4 Duration….1 hr. 20 min. Genre ….. Romance, Comedy, Drama Subtitle….Myanmar Subtitle (Hard Sub) Translated by M Encoded by AHtet

ဒီကားလေးကတော့မင်းသားကြီး    jung-min Hang နဲ့ dong-seok Ma တို့ပါဝင်သရုပ်ဆောင်ထားတဲ့ ကိုရီးယားအက်ရှင်ကားလေးပါ ဇာတ်လမ်းလေးကတော့  ကျောင်းသူ၅ယောက်မုဒိမ်းကျင့်အသတ်ခံရတဲ့အမှုကြီးကြောင့် ကိုရီးယားပြည်သူတစ်ရပ်လုံးဒေါသထွက်ကြရပါတယ်။ သမ္မတကြီးပါပါဝင်ပတ်သတ်လာပြီး ကိုရီးယားရဲဌာနကို တရားခံအစစ်မိရေးအတွက်ဖိအားပေးထားပါတယ်။ ရဲဌာနကချွဲအရာရှိဟာထက်မြက်တဲ့ရဲသားတစ်ဦးဖြစ်ပေမယ့် အကယ်ဒမီကျောင်းဆင်းမဟုတ်လို့ရာထူးမတက်နိုင်ရသေးသူလဲဖြစ်တယ်။ တစ်ဖက်မှာလဲအဓိကသံသယရှိသူတရားခံတစ်ဦးကို မစစ်ဆေးရသေးခင်ပစ်ခတ်မှုတွေကြောင့်ပွဲချင်းပြီးသေဆုံးခဲ့ရတယ်။ အထက်ကဖိအားတွေနဲ့ရဲဌာနမှူးဟာအကယ်ဒမီကျောင်းဆင်းမဟုတ်တဲ့ချွဲအရာရှိကို တရားခံအဖြစ်သရုပ်ဆောင်ရှာခိုင်းလိုက်ရာကနေဘာတွေဆက်ဖြစ်မလဲ။ စီးပွားရေးလုပ်ငန်းရှင်တွေနဲ့ပြည်သူ့ဝန်ထမ်းတွေကြားကလာဘ်ပေးလာဘ်ယူကိစ္စတွေက နေလူသတ်မှုတွေဖြစ်စေတဲ့ထိကြီးထွားလာတာတွေ ညီနောင်သံယောဇဉ်နဲ့တစ်ကိုယ်ကောင်းဆန်စွာရာထူးတက်ရေးဘာကိုရွေးချယ်မလဲဆိုတာကိုတော့..... (ဇာတ်လမ်းနဲ့အညွှန်းနဲ့ ဘာသာပြန်သူကတော့ Hnyot Myet ဖြစ်ပီး Arkar Phyo မှ Encoded ပေးထားပါတယ်) File Size : (944MB) Quality : .1080p.BluRay Running Time :1hr  54min Format : Mp4 Genre    : Action, Crime, Drama Subtitle : Myanmar Subtitle (Hard Sub) Translated by Hnyot Myet Encoded by Arkar Phyo (Yrfatt)