Manobala ပါဝင်သော ဇာတ်ကားများ

Kayilan (2025) အမှားအယွင်း မရှိ ‌ဆာဂွန်သလာက ချန်နိုင်းမြို့ရဲ့ နာမည်ကြီး သတင်းဌာနတစ်ခုမှာ သတ္တိရှိပြီး အလုပ်အပေါ် စိတ်အားထက်သန်တဲ့ သတင်းတင်ဆက်သူဖြစ်ပါတယ်။တစ်ညမှာတော့ တိုက်ရိုက်ထုတ်လွှင့်မှု ပြုလုပ်နေတုန်းမှာ အမည်မသိသူတစ်ဦးဆီကနေ နိုင်ငံတော်အဆင့်ခြိမ်းခြောက်တဲ့ ဖုန်းခေါ်ဆိုမှုတစ်ခုကို လက်ခံရရှိခဲ့ပါတယ်။ဒီဖုန်းခေါ်ဆိုမှုဟာ နိုင်ငံတစ်ဝန်းမှာ စိတ်ဝင်စားမှု၊ ထိတ်လန့်မှုနဲ့ ရုန်းရင်းဆန်ခတ်မှုတွေကို ဖြစ်ပေါ်စေခဲ့ပြီး အဲဒီသတင်းစကားဟာ လူမှုကွန်ရက်နဲ့ သတင်းဌာနတွေကတစ်ဆင့် တောမီးပမာ ပျံ့နှံ့သွားပါတော့တယ်။ အစိုးရအနေနဲ့ ဒါဟာ အမျိုးသားလုံခြုံရေးကို ခြိမ်းခြောက်လာနိုင်တယ်လို့ ယူဆပြီး ထက်မြက်ပြီး အမြင်စူးရှတဲ့ အရာရှိ အာဒီရိုင်း ဦးဆောင်တဲ့ အမျိုးသားစုံစမ်းစစ်ဆေးရေးအေဂျင်စီ (NIA) အထူးအဖွဲ့ကို ဒီလျှို့ဝှက်ဖုန်းခေါ်ဆိုသူရဲ့ နောက်ကွယ်က အမှန်တရားနဲ့ ရည်ရွယ်ချက်တွေကို ဖော်ထုတ်ဖို့ တာဝန်ပေးလိုက်တဲ့အခါမှာတော့.....စုံထောက်ဇာတ်လမ်း‌ကောင်းတွေကိုကြိုက်နှစ်သက်တဲ့သူတွေအတွက် သဲထိတ်ရင်ဖို ရသအစုံ ပေးစွမ်းနိုင်မယ့် ဇာတ်ကားကောင်းတစ်ကားပဲဖြစ်ပါတယ်။ File size… 1.5 GB / 774 MB Quality…WEB DL 1080p HEVC/ 720p Format…mkv/ mp4 Duration….2h 4m Subtitle….Myanmar Subtitle (Hard Sub)

Aruvam (2025) တမလွန်ကလဲ့စား အနံ့မရတဲ့ ဆရာမလေးဂျိုသီဟာ သူ့ရဲ့အနံ့မရတဲ့ပြဿနာကြောင့် ပတ်ဝန်းကျင်မှာ လူထူးဆန်းလို့ သတ်မှတ်ခံရသူပေါ့။ ဒါပေမဲ့ မဟုတ်မခံစွာတေးမလေးဆိုတော့ ဂျိုသီက လမ်းမှာ မတရားတာမြင်ရင် ဝင်ပါလေ့ရှိသူပေါ့။ ဒါကပဲ ဖြောင့်မတ်တဲ့ ဂျာဂန်ဆိုတဲ့ကောင်လေးက ဂျိုသီကို တန်းတန်းစွဲသွားစေတဲ့အချက်ပါပဲ။ ဒီလိုနဲ့ ဂျိုသီနဲ့ဂျာဂန်တို့ အကြောင်းပါကြပြီးမှ ကံဆိုးမှုတစ်ခုက သူတို့လင်မယားဆီ ဆိုက်ရောက်လာချိန်မှာတော့ (အညွှန်းနဲ့ဘာသာပြန်ကတော့ B Team မှဖြစ်ပါတယ်) File size…2.6 GB / 1.3 GB Quality…WEB DL 1080p HEVC/ 720p Format…mkv/ mp4 Duration….2h 8m Subtitle….Myanmar Subtitle (Hard Sub) Encoder…B Coder Translated by B Team

Andhagan (2024) "မျက်မမြင်စန္ဒယားဆရာ" IMDb - 7.9/10 ဇာတ်လမ်းကောင်းကြိုက်သူတွေအတွက် ဇာတ်လမ်းကောင်းအဟောင်းတစ်ခုကို ပြန်လည်ဖန်တီးထားတဲ့ တမီးလ်ရုပ်ရှင်အသစ်စက်စက်ကို တင်ဆက်ပေးလိုက်ပါတယ်။ တဘူးနဲ့ အာရွတ်ရှ်မန်းကူရာနာတို့ရဲ့ နာမည်ကျော်ဘောလိ၀ုဒ်ရုပ်ရှင် Andhadhun (2018)ကို ပြန်လည်ဖန်တီးထားခြင်းပါ။ တူညီတဲ့ဇာတ်လမ်းကို မတူညီတဲ့ဇာတ်ကောင်တွေနဲ့ အရသာတစ်မျိုးခံစားကြည့်ကြတာပေါ့။ ရည်ရွယ်ချက်တစ်ခုကြောင့် အမြင်အာရုံကွယ်ချင်ယောင်ဆောင်နေတဲ့ စန္ဒယားဆရာတစ်ယောက်။ စိတ်သဘောထားကောင်းလှတဲ့ မိန်းမလှလေးတစ်ယောက်ကြောင့် ဘ၀ကြီးကသာယာစိုပြေနေပေမဲ့ ရုပ်ရှင်မင်းသားကြီးတစ်ယောက်က မင်္ဂလာနှစ်ပတ်လည်နေ့အတွက် ဇနီးဖြစ်သူကို စပရိုက်စ်လုပ်ချင်မှုမှာ ပါဝင်ပတ်သက်မိတဲ့အခါမှာတော့ စုံလုံးကန်းရတဲ့အဖြစ်မျိုးနဲ့ ဒုက္ခလှလှတွေ့ပါတော့တယ်။ (အညွှန်းနဲ့ဘာသာပြန်ကတော့ CM Bollywood Team ဖြစ်ပါတယ်။) File size… 2.3 GB / 1 GB Quality…WEB DL 1080p HEVC/ 720p Format…mkv/ mp4 Duration….2h 22m Subtitle….Myanmar Subtitle (Hard Sub) Encoder….YK Translated by CM Bollywood Team

Indian 2 (2024) "အိန္ဒိယခေါင်းဖြူ" အခုတစ်ခါမှာတော့ အိန္ဒိယရုပ်ရှင်လောကမှာ နာမည်အကျော်ကြားဆုံးရုပ်ရှင်တွေထဲက တစ်ကား အပါအဝင်ဖြစ်တဲ့ classic ရုပ်ရှင် Indian (1996) ရဲ့ sequel ထွက်ရှိလာလို့ မနှေး/အမြန် ဘာသာပြန်တင်ဆက်ပေးလိုက်ရပါတယ် ရှေးခေတ်နာမည်ကြီးမင်းသား ကာမယ်လ်ဟာဆန် ပြန်လည်ပါဝင်လာပြီး Jigarthanda(2014), Chithha(2023) တို့လို ရုပ်ရှင်တွေမှာ ပါဝင်ခဲ့တဲ့ ဆစ်ဒါးသ်လည်း အားဖြည့်ထားပါတယ် ဒီကားက စူပါဟီးရိုးအထာပြောရရင် ဘတ်မင်း Returns ပုံစံပါ ဇာတ်လမ်းအကျဥ်းကတော့ ချစ်တရာနဲ့ သူ့ဘော်ဒါတစ်သိုက်က နယ်ပယ်မျိုးစုံက အဂတိလိုက်စားမှုကို သရော်ဝေဖန်ရေး ဟာသဇာတ်လမ်းတိုတွေ Youtube မှာတင်ရင်း ပရိသတ်အားပေးမှု တစ်ခဲနက်ရထားကြပါတယ် ဒီလိုနဲ့ လာဘ်ပေးလာဘ်ယူမှုကြောင့် သားကောင်ဖြစ်ခဲ့ရတဲ့ ကောင်မလေးအတွက် ဆန္ဒထုတ်ဖော်ရင်း သူတို့ အဖမ်းခံလိုက်ရပါသေးတယ် အာမခံနဲ့ ပြန်လွတ်လာတော့ သူတို့တွေ ဆုံးဖြတ်ချက်တစ်ခု ချလိုက်ရတယ် အကျင့်ပျက်ခြစားမှုကို တိုက်ဖျက်ဖို့ သူတို့ချည်းမလုံလောက်ဘဲ တစ်ချိန်က "အင်ဒီးယန်း အမည်ရှိ အဘိုးကြီးကို ပြန်ခေါ်ဖို့ကြိုးစားကြရာမှာ ဘယ်လိုတွေဆက်ဖြစ်ဦးမှာလဲ လူငယ်တစ်သိုက်နဲ့ အဘိုးကြီးပူးပေါင်းပြီး တကယ်ပဲ အကျင့်ပျက်မှုတွေကို တိုက်ဖျက်နိုင်သွားမှာလား ဆိုတာကတော့ ... အညွှန်းနဲ့ ဘာသာပြန်ကတော့ CM Bollywood Team က ဖြစ်ပါတယ် File size…4.16GB / 2.08GB Quality…WEB DL 1080p / 720p Format…mp4 Duration…3h Subtitle….Myanmar Subtitle (Hard Sub) Encoder….YK Translated by CM Bollywood Team

Haraa (2024) တစ်ကိုယ်တော်ပုစ္ဆာရှင်းတမ်း Genre – Thriller, Action IMDB – 7.8/10 အသစ်စက်စက်ထွက်ရှိထားတဲ့ တမီးလ်စကားပြော သည်းထိတ်ရင်ဖို အိန္ဒိယ အက်ရှင်ကားလေး ဖြစ်ပါတယ်။ မင်းသားကြီး Mohan တစ်ယောက် ၁၄ နှစ်ကြာ ဇာတ်ကားမရိုက်ပဲ အနားယူနေခဲ့ရာကနေ ယခုမှ ပြန်လည်ရိုက်ကူးထားတာလည်း ဖြစ်ပါတယ်။ ဇာတ်လမ်းအကျဉ်းလေးကတော့ ကွိုင်တာပူရ်မြို့မှာ ဘုရားပွဲ စီတန်းလှည့်လည်မှာကို ရဲတွေတသိုက် ပြဿနာမတက်အောင် လုံခြုံရေးတွေ တင်းကြပ်စွာ ချမှတ်ပြီး အလုပ်တွေ များနေကြတယ်။ အဲဒီမှာလည်း ပဟေဠိဆန်ဆန်နဲ့ ရမ်ဆိုတဲ့ဘဲတစ်ပွေဟာ သမီးဖြစ်သူ အဆုံးစီရင်ပြီး ဆုံးပါးခဲ့ရတာကို ပူဆွေးနေခဲ့တဲ့အတွက် တစ်ကိုယ်တော် စုံစမ်းထောက်လှမ်းနေတယ်။ သူ့နောက်ကိုလည်း ရဲလိုလို ဘာလိုလို လူတွေအုပ်လိုက်က အသည်းအသန် လိုက်ဖမ်းနေကြတယ်။ သမီးလေးဖြစ်သူ သေဆုံးမှုရဲ့ နောက်ကွယ်က လျှို့ဝှက်ချက်တွေကို ရမ်တစ်ယောက် ကြက်သွန်နွှာသလို တစ်ဆင့်ချင်း ဖော်ထုတ်နေရင်းနဲ့ မြေအောက်လောက လူမိုက်ဂိုဏ်းတွေရဲ့ နိုင်ငံရေး မသမာမှုတွေရဲ့ ကမ္ဘာထဲကို တစ်စတစ်စ ချည်းနင်းဝင်ရောက်မိခဲ့တဲ့အချိန်မှာတော့….။ (အညွှန်းနဲ့ဘာသာပြန်ကတော့ CM Bollywood Teamမှပဲဖြစ်ပါတယ်) File size… 1.9GB / 1.1GB Quality…WEB DL 1080p / 720p Format…mp4 Duration….2h 16m Subtitle….Myanmar Subtitle (Hard Sub) Encoder….YK Translated by CM Bollywood Team

Inga Naan Thaan Kingu 2024 (ငါသည်သာ တစ်ဦးတည်းသောဘုရင်) IMDb- 5.9/10 ဒီတစ်ခါမှတော့ မိန်းမရှာပုံတော်ထွက်ရင်း တလွဲတွေဖြစ်ရတဲ့ ဟာသဇာတ်မြူးကားလေးတစ်ကားနဲ့ မိတ်ဆက်ပေးချင်ပါတယ်။ မွမ်ဘိုင်းမှာ ဗုံးပေါက်ကွဲမှုတွေဖြစ်ပြီးတော့ လူရာနဲ့ချီသေဆုံးရပြီး ဒဏ်ရာရရှိသူတွေလည်း အများအပြားရှိနေပါတယ်။ ဒီဖြစ်စဉ်ဟာ အကြမ်းဖက်သမားတွေကြောင့်ဖြစ်တာလို့ ရဲဘက်မှ ကြေညာထားပြီး နောက်ထပ် ဗုံးပေါက်ကွဲမှုက ချန်နိုင်းမှာ ဖြစ်လာမယ်လို့ ခန့်မှန်းထားကြပါတယ်။ ဒီလိုကိစ္စတွေ ဖြစ်နေတဲ့အချိန်မှာ အိမ်တစ်လုံးပိုင်ဆိုင်ပြီးရင် အိမ်ထောင်ပြုရတယ်ဆိုတဲ့ အဆိုစကားကြောင့် ဗီထရီဟာ သူငယ်ချင်းဖြစ်သူဆီကနေ ပိုက်ဆံ၂၅သိန်းချေးပြီး အိမ်ဝယ်လိုက်ပေမယ့် လူပျိုကြီးပဲဖြစ်နေတုန်းပါပဲ။ အိမ်ထောင်ပြုတဲ့အခါ ခန်းဝင်ပစ္စည်းအနေနဲ့ အိမ်ဝယ်လို့ အကြွေးတင်နေတဲ့ ၂၅သိန်းရမှဖြစ်မယ်ဆိုတဲ့ ရည်ရွယ်ချက်နဲ့ အိမ်ထောင်ဘက်လိုက်ရှာပေမယ့် အဆင်မပြေခဲ့ပါဘူး။ ဒီလိုနဲ့ အောင်သွယ်နဲ့ရှာတာ အဆင်မပြေတဲ့နောက် ကိုယ်တိုင်အောင်သွယ်အေဂျင်စီတစ်ခုမှာ အလုပ်ဝင်ရင်း ရှာခဲ့ပါတော့တယ်။ ဒီလိုနဲ့ တစ်ရက်မှာတော့ အောင်သွယ်ဆီကနေ ရာသီနာပူရီဂျာမင်က တော်ဝင်မိသားစုဆီကနေ ကမ်းလှမ်းချက်ရလာတယ်ပြောလို့ သွားတွေ့ရာကနေ ချက်ချင်းပဲ အိမ်ထောင်ပြုဖို့ ဖြစ်လာရင်းနဲ့ ....... ဗီထရာရဲ့ အိမ်ထောင်ဖက်နဲ့ရော ဘယ်လိုဆက်ဖြစ်မလဲ .... ဗုံးပေါက်ကွဲမှုတွေနဲ့ ဗီထရီက ဘယ်လိုဆက်စပ်သွားမှာလဲ ..... ရုတ်တရက်ကြီး ဆောင်လိုက်ရတဲ့ အိမ်ထောင်ရေးကရော အဆင်ပြေပါ့မလား... ဆိုတာတွေကို ဟာသလေးတွေနှောပြီးတော့ ကြည့်ရှုရမယ့် ဇာတ်ကားကောင်းလေးတစ်ကားဖြစ်ပါတယ်။ (အညွှန်းနဲ့ ဘာသာပြန်ကတော့ CM Bollywood Team ပဲ ဖြစ်ပါတယ်) File size… 2.2GB / 1.1GB Quality…WEB DL 1080p / 720p Format…mp4 Duration…2h 12m Subtitle….Myanmar Subtitle (Hard Sub) Encoder….YK Translated by CM Bollywood Team

Operation Laila (2024)"လိုင်လာစစ်ဆင်ရေး" Cm ပရိသတ်တွေအတွက် IMDb 7.7/10 ရထားတဲ့ တမီလ်စကားပြော မှုခင်း ဟာသရုပ်ရှင်လေးတစ်ခု တင်ဆက်ပေးချင်ပါတယ်။ ဂိုဏ်းတစ်ခုကိုတောင် တစ်ယောက်တည်းဖြိုနိုင်တဲ့ ရဲအရာရှိဆူရိယဟာ မူဒရိုင်မြို့ကို တာဝန်နဲ့ပြောင်းလာခဲ့ပါတယ်။ သူ့ရဲ့ အမွှာညီကိုဖြစ်သူ ရာဗီကတော့ ကျောင်းတစ်ကျောင်းရဲ့ ကာယဆရာဖြစ်ပြီး အန်ဂျလီဆိုတဲ့ ဆရာမလေးကို တိတ်တခိုးကြိတ်ပိုးနေသူပါ။ တစ်နေ့တော့ ရာဗီတို့ကျောင်းမှာ သရဲခြောက် အပမှီတာတွေဖြစ်ပြီး ကျောင်းသားတွေ၊ ဆရာတွေ ထိတ်လန့်တုန်လှုပ်ကုန်ကြပါတယ်။ သရဲခြောက်ခံရတဲ့သူတွေပြောစကားအရ သရဲမရဲ့နာမည်က လိုင်လာလို့သိရပြီး အဲဒီပြဿနာကိုဖြေရှင်းဖို့အတွက် ဆူရိယနဲ့ ရာဗီတို့ညီအစ်ကိုနှစ်ယောက်ဦးဆောင်တဲ့ လိုင်လာစစ်ဆင်ရေးကြီး ပေါ်ပေါက်လာပါတော့တယ်။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size…2.2GB/1GB Quality…WEB DL 1080p / 720p Format…mp4 Duration….2h 3m Subtitle….Myanmar Subtitle (Hard Sub) Encoder….YK Translated by  CM Bollywood Team

E-mail (2024) "ကြွေလည်းမလှည့် ကြက်လည်းမခုန်" IMDb - 9.0/10 အွန်လိုင်းဂိမ်း၊ အွန်လိုင်းလောင်းကစားတွေကိုအခြေခံရိုက်ကူးထားတဲ့ တမီလ်ထိတ်လှန့်သဲဖိုရုပ်ရှင်ကားလေး တင်ဆက်ပေးပါရစေ။ နေရာအသီးသီးက အမျိုးသမီးလေးငါးယောက်ဟာ ချန်နိုင်းမှာအလုပ်လုပ်ဖို့အတွက် တိုက်ခန်းတစ်ခုမှာ စုပေါင်းနေကြပါတယ်။ ဒီထဲမှာ အာဘီဆိုတဲ့အမျိုးသမီးလေးကတော့ ထက်ထက်မြတ်မြတ် သွက်သွက်လက်လက်ဆိုပေမဲ့ သူလုပ်ကိုင်နေတဲ့ အိမ်ခြံမြေလုပ်ငန်းမှာတော့ အဆင်မပြေလှပါဘူး။ အဲဒါအပြင် မိုဘိုင်းဂိမ်းတွေကိုလည်း အစွဲကြီးစွဲနေသူလေးတစ်ယောက်ပေါ့။ အလုပ်မှာအဆင်မပြေတဲ့အပြင် အကြွေးတွေကလည်းပူနေတော့ အတူနေသူငယ်ချင်းတွေက ငြူစူလာကြပါတယ်။ တစ်ရက် အွန်လိုင်းလောင်းကစားဂိမ်းကြော်ငြာတစ်ခုကနေ လူသုံးယောက်မှာ ဘယ်သူသေမလဲရွေးလိုက်ရာက ရူပီးတစ်သိန်းနိုင်လိုက်တဲ့နောက် အဲဒီဂိမ်းရဲ့နောက်ကွယ်က ရှုပ်ထွေးပွေလီလှတဲ့အကြောင်းတရားတွေ ဆက်နွယ်လာတဲ့အခါမှာတော့...။ (အညွှန်းနဲ့ဘာသာပြန်ကတော့ CM Bollywood Teamပဲဖြစ်ပါတယ်) File size…2.21GB / 1GB Quality…WEB DL 1080p / 720p Format…mp4 Duration….1h 59m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb Rating 8.2/10 ရရှိထားတဲ့ ဇာတ်လမ်းလေးတစ်ပုဒ်ဖြစ်ပြီးတော့ သရုပ်ဆောင် ရှရက်ဒါစရီနာ့သ်၊ ဗစ်ကရမ်ပရာဘူ၊ ဗစ်ဟာ့တို့ ပါဝင်သရုပ်ဆောင်ထားပြီး ပျော်ရွှင်စရာကောင်းတဲ့အောင်မြင်တဲ့ဆက်ဆံရေးတစ်ခုဆီကို ဦးတည်မယ့် နည်းလမ်းလေးတွေကို ထောက်ပြပေးသွားမယ့် ဇာတ်ကားကောင်းလေးတစ်ပုဒ်ပဲ ဖြစ်ပါတယ်။ "အရင်ကလို အချိန်မပေးဖြစ်တော့ဘူး အရင်ကလို အတူရယ်မောပြီး စကားတွေ မပြောဖြစ်ကြတော့ဘူး ကိုယ်က နီးစပ်ဖို့ ကြိုးစားလေလေ မင်းက နောက်ကို ဆုတ်သွားလေလေ" တစ်ဖက်မှာတော့ " မင်းကနီးစပ်ဖို့ကြိုးစားတိုင်း သူကပိုပြီး စိတ်တွေမွန်းကြပ်လာလေ " ဒီလို ပြဿနာတွေကို စုံတွဲတိုင်းလိုလို ကြုံဖူးကြမှာပါ။ ဒီလိုတွေကြုံတွေ့လာရပြီး ဘယ်လိုတွေဖြေရှင်းရမလဲဆိုတဲ့နည်းလေးကိုတော့ ဒီဇာတ်လမ်းထဲက စိတ်ပညာကုထုံးဆရာဝန်တစ်ယောက်ဖြစ်သလို အိမ်ထောင်ရေးအကြံပေးတစ်ယောက်ဖြစ်တဲ့ မစ်တရာမာနူဟာရဲ့ အိမ်ထောင်ရေးလမ်းညွှန်ချက်တွေကနေ ထောက်ပြပေးသွားမှာပါ ။ ဒါ့အပြင် စုံတွဲပေါင်းများစွာရဲ့ သူတို့ရဲ့ ဆက်ဆံရေးမှာ ဖြစ်လေ့ရှိတဲ့ ပြဿနာတွေပါ ပြောပြပေးထားတာမလို့ ဇာတ်လမ်းလေးကို ကြည့်ရှုရင်းနဲ့ ကိုယ်ပိုင်အိမ်ထောင်ရေးတို့ သမီးရည်းစားဆက်ဆံရေးတို့မှာ အဆင်ပြေစေမဲ့နည်းလမ်းလေးတွေကို ကြည့်ရှုရမှာမလို့ ကြည့်ရှုရင်း ခံစားအားပေးကြည့်ကြပါဦး... ဒီဇာတ်လမ်းလေးကိုတော့ Dee ~ Aditi ~ YH ~ KKKZ မှ ဘာသာပြန်ဆိုပြီး အညွှန်းရေးပေးထားပါတယ်။ ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size…2GB  / 900MB Quality…1080p WEB DL / 720p Format…mp4 Duration….2h 33m Subtitle….Myanmar Subtitle (Hard Sub) Encoder….YK Translated by Dee ~ Aditi ~ YH ~ KKKZ

Saandrithazh (2023)"တဝဲလည်လည်" IMDb 8.3/10 အသစ်ထွက်လာတဲ့ တမီလ်စကားပြော ကျေးလက်အချစ်ဟာသရုပ်ရှင်လေးကို စီအမ်အိန္ဒိယပရိသတ်တွေအတွက် တင်ဆက်ပေးလိုက်ပါတယ်။ ကာရူဗာရိုင်ဆိုတဲ့ ရွာလေးဟာ ရေလည် ခေတ်ရှေ့ပြေးတဲ့ ရွာလေးပါ။ တစ်ရွာလုံးမှာ တိုက်တွေချည်းပဲရှိပြီး စီစီတီဗွီ အပြည့်တပ်ထားတဲ့ စံပြကျေးရွာဆုကိုတောင်ရတဲ့ ရွာလေးပေါ့။ ရွာက ခေတ်ရှေ့ပြေးပေမဲ့ ရွာသားတွေကတော့ ရှေးရိုးစွဲကြပြီး စည်းကမ်းအင်မတန် တင်းကျပ်ထားတာ အစိုးရက ပေးတဲ့ စံပြကျေးရွာဆုကိုတောင်ငြင်းပြီး ဆုလာပေးတဲ့ ဝန်ကြီးကိုပါ ရွာထဲပေးမဝင်တဲ့အထိ ခေါင်းမာကြပါတယ်။ အဲဒီလို ခေတ်ရှေ့ပြေးပြီး ခေတ်နောက်ကျတဲ့ ရွာလေးကို စိတ်ဝင်စားတာကြောင့် သတင်းယူဖို့အတွက် သတင်းထောက်မလေးတစ်ယောက် ခိုးဝင်လာတဲ့အချိန်မှာတော့...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size… 3GB/ 1.2GB Quality…WEB DL 1080p /720p Format…mp4 Duration….2h 10m Subtitle….Myanmar Subtitle (Hard Sub) Encoder….YK Translated by CM Bollywood Team

IMDb-8.5/10 ဟာသမင်းသားစူပါစတား Santhanam ခေါင်းဆောင်ပါဝင်ထားပြီး ရှာရွတ်တို့ခေတ်တည်းက ဟာသဇာတ်ပို့အနေနဲ့ မြန်မာပရိသတ်တွေနဲ့ရင်းနှီးပြီးသား အန်ကယ်ကြီး Brahmanandam လည်း ပါဝင်ထားပါတယ်။ ဒီကားထဲက ရှီဗာနီ့ဘော့စ်နေရာမှာ ပါဝင်ထားတဲ့ ဇာတ်ပို့သရုပ်ဆောင်ကြီး Manobala မကွယ်လွန်ခင် နောက်ဆုံးသရုပ်ဆောင်‌သွားတဲ့ကားလည်းဖြစ်ပါတယ်။ ဆိုတော့ ဒီကားက ရိုက်ကွင်းရိုက်ကွက်ထက် ဒီဟာသအကျော်အမော်တွေရဲ့ ကြိုးစားမှုနဲ့ အမှတ်တရအဖြစ် ရှုစားကြည့်သင့်တဲ့ ဇာတ်ကားတစ်ကားပါ ဇာတ်လမ်းအညွှန်း ရှီဗာနီနဲ့ ဆန်တို့ရှ်ဆိုတာ အပြိုင်ကြော်ငြာအေဂျင်စီ ကုမ္ပဏီနှစ်ခုမှာ လုပ်ကြသူတွေ ၊ သူတို့အချင်းချင်းလည်း အပြိုင်အဆိုင်တော်ကြချဲကြသူတွေပေါ့ ဆန်တို့ရှ်က အမြဲဉာဏ်များပြီးနှာတဖျားသာနေတာကြောင့် ရှီဗာနီက ကြော်ငြာကောင်စီကို တိုင်စာတင်တာကအစပြု သူတို့တွေ့ကြတော့တာပါပဲ ဒီနယ်ပယ်အတွင်းက အတော်ဆုံးလူနှစ်ယောက်ထိပ်တိုက်တွေ့ကြတဲ့ပွဲကို အရယ်အမောအလွဲအချော်လေးတွေနဲ့ ကြည့်ရှူရမှာပါ အညွှန်းနှင့် ဘာသာပြန်သူတွေကတော့ BpL ~ Zwe ~ Dee ~ Alex ~ Yoon ~ KKKZ တို့ပဲဖြစ်ပါတယ် File size…3.18GB / 1.35GB Quality…1080p  WEB DL /720p Format…mp4 Duration….2h 14m Subtitle….Myanmar Subtitle (Hard Sub) Encoder….YK Translated by BpL ~ Zwe ~ Dee ~ Alex ~ Yoon ~ KKKZ

Chandramukhi 2 (2023) (သို့) နှစ်ဘဝကလဲ့စား ဘောလိဝုဒ်သရုပ်ဆောင်တွေကြား တမူထူးတဲ့ရုပ်ရည်လေးနဲ့ မင်းသမီးချောလေး ကန်ဂနားကို တစ္ဆေမလေးအဖြစ်မြင်တွေ့ရမဲ့ကားဖြစ်ပါတယ် ဂမ္ဘီရဆန်ဆန် လျှို့ဝှက်ဆန်းကြယ်ပုံတွေက ဂျန်ဂျမားတို့ Plot နဲ့ သွားဆင်နေတာဖြစ်လို့ ကြည့်ရင်းနဲ့ ဂျန်ဂျမား vibe မျိုးရစေမှာပဲဖြစ်ပါတယ် ဇာတ်လမ်းအညွှန်း အရမ်းကို ချမ်းသာတဲ့မိသားစုတစ်စုက ပြဿနာပေါင်းသောင်းခြောက်ထောင်တတ်ပြီးတော့ မိသားစုပိုင် စက်ရုံလည်း မီးလောင်၊ လုပ်သမျှ အလုပ်တိုင်းကလည်း မဖြစ်၊ စေ့စပ်ခါနီး သမီးဖြစ်သူမှာလည်း ကားအက်စီးဒန့်ကြောင့်နဲ့ အောက်ပိုင်းသေသွားခဲ့ပြီး သမီးကြီးကလည်း ဘာသာမတူတဲ့သူနဲ့ ခိုးရာလိုက်ပြေးလို့ အဆက်အသွယ်ဖြတ်ထားရာကနေ ကလေးနှစ်ယောက်ရပြီးကာမှ လေယာဥ်ပျက်ကျပြီး ဆုံးသွားခဲ့ရပါတယ်။ ဒီလို ပြဿနာတွေ တောက်လျှောက်ဖြစ်နေတဲ့အတွက်ကြောင့် ဘာများဖြစ်တာလဲဆိုပြီးတော့ သူတို့ကိုးကွယ်နေတဲ့ ဂုရုကြီးကို ပင့်ပြီး မေးမြန်းတဲ့အခါမှာတော့ သူတို့က ဘုရားရှင်ကို နေ့စဥ်မပြတ် ပူဇော်ကိုးကွယ်နေပေမဲ့ ဘိုးဘေးတွေကိုတော့ ပစ်ထားခဲ့တဲ့အတွက် ဘိုးဘေးတွေကနေ အမျက်ထွက်ပြီးတော့ အခုလိုဒုက္ခတွေ ကြုံတွေနေရတာဖြစ်ကြောင်း၊ ဒီဒုက္ခတွေကနေ လွတ်မြောက်အောင် ဘိုးဘေးတွေကို ပြန်ပြီးတော့ ပူဇော်ပေးရမှာဖြစ်ကြောင်း၊ ဘိုးဘေးတွေကို ပူဇော်တဲ့နေရာမှာလည်း သွေးသားတော်စပ်တဲ့ မိသားစုတိုင်းက ဘိုးဘေးတွေကိုးကွယ်ခဲ့တဲ့ ဘုရားကျောင်းကို သွားပြီးတော့ ၄၈ရက်ကြာအောင် သွားရောက် ပူဇော်ရမယ်ဆိုတဲ့ ဂုရုကြီးရဲ့ပြောကြားချက်ကြောင့်နဲ့ ဒီမိသားစုဟာ ဘိုးဘေးတွေကိုးကွယ်တဲ့ ဘုရားကျောင်းရှိရာမြို့လေးဆီကို လာရဖို့ ဖြစ်လာတဲ့အခါမှာ သူတို့ တစ်မိသားစုလုံး နေထိုင်နိုင်ဖို့အတွက် ဘုရားကျောင်းနဲ့လည်း နီးတဲ့ စံအိမ်ကြီးတစ်ခုကို ငှားလိုက်ရာကနေ အဲဒီစံအိမ်ကြီးထဲကို သူတို့တွေ ရောက်လို့လာခဲ့ကြတဲ့နောက်ပိုင်းမှာတော့ …….. စံအိမ်ကြီးထဲမှာ ဘယ်လို ဆန်းကြယ်မှုတွေ ရှိနေမလဲ.... သူတို့မိသားစုနဲ့ စံအိမ်ကြီးကရော ဘယ်လိုဆက်စပ်မှုတွေ ရှိနေမလဲ.... ၄၈ရက်ကြာ ပူဇော်ပြီးတဲ့ နောက်မှာရော သူတို့မိသားစုတွေရဲ့ ဆိုးနေတဲ့ကံတွေ ပြန်ကောင်းလာနိုင်မလား ဆိုတာကို စိတ်လှုပ်ရှားစွာနဲ့ အထိတ်တလန့် ကြည့်ရှုရမယ့် ဇာတ်လမ်းကောင်းလေး တစ်ပုဒ်ပဲ ဖြစ်ပါတယ် (ဒီဇာတ်လမ်းရဲ့ အညွှန်းနဲ့ ဘာသာပြန်ကတော့ CM Bollywood Team ကပဲ ဖြစ်ပါတယ်) ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…3.55GB  / 1.67GB Quality…1080p True WEB DL /720p Format…mp4 Duration….2h 37m Subtitle….Myanmar Subtitle (Hard Sub) Encoder….YK Translated by CM Bollywood Team

80s Buildup 2023 ဇာတ်လမ်းအကျဉ်း ဇမီးမိသားစုအိမ်တော်ဟာ မျိုးရိုးစဉ်ဆက်ချမ်းသာလာကြပြီး ရှေးဟောင်းရတနာတွေအိမ်မှာမြှုပ်ထားတယ်လို့ ဓားပြတွေတချောင်းချောင်းဖြစ်နေတဲ့အိမ်။ ထိုအိမ်မှာ ကာသီရ်နဲ့ မန်ဂျာကီလီတို့မောင်နှမနှစ်ယောက်ရှိပါတယ်။ စကားတစ်ခွန်းအပြန်အလှန်ပြောကြတာနဲ့တင် အချင်းချင်းထသတ်ကြတဲ့ မတည့်အတူနေတွေပါ။ သို့ပေမယ့်သူတို့နှစ်ယောက်မှာ ဝါသနာတူအကျင့်တစ်ခုရှိပါတယ်။ အဲဒါကတော့ အလောင်းအစားလုပ်ပြီးစိန်ခေါ်မှုလုပ်တာပါပဲ။ နှစ်ယောက်သား စိန်ခေါ်ရင် တိမ်ပေါ်ထိလိုက်မယ့်သူတွေပါ။ တစ်နေ့မှာ လူလိမ်အဖွဲ့တစ်ဖွဲ့ရတနာပစ္စည်းရှာဖို့အိမ်ကိုရောက်လာပြီး မတော်တဆမှုတစ်ခုကြောင့် အဖိုးဖြစ်သူရုတ်တရက်ဆုံးသွားရှာပါတယ်။ ဒီလိုနဲ့အသုဘမှာ ရတနာရှာမယ့်သူခိုးကတစ်ဖွဲ့ အလောင်းအစားလုပ်ပြီး စိန်ခေါ်နေတဲ့မောင်နှမကတစ်ဖွဲ့ အမွေခွဲပေးဖို့ကိုသာ မျက်စိကျနေတဲ့တစ်ဖွဲ့ အဲလိုနဲ့ပဲ အဖိုးဖြစ်သူအသုဘဟာ ပြဿနာအရှုပ်ထုပ်တွေကြား ‌အေးအေးချမ်းချမ်းနဲ့ ပြီးသွားနိုင်မလားဆိုတာကို အသုဘထဲရယ်ရမလိုလို ငိုရခက်စေမယ့် တမီးလ်ဇာတ်ကားကောင်းတစ်ကားကို တင်ဆက်ပေးလိုက်ပါတယ်။ အညွှန်းနဲ့ ဘာသာပြန်ကတော့ CM Bollywood Team မှဖြစ်ပါတယ်။ ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…2.96GB / 1.4GB Quality…WEB DL 1080p / 720p Format…mp4 Duration….2h 2m Subtitle….Myanmar Subtitle (Hard Sub) Encoder….YK Translated by CM Bollywood Team

အာရ်သီဟာ အလုပ်လုပ်ရင်း တလွဲတချော်တွေ ဖြစ်တတ်တဲ့ ရဲစုံထောက်မလေးပါ။ တစ်နေ့မှာတော့ သူ့အဖေ ရဲမှူးအဖြစ်ကနေ အငြိမ်းစားမယူခင် ခက်ခက်ခဲခဲ ဖမ်းဆီးခဲ့ဖူးတဲ့ ရာဇဝတ်ကောင် ဒါးစ်ဟာ ထောင်ဖောက်ထွက်ပြေးသွားပါတယ်။ အဲဒီသတင်းကြားတာနဲ့ အာရ်သီလည်း ဒါးစ်ကို ပြန်ဖမ်းနိုင်ဖို့ အသည်းအသန် လိုက်ရှာတော့တယ်။ ဒါပေမဲ့ ဒါးစ်နောက်လိုက်ရင်း အလွဲအချော်တွေ ဖြစ်ပြီးတဲ့နောက် သူ့အိမ်မှာပါ အပမှီသလိုလို မသင်္ကာစရာအဖြစ်တွေ ကြုံလာရပါတယ်။ ကာဂျယ်အက်ဂါဝယ် ပါဝင်သရုပ်ဆောင်ထားတဲ့ တမီလ်စကားပြော သရဲဟာသကားဖြစ်ပြီး သူ ကလေးမွေးပြီးနောက် ပထမဆုံး ပြန်လည်ထွက်ရှိလာတဲ့ ရုပ်ရှင်ပါ။

RAW အဖွဲ့က နိုင်ငံတကာရာဇဝတ်သားတစ်ယောက်ကို အိန္ဒိယနိုင်ငံဆီ ဖမ်းခေါ်လာတုန်း လေယာဉ်ပျက်ကျသွားတာကြောင့် သူ့ကို ရဲစခန်းတစ်ခုမှာ တစ်ညထိန်းသိမ်းထားဖို့ ဖြစ်လာပါတယ်။ ဒါပေမယ့် အဲဒီညမှာပဲ ရဲစခန်း ဝင်စီးခံရပြီး စခန်းထဲက ရဲတွေအားလုံး အသတ်ခံလိုက်ရတယ်။ ဖမ်းထားတဲ့ ရာဇဝတ်သားလည်း လွတ်သွားပါတယ်။ ဒီဖြစ်ရပ်ကြောင့် ရာထူးဆိုင်းငံ့ခံလိုက်ရတဲ့ ရဲအရာရှိက လွတ်သွားသူကို ပြန်ဖမ်းဖို့ သန္နိဋ္ဌာန်ချထားတယ်။ ရာဇဝတ်သားကို ရင်ဆိုင်ဖို့ မီးကိုမီးနဲ့ ငြှိမ်းမယ့်နည်းကို ရွေးလာတဲ့အခါ ဇာတ်လမ်းက ဆက်သွားပါတယ်။ ချီရန်ဂျီဗီး၊ ရဗီတေဂျားနဲ့ ရှရူတီးဟာစန်းတို့ ပါဝင်သရုပ်ဆောင်ထားတဲ့ အက်ရှင်ရုပ်ရှင်ဖြစ်ပြီး ရိုက်ကူးစရိတ် ရူပီကုဋေ ၁၄၀ အသုံးပြုကာ ဝင်ငွေ ၂၃၃.၀၅ ကုဋေ ရရှိခဲ့ပါတယ်။

သားဖွားဆရာမအမေ၊ အရက်သမားအဖေနဲ့ အရာရာကို အဆိုးမြင်တတ်တဲ့ သမီးတို့ နေထိုင်တဲ့အိမ်ကို လူတစ်ယောက် ရောက်လာပါတယ်။ သူယူလာတဲ့စကားက ကြွယ်ဝခြင်းနတ်ဘုရားက သူတို့ဆီ ကြွယ်ဝမှုတွေ ပို့လိုက်ပြီဆိုတာပါ။ အဲဒီစကားအဆုံးမှာပဲ ငွေထုပ်ပိုက်ထားတဲ့ လူတစ်ယောက် တကယ်ရောက်လာတဲ့အခါ မိသားစုရဲ့ အခြေအနေတွေ ပြောင်းလဲလာတော့တယ်။ လိုချင်တာကို များများနဲ့ မြန်မြန်ရဖို့ အဆင်အခြင်မဲ့ လုပ်မိရင် ရှိပြီးသားပါ ဆုံးရှုံးရနိုင်တယ်ဆိုတဲ့ ပုံပြင်သင်ခန်းစာမျိုးကို အခြေခံထားပါတယ်။ လက်ရှိဖြစ်ရပ်တွေ၊ ပုံပြင်နဲ့ ဘာသာရေးအယူအဆတွေကို လျှို့ဝှက်ဆန်းကြယ်တဲ့ ဇာတ်လမ်းအဖြစ် ချိတ်ဆက်ထားပြီး မထင်မှတ်တဲ့ ဇာတ်ကွက်အလှည့်အပြောင်းတွေလည်း ပါဝင်ပါတယ်။

သားကို ချစ်လွန်းတဲ့ ဖခင်တစ်ယောက်ဟာ သားဖြစ်သူ စက်ရုပ်အင်ဂျင်နီယာဘွဲ့ရတဲ့အထိ ကျောင်းထားပေးခဲ့ပါတယ်။ သူဖြစ်စေချင်တာက သားကို မွေးရပ်မြေမှာပဲ နေ့စဉ်ရုံးတက်ရုံးဆင်းနဲ့ အလုပ်လုပ်စေချင်တာပါ။ သားကတော့ ဖခင်ကို မလွန်ဆန်နိုင်ပေမယ့် ကိုယ့်အနာဂတ်အတွက် နိုင်ငံခြားထွက် အလုပ်လုပ်ချင်နေတယ်။ သူနိုင်ငံခြားသွားချိန်မှာ အသက်ကြီးပြီဖြစ်တဲ့ အဖေ့ကို စောင့်ရှောက်ပေးနိုင်ဖို့ အိမ်တွင်းသူနာပြုတွေ ခေါ်ပေးပါတယ်။ ဒါပေမယ့် အဖေရဲ့ ဂွကျတဲ့အကျင့်ကြောင့် ရောက်လာသမျှသူတွေ ပြန်ထွက်သွားကြတယ်။ ဒီလိုအခက်ကြုံနေချိန်မှာ သားကို အလုပ်ခန့်ထားတဲ့ ကုမ္ပဏီက သားအဖနှစ်ယောက်လုံး အဆင်ပြေစေမယ့် အစီအစဉ်တစ်ခု လုပ်ပေးလာပါတယ်။

သားကိုချစ်ပေမယ့် ချစ်ကြောင်းထုတ်မပြတတ်တဲ့ ဖခင်တစ်ယောက်ကြောင့် သားဖြစ်သူကတော့ အဖေ့ဆီက အချစ်မခံရဘူးလို့ ထင်နေခဲ့ပါတယ်။ ၁၂ တန်းပြီးတဲ့အခါမှာလည်း အဖေ့ဖိအားကြောင့် “Best Engineering College” ကို သွားတက်ရပြန်တယ်။ ကောလိပ်ရောက်တော့ ကြော်ငြာထားတာတွေနဲ့ လက်တွေ့ကြုံရတာက တခြားစီ ဖြစ်နေပါတယ်။ တက္ကသိုလ်ရောက်ရင် ကိုယ်လုပ်ချင်တာ လုပ်နိုင်ပြီလို့ မျှော်လင့်ထားတဲ့ ကျောင်းသားတွေဟာ ဒီကောလိပ်မှာတော့ ထောင်ထဲရောက်သလို ခံစားကြရတယ်။ ဆယ်ကျော်သက်တွေဆိုတော့ ဖိနှိပ်လေလေ ပြန်ဆန့်ကျင်ချင်လေလေ ဖြစ်လာကြပြီး ဆရာတွေကို ဘယ်လိုပညာပြန်ပြကြမလဲဆိုတာ ဆက်တွေ့ရမှာပါ။ တမီးလ်ဘာသာစကားနဲ့ ရိုက်ထားတဲ့ အက်ရှင်၊ ဟာသ၊ အချစ်ဇာတ်ကားဖြစ်ပြီး ကောလိပ်ကျောင်းသားဘဝကနေ အိမ်ထောင်သည်ဘဝအထိ ဖြတ်သန်းမှုတွေကို ပြထားပါတယ်။ သူငယ်ချင်းတွေနဲ့အတူ အမှတ်တရဖန်တီးရတဲ့အချိန်တွေ၊ အချစ်နဲ့တွေ့ဆုံရတဲ့အရွယ်တွေကြားမှာ သားအဖနှစ်ယောက်ရဲ့ ဆက်ဆံရေးကိုလည်း တွဲဖော်ပြထားပါတယ်။

ပြိုင်ပွဲတိုင်းမှာ ပထမဆုရလေ့ရှိတဲ့ ခွေးသင်တန်းကျောင်းတစ်ခုက မျိုးကောင်းမျိုးသန့်ခွေးတွေကိုပဲ မွေးမြူထားပါတယ်။ တစ်နေ့မှာတော့ အဲဒီကျောင်းက Husky ခွေးမလေးတစ်ကောင် သားပေါက်ရာမှာ မျက်စိမမြင်တဲ့ ခွေးလေးတစ်ကောင် ပါလာတယ်။ အသုံးမဝင်တဲ့ခွေးတွေကို သတ်ပစ်ဖို့ အထက်က အမိန့်ပေးထားတာကြောင့် ခွေးလေးကို တောထဲခေါ်သွားကြပေမယ့် သတ်ဖို့လုပ်နေတုန်း လွတ်မြောက်သွားပါတယ်။ အဲဒီခွေးလေး ဆင်းမ်ဘာဟာ အာဂျွန်ဆိုတဲ့ ကလေးတစ်ယောက်နဲ့ ဆုံမိတယ်။ မျက်စိမမြင်ပေမယ့် အနံ့ခံအာရုံကောင်းတဲ့ ဆင်းမ်ဘာက အာဂျွန်ရဲ့အနံ့ကိုခံပြီး အိမ်အထိ လိုက်လာရာက သူ့ရဲ့ပြုစုစောင့်ရှောက်မှုအောက်မှာ ကြီးပြင်းလာပါတယ်။ ဒါပေမယ့် ဆင်းမ်ဘာကို သတ်ဖို့လိုက်ရှာနေတဲ့ လူနှစ်ယောက်ကတော့ လက်မလျှော့ကြသေးဘူး။ သူတို့ ဆင်းမ်ဘာရဲ့သတင်းကို ရသွားတဲ့နောက် ဘာတွေဆက်ဖြစ်လာမလဲ။ တစ်ဖက်မှာလည်း နှစ်စဉ်ကျင်းပတဲ့ ခွေးပြိုင်ပွဲထဲ ဆင်းမ်ဘာကို ဝင်ပြိုင်စေချင်ကြတော့ မျက်စိမမြင်တဲ့ခွေးလေးကို ဘယ်လိုလေ့ကျင့်ပေးပြီး ဝင်ယှဉ်ပြိုင်ကြမလဲ။

ဒီတစ်ခါမှာလည်း IMDB မှာ Voting 2K ကျော်နဲ့ Rating 6.7 အထိရရှိထားတဲ့ တမီလ်ကားကောင်းလေးနဲ့ မိတ်ဆက်ပေးချင်ပါတယ်။ ................................................... ဇာတ်လမ်းအကျဉ်း တမီလ်နာဒူး ပြည်နယ်မှာ မူးယစ်ဆေးကို အသုံးပြုပြီး အမျိုးသမီးတွေကို ခြိမ်းခြောက်ငွေညှစ်တဲ့ဂိုဏ်းတစ်ခုကို ကိုယ့်ရဲ့အဖွဲ့သားကိုပါရင်းပြီး ဖော်ထုတ်ခဲ့တဲ့ စစ်ဆေးရေးအရာရှိ ရူဒါရန် တစ်ယောက် ဆိပ်ကမ်းအပိုင်ရဲစခန်းကို ပြောင်းခဲ့ပါတယ်။ ရောက်ရောက်ခြင်းပဲ တန်ဖိုးကြီးမားလှတဲ့ မူးယစ်ဆေးဝါးတွေ ဖမ်းဆီးမိပြီးနာမည်တက်ရပြန်ပါတယ်။ တရက်မှာတော့ မူးယစ်ဆေးရောင်း၀ယ်နေတဲ့ ကလေးတွေနောက်ကိုလိုက်ရင်း မထင်မှတ်တဲ့အဖြစ်အပျက်တွေ ကြုံလာရတဲ့အခါမှာတော့ အကြောင်းစုံကိုရုပ်ရှင်ထဲမှာပဲ ခံစားကြည့်လိုက်ကြပါ။ Over Acting တွေ အနည်းငယ်ပါပေမယ့် ဇာတ်အိမ်ဇာတ်လမ်းတည်ဆောက်ပုံကောင်းတာကြောင့် တမီလ် ရုပ်ရှင်ကြိုက်သူတွေ လက်မလွှတ်သင့်တဲ့ ဇာတ်ကားတစ်ကားပါပဲ။ အညွှန်းနဲ့ ဘာသာပြန်ကတော့ Lwin Htoo Aung နဲ့ Sai Thurein Lynn ပဲဖြစ်ပါတယ်။ File size…2.64GB / 1.68GB Quality…1080p True Web Dl / 720p Format…Mp4 Duration….2h 48m Subtitle….Myanmar Subtitle (Hard Sub) Encoder….YK Translated by Lwin Htoo Aung & Sai Thu Rein

Aranmanai 3 (2021) Aranmanai ဇာတ်ကားတွေဟာ sequel အနေနဲ့ထွက်လာတာဟာဆိုရင် အခုဆို ၃ ကားမြောက်ရောက်ခဲ့ပြီဖြစ်ပါတယ်။ တမီးလ်လူထုရဲ့လူကြိုက်များသဘောကျတဲ့သရဲကားကောင်းဖြစ်တာနဲ့အညီ တစ်ကားပြီးတစ်ကားရိုက်ထုတ်ရတဲ့ ကားကောင်းလေးဖြစ်တာနဲ့အညီ ဇာတ်လမ်း ဇာတ်ကွက် ဇာတ်အိမ်ဟာ သိပ်ပြောစရာမရှိတဲ့ကားလေးဖြစ်ပါတယ်။ တမီးလ်ရုပ်ရှင်လောကရဲ့နာမည်ကြီးသရုပ်ဆောင်တွေပါဝင်ထားသလို တမီးလ်သရဲကားတိုင်းရဲ့ဇာတ်လိုက်ကျော် ကိုဘရိတ်ကီးပါဝင်ထားတဲ့ဇာတ်ကားကောင်းလေးတစ်ကားဖြစ်ပါတယ်။ ဇာတ်လမ်းအကျဉ်းလေးကိုညွှန်းရမယ်ဆိုရင်ဖြင့် သရဲခြောက်တဲ့ဟော်နန်းကြီးတစ်ဆောင်နဲ့ ဘယ်လိုခြောက်လို့ ဘာကြောင့်ခြောက်မှန်းမသိရတဲ့ပုစ္ဆာတစ်ခု၊ ဟော်နန်းကြီးမှာသရဲခြောက်တယ်ပြောလို့ငယ်စဉ်ကတည်းက ဟော်နန်းပိုင်ရှင်ဖခင်ဖြစ်သူရဲ့ဖယ်ကြည်ခြင်းကိုခံရတဲ့ကောင်မလေးတစ်ယောက်၊ ထိုကောင်မလေးလိုကိစ္စရပ်မျိုး ထိုဟောနန်းကြီးမှာနောက်ထပ်မွေးဖွားလာတဲ့ကလေးမငယ်‌လေးမှာလည်းကြုံတွေ့လာရတဲ့အခါ ဟော်နန်ကြီးကို သရဲခြောက်တယ်ပြောပြီးရောင်းစားဖို့ကြံနေတဲ့ဦးလေးဖြစ်သူနဲ့ မည်သို့မည်ပုံစခန်းဆက်ရမယ်၊ သရဲဘာလို့ခြောက်ရတယ်၊ ဇာတ်ရှုပ်‌တွေအကုန်ဘယ်လိုဇာတ်ထုတ်ပြေသွားမယ်ကိုတော့ ၂၀၂၁ ခုနှစ်မှာထွက်ရှိလာတဲ့ Aranmanai ဇာတ်ကားကောင်းလေးထဲမှာခံစားရင်ခုန်ပေးလှည့်ပါဦးခင်ဗျာ။ (ဒီဇာတ်ကားကို အညွှန်းရေးပေးထားသူကတော့ San Thu Aung ဖြစ်ပြီး ဘာသာပြန်ဆိုရေးသားပေးထားသူကတော့ Alias နဲ့ San thu Aung ပဲ ဖြစ်ပါတယ်) Size -  2.3 GB, 1.3GB Quality - 1080p HEVC, 720p IMDb Rating - 4.3/10 Format - mp4 Duration - 2H 35Min Type - Comedy, Drama, Horror Subtitle - Myanmar Subtitle (Hardsub) Translated by Alias & San Thu Aung Encoded by Ka Naung, Y

Kanchana 3 (2019) မြန်မာစာတန်းထိုး မင်္ဂလာပါ အိန္ဒိယတောင်ပိုင်းကား ပရိတ်သတ်တို့ရေ.... ဒီတစ်ခေါက် ပရိတ်သတ်ကြီးအတွက် ရွေးထုတ်တင်ဆက်ပေးလိုက်တဲ့ ဇာတ်ကားက မြန်မာပြည်မှာ တာတေကြီးရယ်လို့နာမည်ကြီးခဲ့တဲ့ Kanchana ဇာတ်ကားတွေရဲ့ သုံးကားမြောက်ကားဖြစ်တဲ့ Kanchana 3 ပါတဲ့ ခင်ဗျာ ။ ဒီကားဟာ အရှေ့မှာ 1 2 ထွက်ခဲ့ပြီး အောင်မြင်မှုတွေ ရခဲ့တဲ့ကားမို့ သုံ းကားမြောက်အဖြစ် ရိုက်ထားတဲ့ ကားပါ။ ဒီဇာတ်ကားမှာလည်း Kanchana ကားတွေမှာ ပုံမှန်မြင်တွေ့နေကျဇာတ်ကောင်ဖြစ်တဲ့ သရဲဆိုရင် ကြောက်ဒူးတုန်တတ်တဲ့ ရာဂဗားရယ်။ မတရားအသတ်ခံခဲ့ရတဲ့ ကာလီဆိုသူ မိဘမဲ့ဂေဟာ ပိုင်ရှင်နဲ့သူ့ချစ်သူ ရိုစီတို့ရယ် ။ ရာဂဗားတို့မိသားစုရယ်နဲ့ ဇာတ်လမ်းကို ရိုက်ပြထားတာပါ ။ အဖိုးနဲ့အဖွားရဲ့ နှစ်၆၀ပြည့် မင်္ဂလာနှစ်ပတ်လည်ကို သွားရင်း လမ်းမှာ ဝင်နားမိတဲ့ သစ်ပင်ကနေ နာနာဘာဝတွေကြောင့် ပူးကပ်ပါလာရာက စလို့... ရာဂဗားတို့မိသားစုကို နာနာဘာဝတွေက ခြောက်လှန့်ပုံ ၊ ဒီမကောင်းဆိုးဝါးအမှောင်လောကသားတွေကို မောင်းထုတ်ဖို့ကြိုးစားပုံတွေအပြင် . . . မိမိတည်ထောင်ထားတဲ့ မိဘမဲ့ဂေဟာ မီးရှို့ဖျက်ဆီးခံရပြီး ၊ မိမိရဲ့ အပေါင်းအသင်းမိတ်ဆွေတွေ ၊ မိမိရဲ့သွေးသားလိုဖြစ်နေတဲ့ မိဘမဲ့ကလေးတွေကို ထိပါးလာလို့ ပြန်လက်စားချေတဲ့ ကာလီဆိုတဲ့ လူတစ်ယောက်အကြောင်းကို တွေ့မြင်ရမှာဖြစ်ပါတယ် ။ သရဲကားဆိုတာထက် အကြမ်းပတမ်းတွေ ထိုးတဲ့ကြိတ်တဲ့ အက်ရှင်ခန်းတွေပါတဲ့ ကြည့်ပျော်ရှုပျော်ရှိလှတဲ့ ဇာတ်ကားတစ်ကားပါပဲ။ အိုဗာအက်ရှင်တွေကို မျှော်လင့်ထားတယ်ဆိုမှသာ ဒီကားကို ကြည့်ပါ။ တမီးလ်နာဒူးပြည်နယ်အကြိုက် ရိုက်ထားရတဲ့ အိန္ဒိယတောင်ပိုင်းကား စစ်စစ်မို့၊ တောင်ပိုင်းပရိတ်သတ်တွေကတော့ လက်ခုပ်လက်ဝါးတီးပြီး အားပေးကြဦးမှာအမှန်ပါပဲ၊။ ဘာသာပြန် နဲ့ အညွှန်းကတော့ Translated by Myint Thu (MLMC) ဖြစ်ပါတယ်။

Bigil (2019) [ 4K Quality ထိတင်ဆက်ထားပါပြီ။] IMDb - 7.5/10 တစ်ရပ်ကွက်လုံးရဲ့ အာဏာရှိ လူမိုက် မိုက်ကယ်၊ မိန်းမလည်း မရှိ၊ ကျားလည်းမကိုက်၊ သောက်သောက်စားစား လူရမ်းကားလေး။ တနေ့တော့ သူ့သူငယ်ချင်း ကာဒီးရ်ဟာ အမျိုးသမီးဘောလုံးအသင်းရဲ့ နည်းပြအဖြစ်နဲ့ အသင်းအတူ ဒေလီသွားဖို့ သူ့ဆီ ဝင်ပါတယ်။ မမျှော်လင့်ဘဲ မိုက်ကယ်ရဲ့ ရန်ကြွေးတွေကြောင့် နည်းပြဆရာ ကာဒီးရ်ကို ဓားချက်ထိခဲ့ရတယ်။ ကြယ်ပွင့်လေး ၁၅ပွင့်ရဲ့ တစ်ဦးတည်းသော ကယ်တင်ရှင် နည်းပြကာသီဟာ တစ်နှစ်တာ အနားယူရမယ်လို့ သိလိုက်ရစဉ်မှာတော့..... ဒီဇာတ်ကားထဲမှာတော့ ဗီဂျေးကို ဘောလုံးသမား၊ လူမိုက်ကြီး၊ နည်းပြ စသဖြင့် ပုံစံမျိုးစုံ မြင်ရပြီး အဖေလိုတစ်မျိုး သားလိုတစ်ဖုံ တွေ့ရမှာပါ။ အဖေ ပေးတဲ့ အိပ်မက်ကို သားမက်ခွင့်ရခဲ့ပေမဲ့... လွဲချော်ခဲ့ရတယ်။ ဒီအိပ်မက်တွေကို သူ ပြန်လည် အကောင်အထည်ဖော်ဖို့.. ကြိုးစားရင်း ထပ်လွဲချော်ခဲ့တယ်။ သို့ပေမဲ့.... 'တချို့အိပ်မက်တွေကို ကိုယ်မဖြစ်ခဲ့လို့ သူတပါးကို ဖြစ်စေချင်မိတာ လူတိုင်းရဲ့ ဆန္ဓပါ' 'ဒါပေမဲ့ ကိုယ့်အိပ်မက်ကိုတော့ ကိုယ်တိုင်ပဲ အကောင်အထည်ဖော်ရတာပဲမလား' File size… 9.3 GB / 3.3 GB / 2.1 GB Quality…WEB DL4K / 1080p HEVC/ 720p Format…mkv/ mp4 Duration…. 2h 57m Subtitle….Myanmar Subtitle (Hard Sub)

Aranmanai 2 (2016) ကျိန်စာသင့်ကလဲ့စား Imdb 4.4 လက်ရှိမှာ ၄ကားထိထွက်ရှိထားပြီးတော့ တစ်ခေတ်တစ်ခါက ရုံတင်ကားဖြစ်ခဲ့ပြီး box office အနေနဲ့ ၃၉၀ မီလီယံရရှိခဲ့တဲ့ ဝက်ဝက်ကွဲလူကြိုက်များခဲ့တဲ့ သရဲကားတစ်ကားပါ ‌ဘုရားကျောင်းပြုပြင်ဖို့ မြို့ကိုကာကွယ်ပေးထားတဲ့မယ်တော်ရုပ်ထုကို ခဏရွှေ့ဆိုင်းဖို့အကြောင်းဖန်လာတယ် ၁၀ရက်တာ ရတနာသေတ္တာထဲထည့်ပိတ်ထားရမှာဖြစ်ပြီး ဒီ၁၀ရက်အတွင်းမှာ မယ်တော်ရုပ်ထုကစွမ်းအားတွေပျောက်ဆုံးသွားမှာပါ ဒါအခွင့်အရေးကို အောက်လမ်းနဲ့ကမ္ဘာကြီးကိုအုပ်စိုးချင်ကြတဲ့ဘာဘာတို့အဖွဲ့က အမိအရအသုံးချပါတော့တယ် မယ်တော်ရုပ်ထုကိုဖယ်ပြီဆိုတည်းက အောက်လမ်းသုံးပြီး အိပ်ပျော်နေတဲ့ ပရလောကသားတွေကိုလှုပ်နှိုးခဲ့တယ် နိုးထလာခဲ့တဲ့ပရလောကသားတွေထဲမှာ သူတို့မကိုင်တွယ်နိုင်လောက်အောင်စွမ်းအားကြီးတဲ့မကောင်းဆိုးဝါးတစ်ကောင်ပါလာခဲ့ပါတယ် ထိန်းချုပ်မရတဲ့အဆုံး အုပ်လိုက်ထွက်ပြေးကြရင်း လူ့လောကထဲ ထွက်ပေါ်မလာသင့်တဲ့မကောင်းဆိုးဝါးတစ်ကောင်က ရောက်ရှိလာပါတော့တယ် ဒီ‌မကောင်းဆိုးဝါးကနိုးနိုးချင်းပဲ အိမ်ကြီးတစ်လုံးဆီ ရန်ငြိုးအပြည့်နဲ့ ဒေါသတကြီးထွက်သွားခဲ့တယ် သူတို့ကြားကဇာတ်လမ်းကဘာများဖြစ်မလဲ ဒီမကောင်းဆိုးဝါးကိုနှိမ်နင်းနိုင်သူရော ပေါ်လာပါ့မလားဆိုတာကိုတော့။။ ( အညွှန်းနဲ့ ဘာသာပြန်တွေကတော့ Yunni ~ ToMo ~ V ~ Zwe Yan ~ KKKZ တို့ပဲဖြစ်ပါတယ် ) File size… 4.78GB / 2.16GB Quality…WEB DL 1080p / 720p Format…mp4 Duration….2h 16m Subtitle….Myanmar Subtitle (Hard Sub) Encoder….YK Translated by Yunni ~ ToMo ~ V ~ Zwe Yan ~ KKKZ

Kanchana 2 (2015) IMDb(5.6/10) Muni လို့လည်း လူသိများတဲ့ Kanchana ရုပ်ရှင်ဇာတ်လမ်းတွဲကိုတော့ ဒါရိုက်တာ Raghava Lawrence က ရိုက်ကူးဖန်တီးထားတာပါ။ ဒီဇာတ်လမ်းတွဲထဲမှာ Muni (၂၀၀၇)၊ Kanchana (၂၀၁၁)၊ Kanchana 2 (၂၀၁၅) နဲ့ Kanchana 3 (၂၀၁၉) ဆိုပြီး ရုပ်ရှင် (၄) ကား ထွက်ရှိထားပြီး Kanchana 4 ကိုလည်း ဆက်လက်ရိုက်ကူးနေပါတယ်။ ထွက်ရှိခဲ့သမျှ ကားတိုင်းဟာ ရုံဝင်ငွေအများကြီးရရှိပြီး အောင်မြင်ခဲ့တာကြောင့် လက်ရှိမှာတော့ တမီးလ်ရုပ်ရှင် ဇာတ်လမ်းတွဲတွေထဲမှာ တတိယမြောက် ရုံဝင်ငွေအများဆုံး ဇာတ်လမ်းတွဲအဖြစ် ရပ်တည်နေပါတယ်။ ဒီဇာတ်ကားကိုလည်း မင်းသားကြီး Raghava Lawrence ကိုယ်တိုင်ရေး ကိုယ်တိုင် ဒါရိုက်တာလုပ် ကိုယ်တိုင် သရုပ်ဆောင်ထားပြီး မင်းသမီး Tapsee Pannu လည်းပါ၀င်ထားပါတယ်။သရဲကြောက်တတ်လွန်းလို့ ညဘက်ဆို အမေနဲ့မှ အိပ်ရတဲ့ ကင်မရာမန်း ရာဂါဗာနဲ့ TV အစီအစဉ်တစ်ခုအတွက် သရဲခြောက်တဲ့အိမ်ကြီးတစ်အိမ်ဆီ သွားရောက်ရိုက်ကူးဖို့ စီစဉ်‌နေတဲ့ ဒါရိုက်တာမလေး နန်ဒီနီ။ ရာဂါဗာ ဟာသရဲကြောက်တတ်လွန်းသူမို့ ဒီရိုက်ကူးရေးကိုမလိုက်ချင်ပေမဲ့ သူပိုးပန်းနေရတဲ့ နန်ဒီနီက ဒါရိုက်အဖြစ်နဲ့ဦးဆောင်မယ်ဆိုတော့ ကြောက်ကြောက်နဲ့ လိုက်လာခဲ့တာပေါ့။ဒီလိုနဲ့ သူတို့အဖွဲ့ ရိုက်ကူးရေးလုပ်ရင်းနဲ့ အဲဒီအိမ်ကြီးထဲမှာ ဝိညာဉ်အာဃာတတွေ၊ မကျွတ်မလွတ်သေးတဲ့ သရဲတွေနဲ့ ကြုံရပြီး နောက်ဆုံးမှာတော့...အဲဒီဝိညာဉ်တွေက ဘယ်သူတွေလဲ၊ သူတို့မှာ ဘယ်လိုနောက်ကြောင်းရာဇဝင်နဲ့ နာကျည်းချက်တွေ ရှိနေလဲဆိုတာကို.....။ File size… 2.9 GB / 1.9 GB Quality…WEB DL 1080p HEVC/ 720p Format…mkv/ mp4 Duration…. 2h 48m Subtitle….Myanmar Subtitle (Hard Sub)

Masss (2015) အခုမိတ်ဆက်ပေးချင်တဲ့ ဇာတ်ကားလေးကတော့ Horror ဆိုပေမယ့် အရမ်းကြောက်စရာကောင်းနေတာမျိုးမဟုတ်ပဲ တစ်ကားလုံးကို ဆက်ကြည့်နေချင်အောင်၊ စိတ်၀င်စားစရာကောင်းအောင် ဆွဲခေါ်သွားတဲ့ အက်ရှင်ဇာတ်ကားကောင်းလေးတစ်ကားဖြစ်ပါတယ်။ ဒီဇာတ်ကားမှာ မင်းသား Suriya က နှစ်ကိုယ်ခွဲ သရုပ်ဆောင်ထားပြီးတော့ ဇာတ်ကောင်နှစ်ယောက်လုံးက လူအတူတူပဲလို့ကိုမထင်ရအောင် သရုပ်ဆောင်ပီပြင်လွန်းနေတာပါ။ ဇာတ်လမ်းအကျဉ်းကတော့ ငယ်ကတည်းက မိဘမဲ့ဖြစ်ခဲ့တဲ့ မားစ်ဟာ သူ့သူငယ်ချင်း ဂျက် နဲ့အတူ ကြီးပြင်းလာခဲ့ပြီး ဓားပြတိုက်လုယက်မှုတွေ လုပ်ရင်းနေခဲ့ပါတယ်။ တစ်ရက်မှာ ငွေတွေဓားပြတိုက်ပြီးပြန်လာတုန်း ကားတိုက်မှုတစ်ခုနဲ့ကြုံခဲ့ရပါတယ်။ ဒါပေမယ့် ကံကောင်းထောက်မစွာနဲ့ အသက်မသေခဲ့ပဲ ပြန်သတိရလာတဲ့အခါမှာ သူဟာ သရဲတွေကိုပါ မြင်နိုင်လာခဲ့ပါတယ်။ အစပိုင်းမှာတော့ သရဲတွေနဲ့ပူးပေါင်းပြီး စီးပွားရှာ ကြီးပွားလာခဲ့ပေမယ့် ရှက်တီ ဆိုတဲ့ သရဲပေါ်လာတဲ့အခါမှာ သူ့ဘ၀ အလှည့်အပြောင်း‌ဖြစ်သွားခဲ့ပါတယ်။ မားစ် ဟာ တဖြေးဖြေးနဲ့ သူ့ဘ၀အဖြစ်မှန်တွေကို သိလာရပြီးတဲ့အချိန်မှာ ဘယ်လိုတွေဆက်ပြီး ရှေ့ဆက်သွားမလဲဆိုတာကို စိတ်၀င်တစား ကြည့်ရှူရမှာဖြစ်ပါတယ်။ File size…3.8GB  / 1.8GB Quality…1080p WEBDL / 720p Format…mp4 Duration….2h 31m Subtitle….Myanmar Subtitle (Hard Sub) Encoder….YK Translated by Haruko

Lingaa (2014) စောရရာဇာ လင်ဂါ မင်းသားကြီး ရာဂျ်နီကန့်ရဲ့ ကားဟောင်းလေးကို ပြန်ရှာတင်ဆက်ပေးလိုက်ပါတယ်။ ဆင်ဂါနူးရ်ရွာလေး သမိုင်းဝင် ဟိန္ဒူဘုရားကျောင်းတစ်ကျောင်းရှိပါတယ်။ အဲဒီဘုရားကျောင်းကို တည်ခဲ့တာက လင်ဂေဆွာရန်ဘုရင်ကြီးဖြစ်ပြီး အကြောင်းကြောင်းကြောင့် ဘုရားကြောင်းကိုပိတ်ထားရတာပါ။ နိုင်ငံရေးသမားတစ်ယောက်က အဲဒီဘုရားကျောင်းကို ဖျက်ချင်ပေမဲ့ ရွာသားတွေကတော့ လက်မခံဘဲ ဘုရားကျောင်းကို ပြန်ဖွင့်ချင်နေပါတယ်။ ဒါပေမဲ့ သူ့ဘုရားကျောင်းကို သူ့သွေးသားပဲဖွင့်ရမယ်လို့ ဘုရင်ကြီးကအမှာရှိတဲ့အတွက် ရွာထဲက ခပ်ထက်ထက်ကောင်မလေးတယောက်က ဘုရင့်သွေးသားကိုလိုက်ရှာဖို့ တာဝန်ယူလိုက်ပါတယ်။ သူရှာတွေ့တဲ့အချိန်မှာ ဘုရင်ရဲ့နောက်ဆုံးသွေးသား လင်ဂန်က သူ့အဘိုးဘုရင်ကြီးကိုစိတ်နာကာ အင်မတန်ကျွမ်းကျင်ပြီး ဉာဏ်ပြေးတဲ့ ပရော်ဖက်ရှင်နယ်သူခိုးတစ်ယောက်ဖြစ်နေတဲ့အခါ...။ File size… 4 GB / 2.5 GB Quality…WEB DL 1080p HEVC/ 720p Format…mkv/ mp4 Duration…. 2h 54m Subtitle….Myanmar Subtitle (Hard Sub)

Aranmanai (2014) "ကျိန်စာသင့်ကလဲ့စား" IMDb 5.3 ရုံတင်ငွေ သန်း ၂၂၀ ရခဲ့တဲ့ နာမည်ကြီး တမီးလ် ဟာသသရဲကား လေးကားမှ ပထမဆုံးရုပ်ရှင်ကို ပရိသတ်ကြီးအတွက် တင်ဆက်ပေးလိုက်ပါတယ် မြို့စွန်တစ်နေရာက ခမ်းနားလှတဲ့ ဘိုးဘွားပိုင်စံအိမ်ကြီးတစ်လုံးရှိတယ် ဘယ်သူမှမနေတာကြာပြီဖြစ်တဲ့ ဒီအိမ်ကြီးကို အိုက်ယာနာ ဆိုသူက ဝယ်ဖို့လုပ်လာတော့ စံအိမ်ကြီးရဲ့ အမွေခံသားသမီးသုံးယောက်ရဲ့ သဘောတူလက်မှတ်ရဖို့ လူလိုက်စုရတယ် တစ်ချိန်က မခေါ်မပြောတဲ့ မောင်နှမတွေလည်း အိမ်ကြီးကို ပြန်လာရတာရှိသလို ဘယ်ကမှန်းမသိတဲ့ စံအိမ်ပိုင်ရှင်အဘိုးကြီးရဲ့ မယားငယ်ရဲ့ မြေးဆိုသူကလည်း ပေါ်လာပါလေရော အမျိုးတွေစုံစုံလင်လင် စုဝေးနေတဲ့ အိမ်ကြီးမှာ ထူးဆန်းတဲ့ သဘာဝလွန်ခြောက်လှန့်မှုတွေ ဆက်တိုက် ကြုံလာရတဲ့အခါမှာ အိမ်ကိုရောင်းဖို့အရေး တစ္ဆေမရဲ့ အတိတ်ဇာတ်လမ်းကို အားလုံးပြန်လည်တူးဖော်ဖို့လုပ်ရင်းက … ဘယ်လိုတွေဆက်ဖြစ်မှာလဲ တမီးလ်သရဲကားတို့ရဲ့ ထုံးစံအတိုင်း အကြောက်တစ်ခါ အဖောက်တစ်လှည့်တင်ဆက်ထားတဲ့ ဇာတ်လမ်းလေးကို အားပေးကြပါဦး အညွှန်းနဲ့ ဘာသာပြန်ကတော့ V ~ ToMo ~ Yunni ~ Zwe Yan ~ KKKZ တို့ ဖြစ်ပါတယ် File size… 4.74GB / 2.23GB Quality…WEB DL 1080p / 720p Format…mp4 Duration….2h 40m Subtitle….Myanmar Subtitle (Hard Sub) Encoder….YK Translated by V ~ ToMo ~ Yunni ~ Zwe Yan ~ KKK

Poojai (2014)"ဆုတောင်းပွဲ" တမီလ်နာမည်ကျော်မင်းသား ဗစ်ရှယ်နဲ့ မင်းသားကြီး ကာမယ်လ်ဟာဆန်ရဲ့သမီး ရှရူတီဟာဆန်တို့ရဲ့ ၂၀၁၄ ခုနှစ်က ထွက်ရှိခဲ့တဲ့ အက်ရှင်ကားဟောင်းလေးတစ်ပုဒ်ကို ချန်နယ်မြန်မာပရိသတ်တွေအတွက် တင်ဆက်ပေးချင်ပါတယ်။ ဗာဆူဟာ အတိုးနင်းကန်တောင်းပြီး ငွေတိုးချေးစားတဲ့ တက်သစ်စ စီးပွားရေးသမားလေးပါ။ သူဟာ ဇာတ်လိုက်တွေရဲ့ထုံးစံ မဟုတ်မခံစိတ်ရှိသူဖြစ်ပြီး ထောင့်လည်းမကျိုးတာကြောင့် နယ်ခံဂိုဏ်းစတားတွေ မျက်မုန်းကျိုးတာခံနေရတဲ့သူပေါ့။ အလိုလိုမှ မျက်မုန်းကျိုးခံနေရတဲ့ဗာဆူဟာ တစ်နေ့မှာ ရဲတစ်ယောက်ကို သဝာ်ဖို့ကြိုးစားတဲ့ လုပ်ကြံရေးဂိုဏ်းတစ်ခုရဲ့အစီအစဉ်ကို မတော်တဆ ဖျက်မိသွားတဲ့အတွက် တစ်နွယ်ငင် တစ်စင်ပါဆိုသလို နောက်ဆက်တွဲပြဿနာတွေကြုံလာရတဲ့အတွက် ဖြေရှင်းဖို့ကြိုးစားရပုံတွေကို ဒီရုပ်ရှင်ထဲမှာ မြင်တွေ့ကြရမှာပါ...။ (ဒီရုပ်ရှင်အတွက် အညွှန်းနဲ့ဘာသာပြန်ကတော့ CM Bollywood Team ပါ။) File size…5.3GB / 2GB Quality…WEB DL 1080p / 720p Format…mp4 Duration….2h 34m Subtitle….Myanmar Subtitle (Hard Sub) Encoder….YK Translated by CM Bollywood Team

Thalaivaa (2013) "အမွေခံသား" IMDb 6.3 ရုပ်ရှင်နောက်တစ်ကားရိုက်ပြီးရင် အနားယူပြီး နိုင်ငံရေးလောကထဲကို ဝင်တော့မယ်လို့ သတင်းထွက်ထားတဲ့ အက်ရှင်မင်းသား Vijay ရဲ့ ၂၀၁၃ က ကားအဟောင်းလေးကို ပြန်တင်ပေးလိုက်ပါတယ် တမီးလ်စကားပြော action/thriller ဂန်းစကားကားတစ်ကား ဖြစ်ပါတယ် ဇာတ်လမ်းအကျဥ်းကတော့ ၁၉၈၈ ဘုမ်ဘေမှာ အဓိကရုဏ်းတစ်ခုဖြစ်ပွားပြီး သားအဖနှစ်ယောက်ကို လူတစ်စုရဲ့ အန္တရာယ်ကနေ ရာမာဒူရိုင်ဆိုတဲ့ လူက ဝင်ကယ်ပေးလိုက်ပါတယ် ရာမာဒူရိုင်ဆိုသူက ဘာရာဗီ တမီးလ်ပြည်သူ့ဂိုဏ်းတစ်ဂိုဏ်းရဲ့ အဖွဲ့ဝင်ဖြစ်ပြီး ပြိုင်ဘက်ဂိုဏ်းက တစ်နေ့ သူ့ရဲ့မိန်းမနဲ့ ဂိုဏ်းခေါင်းဆောင်ကို သတ်သွားရာကနေ ဂိုဏ်းခေါင်းဆောင်နေရာကို တာဝန်ဝင်ယူလိုက်ရပါတယ် မိတဆိုးသားလေး ဗစ်ရှ်ဝါ(Vijay)ကို သူကယ်ခဲ့တဲ့ သားအဖလက်ထဲ ထည့်ပေးလိုက်ပြီး အဝေးတစ်နေရာမှာ စောင့်ရှောက်ခိုင်းထားခဲ့ပါတယ် ဒီလိုနဲ့ ပစ္စုပ္ပန်ကာလမှာ ဗစ်ရှ်ဝါ လိုဂူနဲ့ သူ့သူငယ်ချင်းတို့ dance group ထောင်ပြီး သာမန်ဘဝလေးကို ဖြတ်သန်းနေပေမဲ့ ဘာရာဗီမှာ ကျန်ခဲ့တဲ့ အဖေဖြစ်သူ ဂိုဏ်းခေါင်းဆောင် ရာမာဒူရိုင် သေဆုံးပြီးနောက်မှာတော့.... ရေသန့်လုပ်ငန်းလုပ်ကိုင်နေတဲ့ dancer ခပ်ပေါပေါ ဗစ်ရှ်ဝါလည်း ဂေါ့ဖားသားထဲက မိုက်ကယ်ကော်လီယွန်နီလိုမျိုး မိသားစုတာဝန်ကို မဖြစ်မနေ ပခုံးထမ်းရမဲ့ အခြေအနေကို ရောက်လာတဲ့အချိန် ရှိရှိသမျှ ပဋိပက္ခတွေကို သူဆက်လက်ပြီး တာဝန်ယူဖြေရှင်းနိုင်ပါ့မလား တရားဥပဒေက ကာကွယ်မပေးထားနိုင်တဲ့ တမီးလ်နင်းပြားအဖိနှိပ်ခံပြည်သူတွေရဲ့ ကယ်တယ်ရှင်အဖြစ် Vijay ကို အက်ရှင်ဇာတ်ကွက် အချစ် အလွမ်း အနု အကြမ်း ရသ စုံလင်စွာ ခံစားကြည့်ရှုရမှာဖြစ်ပါကြောင်း အညွှန်းနဲ့ ဘာသာပြန်ကတော့ CM Bollywood Team ကပဲ ဖြစ်ပါတယ် ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >>https://t.me/cmbollywood ) File size…4.84GB / 1.9GB Quality…BluRay  1080p / 720p Format…mp4 Duration….2h 59m Subtitle….Myanmar Subtitle (Hard Sub) Encoder….YK Translated by CM Bollywood Team

Nanban (2012) ဒီဇာတ်ကားကတော့ တောင်ပိုင်းရုပ်ရှင်ချစ်ပရိသတ်အသည်းစွဲ မင်းသားကြီး ဗီဂျေးနဲ့ မင်းသမီး အီလ်ယာနာ ဒီခရုဇ်တို့ ပါဝင်ထားတဲ့ Comedy/Dramaအမျိုးအစားပဲဖြစ်ပါတယ်။ IMDb rating 7.8အထိ ရရှိထားတဲ့ တမီလ်ရုပ်ရှင်တစ်ကားပါ။ ဒီကားက အမာရ်ခန်းရဲ့ ဟင်ဒီရုပ်ရှင် 3idiots(2009)ကို Remakeပြန်လည်ရိုက်ကူးထားတာပဲဖြစ်ပါတယ်။ ဇာတ်လမ်းကတော့ ဘောလိ၀ုဒ်ပရိသတ်တွေ အလွတ်ရတဲ့အထိ မှတ်မိနေပြီးဖြစ်တဲ့အတိုင်း သူငယ်ချင်းသုံးယောက်နဲ့ပဲ ဇာတ်အိမ်တည်ထားတာပါ။ ဟင်ဒီရုပ်ရှင်ကို အမာရ်ခန်းတို့လို ဟင်ဒီသရုပ်ဆောင်တွေနဲ့ ကြည့်ဖူး စိတ်ထဲစွဲဖူးနေသူတို့အတွက် ခံစားမှု တမျိုးတမည်နဲ့ ကြည့်ရှုရမဲ့ တောင်ပိုင်းရုပ်ရှင်းကားလေးမို့ ကြည့်ရှုခံစားကြပါဦး။ အညွှန်းနဲ့ ဘာသာပြန်ကတော့ Thaik Sanပဲ ဖြစ်ပါတယ်။ ( CMရဲ့ ဘောလိဝုဒ်ရုပ်ရှင်နဲ့ စီးရီးသစ်တွေကို တယ်လီဂရမ်မှာလဲ တင်ဆက်နေပြီမလို့ ဒီချန်နယ်လေးမှာ ကြည့်ရှုအားပေးလို့ရပါတယ် Tele Link >> https://t.me/cmbollywood) File size… 3.5GB / 1.63GB Quality…WEB DL 1080p /720p Format…mp4 Duration….3h 8m Subtitle….Myanmar Subtitle (Hard Sub) Encoder….YK Translated by Thaik San

Kanchana ဒီကားက အခုလတ်​တ​လောမှာ ​ရေပန်​းစား​နေတဲ့ ရုံတင်​ကားကြီးဖြစ်​တဲ့ တာ​တေကြီးရဲ့ မူရင်​းဇာတ်​ကား​လေးပါ... ဇာတ်​လမ်​း ဇာတ်​ကွက်​​တွေက ​အထူး​ညွှန်​း​နေစရာ​တောင်​ မလိုအပ်​​တော့ပါဘူး... ရာဗာတို့သူငယ်ချင်း​အုပ်​စု ခရစ်​ကတ်​ ကစား​နေကြ ​မြေကွက်​လပ်​ကြီးက ကစားလို့မရ​တော့တဲ့အတွက်​ ​နေရာအသစ် ​သွားရှာတဲ့အခါမှာ...လူမရှိတဲ့ခြံကျယ်​ကြီးတစ်​ကွက်​ကို​တွေ့ခဲ့ပါတယ်​ ရာဗာတို့သူငယ်​ချင်​းအုပ်​စုက အဲ့ဒီခြံကျယ်​ကြီးထဲမှာ ခရစ်​ကတ်​ကစားဖို့ ပြင်​ဆင်​​နေကြတဲ့အချိန်​မှာပဲ ​လေပြင်​း​တွေတိုက်​ ​ကောင်​းကင်​​တွေက မဲ​​မှောင်​လာခဲ့ပါ​တော့တယ်​ ရာဗာတို့​တွေလဲ ​ကြောက်​အားလန်​့အားနဲ့ အိမ်​ပြန်​​ပြေးကြတဲ့အခါမှာ​တော့ ရာဗာရဲ့ ခရစ်​ကတ်​ကစားတဲ့တုတ်​မှာ အဲ့ဒီခြံကျယ်​ကြီးထဲက မ​ကောင်​းဆိုးဝါးကလိုက်​လာခဲ့ပါ​တော့တယ်​.... သရဲဆိုရင်​ အသံ​တောင်​ကြားမရ​အောင်​​ကြောက်​တတ်​တဲ့ သတ္တိခဲရာဗာဆီမှာမှ အမုန်​း​တွေ အညှိုး​တွေ အာဂတ​တွေနဲ့ ပြည်​့​နေတဲ့ ခြံကျယ်ကြီးထဲက သရဲ​တွေ ဝင်​​ရောက်​စီးကပ်​သွားတဲ့အခါမှာ​တော့... ရာဗာတို့မိသားစု​တွေ ဘယ်​လိုအ​ခြောက်​အလှန်​့​တွေနဲ့ ရင်​ဆိုင်​သွားရမလဲ... ရာဗာကိုယ်​တိုင်​က​ရော ဘယ်​လိုပုံစံမျိုး​တွေ​ပြောင်​းလဲသွားမလဲ... ရာဗာ့ဆီမှာ ဝင်​ပူးခဲ့တဲ့သရဲ​တွေက​ရော ဘယ်​လိုအ​ကြောင်​း​ကြောင်​့လဲဆိုတာ​တွေကို​တော့ ဇာတ်​လမ်​းဆုံးသည်​ထိ သည်းထိတ်ရင်ဖို​​​နဲ့ ကြည်​့ရှုခံစားရမယ်​့ဇာတ်​ကားတစ်​ကားဖြစ်​ပါတယ်​... သရဲကားကြိုက်​နှစ်​သက်​သူ​တွေအတွက်​ အထူးညွှန်​းစရာမလို​ပေမယ်​့ သရဲကားမကြည်​့ရဲတဲ့သူ​တွေအတွက်​လဲ ဟာသ​လေး​တွေနဲ့မို့ မ​ကြောက်​ပဲကြည်​့ကြပါလို့ ညွှန်​းချင်​ပါတယ်​ Qty - 720p Blu-ray Duration - 2hr 30min Gern - Horror/ Thrill Translator - Mie Mie Review - Mie Mie Encoder - Kyaw Ye Aung