Lo Graham ပါဝင်သော ဇာတ်ကားများ

Daisy ဟာ West High School မှာ အလုပ်လုပ်နေတဲ့ သာမန်စာကြည့်တိုက်မှူးတစ်ယောက်ပါ။ ကျောင်းက ထောက်ပံ့မှုမရှိတာ၊ ကလေးတွေက စိတ်မဝင်စားတာတွေကြောင့် ပန်းချီဆရာမက စာသင်နှစ်တစ်ဝက်မှာပဲ အလုပ်ထွက်သွားပါတယ်။ သင်ပေးမယ့်ဆရာမ မရှိတော့လို့ အခက်တွေ့နေတဲ့ ကလေးတွေကို ကူညီချင်တဲ့ Daisy ဟာ ပန်းချီမဆွဲတတ်ဘဲ ပန်းချီဆရာမနေရာကို ဝင်ယူလိုက်ရတော့တယ်။ ကိုယ်ပိုင်ဘဝမှာလည်း ဖိအားတွေများနေတဲ့ Daisy ရဲ့ဘဝထဲကို လွတ်လွတ်လပ်လပ် နေတတ်တဲ့ ဓာတ်ပုံဆရာ Jack Palmer ရောက်လာပါတယ်။ ဟာသဇာတ်ကားဖြစ်တဲ့ ဒီဇာတ်လမ်းက သူတို့တွေ့ဆုံလာတဲ့နောက် Daisy ဘာတွေဆက်ကြုံရမလဲဆိုတဲ့ဘက်ကို ဆက်သွားပါတယ်။

ကျောင်းသားတစ်စုဟာ ကာယဆရာ ဦးဆောင်တဲ့ ကျောင်းလေ့လာရေးခရီးကို ထွက်လာကြပါတယ်။ လမ်းမှာ ကားရှေ့မှန်ပေါ် သွေးတွေ လာစင်ပြီး ကားက လမ်းဘေးကို ထိုးကျသွားတယ်။ အဲဒီနောက် ဇွန်ဘီတစ်ကောင်နဲ့ ကြုံရလို့ ကြောက်လန့်တကြား ထွက်ပြေးကြရင်း အဆောက်အဦးပျက်တစ်ခုထဲ ရောက်သွားကြပါတယ်။ ကျောင်းသားတချို့ကို ဆုံးရှုံးလိုက်ရပြီး ကျန်တဲ့သူတွေက ဇွန်ဘီတွေရန်ကို ကာကွယ်ဖို့ ပြင်ဆင်ကြတယ်။ ဒီအချိန်မှာ ကျောင်း၌ အမြဲအနိုင်ကျင့်ခံရတဲ့ ကောင်လေးနှစ်ယောက်က ဇွန်ဘီတွေကို ရှင်းထုတ်ရင်း သူရဲကောင်းတွေ ဖြစ်လာပါတယ်။ ဒါပေမယ့် သူတို့က တကယ်ပဲ သူရဲကောင်းတွေလား၊ သူတို့ရဲ့ သရုပ်အမှန်က ဘာလဲဆိုတဲ့ မေးခွန်းတွေ ရှိနေသေးတယ်။ ဇွန်ဘီတွေ ဘယ်ကရောက်လာတာလဲ၊ အရေးကြုံလာတဲ့အခါ ကျောင်းသားတွေ ဘယ်လိုစည်းစည်းလုံးလုံး ကျော်ဖြတ်ကြမလဲဆိုတာကို ဟာသနဲ့ ထိတ်လန့်စရာတွေ ရောစပ်ထားတဲ့ ဒီဇာတ်လမ်းမှာ ဆက်တွေ့ရမှာပါ။

IMDb 6.6 ရရှိထားတဲ့ဇာတ်ကားလေးဖြစ်ပြီး Dark Comedy/ Horror ကားပရိတ်သတ်တွေအတွက်ရည်ရွယ်ပါတယ် ဇာတ်ကားနာမည်နဲ့လိုက်ဖက်စွာပဲ ကမ္ဘာပျက်တဲ့အကြောင်းကိုရိုက်ကူးထားတာပါ ထူးခြားတာက တစ်ကားလုံးသရုပ်ဆောင်တွေဟာ သူတို့ရဲ့ နာမည်အရင်းတွေ career အစစ်တွေအဖြစ်ပါဝင်သရုပ်ဆောင်ထားတာပါပဲ Harry Potter မင်းသမီးလေး Emma Watson ရော Rihanna ရော ဧည့်သည်သရုပ်ဆောင်အဖြစ်ပါဝင်ထားပါတယ် ဇာတ်လမ်းအကျဉ်းလေးကတော့ နာမည်ကျော်မင်းသား James Franco ကသူ့ LA ကအိမ်သစ်ကြီးမှ အိမ်သစ်တက်ပွဲပါတီကျင်းပပါတယ် နာမည်ကျော်တို့ရဲ့ထုံးစံအတိုင်း ခမ်းခမ်းနားနားပါပဲ တခြားနာမည်ကြီးသရုပ်ဆောင်တွေအဆိုတော်တွေလည်း လာကြတာပေါ့ အဲ့အချိန်မှာမှ ကောင်းကင်ပေါ်ကအပြာရောင်အလင်းတန်းတွေ ကျလာပြီး လူတွေကိုခေါ်သွားတဲ့အခါမှာတော့... Translated & Review By May Myat Thu Encoded By LK

ဒယ်ရန်နဲ့ စတိဗ်က ငယ်သူငယ်ချင်းတွေဖြစ်ပေမယ့် နေထိုင်ပုံရော ဝါသနာပါရာပါ မတူကြပါဘူး။ ဒယ်ရန်က မိဘစကားနားထောင်ပြီး ကျောင်းစာမှာလည်း ထူးချွန်တဲ့ ကောင်လေးပါ။ စတိဗ်ကတော့ မိဘမေတ္တာငတ်နေပြီး ခပ်ဆိုးဆိုးနေတတ်သူတစ်ယောက် ဖြစ်ပါတယ်။ ဒယ်ရန်က ပင့်ကူတွေကို စွဲလမ်းသလောက် စတိဗ်က ဗန်ပိုင်းယားတွေအကြောင်း အလွန်စိတ်ဝင်စားပါတယ်။ တစ်နေ့ သူတို့မြို့ကို နှစ်ငါးရာသက်တမ်းရှိတဲ့ လူထူးဆန်းတွေရဲ့ ဆပ်ကပ်အဖွဲ့ ရောက်လာတော့ နှစ်ယောက်သား စိတ်ဝင်တစား သွားကြည့်ကြတယ်။ အဲဒီဆပ်ကပ်အဖွဲ့ထဲမှာ ဗန်ပိုင်းယားတစ်ယောက်လည်း ပါနေပါတယ်။ ပင့်ကူတွေကို သဘောကျတဲ့ ဒယ်ရန်က အဲဒီဗန်ပိုင်းယားရဲ့ ပင့်ကူလေးကို မျက်စိကျသွားတဲ့အခါ သူတို့ရဲ့ ဆပ်ကပ်ကြည့်ခရီးကနေ ဘာတွေ ဆက်ဖြစ်လာမလဲ။