Mark Heap ပါဝင်သော ဇာတ်ကားများ

Can You Keep a Secret? (2026) S1 +++++++++++++++ အပိုင်း ( ၁ မှ ၆ ) အထိ စ / ဆုံး ဒီဇာတ်လမ်းတွဲဟာ ဗြိတိန်နိုင်ငံမှာ အမှန်တကယ်ဖြစ်ပွားခဲ့တဲ့ "Canoe Man"အမှုကို အခြေခံပြီး ခပ်နောက်နောက် ခပ်ရွှဲ့ရွှဲ့ ပုံစံနဲ့ ပြန်လည်ရိုက်ကူးထားတဲ့ Dark Comedy အမျိုးအစား ဖြစ်ပါတယ်... ဇာတ်လမ်းကတော့ ဒက်ဘီဖန်ဒန်ဆိုတဲ့ အမျိုးသမီးကြီးဆီကနေ စတင်ပါတယ်။ သူမရဲ့ခင်ပွန်း ဝီလီယမ် ဟာ မတော်တဆမှုတစ်ခုမှာ သေဆုံးသွားပြီလို့ လူတိုင်းက မှတ်ယူလိုက်ကြတဲ့အခါ ဒက်ဒီက အမှန်တရားကို ဖွင့်မပြောဘဲ "အသက်အာမခံကြေး" ရဖို့အတွက် အကွက်ချပါတော့တယ်။ သူမဟာ ဝီလီယမ်ကို အပြင်လောကမှာ သေဆုံးပြီးသားလူအဖြစ် ဟန်ဆောင်ခိုင်းပြီး သူတို့အိမ်ရဲ့ အိမ်ခေါင်မိုးထပ်ထဲမှာ နေခိုင်းထားလိုက်ပါတယ်။ ဒါပေမဲ့ ပြဿနာက အဲဒီမှာတင် မပြီးသွားပါဘူး။ လျှို့ဝှက်ချက်ကို သိနေတဲ့ သူတို့ရဲ့သားဖြစ်သူ ဟယ်ရီဟာ စိတ်ဖိစီးမှုတွေကြောင့် ရူးကြောင်ကြောင် ဖြစ်လာသလို ဟယ်ရီရဲ့ ဇနီးကလည်း ရဲအရာရှိ တစ်ယောက် ဖြစ်နေတဲ့အခါမှာတော့... အိမ်ခေါင်မိုးပေါ်က ခင်ပွန်းသည်ကို ဘယ်လိုဆက်ဖုံးကွယ်မလဲ? ဘယ်သူတွေကရော "စပိုင်" လုပ်နေကြတာလဲ? ဆိုတာကို ရင်တထိတ်ထိတ်နဲ့ ဟာသနှောပြီး ကြည့်ရှုရမှာပါ..... Size – 497MB Quality –WEB-DL 1080p HEVC Episodes -  6 Eps Duration -  30m Subtitle – Myanmar Hardsub Format – mkv Genre :  Comedy

The Magic Faraway Tree (2026) ++++++++++++++ IMDb Rating (6.8) / Rotten Tomatoes (91%) ဒီကားလေးက ကလေးစာရေးဆရာမကြီး Enid Blyton ရဲ့ နာမည်ကျော်စာအုပ်ကို အသက်သွင်းရိုက်ကူးထားတဲ့ Fantasy Adventure ကားကောင်းလေးတစ်ကားပါ။ Rotten Tomatoes မှာ 91% အထိ ရထားပြီး မိသားစုနဲ့အတူတူ အပန်းဖြေကြည့်လို့ကောင်းတဲ့ ရုပ်ရှင်မျိုးပါ။ ဇာတ်လမ်းအကျဉ်း +++++++++++ ဇာတ်လမ်းက Thompson မိသားစုကို အဓိကထားရိုက်ကူးထားတာပါ။ အဖေဖြစ်သူ Tim (Andrew Garfield) နဲ့ အမေ Polly (Claire Foy) တို့က မြို့ပြမှာနေပြီး နည်းပညာတွေနဲ့ပဲ အချိန်ကုန်နေကြသူတွေပေါ့။ သူတို့ရဲ့ ကလေးသုံးယောက်ဖြစ်တဲ့ Beth, Joe နဲ့ အငယ်ဆုံးလေး Fran တို့ကလည်း ဖုန်းနဲ့ အင်တာနက်မရှိရင် မနေနိုင်တဲ့ ကလေးတွေပါ။ တစ်ရက်ကျတော့ Polly ရဲ့ ကုမ္ပဏီက ပြဿနာတစ်ခုကြောင့် သူ အလုပ်ထွက်လိုက်ရတယ်။ အဲဒီအချိန်မှာ Tim ကလည်း သူတို့ရဲ့ အိပ်မက်ဖြစ်တဲ့ နယ်ဘက်ကိုပြောင်းပြီး ခရမ်းချဉ်သီးဆော့စ် စီးပွားရေးလုပ်ဖို့ ဆုံးဖြတ်လိုက်ပါတယ်။ အဲဒါနဲ့ သူတို့မိသားစု နယ်က ကျီအဟောင်းကြီးတစ်ခုကို ပြောင်းသွားကြတယ်။ လယ်သမားတွေက အိမ်ကို ပြင်ဆင်ဖို့ သူတို့ကို ၃ ပတ်လောက် အချိန်ပေးထားတယ်။ အဲဒီမှာက လျှပ်စစ်မီးလည်း မရှိ၊ အင်တာနက်လည်း မရတော့ ကလေးတွေအတွက် အခက်တွေ့တာပေါ့။ ဒါပေမဲ့ ခြံထဲမှာဆော့ရင်းနဲ့ စကားမပြောတဲ့ Fran လေးက Silky ဆိုတဲ့ နတ်သမီးလေးတစ်ပါးနဲ့ တွေ့ရာကနေ တစ်ခါမှ မမြင်ဖူးတဲ့ မှော်သစ်ပင်ကြီး (The Magic Faraway Tree) ကို သွားတွေ့ကြတယ်။ အဲဒီသစ်ပင်ကြီးပေါ်မှာ Moonface, Saucepan Man, Dame Washalot စတဲ့ ထူးဆန်းပြီး ချစ်စရာကောင်းတဲ့ သတ္တဝါတွေ နေထိုင်ကြပါတယ်။ အဲဒီသစ်ပင်ကြီးရဲ့ ထိပ်ဆုံးကနေတစ်ဆင့် နေ့တိုင်း မတူညီတဲ့ မှော်ကမ္ဘာတွေကို ရောက်သွားနိုင်တယ်။ ကလေးသုံးယောက်စလုံး The Land of Goodies (မုန့်တွေအများကြီးရှိတဲ့ကမ္ဘာ), The Land of Spells (ဂါထာမန္တန်ကမ္ဘာ) တွေကို ရောက်သွားပြီး စွန့်စားခန်းတွေ ဖွင့်ကြတာကို စိတ်ဝင်စားစရာ ကြည့်ရမှာပါ။ အခက်အခဲတွေ တွေ့လာတဲ့အခါ ဂါထာမန္တန်တွေ ရှာပြီး အဖေ့ရဲ့ စီးပွားရေးကို ကယ်တင်ဖို့ ကြိုးစားကြရင်း တဖြည်းဖြည်းနဲ့ ကလေးတွေက ဖုန်းတွေ၊ ဂိမ်းတွေကို မေ့လာပြီး သဘာဝတရားနဲ့ မိသားစုရဲ့ တန်ဖိုးကို နားလည်လာကြပုံကို ရိုက်ကူးထားတာပါ။ Andrew Garfield, Claire Foy, Rebecca Ferguson, Nicola Coughlan (Bridgerton ထဲက မင်းသမီး) တို့လို နာမည်ကြီး သရုပ်ဆောင်တွေ အများကြီး ပါဝင်ထားပါတယ်။ ရုပ်ထွက်ပိုင်း အရမ်းလှပြီး အရောင်အသွေး စုံလင်တယ်။ Paddington ဇာတ်ညွှန်းရေးဆရာ Simon Farnaby က ရေးထားတာဆိုတော့ ဟာသလေးတွေနဲ့ ချစ်စရာကောင်းအောင် တင်ဆက်ထားပါတယ်။ နည်းပညာတွေကြားထဲမှာ ပျောက်ဆုံးနေတဲ့ မိသားစုဆက်ဆံရေးကို ပြန်လည်တည်ဆောက်ပုံ၊ သဘာဝတရားကို ချစ်မြတ်နိုးဖို့ စတဲ့ မက်ဆေ့ချ်ကောင်းကောင်းလေးတွေ ပေးထားပါတယ်။ အရမ်းလေးနက်တဲ့ ဇာတ်လမ်းကြီး မဟုတ်ပေမဲ့ ပေါ့ပေါ့ပါးပါးနဲ့ စိတ်ကူးယဉ်ကမ္ဘာထဲကို ရောက်သွားသလို ခံစားရမယ့် ကားလေးမို့ သေချာပေါက် ကြည့်သင့်တဲ့ ရုပ်ရှင်ကားကောင်း တစ်ကားဖြစ်ပါတယ်။ File Size… (1.57GB) / (843MB) Quality… WEB-DL 1080p HEVC / 720p Format…mkv / mp4 Duration…1h 50m Genre ….Adventure , Family , Fantasy Subtitle….Myanmar Subtitle (Hard Sub)

Apple TV+ ရဲ့ comedy စီးရီးအသစ် လာပါပြီ။ တစ်ခေတ်တစ်ခါက နာမည်ကျော်ကြားခဲ့တဲ့ လမ်းဓားပြ၊ လူဆိုး သူခိုးကြီး ဒစ်ခ်တာပင်ရဲ့ အကြောင်းကို ဟာသမြောက်စွာ ရိုက်ကူးတင်ဆက်ထားတဲ့ စီးရီးတစ်ခု ဖြစ်ပါတယ်။ ငယ်ရွယ်စဉ် သားခုတ်သမား အဖေဆီကနေ မွေးဖွားလာခဲ့ပေမဲ့ အကောင်သတ်ရတာလည်း ဝါသနာမပါ၊ စိတ်ကူးဉာဏ်ကလည်း ကောင်းတဲ့ ဒစ်ခ်တာပင်ဟာ သားခုတ်တဲ့အလုပ်ကို စွန့်လွှတ်လိုက်ပြီး လေလွင့်နေရင်းကနေ နာမည်ကြီးလမ်းဓားပြတစ်ဦးကို မတော်တဆ သတ်မိလိုက်တာကနေ သူ့ရဲ့ ဓားပြခရီးလမ်းကြီး စတင်လာပါတော့တယ်။ အဝတ်အစား ခပ်မိုက်မိုက်၊ ဓားပြတိုက်တာလည်း ညင်ညင်သာသာနဲ့ သူကို သူရသတ္တိနဲ့ ပြည့်စုံတဲ့ ဂန္ထဝင်ကြီးလို့ နောက်ပိုင်းခေတ်တွေမှာ တင်စားပြီး ပြဇာတ်တွေ၊ ဝတ္ထုတွေ အများကြီး ထွက်ရှိလာခဲ့ပါတယ်။ ဒါရိုက်တာ Ben Palmer နဲ့ George Kane တို့က ရိုက်ကူးထားပြီး I MDb 7 နဲ့ RT 85% ထိ ရရှိထားပါတယ်။ File size…    500 MB Quality… BluRay 1080p Format… mp4 Duration….  32 m Genre ..... Comedy Subtitle…. Myanmar Subtitle (Hard Sub) Encoder…. Thit San Khant Translated by EL MoH

The house(2022) ဒီတစ်ခေါက်ကာတွန်းလေးကအရင်ထွက်ခဲ့တာတွေနဲ့သိပ်မတူဘဲ တစ်ကားတည်းမှာပဲ ဖြစ်ရပ်၃ခုကို စုပြီးရိုက်ထားတာမျိုးပါ ဇာတ်လမ်းသဘောအရ တူညီတဲ့အိမ်တစ်လုံးထဲမှာပဲ မတူညီတဲ့အချိန်ကာလမှာမတူညီတဲ့ဇာတ်‌ကောင်တွေကမတူညီတဲ့ ဖြစ်ရပ်တွေဖြစ်ပျက်ခဲ့တာပါ ဘာတန်ကြေးမှပေးစရာမလိုတဲ့ အိမ်ကြီးအိမ်ကောင်းတစ်လုံးကို လက်ခံယူလိုက်မိပြီးနောက် အိမ်ကြီးရဲ့အညှို့ကိုခံလိုက်ရပြီး ကိုယ်က ကိုယ်သဘောအကျဆုံးအရာတွေအဖြစ် ပြောင်းလဲသွားခဲ့မယ်ဆိုရင်ရော လက်ခံမိကြဦးမှာလားအိမ်အကြောင်းကို မသိဘဲပြောင်းလာခဲ့မိပြီး နောက်ပိုင်းဘာတွေဆက်ဖြစ်သွားမလဲ ဘယ်သူတွေကသေဆုံးပြီး ဘယ်သူတွေကအသက်ရှင်ကျန်ရစ်နိုင်မှာလဲ Netflix ကထုတ်လွှင့်တဲ့ Animation ဖြစ်တာကြောင့် မကောင်းမှာတော့မပူရပါဘူးနော် "The House"ဆိုတဲ့အတိုင်းပဲ အိမ်ကြီးနဲ့ပတ်သက်ပြီး စိတ်ဝင်စားစရာတွေများတဲ့ ကာတွန်းကားတစ်ကားဖြစ်တာမို့ လက်မလွှတ်တမ်းကြည့်ရှုကြဖို့တိုက်တွန်းလိုက်ပါတယ်ရှင် အညွှန်းရေးသားသူက Yunni ဖြစ်ပြီး ဘာသာပြန်တွေကတော့ Yunni& Allena & HM ပဲဖြစ်ပါတယ် File size…1.1Gb / 591Mb Quality…1080p AAC 5.1Ch / 720p Format…mp4 Duration….1h 37min Subtitle….Myanmar Subtitle (hard sub) Encoder….Yk Translated by Yunni & Allena & HM

ခရစ္စမတ်အားလပ်ရက်မှာ ကိုယ့်အိမ်ကိုယ် ပြန်ကြမယ့် ဂျိမ်းစ်နဲ့ ဟေလီတို့ဟာ ဘူတာရုံမှာ လမ်းခွဲနှုတ်ဆက်ကြပါတယ်။ ချစ်စခင်စအချိန်ဆိုတော့ နှစ်ယောက်သား မခွဲချင်ကြဘဲ ခရစ္စမတ်ကို အတူတူဖြတ်သန်းဖို့ စိတ်ကူးမိကြတယ်။ ဒါနဲ့ ဟေလီက ဂျိမ်းစ်စီးမယ့်ရထားပေါ် တက်သွားသလို ဂျိမ်းစ်ကလည်း ဟေလီ့ရထားပေါ် တက်သွားပါတော့တယ်။ အတူနေချင်လို့ လုပ်လိုက်ကာမှ ရထားချင်းလွဲသွားပြီး ဟေလီက ဂျိမ်းစ်အိမ်ကို ရောက်သွားတယ်။ ဂျိမ်းစ်ကတော့ ဟေလီ့အိမ်မှာ ဧည့်သည်ဖြစ်နေရပါပြီ။ ချစ်သူက ဘေးမှာမရှိဘဲ သူ့မိသားစုနဲ့ ခရစ္စမတ်ကို ဖြတ်သန်းရတဲ့အခါ ဘယ်လိုအလွဲတွေ၊ ပြဿနာတွေ ကြုံကြရမလဲ။ မိသားစုနှစ်ခုဆီက အဖြစ်အပျက်တွေကို ယှဉ်တွဲပြထားတဲ့ အချစ်ဟာသဇာတ်ကားပါ။

ဟိုးရှေးရှေး ပုံပြင်ကမ္ဘာထဲမှာ အစွမ်းထက်တဲ့ ညီအစ်ကိုနှစ်ယောက်က သူတော်ကောင်းနဲ့ မိစ္ဆာကြား ဟန်ချက်ညီနေစေဖို့ မှော်ကျောင်းတစ်ကျောင်း တည်ထောင်ခဲ့ကြပါတယ်။ နှစ်တွေကြာလာတော့ မိစ္ဆာဘက်က ညီဖြစ်သူဟာ စွမ်းအားအားလုံးကို သိမ်းယူချင်လာပြီး အစ်ကိုကို သတ်ဖို့ ကြိုးစားခဲ့တယ်။ ဒါပေမယ့် မအောင်မြင်ဘဲ သူကိုယ်တိုင် သေဆုံးသွားခဲ့ပါတယ်။ အဲဒီနောက် ကျောင်းမှာ သူတော်ကောင်းဘက်ကပဲ အရေးသာလာခဲ့တာ နှစ် ၂၀၀ လောက် ရှိနေပါပြီ။ ဒီကျောင်းရဲ့ မိစ္ဆာဘက်မှာ ပုံပြင်ထဲက နာမည်ကြီးလူဆိုးတွေရဲ့ သားသမီးတွေ တက်ကြသလို သူတော်ကောင်းဘက်မှာလည်း ဘုရင်အာသာရဲ့သား၊ စနှိုးဝိုက်ရဲ့သမီးတို့လို ပုံပြင်ဇာတ်လိုက်တွေရဲ့ မျိုးဆက်တွေ တက်နေကြပါတယ်။ ပုံပြင်မျိုးရိုးထဲက မဟုတ်တဲ့ အပြင်လောကသားတွေလည်း တစ်ခါတလေ တက်ခွင့်ရပြီး သူတို့ကိုတော့ စာဖတ်သူတွေလို့ ခေါ်ကြတယ်။ တစ်နေ့မှာ စိတ်ထားကောင်းတဲ့ ဆိုဖီနဲ့ ဂျစ်ကန်ကန်နိုင်တဲ့ အက်ဂ်သာတို့ ဒီကျောင်းဆီ စာဖတ်သူတွေအဖြစ် ရောက်လာကြပါတယ်။ သူတို့နှစ်ယောက် ရောက်လာပြီးနောက် သူတော်ကောင်းနဲ့ မိစ္ဆာတို့ရဲ့ အားပြိုင်မှု ဘယ်လိုပြောင်းသွားမလဲဆိုတာကို ဆက်ပြထားတဲ့ Netflix ရဲ့ မှော်စိတ်ကူးယဉ်ရုပ်ရှင်ဖြစ်ပြီး ကြာချိန် နှစ်နာရီခွဲခန့် ရှိပါတယ်။

ကဲ Three Flavours Cornetto Trilogy ထဲက နောက်တစ်ကားလာပါပြီ.... Cornetto Trilogy ဆိုတာကတော့ ဒါရိုက်တာ Edgar Wright ရိုက်ကူးပြီး မင်းသား Simon Pegg နဲ့ Nick Frost တို့အတွဲပါဝင်တဲ့  Shaun of The Dead (2004), Hot Fuzz (2007) နဲ့ The World’s End (2013) ဇာတ်ကားတွေပဲဖြစ်ပါတယ်။Trilogy ဆိုပေမယ့်တစ်ကားနဲ့တစ်ကားဆက်စပ်မှုတော့မရှိဘဲ အတည်ပေါက်ကြီးသရော်ထားတဲ့ရုပ်ရှင်အမျိုးအစားအဖြစ်သာ တူညီမှုရှိပါတယ်။ The World’s End (2013) ရုပ်ရှင်မှာတော့ Simon Pegg နဲ့ Nick Frost တို့အပြင် Martin Freeman , Rosamund Pike တို့လိုနာမည်ကျော်သရုပ်ဆောင်တွေပါအားဖြည့်ထားပါတယ်။ ဇာတ်လမ်းအကျဉ်းကတော့... သူငယ်ချင်း ၅ ယောက်ဟာ လွန်ခဲ့တဲ့ နှစ်ပေါင်း ၂၀ က မအောင်မြင်ခဲ့တဲ့ စစ်ဆင်ရေးကြီး တစ်ခုကို ပြန်လုပ်ကြဖို့ ကြံစည်လာကြပါတယ်။ အဲဒီ စစ်ဆင်ရေးကတော့ သူတို့မြို့ရဲ့ လမ်းတစ်လျှောက်လုံးက အရက်ဆိုင် အကုန်လုံးက အစကနေ အဆုံးထိ ရောက်အောင်တစ်ညထဲနဲ့ သောက်သွားဖို့ပါပဲ။ အရက်ကို ခွေးလိုဝက်လို့ သောက်ဖို့အကြံနဲ့ ဇာတိမြို့ကို ချီတက်လာတဲ့ ဇိုးတစ်သိုက်ဟာ သူတို့မြို့ကို ရောက်ရှိလာချိန်မှာတော့ မထင်မှတ်ထားပဲ လူသားအားလုံးနဲ့ ကမ္ဘာကြီးကို ကယ်တင်ဖို့ ဂြိုလ်သားတွေနဲ့ ရင်ဆိုင်လာရတဲ့အခါ...... ဒီရုပ်ရှင်က အတော်လေးလည်း ရယ်ရပြီး တွေးစရာလေးတွေလည်း ပေးထားမှာမို့ ကိုယ်တိုင်ကြည့်ပြီးမှ တွေးလို့ ပြုံးလိုက် လုပ်နေရမယ့် အမျိုးအစားမျိုးပါပဲ။ Cornetto Trilogy ၃ ကားစလုံး အတည်ပေါက်နဲ့ရယ်နေရတာမလို့ လက်လွတ်မခံသင့်ပါဘူး။ File size…(8 GB)/(1.8 GB )/(1 GB) Quality….BluRay 4K HEVC/ 1080p HEVC/ 720p Format…mkv/mp4 Duration….01:49:03 Subtitle….Myanmar Subtitle (Hardsub) Encoder….Ka Naung Translated by Dr.Shinobi

“အချစ်ရယ် မင်းအချစ်ကိုသာရမယ်ဆို မိုးပေါ်ကကြယ်ကို ဆွတ်ခူးရ ဆွတ်ခူးရပါ” တဲ့ ဒါပေမဲ့ မိုးပေါ်ကကြယ်လေးက ကောင်မလေးချောချောလေးဖြစ်နေခဲ့ရင်ရော?? ဟုတ်ပါတယ်။ ထရစ်စတန်သရုန်းတစ်ယောက် သူ့အချစ်ကိုသက်သေပြဖို့ ကြယ်ကိုလိုက်ရှာရာကနေ ကြယ်ကကောင်မလေးဖြစ်နေတဲ့အခါ… သူ့ချစ်သူဆီခေါ်ဆောင်သွားရာကနေ လမ်းခရီးမှာ ကြယ်လေးက သူထင်သလောက်ရိုးရှင်းမနေဘဲ အနှောင့်အယှက်မျိုးစုံနဲ့ ရင်ဆိုင်ရပါတော့တယ်။ ထရစ်စတန်သရုန်းကောင်လေးရဲ့နောက်ကြောင်းကလည်း သူထင်ထားသလို သာမာန်ဘဝလေးမဟုတ်ပါဘူး။ ဒီကားလေးက romance, mystery အကုန်ရောစပ်ထားဖြစ်တဲ့အတွက် စိတ်ကူးယဉ်ဆန်ဆန် ရိုတဲ့ကားကောင်းလေးတွေကြိုက်တတ်ရင်… အချစ်ကအရာရာကျော်ဖြတ်ရဲလောက်အောင် အစွမ်းရှိကြောင်း ပြောပြထားတဲ့ကားကောင်းလေးမို့ မလွတ်တမ်းကြည့်ကြပါလို့ တိုက်တွန်းလိုက်ပါရစေ။ File size…(1.79 GB) and (923.5 MB) Quality…1080p,720p Blu-Ray H264 FGT Format…mp4 Duration…2h 7min Subtitle….Myanmar Subtitle (Hardsub) Encoder…sithu Translator…Ngeu Mon

Charlie and the Chocolate Factory(2005) IMDb....6.7,,,,Rotten...82% ဝီလီဝန်ကာဟာ အကောင်းဆုံး ချောကလက်လုပ်တဲ့လူပါ...သူရဲ့ သူမတူတဲ့ချောကလက်လုပ်နည်းတွေကြောင့် လူတိုင်း သူ့ချောကလက်တွေကို နှစ်သက်ခဲ့ကြတယ်။ ဆိုင်ကလေးကနေ စက်ရုံကြီး တည်ထောင်နိုင်တဲ့အထိအကြီးအကျယ် အောင်မြင်ခဲ့တဲ့ ချောကလက်လုပ်တဲ့သူ ဖြစ်ခဲ့တယ်။အောင်မြင်မှုတိုင်းမှာ တန်ဖိုးဆိုတာ ရှိပါတယ်. ...ဒီလိုနဲ့ သူရဲ့ အကျနေ့တွေရောက်လာခဲ့တယ်။ တခြား ချောကလက်လုပ်သူတွေဟာ ဝီလီရဲ့ နည်းတွေကို သူလျှိုထည်ပြီး ခိုးခဲ့ကြပါတယ်...ဝန်ကာဟာ သိပ်မကြာခင်မှာပဲချောကလက်စက်ရုံကို ထာဝရ ပိတ်သိမ်းလိုက်ပါပြီလို့ ကြေညာခဲ့ပါတယ်..။ ထာဝရဆိုတာ...အချိန်အကြာကြီးဆိုတာကို ပြောတဲ့ နာမ်စားတစ်ခုပါပဲ...လူတွေကတော့ ထာဝရ ပိတ်သွားပြီပဲ ထင်ခဲ့ကြပါတယ်...စက်ရုံထဲကချောကလက်တွေ ထွက်မလာခင်အထိပေါ့.....။ ပြန်မွေးဖွားလာတဲ့ဝန်ကာရဲ့ စက်ရုံနဲ့ အတူ ပဟေဠိတွေ ပေါ်ပေါက်ခဲ့ပါတယ်... စက်ရုံထဲမှာ ဘယ်သူတွေ အလုပ်လုပ်နေကြာတာလဲ... . မစ္စတာဝန်ကာရော ဘာဖြစ်သွားခဲ့တာလဲ....။စက်ရုံတံခါးကြီးကတော့ ပိတ်ဆဲ.. လူတွေလည်း အံ့သြမြဲ..တစ်နေ့မှာ တော့...နှစ်ပေါင်းများစွာ လူအဝင်မခံခဲ့တဲ့ သူရဲ့ ချောကလက်စက်ရုံကြီးထဲကို ဝင်ဖို့ဖိတ်ခေါ်ခဲ့ပါတယ်။ ဖိတ်စာကတော့ ရွှေရောင် လက်မှတ် ၅စောင် ဖြစ်ပြီး ဒီ လက်မှတ်တွေကို ချောကလက်တွေရဲ့ အခွံံအောက်မှာ ထည့်သွင်းထားပါတယ်။ ၅ယောက်ထဲက တစ်ယောက်ကိုလည်း အထူးဆု တစ်ခုပေးဦးမယ်လို့ ပြောခဲ့တယ်။ တစ်ကမ္ဘာလုံးက ကလေးတွေ... ဒီ လက်မှတ် ၅စောင်ကို မရမက ရှာနေတဲ့အချိန်..မြို့အပြင် အိမ်အစုတ်ကလေးက ချာလီဆိုတဲ့ ကောင်လေးနဲ့ သူ့မိသားစုကတော့ရင်ခုန်စွာနဲ့ပဲ ဘယ်သူရသွားတယ်ဆိုတဲ့ သတင်းတွေကို စောင့်မျှော်နေခဲ့ရတယ်..။ မထင်မှတ်ပဲ ရွှေရောင် လက်မှတ်တစ်ခုကို ရလိုက်တဲ့ ချာလီကလေးဟာ.... ဝန်ကာရဲ့စက်ရုံထဲ တခြားကလေး လေးယောက်နဲအတူ ဝင်ခွင့်ရခဲ့တယ်။ ဝီလီဝန်ကာရဲ့ ချောကလက်စက်ရုံထဲမှာ ဘာတွေဖြစ်ဦးမလဲအထူးဆု ဆိုတာရော ဘာလဲ။ ဘယ်သူ ရမှာလဲ။...ဒါတွေကိုစက်ရုံထဲ ဝင်ခွင့်ရတဲ့ ကလေး၅ယောက်နဲ့အတူ လိုက်ပါစီးမျောကြည့်လိုက်ပါ။ဇာတ်လမ်းအညွှန်းနဲ့ ဘာသာပြန်သူကတော့ WiRa Aung ဖြစ်ပါတယ်.... File Size : (1.2 GB) and (2.1 GB) Quality : Blu-Ray 720p and Blu-Ray 1080p 5.1CH Format…mp4 Duration…01:55:00 Genre :  Adventure, Comedy, Family Subtitle : Myanmar Subtitle (Hard Sub) Translated by WiRa Aung Encoded by Xcode

Abou a Boy (2002) IMDB : 7.1 Rotten Tomatoes : 93% Genre : Romance / Romance / Drama About a Boy ဟာ ဖခင်ဖြစ်သူရေးစပ်ခဲ့တဲ့ သီချင်းကနေ ရတဲ့မူပိုင်ခွင့်နဲ့ အလုပ်လုပ်စရာမလိုဘဲ သက်သောင့်သက်သာ နေထိုင်နေတဲ့ လူပျိုကြီး Will Freeman (Hugh Grant) နဲ့ အသက် ၁၂ နှစ်အရွယ် ကလေးလေး Marcus Brewer (Nicholas Hoult) တို့အကြောင်းကို ရိုက်ကူးထားတဲ့ ဟာသ/ဒရာမာ ဇာတ်လမ်းလေးတစ်ပုဒ်ဖြစ်ပါတယ်။ Will ဟာ တာဝန်ယူရမှာကို ကြောက်ပြီး တစ်ကိုယ်ကောင်းဆန်တဲ့သူ၊ ပေါ့ပေါ့နေ ပေါ့ပေါ့စား သမားတစ်ယောက် ဖြစ်ပါတယ်။ သူဟာ အချစ်ရေးမှာ တာဝန်မယူချင်တာကြောင့် မိခင်တစ်ဦးတည်းရှိတဲ့ Single Mother တွေကို လိုက်လံပိုးပန်းဖို့အတွက် သူ့မှာ ကလေးရှိတယ်လို့ လိမ်ညာရင်းကနေ ကလေးလေး Marcus နဲ့ ဆုံတွေ့ခဲ့ပါတယ်။ Marcus ဟာ ကျောင်းမှာ အနိုင်ကျင့်ခံရတဲ့ ကလေးဖြစ်ပြီး၊ သူ့ရဲ့ မိခင် Fiona (Toni Collette) ကလည်း ပြင်းထန်တဲ့ စိတ်ကျရောဂါကို ခံစားနေရသူပါ။ အခြေအနေတွေအရ သူတို့နှစ်ယောက် ရင်းနှီးသွားပြီးနောက်မှာတော့ အပြန်အလှန် ကူညီမှုတွေ စတင်ပါတော့တယ်။ Will က Marcus ကို ကျောင်းမှာ အဆင်ပြေအောင် လူငယ်တွေရဲ့ ဖက်ရှင်၊ သီချင်းနဲ့ နေထိုင်ပုံတွေ သင်ပေးသလို၊ Marcus ကလည်း Will ကို ကိုယ်ချင်းစာတရား၊ သံယောဇဉ်နဲ့ တာဝန်ယူတတ်တဲ့ လူကြီးတစ်ယောက်ဖြစ်လာအောင် တဖြည်းဖြည်း ပြောင်းလဲပေးခဲ့ရင်း ဘာတွေဆက်ဖြစ်မလဲဆိုတာကို ခံစားကြည့်လိုက်ကြပါခင်ဗျာ။